សង្គម និងសេដ្ឋកិច្ច - La Reine Media

សូមកុំយល់ច្រឡំ! គ្មានទេ ការប្រកួតរវាងប្រស៊ីល និងកម្ពុជានៅខែមិថុនាឆ្នាំនេះ

មានព័ត៌មានមិនពិតជាច្រើនបានចេញផ្សាយចាប់តាំងពីអតីតគ្រូបង្វឹកជម្រើសជាតិកម្ពុជាដែលបច្ចុប្បន្នជាគ្រូបង្វឹកនៃក្រុមភ្នំពេញក្រោន(ឈុតធំ) បាននិយាយលេងសើចកាលពីថ្ងៃទី1 ខែមេសា ឆ្នាំ2019 ក្នងឳកាសថ្ងៃ April Fool’s Day។

ការនិយាយលេងសើចនេះត្រូវបានសារព័ត៌មានជាច្រើនយកទៅចុះផ្សាយបន្តថា ពិតជាមានការប្រកួតនោះមែននៅខែមិថុនាខាងមុខនេះ ទោះបីជាមិនមានប្រភពច្បាស់លាស់ក៏ដោយ។

ទាក់ទងនឹងបញ្ហានេះ ប្រភពដែលស្និទ្ធនឹងសហព័ន្ធកីឡាបាល់ទាត់កម្ពុជាបានបញ្ជាក់យ៉ាងច្បាស់ថា ក្រុមកម្ពុជាត្រូវចូលរួមប្រកួតវគ្គជម្រុះ World Cup 2022 ជាមួយនឹងប៉ាគីស្ថាន នៅថ្ងៃទី6 និង11 ខែមិថុនា ហើយមិនមានគម្រោងអ្វីផ្សេងដោយឡែកជាមួយនឹងប្រេស៊ីលនេះឡើយ៕

April 27, 2019

កីឡាករជនជាតិថៃ វ័យ 16ឆ្នាំ បំបែកកំណត់ត្រាដ៏អស្ចារ្យចំនួន6 លើពានរង្វាន់ល្បីៗជាច្រើន

Suphanat Mueanta ដែលបច្ចុប្បន្នជាសមាជិករបស់ក្លិបជើងឯកលីកកំពូលថៃ 7សម័យកាល Buriram United ជាកីឡាករវ័យក្មេងដែលកំពុងទទួលបានការចាប់អារម្មណ៍យ៉ាងខ្លាំងពីសំណាក់អ្នកតាមដានកីឡាបាល់ទាត់នៅប្រទេសថៃ ដោយរូបគេរកបានកំណត់ត្រាល្អៗចំនួន6 ទាំងលំដាប់ថ្នាក់ជាតិ និងអន្តរជាតិ។

1-ជាកីឡាករវ័យក្មេងជាងគេដែលបង្ហាញខ្លួនក្នុងលីកកំពូលថៃ ដោយមានអាយុត្រឹម 15ឆ្នាំ 8ខែ និង22ថ្ងៃប៉ុណ្ណោះ

2-ជាកីឡាករវ័យក្មេងជាងគេដែលបានចាប់ផ្ដើមទាត់បញ្ចូលទីក្នុងការប្រកួតក្របខ័ណ្ឌលីកកំពូលរបស់ថៃក្នុងវ័យ 15ឆ្នាំ 9ខែ និង25ថ្ងៃ។

3-ជាកីឡាករថៃក្មេងជាងគេដែលមានឱកាសបង្ហាញខ្លួនក្នុងពានរង្វាន់ក្លិបបាល់ទាត់ធំលំដាប់ទី1 ប្រចាំទ្វីបអាស៊ី ( AFC Champions League ) ត្រឹមវ័យ 16ឆ្នាំ 7ខែ និង11ថ្ងៃ។

4-ជាកីឡាករក្មេងជាងគេបង្អស់ដែលបានទាត់បាល់បញ្ចូលទីក្នុងពាន AFC U-23 វគ្គជម្រុះ ត្រឹមវ័យ 16ឆ្នាំ 7ខែ និង22ថ្ងៃ

5-ជាកីឡាករក្មេងជាងគេបង្អស់ដែលទាត់បាល់បញ្ចូលទីក្នុងពានក្លិបបាល់ទាត់ធំលំដាប់ទី1 ប្រចាំទ្វីបអាស៊ី ( AFC Champions League ) ត្រឹមវ័យ 16ឆ្នាំ 8ខែ និង7ថ្ងៃ

