យោងតាមការបង្ហោះរបស់លោក សុះ ម៉ាច តារាចម្រៀងជើងចាស់ និងជាអតីតប្រធាន សមាគមន៍សិល្បករខ្មែរ បានអះអាងថា ស្ថានភាពជំងឺរបស់នាយ សាន ម៉ៅ បានរើឡើងវិញ និងធ្ងន់គួរឱ្យបារម្ភ ដោយនាយត្រូវពេទ្យវះកាត់បំពង់ខ្យល់នៅត្រង់បំពង់ករ ដែលមិនអាចឲ្យនាយ និយាយបាននោះឡើយ។ (more…)
Category: សង្គម និងសេដ្ឋកិច្ច
ប្រកាសប្រលូកសិល្បៈភ្លាម ថៃ នរៈវិទូ ត្រូវតែងតាំងជា Brand Ambassador ភ្លែត
ទើបតែចំណាយថវិកាខ្ទង់ពាន់ធ្វើខួបកំណើតអស់ខ្ទស់ពាន់ដុល្លារសោះ លោកថៃ នរៈវិទូ ត្រូវបានផលិតផលល្បីល្បាញប្រចាំប្រទេសថៃ គឺ P80 តែងតាំងជាអ្នកតំណាងផលិតផលយ៉ាងកាលីប ដែលតំណែងមួយនេះ នៅក្នុងប្រទេសថៃគឺ តារាសម្ដែងល្បីល្បាញលោក ណាដេត តែប៉ុណ្ណោះ។ (more…)
ឆ្នាំ2050 មនុស្សលើពិភពលោកជាង22% នឹងក្លាយជាមនុស្សចាស់ តើនឹងមានអ្វីកើតឡើង?
បញ្ហាអាយុរបស់ប្រជាជនមិនទាន់ក្លាយជាបញ្ហាប្រឈមខ្លាំងនោះទេសម្រាប់កម្ពុជា ព្រោះប្រទេសយើងមានប្រជាជនវ័យក្មេងច្រើនជាងគេក្នុងតំបន់។ បញ្ហានេះបានធ្វើឱ្យប្រទេសកម្ពុជាកំពុងស្ថិតក្នុងចំណាប់អារម្មណ៍របស់អ្នកវិនិយោគ និងបណ្តាប្រទេសមួយចំនួនក្នុងតំបន់ ខណៈពេលដែលប្រទេសអភិវឌ្ឍន៍នានាដូចជាជប៉ុនជាដើមកំពុងប្រឈមនឹងបញ្ហាចំនួនមនុស្សចាស់កាន់តែច្រើនឡើងៗ តែទោះជាយ៉ាងនេះក្តី កំណើនប្រជាជននឹងចាប់ផ្តើមកើនឡើងពី 1ឆ្នាំទៅ 1ឆ្នាំ ហើយចំនួនប្រជាជនវ័យក្មេងដ៏ច្រើននាពេលបច្ចុប្បន្ននឹងក្លាយជាមនុស្សចាស់នៅប្រមាណជាង 30ឆ្នាំទៅមុខទៀត ដែលវាអាចនឹងក្លាយជាបញ្ហាប្រឈមសម្រាប់យើងទាំងអស់គ្នា ដែលទាមទារឱ្យមានការគិតគូរ និងត្រៀមខ្លួនដោះស្រាយ។
យោងតាមប្រភពពីធនាគារ Deutsche Bank ដែលបានដកស្រង់ការផ្សាយដោយវេទិកាសេដ្ឋកិច្ចពិភពលោកបានឱ្យដឹងថា បច្ចុប្បន្ននេះនៅលើពិភពលោកមានមនុស្សវ័យច្រើនជាង 65ឆ្នាំ និងតិចជាង 5ឆ្នាំកាន់តែកើនឡើងជាបន្តបន្ទាប់ ដែលចំនួននេះបានបង្កើតនូវក្តីព្រួយបារម្ភសម្រាប់គ្រប់ប្រទេសទាំងអស់ក្នុងពិភពលោក។ ទន្ទឹមនឹងនេះទិន្នន័យរបស់អង្គការសហប្រជាជាតិក៏បានបញ្ជាក់ដែរថា