Category: សង្គម និងសេដ្ឋកិច្ច

  • ភ្ញាក់ផ្អើល ព្រះសង្ឃ 3អង្គក្លាយជាជើងឯក ហ្គេមប្រចាំប្រទេសថៃ

    ភ្ញាក់ផ្អើល ព្រះសង្ឃ 3អង្គក្លាយជាជើងឯក ហ្គេមប្រចាំប្រទេសថៃ

    ជើងឯកហ្គេម ROV និង SPEED DRIFTERS ប្រចាំឆ្នាំ2019នេះ បានទៅលើ ព្រះសង្ឃ3អង្គ មកពីសាលាសង្ឃ Balee Sathit Suksa ក្នុងប្រទេសថៃ ក្រោយឈ្នះការប្រកួត KKU Nong Khai Fair 2019 ត្រូវបានរៀបចំឡើងដោយសាកលវិទ្យាល័យ Khon Kaen ក្នុងប្រទេសថៃ។

    ការប្រកួតនេះ ត្រូវបានធ្វើជាច្រើនដំណាក់ការ ដោយឆ្លងកាត់ការប្រកួតជម្រុះជាច្រើនលើកច្រើនសារ តាមបណ្តាសាកលវិទ្យាល័យនានា ដើម្បីរកជើងឯកនេះ ដោយអនុញ្ញាតិអោយនិស្សិតសាកលវិទ្យាល័យទាំងអស់ចូលរួមបាន ដោយមិនកំណត់ថាជា គ្រហស្ដ រីបុព្វជិត អ្វីឡើយ។

    ស្របពេលគ្នានេះដែរក៏មានអ្នកប្រើប្រាស់បណ្តាញសង្គមមួយចំនួនបានចូលរួមអបអរសាទរនូវជ័យជម្នះដែលព្រះសង្ឃ 3អង្គទទួលបាន ខណៈពេលដែលអ្នកខ្លះក៏បានធ្វើការរិះគន់ចំៗទាក់ទិនទៅនឹងរឿងមួយនេះផងដែរ៕

  • ពិតជាអស្ចារ្យ! រយៈពេល2ឆ្នាំចុងក្រោយនេះ បាល់ទាត់វៀតណាម វិវឌ្ឍន៍លឿនខ្លាំង

    ពិតជាអស្ចារ្យ! រយៈពេល2ឆ្នាំចុងក្រោយនេះ បាល់ទាត់វៀតណាម វិវឌ្ឍន៍លឿនខ្លាំង

    បើនិយាយពីក្រុមបាល់ទាត់ ក្រុមដែលអាចដណ្តើមបានពានរង្វាន់ណាមួយរាប់ថាជាក្រុមខ្លាំង តែពេលខ្លះទោះបីជាក្រុមនោះខ្លាំងក្រុមខ្លាំងមួយចំនួនក៏មិនប្រាកដថាអាចដណ្តើមបានពានរង្វាន់នានាដែរ។ ក្នុងន័យនេះ ក្រុមបាល់ទាត់ទោះបីជាខ្លាំង ឫ ខ្សោយក៏ដោយ អ្វីដែលគេរំពឺងគឺ គិតទៅលើការអភិវឌ្ឍ ជាជាងការឈ្នះជាជើងឯក។

    បើក្រឡេកមកមើល វៀតណាម មិនថាក្រុមជម្រើសជាតិឈុតធំ ឫ ក្រុមយុវជនឡើយ ក្នុងរយៈពេល2ឆ្នាំចុងក្រោយ គិតចាប់តាំងពីឆ្នាំ 2018 មកដល់ឆ្នាំ2019នេះ គឺពួកគេមានការអភិវឌ្ឍយ៉ាង ខ្លាំងគួរឱ្យកត់សម្គាល់ រហូតអាចឈានដល់វគ្គផ្តាច់ព្រាត់ស្ទើរតែគ្រប់ពានដែលគេលេងទាំងអស់ ខណៈពីមុនមក ក្រុមមួយនេះមិនសូវជាខ្លាំក្លាឡើយ។

    ក្នុងនោះដែរភាពជោគជ័យរបស់សហព័ន្ធបាល់ទាត់វៀតណាមក្នុងឆ្នាំ 2018 រហូតដល់ដើមឆ្នាំ 2019 មានដូចជា
    U23 ទទួលបានលេខ4 ពានរង្វាន់ Asian Games 2018
    U20 ទទួលបានកៅអីលេង World Cup U20
    ជម្រើសជាតិវៀតណាម ឈ្នះជើងឯកពានរង្វាន់ AFF Suzuki Cup 2018
    ជម្រើសជាតិវៀតណាម កំពុងឈានដល់វគ្គ 1/4 ពានរង្វាន់ AFC Asian Cup 2019

  • ផលិតករ​ ​FTV​ ​Entertainment​ ​សម្រេចចិត្ត​យក​មនុស្ស​យន្ដ​សម្ដែង​ភាពយន្ដ​ដំបូង​ ​ ​

    ផលិតករ​ ​FTV​ ​Entertainment​ ​សម្រេចចិត្ត​យក​មនុស្ស​យន្ដ​សម្ដែង​ភាពយន្ដ​ដំបូង​ ​ ​