ឯកំណត់ត្រាចុងក្រោយ គឺជាកំណត់ត្រាដែលត្រូវបានគេចាត់ទុកថា ពិសេសជាងគេបផុតក្នុងអាជីពរបស់កីឡាករវ័យក្មេងរូបនេះ ដោយសារគេអាចរកគ្រាប់បាល់ក្នុងការប្រកួតពានក្លិបបាល់ទាត់ធំលំដាប់ទី1 ប្រចាំទ្វីបអាស៊ី ( AFC Champions League ) ក្នុងនាមជាកីឡាករក្មេងជាងគេបង្អស់ និងមុនគេបង្អស់ បើទោះបីជាមិនអាចជួយក្រុមឱ្យឈ្នះក៏ពិតមែន៕

April 27, 2019

ក្រសួងអប់រំ សម្រេចចេញម៉ោងសិក្សាថ្មីសម្រាប់សិស្សដោយសារអាកាសធាតុក្តៅពេក

មួយរយៈពេលចុងក្រោយនេះដោយសារតែអាកាសធាតុកើនកម្តៅឡើងខ្លាំង ធ្វើឱ្យសិស្សានុសិស្សនៅតាមសាលាកំពុងប្រឈមបញ្ហាជាច្រើន ជាពិសេសគឺក្មេងតូចៗ។

ដើម្បីដោះស្រាយបញ្ហាប្រឈមក្នុងដំណាក់កាលដែលអាកាសធាតុប្រែប្រួលខ្លាំងនេះ ក្រសួងអប់រំ យុវជន និងកីឡា ក្រសួងអប់រំ យុវជន និងកីឡា បានសម្រេចអនុវត្តម៉ោងបង្រៀន និងរៀនក្នុងរដូវប្រាំងដែលមានអាកាសធាតុក្តៅខ្លាំង។
ក្រសួងអប់រំបានបញ្ជាក់ថា ដោយសារតែនៅរដូវប្រាំងឆ្នាំ 2019 មានអាកាសធាតុក្តៅហួតហែងខ្លាំង និងអាចមានសីតុណ្ហភាពលើសពី 40អង្សាC ជាពិសេសចន្លោះម៉ោង 10:00ព្រឹក ដល់ម៉ោង 2:00រសៀលនោះ ក្រសួងសម្រេចចេញវិធានការដើម្បីទប់ស្កាត់ហានិភ័យ និងចៀសវាងជំងឺផ្សេងៗ ដែលអាចប៉ះពាល់ដល់សុភាព ការរៀនសូត្រ និងការបំពេញការងាររបស់សិស្សានុសិស្ស លោកគ្រូ-អ្នកគ្រូ ជាពិសេសកុមារតូចៗ។

ក្នុងដំណាក់កាលនេះសិស្សត្រូវចូលរៀនម៉ោង 7ព្រឹក និងចេញនៅម៉ោង 10:30នាទីព្រឹក ហើយ សម្រាប់វេនរសៀលត្រូវចូលរៀននៅម៉ោង 13:30នាទី និងចេញវិញនៅម៉ោង 17:00នាទី៕

April 26, 2019

Avengers: Endgame វគ្គផ្ដាច់ព្រ័ត្រចាក់បញ្ចាំងជាលើកដំបូងលើអេក្រង់IMAX® កាលពីយប់មិញ

ភ្នំពេញ៖ ថ្ងៃពុធ ទី24 ខែមេសា ឆ្នាំ2019 នៅលើអេក្រង់ IMAX® ដែលមានទំហំធំជាងគេបង្អស់នៅក្នុងព្រះរាជាណាចក្រកម្ពុជាបានធ្វើការចាក់បញ្ចាំងរឿងAvengers: Endgame ដែលមានរយៈពេល 3ម៉ោង 2នាទី នៅឯរោងកុន MajorCineplex by Smart Aeon Mall Sen Sok City រួមជាមួយនឹងវត្តមានភ្ញៀវកត្តិយសជាច្រើន។

Avengers: Endgame គឺជាខ្សែភាពយន្តខ្នាតធំមួយដែលហេ្វនៗរបស់Avengers ទន្ទឹងរង់ចាំហេរ៉ូ (Hero) របស់ខ្លួនជាយូរមកហើយដូច្នេះខាងរោងកុន Major Cineplex by Smartនឹងធ្វើការចាក់បញ្ចាំងស្ទើរតែ 24 ម៉ោងពេញតែម្តងដោយបានបន្ថែម Midnight Show និង Early Show ម៉ោង 07:30។

