សង្គម និងសេដ្ឋកិច្ច - La Reine Media

ក្រសួងពាណិជ្ជកម្មផ្តើមរៀបចំពាណិជ្ជកម្មតាមប្រព័ន្ធអេឡិចត្រូនិក

រដ្ឋលេខាធិការក្រសួងពាណិជ្ជកម្មបានឱ្យដឹងថា ការផ្តល់សុពលភាពលើឯកសារទស្សនទានយុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិក គឺជាផែនទីបង្ហាញផ្លូវមួយដល់ការអភិវឌ្ឍវិស័យពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា។

លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានថ្លែងថា៖ “ការវិវឌ្ឍដ៏លឿននៃបច្ចេកវិទ្យាឌីជីថលបានបង្កើតឡើងនូវកាលានុវត្តភាព ក៏ដូចជាការប្រឈមជាច្រើនដែលទាមទារឱ្យមានការគិតគូរឱ្យច្បាស់លាស់លើការប្រព្រឹត្តទៅនៃការងារនានា ការពឹងផ្អែកបច្ចេកវិទ្យាជាមធ្យោបាយ ហើយការងារទាំងនេះត្រូវបានរំលេចយ៉ាងច្បាស់លាស់ប្រកបដោយចក្ខុវិស័យវែងឆ្ងាយ នៅក្នុងយុទ្ធសាស្ត្រចតុកោណដំណាក់កាលទី4 របស់រាជរដ្ឋាភិបាលអាណត្តិទី6 ត្រង់មុំទី3 ដែលតម្រូវឱ្យមានការពិនិត្យ និងត្រៀមខ្លួនសម្រាប់សេដ្ឋកិច្ចឌីជីថល និងឆ្លើយតបនឹងបដិវត្តន៍ឧស្សាហកម្មទី4”។

លោកជំទាវបន្តទៀតថា ជាកិច្ចឆ្លើយតប និងចូលរួមវិភាគទានទៅលើការសម្រេចបាននូវ គោលដៅអាទិភាពទាំងនោះ ក្រសួងពាណិជ្ជកម្មបានសម្រេចចិត្តធ្វើការរៀបចំយុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិក ដើម្បីជាផែនទីបង្ហាញផ្លូវមួយច្បាស់លាស់ដល់ការអភិវឌ្ឍវិស័យពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា។

ការរៀបចំយុទ្ធសាស្ត្រនេះដែរ ក៏ជាតម្រូវការដ៏សំខាន់ និងឆ្លើយតបទៅនឹងអនុសាសន៍មួយ ចំនួនទៀតនៅក្នុងឯកសារ និងយុទ្ធសាស្ត្រផ្សេងៗ ដូចជាឯកសារ Cambodia eTrade Readiness Assessment ដែលបានរៀបចំឡើងដោយអង្គការ UNCTAD នៅឆ្នាំ2017 និងថ្មីៗនេះនៅក្នុងសមា ហរណកម្មពាណិជ្ជកម្មកម្ពុជា 2019-2023 ជាពិសេសជំពូកទី11 ស្ដីពីពាណិជ្ជកម្មអេឡិចត្រូនិក និងជំពូកទី12 ស្ដីពីសេដ្ឋកិច្ចឌីជីថល និងបដិវត្តន៍ឧស្សាហកម្មទី4។

សូមបញ្ជាក់ថា បច្ចុប្បន្នប្រព័ន្ធព័ត៌មានវិទ្យាបានដើរតួនាទីយ៉ាងសំខាន់ក្នុងកិច្ចការសម្រួលពាណិជ្ជកម្ម តាមរយៈការកាត់បន្ថយនីតិវិធីរដ្ឋបាល ជួយសន្សំថវិកា និងពេលវេលានាំចេញ-នាំចូល ព្រមទាំងធានាបាននូវតម្លាភាព និងប្រសិទ្ធភាពខ្ពស់ ស្របតាមគោលការណ៍នៃអភិបាលកិច្ចល្អ ដែលជាស្នូលនៃយុទ្ធសាស្ត្រចតុកោណដំណាក់កាលទី4 របស់រាជរដ្ឋាភិបាលកម្ពុជា។

នៅក្នុងបរិបទនៃសេដ្ឋកិច្ចឌីជីថល ប្រទេសជាច្រើនរួមទាំងកម្ពុជាបានកំពុងធ្វើកំណែទម្រង់នីតិវិធីរដ្ឋបាលដោយប្រើប្រាស់ប្រព័ន្ធព័ត៌មានវិទ្យាដើម្បីបង្កើនល្បឿន និងប្រសិទ្ធភាពនៃការដោះដូរទំនិញ និងលើកកម្ពស់ភាពប្រកួតប្រជែងរបស់ខ្លួន។ដូច្នេះកិច្ចប្រឹងប្រែងរបស់ក្រសួងពាណិជ្ជកម្មក្នុងការធ្វើទំនើបកម្មសេវាសាធារណៈ តាមរយៈការដាក់ឱ្យប្រើប្រាស់នូវប្រព័ន្ធស្វ័យប្រវត្តិកម្មសំខាន់ៗជាមួយប្រព័ន្ធបង់ប្រាក់អេឡិចត្រូនិក និងតភ្ជាប់ទៅកាន់បញ្ជរជាតិតែមួយ ការធ្វើបច្ចុប្បន្នភាពផែនការមេបច្ចេកវិទ្យា (ITC Master Plan) ការដាក់ឱ្យដំណើរការបច្ចេកវិទ្យា Cloud និងការដាក់បញ្ចូលផែនការសកម្មភាពថ្មីៗស្តីពីកិច្ចសម្រួលពាណិជ្ជកម្មនៅក្នុងយុទ្ធសាស្ត្រសមាហរណកម្មពាណិជ្ជកម្មកម្ពុជា (CTIS) ឆ្នាំ2019-2023 ជាដើម។

លោកជំទាវ តឹករ៉េត កំរង ក៏បានបន្ថែមទៀតដែរថា៖“លើសពីនោះទៀត យុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិក ក៏ឆ្លើយតបទៅនឹងតម្រូវការរបស់វិស័យឯកជនដែលត្រូវការឯកសារមួយសម្រាប់បញ្ជាក់ជូនអំពីចក្ខុវិស័យ និងគោលនយោបាយរបស់រដ្ឋាភិបាលក្នុងការអភិវឌ្ឍវិស័យនេះ ដែលជាចលករមួយសំខាន់ក្នុងការសំដៅជំរុញនៃការធ្វើពាណិជ្ជកម្មតាមរយៈការប្រើប្រាស់បច្ចេកវិទ្យា”។

លោកជំទាវ តឹករ៉េត កំរង បានបញ្ជាក់ថា៖“ការរៀបចំយុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិកនៅវេលានេះ ជាការមួយដ៏ត្រឹមត្រូវ គាប់ជួនជាមួយនឹងការជិតសម្រេចបាននូវច្បាប់ស្ដីពីពាណិជ្ជកម្មតាមប្រព័ន្ធអេឡិចត្រូនិក ហើយសេចក្ដីព្រាងច្បាប់ស្ដីពីពាណិជ្ជកម្មតាមប្រព័ន្ធអេឡិចត្រូនិកនេះបានឆ្លងផុតកិច្ចប្រជុំជាមួយគណៈកម្មការជំនាញនៃរដ្ឋសភារួចហើយ បន្ទាប់ទៀតនឹងត្រូវបញ្ជូនបន្តដើម្បីស្នើសុំការអនុម័តដោយរដ្ឋសភាក្នុងពេលដ៏ខ្លីខាងមុខនេះ”៕