មនុស្សចំនួន22% នៅលើពិភពលោកនឹងមានអាយុច្រើនជាង 60ឆ្នាំ ដែលជាអាយុត្រូវចូលនិវត្តន៍នៅឆ្នាំ 2050ខាងមុខនេះ។ បញ្ហានេះបានក្លាយជាកត្តាប្រឈមធំមួយសម្រាប់វិស័យសេដ្ឋកិច្ចនៅលើពិភពលោក នាថ្ងៃអនាគត បើទោះបីជាសេដ្ឋកិច្ចបច្ចុប្បន្ននេះកំពុងមានការអភិវឌ្ឍ និងប្រែប្រួលយ៉ាងលឿនដោយសារវត្តមាននៃបច្ចេកវិទ្យាយ៉ាងណាក៏ដោយ។
ទិន្នន័យដែលចេញដោយវេទិកាសេដ្ឋកិច្ចពិភពលោកបានបញ្ជាក់ថា បញ្ហាប្រឈមដែលអាចនឹងកើតឡើង គឺចំនួនមនុស្សចាស់ដ៏ច្រើននេះនឹងធ្វើឱ្យរដ្ឋាភិបាលនៃប្រទេសនីមួយៗត្រូវបង្កើនការចំណាយលើវិស័យសុខាភិបាល និងការថែទាំសុខភាពមនុស្សចាស់ព្រោះមនុស្សចាស់ត្រូវតែទៅមន្ទីរពេទ្យច្រើនជាងវ័យកណ្តាល។ ក្រៅពីនេះ មនុស្សចាស់ដែលចូលនិវត្តន៍ និងឈប់ធ្វើការងារកាន់តែមានចំនួនច្រើនឡើងៗ ដែលធ្វើឱ្យចំណូលរបស់គាត់ថយចុះ ហើយការបង់ពន្ធលើប្រាក់ចំណូលក៏ត្រូវធ្លាក់ចុះផងដែរ។ កត្តានេះធ្វើឱ្យរដ្ឋាភិបាលនៃប្រទេសនីមួយៗត្រូវបង្កើនការចំណាយស្របពេលដែលចំណូលមួយផ្នែកតូចត្រូវថយចុះ។
ដើម្បីឆ្លើយតបនឹងបញ្ហានេះ រដ្ឋាភិបាលនៃប្រទេសនីមួយៗចាំបាច់ត្រូវខិតខំប្រឹងប្រែងក្នុងការអភិវឌ្ឍធនធានមនុស្សដល់ប្រជាជនជំនាន់ថ្មី ជាពិសេសប្រជាជនសកម្ម ឱ្យធ្វើការងារកាន់តែខ្លាំង និងបង្កើនប្រសិទ្ធភាពការងារឱ្យកាន់តែខ្ពស់ដើម្បីប្រមូលធនធានទប់ទល់នឹងការចំណាយ។ បញ្ហានេះត្រូវបានគេមើលឃើញថា វានឹងក្លាយជាកត្តាប្រឈមក្នុងវិស័យសេដ្ឋកិច្ចនៅក្នុងសតវត្សរ៍ទី21នេះ ដែលវាមិនត្រឹមតែទាមទារឱ្យយកចិត្តទុកដាក់ខ្លាំងសម្រាប់រដ្ឋាភិបាលប៉ុណ្ណោះទេ តែយុវជនខ្លួនឯងក៏ត្រូវតែដឹង និងត្រៀមខ្លួនសម្រាប់ខិតខំដើម្បីបង្កើនប្រសិទ្ធភាពការងារផងដែរ។
ម្យ៉ាងវិញទៀត បញ្ហាដែលអាចនឹងកើតឡើងមួយផ្សេងទៀតគឺ មនុស្សចាស់នៅគ្រប់ប្រទេសទាំងអស់លើពិភពលោកត្រូវបានគេមើលឃើញថា ចូលចិត្តសន្សំច្រើនជាងចំណាយលុយរបស់គាត់ ដែលបញ្ហានេះធ្វើឱ្យសេដ្ឋកិច្ចនៅលើពិភពលោកនាពេលអនាគតអាចមានកំណើនយឺត។
