Category: សង្គម និងសេដ្ឋកិច្ច

Samsung​ ​Galaxy​ ​S10​ ​បាន​បើក​ឱ្យ​ទទួលការ​កុម្ម៉ង់​ទិញ​នៅក្នុង​ទឹកដី​កូរ៉េ​ខាងត្បូង​ហើយ​នៅ​ឆ្នាំនេះ​ ​តែ​ហាក់​មាន​ចំនួន​តិច​ ​បើ​ធៀប​ទៅ​នឹង​ស្មា​ត​ហ្វូ​ន​ជំ​នាន់​មុន​ៗ​ ​ដូចជា​ ​Galaxy​ ​S9​ ​និង​ ​Galaxy​ ​Note​ ​9​។​

​តាម​ប្រភព​ច្បាស់​ការណ៍​បានឱ្យ​ដឹង​ថា​ ​ចំនួន​កុម្ម៉ង់​ទិញ​ទទួល​បាន​ត្រឹមតែ​ ​140,000គ្រឿង​ប៉ុណ្ណោះ​ ​គិត​ទាំង​ ​Galaxy​ ​S10​/​ ​S10​+​ ​និង​ ​S10e​ ​នៅ​ថ្ងៃ​បើក​ឱ្យ​កុម្ម៉ង់​ទិញ​ដំបូង​។​ ​ចំណែក​កាលពី​ឆ្នាំមុន​ ​Galaxy​ ​S9​ ​មាន​ចំនួន​អ្នក​កុម្ម៉ង់​រហូតដល់​ ​180,000គ្រឿង​នៅ​ថ្ងៃ​ដំបូង​ ​ឯ​ ​Galaxy​ ​Note​ ​9​ ​មាន​ចំនួន​អ្នក​កុម្ម៉ង់​រហូតដល់​ ​200,000គ្រឿង​ឯណោះ​។​

​ហេតុផល​អាចម​ក​ពី​ ​Galaxy​ ​Fold​ ​ដែល​ជា​ម៉ូដែល​មួយ​ទទួល​បានការ​ចាប់អារម្មណ៍​ច្រើន​ ​និង​ដណ្ដើម​ប្រជាប្រិយ​ភាព​ពី​ស៊េរី​ ​S​៕​

​រវាង​ការ​បើក​ដំណើរការ​ប្រព័ន្ធ​អ៊ី​ន​ធើ​ណិ​ត​ ​3G​/​4G​ ​និងWiFi​ ​តើ​មួយ​ណា​ស៊ី​ថ្ម​ទូរស័ព្ទ​ខ្លាំង​ជាង​?​ ​មាន​មតិ​ជាច្រើន​បាន​លើកឡើង​យ៉ាង​ចម្រូងចម្រាស​គ្នា​ជុំវិញ​សំណួរ​ចាក់ដោត​នេះ​ ​ប៉ុន្តែ​បើ​ផ្អែក​តាម​គេហ​ទំ​ព័រ​ល្បី​ៗ​ចំនួន2​ ​បានឱ្យ​ដឹង​ថា​ ​ការពិត​ការប្រើ​ប្រាស់​ ​4G​ ​គឺ​ស៊ី​ថ្ម​ខ្លាំង​ជាង​។​

ដោយសារ​បច្ចុប្បន្ន​ក្រុមហ៊ុន​អ្នកផ្ដល់​សេវា​ទូរស័ព្ទ​ជាច្រើន​បាន​ដំណើរការ​ប្រព័ន្ធ​ ​4G​/​LTE​ ​ដែល​អាច​តភ្ជាប់​ទៅ​នឹង​បណ្ដាញ​ទាំង​ ​3G​ ​និង​ ​4Gនោះ​ ​ទើប​ជាហេតុ​ធ្វើ​ឱ្យ​ទូរស័ព្ទ​ចាំបាច់​ត្រូវ​ប្រើ​ថាមពល​ទ្វេដង​ដើម្បី​រក្សា​តំណ​ភ្ជាប់​មួយ​នេះ​។​
​មួយទៀត​ ​នៅពេល​អ្នកធ្វើការ​ ​Call​ ​ឬ​ផ្ញើ​ ​និង​ទទួល​ ​Message​ ​នោះ​ប្រព័ន្ធ​ ​3G​/​4G​ ​នឹង​ត្រូវ​បាន​ផ្អាក​ ​ហើយ​ការផ្លាស់ប្ដូរ​រលក​សញ្ញា​បែបនេះ​ក៏​ជាហេតុ​ធ្វើ​ឱ្យ​ស្មា​ត​ហ្វូ​ន​ត្រូវ​ចំណាយ​ថាមពល​ថ្ម​មួយ​ផ្នែក​ធំ​ផង​ដែរ​។​ ​យ៉ាងណា​មានការ​លើក​បញ្ជាក់​ដែរ​ថា​ ​វា​ក៏​អាស្រ័យ​លើក​ត្តា​ទីតាំង​ឧបករណ៍​បញ្ជូន​សេវា​នៃ​ប្រព័ន្ធWiFi​ ​ឬ​ ​4Gដែរ​។​

