ការប្រកួតទី2 របស់ក្រុមបាល់ទាត់ជម្រើសជាតិយុវជនគោព្រៃកម្ពុជា អាយុក្រោម 19ឆ្នាំ ក្នុងវគ្គជម្រុះពានរង្វាន់ AFC U19 Championship ប្រចាំពូល G កាលពីយប់មិញ ក្រុមយុវជនកម្ពុជាបានយកជ័យជម្នះពីក្រុមកោះម៉ារីណាខាងជើងដោយលទ្ធផល 9ទល់នឹង0។
បើគិតមកទល់នឹងពេលនេះ កម្ពុជាឈរនៅលេខ2 ប្រចាំពូល G នៃពានរង្វាន់ខាងលើ ដោយមានថៃឈរនៅកំពូលតារាង ខណៈដែលម៉ាឡេស៊ីស្ថិតនៅលេខ3 តាមពីក្រោយដោយប្រ៊ុយណេ និងកោះម៉ារីណាខាងជើង។ កម្ពុជាកំពុងតែធ្វើជាម្ចាស់ផ្ទះការប្រកួតវគ្គជម្រុះពានរង្វាន់ AFC U19 Championship ប្រចាំពូល G ដែលមានប្រទេសចំនួន5 ចូលរួម គឺថៃ ម៉ាឡេស៊ី កម្ពុជា ប្រ៊ុយណេ និងកោះម៉ារីណាខាងជើង៕
Category: សង្គម និងសេដ្ឋកិច្ច
កម្ពុជាបង្ហាញភាពខ្លាំងក្នុងវគ្គជម្រុះ AFC U19 ក្រោយលត់ម៉ារីណាខាងជើងឱ្យតដៃមិនរួចកាលពីយប់មិញ
សំណួរ-ចម្លើយដែលបងៗស្ត្រីមេផ្ទះគួរតែដឹង
ខាងក្រោមនេះគឺជាចំណេះដឹងល្អៗសម្រាប់បងៗស្ត្រីមេផ្ទះយកទៅប្រើការនៅក្នុងជីវិតប្រចាំថ្ងៃ ដែលវានឹងហុចផលល្អ និងងាយស្រួលក្នុងការធ្វើកិច្ចការងារផ្ទះដែលបងៗជួបប្រទះរៀងរាល់ថ្ងៃ។
សំណួរ-ចម្លើយពាក់ព័ន្ធនឹងចំណេះដឹងលើកិច្ចការងារផ្ទះដែលបងៗស្ត្រីមេផ្ទះជួបប្រទះរាល់ថ្ងៃ៖
1. តើស៊ុតសឆៅ អាចព្យាបាលរបួសដោយសារ រលាកទឹកក្តៅបានមែនឬ?
ចម្លើយ : ត្រឹមត្រូវ! ដោយគ្រាន់តែយកស៊ុតសឆៅ មកលាបលើកន្លែងដែលរលាកទឹកក្តៅនោះឱ្យសព្វ រួចទុកចោលរហូតដល់វាស្ងួតដោយខ្លួនឯង រួចទុកចោលមួយសន្ទុះធំទៀត សឹមលាងចេញ វានឹងគ្មាននៅសល់ស្នាមក្រហម ឬពងបែកនៅលើកន្លែងរលាកនោះឡើយ តែចំណុចសំខាន់គឺ មុនលាបស៊ុតស ចូរកុំឱ្យកន្លែងរលាកនោះប៉ះទឹកត្រជាក់ ឬរបស់ផ្សេងទៀតឱ្យសោះ និងកុំកេះ ឬអេះពេលដែលវាជិតស្ងួត ព្រោះនឹងធ្វើឱ្យរបកស្បែក។
2. តើប្រេងកូឡា អាចកម្ចាត់ស្នាមស្ករកៅស៊ូដែលប្រឡាក់ជាប់ក្រណាត់បានមែនឬ?
ចម្លើយ : ត្រឹមត្រូវ! យើងអាចសម្អាតស្នាមប្រឡាក់របស់ស្ករកៅស៊ូបានដោយការយកប្រេងកូឡាមកដុសចុះឡើងនៅត្រង់កន្លែងដែលប្រឡាក់ស្នាមស្អឹតៗរបស់ស្ករកៅស៊ូនោះ។ ដុសសម្អាតចុះឡើងមិនយូរប៉ុន្មាន ជ័រស្ករកៅស៊ូនឹងរបូតជ្រុះចេញអស់ ហើយបងៗអាចយកក្រណាត់នោះទៅគក់សម្អាតបានដូចធម្មតា។
3. ដាក់បំពង់បឺតចូលក្នុងដបទឹកប៉េងប៉ោះ នឹង ធ្វើឱ្យចាក់ចេញស្រួលមែនឬ?
ចម្លើយ : ត្រឹមត្រូវ! គ្រាន់តែដាក់បំពង់បឺតចូលទៅឱ្យដល់បាតដប វានឹងធ្វើឱ្យមានខ្យល់ចូលទៅដល់ក្នុងដបទឹកប៉េងប៉ោះដ៏ខាប់នោះបាន ហើយពេលចាក់ចេញ ទឹកប៉េងប៉ោះនឹងហូរចេញមកយ៉ាងងាយស្រួល។4. យកស្រោមជើងបារ៍ដាក់ត្រាំក្នុងទឹកអំបិល នឹងធ្វើឱ្យស្រោមជើងបារ៍នោះមិនងាយរហែកមែនឬ?
