ស្ពានជ្រោយចង្វារចាស់ ឬស្ពានមិត្តភាពកម្ពុជាជប៉ុន នឹងបើកឱ្យដំណើរការនៅរយៈពេល 2ថ្ងៃទៀត នេះបើតាមការបញ្ជាក់ពីក្រសួងសាធារណការ និងដឹកជញ្ជូន។ 
នៅថ្ងៃទី 31 ខែមីនា ម្សិលម៉ិញនេះ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានចុះត្រួតពិនិត្យស្ពានជ្រោយចង្វារចាស់ ដើម្បីត្រៀមសម្ពោធដាក់ដំណើរការនៅថ្ងៃទី03 ខែមេសា ឆ្នាំ2019 ខាងមុខនេះ ដើម្បីធ្វើយ៉ាងណាឱ្យប្រជាជនខ្មែរអាចឆ្លងកាត់មុនពេលចូលឆ្នាំខ្មែរខាងមុខនេះ។ 
ឯកឧត្តមរដ្ឋមន្ត្រីក៏បានថ្លែងអំណរគុណផងដែរដល់រដ្ឋាភិបាលជប៉ុន ដែលបានផ្តល់ថវិកាប្រមាណ 30លានដុល្លារ ដល់រដ្ឋាភិបាលកម្ពុជាដើម្បីជួសជុលស្ពានជ្រោយចង្វារចាស់ឡើងវិញ តែកម្ពុជាប្រើប្រាស់អស់ត្រឹមតែជាង 20លានដុល្លារតែប៉ុណ្ណោះ ដោយលុយសល់ទាំងអស់នឹងយកទៅរៀបចំសួន និងសោភ័ណ្ឌភាពឱ្យកាន់តែប្រសើរ។ ឯកឧត្តមរំពឹងទុកថា ក្រោយពេលបើកឱ្យប្រើប្រាស់ជាផ្លូវការ ប្រជាជនអាចបើកបរបានរហូតដល់ទៅ 4គន្លងលើស្ពានទាំងសងខាង ហើយបានបែងចែកផ្លូវម៉ូតូ និងរថយន្តដាច់ដោយឡែក ដែលអាចនឹងកាត់បន្ថយការកកស្ទះ ហើយធ្វើឱ្យចរាចរណ៍កាន់តែប្រសើរសម្រាប់ប្រជាពលរដ្ឋទាំងពេលបុណ្យទាន និងពេលធម្មតា៕
Category: សង្គម និងសេដ្ឋកិច្ច
ខានស្អែកនេះ ស្ពានជ្រោយចង្វារចាស់នឹងបើកឱ្យដំណើរការជាផ្លូវការហើយ
តើស្ត្រីមានគភ៌ធ្វើការមុខកុំព្យូទ័រពេញមួយថ្ងៃមានគ្រោះថ្នាក់ដល់កូនឬទេ?
បច្ចុប្បន្នកុំព្យូទ័រមានតួនាទីជាមួយជីវិតរបស់មនុស្សស្ទើរតែគ្រប់ផ្នែក និងប្រាកដណាស់ស្ត្រីមានគភ៌ជាច្រើននាក់ត្រូវធ្វើការងារដោយមានកុំព្យូទ័រជាឧបករណ៍ប្រើការក្បែរកាយ និងត្រូវនៅជាមួយវត្ថុមួយនេះជាច្រើនម៉ោងជាប់ៗគ្នាក្នុងមួយថ្ងៃ។
ស្ត្រីមានគភ៌មួយចំនួនចាប់ផ្ដើមនឹកបារម្ភក្នុងចិត្តថា តើកុំព្យូទ័រដែលកំពុងប្រើការនេះនឹងមានផលអាក្រក់អ្វីដល់កូនក្នុងផ្ទៃដែរឬទេ? ដែលតាមរយៈលទ្ធផលនៃការសិក្សាស្រាវជ្រាវមកជាយូររបស់អ្នកវិទ្យាសាស្ត្រ និងគ្រូពេទ្យសម្ភពមកពីគ្រប់ទិសទីក្នុងពិភពលោកបានផ្ដល់នូវចម្លើយដែលធ្វើឱ្យស្ត្រីមានគភ៌ទាំងឡាយបានសប្បាយចិត្តថា កុំព្យូទ័រមិនមានបង្កគ្រោះថ្នាក់អ្វីដល់កូនតូចក្នុងផ្ទៃឡើយ… តែការអង្គុយធ្វើការនៅមុខកុំព្យូទ័ររយៈពេលយូរទៅវិញទេដែលមានផលប៉ះពាល់ដល់សុខភាពរបស់ស្ត្រីមានគភ៌ ដែលរឹតតែត្រូវអង្គុយធ្វើការយូរប៉ុនណា ប្រព័ន្ធឈាមរត់នឹងហូរបញ្ច្រាស់ត្រឡប់ឡើងទៅផ្នែកខាងលើ ធ្វើឱ្យឈាមហូរទៅចិញ្ចឹមរាងកាយយឺតយ៉ាវ ដែលអាចធ្វើឱ្យហើមជើង ងាយវិលមុខ ឆាប់ហត់ និងឈាមដែលហូរត្រឡប់ចូលបេះដូងទៅចិញ្ចឹមកូនតូចក៏នឹងថយចុះ។
