អ្នកជំនាញកសិកម្មបានសន្និដ្ឋានថា តំបន់ខ្ពង់រាបរបស់ខេត្តមណ្ឌលគិរី គឺសមរម្យសម្រាប់ការដាំដុះដំឡូងបារាំង ដែលការពិសោធដាំដុះដំឡូងបារាំងនៅទីនោះបានឈានចូលដល់ឆ្នាំទី3 ហើយ បើទោះជាពុំទទួលបានទិន្នផលខ្ពស់ដូចនៅបណ្ដាប្រទេសក្នុងតំបន់អឺរ៉ុបក្ដី ប៉ុន្ដែក៏អាចបញ្ជាក់ថា ដំឡូងបារាំងពិតជាអាចដាំបាននៅក្នុងទឹកដីនៃខេត្តមណ្ឌលគិរី។
លោកសាស្ត្រាចារ្យ ជាង ហុង ព្រឹទ្ធបុរសនៃមហាវិទ្យាល័យវិទ្យាសាស្ត្រកសិកម្ម បានមានប្រសាសន៍ថា៖ “ក្នុងឆ្នាំនេះ យើងបានប្រមូលផលដំឡូងបារាំងដែលមានទាំងអស់ពូជចំនួន 6ប្រភេទ ដែលយើងបានជ្រើសរើសកាលពីឆ្នាំកន្លងមក ហើយឆ្នាំនេះជាការពិសោធលើកទី3 ហើយដែលបានទទួលទិន្នផលច្រើនគួរសម តែមិនអាចប្រៀបធៀបនឹងបណ្តាប្រទេសមួយចំនួនដូចនៅអឺរ៉ុបបានទេ”
លោកសាស្ត្រាចារ្យ ជាង ហុង បានបញ្ជាក់ថា៖“សម្រាប់កម្ពុជា ការដាំដំឡូងបារាំងក្នុង 1ហិកតានឹងទទួលបានទិន្នផលពី17 ទៅ 20តោន និងលក់បានក្នុង 1គីឡូក្រាមតម្លៃ 4ពាន់រៀល ឬ1ដុល្លារ។ ដូច្នេះបើក្នុង 1ហិកតា បានទិន្នផល 17តោន យ៉ាងតិចបំផុតក៏យើងបានជាង 1ម៉ឺនដុល្លារដែរ”។
លោកសាស្ត្រាចារ្យបានអះអាងថា តែអ្វីដែលច្បាស់នោះ គឺដំឡូងបារាំងពិតជាអាចដាំបាននៅខេត្តមណ្ឌលគិរីដោយផ្អែកលើការពិសោធដាំដុះជាក់ស្ដែងរយៈពេល 3ឆ្នាំកន្លងមកដែលមានបច្ចេកទេសគ្រប់គ្រាន់ មានពូជដែលសមស្របនឹងអាកាសធាតុនៅតំបន់នោះ ហើយទិន្នផលវិញ ក៏ទទួលបានខ្ពស់បង្គួរដែរ។
លោក សុង ឃាង ប្រធានមន្ទីរកសិកម្មខេត្តមណ្ឌលគិរី បានថ្លែងថា ការសាកល្បងដែលបានធ្វើឡើងក្នុងរយៈពេល 3ឆ្នាំចុងក្រោយនេះដែលមន្ទីរកសិកម្មបានសហការជាមួយសាកលវិទ្យាល័យភូមិន្ទកសិកម្មចំការដូង បានបង្ហាញថា ដីនៅក្នុងខេត្តមណ្ឌលគិរីបានបំពេញតាមតម្រូវការសម្រាប់ការដាំដុះដំឡូងបារាំងមែន។
លោកបានមានប្រសាសន៍ថា៖ “បន្ទាប់ពីធ្វើតេស្ត3ឆ្នាំ យើងអាចសន្និដ្ឋានថា ខេត្តមណ្ឌលគិរីអាចផលិតដំឡូងដែលមានគុណភាពខ្ពស់បាន ហើយអាចកំណត់បានពូជដែលត្រូវដាំ និងសមស្របតាមអាកាសធាតុ ដូច្នេះលទ្ធផលនេះមានសារៈសំខាន់ណាស់ ជាពិសេសជាមួយនឹងតម្រូវការដំឡូងបារាំងនៅក្នុងប្រទេសយើងដែលបច្ចុប្បន្នត្រូវបាននាំចូលទាំងស្រុង”។
លោកប្រធានមន្ទីរសង្ឃឹមថា ឆ្នាំក្រោយ ការដាំដំឡូងបារាំងនេះនឹងសាយភាយដល់កសិករ ដែលមានចំណាប់អារម្មណ៍ ព្រោះតម្លៃក៏ល្អដែរ ជាពិសេសយើងនឹងធ្វើការផ្សព្វផ្សាយអំពីបច្ចេកទេសដាំដុះ ជ្រើសរើសពូជជូនដល់កសិករផងដែរ ព្រោះឆ្នាំទី3នេះ លទ្ធផលនៃការដាំដុះមានភាពល្អប្រសើរណាស់។
យោងតាមវិទ្យាស្ថានស្រាវជ្រាវដំឡូងបារាំងដែលជាមជ្ឈមណ្ឌលមួយនៅសាកលវិទ្យាល័យភូមិន្ទកសិកម្ម បច្ចុប្បន្នប្រទេសកម្ពុជានាំចូលដំឡូងបារាំងជាង 5ម៉ឺនតោនជារៀងរាល់ឆ្នាំពីប្រទេសថៃ ចិន ជប៉ុន វៀតណាម អូស្ត្រាលី និងសហរដ្ឋអាមេរិក។
ការសិក្សាអំពីការដាំដុះដំឡូងបារាំងនៅក្នុងប្រទេសកម្ពុជាត្រូវបានអនុវត្តចាប់តាំងពីដើមឆ្នាំ2017 ក្នុងគោលបំណងស្វែងរកតំបន់នៅក្នុងព្រះរាជាណាចក្រកម្ពុជាដែលសមស្របសម្រាប់ការដាំដុះដំណាំដំឡូងបារាំង។ ការធ្វើតេស្តលើកដំបូងដែលធ្វើឡើងដោយវិទ្យាស្ថានស្រាវជ្រាវដំឡូងបារាំងបានបង្ហាញថា ខេត្តពោធិ៍សាត់ និងខេត្តបាត់ដំបងក៏មានដីត្រឹមត្រូវ និងអាកាសធាតុល្អសម្រាប់ការដាំដុះដំណាំនេះដែរ។ ការស្រាវជ្រាវនេះ គឺជាកិច្ចសហការរវាងក្រសួងកសិកម្ម ទីភ្នាក់ងារសហប្រតិបត្តិការអន្តរជាតិកូរ៉េ និងសាកលវិទ្យាល័យភូមិន្ទកសិកម្មចំការដូង។
