Category: សង្គម និងសេដ្ឋកិច្ច

​បើ​តាម​ដឹង​តារា​សម្ដែង​ ​និង​ម៉ូដែល​ស្រី​រាង​ស្ល៊ី​មក​ញ្ញា​ ​ទឹម​ ​រដ្ឋា​ ​មាន​ចំណង​ស្នេហ៍​ដ៏​ផ្អែមល្ហែម​នឹង​បុរស​ជាតិ​អាមេរិក​ជា​អ្នកជំនួញ​អចលនទ្រព្យ​ល្បី​មួយ​រូប​នៅ​ស្រុកខ្មែរ​ដែល​បង្កាត់ភ្លើង​ស្នេហ៍​ប្រមាណ3​ ​ឆ្នាំ​មក​ហើយ។ ​ស្រាប់​តែ​ថ្មី​ៗ​នេះ​ធ្លាប់​ដំណឹង​ថា​ ​គូស្នេហ៍​បាន​ទិញ​វីឡា​ថ្មី​ប្រណីត​មួយ​កន្លែង​តម្លៃ​ជាង20ម៉ឺន​ដុល្លារ​ ​ដើម្បី​រឹតចំណង​ស្នេហ៍​ឱ្យ​រឺង​មាំ​។​

​កញ្ញា​ ​ទឹម​ ​រដ្ឋា​ ​តារា​ស្រី​ដែល​ហ៊ាន​សម្រេចចិត្ត​រួមរស់​នៅ​ក្រោម​ទ្រនំ​ថ្មី​តែមួយ​ ​ជាមួយនឹង​សង្សារ​ថ្មី​ទ្រព្យ​ស្តុក​ជាតិ​អាមេរិក​គឺ​លោក​ ​ចូ​វ៉ា​នី​ ​អេ​ន​តូ​នី​ញ៉ូ​ ​(​Jovany​ ​Antonio​)​ ​គឺជា​នាយក​ប្រតិបត្តិ​ ​និង​ស្ថាបនិក​នៃ​ក្រុមហ៊ុន​អចលនទ្រព្យ​ ​Capital​ ​Management​ ​Solutions​ ​(​CMS​)​ ​ដែល​ខណៈនេះ​ត្រូវ​បាន​គេ​ដឹង​ថា​ ​នាង​បានសម្រេច​បំណង​ធំ​ ​តាមរយៈ​ការ​ចូលលុយគ្នា​ជាមួយ​គូស្នេហ៍​ ​ទិញ​ផ្ទះ​វីឡា​ធំ​យ៉ាង​ប្រណីត​ ​តម្លៃ​ជាង20ម៉ឺន​ដុល្លារ​ ​នៅ​បុរី​មេគង្គ​ ​(​ព្រែកលៀប​)​ ​ហើយ​ធ្លាយ​ដំណឹង​ទៀត​ថា​ ​ពួកគេ​នឹង​ដឹកដៃ​គ្នា​ក្រាប​ផ្ទឹម​ ​នៅ​ចុងឆ្នាំ2019នេះ​ហើយ​ ​ព្រោះ​រដ្ឋា​ ​ខ្លាច​ចំណងស្នេហា​មានការ​ប្រែប្រួល​ដូ​ចមុនៗ​ទៀត​ ​នាំ​តែ​ដើរតាមដាន​ចាស់​ ​ដំបៅ​បេះដូង​សាជាថ្មី​ទៀត​៕​

