Category: សង្គម និងសេដ្ឋកិច្ច

គណៈកម្មការប្រតិបត្តិរបស់សហព័ន្ធកីឡាបាល់ទាត់កម្ពុជាបានបើកការប្រជុំជុំវិញផែនការសម្រាប់អភិវឌ្ឍន៍សហព័ន្ធ។ ដោយក្នុងនោះមានការលើកឡើងនូវចំណុចសំខាន់ៗមួយចំនួនដូចជា៖

-ការត្រៀមកែលម្អពហុកីឡដ្ឋានជាតិ ដោយសហព័ន្ធនឹងដាក់សំណើទៅកាន់ក្រសួងសេដ្ឋកិច្ច និងហិរញ្ញវត្ថុសម្រាប់ការគាំទ្រផ្នែកហិរញ្ញវត្ថុក្នុងការរៀបចំកៅអីអង្គុយរបស់ទស្សនិកជន កៅអីបច្ចេកទេសរបស់កីឡាករ អាជ្ញាកណ្ដាល និងកម្រិតពន្លឺនៅទូទាំងពហុកីឡដ្ឋានជាតិ ដើម្បីឱ្យស្របតាមលក្ខណៈស្តង់ដាបច្ចេកទេសរបស់សហព័ន្ធកីឡាបាល់ទាត់ពិភពលោក (FIFA ) និងសហព័ន្ធកីឡាបាល់ទាត់ទ្វីបអាស៊ី (AFC)។

គួរបញ្ជាក់ថា រាល់ការប្រកួតម្តងៗ កម្ពុជាតែងតែជួបបញ្ហាជាមួយនឹងមន្ត្រីដឹកនាំការប្រកួតមកពីសហព័ន្ធកីឡាបាល់ទាត់ពិភពលោកជាប់ជានិច្ច៕

​MV​ ​«​ ​ក្រមុំ​ស្រុកស្រែ​»​ ​មួយ​បទ​នេះ​ ​ទាំង​ពិរោះ​ ​ទាំង​មាន​អត្ថន័យ​ ​និង​មានសាច់​រឿង​រស់រវើក​ឆ្លុះបញ្ចាំង​ពី​ទំនៀម​ទំ​លាប់​ខ្មែរ​ដែល​ទម្លាប់​វិច​នំ​ ​ជួបជុំ​បងប្អូន​ឳពុក​ម្ដាយ​ ​និង​ទៅវត្តទៅវ៉ា​ ​ក្នុង​ឱកាស​ខែ​ភ្ជុំ​។​ ​អ្នកនាង​ ​ឈួន​ ​សុ​វណ្ណ​ឆៃ​ ​បាន​សម្រិតសម្រាំង​ស្នាដៃ​នៃ​ការ​ផ្តិត​យក​រូបភាព​ស្អា​តៗ​ ​និង​ស្រស់​ត្រកាល​តាម​វាលស្រែ​។​ ​ខណៈ​ដែល​អឹម​វី​នេះ​បាន​បញ្ចេញ​នៅ​លើ​បណ្ដាញ​សង្គម​ហ្វេ​សប៊ុ​ក​ ​បាន​ធ្វើ​ឱ្យ​អ្នកគាំទ្រ​អ្នកនាង​លាន់មាត់​សរសើរ​ពី​ការផលិត​បទចម្រៀង​របស់​អ្នកនាង​។​
​
​ ​MV​ ​បទចម្រៀង​របស់​អ្នកនាង​ ​ត្រូវ​បាន​ចេញ​បង្ហោះ​ ​កាលពី​រសៀល​ថ្ងៃទី១៨​ ខែ​កញ្ញា​ ​មុន​នេះ​ ​ដោយមាន​អ្នក​ចូល​ទស្សនា​កើនឡើង​ជាបន្តបន្ទាប់​ ​ដោយសារតែ​ត្រូវ​នឹង​បរិបទ​ក្នុង​អំឡុង​កាន់បិណ្ឌ​ ​និង​ភ្ជុំបិណ្ឌ​។​ ​អ្នកនាង​ ​ឈួន​ ​សុ​វណ្ណ​ឆៃ​ ​និយាយ​ថា​ ​ដើម្បី​អបអរ​បុណ្យ​ភ្ជុំ​ ​អ្នកនាង​មានតែ​បទ​”​ក្រមុំ​ស្រុកស្រែ​”​ទុកជា​ចំណងដៃ​ប៉ុណ្ណោះ​ ​ដោយបទ​ចម្រៀង​នេះ​ ​អ្នកនាង​គឺជា​អ្នក​ចំណាយ​ផលិត​ទាំងស្រុង​ ​ព្រោះតែ​ស្រលាញ់​តែម្ដង​។​ ​អ្នកនាង​ថា​ខ្លួន​នៅតែ​មិន​អាច​ដាច់​ឆ្ងាយ​ពី​សិល្បៈ​ដែល​ធ្លាប់​ជ្រោមជ្រែង​អោយ​អ្នកនាង​មាន​ថ្ងៃនេះ​នោះ​ទេ​ ​ទើប​អ្នកនាង​នៅតែ​ក្រ​វែលៗ​នឹង​សិល្បៈ​ ​បើ​ទោះជា​អ្នកនាង​មានមុខ​របរ​ ​និង​មាន​ជីវភាព​មួយ​ល្អ​ប្រសើរ​ទៅ​ហើយ​។​ ​អ្នកនាង​បាន​ទាំង​រំពឹង​ថា​បទចម្រៀង​”​ក្រមុំ​ស្រុកស្រែ​”​ ​នឹង​ជួយ​អំពេ​រអា​រម្ម​ណ៍​បងប្អូន​ខ្មែរ​ទាំង​ក្នុង​ស្រុក​ ​ជាពិសេស​អ្នក​រស់នៅ​ក្រៅប្រទេស​ ​អោយ​បាត់​នឹកស្រុក​នោះ​ផង​។​
​
​ ​ខាងក្រោម​នេះ​ ​ជា​ ​MV​ ​ក្ដៅ​ៗ​របស់​អ្នកនាង​ ​ឈួន​ ​សុ​វណ្ណ​ឆៃ​ ​«​ ​ក្រមុំ​ស្រុកស្រែ​»​៖​