សាកលវិទ្យាធិការនៃសាកលវិទ្យាល័យភូមិន្ទកសិកម្មចំការដូង លោក ង៉ោ ប៊ុនថាន បានមានប្រសាសន៍ផងដែរថា បន្ទាប់ពីធ្វើការស្រាវជ្រាវ និងពិសោធន៍រួចមក ឃើញថា ដំឡូងបារាំងដែលយកមកដាំនៅខេត្តមណ្ឌលគិរីនេះ ជាលទ្ធផលយើងត្រូវមានកញ្ចប់បច្ចេកទេសក្នុងការដាំដុះដំឡូងបារាំង ទើបអាចឈានដល់ដំណាក់កាលចុងក្រោយ និងអាចដាំបានហើយនៅខេត្តមណ្ឌលគិរី។ ដូច្នេះលោកបានណែនាំដល់មន្ទីរកសិកម្ម និងមហាវិទ្យាល័យកសិកម្មចំការដូង ត្រូវសហការគ្នាជួយដល់កសិកររូបណាដែលមានចំណាប់អារម្មណ៍ក្នុងការដាំដំឡូងបារាំងនេះ។
សូមបញ្ជាក់ថា លោក ង៉ោ ប៊ុនថាន សាកលវិទ្យាធិការនៃសាកលវិទ្យាល័យភូមិន្ទកសិកម្មចំការដូងធ្លាប់បានដឹកនាំក្រុមនិស្សិតចំនួន 45នាក់ចុះធ្វើកម្មសិក្សាពីលទ្ធផលនៃការពិសោធការដាំដុះដំឡូងបារាំងនៅក្រុងសែនមនោរម្យ។ ការធ្វើកម្មសិក្សាសម្រាប់ក្រុមនិស្សិតនេះ គឺដើម្បីឱ្យពួកគេបានដឹងពីបច្ចេកទេសនៃការដាំដុះដំណាំដំឡូងបារាំង និងការប្រមូលផលដោយផ្ទាល់ ព្រមទាំងសិក្សាស្វែងយល់ពីប្រភេទពូជដែលអាចដាំដុះបាននៅប្រទេសកម្ពុជាផងដែរ៕
Category: សង្គម និងសេដ្ឋកិច្ច
ការពិសោធដាំដុះដំឡូងបារាំងនៅក្នុងខេត្តមណ្ឌលគិរីកំពុងទទួលបានទិន្នផលល្អ
ជប៉ុនផ្តល់ថវិកាជាង 52ម៉ឺនដុល្លារសម្រាប់សាលាមត្តេយ្យគំរូផ្តោតលើបណ្ណាល័យ
ប្រទេសជប៉ុនបានផ្តល់ជំនួយជាទឹកប្រាក់ប្រមាណ 529,068ដុល្លារដល់អង្គការសន្តិស្ម័គ្រចិត្តក្រោមគម្រោងជំនួយឧបត្ថម្ភឥតសំណងសម្រាប់គម្រោងអភិវឌ្ឍន៍សាលាមត្តេយ្យសិក្សាធនធានគំរូផ្តោតលើបណ្ណាល័យនៅខេត្តបាត់ដំបង ដែលកិច្ចសន្យាផ្តល់ជំនួយនេះត្រូវបានចុះហត្ថលេខារវាងលោកហូរីណូ អ៊ុជិហ៊ី ដេហ៊ីសា ឯកអគ្គរាជទូតជប៉ុនប្រចាំកម្ពុជា និងលោក Kase Takashi កាសេ តាកាស៊ី នាយកប្រចាំប្រទេសរបស់អង្គការសន្តិស្ម័គ្រចិត្ត SVA ធនធានខេត្តបាត់ដំបងរបស់អង្គការក្រៅរដ្ឋាភិបាលជប៉ុន។
យោងតាមសេចក្តីប្រកាសព័ត៌មានរបស់ស្ថានទូតជប៉ុនអង្គការ SVAមានបំណងកែលម្អគុណភាពនៃការអប់រំកុមារតូចៗ តាមរយៈការបង្កើតសាលាមត្តេយ្យគំរូជាមួយនឹងបណ្ណាល័យ។ គម្រោងនេះក៏មានបំណងបណ្តុះបណ្តាលគ្រូបង្រៀន និងគ្រូនៅសាលាបឋមសិក្សានៅក្រុងបាត់ដំបងដែរ។សាលារៀនមត្តេយ្យនេះនឹងទទួលបានកុមារប្រហែល 450នាក់ និង 10,00នាក់ផ្សេងទៀតនៅក្នុងខេត្តនេះនឹងអាចចូលទៅកាន់កម្មវិធីអប់រំថ្នាក់មត្តេយ្យតាមរយៈបណ្ណាល័យ។
លោក Horinouchi បានមានប្រសាសន៍ថា៖ «ថវិកាជំនួយប្រមាណជាង 52ម៉ឺនដុល្លារអាមេរិកដែលរដ្ឋាភិបាលជប៉ុនផ្តល់ដល់អង្គការសន្តិស្ម័គ្រចិត្តនេះនឹងបង្កើតសាលារៀនមត្តេយ្យគំរូបំពាក់ដោយបណ្ណាល័យលើកកម្ពស់ការអានសៀវភៅក្នុងការអប់រំកុមារតូចៗ និងការបង្កើនសមត្ថភាពគ្រូបង្រៀនសាលាមត្តេយ្យក្នុងខេត្តបាត់ដំបងការកែលម្អគុណភាពនៃការអប់រំកុមារតូច និងអភិវឌ្ឍឱ្យកាន់តែប្រសើរឡើងនូវការអប់រំថ្នាក់មត្តេយ្យសម្រាប់កុមារនៅខេត្តបាត់ដំបង»។
តាមរយៈគម្រោងនេះ លោកឯកអគ្គរាជទូតជប៉ុនសង្ឃឹមដែរថា គម្រោងនេះនឹងធ្វើឱ្យប្រសើរឡើងនូវសកម្មភាពរបស់បណ្ណាល័យនឹងរីកចម្រើននៅទូទាំងខេត្ត ហើយការអប់រំកុមារតូចក្នុងខេត្តបាត់ដំបងនឹងអភិវឌ្ឍកាន់តែខ្លាំង។
លោក Kase បានថ្លែងថា បច្ចុប្បន្ននេះមានសិស្សច្រើនជាង 50នាក់ក្នុង 1ថ្នាក់នៅក្នុងសាលារៀនដែលជាចំនួនលើស(2ដង)ដែលស្ថិតក្នុងកម្រិតណែនាំដោយក្រសួងអប់រំ។ ដូច្នេះ”ការកសាងសាលាមត្តេយ្យនេះអាចរួមចំណែកកាត់បន្ថយចំនួនសិស្សានុសិស្សនៅតាមសាលារៀនដើម្បីទទួលបានកម្រិតសមស្រប និងអនុញ្ញាតឱ្យកុមារលេង និងរៀននៅក្នុងបរិយាកាសសុខស្រួល។ លោកបានបញ្ជាក់ទៀតថា៖«តាមរយៈការលើកកម្ពស់ការអានតាមរយៈបណ្ណាល័យ និងការបង្កើនជំនាញបច្ចេកទេសរបស់គ្រូបង្រៀន យើងសង្ឃឹមថានឹងបង្កើនការអប់រំរបស់កុមារ»។
