ងាកមកមើលជីវិតឯកជនរបស់កីឡាករលំដាប់ពិភពលោក Lionel Messi វិញម្ដង គេនឹងមើលឃើញពីយន្តហោះផ្ទាល់ខ្លួនរបស់ Messi ដែលមានតម្លៃដល់ទៅ 12លានអឺរ៉ូ ដែលជាយន្តហោះមួយក្នុងចំណោមយន្តហោះផ្ទាល់ខ្លួនពិសេសៗដែលកីឡាករបាល់ទាត់ល្បីៗមានសម្រាប់ធ្វើដំណើរជាលក្ខណៈឯកជន។
យន្តហោះដ៏ថ្លៃ 1គ្រឿងនេះត្រូវបានផលិតឡើងនៅក្នុងប្រទេសអាហ្សង់ទីន ដែលរចនាឡើងយ៉ាងល្អប្រណីត និងមានឈ្មោះរបស់សមាជិកគ្រួសាររបស់គេនៅតាមកាំជណ្តើរឡើង និងមានស្លាកសញ្ញាដែលរចនាឡើងពីហត្ថលេខារបស់កីឡាកររូបនេះផ្ទាល់តែម្តង។
ចំណែកឯផ្នែកខាងក្នុងវិញ មានផ្ទះបាយ1 បន្ទប់ទឹកចំនួន2 និងមានកៅអីសម្រាប់អ្នកដំណើរចំនួន 16ឈុត ដែលមានលក្ខណៈដូចជាគ្រែគេងនៅក្នុងបន្ទប់ដេកនៅពេលដែលអ្នកជិះចង់គេងសម្រាកពេលធ្វើដំណើរផ្លូវឆ្ងាយ៕
Category: សង្គម និងសេដ្ឋកិច្ច
តោះ! នាំគ្នាមកមើលយន្តហោះផ្ទាល់ខ្លួនរបស់ Messi ដែលមានតម្លៃ 12លានអឺរ៉ូ
កម្ពុជា បានត្រឹមលេខ4 នៅ Homeless World Cup ឆ្នាំនេះ
កម្មវិធី Homless World Cup 2019 ដែលបានធ្វើឡើងនៅក្នុងប្រទេសអង់គ្លេស និងបានផ្តល់សិទ្ធិឱ្យកម្ពុជាចូលរួម ដោយមានកីឡាករវ័យក្មេងចំនួន 8រូបទៅចូលរួមប្រកួតប្រជែងគ្នាជាមួយនឹងក្រុមបាល់ទាត់តំណាងឱ្យជនអនាថាចំនួន 72ក្រុម មកពី 48ប្រទេស និងមានពានរង្វាន់ជាច្រើនក្នុងកម្មវិធីនេះ។
កម្ពុជាដែលជាជើងឯកកាលពីឆ្នាំចាស់ បានបញ្ជូនយុវជនចំនួន 8នាក់ទៅចូលរួមការប្រកួតខាងលើ ដោយក្នុងនោះរួមមាន យ៉េង សុខរ៉ា សុខ ប៉ុនតាន ទុំ វុត្ថា ផល វ៉ាន់ណេត សំ ដាំ គូ រ៉ាត់ ស្រី មករា និងជា សីមា។ តែជាលទ្ធផល គឺក្រុមកម្ពុជាធ្វើមិនសូវបានល្អឡើយ ដោយបានបញ្ចប់ត្រឹមចំណាត់ថ្នាក់លេខ4 នៃកម្រិតទី5 របស់ការប្រកួតនេះតែប៉ុណ្ណោះ។
គួរបញ្ជាក់ផងដែរថា កម្ពុជាបានចូលរួមប្រកួតបាល់ទាត់ក្នុងកម្មវិធីដែលបង្កើតឡើងតាំងពីឆ្នាំ2003 នេះ ជាច្រើនលើកមកហើយ និងធ្លាប់ឈ្នះជើងឯកទៀតផង៕
ម៉ឺន សុភា ត្រៀមសងសឹកដៃគូចាស់កាលពីស៊ីហ្គេមនៅប្រទេសថៃ នាសប្តាហ៍ក្រោយនេះ
កីឡាករប្រដាល់គុនខ្មែរ ម៉ឺន សុភា នឹងត្រូវឡើងសង្វៀនដ៏ធំមួយនៅប្រទេសថៃ Thailand Super Champ ដោយត្រូវប៉ះជាមួយនឹងកីឡាករមេដាយមាស ប្រដាល់សេរី SEA GAMES 2017។