ដូច្នេះស្ត្រីមានគភ៌ដែលត្រូវអង្គុយធ្វើការនៅមុខកុំព្យូទ័រគួរមើលថែទាំខ្លួនឯងដូចតទៅនេះ…
ការអង្គុយ
ស្ត្រីមានគភ៌គួរអង្គុយឱ្យត្រូវតាមវិធី ដោយឥរិយាបទអង្គុយដែលត្រឹមត្រូវបំផុតក៏គឺ អង្គុយចូលទៅក្នុងឱ្យពេញកៅអី និងខ្នងពឹងនឹងបង្អែកកៅអី ចន្លោះរវាងភ្លៅ និងកៅអីគួរនៅសល់ចន្លោះប៉ុនម្រាមដៃអាចស៊កចូលទៅបាន ដើម្បីកាត់បន្ថយសង្កត់ និងឱ្យឈាមហូរវិលបានស្រួលឡើង។ បើស្ត្រីមានគភ៌ស្ថិតក្នុងអំឡុងត្រីមាសចុងក្រោយ ទំហំក្បាលពោះដែលធំខ្លាំងនោះនឹងធ្វើឱ្យផ្ទៃពោះហុចលយមកខាងមុខ ស្ត្រីមានគភ៌អាចប្រើខ្នើយមកដាក់កល់ខ្នង ក៏អាចជួយកាត់បន្ថយភាពតឹងរបស់សាច់ដុំបានដែរ។ថែទាំកែវភ្នែក
ស្ត្រីមានគភ៌គួរសម្រួលរយៈចម្ងាយ និងកម្ពស់របស់អេក្រង់កុំព្យូទ័រឱ្យស័ក្តិសមល្មមនឹងកម្រិតកម្ពស់ខ្សែភ្នែករបស់អ្នកផង។ គួរឱ្យអេក្រង់កុំព្យូទ័រស្ថិតក្នុងកម្ពស់ទាបជាងកម្រិតខ្សែភ្នែកប្រមាណជា 10 – 20អង្សា សម្រួលភាពភ្លឺរបស់អេក្រង់ឱ្យសមល្មម នឹងជួយឱ្យស្ត្រីមានគភ៌មិនឈឺភ្នែក អានអក្សរបានកាន់តែងាយស្រួលឡើង។ មិនគួរសម្លឹងមើលអេក្រង់កុំព្យូទ័រក្នុងរយៈពេលយូរ និងគួរសាកល្បងសម្រាកខ្សែភ្នែកប្រមាណជា 10នាទីក្នុងរយៈពេល 1ម៉ោងនៃការធ្វើការ នឹងកាត់បន្ថយអាការឈឺកែវភ្នែករបស់ស្ត្រីមានគភ៌បានច្រើន។ដូច្នេះស្ត្រីមានគភ៌ដែលត្រូវធ្វើការនៅមុខកុំព្យូទ័រពេញមួយថ្ងៃនោះ កុំភ្លេចផ្លាស់ប្ដូរឥរិយាបថឱ្យបានញឹកញាប់ កុំសម្លឹងអេក្រង់កុំព្យូទ័រយូរៗពេក គួរងាក ឬបែរទៅមើលអ្វីផ្សេងខ្លះផង និងមិនគួរអង្គុយក្នុងឥរិយាបថដដែលយូរពេកឡើយ គួរក្រោកដើរទៅនេះទៅនោះឱ្យយឺតសរសៃសរសូងរៀងរាល់ម៉ោងខ្លះផងទើបជាការប្រសើរបំផុត៕
វីឡាដ៏ស្កឹមស្កៃរបស់នាយ ចឺម ជិតរួចរាល់ទាំងស្រុងហើយ
ប្រិយមិត្តស្គាល់ច្បាស់មកហើយនាយ ចឺម អតីតអ្នកកំប្លែងក្រុមនាយ ពែកមី និងជាតារាចម្រៀងប្រចាំផលិតកម្មសាន់ដេ ដែលមានមហាជនគាំទ្រច្រើន ហើយនាយបានផ្អាកពីកំប្លែងអស់រយៈកាលធំ ហើយងាកមកចាប់អាជីពតារាចម្រៀងជាប់ និងកើកលុយបានខ្លាំងជាងមុនគួរឱ្យកត់សម្គាល់។ ដោយឡែកថ្មីៗនេះស្រាប់តែនាយ ចឺម បានបង្ហោះរូបភាពជាច្រើនគណនីអ៊ីនស្តារក្រាម ផ្លូវការរបស់នាយ ស្ដែងឱ្យយប្រិយមិត្តមានការភ្ញាក់ផ្អើលខ្លាំងមែនទែន ជាមួយនឹងទិដ្ឋភាពផ្ទះវីឡាដ៏ធំស្ទើរតែមិនគួរឱ្យជឿ ខណៈលេចចេញរូបរាងបាន 95 ភាគរយហើយ។