លោក Kase Takashi បានសន្យាថា ក្នុងដំណាក់កាលនៃការរៀបចំគម្រោងនេះអង្គការរបស់លោកបានពិគ្រោះយោបល់ និងសហការយ៉ាងជិតស្និទ្ធជាមួយមន្ទីរការិយាល័យអប់រំ យុវជននិងកីឡាខេត្តបាត់ដំបង ហើយសាលាមត្តេយ្យសិក្សាធនធានបាត់ដំបងនឹងប្រឹងប្រែងអស់ពីសមត្ថភាពដើម្បីរក្សានូវកិច្ចសហប្រតិបត្តិការល្អនៅដំណាក់កាលនៃការអនុវត្តគម្រោងនេះ។ ជាពិសេសគម្រោងនេះអាចរួមចំណែកដល់ការបង្កើតទំនាក់ទំនងមិត្តភាពរវាងជប៉ុន និងកម្ពុជា។
សូមបញ្ជាក់ថា កម្មវិធីជំនួយឥតសំណងរបស់រដ្ឋាភិបាលជប៉ុនសម្រាប់គម្រោងអង្គការក្រៅរដ្ឋាភិបាលជប៉ុននៅកម្ពុជាបានចាប់ផ្តើមនៅឆ្នាំ2002 ដើម្បីគាំទ្រសកម្មភាពដែលជួយដល់កិច្ចខិតខំប្រឹងប្រែងក្នុងការកសាង និងស្ថាបនាឡើងវិញរបស់កម្ពុជានៅកម្រិតមូលដ្ឋាន។
ចាប់តាំងពីឆ្នាំ2002 មក ជប៉ុនបានផ្តល់ថវិកាចំនួនជាង 35លានដុល្លារសម្រាប់គម្រោងចំនួន114 ដែលផ្តោតសំខាន់លើវិស័យអប់រំបឋម សុខាភិបាល កសិកម្ម និងការបោសសម្អាតមីន៕
មូលនិធិក្រុមប្រឹក្សាអាជ្ញាកណ្តាល ចងក្រងសៀវភៅច្បាប់ស្តីពីការងារ ដើម្បីសម្រួលដល់ប្រជាជន និងអ្នកស្រាវជ្រាវ
វិស័យការងារជាវិស័យដ៏សំខាន់មួយក្នុងសង្គមនៅគ្រប់ប្រទេសទាំងអស់លើពិភពលោក ព្រោះវិស័យនេះជាប់ពាក់ព័ន្ធដោយផ្ទាល់ទៅនឹងសេដ្ឋកិច្ច ការអភិវឌ្ឍ និងការរស់នៅរបស់ប្រជាជន ហេតុនេះហើយទើបគ្រប់ប្រទេសទាំងអស់បានយកចិត្តទុកដាក់លើវិស័យនេះ ដោយការរៀបចំច្បាប់ និងលិខិតគតិយុត្តទៅតាមស្ថានភាពនៃប្រទេសរៀងៗខ្លួន ដើម្បីគ្រប់គ្រងដោះស្រាយវិវាទ និងជំរុញឱ្យវិស័យការងារទាំងមូលមានភាពប្រសើរឡើងជាលំដាប់។
នៅកម្ពុជា ការអប់រំពីច្បាប់ការងារក៏ជាចំណុចអាទិភាពមួយដើម្បីជំរុញឱ្យវិស័យដ៏មានសារៈសំខាន់នេះកាន់តែមានលក្ខណៈប្រសើរឡើង ហើយធ្វើឱ្យជម្លោះក្នុងក្រុមហ៊ុន សហគ្រាស មានការថយចុះ។ ដោយមើលឃើញពីសារៈសំខាន់នៃការអប់រំច្បាប់ការងារ ក្រុមប្រឹក្សាអាជ្ញាកណ្តាល ដែលជាស្ថាប័នដោះស្រាយវិវាទការងារតាមរយៈការផ្សះផ្សា និងមជ្ឈត្តកម្មបានចេញផ្សាយសៀវភៅកម្រងឯកសារច្បាប់ស្តីពីការងារ ដើម្បីបង្កភាពងាយស្រួលដល់ប្រជាជនកម្ពុជាគ្រប់ភាគី ទាំងនិយោជិត និយោជក និងស្ថាប័នសាធារណៈជាដើម ក្នុងការស្រាវជ្រាវ ឬស្វែងយល់ឱ្យបានកាន់តែច្បាស់ពីច្បាប់ និងឯកសារគតិយុត្តថ្មីៗពាក់ព័ន្ធនឹងការងារ។
មូលនិធិក្រុមប្រឹក្សាអាជ្ញាកណ្តាលចុះអប់រំផ្សព្វផ្សាយនៅតាមសាកលវិទ្យាល័យ
នៅសប្តាហ៍នេះកាសែតឡារ៉ែនពាណិជ្ជ បានធ្វើបទសម្ភាសដោយផ្ទាល់ជាមួយលោកស្រី អាន វីរៈប្រធានផ្នែកបណ្តុះបណ្តាល និងទំនាក់ទំនងសាធារណៈនៃមូលនិធិក្រុមប្រឹក្សាអាជ្ញាកណ្តាល ដើម្បីបង្ហាញចំណុចសំខាន់ៗពាក់ព័ន្ធនឹងការចងក្រងសៀវភៅកម្រងឯកសារច្បាប់ស្តីពីការងារ។
1. តើលោកស្រីអាចបញ្ជាក់បានទេថា ភាគីណាខ្លះជាអ្នកចូលរួមចំណែកក្នុងការចងក្រងសៀវភៅកម្រងឯកសារច្បាប់ស្តីពីការងារនេះឡើង?
ភាគីសំខាន់ៗក្នុងការចងក្រងសៀវភៅកម្រងឯកសារច្បាប់ស្តីពីការងារនេះ គឺមូលនិធិក្រុមប្រឹក្សាអាជ្ញាកណ្តាល ដែលជាអង្គការក្រៅរដ្ឋាភិបាលមានតួនាទីក្នុងការផ្តល់ជំនួយផ្នែកបច្ចេកទេសដល់ក្រុមប្រឹក្សាអាជ្ញាកណ្តាល និងលេខាធិការដ្ឋានរបស់ក្រុមប្រឹក្សាអាជ្ញាកណ្តាល។ ស្ថាប័នទាំង2 នេះ រួមគ្នាចងក្រងក្នុងគោលបំណងសម្រួលដល់ភាគីពាក់ព័ន្ធទាំងអស់មានក្រសួងស្ថាប័ន កម្មករនិយោជិត និយោជក និងភាគីសំខាន់ៗមួយចំនួនទៀតក្នុងការស្វែងរកប្រភពឯកសារផ្លូវការពាក់ព័ន្ធនឹងច្បាប់ការងារ ដូចជាព្រះរាជក្រឹត្យ អនុក្រឹត្យ សេចក្ដីប្រកាស សារាចរ និងសេចក្តីជូនដំណឹងជាដើម។
2. តើមូលហេតុសំខាន់ៗអ្វីខ្លះដែលធ្វើឱ្យក្រុមការងារសម្រេចចិត្តចងក្រងសៀវភៅនេះឡើង?