កីឡាករទាំង 2រូបនេះ ធ្លាប់ប៉ះគ្នាម្តងហើយកាលពីការប្រកួតស៊ីហ្គេម ដែលកាលនោះ Diesellek បានទទួលជ័យជម្នះគ្រងមេដាយមាស ខណៈដែល ម៉ឺន សុភា បានត្រឹមមេដាយប្រាក់ក្រោយចាញ់ដោយពិន្ទុ៕
គួរបញ្ជាក់ផងដែរថា កាលពីសប្តាហ៍មុន ក្នុងកម្មវិធីខាងលើមានកីឡាករខ្មែរ 2រូបបានចូលរួមប្រកួតក្នុងនោះមាន៖ ធន់ ចាន់តាក់ និងគង់ សំបូរ។ ប៉ុន្តែលទ្ធផលរបស់អ្នកទាំង2 គឺមិនល្អឡើយ ដោយចាន់តាក់ ចាញ់ពិន្ទុ ស្ដារប៊យ ខណៈ សំបូរសន្លប់ទឹកមួយក្រោមរន្ទះជើងរបស់កីឡាករ Rittidech Vor.Wantawee៕
ប្រព័ន្ធចុះទិដ្ឋាការបញ្ជិកាផលិតផលឱសថតាមប្រព័ន្ធអនឡាញ ត្រូវបានប្រកាសដាក់ឱ្យប្រើប្រាស់
ក្នុងការលើកកម្ពស់ការងារគ្រប់គ្រងផលិតផលឱសថ និងគ្រឿងសម្អាងឱ្យបានកាន់តែប្រសើរបន្ថែមទៀត សំដៅចូលរួមចំណែកក្នុងការលើកកម្ពស់គុណភាពសេវាសុខាភិបាលក្នុងប្រទេស រដ្ឋមន្ត្រីក្រសួងសុខាភិបាលបានប្រកាសដាក់ឱ្យប្រើប្រាស់ជាផ្លូវការនូវ «ប្រព័ន្ធចុះទិដ្ឋាការ បញ្ជិកាផលិតផលឱសថតាមប្រព័ន្ធអនឡាញកម្ពុជា» (Cambodia Pharmaceutical Online Registration System “CamPORS”) ។
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានថ្លែងថា៖«ការដាក់ឱ្យប្រើប្រាស់ប្រព័ន្ធអនឡាញនាពេលនេះ គឺដើម្បីលើកកម្ពស់ការងារគ្រប់គ្រងផលិតផលឱសថ និងគ្រឿងសម្អាងឱ្យបានកាន់តែប្រសើរបន្ថែមទៀត សំដៅចូលរួមចំណែកក្នុងការលើកកម្ពស់គុណភាពសេវាសុខាភិបាលក្នុងប្រទេស ហើយការប្រើប្រាស់ប្រព័ន្ធចុះទិដ្ឋាការបញ្ជិកាផលិតផលឱសថតាមប្រព័ន្ធអនឡាញកម្ពុជា ឬហៅថា CamPORS នេះក៏ជាកំណែទម្រង់មួយដ៏មានសារៈសំខាន់ និងជាប្រវត្តិសាស្ត្រនៃវិស័យសុខាភិបាលកម្ពុជាក្នុងការគ្រប់គ្រងផលិតផលឱសថ និងគ្រឿងសម្អាងផងដែរ។
ក្រសួងសុខាភិបាលបានដាក់ចេញនូវយន្តការគ្រប់គ្រង ត្រួតពិនិត្យ ប្រយុទ្ធប្រឆាំងឱសថ និងគ្រឿងសម្អាងក្លែងក្លាយ និងអន់គុណភាពនៅក្នុងព្រះរាជាណាចក្រកម្ពុជា ដូចជា ៖
1− សហការជាមួយស្ថាប័នមានសមត្ថកិច្ចផ្សេងៗទៀតក្នុងការចុះបង្ក្រាបករណីចែកចាយ ឬលក់ផលិតផលឱសថ និងគ្រឿងសម្អាងខុសច្បាប់។