    ​ដូច​ប្រិយមិត្ត​ជាច្រើន​បាន​មនុស្ស​យន្ដ​ខ្មែរ​ដំបូង​ឈ្មោះថា​ ​RoboCam​ ​ព្រះកុសុមៈ​ ​ដែល​កំពុង​មានឈ្មោះបោះសម្លេង​ក្នុង​ព្រះរាជាណាចក្រ​កម្ពុជា​ ​និង​បាន​ទទួលស្គាល់​ពី​អន្ដរ​ជាតិ​ ​អំពី​បច្ចេកវិទ្យាAI​ ​(​Artificial​ ​intelligence​)​ ​ដំណើរការ​ដោយ​ប្រព័ន្ធ​ ​Google​ ​API​ ​នោះ​ ​ត្រូវ​បាន​ជ្រើស​ឱ្យ​ក្លាយជា​តួសម្ដែង​ក្នុង​រឿង​”​វិនាស​ខ្លួន​”​ ​គួរ​ឱ្យ​ចាប់អារម្មណ៍​ ​ដើម្បី​លើកកម្ពស់​ស្នាដៃ​កូនខ្មែរ​ ​និង​ដើម្បី​ឱ្យ​ពិភព​ដឹងពី​សមត្ថភាព​របស់​មនុស្សយន្ត​នេះ​ ​ក្នុង​ការសម្ដែង​។​ ​នេះ​ជា​ភាពយន្ត​ដែល​ផលិត​ឡើង​ដោយ​ ​FTV​ ​Entertainment​ ​ដែល​ជា​ភាពយន្ត​ថ្មី​មួយ​ ​ក្នុងចំណោម​គម្រោង​ផលិតភាព​យន្ត​ជាច្រើន​របស់​ស្ថាប័ន​នេះ​។​
    ​ ​ ​
    ​ហេតុផល​ដែល​នាំ​អោយ​មានការ​ ​ជ្រើស​យក​មនុស្សយន្ត​ឈ្មោះ​ ​RoboCam​ ​ព្រះកុសុមៈ​ ​យក​មក​សម្ដែងរឿង​នេះ​ ​ត្រូវ​បាន​បញ្ជាក់​ដោយ​ផលិតករ​របស់​ ​FTV​ ​Entertainment​ ​ដែល​ជា​ក្រុមហ៊ុន​ផលិត​ខ្សែភាពយន្ដ​លំ​ដាប់​ស្ដ​ង​ដារ​ ​នៅ​ប្រទេស​កម្ពុជា​ថា​ ​គឺ​ដើម្បីអោយ​ភាពយន្ត​ខ្មែរ​មាន​រសជាតិ​ប្លែក​ ​ព្រោះតែ​មាន​មនុស្សយន្ត​ចូលរួម​សម្ដែង​ ​ហើយ​ជា​មនុស្សយន្ត​ ​ដែល​ផលិត​ដោយ​ស្នាដៃ​ខ្មែរ​ទៅទៀត​។​ ​រឿង​ថ្មី​ដែល​មាន​ចំណងជើង​ថា​ ​«​ ​វិនាស​ខ្លួន​ ​»​ ​នេះ​ ​គឺជា​ភាពយន្ដ​បែប​វិទ្យា​សា​ស្រ្​ដ​ ​ដោយ​មនុស្សយន្ត​ ​RoboCam​ ​ព្រះកុសុមៈ​ ​នឹង​សម្ដែង​ជា​តួអង្គ​មួយ​ ​ដែល​មាន​សមត្ថភាព​បង្វិល​ពេលវេលា​ថយក្រោយ​ពី​បច្ចុប្បន្ន​កាល​ ​ឱ្យ​ត្រឡប់ទៅ​រក​អតីតកាល​។​
    ​
    ​ខ្សែភាពយន្ដ​អប់រំ​ខ្លី​ ​«​ ​វិនាស​ខ្លួន​ ​»​ ​នេះ​ ​ត្រូវ​បាន​ប្រកាស​ថា​មាន​សារ​អប់រំ​ជាច្រើន​ដល់​អ្នកទស្សនា​ ​ដូចជា​ស្នេហា​ ​កំប្លែង​ ​និង​មាន​បញ្ចូល​បច្ចេកវិទ្យា​ថ្មី​នៃ​ការ​រីកចម្រើន​នៃAI​ ​របស់​ប្រទេស​កម្ពុជា​ទៅកាន់​ពិភពលោក​ ​។​ ​
    ​រឿង​ ​«​ ​វិនាស​ខ្លួន​ ​»​ ​ចង់​បង្ហាញ​ពី​ប្រវត្តិ​ស្នេហា​របស់​គូរ​ស្នេហ៍​មួយគូ​ ​ដែល​ស្រលាញ់​គ្នា​ប្ដូរផ្ដាច់​មិន​ខ្វល់​ពី​លុយកាក់​ ​មិន​គិត​ពី​ឧបសគ្គ​ ​ប៉ុន្ដែ​បែរជា​ចុងក្រោយ​គ្រោះថ្នាក់​ដោយសារ​ចិត្តលោភលន់​។​ ​តារា​សម្ដែង​ក្នុង​រឿង​ខ្លី​នេះ​ ​មាន​ ​លោក​ ​Ram​ ​កញ្ញា​ ​ថា​ត់​ ​ដាវ​ ​លោក​ ​ជីវ៉ា​ ​លោក​ ​ជា​ ​ភា​រុ​ណ​ ​មនុស្ស​យន្ដ​ ​Robocam​ ​និង​តួសម្ដែង​ជាច្រើន​ដួង​ទៀត​ ​ក្រោម​ការផលិត​របស់​ ​FTV​ ​Entertainment​៕​