តាមពិតទៅដូចបានបញ្ជាក់ខាងលើហើយថាយើងចងក្រងសៀវភៅនេះ គឺដើម្បីសម្រួលដល់ការស្វែងរកឯកសារ និងធ្វើឱ្យកាន់តែងាយស្រួលសម្រាប់ភាគីទាំងអស់ ព្រោះគាត់កាន់តែសៀវភៅមួយក្បាលអាចក្តោបនូវឯកសារផ្លូវការជាច្រើនពាក់ព័ន្ធនឹងការងារ។ មែនទែនទៅ យើងក៏អាចស្វែងរកកម្រងឯកសារទាំងអស់នោះបានពីក្រសួង ឬពីគេហទំព័របានដែរ តែពេលខ្លះការស្វែងរកពីក្រសួងគឺឯកសារទាំងអស់នោះត្រូវការពេលវេលាក្នុងការស្វែងរកពីនាយកដ្ឋានជំនាញម្តងមួយៗ ព្រោះឯកសារមាននៅរាយៗដោយឡែកមិនទាន់ផ្គុំបញ្ចូលគ្នាតែមួយនៅឡើយ។
នៅក្នុងសៀវភៅកម្រងឯកសារច្បាប់ស្តីពីការងារយើងមានប្រមូលឯកសារចាស់ៗមួយចំនួនផងដែរដែលឯកសារខ្លះចេញតាំងពីឆ្នាំ1994 ហើយនៅតែអនុវត្តជាធរមានរហូតដល់ពេលបច្ចុប្បន្ន។ ក្នុងនោះឯកសារខ្លះមានការខូចខាត ឬលំបាកមើលក៏យើងយកមកសម្រួលដើម្បីឱ្យមានភាពងាយស្រួលអានឡើងវិញ។
ម្យ៉ាងវិញទៀតឯកសារនេះក៏បានសម្រួលច្រើនផងដែរដល់សមាជិកក្រុមប្រឹក្សាអាជ្ញាកណ្តាល ព្រោះសមាជិកម្នាក់ៗត្រូវការឯកសារច្បាប់ទាំងអស់នោះដើម្បីជាគោលក្នុងការដោះស្រាយវិវាទ។ ចំពោះកម្មករឬបុគ្គលិកទូទៅវិញ ថ្វីដ្បិតតែកម្រងឯកសារទាំងអស់នេះជាច្បាប់មិនមែនជាប្រភេទឯកសារសម្រាយ ឬបកស្រាយពីច្បាប់ តែគាត់នៅតែអាចយល់បានពីចំណុចសំខាន់ៗ ដូចជាការបើកប្រាក់ឈ្នួល និងលក្ខខណ្ឌមួយចំនួនទៀត។ នៅពេលគ្រប់ភាគីមានការយល់ពីច្បាប់ការងារ ពេលនោះជម្លោះការងារក៏នឹងកាត់បន្ថយ ហើយស្ថាប័ននីមួយៗនឹងអាចមានភាពងាយស្រួលអភិវឌ្ឍផងដែរ ព្រោះប្រសិនបើមិនយល់ពីច្បាប់ការងារ មានរឿងអ្វីកើតឡើង និយោជិតអាចនឹងសម្រេចចិត្តឈប់ដែលបង្កជាបញ្ហា តែប្រសិនបើពួកគាត់យល់ គាត់នឹងអាចព្យាយាមដោះស្រាយតាមផ្លូវច្បាប់ឱ្យអស់ពីលទ្ធភាព។ ក្រៅពីនេះ វាក៏ជាទុនមួយសម្រាប់កម្មករ-កម្មការិនី ឬបុគ្គលិកក្នុងការស្វែងយល់ពីច្បាប់ការងារ ប្រសិនបើគាត់មើលហើយមិនយល់ គាត់អាចប្រឹក្សាជាមួយអ្នកដែលមានការយល់ដឹងជាងគាត់បានលើវិស័យនេះ។
3.តើការចងក្រងសៀវភៅកម្រងឯកសារច្បាប់ស្តីពីការងារ នេះមានផលលំបាក និងកត្តាប្រឈមអ្វីខ្លះ?
បញ្ហាប្រឈមរបស់យើង គឺបញ្ហាបច្ចេកទេសហើយពេលលំបាកខ្លាំងជាងគេ គឺការបោះពុម្ពលើកទី1 និងសូមបញ្ជាក់ផងដែរថា នេះគឺជាការបោះពុម្ពលើកទី5 ហើយសម្រាប់ឆ្នាំនេះ។ សម្រាប់ការបោះពុម្ពលើកទី1 យើងត្រូវការចងក្រងឯកសារចាស់ៗមួយចំនួន ដូចជាឯកសារច្បាប់ខ្លះមានតាំងពីឆ្នាំ 1994 ដែលឯកសារទាំងអស់នោះ ខ្លះមានភាពរលុបៗ ហើយក្រុមការងារត្រូវធ្វើការវាយអក្សរឡើងវិញទាំងស្រុង និងចំណាយពេលវេលាយ៉ាងយូរដើម្បីផ្ទៀងផ្ទាត់ដោយប្រុងប្រយ័ត្នដើម្បីធានាថា វាមិនខុសពីច្បាប់ដើម។ ហើយចំពោះឯកសារមួយចំនួនទៀតដែលមានត្រាក្រសួង ឬជាឯកសារថ្មីៗយើងត្រូវស្គែនវាដើម្បី Design និងកាត់តឱ្យមើលទៅឃើញច្បាស់។
ចំណុចសំខាន់មួយផ្សេងទៀតគឺ ការរៀបចំទំព័រព្រោះឯកសារជាច្រើនជារូបភាព ហើយយើងត្រូវរៀបចំឯកសារទាំងអស់នោះតាមប្រភេទនៃលិខិតគតិយុត្តពីធំមកតូច ហេតុនេះពេលចូលក្នុងរោងពុម្ពវាអាចលោតខុសទំព័រ ឬខុសពីការកំណត់ក្នុងមាតិកាដែលទាមទារឱ្យមានក្រុមតាមដានសាចុះសាឡើង។ ដូចយើងបានបញ្ជាក់ហើយថា គោលបំណងរបស់យើងគឺចង់សម្រួលដល់អ្នកប្រើប្រាស់ឯកសារ ប្រសិនបើមានបញ្ហាទំព័រ គាត់អាចលំបាកក្នុងការស្វែងរក ហេតុនេះយើងត្រូវធ្វើការដោយប្រុងប្រយ័ត្នបំផុត។
បញ្ហាលំបាកមួយផ្សេងទៀត គឺការផ្ទៀងផ្ទាត់ និងការសម្របសម្រួលជាមួយក្រសួង។ តាមពិតទៅក្រសួងគាត់ផ្តល់ការសហការល្អ ព្រោះឯកសារខ្លះក្រសួងបានដាក់ក្នុងគេហទំព័ររបស់គាត់ជាសាធារណៈតែក្នុងករណីខ្លះគុណភាពល្អ មើលទៅមិនច្បាស់ យើងត្រូវទាក់ទងទៅក្រសួងភ្លាមដើម្បីស្វែងរកប្រភពឯកសារដែលមានគុណភាពល្អភ្លាម។
4. តើរាល់ការបោះពុម្ពថ្មីម្តងៗមានការប្រែប្រួលអ្វីខ្លះពីឆ្នាំចាស់?
រាល់ការបោះពុម្ពថ្មី គឺយើងតែងតែធ្វើបច្ចុប្បន្នភាព ដោយលុបឯកសារទាំងឡាយណាដែលនិរាករណ៍ ហើយបន្ថែមឯកសារដែលក្រសួងទើបចេញថ្មីៗបន្ថែមទៀត។ ក្នុងនោះដែរ យើងក៏មានការប្រុងប្រយ័ត្នផងដែរ ដោយយើងត្រូវតែធ្វើការផ្ទៀងផ្ទាត់ឱ្យបានច្បាស់លាស់ ព្រោះមានឯកសារមួយចំនួនមិនត្រូវបាននិរាករណ៍ទាំងអស់នោះទេ ស្របពេលដែលមានឯកសារថ្មីប្រកាសថា និរាករណ៍ផ្នែកខ្លះតែប៉ុណ្ណោះហេតុនេះយើងត្រូវតែដាក់ទាំង2។
5. ប្រសិនបើសាធារណជនចង់បានសៀវភៅកម្រងឯកសារច្បាប់ស្តីពីការងារ នេះ តើគាត់អាចស្វែងរកនៅកន្លែងណាបាន?