2− ការប្រយុទ្ធប្រឆាំងការលក់ឱសថតាម online ដែលជាផលិតផលគ្មានប្រភពច្បាស់លាស់ ឬក្លែងក្លាយ គ្មានការទទួលស្គាល់ពីក្រសួងសុខាភិបាល ដែលអាចបង្កគ្រោះថ្នាក់ដល់សុខភាពរបស់ប្រជាពលរដ្ឋ។
3– ការប្រើប្រព័ន្ធអនឡាញ CamPORS និង QR Code ដើម្បីងាយស្រួលក្នុងការត្រួតពិនិត្យ។
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានដឹកនាំក្រុមការងារអភិវឌ្ឍន៍ប្រព័ន្ធអនឡាញ CamPORS នេះ បានលើកឡើងអំពីអត្ថប្រយោជន៍នៃប្រព័ន្ធនេះថា ប្រព័ន្ធនេះនឹងជួយកាត់បន្ថយបាននូវការចំណាយ ធានាបាននូវតម្លាភាព គណនេយ្យភាព ប្រសិទ្ធភាព បង្កលក្ខណៈងាយស្រួល ឆាប់រហ័ស អាចធ្វើបានគ្រប់ពេលវេលា និងគ្រប់ទីកន្លែង ព្រមទាំងសម្រួលដល់ភ្នាក់ងារត្រួតពិនិត្យឱសថក្នុងការចុះត្រួតពិនិត្យផលិតផលឱសថ និងគ្រឿងសម្អាងលើទីផ្សារ។លោកស្រីក៏បានបញ្ជាក់ផងដែរថា ក្រសួងសុខាភិបាលនឹងចាប់ផ្តើមអនុវត្តការប្រើប្រព័ន្ធ QR Code នៅលើវិញ្ញាបនបត្រ និងបានចេញប្រកាសរបស់ក្រសួងរួចហើយលើការបិទដាក់លើប្រអប់ផលិតផលឱសថ និងគ្រឿងសម្អាងនូវ QR Code ដើម្បីពង្រឹងការងារគ្រប់គ្រងឱសថ ឧបករណ៍បរិក្ខារពេទ្យ និងគ្រឿងសម្អាងដើម្បីងាយស្រួលក្នុងការគ្រប់គ្រង និងត្រួតពិនិត្យផលិតផលលើទីផ្សារកម្ពុជា។
លោកស្រីវេជ្ជបណ្ឌិត Li Ailan តំណាងអង្គការសុខភាពពិភពលោកប្រចាំនៅកម្ពុជា ក៏បានអបអរសាទរដល់រាជរដ្ឋាភិបាលកម្ពុជា ក៏ដូចជាក្រសួងសុខាភិបាលចំពោះការអភិវឌ្ឍប្រព័ន្ធចុះទិដ្ឋាការបញ្ជិកាផលិតផលឱសថតាមប្រព័ន្ធអនឡាញកម្ពុជាប្រកបដោយជោគជ័យនេះដែរ។ នៅតំបន់ប៉ាស៊ីហ្វិកខាងលិចនៃអង្គការសុខភាពពិភពលោក មានតែប្រទេសមួយចំនួនតូចប៉ុណ្ណោះ ដែលភាគច្រើនមានប្រាក់ចំណូលខ្ពស់មានប្រើប្រព័ន្ធអនឡាញមួយនេះ។ ដូច្នេះកម្ពុជា ជាប្រទេសមួយក្នុងចំណោមចំនួនប្រទេសចំនួនដ៏តិចតួចបំផុតដែលបានដាក់ឱ្យប្រើប្រាស់ប្រព័ន្ធអនឡាញនេះ។
លោកស្រីក៏បានបន្ថែមទៀតថា ផលិតផលឱសថមានគុណភាព គឺមិនអាចខ្វះបានសម្រាប់ការបង្ការ ការព្យាបាល និងការជួយសង្គ្រោះអាយុជីវិតមនុស្ស ដូច្នេះបទប្បញ្ញត្តិគឺចាំបាច់ ដើម្បីធានាបាននូវគុណភាព សុវត្ថិភាព និងប្រសិទ្ធភាព ។ យើងនឹងគាំទ្រដល់ការកសាងសមត្ថភាព លើកកម្ពស់បទប្បញ្ញត្តិ និងការខិតខំប្រឹងប្រែងរបស់ក្រសួងសុខាភិបាលដើម្បីលើកកម្ពស់ចំណេះដឹង និងជំនាញវិជ្ជាជីវៈក្នុងការអនុវត្តនិតិវិធីក្នុងការគ្រប់គ្រងផលិតផលឱសថឱ្យកាន់តែល្អប្រសើរឡើងថែមទៀត៕