ឧបមា​ថា​ ​អង់តែន​សេវា​ទូរស័ព្ទ​ស្ថិតនៅ​ខាងក្រោយ​ផ្ទះ​របស់​អ្នក​ ​ហើយ​ដុំ​ ​Router​ ​នៃ​ប្រព័ន្ធWiFi​ ​ស្ថិតនៅ​ចម្ងាយ​ជាង​ ​200ម៉ែត្រ​ពី​ខ្លួន​អ្នកនោះ​ ​ជួនកាល​ប្រព័ន្ធ​ ​4G​/​LTE​ ​ក៏អាច​ស៊ី​ថ្ម​តិច​ជាង​ ​WiFiផង​ដែរ​។​
​សរុប​មក​ ​ការប្រើ​ប្រាស់​ ​4G​ ​ស៊ី​ថ្ម​ច្រើនជាង​ ​WiFi​ ​ប៉ុន្តែ​យើង​ក៏​ត្រូវ​មាន​ដំណោះស្រាយ​ដើម្បី​ធ្វើការ​សន្សំសំចៃ​ថ្ម​ដូច​ខាងក្រោម​នេះ​ដែរ​៖​ ​
​-​សូម​ធ្វើការ​ភ្ជាប់​ប្រើ​ប្រព័ន្ធWiFi​ ​ដែល​នៅ​ជិត​លោកអ្នក​បំផុត​
​-​ប្រសិនបើ​អ្នក​មិន​អាច​ភ្ជាប់​ទៅកាន់WiFi​ ​បាន​ ​សូម​ធ្វើការ​បិទ​ ​(​Disable​)​ ​
​-​ប្រសិនបើ​អ្នក​មិន​ប្រើប្រាស់WiFi​/​4G​ ​សូម​ធ្វើការ​បើក​ ​Airplane​ ​Mode​ ​(​ករណី​ចាំបាច់​)​។​

​ខ្សែប្រយុទ្ធ​ ​Roberto​ ​Firmino​ ​បាន​វិល​ទៅ​រក​ទម្រង់​លេង​ដ៏​មុត​ស្រួច​របស់​គេ​វិញ​ក្នុង​ដំណាក់កាល​ដ៏​សំខាន់​សម្រាប់​ក្រុម​ ​Liverpool​ ​របស់​លោក​ ​Jurgen​ ​Klopp​ ​តាមរយៈ​ការ​ស៊ុត​បាល់​បញ្ចូល​ទី​ ​2គ្រាប់​ ​ក្នុង​ពេល​ពួកគេ​យកឈ្នះ​ ​4​-​2​ ​លើ​ក្រុម​ ​Burnley​ ​ដើម្បី​ជួយ​ឱ្យ​ពួកគេ​វិល​ទៅ​ដេញ​តាម​ពីក្រោយ​ក្រុម​ ​Manchester​ ​City​ ​ត្រឹម​ ​1ពិន្ទុ​វិញ​ ​នៅ​លើកំពូល​តារាង​នៃ​ក្របខ័ណ្ឌ​ ​Premier​ ​League​។​

​ ​ខ្សែប្រយុទ្ធ​ ​Sadio​ ​Mane​ ​ក៏បាន​ស៊ុត​បាល់​បញ្ចូល​ទី​ ​2គ្រាប់​ផង​ដែរ​ ​ក្នុង​ការប្រកួត​មួយ​ដែល​ក្រុម​ ​Liverpool​ ​ត្រូវតែ​ធ្វើការ​វាយបក​ដេញ​តាម​ពីក្រោយ​គ្រាប់​បាល់​ ​1គ្រាប់​ ​នៅពេល​ប្រកួត​ជាមួយនឹង​ក្រុម​របស់​លោក​ ​Sean​ ​Dyche​។​
​ ​លោក​ ​Ole​ ​Gunnar​ ​Solskjaer​ ​បាន​ស្តី​បន្ទោស​ទៅលើ​ការ​ខ្វះ​ភាព​មុត​ស្រួច​របស់​ក្រុម​ ​Manchester​ ​United​ ​ខណៈ​ដែល​គ្រូបង្វឹក​សញ្ជាតិ​ន័រវែស​រូប​នេះ​ ​បាន​ស្គាល់​រសជាតិ​ចាញ់​ក្នុង​ការប្រកួត​យុទ្ធនាការ​ក្នុង​ស្រុក​ជា​លើក​ទី1​ ​ក្នុងនាម​ជា​អ្នកចាត់ការ​ទូទៅ​បណ្តោះអាសន្ន​ ​ក្រោយពី​ក្រុម​របស់​ខ្លួន​បាន​រង​បរាជ័យ​ក្នុង​លទ្ធផល​ ​2​-​០​ ​នៅ​លើទឹក​ដី​ក្រុម​ ​Arsenal​ ​កាលពី​ថ្ងៃអាទិត្យ​។​