នៅក្នុងអំឡុងពេលនៃការចាក់បញ្ចាំងរឿង Avengers Endgame ចាប់ពីថ្ងៃព្រហស្បតិ៍ទី២៥ ខែមេសា នេះតទៅនឹងមានការរៀបចំកម្មវិធីពី Oppo និង Grab នៅឯសាខា Major Cineplex by Smart AeonMall 1 និង Major Cineplex by SmartAeon Mall Sen Sok។ រាល់ភ្ញៀវដែលបានអញ្ជើញចូលរួមទស្សនារឿង AvengersEndgame នឹងមានឱកាសឈ្នះរង្វាន់ Limited Edition របស់ Avengers: Endgame ពី Oppo និង Grab។

Avengers: Endame នៅលើអេក្រង់ IMAX® ដែលធំជាងអេក្រង់ធម្មតាដល់ទៅ 4ដងជាមួយនឹងប្រព័ន្ធ Dual-Projector នឹងបង្ហាញរូបភាពគ្រីស្តាល់ភ្លឺជាងមុនបានដល់ទៅ60% និងថ្លាច្បាស់ដូចរូបភាពពិតៗ បានដល់ទៅ 40%។ ចំណែកឯសំម្លេងរញួយដីរបស់ IMAX® នឹងលឺខ្លាំងបានដល់ទៅ 10ដងបើប្រៀបធៀបទៅនឹងប្រភេទអេក្រង់ធម្មតា។ចំណែកឯវិស្វកម្មរូបរាងសាល និងកន្លែងអង្គុយជុំវិញអេក្រង់ IMAX® នាំលោកអ្នកទស្សនាឱ្យទៅកាន់តែជិតជាមួយនឹងសកម្មភាពដូចក្នុងរឿង។

អ្នកដឹកនាំរឿងAvengers: Endgame លោក JoeRusso និងលោក Anthony Russo បានប្រាប់ឱ្យដឹងថារឿង Avengers: Endgame វគ្គផ្ដាច់ព្រ័ត្រូវបានថតដោយកាមេរ៉ា ALEXAIMAX 65mm ទាំងស្រុង ដែលវាជាប្រភេទកាមេរ៉ាឌីជីថល 2Dជំនាន់ថ្មីមួយដែលត្រូវបានផលិតឡើងរវាង ARRI និង IMAX ហើយវាក៏ជាប្រភេទកាមេរ៉ាសម្រាប់ប្រើប្រាស់ក្នុងការថតផលិតខ្សែភាពយន្តខ្នាតធំៗនិងអាចចាក់បញ្ចាំងនៅអេក្រង់របស់ IMAX® តែប៉ុណ្ណោះ។ កាមេរ៉ា ALEXA IMAX 65mm គឺនៅពេលដែលវារួមបញ្ចូលគ្នារវាងដំណើរការឌីជីថលឌីជីថលថ្មីរបស់ IMAX® វានឹងផ្តល់កម្រិតរូបភាពឌីជីថលបានយ៉ាង ស្អាតហើយច្បាស់ ទោះបីជាត្រូវបានចាក់សារឡើងវិញជាច្រើនដងក៏ដោយ ក៏គុណភាពនៃរូបភាពរបស់រឿងនៅតែច្បាស់និងផ្តល់ពន្លឺគ្រប់គ្រាន់ ជាពិសេសពណ៌ដ៏ស្រស់ឆើតឆាយនៃសាច់រឿងតែម្តង។ គួរបញ្ជាក់ថាកាមេរ៉ាប្រភេទនេះវាមិនមែនជារឿងចម្លែកនោះទេសម្រាប់ប្អូនប្រុសរបស់Russo ដែលកាលពីលើកមុនលោកបានប្រើប្រាស់កាមេរ៉ាប្រភេទនេះក្នុងការថតរឿង CivilWar ហើយបន្ទាប់មកទៀតវីរបុរសរូបនេះក៏បានប្រើប្រាស់កាមេរ៉ាប្រភេទនេះថតរឿងAvengers InfinityWar ផងដែរ។ សាច់រឿង Avengers: Endgame វគ្គផ្ដាច់ព្រ័ត្រគឺមានតែទស្សនិកជនដែលបានទស្សនានៅលើអេក្រង់IMAX® តែប៉ុណ្ណោះ ដែលនឹងទទួលបានបទពិសោធយ៉ាងពេញលេញ និងអស្ចរ្យពីសាច់រឿងទាំងមូលជាពិសេសទស្សនិកជននឹងយល់ពីគោលបំណងរបស់ប្អូនប្រុស Russo៕