អង្គរថាយហ្គើរ ត្រៀមជួលកីឡដ្ឋានថ្មីមួយ មកធ្វើជាទឹកដីរបស់ខ្លួន នៅរដូវកាលក្រោយ
កាលពីពេលថ្មីៗនេះ ក្លិបបាល់ទាត់ “គិរីដងរែក” ដែលជាក្លិបពាក់កណ្តាលអាជីពនៅខេត្តសៀមរាបបានប្រកាសថា ខ្លួនជិតបញ្ចប់ការសាងសង់កីឡដ្ឋានដ៏ស្រស់ស្អាតថ្មីមួយរបស់ក្លិបហើយ។
បើតាមការគ្រោងទុកកីឡដ្ឋាននេះ និងបញ្ចប់ការសាងសង់រួចរាល់នៅដើមឆ្នាំ2020 ហើយកីឡដ្ឋាននេះអាចនឹងផ្ទុកអ្នកទស្សនាបានខ្ទង់ 5ពាន់នាក់ ដែលបានចំណាយលុយក្នុងការសាងសង់អស់ប្រមាណជា 50ម៉ឺនដុល្លារ។
ដោយសារតែក្លិបមួយនេះមិនទាន់មានគម្រោងចូលរួមក្នុងលីកកំពូលកម្ពុជានៅឡើយនោះ ទើបក្លិបមានគម្រោងនឹងដាក់កីឡដ្ឋានមួយនេះនៅក្នុងការចរចាជួលឱ្យអង្គរថាយហ្គើរ ដែលជាក្លិបបាល់ទាត់ដែលលេងនៅក្នុងលីកកំពូលរបស់កម្ពុជា និងមានមូលដ្ឋាននៅខេត្តសៀមរាបនេះស្រាប់ដើម្បីយកមកធ្វើជាទឹកដីរបស់ពួកគេ៕
Ronaldo បបួល Messi មកកុងគ្នានៅអ៊ីតាលី
កីឡាករ Cristiano Ronaldo បានបង្ហាញអារម្មណ៍ពិតមួយទៅកាន់សារព័ត៌មានអ៊ីតាលីមួយ ដោយបាននិយាយថា ប្រសិនជាអាច រូបគេពិតជាចង់ឱ្យ Messi មកលេងនៅ Serie A ជាមួយនឹងខ្លួនខ្លាំងណាស់។
កីឡាករល្បីឈ្មោះដែលលេងនៅលីកអ៊ីតាលីរូបនេះ បាននិយាយថា រូបគេមិនបាននឹក Messi ទេ “តែបើអាច ខ្ញុំចង់ឱ្យគេ(Messi) មកប្រកួតប្រជែងជាមួយនឹងខ្ញុំនៅទីនេះ។ ខ្ញុំបានលេងនៅ អង់គ្លេស អេស្ប៉ាញ អ៊ីតាលី និងព័រទុយហ្គាល់ ខណៈដែល Messi បានលេងតែនៅអេស្ប៉ាញប៉ុណ្ណោះ។ ខ្ញុំគិតថា Messi ប្រហែលជានឹកខ្ញុំខ្លាំងជាង”។
គួររំឭកផងដែរថា Cristiano Ronaldo ទើបតែបានផ្លាស់ទៅលេងនៅលីកកំពូលអ៊ីតាលី កាលពីដើមរដូវកាលមុនក្នុងតម្លៃខ្លួន 117លានដុល្លារ៕
កម្ពុជា បញ្ចប់យុទ្ធនាការទាំងមិនស្គាល់រសជាតិឈ្នះ ក្នុងពានយុវជនអាយុក្រោម 15ឆ្នាំអាស៊ាន
