សង្គម និងសេដ្ឋកិច្ច - La Reine Media

ឈ្នះថ្ងៃមុន Pacquiao បានតម្លៃខ្លួនប្រហែល 20លានដុល្លារ

ការប្រកួតដណ្តើមខ្សែក្រវាត់របស់ស្ថាប័ន WBA រវាងស្តេចប្រដាល់របស់ហ្វីលីពីន Many Pacquiao និងអ្នកប្រដាល់អាមេរិកាំងមិនដែលចាញ់ Keith Thurman បានបញ្ចប់ទៅហើយ នៅឯសង្វៀន MGM Grand Garden Areana ក្នុងទីក្រុង Las Vegas រដ្ឋ Nevada សហរដ្ឋអាមេរិកកាលពីព្រឹកថ្ងៃអាទិត្យកន្លងទៅ ដោយអ្នកប្រដាល់ហ្វីលីពីនជាអ្នកឈ្នះដោយពិន្ទុមិនឯកច្ឆន្ទក្រោយវាយគ្នាគ្រប់ចំនួន 12ទឹក។

បើយោងតាមវេបសាយ Forbes បានឱ្យដឹងថា ស្ដេចប្រដាល់ហ្វីលីពីននឹងទទួលបានតម្លៃខ្លួនក្នុងរង្វង់ទឹកប្រាក់ 20លានដុល្លារ ដូចកាលឡើងវាយលើកមុនជាមួយ Adrien Broner ដែរ។ ចំពោះកីឡាករអាមេរិក Keith Thurman មិនមានប្រភពណាបង្ហាញពីតម្លៃខ្លួនរបស់គេឡើយ តែត្រូវបានដឹងថា គេទទួលបានតម្លៃខ្លួនទាបជាង Pacquiao ឆ្ងាយណាស់ គឺមិនដល់ 10លានដុល្លារឡើយ៕

July 23, 2019

ចុះឈ្មោះបុត្រធីតា សិក្សាបានទាំងគ្រួសារ និងការពារការសិក្សារហូតដល់ 1ម៉ឺនដុល្លារ

ការផ្តល់ឱ្យកូននូវការអប់រំល្អប្រកបដោយគុណភាព និងការយកចិត្តទុកដាក់ខ្ពស់ ជាក្តីស្រមៃធំមួយរបស់ឪពុកម្តាយ ហើយប្រសិនបើមានការយកចិត្តទុកដាក់កាន់តែខ្លាំងពីសំណាក់ស្ថាប័នអប់រំចំពោះគ្រួសារទាំងមូលថែមទៀតផងនោះ វានឹងក្លាយជាសុភមង្គលដ៏ពិតប្រាកដសម្រាប់អាណាព្យាបាលគ្រប់រូប។

ក្រុមហ៊ុន វេសឡាញ អេឌ្យូខេសិន គ្រុប ដែលជាក្រុមហ៊ុនផ្តល់នូវសេវាកម្មអប់រំតាមរយៈសាលារៀនវ៉េស្ទឡាញន៍ សាលារៀនណត្សឡាញន៍ វិទ្យាស្ថានអភិវឌ្ឍន៍វិស័យអប់រំ សាលាអន្តរជាតិ អេបផលទ្រី សាលាអន្តរជាតិ ហ្វររ៉េសហៀល មជ្ឈមណ្ឌលភាសាចិន ឆាងឈឹង និងសាលាភាសាអង់គ្លេសលីដឺលែន ប្រកបដោយគុណភាព គុណធម៌ សុជីវធម៌ មនុស្សធម៌ ភាពជាអ្នកដឹកនាំ និងមានបទពិសោធអប់រំយូរឆ្នាំនៅកម្ពុជា ជាស្ថាប័នអប់រំមួយដែលមិនត្រឹមតែយកចិត្តទុកដាក់លើគុណភាពអប់រំតាមរយៈការផ្តល់ជូននូវកម្មវិធីសិក្សាសម្បូរបែប និងឆ្លើយតបជាមួយនឹងតម្រូវការសកលប៉ុណ្ណោះទេ តែថែមទាំងជាស្ថាប័នដែលផ្តល់ការយកចិត្តទុកដាក់គ្រប់ជ្រុងជ្រោយដល់ក្រុមគ្រួសាររបស់សិស្សថែមទៀតផង។