​ ​គ្រាប់​បាល់​ស៊ុត​បញ្ចូល​ទីនៅ​ដើម​តង់​របស់​ខ្សែបម្រើ​ ​Granit​ ​Xhaka​ ​និង​គ្រាប់​បាល់​ប៉េ​ណា​ល់​ទីនៅ​អំឡុង​ពេល​ ​12នាទី​ចុងក្រោយ​របស់​ខ្សែប្រយុទ្ធ​ ​Pierre​ ​Emerick​-​Aumbameyang​ ​បាន​ជួយ​ឱ្យ​ក្រុម​កាំភ្លើងធំ​ ​ឡើងឈរ​ពីលើ​ក្រុម​ ​Man​ ​United​ ​ក្នុង​ចំណាត់ថ្នាក់​លេខ4​ ​នៅ​លើ​តារាង​ក្របខ័ណ្ឌ​ ​Premier​ ​League​។​

​ក្រុម​របស់​លោក​ ​Unai​ ​Emery​ ​ក៏​ដេញ​តាម​ពីក្រោយ​ក្រុម​ឈរ​លេខ3​ ​Tottenham​ ​ត្រឹមតែ​ ​1ពិន្ទុ​ ​ផង​ដែរ​ ​ហើយ​បច្ចុប្បន្ន​ ​កំពុងតែ​មានប្រៀប​ក្នុង​ការ​ប្រជែង​យក​កៅអី​ទៅលេង​ក្នុង​ក្របខ័ណ្ឌ​ ​Champions​ ​League​។​ ​Arsenal​ ​នឹង​មិន​ជួប​ក្រុម​មាន​ចំណាត់ថ្នាក់​កំពូល​ទាំង6​ ​ក្នុង​ការប្រកួត​ក្របខ័ណ្ឌ​លី​ក​ដែល​នៅសល់​ទាំង8លើក​ចុងក្រោយ​របស់​ពួកគេ​ទៀត​ឡើយ​ ​ស្រប​ពេល​ដែល​ ​Man​ ​United​ ​នឹង​ត្រូវ​ធ្វើជា​ម្ចាស់ផ្ទះ​ទទួល​ក្រុម​ ​Manchester​ ​City​ ​និង​ ​Chelsea​ ​ក្នុង​សប្តាហ៍​បន្តបន្ទាប់​ទៀត​ ​ខណៈ​ប្រជែង​យក​កៅអី​ ​Champions​ ​League​ ​និង​ក្នុង​យុទ្ធនាការ​ ​FA​ ​Cup​ ​ស្ថិត​ក្នុង​គោលដៅ​ជាអាទិភាព​របស់​ពួកគេ​៕​ ​
​ ​

​KentoMomota​ ​បាន​ក្លាយជា​កីឡាករ​វាយ​សី​របស់​ជប៉ុន​ដំបូង​គេ​ក្នុង​ការ​ឈ្នះ​ពាន​ ​All​ ​England​ ​Open​ ​កាលពី​ថ្ងៃអាទិត្យ​ ​ខណៈ​ដែល​កីឡាការិនី​របស់​ចិន​ ​Chen​ ​Yufei​ ​បាន​បង្កើត​ការ​ភ្ញាក់ផ្អើល​ក្នុង​វិញ្ញាសា​នារី​។ ​Momota​ ​គឺជា​ម្ចាស់​ជើងឯក​ពិភពលោក​ ​ម្ចាស់​ជើងឯក​អាស៊ី​ ​និង​ជា​កីឡាករ​ចំណាត់ថ្នាក់​លេខ1​ ​ក្នុង​ពិភពលោក​ ​ហើយ​ពេលនេះ​ ​រូបគេ​អាច​បន្ថែម​ជ័យជម្នះ​មួយផ្សេងទៀត​ ​តាមរយៈ​ការ​ឈ្នះ​ពាន​កីឡា​វាយ​សី​ដែល​មាន​វ័យ​ចំណាស់​ជាងគេ​បំផុត​។​

​ ​កីឡាករ​វ័យ​ ​24ឆ្នាំ​រូប​នេះ​ ​បាន​គ្រប់គ្រង​អារម្មណ៍​របស់​ខ្លួន​យ៉ាង​ល្អ​ដើម្បី​យកឈ្នះ​ក្នុង​លទ្ធផល​ ​21​-​11​ ​15​-​21​ ​និង21​-​15​ ​នៅពេល​ប្រកួត​ជាមួយ​កីឡាករ​ដាណឺម៉ាក​ ​Viktor​ ​Axelsen​។​ Momota​ ​បានឱ្យ​ដឹង​ថា​៖​ ​«​ការ​ឈ្នះ​ពាន​ក្នុង​យុទ្ធនាការ​នេះ​គឺជា​ក្តី​សុបិន​មួយ​តាំងពី​កុមារ​ ​ហើយ​ការ​ឈ្នះ​ពាន​នេះ​ ​វា​ពិតជា​ពេលវេលា​ដ៏​អស្ចារ្យ​មួយ​ក្នុង​ជីវិត​របស់ខ្ញុំ​ ​និង​ធ្វើ​ឱ្យ​ខ្ញុំ​ជឿជាក់​កាន់តែ​ខ្លាំង​»​។​ ​កីឡាករ​រូប​នេះ​បាន​ប្រាប់​បន្ត​ថា​៖​ ​«​ការប្រកួត​សិត​ទី2​ ​ខ្ញុំ​បាន​លេង​បែប​ការពារ​ដើម្បី​ទប់ទល់​នឹង​ការ​វាយសម្រុក​យ៉ាង​ខ្លាំង​ពី​ ​Viktor​ ​ប៉ុន្តែ​ក្នុង​ការប្រកួត​ចុងក្រោយ​ ​ខ្ញុំ​បានដឹង​ថា​ ​ខ្ញុំ​មិន​អាច​បន្ត​ធ្វើបែប​នោះ​ឡើយ​។​ ​ហេតុនេះ​ ​ខ្ញុំ​មិនបាន​លេង​ក្នុង​បច្ចេកទេស​ជាក់លាក់​ឡើយ​ ​ប៉ុន្តែ​ខ្ញុំ​បាន​ប្រឹង​អស់ពី​សមត្ថភាព​ដែល​ខ្ញុំ​មាន​»​។​
​ ​Momota​ ​សង្ឃឹមថា​ ​ការ​ដណ្តើម​បាន​ជ័យជម្នះ​របស់​គេ​ ​អាច​ជួយ​ឱ្យ​កីឡាករ​ជប៉ុន​ផ្សេងទៀត​ ​ត្រួសត្រាយ​ផ្លូវ​បន្ថែម​ទៀត​ក្នុង​កីឡា​នេះ​»​។​