ចម្លើយ : ត្រឹមត្រូវ! យកទឹកអំបិល 2ពែងលាយជាមួយទឹក 1ធុង រួចដាក់ត្រាំស្រោមជើងបារ៍ដែលទើបទិញមកថ្មីៗរយ:ពេល 3ម៉ោង រួចហើយលាងចេញដោយទឹកស្អាត ហើយយកទៅដាក់ហាលឱ្យស្រក់ទឹកអស់រហូតស្ងួត នឹងធ្វើឱ្យស្រោមជើងបារ៍នោះស្ថិតក្នុងសភាពល្អដដែល ហើយស្វិតជាប់បានយូរទៀតផង។5. មើមដំឡូងបារាំង អាចបំបាត់ក្លិនប្រហុកដែលធុំជាប់ដៃបានមែនឬ?
ចម្លើយ : មិនពិតទេ!…តែមើមដំឡូងបារាំងអាចបំបាត់ក្លិនខ្ទឹមក្រហមដែលធុំជាប់ដៃបាន ដោយយកមើមដំឡូងបារាំងឆៅមកចិតសម្បកចេញ ហើយយកមកដុសលើដៃដែលមានធុំក្លិនខ្ទឹមក្រហម មួយស្របក់ ក្លិនមិនគួរឱ្យប៉ងប្រាថ្នានោះនឹងរលាយបាត់អស់ជាមិនខាន។6. ផ្លែម្ទេសក្រៀម អាចដេញរុយបានមែនឬ?
ចម្លើយ : មែន! ពេលហាលត្រីប្រឡាក់ ឬរបស់អ្វីផ្សេងៗ ច្រើនតែមានសត្វរុយមករោមអ៊ែរ បងៗស្ត្រីមេផ្ទះអាចដេញពួកវាបានដោយគ្រាន់តែយកផ្លែម្ទេសក្រៀម 5 – 6ផ្លែមកសៀត ឬដាក់ជុំវិញកញ្ច្រែងដែលដាក់របស់ហាលនោះ។ ចំហាយក្តៅរបស់ម្ទេស នឹងធ្វើឱ្យសត្វរុយមិនហ៊ានចូលមកក្បែរឡើយ។
7. ទឹកប៊ីយ៊ែរជួយបន្ធូរខ្ចៅដែលរឹតជាប់ណែនដោយសារច្រែះបានមែនឬ?
ចម្លើយ : ត្រឹមត្រូវ! ចូរចាក់ស្រោចទឹកប៊ីយ៊ែរទៅលើខ្ចៅដែលជាប់ណែនដោយសារច្រែះនោះបន្តិច រួចរង់ចាំ 2 – 3 នាទី ភាពជាអាស៊ីតរបស់ទឹកប៊ីយ៊ែរ នឹងជួយកម្ចាត់វត្ថុកខ្វក់ៗ និងកម្ទេចច្រែះទាំងនោះចេញ ធ្វើឱ្យខ្ចៅនោះកាន់តែងាយស្រួលមួលឡើង៕
ប្រព័ន្ធឌីជីថល ដើរតួនាទីសំខាន់ក្នុងការផ្សព្វផ្សាយពីសក្តានុពលទេសចរណ៍របស់កម្ពុជា
«សេដ្ឋកិច្ចឌីជីថលបាននិងកំពុងធ្វើឱ្យរបៀបរបបធ្វើការងារមានភាពផ្លាស់ប្តូរជាច្រើននៅតាមបណ្តារោងចក្រឧស្សាហកម្ម និងសេវាកម្មនានា ដូចជាសេវាកម្មហិរញ្ញវត្ថុ សេវាកម្មសុខភាព ផលិតកម្ម សេវាកម្មទេសចរណ៍ សេវាកម្មកម្សាន្ត មធ្យោបាយដឹកជញ្ជូន និងបច្ចេកវិទ្យាព័ត៌មាន និងទំនាក់ទំនង»។
ខាងលើនេះ គឺជាប្រសាសន៍របស់ឯកឧត្ដមរដ្ឋមន្រ្តីក្រសួងទេសចរណ៍ដែលបានថ្លែងនៅក្នុងសិក្ខាសាលាផ្សព្វផ្សាយដែលធ្វើឡើងនៅខេត្តសៀមរាប ស្តីពីគេហទំព័រ និងកម្មវិធីទូរស័ព្ទវៃឆ្លាតនៃទេសចរណ៍ក្នុងស្រុក “Visit Cambodia” និងការអនុវត្តការចុះបញ្ជីស្នាក់នៅរបស់ភ្ញៀវទេសចរតាមអនឡាញសម្រាប់មូលដ្ឋានអាជីវកម្មទេសចរណ៍ កាលពីថ្ងៃទី4 ខែវិច្ឆិកា ឆ្នាំ2019។
ឯកឧត្តម ថោង ខុន រដ្ឋមន្ត្រីក្រសួងទេសចរណ៍បានបញ្ជាក់ថា៖« តាមរយៈប្រព័ន្ធផ្សព្វផ្សាយ យើងក៏បានចូលរួមអប់រំដល់ប្រជាជនកម្ពុជាឱ្យបានយល់ដឹងអំពីអត្ថប្រយោជន៍ដ៏មានតម្លៃនៃវិស័យទេសចរណ៍ ពោលគឺ អត្ថប្រយោជន៍នេះមិនត្រឹមតែបានផ្សព្វផ្សាយទៅដល់ប្រជាជនកម្ពុជាប៉ុណ្ណោះទេ តែក៏បានទៅដល់ភ្ញៀវទេសចរដទៃទៀត តាមរយៈការទទួលបានបទពិសោធ ការទទួលស្វាគមន៍ ជាពិសេសការប្រាស្រ័យទាក់ទងជាមួយនឹងប្រជាជនមូលដ្ឋានកាន់តែប្រសើរឡើង»។
