Category: សង្គម និងសេដ្ឋកិច្ច

​សាកសព​មួយ​ដែល​ត្រូវ​បាន​រក​ឃើញ​ដោយក្រុម​មន្ត្រី​ស៊ើបអង្កេត​របស់​ចក្រភព​អង់គ្លេស​ ​ពី​បំណែក​ដែល​លិច​ក្រោមទឹក​របស់​យន្តហោះ​មួយ​គ្រឿង​ ​ដែល​បាន​លិច​ក្នុង​កណ្តាល​សមុទ្រ​នោះ​ ​ត្រូវ​បាន​គេ​កំណត់​អត្តសញ្ញាណ​បាន​ថា​ ​ជា​កីឡាករ​បាល់ទាត់​ ​Emiliano​ ​Sala​។​ ​នេះ​បើ​យោងទៅតាម​ការប្រកាស​របស់​ប៉ូលិស​ ​កាលពី​ថ្ងៃ​ព្រហស្បតិ៍​។​
​
​ ​សាកសព​របស់​ខ្សែប្រយុទ្ធ​សញ្ជាតិ​អាហ្សង់ទីន​រូប​នេះ​ ​ដំបូង​ឡើយ​ត្រូវ​បានឃើញ​ដោយក្រុម​ជួយសង្គ្រោះ​ជាមួយនឹង​ឧបករណ៍​ប្រតិបត្តិ​ការ​ចល័ត​ ​កាលពី​ថ្ងៃអាទិត្យ​ ​ក្បែរ​កន្លែង​ដែល​យន្តហោះ​បាន​បាត់ខ្លួន​ក្បែរ​កោះ​ ​Guernsey​ ​របស់​អង់គ្លេស​។​
​ ​សាកសព​នោះ​ត្រូវ​បាន​រក​ឃើញ​កាលពី​ថ្ងៃពុធ​ ​និង​ត្រូវ​បាន​ដឹក​យក​ទៅកាន់​កោះ​ ​Isle​ ​of​ ​Portland​ ​ភាគ​ខាងត្បូង​ប្រទេស​អង់គ្លេស​ ​ដោយ​កប៉ាល់​ ​Geo​ ​Ocean​ ​III​ ​កាលពី​ថ្ងៃ​ព្រហស្បតិ៍​ ​ដើម្បី​កំណត់​អត្តសញ្ញាណ​ជា​ផ្លូវការ​ដោយក្រុម​មន្ត្រី​ស៊ើបអង្កេត​ ​ដែល​មាន​កាតព្វកិច្ច​ស៊ើបអង្កេត​លើ​ការ​ស្លាប់​ដោយ​អំពើ​ហិង្សា​នៅ​ចក្រភព​អង់គ្លេស​។​
​ ​ប៉ូសិ​សនៅ​ទីក្រុង​ ​Dorset​ ​បានឱ្យ​ដឹង​នៅ​លើ​បណ្តាញ​សង្គម​ ​Twitter​ ​ថា​៖​ ​«​សាកសព​ដែល​ត្រូវ​បាន​នាំ​យក​ទៅកាន់​ ​Portland​ ​Port​ ​នៅ​ថ្ងៃនេះ​ ​ត្រូវ​បាន​គេ​ស្គាល់​អត្តសញ្ញាណ​ជា​ផ្លូវការ​ហើយ​ ​ថា​ជា​កីឡាករ​បាល់ទាត់​អាជីព​ ​Emiliano​ ​Sala​។​ ​ក្រុម​គ្រួសារ​របស់​លោក​ ​Sala​ ​និង​អ្នកបើកបរ​យន្តហោះ​លោក​ ​David​ ​Ibbotson​ ​ត្រូវ​បាន​បញ្ជាក់​ប្រាប់​ឱ្យ​ដឹង​រួចរាល់​ហើយ​។​ ​យើង​នៅតែ​ស្ថិតនៅ​ជាមួយនឹង​ពួកគេ​ជានិច្ច​»​។​
​
​ ​អង្គភាព​ស៊ើបអង្កេត​លើ​ឧប្បត្តិហេតុ​ផ្លូវអាកាស​របស់​អង់គ្លេស​ហៅ​កាត់​ថា​ ​AAIB​ ​ដែល​បាន​រក​ឃើញ​សាកសព​នោះ​ ​បាន​បញ្ជាក់​ថា​ ​អាកាសធាតុ​មិនល្អ​ ​នៅ​ថ្ងៃ​ដឹកជញ្ជូន​ដ៏​មមាញឹក​របស់​នាវា​ ​ធ្វើ​ឱ្យ​ខ្លួន​មិន​អាច​រក​ឃើញ​យន្តហោះ​នោះ​ភ្លាម​ៗ​ ​ហើយក៏​បាន​ផ្អាក​ប្រតិបត្តិ​ការ​របស់​ខ្លួន​មួយគ្រាសិន​៕​