សូមរំឭកដែរថា វីឡាថ្មីប្រណីតនេះមានទីតាំងស្ថិតនៅឃុំមហាឫស្ស៊ី ស្រុកគងពិសី ខេត្តកំពង់ស្ពឺ និងចំណាយទឹកប្រាក់បុកគ្រិះអស់ជាង 14 ម៉ឺនដុល្លារសហរដ្ឋអាមេរិក។ ថ្វីបើនៅមានវ័យក្មេងខ្ចីក៏ពិតមែន ប៉ុន្តែតារាចម្រៀងនាយ ចឺម ដែលជាអតីតតារាកំប្លែង ទទួលបានការគាំទ្រខ្លាំងពីសំណាក់ទស្សនិកជន ហើយសម្រាប់ការគាំទ្រដ៏លើសលប់នេះ បានធ្វើឱ្យនាយ ចឺម គេចចេញពីភាពក្រ រហូតក្លាយជាអ្នកមានទ្រព្យសម្បត្តិស្ដុកស្ដម ជួយទំនុកបម្រុងក្រុមគ្រួសារសព្វបែបយ៉ាង។
ចំពោះការងារសិល្បៈបច្ចុប្បន្ននេះ នាយ ចឺម បានចេញបទចម្រៀងប្រជាប្រិយ និងកន្ទ្រាក់អារម្មណ៍ត្រៀមសម្រាប់ចូលឆ្នាំថ្មីប្រពៃណីខ្មែរខាងមុននេះ ជាច្រើនបទផងដែរ ជាក់ស្ដែងដូចជាបទ « ទៅគេសុំទោស » កំពុងតែមានការផ្ទុះខ្លាំងនៅលើបណ្ដាញសង្គមហ្វេសប៊ុកផងដែរ។
ចង់ដឹងថា វីឡានាយចឺម ប្រណីត និងស្កឹមស្កៃប៉ុនណានោះ សូមទស្សនារូបភាពខាងក្រោមនេះ ៖
រកឃើញម្ចាស់មកុដ Miss Universe Cambodia 2019
ពីតជាកក្រើកខ្លាំងមែនទែន ខណៈដែលកម្មវិធី Miss Universe Cambodia 2019 បានរកឃើញម្ចាស់មកុដតំណាងប្រទេសកម្ពុជាកាលពីយប់មិញនេះ ។ ជារៀងរាល់ឆ្នាំ កម្មវិធីលំដាប់អន្ដរជាតិមួយនេះ តែងតែប្រកាស និងស្វែងរកបេក្ខភាពស្រីៗដែលមានរូបសម្បតិ្តស្រស់ស្អាត ផ្គួបផ្សំនឹងចំណេះដឹង សមត្ថភាពដ៏ល្អរបស់ពួកគេ ដើម្បីធ្វើការគ្រងមកុដ បន្តទៅប្រកួតនៅក្នុងកម្មវិធីមួយនេះ ដែលមានការចូលរួមពីបណ្តាប្រទេសជាច្រើន។
យប់មិញនេះ ក្រោយពីបានធ្វើការឆ្លងកាត់ការប្រលងជម្រុះនៅក្នុងប្រទេសរួចមក ពេលនេះក៏រកឃើញម្ចាស់មកុដហើយ ដែលបានទៅលើ កញ្ញាសំណាង អេលីណា ដែលនឹងត្រូវទៅចូលរួមប្រកួត នៅក្រៅប្រទេសក្នុងពេលឆាប់ៗខាងមុខនេះ។
ដោយមើលឃើញពីសមត្ថភាពដ៏ល្អឥតទាស់ បូករួមនឹងសម្រស់ស្រស់ស្អាតបែបធម្មជាតិ ធ្វើឱ្យមហាជនជាច្រើន ពិតជាពេញចិត្តយ៉ាងខ្លាំង ដែលនាងពិតជាសាកសមជាមួយនឹងម្ចាស់ម្កុជតែម្តង។ តាមរយៈដំណឹងដ៏ល្អមួយនេះ អ្នកគាំទ្រជាច្រើន ក៏បានធ្វើការចូលរួមអបអរសាទរដល់នាង ដែលទទួលបានជ័យលាភីបែបនេះ មិនត្រឹមតែប៉ុណ្ណោះ នៅក្នុងនោះក៏មានការជូនពរ ដល់បវរកញ្ញារូបនេះកាន់តែជោគជ័យនៅពេលឡើងឆាកអន្ដរជាតិថែមទៀតផងដែរ៕
សូមទស្សនារូបភាពខាងក្រោមនេះ៖
Samsung ចេញឆ្នាំងសាកឥតខ្សែ ដែលសាកបានទាំង Samsung, iPhone និងកាស AirPods