ទោះជាយ៉ាងនេះក្តី ដើម្បីត្រៀមខ្លួនដោះស្រាយជាមួយបញ្ហាទាំងអស់នេះ បណ្តាប្រទេសមួយចំនួនដែលកំពុងប្រឈមជាមួយនឹងបញ្ហាទាំងអស់នេះបានចាប់ផ្តើមខិតខំប្រឹងប្រែងរិះរកវិធីសាស្ត្រដើម្បីសម្រាលបន្ទុក និងប្រែក្លាយបញ្ហាឱ្យទៅជារឿងល្អសម្រាប់មនុស្សជាតិទូទៅនៅថ្ងៃអនាគត។
នៅប្រទេសមួយចំនួន គឺចាប់ផ្តើមរៀបចំ និងបង្កើតជំនាញថ្មីៗជាច្រើនដើម្បីឱ្យមនុស្សចាស់អាចមានលទ្ធភាពធ្វើការងារដែលស្របនឹងវ័យរបស់ពួកគាត់។ ការធ្វើបែបនេះនឹងធ្វើឱ្យមនុស្សចាស់មានលទ្ធភាពកាន់តែខ្ពស់ និងកាត់បន្ថយភាពឯកោបានទៀតផង។ ម្យ៉ាងវិញទៀតដើម្បីដោះស្រាយបញ្ហាសេដ្ឋកិច្ចដែលកើតឡើងនៅថ្ងៃអនាគត មនុស្សក៏ចាប់ផ្តើមរិះរកច្រកបន្ថែមដើម្បីទប់ស្កាត់ និងធ្វើឱ្យកាន់តែប្រសើរឡើងលើវិស័យគាំពារមនុស្សចាស់ដោយចំណាយតិចតែទទួលបានផលិតភាពខ្ពស់។
ចំពោះបច្ចេកវិទ្យាវិញ ដោយសារបច្ចុប្បន្ននេះការធ្វើស្វ័យប្រវត្តិកម្មចាប់ផ្តើមត្រូវបានគេប្រើប្រាស់ច្រើននោះ វាក៏ជាច្រកសំខាន់មួយដែលអាចឱ្យមនុស្សចាស់ប្រើប្រាស់វា និងទទួលយកផលប្រយោជន៍ពីវាបានកាន់តែច្រើនផងដែរ។ ជាក់ស្តែងនៅប្រទេសជប៉ុន មានហាងមួយបានចាប់ផ្តើមឱ្យមនុស្សដែលមានពិការភាព ប្រើប្រាស់មនុស្សយន្តឱ្យធ្វើការជំនួសដើម្បីបង្កើតការងារដល់ពួកគេ និងបង្កើតប្រាក់ចំណូល ដោយពួកគេគ្រាន់តែនៅបញ្ជាមនុស្សយន្តពីលើគ្រែ ឬកន្លែងរស់នៅរបស់ពួកគេប៉ុណ្ណោះ៕
1ត្រីមាសដើមឆ្នាំ កម្ពុជានាំចេញផលិតផលកសិកម្ម ទៅកាន់ទីផ្សារបរទេសជាង 1.4លានតោន និងបន្លែស្រស់ជាង 50តោន
បើទោះបីជាកម្ពុជារងសម្ពាធពីបណ្ដាប្រទេសធំៗមួយចំនួនលើការនាំចេញផលិតផលផ្សេងៗក៏ដោយ តែសម្រាប់ផលិតផលកសិកម្មកម្ពុជានៅតែមានភាពល្អប្រសើរដដែល ជាក់ស្ដែងក្នុងរយៈពេល 3ខែដើមឆ្នាំ2019 នេះ កម្ពុជាបាននាំចេញផលិតផលកសិកម្មសរុបជាផ្លូវការប្រមាណ1.4លានតោន។ ដោយឡែកការផ្គត់ផ្គង់បន្លែស្រស់ទៅកាន់ទីផ្សារអឺរ៉ុបមានប្រមាណជាង 50តោន។ នេះបើយោងតាមប្រសាសន៍រដ្ឋមន្ត្រីក្រសួងកសិកម្ម រុក្ខា ប្រមាញ់ និងនេសាទកាលពីដំណាច់ខែមីនា ឆ្នាំ2019។
ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខា ប្រមាញ់ និងនេសាទបានបញ្ជាក់ថា៖“បូករួមទាំងផលិតផលកសិកម្មដទៃទៀត មានអង្ករ និងដំឡូងមីជាដើមនោះ កម្ពុជាបាននាំចេញទិន្នផលកសិកម្មទៅកាន់ទីផ្សារបរទេសរហូតដល់ទៅប្រមាណជា 2លានតោនក្នុងពេលជិត 3ខែកន្លងមកនេះ។ តាមទិន្នន័យដែលគិតត្រឹមថ្ងៃទី25 ខែមីនាកន្លងទៅក៏មានការបែងចែកជា 2ផងដែរ ពោលគឺការនាំចេញផលិតផលកសិកម្មជាផ្លូវការមានជាង 1.4លានតោន និងការនាំចេញក្រៅផ្លូវការជាង 1លានតោនទៀត”។
ឯកឧត្តមរដ្ឋមន្ត្រីបានបន្ថែមថា សម្រាប់ផលិតផលចេកអំបូងលឿងដែលកម្ពុជាទើបតែទទួលបានកូតានាំចេញទៅកាន់បណ្ដាប្រទេសមួយចំនួននោះក៏ឃើញថាមានភាពល្អប្រសើរផងដែរ ក្នុងនោះនៅរយៈពេលដូចគ្នាដែរនេះ ការនាំចេញចេកអំបូងរបស់កម្ពុជាទៅកាន់ទីផ្សារអន្តរជាតិ សម្រេចបានប្រមាណ 1.6ម៉ឺនតោន និងផ្លែស្វាយបានជិត 1.5ម៉ឺនតោនទៅកាន់ទីផ្សារលើពិភពលោក ក្នុងនោះក៏មានប្រទេសរុស្ស៊ី ប្រទេសអាមេរិក និងបណ្ដាប្រទេសអឺរ៉ុបផងដែរ។
ឯកឧត្តមមន្ត្រីបន្តថា បច្ចុប្បន្នទីផ្សារនាំចេញផលិតផលកសិកម្មសំខាន់ៗរបស់កម្ពុជា រួមមានប្រទេសបារាំងមានប្រមាណ 40% ចិនមានប្រមាណ 40% រួមទាំងទីផ្សារអឺរ៉ុប និងទីផ្សារប្រទេសក្នុងតំបន់អាស៊ានផងដែរ។ ដោយឡែកការនាំចេញចេកអំបូងលឿងពីកម្ពុជាដោយផ្ទាល់ទៅកាន់ទីផ្សារប្រទេសចិន បានចាប់ផ្ដើមជាផ្លូវការកាលពីខែមករា ឆ្នាំ2019 ក្រោយកម្ពុជា និងចិនបានចុះកិច្ចព្រមព្រៀងលើពិធីសារមួយដែលអាចនាំចេញទៅកាន់ប្រទេសចិនបាន ដោយប្រទេសចិនបានអនុញ្ញាតឱ្យកម្ពុជានាំ-ចេញផ្លែចេក 30ម៉ឺនតោនក្នុង 1ឆ្នាំ។
ឯកឧត្តម វេង សាខុន បានមានប្រសាសន៍ទៀតថា៖ “ជំហានថ្មីមួយទៀតរបស់កម្ពុជានោះគឺដោយសារតែមានកិច្ចសហការជាមួយក្រុមហ៊ុនអាកាសចរណ៍មួយ ឆ្នាំ2019 នេះកម្ពុជាក៏បាននាំចេញបន្លែស្រស់ទៅកាន់បណ្ដាប្រទេសអឺរ៉ុប ដូចជាប្រទេសបារាំង និងអង់គ្លេស ដែលរហូតមកដល់ពេលនេះ កម្ពុជាបាននាំចេញបន្លែស្រស់ទៅកាន់ប្រទេសទាំងនោះជាការសាកល្បងបានប្រមាណជាង 50តោនហើយ នេះមិនទាន់បូកបញ្ចូលការនាំចេញក្រៅផ្លូវការទៅកាន់ប្រទេសជិតខាង ដូចជាវៀតណាម និងថៃនៅឡើយផង”។