លោក ប៉ិច ប៉ូឡែន អគ្គនាយកនៃក្រុមហ៊ុនវេសឡាញ អេឌ្យូខេសិនគ្រុប បានលើកឡើងថា ក្នុងនាមជាស្ថាប័នអប់រំយើងចង់ចូលរួមចំណែកបង្កលក្ខណៈងាយស្រួល និងផ្តល់ការយកចិត្តទុកដាក់ខ្ពស់ដល់ភាពសុខសាន្តសម្រាប់គ្រួសារសិស្សានុសិស្ស ដែលបានសិក្សានៅសាលារៀនរបស់យើង។ ហេតុនេះហើយ ទើបឆ្នាំសិក្សាថ្មីនេះយើងផ្តល់ជូននូវកម្មវិធីពិសេសគឺ ផ្តល់ជូននូវកញ្ចប់សិក្សាសម្រាប់គ្រួសារ ការធានារ៉ាប់រងគ្រោះថ្នាក់សម្រាប់សិស្ស (personal accident) និងកម្មវិធីការពារការសិក្សាសម្រាប់សិស្ស (study protection program)។

លោក ប៉ិច ប៉ូឡែន អគ្គនាយកក្រុមហ៊ុន វេសឡាញ បានមានប្រសាសន៍ថា៖ “ក្រៅពីគិតគូរដល់លទ្ធភាព និងសម្រួលដល់ភាពងាយស្រួលសម្រាប់អាណាព្យាបាលសិស្ស ការផ្តល់ជូនកម្មវិធីថ្មីនេះ គឺជាការតបស្នងដ៏ល្អមួយដល់អាណាព្យាបាលសិស្សទាំងអស់ដែលបានផ្តល់ទំនុកចិត្តដល់ស្ថាប័នអប់រំរបស់យើង តាមរយៈការចុះឈ្មោះឱ្យកូនចូលរៀននៅបណ្តាញសាលារៀនរបស់យើង”។

ស្ថាបនិកស្ថាប័នអប់រំខាងលើបានលើកឡើងផងដែរថា អាណាព្យាបាលគ្រាន់តែបង់ថ្លៃសិក្សារយៈពេល 1ឆ្នាំ និងមុនថ្ងៃចូលរៀនរបស់កូន នឹងទទួលបានការផ្តល់ជូនខាងលើសម្រាប់កូនៗរបស់លោកអ្នក។

សេវាកម្មនេះនឹងផ្តល់ជូនចំពោះការធានាចំពោះគ្រោះថ្នាក់ពេញ 24ម៉ោង រួមទាំងប្រភេទជំងឺសំខាន់ៗមួយចំនួនទៀត។ ក្រៅពីនេះ យើងក៏ផ្តល់ជូនផងដែរនូវការការពារការសិក្សារបស់កូនៗលោកអ្នក ចំពោះនិរន្តរភាពនៃការសិក្សារបស់សិស្សរហូតដល់ 5ឆ្នាំ គិតជាទឹកប្រាក់រហូតដល់ 1ម៉ឺនដុល្លារ។ ក្នុងការរស់នៅរបស់មនុស្សគ្រប់គ្នា មិនមានអ្នកណាម្នាក់មើលឃើញមុនថា អនាគតនឹងជួបរឿងល្អ ឬរឿងអកុសលនោះទេ ហេតុនេះហើយទើបវេសឡាញ បង្កើតការធានារ៉ាប់រងនេះឡើងដើម្បីផ្តល់ជូននូវប្រព័ន្ធសុវត្ថិភាពដ៏ល្អមួយសម្រាប់បង្ការហានិភ័យដែលអាចប៉ះពាល់ដល់អនាគតរបស់សិស្ស។

