មនុស្សយើងម្នាក់ៗធ្វើអ្វីគ្រប់យ៉ាងសុទ្ធតែមាន “លើកដំបូង” គ្រប់គា្ន។ ប៉ុន្តែរឿងរ៉ាវទាំងអស់គ្មានអ្វីដែលគួរឱ្យភ្ញាក់ផ្អើល និងមានអត្ថន័យមិនអាចកាត់ថ្លៃបានស្មើនឹងការមានសិចជាលើកដំបូងក្នុងជីវិតនោះទេ។ កាលពីសម័យឪពុកម្ដាយ ឬតាយាយជំនាន់មុនៗ ការបាត់បង់ “ព្រហ្មចារី” ម្នាក់ៗត្រូវរង់ចាំដល់ថ្ងៃអាពាហ៍ពិពាហ៍សិន ហើយមនុស្សសម័យនោះសុទ្ធតែបានចាត់ទុករបស់នេះជារឿងសំខាន់បំផុតក្នុងជីវិត និងពុំសូវមានចំណេះដឹងទូលំទូលាយផ្នែកការរួមដំណេកឡើយ ពោលគឺធ្វើអ្វីទៅតាមចំណេះដឹងបន្តិចបន្តួចពីធម្មជាតិរៀងៗខ្លួន។ ដោយឡែកសម្រាប់មនុស្សយុគសម័យថ្មីចាប់ពីសតវត្សរ៍ទី21នេះ គេមិនល្ងិតល្ងង់រឿងទាំងអស់នេះទេ។ ការបង្ហាត់បង្ហាញថ្ងៃដំបូង ដែលជាពេលត្រូវចូលបន្ទប់ផ្សំដំណេករវាងកូនកំលោះកូនក្រមុំត្រូវធ្វើអ្វីខ្លះនោះ មនុស្សជាច្រើនហាក់បីដូចជាមិនសូវមានបញ្ហាឡើយ ប៉ុន្តែទោះបីយ៉ាងណាក៏ដោយ ក៏អាចនៅមានការអល់ឯកខណៈដែលថ្ងៃចូលបន្ទប់ផ្សំដំណេកលើកដំបូងនៃជីវិតមកដល់ពិតប្រាកដ។
មនុស្សយើងម្នាក់ៗធ្វើអ្វីគ្រប់យ៉ាងសុទ្ធតែមាន “លើកដំបូង” គ្រប់គា្ន។ ប៉ុន្តែរឿងរ៉ាវទាំងអស់គ្មានអ្វីដែលគួរឱ្យភ្ញាក់ផ្អើល និងមានអត្ថន័យមិនអាចកាត់ថ្លៃបានស្មើនឹងការមានសិចជាលើកដំបូងក្នុងជីវិតនោះទេ។ កាលពីសម័យឪពុកម្ដាយ ឬតាយាយជំនាន់មុនៗ ការបាត់បង់ “ព្រហ្មចារី” ម្នាក់ៗត្រូវរង់ចាំដល់ថ្ងៃអាពាហ៍ពិពាហ៍សិន ហើយមនុស្សសម័យនោះសុទ្ធតែបានចាត់ទុករបស់នេះជារឿងសំខាន់បំផុតក្នុងជីវិត និងពុំសូវមានចំណេះដឹងទូលំទូលាយផ្នែកការរួមដំណេកឡើយ ពោលគឺធ្វើអ្វីទៅតាមចំណេះដឹងបន្តិចបន្តួចពីធម្មជាតិរៀងៗខ្លួន។ ដោយឡែកសម្រាប់មនុស្សយុគសម័យថ្មីចាប់ពីសតវត្សរ៍ទី21នេះ គេមិនល្ងិតល្ងង់រឿងទាំងអស់នេះទេ។ ការបង្ហាត់បង្ហាញថ្ងៃដំបូង ដែលជាពេលត្រូវចូលបន្ទប់ផ្សំដំណេករវាងកូនកំលោះកូនក្រមុំត្រូវធ្វើអ្វីខ្លះនោះ មនុស្សជាច្រើនហាក់បីដូចជាមិនសូវមានបញ្ហាឡើយ ប៉ុន្តែទោះបីយ៉ាងណាក៏ដោយ ក៏អាចនៅមានការអល់ឯកខណៈដែលថ្ងៃចូលបន្ទប់ផ្សំដំណេកលើកដំបូងនៃជីវិតមកដល់ពិតប្រាកដ។ ទោះបីអ្នកមិនចង់ជួបជាមួយស្ថានការណ៍បែបនេះក្ដី ក៏មុន