ឯកឧត្តមរដ្ឋមន្ត្រី រំពឹងថា នៅពេលដែលរដ្ឋាភិបាលបានរៀបចំអាកាសយានដ្ឋានបានល្អ និងធំជាងមុននោះ វានឹងអនុញ្ញាតឱ្យយន្តហោះធំៗអាចចុះចតបាន ហើយក៏អាចដឹកជញ្ជូនផលិតផលកសិកម្មទៅកាន់ទីផ្សារអន្តរជាតិបានកាន់តែច្រើនឡើងដែរ។
ឯកឧត្តមរដ្ឋមន្ត្រីក្រសួងកសិកម្ម រុក្ខា ប្រមាញ់ និងនេសាទបានបន្តថា៖ “ ការនាំចេញក្រៅផ្លូវការនៃកសិផលរបស់កម្ពុជាទៅវៀតណាម ជាពិសេសការនាំចេញស្រូវ គិតត្រឹមរយៈជាង 2ខែ 25ថ្ងៃនៃដើមឆ្នាំ2019 នេះ មានចំនួន 1លានសែន2ម៉ឺនតោន ដែលជាតួលេខមិនបានកត់ត្រាពីស្ថាប័នគយ ”។
ឯកឧត្តមបន្តទៀតថា សម្រាប់ផលិតផលកសិកម្មដែលកម្ពុជាផលិតបានក្នុងឆ្នាំ2018-ដើមឆ្នាំ2019 នេះ សរុបប្រមាណ 27លានតោន ហើយជាក់ស្ដែងនៅតាមដងផ្លូវជាតិសំខាន់ៗ គេឃើញមានការដឹកជញ្ជូនផលិតផលកសិកម្មចេញទៅក្រៅប្រទេស និងពីបណ្ដាខេត្តមករាជធានីភ្នំពេញជាដើម ។
ឯកឧត្តមបានបន្តទៀតថា៖“សម្រាប់ផលិតផលស្រូវអង្ករដែលជាផលិតផលកសិកម្មដ៏សំខាន់ គេសង្កេតឃើញថា ទីផ្សារអឺរ៉ុបនៅតែជាទីផ្សារសំខាន់ដោយក្នុងនោះ 30%នៃការនាំចេញអង្ករសរុបបាននាំចេញទៅបណ្ដាប្រទេសអឺរ៉ុប ហើយក្នុងចំណោមបណ្ដាប្រទេសនៅអឺរ៉ុបនោះដែរ ប្រទេសបារាំងជាអ្នកបញ្ជាទិញច្រើនជាងគេ ដែលមានរហូតដល់ទៅ 40%នៃចំនួននាំចូលទៅទីផ្សារអឺរ៉ុបទាំងមូល។ ក្រៅពីនោះនៅមានទីផ្សារចិន និងបណ្ដាទីផ្សារនៅក្នុងតំបន់អាស៊ានមួយចំនួនផងដែរ”។
ដោយឡែកឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ក៏បានស្នើដល់បណ្ដាវិនិយោគិនបរទេសនានាឱ្យបណ្ដាក់ទុនវិនិយោគលើវិស័យកសិកម្ម ជាពិសេសការកែច្នៃកសិផលក្នុងស្រុក ដើម្បីនាំចេញជាជាងនាំចេញផលិតផលមុនសម្រេចទៅកាន់ទីផ្សារអន្តរជាតិ៕
សួស វីសា ត្រូវប្រុសស្នេហ៍លត់ជង្គង់ចំពោះមុខសុំរៀបការ
ចំណងស្នេហារវាងតារាចម្រៀងស្រីប្រចាំផលិតកម្មរស្មីហង្សមាស សួស វីសា និងតារាសម្ដែង ថមមី ពីមួយថ្ងៃទៅមួយថ្ងៃ កាន់តែផ្អែមល្ហែម និងបើកចំហគ្មានអ្វីលាក់លាមភ្នែកមហាជនទៀតហើយ។