សាលារៀនវ៉េស្ទឡាញន៍ សាលារៀនណត្សឡាញន៍និងសាលាភាសាអង់គ្លេសលីដឺលែន ចាប់ផ្តើមចុះឈ្មោះចូលរៀនចាប់ពីថ្ងៃនេះតទៅ និងចូលរៀនកម្មវិធីមត្តេយ្យភាសាអង់គ្លេស និងភាសាចិន នៅថ្ងៃទី1 ខែសីហា ឆ្នាំ2019 និងថ្នាក់ចំណេះដឹងទូទៅខ្មែរ ចូលរៀននៅថ្ងៃទី2 ខែកញ្ញា ឆ្នាំ2019៕

July 23, 2019

កើតមានអាការរមាស់គូទ និងមានហូរឈាម តើគួរធ្វើដូចម្តេច?

មនុស្សពេញវ័យអាចនឹងកើតមានអាការរមាស់គូទ ដែលបណ្ដាលមកពីបញ្ហាស្បែក និងការរលាក។ នៅពេលអ្នកកើតមានអាការប្រតិកម្មចាញ់ណាមួយនៅលើស្បែកនៅបរិវេណគូទ គឺវាមិនងាយនឹងបំបាត់ដោយភ្លាមៗនោះទេ ព្រោះមានបាក់តេរីជាច្រើនបានតោងជាប់នឹងស្បែកគូទរបស់អ្នក។ ថ្ងៃនេះទស្សនាវដ្ដី ឡារ៉ែន សូមជម្រាបពីការបំបាត់អាការរមាស់នៅលើស្បែកគូទ ដោយចំណាយតិច និងមានប្រសិទ្ធភាពខ្ពស់ដូចខាងក្រោម។

វេជ្ជបណ្ឌិតជាច្រើននិយាយថា រមាស់គូទអាចកើតមានលើមនុស្សគ្រប់វ័យ មិនមែនមានចំពោះតែទារកនោះទេ។ ក្នុងករណីថ្ងៃណាមួយ លោកអ្នកភ្ញាក់ពីគេង ស្រាប់តែកើតមានអាការរមាស់គូទ អេះមិនបាត់ ឬដល់ថ្នាក់អេះចេញឈាម សូមកុំទាន់អាល់ភ័យ។ វាមិនមែនតែអ្នកតែឯងនោះទេ សមាជិកខ្លះនៃគ្រួសាររបស់អ្នក មិត្តភក្តិ និងមិត្តរួមការងាររបស់អ្នកក៏ប្រហែលជាធ្លាប់កើតអាការរមាស់គូទនេះដែរ តែគ្រាប់តែពួកគេមិននិយាយប្រាប់អ្នកតែប៉ុណ្ណោះ។ មានកត្តាជាច្រើនដែលអាចបង្កឱ្យកើតមានអាការរមាស់គូទនេះ ក្នុងនោះរួមមានជំងឺត្រអក ជំងឺរលាកស្បែករ៉ាំរ៉ៃ និងជំងឺឆ្លងប្រភេទមេរោគផ្សិតជាដើម។ ជំងឺរលាកទងសួតក៏អាចបណ្តាលឱ្យកើតមានអាការរមាស់លើស្បែកនេះផងដែរ។ ជំងឺកាមរោគក៏អាចបង្កឱ្យរមាស់គូទដូចគ្នា ព្រោះជំងឺនេះកើតលើប្រដាប់ភេទ ហើយវាឆ្លងរាលដាលជុំវិញតំបន់ឯកជនរហូតដល់គូទ។ ប្រសិនបើអ្នកជួបករណីដូចរៀបរាប់ខាងលើ អ្នកគួរចំណាយពេលទៅជួបវេជ្ជបណ្ឌិត ជាពិសេសប្រសិនបើកើតមានអាការរមាស់លើប្រដាប់ភេទ។ តែប្រសិនបើអ្នកមានអាការរមាស់ត្រឹមតែបរិវេណគូទ តែអេះមិនចេះបាត់រមាស ់ អ្នកអាចបំបាត់វាបានតាមវិធីងាយទាំង5យ៉ាងដូចខាងក្រោមនេះ។