បន្ទះសាកភ្លើង Wireless Charger Duo របស់ក្រុមហ៊ុន Samsung ដែលបានប្រកាសចេញដំបូង កាលពីជំនាន់ Galaxy Note 9 អាចគាំទ្រគ្រប់ស្មាតហ្វូនដែលមានបង្កប់បច្ចេកវិទ្យាសាកថ្មឥតខ្សែនៅខាងខ្នងទាំងអស់ មិនថាតែ Samsung, iPhone និងកាស AirPods នោះទេ។
ដំបូងឡើយកាលពីជំនាន់កាលពីជំនាន់ Galaxy Note 9 វាមានមានតម្លៃដល់ទៅ 119ដុល្លារ តែមកដល់ជំនាន់ Galaxy S10 វាបានធ្លាក់ថ្លៃនៅត្រឹមតែ 64ដុល្លារប៉ុណ្ណោះលើវិបសាយ Amazon។
ចំពោះសមត្ថភាពបន្ទះសាកភ្លើង Wireles នេះគឺ ជាប្រភេទបន្ទះសាកថ្មលឿន(Fast Charge) ដែលចែកចាយថាមពលអគ្គិសនី 2ក្នុងបន្ទះតែមួយ ហើយម្ខាងមានផ្ទុកកម្លាំងសាក 12វ៉ាត់(w) ឯម្ខាងទៀត 7.5វ៉ាត់៕
គ្រួសារតារាកម្ពុជាកាន់តែធ្វើឱ្យកក្រើកខណៈបង្ហាញឈុតបុរាណនិងឈុតធម្មជាតិយ៉ាងប្រណីត
នៅក្នុងពិធីខួបប្រចាំឆ្នាំរបស់ទូរទស្សន៍អប្សរាកាលពីយប់ថ្ងៃទី៣០ មីនា គ្មានអ្នកណាមិនចាប់អារម្មណ៍នោះទេ ជាមួយនឹងរូបសម្រស់ដ៍ស្រស់ផូរផង់របស់សមាជិកក្នុងពេលតារាទាំងនោះ គ្រងឈុតបុរាណ និង Fashion នៅលើវេទិកាដែលកុះករដោយភ្ញៀវកិត្តិយស និងតារាសិល្ប:។ ទាំងឈុតបុរាណ និងសម័យ សុទ្ធតែធ្វើឲ្យគ្រួសារតារាកម្ពុជា ដែលតំណាងដោយតារាទាំងនោះលេចធ្លោរ និងដក់ជាប់ក្នុងអារម្មណ៍អ្នកទស្សនាគ្រប់គ្នា។
វេទិកាជប់លៀង និងមានការប្រគំតន្ត្រីជាទ្រង់ទ្រាយធំនោះរួមមាន តារាល្បីៗយ៉ាងច្រើនកុះករចូលរួមទាំងការបង្ហាញវត្តមានជាភ្ញៀវកិត្តិយស និងច្រៀងរាំ។ យ៉ាងណាមិញ គេនៅតែកត់សម្គាល់ឃើញថា សកម្មភាពដើរម៉ូដដែលរៀបចំដោយគ្រួសារតារាកម្ពុជា នៅតែលេចធ្លោរខ្លាំងក្លារជាងគេ ក្នុងក្រសែភ្នែកអ្នកទស្សនា និងភ្ញៀវកិត្តិយសទាំងរាប់រយនាក់នារាត្រីនោះ។
តារាៗ មិនថាគ្រងឈុតសម័យ Fashion និង ឈុតក្នុងសម័យបុរាណ គឺសុទ្ធតែទទួលបានការចាប់អារម្មណ៍ទាំងលើឆាក និងក្រៅឆាក គួរឲ្យកត់សម្គាល់។ តារាដែលបានគ្រងឈុតចម្រុះសម័យកាលនៅក្នុងវេទិកានោះរួមមាន លោក រុន ណាកូ ម្ចាស់ពានឈុតបុរាណដៃគូរបស់កញ្ញា បេប៊ី កាលពីឆ្នាំមុន គ្រងឈុតព្រះបាទជ័យវរ្ម័នទី៧, អ្នកនាងចាន់ ផល្លារ អតីតពិធីការិនីប៉ុស្តិ៍លេខ៩ គ្រងឈុតព្រះនាងឥន្ទ្រទេវី, លោក ឆាលី និង តារាកូនកាត់លោក អេឡិក គ្រងឈុតសេនាក្នុងសម័យអង្គរ, លោក សន សុវណ្ណារ៉ា ពិធីករ គ្រងឈុតព្រះមហាក្សត្រក្នុងសម័យចតុមុខ, កញ្ញា កែ ច័ន្ទកេសី តារាបង្ហាញម៉ូដ គ្រងឈុតអគ្គមហេសីក្នុងសម័យចតុមុខ, លោក ឃីម រតន: តារាសម្ដែងដែលគេស្គាល់ភាគច្រើនជាតួបងធំ គ្រងឈុតសម័យឩដុង្គ, កញ្ញា ស្រីកា RA គ្រងឈុតសម័យឧដុង្គ, អ្នកនាង ឯក សុវណ្ណរ័ត្ន តារាសម្ដែង គ្រងឈុតអគ្គមហេសីសម័យឧដុង្គ, លោក សុវណ្ណ ដុល្លារ តារាចម្រៀង និងជាតារាសម្ដែង គ្រងឈុតមហាក្សត្រក្នុងសម័យឧដុង្គ។
