ក្រសួងឧស្សាហកម្ម និងសិប្បកម្ម បានអំពាវនាវឱ្យសហគ្រាសធុនតូច និងមធ្យមក្នុងស្រុក ចុះបញ្ជីនៅក្នុងផ្សារហ៊ុន ផ.ម.ក (ផ្សារមូលបត្រកម្ពុជា)ដែលជាមធ្យោបាយមួយដើម្បីបង្កើនលទ្ធភាពទទួលបានមូលនិធិ និងពង្រីកការធ្វើអាជីវកម្ម។
ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម និងសិប្បកម្មបានមានប្រសាសន៍ថា៖“ការទទួលបានហិរញ្ញវត្ថុនៅមានកម្រិត នៅតែជាបញ្ហាប្រឈមកំពូលមួយសម្រាប់សហគ្រាសធុនតូច និងមធ្យមនៅកម្ពុជា ហើយជំរុញឱ្យពួកគេចូលរួមក្នុងផ្សារមូលបត្រកម្ពុជា។ តាមរយៈការធ្វើដូច្នេះពួកនឹងអាចរក្សាការប្រកួតប្រជែងបានព្រោះពួកគេនឹងទទួលបានប្រភពហិរញ្ញវត្ថុថ្មីដើម្បីអនុញ្ញាតឱ្យពួកគេពង្រីក។
ដូចបានចែងនៅក្នុងគោលនយោបាយអភិវឌ្ឍន៍ឧស្សាហកម្មឆ្នាំ2015-2025 គោលដៅរបស់ រដ្ឋាភិបាល គឺចង់ឱ្យសហគ្រាសធុនតូច និងមធ្យមយ៉ាងតិច 80%ត្រូវបានចុះបញ្ជីជាផ្លូវការនៅឆ្នាំ 2025។
យ៉ាងហោចណាស់ 50%នៃក្រុមហ៊ុនទាំងនោះត្រូវតែគោរពតាមគណនេយ្យ និងគណនេយ្យភាពឱ្យបានត្រឹមត្រូវ”។ គោលដៅនេះគឺមានលក្ខណៈសាមញ្ញប៉ុន្តែមានសារៈសំខាន់ណាស់ព្រោះការចុះបញ្ជីត្រឹមត្រូវផ្តល់នូវបង្អួចមួយទៅក្នុងស្ថានភាពអាជីវកម្មនិងផ្តល់គណនេយ្យភាពដល់ម្ចាស់ភាគហ៊ុន។ ក្រុមហ៊ុនដែលរក្សាសៀវភៅគណនេយ្យឱ្យទាន់សម័យនឹងទទួលបានការគាំទ្រ និងការលើកទឹកចិត្តពីរដ្ឋាភិបាលរួមទាំងការបណ្តុះបណ្តាល និងជំនួយបច្ចេកទេស។
ទោះយ៉ាងណាដើម្បីក្លាយជាក្រុមហ៊ុនដែលបានចុះបញ្ជីជាសាធារណៈដំបូងជាផ្លូវការ ពួកគេត្រូវចុះឈ្មោះជាមួយរដ្ឋាភិបាល និងធានាថាពួកគេអនុវត្តតាមស្តង់ដារគណនេយ្យ”។ នេះបើតាមឯកឧត្តមរដ្ឋលេខាធិការបានមានប្រសាសន៍នៅក្នុងវេទិកាស្តីពីអាជីវកម្មកែច្នៃកសិផល។យោងតាមរបាយការណ៍បានកត់សម្គាល់ថា“ ទីផ្សារមូលបត្រ អាចជួយប្រមូលផ្តុំហិរញ្ញប្បទានសម្រាប់ការវិនិយោគរយៈពេលវែង”។ សហគ្រាសខ្នាតតូចគឺជាអាជីវកម្មដែលជួលបុគ្គលិក 10 នាក់ឬតិចជាងនេះ ខណៈសហគ្រាសធុនតូច និងមធ្យមមានច្រើនជាង 11នាក់។
ឯកឧត្តម សុខគង់ បានមានប្រសាសន៍ថា៖“វាមានសារៈសំខាន់ណាស់ ក្នុងការអប់រំដល់ម្ចាស់សហគ្រាសធុនតូច និងមធ្យមអំពីអត្ថប្រយោជន៍នៃការចុះឈ្មោះជាមួយរដ្ឋាភិបាល។ ប្រទេសកម្ពុជាមានសហគ្រាសធុនតូចនិងមធ្យមប្រហែល 520,000 ប៉ុន្តែមានតែប្រមាណ 15 ម៉ឺនប៉ុណ្ណោះ ដែលបានចុះបញ្ជី។ វិស័យសហគ្រាសធុនតូច និងមធ្យមគឺជាឆ្អឹងខ្នងនៃកំណើនសេដ្ឋកិច្ច។ ប្រសិនបើវិស័យនេះរីកចម្រើន ប្រទេសនឹងរីកចម្រើន”។