កាលពីពេលថ្មីៗនេះ ក្រុមហ៊ុន Yamaha បានប្រកាសចេញម៉ូដែល Nmax ABS ឆ្នាំ2019 ដែលមានជម្រើស 2ពណ៌ថ្មីឱ្យជ្រើសរើស(ប្រផេះលាយខ្មៅ និងសលាយខ្មៅ) ព្រមទាំងប្រកាសឱ្យដឹងពីតម្លៃច្បាស់ៗទៀតផង។

ចំពោះ Yamaha NMax ស៊េរីថ្មីនេះ មិនមានមានការកែប្រែរូបរាងខាងក្រៅប៉ុម្មានទេ នៅតែមានប្រើកុងទ័រឌីជីថល គួបផ្សំនឹងការបន្ថែមជម្រើសពណ៌ថ្មីតែប៉ុណ្ណោះ។រីឯលក្ខណសម្បត្តិផ្សេងៗលើម៉ូតូនេះ ក៏មិនសូវខុសពីជំនាន់ប៉ុន្មានដែរ មានដូចជា ដំណើរការដោយម៉ាស៊ីនចំណុះ 155CC ជាមួយបច្ចេកវិទ្យាសន្សំសំចៃសាំង Blue Core អាចផលិតកម្លាំងបាន 15សេះ។ ហ្វ្រាំងម៉ូតូជាប្រភេទហ្វ្រាំងថាស ហើយម៉ូដែលនេះក៏មានជម្រើសជាហ្វ្រាំង ABS ផងដែរ។ ប្រើសម្បកកង់គ្មានពោះវៀន និងមានបំពាក់ដោយអំពូលភ្លើង LED ទៀតផង។ វាអាចផ្ទុកប្រេងឥន្ធនៈបាន 6.6លីត្រ និងមានទម្ងន់ 127គីឡូក្រាម។

