ពិធីបុណ្យ បណ្តែតប្រទីប អកអំបុក សំពះព្រះខែកំពុងតែជិតចូលមកដល់ហើយ ដែលនឹងត្រូវធ្វើឡើងនៅក្នុងអំឡុងពេលជាមួយគ្នានឹងពិធីបុណ្យអុំទូកនាពេលខាងមុខនេះឯង។ ចំណែកចំណីអាហារជាប្រពៃណីដែលប្រជាពលរដ្ឋគ្រប់គ្នាតែងចងចាំជារៀងរហូតមកនៅក្នុងពេលដែលពិធីបុណ្យនេះត្រូវបានប្រារព្វឡើងនោះ គឺអំបុក ជាអាហារប្រពៃណីមួយដែលប្រជាជនខ្មែរមិនដែលភ្លេចឡើយ។
ដោយហេតុនេះហើយ ទើបគេឃើញប្រជាពលរដ្ឋនៅតាមបណ្តាខេត្តមួយចំនួនដែលជាអ្នកប្រកបរបរដាល់អំបុកលក់នោះបានចាប់ផ្តើមយ៉ាងមមាញឹកជាបណ្តើរៗហើយក្នុងការផលិតអំបុករបស់ខ្លួនឱ្យទាន់ក្នុងរដូវបុណ្យអុំទូកខាងមុខនេះ និងដើម្បីបំពេញតម្រូវការដែលអាចមានការបញ្ជាទិញច្រើនដោយសារមានព្រឹត្តិការណ៍ធំៗជាច្រើនទៀតនៅក្នុងប្រទេសនៅថ្ងៃទី9 ខែវិច្ឆិកា ខាងមុខនេះ។
អ្នកផលិតអំបុកនៅភូមិរការ ឃុំល្វា ស្រុកពួក ខេត្តសៀមរាប បានឱ្យដឹងថា បច្ចុប្បន្ននេះនៅក្នុងភូមិរបស់គាត់មានប្រជាពលរដ្ឋប្រមាណជាជិត 200គ្រួសារបានចាប់មុខរបរផលិតអំបុកស្រូវថ្មីលក់ដោយអំបុករបស់ពួកគាត់កំពុងមានទីផ្សារជាបណ្ដើរៗដោយសារមានអ្នកបញ្ជាទិញច្រើនជាបន្ដបន្ទាប់។
ប្រជាពលរដ្ឋក្នុងស្រុកពួកបានរៀបរាប់ឱ្យដឹងថា ក្នុង 1ថ្ងៃពួកគាត់ធ្វើអំបុកលក់ឱ្យក្រុមឈ្មួញបានប្រមាណ 100គីឡូក្រាម ដោយ 1គីឡូក្រាមលក់ក្នុងតម្លៃ 4,500រៀល ប៉ុន្ដែលោកសង្ឃឹមថា នៅក្នុងទិវាទទួលទានអំបុកទូទាំងប្រទេស ជាពិសេសនៅក្នុងពិធីបុណ្យអុំទូក បណ្ដែតប្រទីប សំពះព្រះខែ និងអកអំបុកខាងមុខនេះ តម្លៃអំបុកស្រូវថ្មីនឹងឡើងថ្លៃជាងនេះមិនខាន ដែលការណ៍នេះនឹងជួយដោះស្រាយជីវភាពប្រចាំថ្ងៃរបស់ពួកគាត់ឱ្យបានធូរស្រាលជាងមុន។
លោក ឆន នោ ជាអ្នកផលិតអំបុកមួយរូបបានបញ្ជាក់ថា បច្ចុប្បន្ននេះលោកអាចផលិតអំបុកបានក្នុង 1ថ្ងៃ បានចាប់ពី50 ទៅ100គីឡូក្រាម ដោយប្រើប្រាស់ម៉ាស៊ីនគោយន្តមានលក្ខណៈទំនើប និងអាចផលិតអំបុកបានច្រើនជាងការប្រើប្រាស់កម្លាំងមនុស្សសុទ្ធដូចកាលពីសម័យមុន ហើយគាត់អាចទទួលបានប្រាក់ចំណូលចាប់ពី10ម៉ឺនរៀល ទៅ20ម៉ឺនរៀលដែរក្នុង 1ថ្ងៃ។