September 22, 2019

កម្ពុជា-ជប៉ុនរំពឹងជំរុញពាណិជ្ជកម្មតាមរយៈការចុះអនុស្សរណៈ

ក្រសួងពាណិជ្ជកម្មកម្ពុជា និងអង្គការពាណិជ្ជកម្មក្រៅប្រទេសជប៉ុនហៅកាត់ថា JETRO (ជេត្រូ) បានចុះហត្ថលេខាលើអនុស្សរណៈយោគយល់គ្នា (MoU) ដោយរំពឹងថា នឹងអាចទាក់ទាញវិនិយោគិនជប៉ុនមកកម្ពុជាបន្ថែមទៀត ដើម្បីជំរុញវិស័យពាណិជ្ជកម្ម វិនិយោគ និងការអភិវឌ្ឍឧស្សាហកម្ម និងវិស័យសំណង់ ខណៈដែលប្រទេសជប៉ុនក៏ជាអ្នកវិនិយោគធំមួយដែរនៅកម្ពុជា។

ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានមានប្រសាសន៍ថា អនុស្សរណៈនេះនឹងជួយពង្រឹងបន្ថែមនូវកិច្ចសហប្រតិបត្តិការក្នុងវិស័យពាណិជ្ជកម្ម វិនិយោគ និងការអភិវឌ្ឍឧស្សាហកម្ម ក្នុងគោលបំណងបង្កើតនូវភាពជាដៃគូគ្រប់ជ្រុងជ្រោយរវាងក្រសួងពាណិជ្ជកម្ម និង JETRO ។

ជាមួយគ្នានោះផងដែរ ឯកឧត្តមរដ្ឋមន្ត្រីក៏បានកត់សម្គាល់នូវសកម្មភាពមួយចំនួនដែល JETROបានអនុវត្តនៅកម្ពុជា ដែលរួមមានការផ្គូផ្គងធុរកិច្ច ការសិក្សាវិភាគ ការចូលរួមក្នុងពិព័រណ៍ពាណិជ្ជកម្មក្នុងស្រុក ការសម្របសម្រួលបញ្ហាជូនក្រុមហ៊ុនជប៉ុន ការបណ្ដុះបណ្ដាលមន្ត្រី និងវិស័យឯកជន និងការជួយដល់ក្រុមហ៊ុនកម្ពុជាចូលរួមក្នុងពិព័រណ៍ជប៉ុន។

ឯកឧត្តមបានបន្តថា តាមរយៈការខិតខំប្រឹងប្រែងប្រមូលព័ត៌មានពិតពីទីផ្សារកម្ពុជារបស់ JETRO បានផ្ដល់ទំនុកចិត្តដល់ក្រុមហ៊ុនAeon មកវិនិយោគផ្សារទំនើបនៅកម្ពុជាជាបន្តបន្ទាប់ ហើយការបង្កើតផ្សារទំនើបAeon ជាបន្តបន្ទាប់នេះគឺជាតម្លៃបន្ថែមមួយនៃការវិនិយោគ ដោយក្រុមហ៊ុនជប៉ុនបាននាំយកមកជាមួយនូវស្ដង់ដាល្អៗជាច្រើន ដូចជាស្ដង់ដាអនាម័យមកប្រើប្រាស់ក្នុងទីផ្សារកម្ពុជា។

លោកស្រីបណ្ឌិត យូរី សាតូ នាយិការងនៃអង្គការ JETRO បានថ្លែងអំណរគុណចំពោះកិច្ចសម្របសម្រួលរបស់ក្រសួងពាណិជ្ជកម្មចំពោះធុរកិច្ចជប៉ុន។ លោកស្រីបានកត់សម្គាល់នូវកំណែទម្រង់មួយចំនួនដែលរាជរដ្ឋាភិបាលកម្ពុជាបានដាក់ចេញ និងអនុវត្តក្នុងការសម្រួលដល់ការប្រកបធុរកិច្ច និងពាណិជ្ជកម្ម ដែលនេះជាសញ្ញាវិជ្ជមានមួយដែលលោកស្រីនឹងពាំនាំទៅផ្សព្វផ្សាយ។

លោកស្រីបានបញ្ជាក់ថា JETRO មានការងារថ្មីមួយដែលនឹងអនុវត្ត នោះគឺការជំរុញនវានុវត្តន៍ និងការបង្កើតក្រុមហ៊ុនបច្ចេកវិទ្យាឌីជីថលថ្មី (Innovation and Digital Technology Startup) ជាមួយនឹងការផ្គូផ្គងធុរកិច្ច។

សូមបញ្ជាក់ថា អនុស្សរណៈនៃការយោគយល់គ្នាដែលបានចុះនាពេលនេះ ជាការធ្វើបច្ចុប្បន្នភាពលើអនុស្សរណៈដែលក្រសួងពាណិជ្ជកម្ម និងអង្គការJ ETRO បានចុះកាលពីថ្ងៃទី14 ខែធ្នូ ឆ្នាំ2009។ កិច្ចសហប្រតិបត្តិការរវាងស្ថាប័នទាំង2 បានរួមចំណែកដល់កំណើននៃទំហំពាណិជ្ជកម្មរវាងកម្ពុជា និងជប៉ុនដែលក្នុងឆ្នាំ2009 មានចំនួនតិចតួច ហើយក្នុងឆ្នាំ2018 បានកើនឡើងដល់ចំនួនប្រមាណ 1.6ប៊ីលានដុល្លារសហរដ្ឋអាមេរិក។

ដោយឡែកគណៈប្រតិភូវិនិយោគិនជប៉ុនចំនួន14រូប ក៏បានជួបពិភាក្សាក្នុងក្របខ័ណ្ឌនៃការអនុវត្តអនុស្សរណៈយោគយល់គ្នាស្តីពីកិច្ចសហប្រតិបត្តិការជំរុញវិនិយោគដែលក្រុមប្រឹក្សាអភិវឌ្ឍន៍កម្ពុជាបានចុះហត្ថលេខាជាមួយធនាគារ មីហ៊្សូហូ កាលពីថ្ងៃទី27 ខែកុម្ភៈ ឆ្នាំ2017កន្លងទៅ។

ឯកឧត្តម សុខ ចិន្តាសោភា អគ្គលេខាធិការក្រុមប្រឹក្សាអភិវឌ្ឍន៍កម្ពុជាបានបញ្ជាក់ថា៖“នៅក្នុងជំនួបនេះ សំដៅជំរុញដល់ការវិនិយោគរបស់ជប៉ុនមកកម្ពុជា និងលើកកម្ពស់ភាពជាដៃគូសហគ្រិនកម្ពុជា-ជប៉ុនដែលគណៈប្រតិភូវិនិយោគិនជប៉ុនកំពុងមានប្រតិបត្តិការនៅក្នុងតំបន់ និងនៅក្នុងប្រទេសកម្ពុជា ដឹកនាំដោយលោកប្រធានផ្នែកតំបន់អាស៊ី និងអូសេអានីនៃធនាគារ មីហ្ស៊ូហូ ដែលជាធនាគារមួយក្នុងចំណោមធនាគារធំជាងគេទាំង3នៅប្រទេសជប៉ុន ដើម្បីស្វែងយល់បន្ថែមពីកាលានុវត្តភាពវិនិយោគនៅកម្ពុជាទាក់ទិនទៅនឹងវិស័យកសិ-ឧស្សាហកម្ម”។