កីឡាករ​រូប​នេះ​បានឱ្យ​ដឹង​ថា​៖​ ​«​ខ្ញុំ​សង្ឃឹមថា​ ​ជ័យជម្នះ​នេះ​នឹង​ជួយ​បង្កើន​កម្រិត​លេង​ក្នុង​កីឡា​វាយ​សី​នៅ​ជប៉ុន​។​ ​ខ្ញុំ​នឹង​រក្សា​ការ​ឆ្ពោះទៅ​មុខ​ដោយខ្លួន​ខ្ញុំ​ ​ហេតុនេះ​ ​គ្រប់គ្នា​អាច​មាន​ជំនួយ​រួម​ជាមួយនឹង​រូប​ខ្ញុំ​បាន​»​៕​ ​

នៅពេលថ្មីៗនេះ​តារាចម្រៀង​ ​លោក​ ​ករុណា​ ​ពេជ្រ​ ​បាន​បង្ហោះ​សារ​ ​ដ៏​ក្រៀមក្រំ​ ​បំផុត​ខ​ណះ​លោកប៉ា​របស់​លោក​កំពុង​សម្រាក​ព្យាបាល​ជំងឺ​មិនទាន់​សះស្បើយ​ផង​ ​ស្រាប់តែ​លោក​បាន​បង្ហោះ​រូបភាព​ម្តាយ​ខ្លួន​ ​ដួល​រហូតដល់​បាក់​ភ្លៅ​ទៀត​ ​ដែល​មើលទៅ​គួរ​ឱ្យ​អាណិត​ដល់​តារាចម្រៀង​រូប​នេះ​ ​ត្រូវ​ឆ្លៀតពេល​ថែ​ទាំង​ឪពុក​ហើយ​ ​ឥលូវ​ម្ដាយ​ធ្លាក់ខ្លួន​ឈឺ​ម្នាក់ទៀត​។​ ​

សូម​រំឭក​ដែរ​ថា​ ​អស់​ពេល​ជាច្រើន​ខែ​មក​ហើយ​ ​ដែលតា​រា​ចម្រៀង​ប្រុស​នៅ​ផលិតកម្ម​ថោ​នរូ​បនេះ​ ​ថែទាំ​ឪពុក​ជាទី​ស្រលាញ់​របស់​ខ្លួន​ដែល​ធ្លាក់ខ្លួន​ឈឺ​។​ ​មកទល់​នឹង​ពេលនេះ​នៅតែ​ ​មិនទាន់​បាន​ធូរស្បើយ​នៅឡើយ​នោះ​ទេ​។​ ​តែ​អ្វី​ដែល​កាន់តែ​ធ្វើ​ឱ្យ​មហាជន​ជាច្រើន​ ​មានការ​ក្តុកក្តួល​នៅក្នុង​ចិត្តខ្លាំង​បន្ថែម​ទៀត​នេះ​ ​ម្តាយ​ជាទី​ស្រលាញ់​របស់​លោក​ ​ក៏​ត្រូវ​ធ្លាក់ខ្លួន​ឈឺ​ម្នាក់ទៀត​ ដែលកាន់តែធ្វើឱ្យលោកជួបទុក្ខផ្ទួនៗ។​ ​