ជាមួយគ្នានេះ លោកក៏បានឱ្យដឹងដែរថា ការធ្វើអំបុកត្រូវចំណាយដើមទុនច្រើន ទាំងការប្រើប្រាស់បច្ចេកទេសផលិតអំបុក និងចំណាយទិញស្រូវថ្មីដើម្បីផលិតជាអំបុក ហើយអំបុកដែលអ្នកភូមិលោកផលិត សុទ្ធតែជាអំបុកធ្វើពីស្រូវថ្មីពិតៗ គ្មានប្រើប្រាស់សារធាតុអ្វីផ្សេងចូលទៅក្នុងអំបុកនោះឡើយទោះជាស្រូវដែលទិញមកពីតំបន់ផ្សេងក៏ដោយ។
ដោយឡែកប្រជាពលរដ្ឋប្រមាណជាង 100គ្រួសារ រស់នៅក្នុងភូមិសាន់គរ ឃុំសាន់គរ ស្រុកកំពង់ស្វាយ ខេត្តកំពង់ធំ ដែលជាតំបន់ធ្លាប់ល្បីរឿងអំបុកឆ្ងាញ់ជាយូរមកហើយ និងបានប្រកបមុខរបរដាល់អំបុកលក់ជាច្រើនឆ្នាំតៗគ្នាមក បានលើកឡើងថា របរដាល់អំបុកលក់ជាមុខរបរតាំងពីដូនតារបស់ពួកគាត់ និងជាទំនៀមទម្លាប់ប្រពៃណី ដែលប្រជាពលរដ្ឋរស់នៅក្នុងភូមិនេះធ្វើជារៀងរាល់ឆ្នាំតាំងពីបុរាណកាលរហូតមក។
ប្រជាកសិករខ្លះប្រកបមុខរបរនេះបន្តមកពីឪពុកម្តាយរបស់ពួកគាត់ ដោយមិនដឹងថា តើនៅស្រុកភូមិរបស់ពួកគាត់មានអំបុកតាំងពីពេលណាមកឡើយ។ តំណាងប្រជាពលរដ្ឋដែលប្រកបរបរដាល់អំបុកនៅតាមដងផ្លូវនេះបានលើកឡើងថា អំបុករបស់ពួកគាត់មានរសជាតិឆ្ងាញ់ និងសុទ្ធតែថ្មីៗ និងស្រួយល្អ។ ជាមួយគ្នានេះ ការដាល់ ឬបុកអំបុកនេះ គឺគេតែងធ្វើឡើងនៅក្នុងរដូវដែលមានស្រូវថ្មីមកដល់តែប៉ុណ្ណោះ គឺចាប់តាំងពីខែមិថុនា រហូតដល់ខែវិច្ឆិកា ឬខែធ្នូ ទើបឈប់ធ្វើអំបុក ព្រោះអស់ស្រូវខ្ចីថ្មី(ព្រោះស្រូវទុំអស់ហើយ)សម្រាប់ធ្វើហើយ និងជាពិ-សេសគឺផុតរដូវបុណ្យអុំទូក អកអំបុក និងសំពះព្រះខែ ដែលជាពិធីបុណ្យប្រពៃណីជាតិខ្មែរយើងហើយ។
ចំពោះមុខរបរដាល់អំបុកនេះមានតាំងពីដើមរៀងមក ប៉ុន្តែកាលពីមុនគេបុកដោយដៃ ជាក្រុមៗ តែប្រហែលជាង 10ឆ្នាំមកហើយ ពួកគាត់បានធ្វើការកែប្រែពីការបុកដោយដៃមកប្រើប្រាស់ “ត្បាល់ក្តឿង” ជាន់ដោយមនុស្សវិញម្ដង។ តែរយៈពេល 2ឆ្នាំចុងក្រោយនេះ ការដាល់អំបុកចាប់ផ្តើមកែច្នៃដោយប្រើម៉ាស៊ីនគោយន្តជំនួសវិញ ដោយច្នៃប្រឌិតយកម៉ាស៊ីនគោយន្តមកប្រើជំនួសកម្លាំងមនុស្សដោយផ្ទាល់ និងមានភាពរហ័ស លឿនជាង ដែលអាចកាត់បន្ថយកម្លាំងពលកម្មមនុស្សបានមួយកម្រិត។ ចំពោះតម្លៃវិញ គឺលក់បាន 1កំប៉ុងតម្លៃ 2,500រៀល។