  • ជម្រើសជាតិនារីកម្ពុជា ចាញ់ ឥណ្ឌូណេស៊ី ក្នុងជំនួបបង្គ្រប់កិច្ច ពានបាល់ទាត់នារីតំបន់អាស៊ាន

    ជម្រើសជាតិនារីកម្ពុជា ចាញ់ ឥណ្ឌូណេស៊ី ក្នុងជំនួបបង្គ្រប់កិច្ច ពានបាល់ទាត់នារីតំបន់អាស៊ាន

    កាលពីល្ងាចថ្ងៃទី 20 ខែសីហា ឆ្នាំ2019 ម្សិលមិញនេះ ក្រុមកីឡាការិនីបាល់ទាត់ជម្រើសជាតិកម្ពុជា ប្រកួតជាមួយនឹងក្រុមកីឡាការិនីជម្រើសជាតិឥណ្ឌូណេស៊ី ក្នុងការប្រកួត AFF Women’s Championship 2019 នៅកីឡដ្ឋាន IPE1 ខេត្តឈុនបូរី ប្រទេសថៃ។

    ជាលទ្ធផលក្រុមកម្ពុជា បានបន្តចាញ់ក្រុមបាតតារាងឥណ្ឌូណេស៊ី ក្នុងលទ្ធផល 4 ទល់នឹង 0 នឹងបានធ្លាក់ចេញពីពាននេះ ដោយប្រកួត៣ប្រកួតចាញ់ទាំង3ប្រកួត ស៊ុតចូលទី 1គ្រាប់ និង គេស៊ុតចូលវិញ24គ្រាប់ ដែលប្រកួតចាញ់ វៀតណាម ០ ទល់នឹង10 ចាញ់ មីយ៉ាន់ម៉ា10 ទល់នឹង1 និង បន្តចាញ់ឥណ្ឌូនេស៊ី ក្នុងជំនួមបង្គ្រប់កិច្ច0 ទល់នឹង 4។

    គួរបញ្ជាក់ផងដែរថា ក្រុមបាល់ទាត់ជម្រើសជាតិនារីកម្ពុជា ទើបតែបានប្រមូលផ្តុំមុនការប្រកួតប្រមាណជា 1ខែមុនតែប៉ុណ្ណោះ ដោយមុននេះ មិនធ្លាប់មានការប្រកួតបាល់ទាត់នារីនោះទេនៅកម្ពុជា ជាហេតុនាំឱ្យក្រុមជម្រើសជាតិនារីកម្ពុជា ទទួលលទ្ធផលមិនសូវកាក់កបបែបនេះ៕

  • ជួយ​ស៊ែ​រយ​ក​បុណ្យ​ ​!​!​ ​នាយ​ ​ឆ្មារ​ ​បាន​បាត់​កូនស្រី​អាយុ​ ​១​ ​ឆ្នាំ​កន្លះ​នៅ​ខេត្តសៀមរាប​ ​

    ជួយ​ស៊ែ​រយ​ក​បុណ្យ​ ​!​!​ ​នាយ​ ​ឆ្មារ​ ​បាន​បាត់​កូនស្រី​អាយុ​ ​១​ ​ឆ្នាំ​កន្លះ​នៅ​ខេត្តសៀមរាប​ ​