លោក សុខ ដារ៉ា អគ្គនាយករងនៃគណៈកម្មការមូលបត្រកម្ពុជាដែលជាអ្នកគ្រប់គ្រងទីផ្សារមូលធន បានលើកឡើងពីបញ្ហាប្រឈមចម្បងមួយក្នុងការធ្វើឱ្យអាជីវកម្មចុះបញ្ជីជាសាធារណៈ។
លោកបន្តថា៖ “ក្រុមហ៊ុនធុនមធ្យមមួយចំនួនមានការភាន់ច្រឡំនៅពេលគិតពន្ធ។ ពួកគេខ្លាចថាប្រសិនបើពួកគេចុះឈ្មោះ និងចុះបញ្ជីនៅ ផ.ម.ក ពួកគេនឹងត្រូវបង់ពន្ធឡើងវិញចាប់ពី 10 ឆ្នាំមុន។ ភាគច្រើនកំពុងព្យាយាមចៀសវាងពន្ធ ដើម្បីយកឈ្នះការប្រកួតប្រជែង។ ដូចគ្នានេះដែរសហគ្រាស ធុនតូច និងមធ្យមភាគច្រើនជាកម្មសិទ្ធិរបស់គ្រួសារហើយមិនចង់ឱ្យអ្នកខាងក្រៅធ្វើអន្តរាគមន៍នោះឡើយ។រីឯ អ្នកផ្សេងទៀតក៏មិនមានមហិច្ឆតាពង្រីកខ្លួនទេ”។
ទោះយ៉ាងណាក្តី លោក ដារ៉ា បាននិយាយថា ការបង្កើនចំនួនអាជីវកម្មដែលគ្រប់គ្រងដោយ ក្រុមគ្រួសារ កំពុងទទួលបានផលប្រយោជន៍ពីអភិបាលកិច្ចសាជីវកម្ម។ លោកបាននិយាយថា ការប្រកួតប្រជែងខ្លាំងក្លា កំពុងបង្ខំឱ្យអាជីវកម្មទាំងនេះពិចារណាឡើងវិញ នូវយុទ្ធសាស្ត្ររបស់ពួកគេដើម្បីរក្សាការប្រកួតប្រជែង។
សូមបញ្ជាក់ថា កាលពីខែមករាសម្តេចនាយក-រដ្ឋមន្ត្រីហ៊ុន សែនបានចេញអនុក្រឹត្យមួយដែល ផ្តល់ការលើកទឹកចិត្តពន្ធយ៉ាងច្រើន ដល់ក្រុមហ៊ុន ដែលបានចុះបញ្ជីនៅផ្សារមូលបត្រក្នុងស្រុក។ ទាំងនេះរួមមានការកាត់បន្ថយពន្ធលើប្រាក់ចំណូល 50% និងការលុបចោលបំណុលពន្ធសម្រាប់ ក្រុមហ៊ុនដែលបានចុះបញ្ជីក្នុងរយៈពេល3 ឆ្នាំខាងមុខ។
លោក ហុង សុហួរ នាយកប្រតិបត្តិក្រុមហ៊ុនទីផ្សារមូលបត្របានមានប្រសាសន៍ថា៖“ដើម្បីលើកកម្ពស់ការយល់ដឹងអំពីការចុះបញ្ជីនៅលើទីផ្សារ យើងបានរៀបចំវេទិការៀងរាល់ខែ ដើម្បីអប់រំម្ចាស់អាជីវកម្មអំពីអត្ថប្រយោជន៍ក្នុងការចូលរួមជាមួយផ.ម.ក”។
លោកសុហួរបានបញ្ជាក់ថានៅក្នុងវេទិកាទាំងនេះដែលមានឈ្មោះថា“ប្រតិបត្តិ” ក្រុមហ៊ុនអាចសិក្សាអំពីឯកសារដែលត្រូវការ ដើម្បីរៀបចំការផ្តល់ជូនជាសាធារណៈលើកដំបូង។ លោកបានបន្ថែមថាការយល់ដឹងអំពីព័ត៌មាននេះអាចជួយសន្សំសំចៃសហគ្រាសដែលចង់ចុះបញ្ជីជាសាធារណៈបានច្រើន។
ក្រុមហ៊នសហគ្រាសមួយចំនួនក៏បានចាប់អារម្មណ៍ ហើយបានគិតថាពួកគេកំពុងស្វែងរកប្រភពហិរញ្ញវត្ថុថ្មីដើម្បីពង្រីកផលិតកម្ម។ ពួកគេនឹងពិចារណាក្នុងការចុះបញ្ជីនៅផ្សារមូលបត្រប្រសិនបើក្រុមហ៊ុនរបស់ពួកគេបំពេញតាមតម្រូវការ ហើយកំពុងស្វែងរកថវិកាបន្ថែមទៀតដើម្បីពង្រីកអាជីវកម្ម៕
ដំណោះស្រាយក្នុងការព្យាបាលចំពោះអ្នកជំងឺស្អប់សំឡេងគឺពិបាកខ្លាំងណាស់។ ប៉ុន្តែមានវិធីសាស្ត្រម្យ៉ាងដែលអាចជួយអ្នកជំងឺបាន ដោយអ្នកជំងឺត្រូវព្យាយាមទទួលការព្យាបាលដោយសំឡេង៖