ផ្អែកលើស្មារតីនេះ វិស័យទេសចរណ៍ក៏ត្រូវធ្វើការសិក្សា និងពង្រីកបន្ថែមនូវទីផ្សារទេសចរណ៍ឱ្យកាន់តែទូលាយឡើង តាមរយៈការជំរុញឱ្យមានការបង្កើតផលិតផលទេសចរណ៍ដែលមានគុណភាព និងទាក់ទាញ ជាពិសេសជំរុញការផ្សព្វផ្សាយទេសចរណ៍តាមរយៈប្រព័ន្ធឌីជីថល ដែលផ្តល់ភាពងាយស្រួលដល់ភ្ញៀវទេសចរក្នុងការស្វែងរកព័ត៌មានអំពីគោលដៅទេសចរណ៍នានានៅកម្ពុជាឱ្យកាន់តែប្រសើរ។
ឯកឧត្តម ថោង ខុន ក៏បានស្នើឱ្យផ្នែកឯកជនដែលជាប្រតិបត្តិករទេសចរណ៍ចូលរួមផ្តល់ព័ត៌មាន ក៏ដូចជាកម្មវិធីបញ្ចុះតម្លៃពិសេសណាមួយក្នុងគោលបំណងពង្រឹង និងពង្រីកសក្តានុពលទេសចរណ៍នៅខេត្តសៀមរាបឱ្យបានល្អប្រសើរ និងបង្កើនកំណើនភ្ញៀវទេសចរទៅកម្សាន្តឱ្យបានកាន់តែច្រើនថែមទៀត។
ក្នុងន័យនេះ គឺធ្វើយ៉ាងណាជំរុញការស្វែងរកគោលដៅ និងសេវាកម្មទេសចរណ៍នានាក្នុងខេត្តសៀមរាប សំដៅបំផុសចលនាទេសចរណ៍ទៅកាន់ខេត្តសៀមរាបដែលជាគោលដៅទេសចរណ៍វប្បធម៌ និងប្រវត្តិសាស្ត្រដ៏ល្អរបស់កម្ពុជា។
ម៉្យាងវិញទៀត ត្រូវបង្កើតនូវកញ្ចប់ទស្សនកិច្ចទេសចរណ៍ពិសេសតាមរយៈកម្មវិធីនានា ឬការបញ្ចុះតម្លៃពិសេសទៅលើសេវាកម្មរបស់ខ្លួនដើម្បីផ្តល់ភាពងាយស្រួលដល់ការជ្រើសរើសគោលដៅ ក៏ដូចជាកញ្ចប់ទស្សនកិច្ចរបស់ភ្ញៀវទេសចរដែរ៕
ប្រទេសជប៉ុនផ្តល់ថវិកាចំនួន 27លានដុល្លារ សម្រាប់គម្រោងអភិវឌ្ឍន៍ប្រព័ន្ធបង្ហូរទឹកកខ្វក់
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ដ្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានចុះហត្ថលេខាលើកិច្ចព្រមព្រៀងហិរញ្ញប្បទានឥតសំណងមួយ ជាមួយលោក យូអិឈី ស៊ូហ្គាណូ (Yuichi SUGANO) ប្រធានតំណាងទីភ្នាក់ងារសហប្រតិបតិ្តការអន្តរជាតិ នៃប្រទេសជប៉ុន(JICA) កាលពីថ្ងៃទី1 ខែវិច្ឆិកា ឆ្នាំ2019 នៅទីស្ដីការក្រសួងសេដ្ឋកិច្ច ដែលមានទឹកប្រាក់តម្លៃប្រមាណ 27លានដុល្លារអាមេរិក សម្រាប់គម្រោងអភិវឌ្ឍន៍ប្រព័ន្ធបង្ហូរទឹកកខ្វក់ក្នុងរាជធានីភ្នំពេញ។
យោងតាមសេចក្តីប្រកាសព័ត៌មានរួមដែលចេញបន្ទាប់ពីពិធីចុះហត្ថលេខាលើគម្រោងអភិវឌ្ឍន៍ប្រព័ន្ធបង្ហូរទឹកកខ្វក់ក្នុងរាជធានីភ្នំពេញនេះ មានទិសដៅចម្រោះទឹកកខ្វក់ មុនពេលបង្ហូរចូលទន្លេតាមរយៈការសាងសង់រោងចក្រប្រព្រឹត្តិកម្មទឹកកខ្វក់មួយកន្លែងនៅបឹងជើងឯក ក្នុងសង្កាត់ជើងឯក ខណ្ឌដង្កោ រាជធានីភ្នំពេញ និងបំពង់បង្ហូរទឹកកខ្វក់ដែលមានប្រវែង 2,000ម៉ែត្រ មានមុខកាត់ 500 ម.ម តភ្ជាប់ពីស្ថានីយបូមទឹកបឹងត្របែក។
ស្ថានីយប្រព្រឹត្តិកម្មនេះ មានសមត្ថភាពចម្រោះទឹកកខ្វក់បាន 5,000ម៉ែត្រគុបក្នុង 1ថ្ងៃ។ ការសាងសង់នឹងត្រូវចាប់ផ្តើមនៅចុងឆ្នាំ2020 ដែលមានរយៈពេលប្រមាណ 32ខែ។ បន្ថែមពីលើការសាងសង់គម្រោងក៏នឹងផ្តល់ជំនួយបច្ចេកទេស សម្រាប់ពង្រឹងសមត្ថភាពមន្ត្រីបុគ្គលិកប្រតិបត្តិការ និងថែទាំស្ថានីយក៏ដូចជាការគ្រប់គ្រងហិរញ្ញវត្ថុផងដែរ។
