ថ្នាំបំបាត់ផ្ដាសាយ និងថ្នាំបំបាត់ប្រតិកម្មចាញ់(អាលែកហ្ស៊ី) គឺជាក្រុមថ្នាំដែលព្យាបាលអាការ ទើបវាមានភាពប្រហាក់ប្រហែលគ្នា និងដូចគ្នាខ្លាំងណាស់ ដែលធ្វើឱ្យអ្នកជំងឺមានភាពយល់ច្រលំ និងច្របូកច្របល់ នៅពេលទិញថ្នាំមកទទួលទានដោយខ្លួនឯង។ មិនតែប៉ុណ្ណោះថែមទាំងធ្លាប់ជួបជាញឹកញាប់ គឺជំងឺភាពច្រើនប្រើប្រាស់ថ្នាំខុសប្រភេទថ្នាំ។
“ជំងឺគ្រុនផ្ដាសាយ” មានរោគបង្កមកពីរាងកាយដែលបានឆ្លងវីរ៉ុស បង្គុំដោយ2ក្រុមនៃអាការគឺ ក្រុមអាការគ្រុនក្ដៅ ដូចជា ឈឺក្បាល និងក្ដៅខ្លួនជាដើម។ ជំងឺគ្រុនក្ដៅខ្លះមានអាការឈឺប្រកាំងក្បាល និងមានអាការវិលមុខផងដែរ។ មួយទៀតគឺ ក្រុមអាការកណ្ដាស់ផ្ដាសាយ ដែលមានរោគសញ្ញាហៀរទឹកសំបោរ តឹងច្រមុះ និងក្អកជាដើម។
ចំណែកឯ “ជំងឺងាយប្រតិកម្មចាញ់ (អាលែកហ្ស៊ី)” អាចជួបប្រទះចាប់តាំងពីមានវ័យនៅក្មេងច្រម៉ក់មកម៉្លេះ និងមានរោគសញ្ញាដូចជា អាការចាញ់ទឹកដោះគោ ជំងឺប្រតិកម្មចាញ់បែបរោគសើស្បែក និងនៅក្នុងវ័យចម្រើនបន្ដិច ឬវ័យមនុស្សធំ ក៏សង្កេតឃើញមានរោគសញ្ញាដូចជា ប្រតិកម្មអាកាសធាតុ ជំងឺប្រតិកម្មសរសៃពួរ ជំងឺភ្នែក ជំងឺហឺត ជំងឺប្រតិកម្មអាហារគ្រឿងសមុទ្រជាដើម។ ចំពោះអ្នកជំងឺងាយប្រតិកម្មចាញ់ ដែលបានជួបប្រទះជាញឹកញាប់មានដូចជា ជំងឺចាញ់អាកាសធាតុ ដែលមានភាពស្រដៀងទៅនឹងជំងឺផ្ដាសាយ ដែលស្ដែងឱ្យឃើញអាការដូចជា ហៀរសំបោរ ក្អក និងឆួលច្រមុះ។ ហើយថ្នាំដែលមានប្រសិទ្ធភាពទាំងជំងឺប្រតិកម្មចាញ់អាកាសធាតុ និងជំងឺផ្ដាសាយគឺ ប្រភេទថ្នាំ Antihistamines ដែលវាមានគុណសម្បត្តិកាត់បន្ថយអាការកណ្ដាស់ ហៀរសំបោរ និងជួយបន្ថយអាការផ្សេងៗទៀត ដែលប្រភេទថ្នាំនេះ អាចប្រើប្រាស់បានទាំង2រោគជំងឺខាងលើ។ ដូច្នេះហើយ ថ្នាំព្យាបាលអាការប្រតិកម្មចាញ់មានដល់ទៅ2ក្រុមទៀតដូចជា ៖
1. ក្រុមថ្នាំ អ៊ីសស្តាមីន ដូចគ្នានឹងក្រុមថ្នាំខាង
លើ ឬថ្នាំអីុសស្ដាមីន ក្រុមថ្នាំងងុយគេងក្រុមថ្នាំនេះមាន ក្លរហ្វេនីរ៉ាមីន, ថ្នាំបំបាត់អាការប្រតិកម្មចាញ់គ្រាប់ពណ៌លឿង, ហាយក្លរសៃស៊ីន, ឃីតូទីហ្វេន និងប្រ៉ូមហ្វេនីរ៉ាមីន ដែលអាចប្រើព្យាបាលអាការសាច់ភ្នាស់ច្រមុះអាលែកហ្ស៊ី ដោយសារតែងាយប្រតិកម្ម និងព្យាបាលអាការរមាស់កណ្ដាស់ ហៀរសំបោរ ហើយងាយរួមប្រសិទ្ធភាពជាមួយថ្នាំដែលមាននៅក្នុងអាហារដែលយើងទទួលទានផងដែរ។