1. ប្រទាលកន្ទុយក្រពើ
ប្រទាលនេះជាថ្នាំធម្មជាតិដ៏មានប្រសិទ្ធភាពសម្រាប់ព្យាបាលអាការរមាស់គូទ។ ចូរលាបជាតិអន្ធិលៗរបស់វានៅលើតំបន់ដែលកំពុងរមាស់ប្រហែលជា10នាទី ទៅ15 នាទី រួចទើបលាងសម្អាតជាមួយទឹកស្អាតជាធម្មតា។ អនុវត្តពីរបីដងក្នុងមួយថ្ងៃ រហូតដល់ជាសះស្បើយជាការស្រេច។
2. ប្រេងដូង
ប្រេងដូងមានប្រសិទ្ធភាពខ្លាំងណាស់នៅពេលនិយាយដល់ការព្យាបាលអាការរមាស់គូទ មិនថារមាស់គូទដោយសារជំងឺត្រអក ជំងឺរលាកស្បែក ឬជំងឺផ្សិតនោះឡើយ។ លាបប្រេងដូងនៅលើតំបន់ដែលរមាស់ រួចម៉ាស្សាថ្នមៗរាល់ថ្ងៃ នោះនឹងឆាប់ជាសះស្បើយជាមិនខាន។ មួយវិញទៀត អ្នកក៏អាចយកប្រេងដូង លាយជាមួយនឹងប្រេង cinnamon បន្ទាប់មកលាបល្បាយនេះនៅលើតំបន់ដែលរមាស់នោះ ដើម្បីទប់ស្កាត់ការរីករាលដាល ឬការបន្តឆ្លងទៅកន្លែងផ្សេងទៀត។ បន្ថែមពីនេះទៅទៀត ប្រសិនបើជំងឺរមាស់ ឬរោគផ្សិតនេះ កើតមាននៅនឹងមាត់ សូមប្រើប្រេងដូងនេះ បៀម ឬខ្ពុរនៅក្នុងមាត់រយៈពេល 5នាទីទៅ10នាទីជាការស្រេច។
3. ទឹកឃ្មុំ
ទឹកឃ្មុំក៏មានប្រសិទ្ធភាពខ្ពស់ដូចជាប្រេងដូងដែរ។ លាបវានៅលើតំបន់ដែលរមាស់ផ្អាប់ទុកកន្លះម៉ោង រួចសឹមងូតទឹកសម្អាតខ្លួនប្រាណ។ទឹកឃ្មុំមានរាងស្អិតបន្តិច តែប្រសិនបើអ្នកមានប្រទាលកន្ទុយក្រពើ ឬប្រេងដូង គួរប្រើពួកវាជំនួសទឹកឃ្មុំ គឺស្រណុកចិត្តជាង។
4. ទឹកដោះគោជូរ
ទឹកដោះគោជូរ គឺមានផ្ទុកដោយសារធាតុ និងវីតាមីនជាច្រើន ដែលអាចជួយការពារ និងគ្រប់គ្រងអាការរមាស់នេះ មិនឱ្យរីករាលដាលទៅតំបន់ផ្សេងៗទៀត នៃស្បែករបស់អ្នកបានយ៉ាងមានប្រសិទ្ធភាព។
វិធីទី1 ៖ សូមប្រើទឹកដោះគោជូរធម្មតា និងយកសំឡីផ្តិតជូតថ្មមៗនៅកន្លែងដែលកើតមានអាការរមាស់ រួចទុកចោលរយៈពេល 20នាទី ទៅ30នាទី ឬទុកចោលមួយយប់ បន្ទាប់មកលាងសម្អាតជាមួយនឹងទឹកស្អាតចេញវិញជាការស្រេច។ វិធីនេះ នឹងជួយព្យាបាល និងបំបាត់នូវភាពឈឺចាប់របស់អ្នកបានយ៉ាងល្អប្រសើរ។
វិធីទី2 ៖ សូមយកប្រេងដូងលាយជាមួយទឹកដោះគូជូរ លាបនៅលើកន្លែងដែលកើតមានអាការរមាស់ ឱ្យបាន3ដង ក្នុង1ថ្ងៃជាការស្រេច។
វិធីទី3 ៖ សូមយកទឹកក្តៅឧណ្ហៗជូត ឬសម្អាតនៅលើស្បែកដែលកំពុងរមាស់ជាមុនសិន បន្ទាប់មកអ្នកអាចធ្វើការជូតទឹកដោះជូរលាយជាមួយក្រូចឆ្មារ ហើយទុកពី10នាទីទៅ15នាទីជាការស្រេច។
5. ពិគ្រោះជាមួយគ្រូពេទ្យ
ក្នុងករណីដែលស្បែករបស់អ្នកនៅតែបន្ដរមាស់មិនឈប់ និងកើតអាការផ្សេងឡើងមកទៀតនោះ សូមងាកទៅពិគ្រោះជាមួយគ្រូពេទ្យស្បែកជាមុនសិន មុននឹងសាកល្បងប្រើប្រាស់ថ្នាំដោយខ្លួនឯង៕