ចំពោះតម្លៃចាប់ផ្តើមគឺ 3,200ដុល្លារ៕

​ព្រឹត្តិ​ការណ៍​នៅ​ទីក្រុង​ណា​ននីង​ ​ខេ​ត្ត​គ័ង​ស៊ី​ ​ប្រទេស​ចិន​ ​កម្មវិធី​«​ASEAN​-​China​ ​TV​ ​Drama​ ​Week​»​ ​គេ​បានឃើញ​កញ្ញា​ ​រតនៈ​ ​ពិសី​ ​លេចមុខលេចមាត់​យ៉ាង​ខ្លាំង​ ​ដោយ​គេ​ឃើញ​មាន​ការ​ឌីហ្សា​ញរូ​បថ​ត​របស់​នាង​នៅ​ចំកណ្ដាល​ប៉ាណូ​ ​ដែល​មិនមែន​គ្រាន់តែ​ចូលរួម​បង្គ្រប់​កម្មវិធី​នោះ​ឡើយ​។​ ​

ក្នុង​វីដេអូ​ហាត់​សម​ដែល​បាន​បង្ហោះ​ឡើង​ ​គឺ​នាង​ច្រៀង​ផង​ ​ធ្វើពិធី​ការិនី​ផង​ ​ដោយ​នាង​ចេញមុខ​ជាមួយ​តារា​បរទេស​យ៉ាង​កា​លី​ប​លើ​ឆាក​ដែល​ចម្រុះ​ដោយ​ភ្លើងពណ៌​យ៉ាង​ប្រណិត​។​ ​នេះ​ជា​ការ​ចេញ​សម្ដែង​ជា​លក្ខណៈ​ជាតិ​របស់​នាង​ ​មុន​ចេញទៅ​សម្តែង​នៅ​ប្រទេស​អូស្ត្រាលី​ ​ខណៈ​ដែល​វត្តមាន​របស់​នាង​ ​នៅក្នុង​ផលិត​កម្ម​ថោន​ ​ក៏​នឹង​ធ្វើ​ឱ្យ​នាង​ឈានឡើង​។​ ​
​
​រតនៈ​ ​ពិសី​ ​និយាយ​ថា​ ​នាង​ពិតជា​មាន​អារម្មណ៍​រំភើប​ ​និង​សប្បាយចិត្ត​យ៉ាង​ខ្លាំង​ ​ដែល​បាន​ក្ដោបក្ដាប់​ឱកាស​ ​ចេញទៅ​សម្ដែង​នៅ​ក្រៅប្រទេស​ ​ជា​ញឹកញាប់​ ​ដោយ​បាន​ទាំង​ត្រូវ​គេ​ជ្រើស​ឱ្យ​ក្លាយជា​តំណាង​របស់​កម្ពុជា​ ​នៅក្នុង​ព្រឹត្តិ​ការណ៍​ ​«​Asean_China​ ​Concert​»​ ​នៅ​ឯ​ទីក្រុង​ណា​ននីង​គ័ង​ស៊ី​ ​ប្រទេស​ចិន​ ​ដោយ​នាង​ទៅ​ហាត់​សម​តាំងពី​ថ្ងៃទី​ ​១៥ខែកញ្ញា​។​ ​ថ្លែង​ពី​ប្រទេស​ចិន​តារា​ស្រី​សិច​ស៊ី​ ​រូប​នេះ​បញ្ជាក់​ថា​ ​ក្រោយ​បញ្ចប់​ការសម្ដែង​យ៉ាង​ជោគជ័យ​ ​នាង​នឹង​ត្រឡប់មកវិញ​នៅ​ថ្ងៃទី១៩ខែកញ្ញា​ ​ឆ្នាំ២០១៩នេះ​។​ ​នាង​បន្ត​ថា​ ​នាង​ពិតជា​រីករាយ​នឹង​ឱកាស​មួយ​នេះ​ ​ហើយ​នាង​ក៏​មោទនភាព​ណាស់​ដែរ​ ​ខណៈ​ត្រូវ​បាន​កម្មវិធី​ទាំងមូល​លើកមុខ​ដល់​ម្លឹង​។​
​
​តារា​ស្រី​សាច់​សខ្ចី​រូប​នេះ​ ​បាន​បន្ត​ថា​កម្មវិធី​នេះ​ប្រមូល​ផ្តុំ​ដោយ​ដោយ​សិល្បករ​ល្បីឈ្មោះ​ពិសេស​អ្នកមាន​បទចម្រៀង​នៅក្នុង​ភាពយន្ត​ភា​គ​ល្បី​ៗ​លើ​កញ្ចក់​ទូរទស្សន៍​។​ ​ក្រោយ​ត្រលប់​មកវិញ​ ​នាង​នឹង​បន្ត​ទៅ​សម្ដែង​ ​និង​ច្រៀង​ក្នុង​ប្រទេស​អូស្ត្រាលី​ ​រយៈពេល៣ខែ​ ​ដោយ​កុងត្រា​រយៈពេល៥ឆ្នាំ​របស់​នាង​នៅ​ថោន​ ​គឺ​សម្រុក​ផលិត​បទ​ក្រោយ​បញ្ចប់​បេសកកម្ម​នៅ​ក្រៅប្រទេស​៕​