​រដ្ឋមន្ត្រី​កីឡា​របស់​ប្រទេស​កូរ៉េខាងជើង​ ​និង​ខាងត្បូង​ ​នឹង​ត្រូវ​ជួប​ប្រជុំ​ជាមួយ​ប្រធាន​អូឡាំពិក​លោក​ ​Thomas​ ​Bach​ ​ទាក់ទង​នឹង​ប្រធានបទ​ក្នុង​ការប្រើ​ប្រាស់​ក្រុមកីឡា​ករ​រួមគ្នា​ក្នុង​ព្រឹត្តិ​ការណ៍​អូឡាំពិក​នាទី​ក្រុង​តូក្យូ​ ​ឆ្នាំ2020​។​ ​នេះ​បើ​យោង​តាម​ការប្រកាស​របស់​គណៈកម្មាធិការ​អូឡាំពិក​អន្តរជាតិ​ ​(​ICO​)​ ​កាលពី​ថ្ងៃ​ព្រហស្បតិ៍​។​
​
​ ​ការពិភាក្សា​គ្នា​នេះ​ ​កើតឡើង​ក្រោយពី​ប្រទេស​កូរ៉េ​ខាង​ទាំង2​ ​បាន​ដើរ​ជា​ក្បួន​ក្រោម​ទង់ជាតិ​រួមគ្នា​មួយ​ក្នុង​ព្រឹត្តិ​ការណ៍​អូឡាំពិក​រដូវរងា​ ​ឆ្នាំ2018​ ​ដែល​នៅពេល​នោះ​ពួកគេ​ក៏បាន​បញ្ជូន​ក្រុមកីឡា​ករ​ហុក​ឃី​លើទឹក​កក​ ​ផ្នែក​នារី​រួមគ្នា​ផង​ដែរ​។​
​ ​
​ ​ក្រុម​នារី​ទាំងនោះ​ ​បាន​បង្កើត​ឱ្យ​មានការ​អារម្មណ៍​យ៉ាង​ខ្លាំង​ដល់​បណ្តាញ​សារព័ត៌មាន​ ​បើ​ទោះបីជា​ចាញ់​រាល់​ការប្រកួត​ទាំង​ ​5លើក​ ​ក្នុង​លទ្ធផល​រួមគ្នា​ ​28​-​2​ ​ក៏ដោយ​។​
​ ​
​ ​កាលពី​ខែមករា​ ​សហព័ន្ធ​កីឡា​ហុក​ឃី​អន្តរជាតិ​ ​(​FIH​)​ ​បាន​ចាត់ទុក​ការ​បង្រួបបង្រួម​នេះ​ថា​ ​ជា​គំរូ​ជា​វិជ្ជមាន​មួយ​ក្នុង​វិស័យ​កីឡា​ ​ដែល​ដើរតួ​ជា​ភ្នាក់ងារ​មួយ​សម្រាប់​សន្តិភាព​ ​និង​បាន​បញ្ជាក់​ថា​ ​ខ្លួន​នឹង​ជំរុញ​ឱ្យ​មានការ​បង្កើត​ក្រុមកីឡា​ហុក​ឃី​របស់​កូរ៉េ​រួមគ្នា​ទៀត​ ​សម្រាប់​ព្រឹត្តិ​ការណ៍​របស់​ ​FIH​ ​ទៅ​ថ្ងៃ​អនាគត​ ​ជាពិសេស​ ​ព្រឹត្តិ​ការណ៍​អូឡាំពិក​ ​ទីក្រុង​តូក្យូ​ ​ឆ្នាំ2020​។​
​
​ ​លោក​ ​Bach​ ​បាន​បញ្ជាក់​ថា​ ​ក្រោយពី​ទទួល​បាន​ជោគជ័យ​ក្នុង​ព្រឹត្តិ​ការណ៍​អូឡាំពិក​រដូវរងា​ ​ទីក្រុង​ ​Pyeongchang​ ​ឆ្នាំ2018​ ​កិច្ចប្រជុំ​មួយ​ ​នឹង​ត្រូវ​ប្រព្រឹត្តទៅ​នៅ​ថ្ងៃទី15​ ​ខែកុម្ភៈ​ ​ខាងមុខនេះ​ ​នៅ​ឯ​ទីស្នាក់ការ​កណ្តាល​របស់​ ​IOC​ ​ក្នុង​ទីក្រុង​ ​Lausanne​ ​រវាង​អត្តពលិក​មក​ពី​ប្រទេស​ទាំងសងខាង​ ​ដើម្បី​ធ្វើការ​ជា​ក្រុម​ ​ក្នុង​ការពិភាក្សា​លើ​កិច្ច​សហប្រតិបត្តិ​ការ​ផ្នែក​កីឡា​ទៅ​ថ្ងៃ​អនាគត​៕​ ​