សាធារណជនអាចស្វែងរកសៀវភៅ កម្រងឯកសារច្បាប់ស្តីពីការងារ បាននៅការិយាល័យរបស់ក្រុមប្រឹក្សាអាជ្ញាកណ្តាល ដែលយើងតែងតែជូនដំណឹងទៅគាត់មុនពេលបោះពុម្ពផ្សាយសម្រាប់ការទទួលកក់។ ចំពោះឯកសារនេះយើងមិនបានបោះពុម្ពច្រើនពាន់ក្បាលទេ យើងបោះពុម្ពម្តងតែ 500ក្បាលប៉ុណ្ណោះហើយក្នុងនោះ មួយចំនួនយើងចែកជូនដល់ក្រុមប្រឹក្សាអាជ្ញាកណ្តាល បុគ្គលិករបស់យើងទាំងអស់ និងផ្ញើទៅក្រសួង។ ប្រសិនបើគាត់មិនចង់ចំណាយ សាធារណជនក៏អាចប្រមូលឯកសារដោយខ្លួនឯងតាមរយៈគេហទំព័រ ឬអាចចូលមើលបាននៅក្នុងបណ្ណាល័យរបស់យើង។
6. តើលោកស្រីមានមតិអ្វីខ្លះជុំវិញការបោះពុម្ពផ្សាយសៀវភៅកម្រងឯកសារច្បាប់ស្តីពីការងារនេះ?
ចំពោះសៀវភៅកម្រងឯកសារច្បាប់ស្តីពីការងារដែលយើងចងក្រងនេះ ក្រុមការងារខ្ញុំសង្ឃឹមថា ឯកសារនេះនឹងក្លាយជាទុន ក៏ដូចជាធនធានសំខាន់មួយដល់អ្នកប្រើប្រាស់ឱ្យកាន់តែមានភាពងាយស្រួលក្នុងការអនុវត្តច្បាប់ការងារ។ យើងសង្ឃឹមថា យើងនឹងធ្វើបច្ចុប្បន្នភាពនៃការងារនេះដើម្បីឱ្យកាន់តែទៀងទាត់ និងប្រសើរឡើងសម្រាប់អ្នកប្រើប្រាស់ទាំងអស់គ្នា។ ប្រសិនបើសាធារណជនមានយោបល់ដើម្បីកែសម្រួលឯកសារនេះ យើងស្វាគមន៍ចំពោះមតិក្នុងការស្ថាបនាឱ្យកាន់តែប្រសើរឡើង។ ហើយយើងចង់ជម្រាបផងដែរថា ឯកសារប្រកាសផ្សេងៗក្នុងសៀវភៅនេះ សាធារណជនក៏អាចស្វែងរកបានតាមគេហទំព័ររបស់ក្រសួង និងគេហទំព័ររបស់មូលនិធិក្រុមប្រឹក្សាអាជ្ញាកណ្តាលបានផងដែរ៕
ម្ចាស់បទ « សៃវ៉ាស៊ិបរធីមកាន់ » រៀបមង្គលការស្ងាត់ៗជាមួយនារីស្រស់ស្អាតម្នាក់ ...
តាមរយៈសារព័ត៌មាន Kapook នៅព្រឹកថ្ងៃទី 13 ខែកុម្ភៈ ឆ្នាំ 2019 នេះបានឱ្យដឹងថា ម្ចាស់បទចម្រៀងល្បីល្បាញនៅលើបណ្ដាញសង្គមយូធូប មានចំណងជើងថា «សៃវ៉ាស៊ិបរធីមកាន់» គឺលោក កង ហួយរ៉ៃ បានចូលរោងការស្ងាត់ៗជាមួយនារីស្រស់ស្អាតម្នាក់ និងជាតារាចម្រៀងនៅលើបណ្ដាញសង្គមដូចគ្នាគឺកញ្ញា បែលល៍ ខៈនិតថាន បន្ទាប់ពីមានទំនាក់ទំនងស្នេហាអស់រយៈពេលជាងមួយឆ្នាំ។
ពិធីមង្គលការស្ងាត់ៗរបស់អ្នកទាំងពីរត្រូវបានបង្ហោះរូបភាពក្នុងពិធីរៀបការតែមួយសន្លឹក និងក្រៅពីនេះគឺរូបភាពផ្អែមល្ហែមផ្សេងទៀតច្រើនសន្លឹកនៅលើបណ្ដាញសង្គមអ៊ីនស្ដាក្រាម ដែលបង្ហោះដោយមិត្តភក្ដរបស់លោក កង ហួយរ៉ៃ ហើយក៏ជាមេអណ្ដើកផងដែរ។ លោក អ៊ុដុម ទែផានីត ត្រូវបានសារព័ត៌មានថៃទម្លាយថា ជាមេអណ្ដើកណែនាំឱ្យ ម្ចាស់បទ សៃវ៉ាស៊ិបរធីមកាន់ បានស្គាល់មិត្តភក្ដស្រីរបស់ខ្លួន និងចាប់ផ្ដើមបង្កាត់ភ្លើងស្នេហ៍កាលពីអំឡុងឆ្នាំ 2018 កន្លងទៅ។
ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ ៖
កម្មវិធី «អភិវឌ្ឍន៍សហគ្រាសខ្នាតមីក្រូ តូច និងមធ្យម»ប្រកាសបើកជាផ្លូវការ
កម្មវិធីអភិវឌ្ឍន៍សហគ្រាសខ្នាតមីក្រូ តូច និងមធ្យមនៅកម្ពុជា បានប្រកាសបើកផ្លូវការនៅក្នុងពិធីចុះហត្ថលេខាដោយក្រសួងឧស្សាហកម្ម និងសិប្បកម្ម ជាមួយនឹងអង្គការ GIZ ដែលគាំទ្រដោយរដ្ឋាភិបាលអាល្លឺម៉ង់ នៅព្រឹកថ្ងៃទី11 ខែកុម្ភៈ ឆ្នាំ2019កន្លងទៅ ក្រោមអធិបតីភាពឯកឧត្ដម សុន សេងហួត អនុរដ្ឋលេខាធិការក្រសួងឧស្សាហកម្ម និងសិប្បកម្ម និងលោក Guenter Rithmacher នាយកគ្រប់គ្រង អង្គការ GIZ ប្រចាំប្រទេសកម្ពុជា។
ឯកឧត្តម សុន សេងហួត បានលើកឡើងថា ពិធីចុះហត្ថលេខា និងប្រកាសបើកកម្មវិធីអភិវឌ្ឍន៍ សហគ្រាសខ្នាតមីក្រូ តូច និងមធ្យម ជាវេទិកាដ៏មានសារៈសំខាន់បំផុតមួយក្នុងការផ្តល់នូវបច្ចុប្បន្នភាព ព័ត៌មាន ក៏ដូចជាគោលនយោបាយថ្មីៗដែលជាមូលដ្ឋានគ្រឹះសម្រាប់ការអនុវត្តបន្តនូវការងារជំរុញលើកទឹកចិត្តដល់វិស័យសហគ្រាសខ្នាតមីក្រូ តូច និងមធ្យមនៅក្នុងកម្ពុជា។
លោកបន្ថែមថា វេទិកានេះធ្វើឡើងក្នុងគោលបំណងបង្កលទ្ធភាពងាយស្រួលដល់សហគ្រាសខ្នាតមីក្រូ តូច និងមធ្យមឱ្យមានលទ្ធភាពអភិវឌ្ឍន៍កែលម្អខ្សែចង្វាក់ផលិតកម្ម និងពង្រីកអាជីវកម្មរបស់ខ្លួន។ បន្ថែមលើនេះ វេទិកាក៏បានចូលរួមស្តាប់អំពីលទ្ធផលនៃកម្មវិធីអភិវឌ្ឍន៍សហគ្រាសខ្នាតមីក្រូ តូច និងមធ្យមនៅកម្ពុជា ព្រមទាំងការផ្តល់នូវធាតុចូលពីគ្រប់ភាគីពាក់ព័ន្ធជាពិសេស GIZ អំពីបញ្ហាប្រឈមនានារបស់សហគ្រាសខ្នាតមីក្រ តូច និងមធ្យមនៅកម្ពុជា ដើម្បីធ្វើជាមូលដ្ឋានក្នុងការកំណត់នូវសូចនាករថ្មីមួយ។