ករុណា​ ​ពេជ្រ​ ​បាន​រៀបរាប់​ឱ្យ​ដឹង​ថា​ ​«​ព្រហ្មលិខិត​ ​កំពុង​បង្រៀន​ខ្ញុំ​ឱ្យ​ក្លាយជា​មនុស្ស​ដៃ​ ​100​ ​ហើយ​.​.​.​ ​ហើយ​កំពុង​បង្រៀន​ឱ្យខ្ញុំ​រឹងមាំ​ជ្រុល​ពេក​ហើយ​.​.​.​.​ ​ដើរ​ផង​ ​ទប់​ផង​ ​គិត​ផង​ ​ដូចជា​លេងសើច​ពេក​ហើយ​.​.​.​ប៉ា​ ​ដេកស្តូក​ស្តឹង​ ​នៅ​មួយ​កន្លែង​ ​មិនទាន់​មាន​លទ្ធផល​អ្វីឱ្យបាន​ប្រសើរ​ផង​.​.​.​ ​ឥឡូវ​មក​ថែម​ម៉ែ​ដួល​បាក់​ភ្លៅ​ម្នាក់ទៀត​.​.​.​.​ ​ដល់អញ្ចឹង​ ​ហួសចិត្ត​ ​.​.​.​.​អរគុណ​មួយ​រយៈ​នេះ​ ​បងប្អូន​តែងតែ​ឆាត​សួរ​ ​និង​បារម្ភ​ ​ពី​ខ្ញុំ​ហើយរឿង​ទាំងអស់​នេះ​ហើយដែល​ធ្វើ​ឱ្យ​ខ្ញុំ​មិនដែល​សប្បាយចិត្ត​ ​គិត​ច្រើន​ ​ហើយក៏​សូម​អរគុណ​ ​ញិា​តិ​មិត្ត​ ​ប្អូន​បង​ ​ដែល​ជួយ​ជា​ស្មារតី​ ​កំលាំង​កាយ​ ​កម្លាំងចិត្ត​ ​ជាពិសេស​ ​បុគ្គលិក​ក្លឹប​ថោន​ ​ដែល​បាន​បរិច្ចាគ​ឈាម​ ​ទាំងយប់​ ​សំរាប់​ត្រៀម​ទុក​ក្នុង​ការវះកាត់​ជូន​ម៉ែ​របស់ខ្ញុំ​.​.​.​.​»​៕​

​
​
​
​

ខណៈដែលនៅលើពិភពលោក ក៏ដូចជាប្រទេសកម្ពុជាមានការអបអរនឹងទិវារសិទ្ឌិនារីអន្តរជាតិ នៅក្នុងប្រទេសថៃឯណោះវិញ មិនត្រឹមតែអបអរប៉ុណ្ណោះទេ គឺបានទាំងរៀបចំប្រគល់ពានឆ្នើម ជូនដល់ស្ត្រីមួយចំនួននោះផង។ អ្វីដែលគេភ្ញាក់ផ្អើល គឺក្នុងចំណោមនារីបានពានឆ្នើមៗទាំងនោះ ក៍មានតារាចម្រៀង អ្នកនាង គឹម លីហ្សា និង កញ្ញា អេនីយ៉ា ជាប្អូនស្រី ដែលត្រូវគេស្គាល់ថាជាម្ចាស់ក្រុមហ៊ុន ផលិតផលថែរក្សាសម្រស់ Anniya Cosmetics Trading Co.,Ltd ក៏ទទួលបានទាំងពីរនាក់បងប្អូនផងដែរ កាលពីថ្ងៃទី9 ខែមីនា នោះ។

អ្នកនាង គឹម លីហ្សា និយាយថា គ្រាន់តែចុះពីប្រទេសអូស្រ្តាលី ទៅសម្ពោធសាខាថ្មីនៅខេត្តស្វាយរៀងមិនទាន់បានប៉ុន្មានថ្ងៃផង អ្នកនាង និងប្អូនស្រី ក៏ត្រូវបានគណកម្មការរៀបចំអញ្ជើញឱ្យទៅទទួលពានឆ្នើមប្រចាំឆ្នាំ2019តែម្ដង។ អ្នកនាងថា ពានរង្វាន់នេះ ត្រូវបានទទួលតែប៉ុន្មានថ្ងៃ ក្រោយពីអ្នកនាង និងប្អូនស្រីទើបប្រកាសចែកចាយនៅខេត្តស្វាយរៀង ដោយមានក្រុមកំប្លែងយ៉េយ៉េ លោក ម៉ាដូណា និងក្រុមចម្រៀងច្រើននាក់នាពេលនោះចូលរួម។ ហើយមុខរបរអនឡាញពិតជាធ្វើឱ្យនាងជោគជ័យ ក្នុងពេលដែលអ្នកនាង ក៏មានពេលចុះឡើងពីអូស្ត្រាលីមកកម្ពុជា។

តារាស្រីរូបនេះ បានបញ្ជាក់ថា គណកម្មការដែលរៀបចំព្រឹត្តិការណ៍ បានវាយតម្លៃថា ក្រុមហ៊ុនរបស់អ្នកនាង និងប្អូនស្រី បានក្លាយជាក្រុមហ៊ុននចូលផលិតផលម៉ាក Anniya និង Jesse នាំមុខធំមួយនៅកម្ពុជា។ អ្នកនាងថា ក្រុមហ៊ុនបានបើកដំណើការយូរមកហើយ ប៉ុន្តែក្រោយពេលអ្នកនាងចេញទៅរស់ប្រទេសអូស្ត្រាលី ក៏បានបន្ថែមការនាំចូលផលិតផលម៉ាក Jesse ថែមមួយប្រភេទទៀត ដែលអ្នកនាងបានចាត់ទុកថាបើកុំអាជីវកម្មរបស់អ្នកនាង និងប្អូនស្រីមិនទទួលជោគជ័យ ក៏ពិតជាមិនអាច។