ដោយឡែកសម្រាប់តារាដែលគ្រងឈុតFashion និងសម័យទំនើបវិញរួមមាន កញ្ញា ភី សម័យ តារាសម្ដែងភេទទី៣ដែលសម្រស់នារីពិតខ្លះមិនដូរ បានគ្រងដោយរ៉ូបរំលេចដោយវល្លិ៍បង្ហាញពីធម្មជាតិ, កញ្ញា វ៉ាន់ លីលី តារាសម្ដែង គ្រង់ឈុតរំលេចដោយរុក្ខជាតិ បង្ហាញពីការស្រលាញ់ព្រៃឈើ, កញ្ញា ណាតាហ្សា តួឯកស្រីរឿង”កំណត់ហេតុនាងនាថ” គ្រងឈុតបង្ហាញពីបរិស្ថានបៃតង និងការស្រលាញ់ធម្មជាតិដូចគ្នា ខណ:ដែលកញ្ញា ភីយ៉ា តារាសម្ដែងកំពុងឡើងកូដ គ្រងឈុតផ្កាចម្រុះ បង្ហាញពីភាពស្រស់ស្អាតនៃធម្មជាតិ ដែលឈុតFashion ទាំងនេះ កែច្នៃដោយបូរ៉ានិកកាត់ដេរ។ សម្រាប់បុរសសង្ហារ៤រូបដែលចូលរួមបង្ហាញឈុតសម័យលូយឆាយនារាត្រីនោះដែររួមមាន លោក ព្រហស្បតិ៍ថារ៉ូត តារាសម្ដែង, លោក ឯករាវ័ន្ត, លោក Peter Prince, និង ព័ន្ធរត្ននី។
ចង់ដឹងថា តារាៗដែលបានគ្រងឈុតបុរាណ និងសម័យបែបFashion ទាំងនោះមានសម្រស់ស្រស់ស្អាតយ៉ាងណាតោះទស្សនារូបភាព៖
ចិន ប្រកាសត្រៀមចេញរថយន្តវ៉ែនម៉ាក Lexus នៅខែក្រោយនេះ
ក្រុមហ៊ុនរថយន្ត Lexus បានប្រកាសថានឹងចេញរថយន្តម៉ូឌែលថ្មីនាខែក្រោយនេះក្នុងកម្មវិធីតាំងបង្ហាញរថយន្ត Shanghai Motor Show ឆ្នាំ2019 ហើយគេហទំព័រព័ត៌មានរថយន្ត Lexus Enthusiast បង្ហាញជំនឿជាក់ថារថយន្តចេញថ្មីនេះអាចជាប្រភេទរថយន្ត Minivan។
មានហេតុផលជាច្រើនដែលនាំឱ្យគេហទំព័រខាងលើជឿជាក់ថារថយន្ត Lexus ម៉ូឌែលថ្មីជាប្រភេទរថយន្ត Minivan។ ហេតុផលដំបូងគឺ មានតែក្រុមហ៊ុន Lexus ប្រទេសចិន និង Lexus នៃកោះតៃវ៉ាន់តែប៉ុណ្ណោះ ដែលប្រកាសពីការបញ្ចេញរថយន្តម៉ូឌែលថ្មីនេះ ខណៈពេលដែលរថយន្តប្រភេទ Minivan កំពុងត្រូវប៉ាន់ខ្លាំងនៅប្រទេសចិន រួមទាំងអាស៊ីអាគ្នេយ៍ផងដែរ។ហេតុផលមួយទៀតគឺ ការប្រកាសរបស់ Lexus នៃកោះតៃវ៉ាន់ មានអមដោយពាក្យថា ”The Luxury of Space” ដែលពាក្យ ”Space” ប្រហែលជាចង់សំដៅលើរថយន្តដែលមានទំហំធំទូលាយ ស៊ីគ្នានឹងរថយន្ត Minivan ផ្ទាល់តែម្ដង។
គេហទំព័ររថយន្ត Lexus Enthusiast ក៏បានរំឭកថា Lexus បានចុះកម្មសិទ្ធិបញ្ញាលើម៉ូឌែល LM 350 និង LM 300h កាលពីឆ្នាំមុន ហើយពាក្យពេញនៃពាក្យ LM នេះអាចជា ”Lexus Minivan” ឬ ”Luxury Minivan” ក៏ថាបាន៕