April 25, 2019

តារាសម្ដែង វ៉ាន់ វល័ក្ខ ត្រូវនារីម្នាក់ទម្លាយរឿងរកស៊ីផ្លូវភេទ

ប្រិយមិត្តស្គាល់ទេតារាសម្ដែងស្រីស៊ីចស៊ីដែលមានដើមទ្រូងធំហើយបានបញ្ចេញសាច់សខ្ចីដ៏រលោងធ្វើឱ្យប្រុសៗស្រក់ទឹកមាត់នោះគឺ នាង វ៉ាន់ វល័ក្ខ ដោយមុននេះបន្តិចស្រាប់តែមាននារីជាអ្នកលេងបណ្ដាញសង្គមម្នាក់បានបង្ហោះថា ក្រៅពីថតកុនវ៉ាន់ វល័ក្ខមានរកស៊ីផ្លូវភេទដែលធ្វើឱ្យមហាជនជាច្រើនមានកាភ្ញាក់ផ្អើលខ្លាំង តែយ៉ាងណាមិនទាន់បានឃើញម្ចាស់សមីខ្លួនចេញមុខដោះស្រាយនៅឡើយ។

នេះដោយយោងតាមគណនីរបស់Da Lin បានបង្ហោះ ថា «ក្រៅពីការងារថតកុន ថតសិច វានៅរកស៊ីផ្លូវភេទទៀត ស្រីគីមីគ្រប់កន្លែងឈ្មោះវា ស្រី អស់ ល័ក្ខ សំផឹងអស់សាច់ ចង់ដេកជាមួយវាអាចខលសួរតម្លៃវាបាន$ 010 899 909/ 090899909 ព្រោះវាចង់បានលុយក្រៅម៉ោង ទុកចាក់សាំងឡាន និងប្រើរបស់ប្រ៊េនៗ…សូមជួយផ្សព្វផ្សាយបន្តផង!»។ ក្រោយចេញសារបែបនេះ កញ្ញា វ៉ាន់ វល័ក្ខ មិនចេញប្រតិកម្មអ្វីឡើយដោយគ្រាន់តែបង្ហោះថា៖«ខ្ញុំអត់ខ្វល់ទេថាអ្នកណាធ្វើអីធ្វើទៅ សំខាន់ខ្ញុំមិនបានខុស បើមានភស្តុតាង សូមយកចេញមកទៅប្រឈមនឹងច្បាប់ទាំងអស់»៕

April 25, 2019

រឿន ណាត ប្រឡូកកាន់តែខ្លាំងក្នុងវីថីតារាសម្ដែង

ថ្មីៗនេះប្រិយមិត្តបានដឹងមកហើយ រឿន ណាតអតីតបវរកញ្ញាចក្រវាលតំណាងប្រទេសកម្ពុជាពិតជាមមាញឹកខ្លាំងណាស់ជាមួយនឹងការងារដើរបង្ហាញម៉ូដឬក៏ថតពាណិជ្ជកម្មតំណាងផលិតផ្សេងៗជាដើម។ (more…)

April 25, 2019

ច្រឹង ពលរដ្ឋ សះស្បើយពីរបួស 100% ហើយ

កីឡាកររូបសង្ហា ច្រឹង ពលរដ្ឋ ដែលបានអវត្តមានពីការលេង និងហ្វឹកហាត់អស់ជាច្រើនខែដោយសារមូលហេតុចម្បងគឺមកពីខ្លួនមានរបួសសរសៃពួរក្បាលជង្គង់ ដែលរបួសនេះតម្រូវឱ្យធ្វើការសម្រាកជើង និងជង្គង់ដោយមិនអាចធ្វើការហ្វឹកហាត់បានឡើយនោះ ពេលនេះបានជាសះស្បើយពេញលេញវិញហើយ។