    ​នៅ​លើ​បណ្ដាញ​សង្គម​ហ្វេ​សប៊ុ​ក​មានការ​ភ្ញាក់ផ្អើល​ជា​ខ្លាំង​ ​ខណៈ​លោក​ ​ហេង​ ​សុវណ្ណារ៉ា​ ​ដែល​ប្រើ​ហ្វេ​សប៊ុ​ក​ឈ្មោះ​ ​Nara​ ​Cam​ ​ហៅ​វិចិត្រ​ស្នេហា​ ​ឬ​ ​នាយ​ឆ្មា​ ​បាន​ប្រកាស​ពី​ការ​បាត់​កូនស្រី​តូច​នៅ​ខេត្តសៀមរាប​ ​បន្ទាប់ពី​កូនតូច​នេះ​ ​ត្រូវ​គេ​ដឹង​ថា​ ​ទើប​ចេញ​ពេទ្យ​។​ ​មកទល់​ពេលនេះ​ ​កូនស្រី​របស់​លោក​ ​ឈ្មោះ​ ​ណៃ​អ៊ី​ ​នៅ​មិនទាន់​មានដំណឹង​នោះ​ទេ​ ​ខណៈ​ដែល​ការ​បាត់ខ្លួន​ ​គឺ​ដោយសារតែ​ក្មេង​តូច​នេះ​ដើរចេញ​ពី​ផ្ទះ​ ​ដោយ​គ្មាន​ចាស់ទុំ​ចាប់អារម្មណ៍​។​ ​
    ​
    ​លោក​ ​ហេង​ ​សុវណ្ណារ៉ា​ ​និយាយ​ថា​ ​កូនស្រី​របស់​លោក​ត្រូវ​បាន​បាត់​នៅ​វេលា​ម៉ោង១១​ ​យប់​ ​ថ្ងៃទី២០​ ​សីហា​ ​ឆ្នាំ២០១៩​ ​នៅផ្ទះ​លក់​ផ្កា​នៅ​ជិត​ ​សួន​យក្ស​ ​ស្ថិតនៅ​គល់​ស្ពាន​ទឹកវិល​ ​ក្នុង​ឃុំ​សណ្ដាន់​ ​ស្រុក​សៀមរាប​ ​ខេត្តសៀមរាប​ ​ដោយ​ការ​ឆែកមើល​កាមេរ៉ា​ ​គឺ​កូនស្រី​ចេញដើរលេង​ទៅក្រៅ​ផ្ទះ​ ​ក្នុង​ពេល​គ្រួសារ​របស់​លោក​អស់កម្លាំង​បន្ទាប់ពី​រើ​ឥវ៉ាន់​ទុកដាក់​ ​ហើយ​ទម្រេត​ខ្លួន​មួយ​ផាំង​។​ ​លោក​ថា​ ​កូនស្រី​របស់​លោក​ ​លោក​ទុក​តែ​នៅ​សៀមរាប​ប៉ុណ្ណោះ​ ​ដោយ​អោយ​រស់នៅ​ជាមួយ​ប្អូនស្រី​ ​ដែល​ជា​អ្នករក​ស៊ី​នៅ​ទីនោះ​ ​ខណៈ​ដែល​កូនស្រី​របស់​លោក​ទើបតែ​មាន​ជម្ងឺ​ហើយ​ចេញពី​មន្ទីរពេទ្យ​។​ ​
    ​
    ​លោក​ថា​សុវណ្ណារ៉ា​ ​ហៅ​នាយ​ឆ្មា​ ​ឬ​ ​នាយ​វិចិត្រ​ស្នេហា​ ​បន្ត​ថា​ ​លោក​អត់មាន​អារម្មណ៍​ក្នុង​ខ្លួន​ទេ​ ​ក្រោយ​ទទួល​ដំណឹង​ថា​ ​កូនស្រី​ត្រូវ​បាន​បាត់​ ​ហើយ​ពុំ​ទាន់​ទទួល​ដំណឹង​សោះ​ ​បន្ទាប់ពី​កូនស្រី​របស់​លោក​ ​ទើបតែ​ចេញពី​សម្រាក​ក្នុង​ពេទ្យ​។​ ​លោក​ថា​ ​មុន​ពេល​បាត់ខ្លួន​ ​កូនស្រី​របស់​ខ្លួន​ចូលលេង​ក្នុង​ទូរ​ទឹកកក​ ​ហើយ​ប្រហែលជា​ប្អូនស្រី​របស់​លោក​ ​និង​ ​អ្នកផ្ទះ​ ​ប្រហែស​តែមួយ​ភ្លែត​ប៉ុណ្ណោះ​ ​ក៏​ស្ងាត់​សំលេង​កូនស្រី​លោក​ ​ហើយក៏​បាត់​តែម្ដង​ ​ខណៈ​ដែល​ក្នុង​ពេលនេះ​ ​ការស្វែងរក​ ​និង​ការ​ដាក់​បណ្ដឹង​ ​នៅ​មិនទាន់​មានដំណឹង​។​ ​លោក​ស្នើសុំ​អោយ​មហាជន​ដែល​បាន​ជួប​ក្មេង​ដែល​មានភិន​ភាគ​ខាងលើ​ ​ទំនាក់ទំនង​មក​លោក​ ​តាម​លេខទូរស័ព្ទ​ ​066​ ​75​ ​60​ ​09​ ​/​ ​015​ ​727​ ​660​ ​។​
    ​
    ​គួរ​បញ្ជាក់​ថា​ ​លោក​ ​ហេង​ ​សុវណ្ណារ៉ា​ ​គឺជា​ម្ចាស់​ផលិតកម្ម​ ​Hope​ ​Film​ ​Entertainment​ ​ដោយមាន​ស្នាដៃ​ផលិត​ស្នាដៃ​អប់រំ​ជាច្រើន​ ​ខណៈ​ដែល​លោក​ត្រូវ​បាន​គេ​ស្គាល់​ខ្លាំង​ក្នុង​រឿង​”​ស្នូរ​ជើង​អ្នកណា​”​ ​ក្នុង​តំណែង​ជា​តួ​អង្គ​ប៉ូលី​សស៊ើប​អង្កេត​ ​ក្រ​ម៉ិ​ចក្រ​ម៉ើម​៕​

  • Puskas Award មិនសូវមានកីឡាករល្បីៗចូលរួម

    Puskas Award មិនសូវមានកីឡាករល្បីៗចូលរួម

    កាលពីឆ្នាំមុនពានរង្វាន់ Puskas Award ត្រូវបានគ្រងដោយកីឡាករ Mohamad Salah ជាគ្រាប់បាល់ល្អឥតខ្ខោះប្រចាំឆ្នាំ2018។