នៅឱកាសនោះឯកឧត្តម សុន សេងហួត ក៏បានស្នើឱ្យសហគ្រាសខ្នាតមីក្រូ តូច និងមធ្យមខ្លួនឯងផ្ទាល់ត្រូវខិតខំប្រឹងប្រែងពង្រឹង និងអភិវឌ្ឍខ្លួនបន្ថែម ព្រមទាំងព្យាយាមរកនូវបច្ចេកទេស បច្ចេកវិទ្យា គ្រឿងចក្រ គ្រឿងម៉ាស៊ីនទំនើប និងទាន់សម័យក្នុងផលិតកម្មដើម្បីបង្កើនផលិតភាព និងការប្រកួតប្រជែងយកឈ្នះរបស់ខ្លួនលើទីផ្សារក្នុងស្រុក និងក្រៅស្រុក។
មន្ដ្រីជាន់ខ្ពស់ក្រសួងឧស្សាហកម្មរូបនេះ បានបញ្ជាក់ទៀតថា ស្របពេលនឹងការទទួលបានការលើកទឹកចិត្តសម្រាប់សហគ្រាសខ្នាតមីក្រូ តូច និងមធ្យមទៅលើផ្នែកពន្ធដារ និងទទួលបានហិរញ្ញប្បទាន ក្រសួងក៏បានចូលរួមដោះស្រាយ និងស្វែងរកដំណោះស្រាយផ្សេងទៀតអំពីបញ្ហាប្រឈមដែលពាក់ព័ន្ធនឹងផ្នែកផ្សេងៗទៀត ដូចជាបញ្ហាគុណភាពរបស់ផលិតផលស្តង់ដា ការបណ្តុះបណ្តាលធនធានមនុស្សជាដើម។
ជាមួយគ្នានេះឯកឧត្តម ឡាំ គីមឡេង អគ្គនាយកនៃនាយកដ្ឋានសហគ្រាសធុនតូច និងមធ្យម និងសិប្បកម្ម ក៏បានថ្លែងអំណរគុណចំពោះរដ្ឋាភិបាល និងប្រជាជនអាល្លឺម៉ង់ ដែលបានលះបង់ធនធានបង្កើតគម្រោងនេះឡើង ដើម្បីជួយអភិវឌ្ឍន៍សហគ្រាសខ្នាតមីក្រូ តូច និងមធ្យមនៅកម្ពុជា។ លោកថា គម្រោងនេះផ្តោតសំខាន់ទៅលើការពង្រឹងសមត្ថភាពគ្រប់គ្រង បច្ចេកទេសផលិតកម្មល្អ អនាម័យល្អ ដើម្បីបង្កើនផលិតភាព ប្រសិទ្ធភាព ប្រសិទ្ធផលក្នុងខ្សែចង្វាក់ផលិតកម្ម។
ឯកឧត្តមបានមានប្រសាសន៍ថា នឹងបន្ដកិច្ចសហការជាមួយអង្គការ GIZ ដើម្បីឱ្យកសាងផែនការសកម្មភាពលម្អិត ក្នុងន័យសម្រេចបាននូវផែនការនៃគម្រោងនេះឱ្យទទួលបានជោគជ័យបន្ថែមទៀត។
សូមជម្រាបថា គម្រោងនេះមានរយៈពេល 3ឆ្នាំ ហើយគ្រោងនឹងបញ្ចប់នៅឆ្នាំ2021 ដែលមានថវិកាចំនួន 3លានអឺរ៉ូ (ប្រហែលជាង 3.3លានដុល្លារអាមេរិក)។ ឯកឧត្តមបានបន្ថែមថា ខេត្តដែលត្រូវអនុវត្តនូវគម្រោងនេះរួមមាន បាត់ដំបង សៀមរាប និងរាជធានីភ្នំពេញ៕
កីឡាការិនីហែលទឹកដ៏ឆ្នើមរបស់ជប៉ុន Ikee មានជំងឺមហារីកគ្រាប់ឈាម
រាជិនីហែលទឹកដ៏ឆ្នើមរបស់ជប៉ុន Rikako Ikee ដែលកំពុងស្ថិតក្នុងការចាប់អារម្មណ៍ខ្លាំងក្នុងព្រឹត្តិការណ៍អូឡាំពិកនាទីក្រុងតូក្យូ នៅឆ្នាំក្រោយនោះ ត្រូវបានពិនិត្យឃើញថា មានជំងឹមហារីកគ្រាប់ឈាម ឬឈាមសស៊ីឈាមក្រហម។ នេះបើយោងតាមការបញ្ជាក់ឱ្យដឹងរបស់កីឡាការិនីវ័យ 18ឆ្នាំរូបនេះកាលពីថ្ងៃអង្គារ។
ក្នុងការប្រកាសដ៏គួរឱ្យភ្ញាក់ផ្អើលមួយ Ikee បានឱ្យដឹងថា៖ «ក្រោយពីមានអារម្មណ៍មិនល្អ ខ្ញុំបានវិលត្រឡប់ពីប្រទេសអូស្ត្រាលីភ្លាមៗ ហើយបន្ទាប់ពីការពិនិត្យ ខ្ញុំត្រូវបានគេពិនិត្យឃើញថា មានជំងឺមហារីកគ្រាប់ឈាម។ ខ្ញុំផ្ទាល់នៅតែមិនអាចជឿសោះឡើយ។ ខ្ញុំកំពុងតែស្ថិតក្នុងសភាពច្របូកច្របល់»។
Ikee បានបង្កើតភាពអស្ចារ្យក្នុងព្រឹត្តិការណ៍កីឡាអាស៊ី ឬ Asian Games កាលពីឆ្នាំមុន ដែលនៅពេលនោះនាងបានឈ្នះមេដាយមាសដល់ទៅ៦ ដើម្បីបង្កើតឱ្យមានការចាប់អារម្មណ៍ដ៏ធំមួយ នៅមុនពេលព្រឹត្តិការណ៍អូឡាំពិក ឆ្នាំ2020 ក្នុងទីក្រុងដែលជាស្រុកកំណើតរបស់នាង។
តារាឆ្នើមវ័យក្មេងដែលបង្កើតកំណត់ត្រាថ្នាក់ជាតិជាច្រើនរូបនេះ ត្រូវបានចាត់ទុកជាកីឡាការិនីលេចធ្លោជាងគេ ជាពិសេសក្នុងការប្រកួតហែលទឹកបែបមេអំបៅ លើវិញ្ញាសា 100ម៉ែត្រ ផ្នែកនារី។
Ikee បានប្រាប់អ្នកគាំទ្ររបស់ខ្លួនថា នាងមានការប្តេជ្ញាចិត្តក្នុងការជម្នះលើជំងឺរបស់នាង ក្រោយពីបានបង្ខំចិត្តផ្អាកការហ្វឹកហាត់របស់ខ្លួន នៅលើកោះ Gold Coast ប្រទេសអូស្ត្រាលី។
Ikee ដែលបានប្រកាសថា នាងនឹងដកខ្លួនចេញពីព្រឹត្តិការណ៍ជើងឯកជាតិរបស់ជប៉ុន នៅខែមេសា នោះ បានឱ្យដឹងថា៖ «ប្រិសនបើមានការព្យាបាលដ៏ត្រឹមត្រូវ វាជាជំងឺមួយដែលអាចជម្នះបាន»៕ 
កូនសម្លាញ់ ថីបានជាកូនយំ?