រឿងរ៉ាវស្នេហារបស់អ្នកទាំងពីរ ត្រូវបានអ្នកគាំទ្រ គាំទ្រយ៉ាងពេញទំហឹងតែម្ដង ហើយក៏កាន់តែធ្វើឱ្យប្រជាប្រិយភាពរបស់តារាពីរដួងនេះ កាន់តែរីកដូចគ្រាប់ជីផងដែរ។ថ្មីៗនេះ ស្រាប់តែមានវីដេអូរំជួលចិត្តមួយ ដែលឲក្នុងវិដេអូនោះផងដែល គឺ លោក ថមមី បានសុំកញ្ញាសួស វីសា រៀបការដោយពោលពាក្យថា៖ «ព្រមរៀបការ នឹងបុរសដែលមិនមែនជាអ្នកមាន មិនមានជាអ្នកអស្ចារ្យ តែមានបេះដូងស្មោះសរមួយនេះបានទេ? Will You Marry Me ? Sous Visa
បងប្អូនចង់ដឹងចម្លើយពីគាត់ដូចខ្ញុំដែរឬក៍អត់ ?»។ តោះកុំអោយខាតពេលយូរសូមទស្សនាវិដេអូខាងក្រោម៖
វិលចូលសិល្បៈវិញ ថៃ នរៈវិទូ គ្រងតំណែងតួឯកក្នុងរឿងកុនថ្មី
ខុសពីការប៉ាន់ស្មានដែលថា អតីតតារាសម្ដែង និងជា Freshies boy ល្បីល្បាញ លោកថៃ នរ:វិទូ ធ្វើខួបកំណើតឆ្លងវ័យ30ចូល31ឆ្នាំ ទំនងនឹងមានតារាសិល្ប: និងភ្ញៀវកិត្តិយសមិនច្រើនណាស់ណា ចូលរួមពិធីខួបរបស់លោក ដែលបានធ្វើឡើងកាលពីយប់ថ្ងៃទី26 មេសា តែផ្ទុយទៅវិញ បែរជាឃើញភ្ញៀវយ៉ាងច្រើនកុះករតែម្ដង ដោយក្នុងពិធីនោះ គេឃើញភ្ញៀវអ្នកចូលរួម ស្ទើរមិនមានតុអង្គុយនោះផង។
ខួបកំណើតដែលបានធ្វើឡើងជាទ្រង់ទ្រាយធំនេះ ត្រូវបានម្ដាយរបស់លោក គឺ អ្នកស្រី ងិន ម៉ានីយ៉ា ដែលជាអ្នកនិពន្ធបទចម្រៀង ដ៏ឆ្នើមរៀបចំឱ្យ ដើម្បីប្រកាសឲ្យដឹងថា លោក ថៃ នរ:វិទូ ក្រោយបញ្ចប់ពិធីខួបកំណើតទៅ គឺត្រលប់មកកាន់វិថីសិល្ប:វិញហើយ។
លោកថៃ នរ:វិទូ ដែលត្រូវលោក ថៃ នរ:សត្យា ជាឳពុកលើកសរសើរ មិនដាច់ពីមាត់ក្នុងពេលជូនពរខួបកំណើត បានថ្លែងបញ្ជាក់ថា នៅអំឡុងចុងខែ5ខាងមុខ លោកនឹងបង្ហាញមុខថតកុនវិញហើយ ដោយមានក្រុមហ៊ុនមួយ បានទាក់ទងឱ្យលោកថតកុនរឿងខ្លី ដែលរឿងបើកឆាកក្នុងជីវិតសិល្ប:ជាថ្មីរបស់លោកនោះ គឺលោកនៅតែទទួល បានតំណែងតួឯក។ លោកថាខ្លួនត្រលប់មកកាន់សិល្ប:ម្ដងនេះ មិនមែនគ្រាន់តែចូលលេងៗ នោះទេ គឺចូលឱ្យស៊ប់តែម្ដង ដោយទទួលទាំងថតស្ពត ថតរឿងដុំ និងថតរឿងភាគ បើទោះជាត្រូវប្រើពេលច្រើនខែ និងត្រូវចុះទៅខេត្តឆ្ងាយៗ ប៉ុន្តែលោកនឹងម្រេចដើរផ្លូវសិល្ប:ជាថ្មី ដើម្បីកសាងកេរ្តិ៍ឈ្មោះ។លោករំពឹងថាវិថីសិល្ប:របស់ខ្លួន នឹងមិនយឺតពេលទេ ដោយសារតែគ្រាន់តែប្រកាសសម្ដែង នៅលើហ្វេសប៊ុកកកាលពីប៉ុន្មានថ្ងៃមុនលេងៗផង ក៏មានផលិតករទាក់ទងបានមួយរឿងទៅហើយ៕
លោក Lee Teahoon ក្លាយជាគ្រូបង្គោល Hoang Anh Gia Lai