​តារា​សម្ដែង​ ​កញ្ញា​ ​យ៉ែម​ ​ស្រីពេជ្រ​ ​បាន​រៀបរាប់​ប្រាប់​អ្នកសារព័ត៌មាន​នៅក្នុង​ពិធី​ធម្មយាត្រា​ទាំង៥ប្រទេស​ ​គឺ​កម្ពុជា​ ​ថៃ​ ​ឡាវ​ ​វៀតណាម​ ​និង​ ​មីយ៉ាន់ម៉ា​ ​ជាច្រើន​ជុំវិញ​ផ្លូវធម៌​ ​ដែល​មិន​នឹកស្មាន​ថា​ ​នាង​ជា​យុវវ័យ​ដែល​ជោគជាំ​ដោយ​សាសនា​ដល់​ម្លឹង​។​ ​នាង​បាន​ប្រកាស​ថា​ ​នាង​មានបំណង​ចង់​បួស​ជា​ដូនជី​យ៉ាង​យូរ​រយៈពេល១ខែ​ ​តែ​ឱកាស​មិនទាន់​ហុច​ឱ្យ​នៅឡើយ​។​ ​
​
​តារា​សម្ដែង​ស្រី​ប្រចាំ​ស្ថានីយ​ទូរទស្សន៍​ប៉ុ​ស្ដិ៍​លេខ៥​ ​កញ្ញា​ ​យ៉ែម​ ​ស្រីពេជ្រ​ ​និយាយ​ថា​ ​ដ្បិតតែ​កញ្ញា​រវល់​ ​និង​មាន​វ័យ​មិនទាន់​ចាស់​មែន​ ​ប៉ុន្តែ​កញ្ញា​មាន​ចំណូលចិត្ត​ស្ដាប់​ព្រះធម៌​ ​និង​គោរព​ព្រះពុទ្ធ​សាសនា​យ៉ាង​ខ្លាំង​ ​អ៊ីចឹង​ហើយ​ទើប​កញ្ញា​ ​សម្រេចចិត្ត​ចូលរួម​ក្នុង​សន្និសីទ​ស្ដីពី​ធម្មយាត្រា​ ​ដែល​ជាពិធី​ដង្ហែ​រក្បួន​ផ្សព្វផ្សាយ​សាសនា​ប្រចាំឆ្នាំ​របស់​ប្រទេស​ទាំង៥​ ​នៅ​ជុំវិញ​ដងទន្លេ​មេគង្គ​នោះ​។​ ​កញ្ញា​ថា​ ​ខ្លួន​មានបំណង​ចង់​ផ្សារភ្ជាប់​ជាមួយ​ព្រះពុទ្ធ​សាសនា​ប្រមាណ២ឆ្នាំ​ចុងក្រោយ​ ​ដោយ​ប៉ង​ទៅ​ស្ដាប់ធម៌​ ​និង​សមាធិ​នៅក្នុង​វត្ត​អារ៉ាម​ ​ដើម្បី​ឱ្យ​បាន​យល់ដឹង​ពី​ព្រះពុទ្ធ​សាសនា​។​ ​កញ្ញា​និយាយ​ថា​ ​ជា​រៀងរាល់​ឆ្នាំ​ព្រះសង្ឃ​ ​និង​ដូនជី​ ​តែង​ធ្វើពិធី​សមាធិ​ស្ដាប់ធម៌​ម្ដង១០ថ្ងៃ​ ​ដោយ​តម្រូវ​ឱ្យ​រៀន​ធម៌​ ​និង​តាំងសម្មាធិ​ ​ដែល​កញ្ញា​ស្ងប់​ផ្លូវចិត្ត​កុំ​ឱ្យ​ស្ត្​រេស​។​ ​កញ្ញា​បង្ហាញ​អារម្មណ៍​ខកចិត្ត​ ​ដែល​មិនបាន​ចូលរួម​ក្នុង​វគ្គសិក្សា​ព្រះធម៌​បែបនេះ២ឆ្នាំ​មក​ហើយ​ ​ដោយសារ​ឱ្យ​តែ​ដល់​វគ្គ​បណ្ដុះបណ្ដាល​ព្រះធម៌​នេះ​ ​គឺ​នាង​អត់​បានដឹង​ពី​ចម្ងាយ​ ​ហើយ​សុំច្បាប់​ការងារ​ថត​មិនបាន​។​ ​យ៉ាងណាមិញ​ ​កញ្ញា​ ​ថា​នឹង​ប៉ង​ចូលរួម​ក្នុង​កម្មវិធី​នេះ​ឱ្យ​ខាន​តែ​បាន​ ​ដោយ​បាន​ទូល​សុំ​ព្រះសង្ឃ​ដែល​ជា​អ្នក​រៀបចំ​ដើម្បីអោយ​ប្រាប់​ឱ្យ​ដឹងមុន​។​ ​ក្នុង​នោះ​កញ្ញា​ក៏​ប្រកាស​គាំទ្រ​ក្បួន​ធម្មយាត្រា​ដែល​ប្រកាស​ធ្វើឡើង​ផង​ដែរ​។​ ​
​
​លោក​ ​ស៊ុ​ផា​ឆៃ​ ​វិរៈ​ភូ​ជុង​ ​អគ្គលេខាធិការ​វិទ្យាស្ថាន​ពោធិ​ខា​យ៉ា​វិ​ឆា​ឡា៩៨០​ ​បាន​ថ្លែង​បញ្ជាក់​ថា​ ​ព្រឹត្តិ​ការណ៍​នេះ​ ​នឹង​ធ្វើពិធី​ដង្ហែ​រក្បួ​នក្នុង​ប្រទេស​ទាំង៥​ ​ដោយ​បន្ទាប់ពី​ប្រកាស​អោយ​ដឹង​នៅ​ប្រទេស​កម្ពុជា​ ​ក្បួន​រថយន្ត​ ​និង​ក្បួន​ថ្មើ​ជើង​ ​នឹង​ចាប់​ធ្វើដំណើរ​នាំ​ព្រះធម៌​បង្កើត​មិត្តភាព​ពី​ខេ​ត្ត​ឈៀ​ងរ៉ៃ​ប្រទេស​ថៃ​ ​នៅ​ថ្ងៃទី១៤​ ​តុលា​ ​ឆ្ពោះទៅ​មីយ៉ាន់ម៉ា​ ​ឡាវ​ ​វៀតណាម​ ​និង​ត្រលប់​មក​បញ្ចប់​នៅ​សៀមរាប​នៅ​ថ្ងៃទី៣១​ ​តុលា​ ​ឆ្នាំ២០១៩​។​ ​ព្រឹត្តិ​ការណ៍​នេះ​រំពឹង​ថា​នឹង​មាន​មនុស្ស​ច្រើន​ចូលរួម​ ​ខណៈ​ដែល​ប្រទេស​ទាំង៥​ ​ក៏បាន​យោគយល់​គ្នា​ ​ដោយ​អនុញ្ញាតិ​ក្បួន​ដង្ហែ​រ​ចេញចូល​ដោយ​មិនបាច់​ប្រើ​លិខិតឆ្លងដែន​ ​ដើម្បី​រួមគ្នា​ផ្សព្វផ្សាយ​សាសនា​៕​