    បេក្ខភាពទាំង10រូបចុងក្រោយ ដែលប្រកួតប្រជែងយកពានរង្វាន់ Puskas Award ប្រចាំឆ្នាំ2019នេះ ត្រូវបាន FIFA ដាក់បញ្ជេញជាផ្លូវការហើយ ដោយក្នុងនោះមានកីឡាករល្បីៗ តែ3រូបតែប៉ុណ្ណោះគឺ Messi, Zlatan និង Rodrigues ចំណែកឯកីឡាករ Christiano Ronaldo មិនមានវត្តមានឡើយនៅក្នុងបញ្ជីនេះ។

    Puskas Award គឺជាពានបង្កើតឡើងដំបូងកាលពីឆ្នាំ 2009 ដោយសហព័ន្ធបាល៉ទាត់ពិភពលោក ជូនចំពោះកីឡាករ ឬកីឡាការិនី ដែលស៊ុតបាល់បានល្អឥតខ្ខោះសម្រាប់ឆ្នាំនីមួយៗ៕

  • មានដឹងទេថា កម្ពុជា ធ្លាប់លេងពាន ASIAN CUP ដល់វគ្គផ្តាច់ព្រាត់?

    មានដឹងទេថា កម្ពុជា ធ្លាប់លេងពាន ASIAN CUP ដល់វគ្គផ្តាច់ព្រាត់?

    ក្រុមបាល់ទាត់ជម្រើសជាតិកម្ពុជា បានខកខានលេងពាន AFC ASIAN CUP អស់រយៈពេល47ឆ្នាំ មកហើយ ដោយគិតចាប់តាំងពីឆ្នាំ 1972 ដែលកាលនោះ កម្ពុជា បានឡើងដល់វគ្គផ្តាច់ព្រ័ត្រដណ្តើមយកចំណាត់ថ្នាក់លេខ3។

    ក្នុងការប្រកួតផ្តាច់ព្រាត់យកចំណាត់ថ្នាក់លេខ3 កាលពីថ្ងៃទី19 ខែឧសភា ឆ្នាំ1972 នៅលើទឹកដីថៃ ក្រុមកម្ពុជា បានប្រកួតចាញ់ក្រុមថៃ ដោយបាល់ប៉េណាល់ទីកាត់សេចក្តី បញ្ចប់ម៉ោងក្នុងលទ្ធផល 2 ទល់នឹង 2។

    គួររំលឹកផងដែរថា មុនពេលឈានដល់វគ្គផ្តាច់ព្រ័ត្រយកលេខ3 កាលនោះ កម្ពុជា បានបំបាក់ គុយវ៉ែត 4 ទល់នឹង 0 មុន នឹងចាញ់ម្ចាស់ជើងឯក អ៊ីរ៉ង់ក្នុងលទ្ធផល 1 ទល់នឹង 2 នាវគ្គពាក់កណ្តាល់ផ្តាច់ព្រ័ត្រ។ នៅពេលនោះ អ៊ីរ៉ង់ ជាអ្នកលើកពាននេះ ខណៈកូរ៉េខាងត្បូងជាជើងឯករង៕

  • កីឡាករ Terengabu FC ម្នាក់ស្លាប់បាត់បង់ជីវិត ដោយសារគាំងបេះដូង

    កីឡាករ Terengabu FC ម្នាក់ស្លាប់បាត់បង់ជីវិត ដោយសារគាំងបេះដូង

    អ្នកចាំទីវ័យ41ឆ្នាំ របស់ក្លិប Terengabu FC ម្នាក់មានឈ្មោះថា Suffian Rahman ត្រូវបានគេរាយការណ៍ថាបានបាត់បង់ជីវិតហើយ កាលពីម្សិលមិញនេះ នៅក្នុងផ្ទះរបស់ខ្លួន ដោយសារមានបញ្ហាបេះដូងរាំរ៉ៃ។

    កីឡាករអ្នកចាំទីដៃទី1 របស់ក្លិបបាល់ទាត់ Terengabu FC និងជាមិត្តរួមក្រុមរបស់កីឡាករកម្ពុជា ធារី ចន្ថាប៊ីន បានស្លាប់បាត់បង់ជីវិត មុនពេលក្រុមខ្លួនប្រកួត តែ3ម៉ោងប៉ុណ្ណោះ។ ចំពោះបញ្ហានៃការស្លាប់ត្រូវបានគេអោយដឹងថា ដោយសារតែមានបញ្ហាបេះដូង ដោយកីឡាកររូបនេះ ក៏ធ្លាប់មានបញ្ហាគាំងបេះដូងនេះ ជាច្រើនលើកមកហើយ៕

  • ការនាំ​ចេញទៅ​អាមេរិក កើនឡើង​ក្នុង​ឆមាស​ទី1ឆ្នាំនេះ

    ការនាំ​ចេញទៅ​អាមេរិក កើនឡើង​ក្នុង​ឆមាស​ទី1ឆ្នាំនេះ

    ទិន្នន័យ​ចុងក្រោយ​ពី​រដ្ឋាភិបាល​អាមេរិក​បាន​បង្ហាញថា​ ការនាំចេញ​របស់​កម្ពុជា​ទៅ​កាន់​សហរដ្ឋអាមេរិក​បាន​កើនឡើង​យ៉ាង​ខ្លាំង​នៅ​ឆមាស​ទី1នៃ​ឆ្នាំនេះ​ គឺ​កើនឡើង​ដល់​ជាង​ 2ពាន់​លាន​ដុល្លារ​នៅ​ចុងខែ​មិថុនា​។