បច្ចុប្បន្ននេះ វិស័យអាទិភាពទាំង5 ដែលបានកំណត់នៅក្នុងគោលនយោបាយអភិវឌ្ឍន៍ឧស្សាហកម្មកម្ពុជាឆ្នាំ2015-2025 ជាពិសេសវិស័យកសិ-ឧស្សាហកម្ម និងកែច្នៃចំណីអាហារ សមស្របទៅនឹងបណ្តាក្រុមហ៊ុនរបស់ជប៉ុនដែលមានបច្ចេកវិទ្យា និងជំនាញខ្ពស់ និងច្បាស់លាស់ ខណៈដែលកម្ពុជាមានកសិផលប្រកបដោយគុណភាពខ្ពស់។

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានប្រសាសន៍ប្រាប់ឱ្យដឹងតាមទូរស័ព្ទថា ការចុះ MoU នេះ មិនត្រឹមតែខាងក្រុមប្រឹក្សាអភិវឌ្ឍន៍កម្ពុជាប៉ុណ្ណោះទេ សូម្បីតែខាងពន្ធដារក៏មានការចុះ MoU លើកលែងពន្ធត្រួតស៊ីគ្នាដែលជាការលើកទឹកចិត្ត និងបើកផ្លូវសម្រាប់ក្រុមហ៊ុនជប៉ុនដទៃទៀតដែលមិនទាន់ចូលមកវិនិយោគនៅកម្ពុជាឱ្យចូលមកស្វែងយល់ពីឱកាសវិនិយោគផងដែរ។លោកឧកញ៉ា លឹម ហេង បានបញ្ជាក់ទៀតថា៖“ជប៉ុន មុនពេលចូលវិនិយោគនៅប្រទេសណាមួយ គឺពួកគេបានសិក្សាលម្អិតពីភាពប្រឈម និងឱកាសរីកចម្រើននៃមុខជំនួញរបស់ពួកគេ ដូច្នេះប្រទេសណាមួយដែលជប៉ុនចូលវិនិយោគហើយ គឺបានបញ្ជាក់ច្បាស់ពីភាពរឹងមាំនៃកត្តាសេដ្ឋកិច្ច និងស្ថិរភាពនយោបាយដែលអំណោយផលដល់ការវិនិយោគ”។

លោកឧកញ៉ាបន្តទៀតថា៖“ដូច្នេះជាមួយនឹងការចូលមកសិក្សា និងស្វែងយល់ពីឱកាសទាំងនេះ គឺមានការបង្ហាញផ្លូវពីសំណាក់បណ្តាក្រុមហ៊ុនជប៉ុនដែលកំពុងដំណើរការវិនិយោគនៅកម្ពុជា ដែលកាន់តែបង្កើនទំនុកចិត្តខ្លាំងឡើងសម្រាប់ពួកគេបន្ថែមទៀត”។

បច្ចុប្បន្ននេះ ក្រៅពីមានភាពស្អិតល្មួតលើវិស័យការទូតហើយ ប្រទេសជប៉ុនបានឈរនៅលំដាប់ទី2 ក្នុងនាមជាប្រទេសដែលជួយជ្រោមជ្រែងប្រទេសកម្ពុជាតាមរយៈការផ្តល់ជំនួយស្ដារ និងសាងសង់ហេដ្ឋារចនាសម្ព័ន្ធនានា ជាពិសេសនៅក្នុងវិស័យសុខាភិបាល និងវិស័យអប់រំ។ ដោយឡែកនៅក្នុងវិស័យពាណិជ្ជកម្ម និងការវិនិយោគនៅកម្ពុជា ប្រទេសជប៉ុនកំពុងឈរនៅលំដាប់ទី4 ខណៈដែលប្រទេសវិនិយោគច្រើនជាងគេទី1 នៅកម្ពុជា គឺប្រទេសចិនដែលឈរនៅលំដាប់កំពូល និងប្រទេសកូរ៉េខាងត្បូងឈរនៅលំដាប់ទី2 ហើយសិង្ហបុរី ឈរនៅលំដាប់ទី3៕

September 22, 2019

ចង់សម្រកទម្ងន់បានជោគជ័យត្រូវតែតស៊ូ

ធុញទ្រាន់នឹងរូបរាងដ៏ទ្រលុកទ្រលន់មើលមិនឃើញរាងស្វែលនេះណាស់មែនទេ? ប្រាកដណាស់សម្រាប់អ្នកដែលតែងតែនឹកគិតដល់ភាពស្រឡូនស្អាតជាប់ជានិច្ចនោះ គឺពិតជាខិតខំស្វែងរក និងសាកល្បងវិធីថ្មីៗដែលអ្នកបានដឹង។ តាមរយៈវិធីសាស្រ្តទាំង6យ៉ាងដែល ឡារ៉ែន បានផ្តល់ឱ្យនេះ ប្រហែលជាមានការពិបាកបន្តិចក្នុងការអនុវត្តតាមឱ្យបានខ្ជាប់ខ្ជួន ប៉ុន្តែប្រសិនបើអ្នកចង់ស្រកទម្ងន់ឱ្យបានជោគជ័យអ្នកត្រូវតែតស៊ូ ហើយបើអ្នកអាចធ្វើបាននោះ អ្នកពិតជាទទួលបានផលវិជ្ជមានជាក់ជាមិនខានឡើយ។

1. បោះបង់ចោលចំណែកខ្លះៗ : បើអ្នកធ្លាប់តែ កុម៉្មង់អាហារស្ទើរគ្រប់ប្រភេទដែលអ្នកចូលចិត្តនោះ អ្នកគួរតែប្តូរទម្លាប់នេះចោល។ មិនចាំបាច់កុម៉្មង់ Hamburger ទៀតទេ ប្រសិនបើអ្នកបានហៅ Pizza រួចទៅហើយនោះ។2. យកទៅកន្លែងធ្វើការ : យកផ្លែឈើមួយមុខ បន្តិចៗ ដាក់ក្នុងថង់ ឬក្នុងប្រអប់មួយ ហើយយកវាទៅកន្លែងធ្វើការជាមួយផង ដើម្បីទុកជាអាហារកំដរមាត់នៅពេលអ្នកមានអារម្មណ៍ថា ហេវក្នុងអំឡុងពេលដែលអ្នកកំពុងធ្វើការងារ។ ទទួលទានផ្លែឈើជំនួសអាហារកញ្ចប់ផ្សេងៗ គឺមានប្រយោជន៍ច្រើនសម្រាប់សុខភាព និងសម្រស់ ជាពិសេសគឺការថែរក្សារាងឱ្យស្រស់ស្អាតនេះតែម្តង។
3. សូកូឡាមួយកែវ : នៅពេលដែលអ្នកកំពុង តែព្យាយាមកាត់បន្ថយគីឡូ អ្នកគួរតែមានម្សៅសូកូឡា សម្រាប់ឆុងញ៉ាំជាមួយទឹក។ បន្ទាប់ពីញ៉ាំរួច អ្នកនឹងមានអារម្មណ៍ថាឆ្អែត ដូច្នេះអ្នកនឹងមិនចាំបាច់រកអាហារណា ដែលមានកាឡូរីខ្ពស់មកទទួលទានទៀតឡើយ។4. ដាក់កំណត់ចំពោះអាហារ : អ្នកគួរតែមាន ប្រអប់មួយសម្រាប់ដាក់របស់ដែលអ្នកត្រូវញ៉ាំ ហើយធ្វើការកំណត់ថា អ្នកនឹងទទួលទានវាត្រឹមតែចំនួនដែលអ្នកបានរៀបចំទុកនេះតែប៉ុណ្ណោះ។
5. ឆាប់ដុសធ្មេញនៅពេលល្ងាច : អ្នកប្រហែលជាទម្លាប់ដុសធ្មេញដំណាលគ្នានឹងពេលងូតទឹកមុនពេលចូលគេង ព្រោះអ្នកដឹងច្បាស់ថា អ្នកនឹងមិនទទួលទានអ្វីទៀតទេបន្ទាប់ពីដុសសម្អាតធ្មេញរួច ប៉ុន្តែប្រសិនបើអ្នកឆាប់ធ្វើការដុសសម្អាតធ្មេញជាងមុននោះ ឱកាសនៃការចង់ញ៉ាំអាហារក៏ត្រូវបានកាត់បន្ថយកាន់តែច្រើនតាមនោះដែរ។6. ចៀសវាងភេសជ្ជៈសម្បូរកាឡូរី : ភេសជ្ជៈ ដែលផ្ទុកទៅដោយកាឡូរីខ្ពស់ដូចជា ប្រភេទទឹកផ្លែឈើ ទឹកក្រូចឆ្មារលាយស្ករ ឬភេសជ្ជៈដែលមានរសជាតិផ្អែម និងស្រាក្រហមជាដើម ជាប្រភេទភេសជ្ជៈដែលអ្នកគួរកាត់បន្ថយ ប្រសិនបើអ្នកប្រាថ្នាចង់ឃើញរូបរាងស្រឡូនស្អាតរបស់អ្នកលេចចេញមក៕

