សង្គម និងសេដ្ឋកិច្ច - La Reine Media

ក្រុមធ្លាប់តែខ្លាំង Muangthong ធ្លាក់ទម្រង់លេងខ្លាំងមែនទែន នៅលីកកំពូលថៃរដូវកាលនេះ

ក្រុម Muangthong United ក្រោយការប្រកួត 9លើក ពួកគេឈ្នះតែ 2លើក ស្មើ1 និងចាញ់ដល់ទៅ 6លើកឯណោះ និងកំពុងមាន ៧ពិន្ទុប៉ុណ្ណោះ ដោយឈរនៅលេខចុងប៉ូចគេនៃតារាងពិន្ទុរបស់លីកកំពូលថៃ ហើយក្រុម Port FC កំពុងឈរនៅលេខ1 ដោយមាន 20ពិន្ទុ ព្រោះចាញ់តែ1លើកគត់។

លទ្ធផលបែបនេះត្រូវបានគេចាត់ទុកថា ជាលទ្ធផលដ៏អាក្រក់បំផុតសម្រាប់ក្លិប ចាប់តាំងពី Muangthong United ឡើងមកលីកកំពូលថៃកាលពីឆ្នាំ2009 ជាមួយនឹងការប្រកួតបើកឆាកប៉ុន្មានប្រកួតនៅដើមរដូវកាល គឺយ៉ាងហោចក៏តែងតែទទួលបានចំណាត់ថ្នាក់នៅតំបន់កំពូលតារាងទាំង4 ដែរ។

គួរបញ្ជាក់ផងដែរថា ក្រុមមួយនេះធ្វើបានល្អខ្លាំងកាលពីឆ្នាំមុន ដោយថែមទាំងបានទៅលេងពានរង្វាន់ធំបំផុតរបស់អាស៊ី AFC CHAMPIONS LEAGUE នឹងបានឡើងដល់វគ្គ 4ក្រុមចុងក្រោយនៃពានរង្វាន់នេះទៀតផង៕

April 30, 2019

ក្រសួងអប់រំបង្កើតកម្មវិធី Mentorship ដើម្បីជំរុញចំណេះដឹងផ្នែកឌីជីថល និងបច្ចេកវិទ្យា

ក្រសួងអប់រំ យុវជន និងកីឡា បានប្រកាសបង្កើតកម្មវិធី Mentorship ដើម្បីកសាងចំណេះដឹងក្នុងយុគសម័យឌីជីថល។
កម្មវិធីនេះនឹងមានការណែនាំពីសាស្រ្តាចារ្យដឹកនាំជាន់ខ្ពស់ Senior Mentors មកពីសាកលវិទ្យាល័យភូមិន្ទភ្នំពេញ និងមានអ្នកណែនាំបង្ហាញផ្លូវជំនាន់ក្រោយ Junior Menrots ជាយុវជនដែលសិក្សាលើផ្នែកបច្ចេកវិទ្យា និងជំនាញផ្សេងៗពាក់ព័ន្ធនឹងបច្ចេកវិទ្យា។

ជំនាញសំខាន់ៗដែលមានបង្រៀនក្នុងកម្មវិធីនេះមានដូចជា៖

1. ការសរសេរកូដដើម្បីអភិវឌ្ឍកម្មវិធី Coding for App Development ដោយប្រើបច្ចេកវិទ្យាបញ្ញាសិប្បនិម្មិត AI Programming និងសរសេរកម្មវិធី Machine Learning

2. Coding for Web Development បង្កើត និងរចនាគេហទំព័រ

3. Bio-Engineering ដំណើរការផលិត និងតេស្តគុណភាពទឹក និងការប្រើប្រាស់ឧបករណ៍ក្នុងមន្ទីរពិសោធន៍

4. Robotics and Automation តួនាទី AVE និង ARM សរសេរកម្មវិធីបញ្ចូលក្នុង Arduino IDE

5. Journalist and Photography សម្ភាសន៍ និងនិពន្ធអត្ថបទ រួមទាំងប្រើប្រាស់ម៉ាស៊ីនថត៕

April 30, 2019

VJ រតនា ជូនកាដូរ Land Cruiser 2018 ថ្មីសន្លាងដល់ភរិយាចំថ្ងៃខួបអាពាហ៍ពិពាហ៍

តាមរយៈបណ្ដាញសង្គមហ្វេសប៊ុក គេមើលឃើញថា អតីតពិធីករប្រចាំ My TV លោក VJ រតនា ធ្វើរឿងភ្ញាក់ផ្អើលមួយជូនភរិយាជាទីស្រឡាញ់ ចំពេលខួប 3 ឆ្នាំនៃថ្ងៃអាពាហ៍ពិពាហ៍ ។ (more…)

