តម្លៃរបស់ម៉ូតូ Honda Zoomer-X ស៊េរីឆ្នាំ2019 ទើបត្រូវបាន Page នាំចូលម៉ូតូហុងដាពីប្រទេសថៃមួយ បានបង្ហោះព័ត៌មានឱ្យដឹងជាផ្លូវការហើយនៅថ្ងៃនេះ។
លក្ខណសម្បត្តិម៉ាស៊ីនរបស់វា មិនខុសពីឆ្នាំមុនៗទេ ហើយក៏មិនមានអ្វីប្រែប្រួលច្រើនដែរ តែការលេងពណ៌ ថ្មីជាងមុន(ក្រហមសុទ្ធ ខ្មៅសុទ្ធ និងខ្មៅលាយពណ៌លឿង) ។
ស៊េរីម៉ូតូដែលប្រកាសចេញមកនេះ មានសំឡេងម៉ាស៊ីនស្ងាត់ល្អ ជាប្រភេទម៉ាស៊ីន 110cc ថែមបច្ចេកវិទ្យាជំនាន់ចុងក្រោយបំផុតរបស់ Honda។ សន្សំសំចៃប្រេង និងប្រើធន់ (ទាស់តែឆាប់បាក់កន្ទុយក្រោយបន្តិចប៉ុណ្ណោះ)។
Zoomer-X ស៊េរីថ្មីនេះបានកំណត់តម្លៃលក់នៅឯប្រទេសថៃ ខ្ទង់ 55,700 បាត ដែលស្មើនឹងប្រមាណជា 1,760 ដុល្លារ៕
Category: សង្គម និងសេដ្ឋកិច្ច
តម្លៃរបស់ Honda ZoomerX ឆ្នាំ 2019 ត្រូវបានប្រកាសឱ្យដឹងហើយ!
ទីបំផុត !! លោកចាន់ សម័យ ទទួលអំណោយវីឡាថ្មីសន្លាងពីសម្ដេចតេជោ និង សម្ដេចកិត្តិព្រឹទ្ធបណ្ឌិត
ដូចបានជ្រាបកន្លងមកថា តារាចម្រៀងជើងចាស់ដែលធ្លាប់មានឈ្មោះបោះសំលេងខ្លាំងនៅក្នុងសង្គមសិល្បៈគឺលោក ចាន់ សម័យ បានបាត់មុខពីសិល្បៈអស់រយៈពេលជាច្រើនឆ្នាំ ហើយសម្ងំលាក់ខ្លួនក្នុងជីវភាពក្រលំបាក គេចមុខពីមហាជន។ ស្រាប់តែមួយរយៈចុងក្រោយនេះ តារាប្រុសរូបនេះត្រូវបានអ្នកសារព័ត៌មាន ចុះផ្សាយយ៉ាងព្រោងព្រៀតរហូតមកដល់ពេលនេះ មានការជ្រោមជ្រែងពីថ្នាក់ដឹកនាំ ក៏ដូចជាអ្នកសិល្បៈដូចគ្នា ធ្វើឱ្យលោក ចាន់ សម័យ ប្រែមុខមាត់ថ្មី មកដល់សព្វថ្ងៃនេះ។
ថ្មីៗនេះដែរតារាចម្រៀង ចាន់ សម័យ ដែលកំពុងច្រៀងនៅក្នុងទ្រនំផលិតកម្ម Galaxy បានទទួលសំណាងធំ ដោយសម្តេចកិតិ្តព្រឹទ្ធបណ្ឌិត ប៊ុនរ៉ានី ហ៊ុនសែន ជូនអំណោយផ្ទះវីឡាមួយខ្នង ដ៏ស្រស់ស្អាតនៅក្នុងបុរី ឡេង ណាវ៉ាត្រា ជូនដល់រូបលោកដើម្បីរស់នៅជាមួយប្រពន្ធកូន អោយបានសមរម្យនឹងគេ ដែលអំណោយដ៏ធំនេះត្រូវបានប្រគល់តាមរយៈលោក ហេង ឡុង និងឧកញ៉ា ឡេង ណាវ៉ាត្រា ផ្ទាល់តែម្តង។
ផ្ទះដែលសម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ទិញឱ្យតារាចម្រៀងចាន់ សម័យនោះ គឺជាវីឡាតឿ មានសល់ដីជុំវិញផ្ទះ ដែលមើលទៅគួរឱ្យចង់របស់នៅតែម្ដង ស្ថិតក្នុងបុរីឡេងណាវ៉ាត្រាគម្រោងទី៦ ជិតផ្សារទូលពង្រ។
ឧកញ៉ា ឡេង ណាវ៉ាត្រា បានថ្លែងថា លោកពិតជារំភើបចិត្តខ្លាំងជំនួស តារាចម្រៀងលោក ចាន់ សម័យ ដែលមានសំណាងត្រូវបានសម្ដេចទាំងពីរអាណិតអាសូរ ទិញផ្ទះឲ្យបែបនេះ។ ទទឹមគ្នានោះដែរ សម្រាប់ លោកឧកញ៉ាថា គឺជាមោទនភាពនិងមហាកិត្តិយសបំផុតដែលសម្ដេចម៉ែបាន សម្រេចទិញនៅក្នុងបុរីឡេងណាវ៉ាត្រានេះតែម្ដង។ ក្រោយពីទទួលបានផ្ទះយ៉ាងស្រស់ស្អាតហើយនៅក្នុងបុរីក្នុងរាជធានីភ្នំពេញថែមទៀត លោក ចាន់ សម័យ បានសម្ដែងអារម្មណ៍រំភើបខ្លាំងណាស់ ដោយកន្លងមកលោកមិនធ្លាប់ ស្រមៃថា និងមានផ្ទះផ្ទាល់ខ្លួនដើម្បីឲ្យប្រពន្ធកូនស្នាក់នៅឡើយ។ ម្ចាស់បទ”សុំមេមាន់មួយ” លោកសូមអរគុណខ្លាំងណាស់ ដល់សម្ដេចទាំងពី ដែលមានចិត្តប្រោសប្រណីដល់រូបលោកនិងក្រុមគ្រួសារ ដែលចាប់ពីពេលនេះ លោកមានផ្ទះសម្បែងផ្ទាល់ខ្លួនរស់នៅនឹងគេឯង ឈប់នៅផ្ទះជួលហើយ។
ទន្ទឹមនឹងនោះដែរ លោក ចាន់ សម័យ សូមជូនពរសម្ដេចទាំងពីរបានសម្រេចនូវពុទ្ធពរទាំង 4ប្រការ គឺ អាយុ វណ្ណៈ សុខៈ ពលៈ ជានិច្ចនិរន្តរ៍តរៀង ទៅ៕
ផុតពីអាកាសធាតុក្តៅខ្លាំង ក្រសួងចេញសេចក្តីណែនាំការពារខ្យល់រន្ទះនៅតាមគ្រឹះស្ថានអប់រំ
ផុតពីរដូវក្តៅខ្លាំងមួយរយៈពេលចុងក្រោយនេះមក បញ្ហាគ្រោះធម្មជាតិនៅតែជាកត្តាប្រឈម និងហានិភ័យសម្រាប់ការសិក្សារបស់សិស្សានុសិស្សទូទាំងប្រទេសនៅឡើយ។ ថ្មីៗនេះក្រសួងអប់រំ យុវជន និងកីឡាបានចេញសេចក្តីណែនាំស្តីពីវិធានការការពារខ្លួនពីភ្លៀង ផ្គរ រន្ទះ ខ្យល់កន្ត្រាក់នារដូវភ្លៀងនៅតាមគ្រឹះស្ថានសិក្សាសាធារណៈ និងឯកជននៅទូទាំងប្រទេសដើម្បីដាក់ឱ្យបុគ្គលិកសិក្សាទាំងអស់អនុវត្តក្នុងគោលបំណងកាត់បន្ថយផលប៉ះពាល់ពីធម្មជាតិដល់សិស្សានុសិស្ស។
សេចក្តីប្រកាសបានបញ្ជាក់ថា បច្ចុប្បន្ននេះអាកាសធាតុមានការប្រែប្រួល និងមានភ្លៀង ផ្គរ រន្ទះ ខ្យល់កន្ត្រាក់ខ្លាំងដែលជាហេតុបណ្តាលឱ្យមានគ្រោះថ្នាក់ដល់អាយុជីវិតមនុស្ស សត្វ រុក្ខជាតិជាដើម។ ដើម្បីបង្ការគ្រោះថ្នាក់ដែលអាចកើតមាននៅរដូវភ្លៀងនេះ សូមគ្រឹះស្ថានអប់រំទាំងអស់ជួយណែនាំដល់សិស្សដើម្បីចៀសវាងគ្រោះថ្នាក់នៅពេលសង្កេតឃើញមានដុំពពកធំៗ និងកម្ពស់ខ្ពស់ឈរត្រង់ពីលើ និងមានពណ៌ខ្មៅ អាចនឹងមានរន្ទះ ភ្លៀង ព្រិល (កូនដុំទឹកកក)ឬអាចមានគ្រោះថ្នាក់ផ្សេងៗទៀតជាយថាហេតុ។