July 23, 2019

បេក្ខជនប្រឡងបាក់ឌុប គួរចាប់ផ្តើមងាកមកប្រឡងសាកល្បងតាមរយៈកម្មវិធីរបស់ក្រសួងអប់រំ ដើម្បីហ្វឹកហាត់ស្មារតី

នៅសល់តែប៉ុន្មានថ្ងៃទៀតប៉ុណ្ណោះ ការប្រឡងមធ្យមសិក្សាទុតិយភូមិ នឹងចូលមកដល់ ដែលជាហេតុធ្វើឱ្យបេក្ខជនទាំងអស់ចាំបាច់ត្រូវខិតខំប្រឹងប្រែងរំឭកមេរៀន និងជាពិសេសគឺដំណាក់កាលនៃការប្រឡងសាកល្បងដោយខ្លួនឯង។

កាលពីសម័យមុន ការប្រឡងសាកល្បង ឬអនុវត្តនៅផ្ទះដោយខ្លួនឯង បេក្ខជនភាគច្រើនត្រូវទិញសៀវភៅកម្រងវិញ្ញាសាដើម្បីយកមកសាកល្បងអនុវត្តផ្ទាល់ និងបន្ទាប់មកទើបបើកមើលចម្លើយនៅផ្នែកម្ខាងទៀតនៃសៀវភៅ តែបច្ចុប្បន្ននេះ ដោយសារតែបច្ចេកវិទ្យាកាន់តែទំនើប ក្រសួងអប់រំ យុវជន និងកីឡា បានបង្កើតគេហទំព័រមួយដើម្បីជួយដល់សិស្សឱ្យធ្វើតេស្តសមត្ថភាពបានដោយឥតគិតថ្លៃ។

ដើម្បីចូលទៅធ្វើតេស្តសមត្ថភាពរបស់ខ្លួន សិស្សត្រូវចូលទៅក្នុងតំណភ្ជាប់ http://bacii.moeys.gov.kh ដែលគេហទំព័រនេះអាចផ្តល់ឱ្យសិស្សថ្នាក់ទី12 នូវការវាស់ស្ទង់សមត្ថភាពលើមុខវិជ្ជា គណិតវិទ្យា រូបវិទ្យា គីមីវិទ្យា និងប្រវត្តិវិទ្យា។ លក្ខណៈពិសេសរបស់គេហទំព័រដែលក្រសួងអប់រំ យុវជន និងកីឡា ផ្តល់ឱ្យនេះ គឺអាចដឹងលទ្ធផល និងពិន្ទុភ្លាមៗបន្ទាប់ពីធ្វើតេស្តរួច៕

July 22, 2019

ចេញរូបរាងផ្លូវការហើយ រថយន្ត Bentley ពិសេស គម្រប់ខួប 100ឆ្នាំ

ថ្មីៗនេះនៅលើវេបសាយផ្លូវការរបស់ក្រុមហ៊ុន Bentley បានបញ្ចេញឱ្យឃើញច្បាស់ពីរូបរាងផលិតផលពិសេសម៉ូដែលចុងក្រោយរបស់ខ្លួន សម្រាប់គម្រប់ខួប 100ឆ្នាំនោះហើយ គឺ Bentley Flying Spur(Limited Edition) ដែលនឹងចេញលក់យ៉ាងយូរបំផុតត្រឹមដើមឆ្នាំ2020។