តើលោកអ្នកក្លាយជាឳពុកម្តាយថ្មោងថ្មីដែលមានកូនតូចមែនទេ? តើលោកអ្នកយល់ដឹងពីការស្រែកយំរបស់កូនតូចរបស់លោកអ្នកបានកម្រិតណា? ថ្ងៃនេះ ឡារ៉ែន សូមជម្រាបជូនមូលហេតុដែលនាំឱ្យកូនតូចរបស់លោកអ្នកស្រែកយំមាន5ចំណុច។
“ការស្រែកយំ” គឺជារឿងធម្មតារបស់ទារកទើបនឹងកើត ដូច្នេះតោងឱ្យឪពុកម្ដាយថ្មោងថ្មីយល់ដឹងអំពីកូនតូច និងអាចតបស្នងតម្រូវការរបស់កូនបានយ៉ាងមានសេចក្ដីសុខ។ ពេលកូនតូចរបស់លោកអ្នកយំអាចបណ្តាលមកពី៖
កត្តាទី១ គឺកូនឃ្លាន បើកូនតូចរបស់អ្នកម្ដាយបៅទឹកដោះបានតិច និងច្រើនតែភ្ញាក់ឡើងយំក្រោយពីបៅទឹកដោះបានត្រឹមតែមួយម៉ោងរួចមកនោះ មូលហេតុមកពីកូនតូចបៅទឹកដោះខុសវិធី ឬបៅមិនបានឆ្អែត ដូច្នេះអ្នកម្តាយគួរតែលើកកូនឱ្យបៅ និង អង្អែលកូនឱ្យគេងបន្ត តែមិនត្រូវឱ្យកូនបៅឆ្អែតពេកទេ ចៀសវាងការភើចេញក្រៅ។
កត្តាទី២ កូនឯកា មិនថាកូនលោកអ្នកមានអាយុប៉ុន្មាននោះទេ ពួកគេពិតជាត្រូវការសេចក្ដីស្រឡាញ់ ភាពកក់ក្ដៅតាមរយៈការប៉ះពាល់ដ៏ទន់ភ្លន់របស់ឪពុកម្ដាយជាប់ជានិច្ច លោកអ្នកត្រូវតែផ្តល់ការឱប និងថើបថ្មមៗ ឬជាការប៉ះពាល់ខាងរាងកាយដែលធ្វើឱ្យកូនមានអារម្មណ៍កក់ក្ដៅក្នុងចិត្ត និងមានសេចក្ដីសុខជាប្រចាំ។
កត្តាទី៣ កូនយំព្រោះមិនស្រួលខ្លួន ឬឈឺថ្កាត់ ដោយកូនតូចច្រើនតែយំរករឿង មិនព្រមបៅ ឬមិនគេងជានោះ អ្នកម្ដាយគួរវាស់សីតុណ្ហភាពខ្លួនកូន ដើម្បីពិនិត្យមើលថា តើកម្ដៅខ្លួនកូនស្ថិតក្នុងកម្រិតប៉ុន្មានអង្សា? បើចាប់ពី37អង្សាឡើងទៅ មានន័យថា កូនតូចមានអាការៈគ្រុនក្ដៅខ្លួនហើយ ចូរប្រញាប់នាំកូនទៅមន្ទីរពេទ្យភ្លាម។
កត្តាទី៤ កូនចាប់ផ្តើមដុះពន្លកធ្មេញ ទារកនឹងមានធ្មេញមួយគូដំបូងនៅពេលអាយុបាន 6ខែមុននឹងធ្មេញរបស់កូនដុះឡើង ច្រើនតែមានទឹកមាត់ហៀរចេញមកក្រៅ មិនចង់បៅទឹកដោះ ឬញ៉ាំអាហារ យំរករឿង មានអារម្មណ៍រមាស់អញ្ចាញធ្មេញ ចូលចិត្តយកដៃលូកចូលមាត់ ដូច្នេះអ្នកម្ដាយអាចជួយកាត់បន្ថយភាពរមាស់អញ្ចាញធ្មេញកូនបាន ដោយឱ្យកូនខាំដុំនំប៉័ងទន់ៗ។
កត្តាទី៥ គឺកន្ទប ឬខោទឹកនោមកូនសើមខ្លាំង កូនអាចនឹងមានអារម្មណ៍ថាសើមខ្លួន មិនស្រួលស្បែក ជួនកាលអាចធ្វើឱ្យកើតកន្ទួលរមាស់ទៀតផង ទើបកូនតូចស្រែកយំរករឿង ដូច្នេះអ្នកម្តាយត្រូវចេះប្រើម្សៅលាប បំបាត់រមាស់ រាល់ពេលប្តូរកន្ទបឲ្យកូន និងជ្រើសរើសម្សៅដែលបរិសុទ្ធល្អ មិនលាយពណ៌ មិនលាយសារធាតុគីមី ការពារសំណើម ព្រោះស្បែកកូនតូចនៅខ្ចីណាស់៕
សារធាតុអាហារល្អៗសម្រាប់កូនតូច ដែលបង្កប់នៅក្នុងពណ៌បន្លែផ្លែឈើដែលអ្នកម្ដាយគួរតែយល់ដឹង
អាហារសម្រាប់ក្មេងតូចៗ ប្រាកដណាស់ត្រូវតែមានបន្លែ និងផ្លែឈើជាគ្រឿងផ្សំដែលមានប្រយោជន៍ដល់រាងកាយពួកគេ ហើយបន្លែប្រភេទនៃពណ៌នីមួយៗទៀតសោតសុទ្ធតែផ្ដល់នូវសារធាតុអាហារដែលល្អផ្សេងៗពីគ្នាសម្រាប់កុមារតូចៗ។
ទី1 គឺ បន្លែផ្លែឈើពណ៌បៃតង គឺមានផ្ទុកសាធារតុ ខ្លូរ៉ូហ្វីល (Chlorophyll) មានគុណសម្បត្តិក្នុងការតតាំងការកកើតជំងឺមហារីកបានយ៉ាងល្អ មានសារធាតុកាកសរសៃខ្ពស់ ជួយឱ្យបន្ទោបង់បានល្អ បន្ថយអាស៊ីតក្នុងក្រពះ និងជួយកាត់បន្ថយអាក្ការៈចាញ់ ប្រតិកម្មនានា។
ទី2 បន្លែផ្លែឈើពណ៌ក្រហម មានសារធាតុឡៃខូពីន និងបេតាសៃស៊ីន ជួយតតាំងជំងឺមហារីកផ្សេងៗបានយ៉ាងល្អ និងមានគុណសម្បត្តិក្នុងការប្រឆាំងរ៉ាឌីកាល់សេរី ។
ទី3 បន្លែផ្លែឈើពណ៌លឿង និងពណ៌លឿងទុំ មានសារធាតុលូធីនការពារភាពចុះខ្សោយរបស់ប្រសាទកញ្ចក់ប្រស្រីភ្នែក ជួយឱ្យមើលឃើញច្បាស់ល្អនៅពេលយប់ និងមានសារធាតុ បេតាឃែរ៉ូធីន ជួយឱ្យសាច់ស្បែកភ្លឺរលោង បន្ថយភាពចុះខ្សោយរបស់កោសិកា។
ទី4 បន្លែផ្លែឈើពណ៌ស្វាយ មានសារធាតុ អ៊ែនថូសៃយ៉ានីនមានគុណសម្បត្តិបំផ្លាញសារធាតុដែលបង្កឱ្យកើតមហារីក ជួយពង្រីកសរសៃឈាម ជួយបំប៉នសរសៃសក់ឱ្យមានភាពខ្មៅក្រិបថែមទៀតផង។
ទី5 បន្លែផ្លែឈើពណ៌ ស មានផ្ទុកសារធាតុ កាកសរសៃខ្ពស់ ដើម្បី ប្រឆាំងរ៉ាឌីកាល់សេរី បង្កើនបរិមាណវីតាមីន E ក្នុងរាងកាយ ជាពិសេសក្រុមគ្រាប់ធញ្ញជាតិផ្ដល់នូវវីតាមីន និងប្រូតេអ៊ីសម្រាប់ក្មេងតូចៗបាន៕
ស្រ្តីដែលមានវ័យច្រើន អាចប្រឈមនឹងបញ្ហាតាំងគក៌ខ្ពស់
យោងតាមក្រុមវេជ្ជបណ្ឌិតជំនាញស្រ្តីបានឱ្យដឹងថា ស្រ្តីដែលមានអាយុច្រើនអាចជួបនឹងភាពប្រថុយប្រថានខ្ពស់ ក្នុងការតាំងគក៌ និងបើទោះបីជាទារកកើតមកក្តីក៏អាចជួបនឹងផលវិបាកដែរ ដូចជាគក៌មានភាពខុសប្រក្រតី អាចងាយនឹងរលូត ដោយសារតែសម្បុកសុកញីមានភាពចុះខ្សោយ សម្រាប់ស្រ្តីដែលមានអាយុចាប់ពីអាយុ35ឆ្នាំឡើងទៅ!