April 30, 2019

បាត់មុខយូរ! មាស លក្ខិណា ចេញបទថ្មីប្ដីទៅស្រឡាញ់ប្រុស

មកទល់ម៉ោងនេះ ដ្បិតថាបទចម្រៀងបើកឆាករបស់អ្នកនាង មាស លក្ខិណា និង ដៃគូគឺលោក អ៊ុង សុផល្លី ដែលមានចំណងជើងថា “ចាំស្កកខកអស់” ដែលចេញក្នុងអំឡុងចូលឆ្នាំ ត្រូវផុតរយ:ពេលរាំលេងចូលឆ្នាំ ក៏គេកត់សម្គាល់ថាអត្ថន័យ និង សាច់ភ្លេងរបស់បទចម្រៀងនេះ កាន់តែមានអ្នកស្ដាប់ច្រើនឡើង និងមានអ្នកទទួលស្គាល់ខ្លាំងឡើង។

ចម្រៀងមួយបទនេះ ត្រូវបានអ្នកស្ដាប់ចាក់បន្លឺ ក្រោយរដូវចូលឆ្នាំ ជាហូរហែរ ដោយខ្លឹមសារ និងទឹកដមសំនៀងរបស់អ្នកទាំងពីរ ត្រូវបានអ្នកស្ដាប់ភាគច្រើនសរសើរថាពិរោះ និងមានអត្ថន័យមិនចាញ់បទចម្រៀងរបស់តារាចម្រៀងល្បីៗជំនាន់មុននោះផង។អ្នកនាង មាស លក្ខិណា បានថ្លែងបញ្ជាក់ក្រោយពីបទ”ចាំស្កខកអស់” របស់ខ្លួនកាន់តែមានគេស្គាល់ថា អ្នកនាង និងដៃគូចម្រៀង មានអារម្មណ៍សប្បាយចិត្តយ៉ាងខ្លាំង ដែលបានចេញបទនិពន្ធថ្មីបើកឆាកជាមួយ លោក អ៊ុង សុផល្លី ហើយត្រូវបានគេស្គាល់ច្រើនឡើង និងថាបទចម្រៀងមួយនេះពិរោះត្រូវចិត្តមហាជន។

អ្នកនាងថាខ្លួនមិនស្ដាយរឿងបទ”ចាំស្កកខកអស់” មិនផ្ទុះក្នុងអំឡុងពេលចូលឆ្នាំ តាមការចង់បាននោះទេ ប៉ុន្តែផ្ទុយទៅវិញគឺអ្នកនាងសប្បាយចិត្ត ដែលបទចម្រៀងជាស្នាដៃបើកឆាករបស់ខ្លួន កាន់តែមានគេស្គាល់។ ចម្រៀងមួយបទនេះ ត្រូវបានគេចាក់បន្លឺ តាមទីសាធារណៈ និងតាមវិទ្យុច្រើនឡើងនាពេលចុងក្រោយ ដោយក្រឡេកទៅមើលMV ទាំងបទចម្រៀង និង Full MV របស់អ្នកនាងឯណោះវិញ ក៏មានអ្នកចូលស្ដាប់ច្រើនដង មិនចាញ់បទផ្ទុះរបស់យុវវ័យ។ តារាចម្រៀង ដែលត្រូវគេស្គាល់ថា ជាអ្នកលក់ត្រីងៀតគ្មានជាតិគីមីល្បីល្បាញនៅលើហ្វេសប៊ុករូបនេះបន្តថា ក្រោយពីបទដំបូង”ចាំស្កកខកអស់” ជាមួយលោក អ៊ុង សុផល្លី ទទួលបានការគាំទ្របែបនេះ អ្នកនាង និង លោក នឹងមានគម្រោងចេញបទថ្មីៗរួមគ្នាបន្ថែមទៀតដើម្បីមហាជន។ ចង់ដឹងថាបទរបស់អ្នកទាំងពីរ ស្ដាប់កាន់តែយូរ កាន់តែពិរោះកម្រិតណា សូមអញ្ជើញស្ដាប់កម្សាន្ត៖