រថយន្ត SUVs ដ៏ទំនើបនេះប្រើប្រព័ន្ធ AWD បំពាក់ដោយម៉ាស៊ីន W12 twin turbo ចំណុះ 6.2លីត្រ ផ្ដល់កម្លាំងបាន 626សេះ កម្លាំងស្ទុះជាន់ពី 0 ដល់100គ.ម/ម៉ចំណាយពេលត្រឹមតែ 3.7វិនាទីប៉ុណ្ណោះ។ រថយន្តនេះអាចរត់បានល្បឿនអតិបរមា គឺ 333គីឡូម៉ែត្រក្នុង 1ម៉ោង។

ចំណែកការរចនារូបរាងខាងក្នុងវិញ គឺប្រណីតខ្លាំងណាស់។ វាបំពាក់ដោយពូកកៅអីស្បែកទំនើបដ៏កម្រ មានកន្លែងបើកដំបូលបាន ប្រើបច្ចេកវិទ្យាទំនើបទាន់សម័យខុសពីរថយន្ត SUVs ដទៃ ពោលគឺជម្រើសដំបូងសម្រាប់វណ្ណៈអភិជនតែម្តង។ ចំពោះតម្លៃវិញមិនទាន់ដឹងច្បាស់នៅឡើយទេ៕

ចង់ដឹងច្បាស់ សូមទស្សនារូបរាង និងភាពប្រណីតពេញៗខាងក្រោមនេះ៖

July 22, 2019

មិនគួរឱ្យជឿសោះ! Resolution កាមេរ៉ា Fujifilm ទំហំ 102MP អាចចាប់រូបភាពដួងចន្ទពេញវង់ឡើងច្បាស់...

អ្នកជំនាញថតរូបម្នាក់បានបញ្ចេញរូបភាពប៉ុន្មានសន្លឹកដែលគាត់បានថតដោយកាមេរ៉ា Fujifilm GFX 100 ដែលមានសមត្ថភាពចាប់យករូបព្រះចន្ទពេញវង់មូលក្រឡង់ឡើងច្បាស់ ដោយកាត់ចេញ (Crop) យកត្រឹមតែ 400px ប៉ុណ្ណោះ។

អ្នកជំនាញថតរូបខាងលើ បានបង្ហើបឱ្យដឹងថា ចំពោះបច្ចេកទេសចាប់រូបភាពបែបនោះ បូកផ្សំជាមួយនឹងឡេនស៍ 87mm (portrait lens) ឬឡេនស៍ Fujinon GF 110mm f/2 R WR LM lens at f/2 ដែលមានតម្លៃប្រមាណជា 2299ដុល្លារ។ លោកបន្ថែមថា មានកត្តាច្រើនទៀតដែលអាចឱ្យលោកអាចចាប់យករូបភាពបែបនោះបាន ដូចជា ត្រូវរង់ចាំដល់ពេលយប់នាថ្ងៃ15កើត (ព្រះចន្ទពេញបូណ៌មី) និងមិនប្រើពន្លឺអ្វីជំនួយទាំងអស់ និងការអត់ធ្មត់ផងដែរ។

គួរពិចារណាដែរថា Fujifilm GFX 100 មានដាក់លក់នៅតាមវេបសាយអនឡាយចាប់ពីតម្លៃ 1ម៉ឺនដុល្លារឡើង ដូច្នេះបើបូកតម្លៃរួមទាំងឡេនស៍ និងតួកាមេរ៉ាផង អ្នកនឹងដឹងជាមិនខានថា កម្រិតរបស់អ្នកថតនោះស្ថិតនៅក្នុងកម្រិតណា...មិនមែនអ្នកល្មមៗអាចធ្វើបាននោះទេ៕