​មាឃបូជា​ ​ជាពិធី​មួយ​ដ៏​មាន​សារៈសំខាន់​នៅក្នុង​ព្រះពុទ្ធ​សាសនា​ក្នុងចំណោម​បុណ្យ​នានា​ ​រួមមាន​មាឃបូជា​ ​វិសាខបូជា​ ​និង​អាសាឡ្ហ​បូជា​ជាដើម​។​ ​មាឃបូជា​ប្រារព្ធ​ឡើង​ដើម្បី​រំឭក​ដល់​នក្ខត្ត​សម័យ​សំ​ខាន់​ៗ​ចំនួន2​ ​របស់​ព្រះសម្មាសម្ពុទ្ធ​ ​គឺ​៖​
​
​1​.​ ​ថ្ងៃ​ដែល​ព្រះសម្មាសម្ពុទ្ធ​ទ្រង់​ប្រកាស​ធម្មនុញ្ញ​បង្កើត​ព្រះពុទ្ធ​សាសនា​ឡើង​ក្នុង​លោក​ ​នា​ប្រទេស​ឥណ្ឌា​កាលពី​ ​588ឆ្នាំមុន​គ្រិស្តសករាជ​ ​ក្នុង​ថ្ងៃ​ ​15កើត​ ​ខែមាឃ​ ​ក្រោយពី​ការ​ត្រាស់​ដឹង​របស់​ព្រះអង្គ9ខែ​គត់​។​ ​ការបង្កើត​ព្រះពុទ្ធ​សាសនា​ក្នុងឋានៈជា​អង្គការ​សាសនា​មួយ​នេះ​ ​ត្រូវ​បាន​ធ្វើឡើង​ក្នុងចំណោម​ព្រះភិក្ខុ​សង្ឃ​ ​1,250រូប​ក្នុង​មហាសន្និបាត​មួយ​ប្រកបដោយ​អង្គ4​ ​ហៅ​ចតុរង្គ​មហាសន្និបាត​គឺ​ ​អង្គ​ទី1​ ​គឺ​ពេលនោះ​ជា​ថ្ងៃឧបោសថសីល​មាន​ព្រះចន្ទ​ពេញវង់​ថ្ងៃ​ ​15កើតជា​ថ្ងៃពេញបូណ៌​មី​ ​ខែមាឃ​។​ ​អង្គ​ទី2​ ​ព្រះភិក្ខុ​សង្ឃ​សាវក​ដែល​បាន​មក​ចូលរួម​ចតុរង្គ​សន្និបាត​ទាំង​ ​1,250អង្គ​នោះ​និមន្ត​មក​ពី​ទិស​ទាំង4​ ​ដោយ​មិនបាន​ណាត់គ្នា​ជាមុន​ ​ក៏​ស្រាប់តែ​ដល់​ថ្ងៃ​នោះ​បាន​និមន្ត​មក​ព្រម​ៗ​គ្នា​តែម្ដង​។​ ​អង្គ​ទី3​ ​ព្រះភិក្ខុ​សង្ឃ​ទាំងនោះ​សុទ្ធសឹងតែ​ជា​ព្រះអរហន្ត​ដែល​បានសម្រេច​អរហត្ត​ ​អ្នក​សម្រេច​នូវ​អភិញ្ញា6​។​ ​ចំណែក​អង្គ​ទី4​ ​គឺ​ព្រះភិក្ខុ​សង្ឃ​ ​1,250អង្គ​នោះ​ ​សុទ្ធតែ​ជា​ឯហិ​ភិក្ខុ​ ​(​បួស​ផ្ទាល់​ក្នុង​សំណាក់​ព្រះសម្ពុទ្ធ​)​ ​ដូចគ្នា​ទាំងអស់​។​
​
​ក្នុង​មហាសន្និបាត​នោះ​ ​ព្រះសម្មាសម្ពុទ្ធ​ទ្រង់​ប្រកាស​នូវ​គោលការណ៍​ ​11ប្រការ​សម្រាប់​សមាជិក​មហាសន្និបាត​ទាំងអស់​កាន់​យក​ជា​វិថី​ជីវិត​ ​និង​សម្រាប់​យក​ទៅ​ផ្សព្វផ្សាយ​ដល់​ជន​ដទៃទៀត​ឱ្យ​បាន​យល់​។​ ​គោលការណ៍​ទាំង​ ​11ប្រការ​នេះ​មានឈ្មោះ​ជា​ភាសាបាលី​ថា​ ​ឱវាទ​បាតិមោក្ខ​ ​ដែល​ពុទ្ធសាសនិក​ជន​ម្នា​ក់ៗ​ត្រូវ​យក​មក​សិក្សា​ឱ្យ​យល់ដឹង​ ​និង​អនុវត្ត​។​
​
​2​.​ ​ថ្ងៃ​ដែល​ព្រះសម្មាសម្ពុទ្ធ​ទ្រង់​ដាក់​ព្រះជន្មាយុ​សង្ខារ​ចំពោះមុខ​ថា​ ​«​ម្នាល​មារ​មានចិត្ត​បាប​!​ ​ចូរ​អ្នកមាន​សេចក្តី​ខ្វល់ខ្វាយ​តិច​ចុះ​ ​រាប់​ពីថ្ងៃនេះទៅ​ ​៣ខែ​ទៀត​ ​តថាគត​នឹង​បរិនិព្វាន​ហើយ​»​។​ ​ការ​ដាក់​ព្រះជន្មាយុ​សង្ខារ​នេះ​នៅ​ថ្ងៃអាទិត្យ​ ​15កើត​ ​ខែមាឃ​ ​កាលពី​ ​543ឆ្នាំមុន​គ.ស​។​ ​ការ​ដាក់​ព្រះជន្មាយុ​សង្ខារ​នេះ​ ​គឺជា​ការ​បង្ហាញ​នូវ​អនិច្ច​លក្ខណ​ភាព​ ​សភាព​មិន​ទៀង​នៃ​សង្ខារ​ទាំងឡាយ​ ​ដែល​កើតមក​ហើយ​រមែង​រលត់​ទៅវិញ​ជា​ធម្មតា​ ​ដើម្បី​ឱ្យ​យើង​ទាំងអស់គ្នា​បាន​ពិចារណា​ថា​ ​សត្វលោក​ទាំងអស់​ ​គឺ​ស្ថិត​ក្នុង​ភាព​មិន​ទៀងទាត់​ ​គ្មាន​នរណា​ម្នាក់​អមតៈ​ឡើយ​ ​សូម្បីតែ​ព្រះអង្គ​បាន​ត្រាស់​ជា​ព្រះសម្មាសម្ពុទ្ធ​ ​ហើយក៏​គង់​នឹង​ចូល​បរិនិព្វាន​ដែរ​។​ ​
​
​នេះ​ជា​ចំណុច​សំខាន់​ដែល​ព្រះអង្គ​បាន​ផ្តល់​ការ​គិត​មួយ​ដ៏​ធំ​ដល់​សត្វលោក​ ​គឺថា​មុន​ពេល​ដែល​យើង​ស្លាប់​ ​តើ​យើង​ត្រូវ​ធ្វើអ្វី​ខ្លះ​ ​យើង​បាន​កសាង​ស្នាដៃ​អ្វីខ្លះ​ ​កសាង​សេចក្តីល្អ​អ្វីខ្លះ​ ​បាន​ដុសខាត់​សម្អាតចិត្ត​ប្រព្រឹត្ត​ខ្លួន​ឱ្យ​មាំមួន​អ្វីខ្លះ​ ​បានផល​ប្រយោជន៍អ្វី​ខ្លះ​ដល់​ខ្លួនឯង​ ​និង​អ្នកដទៃ​ ​ហើយ​នេះ​ក៏​ជា​ការ​ពញ្ញាក់​ស្មារតី​ ​ដើម្បី​ឱ្យ​ជន​ទាំងឡាយ​យក​ដំណើរ​នេះ​មក​គិតពិចារណា​។​
​
​ដើម្បី​ ​«​ឈ្វេងយល់​ពីអ​ត្ថ​ន័យ​ ​និង​ខ្លឹមសារ​នៃ​បុណ្យមាឃបូជា​»​នេះ​ ​ពុទ្ធិក​សាកល​វិទ្យាល័យ​ព្រះសីហនុ​រាជ​សហការ​ជាមួយ​ក្រុមហ៊ុន​ផ្កាឈូក​ ​នឹង​រៀបចំ​កម្មវិធី​ឈ្វេងយល់​ពី​បុណ្យមាឃបូជា​ ​នៅ​សាលសន្និសីទ​ចតុមុខ​ ​រាជធានី​ភ្នំពេញ​ ​នា​ថ្ងៃសៅរ៍​ ​12កើត​ ​ខែមាឃ​ ​ឆ្នាំច​ ​សំរិទ្ធ​ស័ក​ ​ព.ស​.​2562​ ​ត្រូវ​នឹង​ថ្ងៃទី16​ ​ខែកុម្ភៈ​ ​គ.ស2019​ ​វេលា​ម៉ោង​ ​13​:​០០នាទី​ ​ដល់ម៉ោង​ ​17​:​០០នាទី​រសៀល​ក្រោមព្រះអធិបតីភាពព្រះមហាវិមលធម្ម ពិន សែម ព្រះរាជាគណៈថ្នាក់ទោ ឧត្តមទីប្រឹក្សាគណៈសង្ឃនាយក និងជាសមាជិកថេរសភាសង្ឃព្រះពុទ្ធសាសនាកម្ពុជា ព្រមទាំងមានការអញ្ជើញចូលរួមដោយលោកជំទាវ ឯកឧត្តមតំណាង ក្រសួងវប្បធម៌និងវិចិត្រសិល្បៈ ក្រសួងធម្មការនិងសាសនា ក្រសួងពាណិជ្ជកម្ម និង ក្រសួងបរិស្ថាន រួមទាំងសាកលវិទ្យាល័យមួយចំនួនក្នុងរាជធានីភ្នំពេញ​៕​ ​
​
​
​
​