April 29, 2019

នោះ!! តារាសម្ដែង ឆាយ គីមថារ៉ូ បង្ហាញមុខអ្នកជំពាក់លុយមិនព្រមសង

បើតាមការបង្ហោះរបស់តារាសម្ដែងប្រុស ឆាយ គីមថារ៉ូ នៅលើបណ្ដាញសង្គមហ្វេសប៊ុកនៅពេលថ្មីៗនេះ បានឱ្យដឹថា លោកបានព្យាយាមដោះស្រាយ និងសម្របសម្រួលឱ្យបុរសឈ្មោះ ផាយុ ដែលមានគណនីហ្វេសប៊ុកឈ្មោះ វង្ស ផាយុ ចូលខ្លួនមកសងប្រាក់របស់ជាបន្ទាន់ ក៏ប៉ុន្ដែ រហូតមកទល់ពេលនេះ ហាក់បីដូចជាស្ងាត់ជ្រាប រត់គេចបាត់ខ្លួនគ្មានដំណឹងអ្វីទាល់តែសោះ ទើបតារាសម្ដែងប្រុសរូបនេះសរសេរសារបង្ហោះនៅលើបណ្ដាញសង្គមហ្វេសប៊ុក និងបង្ហោះរូបភាពបុរសជាជនជាប់ជំពាក់លុយជាសាធារណៈតែម្ដង។

លោក ឆាយ គីមថារ៉ូ ដែលមានមហាជនជាច្រើនស្គាល់លោកមុខលោកតាមរយៈកញ្ចក់ទូរទស្សន៍បានសរសេរនៅលើហ្វេសប៊ុកខ្លួនថា៖ « សុំលោក ផាយុ ចេញមកដោះស្រាយមួយខ្ញុំរឿងនឹងចប់ បើក្នុងថ្ងៃ29ហ្នឹង លោកមិនចូលខ្លួនមកដោះស្រាយរឿងនឹងជាមួយខ្ញុំទេច្បាប់មិនឱ្យលោករត់រួចទេ ខ្ញុំផុសfb ព្រោះលោកបានប្លក់fb ខ្ញុំចោលហើយលេខទាក់ទងមិនបានខលទៅបងប្អូនក៏គេមិនដឹងលឺចឹងមានតែឱ្យអ្នកលេងfb ជួយ Share ជូនជាដំណឹងទៅប្រាប់គាត់នឹងគ្រួសារគាត់មកដោះស្រាយជាប្រញ៉ាប់ »។

តារាសម្ដែងប្រុសរូបនេះ បានបញ្ជាក់ប្រាប់សារព័ត៌មានឡារ៉ែនថា លោកបានព្យាយាមទាក់ទងបុរសខាងលើជាច្រើនដងច្រើនសារមកហើយ រហូតដល់ទាក់ទងឱ្យសងលុយលែងបានតែម្ដង ទើបលោកចាត់វិធានការបង្ហោះរូបភាពជាសាធារណៈ ដើម្បីតាមស្វែងរកបុគ្គលរូបនេះមកសងលុយជាបន្ទាន់។ លោកថា លោកបានដាក់ពាក្យបណ្ដឹង និងភ័ស្ដុតាងមួយចំនួនទៅតុលាការរួចជាស្រេចហើយ យ៉ាងណាមិញ សូមឱ្យបុគ្គល ផាយុ ចូលខ្លួនមកដោះស្រាយបញ្ហាជំពាក់ឱ្យបានឆាប់ចប់ និងមិនចង់បន្ដរឿងក្ដីឱ្យកាន់តែវែងឆ្ងាយតទៅទៀតឡើយ៕