ក្រសួងបានធ្វើការណែនាំឱ្យសិស្សចៀសវាងការជិះម៉ូតូបណ្ដើរនិយាយទូរស័ព្ទបណ្ដើរ ឬអង្គុយក្រោមដើមឈើ ជាដើម និងគួរបង្អោនខ្លួនដោយរក្សាចម្ងាយ4ម៉ែត្រពីមែកឈើ។ ក្រៅពីនេះសិស្សមិនគួរអង្គុយក្នុងតង់នៅពេលមានបាតុភូតធម្មជាតិបែបនេះកើតឡើង ហើយសិស្សគួរបង្អោនខ្លួនដោយបញ្ឈរជង្គង់ទាំងពីរដាក់ជិតគ្នា និងយកដៃខ្ទប់ត្រចៀកទាំងសងខាងដើម្បីការពាររន្ទះ។ ប្រសិនបើកំពុងស្ថិតក្នុងទីវាលត្រូវចេញពីកន្លែងដែលមានទឹក ឬទីវាលស្រឡះឱ្យឆ្ងាយ ហើយត្រូវសម្ងំ ឬរត់ចូលផ្ទះជាប្រញាប់ និងប្រសិនបើកំពុងស្ថិតនៅក្នុងរថយន្តវិញ ក៏ជាចំណុចសុវត្ថិភាពមួយដែរតែមិនត្រូវយកដៃ ឬខ្លួនប្រាណទៅប៉ះចង្កូត ឬទ្វារឡាននោះទេ។
ចំពោះគ្រឿងអគ្គិសនី ឬទូរស័ព្ទគួរដាក់នៅឱ្យឆ្ងាយក្នុងចម្ងាយប្រមាណ 1ម៉ែត្រពីប្រភពអគ្គិសនី និងមិនត្រូវប្រើប្រាស់ឧបករណ៍អគ្គិសនី និងឧបករណ៍អេឡិចត្រូនិកនោះទេក្នុងពេលកំពុងភ្លៀងខ្លាំងដែលអាចនឹងមានផ្គររន្ទះខ្លាំង។ សម្រាប់គ្រឿងអលង្ការប្រភេទលោហៈគួរកុំពាក់ ហើយត្រូវពាក់ទ្រនាប់ជើងរាល់ពេលរត់លេង ឬដើរលេងជាដើម។ ក្រៅពីនេះកុំឈរនៅក្បែរមាត់បង្អួច ឬបង្គោលភ្លើង ឬអង់តែនជាដើម។បើមានលទ្ធភាពគួរបំពាក់ឧបករណ៍ការពាររន្ទះនៅតាមអគារនានា និងត្រូវអប់រំសិស្ស ឬកុមារមិនឱ្យលេងក្រោមដើមឈើ និងកុំធ្វើដំណើរក្នុងពេលភ្លៀងខ្លាំង។
ក្រសួងអប់រំ ក៏បានបង្ហាញផងដែរនូវវិធីសង្គ្រោះបឋមដល់ជនរងគ្រោះដោយសាររន្ទះដោយត្រូវពិនិត្យមើលចង្វាក់ដង្ហើម និងបេះដូងជនរងគ្រោះ។ ប្រសិនបើជនរងគ្រោះមិនដកដង្ហើម ត្រូវផ្លុំខ្យល់ដោយប្រើមាត់នឹងមាត់ជាមួយជនរងគ្រោះរហូតដល់ជនរងគ្រោះដកដង្ហើមឡើងវិញ។ ប្រសិនបើជនរងគ្រោះបាត់ចង្វាក់ជីពចរ ត្រូវធ្វើចលនាបេះដូងដោយយកបាតដៃទាំង2សង្កត់-ដកៗលើឆ្អឹងសន្ទះទ្រូងរហូតទាល់តែបេះដូងរបស់ជនរងគ្រោះមានចលនាឡើងវិញដោយការស្ទាបជីពចរ។ ម្យ៉ាងវិញទៀតត្រូវក្រាលកន្ទេល ឬបាវឆ្នូតឱ្យជនរងគ្រោះដេកពីលើ កុំឱ្យជនរងគ្រោះដេកនៅផ្ទាល់ដី ឬត្រាំទឹក និងកុំឱ្យខ្លួនប្រាណជនរងគ្រោះត្រជាក់ខ្លាំងពេក។
បន្ថែមពីលើនេះ ប្រសិនបើឃើញមានបាក់ឆ្អឹង ឬហូរឈាម សូមចល័តជនរងគ្រោះដោយប្រុងប្រយ័ត្នខ្លាចក្រែងបង្កគ្រោះថ្នាក់បន្ថែម។ ទាំងអស់គ្នាគួរមានទំនាក់ទំនងជាមួយអ្នកពាក់ព័ន្ធទាំងអស់នៅតាមមូលដ្ឋានគ្រឹះស្ថានសិក្សាក្នុងការទប់ស្កាត់គ្រោះមហន្តរាយផ្សេងៗ។ ក្នុងករណីមានជំងឺ ឬហានិភ័យសុខភាពក្នុងរដូវភ្លៀងនេះ សូមរាយការណ៍តាមរយៈបុគ្គលិកសុខាភិបាលដែលនៅជិតបំផុត ឬសមត្ថកិច្ចពាក់ព័ន្ធនៅតាមមូលដ្ឋានរបស់ខ្លួនដើម្បីដោះស្រាយ និងទទួលបានការជួយសង្គ្រោះបន្ទាន់៕
អ្វីខ្លះជាឱកាស និងកត្តាប្រឈមរបស់កម្ពុជាក្នុងបដិវត្តន៍ឧស្សាហកម្មជំនាន់ថ្មី?…
កម្ពុជាជាប្រទេសមួយក្នុងចំណោមបណ្តាប្រទេសទាំងអស់លើពិភពលោកដែលកំពុងយកចិត្តទុកដាក់លើការបណ្តុះបណ្តាលធនធានមនុស្សដើម្បីឆ្លើយតបទៅនឹងបរិបទឌីជីថល និងផ្នែកសំខាន់ៗជាច្រើនទៀតនៃបដិវត្តន៍ឧស្សាហកម្ម។ កម្ពុជាមានចំណុចជាច្រើនអំណោយផលសម្រាប់ការអភិវឌ្ឍខ្លួនឆ្លើយតបនឹងបម្រែបម្រួលយ៉ាងឆាប់រហ័សនេះ តែទោះជាយ៉ាងនេះក្តីក៏មានកត្តាប្រឈមជាច្រើនដែលទាមទារឱ្យមានកិច្ចខិតខំប្រឹងប្រែងខ្លាំងបំផុតដើម្បីដោះស្រាយ។
1. ឱកាសរបស់កម្ពុជា
ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា បានលើកឡើងថា ប្រទេសកម្ពុជាមានទាំងកត្តាកាលានុវត្តភាព និងកត្តាប្រឈមជាច្រើនក្នុងវិស័យធនធានមនុស្សដែលយើងបានដឹងច្បាស់ និងត្រៀមខ្លួនកែប្រែកត្តាប្រឈមទាំងអស់នោះឱ្យមានភាពប្រសើរឡើង។ បើនិយាយពីកាលានុវត្តភាព យើងឃើញថា កម្ពុជាបានភ្ជាប់ឱកាសរបស់ខ្លួនជា 3កម្រិត គឺកម្រិតសកល កម្រិតជាតិ និងកម្រិតក្រសួងអប់រំ។ កម្រិតសកល គឺយើងបានភ្ជាប់ទំនាក់ទំនងល្អ និងអនុវត្តទៅតាមចលនាសំខាន់ៗទាំងថ្នាក់ពិភពលោក និងថ្នាក់តំបន់។ នៅឆ្នាំ1990 កម្ពុជាបានចាប់ផ្តើមក្នុងចលនាសកលមួយស្តីពីការអប់រំសម្រាប់ទាំងអស់គ្នាដែលធ្វើឡើងនៅប្រទេសថៃហើយនៅឆ្នាំ 2015 មានចលនាថ្មីមួយទៀតគឺគោលដៅអភិវឌ្ឍន៍សហសវត្សរ៍ 2015។ បន្ទាប់មកទៀតនាពេលថ្មីៗនេះជាអន្តរជាតិមានចលនាថ្មីមួយទៀតហៅថា គោលដៅអភិវឌ្ឍន៍ប្រកបដោយចីរភាព2030 ហេតុនេះកម្ពុជាបានចូលរួម និងតាមទាន់គ្រប់ចលនាសំខាន់ៗរបស់សកលលោក ដែលនេះជាឱកាសមួយផងដែរ។ឯកឧត្តម ណាត ប៊ុនរឿន មានប្រសាសន៍ថា៖ “បើមើលតាមចរន្តទាំងអស់នេះយើងឃើញថា កម្ពុជានៅមិនឆ្ងាយពីពិភពលោកទេ ដែលនេះជាឱកាសសម្រាប់កម្ពុជាក្នុងការចូលរួម និងខិតខំប្រឹងប្រែងត្រៀមខ្លួនអភិវឌ្ឍទៅតាមចរន្តសកល”។