អ្នកនាង គឹម លីហ្សា ថាក្រុមហ៊ុនមិនត្រឹមតែត្រូវបានទទួលស្គាល់ថាជាក្រុមហ៊ុនឆ្នើមនៅកម្ពុជាប៉ុណ្ណោះទេ តែនាង និងប្អូនស្រីក៏ត្រូវបានប្រកាសឱ្យទទួលពានជាអ្នកគ្រប់គ្រងឆ្នើម និងមានឥទ្ធិពលក្នុងវិស័យអាជីវកម្មមួយនេះទាំងពីរនាក់ផងដែរ។ មុខជំនួញនាំចូលផ្ដាច់មុខផលិតផលថែរក្សាសម្រស់របស់អ្នកនាង និងប្អូនស្រី ទទួលបានការគាំទ្រតាំងពីបើកក្រុមហ៊ុនខ្លាំងណាស់ ទើបធ្វើឱ្យក្រុមហ៊ុនមួយនេះឈ្នះពានស្ទួនៗគ្នាអីចឹង៕

​ពិធីប្រកាសបើកកម្ម​វិធីមហោស្រព​ភាពយន្ត​អន្តរជាតិ​កម្ពុជា​លើក​ទី៩​ ថ្ងៃទី ៩ មីនា ឆ្នាំ2019 នេះ​ ទទួល​បាន​ការ​គាំទ្រ​យ៉ាង​ខ្លាំង​ពី​​ផលិតករ​ភាព​យន្ត​បរទេស​ និងកម្ពុជា ដែលមានរឿងរហូត​ដល់ 130​ ​ចំណងជើង​ ​មក​ពី​ ​37​ ​ប្រទេស​នៅ​ទូទាំង​ពិភពលោក​ ។ នេះ​ជា​ការ​បំបែក​កំណត់​ត្រា​ថ្មីមួយទៀត ដែលចំនួនរឿងកម្ពុជាកើនឡើងលើសដល់ 26​ ​ចំណងជើង​ ​ដែល​គិតជា​ភាគរយ​គឺ​មាន​ចំនួន​ច្រើន​បំផុត​ធៀប​ទៅ​នឹង​មហោស្រព​ភាពយន្ត​ពីឆ្នាំកន្លងទៅ។

បើតាមប្រសាសន៍​របស់​លោក ជៀប សុវិជ្ជា នាយក CFC ក្នុងពិធី​បើក​មហោស្រពនេះ​កាល​ពី​យប់​មិញ នៅ​សាល​មហោស្រពចតុម្មុខ បានឱ្យដឹងថា «កម្មវិធីនេះ មិនត្រឹមតែចាក់បញ្ចាំងភាពយន្ដល្អៗនោះទេ តែជាឱកាសសម្រាប់ផលិតករខ្មែរ និងអន្ដរជាតិ បានជួបគ្នានិងទំនាក់ទំនងគ្នា ដើម្បីផលិតភាពយន្ដកម្ពុជា ឱ្យកាន់មានគុណភាពថែមមួយកម្រិតទៀត។ លោកបន្ដថា ភាពយន្ដក្នុងឆ្នាំនេះ សុទ្ធសឹងតែជាភាយន្ដសម្រិតសម្រាំង ហើយល្អៗមើល និងជាពិសេសឆ្នាំនេះ គឺមានភាពយន្ដឯកសារខ្មែរចំនួន 4 រឿង ដែលបង្ហាញអំពី ៤ទសវត្សរ៍​ក្រោយ​ការ​ដួល​រលំ​នៃ​របប​ខ្មែរក្រហម​ ​ជាខ្សែភាពយន្ត​ខ្នាត​ធំ​ ​ក៏ដូចជា​ខ្សែភាពយន្ត​ឯក​សា​រល្បីៗ​និយាយ​អំពី​របប​ប្រល័យ​ពូជសាសន៍​នៅ​កម្ពុជា​»។

យ៉ាងណាមិញ លោក ប៉ុក បូរក្ស ប្រធាននាយកដ្ឋានភាពយន្ត និងទស្សនីយភាព នៃក្រសួងវប្បធម៌ក៏បានឱ្យដឹងថា «ក្នុងព្រឹត្តិការមហោស្រពភាពយន្ដអន្ដរជាតិនេះ ពិតជាមានសារៈសំខាន់ក្នុងការជួយផ្សព្វផ្សាយ ស្នាដៃភាពយន្ដក្នុងស្រុកទៅបរទេស និងភាពយន្ដបរទេសមកកម្ពុជា»។ លោកបន្ដថា ខ្សែភាពយន្ដដែលនឹងត្រូវចាក់បញ្ចាំង ជាខ្សែភាពយន្ដដែលទទួលពានរង្វាន់ ពីបណ្ដាមហោស្រពភាពយន្ដធំៗពីប្រទេសផ្សេងៗ។ លើពីនេះក៏បានផ្ដល់ឱកាសដល់ ផលិតករកម្ពុជា និងផលិតករបរទេសជួបពិភាក្សា និងចែករំលែកនូវរវាងគ្នានឹងគ្នាថែមទៀតផង។