ចំណែកអ្នកផ្គត់ផ្គង់អំបុកប្រចាំំខេត្តស្វាយរៀង ឈ្មោះសំអាត បានឱ្យដឹងថា លោកឃើញមានឱកាសក្នុងការទទួលបានការកុម្ម៉ង់ពីអតិថិជន បន្ទាប់ពីលោកបានផ្សព្វផ្សាយលើបណ្តាញសង្គមហើយក៏ទទួលបានការកុម្ម៉ង់ពីស្ថាប័ន និងក្រសួងរបស់រដ្ឋនានាជាច្រើនដែលបានទំនាក់ទំនងមកកុម្ម៉ង់អំបុកពីរូបលោក ដែលមកដល់ពេលនេះមានស្ថាប័នរដ្ឋចំនួន 6ហើយដែលបានកុម្ម៉ង់អំបុកទុកសម្រាប់ហូបនៅថ្ងៃទី9 ខែវិច្ឆិកាខាងមុខ ព្រោះអំបុកខេត្តស្វាយរៀងជាអំបុកស្រូវថ្មី ក្រអូប និងស្រួយឆ្ងាញ់ ហើយមានថ្នាក់ដឹកនាំជាច្រើនរូបតែងតែសរសើរ និងបញ្ជាទិញអំបុកនេះ។
លោក សំអាត ក៏បានឱ្យដឹងទៀតដែរថា៖“ឆ្នាំនេះត្រៀមផ្គត់ផ្គង់អំបុកប្រមាណ 1,000កញ្ចប់ ដោយក្នុង 1កញ្ចប់មានអំបុកចំនួន 5កំប៉ុង និងមានតម្លៃ 1ម៉ឺនរៀល(ស្មើនឹង 1កំប៉ុង 2,000រៀល) ហើយបច្ចុប្បន្ននេះនៅលើទីផ្សារ អំបុកនៅមានតម្លៃសមរម្យនៅឡើយ តែនឹងឡើងថ្លៃខ្លះបន្ថែមទៀត បើកាន់តែជិតដល់ថ្ងៃទី9 ខែវិច្ឆិកា ខណៈដែលពេលនេះកង្វះស្រូវថ្មីសម្រាប់ធ្វើអំបុក និងការកុម្ម៉ង់ចាប់ផ្ដើមមានចំនួនកាន់តែច្រើនឡើង។
លោកបានប្រាប់ថា៖“តម្លៃអំបុកនាពេលនេះ គឺប៉ុណ្ណឹង(ប្រមាណជា 2,000 ទៅ 2,500រៀល 1កំប៉ុង)តែនៅថ្ងៃខាងមុខ ខ្ញុំគិតថា អំបុកអាចនឹងឡើងថ្លៃបន្តិចទៀត ព្រោះមានការកុម្ម៉ង់អំបុកពីខេត្តស្វាយរៀងក្នុងបរិមាណច្រើន ពិសេសការកុម្ម៉ង់ពីក្រុមគ្រួសារនានានៅទីក្រុង ហើយថែមទាំងសម្រាប់ឆ្នាំនេះ រាជរដ្ឋាភិបាលបានប្រកាសធ្វើពិធីហូបអំបុកទូទាំងប្រទេស និងមានរយៈពេល 4ថ្ងៃ ដូច្នេះខ្ញុំរំពឹងថា ការកុម្ម៉ង់អំបុកនៅឆ្នាំនេះនឹងមានបរិមាណច្រើនលើសការរពឹងទុករបស់ខ្ញុំ”។