April 29, 2019

ឋានព្រះឥន្ទ សម្រេចបំណងពិធីករកម្មវីធីលំដាប់ពិភពលោក អ្នកនាង ចាន់ កែវនិមល និងលោក ជា វិបុល ហោះទៅម៉ាកាវ

តាមការបង្ហើបរបស់កំពូលពិធីករក្នុងកម្មវិធីលំដាប់ពិភពលោក អ្នកនាង ចាន់ កែវនិមល និងលោក ជា វិបុល ឱ្យដឹងថា នេះគឺជាលោកដំបូងបង្អស់ហើយ ដែលជាដៃគូពិធីករ ពិធីការិនីរួមគ្នាជាង ៥ឆ្នាំមកហើយនោះសុខចិត្តផ្អាកការងារសិល្បៈក្នុងស្រុកមួយរយៈសិន ហើយហោះទៅកម្សាន្តនៅប្រទេសចិន-ម៉ាកាវ ដែលមានការជួយជ្រោមជ្រែងផ្ដល់ឱកាសពីក្រុមហ៊ុនហង្សម្ចាស់ដី នាំអ្នកឈ្នះរង្វាន់ពីគម្រោងឋានព្រះឥន្ទ ប្រមាណជាង៦០នាក់ទៅកម្សាន្ដ។

អ្នកនាង ចាន់ កែវនិមល ប្រាប់ឡារ៉ែនថា សម្រាប់គម្រោងចេញដើរក្រៅប្រទេស មិនថាជាលក្ខណៈធ្វើការ ឬ ដើរលេង អ្នកនាង និងលោក ជា វិបុល មិនដែលបានដើរជាមួយគ្នាសោះតែម្ដង ថ្វីដ្បិតតែអ្នកនាង និងលោក គឺដៃគូពិធីករ ពិធីការិនីជាមួយគ្នាមិនតិចជាង៥ឆ្នាំ។

អ្នកនាងថា កន្លងមកក្រុមហ៊ុនហង្សមាស និងក្រុមហ៊ុនផ្សេងៗ ក៍រៀបគម្រោង និងអញ្ជើញឱ្យអ្នកនាង និងលោក បានចេញធ្វើការជាមួយគ្នានៅក្រៅប្រទេសច្រើនលើកមកហើយ ប៉ុន្តែបានត្រឹមតែរៀបគម្រោងក៍រំសាយវិញ ហើយបើក្រុមហ៊ុនដែលបានអញ្ជើញ ក៍សុទ្ធតែស្នើមកខុសពេលទំនេរគ្នា។ អ្នកនាងថា គឺជាលើកទី១ ដែលក្រុមហ៊ុនហង្សម្ចាស់ដី បានផ្ដល់ឱកាសអោយអ្នកនាង និងលោក ជា វិបុល បានចេញក្រៅប្រទេសរួមគ្នា ដោយក្រៅពីដឹកនាំអ្នកឈ្នះរង្វាន់ពីការទិញចម្ការក្នុងគម្រោងឋានព្រះឥន្ទ ទៅកម្សាន្តនៅក្នុងទីក្រុងម៉ាកាវរយៈពេល២យប់៣ថ្ងៃ ក៍តម្រូវអោយ អ្នកនាង និងលោក បង្កើតអនុស្សាវរីយ៍សប្បាយៗជាមួយម្ចាស់ចម្ការ និងក្រុមការងារទាំងជាង៦០នាក់នោះ ដើម្បីថតទុកជាឯកសារផងដែរ។ អ្នកនាងថា ខ្លួនមិនមានអ្វីចម្លែកចិត្តនោះទេ ដោយសារតែការចេញដើរក្រៅប្រទេសរួមគ្នាជាមួយលោក ជា វិបុល លើកនេះគឺជាដំណើរឆ្ងាយការងារ ដែលមុនខុសពីចេញដើរឆ្ងាយៗនៅតាមបណ្ដាខេត្តកន្លងមក។