September 21, 2019

រយៈពេល១០ឆ្នាំ CFC បានលើកកម្ពស់ទេសចរណ៍កម្ពុជាតាមរយៈការទទួលថតភាយន្ដ

ចាប់តាំងពីឆ្នាំ 2009 មកម្លេះ មជ្ឈមណ្ឌុលបណ្ដុះបណ្ដាលជំនាញ និងទទួលការថតភាពយន្ដនៅកម្ពុជា ឬ CFC បានទទួលគម្រោងភាពយន្ដជាង 620 រឿង និងដើម្បីលើកកម្ពស់ប្រទេសកម្ពុជាឱ្យក្លាយជាដែនដីស្វាគមន៍ក្រុមថតភាពយន្ដបេទេស ដោយបានជួយសម្រួលដល់ការថតក្នុងប្រទេសកម្ពុជា ឱ្យបានស្របច្បាប់ និងផ្ដល់ក្រុមបញ្ចេចទេសដល់ផលិតកម្មបរទេស។

លោកជាប សុវិជ្ជា នាយកនៃមជ្ឈមណ្ឌលបណ្តុះបណ្តាលជំនាញ និងទទួលថតភាពយន្តកម្ពុជារបស់ក្រសួងវប្បធម៌ និងវិចិត្រសិល្បៈ បានអះអាងនៅក្នុងថ្ងៃខួប10ឆ្នាំថា ពីមួយឆ្នាំទៅមួយឆ្នាំ មជ្ឈមណ្ឌុលបានបណ្ដុះបណ្ដាលអ្នកជំនាញថតភាពយន្ដជាច្រើននាក់ និងបានផ្ដល់ឱកាសឱ្យពួកគេចូលរួមការងារជាមួយផលិតករបរទេសថែមទៀតផង។ ជាក់ស្ដែង CFC បានទទួលគម្រោងភាពយន្ដជាច្រើនរឿងដូចជា រឿង មុនដំបូងខ្មែរក្រហមសម្លាប់ប៉ារបស់ខ្ញុំ ដោយអ្នកស្រី អេន ជីលីណាជូលា , រឿង Transformers3 , រឿង Act og Valor , រឿង ទ្វាររបង , រឿង កោះពេជ្រ , រឿង រសាត់អណ្ដែត , រឿង Onoda ដោយអ្នកដឹកនាំរឿងជប៉ុន បារាំង ខ្មែរ និងរឿងច្រើនទៀតដែលជាសទ្ធិផលការងារ 10 ឆ្នាំរបស់មជ្ឈមណ្ឌុលយើង។

ក្រៅពីនោះ CFC ក៏បានសហការរៀបចំមហោស្រពភាពយន្ដអន្ដរជាតិនៅក្នុងកម្ពុជាលើកទី 9 ជាមួយមជ្ឈមណ្ឌុលបុប្ផាណា ដែលជាព្រឹត្តការណ៍ភាពយន្ដធំបំផុតនៅក្នុងកម្ពុជា ដោយប្រមូលផ្ដុំអ្នកទស្សនា និងផលិតកររួមគ្នាជាង 20000 នាក់ឱ្យបានមកជួបគ្នា ដែលជាកត្តាជំរុញឧស្សហកម្មភាពយន្ដមួយនៅកម្ពុជា។ មិនត្រឹមតែបណ្ដុះបណ្ដាលជំនាញថតភាពយន្ដដល់ផលិតករវ័យក្មេងនោះទេ CFC ក៏មានការជួយផ្ដល់សម្ភារៈថត និងបច្ចេកទេសថតសម្រាប់ភាពយន្ដខ្លីដល់ផលិតករវ័យក្មេង ដោយមិនគិតកម្រៃផងដែរ។ នៅថ្មីៗនេះ CFC ក៏បានបង្កើតគេហទំព័រថ្មីដែលប្រមូលផ្ដុំព័ត៌មានសំខាន់ៗសម្រាប់ផលិតករបរទេ ឱ្យកាន់តែស្គាល់អំពីកម្ពុជា៕

September 21, 2019

វណ្ណា វត្តី ដកឃ្លាពីសិល្បៈល្បីថា ជាបរវល់ជាមួយថៅកែៗ

ប្រភពជិតស្និទ្ធិទម្លាយថា វណ្ណា វត្តី កំពុងរយាលឆ្ងាយពីសិល្បៈនៅក្នុងពេលនេះ ដោយសារតែនាងវក់ជាមួយនឹងថៅកែៗ ដោយចំណាយពេលច្រើនតែនៅតាមខេត្ត អមដោយវត្តមានថៅកែៗ និងបុរសសេដ្ឋី។ ប្រភពដដែលបន្តទម្លាយថា នាងមិនត្រឹមតែមិនខ្វល់នឹងការងារសប្បុរសធម៌ ឬ ការងារសង្គមនោះទេ សូម្បីតែការងារសិល្បៈនានាក៏នាងស្ទើរតែលែងចង់រវល់ផងដែរ ចាប់តាំងពីនាងបានស្គាល់ថៅកែធំៗ ហើយជាប់សូរទៅណាមកណាតែជាមួយបុរសៗទ្រព្យស្ដុកទាំងនោះ។

នាងចំណាយពេលស្ទើរតែ៣០ថ្ងៃក្នុងមួយខែ ជាមួយតែថៅកែៗ ក្នុងគម្រោងដើរមើលដីធ្លីតាមខេត្តគ្មានពេលសម្រាក។ យ៉ាងណាមិញ សកម្មភាពដែលនាងកំពុងធ្វើនៅក្នុងពេលពេលនេះ មានការអះអាងថាទទួលបានចំណូលច្រើនមិនធម្មតានោះឡើយ ទើបនាងសប្បាយនឹងមុខជំនួញថ្មីនេះ រហូតលែងខ្វល់នឹងការងារសិល្បៈ។ កញ្ញា វណ្ណា វត្តី សារភាពថា នាងពិតជាមិនសូវបានគិតពីការងារសិល្បៈប្រមាណជាង២ខែចុងក្រោយ បន្ទាប់ពីនាងបានស្គាល់ដៃគូ ហើយចាប់ដៃគ្នារកស៊ីខាងនាំថៅកែខ្មែរ ចិន និងជនជាតិផ្សេងៗដើរមើលដី។