តាមរយៈផេច ក្រសួងវប្បធម៌ និងវិចិត្រសិល្ប: ​បានឱ្យដឹងថា តំបន់​អង្គរ​ជា​បេតិកភណ្ឌ​វប្បធម៌​និង​ឃ្លាំង​ផ្ទុក​នូវ​ទំនៀមទម្លាប់​ប្រពៃណី​ខ្មែរ​យ៉ាង​សម្បូរ​បែប​ ​ដែល​នេះ​ក៏​ជាផ្នែក​មួយ​នៃ​ការ​លើក​តម្លៃ​ជាសាកល​នៃ​រមណីយដ្ឋាន​អង្គរ​។​ ​ឯ​ការ​ប្រកបរបរ​ផលិត​ធូប​ក៏​ជាផ្នែក​មួយ​ដែល​អ្នកស្រុក​អង្គរបាន​ប្រកប​តាំងពី​យូរយារណាស់មកហើយ​ ​និង​នៅ​បន្ត​ធ្វើ​រហូតដល់​សព្វថ្ងៃ​ ​ដោយ​ចំណេះ​ជំនាញ​នេះ​ក៏​ជា​ការផ្ទេរ​មរតក​ពី​ជំនាន់​មួយ​ទៅ​ជំនាន់​មួយ​។​
​
​ធូប​គឺជា​គ្រឿងក្រអូប​ធ្វើ​ដោយ​លម្អិត​សំបក​ឈើ​ ​ស្លឹកឈើ​ ​ខ្លឹមឈើ​ ​ឬ​ជ័រឈើ​ ​ប្រទាល​មាន​ក្លិនក្រអូប​ប្រហើរ​ ​សម្រាប់​អុជ​បង្ហុយផ្សែង​ជា​គ្រឿងបូជា​។​ ​មុខរបរ​នេះ​នៅ​មាន​បន្ត​ធ្វើ​រហូតដល់​សព្វថ្ងៃ​ក្នុង​ចំនួន​តិចតួច​គ្រួសារ​ប៉ុណ្ណោះ​ ​មាន​របៀប​ផលិត​និង​វត្ថុធាតុដើម​ធ្វើ​ធូប​ ​មិន​ខុសគ្នា​ប៉ុន្មាន​ទេ​ ​ត្បិត​របៀប​ធ្វើ​ធូប​ចេះ​តៗ​គ្នា​ ​ពី​ភូមិ​មួយ​ទៅ​ភូមិ​មួយ​ ​ហើយ​បន្សល់​សម្រាប់​ផលិត​ប្រើ​ក្នុង​គ្រួសារ​ផង​និង​ជាមុ​ខរ​បរ​សម្រាប់​ចិញ្ចឹមជីវិត​ផង​។​ ​ពួកគាត់​អាច​រក​ទិញ​និង​លក់ដូរ​បាន​យ៉ាង​ងាយស្រួល​នៅ​តាម​ទីផ្សារ​ ​វត្តអារាម​ ​និង​បុណ្យទាន​នៅ​តាម​ភូមិ​ជាដើម​។​
​
​អ្នកស្រី​ ​ហុំ​ ​មឿន​ ​រស់នៅ​ភូមិ​ស្គន់​ ​ឃុំ​ត្បែង​ ​ស្រុក​បន្ទាយស្រី​ ​ខេត្តសៀមរាប​ ​បាន​អាស្រ័យ​ជីវិត​នឹង​ការ​ធ្វើ​ធូប​លក់​ ​បន្តវេន​ពី​ម្តាយ​របស់​គាត់​រហូតដល់​សព្វថ្ងៃ​ ​ក្រោយពី​ម្តាយ​របស់​គាត់​ដួល​បាក់ដៃ​ ​ពុំ​អាច​បន្ត​រកា​រងា​រនេះ​កើត​។​
​
​អ្នកស្រី​ ​មឿន​ ​ឱ្យ​ដឹង​ថា​ ​«​ចំពោះ​ធូប​ដែល​ខ្ញុំ​ធ្វើ​លក់​ ​ថ្វីត្បិត​មិន​មាន​រូបរាង​តូចឆ្មារ​ស្អាត​ល្អ​ដូច​ធូប​ដែល​នាំចូល​ពីក្រៅ​ប្រទេស​ ​ប៉ុន្តែ​អ្នកភូមិ​ជិត​ឆ្ងាយ​តែង​មក​ទិញ​យកទុក​អុជ​ ​ជាប្រចាំ​ ​ព្រោះ​គេ​ដឹង​ថា​ធូប​ខ្ញុំ​ធ្វើជា​ប្រភេទ​ធូប​ធម្មជាតិ​ ​គ្មាន​លាយឡំ​ជាតិគីមី​ ​ប្រើ​តែ​រុក្ខជាតិ​ ​ប្រទាល​ ​ឬ​ថ្នាំ​រុក្ខជាតិ​ដែល​ធ្វើ​ឱ្យ​មាន​ក្លិនក្រអូប​ ​អុជ​ឆេះល្អ​»​។​
​
​អ្នកស្រី​ក៏​រៀបរាប់​ពី​វត្ថុធាតុដើម​ដែល​យក​មក​ផលិត​ធូប​ឱ្យ​ប្រ​អូប​ ​មាន​ខ្លះ​ដាំ​ទុក​នៅនឹង​ផ្ទះ​ស្រាប់​ ​រី​ឯ​ខ្លះទៀត​ទាល់តែ​ទៅ​រក​នៅ​ឯ​ភ្នំ​ ​ឬ​ព្រៃ​ ​ដែល​សុទ្ធសឹង​ជា​រុក្ខជាតិ​ថ្នាំបុរាណ​ ​ប្រទាល​ក្រអូប​ ​ពូកែ​ស័ក្តិសិទ្ធិ​ ​ដូចជា​ដើម​ប្រាក់​ ​ដើម​ពោល្យំ​ ​ពុំសែន​ ​មើម​ប្រោះ​តា​សេ​ ​វ័ល្លិ៍​ឆ្នូត​ ​សំ​បោ​បាយ​ ​និង​ស្លឹក​កំ​ប៉ោ​ជាដើម​។​ ​ហេតុនេះ​ពេល​អុជ​ធូប​ ​ក្លិនក្រអូប​ជួយ​ឱ្យ​ស្មារតី​ធូរស្រាល​ ​កាត់បន្ថយ​នឿយហត់​ ​មិន​ប៉ះពាល់​ដល់​សុខភាព​។​
​
​ចំពោះ​វិធី​ធ្វើវិញ​ ​គឺ​យក​វត្ថុធាតុ​ទាំងអស់​នេះ​ដាក់​ហាលថ្ងៃ​ឱ្យ​ស្ងួត​ ​បន្ទាប់មក​យក​ទៅ​បុក​ឱ្យ​ម៉ដ្ឋ​ ​ហើយ​រែង​យក​តែ​ម្សៅ​ ​រួច​យក​ទៅ​លាយ​ជាមួយ​ទឹក​ដើម្បី​ឱ្យ​ម្សៅ​សើម​ស្អិត​អាច​លញ់​ជាមួយ​ទ្រនុង​ធាងដូង​ ​ហើយ​រូត​ជាមួយ​ម្សៅ​ស្ងួត​ ​រួច​ដាក់​ហាលថ្ងៃ​ឱ្យ​ស្ងួត​ជាការស្រេច​។​ ​នេះ​ជា​រូបមន្ត​ដែល​ឪពុក​ម្តាយ​បន្សល់ទុក​មក​សម្រាប់​គ្រួសារ​អ្នកស្រី​ ​ហើយ​ត្រូវ​ធ្វើ​យ៉ាងម៉េច​ដើម្បី​ឱ្យ​ថ្នាំបុរាណ​នី​មួយ​ៗ​សមស្រប​គ្នា​ ​ទើប​ធូប​មានគុណ​ភាព​ខ្ពស់​ ​ក្លិនក្រអូប​»​។​
​
​នេះ​គឺជា​ការផ្ទេរ​ចំណេះដឹង​និង​ជំនាញ​ក្នុង​ការ​ប្រកបរបរ​ចិញ្ចឹមជីវិត​ដល់​កូនចៅ​ជំនាន់​ក្រោយដែល​មនុស្ស​ក្នុង​តំបន់​អង្គរ​តែងតែ​ចែករំលែក​ដើម្បី​កុំឱ្យ​បាត់បង់​ ​ទើប​នៅ​តំបន់​អង្គរ​នៅ​មាន​វប្បធម៌​សម្បូរ​បែប​នៅ​រស់​ក្នុង​ជីវភាព​ប្រចាំថ្ងៃ​របស់​ប្រជាជន​ក្នុង​ភូមិស្រុក​។​ ​ក្រុមការងារ​ស្រាវជ្រាវ​នៃ​អាជ្ញាធរ​ជាតិ​អប្សរា​តែងតែ​ខិតខំ​ចងក្រង​ប្រមូល​នូវ​ទំនៀមទម្លាប់​ប្រពៃណី​ក្នុង​តំបន់​អង្គរ​មក​ផ្សព្វផ្សាយ​និង​សូម​គាំទ្រ​ចំពោះ​ការ​ថែរក្សា​មរតក​វប្បធម៌​ទាំងនេះ​ឱ្យ​មាន​ភាព​រស់រវើក​ ​និង​សូម​ឱ្យ​ប្រជាជន​ខ្មែរ​ ​ងាក​មក​គាំទ្រ​ផលិតផល​ខ្មែរ​ ​ដើម្បី​លើកស្ទួយ​ជីវភាព​ប្រជាជន​ផង​ ​និង​ការ​អភិរក្ស​ផង​៕​