កីឡាការិនី​វាយ​កូន​បាល់​ ​Elise​ ​Mertens​ ​របស់​បែលហ្ស៊ិក​បាន​កត់ត្រា​ជ័យជម្នះ​ដ៏​ធំ​បំផុត​នៃ​អាជីព​របស់​នាង​កាលពី​ថ្ងៃសៅរ៍​ដោយ​បាន​បង្កើត​ភាព​ភ្ញាក់ផ្អើល​ដ៏​គួរ​ឱ្យ​កត់សម្គាល់​ដោយ​ការ​ផ្តួល​កីឡាការិនី​មាន​ចំណាត់ថ្នាក់​លេខ3ក្នុង​ពិភពលោក​ ​Simona​ ​Halep​ ​និង​ឈ្នះ​ពាន​ ​Qatar​ ​Open​។​

​កីឡាការិនី​មាន​ចំណាត់ថ្នាក់​លេខ21​ ​ក្នុង​ពិភពលោក​រូប​នេះ​ ​បាន​ទទួល​ជ័យជម្នះ​ក្នុង​លទ្ធផល​ ​3​-​6​,​ ​6​-​4​ ​និង6​-​3​ ​និង​បើ​ទោះបី​ចាញ់​ក្នុង​សិត​ទី1ក៏ដោយ​ ​ប៉ុន្តែ​នាង​បាន​ជម្នះ​លើ​បញ្ហា​ឈឺ​សាច់ដុំ​ខ្នង​ ​និង​បាន​ទទួលការ​ព្យាបាល​រយៈពេល​តែ​ ​8នាទី​ ​ក្នុង​សិត​ទី2​ ​វាយ​ដណ្តើម​យកជ័យ​ជម្នះ​នេះ​តែម្តង​។​

​Mertens​ ​វ័យ​ ​23ឆ្នាំ​ ​បាន​និយាយ​បន្ទាប់ពី​ចប់​ការប្រកួត​ថា​៖​ ​«​វា​ជា​ពេលវេលា​ដ៏​ធំ​មួយ​សម្រាប់​ខ្ញុំ​ក្រោយពី​ដណ្តើម​បាន​ជ័យជម្នះ​នេះ​។​ ​ខ្ញុំ​គិតថា​ ​ជ័យជម្នះ​នេះ​នឹង​ក្លាយជា​ជ័យជម្នះ​ដ៏​ល្អ​បំផុត​សម្រាប់​ខ្ញុំ​ជាពិសេស​ជាមួយនឹង​កីឡា​វាយ​កូន​បាល់​ដែល​ខ្ញុំ​បាន​លេង​»​។​