លោក ជា វិបុល និយាយថា ដំណើរក្រៅស្រុកជាមួយអ្នកនាង ចាន់ កែវនិមល លើកនេះ អាចចាត់ទុកថាជារឿងកម្រ ហើយក៏ប្លែកអារម្មណ៍ផងដែរ ដោយសារតែពេលកន្លងមក លោក ឬ អ្នកនាង ធ្លាប់តែចេញដើរក្រៅប្រទេស ជាមួយភរិយា ឬ ស្វាមី ជាលក្ខណៈគ្រួសារ ប៉ុន្តែពេលនេះ គម្រោងឋានព្រះឥន្ទ ដែលលោក និងអ្នកនាងធ្វើជាពិធីករអោយជាប្រចាំ បានធ្វើអោយលោក និងអ្នកនាង បានចេញក្រៅប្រទេសរួមគ្នា។ យ៉ាងណាមិញលោកថា នោះក៏ដោយសារតែក្រុមបានសម្រួលពេលវេលាខុសពីថ្ងៃសៅរ៍អាទិត្យ និងថ្ងៃថតកម្មវិធីរបស់ក្រុមហ៊ុនហង្សមាសផងដែរ កុំអីមិនអាចទទួលការងារនេះបានឡើយ។

April 29, 2019

iPad Pro 5G ដល់ឆ្នាំ2021 ទើប Apple អាចប្រកាសចេញមកបាន…

បន្ទាប់ពីមានរឿងក្ដីក្ដាំជាមួយ Qualcomm លើបញ្ហាការផ្គត់ផ្គង់ខ្សែស្រឡាយបន្ទះឈីប 5G(X50) លើ iPhone 5G ពេលនេះបានដោះស្រាយរួចរាល់ហើយ ដោយ Apple បានប្រកាសព្រមព្រៀងគ្នាលើជម្លោះនោះ។ ការសម្រេចចិត្តសម្រួលគ្នាជាមួយ Qualcomm មានន័យថា iPhone ដែលប្រើប្រាស់សេវា 5G អាចនឹងបង្ហាញវត្តមានលឿនជាងការរំពឹងទុករបស់អ្នកវិភាគជាច្រើន។

យ៉ាងណាក្ដី សម្រាប់ផលិតផល Apple ផ្សេងទៀត ដូចជា iPad Pro 5G ត្រូវបានអ្នកវិភាគល្បីឈ្មោះ គឺលោក Ming-Chi Kou បានចេញមុខមកបង្ហើបថា iPad Pro 5G ដល់ឆ្នាំ2021 ឬ2022 ទើបអាចចេញមកបាន។

លោកបានបញ្ជាក់បន្ថែមថា ជាក់ស្ដែងទៅ គេត្រូវការពេលវេលាយូរបន្ថែមទៀត ដើម្បីឱ្យសេវា 5G មានការប្រើប្រាស់ទូលំទូលាយ។ ការពន្យារពេលដល់ឆ្នាំនោះ ក៏ព្រោះតែដើម្បីសិក្សាស្រាវជ្រាវពីបច្ចេកវិទ្យាថ្មីៗមកបំពាក់លើ iPad Pro 5G និងបំពាក់ដោយអេក្រង់ប្រភេទ LCP(Liquid Crystal Polymer) ផងដែរ។

នេះអាចថាជាដំណឹងល្អសម្រាប់អ្នកចូលចិត្តប្រើ iPad ក៏ប៉ុន្តែសម្រាប់ជំនាន់ 5G លើ iPad អាចជាដំណឹងមិនរីករាយវិញ ព្រោះតែវាចេញយឺតពេក(ប្រសិនបើដូចការវិភាគរបស់លោក Kou មែននោះ)៕

April 29, 2019

សេវា 5G វៀតណាមតេស្តបានដោយជោគជ័យលើកដំបូងបង្អស់

កាលពីថ្ងៃទី25 ខែមេសា ;Viettel Group ដែលជាក្រុមហ៊ុនទូរគមនាគមន៍ដ៏ធំមួយរបស់វៀតណាម បានធ្វើការសាកល្បងបានសម្រេចនូវការចេញផ្សាយសេវា 5G នៅក្នុងតំបន់ Hoàn Kiếm នៃទីក្រុងហាណូយ។