លោក Gianni Infantino ប្រធាន​ FIFA នឹង​ត្រូវ​ដឹកនាំ​ក្នុង​អាណត្តិ​ទី​2 របស់លោក ក្រោយ​ពី​​អង្គ​ភាព​គ្រប់គ្រង​កីឡា​បាល់​ទាត់​ពិភព​លោក​បាន​បញ្ជាក់​កាលពីថ្ងៃពុធ​ថា លោក​នឹងក្លាយ​ជា​បេក្ខ​ភាព​តែម្នាក់គត់​សម្រាប់​ការ​​បោះឆ្នោត​​នៅ​ខែមិថុនា ខាង​មុខនេះ​។

បុរស​វ័យ​ 48​ឆ្នាំ​រូបនេះ បាន​ធ្វើ​ជា​ប្រធាន​របស់ FIFA ចាប់​តាំងពី​ខែកុម្ភៈ ឆ្នាំ​2016 មក​ម្ល៉េះ ក្រោយពី​បាន​ចូល​ជំនួស​កន្លែង​របស់​​ប្រធាន​ដែល​ខូច​ឈ្មោះ​លោក Sepp Blatter បន្ទាប់​ពី​រឿង​អាស្រូវ​ពុក​រលួយ​ដែល​បាន​​វាយ​ប្រហារ​​ក្នុង​អង្គ​ភាព​មួយ​នេះ​។ ការ​​បោះឆ្នោត​នឹង​​ត្រូវ​ប្រព្រឹត្ត​ទៅ​នៅ​ថ្ងៃ​ទី​5 ខែមិថុនា ក្នុង​ទីក្រុង​ប៉ា​រីស នៅមុន​ពេល​ព្រឹត្តិការណ៍ World Cup។ លោក Ramon Vega អតីត​ខ្សែ​​ការ​ពារ​របស់​ក្លិប Tottenham បានប្រកាស​ពី​បំណង​របស់​លោក​ក្នុង​ការ​ឈរ​ឈ្មោះ​ប្រជែង​ជា​​មួយ​នឹង​លោក Infantino ប៉ុន្តែមិន​បាន​​​ទទួល​ការ​គាំទ្រ​ពី​សមា​ជិក​យ៉ាង​ហោ​ណាស់​ 5​សំឡេង ក្នុង​ចំណោម​សហ​ព័ន្ធ​ជា​សមា​ជិក​ទាំង​211​ របស់ FIFA​។

លោក Infantino បានដាក់​ចេញ​នូវ​ផែន​ការ​ក្នុង​ការ​បង្កើន​ចំនួន​ក្រុម​ក្នុង​ព្រឹត្តិការណ៍ World Cup ពី​ 32​ក្រុម រហូត​ដល់​​ 48​ក្រុម ចាប់​ពីឆ្នាំ​2026 ខណៈ​ដែល​ការ​ពង្រីក​ចំនួន​ក្រុម​ចាប់​ពី​​យុទ្ធនាការឆ្នាំ​2022 ក្នុង​ប្រទេស​កាតា ក៏ស្ថិតក្នុង​ការ​ពិចារណា​ផងដែរ​។ ការ​សម្រេច​ចិត្តមួយ​ត្រូវ​បាន​គេរំពឹង​ទុក​​ថា នឹង​ត្រូវ​ធ្វើ​ឡើង​នៅ​ខែមីនា ឆ្នាំក្រោយ ក្រោយពី​ការ​សិក្សា​មួយ​ទៅលើ​ភាព​ដែល​អាច​ទៅរួចនៃ​ការ​រៀប​ចំ​យុទ្ធ​នាការ​ដែល​មាន​ការ​បន្ថែម​ក្រុម​មួយ ក្នុង​ប្រទេស​ឈូង​សមុទ្រ​មួយនេះ​៕

​លោក​ ​Pep​ ​Guardiola​ ​បាន​កោតសរសើរ​ស្មារតី​មិន​ចេះ​បោះបង់ចោល​ការ​តាំងចិត្ត​របស់​ក្រុម​ ​Manchester​ ​City​ ​ខណៈ​ដែល​ក្រុម​ម្ចាស់ការ​ពារ​តំណែង​ជើងឯក​មួយ​នេះ​ ​បាន​ទម្លាក់​ក្រុម​ ​Liverpool​ ​ចេញពី​កំពូល​តារាង​នៃ​ក្របខ័ណ្ឌ​ ​Premier​ ​League​ ​តាមរយៈ​ការ​យកឈ្នះ​លើ​ក្រុម​ ​Everton​ ​2​-​០​ ​កាលពី​ថ្ងៃពុធ​។​

​ ​ក្រុម​របស់​លោក​ ​Guardiola​ ​បាន​ស្ថិត​ក្នុង​គ្រោះថ្នាក់​នៃ​ការ​ដេញ​តាម​ពីក្រោយ​ក្រុម​ ​Liverpool​ ​កាន់តែ​ឆ្ងាយ​ក្នុង​ការ​ប្រជែង​ពាន​ ​ក្រោយពី​ការ​រង​បរាជ័យ​ក្រោម​ស្នាដៃ​ក្រុម​ ​Newcastle​ ​កាលពី​សប្តាហ៍​មុន​។​ ​ ​ ​ ​ប៉ុន្តែ​ ​ក្រុម​ ​Liverpool​ ​បាន​ជួប​ការ​ខកចិត្ត​តាមរយៈ​ការ​បញ្ចប់​ត្រឹម​លទ្ធផល​ស្មើ​ ​2លើ​ក​ជាប់​ៗ​គ្នា​ ​ពេល​ប្រកួត​ជាមួយនឹង​ក្រុម​ ​Leicester​ ​និង​ ​West​ ​Ham​ ​ដែល​អនុញ្ញាត​ឱ្យ​ក្រុម​ ​Man​ ​City​ ​វិល​ទៅកាន់​ការ​ប្រជែង​ពាន​វិញ​តែម្តង​។​

​ ​ការ​ដណ្តើម​បាន​ជ័យជម្នះ​ទាំង​ស្វិតស្វាញ​នៅ​កីឡដ្ឋាន​ ​Goodison​ ​Park​ ​ដែល​បាន​កើតឡើង​តាមរយៈ​គ្រាប់​បាល់​បញ្ចូល​ទី​របស់​កីឡាករ​ ​AymericLaporte​ ​និង​ ​Gabriel​ ​Jesus​ ​បាន​ជួយ​ឱ្យ​ក្រុម​ ​Man​ ​City​ ​ឡើងឈរ​ពីលើ​ក្រុម​ ​Liverpool​ ​តាមរយៈ​ការ​មាន​គ្រាប់​បាល់​ស៊ុត​បញ្ចូល​ទី​ច្រើនជាង​។​