​ជ័យជម្នះ​របស់​នាង​ ​ដែល​បាន​ចំណាយពេល​អស់​ជាង​ ​2ម៉ោង​ ​គឺជា​ជ័យជម្នះ​ជា​លើក​ទី3របស់​នាង​ហើយដែល​បាន​ឈ្នះ​លើ​កីឡាការិនី​មាន​ចំណាត់ថ្នាក់​កំពូល​ទាំង10​ ​ក្នុង​ទីក្រុង​ដូហា​ ​នៅ​សប្តាហ៍​នេះ​ ​និង​ជា​ជ័យជម្នះ​ជា​លើក​ទី2​ ​លើ​ម្ចាស់​ជើងឯក​ពាន​ ​Grand​ ​Slam​ ​ម្នាក់​។​

Mertens​ ​បាន​ផ្តួល​ ​Halep​ ​ដែល​ជា​ម្ចាស់ការ​ពារ​តំណែង​ជើងឯក​ ​French​ ​Open​ ​និងកីឡា​ការិនី​ ​Angelique​ ​Kerber​ ​ដែល​ចាញ់​ក្នុង​វគ្គ​ពាក់កណ្តាល​ផ្តាច់ព្រ័ត្រ​ ​និង​ជា​ម្ចាស់​ជើងឯក​ ​Wimbledon​៕​

បុណ្យមាឃបូជា​ជាពិធី​បុណ្យ​ប្រកបដោយ​អត្ថន័យ​សំខាន់​ក្នុង​ប្រទេស​ទាំងអស់​ដែល​កាន់​ព្រះពុទ្ធ​សាសនា​ ​ព្រោះ​បុណ្យ​នេះ​បាន​បង្ហាញ​ពីអ​ត្ថ​ន័យ​ ​និង​ការអប់រំ​យ៉ាង​ជ្រាលជ្រៅ​ដល់​មនុស្ស​គ្រប់​ៗ​រូប​ ​ដែល​នឹង​នាំ​ឱ្យ​មានការ​រស់នៅ​កាន់តែ​ល្អ​ប្រសើរ​ ​និង​មាន​សន្តិភាព​ក្នុង​ជីវិត​។​ ​

​នៅ​កម្ពុជា​ពិធីបុណ្យ​មាឃបូជា​ត្រូវ​បាន​គេ​ប្រារព្ធ​ឡើង​នៅ​ថ្ងៃទី15​ ​កើត​ ​ខែមាឃ​ ​ជា​រៀងរាល់​ឆ្នាំ​ ​ដែល​ជា​បុណ្យជាតិ​មួយទៀត​របស់​ប្រទេស​ផង​ដែរ​ ​តែ​ចរន្ត​នៃ​ការយល់​ដឹង​ ​និង​គាំទ្រ​ហាក់​មានតែ​សម្រាប់​មនុស្ស​វ័យ​កណ្តាល​ ​និង​មនុស្សចាស់​តែប៉ុណ្ណោះ​។​ ​សម្រាប់​យុវវ័យ​ ​គឺ​ត្រូវ​បាន​យកចិត្ត​ទុកដាក់​ដោយ​ផ្នែក​ៗ​ ​មានន័យថា​ ​យុវជន​ដែល​នៅ​ស្និទ្ធ​ជាមួយនឹង​ការអប់រំ​ ​វប្បធម៌​ ​ឬសាស​នា​បាន​យកចិត្ត​ទុកដាក់​ខ្លាំង​ ​តែ​សម្រាប់​យុវជន​ជាទូទៅ​មួយចំនួន​ធំ​ ​មាន​អ្នកខ្លះ​មិនដែល​ទាំង​ចាំ​ថា​ ​ថ្ងៃណា​ជា​ថ្ងៃបុណ្យ​មាឃបូជា​ផង​។​ ​

​បង្ហាញ​ពី​ដំណោះស្រាយ​ ​និង​ការយល់ឃើញ​ជុំវិញ​ថ្ងៃបុណ្យ​មាឃបូជា​នេះ​ ​ឯកឧត្តម​ ​ប៉ែន​ ​វិបុល​ ​អនុរដ្ឋ​លេខាធិការ​ក្រសួងធម្មការ​ ​និងសាសនា​ ​បាន​លើកឡើង​ថា​ ​ប្រជាជន​ខ្មែរ​ជា​ពុទ្ធបរិស័ទ​ ​តាម​សាកល​វិទ្យាល័យ​ ​ក្រុមហ៊ុន​នានា​ ​និង​មនុស្ស​ទូទៅ​មិន​ច្រើន​ទេ​ដែល​ដឹង​ថា​ថ្ងៃទី19​ ​កុម្ភៈ​ ​ខាងមុខនេះ​ជា​ថ្ងៃ​មាឃបូជា​។​ ​បញ្ហា​ដែល​មិនសូវ​មាន​អ្នកដឹង​ ​និង​ស្គាល់​ពិធីបុណ្យ​ដ៏​សំខាន់​មួយ​នេះ​ ​ដោយសារតែ​យើង​គ្មាន​រូបភាព​បង្ហាញ​ច្បាស់លាស់​។​ ​ជាក់ស្តែង​ប្រសិនបើ​យើង​គិត​ពី​បុណ្យណូអែល​ ​មិន​ចាំបាច់​ផ្សព្វផ្សាយ​ទេ​ ​ក៏​គេ​ដឹង​ថា​បុណ្យណូអែល​ ​គឺ​គេ​ច្រើន​ធ្វើ​នៅ​ថ្ងៃទី25​ ​ខែធ្នូ​ដែរ​ ​ព្រោះ​គេ​មានការ​ជូន​កាដូ​ ​ឬ​រូបភាព​មួយចំនួន​ផ្សេងទៀត​ ​ឯ​បុណ្យចូលឆ្នាំ​ចិន​ ​គេ​ដឹង​ថា​មានការ​ជូន​អាំង​ប៉ាវ​ ​ជាដើម​។​ ​សម្រាប់​ថ្ងៃ14​ ​កុម្ភៈ​ ​ទិវា​នៃ​ក្តី​ស្រឡាញ់​ ​មិនទាន់​ដល់​ថ្ងៃ​ផង​ ​គេ​ដឹង​បាត់​ទៅ​ហើយ​ ​តាមរយៈ​រូបភាព​នៃ​ការ​លក់​ផ្កា​នៅ​ម្តុំ​វិមានឯករាជ្យ​ជាដើម​ ​ចុះ​មាឃបូជា​វិញ​ ​តើ​យើង​ត្រូវ​មាន​អ្វី​បង្ហាញ​ទៅ​?​។​