ឯកឧត្តមរដ្ឋលេខាធិការបានលើកឡើងផងដែរថា ចំណុចមួយផ្សេងទៀតដែលជាចំណុចសំខាន់របស់កម្ពុជា គឺគោលដៅអភិវឌ្ឍន៍ប្រកបដោយចីរភាព2030 គឺស្របទៅនឹងគោលដៅរបស់កម្ពុជាដែលចង់ក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ2030 ហើយស្របជាមួយគ្នានេះកម្ពុជាក៏មានគោលដៅអភិវឌ្ឍន៍សំខាន់ៗរបស់ខ្លួនផងដែរដោយផ្តោតលើសមធម៌ បរិយាប័ន្ន គុណភាពអប់រំ សិក្សាពេញមួយជីវិត និងសម្រាប់ទាំងអស់គ្នា។ ហេតុនេះចាប់ពីថ្ងៃនេះទៅ បើនិយាយពីប្រព័ន្ធអប់រំ គឺគេចាប់ផ្តើមផ្តោតលើគុណភាពជាចម្បង។
ចំពោះឱកាសនៅថ្នាក់តំបន់វិញ ឯកឧត្តមបានលើកឡើងថា ក្រៅពីការប្រជុំប្រមុខរដ្ឋាភិបាលអាស៊ាន យើងក៏មានការប្រជុំជាទៀងទាត់រវាងរដ្ឋមន្ត្រីអប់រំនៅអាស៊ានផងដែរ ដើម្បីជជែកគ្នា ពិភាក្សា និងដឹងថា តើយើងស្ថិតនៅកម្រិតណា? ហើយខ្វះខាតអ្វីខ្លះ? និងត្រូវបន្តអភិវឌ្ឍអ្វីខ្លះបន្ថែមទៀត?។ ចំណែកឯកម្រិតជាតិវិញ គឺកម្ពុជាមានចក្ខុវិស័យ2030 និង2050 ដែលផ្តោតសំខាន់លើសេដ្ឋកិច្ចឌីជីថល និងសង្គមឌីជីថល ដែលក្នុងនោះអ្វីដែលចាំបាច់សម្រាប់យើងដើម្បីសម្រេចគោលដៅគឺការអប់រំ។ ក្រៅពីនេះទៀតកម្ពុជាក៏មានគោលនយោបាយអភិវឌ្ឍន៍ឧស្សាហកម្ម2015-2025 ដែលយើងអាចនឹងឈានទៅការប្រកួតប្រជែងជាមួយបណ្តាប្រទេសមួយចំនួន ជាមួយនឹងកំណើនសេដ្ឋកិច្ចចំនួន 7%។ ឱកាសមួយផ្សេងទៀតគឺចំនួនប្រជាជនបច្ចុប្បន្ន ប្រមាណជា 15លាននាក់ ឬអាចកើនដល់16លាននាក់ បន្ទាប់ពីធ្វើជំរឿនគេបានរកឃើញថា ប្រជាជនដែលប្រើប្រាស់ទូរស័ព្ទ មានរហូតដល់ទៅ 117% ដោយឡែកអ្នកប្រើប្រាស់អុីនធើណិតមាន 68% ដែលចំណុចនេះបានបង្ហាញថា ប្រជាជនយើងបានសម្របខ្លួនរួចជាស្រេចជាមួយនឹងបច្ចេកវិទ្យា។ ចំពោះកម្លាំងពលកម្មវិញ យើងឃើញថាប្រជាជនកម្ពុជាចន្លោះពី 15ឆ្នាំ ដល់ 64ឆ្នាំ មានដល់ទៅ 8លាននាក់ ក្នុងចំណោមប្រជាជនចំនួន 15លាននាក់ជាង ដែលនេះជាចំណុចអំណោយផលយ៉ាងសំខាន់ក្នុងការអភិវឌ្ឍ។
ចំពោះឱកាសក្នុងលក្ខខណ្ឌក្រសួងវិញគឺ យើងមានចក្ខុវិស័យអប់រំរបស់ខ្លួន មានរចនាសម្ព័ន្ធអប់រំមានខ្លឹមសារអប់រំ និងមានលទ្ធផលអប់រំដែលថ្មីៗនេះបន្ទាប់ពីបានធ្វើការកែទម្រង់ប្រព័ន្ធអប់រំ ជាពិសេសការប្រឡងបាក់ឌុប យើងមើលឃើញថា ប្រជាជន និងសាធារណជន និងអន្តរជាតិមានការទទួលស្គាល់ជាវិជ្ជមាន។ លើសពីនេះទៅទៀតក្រសួងក៏បានរៀបចំឱ្យមានសាលាជំនាន់ថ្មី មានការរៀបចំការគ្រប់គ្រងតាមសាលារៀនបែបថ្មី មានរៀបចំកម្មវិធីវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) រួមទាំងកម្មវិធីអប់រំបច្ចេកទេស និងប្រឹក្សាអាជីពជាដើម។ លើសពីនេះទៅទៀតបច្ចុប្បន្ននេះសាលាចំណេះដឹងទូទៅនៅកម្ពុជាមានសិស្សប្រមាណជាង 3លាននាក់ និងមានគ្រូរហូតដល់ទៅ 9,2817នាក់ ស្របពេលដែលយើងក៏មានដៃគូអភិវឌ្ឍន៍ជាច្រើនគាំទ្រ និងជួយដល់ក្រសួង។
សម្រាប់ពេលបច្ចុប្បន្ននេះ ដើម្បីឆ្លើយតបទៅនឹងបរិបទឌីជីថល ក្រសួងអប់រំ យុវជន និងកីឡា ក៏បានរៀបចំកម្មវិធីអន្តរជាតិចំនួន 3ដើម្បីដាក់ឱ្យនិស្សិតកម្ពុជាសិក្សាគឺទី1 បង្កើតឱ្យមានបរិញ្ញាបត្រសេដ្ឋកិច្ចឌីជីថល ទី2 ផ្នែកវិស្វកម្មទីក្រុងឆ្លាត (smart city) និងទី3គឺផ្នែកបច្ចេកវិទ្យាហិរញ្ញវត្ថុ។
2. កត្តាប្រឈមក្នុងបរិបទបច្ចេកវិទ្យាចំពោះកត្តាប្រឈមវិញ
ឯកឧត្តមបណ្ឌិតសភាចារ្យ ណាត ប៊ុនរឿន បានបញ្ជាក់ថា ការកែទម្រង់ ឬអភិវឌ្ឍន៍វិស័យអប់រំមិនអាចធ្វើបានក្នុងរយៈពេលមួយយប់នោះទេ ហើយក៏មិនអាចធ្វើយូរអូសបន្លាយដូចរឿងមួយពាន់មួយយប់ដែរ ហេតុនេះយើងត្រូវការពេលវេលា និងដោះស្រាយឧបសគ្គជាច្រើន។ ការរៀបចំប្រព័ន្ធអប់រំត្រូវតែប្រុងប្រយ័ត្ន មិនអាចយកមនុស្សមួយជំនាន់ទៅសាកល្បងបានទេ ព្រោះមនុស្សជាកុមារ ជាយុវជនមិនមែនជាសត្វកណ្តុរដែលត្រូវពិសោធនោះទេ។ ការចាប់ផ្តើមរៀបចំប្រព័ន្ធអប់រំគឺត្រូវចាប់ផ្តើមធ្វើជាជំហានៗដោយប្រុងប្រយ័ត្នបំផុត ចាប់ផ្តើមពីតូចបំផុតតែត្រូវកំណត់ពីគុណភាព។ឯកឧត្តមបញ្ជាក់ផងដែរថា ដូចយើងបានមើលឃើញហើយថា ឱកាសល្អរបស់យើង គឺយើងមានគ្រឹះស្ថានសិក្សារហូតដល់ទៅ 125គ្រឹះស្ថាន ទាំងរដ្ឋ និងឯកជន តែចំនួននិស្សិតដែលចប់បរិញ្ញាបត្រជាន់ខ្ពស់តែ 1%ប៉ុណ្ណោះដែលរៀនផ្នែកវិស្វកម្ម និងបច្ចេកវិទ្យា និងនិស្សិតដែលសិក្សាផ្នែកវិទ្យាសាស្ត្រតែ 2% ប៉ុណ្ណោះ។ ហើយលើសពីនេះទៅទៀតនិស្សិតដែលបញ្ចប់ថ្នាក់បណ្ឌិតថ្មីៗនេះ 100% ជាអ្នករៀនវិទ្យាសាស្ត្រពិត ដែលនេះជាកត្តាប្រឈមរបស់កម្ពុជាក្នុងបដិវត្តន៍ឧស្សាហកម្មទី4។