​ ​លោក​ ​Guardiola​ ​បាន​បញ្ជាក់​ថា​ ​ការ​វិលត្រឡប់​របស់​ ​Man​ ​City​ ​ទៅកាន់​កំពូល​តារាង​វិញ​ ​គឺជា​សមិទ្ធផល​មួយ​សម្រាប់​ការ​មិន​បោះបង់ចោល​ការ​តាំងចិត្ត​របស់​កីឡាករ​របស់​លោក​។​

​ ​លោក​ ​Guardiola​ ​បានឱ្យ​ដឹង​ថា​៖​ ​«​យើង​ត្រូវតែ​រីករាយ​ជាមួយនឹង​ជ័យជម្នះ​ ​2​-​០​ ​នៅ​កីឡដ្ឋាន​ ​Goodison​ ​Park​។​ ​ទាក់ទង​នឹង​ភាពរឹងមាំ​ ​យើង​មិន​បណ្តោយ​ឱ្យ​មានការ​ស៊ុត​បាល់​សំដៅ​ទី​សូម្បីតែ​ ​1លើក​។​ ​ការ​រកបាន​គ្រាប់​បាល់​នៅ​នាទី​ចុងក្រោយ​នៃ​តង់​ទី1​ ​បាន​ជួយ​ដល់​យើង​ជាច្រើន​»​។​

​ ​គ្រូបង្វឹក​រូប​នេះ​បាន​បន្ថែម​ទៀត​ថា​៖​ ​«​យើង​ជា​ក្រុម​ម្ចាស់​ជើងឯក​ ​ហើយ​យើង​ស្ថិត​ក្នុង​ស្ថានភាព​មួយ​ដែល​យើង​អាច​បោះបង់ចោល​ ​ប៉ុន្តែ​វា​រឿង​នោះ​វា​មិនបាន​កើតឡើង​ឡើយ​»​៕

​តារាចម្រៀង​ ​ម៉ៃ​ ​សុគន្ធ​ ​បាន​ដាក់ពាក្យ​បណ្ដឹង​គ​ណ​នីយ​ហ្វេ​សប៊ុ​ក​ឈ្មោះ​ ​Morno​ ​Morana​ ​II​ ​ដោយ​អះអាង​ថា​ ​កាលពី​ថ្ងៃទី29​ ​ខែមករា​ ​ឆ្នាំ2019​ ​បាន​បង្ហោះ​វីដេអូ​របស់​ខ្លួន​នៅក្នុង​បណ្តាញ​សង្គម​ ​FacebookនិងYouTubeដោយ​បាន​ប្រើពាក្យ​ពេចន៍​គំរាម​គំ​ហែង​ ​និង​មាន​កា​រប​រិហា​កេរ្តិ៍​ដែល​នាំ​ឱ្យ​ប៉ះពាល់​ដល់​កិ​ត្ត​យស​និង​សុវត្ថិភាព​ផ្ទាល់ខ្លួន​។​
​
​លោក​បាន​ដកស្រង់​ខ្លឹមសារ​នៅក្នុង​បទចម្រៀង​ថា​ ​៖​ ​ពិសេស​អា​ ​ម៉ៃ​ ​សុគន្ធ​ ​ច្រមុះ​តោ​ក្បាល​កញ្ចាស់​ ​អា​នេះ​ជេ​យ៉ាងម៉េច​ក៏​វានេះ​វា​មិន​ឈឺ​ ​ទាល់តែ​ជួប​ហែង​តាមផ្លូវ​ក្បាល​មួយ​ដប​បាន​ ​ហែង​ភ្លឺ​ហែង​ជិះ​អា​ព្រុស​ពណ៌ស​ស្មាន​តែ​អញ​មិន​ចាំ​ហ​ ​យល់​ល្អ​ថយ​ឱ្យ​ឆ្ងាយ​អា​កំសាក​មិន​មាន​តំរិះ​ហែង​ហ្នឹង​ ​ចេញ​ស្អី​ខ្លះ​បាន​ប្រយោជន៍​ស្អី​ខ្លះ​ ​រត់​បាន​រត់​ទៅ​ឬទៅ​ងាប់​នៅក្នុង​ទឹកស្រះ​។​ ​
​
​នៅក្នុង​ពាក្យ​បណ្តឹ​ងរ​បស់​លោក​ ​ម៉ៃ​ ​សុគន្ធ​ ​បាន​បន្ត​ ​ថា​ ​ទង្វើ​របស់​ម្ចាស់​គ​ណ​នីយ​ហ្វេ​សប៊ុ​ក​ឈ្មោះMorno​ ​Morana​ ​II​ ​ជា​ចេតនា​ទុច្ចរិត​ដោយ​បាន​ប្រើពាក្យ​គំរាម​គំ​ហែង​ធ្វើ​ឱ្យ​ប៉ះពាល់​ដល់​សុខ​សុវត្ថិ​ភា​លើ​រូប​ខ្លួន​ផ្ទាល់​ ​។​ ​ដូច​ដ្នេះ​ដោយមាន​ក្តី​ព្រួយបារម្ភ​ជា​ខ្លាំង​អំពី​រឿង​នេះ​ ​ជាពិសេស​បាន​ធ្វើ​កា​រប​រិហា​កេរ្តិ៍​ជា​សាធារណៈ​គឺ​មានបំណង​ធ្វើ​ឱ្យ​ប៉ះពាល់​កិត្តិយស​ ​ក៏ដូចជា​ក្រុម​គ្រួសារ​ធ្ងន់ធ្ងរ​។​ករណីនេះ​លោក​ ​ម៉ៃ​ ​សុគន្ធ​ ​បាន​ប្តឹង​ទាមទារ​សំណង​ចំនួន2ករណី​៖​
​
​គឺ1​,​សូម​ឱ្យ​តុលាការ​ស្វែងរក​អត្តសញ្ញាណ​និង​ចាប់​ជនសង្ស័យ​ដើម្បី​យក​មក​ធ្វើ​ការ​ផ្តន្ទា​រ​ទោស​តាមច្បាប់​។​
​ទី2​ ​,​ទាមទារ​សំណង​ជំងឺចិត្ត50លាន​រៀល​ពី​ម្ចាស់​គ​ណ​នីយ​ហ្វេ​សប៊ុ​ក​ឈ្មោះ​ ​Morno​ ​Morana​ ​II​ ​។​
​
​គួរ​បញ្ជាក់​ផង​ដែរ​តាម​ពាក្យ​បណ្តឹង​ឃើញ​មាន​ចំណារ​របស់​ ​សាលាដំបូង​រាជធានី​ភ្នំពេញ​ ​ចុះ​ ​លេខ850​ ​ថ្ងៃទី4​ ​ខែកុម្ភៈ​ឆ្នាំ2019​ ​៕​