កាលពីល្ងាចម្សិលមិញនេះ ក្រុមបាល់ទាត់អាយុក្រោម 15ឆ្នាំ ជម្រើសជាតិកម្ពុជាបានប្រកួតចាញ់ក្រុមឡាវក្នុងការប្រកួតចុងក្រោយរបស់ខ្លួនដោយលទ្ធផល 3ទល់នឹង0 ក្នុងពានរង្វាន់ AFF U15 Boy Championship 2019 នៅខេត្តឈុនបុរី នៃប្រទេសថៃហើយ។
ការប្រកួតចុងក្រោយនេះ គឺជាការប្រកួតបង្គ្រប់កិច្ចរបស់កម្ពុជាក្នុងពានរង្វាន់មួយនេះ ដោយកម្ពុជាបានឆ្លងកាត់ 5ប្រកួត ចាញ់ 4ប្រកួត និងស្មើ 1ប្រកួត។ ចំណែកឯក្រុមដែលបានឡើងទៅវគ្គពាក់កណ្តាលផ្តាច់ព្រ័ត្រក្នុងពូល A មាន ឥណ្ឌូនេស៊ី វៀតណាម ចំណែកឯពូល B មានម៉ាឡេស៊ី និងម្ចាស់ផ្ទះថៃ៕
អតីតសិស្សពូកែ បង្កើតកម្មវិធីបច្ចេកវិទ្យាជួយសិស្សឱ្យស្រឡាញ់វិទ្យាសាស្ត្រ
នៅកម្ពុជាមានសិស្សពូកែៗមិនតិចទេដែលមានសមត្ថភាពប្រកួតប្រជែងជាមួយបណ្តាប្រទេសនានាលើផ្នែកចំណេះដឹង រួមទាំងអាហារូបករណ៍ ដោយក្នុងនោះយើងដណ្តើមបានមេដាយ រួមទាំងពានរង្វាន់ជាច្រើនជារៀងរាល់ឆ្នាំ។ ទោះជាយ៉ាងនេះក្តី ជាទូទៅគេក៏សង្កេតឃើញផងដែរថា សិស្សជាច្រើនផ្សេងទៀតនៅទូទាំងប្រទេស ក៏នៅមានកត្តាប្រឈមជាច្រើនផងដែរ ជាពិសេសលើផ្នែកវិទ្យាសាស្ត្រ និងគណិតវិទ្យាដែលពួកគេមិនទាន់សូវចាប់អារម្មណ៍ច្រើន។
ហេតុនេះហើយទើបអតីតជយលាភីកម្មវិធីប្រកួតប្រជែងអន្តរជាតិ រួមទាំងអតីតសិស្សអាហារូបករណ៍មួយក្រុម បានសម្រេចចិត្តបង្កើតកម្មវិធីទូរស័ព្ទដៃ (Apps) ដែលមានឈ្មោះថា តេស្ត12 (TESDOPI) ដើម្បីជួយដល់សិស្សកម្ពុជាឱ្យស្រឡាញ់ការសិក្សាផ្នែកវិទ្យាសស្រ្ត និងគណិតវិទ្យា។
លោក ផេង មាសសម្បត្តិ ជាសហស្ថាបនិកកម្មវិធីតេស្ត12 និងជាអតីតនិស្សិតអាហារូបករណ៍ Fulbright បានលើកឡើងថា កម្មវិធីតេស្ត12នេះ បង្កើតឡើងដើម្បីជួយសិស្សឱ្យសិក្សាផ្នែកគណិតវិទ្យា និងវិទ្យាសាស្ត្រឱ្យកាន់តែមានប្រសិទ្ធភាពឡើង និងធ្វើឱ្យសិស្សមានអារម្មណ៍ថា រីករាយជាមួយនឹងការរៀនមុខវិជ្ជាទាំងអស់នេះ។ លោកថា កម្មវិធីនេះបែងចែកជា 3ផ្នែកធំៗ គឺទី1 អនុញ្ញាតឱ្យសិស្សធ្វើតេស្តតាមបច្ចេកវិទ្យាលើមុខវិជ្ជាវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) ដោយមានលំហាត់ចាប់ពីថ្នាក់ទី7 ដល់ថ្នាក់ទី12។ សិស្សដែលធ្វើការវាស់ស្ទង់សមត្ថភាពតាមរយៈកម្មវិធីតេស្ត12 អាចដឹងពីលទ្ធផល និងកម្រិតពិន្ទុរបស់ខ្លួនភ្លាមៗ ដែលធ្វើឱ្យពួកគេអាចចំណេញពេលវេលាក្នុងការអភិវឌ្ឍសមត្ថភាព។ ផ្នែកសំខាន់ទី2 គឺសិស្សអាចរៀនតាមរយៈវីដេអូមេរៀនដែលបង្រៀនដោយអ្នកជំនាញ រួមទាំងមានរូបភាព និងឯកសារយោងជាច្រើនដែលធ្វើឱ្យសិស្សងាយយល់ និងចងចាំបានល្អផងដែរ។ ចំណែកឯចំណុចទី3 គឺបន្ទាប់ពីបានមើលមេរៀនសំខាន់ៗទាំងអស់នោះហើយ សិស្សក៏អាចមានលំហាត់អនុវត្តជាក់ស្តែងផ្នែក STEM ដែលអាចធ្វើឱ្យពួកគេកាន់តែងាយយល់យ៉ាងស៊ីជម្រៅទៀត។
លោក ផេង មាសសម្បត្តិ បាននិយាយថា៖ “កម្មវិធីតេស្ត12 នេះបង្កើតឡើងដោយក្រុមអតីតសិស្សពូកែថ្នាក់ជាតិ បេក្ខភាពអូឡាំព្យ៉ាដកម្ពុជា អ្នកជំនាញវិទ្យាសាស្ត្រ អ្នកបច្ចេកវិទ្យាកុំព្យូទ័រ និងអតីតនិស្សិតអាហារូបករណ៍Fulbright។ ពួកយើងទាំងអស់គ្នាមានក្តីស្រមៃរួមមួយ គឺចង់ឃើញសិស្សខ្មែរចូលចិត្តរៀនមុខវិជ្ជាគណិត និងវិទ្យាសាស្ត្រ ហើយកម្ពុជាមានធនធានមនុស្សដ៏រឹងមាំក្នុងវិស័យវិទ្យាសាស្ត្រ”។
លោក សម្បត្តិ បានបញ្ជាក់ផងដែរថា ទោះបីជាយើងមានគ្នាច្រើនដើម្បីបង្កើតកម្មវិធីនេះក៏ដោយ តែយើងក៏នៅមានបញ្ហាប្រឈមមួយចំនួនផងដែរដូចជាយើងត្រូវចំណាយពេលវេលាច្រើនដើម្បីធ្វើការស្រាវជ្រាវ សម្ភាសសិស្ស និងលោកគ្រូ-អ្នកគ្រូ ដើម្បីយល់ពីកត្តាប្រឈមរបស់ពួកគាត់។ បន្ទាប់មកយើងធ្វើការបន្តជាមួយអ្នកជំនាញផ្នែកអប់រំដើម្បីធ្វើការរចនាជាកម្មវិធីអប់រំដើម្បីធ្វើយ៉ាងណាឆ្លើយតបជាមួយនឹងអ្វីដែលគ្រប់ភាគីចង់បាន។ តេស្ត12 មិនត្រឹមតែជាកម្មវិធីដែលប្រមូលផ្តុំសំណួរសម្រាប់តេស្តសាកល្បងនោះទេ តែវាជាកម្មវិធីដែលត្រូវបានរចនាឡើងដោយមានគរុកោសល្យច្បាស់លាស់ដើម្បីជួយសិស្សឱ្យពង្រឹងសមត្ថភាពកាន់តែងាយស្រួល និងប្រសើរឡើងលើផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) និងដឹងពីមូលហេតុ ក៏ដូចជាឫសគល់ច្បាស់លាស់ដែលពួកគេគួរសិក្សាមុខវិជ្ជាដ៏មានសារៈសំខាន់ទាំងអស់នេះ។ យើងផ្អែកលើគុណភាពជាចម្បង ដែលហេតុនេះហើយទើបយើងព្យាយាមអភិវឌ្ឍវាជាប្រចាំ និងសិក្សាបន្ថែមដើម្បីអភិវឌ្ឍរាល់ប្រធានបទ ក៏ដូចជាផ្នែកសំខាន់ៗដើម្បីឱ្យកាន់តែប្រសើរឡើង។ ក្រៅពីនេះបញ្ហាធនធានមនុស្សក៏ជាផ្នែកប្រឈមធំផងដែរសម្រាប់យើង យើងនៅខ្វះអ្នកជំនាញទាំងផ្នែក STEM និងផ្នែកបច្ចេកវិទ្យាដើម្បីអភិវឌ្ឍវាឡើង។