អតីតគ្រូបង្វឹកជម្រើសជាតិកម្ពុជា លោក Lee Teahoon ដែលជាជនជាតិកូរ៉េខាងត្បូង ត្រូវបានក្លិប Hoang Anh Gia Lai ដែលជាក្លិបនៅក្នុងក្របខ័ណ្ឌលីកកំពូលរបស់វៀតណាមដំឡើងតួនាទីពីគ្រូជំនួយទៅជាគ្រូបង្គោលរបស់ក្លិបនេះរួចរាល់ហើយ។
ក្លិប Hoang Anh Gia Lai ហាក់ធ្វើមិនសូវបានល្អប៉ុន្មានឡើយក្រោមការដឹកនាំរបស់គ្រូបង្វឹកចាស់ ដែលលេងបាន 6ប្រកួត ទទួលបានជ័យជម្នះតែ 2ប្រកួតប៉ុណ្ណោះ និងកំពុងឈរនៅលេខរៀងទី11 នៃតារាងលីកកំពូលវៀតណាម។
គួរបញ្ជាក់ផងដែរថា ក្រោយពីសហព័ន្ធកីឡាបាល់ទាត់កម្ពុជាបញ្ឈប់លោក Lee Teahoon ពីតួនាទីជាគ្រូបង្វឹកក្រុមបាល់ទាត់ជម្រើសជាតិកាលពីឆ្នាំ2018 កន្លងទៅ លោកត្រូវបានក្លិបបរទេសជាច្រើនទាក់ទងទៅដឹកនាំ។ ជាចុងក្រោយលោកក៏យល់ព្រមចំពោះសំណើជាមួយក្លិបវៀតណាមមួយនេះ ហើយលោកក៏ត្រូវបានសហព័ន្ធកីឡាបាល់ទាត់វៀតណាមផ្តល់តួនាទីជាគ្រូបង្វឹកក្រុមជម្រើសជាតិវៀតណាមផងដែរនៅក្នុងព្រឹត្តិការណ៍ AFC U23 កាលពីខែមុន៕
ពានរង្វាន់ HUN SEN CUP វគ្គ 16ក្រុមចុងក្រោយមានអ្នកទស្សនាច្រើនជាងការប្រកួតលីក
ពានរង្វាន់ HUN SEN CUP 2019 16ក្រុមចុងក្រោយ មានការប្រកួតចំនួន 8គូ នៅតាមខេត្តផ្សេងៗគ្នាចំនួន8 ក្នុងរយៈពេល 3ថ្ងៃ ចាប់ពីថ្ងៃទី23 ដល់25 ខែមេសា 2019នេះ។
ទោះបីជាមិនសូវមានស្មៅល្អ ឫកន្លែងអង្គុយល្អក៏ដោយ ប៉ុន្តែអ្នកគាំទ្រក៏នៅតែមានយ៉ាងច្រើនកុះករ ពោលគឺច្រើនជាងការប្រកួតលីកកំពូលកម្ពុជាទៅទៀត។
គូរបញ្ជាក់ផងដែរថា ក្រោយពីបញ្ចប់វគ្គនេះ ក្រុមទាំង 8ដែលឈ្នះក្នុងវគ្គនេះនឹងត្រូវចាប់ឆ្នោតប៉ះគ្នាជាថ្មី ក្នុងវគ្គ 8ក្រុមចុងក្រោយជាបន្ត៕
តោះ! យើងនាំគ្នាមកស្គាល់លម្អិត ពីកីឡាការិនីឥណ្ឌូនេស៊ី ដែល នៅ ស្រីពៅ ត្រូវជួបនៅដើមខែក្រោយនេះ
កីឡាការិនី នៅ ស្រីពៅ កំពុងតែត្រៀមខ្លួនចូលរួមក្នុងការប្រកួត ONE Championship ដែលនឹងធ្វើឡើងនៅលើទឹកដីនៃប្រទេសឥណ្ឌូនេស៊ី នាថ្ងៃទី3 ខែឧសភា ឆ្នាំ2019 ខាងមុខនេះ។