ចំពោះបញ្ហាគ្រូបង្រៀនវិញ យើងឃើញថា យើងមានគ្រូ 92,817នាក់ តែក្នុងនោះមានជាង 70,000នាក់មានគុណវុឌ្ឍិទាបជាងបរិញ្ញាបត្រ។ ចំណែកឯសិស្សដែលសិក្សាថ្នាក់មធ្យមសិក្សាចំណេះទូទៅវិញ មានតែ 22%ប៉ុណ្ណោះដែលបានបញ្ចប់ការសិក្សា។ ដោយឡែកការបារម្ភរបស់យើងមួយទៀត គឺគ្រូឧត្តមសិក្សាដែលកំពុងបង្រៀនទាំង 125គ្រឹះស្ថាន មានកម្រិតគុណវុឌ្ឍិបណ្ឌិតតែ 8.10%តែប៉ុណោះ ក្រៅពីនោះគឺបញ្ចប់ត្រឹមថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ។
បើមើលទៅលើ់បញ្ហាប្រឈមក្នុងវិស័យពលកម្មវិញ យើងឃើញហើយថា កម្លាំងពលកម្មដែលមានអាយុចាប់ពី 15-64ឆ្នាំ មានដល់ទៅ 8លាននាក់លើ 15លាននាក់ តែក្នុងនោះនៅពេលវិភាគដល់កម្រិតអប់រំវិញយើងឃើញថា ក្នុងចំណោម 8លាននាក់នោះ មានអ្នកមិនបានចូលរៀន ឬចូលរៀនបានតិចតួចមានត្រឹមតែ 13.5% ដែលបញ្ហានេះប៉ះពាល់ដល់ផលិតភាពការងារផងដែរ ព្រោះពួកគាត់ប្រើកម្លាំងសុទ្ធសាធ ឬប្រើបញ្ញាតិចតួចបំផុត។ ក្រៅពីនេះ អ្នកដែលបានចប់បឋមសិក្សាមានចំនួន 27% ហើយអ្នកដែលចប់អនុវិទ្យាល័យមានចំនួន 14% ស្របពេលដែលអ្នកបញ្ចប់វិទ្យាល័យមានតែ 6%ប៉ុណ្ណោះ។ ក្នុងចំណោមនោះ អ្នកដែលបានបញ្ចប់មហាវិទ្យាល័យមានចំនួនតិចជាងគេ គឺ 5% ដែលនេះជាបញ្ហាប្រឈមមួយពាក់ព័ន្ធនឹងផលិតភាពការងារ។
បញ្ហាប្រឈមមួយថ្មីទៀត គឺរឿងគុណតម្លៃប្រពៃណី និងគុណតម្លៃសង្គមទំនើប មានន័យថា យើងមានបញ្ហាគម្លាតរវាងមនុស្សចាស់ និងចំណេះដឹងថ្មី។ បច្ចុប្បន្ននេះជាសម័យបច្ចេកវិទ្យា ដែលមនុស្សអាចផ្តល់សេវា ទទួលសេវា និងប្រើប្រាស់បណ្តាញបច្ចេកវិទ្យា តែមនុស្សចាស់នៅមិនទាន់អាចប្រើប្រាស់បាននៅឡើយ ដែលនេះជាបញ្ហាប្រឈម។ តែទោះជាយ៉ាងនេះក្តីយើងក៏មានបញ្ហាប្រឈមផងដែរចំពោះមនុស្សថ្មី និងចំណេះដឹងចាស់វិញ មានន័យថា នៅពេលដែលបច្ចេកវិទ្យាទំនើបពេក មនុស្សជំនាន់ថ្មីប្រើប្រាស់បច្ចេកវិទ្យាខ្លាំងជ្រុល ធ្វើឱ្យពួកគេបាត់បង់ការទំនាក់ទំនង លែងចេះសំពះគ្នាជាដើម ឬគម្លាតរវាងគ្រួសារកាន់តែឆ្ងាយពីគ្នាដែលនាំឱ្យមានបញ្ហា៕
យុវជនគួរព្យាយាមប្រើប្រាស់បច្ចេកវិទ្យាដើម្បីដោះស្រាយបញ្ហាសង្គមឱ្យមានប្រសិទ្ធភាពខ្ពស់
យុវជនជាកម្លាំងចលករដ៏សំខាន់ក្នុងការចូលរួមលើដំណោះស្រាយបញ្ហាប្រឈមនានាក្នុងសង្គម ដូចជាបញ្ហាអប់រំពីគ្រោះថ្នាក់ចរាចរណ៍ ការសម្អាតបរិស្ថានសង្គម វប្បធម៌ និងបញ្ហាជាច្រើនផ្សេងទៀតទៅតាមជំនាញ និងទេពកោសល្យរបស់ពួកគេ។ រឿងដែលពេញនិយមសម្រាប់យុវជនក្នុងការចូលរួមចំណែកដោះស្រាយបញ្ហាប្រឈមនៅជុំវិញខ្លួនរបស់ពួកគេ គឺការបង្កើតក្រុម ហើយនាំគ្នាអប់រំប្រជាជន ឬបង្កើតសកម្មភាពប្លែកៗដើម្បីឱ្យមនុស្សជាច្រើនបានមើលឃើញ និងបន្តសកម្មភាពវិជ្ជមានទាំងអស់នោះ។ ការធ្វើសកម្មភាពទាំងអស់នោះត្រូវបានគេមើលឃើញថា ជារឿងគំរូ និងជាចរន្តវិជ្ជមានសម្រាប់សង្គម តែនៅក្នុងយុគសម័យថ្មីនេះ យុវជនមានវិធីសំខាន់មួយផ្សេងទៀតដែលចំណាយប្រាក់តិច សន្សំពេលវេលា និងដោះស្រាយបញ្ហាបានច្រើន គឺប្រើប្រាស់បណ្តាញបច្ចេកវិទ្យា។
កញ្ញា សៀក ឡេង អ្នកសម្របសម្រួលកម្មវិធី Techno Innovation Challenge បានលើកឡើង ថា យុវជនកម្ពុជាគួរព្យាយាមសិក្សាស្វែងយល់ និងប្រើប្រាស់បច្ចេកវិទ្យាដើម្បីដោះស្រាយបញ្ហានានាក្នុងសង្គមព្រោះវាជាវិធីដែលអាចដោះស្រាយបញ្ហាបានយ៉ាង ឆាប់រហ័ស ចំណាយធនធានតិច និងមានប្រសិទ្ធភាពខ្ពស់។ បច្ចុប្បន្ននេះមានបញ្ហាជាច្រើនដែលយុវជនអាចចូលរួមប្រើប្រាស់បច្ចេកវិទ្យាដោះស្រាយ បាន ដូចជាបញ្ហាបរិស្ថាន បញ្ហាកសិកម្មបញ្ហាចំណីអាហារ និងបញ្ហាជាច្រើនផ្សេងទៀតដែលកើតឡើងនៅជុំវិញខ្លួនយើង ហើយមិនទាន់ត្រូវបានគេដោះស្រាយប្រកបដោយនិរន្តរភាពនៅឡើយ។
កញ្ញា សៀក ឡេង បាននិយាយថា៖ “តាមពិតយុវជនយើងជាច្រើនសុទ្ធតែមានសមត្ថភាពក្នុងការប្រើប្រាស់បច្ចេកវិទ្យាដើម្បីដោះស្រាយបញ្ហា ដូចជាការបង្កើត Apps ឬប្រមូលផ្តុំគ្នាបង្កើតគម្រោងឆ្លាតវៃនានាដើម្បីដោះស្រាយបញ្ហា ព្រោះការអប់រំបច្ចុប្បន្ននេះមានភាពទូលំទូលាយ ហើយវត្តមាននៃអុីនធើណិតអាចធ្វើឱ្យសិស្ស-និស្សិតសិក្សាពីចម្ងាយក៏បានដែរ”។
