Samsung នឹងប្រកាសចេញស្មាតហ្វូនម៉ូដែល Galaxy A90 មានបំពាក់ដោយប្រព័ន្ធ 5G ដែលវានឹងជាទូរស័ព្ទធុនកណ្ដាលដំបូងគេរបស់ Samsung ដែលប្រើប្រព័ន្ធទំនាក់ទំនងជំនាន់ថ្មី ក្រោយពេលប្រកាស Galaxy Note 10 ជាផ្លូវការ។
Galaxy A90 នឹងមានប្រភេទ 5G និងមានប្រព័ន្ធគាំទ្រការសាកថ្មកម្លាំង 45វ៉ាត់ទៀតផង។ ប្រសិនពិតមែន ស្មាតហ្វូនមួយនេះអាចសាកថ្មបានលឿនជាង Galaxy S10 5G តម្លៃថ្លៃ ដែលមានកម្លាំងសាកតែ 25វ៉ាត់ទៅទៀត។
A90 នឹងមាន 2ប្រភេទ មួយមាន 5G មួយទៀតគ្មាន 5G។ ទាំង 2ប្រភេទនេះ ប្រើបន្ទះឈីប Snapdragon 855 អេក្រង់ទំហំ 6.7អ៊ីញ និងមានទ្រនាប់ស្គែនខ្ចៅដៃលើអេក្រង់។
ទាក់ទងនឹងកាមេរ៉ាវិញ លើប្រភេទទាំង2 នឹងប្រើកាមេរ៉ាប 3គ្រាប់ ដែលមានកាមេរ៉ាមេកម្រិត 48MP ប្រភេទ 5G មានគួបផ្សំដោយកាមេរ៉ាកម្រិត 8MP និង 5MP ហើយប្រភេទគ្មាន 5G នឹងមានអមដោយកាមេរ៉ា 12MP និង 5MP។ ឯលក្ខណសម្បត្តិវិញ ត្រូវបានគេដឹងបន្តិចបន្តួចហើយ ប៉ុន្តែកាលបរិច្ឆេទប្រកាសចេញ រួមនឹងតម្លៃ នៅមិនទាន់មានប្រភពណាបញ្ចេញឱ្យដឹងនៅឡើយទេ៕
ផ្សារ ធីខេ អ៊ែវ៉ឺន្យូ (TK Avenue) មានទីតាំងស្ថិតនៅផ្លូវកែង មានផ្លូវធំទូលាយ ស្ថិតនៅក្នុងតំបន់ទីប្រជុំជន ជិតសាលារៀន ធនាគារ និងអគារពាណិជ្ជកម្មផ្សេងៗ ចំណែកបរិយាកាសនៅទីនេះវិញ គឺស្រស់ស្រាយជាមួយនឹងធម្មជាតិ ព្រោះនៅផ្សារ ធីខេ អ៊ែវ៉ឺន្យូ (TK Avenue) សម្បូរទៅដោយដើមឈើ និងរុក្ខជាតិនានា។ លោកអ្នកអាចអង្គុយលំហែកាយ ស្រូបយកខ្យល់អាកាសបរិសុទ្ធ ព្រមទាំងងាយស្រួលក្នុងការដើរទិញទំនិញ ទទួលទានអាហារ និងមើលកុនជាមួយមនុស្សជាទីស្រឡាញ់យ៉ាងពេញចិត្តផងដែរ។ ផ្សារ ធីខេ អ៊ែវ៉ឺន្យូ មានបណ្ដុំហាងទាំងអស់ចំនួន39ហាង ដូចជា ភោជនីយដ្ឋាន ហាងលក់អាហារសម្រន់ ហាងកាហ្វេ តែគុជ ហាងទំនិញ ហាងលក់សម្លៀកបំពាក់ ស្បែកជើងកាបូប ហាងលក់គ្រឿងសម្អាង ហាងម៉ាស្សាមុខឱសថស្ថាន ហាងលក់សម្ភារអេឡិចត្រូនិកក្នុងផ្ទះ រោងកុន និងហាងសាឡនជាដើម។ ផ្សារធីខេ អ៊ែវ៉ឺន្យូ បើកបម្រើជូនអតិថិជនទាំងអស់ជារៀងរាល់ថ្ងៃ ពីម៉ោង8ព្រឹក ដល់10យប់។ ចំណែកហាងកាហ្វេវិញគឺបើកតាំងពីម៉ោង6ព្រឹកទៅ ដើម្បីបំពេញតាមត្រូវការរបស់អតិថិជន។ ផ្សារធីខេ អ៊ែវ៉ឺន្យូ រៀបចំដេគ័រតាមបែបអាស៊ីលាយបញ្ចូលគ្នាជាមួយរចនាបទរបស់ប្រទេសនៅប៉ែកអឺរ៉ុប ដោយផ្តោតទៅលើផ្នត់គំនិតសួនលំហែកាយបែបធម្មជាតិ ដែលកសាងឡើងដោយសា្ថបត្យករខែ្មរយើងតែម្តង។
ផ្សារ ធីខេ អ៊ែវ៉ឺន្យូ គឺជាផ្សារដែលប្រមូលផ្ដុំទៅដោយហាងយីហោក្នុងស្រុក និងអន្ដរជាតិល្បីៗ ដើម្បីផ្ដល់ជូននូវផលិតផល និងសេវាកម្មជាច្រើនប្រភេទយ៉ាងសម្បូរបែបនៅក្នុងទីតាំងតែមួយ៕
ចំពោះអ្នកមានគភ៌ណាដែលនៅមិនទាន់បានធ្វើការពិនិត្យឈាម អាចសាកល្បងសង្កេតមើលដោយខ្លួនឯងក៏បានថា តើខ្លួនឯងស្ថិតក្នុងសភាវលោហិតស្លេក ឬកំពុងមានភាពប្រថុយនឹងការកើតសភាវលោហិតស្លេក ឬក៏អត់? ព្រោះអាការលោហិតស្លេកនេះតែងបង្ហាញឡើងនៅលើរាងកាយ ដូចជា ខ្លួនប្រាណឡើងស្លេកស្លាំង លឿង ដៃស្លាំង បបូរមាត់ស្លេក ឆាប់វិលមុខ និងងងឹតមុខ ខ្យល់គញឹកញាប់ ឆាប់ហត់ស្ពឹកស្រពន់ – ល – បើរកឃើញថា ខ្លួនឯងមានអាការដូចខាងដើមនេះ ទោះជាក្នុងចំណុចណាមួយក៏ដោយ ឡារ៉ែន សូមណែនាំឱ្យប្រញាប់ទៅជួបលោកគ្រូពេទ្យ ដើម្បីទទួលវីតាមីនបំប៉ននិងជួសឈាមរកមើលភាពខុសប្រក្រតីផ្សេងៗទៀតផង៕