​ឯកឧត្តម​ ​ប៉ែន​ ​វិបុល​ ​បាន​និយាយ​ថា​៖​ ​«​ពុទ្ធបរិស័ទ​ទាំងអស់​ដែល​ជា​អ្នក​កាន់​ព្រះពុទ្ធ​សាសនា​ ​គួរ​ធ្វើ​រូបសញ្ញា​មួយ​ផ្ទាំង​ ​ឬ​ធ្វើអ្វី​ដើម្បី​បង្ហាញ​ជា​រូបភាព​មាឃបូជា​ ​ឱ្យ​មើលទៅ​ដឹង​ថា​ជា​ថ្ងៃ​មាឃបូជា​ ​ដោយ​មិនបាច់​ផ្សព្វផ្សាយ​ច្រើន​ក៏​ដឹង​តែម្តង​ ​ហើយ​បន្ថែម​ការចែក​រំលែក​តាមរយៈ​ ​Message​ ​ឬ​ ​facebook​ ​ជាដើម​»​។​ ​
​ឯកឧត្តម​ ​បាន​បញ្ជាក់​ផង​ដែរ​ថា​ ​ប្រសិនបើ​មាន​ក្រុមហ៊ុន​ឯកជន​ ​ឬ​ស្ថាប័ន​ណា​ចង់​ធ្វើ​កម្មវិធី​ផ្សព្វផ្សាយ​ ​ឬ​អប់រំ​អំពី​ថ្ងៃ​មាឃបូជា​ ​សូម​ដាក់ពាក្យ​មក​ក្រសួងធម្មការ​ ​នោះ​ខាង​ក្រសួង​នឹង​ជួយ​សម្រួល​គ្រប់​លទ្ធភាព​ ​ដើម្បី​ជំរុញ​ឱ្យ​ការងារ​នេះ​កាន់តែ​ប្រសើរ​ឡើង​៕​ ​
​
​

​ថវិកា​ចំនួន​ ​7.66លាន​ដុល្លារ​ដែល​កម្ពុជា​ទទួល​បាន​ពី​កិច្ច​ព្រមព្រៀង​ស្តី​ពី​សហប្រតិបត្តិ​ការ​លើ​គម្រោង​មូលនិធិ​ពិសេស​ ​មេគង្គ​-​ឡាន​ឆាង​ ​ត្រូវ​បាន​ធ្វើឡើង​នៅ​ទី​ស្តី​ការក្រ​សួង​ការបរទេស​នៅក្នុង​ពិធី​ចុះហត្ថលេខា​រវាង​ឯកឧត្ដម​ឧបនាយក​រដ្ឋមន្ត្រី​ ​ប្រាក់​ ​សុ​ខុន​ ​រដ្ឋមន្ត្រី​ការបរទេស​ ​និង​សហប្រតិបត្តិ​ការអន្តរជាតិ​ ​និង​លោក​ ​វ៉ាង​ ​វិន​ធាន​ ​(​Wang​ ​Wentain​)​ ​ឯកអគ្គ​រដ្ឋទូត​ចិន​ប្រចាំ​កម្ពុជា​។​

​ឯកឧត្តម​ ​ប្រាក់​ ​សុ​ខុន​ ​បាន​ថ្លែង​ថា​ ​ថវិកា​ដែល​កម្ពុជា​ទទួល​បាន​ពី​កិច្ច​ព្រមព្រៀង​ ​គឺ​ដើម្បី​គាំទ្រ​ដល់​ការអនុវត្ត​លើ​ផែនការ​ចំនួន​ ​19គម្រោង​ដែល​រដ្ឋាភិបាល​សាធារណរដ្ឋ​ប្រជាមានិត​ចិន​បាន​អនុម័ត​ ​និង​គាំ​ទ្រ​ផែ្ន​ក​ហិរញ្ញវត្ថុ​ដល់​កម្ពុជា​។​ ​ថវិកា​នេះ​គាំទ្រ​ដោយ​មូលនិធិ​ពិសេស​កិច្ច​សហប្រតិបត្តិ​ការ​ ​មេគង្គ​-​ឡាន​ឆាង2018​ ​ដែល​មាន​ថវិកា​សរុប​ចំនួន​ ​7.66​ ​លាន​(​ ​7,664,556.30​)​ដុល្លារ​អាមេរិក​។​

​ឯកឧត្តម​បាន​បន្ត​ថា​ ​ចាប់តាំងពី​ការបង្កើត​កិច្ច​សហប្រតិបត្តិ​ការ​មេគង្គ​-​ឡាន​ឆាង​មក​ ​ប្រទេស​កម្ពុជា​បាន​ទទួល​គម្រោង​សរុប​ចំនួន​ ​35​ ​ដែល​មាន​វិសាលភាព​គ្រប​ដណ្តប់​លើស​កម្ម​ភាព​កិច្ច​សហប្រតិបត្តិ​ការ​ក្នុង​វិស័យ​កសិកម្ម​ ​ទេសចរណ៍​ ​បច្ចេកទេស​ព័ត៌មាន​វិទ្យា​ ​អប់រំ​ ​និង​ស្រាវជ្រាវ​ធនធានទឹក​ ​អភិវឌ្ឍន៍​ជនបទ​ ​និង​ការ​ផ្លាស់​ប្តូរ​ផ្នែក​វប្បធម៌​ ​និងសាសនា​។​ ​គម្រោង​មួយចំនួន​ត្រូវ​បាន​បញ្ចប់​ជាស្ថាពរ​ ​និង​គម្រោង​ដែល​នៅសល់​ផ្សេងទៀត​ជិត​ត្រូវ​បាន​បញ្ចប់​ ​ឬ​កំពុង​មាន​វឌ្ឍនភាព​គួរ​ឱ្យ​កត់សម្គាល់​។​

​ឯកឧត្តម​រដ្ឋមន្ត្រី​ ​បាន​បញ្ជាក់​ថា​ ​ការ​ចុះ​កិច្ច​ព្រមព្រៀង​នេះ​ ​ជា​តឹកតាង​យ៉ាង​ច្បាស់លាស់​ថា​ ​កិច្ច​សហប្រតិបត្តិ​ការ​ ​មេគង្គ​-​ឡាន​ឆាង​ ​បាន​និង​កំពុង​បោះជំហាន​ទៅមុខ​យ៉ាង​មាំមួន​ជាមួយនឹង​ចំណង​នៃ​កិច្ច​សហប្រតិបត្តិ​ការ​ដ៏​រឹងមាំ​តាមរយៈ​គម្រោង​ទាំងនេះ​។​ ​ថ្វី​ដ្បិត​គម្រោង​ទាំងនេះ​ ​មិនមែន​ជា​គម្រោង​ហេដ្ឋារចនាសម្ព័ន្ធ​ខ្នាត​ធំ​ ​ប៉ុន្តែ​វា​បាន​ផ្តល់​អត្ថ​ប្រយោជន៍​យ៉ាងច្រើន​សម្រាប់​អនុ​តំបន់​មេគង្គ​នៅក្នុង​បរិបទ​នៃ​ការ​វិវឌ្ឍ​យ៉ាង​ឆាប់រហ័ស​នៃ​ទិន្នន័យ​ ​និង​ការ​ច្នៃ​ប្រឌិត​ថ្មី​ៗ​របស់​ពិភពលោក​។​

​ឯកឧត្តម​ ​ប្រាក់​ ​សុ​ខុន​ ​បាន​លើកឡើង​ថា​៖​ ​«​សមត្ថភាព​នៃ​ការចែក​រំលែក​ចំណេះដឹង​ថ្មី​ ​ចំណេះធ្វើ​ ​និង​បទ​ពិសោធ​របស់​ប្រទេស​មេគង្គ​ ​និង​ចិន​នេះ​ ​ខ្ញុំ​អាច​ហៅថា​ ​ជា​ហេដ្ឋារចនាសម្ព័ន្ធ​ទន់​បាន​ជួយ​បំពេញ​យ៉ាង​ល្អ​ទៅដល់​ហេដ្ឋារចនាសម្ព័ន្ធ​រឹង​ដែល​ត្រូវ​បាន​អនុវត្ត​ក្រោម​គម្រោង​ទ្វេភាគី​ ​និង​ពហុភាគី​ដទៃទៀត​។​ ​សម្រាប់​ខ្ញុំ​តម្លៃពិត​ប្រាកដ​នៃ​គម្រោង​ខ្នាត​តូច​ទាំងនេះ​ ​គឺ​វា​អាចប​ង្កើត​លទ្ធផល​រូបី​ក្នុង​ការ​លើកកម្ពស់​ជីវភាពរស់នៅ​ ​និង​រួមចំណែក​ដល់​សុខុមាលភាព​របស់​ប្រជាជន​»​។​

​លោក​ ​វ៉ាង​ ​វិន​ធាន​ ​បាន​ថ្លែង​ថា​ ​កិច្ច​សហប្រតិបត្តិ​ការ​មេគង្គ​-​ឡាន​ឆាង​ ​គឺជា​យន្តការ​អនុ​តំបន់​ថ្មី​ដោយមាន​ការ​ប្រឹក្សា​យោបល់​ ​ការចូលរួម​ចំណែក​ ​និង​ផលប្រយោជន៍​រួមគ្នា​រវាង​បណ្តា​ប្រទេស​នៅ​តាម​បណ្តោយ​ទន្លេមេគង្គ​។​ ​វា​មាន​លក្ខណៈ​អំណោយផល​ក្នុង​ការកាត់បន្ថយ​គម្លាត​នៃ​ការ​អភិវឌ្ឍ​នៅ​អាស៊ាន​ ​និង​លើកកម្ពស់​សមាហរណកម្ម​អាស៊ាន​ជាទូទៅ​។​