ស្រីស្អាត ម៉ូកតា ម៉ាតថាណា ជាកូនកាត់ឥណ្ឌា នាង មានឪពុកជាកូនកាត់ឥណ្ឌា ចូលប្រឡូកសិល្បៈមុនដំបូងតាមរយៈការប្រឡងស្រីស្រស់ប្រុសស្អាតនៅទូរទស្សន៍ My Tv ក្នុងឆ្នាំ ២០១៦ ។ នាងទទួលបានឱកាសសម្តែងក្នុងភាពយន្តជាច្រើនបន្តបន្ទាប់រហូតទទួលបានការគាំត្រច្រើនពីទស្សនិកជន និងផលិតករ។

តារាស្រីវ័យក្មេងស្រស់សោភារូបនេះបានរៀបចំពិធីខួបកំណើតទ្រង់ទ្រាយធំលើកទី១ក្នុងជីវិតគម្រប់វ័យ២១ឆ្នាំ និងបានបង្ហាញសម្រស់ដូចបវរកញ្ញានៅរាត្រីថ្ងៃទី១៧ ខែកញ្ញាក្រោមវត្តមានសិល្បករជាច្រើនចូលរួម។ នាងគ្រោងបើកដំណើរការហាងអ៊ុតសក់ទ្រង់ទ្រាយធំគួរសមមួយដើម្បីបំពេញក្តីស្រម៉ៃបន្ថែមលើការងារសិល្បៈ។

តារាស្រីកូនកាត់ឥណ្ឌារូបនេះលើកឡើងថានាងចូលសិល្បៈច្រើនឆ្នាំហើយដែរទើបសម្រេចចិត្តធ្វើខួបកំណើតលើកនេះ ដែលមានភ្ញៀវប្រមាណជាង២រយនាក់ដែលភាគច្រើនជាអ្នកសិល្បៈដែលបានរាប់អានគ្នាជាយូរមកហើយដែរ។ តារាស្រីល្បីឈ្មោះក្នុងរឿង”មុខកាំបិទមុខស្នេហ៍” រូបនេះបញ្ជាក់ថា ថ្មីៗនេះនាងបន្ថយការងារសិល្បៈខ្លះដើម្បីទុកពេលមើលថែគ្រួសារពិសេសឪពុកនាងដែលមានឈឺ ហើយក៏ត្រូវរកពេលបន្ថែមការងារក្រៅពីរង្វង់សិល្បៈដែរ។ នាងថានាងថាបានបើកហាងអ៊ុតសក់មួយនៅតំបន់ផ្សារច្បារអំពៅ ហើយហាងនេះកំពុងតែទទួលបានការគាំទ្រច្រើន។ នាងថារឿងស្នេហានាងនៅមិនទាន់បង្ហើបទេ គឺត្រូវចាំពេលវេលាបន្តិចសិន។ នាងបន្តថាថ្ងៃខួបកំណើតឆ្នាំនេះអ្វីដែលនាងចង់បានបំផុតគឺការងារមុខរបររីកចម្រើន ពិសេសសូមឲ្យឪពុកនាងឆាប់ជាសះស្បើយពីជំងឺ មានសុខភាពល្អ៕

អម្បាញ់មិញនេះបន្តិច សហព័ន្ធកីឡាបាល់ទាត់កម្ពុជាបានបញ្ចេញបញ្ជីឈ្មោះកីឡាករក្រុមជម្រើសជាតិយុវជនកម្ពុជាអាយុក្រោម 15ឆ្នាំត្រៀមចូលរួមការប្រកួត AFC U16 Championship 2020 Qualifiers ប្រចាំពូល J ដោយក្នុងនោះមានកីឡាករយុវជនចំនួន 23រូប ដែលភាគច្រើនជាយុវជនរបស់សាលាបាល់ទាត់ជាតិបាទី។