សូមជម្រាបថា មុខរបរថ្មី ដ្បិតតែធ្វើឱ្យនាងនៅខេត្តច្រើនជាងនៅភ្នំពេញ ហើយត្រូវធ្វើដំណើរពីមួយកន្លែងទៅមួយកន្លែង ប៉ុន្តែសម្រាប់ចំណូលគឺក្រែល ជាពិសេសក្នុងពេលណែនាំភ្ញៀវចិន ឬ ថៅកែៗ អោយទិញដីបានមួយប្លង់ៗ ដែលមានទំហំច្រើនហិកតារ។ កញ្ញាថាបណ្ដាផលិតករ និងអ្នករៀបចំកម្មវិធី ហៅនាងអោយសម្ដែង និង ឡើងច្រៀងច្រើនណាស់ ដោយសូម្បីតែក្រុមការងារក៏ស្នើផលិតចម្រៀងក្នុងពេលរវល់នេះមិនតិចដែរ ប៉ុន្តែនាងមិនអាចទទួលព្រោះតែរវល់នៅតែខេត្ត។ យ៉ាងណាមិញនាងថាមិនចោលសិល្បៈនោះទេ គឺនៅតែនឹងរកពេលផលិតបទថ្មី និងទទួលការងារសម្ដែង ដោយនឹងសកម្មក្នុងការចូលរួមកម្មវិធីសប្បុរសធម៌ អោយបានញឹកជាថ្មី អោយតែនាងដកឃ្លាពីការងារមើលដីបានបន្តិច៕

September 21, 2019

ពន្លកសិល្បៈថ្មីល្បីពេញបណ្ដាញសង្គមយូធូបបងប្អូនស្រីភ្លោះទាំងបីវ័យ១១ឆ្នាំ

កុមារីដែលកំពុងធ្វើឱ្យកញ្ជ្រោលលើសង្គមយូធូបទាំង៣នោះរួមមាន កុមារីឡម កែវពេជ្រចិន្តា បងស្រីភ្លោះអាយុ១១ឆ្នាំ រៀនថ្នាក់ទីបួន, កុមារី ឡម កែវពេជ្រចរណៃ ប្អូនស្រីភ្លោះអាយុ១១ឆ្នាំ រៀនថ្នាក់ទីបួន និងកុមារី ឡម កែវពេជ្រស្រីនាថ អាយុ១០ឆ្នាំ ជាប្អូនស្រីពៅ រៀនថ្នាក់ទីបី។ កុមារីទាំង៣ ត្រូវគេឃើញ Cover បទចាស់ៗ ដោយបញ្ចេញក្បាច់រាំយ៉ាងរស់រវើក និងមានការបកស្រាយបទចម្រៀងជាក្រុមយ៉ាងពីរោះជាប់ចិត្ត ធ្វើអោយអ្នកទស្សនាវីដេអូរបស់ពួកនាង មិនសរសើរមិនបាន។

អ្នកទាំង៣ត្រូវបានគេស្គាល់លើកដំបូងតាមរយៈការចូលប្រលងក្នុងកម្មវិធី The Voice Kids កាលពីឆ្នាំ២០១៧ និងក្នុងការប្រលងក្នុងកម្មវិធី Cambodia got’s talent។ ទោះជាក្រុមបងប្អូនតូចៗទាំង៣ មិនទទួលបានជោគជ័យ ប៉ុន្តែសមត្ថភាពប្រលងនៅក្នុងពេលនោះ ត្រូវបានមហាជនកត់សម្គាល់។ មួយក្រុមនេះកាន់តែមានការទទួលស្គាល់ខ្លាំងឡើង បន្ទាប់ពីដណ្ដើមបានពានក្នុងមហោស្រពតន្ត្រី និងចម្រៀងកុមារ ប្រចាំឆ្នាំ២០១៩ថ្មី នៅទូរទស្សន៍ជាតិ។ អ៊ីចឹងហើយទើបវីដេអូ បទចម្រៀងរបស់កុមារីទាំង៣ មានការគាំទ្រលើសលប់ នៅពេលផលិតជាវីដេអូបទចម្រៀង និង វីដេអូបញ្ចេញក្បាច់រាំនៅលើឆាណែលយូធូប Merl Media។ ក្រុមអ្នកទាំង៣ មិនទាន់ត្រូវបានកំណត់ឈ្មោះនៅឡើយទេ ប៉ុន្តែយោងតាមការបង្ហើប ក្រុមអ្នកទាំង៣ នឹងត្រូវកំណត់ឈ្មោះថា ”G Power” បន្ទាប់ពីមានការគាំទ្រភ្លូកទឹកភ្លូកដីទាំងវ័យក្មេងនេះ៕

https://youtu.be/ovbO0Rz8g4M

September 21, 2019

ក្រសួងកសិកម្ម និងក្រុមហ៊ុនចិន គ្រោងបង្កើតមជ្ឈមណ្ឌលបង្កាត់ពូជឈើមានតម្លៃនៅកម្ពុជា

រដ្ឋលេខាធិការក្រសួងពាណិជ្ជកម្មបានឱ្យដឹងថា ការផ្តល់សុពលភាពលើឯកសារទស្សនទានយុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិក គឺជាផែនទីបង្ហាញផ្លូវមួយដល់ការអភិវឌ្ឍវិស័យពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា។

លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានថ្លែងថា៖ “ការវិវឌ្ឍដ៏លឿននៃបច្ចេកវិទ្យាឌីជីថលបានបង្កើតឡើងនូវកាលានុវត្តភាព ក៏ដូចជាការប្រឈមជាច្រើនដែលទាមទារឱ្យមានការគិតគូរឱ្យច្បាស់លាស់លើការប្រព្រឹត្តទៅនៃការងារនានា ការពឹងផ្អែកបច្ចេកវិទ្យាជាមធ្យោបាយ ហើយការងារទាំងនេះត្រូវបានរំលេចយ៉ាងច្បាស់លាស់ប្រកបដោយចក្ខុវិស័យវែងឆ្ងាយ នៅក្នុងយុទ្ធសាស្ត្រចតុកោណដំណាក់កាលទី4 របស់រាជរដ្ឋាភិបាលអាណត្តិទី6 ត្រង់មុំទី3 ដែលតម្រូវឱ្យមានការពិនិត្យ និងត្រៀមខ្លួនសម្រាប់សេដ្ឋកិច្ចឌីជីថល និងឆ្លើយតបនឹងបដិវត្តន៍ឧស្សាហកម្មទី4”។

លោកជំទាវបន្តទៀតថា ជាកិច្ចឆ្លើយតប និងចូលរួមវិភាគទានទៅលើការសម្រេចបាននូវ គោលដៅអាទិភាពទាំងនោះ ក្រសួងពាណិជ្ជកម្មបានសម្រេចចិត្តធ្វើការរៀបចំយុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិក ដើម្បីជាផែនទីបង្ហាញផ្លូវមួយច្បាស់លាស់ដល់ការអភិវឌ្ឍវិស័យពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា។

ការរៀបចំយុទ្ធសាស្ត្រនេះដែរ ក៏ជាតម្រូវការដ៏សំខាន់ និងឆ្លើយតបទៅនឹងអនុសាសន៍មួយ ចំនួនទៀតនៅក្នុងឯកសារ និងយុទ្ធសាស្ត្រផ្សេងៗ ដូចជាឯកសារ Cambodia eTrade Readiness Assessment ដែលបានរៀបចំឡើងដោយអង្គការ UNCTAD នៅឆ្នាំ2017 និងថ្មីៗនេះនៅក្នុងសមា ហរណកម្មពាណិជ្ជកម្មកម្ពុជា 2019-2023 ជាពិសេសជំពូកទី11 ស្ដីពីពាណិជ្ជកម្មអេឡិចត្រូនិក និងជំពូកទី12 ស្ដីពីសេដ្ឋកិច្ចឌីជីថល និងបដិវត្តន៍ឧស្សាហកម្មទី4។