មកទល់នឹងពេលនេះ កីឡាករវ័យក្មេងរូបនេះបានជាសះស្បើយ 100ភាគរយពីរបួសហើយ។ គ្រូបង្វឹកក្លិបក្រសួងការពារជាតិ បានថ្លែងក្នុងការប្រកួតលីកកំពូលកម្ពុជាកាលពីសប្តាហ៍មុនថា លោកបានត្រៀមខ្លួនដាក់កីឡាកររូបនេះឱ្យចូលលេងវិញហើយ ដោយកាលពីសប្តាហ៍មុនលោកបានដាក់ឱ្យគេអង្គុយនៅកៅអីបម្រុង។

គួររំឭកផងដែរថា កីឡាកររូបនេះត្រូវបានក្លិបកំពូលថៃ ប៊ុរីរ៉ាំ ចុះកុងត្រាខ្ចីជើងពីក្រសួងការពារជាតិរយៈពេល 1រដូវកាល ក៏ប៉ុន្តែកីឡាកររូបនេះមានបញ្ហារបួសដែលត្រូវការពេលវេលាយូរក្នុងការព្យាបាលដែលធ្វើឱ្យរូបគេត្រូវព្យួរស្បែកជើងអស់ពាក់កណ្តាលរដូវកាលរហូតដល់ចុងក្រោយក៏មកលេងនៅលីកកំពូលកម្ពុជាវិញនាជើងទី2 នៃរដូវកាល2019នេះ៕

April 25, 2019

ក្រសួងសាធារណការ និងដឹកជញ្ជូន បានមេដាយច្រើនជាងគេក្នុងការប្រកួតហែលទឹកពានរង្វាន់សម្ដេចក្រឡាហោម ស ខេង

ការប្រកួតកីឡាហែលទឹកដណ្ដើមពានរង្វាន់សម្ដេចក្រឡាហោម ស ខេង លើកទី6 ឆ្នាំ2019 បានចាប់ផ្តើមកាលពីថ្ងៃទី11 ខែមេសា នាមជ្ឈមណ្ឌលកីឡាហែលទឹកក្នុងពហុកីឡដ្ឋានជាតិ មរតកតេជោ មកទល់នឹងពេលនេះបានបិទបញ្ចប់ជាស្ថាពរហើយ ដោយព្រឹត្តិការណ៍នេះត្រូវបានឧបត្ថម្ភទាំងស្រុងដោយសម្ដេចក្រឡាហោម ស ខេង។

ក្នុងនោះដែរក្លិបហែលទឹកនៃក្រសួងសាធារណការ និងដឹកជញ្ជូនបានយកឈ្នះមេដាយមាសច្រើនជាងគេ ចំនួន 4វិញ្ញាសា ក្នុងចំណោម 15វិញ្ញាសា ដោយឈរលើចំណាត់ថ្នាក់លេខ1 នៃការប្រកួតកីឡាហែលទឹកពានរង្វាន់សម្តេចក្រឡាហោម ស ខេង លើកទី6 ប្រចាំឆ្នាំ2019 នេះ។

គួរបញ្ជាក់ផងដែរថា សម្រាប់កីឡាករ-កីឡាការនី ដែលឈ្នះមេដាយមាសនឹងបានទទួលរង្វាន់អមដោយមេដាយ 1គ្រឿង និងទឹកប្រាក់ចំនួន 3០០,០០០រៀល។ មេដាយប្រាក់ 2០០,០០០រៀល និងមេដាយសំរឹទ្ធបាន 1០០,០០០រៀល។ ចំពោះអ្នកដែលមិនបានចំណាត់ថ្នាក់ទទួលបានរង្វាន់លួងចិត្តម្នាក់ៗ 2០,០០០រៀលដែរ៕

April 25, 2019

ហ្វីលីពីនលេងផ្លូវកាត់៖ កំណត់ប្រអប់ក្នុងការចាប់ពូលបាល់ទាត់ស៊ីហ្គេមដើម្បីឱ្យផុតពីក្រុមថៃ

កាលពីពេលថ្មីៗនេះ វៀតណាមបានសម្តែងការមិនពេញចិត្តចំពោះម្ចាស់ផ្ទះស៊ីហ្គេមហ្វីលីពីនដែលបានប្រកាសពីការបែងចែកប្រអប់សម្រាប់ធ្វើការចាប់ឆ្នោតបែងចែកពូលនាពេលកន្លងទៅនៅប្រទេសម៉ាឡេស៊ី ដោយសារតែក្រុមខ្លាំងវៀតណាម ត្រូវស្ថិតនៅក្នុងប្រអប់ទី4 ជាមួយកម្ពុជា ;ឡាវ ;ប្រ៊ុយណេ និងទីម័រខាងកើត។