​លោក​បន្ត​ថា​ ​លើស​ពីនេះ​វា​ជំរុញ​ឱ្យ​សកល​ភាវូបនីយកម្ម​សេដ្ឋកិច្ច​ដែល​បើកចំហ​រួមបញ្ចូល​មាន​តុល្យភាព​ ​និង​មាន​អត្ថ​ប្រយោជន៍​ដល់​មនុស្ស​ទាំងអស់​ ​«​ប្រទេស​ចំនួន6​ ​នៅ​តាម​បណ្តោយ​ទន្លេមេគង្គ​ ​គឺ​មាន​ភាព​ជិតស្និទ្ធ​ជាមួយគ្នា​មិន​ត្រឹមតែ​តាម​ទីតាំង​ភូមិសាស្ត្រ​ប៉ុណ្ណោះទេ​ ​ប៉ុន្តែ​ថែមទាំង​នៅក្នុង​ទំនាក់ទំនង​ពី​បុព្វបុរស​ ​និង​ប្រវត្តិ​វប្បធម៌​ផង​ដែរ​»​។​

​សូម​បញ្ជាក់​ថា​ ​កិច្ច​សហប្រតិបត្តិ​ការ​ ​មេគង្គ​-​ឡាន​ឆាង​ ​ត្រូវ​បាន​បង្កើត​ឡើង​ក្នុង​ឆ្នាំ2015ដោយមាន​សមាជិក​សរុប​ ​6​ ​រួមមាន​ ​កម្ពុជា​ ​ចិន​ ​ឡាវ​ ​មីយ៉ាន់ម៉ា​ ​ថៃ​ ​និង​វៀតណាម​ ​និង​ផ្តោត​សំខាន់​លើស​សរ​ស្តម្ភ3​ ​និង​មាន​វិស័យ​អាទិភាព​ចំនួន​ ​5​៕​

​ក្នុង​ពិធី​ខួប3ឆ្នាំ​អាជីវកម្ម​ហាងMomo​ ​របស់​តារា​សម្ដែង​ ​គង់​ ​ចាន់​ស្រីមុំ​ ​គេ​កត់សម្គាល់​ថា​មិន​ត្រឹមតែ​ម្ចាស់​កម្មវិធី​ប៉ុណ្ណោះទេ​ ​ដែល​តែងខ្លួន​ស្រស់​ស្អាត​ ​សូម្បីតែ​តា​រា​ល្បី​ៗ​ដែល​បាន​ទៅ​ចូលរួម​ជា​ភ្ញៀវ​កិត្តិយស​ ​ក៏​តែងខ្លួន​ស្រស់​ស្អាត​កប់​ស៊េរី​យ៉ាង​ទាក់​ ​ភ្នែក​ផង​ដែរ​។​ ​នៅក្នុង​ពិធី​នេះ​ ​តារា​ដែល​បាន​ចូលរួម​ភាគច្រើន​ ​ក៏បាន​ច្រៀងរាំ​ ​ធ្វើ​ឱ្យ​ពិធី​ចាប់ផ្ដើម​ជូន​ដល់​អតិថិជន​របស់​អ្នកនាង​ ​គង់​ ​ចាន់​ស្រីមុំ​ ​កាន់តែ​កក្រើក​ ​និង​មានការ​ចាប់អារម្មណ៍​ផង​ដែរ​។​

​តារា​ដែល​បាន​បង្ហាញ​ខ្លូន​ ​ហើយ​ធ្វើខ្លួន​ស្អាត​ឡើងក្រហម​ព្រាត​តែម្ដង​ ​ទាំងនោះ​រួមមាន​ ​កញ្ញា​ ​វី​ឌី​ណែ​ត​ ​តារាចម្រៀង​ហង្ស​មាស​ ​គឺ​នាង​លែង​មួយ​ឈុត​ក្រហម​ឃើញ​ហើយ​មិន​សរសើរ​មិនបាន​ ​ខណៈ​ដែល​ពេល​នាង​ឡើង​ច្រៀង​ ​និង​រាំ​លើ​ឆាក​ ​គឺ​ម្នា​ក់ៗ​កាន់តែ​កោតសរសើរ​ចំពោះ​នាង​ខ្លាំង​ឡើង​ ​ដោយសារតែ​នាង​ឈុត​ក្រហម​ ​ហើយ​ទាក់ភ្នែក​។​ ​