សូមបញ្ជាក់ថា បច្ចុប្បន្នប្រព័ន្ធព័ត៌មានវិទ្យាបានដើរតួនាទីយ៉ាងសំខាន់ក្នុងកិច្ចការសម្រួលពាណិជ្ជកម្ម តាមរយៈការកាត់បន្ថយនីតិវិធីរដ្ឋបាល ជួយសន្សំថវិកា និងពេលវេលានាំចេញ-នាំចូល ព្រមទាំងធានាបាននូវតម្លាភាព និងប្រសិទ្ធភាពខ្ពស់ ស្របតាមគោលការណ៍នៃអភិបាលកិច្ចល្អ ដែលជាស្នូលនៃយុទ្ធសាស្ត្រចតុកោណដំណាក់កាលទី4 របស់រាជរដ្ឋាភិបាលកម្ពុជា។

នៅក្នុងបរិបទនៃសេដ្ឋកិច្ចឌីជីថល ប្រទេសជាច្រើនរួមទាំងកម្ពុជាបានកំពុងធ្វើកំណែទម្រង់នីតិវិធីរដ្ឋបាលដោយប្រើប្រាស់ប្រព័ន្ធព័ត៌មានវិទ្យាដើម្បីបង្កើនល្បឿន និងប្រសិទ្ធភាពនៃការដោះដូរទំនិញ និងលើកកម្ពស់ភាពប្រកួតប្រជែងរបស់ខ្លួន។

ដូច្នេះកិច្ចប្រឹងប្រែងរបស់ក្រសួងពាណិជ្ជកម្មក្នុងការធ្វើទំនើបកម្មសេវាសាធារណៈ តាមរយៈការដាក់ឱ្យប្រើប្រាស់នូវប្រព័ន្ធស្វ័យប្រវត្តិកម្មសំខាន់ៗជាមួយប្រព័ន្ធបង់ប្រាក់អេឡិចត្រូនិក និងតភ្ជាប់ទៅកាន់បញ្ជរជាតិតែមួយ ការធ្វើបច្ចុប្បន្នភាពផែនការមេបច្ចេកវិទ្យា (ITC Master Plan) ការដាក់ឱ្យដំណើរការបច្ចេកវិទ្យា Cloud និងការដាក់បញ្ចូលផែនការសកម្មភាពថ្មីៗស្តីពីកិច្ចសម្រួលពាណិជ្ជកម្មនៅក្នុងយុទ្ធសាស្ត្រសមាហរណកម្មពាណិជ្ជកម្មកម្ពុជា (CTIS) ឆ្នាំ2019-2023 ជាដើម។

លោកជំទាវ តឹករ៉េត កំរង ក៏បានបន្ថែមទៀតដែរថា៖“លើសពីនោះទៀត យុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិក ក៏ឆ្លើយតបទៅនឹងតម្រូវការរបស់វិស័យឯកជនដែលត្រូវការឯកសារមួយសម្រាប់បញ្ជាក់ជូនអំពីចក្ខុវិស័យ និងគោលនយោបាយរបស់រដ្ឋាភិបាលក្នុងការអភិវឌ្ឍវិស័យនេះ ដែលជាចលករមួយសំខាន់ក្នុងការសំដៅជំរុញនៃការធ្វើពាណិជ្ជកម្មតាមរយៈការប្រើប្រាស់បច្ចេកវិទ្យា”។

លោកជំទាវ តឹករ៉េត កំរង បានបញ្ជាក់ថា៖“ការរៀបចំយុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិកនៅវេលានេះ ជាការមួយដ៏ត្រឹមត្រូវ គាប់ជួនជាមួយនឹងការជិតសម្រេចបាននូវច្បាប់ស្ដីពីពាណិជ្ជកម្មតាមប្រព័ន្ធអេឡិចត្រូនិក ហើយសេចក្ដីព្រាងច្បាប់ស្ដីពីពាណិជ្ជកម្មតាមប្រព័ន្ធអេឡិចត្រូនិកនេះបានឆ្លងផុតកិច្ចប្រជុំជាមួយគណៈកម្មការជំនាញនៃរដ្ឋសភារួចហើយ បន្ទាប់ទៀតនឹងត្រូវបញ្ជូនបន្តដើម្បីស្នើសុំការអនុម័តដោយរដ្ឋសភាក្នុងពេលដ៏ខ្លីខាងមុខនេះ”៕

September 20, 2019

លើកកម្ពស់ទីផ្សារទេសចរណ៍ដោយជំរុញកម្ពុជាជាគោលដៅទេសចរណ៍ តាមរយៈ ពិព័រណ៍ អន្តរជាតិ

តំណាងគណៈប្រតិភូមកពីក្រសួងទេសចរណ៍បានលើកកម្ពស់ប្រទេសកម្ពុជាឱ្យក្លាយជាគោលដៅទេសចរណ៍ក្នុងអំឡុងពិធីតាំងពិព័រណ៍ទេសចរណ៍អន្តរជាតិលើកទី15 នៅទីក្រុងហូជីមិញ ប្រទេសវៀតណាមដែលបានប្រព្រឹត្តទៅកាលពីថ្ងៃទី4 ដល់ទី7 ខែកញ្ញា ឆ្នាំ2019 កន្លងទៅ។ ក្រសួងទេសចរណ៍កម្ពុជាដែលបានចូលរួមដែរនោះ ក៏បានរៀបចំពិធីជប់លៀងមួយដែលមានឈ្មោះថា “រាត្រីកម្ពុជាឆ្នាំ2019” យ៉ាងអធិកអធមនៅកណ្ដាលក្រុងហូជីមិញ ដើម្បីបង្កើននូវការផ្សព្វផ្សាយពីគោលដៅ និងសក្ដានុពលទេសចរណ៍របស់កម្ពុជាទៅកាន់ក្រុមហ៊ុនទីភ្នាក់ងារទេសចរណ៍ និងភ្ញៀវទេសចរវៀតណាម ក៏ដូចជាជំរុញកិច្ចសហប្រតិបត្តិការលើវិស័យទេសចរណ៍ផងដែរ។

ថ្លែងនៅក្នុងកម្មវិធី“រាត្រីកម្ពុជាឆ្នាំ2019”ដែលធ្វើឡើងនៅខាងក្រៅពិព័រណ៍នេះ ឯកឧត្តម ថោងខុន រដ្ឋមន្ត្រីក្រសួងទេសចរណ៍បានមានប្រសាសន៍ថា “ក្រសួងបានព្យាយាមបង្កើនប្រជាប្រិយភាពរបស់ព្រះរាជាណាចក្រកម្ពុជានៅបរទេសតាមរយៈការចូលរួមពិព័រណ៍ទេសចរណ៍ជុំវិញពិភពលោក។

យើងរំពឹងថា កម្ពុជានឹងស្វាគមន៍វិនិយោគិន និងភ្ញៀវទេសចរមកពីជុំវិញពិភពលោកជាពិសេស យើងអាចរំពឹងថា នឹងមានប្រជាជនមកពីប្រទេសវៀតណាមកាន់តែច្រើន ព្រោះយើងមានផលិតផលទេសចរណ៍ថ្មីៗកំពុងរង់ចាំពួកគេ”។