July 22, 2019

Messi J របស់ថៃ ក្លាយជាកីឡាករមានតម្លៃខ្លួនខ្ពស់ជាងគេនៅអាស៊ាន 6.1លានដុល្លារ

កីឡាករជនជាតិថៃមាឌល្អិត តែរហ័ស Chanathip Songkrasin ដែលគេឱ្យរហស្សនាមថា Messi J គឺជាកីឡាកររបស់ក្លិបឈរនៅលេខរៀងទី4 នៃលីកកំពូលរបស់ប្រទេសជប៉ុន។ រូបគេត្រូវបានដឹងថា មានតម្លៃខ្លួនខ្ពស់កប់ពពកបើធៀបជាមួយកីឡាករល្អៗផ្សេងៗទៀតរបស់អាស៊ាន។តម្លៃខ្លួនដ៏ខ្ពស់នេះបានលេចឮឡើងក្រោយពេលដែលក្លិប Hokkaido Consadole Sapporo របស់ជប៉ុនបានបង្ហើបឱ្យដឹងពីតម្លៃចរចាដែលអាចនឹងលក់កីឡាកររូបនេះចេញ ប្រសិនបើមានការស្នើសុំទិញពីសំណាក់ក្លិបផ្សេងៗ។ជាមួយនឹងតម្លៃខ្លួន 6.1លានដុល្លារនេះបានធ្វើឱ្យរូបគេក្លាយជាកីឡាករលំដាប់ទី1 របស់អាស៊ាន ដោយបានដណ្តើមតំណែងនេះពីកីឡាករអ្នកចាំទីរបស់ហ្វីលីពីនដែលបច្ចុប្បន្នកំពុងលេងនៅក្របខ័ណ្ឌកំពូលអង់គ្លេសដែលមានតម្លៃខ្លួន 3.15លានដុល្លារ៕

July 22, 2019

កាស AirPods ដាំពេជ្រ 1គូតម្លៃ 2ម៉ឺនដុល្លារ មានលក់តែ 25គូប៉ុណ្ណោះលើពិភពលោក

ថ្មីៗនេះនៅលើគណនីផ្លូវការរបស់ Hypebeast បានបញ្ចេញផលិតផលកាសឥតខ្សែដាំពេជ្រ 1,000គ្រាប់ជុំវិញមកផ្សព្វផ្សាយលើវេបសាយផ្លូវការរបស់ខ្លួន ដោយដាក់លក់ចំនួនតែ 25គូ(ឆ្វេង-ស្ដាំ)ប៉ុណ្ណោះ។

កាស AirPods ដាំពេជ្រនេះត្រូវបានរចនាឡើងដោយអ្នកជំនាញម្នាក់ឈ្មោះ Ian Delucca។ កាសនេះផងដែរ មិនត្រូវបានទម្លាយឱ្យដឹងថា មានប្រភពមកពីប្រទេសណាជាអ្នកផលិតនោះទេ ប៉ុន្តែបើចង់កុម្ម៉ង់ទិញ ទាល់តែទាក់ទងផ្ទាល់ទៅគណនី IG, Facebook ផ្លូវការរបស់ Hyperbeast តែម្តង។

សូមទស្សនារូបរាងកាសដាំពេជ្រខាងក្រោមនេះ៖

July 22, 2019

ស្មាតហ្វូនកាមេរ៉ា 5 របស់ Nokia លក់បញ្ចុះតម្លៃយ៉ាងសន្ធឹកនៅអឺរ៉ុប

Nokia 9 PureView ដែលមានកាមេរ៉ាក្រោយដល់ទៅ 5គ្រាប់បានប្រកាសចេញលក់លើទីផ្សារកាលពីពេលថ្មីៗនេះ ត្រូវបានក្រុមហ៊ុនយកមកដាក់លក់បញ្ចុះតម្លៃជាងពាក់កណ្ដាលឯណោះ។ ក្រៅពីនោះក៏មានម៉ូដែលផ្សេងទៀតដែរ ដូចជា Nokia 8.1, Nokia 7.1, និង Nokia 6.1។