កញ្ញា សៀក ឡេង បានបញ្ជាក់ផងដែរថា បច្ចុប្បន្ននេះមិនថាយើងនៅទីណានោះទេ យើងសុទ្ធតែអាចប្រើប្រាស់បច្ចេកវិទ្យា ដើម្បីទាញយកប្រភពព័ត៌មានជាច្រើននៅក្នុងពិភពលោក ឬអាចទាញយកមេរៀនជាច្រើនដើម្បីសិក្សាដោយខ្លួនឯង ហើយច្នៃបច្ចេកទេសទាំងអស់នោះឱ្យត្រូវនឹងតម្រូវការជាក់ស្តែងនៅក្នុងសង្គម។ ក្រៅពីនេះ យុវជនដែលមានមូលដ្ឋានគ្រឹះផ្នែកបច្ចេកវិទ្យាខ្លះហើយ ក៏អាចអភិវឌ្ឍសមត្ថភាពរបស់ខ្លួនឯងបានផងដែរ តាមរយៈការចូលរួមក្នុងកម្មវិធីប្រកួតប្រជែងនានា ដែលក្នុងនោះមានអ្នកជំនាញជាច្រើនចាំជួយផ្តល់ជំនួយដល់ពួកគាត់ ដូចជាកម្មវិធី Techno Innovation ជាដើម ដែលយើងផ្តល់ឱកាសឱ្យយុវជនប្រើប្រាស់បច្ចេកវិទ្យាដើម្បីប្រកួតប្រជែង តែក៏ផ្តល់អ្នកជំនាញដើម្បីណែនាំពួកគាត់ដែលអនុញ្ញាតឱ្យគាត់កាន់តែមានសមត្ថភាពខ្លាំងក្នុងការបង្កើតនវានុវត្តន៍ផងដែរ។ ក្រោយពេលពួកគាត់បានទទួលការណែនាំ និងបណ្តុះបណ្តាលហើយ គាត់ក៏អាចយកគំរូនៃគម្រោងទាំងអស់នោះទៅបង្កើតជាអាជីវកម្មប្រកបដោយភាពច្នៃប្រឌិតខ្ពស់ថែមទៀតផង ព្រោះគំនិតច្នៃប្រឌិតដោយប្រើបច្ចេកវិទ្យាទាំងអស់នោះសុទ្ធតែផ្តល់ភាពងាយស្រួល និងជាជម្រើសឆ្លាតវៃសម្រាប់មនុស្សទូទៅ។
លោក អ៊ុន មាសសម្បត្តិ សហស្ថាបនិកនៃគម្រោងអាជីវកម្មដែលមានឈ្មោះថា WeChoul ;បានលើកឡើងថា នៅក្នុងសង្គមមានបញ្ហាជាច្រើនកើតឡើង ដោយក្នុងនោះមានបញ្ហាខ្លះមិនមែនជាបញ្ហាធំនោះទេ គ្រាន់តែយើងមិនទាន់មានវិធីសាស្ត្រសម្រួល ឬដោះស្រាយឱ្យបានងាយស្រួលប៉ុណ្ណោះ។ នៅពេលបញ្ហាតូចៗទាំងអស់នោះកើតឡើងដដែលៗយូរទៅ វានឹងក្លាយជាបញ្ហារ៉ាំរ៉ៃ ហើយប្រសិនបើអ្នកណាអាចដោះស្រាយវាបាន នោះយើងនឹងក្លាយជាមនុស្សដែលស្ថិតក្នុងការចងចាំ ឬក្លាយជាអ្នកដោះស្រាយបញ្ហាដែលមនុស្សគ្រប់គ្នាទទួលស្គាល់។ ក្នុងចំណោមសកម្មភាពនានា ការប្រើប្រាស់បច្ចេកវិទ្យាដើម្បីដោះស្រាយបញ្ហាជាវិធីសាស្ត្រល្អ និងមានភាពងាយស្រួលជាងគេ។
លោក អ៊ុន មាសសម្បត្តិ បាននិយាយថា៖ “សូមកុំខ្លាចបញ្ហា ឬគិតថាការប្រើប្រាស់បច្ចេកវិទ្យាជារឿងលំបាកខ្លាំងពេកដែលយើងធ្វើមិនបាន។ ឱ្យតែយើងមើលឃើញពីបញ្ហា ហើយមានឆន្ទៈក្នុងការចូលរួមដោះស្រាយ នោះយើងនឹងមានវិធីជាច្រើនដើម្បីធ្វើវាឱ្យបានមិនខាន”។
អ្នកបង្កើតសេវាកម្មដោយប្រើប្រាស់បច្ចេកវិទ្យាខាងលើបានលើកឡើងផងដែរថា ដំបូងឡើយក្រុមរបស់លោកក៏មិនសូវមានអ្នកខ្លាំងផ្នែកបច្ចេកវិទ្យាដែរតែលោកបានមើលឃើញបញ្ហារួមមួយរបស់ប្រជាជនខ្មែរ ឬភ្ញៀវទេសចរណ៍ដែលកំពុងខ្វះខាតផ្នែកជួលយានជំនិះនៅតំបន់កម្សាន្ត។ បន្ទាប់ពីកំណត់បញ្ហាហើយ លោកចាប់ផ្តើមស្វែងរកជំនួយនានា និងស្រាវជ្រាវបន្ថែមរហូតដល់បង្កើតបានជាសេវាកម្មថ្មីមួយសម្រាប់ជួលម៉ូតូដោយប្រើប្រាស់បច្ចេកវិទ្យា។ លោកបានបន្ថែមផងដែរថា មូលហេតុសំខាន់ដែលលោកប្រើប្រាស់បច្ចេកវិទ្យា ព្រោះក្រុមរបស់លោកមានគ្នាតិចមិនអាចជួយភ្ញៀវទេសចរណ៍ម្តងម្នាក់ៗឱ្យទទួលបានសេវាកម្មជួលម៉ូតូបានគ្រប់ៗគ្នានោះទេ ហើយក៏មិនអាចជួយអាជីវករដែលដាក់ជួលម៉ូតូឱ្យភ្ញៀវបានគ្រប់គ្នាដោយការទាក់ទងដោយផ្ទាល់បានដែរ។ ហេតុនេះការប្រើប្រាស់បច្ចេកវិទ្យា ជាជម្រើសឆ្លាតវៃ ដែលអាចធ្វើឱ្យគ្រប់ភាគីភ្ជាប់ទំនាក់ទំនងជាមួយគ្នាបានល្អ ចំណេញពេលវេលា និងថវិកាតិច៕
អ្នកបង្រៀន ចាំបាច់ត្រូវដឹងពីចរន្តតម្រូវការនាថ្ងៃអនាគត បើមិនដូច្នោះទេ ស្មើនឹងយើងបង្រៀនសិស្សថយក្រោយ
ការអប់រំជាកូនសោគន្លឹះនៅក្នុងសង្គមសម្រាប់គ្រប់សម័យកាលទាំងអស់លើពិភពលោក មិនថាប្រទេសអ្នកមាន ឬប្រទេសអ្នកក្រទេ តែការអប់រំនៅតែជាចំណុចមិនអាចខ្វះបានក្នុងការអភិវឌ្ឍ។ បច្ចុប្បន្ន ពិភពលោកមានការផ្លាស់ប្តូរយ៉ាងឆាប់រហ័ស ហេតុនេះការអប់រំក៏ចាំបាច់ត្រូវតែមានការផ្លាស់ប្ដូរជាវិជ្ជមានផងដែរ ព្រោះប្រសិនបើយើងនៅស្ងៀមមួយកន្លែង ក៏វានៅតែផ្លាស់ប្តូរដែរ គឺប្តូរទៅរកចរន្តអវិជ្ជមាន ដោយសារតែដើរមិនទាន់គេ។