2. ក្រុមថ្នាំ អ៊ីសស្តាមីន ក្រុមថ្នាំមិនធ្វើឱ្យងងុយគេង
ក្រុមថ្នាំព្យាបាលអាការប្រតិកម្មចាញ់ ដែលមិនធ្វើឱ្យងងុយគេង មានដូចជា សេទីលីស៊ីន, ឡ័ររ៉ាថាឌីន, ហ្វេសូហ្វេណាឌីន, សេវ៉ូសេទីរីស៊ីន និងដេសឡ័ររ៉ាថាឌីនជាដើម។ ប្រភេទថ្នាំដែលបានរៀបរាប់នេះ វាមានសមត្ថភាពជួយកាត់បន្ថយអាការហៀរសំបោរ អាការពុលឡាន និងចាញ់ចង់ក្អួតជាដើម។ ដូច្នេះហើយ មុនពេលប្រើប្រាស់ឬទិញថ្នាំប្រភេទខាងលើនេះ ត្រូវមានការអនុញ្ញាតិពីគ្រូពេទ្យជំនាញជាមុនសិន ដើម្បីចៀសវាងគ្រោះថ្នាក់ដល់សុខភាព និងការប្រើប្រាស់ថ្នាំច្រលំ។
យ៉ាងណាមិញ នៅមានប្រភេទថ្នាំមួយទៀតដែលអាចជួយបន្ថយអាការគ្រុនក្ដៅ និងអាការប្រតិកម្មចាញ់ បានយ៉ាងមានប្រសិទ្ធភាពនោះគឺ៖
ថ្នាំប៉ារ៉ាសេតាមុល
ជាទូទៅ ថ្នាំប៉ារ៉ាសេតាម៉ុល ត្រូវបានគេប្រើដើម្បីបំបាត់ការឈឺចាប់កម្រិតស្រាល ឬមធ្យម ដូចជាការឈឺក្បាល ការឈឺធ្មេញ ឬគ្រុន និងបន្ថយកម្តៅក្តៅ ដែលបណ្តាលមកពីជំងឺដូចជា ជំងឺផ្តាសាយ និងជំងឺគ្រុនផ្តាសាយជាដើម។ ថ្នាំប៉ារ៉ាសេតាម៉ុល ត្រូវបានគេណែនាំជាញឹកញាប់ថាជាការព្យាបាលដំបូងសម្រាប់ការឈឺចាប់ និងងាយប្រតិកម្មចាញ់ ព្រោះវាមានសុវត្ថិភាពសម្រាប់មនុស្សភាគច្រើន ហើយផលប៉ះពាល់គឺកម្រណាស់។ ហើយប្រភេទប៉ារ៉ាសេតាម៉ុល អ្នកអាចរកទិញប្រភេទថ្នាំប៉ារ៉ាសេតាម៉ុលភាគច្រើនពីផ្សារទំនើប ឬឱសថស្ថាន ចំណែកប្រភេទមួយចំនួនទៀតអាចប្រើបានតាមវេជ្ជបញ្ជាតែប៉ុណ្ណោះ។
យើងអាចសរុបបានថា ជំងឺគ្រុនផ្ដាសាយ និងជំងឺប្រតិកម្មចាញ់ មានអាការស្រដៀងគ្នា និងស្ទើរតែដូចគ្នាគឺ មានហៀរសំបោរ កណ្ដាស់ និងរមាស់ច្រមុះ។ ដូច្នេះហើយអ្នកគប្បីត្រូវពិនិត្យជំងឺជាមួយគ្រូពេទ្យឱ្យបានត្រឹមត្រូវ ដើម្បីឱ្យងាយវិនិច្ឆ័យអាការ និងសភាពជំងឺរបស់អ្នក និងចៀសវាងការទិញថ្នាំដោយខ្លួនឯង ដែលអាចធ្វើឱ្យមានបញ្ហាដល់សុខភាពរបស់អ្នកនាថ្ងៃខាងមុខ៕