ប្រអប់ទី1 គឺសម្រាប់ក្រុមម្ចាស់ផ្ទះហ្វីលីពីន ជាមួយក្រុមការពារតំណែងជើងឯកថៃ

ប្រអប់ទី2 គឺសម្រាប់ក្រុមលេខ2 ម៉ាឡេស៊ី និងលេខ3 ឥណ្ឌូនេស៊ី

ប្រអប់ទី3 គឺសម្រាប់ក្រុមលេខ4 មីយ៉ាន់ម៉ា និងក្រុមបន្ទាប់ គឺសិង្ហបុរី

និងប្រអប់ទី4 រួមមាន វៀតណាម ;ឡាវ ;កម្ពុជា ;ប្រ៊ុយណេ និងទីម័រខាងកើត

សម្រាប់ព្រឹត្តិការណ៍កីឡាអាស៊ីអាគ្នេយ៍នៅប្រទេសហ្វីលីពីនដែលនឹងប្រព្រឹត្តទៅចាប់ពីថ្ងៃទី30 ខែវិច្ឆិកា ដល់ថ្ងៃទី11 ខែធ្នូ ឆ្នាំ2019 ជាមួយនឹង 523វិញ្ញាសាប្រកួត លើប្រភេទកីឡាចំនួន56 ក្នុងនោះដែរក៏មានវិញ្ញាសាបាល់ទាត់បុរសផងដែរ ដែលមានប្រទេសចូលរួមចំនួន11៕

April 25, 2019

ជិះ 1.6គីឡូម៉ែត្រ អស់មិនដល់ 800រៀល! Tesla ត្រៀមដាក់ឱ្យប្រើសេវាកម្មតាក់ស៊ីបើកបរស្វ័យប្រវត្តិ

ក្រុមហ៊ុនអាមេរិក Tesla ត្រូវបានគេបង្ហើបឱ្យដឹងថា កំពុងតែឈរលើផែនការចង់ចេញផ្សាយសេវាកម្មតាក់ស៊ីបើកបរស្វ័យប្រវត្តិដោយឱ្យឈ្មោះថា Robo-Taxi ក្នុងឆ្នាំ2020 ជាមួយគោលដៅដំណើរការឱ្យបាន 1លានគ្រឿង។

រថយន្តបើកបរស្វ័យប្រវត្តិនេះនឹងប្រើប្រាស់នូវប្រព័ន្ធ Autopilot System ប្រើប្រាស់កាមេរ៉ា 8គ្រាប់ដើម្បីចាប់រ៉ាដា និងជា Sensor ជុំវិញម៉ាស៊ីន។ លើសពីនេះដំណើរការនៃ Machine Learning ក៏អាចបញ្ជាឱ្យរថយន្តបើកបរត្រូវតាមគន្លងផ្លូវ រក្សាចម្ងាយ ប្រព័ន្ធចតស្វ័យប្រវត្តិ និងការត្រួតពិនិត្យល្បឿនជាដើម។ អ្វីដែលពិសេសការ Update ប្រព័ន្ធ Software ក៏ធ្វើទៅបានងាយតាមរយៈ OTA។

ចំណុចរសើបរបស់ Robo-Taxi ទាក់ទិននឹងកត្តាតម្លៃ ដោយសេវាកម្មនេះ Tesla នឹងស៊ីថ្លៃពីអតិថិជនតែត្រឹម 18សេន (ប្រមាណជាង 700រៀល) ប៉ុណ្ណោះ ក្នុងចម្ងាយដី 1.6គ.ម (1ម៉ាយល៍) ធូរថ្លៃជាងតាក់ស៊ីធម្មតា ដែលមានតម្លៃចន្លោះពី 2-3ដុល្លារក្នុងចម្ងាយដូចគ្នា។

សម្រាប់ការហៅតាក់ស៊ីដ៏ទំនើបនេះ លោកអ្នកក៏អាចធ្វើទៅបានតាមរយៈកម្មវិធីលើស្មាតហ្វូនដូចសេវាកម្មនៃក្រុមហ៊ុន Uber និង Lyft អ៊ីចឹងដែរ៕

សូមទស្សនាវីដេអូខាងក្រោម៖

April 25, 2019

Category: សង្គម និងសេដ្ឋកិច្ច