កម្ពុជា​ជាស​មា​ជិ​ក​នៃ​តំបន់​អាស៊ាន​ ​និង​ជា​ប្រទេស​មួយ​ដែល​ស្ថិត​ក្នុង​បរិបទ​នៃ​ការប្រកួត​ប្រជែង​ក្នុង​តំបន់​ដែល​ទាមទារ​ឱ្យ​មាន​ធនធានមនុស្ស​ប្រកប​ដោយសក្តានុពល​ដើម្បី​ចូលរួម​ទាញ​យក​ផលប្រយោជន៍​ ​និង​ជំរុញ​ល្បឿន​នៃ​ការ​អភិវឌ្ឍ​ក្នុង​សហគមន៍​អន្តរជាតិ​។​
​
​ក្នុងចំណោម​ផ្នែក​សំ​ខាន់​ៗ​នៃ​ការប្រកួត​ប្រជែង​នេះ​យុវជន​ជំនាន់​ថ្មី​ដែល​ជា​អ្នក​បន្តវេន​លើ​គ្រប់​វិស័យ​ ​ទាំង​រដ្ឋ​ ​និង​ឯកជន​ ​ចាំបាច់​ត្រូវតែ​ព្យាយាម​គ្រប់​លទ្ធភាព​ដើម្បី​ធ្វើការ​អភិវឌ្ឍ​សមត្ថភាព​របស់​ខ្លួន​ឱ្យ​ក្លាយជា​ប្រជាជន​សកល​។​

​
​លោក​ ​ហួ​ ​តុលា​ ​នាយក​កម្មវិធី​ ​The​ ​Perspectives​ ​Cambodia​ ​បាន​លើកឡើង​ថា​ ​ដើម្បី​ធ្វើការ​ប្រកួតប្រជែង​ក្នុង​បរិបទ​តំបន់​ ​យុវជន​គួរ​មាន​លក្ខណ​សម្បត្តិ​ចំនួន​ ​5សំ​ខាន់​ៗ​គឺ​ ​ទី1​ ​យុវជន​កម្ពុជា​គួរ​មាន​សមត្ថភាព​ផ្នែក​ភាសា​ឱ្យ​បាន​ច្បាស់លាស់​ជាពិសេស​ភាសាអង់គ្លេស​ ​ព្រោះ​ភាសា​ជាផ្នែក​សំខាន់​ក្នុង​ការ​ទំនាក់ទំនង​ ​និង​ជា​ចំណុច​ភ្ជាប់​យ៉ាង​សំខាន់​ដើម្បី​សិក្សា​លើ​ជំនាញ​ជាច្រើន​ផ្សេងទៀត​លើ​ពិភពលោក​។​ ​ក្រៅពី​នេះ​ចំណេះដឹង​ភាសា​ ​ក៏​ជាផ្នែក​មួយ​ដែល​មិន​អាច​ខ្វះ​បាន​ក្នុង​ការ​ធ្វើអាជីវកម្ម​ ​និង​ធ្វើការងារ​ជាមួយ​គ្រប់​ស្ថាប័ន​ទាំងអស់​ក្នុង​តំបន់​ផង​ដែរ​។​ ​ចំណុច​សំខាន់​ទី2​ ​បន្ទាប់ពី​ភាសា​គឺ​ ​ត្រូវ​មាន​ជំនាញ​ច្បាស់លាស់​ ​ជាពិសេស​ ​គឺ​ជំនាញ​ដែល​សង្គម​កំពុង​ត្រូវការ​ ​ទាំង​កម្រិត​ជាតិ​ ​និង​អន្តរជាតិ​។​ ​ការ​ចេះតែ​ភាសា​មួយ​មុខ​មិន​គ្រប់គ្រាន់​នោះ​ទេ​ ​យុវជន​ត្រូវតែ​មាន​ជំនាញ​ដើម្បី​ទាញ​យក​ឱកាស​ការងារ​នៅក្នុង​តំបន់​ ​ព្រោះ​បច្ចុប្បន្ន​នេះ​អាស៊ាន​ ​ក៏ដូចជា​ប្រទេស​ជាច្រើន​ផ្សេងទៀត​ដែល​បាន​បើកចំហ​ ​និង​ត្រូវការ​អ្នកជំនាញ​សំ​ខាន់​ៗ​ដើម្បី​បម្រើការ​ងារ​ឱ្យ​កាន់​តែ​ប្រសើ​ឡើង​។​ ​ចំណុច​សំខាន់​ទី3​ ​គឺ​ការចូលរួម​ប្រកួតប្រជែង​ ​ព្រោះ​ការប្រកួត​ប្រជែង​ ​គឺ​ការ​បង្ហាញ​ពី​សមត្ថភាព​ ​និង​បង្កើត​ជាស​មិទ្ធ​ផ​លល្អៗ​ដើម្បី​បង្ហាញ​ដល់​ស្ថាប័ន​នានា​ថា​ ​យើង​ពិតជា​មាន​សមត្ថភាព​ខ្លាំង​លើស​ពី​អ្នកដទៃ​ផ្សេងទៀត​មែន​។​
​
​លោក​ ​ហួ​ ​តុលា​ ​បាន​និយាយ​ថា​៖​ ​“​យុវជន​កម្ពុជា​គួរ​ចាប់ផ្តើម​ចូលរួម​ប្រកួតប្រជែង​ឱ្យ​បាន​ច្រើន​ទាំង​ក្នុង​បរិបទ​អាស៊ាន​ ​និង​ក្នុង​ពិភពលោក​ ​ដូចជា​ការប្រកួត​ប្រជែង​យក​អាហារូបករណ៍​ ​កម្មវិធី​វិទ្យាសាស្ត្រ​ការ​និយាយ​សាធារណៈ​ ​ការ​សរសេរ​គម្រោង​អាជីវកម្ម​ ​ឬ​ការផលិត​វីដេអូ​ជាដើម​។​ ​បច្ចុប្បន្ន​នេះ​មានការ​-​ប្រកួតប្រជែង​ជាច្រើន​មិនថា​តែ​ផ្នែក​គណិតវិទ្យា​ ​វិទ្យាសាស្ត្រ​ ​ឬ​សង្គម​នោះ​ទេ​ ​យុវជន​ខ្មែរយើង​មិន​តិច​ទេ​អាច​ឈ្នះ​បណ្តា​ប្រទេស​ធំៗ​ ​ហើយ​ទទួល​បាន​ជយលាភី​ត្រឡប់មកវិញ​”​។​