តាមការឱ្យដឹងពី Viettel គឺ ល្បឿនអ៊ីនធើណិត 5G ដែលគេសាកល្បងនោះ មានចន្លោះពី600 ទៅ 700Mbps ដែលស្មើនឹងល្បឿនសេវា 5G របស់ក្រុមហ៊ុន Verizon នៅក្នុងសហរដ្ឋអាមេរិកដែរ។ កាលពីដើមខែមេសា ក្រុមហ៊ុននេះបានសាងសង់ស្ថានីយ 5G ដំបូងនៅវៀតណាម នៅក្នុងតំបន់ Hoàn Kiếm។ ស្ថានីយ2 ទៀត គឺស្ថិតនៅតំបន់ Duy Tan និង Tran Huu Duc ក្នុងទីក្រុងហាណូយដូចគ្នា។

តាមរយៈការសាកល្បងសេវា 5G ចាប់ពីខែមេសានេះ វៀតណាមបានសាងកេរ្តិ៍ឈ្មោះរបស់ខ្លួនថែមមួយកម្រិតទៀត ក្លាយជាប្រទេសជឿនលឿនមួយលើពិភពលោក។ បច្ចុប្បន្ននេះមានតែសហរដ្ឋអាមេរិក និងកូរ៉េខាងត្បូងប៉ុណ្ណោះ ដែលកំពុងចាប់ផ្ដើមដាក់ដំណើរការសេវា 5G ជាលក្ខណៈទ្រង់ទ្រាយធំ។

ក្រៅពីក្រុមហ៊ុន Viettel នេះ ក្រុមហ៊ុន MobiFone ក៏ទទួលបានអាជ្ញាប័ណ្ណខាងសេវា 5G នេះដែរ ដោយសម្រាប់ការធ្វើតេស្តរយៈពេល 1ឆ្នាំ ចាប់ពីថ្ងៃទី23 ខែមេសា ឆ្នាំ2019 ដល់ថ្ងៃទី22 ខែមេសា ឆ្នាំ2020។ ក្រុមហ៊ុនទូរគមនាគមន៍ធំមួយទៀតនៅវៀតណាម ឈ្មោះ VNPT VinaPhone មិនទាន់បង្ហាញគម្រោងទាក់ទងនឹងសេវា 5G នេះនៅឡើយ៕

April 29, 2019

នាំគ្នាមកដឹងពីតម្លៃ Galaxy S10 ប្រើប្រព័ន្ធ 5G ដែលកំពុងបើកឱ្យកុម្ម៉ង់ទិញ

ថ្មីៗនេះ វេបសាយVerizon បានប្រកាសបញ្ចេញតម្លៃកុម្ម៉ង់ទិញស្មាតហ្វូន Galaxy S10 5G ជម្រើស RAM 256GB តម្លៃ 1,299ដុល្លារ ឯជម្រើស 512GB តម្លៃ 1,399ដុល្លារ។

ចំពោះ Galaxy S10+5G តម្លៃចាប់ផ្តើមគឺ 1,599ដុល្លារ(ប្រភពមិនបញ្ជាក់ជម្រើស RAM ទេ)។ នៅក្នុងនោះដែរ ប្រសិនបើអ្នកកុម្ម៉ង់ទិញពីឥឡូវនេះ អ្នកនឹងទទួលបានរបស់ថែមជាកញ្ចប់ VIPតែម្ដង មានដូចជាកាស Galaxy Buds មួយ ឆ្នាំងសាកឥតខ្សែ Samsung Wireless Charging មួយ និង Samsung Charging Battery Pack មួយមកជាមួយស្រាប់។