សូមជម្រាបផងដែរថា ការចាក់បញ្ចាំងខ្សែភាពយន្ដជាតិ និងអន្ដរជាតិនេះនឹងចាក់បញ្ចាំងចាប់ពីថ្ងៃទី9-14ខែមីនា ឆ្នាំ2019 ដោយក្នុងនោះនឹងចាក់បញ្ចាំងខ្សែភាពយន្ដចំនួន150លើក នៅតាមរោងភាពយន្ដធំៗក្នុងរាជធានីភ្នំពេញរួមមាន៖ រោងភាពយន្ដលេជេន, ម៉េជ័រស៊ីណេផ្លិច, ប្រែមស៊ីណេផ្លិច, មជ្ឈមណ្ឌលបុប្ផាណា, សាលមហោស្រពចតុមុខ និងសណ្ឋាគាររ៉ូសវូដ ហើយខ្សែភាពយន្ដដែលនឹងចាក់ផ្សាយរួមមាន៖ ភាពយន្ដខ្នាតខ្លី, ខ្នាតធំ, ភាពយន្ដឯកសារ, ព្រមទាំងគំនូជីវចលជាដើម។ សូមអញ្ជើញចូលរួមទស្សនាដោយឥតគិតថ្លៃ និងកុំឱ្យខកខានឱ្យសោះ៕

ក្រសួងសាធារណការ និងដឹកជញ្ជូនបានឱ្យដឹងថា ​ក្រសួងគ្រោងដាក់ឱ្យដំណើរការឡើងវិញនូវស្ពាន​​​មិត្តភាពកម្ពុជា-ជប៉ុន(ស្ពានជ្រោយចង្វារ)នៅមុនថ្ងៃបុណ្យចូលឆ្នាំថ្មីប្រពៃណីជាតិខ្មែរ​ ក្រោយពីធ្វើការជួស​ជុល សម្រេចបាន 97% លឿនជាងការគ្រោងទុកចំនួន 11% មុន​ផែនការ​រំពឹង​ទុកដែល​នឹង​បញ្ចប់​មុន​ពេល​កំណត់។

ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានចុះ​ពិនិត្យមើលវឌ្ឍនភាពនៃការជួសជុលស្ពានមិត្តភាពកម្ពុជា-ជប៉ុន (ជ្រោយចង្វារ) (ថ្ងៃទី6 ខែមីនា ឆ្នាំ2019) ដោយមានការចូលរួមពីមន្ត្រីក្រសួង តំណាងក្រុមហ៊ុនជួសជុលសាងសង់ និងក្រុមហ៊ុន​ត្រួតពិនិត្យលក្ខណបច្ចេកទេស។

រាជរដ្ឋាភិបាល​បានប្រកាស​ជួសជុល​ស្ពាន​នេះ​ជាថ្មី​ស្ទើរ​ទាំង​ស្រុងហើយស្របពេលកំណើន​សេដ្ឋ​កិច្ច និងលំហូរចរាចរណ៍កើនឡើងជាលំដាប់ ស្ពាននេះបានតម្រូវឱ្យមានការជួសជុលឡើងវិញ​ជាបន្ទាន់​ក្រោម​​ជំនួយ​ហិរញ្ញ​ប្បទាន​ឥត​សំណង​របស់​រដ្ឋាភិបាល​ជប៉ុន ដោយ​ចំណាយ​ទឹក​ប្រាក់​ប្រមាណ​ 3,343លានយ៉េន ស្មើនឹងប្រមាណជាង30លាន​ដុល្លារ​អាមេរិក និង​ប្រើ​រយៈពេល​ប្រមាណ​2ឆ្នាំ។

គម្រោងស្តារស្ពានមិត្តភាពកម្ពុជា-ជប៉ុន(ស្ពានជ្រោយចង្វារទី១)ឡើងវិញ ជាហិរញ្ញប្បទាន ឥតសំណងរបស់រដ្ឋាភិបាលជប៉ុន ដែលត្រូវបានចុះហត្ថលេខានៅថ្ងៃទី31 ខែមីនា ឆ្នាំ2016។ គម្រោង​​នេះបានចាប់ផ្តើមបើកការដ្ឋានជួសជុលនៅថ្ងៃទី15 ខែកញ្ញា ឆ្នាំ2017 ដោយមានក្រុមហ៊ុន Obaya​shi ជាក្រុមហ៊ុនទទួលបានសិទ្ធិក្នុងការជួសជុលសាងសង់ និងក្រុមហ៊ុន Central Consultant Inc ជាក្រុមហ៊ុនទីប្រឹក្សាបច្ចេកទេស។

ផ្អែកលើកិច្ចព្រមព្រៀងរវាងរដ្ឋាភិបាលនៃប្រទេសទាំង2 គម្រោងនេះគ្រោងនឹងបញ្ចប់នៅថ្ងៃ​ទី​14 ខែមិថុនា ឆ្នាំ2019 ប៉ុន្តែដោយសារការអនុវត្តគម្រោងនេះលឿនជាងការគ្រោងទុក ស្ពាននេះនឹង បើកឱ្យដំណើរការធ្វើចរាចរជាបណ្តោះអាសន្ន នៅពេលបុណ្យចូលឆ្នាំថ្មីប្រពៃណីជាតិខ្មែរ ខាង​មុខនេះ។