និងក្រោយគ្រប់គ្នាត្រូវតែមាន “លើកដំបូង” ដូចគ្នាទាំងអស់។ មុនពេលដែលអ្នកក្លាយជាកូនកំលោះកូនក្រមុំ ហើយអាចដើរសំដៅទៅកាន់ទីលានប្រយុទ្ធល្បែងស្នេហាដ៏ជ្រាលជ្រៅមួយនេះបានប្រកបដោយជោគជ័យ អ្នកត្រូវតែយល់ឱ្យបានច្បាស់ចាប់ពីពេលនេះតទៅ និងប្រាកដក្នុងចិត្តថាអាចធ្វើវាបានល្អឥតខ្ចោះ ហើយប្រការសំខាន់បំផុត គឺពេលដែលត្រូវមកប្រឈមមុខអាក្រាតកាយនៅចំពោះមុខគ្នាជាលើកដំបូង។ បរិយាកាសបែបនេះបង្កការរំជើបរំជួលលាយឡំដោយការខ្មាសអៀនរហូតដល់អ្នកខ្លះអាចធ្វើអ្វីមិនត្រូវ។ មានកូនក្រមុំខ្លះបាត់ម្ចាស់ការខ្លួនឯង បណ្ដោយឱ្យកូនកំលោះរបស់ខ្លួនចាត់ចែងតាំងពីដើមរហូតដល់ចប់ចុងចប់ដើម។ ជាងនេះទៅទៀត បើបុរសនារីទាំងពីរនាក់បានព្រមព្រៀងគ្នាមាន “សិច” មុនពេលដែលរួមរស់ជាមួយគ្នាជាលក្ខណៈប្ដីប្រពន្ធផងនោះ អាការលើកដំបូងរបស់អ្នកទាំងពីរប្រៀបដូចជាក្មេងលួចស៊ីនំ ហើយខ្លាចមនុស្សចាស់ដឹង ឬទាន់ ពោលគឺមានទាំងការភ័យខ្លាច និងក្ដុកក្ដួលរកអ្វីប្រៀបផ្ទឹមពុំត្រូវ។
សូមធ្វើការដាស់តឿនថា គួរសម្រួលផ្លូវអារម្មណ៍ឱ្យនឹងនរ ព្រោះនៅពេលរាងកាយមានសេចក្ដីត្រូវការកើតឡើង គួរបណ្ដែតបណ្ដោយឱ្យវាកើតទៅតាមធម្មជាតិ គ្រប់យ៉ាងវានឹងឆ្លងកាត់ទៅយ៉ាងប្រសើរ និងពិសេសជាងនេះកុំភ្លេចមានការបបោសអង្អែលលួងលោមជាមួយគ្នាសិនមុននឹងចាប់ផ្ដើម។ កុំតក់ក្រហល់ធ្វើមើលតែមិនបាន “ក្រេប” ដាច់ពោះស្លាប់នោះ។ ត្រូវបង្កើតបរិយាកាសនេះឱ្យមានអនុស្សាវរីយ៍វែងឆ្ងាយ ហើយមិនអាចបំភ្លេចគ្រាដំបូងនេះជារៀងរហូត។ ប្រការគួរចងចាំសំខាន់បំផុតនាពេលបច្ចុប្បន្ននេះមួយទៀត គឺមុនពេលដែលមានសិចជាលើកដំបូង អ្នកត្រូវប្រាកដថា អ្នកទាំងពីរគ្មានរោគ ពិសេសរោគអេដស៍ ដែលគេចាត់ទុកថា ជាមេរោគ “បិសាច” ដ៏អាក្រក់។ អ្វីដែលមិនត្រូវភ្លេចគឺស្រោមអនាម័យ ឬថ្នាំពន្យារកំណើត បើសិនមិនទាន់ចង់បានកូនមុនពេលដែលអ្នកទាំងពីរចង់បាន។ បើនិយាយអំពីរាងកាយត្រូវតែស្អាតបាត ប្រាសចាកក្លិនអាក្រក់ ព្រោះវាជាអនុស្សាវរីយ៍មិនល្អ។ ចំណែកការរួមភេទកុំចង់ធ្វើឱ្យតែបានៗដូចជាឆក់ឱកាស ឬធ្វើឱ្យតែបានតាមការនឹកចង់ ព្រោះការបោះបង់ព្រហ្មចារីលើកដំបូងបែបនេះពិតជាគ្មានន័យនោះទេ។