​អ្នកនាង​ ​សុគន្ធ​ ​និសា​ ​ក៏​លែង​ឈុត​ឈុត​ក្រហម​ធ្វើអោយ​រូប​សម្រស់​អណ្ដែត​ឡើង​ដូចគ្នា​ ​បើ​ទោះជា​មើលទៅ​មួយ​ឈុត​របស់​នាង​មើលទៅ​ស្រគត់ស្រគំ​បន្តិច​។​ ​មិន​ខុសគ្នា​ដែរ​ ​កញ្ញា​ ​ម៉ាក់​សែន​ ​សូ​នី​តា​ ​និង​កញ្ញា​រ៉ា​ប៊ី​ ​ម្ចាស់​បទ​មា​នន់​ស្រែ​ ​ក៏​លែងខ្លួន​បង្អួត​សម្រស់​មិន​អន់​នោះ​ដែរ​ ​ដើម្បី​កុំ​អោយ​បាក់មុខ​នៅក្នុង​ពិធី​របស់​អ្នកនាង​គង់​ ​ចាន់​ស្រីមុំ​។​ ​នោះ​មិនទាន់​សំដៅ​ដល់​ពិធី​ការិនី​កញ្ញា​ ​ហ៊ិ​ន​ ​ច័ន្ទ​និ​រ័ត្ន​ ​លោក​ ​ជា​ ​សុវណ្ណា​រិទ្ធិ​ ​និង​តារា​រាប់មិនអស់​ផ្សេងទៀត​ ​ដែល​លេងខ្លួន​ស្អាត​ឡើង​កប់​នោះ​ផង​៕​

​គ្រាប់​បាល់​ស៊ុត​បញ្ចូល​ទី​យ៉ាង​ល្អឥតខ្ចោះ​របស់​ខ្សែប្រយុទ្ធ​ ​Kylian​ ​Mbappe​ ​បាន​ជួយ​ឱ្យ​ក្រុម​ ​Paris​ ​Saint​-​Germain​ ​ដណ្តើម​បាន​ជ័យជម្នះ​ទាំង​ប្រផិតប្រផើយ​ក្នុង​លទ្ធផល​ ​1​-​០​ ​នៅ​លើទឹក​ដី​ក្រុម​ ​Saint​-​Etienne​ ​កាលពី​ថ្ងៃអាទិត្យ​ ​ខណៈ​ដែល​ក្រុម​កំពុងតែ​ឈរ​លើ​គេ​ក្នុង​តារាង​ក្របខ័ណ្ឌ​ ​Ligue​ ​1​ ​មួយ​នេះ​បាន​នាំមុខ​ ​12ពិន្ទុ​ដាច់​លើកំពូល​តារាង​។​

​ ​Mbappe​ ​វ័យ​ ​20ឆ្នាំ​បាន​រក​គ្រាប់​បាល់​ក្នុង​ការប្រកួត​លី​កជា​លើក​ទី​ ​19របស់​គេ​នៃ​យុទ្ធនាការ​នេះ​ ​ខណៈ​ដែល​នៅសល់​រយៈពេល​ ​17នាទី​។​ ​លោក​ ​Thomas​ ​Tuchel​ ​គ្រូបង្វឹក​របស់​ក្រុម​ ​PSG​ ​បានឱ្យ​ដឹង​ថា​៖​ ​«​Mbappe​ ​បង្ហាញ​ពី​គុណភាព​របស់​គេ​ជា​រៀងរាល់ថ្ងៃ​ក្នុង​ការ​ហ្វឹកហាត់​ ​ខណៈ​ដែល​រូបគេ​មានការ​ស្រេកឃ្លាន​ក្នុង​ការ​ស៊ុត​បាល់​បញ្ចូល​ទី​។​ ​នោះ​គឺជា​គុណភាព​នៃ​ការ​រក​គ្រាប់​បាល់​របស់​គេ​។​ ​រូបគេ​ជា​កីឡាករ​ដ៏​ពិសេស​ម្នាក់​»​។​

​ ​បច្ចុប្បន្ន​ ​Mbappe​ ​បាន​ស៊ុត​បាល់​បញ្ចូល​ទី​បាន​ ​45គ្រាប់​ ​ចាប់តាំងពី​ផ្ទេរ​មក​ពី​ក្លិប​ ​Monaco​ ​កាលពីដើម​រដូវ​កាលមុន​។​ ​លោក​ ​Jean​-​Louis​ ​Gasset​ ​គ្រូបង្វឹក​របស់​ក្រុម​ ​Saint​-​Etienne​ ​បាន​បន្ថែម​ទៀត​ថា​៖​ ​«​យើង​បាន​រង​បរាជ័យ​ដោយសារតែ​គ្រាប់​បាល់​ ​1គ្រាប់​ ​ពី​កីឡាករ​វ័យ​ ​20ឆ្នាំ​ម្នាក់​ដែល​នឹង​ក្លាយជា​កីឡាករ​ដ៏​ឆ្នើម​បំផុត​ក្នុង​ពិភពលោក​នា​ពេល​ឆាប់​ៗ​នេះ​»​។​

​ខណៈ​ដែល​ការ​ឈ្នះ​ពាន​ ​Ligue​ ​1​ ​ជា​លើក​ទី​ ​2ជាប់​ៗ​គ្នា​ ​ហាក់​មាន​សុវត្ថិភាព​រួចជាស្រេច​ ​ក្រុម​ ​PSG​ ​របស់​លោក​ ​Tuchel​ ​ដែល​ក៏​នៅសល់​ការប្រកួត​ ​2លើក​ទៀត​ក្នុង​ដៃ​បើ​ធៀប​ទៅ​នឹង​ក្រុម​ឈរ​លេខ2​ ​Lille​ ​បច្ចុប្បន្ន​អាច​សម្លឹង​ឆ្ពោះទៅ​កាន់ការ​បំបែក​កំណត់ត្រា​នៃ​ការ​រកបាន​ពិន្ទុសរុប96​ ​ដែល​ត្រូវ​បាន​បង្កើត​ឡើង​កាលពី​រដូវ​កាល​ឆ្នាំ2015​-​2016​៕​ ​

​