ក្នុងកម្មវិធីនេះដែរ នៅ ស្រីពៅ ត្រូវជួបជាមួយនឹងកីឡាការិនីម្ចាស់ផ្ទះឥណ្ឌូនេស៊ី Priscilla Hertati Lumban Gaol ដែលកីឡាការនីរូបនេះធ្លាប់បានបំបាក់កីឡាការិនីថៃ Rika ដូចគ្នានឹង នៅ ស្រីពៅ ដែរ។ ហើយអ្វីដែលកាន់តែពិសេសនោះគឺ កីឡាការិនីរូបនេះមានបទពិសោធច្រើនដល់ទៅ 9លើកនៅលើសង្វៀន One Championship និងមានកម្លាំងខ្លាំងជាងកីឡាការិនីថៃ Rika ដែលស្រីពៅធ្លាប់បានយកឈ្នះទៀតផង ជាពិសេសកម្លាំងកាច់ បោក និងក្បាច់កាច់ក្រៀកគេខ្លាំងណាស់៕
អូត ភូថង បង្ហាត់ប្រដាល់ពេលថ្ងៃ យាមម៉ូតូនៅបារបារាំងពេលយប់
កីឡាករ អូត ភូថង ដែលល្បីពូកែខាងក្បាច់កែងនោះ ជាកីឡាករប្រដាល់ជើងខ្លាំងមួយរូបដែលមានរាងខ្ពស់ស្រឡះ និងមានល្បិចប្រយុទ្ធនៅលើសង្វៀនដ៏សាហាវបំផុត ជាពិសេសស្នៀតកែង និងជង្គង់របស់គេដែលជាអាវុធប្រចាំត្រកូលដែលគូប្រកួតមិនអាចធ្វេសប្រហែសបានឡើយ។
ស្ថិតក្នុងសភាពស្ងប់ស្ងាត់កិត្តិស័ព្ទលើសង្វៀនប្រដាល់អស់មួយរយៈ ឈ្មោះ អូត ភូថង ជាកីឡាករប្រដាល់ល្បីឈ្មោះ និងជាប្អូនប្រុសកំពូលកីឡាប្រដាល់ អេ ភូថង ពេលនេះត្រូវបានបណ្តាញផ្សព្វផ្សាយមួយរៀបរាប់ពីជីវិតពិតរបស់កីឡាកររូបនេះដែលហាក់ដូចជាស្ថិតនៅលើខ្សែផ្លូវដ៏មហាកម្សត់មួយ មិនស័ក្តិសមនឹងកិត្តិស័ព្ទដ៏ល្បីល្បាញលើវិស័យក្បាច់គុនខ្មែរសោះឡើយ ដោយសារតែគេប្រទះឃើញលោកធ្វើការនៅឯបារបារាំងមួយកន្លែងក្នុងតួនាទីជាអ្នកយាមម៉ូតូឱ្យគេតាំងពីម៉ោង 10យប់ រហូតដល់ម៉ោង 5ព្រឹក និងទទួលបានប្រាក់ខែត្រឹម 150ដុល្លារតែប៉ុណ្ណោះ។
អ្នកប្រដាល់កែងឆេះបានបានរៀបរាប់យ៉ាងស្ងប់ស្ងាត់ថា«សព្វថ្ងៃនេះខ្ញុំមានបើកក្លិបមួយទទួលសិស្សបង្ហាត់ប្រដាល់នៅកន្លែងរបស់បងធម៌របស់ខ្ញុំដែលជាក្លិបប្រដាល់ និងទទួលបង្ហាត់សិស្សដែលចង់ចេះក្បាច់គុនបុរាណខ្មែរ មានឈ្មោះថា KunKhmer Fighter»។ បណ្ដាញផ្សព្វផ្សាយខាងលើបានឱ្យដឹងទៀតថា ក្រៅពីធ្វើការបង្ហាត់សិស្សនៅក្លិបរបស់បងធម៌របស់លោកបានកម្រៃខ្លះមែនក្ដី តែជីវិតអ្នកប្រដាល់របស់ អូត ភូថង ក៏នៅតែឡើងប្រដាល់ជាមួយគូប្រកួតបរទេសម្តងម្កាលដែរ ដោយទទួលបានប្រាក់តម្លៃខ្លួន 1លានរៀល ហើយប្រសិនបើមិនបានឡើងវាយទេ ក៏មិនបានប្រាក់ដែរ៕