អ្នកចិត្តសាស្ត្រជាច្រើនតែងផ្ដល់ដំបូន្មានថា ការលះបង់លើកដំបូងក្នុងជីវិតនេះត្រូវចំណាយពេល និងការថ្នាក់ថ្នមគ្នាយូរ ឬរហូតដល់បីថ្ងៃ នៅតែក្នុងបន្ទប់ផ្សំដំណេកវាជាការល្អបំផុតក្នុងឱកាសនោះអ្នកនឹងបានថ្នាក់ថ្នមគា្នយ៉ាងពេញទំហឹង។ ទោះបីជាយ៉ាងណាក្ដី រាត្រីទឹកឃ្មុំទាំងនេះមិនត្រូវងប់ងុលតែពីបញ្ហាផ្លូវភេទពេកឡើយ ព្រោះការទទួលទានអាហារថ្មីថ្មោងរហូតបរិភោគច្រើនដងពេកនាំឱ្យឆាប់ទ្រលាន់។ គួរអនុវត្តមួយៗបានហើយ ដើម្បីឱ្យមុខម្ហូបនេះឆ្ងាញ់បានយូរថ្ងៃ។ ត្រូវការថ្នាក់ថ្នម និងការបង្កើតការយល់ចិត្តគ្នាក្នុងអំឡុងពេលនេះជាការសំខាន់បំផុត។ បុរសនារី កុំខ្លាចថ្ងៃលើកដំបូងនេះ ត្រូវធ្វើចិត្តឱ្យក្លាហានឡើង។ បើមិនប្រាកដក្នុងចិត្តអ្នកគួរបែរមកជជែកពិភាក្សាគ្នាយ៉ាងបើកចំហចិត្តរៀងៗខ្លួន ដើម្បីជួយដោះស្រាយបញ្ហាផ្សេងៗដែលកើតឡើង។ អារម្មណ៍ និងសេចក្ដីត្រូវការទាំងនេះនឹងជួយបង្ហាត់បង្ហាញឱ្យអ្នកទាំងពីរដឹកដៃគ្នាឆ្ពោះទៅកាន់ទ្វារឋានសួគ៌ជាន់ទី7បានយ៉ាងជោគជ័យ។
បញ្ហាមួយដែលត្រូវដាស់តឿនបុរសបន្តិច គឺការរួមសិចជាលើកដំបូងកុំប្រញាប់ប្រញាល់ខ្លាំងពេក ព្រោះបើសិនសភាពរាងកាយរបស់នារីមិនទាន់ដំណើរការអាចបង្កការឈឺចាប់ ឬដោយសារមូលហេតុនេះធ្វើឱ្យនាងខ្លាចរអាក្នុងការរួមភេទលើកក្រោយៗបន្តទៀត។ កុំភ្លេចថា ការប្រើប្រាស់ពេលវេលា បបោសអង្អែលនឹងជួយឱ្យអ្នកទាំងពីរធូរស្បើយពីការភ័យខ្លាច និងទុក្ខកង្វល់ចេញពីខ្លួនបាន។ ព្រមជាមួយគ្នាវាក៏ជួយដុតបញ្ឆេះឱ្យរាងកាយដំណើរការយ៉ាងល្អនៃភ្លើងចំណង់តណ្ហារហូតធ្វើឱ្យការរួមដំណេកគ្រាដំបូងប្រព្រឹត្តទៅដល់កោះត្រើយ។ គួរចងចាំទុកថា ក្នុងថ្ងៃសំខាន់បែបនេះ គួរបរិភោគអាហារបន្តិចបន្តួចបានហើយគ្រាន់សម្រន់ក្រពះ ព្រោះបើបរិភោគឆ្អែកពេក ឈាមនឹងរត់ទៅត្រង់ក្រពះច្រើន ដើម្បីជួយក្នុងការកិនរលាយអាហារ ដែលវាអាចធ្វើឱ្យកម្សួលអារម្មណ៍ផ្លូវភេទថយចុះ។ សម្រាប់បញ្ហាមួយទៀត គឺហាមផឹកស្រាច្រើនខ្លាំងពេក ព្រោះអាចធ្វើឱ្យអ្នកបាត់បង់អារម្មណ៍ថា ខ្លួនកំពុងស្ថិតនៅក្នុងអំឡុងពេលរាត្រីទឹកឃ្មុំ ជាពិសេសអាចធ្វើឱ្យមិនចងចាំថ្ងៃដ៏សំខាន់ក្នុងឆាកជីវិតនេះបាន៕