ជាមួយគ្នានេះដែរ ក្រុមបាល់ទាត់ជម្រើសជាតិយុវជនអាយុក្រោម 15ឆ្នាំនៃប្រទេសកម្ពុជានឹងចេញដំណើរទៅកាន់ប្រទេសឡាវនាពេលល្ងាចថ្ងៃនេះ ដើម្បីទៅចូលរួមការប្រកួតក្នុងពានរង្វាន់ខាងលើ ដែលនឹងចាប់ផ្តើមនៅថ្ងៃទី18 ខែកញ្ញា ឆ្នាំ2019 ខាងមុខនេះ។

គួរបញ្ជាក់ផងដែរថា កម្ពុជាស្ថិតនៅក្នុងពូល J ជាមួយនឹងប្រទេសចំនួន3 គឺជប៉ុន ម្ចាស់ផ្ទះឡាវ និងម៉ាឡេស៊ី ដោយការប្រកួតបើកឆាកដំបូង កម្ពុជានឹងប៉ះម៉ាឡេស៊ីនៅថ្ងៃទី18 ខែកញ្ញា ស្អែកនេះ មុននឹងបន្តជួបជប៉ុន និងឡាវជាបន្តបន្ទាប់នៅថ្ងៃទី20 និង22 ខែកញ្ញា ឆ្នាំ2019៕

ក្រុមបាល់ទាត់ជម្រើសជាតិអាយុក្រោម 16ឆ្នាំរបស់កម្ពុជាដែលស្ថិតនៅក្នុងពូល J រួមជាមួយនឹងជប៉ុន ម៉ាឡេស៊ី និង ឡាវបានធ្វើដំណើរទៅដល់ទីក្រុងវៀងច័ន្នន៍ ប្រទេសឡាវហើយកាលពីម្សិលមិញនេះ ដើម្បីចូលរួមប្រកួតក្នុងពានរង្វាន់បាល់ទាត់យុវជនអាយុក្រោម 16ឆ្នាំប្រចាំតំបន់អាស៊ី។ នៅថ្ងៃនេះ ក្រុមបាល់ទាត់យុវជនជម្រើសជាតិកម្ពុជានឹងត្រូវបើកឆាកការប្រកួតលើកដំបូងរបស់ខ្លួនជាមួយនឹងក្រុមម៉ាឡេស៊ី វេលាម៉ោង 6:30ល្ងាច ថ្ងៃទី18 ខែកញ្ញា ឆ្នាំ2019៕

ក្នុងការប្រកួតដំបូងរបស់កីឡាករ Neymar JR ក្នុងក្របខ័ណ្ឌលីកកំពូលរបស់ប្រទេសបារាំង កីឡាកររូបនេះបានស៊ុតចូល 1គ្រាប់ ជួយឱ្យក្រុមរបស់ខ្លួនយកឈ្នះទៅលើគូបដិបក្ខដោយលទ្ធផល 1ទល់នឹង0។

ទោះជាកីឡាករប្រេស៊ីលរូបនេះជាអ្នកជួយក្រុមឱ្យរកបាន 3ពិន្ទុមែន ក៏ប៉ុន្តែរូបគេត្រូវបានអ្នកគាំទ្រ PSG ក្នុងកីឡដ្ឋានផ្ទាល់មើលងាយមិនស្ទើរឡើយ ព្រោះរូបគេត្រូវបានអ្នកគាំទ្រក្រុមយក្សបារាំង Paris Saint Germaint លើកផ្ទាំងបដាដែលមានអក្សរជាទំនងតិះដៀល មាក់ងាយថា ជាស្រីលក់ខ្លួន ធ្វើអ្វីៗរាល់ថ្ងៃដើម្បីតែលុយ។

គួររំឭកថា កីឡាកររូបនេះមានគម្រោងចង់ចាកចេញពីក្លិបមួយនេះក្នុងរដូវកាលនេះ តែអ្វីៗមិនបានដូចបំណងឡើយ ដោយសារតែគ្មានក្លិបណាទិញយក ទីបំផុតរូបគេក៏សម្រេចចិត្តលេងនៅក្លិបចាស់នេះដដែល៕