គម្រោងអភិវឌ្ឍន៍ប្រព័ន្ធបង្ហូរទឹកកខ្វក់ក្នុងរាជធានីភ្នំពេញនេះ ជាគម្រោងបំពេញបន្ថែមឱ្យគម្រោងការពារទឹកជំនន់ និងកែលម្អប្រព័ន្ធប្រឡាយលូក្នុងរាជធានីភ្នំពេញ ជំហានទី1 ទី2 ទី3 និងទី4 ដែលត្រូវបានសាងសង់ដោយហិរញ្ញប្បទានឥតសំណងរបស់ប្រទេសជប៉ុនផងដែរ។ វាជាគម្រោងដំបូងគេនៅភ្នំពេញដែលនឹងបំពេញបន្ថែមគម្រោងការពារទឹកជំនន់ និងកែលម្អប្រព័ន្ធលូនៅភ្នំពេញដែលទទួលបានការឧបត្ថម្ភថវិកាពីប្រទេសជប៉ុនផងដែរ។
គម្រោងនេះនឹងចូលរួមចំណែកដល់កិច្ចខិតខំប្រឹងប្រែងរបស់សាលារាជធានីភ្នំពេញ ក៏ដូច ជារាជរដ្ឋាភិបាលកម្ពុជាដែលបានឆ្លើយតបយ៉ាងជាក់ច្បាស់ទៅនឹងសេចក្តីត្រូវការជាអាទិភាពក្នុង ការអភិវឌ្ឍប្រព័ន្ធចម្រោះទឹកកខ្វក់ ដែលនាំមកនូវការការពារ និងលើកកម្ពស់គុណភាពទឹក និងអនា ម័យ បរិស្ថាន ស្របទៅនឹងមុំទី1 នៃចតុកោណទី4 ដូចមានចែងក្នុងឯកសារយុទ្ធសាស្រ្តចតុកោណ ដំណាក់កាលទី របស់រាជរដ្ឋាភិបាលកម្ពុជា។
កិច្ចព្រមព្រៀងហិរញ្ញប្បទានឥតសំណងដែលត្រូវបានចុះហត្ថលេខានេះ គឺជាឯកសារគតិយុត្តមួយទៀត បន្ទាប់ពីលិខិតប្តូរសារដែលទើបត្រូវបានចុះហត្ថលេខាកាលពីថ្ងៃទី3 ខែតុលា ឆ្នាំ 2019 កន្លងទៅរវាងក្រសួងការបរទេស និងសហប្រតិបត្តិការអន្តរជាតិកម្ពុជា និងស្ថានទូតជប៉ុន ប្រចាំនៅកម្ពុជា ដែលអាចនាំឱ្យឈានទៅដល់ការអនុវត្តនីតិវិធីបន្តបន្ទាប់ទៀតសម្រាប់ការអនុវត្ត គម្រោងជាក់ស្តែង។ ជារួម ហិរញ្ញប្បទានកិច្ចសហប្រតិបត្តិការអភិវឌ្ឍន៍ផ្លូវការ (Japanese ODA)ពីប្រទេសជប៉ុន និងប្រជាជនជប៉ុន ឬ «អ្នកបង់ពន្ធជប៉ុន»ចាប់ពីដំណើរការ កសាងសន្តិភាព និងការបង្រួបបង្រួមជាតិនៅកម្ពុជា រហូតមកដល់បច្ចុប្បន្នមានចំនួនសរុបប្រមាណ 5,000លានដុល្លារអាមេរិក ក្នុងនោះមានហិរញ្ញប្បទានឥតសំណងប្រមាណជាង 3,500លានដុល្លារអាមេរិកផងដែរ៕
អស់ពីឈុតលូកលាន់នៅក្នុងការ៉ាស់ឡាន ឥឡូវធ្លាយឈុតលើគ្រែវិញម្ដង
ខណៈពេល ដែលកំពុងផ្ទុះការរិះគន់បាញ់ចាក់ស្រោចយ៉ាងគំហុកក្រោយពេលដែលវីដេអូនៃឈុតឆាកសម្តែងស្រើបស្រាលក្នុងMV មួយត្រូវបានចែករំលែកនៅលើបណ្តាញសង្គមហ្វេសប៊ុកយ៉ាងកក្រើកភ្ជាប់នឹងការមិនពេញចិត្ត ព្រោះធ្វើឱ្យធ្លាក់តម្លៃវប្បធម៌ឬតម្លៃសង្គមខ្មែរនោះ ក៏មានមជ្ឈដ្ឋានមហាជនប្រកាសស្នើឲ្យក្រសួងវប្បធម៌និងវិចិត្រសិល្បៈប្រញាប់ភ្ញាក់ពីដំណេកមើលរឿងនេះផង កុំនៅយូរពេកដោយហេតុថាសកម្មភាពនេះដូចជាលើសពេកហើយដែលមិនអាចឱ្យទស្សនិកជនគាំទ្រឬទទួលយកបានឡើយ។