    ទិន្នន័យ​បាន​បង្ហាញថា​ ការនាំចេញ​របស់​កម្ពុជា​ទៅកាន់​ប្រទេស​ដែល​មាន​ទីផ្សារ​ធំ​បំផុត​របស់​ពិភពលោក​មួយ​នេះ​បាន​កើន​ឡើង​ 30​%ចាប់ពី​ខែមករា​ ដល់​ខែមិថុនា​។

    ទំនិញ​កម្ពុជា​មានតម្លៃ​ 2.24​ ពាន់​លាន​ដុល្លារ​ត្រូវ​បាន​ទិញ​ដោយ​សហរដ្ឋអាមេរិក​។ ពោល​គឺ​ ពាណិជ្ជកម្ម​សរុប​រវាង​ប្រទេស​ទាំង2​ ក៏បាន​កើនឡើង​ 30​% ដែល​ឈាន​ដល់​ 2.5ពាន់​លាន​ដុល្លារ​។ ការនាំចូល​ផលិតផល​អាមេរិក​ពី​កម្ពុជា​មានតម្លៃ​ 264លាន​ដុល្លារ​។

    ចាប់តាំងពី​ខែកក្កដា​ ឆ្នាំ2016​ មក​ ប្រទេស​កម្ពុជា​ត្រូវ​បាន​ផ្តល់​អត្ថ​ប្រយោជន៍​ដោយ​មិន​គិត​ពន្ធ​សម្រាប់​ការនាំចេញ​ទំនិញ​សម្រាប់​ការ​ធ្វើដំណើរ​ ដូចជា​វ៉ា​លី​សស្ពាយ​ កាបូប​ស្ពាយ​ និង​កាបូប​សម្រាប់​ការ​ធ្វើដំណើរ​នាំចេញ​ទៅ​សហរដ្ឋអាមេរិក​ក្រោម​ប្រព័ន្ធ​អនុគ្រោះ​ពន្ធ​ទូទៅ​ ជី​អេ​សភី​ (GSP​)។

    នៅ​ឆ្នាំ2016​ ដដែល​ ទំនិញ​កម្ពុជា​ដែល​នាំចេញ​ក្រោម​គម្រោង​ប្រព័ន្ធ​ GSP​ នេះ​ មាន​ចំនួន 50លាន​ដុល្លារ​។ យោង​តាម​ក្រសួងសេដ្ឋកិច្ច​ និង​ហិរញ្ញវត្ថុ​បានឱ្យ​ដឹង​ថា​ នៅ​ឆ្នាំ2018​ តួលេខ​នេះ​បាន​កើនឡើង​ដល់​ 400​លាន​ដុល្លារ​អាមេរិក​។

    កាលពី​ខែមុន​ ឯកឧត្តម​ វង្សី​ វិសុទ្ធ​ រដ្ឋលេខាធិការ​ក្រសួងសេដ្ឋកិច្ច​ និង​ហិរញ្ញវត្ថុ​បាន​មានប្រសាសន៍​ថា​៖“កំណើន​នៃ​ការនាំចេញ​ គឺ​ខ្លាំង​ និង​នៅតែ​រឹងមាំ​ពេញ​មួយឆ្នាំ​។ក្នុងរយៈពេល​ 6ខែ​ដើមឆ្នាំ​នេះ​ មិន​មានការ​ធ្លាក់ចុះ​ទេ​”។

    ឯកឧត្ដម​រដ្ឋលេខាធិការ​បាន​បញ្ជាក់​បន្ត​ថា​៖ “វិស័យ​កាត់ដេរ​កំពុង​ដំណើរការ​ល្អ​ ព្រោះ​ការនាំចូល​វត្ថុធាតុដើម​បាន​កើនឡើង​។ ប្រសិនបើ​ការ​នាំ​-ចូល​វត្ថុធាតុដើម​កើនឡើង​ក្នុង​ឆមាស​ទី1នៃ​ឆ្នាំនេះ​ ការនាំចេញ​ក្នុង​ឆមាស​ទី2​ ក៏​នឹង​កើនឡើង​ដែរ​”។

    លោក​ កាំង​ ម៉ូ​នី​កា​ អគ្គលេខាធិការ​រង​នៃ​សមាគម​រោងចក្រ​កាត់ដេរ​នៅ​កម្ពុជា​ ឬហៅ​កាត់​ថា​ GMAC ​បាន​មានប្រសាសន៍​ថា​ ទោះបី​មាន​ជំនឿ​ជា​រួម​ថា​ទំនាក់ទំនង​ទ្វេភាគី​(កម្ពុជា​-អាមេរិក​)កាន់តែ​យ៉ាប់យ៉ឺន​ក៏ដោយ​ តែ​ប្រទេស​ទាំង2​ ក៏​នៅតែ​មាន​ទំនាក់ទំនង​ពាណិជ្ជកម្ម​ល្អ​។ អ្នកខ្លះ​យល់ថា​ ទំនាក់ទំនង​ការទូត​ និង​នយោបាយ​ គឺ​អាក្រក់​។ ប៉ុន្តែ​សម្រាប់​យើង​ដែល​ជា​វិស័យ​ឯកជន​ ទំនាក់ទំនង​ គឺ​នៅ​ល្អ​។ ឥឡូវនេះ​ប្រទេស​កម្ពុជា​ បាន​ក្លាយជា​អ្នកផ្គត់ផ្គង់​ជំនួស​សម្រាប់​ក្រុមហ៊ុន​អាមេរិក​ជាច្រើន​ដែល​បាន​នាំចូល​ពី​ប្រទេស​ចិន​ពីមុន​។