កាន់តែកក្រើកទៀតហើយ កំពូលតារាសិល្បៈល្បីៗប៉ះគ្នានៅសង្ក្រាន្ដវិទ្យាល័យព្រែកឯង
ដើម្បីអបអរសារទរពិធីបុណ្យចូលឆ្នាំថ្មីឆ្នាំកុរឯកស័កដែលកាន់តែខិតជិតមកដល់យើងសង្កេតឃើញថាបណ្តាគ្រឹះស្ថានអប់រំរដ្ឋនិងឯកជនព្រមទាំងស្ថាប័នផ្សេងបានរៀបចំផែនការជាបន្តបន្ទាប់ទាក់ទិននិងសង្រ្កាន្ត។មិនខុសពីគេក្នុងនោះថ្នាក់ដឹកនាំនៃវិទ្យាល័យព្រែកឯងនិងបុគ្គលិកក្រោមឱវាទក៍បានប្រកាសព្រឹត្តិការណ៍សង្ក្រាន្តផងដែរដោយនោះជាការចូលខ្លួនលើកទី១ពុំធ្លាប់មានឡើយទើបកាន់តែពិសេសសម្រាប់លោកគ្រូអ្នកគ្រូសិស្សានុសិស្សអាជ្ញាធរនៅតំបន់នោះ។
រយៈពេលប៉ុន្មានថ្ងៃមកហើយដែលគណៈគ្រប់គ្រងនៃវិទ្យាល័យព្រែកឯងព្រមទាំងអតីតសិស្សវិទ្យាល័យនិងសិស្សកំពុងសិក្សាបានរួបរួមគ្នារៀបចំប្លង់នៃកន្លែងទីតាំងកម្មវិធីក្នុងបរិវេនវិទ្យាល័យឲមានសោភ័ណភាព។ទោះបីមានភាពហត់នឿយបែបណាក៍មិនគិតជាគំនៀបធំអ្វីឡើយ។នោះជាលើកទី១បំផុតដែលវិទ្យាល័យព្រែកឯងបានប្រារព្ឋធ្វើឡើងក្នុងន័យចូលរួមថែរក្សាប្រពៃណីជាតិខ្មែរពិសេសបុណ្យជាតិដែលមានលក្ខណៈធំក្នុងចំណោមបុណ្យធំៗនៃព្រះរាជាណាចក្រកម្ពុជា។
តាមគម្រោងការរៀបចំនោះឃើញមានយកមកនូវទម្រង់ល្បែងរបាំកេរ្តី៍ពីដូនតាមកសម្តែងព្រមទាំងមានវត្តមានតារាប្រុសស្រីល្បីឈ្មោះទាំងចម្រៀងសម្តែងកំប្លែងផ្តុំគ្នាឡើងឆាកសម្តែងចែករំលែកភាពសប្បាយរីករាយទទួលអំណរឆ្នាំថ្មីដែលខិតចូលមកដល់ឆាប់ៗខាងមុខ។
កម្មវិធីទាំងមូលរៀបចំរំលេចឡើងនៅថ្ងៃទី៤ មេសា ឆ្នាំ២០១៩វត្តមានតារាចូលរួមមាន៖
១.លោកពៅ សូរ៉ែន ហៅ ម៉ាដូណា(តារាកំប្លែងនិងចម្រៀង)
២.លោកណុប ហេងទ្រី
៣.កញ្ញាបេប៊ី
៤.កញ្ញាឆោម ច័ន្ទនេត ហៅ ស៊ូ ដាណេ(តារាចម្រៀង)
៥.អ្នកនាងឆ័យលី ដាឡែន (តារាចម្រៀង)
៦.អ្នកនាងកែវ បូរ៉ា (តារាចម្រៀង)
៧.លោក អ៊ឹម ជីវ៉ា (ពិធីករនិងសម្តែង)
៨.លោកគន់ រៀមរតនៈ (តារាសម្តែង)
៩.កញ្ញាហេង ស្រីពេជ្រ (តារាសម្តែង)
១០ លោកយូឌីស្កូ តារាសម្តែងនិងចម្រៀង
១១កញ្ញាឯក សុវណ្ណារត្ន័ (តារាសម្តែង)
១២លោកស៊ឹម សុវណ្ណដូឡា (តារាសម្តែងនិងចម្រៀង
១៣ លោក ស៊ីម ស៊ីណាត (តារាចម្រៀង)
១៤ លោក ម៉ែន អម្រុងរត្ន័ (តារាសម្តែង)
១៥ លោក យន សុភ័ក្រ (តារាសំដែង និងចំរៀង)
១៦ កញ្ញា ម៉ារ៉ា ស្ទីណា (អតីតបេក្ខនារីThe Voice Kid រដូវកាលទី1)
១៧ លោក ជ័យ សុវ៉ាត តារាចម្រៀងសាន់ដេរ
១៨ កញ្ញា ចែម ស្រីលក្ខណ៍ តារាចម្រៀង
១៩ លោក អ៊ុង សុវណ្ណរិទ្ឋ តារាចម្រៀង
២០ លោកជួន អមរិទ្ឋ តារាចម្រៀង