បើតាមគេដឹង តារាសម្ដែងវ័យក្មេងដែលកំពុងតែរងនូវការរិះគន់ដូចព្យុះពីសំណាក់មហាជនស្ទើរទូទាំងប្រទេសនោះគឺមានឈ្មោះហៅថា Rose ដោយរូបនាងជាមួយនឹងតួប្រុសកំពុងឱ្យថើបគ្នាយ៉ាងស្រើបស្រាលនៅការ៉ាស់ឡានមួយកន្លែង រហូតមានឈុតលូកស្ទាបក្បែរតំបន់សំខាន់ទៀតផង។ មួយឈុត MV នោះដែរត្រូវបានគេរិះគន់យ៉ាងចាស់ដៃបន្ដទៀត គឺឈុតនៅលើគ្រែវិញម្ដង ក៏ប៉ុន្ដែតារាសម្ដែស្រីសិចស៊ីរូបនេះ បានត្រឹមតែបង្ហោះពាក្យនៅលើបណ្ដាញសង្គមហ្វេសប៊ុនថានាងមិនខ្វល់ពីពាក្យរិះគន់ឡើយ ដោយនាងចាត់ទុកថា នោះគ្រាន់តែជាការសម្ដែង។
គួរបញ្ជាក់ដែរថាការរិះគន់មិនទាន់បាត់ក្លិនអសោចផងនោះស្រាប់តែតារាស្រីឈ្មោះ Rose ត្រូវបានលោក រិទ្ធ អូមេហ្កា ដែលជាអ្នកនិពន្ធ និងដឹកនាំនៅផលិតកម្មថោន បានទម្លាយឈុតសម្តែងរបស់នាងមួយទៀត គឺឈុតលើគ្រែដែលកំពុងថើបជញ្ជក់បបោសអង្អែលគ្នាយ៉ាងស្រើបស្រាលនៅលើគ្រែ បែបប្រឡែងលែងល្បែងស្នេហ៍ 18+។ លោក Rith Omega បានរៀបរាប់ថា៖ “ហុីម លើកមុនត្រឹមលូកគូថ ម្នាក់ៗថាថតដូចរឿង សុិច ចុះឈុតនេះវិញ? ឈុតមុនថាថតលេងមិនមានក្នុង MV ចុះឈុតនេះថតជាប់ទាំង អ្នកដឹកនាំសម្តែងកំុពុងថតទៀត តើថតលេងរឺយ៉ាងណា? សូមអ្នកដឹកនាំសម្តែង ដែលក្នុងVideo នេះឈរកាន់កាម៉េរ៉ាថត ចូលខ្លួនបកស្រាយផង តើកំពុងថតរឿងសុិចខ្មែរ រឺ MV? តើអ្នកដឹកនាំសម្តែងម្នាក់នឹងយកអីមកគិត មានខួរទេ? រឺបទនេះស្នើរទៅក្រសួងវប្បធម៍ សុំជាលក្ខណ 18+?”៕
វិធីរៀបចំបន្ទប់គេង ដើម្បីលើករាសីគូស្វាមីភរិយាថ្មី
“សង់ផ្ទះតម្រូវចិត្តអ្នករស់នៅ ធ្វើគ្រែតម្រូវចិត្តអ្នកគេង” ពាក្យបុរាណមួយនេះត្រូវបានមនុស្សទូទៅទទួលស្គាល់ថា វាជារឿងពិតជាក់ស្តែងបំផុត ដែលត្រូវបានគេលើកមកដំណាល និងអនុវត្តតាមតាំងពីដើមរហូតរៀងមកដល់ពេលបច្ចុប្បន្ននេះ។ ជាការពិតណាស់ផ្ទះបានផ្តល់ជាទីជម្រកជ្រកកោនយ៉ាងសុខសាន្តជាប្រចាំ។ ដូច្នេះ នៅពេលចូលទៅរស់នៅក្នុងផ្ទះ យើងតែងប្រាថ្នាចង់បានសេចក្តីសុខ និងមានក្តីចម្រុងចម្រើនប្រកបដោយភាពសុខ-ដុមរមនា និងសុភមង្គល។ ជាមួយគ្នានេះ បន្ទប់គេងក៏ជាចំណុចមួយដែលលោកអ្នកត្រូវតែយកចិត្តទុកដាក់ក្នុងការរៀបចំប្រកបដោយសោភ័ណ្ឌភាព ជាពិសេសសម្រាប់គូស្វាមីភរិយាថ្មោងថ្មីដែលទើបតែបញ្ចប់កម្មវិធីរៀបអាពាហ៍ពិពាហ៍ កសាងសង្គមគ្រួសារថ្មីដោយក្តីរីករាយ និងមានស្ថិតស្ថេរជាអមតៈ។ ដើម្បីទទួលបាននូវសេចក្ដីសុខ មានភាពរីករាយនៅក្នុងជីវិតគ្រួសារ និងកសាងនូវគ្រួសារប្រកបដោយភាពកក់ក្ដៅ ពោរពេញទៅដោយសុភមង្គលល្អប្រសើរ មិនមែនមានត្រឹមតែសេចក្ដីស្រឡាញ់ស្មោះស្ម័គ្រតែមួយមុខគ្រប់ហើយនោះឡើយ តែវាត្រូវការចូលរួមជាចាំបាច់នូវកត្តាជីវហារ ទីលំនៅឋាន ព្រមទាំងកត្តាសេដ្ឋកិច្ចផងដែរ។ ដោយឡែកសម្រាប់កត្តាលំនៅដ្ឋាន ជាពិសេសបន្ទប់សម្រាប់ចូលនិន្ទ្រាតែម្ដង ក៏គួរតែចេះរៀបចំតុបតែងលម្អបន្ថែមបន្តិចទើបជាការប្រពៃ និងនាំសំណាងជោគជ័យសិរីសួស្ដីដល់ក្រុមគ្រួសារថែមទៀត។
តើបន្ទប់នាំជោគសំណាងគឺអ្វីទៅ?