ស្ថាបនិកកម្មវិធីអប់រំរូបនេះក៏បានបញ្ជាក់ផងដែរថា លោកសង្ឃឹមថា សិស្សនឹងបន្តទាញយកកម្មវិធីនេះទៅប្រើប្រាស់ឱ្យបានកាន់តែទូលំទូលាយ ដោយឥតគិតថ្លៃ ដើម្បីអភិវឌ្ឍសមត្ថភាពបានកាន់តែប្រសើរលើជំនាញវិទ្យាសាស្ត្រ និងគណិតវិទ្យា។ មកដល់បច្ចុប្បន្ននេះកម្មវិធីតេស្ត12 មានចំនួនអ្នកទាញយកទៅប្រើប្រាស់ (download) ច្រើនជាង 100,000នាក់ហើយក្នុង 1ឆ្នាំ ហើយចំនួនសំណួរ និងលំហាត់ក៏ត្រូវបានដាក់បញ្ចូលច្រើនជាង 7,000លំហាត់ផងដែរ ដែលធ្វើឱ្យអ្នកប្រើប្រាស់កាន់តែមានលក្ខណៈងាយស្រួល និងទទួលបានចំណេះដឹងកាន់តែច្រើន។
បន្ថែមពីលើនេះ កម្មវិធីតេស្ត12 មកដល់បច្ចុប្បន្ននេះ ទទួលបានការទទួលស្គាល់ និងពានរង្វាន់មួយចំនួនដូចជា ទី1 ទទួលបានពានរង្វាន់ The Best Social Innovation Award 2019 ពីក្រសួងប្រៃសណីយ៍ និងទូរ-គមនាគមន៍ ទី2 គឺ «The Startup of the Year 2019»ពីក្រុមហ៊ុនតូតាល់ និងទី3 គឺឈ្នះពានរង្វាន់ «The Top Female Entrepreneur Award 2019» ពីក្រុមហ៊ុនតូតាល់ផងដែរ៕
កុំរំលង!! ចូលរួមទស្សនាឥតគិតថ្លៃនូវការសម្ដែងសិល្បៈខ្មែរគ្រប់ទម្រង់៣ថ្ងៃ
ទស្សនាដោយសេរីនូវការសម្តែងសិល្បៈទស្សនីយភាព របាំបុរាណ ប្រពៃណី ល្ខោនខោល ល្ខោនបាសាក់ ល្ខោននិយាយ យីកេ សៀក ចម្រៀងបុរាណ-សម័យ, តន្រ្តីបុរាណ-សម័យ និងទម្រង់ផ្សេងៗទៀត ព្រមទាំងមានតាំងពិព័រណ៍ស្នាដៃផ្នែកវិចិត្រកម្ម គំនូរបុរាណ គំនូរផ្សាយ គំនូរលម្អលើក្រណាត់ ចម្លាក់ពុម្ព ចម្លាក់ប្រាក់ ចម្លាក់ស្មិត ចម្លាក់ឈើ ខ្មុកស្មាច់ កុលាលភាជន៍. . . ដោយសិស្សសាលាមធ្យមវិចិត្រសិល្បៈ រយៈពេល៣ថ្ងៃ ថ្ងៃទី៨-៩-១០ ខែសីហា ឆ្នាំ២០១៩ ចាប់ពីម៉ោង ៨ព្រឹក ដល់ម៉ោង ៥រសៀល នៅសាលសម្តែង សាលាមធ្យមវិចិត្រសិល្បៈ បឹងបាយ៉ាប។
កម្មវិធីនេះប្រព្រឹត្តិទៅនៅទីតាំង វិថីបណ្ឌិតម៉ុងឫទ្ធី (១៩២៨) ភូមិបាយ៉ាប សង្កាត់ ភ្នំពេញថ្មី ខណ្ឌសែនសុខ រាជធានីភ្នំពេញ (ខាងលិចរង្វង់មូលកំាកូ ចម្ងាយ២៤០០ម៉ែត្រ)។ ការការពារ និងអភិរក្សវប្បធម៌ជាតិ ជាកាតព្វកិច្ចរបស់យើងទាំងអស់គ្នា៕