២១ លោកយ៉េប រ៉ូហ្វាត ២២ លោកឡោ សុវណ្ណរត្ន័ ហៅJonh(តារាសម្តែងនិងដើរម៉ូដ)
២៣ លោកKey Mo (តារាសម្តែងនិងតន្ត្រីករ)
២៤ លោកសន សុវណ្ណារ៉ា (ពិធីករ)
២៥ លោកខែម ច័ន្ទតូណា (Peter Prince)
២៦ អ្នកនាង នី ម៉ាលីណា (តារាសម្តែង)
ទម្ងន់ខ្លួនទារកក្នុងគភ៌ក្នុងត្រីមាសនីមួយៗដែលម្ដាយគួរដឹង…
ទម្ងន់ខ្លួនរបស់ទារកក្នុងគភ៌ម្ដាយ នឹងបញ្ជាក់ប្រាប់ថា តើកូននៅក្នុងផ្ទៃម្ដាយនោះបរិបូរឥតខ្ចោះប៉ុនណា? និងគួរបន្ថែមការបំប៉នគភ៌យ៉ាងណាដើម្បីឱ្យទារកក្នុងគភ៌មានទម្ងន់ខ្លួនដែលល្អបរិបូរត្រូវតាមក្បួន។ ដូច្នេះទើបរឿងទម្ងន់ខ្លួនរបស់ទារកក្នុងគភ៌ គឺជារឿងសំខាន់មួយដែលស្ត្រីមានគភ៌ទាំងឡាយគួរតែជ្រាប…។
ត្រីមាសដំបូង
ចាប់ផ្ដើមតាំងពី 8សប្ដាហ៍ – 12សប្ដាហ៍ ទម្ងន់ខ្លួនទារកនឹងស្ថិតក្នុងទម្ងន់ប្រមាណជា 1 – 15ក្រាមហើយទម្ងន់របស់ទារកនឹងចាប់ផ្ដើមកើនឡើងជារឿយៗរហូតដល់សប្ដាហ៍ទី16។ត្រីមាសទី2
ចាប់ពីអំឡុងសប្ដាហ៍ទី17 – 20 ទម្ងន់របស់ទារកនឹងកើនឡើងម្ដងៗ 50ក្រាម និងនៅពេលចប់ត្រីមាសនេះ ទារកនឹងមានទម្ងន់ប្រមាណជា 600ក្រាម។ត្រីមាសទី3
ក្នុងអំឡុងពេលចុងក្រោយនៃការតាំងគភ៌នេះ ទម្ងន់ខ្លួនរបស់ទារកនឹងចាប់ផ្ដើមកើនឡើងច្រើនគឺ 6ដងពីត្រីមាសទី2 ដោយទម្ងន់ខ្លួនរបស់ទារកនឹងកើនឡើងក្នុងមួយសប្ដាហ៍ 200ក្រាម និងកើនឡើងជារឿយៗរហូតដល់ប្រមាណជា 3,400 – 3,700ក្រាម នៅពេលគ្រប់កំណត់ប្រសូត។ទម្ងន់ខ្លួនទារកច្រើន ឬតិចជ្រុលពេក អាចបញ្ជាក់ប្រាប់ពីភាពខុសប្រក្រតីរបស់ទារកបានដូចខាងក្រោមនេះ៖
ទម្ងន់ខ្លួនរបស់ទារកតិចជ្រុលពេក
អាចបណ្ដាលមកពីភាពខុសប្រក្រតីរបស់ក្រូម៉ូហ្សូម ឬទងសុកមានបញ្ហា ឬអាចកើតពីទារកខ្លួនឯង អាចធ្វើឱ្យការបញ្ជូនអុកស៊ីហែ្ស៊នឬសារធាតុអាហារទៅឱ្យទារកខុសប្រក្រតី ធ្វើឱ្យទារកបានទទួលសារធាតុអាហារមិនគ្រប់គ្រាន់នឹងតម្រូវការ ជាហេតុបណ្ដាលឱ្យទារកមានទំហំខ្លួនតូច ទម្ងន់តិច ដែលចំណុចនេះបើមិនបានទទួលការរក្សាព្យាបាលយ៉ាងត្រូវវិធីទេនោះ អាចធ្វើឱ្យទារកស្លាប់បាត់បង់ជីវិតបានតែបើបណ្ដាលពីខ្លួនអ្នកម្ដាយវិញ អាចដោយសារតែអ្នកម្ដាយមានអាការគភ៌មានជាតិពុល លើសឈាម ឬទទួលសារធាតុអាហារមិនគ្រប់គ្រាន់ ជាពិសេសប្រូតេអុីន។ទារកមានទម្ងន់ខ្លួនច្រើនជ្រុលពេក