នៅលើទីផ្សារប្រទេសអាល្លឺម៉ង់ និងចក្រភពអង់គ្លេស Nokia បានលក់បញ្ចុះតម្លៃចាប់ពីតម្លៃ 595ដុល្លារមកនៅត្រឹម 500ដុល្លារសម្រាប់ជម្រើសមេម៉ូរី 128GB និង RAM 6GB។ ចំណែកក្នុងទីផ្សារអាមេរិក លក់បញ្ចុះតម្លៃដល់ទៅ 200ដុល្លារ ពោលគឺពី 699ដុល្លារ មកនៅត្រឹម 499ដុល្លារដូចគ្នា។

Nokia បានអះអាងដែរថា Setup នៃកាមេរ៉ាទាំង 5គ្រាប់ រួមនឹងកាមេរ៉ាវាស់ជម្រៅនេះ អាចបង្កើតរូបភាព Bokeh កាន់តែដូចធម្មជាតិ ហើយអ្នកប្រើប្រាស់ក៏អាចកែសម្រួលកម្រិតព្រាលលើរូបភាពដែលថតហើយបានផងដែរ។ សមត្ថភាពថតវីដេអូមិនសូវអស្ចារ្យប៉ុន្មាននោះទេ ដោយអាចថតវីដេអូកម្រិត 4K ត្រឹមល្បឿន 30ប្លង់/វិនាទី។

លក្ខណសម្បត្តិផ្សេងទៀតរបស់ Nokia 9 PureView មានដូចខាងក្រោម ៖ អេក្រង់ទំហំ 6អ៊ីញ អាចបង្ហាញរូបក្នុងកម្រិត 1440 x 2880ភិកសែល ប្រើបន្ទះឈីប Snapdragon 845, RAM ទំហំ 6GB និងអង្គផ្ទុក 128GB កាមេរ៉ាមុខកម្រិត 20MP ធន់នឹងទឹកកម្រិត IP67 មានមុខងារស្គែនមុខ និងទ្រនាប់ស្គែនបង្កប់លើអេក្រង់ ថ្មទំហំ 3320mAh ប្រើប្រព័ន្ធប្រតិបត្តិការ Android 9.0 Pie ជំនាន់ចុងក្រោយបង្អស់៕

July 22, 2019

ចាន់ រតនា ត្រៀមប៉ះ ជើងឯកចំបាប់គុយបាក្នុងព្រឹត្តិការណ៍ ONE: DREAMS OF GOLD នៅប្រទេសថៃ

កាលពីពេលកន្លងទៅនេះ ស្ថាប័ន ONE Championship បានប្រកាសអំពីការបើកកម្មវិធីប្រកួតមួយរបស់ខ្លួន គឺព្រឹត្តិការណ៍ ONE: DREAMS OF GOLD ដែលនឹងធ្វើឡើងនៅប្រទេសថៃ នាថ្ងៃទី១៦ ខែសីហា ឆ្នាំ២០១៩ ខាងមុខនេះហើយ។

ជាមួយគ្នានេះដែរ គេមានឃើញគូប្រកួតទាំងអស់សរុបចំនូន 14គូ ដែលក្នុងនោះមានកីឡាករកម្ពុជាម្នាក់ផងដែរ គឺកីឡាករ ចាន់ រតនា ត្រូវបានស្ថាប័ន ONE Championship ផ្គូផ្គងឱ្យឡើងសង្វៀនសាជាថ្មីដោយត្រូវជួបជាមួយនឹងកីឡាករសញ្ជាតិគុយបា Gustavo ”El Gladiador” Balart ដែលជាកីឡាករជម្រើសជាតិផ្នែកបោកចំបាប់ ហើយក៏ជាម្ចាស់មេដាយមាសនៅកីឡាប្រចាំទ្វីបរបស់គេទៀតផង។

គួរបញ្ជា្កក់ផងដែរថា កីឡាករ ចាន់ រតនា របស់កម្ពុជារូបនេះ 2ប្រកួតចុងក្រោយរបស់គេ សុទ្ធតែផ្តួលដៃគូឱ្យសន្លប់នៅទឹកទី2 ទាំងអស់៕

July 22, 2019

Category: សង្គម និងសេដ្ឋកិច្ច