​
​លោក​ ​ហួ​ ​តុលា​ ​បាន​លើកឡើង​ផង​ដែរ​ថា​ ​ចំណុច​ទី4​ ​ដែល​យុវជន​គួរ​ធ្វើ​គឺ​ ​ចាប់ផ្តើម​បង្កើន​ទំនាក់ទំនង​ល្អជា​មួយ​យុវជន​ ​និង​ប្រជាជន​នៅក្នុង​បណ្តា​ប្រទេស​នានា​លើ​ពិភពលោក​ ​ព្រោះ​ការបង្កើត​បណ្តាញ​ទំនាក់ទំនង​ល្អ​នេះ​អាច​ធ្វើ​ឱ្យ​យើង​ទទួល​បាន​ឱកាស​កាន់តែ​ច្រើន​ក្នុង​ការ​ចាប់​យក​ឱកាស​ការងារ​ ​ក៏ដូចជា​ការ​ធ្វើអាជីវកម្ម​ជាដើម​។​ ​ចំណុច​សំខាន់​ទី5​ ​គឺ​យុវជន​គួរ​បង្ហាញ​ទស្សន​វិជ្ជមាន​ចំពោះ​សង្គម​ឱ្យ​បាន​ច្រើន​ ​ដើម្បី​ធ្វើ​យ៉ាងណា​បង្ហាញ​ឱ្យ​គេ​ឃើញ​ពី​លក្ខណ​ពិសេស​ ​និង​សក្តា​នុ​ពល​របស់​យើង​ ​ដែល​វា​ជា​ចំណុច​ចាប់ផ្តើម​ក្នុង​ការ​ទាក់ទាញ​អ្នក​វិនិយោគ​ ​ឬ​មើលឃើញ​ពី​តម្លៃ​ក្នុង​ការ​ទំនាក់ទំនង​ជាមួយ​យើង​។​ ​ម្យ៉ាងវិញទៀត​ ​យើង​ទាំងអស់គ្នា​ក៏​គួរតែ​ព្យាយាម​គ្រប់​លទ្ធភាព​ក្នុង​ការកំណត់​អត្តសញ្ញាណ​ ​វប្បធម៌​ ​និង​សាមគ្គីភាព​ ​ដើម្បី​បង្ហាញ​ឱ្យ​គេ​ឃើញថា​ ​យើង​ជា​មនុស្ស​ដែល​មាន​សមត្ថភាព​ ​និង​ជា​មនុស្ស​ដែល​អាច​ជួយ​ឱ្យ​ស្ថាប័ន​របស់​គេ​អាច​អភិវឌ្ឍ​បាន​ល្អ​។​
​
​ចំពោះ​កម្រិត​គុណភាព​របស់​យុវជន​វិញ​នោះ​លោក​ ​តុលា​ ​បាន​បញ្ជាក់​ថា​ ​បើ​គិត​ពី​ក្របខណ្ឌ​អាស៊ាន​យើង​មិន​អន់​ពេក​ទេ​ ​ព្រោះ​បើ​រាប់​តាម​លេខរៀង​ ​យើង​ប្រហែលជា​លេខ6​ ​លេខ7​ ​ដែរ​ ​ប្រៀបធៀប​ជាមួយ​យុវជន​ក្នុង​ប្រទេស​ដទៃ​។​ ​កត្តា​សំខាន់​ដែល​អាច​ធ្វើ​ឱ្យ​យើង​អាច​វាយតម្លៃ​បែបនេះ​ ​ទី1​ ​គឺ​យុវជន​កម្ពុជា​មានឱកាស​ច្រើន​ក្នុង​ការ​អភិវឌ្ឍ​សមត្ថភាព​ ​ទាំង​ការ​ចូល​​រួម​ក្នុង​កិច្ចការ​ងារ​សង្គម​ ​ការសិក្សា​លើ​ភាសា​ ​និង​ការ​-​បង្កើត​កម្ម​វិ​ធី​ថ្មី​ៗ​ ​ខុសពី​ប្រទេស​មួយចំនួន​ ​ដូចជា​មីយ៉ាន់ម៉ា​ ​វៀតណាម​ ​ម៉ាឡេស៊ី​ ​ឥណ្ឌូ​នេ​ស៊ី​ ​និង​ប្រទេស​មួយចំនួន​ទៀត​ដែល​យុវជន​មិនសូវ​ត្រូវ​បាន​លើកទឹកចិត្ត​ឱ្យ​មានឱកាស​បែបនេះ​ទេ​ ​ព្រោះ​ប្រទេស​គេ​ទាំងនោះ​រឹតត្បិត​ខ្លាំង​លើ​ការរៀបចំ​ ​និង​បង្កើត​កម្ម​វិ​ធី​ផ្សេង​ៗ​ ​ក៏ដូចជា​បញ្ហា​ភាសា​ជាដើម​។​ ​ចំណុច​សំខាន់​ទី2គឺ​យើង​ឃើញថា​ ​និស្សិត​កម្ពុជា​ទទួល​បាន​មេដាយមាស​-​ប្រាក់​ ​និង​សមិទ្ធផល​សំ​ខាន់​ៗ​ជាច្រើន​ពី​អន្តរជាតិ​។​ ​និយាយ​នេះ​មិនមែន​មានន័យថា​ ​ប្រទេស​គេ​មិន​ជាប់​ជយលាភី​នោះ​ទេ​ ​គេ​ក៏​មាន​ច្រើន​ដែរ​ ​តែ​អ្វី​ដែល​សំខាន់​គឺ​លើ​វិញ្ញាសា​ខ្លះ​ ​យើង​អាច​ឈ្នះ​លើ​ប្រទេស​ធំ​។​ ​ជាក់ស្តែង​ចំពោះ​អាហារូបករណ៍​អន្តរជាតិ​វិញ​ ​មាន​ប្រទេស​ខ្លះ​មិន​មាន​យុវជន​ជាប់​នោះ​ទេ​ ​តែ​យុវជន​ខ្មែរយើង​អាច​ជាប់​ទៅ​សិក្សា​បាន​។​ ​ចំណុច​សំខាន់​មួយផ្សេងទៀត​ដែល​យើង​មើលឃើញ​ថា​ ​ជា​ចំណុច​ល្អ​របស់​យើង​នោះ​គឺ​ ​តាម​ការស្រាវជ្រាវ​ ​កម្ពុជា​មាន​យុវជន​ចន្លោះ​ពី​ ​18ឆ្នាំ​ ​ដល់​ ​40ឆ្នាំ​ច្រើនជាង​គេ​ក្នុង​តំបន់​ ​ដែល​កំពុង​ចូលរួម​យ៉ាង​សំខាន់​ក្នុង​គ្រប់​ផ្នែក​ ​ជាពិសេស​ចង្វាក់​ផលិតកម្ម​ក្នុង​វិស័យ​សេដ្ឋកិច្ច​។​