    យោង​តាម​លោក​ ម៉ូ​នី​កា​ ការនាំចេញ​របស់​កម្ពុជា​ទៅកាន់​សហរដ្ឋអាមេរិក​មិន​ត្រឹមតែ​មានការ​កើន​ឡើង​ប៉ុណ្ណោះទេ​ ប៉ុន្តែ​ថែមទាំង​មានការ​ធ្វើ​ពិពិធ​កម្ម​ថែមទៀត​ផង​ ពោល​គឺ​បង្វែរ​ការនាំចេញ​ ទៅ​សហគមន៍​ មកកាន់​ទិសដៅ​ប្រទេស​អាមេរិក​វិញ​។

    លោក​ឧកញ៉ា​ លឹម​ ហេង​ អនុប្រធាន​សភា​ពាណិជ្ជកម្ម​កម្ពុជា​ បាន​ប្រាប់​ឡា​រ៉ែ​នពា​ណិ​ជ្ជ​ថា​៖“ពាណិជ្ជកម្ម​រវាង​កម្ពុជា​ និង​សហរដ្ឋអាមេរិក​ នៅ​តែ​ល្អ​។ ការនាំចេញ​ទៅ​សហរដ្ឋអាមេរិក​នៅតែ​កើន​ឡើង​ ដោយសារ​យើង​ស្ថិតនៅ​ក្រោម​ប្រព័ន្ធ​ មានការ​អនុគ្រោះ​ពន្ធ ​(GSP​)។ កំណើន​រោងចក្រ​ដែល​បាន​ចូល​មក​ផលិត​ស្បែកជើង​ កាបូប​ជាច្រើន​ប្រភេទ​ និង​ផលិត​សម្លៀកបំពាក់​ នៅតែ​មានការ​កើនឡើង​ ដោយ​បន្ថែម​ពីលើ​របស់​ដែល​យើង​មាន​ចាស់​រួច​មក​ហើយ​ ធ្វើ​ឱ្យ​ការនាំចេញ​របស់​យើង​មិន​មានការ​ថមថយ​ទេ​”។

    លោក​ឧកញ៉ា​បាន​បន្ត​ថា​៖ “សព្វថ្ងៃ​យើង​កំពុង​តែ​ជំរុញ​ការងារ​ពាណិជ្ជកម្ម​នេះ​បន្ថែម​ទៀត​ដោយ​ទំនាក់ទំនង​ជាមួយ​ការិយាល័យ​ពាណិជ្ជកម្ម​ខាង​ស្ថានទូត​អាម​រិក​ ហើយ​ខាង​គាត់​ក៏បាន​នាំ​ប្រតិភូ​មក​ដែរ​ ផ្នែក​ផលិតផល​កសិកម្ម​ និង​ធ្វើ​ជំនួប​ពាណិជ្ជកម្ម​រវាង​ភាគី​ទាំង2​ ដើម្បី​ជំរុញ​ការ​នាំ​យក​ផលិតផល​កសិកម្ម​បន្ថែម​ទៀត​ ដោយ​មិន​នាំ​តែ​ផលិតផល​វាយនភណ្ឌ​កាត់ដេរ​នោះ​ទេ​”។

    លោក​ឧកញ៉ា​បាន​បញ្ជាក់​ទៀត​ថា​ ថ្មី​ៗនេះ​ក៏​មាន​ប្រតិភូ​ក្រុមប្រឹក្សា​ធុរកិច្ច​អាមេរិក​-អាស៊ាន​បាន​ធ្វើ​ជំនួប​ពាណិជ្ជកម្ម​ ដើម្បី​ជំរុញ​ផ្នែក​កសិកម្ម​នេះ​ដែរ​ ព្រោះ​វិស័យ​កាត់ដេរ​សម្លៀកបំពាក់​ ស្បែកជើង​ គឺ​យើង​បាន​នាំចេញ​ជាបន្តបន្ទាប់​ហើយ​ ដោយឡែក​តែ​ផលិតផល​កសិកម្ម​ដែល​យើង​កំពុង​ជំរុញ​ឱ្យ​មានការ​នាំចេញ​ផង​ដែរ​ ព្រោះ​ផលិតផល​កសិកម្ម​ដែល​យើង​នាំទៅ​កាន់​សហរដ្ឋ​ នៅ​មាន​ចំនួន​តិចតួច​នៅឡើយ​។