ចំពោះកាលបរិច្ឆេទផុតកំណត់បញ្ជាទិញ គឺត្រឹមថ្ងៃទី15 ខែឧសភា ឆ្នាំ2019។

ចំណែកឯទីក្រុងចំនួន 20 ដែលប្រកាសជាផ្លូវការថា នឹងអាចដំណើរការប្រព័ន្ធ 5Gបាន មានដូចជា ទីក្រុងអាត្លង់តា (Atlanta), ទីក្រុងបូស្តុន(Boston), ទីក្រុងឆាឡុត(Charlotte), ទីក្រុងស៊ីនស៊ីននេទី(Cincinnati), ទីក្រុងខ្លេវលែនដ៍(Cleveland), ទីក្រុងខូឡាំបឹស(Columbus), ទីក្រុងដាល្លាស(Dallas), ទីក្រុងដេស ម៉ោញនេស(Des Moines), ទីក្រុងឌែនវើរ(Denver), ទីក្រុងឌីត្រយ (Detroit), ទីក្រុងហ៊ូស្តុន(Houston), ទីក្រុងអ៊ីនឌាណាផូលីស៍(Indianapolis), ទីក្រុងឃែនសាស់ ស៊ីធី(Kansas City), ទីក្រុងលីតធើល រ៉ក់ (Little Rock), ទីក្រុងមែមហ្វ៊ីស៍ (Memphis), ទីក្រុងហ្វ៊ីនិកស៍(Phoenix), ទីក្រុងផ្រូវីឌែនស៍(Providence), ទីក្រុងសាន់ឌីអេហ្គោ(San Diego), ទីក្រុងសល លេក ស៊ីធី (Salt Lake City) និងវ៉ាស៊ីនតោន ឌីស៊ី(Washington DC)។

អ្នកអាចរកទិញបានតាមរយៈ link នេះ៖ [Verizon](https://www.verizonwireless.com/?vendorid=CJM&;jspName=https%3A%2F%2Fwww.verizonwireless.com%2Fsmartphones%2Fsamsung-galaxy-s10-5g%2F&;AID=11552181&;SID=hadlee.simons&;PUBID=8746582&;cjevent=64ed9dd367d111e983bb00ed0a180512 )

April 29, 2019

នាឡិកា Amazfit Bip ថ្មខ្លាំង ប្រើបាន 1ខែពេញ តម្លៃតែ 70ដុល្លារប៉ុណ្ណោះ

Amazfit Bip ជានាឡិកាដៃឆ្លាតវៃ ដែលមានរូបរាងស្អាតទាក់ទាញ បង្កប់ដោយបច្ចេកវិទ្យាជួយតាមដានសុខភាពប្រចាំថ្ងៃអ្នកបាន និងជាពិសេស គឺថាមពលថ្មប្រើបានយូរខ្លាំងណាស់។

នាឡិកាដ៏ឆ្លាតមួយនេះបំពាក់ដោយអេក្រង់LCD និងបង្កប់អេក្រង់ការពារភាពសឹកឆ្កូតប្រភេទ Corning Gorilla Glass ប្រើប្រាស់ថ្មប្រភេទ lithium ទំហំ 190មិល្លីអំពែរម៉ោង និងបំពាក់ដោយបច្ចេកវិទ្យា Bluetooth 4.0 BLE។

នាឡិកានេះអាចឱ្យអ្នកប្រើប្រាស់ចូលទៅមើលការប្រែប្រួលនៃការវាស់ចង្វាក់បេះដូងបានរាល់ថ្ងៃ មានទិន្នន័យច្បាស់លាស់ដោយភ្ជាប់ជាមួយសេនស័រ GPS រាប់គ្រប់ជំហានដែលអ្នកពាក់វាដើរ និងគ្រប់សកម្មភាព។ អ្នកអាចភ្ជាប់ជាមួយទូរស័ព្ទ ពេលគេតេមកងាយស្រួលទទួល ឬកំណត់សារឱ្យលោតលើអេក្រង់បានដូចជា សារពី SMS, Slack, Facebook, WhatApp ឬ Twiiter ជាដើម។

វាមានមុខងារ Sleep tracking functionality និងមុខងារ Android compatibilty ដែលជាមុខងារថ្មី មិនទាន់ឃើញមានលើ iWatch របស់ Apple ទេ។

ទោះជាវាមានថាមពលថ្មអាចប្រើបាន 30ថ្ងៃក៏ដោយ តែអ្នកត្រូវចំណាយពេលសាកភ្លើងម្ដងរយៈពេល 2ម៉ោងកន្លះ។ ប្រសិនបើលោកអ្នកកុម្ម៉ង់ទិញគឺ Amafit នឹងមានផ្តល់ជូនប័ណ្ណធានារយៈពេល 1ឆ្នាំលើគុណភាពថ្ម ហើយតម្លៃលក់លើ Amazon គឺ 70ដុល្លារតែប៉ុណ្ណោះ៕

April 29, 2019

Category: សង្គម និងសេដ្ឋកិច្ច