​
​ទោះបីជា​យ៉ាងនេះ​ក្តី​ ​សហ​ស្ថាបនិក​កម្មវិធី​អភិវឌ្ឍន៍​យុវជន​ខាងលើ​បាន​បង្ហាញ​ផង​ដែរ​ថា​ ​យុវជន​យើង​ក៏​មាន​ចំណុច​ខ្វះខាត​ចំនួន​ផង​ដែរ​ដែល​ជា​ឧបសគ្គ​សម្រាប់​ការប្រកួត​ប្រជែង​។​ ​បញ្ហា​សំខាន់​គឺ​យុវជន​កម្ពុជា​មួយចំនួន​មិនទាន់​ចេះ​ប្រើប្រាស់​ឱកាស​របស់​ខ្លួន​ឱ្យ​ក្លាយជា​ប្រយោជន៍​សំខាន់​នៅឡើយ​ទេ​។​ ​មាន​យុវជន​ខ្លះ​បាន​បណ្តែតបណ្តោយ​ឱ្យ​ឱកាស​ទាំងអស់​នោះ​រំលង​ផុត​ទៅ​ដោយ​ការ​ផ្តេក​ផ្តួល​ខ្លួន​ជាមួយនឹង​រឿង​មិនល្អ​ ​ឬ​លង់ខ្លួន​ជាមួយ​ភាព​សប្បាយរីករាយ​ច្រើនពេក​ ​ភ្លេច​គិត​ពី​ការ​អភិវឌ្ឍ​សមត្ថភាព​ស្រប​ពេល​ដែល​យុវជន​នៃ​បណ្តា​ប្រទេស​ដទៃ​កំពុង​មមាញឹក​ខ្លាំង​ក្នុង​ការ​អភិវឌ្ឍ​ចំណេះដឹង​របស់​ខ្លួន​។​ម្យ៉ាងវិញទៀត​ ​យុវជន​កម្ពុជា​បច្ចុប្បន្ន​ក៏​មានទម្លាប់​មិនល្អ​មួយ​ ​គឺ​ចូលចិត្ត​ធ្វើ​អ្វី​ដដែល​ៗ​ ​ដែល​ធ្វើ​ឱ្យ​ពួកគេ​មិន​អាច​ស្វែងរក​នវានុវត្តន៍​ ​ឬអ្វី​ដែល​ថ្មី​ខុសពី​អ្វី​ដែល​មនុស្សចាស់​ធ្លាប់ធ្វើ​។​ ​បញ្ហា​នេះ​ធ្វើ​ឱ្យ​យើង​ដើរក្រោយ​គេ​ ​ព្រោះ​ទម្លាប់​ចាស់​គំរឹល​មួយចំនួន​ដែល​យុវជន​កំពុង​ក្តោប​ទុក​ក្នុង​ខ្លួន​ ​បាន​ក្លាយជា​ឧបសគ្គ​សំខាន់​ក្នុង​ការ​ធ្វើការងារ​ក្នុង​សង្គម​ដែល​កំពុង​ប្រែប្រួល​យ៉ាង​ឆាប់រហ័ស​នេះ​។​ ​ចំណុច​សំខាន់​មួយផ្សេងទៀត​ ​គឺ​យុវជន​កម្ពុជា​មិនទាន់​ចេះ​សាមគ្គី​ ​និង​ធ្វើការ​ជា​ក្រុម​ឱ្យ​បាន​ល្អ​ ​ដែល​ធ្វើ​ឱ្យ​យើង​មានការ​លំបាក​ក្នុង​ការប្រកួត​ប្រជែង​ជាមួយ​បណ្តា​ប្រទេស​ខាងក្រៅ​ ​ព្រោះ​យើង​រវល់​តែ​មាន​បញ្ហាផ្ទៃក្នុង​ច្រើន​។​ ​ជាក់ស្តែង​ប្រសិនបើ​យើង​ធ្វើការងារ​គម្រោង​ណាមួយ​ ​ហើយ​យើង​រវល់​តែ​ឈ្លោះប្រកែក​គ្នា​ ​ផ្នែក​ដទៃផ្សេង​ទៀត​ ​ឬ​ដៃគូ​ប្រកួតប្រជែង​ ​គេ​នឹង​ដើរទៅ​មុន​យើង​អស់​មិនខាន​។​
​
​ងាក​មកវិញ​ ​ដើម្បី​ស្តារ​ស្ថានការណ៍​ទាំងអស់​នេះ​យើង​គួរ​ព្យាយាម​គ្រប់​លទ្ធភាព​ដើម្បី​សិក្សា​ឱ្យ​បាន​ច្រើន​ ​ទាំង​ក្នុង​ប្រទេស​ ​និង​ក្រៅប្រទេស​ ​ដើម្បី​ដឹង​ឱ្យ​ច្បាស់​ថា​ ​តើ​គេ​ដើរ​ដល់ណា​ហើយ​?​ ​ហើយ​យើង​ត្រៀមខ្លួន​អ្វីខ្លះ​ដើម្បី​ប្រកួតប្រជែង​?​។​ ​លើស​ពីនេះ​ទៅទៀត​យុវជន​គួរ​ព្យាយាម​ប្រើប្រាស់​ពេល​ដើម្បី​ស្វែងយល់​ឱ្យ​-​បាន​ស៊ីជម្រៅ​លើ​ការងារ​ដែល​យើង​កំពុង​ធ្វើ​ ​ដើម្បី​អភិវឌ្ឍ​ឱ្យ​កាន់តែ​ប្រសើរ​ឡើង​ ​ហើយ​ប្រសិនបើ​យើង​ក្តោប​ព័ត៌មាន​ ​ឬ​ទិន្នន័យ​បាន​ល្អ​ប្រសើរ​ទៀតផង​នោះ​ ​យើង​នឹងអាច​រក​ឃើញ​គំនិត​ច្នៃប្រឌិត​ជាច្រើន​ដែល​ធ្វើ​ឱ្យ​យើង​ក្លាយជា​បុគ្គលិក​ដែល​មានប្រសិទ្ធភាព​ខ្ពស់​៕​