    លោក​ឧកញ៉ា​ លឹម​ ហេង​ បាន​បញ្ជាក់​បន្ថែម​ថា​៖ “ប៉ុន្តែ​យើង​បាន​នាំចូល​គ្រឿងចក្រ​កសិកម្ម​ ពី​សហរដ្ឋអាមេរិក​ច្រើន​គួរសម​ ដើម្បី​ផលិត​កែច្នៃ​ផលិតផល​កសិកម្ម​របស់​យើង​ដែល​កំពុងតែ​រីក​លូតលាស់​ និង​ជំរុញ​ការនាំចេញ​ផលិត​ផលកសិ​-ឧស្សាហកម្ម​របស់​យើង​នេះ​។ ជាពិសេស​មួយទៀត​នោះ​ គឺ​យើង​ចង់​ជំរុញ​ផ្នែក​ទេសចរណ៍​ទៅកាន់​ប្រទេស​អាមេរិក​ គឺ​យើង​ចង់​ទទួល​បាន​ភ្ញៀវ​ទេសចរ​ពី​អាមេរិក​ឱ្យ​បាន​ច្រើន​ផង​ដែរ​”៕

  • តារាចម្រៀង​ ​ម៉ា​ ​ច័ន្ទ​បញ្ញា​ ​បង្ហាញ​វីដេអូ​សកម្មភាព​ចោរ​បម្រុង​ចូល​គាស់​ផ្ទះ​របស់​លោក​ ​

    តារាចម្រៀង​ ​ម៉ា​ ​ច័ន្ទ​បញ្ញា​ ​បង្ហាញ​វីដេអូ​សកម្មភាព​ចោរ​បម្រុង​ចូល​គាស់​ផ្ទះ​របស់​លោក​ ​

    បើ​និយាយ​ពី​រឿង​ចោរ​ ​នៅក្នុង​ប្រទេស​កម្ពុជា​របស់​យើង​វិញ​នោះ​ ​គឺ​បាន​ធ្វើឲ្យ​ប្រជាពលរដ្ឋ​មានការ​ព្រួយបារម្ភ​ ​និង​ភ័យខ្លាច​ជា​ខ្លាំង​ ​ចំពោះ​សុវត្ថិភាព​ ​បូករួម​ជាមួយ​ទ្រព្យសម្បត្ដិ​ ​ដែល​ខិតខំ​ស្វែងរក​អស់​រយៈពេល​ជា​យូរហើយ​ ​តែ​ត្រូវ​បាន​ក្រុម​ចោរ​ទាំងនោះ​ ​លួច​យក​ត្រឹម​តែ​មួយ​ព្រ​ព្រិច​ភ្នែក​ទៅវិញ​ ​ហើយ​បើ​ទោះជា​សមត្ថកិច្ច​បាន​ខិតខំ​ធ្វើការ​ចុះ​បង្រ្កាប​ជា​រឿយ​ៗ​យ៉ាងណាក្ដី​ ​ក៏​នៅតែ​ចាប់​មិន​ចេះ​អស់នោះ​ឡើយ​។​
    ​
    ​ជាក់ស្ដែង​ ​ដូច​វីដេអូ​ឃ្លី​បកា​មេ​រ៉ា​សុវត្ថិភាព​មួយ​ ​ដែល​ត្រូវ​បាន​បង្ហោះ​ឡើង​ ​ក្នុងថ្ងៃនេះ​ទី២០​ ​ខែសីហា​ ​ឆ្នាំ២០១៩​ ​តាមរយៈ​គេហទំព័រ​ ​ហ្វេ​សប៊ុ​ក​ ​តារាចម្រៀង​ ​Original​ ​Song​ ​នឹង​ត្រូវជា​ម្ចាស់​បទ​ ​“​ម្ចាស់​គ្រង​សុ​បិន​ស្នេហ៏​”​ ​នោះ​គឺ​លោក​ ​ម៉ា​ ​ច័ន្ទ​បញ្ញា​ ​ដោយ​រូបលោក​បាន​បង្ហាញ​អំពើ​សកម្មភាព​ចោរ​មាន​គ្នា​ចំនួន​ ​២នាក់​ ​បាន​ធ្វើសកម្មភាព​បម្រុង​ចូល​គាស់​ផ្ទះ​របស់​លោក​ ​តែ​ដោយសារតែ​ឃើញ​ផ្ទះ​របស់​លោក​ ​មាន​កាមេរ៉ា​សុវត្ថិភាព​ច្រើនពេក​ ​ទើប​ចោរ​ទាំងនោះ​ប្ដូរ​ទៅ​គាស់​ផ្ទះ​ក្បែរ​នោះ​ទៅវិញ​។​
    ​
    ​ក្នុង​នោះ​ដែរ​ ​លោក​ ​ម៉ា​ ​ច័ន្ទ​បញ្ញា​ ​បាន​សរសេរ​ប្រាប់​ឱ្យ​ដឹង​ថា​៖​”​ចូល​យក​បានសម្រេច​ ​Laptop​ ​ទូរស័ព្ទ​ ​និង​វត្ថុ​មានតម្លៃ​។​ ​កា​ម៉េ​រ៉ា16គ្រាប់​ហើយ​ ​វា​នៅ​ហ៊ាន​ចូល​លួច​បាន​ទៀត​ប្រហែល​ថែម​លួស​ ​ឆ្កែ​ម៉ា​ក្បាល​ពីរ​ទៀតហើយ​។​ ​ថត​បាន​សកម្មភាព​ចោរ​ចូល​គាស់​ផ្ទះ​ ​នៅ​បូរី​ភ្នំពេញ​ ​ថ្ងៃទី19​/​08​/​2019​ ​សូម​បងប្អូន​ធ្វើការ​ប្រយ័ត្ន​អោយ​មែនទែន​”​។​