លោក ប៉ិច ប៉ូឡែន ប្រធាននាយកប្រតិបត្តិនៃក្រុមហ៊ុន វេសឡាញ អេឌ្យូខេសិន គ្រុប បានថ្លែងថាពិភពលោកបច្ចុប្បន្ននេះមានការប្រែប្រួលយ៉ាងលឿនខណៈការអប់រំខ្លះមានអាយុកាលតាំងពីច្រើនឆ្នាំមុនហេតុនេះយើងត្រូវការការផ្លាស់ប្តូររបៀបនៃការអប់រំដើម្បីដើរឱ្យទាន់របត់ និងតម្រូវការជាក់ស្តែងរបស់ពិភពលោកទាំងបច្ចុប្បន្ន និងអនាគត។ នៅសតវត្សរ៍ទី21នេះ យើងត្រូវតែដើរឱ្យលឿន ហើយអ្នកបណ្តុះបណ្តាលត្រូវតែសម្លឹងឱ្យឆ្ងាយ ឬត្រូវមើលពីនិន្នាការចាប់ពី 10ឆ្នាំ ទៅ20ឆ្នាំទៀត ទើបអាចធានាបានថាធនធានមនុស្សជំនាន់ថ្មីរបស់យើងអាចក្លាយជាអ្នកមានសមត្ថភាពឆ្លើយតបនឹងស្ថានភាពពិតប្រាកដក្នុងទីផ្សារការងារ។ ប្រសិនបើយើងមិនមើលឱ្យឆ្ងាយ ហើយដើរឱ្យលឿនទេ មានន័យថា យើងនឹងបង្រៀនសិស្សថយក្រោយហើយ ព្រោះប្រសិនបើយើងមិនទៅមុខ ប្រទេសក្នុងតំបន់គេនឹងបង្រៀនសិស្សរបស់គេទៅមុខហេតុនេះស្មើនឹងយើងយឺតជាងគេដដែល។
លោក ប៉ិច ប៉ូឡែន បាននិយាយថា៖ “ខ្ញុំចង់ឱ្យលោកគ្រូ-អ្នកគ្រូ យល់ពីចរន្តនៃតម្រូវការការងារទៅថ្ងៃអនាគត ដើម្បីបណ្តុះបណ្តាលសិស្សឱ្យទាន់តម្រូវការ និងស្របតាមអ្វីដែលពិភពលោកត្រូវការនៅថ្ងៃអនាគត។ ប្រសិនបើយើងមិនដឹង វាស្មើនឹងយើងខំប្រឹងដោយឥតន័យ ព្រោះគោលបំណងសំខាន់របស់យើងគឺបង្រៀនក្មេងឱ្យក្លាយជាមនុស្សពូកែ មានការងារល្អធ្វើ ហើយប្រសិនបើយើងអប់រំមិនស្របនឹងអ្វីដែលជាលក្ខខណ្ឌជាក់ស្តែងនៅថ្ងៃខាងមុខ នោះពួកគេអាចនឹងមានឱកាសតិចបំផុតដើម្បីទទួលជោគជ័យក្នុងជីវិតនៅថ្ងៃក្រោយ”។
ស្ថាបនិកគ្រឹះស្ថានអប់រំខាងលើក៏បានលើកឡើងផងដែរថា សូមលោកគ្រូ-អ្នកគ្រូ និងអ្នកអប់រំទាំងអស់គិតថា យើងមិនមែនបង្រៀនតែសិស្សអាយុ 10ឆ្នាំ ឬ10ឆ្នាំជាងនោះទេ តែសូមគិតថា យើងកំពុងបង្រៀនអនាគតអ្នកដឹកនាំសហគ្រាស និងស្ថាប័នសំខាន់ៗនៅថ្ងៃអនាគត។ បច្ចុប្បន្ននេះ គាត់មានវ័យជាង 10ឆ្នាំ មិនយូរប៉ុន្មានទៀត ត្រឹមតែពេលជាង 10ឆ្នាំខាងមុខពួកគេអាចនឹងក្លាយជាម្ចាស់សហគ្រាស ប្រធានក្រុមហ៊ុន ឬអ្នកគ្រប់គ្រងស្ថាប័នសំខាន់ៗ ហេតុនេះជំនាញសម្រាប់គាត់សំខាន់ខ្លាំងណាស់សម្រាប់ក្មេងៗជំនាន់ក្រោយ និងសង្គម។ បេសកកម្មរបស់យើង គឺបណ្តុះបណ្តាលអ្នកដឹកនាំទាំងអស់នោះឱ្យមានជំនាញច្បាស់លាស់ មានសមត្ថភាពគ្រប់គ្រាន់សម្រាប់បង្រៀនសិស្ស។ ប្រសិនបើសមត្ថភាពពួកគេនៅមានកម្រិត ឬខ្វះខាតច្រើន វានឹងជះផលប៉ះពាល់អវិជ្ជមានជាច្រើនសម្រាប់សង្គមផងដែរ។
នៅកម្ពុជា បើតាមការបញ្ជាក់របស់គណៈកម្មការផលិតភាពការងារបានឱ្យដឹងថា យើងនៅមានបញ្ហាច្រើនពីគម្លាតជំនាញ និងតួនាទីនៅក្នុងស្ថាប័ន។ យោងតាមទិន្នន័យរបស់អង្គការអន្តរជាតិផ្នែកការងារ ILO បានបញ្ជាក់ថា កម្លាំងពលកម្មនៅកម្ពុជាដែលមានតំណែងជាអ្នកគ្រប់គ្រង មានប្រមាណជា 36% មានសមត្ថភាពមិនដល់តួនាទី។ មានន័យថា គាត់មានតួនាទីខ្ពស់ ជាអ្នកគ្រប់គ្រង តែសមត្ថភាពរបស់គាត់មិនទាន់សមល្មមគ្រប់គ្រាន់សម្រាប់ក្លាយជាអ្នកគ្រប់គ្រងស្ថាប័ននៅឡើយទេ។ ចំពោះបុគ្គលិកអាជីព (professional) វិញ មានប្រមាណជាង 55% មានការងារធ្វើ តែសមត្ថភាពមិនទាន់ឆ្លើយតបជាមួយនឹងតំណែងរបស់ពួកគេនៅឡើយ។ ហេតុនេះការបណ្តុះបណ្តាលជំនាញដល់ប្រជាជនជំនាន់ថ្មីរបស់កម្ពុជាជារឿងសំខាន់ដើម្បីដោះស្រាយបញ្ហាប្រឈមទាំងអស់នោះ ព្រោះប្រសិនបើយើងក្មេងៗបច្ចុប្បន្នអាចទទួលបានសមត្ថភាពខ្លាំង និងគ្រប់គ្រាន់តាំងពីនៅក្មេង ពួកគេអាចនឹងក្លាយជាមនុស្សដែលមានសមត្ថភាពគ្រប់គ្រាន់នៅថ្ងៃអនាគតហើយប្រសិទ្ធភាពការងារក៏អាចខ្ពស់តាមនោះដែរ។
លោក ប៉ិច ប៉ូឡែន បានលើកឡើងផងដែរថាបច្ចុប្បន្ននេះ តាមការបញ្ជាក់របស់វេទិកាសេដ្ឋកិច្ចពិភពលោកបានបង្ហាញថា នៅឆ្នាំ2020 តម្រូវការជំនាញនឹងត្រូវផ្លាស់ប្តូរ ព្រោះបច្ចេកវិទ្យាកាន់តែរីកចម្រើនខ្លាំងហើយប្រសិទ្ធភាពការងារក៏កាន់តែទាមទារខ្ពស់ឡើងហេតុនេះត្រឹមជំនាញរឹងដែលយើងបានរៀននៅសាលា មិនទាន់គ្រប់គ្រាន់នោះទេ។ ជំនាញដែលគេត្រូវការ គឺជំនាញច្នៃប្រឌិត ការដោះស្រាយបញ្ហា ការធ្វើការងារជាក្រុម និងបំណិនជីវិតជាដើម ហេតុនេះប្រទេសកំពុងអភិវឌ្ឍន៍ទាំងអស់ត្រូវតែខិតខំប្រឹងប្រែងឱ្យបានខ្លាំងដើម្បីទទួលឱ្យបាននូវការប្រកួតប្រជែង ព្រោះប្រទេសកំពុងអភិវឌ្ឍន៍មិនសូវមានរោងចក្រធំៗទេហេតុនេះគេត្រូវការមនុស្សដែលមានភាពច្នៃប្រឌិតខ្ពស់ដើម្បីជំរុញសេដ្ឋកិច្ចខាងក្នុងឱ្យខ្លាំង។ លោកបានលើកឡើងផងដែរថា ឆ្នាំ2020 មិនមែនជាពេលវេលាវែងឆ្ងាយខ្លាំងទៀតទេ វានឹងមកដល់ក្នុងពេលឆាប់ៗនេះហេតុនេះយើងត្រូវតែដើរឱ្យទាន់ ហើយឆ្លើយតបឱ្យបាន។ ហេតុនេះហើយទើបការអប់រំនៅកម្ពុជា ជាពិសេសក្រសួងអប់រំ លោកបានព្យាយាមយ៉ាងច្រើនដើម្បីធ្វើយ៉ាងណារៀបចំការអប់រំឱ្យឆ្លើយតបនឹងតម្រូវការជាក់ស្តែងនាថ្ងៃអនាគត។