ម្យ៉ាងវិញទៀតស្រ្តីដែលមានអាយុច្រើន អាចជួបនឹងបញ្ហាទងសុកធ្លាក់ចុះទាប ទងសុកងាយនឹងរបកមុនពេលប្រសូត និងមានភាពមិនប្រក្រតីនៃលំហូរសរសៃឈាមដែលនឹងទៅចិញ្ជឹមសុក និង ខ្លួនទារកមិនបានល្អ បង្ករឱ្យទារកមានខ្លួនតូច និងមានសភាវក្រធំ ឬធំយឺត។ ស្រ្តីដែលមានអាយុច្រើនខ្លះអាចនឹងជួបប្រទះនឹងបញ្ហាជំងឺទឹកនោមផ្អែមផងដែរ។
វិធីល្អប្រសើរសម្រាប់ស្រ្តីអាយុច្រើនធ្វើការតាំងគក៌ តម្រូវឱ្យពួកគេចេះថែរក្សាសុខភាពឱ្យបានល្អ និងពិនិត្យសុខភាពឱ្យញឹកញាប់ជាងស្រ្តីវ័យតិច មុននឹងសម្រេចចិត្តតាំងគក៌៕
14 ចំណុចហាមឃាត់ ចំពោះស្រ្តីមានគក៌ មិនគួរធ្វើ
សួស្តីប្រិយមិត្តឡារ៉ែនជាទីមេត្រី ជាពិសេសបងប្អូនស្រ្តី ដែលកំពុងតែស្ថិតក្នុងដំណាក់កាលពពោះជាទីរាប់អាន ថ្ងៃនេះ ឡារ៉ែន សូមនាំមកជូនលោកអ្នក នូវចំនុចហាមឃាត់ចំនួន14 ដែលស្រ្តីមានគក៌ត្រូវតែចងចង និងអនុវត្តន៍សម្រាប់សុខភាពអ្នកជាស្រ្តី និងសម្រាប់កូនជាទីស្រលាញ់របស់លោកអ្នក។
យោងតាមគ្រូពេទ្យវេជ្ជសាស្រ្តបានឱ្យដឹងថាចំនុចទាំង14ដែលស្រ្តីមានគក៌មិនគួរធ្វើមានដូចជា៖
ទី1. ហាមមួរម៉ៅ ធុញថប់ តានតឹងអារម្មណ៍ អាចបណ្តាលឱ្យទំងន់ស្រ្តីឡើងស្រឺតៗ។
ទី2. ហាមហាត់ប្រាណបង្ខំ និងហាត់ខ្លាំង អាចរញ្ជួយដល់គក៌ និងរលូតបាន។
ទី3. ហាមពាក់ស្បែកជើងចោទ អាចបណ្តាលឱ្យដួល និងឈឺកំភួនជើង ភ្លៅ ចង្កេះ។
ទី4. ហាមញ៉ាំថ្នាំផ្តេសផ្តាស ព្រោះគក៌កំពុងលូតលាស់ អាចបណ្តាលឱ្យកូនមានពិការភាព។
ទី5. ហាមចូលគេងយប់ជ្រៅ និងត្រូវគេងឱ្យបាន8ម៉ោងពេញនៅពេលយប់។
ទី6. ហាមអត់អាហារ និងសម្រកទំងន់ អាចបណ្តាលឲ្យកូនកើតមុនខែ ឬពិការខួរក្បាល។
ទី7. ហាមរំលង ឬខកខានការណាត់ពិនិត្យគក៌ ព្រោះរាងកាយម្តាយ និងកូនក្នុងផ្ទៃមានការប្រែប្រួលជានិច្ច។
ទី8. ហាមញ៉ាំអាហារដែលគ្មានប្រយោជន៍ ដូចជាកាហ្វេ អាហារខ្លាញ់ ហឹរ ឬស្ទើរឆៅ ស្ទើរឆ្អិន អាចបណ្តាលឲ្យកូនពិការខួរក្បាល។
ទី9. ហាមធ្វើដំណើរឆ្ងាយ ពេលជិតដល់ថ្ងៃសម្រាល អំឡុងពេល32សប្តាហ៍ ព្រោះអាចបណ្តាលឱ្យសម្រាលមុនខែ និងឆ្លងមេរោគ។
ទី10. ហាមញ៉ាំទឹកដោះគោច្រើន លើសពី 2កែវក្នុងមួយថ្ងៃ ព្រោះអាចឱ្យទារកប្រតិកម្មជាមួយទឹកដោះគោ និងធ្វើឱ្យស្រ្តីជាម្តាយបាត់បង់ជាតិកាល់ស្យូមបាន។
ទី11. ហាមស្លៀកពាក់រឹបខ្លួនជ្រុលពេក អាចបណ្តាឱ្យបែកញើសបង្ករជាក្លិនខ្លួន និងក្លិនអវៈយវៈភេទខ្លាំងជាងមុន។
ទី12. ហាមលូកលាងរន្ធស្បូន និងប្រើថ្នាំកម្ចាត់ក្លិន បណ្តាលឱ្យមេរោគចូលក្នុងស្បូនបានយ៉ាងងាយ។
ទី13. ហាមលើករបស់ធ្ងន់ៗ ឬតោងឡើងទីខ្ពស់ៗ អាចងាយឲ្យរលូតកូន។
ទី14. ហាមស្វាមីមានក្នុង មានក្រៅ អាចបណ្តាលឲ្យកូន និងភរិយាងាយឆ្លងមេរោគ៕