បន្ទប់នាំជោគសំណាង និងនាំមង្គល គឺជាបន្ទប់ដែលសម្រាប់អាស្រ័យរស់នៅ ហើយមានតែសេចក្តីសុខសេចក្តីចម្រើនលូតលាស់ទៅមុខ។ បន្ទប់បែបនោះ គួរតែបែរមុខចេញទៅរកទិសផ្នែកខាងមុខផ្ទះ ពោលគឺទ្វារបន្ទប់ស្ថិតនៅក្នុងផ្លូវតែមួយនៃទ្វារផ្លូវចូលផ្ទះតែម្តង។ ជាមួយគ្នានេះ លោកអ្នកក៏អាចជ្រើសរើសនូវរូបភាពបែបធម្មជាតិ មានពណ៌ស្រស់ស្អាតបែបស្រទន់ដាក់តាំងបន្ថែមនៅលើផ្ទៃជញ្ជាំងអមផ្លូវដើរ ឬបើមានដាក់តាំងរូបភាពអនុស្សាវរីយ៍គ្រួសារមួយផ្ទាំងធំល្មមសមនឹងផ្ទៃជញ្ជាំងក៏កាន់តែប្រសើរ។ ដោយឡែកនៅក្នុងបន្ទប់គេង ក៏គួរមានតុតូចមួយសម្រាប់អង្គុយមើលសៀវភៅ ជាមួយថូផ្កាស្រស់ស្អាតតូចល្មម ដើម្បីបង្កើនភាពស្រស់ស្អាតនៅក្នុងបន្ទប់ និងមានក្លិនក្រអូបនៃផ្កាស្រស់ ដែលកាន់តែធ្វើឱ្យអារម្មណ៍លោកអ្នកកាន់តែរីករាយស្រស់ថ្លា មានភាពផ្អែមល្ហែមជាមួយដៃគូជីវិតមិនអាចបំភ្លេចបានរាល់រាត្រី។
របៀបបញ្ចៀសលក្ខណៈបន្ទប់មិននាំជោគសំណាង
-ទ្វារផ្ទះមិនគួរឱ្យស្ថិតនៅទល់មុខគ្នាជាមួយបន្ទប់ម្ខាងទៀត។
-កុំជ្រើសរើសបន្ទប់សម្រាប់ស្នាក់នៅ ដែលនៅចុងខាងក្រោយនៃផ្ទះ។
-ពេលបើកទ្វារចូលផ្ទះ មិនគួរឃើញបន្ទប់ទឹកនៅផ្នែកខាងមុខបន្ទប់ដេក។
-បន្ទប់បាយ ឬធ្នើរធ្វើម្ហូប មិនគួរនៅជាប់បន្ទប់គេង។ ក្រៅពីនេះ មិនត្រូវឱ្យទ្វារបន្ទប់ទឹក បែរមុខជល់គ្នាជាមួយទ្វារបន្ទប់ដេក ឬចុងជើងគ្រែគេងនោះទេ។
-ទីតាំងរបស់ឆ្នាំង ឬឆ្នាំងខ្ទះ មិនគួរនៅជិតជាមួយក្បាលម៉ាស៊ីនទឹកនោះទេ។
-បន្ទប់គេងមិនអាចអត់មានបង្អួចនោះទេ។
-កន្លែងធ្វើម្ហូបមិនគួរនៅចំត្រង់់បន្ទប់ទឹក។
-គួរចៀសវាងដាក់អាងទឹក ឬធុងទឹកនៅពីលើបន្ទប់គេង។
-បើកទ្វារចូលបន្ទប់ មិនគួរឃើញគ្រែជ្រងោៗទេ ត្រូវរកវាំងននមកបិទបាំងខ្លះទើបល្អ។
បន្ទប់ដែលគ្មានជោគសំណាង
មនុស្សជាច្រើនតែងចូលចិត្តជ្រើសរើសបន្ទប់គេងនៅត្រង់កន្លែងមើលទៅស្ងប់ស្ងាត់សម្រាប់ការរស់នៅរបស់ខ្លួន ដូចជាទីតាំងដែលគ្មានមនុស្សដើរឆ្លងកាត់ច្រើននាំរំខានអារម្មណ៍។ ប៉ុន្តែ ទោះបីយ៉ាងណា បន្ទប់ដែលនៅចុងខាងក្រោយនៃផ្ទះ ជាបន្ទប់ដែលមិនបាននាំជោគលាភសំណាងអ្វីឡើយ ហើយបើអាស្រ័យរស់នៅ តែងមានឧបសគ្គ និងអពមង្គលចូលមកយាយីច្រើនមិនខាន។ បើបន្ទប់គេងរបស់អ្នកស្ថិតនៅចុងខាងក្រោយនៃផ្ទះ ហើយចង់បំបាត់រាល់ឧបទ្រពទចង្រៃនេះចេញខ្លះ អ្នកគួរធ្វើបង្អួចធំមួយនៅត្រង់ជញ្ជាំងនោះ ដើម្បីបំបាត់ភាពមិនល្អបានមួយកម្រិតដែរ តែមិនច្រើននោះឡើយ ៕