នៅក្នុងពិធីតាំងពិព័រណ៍នៅទីក្រុងហូជីមិញនេះ អ្នកចូលរួមក្នុងវិស័យទេសចរណ៍មកពីប្រទេសកម្ពុជានិងវៀតណាមបានពិភាក្សា និងធ្វើការជាមួយគ្នាដើម្បីលើកកម្ពស់ទីផ្សារទេសចរណ៍របស់ប្រទេសទាំង2។ ពួកគេបានពិភាក្សាលើកស្ទួយប្រទេសដែលជាទិសដៅតែមួយក្រោមពាក្យស្លោក“ស្រុក2 គោលដៅតែ1” នេះបើយោងតាមការបង្ហោះនៅលើទំព័រហ្វេសប៊ុករបស់ក្រសួងទេសចរណ៍។

ឯកឧត្តម ថោង ខុន រដ្ឋមន្ត្រីក្រសួងទេសចរណ៍បានមានប្រសាសន៍ថា៖ “ក្រៅពីសក្តានុពលនៃទេសចរណ៍វប្បធម៌ និងធម្មជាតិដ៏សម្បូរបែបហើយ កម្ពុជាមានឆ្នេរសមុទ្រប្រវែង 420គីឡូម៉ែត្រ និងមានមោទនភាពដែលបានក្លាយជាសមាជិកក្លិបឆ្នេរសមុទ្រដែលស្អាតជាងគេលើពិភពលោកដូចវៀតណាមដែរ ដែលស័ក្តិសមនឹងការប្រសិទ្ធនាមថា“កម្ពុជា ព្រះរាជាណាចក្រអច្ឆរិយៈផ្តល់ភាពកក់ក្តៅ” ហើយរាជរដ្ឋាភិបាលក៏បានដាក់ចេញនូវគោលនយោបាយជាតិស្តីពីអេកូទេសចរណ៍ដើម្បីជំរុញវិស័យអេកូទេសចរណ៍ និងទេសចរណ៍សហគមន៍សំដៅទាក់ទាញទេសចរក្នុងតំបន់”។នាដើមឆ្នាំ2019 នេះ ចំពោះការធ្វើដំណើរដោយប្រើប្រាស់យានយន្តផ្ទាល់ខ្លួន (self-driving tour)ពីវៀតណាមមកកម្ពុជា គឺមិនតម្រូវឱ្យបង់ប្រាក់កក់ ឬធានារ៉ាប់រងទេ និងអាចវិលចូលទៅវៀតណាមវិញតាមច្រកអន្តរជាតិរបស់កម្ពុជាណាមួយក៏បាន។

យោងតាមស្មារតីនៃកិច្ចសហប្រតិបត្តិការច្រករបៀងខាងត្បូងនៃមហាអនុតំបន់ទន្លេមេគង្គ កម្ពុជាមានគោលបំណងក្នុងការបង្កើតផ្លូវសមុទ្រជាមួយវៀតណាម។ ប្រទេសកម្ពុជា និងប្រទេសវៀតណាមបានព្រមព្រៀងសហប្រតិបត្តិការលើវិស័យទេសចរណ៍សមុទ្រនៅពេលដែលកំពង់ផែទេសចរណ៍នៅខេត្តកំពតដែលត្រូវបានគេរំពឹងថា នឹងបញ្ចប់ការសាងសង់នៅឆ្នាំ2021 ដែលជាការរួមចំណែកដ៏សំខាន់មួយដល់ការអនុវត្តសេចក្តីប្រកាសអាស៊ានស្តីពីវិស័យទេសចរណ៍តាមនាវា។

ទន្ទឹមនឹងការខិតខំជំរុញការផ្សព្វផ្សាយ ការពង្រឹង និងអភិវឌ្ឍន៍ផលិតផលទេសចរណ៍ ការ សម្រួលការធ្វើដំណើរ និងដឹកជញ្ជូន កម្ពុជាក៏យកចិត្តទុកដាក់ពង្រឹងគុណភាពសេវាកម្មទេសចរណ៍ស្តង់ដាបៃតងផងដែរ។ តាមរយៈចលនាប្រឡងប្រណាំងរមណីយដ្ឋានស្អាត សេវាកម្មល្អ បដិសណ្ឋារកិច្ចល្អនិងការបណ្តុះបណ្តាលអប់រំវិជ្ជាជីវៈ“បុគ្គលិកម្នាក់ជំនាញមួយ” និង“សេវា1 ស្តង់ដា1” ឱ្យស្របតាមស្តង់ដាអាស៊ាន។ នេះបើតាមឯកឧត្តមរដ្ឋមន្ត្រីក្រសួងទេសចរណ៍ដែលបានបញ្ជាក់។

ឯកឧត្តមរដ្ឋមន្ត្រីក៏បានអញ្ជើញវិនិយោគិន និងភ្ញៀវទេសចរគ្រប់ជាតិសាសន៍ ជាពិសេសជនជាតិវៀតណាមទៅវិនិយោគ និងទស្សនានៅកម្ពុជា ដោយឯកឧត្តមបានអះអាងថា “កម្ពុជានឹងទទួលបានវិនិយោគិន និងទេសចរពីគ្រប់ទិសទី ពិសេសទេសចរវៀតណាមឱ្យកាន់តែច្រើនថែមទៀត ដើម្បីជំរុញចំនួនភ្ញៀវទេសចរ។ ក្រសួងក៏កំពុងខិតខំជំរុញប្រទេសកម្ពុជាជាគោលដៅទេសចរណ៍តាមរយៈការចូលរួមពិព័រណ៍អន្តរជាតិ។ កិច្ចខិតខំប្រឹងប្រែងទាំងនេះមានសារៈសំខាន់ណាស់ក្នុងការជំរុញវិស័យទេសចរណ៍”។

កិច្ចសហប្រតិបត្តិការលើវិស័យទេសចរណ៍រវាងប្រទេសទាំង2 មានការរីកចម្រើនគួរឱ្យកត់សម្គាល់ពី 1ឆ្នាំទៅ 1ឆ្នាំតាមរយៈការអនុវត្តកិច្ចសហប្រតិបត្តិការទ្វេភាគីស្តីពីកិច្ចសហការផ្សព្វផ្សាយរួមគ្នា “ប្រទេស2 គោលដៅតែ1” ដែលជាផ្នែកមួយនៃផែនការយុទ្ធសាស្ត្រសម្រេចបាននូវការទទួលបានភ្ញៀវទេសចរវៀតណាមឱ្យបានចំនួន 1លាននាក់មកកម្ពុជា និងភ្ញៀវទេសចរកម្ពុជា 50ម៉ឺននាក់ទៅប្រទេសវៀតណាមនៅឆ្នាំ2020។កាលពីឆ្នាំ2018 ប្រទេសកម្ពុជាទទួលបានភ្ញៀវទេសចរអន្តរជាតិចំនួន 6.2លាននាក់ កើនឡើង 10.7% ពី 1ឆ្នាំទៅ 1ឆ្នាំ។ ក្នុងចំណោមនោះមានភ្ញៀវទេសចរចំនួនប្រមាណ 800,000នាក់ជាជនជាតិវៀតណាម។

ទន្ទឹមគ្នានឹងការតាំងពិព័រណ៍ទេសចរណ៍អន្តរជាតិនេះដែរ វេទិកាស្តីពីការចាប់ផ្តើមអាជីវកម្មទេសចរណ៍ឆ្លាតវៃ (Startup Tourism Forum) ក្នុងចក្ខុវិស័យពិភពលោកក៏ត្រូវបានធ្វើឡើងកាលពីថ្ងៃទី4 ដល់ទី6 ខែកញ្ញា ឆ្នាំ2019 នាទីក្រុងហូជីមិញ សាធារណរដ្ឋសង្គមនិយមវៀតណាមផងដែរ។