លោក ប៉ូឡែន បានបន្ថែមថា បច្ចុប្បន្ននេះយើងនៅមានចន្លោះប្រហោងខ្លះក្នុងការអប់រំ គឺការផ្តោតតែលើពិន្ទុ ឬលទ្ធផលនៃការប្រឡងក្នុងសាលាលើវិញ្ញាសារួម។ មនុស្សម្នាក់ៗមានចំណេះដឹង ជំនាញ និងទេពកោសល្យខុសៗពីគ្នា ហេតុនេះមានសិស្សខ្លះពូកែប្រវត្តិសាស្ត្រ ពូកែភាសា តែមិនពូកែរូបវិទ្យានោះទេហេតុនេះការដែលគាត់ប្រឡងរូបវិទ្យាមិនបានពិន្ទុល្អ យើងមិនអាចវាយតម្លៃថា គាត់អន់នោះទេ ហើយសិស្សខ្លះពូកែគណិតវិទ្យា ក៏មិនប្រាកដថា គាត់ពូកែភាសាខ្មែរដែរ ហេតុនេះប្រសិនបើគាត់ប្រឡងខ្មែរមិនជាប់ ក៏មិនអាចថា គាត់អន់ដែរ។ សិស្សម្នាក់ៗមានចំណុចពិសេសរៀងៗខ្លួន ហេតុនេះការអប់រំក៏គួរតែសម្រួច និងតម្រង់ទិសឱ្យបានល្អទៅតាមស្ថានភាព បំណិន និងលក្ខខណ្ឌដែលសិស្សមាន។ ម្យ៉ាងវិញទៀត អនាគតទៅគ្រប់សហគ្រាសទាំងអស់គេត្រូវការបំណិន និងសមត្ថភាពជាក់ស្តែងច្រើនជាងពិន្ទុក្នុងសាលា ដែលវាបញ្ច្រាស់គ្នានឹងស្ថានភាពដែលគិតពីលទ្ធផលជាចម្បង។ដើម្បីដោះស្រាយបញ្ហាទាំងអស់នេះ អ្នកបណ្តុះបណ្តាលគួរតែចាប់ផ្តើមបន្ថែមនូវអ្វីដែលជាចំណុចសំខាន់ៗពាក់ព័ន្ធនឹងអ្វីដែលសិស្សត្រូវការដើម្បីធ្វើការងារជាក់ស្តែងនៅថ្ងៃអនាគតបន្ថែមពីលើអ្វីដែលយើងធ្លាប់បានធ្វើកន្លងមក ដូចជាការបណ្តុះបណ្តាលទម្លាប់ល្អៗក្នុងផ្នត់គំនិត វិធីសាស្ត្រក្នុងការគ្រប់គ្រងហិរញ្ញវត្ថុ និងបច្ចេកវិទ្យាជាដើម៕
ប៉ុស្តិ៍លេខ៥ក្រុងពាលីរឿងថ្មី «បុប្ផាស្រុកស្រែ» ត្រៀមប្រម៉ូដសម្រស់ទេសភាពខេត្តកំពង់ចាម
ស្ថានីយ៍ទូរទស្សន៍ប៉ុស្តិ៍លេខ៥ បានលើកស្ទួយវិស័យភាពយន្ដភាគខ្មែរតាមរយៈរឿងថ្មីមួយទៀតហើយដែលមានចំណងជើងថា «បុប្ផាស្រុកស្រែ» ជារឿងដែលផ្ដល់នូវតម្លៃអប់ជីវិតក្នុងសង្គម ហើយលាយលំការតស៊ូរបស់ស្ត្រី មនោសញ្ចេតនាស្នេហាស្រក់ទឹកភ្នែក កសាងអំពើល្អជាបុណ្យកុសលហុចដល់ជីវិតប្រចាំថ្ងៃ។ រឿងភាគទូរសទស្សន៍មួយនេះ បានរៀបចំក្រុងពាលីនាព្រឹកថ្ងៃទី17 ឧសភា 2019នេះ រួមមានលោក លាង ឈែ សម្ដែងជា សាវ័ន្ដ និងកញ្ញា ជា ស្រីរ័ត្ន សម្ដែងតួឯកស្រី ឈូក រ័ត្ន។
ដើម្បីតបស្នងចំពោះការងារល្អ និងលើកតម្លៃដល់តារាខ្មែរយើង ប៉ុស្តិ៍លេខ៥ បានព្យាយាមបង្កើតរឿងភាគជាច្រើនរឿងហើយ ក្នុងគោលបំណងឱ្យទីផ្សារតារាសិល្បៈខ្មែរ កាន់តែរីកធំឡើង និងបានឱកាសរកប្រាក់កម្រៃកសាងសង្គមគ្រួសារជាប្រចាំបន្តទៀត ។ មិនត្រឹមតែ កសាងឈ្មោះឱ្យប្រជាជនកម្ពុជាតាមបណ្តាខេត្ត/ក្រុងជាច្រើនគាំទ្រតារាសិល្បៈខ្មែរនោះទេ តាមគោលបំណងរបស់ប៉ុស្តិ៍លេខ៥ គឺចង់លើកស្ទួយពីវិស័យភាពយន្តខ្មែរ និងពង្រឹងឱកាសតារាកម្ពុជាបានសាងកេរ្តិ៍ឈ្មោះបង្ហាញពីទេពកោសល្យស្នាដៃ និងបោះជំហ៊ានចូលទីផ្សារបរទេសតាមរយៈការជួយបើកផ្លូវនៃកិច្ចការសម្តែង។
លោក ស៊ិន សុផាត អគ្គនាយករងទូរទស្សន៍ប៉ុស្តិ៍លេខ៥ បានថ្លែងក្នុងវេទិកាក្រុងពាលីនោះថា នៅប៉ុស្តិ៍លេខ៥ មានក្រុមផលិតភាពយន្តខ្មែរ ដោយឡែកពីគ្នា មិនតិចក្រុមនោះទេ ដើម្បីឱ្យមានភាពយន្តល្អៗកើតចេញពីស្នាដៃផលិតករផ្សេង ដាក់ផ្សាយនៅប៉ុស្តិ៍លេខ៥សម្រាប់ម៉ោងមាស។ ប៉ុន្តែក្នុងចំណោមក្រុមទាំងនោះ ក្រុមផលិតដោយផ្ទាល់របស់ប៉ុស្តិ៍លេខ ដែលមានការសហការជាមួយផលិតករថៃ គឺជាក្រុមដែលមានសកម្មភាពចេញថតរឿងច្រើនជាង ដោយក្នុងនោះក៏មានភាពយន្តមិនតិចរឿងនោះដែរ ដែលបានថតហើយ និងចាក់ផ្សាយហើយ ទទួលបានការគាំទ្រ។ មកទល់ពេលនេះ ក្រុមផលិតដែលមានផលិតករថៃចូលរួម ផលិតស្នាដៃបាន18រឿងហើយ ដោយភាពយន្តរឿង«បុប្ផាស្រុកស្រែ» ដែលបានក្រុងពាលីកាលពីព្រឹកថ្ងៃទី17 ឧសភា គឺជាភាពយន្តទី19។ ស្នាដៃមួយនេះ លោកថា នឹងគ្រោងចំណាយពេលពី3ទៅ3ខែកន្លះ ដោយទីតាំងសំខាន់ៗគឺ ជាយរាជធានីភ្នំពេញ និង នៅខេត្តកំពង់ចាម។ ក្នុងនោះ សួនផ្កាឈូករ័ត្ន នៅជិតស្ពានគីសូណា ខេត្តកំពុងចាមក៏ត្រូវបានយកមកប្រូម៉ូដក្នុងភាពយន្តនេះទាំងស្រុង។
គួរបញ្ជាក់ផងដែរថា ក្នុងពិធីសម្ពោធរឿង«បុប្ផាស្រុកស្រែ» ក្រៅពីវត្តមានថ្នាក់ដឹកនាំតំណាងឱ្យប៉ុស្តិ៍លេខ៥ និងតំណាងផលិតករថៃ ក៏មានវត្តមានតារាៗមួយចំនួនចូលរួមផងដែរ ដូចជា អ្នកនាង ស្វែង សុជាតា លោក ជា លាង ឈែ កញ្ញា ផាណាម៉ុច អ្នកស្រី ញឹម សុខា អ្នកស្រី ផល្លា លោក អ៊ឹង សុធារិទ្ធិ និងតារាចាស់ក្មេងជាច្រើនរូបទៀត៕
តម្លៃផ្លូវការរបស់ OnePlus 7 និង 7 Pro បានប្រកាសឱ្យដឹងហើយ...