ស្រួង ភាវី ឈ្នះជើងឯកស្ន៊ុកឃ័រទ្វីបអាស៊ីជាលើកទី២
កីឡាការិនីស្ន៊ុកឃ័រជម្រើសជាតិកម្ពុជា ស្រួង ភាវី បានគ្រងតំណែងជើងឯកស្ន៊ុកឃ័រទ្វីបអាស៊ីផ្នែកនារី ប្រចាំឆ្នាំ២០១៩ នៅប្រទេសកូរ៉េខាងត្បូង ដែលនេះគឺជាលើកទី2 ហើយដែលនាងទទួលបានតំណែងជើងឯកពានរង្វាន់ 1នេះ បន្ទាប់ពីនាងធ្លាប់ឈ្នះជើងឯកនេះម្តងកាលពីឆ្នាំ2018 កន្លងទៅ។
ក្រៅពីពានរង្វាន់មួយនេះ ស្រួង ភាវី ធ្លាប់ឈ្នះពានរង្វាន់ជាច្រើនទៀតទាំងក្នុងតំបន់អាស៊ី និងពិភពលោក ដោយកាលពីដើមឆ្នាំនេះ នាងបានឈ្នះជារងជើងឯកលំដាប់ពិភពលោកប្រចាំឆ្នាំ2019 ទៀតផង៕
កីឡដ្ឋានខេត្តកំពង់ស្ពឺ នឹងចាប់បើកការដ្ឋាននៅថ្ងៃទី15 ធ្នូខាងមុខនេះ
កីឡដ្ឋាននៅខេត្តកំពង់ស្ពឺដែលកំពុងស្ថិតនៅក្នុងគម្រោងសាងសង់នៅឡើយនោះ នឹងក្លាយជាកីឡដ្ឋានផ្ទាល់របស់ក្រុមបាល់ទាត់ណាហ្គាវើលដ៍បន្ទាប់ពីការសាងសង់រួច ក្រោយពីមានការយល់ព្រមពីឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា។
ឯកឧត្តមក៏បានថ្លែងក្នុងពិធីបើកឆាកពានរង្វាន់ Soccer League ប្រចាំឆ្នាំ2019 ថា ស្តាតបាល់ទាត់កម្រិតស្ដងដាអន្តរជាតិ AFC នៅឯខេត្តកំពង់ស្ពឺ នឹងចាប់ផ្ដើមបើកការដ្ឋាននៅថ្ងៃទី15 ខែធ្នូ ឆ្នាំ2019ខាងមុននេះ។
គួរបញ្ជាក់ថា កីឡដ្ឋាននៅខេត្តកំពង់ស្ពឺ ដែលត្រៀមបើកការដ្ឋានសាងសង់នាពេលឆាប់ៗខាងមុខនេះ គឺស្ថិតនៅភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ ហើយថវិកាក្នុងការស្ថាបនា ទទួលបានការឧបត្ថម្ភពីក្រុមហ៊ុនណាហ្គាវើលដ៏៕
AFC U19 ប្រកួតលើកទី2 កម្ពុជាត្រូវជួបជាមួយនឹងកោះម៉ារីណាខាងជើង
កាលពីថ្ងៃសៅរ៏ ទី2 ខែវិច្ឆិកា ឆ្នាំ2019 យុវជនគោព្រៃកម្ពុជា បានប្រកួតចាញ់ក្រុមខ្លារខិនម៉ាឡេស៊ី ដោយលទ្ធផល 4 ទល់នឹង5 ទោះបីជាក្រុមម៉ាឡេស៊ីទទួលរងកាតក្រហម2 និងនៅសល់កីឡាករតែ 9នាក់លេងទល់នឹងកម្ពុជា 11នាក់ក៏ដោយ។
ចំណែកឯល្ងាចថ្ងៃទី8 ខែវិច្ឆិកា ឆ្នាំ2019 ខាងមុខវិញ ក្រុមបាល់ទាត់ជម្រើសជាតិយុវជនអាយុក្រោម 19ឆ្នាំកម្ពុជា នឹងត្រូវជួបជាមួយនឹងក្រុមកោះម៉ារីណាខាងជើងជាបន្តនៅពហុកីឡដ្ឋានជាតិ ចាប់ពីវេលាម៉ោង6 និង30នាទី ល្ងាចតទៅ។
គួររំឭកដែរថា កម្ពុជាកំពុងធ្វើជាម្ចាស់ផ្ទះវគ្គជម្រុះពានរង្វាន់ AFC U-19 Championship 2019 ពូល C ដែលមានប្រទេសចូលរួមចំនួន5 គឺថៃ ម៉ាឡេស៊ី ប្រ៊ុយណេ កោះម៉ារីណាខាងជើង និងម្ចាស់ផ្ទះកម្ពុជា៕