​យោងតាមគេហទំព័រហ្វេសប៊ុក របស់ក្រសួង​សាធា​រណការ និង​ដឹក​ជញ្ជូនបានឱ្យដឹងថា ការ​ងារ​សំខាន់ៗ​នៃ​ការ​ជួស​ជុល​ស្ពាន​នេះ គឺ​បាន​បញ្ចប់​រួច​រាល់​អស់​ហើយ នៅ​សល់តែ​ការងារ​តូចៗ ដូចជា សម្អាត និង​ការ​លាប​ពណ៌ រៀបចំ​សណ្តាប់​ធ្នាប់​ជុំវិញ​ស្ពាន​នេះ​ប៉ុណ្ណោះ។ ការ​ជួស​ជុល​បញ្ចប់​មុន​ផែនការ​នេះ ដោយសារ​ក្រុម​បច្ចេក​ទេស​​ទាំង​កម្ពុជា និង​ជប៉ុនបាន​សហការ​គ្នា​បាន​ល្អ​ដែល​ធ្វើ​ឱ្យ​ការ​ជួស​ជុល​រួច​រាល់​មុន​កាល​កំណត់។

ក្រសួងបានបញ្ជាក់​បន្ថែមថា ការដាក់​ដំណើរការ​ឱ្យ​ប្រើប្រាស់​ស្ពាន​នេះ​ឡើងវិញ​ មុន​ពិធី​ចូល​ឆ្នាំថ្មី វា​ជា​វិធានការ​មួយក្នុង​ការ​សម្រួល​ការ​កក​ស្ទះ​ចរាចរណ៍ ដែល​តែង​កើត​មាន​ឡើង​ជា​រៀងរាល់​ឆ្នាំ ព្រោះ​ក្នុង​ពេល​នោះប្រជា​ពលរដ្ឋ​នាំ​គ្នា​សម្រុក​ចេញ​ពី​រាជធានី​ទៅ​ស្រុក​កំណើត​ច្រើន។ ដូច្នេះ​​​បញ្ហា​​​កកស្ទះ​ចរាចរណ៍នឹងត្រូវកាត់បន្ថយ ដូច្នេះការ​បើកឱ្យដំណើរការបណ្ដោះអាសន្ន​នេះ គឺ​នឹង​ជួយ​សម្រួល​បញ្ហា​ចរាចរណ៍​ជូន​ប្រជាពលរដ្ឋ។

អ្នកនាំពាក្យ​សាលា​រាជធានី​ភ្នំពេញ បាន​លើកឡើង​ថា ជា​រួម ការ​បើក​ឱ្យ​ដំណើរការ​ស្ពាន​នេះ​ឡើង​វិញ គឺជា​ការ​ប្រសើរដែល​ចូលរួម​កាត់​បន្ថយ​ការ​កក​ស្ទះ​ចរាចរណ៍ ខណៈ​អាជ្ញាធរ​ក្រុងត្រៀម​រៀបចំ​សណ្តាប់​ធ្នាប់ឱ្យ​បាន​ល្អនៅ​ជុំវិញ​ស្ពាន​នេះ ជា​ពិសេស​គឺ​ក្នុង​​ពិធី​បុណ្យ​ចូល​ឆ្នាំ​ខ្មែរ​ខាងមុខ។ ដោយ​ឡែក​ការ​ធ្វើ​ដំណើរ​របស់​ពលរដ្ឋ​នៅ​តាម​ផ្លូវជាតិ6 និង​លេខ5 នឹង​កាន់​តែ​ល្អ​ប្រសើរ​ជាង​មុន​ទៀត ពីព្រោះ​យើង​មាន​ស្ពាន​ដល់​ទៅ 3សម្រាប់​ឱ្យ​ពលរដ្ឋ​ឆ្លង​កាត់»។

ស្ពាន​មិត្តភាព​កម្ពុជា-ជប៉ុន (ជ្រោយចង្វារ) មានប្រវែង 971ម៉ែត្រទទឹង 13ម៉ែត្រ ស្ថិតនៅតាមបណ្តោយផ្លូវជាតិលេខ6A ក្នុងភូមិសាស្ត្រទឹកដីរាជធានីភ្នំពេញ ត្រូវបានសាងសង់ និងសម្ពោធដាក់ឱ្យប្រើប្រាស់ក្នុងឆ្នាំ1963 ក្រោមហិរញ្ញប្បទានឥតសំណងរបស់ប្រទេសជប៉ុន។ ស្ពាននេះត្រូវបានខូចខាតដោយសង្គ្រាមស៊ីវិលនៅកម្ពុជា និងត្រូវបានសាងសង់ឡើងវិញនៅឆ្នាំ1992 ដោយប្រទេសជប៉ុន ហើយត្រូវបានប្តូរឈ្មោះទៅជាស្ពានមិត្តភាពកម្ពុជា-ជប៉ុនដោយព្រះមហាវីរក្សត្រសម្ដេចព្រះបាទ ព្រះបរមរតនកោដ្ឋ នរោត្ដម សីហនុ៕