ក្រុមហ៊ុន OnePlus ទើបនឹងបញ្ចប់ការប្រកាសវត្តមានជាផ្លូវការនូវស្មាតហ្វូនជំនាន់ចុងក្រោយរបស់ខ្លួន 2ម៉ូដែលគឺ OnePlus 7 និង7Pro កាលពីយប់មិញនេះ។
តម្លៃ OnePlus 7 Pro៖
-ជម្រើស RAM 6GB មេម៉ូរី 128GB តម្លៃ៖ 837ដុល្លារ
-ជម្រើស RAM 8GB មេម៉ូរី 256GB តម្លៃ៖ 902ដុល្លារ
-ជម្រើស RAM 12GB មេម៉ូរី 256GB តម្លៃ៖ 1031 ដុល្លារ
សម្រាប់លក្ខណសម្បត្តិ OnePlus 7 រាងទាបជាង 7 Pro បន្តិច គឺអេក្រង់ឆក គ្មានកោងទំហំ 6.4អ៊ិញ តែជាប្រភេទ AMOLED Display មានRefresh rate ខ្ពស់ដូចគ្នា។ ផ្នែកកាមេរ៉ាក្រោយ 2គ្រាប់(48+5MP) ប្រើលេនស៍ធម្មតា (PDAF, OIS) សម្រាប់ជំនួយទប់លំនឹងពេលថតវីដេអូ។ អាចថតវីដេអូបានដល់ 2160p@30/60fps។ ឯកាមេរ៉ាមុខ Sefie 1គ្រាប់ទំហំ 16មេហ្គាភិកសែល។ មាន 2ពណ៌ គឺប្រផេះ និងក្រហម។
តម្លៃ OnePlus 7៖
-ជម្រើស RAM 6GB មេម៉ូរី 128GB តម្លៃ៖ 643ដុល្លារ
-ជម្រើស RAM 8GB មេម៉ូរី 256GB តម្លៃ៖ 708ដុល្លារ៕
បើចង់ជ្រាបច្បាស់ សូមទស្សនាវីដេអូខាងក្រោម៖
iPhone ស៊េរីចាប់ពីអេក្រង់ 4អ៊ិញឡើងទៅ សង្ឃឹមតិចណាស់ក្នុងការ Update ទៅ iOS
iPhonesoft.fr បានចុះផ្សាយថា ប្រព័ន្ធប្រតិបត្តិ iOS 13 នឹងមិនធ្វើការគាំទ្រលើឧបករណ៍ប៉ុន្មានម៉ូដែលនោះទេ ដោយសារតែមួយចំនួនទើបតែប្រកាសមិនដល់ 3ឆ្នាំផង ដែលរួមមាន iPhone 5s ដែលប្រកាសកាលពីឆ្នាំ2013 នៅជំនាន់ iOS 7 និង iPhone 6/6 Plus ដែលប្រកាសនៅឆ្នាំ2014 ពោលគឺមានអាយុកាលខ្ទង់ 5ឆ្នាំមកហើយ។
តែ iPhone SE ដែលចេញក្នុងឆ្នាំតែមួយដូចជំនាន់ 6sនោះ ប្រភពដដែលបានបញ្ជាក់ថា ដោយសារ Apple ចង់បំបាត់ការគាំទ្រលើ iPhone អេក្រង់ទំហំ 4អ៊ិញ។
ឯ iPad គេរំពឹងថានឹងមាន iPad Mini 2 និង iPad Air ដោយត្រកូល Air ក៏បង្ហាញខ្លួនក្នុងឆ្នាំតែមួយដូច iPhone 5s ដែរ។ iOS 13 ត្រូវបានគេដឹងថានឹងដាក់ឱ្យប្រើប្រាស់ជាផ្លូវការនៅអំឡុងថ្ងៃសម្ពោធ iPhone សេរ៊ីឆ្នាំ2019 នាខែកញ្ញា៕
Galaxy Note 10 នឹងបំពាក់កាមេរ៉ាក្រោយ 4 គ្រាប់សុទ្ធតែខ្លាំងៗ
ចាប់តាំងពីឆ្នាំ2011 ដែល Samsung បានប្រកាសចេញដំបូងគេនូវប្រភេទទំហំ DRAM 1GB ដាក់លើស្មាតហ្វូនបន្តរហូតដល់ 6GB នៅឆ្នាំ2015 និងឡើងទៅ 8GB នៅឆ្នាំ2016 នោះ ឥឡូវមកដល់ជំនាន់ DRAM 12GB LPDDR4X ឆ្នាំ2019 ប្រភេទ eUFS ជំនាន់ (3.0) ដែលទើបតែប្រកាសជាផ្លូវការកាលពីថ្ងៃទី14 ខែឧសភាកន្លងទៅថ្មីៗនេះឯង។
ប្រការនេះបានធ្វើឱ្យ Galaxy Note 10 ដែលគ្រោងនឹងចេញនៅពាក់កណ្ដាលឆ្នាំ 2019នេះ នឹងក្លាយជាស្មាតហ្វូនដែលមានទំហំផ្ទុកធំជាងគេ(1TB) ហើយកម្លាំងក៏ខ្លាំងជាងគេដែរ។
Note 10 ត្រូវបានគេរំពឹងថា នឹងបំពាក់បន្ទះឈីប Exynos 9825 SoC (10nm-class (1y-nm) ផ្ដល់ល្បឿនគណនា និងបញ្ជូនទិន្នន័យលឿនខ្លាំងមែនទែន ត្រឹមតែ 34,1ប៉ុណ្ណោះ(ជីហ្គាប៊ិតក្នុង 1វិនាទី)។
ក្រៅពីនោះនៅមានផ្នែកកាមេរ៉ា គឺខាងក្រោយនឹងឡើងដល់ 5គ្រាប់សម្រាប់ Note 10 Pro ឯខាងក្រោយ4 សម្រាប់ Note 10។ ចំពោះតួនាទីលេនស៍នីមួយៗវិញក៏ខ្លាំងៗណាស់ដែរ។
ជាងនេះទៅទៀត នឹងមានរន្ធកណ្តាលអេក្រង់មួយ ទុកដាក់លេនស៍កាមេរ៉ាមុខ ដែលខុសពីម៉ូដែល Galaxy S10/S10+ ដែលប្រើប្រាស់នៅផ្នែកចំហៀង។
សេរ៊ី Note ឆ្នាំ2019 នេះ គេជឿជាក់ថា នឹងបំពាក់នូវអេក្រង់កោងខ្លាំងបំផុតដែលមិនធ្លាប់មានក្នុងប្រវត្តិសាស្ត្រត្រកូល Note៕