សិស្សសាលា Kent Ridge ជាច្រើនទទួលជោគជ័យក្នុងការសិក្សានៅឆ្នាំថ្មីនេះ
សិស្សពូកែ និងសិស្សជាច្រើនរូបផ្សេងទៀតបានទទួលបណ្ណសរសើរ និងអាហារូបករណ៍ពីសាលា Kent Ridge នៅក្នុងថ្ងៃបើកបវេសនកាលថ្មីកាលពីដើមខែវិច្ឆិកានេះ។
លោក ង៉ោ ប៉េងទី នាយកសាលាអន្តរជាតិ Kent Ridge បានលើកឡើងថា សាលា Kent Ridge ជាគ្រឹះស្ថានអប់រំដែលតែងតែលើកទឹកចិត្តដល់សិស្សពូកែៗដែលមានសមត្ថភាព ឱ្យទទួលបានឱកាសសិក្សា ដោយក្នុងនោះមានសិស្សពូកែមួយចំនួនទទួលបានអាហារូបករណ៍ទាំងស្រុងពីសាលា និងសិស្សពូកែខ្លះទៀតទទួលបានអាហារូបករណ៍ក្នុងភាគរយមួយចំនួន ហើយបង់ថវិកាខ្លះ ទៅតាមសមត្ថភាពនៃការខិតខំប្រឹងប្រែងជាក់ស្តែងក្នុងការសិក្សា។ សាលាមិនសំដៅខ្លាំងពេកលើប្រាក់ចំណេញនោះទេ តែអ្វីដែលជាចក្ខុវិស័យសំខាន់របស់សាលា គឺព្យាយាមបង្ហាត់បង្រៀនសិស្សានុសិស្សឱ្យចូលរួមការងារសង្គមទាំងក្នុង និងក្រៅប្រទេសដើម្បីឱ្យពួកគាត់ក្លាយជាអ្នកដឹកនាំជំនាន់ថ្មី។
លោក ង៉ោ ប៉េងទី មានប្រសាសន៍ថា៖ «ជាគោលការណ៍សាលាបានបង្កើតសមាគមជាច្រើន ដើម្បីផ្តល់ឱកាសឱ្យសិស្សានុសិស្សបានសិក្សាពីការអនុវត្តតួនាទីជាក់ស្តែង ដូចជាសិស្សខ្លះធ្វើជាប្រធានសមាគមសិស្ស សិស្សខ្លះធ្វើជាអ្នកទទួលខុសត្រូវការងារបណ្ណាល័យ សិស្សខ្លះធ្វើជាប្រធានថ្នាក់ និងអ្នកខ្លះទៀតចូលរួមធ្វើជាអ្នករៀបចំកម្មវិធីនានាជាដើម។ ការធ្វើបែបនេះ នឹងធ្វើឱ្យសិស្សបានអនុវត្តការងារពិតប្រាកដ ដោះស្រាយបញ្ហាពិតប្រាកដ ស្របពេលដែលគាត់ខិតខំប្រឹងប្រែងរៀនសូត្របន្ថែមដើម្បីអភិវឌ្ឍសមត្ថភាពឱ្យក្លាយជាធនធានមនុស្សដ៏មានសក្តានុពលនាថ្ងៃអនាគត»។ 
លោកនាយកបានបន្ថែមថា សាលារៀនអន្តរជាតិ Kent Ridge បានចាប់ផ្តើមបើកដំបូងនៅក្នុងឆ្នាំ2014 ដោយក្នុងនោះសាលាបានចម្រាញ់យកសិស្សពូកែចំនួនត្រឹមតែ 12នាក់ប៉ុណ្ណោះ រហូតមកដល់បច្ចុប្បន្ននេះសាលាបានបណ្តុះបណ្តាលសិស្សពូកែៗបានរហូតដល់ 173នាក់ហើយ។ ស្របពេលជាមួយគ្នានេះដែរ សាលាក៏បានបង្កើតភាពជាដៃគូជាមួយស្ថាប័នប្រកួតប្រជែងជាច្រើននៅកម្ពុជា និងមានដៃគូជាមួយសាលារដ្ឋនៅប្រទេសសិង្ហបុរី ដែលធ្វើឱ្យសិស្សនៅកម្ពុជា និងសិង្ហបុរី មានទំនាក់ទំនងល្អ ហើយតែងតែរៀបចំកម្មវិធីប្រកួតតស៊ូមតិ (debate) រួមគ្នាជារៀងរាល់ឆ្នាំទៀតផង៕