បញ្ហាច្រើនតែបណ្ដាលមកពីការដែលស្ត្រីមានគភ៌ញ៉ាំច្រើនជ្រុលពេក ធ្វើឱ្យកូនក្នុងគភ៌មានទម្ងន់ខ្លួនច្រើន ហើយស្ត្រីមានគភ៌ថែមទាំងប្រថុយប្រថាននឹងការកើតជំងឺទឹកនោមផ្អែមខណៈពេលតាំងគភ៌ទៀតផង។ ក្រៅពីនេះពេលដល់វេលាប្រសូតអាចធ្វើឱ្យពិបាកប្រសូត អាចនឹងត្រូវប្រើឧបករណ៍ខាងវេជ្ជសាស្ត្រជួយសម្រាល ឬបើទារកមានខ្លួនធំជ្រុលពេកអាចនឹងធ្វើឱ្យស្បូនរហែក ឬអាចត្រូវធ្វើការវះកាត់សម្រាលបុត្រ។ ក្មេងដែលកើតមកមានទម្ងន់ខ្លួនច្រើនតាំងពីពេលប្រសូតនឹងមានឱកាសកើតរោគធាត់នាពេលអនាគតបាន ព្រោះកោសិកាខ្លាញ់ក្នុងរាងកាយមានខ្នាតធំតាំងពីពេលប្រសូតដំបូងហ្នឹងឯង៕
Sterling អំពាវនាវឱ្យព្យួរកីឡដ្ឋាន ក្រោយមានការរើសអើងក្នុងពេលអង់គ្លេសផ្តួលម៉ុងតេណេហ្គ្រោ
ខ្សែប្រយុទ្ធ Raheem Sterling ជឿជាក់ថា សហព័ន្ធកីឡាបាល់ទាត់ទ្វីបអឺរ៉ុបហៅកាត់ថា UEFA គួរតែដាក់ទណ្ឌកម្មលើការច្រៀងចម្រៀងបែបរើសអើងទៅកាន់កីឡាកររបស់ក្រុមជម្រើសជាតិអង់គ្លេស ក្នុងពេលក្រុមរបស់ពួកគេបានយកឈ្នះក្នុងលទ្ធផល 5-1 កាលពីថ្ងៃចន្ទ លើក្រុមជម្រើសជាតិម៉ុងតេណេហ្គ្រោក្នុងទីក្រុង Podgorica តាមរយៈការបិទកីឡដ្ឋាននៅទីក្រុង Podgorica។
តារាឆ្នើមរបស់ក្លិប Manchester City រូបនេះបានអបអរការរកបានគ្រាប់បាល់ទី5 របស់គេតាមរយៈការលើកដៃបាំងត្រចៀករបស់គេទៅកាន់អ្នកគាំទ្រម្ចាស់ផ្ទះនៅរាត្រីមួយដែលនៅពេលនោះការដណ្តើមបានជ័យជម្នះមួយផ្សេងទៀតក្នុងយុទ្ធនាការជម្រុះ Euro ឆ្នាំ2020 របស់ក្រុមអង់គ្លេសត្រូវបានបាំងបិទដោយការរើសអើង។
Sterling បានប្រាប់ទូរទស្សន៍ Sky Sports ថា៖ «ខ្ញុំគ្រាន់តែចង់បង្ហាញឱ្យពួកគេឃើញថា អ្នកត្រូវការលទ្ធផលល្អប្រសើរជាងនេះក្នុងការធ្វើឱ្យយើងខកចិត្ត និងបញ្ឈប់យើងបាន។ ពេលនេះឆ្នាំ2019ហើយ ខ្ញុំនៅតែរក្សាការនិយាយបែបនេះ។ វាជារឿងអាម៉ាស់មួយក្នុងការឃើញសកម្មភាពបែបនេះបន្តកើតឡើង ហើយយើងត្រឹមតែអាចដឹងពីស្ថានភាពនេះ»។
ស្របពេលជាមួយគ្នានេះ Gareth Southgate អ្នកចាត់ការទូទៅរបស់ក្រុមជម្រើសជាតិអង់គ្លេស បាននិយាយថា លោកបានឮការស្រែកច្រៀងការរើសអើងជាតិសាសន៍ ដោយមានបំណងទៅលើ Danny Rose។
លោក Southgate បានឱ្យដឹងថា៖ «ខ្ញុំពិតជាបានឮពីការរើសអើងទៅលើ Danny Rose នៅពេលដែលរូបគេបានរងពិន័យកាតលឿងក្នុងពេលជិតបញ្ចប់ការប្រកួត។ វាពិតជាគ្មានការសង្ស័យក្នុងចិត្តខ្ញុំឡើយដែលបញ្ហានោះបានកើតឡើង។ យើងនឹងធ្វើឱ្យប្រាកដថា បញ្ហានោះនឹងត្រូវរាយការណ៍ទៅកាន់ UEFA ដោយសារតែវាមិនអាចទទួលយកបានឡើយ»។
បច្ចុប្បន្ន ក្រុមជម្រើសជាតិអង់គ្លេស បានឈរយ៉ាងរឹងមាំនៅលើកំពូលតារាងនៃពូលA ដោយមាន 06ពិន្ទុ និងគ្រាប់បាល់ស៊ុតបញ្ចូលទី10គ្រាប់ពីការប្រកួតបើកឆាក 2លើកដំបូងរបស់ពួកគេ៕