ឯកឧត្តម សូ វិសុទ្ធី អនុរដ្ឋលេខាធិការក្រសួងទេសចរណ៍បានបង្ហាញចំណាប់អារម្មណ៍ក្នុងវេទិកាស្តីពីការចាប់ផ្តើមអាជីវកម្មទេសចរណ៍ឆ្លាតវៃដោយប្រើប្រាស់ប្រព័ន្ធបច្ចេកវិទ្យា (SmartTourism Startup) គឺជាឱកាសដ៏ប្រសើរបំផុតមួយដែលថ្នាក់ដឹកនាំ និងប្រតិភូមកពីប្រទេសកម្ពុជា ឡាវ មីយ៉ាន់ម៉ា ថៃ និងវៀតណាម(CLMTV) ជួបគ្នាដើម្បីពិភាក្សាផ្លាស់ប្តូរបទពិសោធ និងព័ត៌មានជាមួយនឹងអ្នកជំនាញ ធុរជន និងវិនិយោគិន អំពីកាវិវឌ្ឍថ្មីៗដ៏ឆាប់រហ័សនៃបច្ចេកវិទ្យាដែលពិភពលោកកំពុងប្រឈមនាពេលបច្ចុប្បន្ន ក៏ដូចជាពង្រឹងកិច្ចសហប្រតិបត្តិការ និងផ្សព្វផ្សាយទេសចរណ៍រួមគ្នា “ប្រទេស5 គោលដៅទេសចរណ៍តែ1” សំដៅប្រើប្រាស់អត្ថប្រយោជន៍ និងនវានុវត្តន៍ថ្មីនៃបច្ចេកវិទ្យាដើម្បីធ្វើឱ្យមានភាពងាយស្រួលរលូនប្រកបដោយភាពឆ្នាតវៃ និងចីរភាពដល់វិស័យទេសចរណ៍ និងឧត្តមភាពប្រកួតប្រជែងក្នុងយុគសម័យនៃបដិវត្តន៍ឧស្សាហកម្មទី4។

តាមរបាយការណ៍ពីក្រសួងទេសចរណ៍បានបង្ហាញថា សម្រាប់រយៈពេល 7ខែនៃឆ្នាំ2019 នេះកម្ពុជាទទួលបានភ្ញៀវទេសចរអន្តរជាតិជាង 3.8លាននាក់ កើនឡើង 11.1% ធៀបនឹងរយៈពេលដូចគ្នាក្នុងឆ្នាំ2018 ដោយតាមការព្យាករនៅឆ្នាំ2020កម្ពុជានឹងអាចទទួលបានភ្ញៀវទេសចរអន្តរជាតិប្រមាណ 7លាននាក់ និងបង្កើតការងារដោយផ្ទាល់ប្រមាណជិត 1លាននាក់។ ទន្ទឹមនេះ តម្រូវការផ្សេងៗក្នុងឧស្សាហកម្មមួយនេះនឹងមានការកើនឡើងបន្ថែមទៀត ដោយក្នុងនោះតម្រូវការបន្ទប់ស្នាក់នៅលំដាប់ស្ដង់ដាអាចនឹងកើនឡើងក្នុងរង្វង់ប្រមាណ7,000 ទៅ 16,000បន្ទប់នៅឆ្នាំ2020 ខាងមុខនេះ៕

September 20, 2019

តោះ! មកមើលសម្រស់កីឡាការិនីគុនខ្មែរ 2រូបដែលស្អាតមិនធម្មតាឡើយ...

ចំពោះកីឡាការិនីប្រដាល់ មិនថាគុនខ្មែរ ឬប្រដាល់សេរីឡើយ ផ្នែករូបរាងកាយមិនសូវជាសម្បូរអ្នកស្អាតប៉ុន្មានទេ ព្រោះត្រូវហ្វឹកហាត់ខ្លាំង ដូចជារត់ក្រោមកម្ដៅថ្ងៃ ហាត់សមវ៉ៃជាមួយដៃគូ ឬពេលប្រកួតអាចនឹងត្រូវបែកមុខបែកមាត់ និងមានរបួសទៀតផង។ តែសម្រាប់កីឡាការិនីរបស់កម្ពុជា 3រូបខាងក្រោមនេះវិញ វាផ្ទុយទៅនឹងការរៀបរាប់ខាងលើ ដោយសារពួកគេមានសម្រស់ស្រស់ស្អាត ហើយបើប្រៀបធៀបទៅ ប្រហែលជាមិនចាញ់តារាសិល្បៈមួយចំនួនឡើយ។

1-កីឡាការិនី Samontha អាយុ 15ឆ្នាំ ទម្ងន់ 47គីឡូក្រាម កម្ពស់ 1ម៉ែត្រ 55សង់ទីម៉ែត្រ បច្ចុប្បន្នកំពុងសិក្សានៅវិទ្យាល័យក្នុងប្រទេសសហរដ្ឋអាមេរិក និងកំពុងរស់នៅទីនោះ ហើយជំនាញខាងប្រដាល់ក្បាច់គុនខ្មែរ។

2-កីឡាការិនី អេ យ៉ានុត អាយុ 19ឆ្នាំ ទម្ងន់ 54គីឡូក្រាម កម្ពស់ 1ម៉ែត្រ 65សង់ទីម៉ែត្រកំពុងសិក្សានៅវិទ្យាល័យបាក់ទូក ទីលំនៅបច្ចុប្បន្ន រាជធានីភ្នំពេញ ជំនាញប្រដាល់គុនខ្មែរ និងសកល៕

September 20, 2019

ទីបំផុតបឹងកេតទម្លាក់វិសាខា ឡើងទៅកក់កៅអីវគ្គផ្តាច់ព្រ័ត្រ HUN SEN CUP មុនគេ

កាលពីយប់ម្សិលមិញនេះ នៅទីលានពហុកីឡដ្ឋានជាតិ ក្រុមបាល់ទាត់បឹងកេតបានយកឈ្នះលើក្រុមវិសាខាក្នុងលទ្ធផល 4ទល់នឹង0 ក្នុងការប្រកួតពានរង្វាន់ HUN SEN CUP 2019 វគ្គពាក់កណ្តាលផ្តាច់ព្រ័ត្រ។

ក្នុងការប្រកួតនេះផងដែរ ចាន់ វឌ្ឍនាកា ដែលបាត់មុខពីក្រុមជម្រើសជាតិកម្ពុជា ហាក់លេងបានយ៉ាងល្អ ដោយអាចរកគ្រាប់បាល់ម្នាក់ឯងបានរហូតដល់ទៅ 3គ្រាប់ ខណៈដែល សេត រ៉ូហ្ស៊ីប ដែលជាកីឡាករម្នាក់ក្នុងក្រុមជម្រើសជាតិដែរនោះ បានជាប់ជាកីឡាករល្អបំផុតក្នុងការប្រកួតមួយនេះផងដែរ។

ដូច្នេះមានន័យថា បឹងកេតត្រូវបានកក់កៅអីក្នុងវគ្គផ្តាច់ព្រ័ត្រមុនគេរួចរាល់ហើយ ដោយត្រូវចាំអ៊ុតមើលនៅថ្ងៃស្អែកថា តើ ព្រះខ័នរាជស្វាយរៀង ឬក៏ភ្នំពេញក្រោនជាអ្នកឡើងមកជួបខ្លួននៅវគ្គផ្តាច់ព្រ័ត្រ៕

September 20, 2019

Category: សង្គម និងសេដ្ឋកិច្ច