បើមើលទៅលើទីផ្សារអាហារផ្សេងទៀតដែលមានទំនាក់ទំនងជាមួយនឹងអំបុកនេះ ផ្លែចេកណាំវ៉ាទុំក៏ត្រូវបានគេមើលឃើញថា នឹងមានតម្លៃកើនឡើងផងដែរ ព្រោះតម្រូវការចេកទុំដែលនឹងត្រូវយកទៅហូបជាមួយអំបុកនឹងកើនឡើងច្រើនដែរ បន្ទាប់មក គឺផ្លែដូងខ្ចីក៏មានសញ្ញាថា នឹងមានតម្រូវការខ្ពស់ដែរ ព្រោះទឹកដូង និងសាច់ដូងខ្ចីក៏ជាអាហារដែលប្រជាជនខ្មែរយើងនិយមទទួលទានជាមួយអំបុកដែរ ហើយជាមួយគ្នានេះ នៅតាមតំបន់មួយចំនួនក្នុងស្រុកយើង ក៏មានការទទួលទានអំបុកដែលមានលក្ខណៈខុសប្លែកពីគ្នាខ្លះៗដែរ។
តំបន់ខ្លះដើម្បីឱ្យការទទួលទានអំបុកកាន់តែមានរសជាតិឆ្ងាញ់ ប្រជាពលរដ្ឋមួយចំនួនគេនិយមទទួលទានអំបុកអមជាមួយនឹងទឹកត្នោតផ្អែម និងខ្លះទៀតទទួលទានអំបុកជាមួយនឹងផ្អកត្រីប្រៃ ឬកំពឹសលីង ត្រីប្រឡាក់ ត្រីឆ្លូញអាំង តាមទំនៀមទម្លាប់ដែលគេនិយមចូលចិត្ត។
បើតាមការបញ្ជាក់ពីក្រុមប្រជាពលរដ្ឋដែលប្រកបរបរដាល់អំបុកលក់នៅតាមតំបន់ល្បីៗក្នុងបណ្តាខេត្តមួយចំនួន បានឱ្យដឹងស្រដៀងគ្នាថា អំបុករបស់ពួកគាត់ ពួកគាត់សង្ឃឹមថានឹងលក់បានថ្លៃជាងសព្វដងបន្តិច ហើយនិងទទួលបានការបញ្ជាទិញច្រើនឡើងទៀត ព្រោះត្រូវនឹងពិធីបុណ្យអកអំបុក និងសំពះព្រះខែផង និងចំពេលដែលរាជរដ្ឋាភិបាលកម្ពុជាបានប្រកាសយកថ្ងៃទី9 ខែវិច្ឆិកា ឆ្នាំ2019ខាងមុខនេះ ជាថ្ងៃទិវាហូបអំបុកទូទាំងប្រទេស៕
បំបាត់ស្នាមក្រិនដោយថ្មខាត់ដ្បិតថា ស្បែកដែលមានសភាពក្រិននឹងបាត់ទៅវិញដោយឯកឯង ប៉ុន្តែវាត្រូវចំណាយពេលវេលាយូរបន្តិច ដូច្នេះបើអ្នកចង់ឱ្យស្នាមនេះឆាប់បាត់ទៅវិញនោះអ្នកអាចសាកល្បងខាត់វាចេញដោយប្រើថ្មសំលៀង ឬក្រដាសខាត់ក៏បាន។ បន្ទាប់ពីខាត់ស្នាមក្រិនចេញម្តងបន្តិចៗរួចហើយ អ្នកត្រូវប្រើផលិតផលផ្តល់សំណើមលាបពីលើស្បែកដែលក្រិននោះ។ ការធ្វើបែបនេះគឺដើម្បីឱ្យស្បែករបស់អ្នកមានសំណើមគ្រប់គ្រាន់ និងការពារកុំឱ្យមានរបួសនៅលើស្បែកដែលក្រិននោះ៕
. មិនគួរសម្លឹង ឬសម្លក់ពន្លឺព្រះអាទិត្យចំៗក្នុងរយៈពេលយូរឡើយ។
. ក្នុងខណៈចុះលេងទឹក ឬហែលទឹក គួរពាក់វ៉ែនតាការពារទឹកគ្រប់ពេល ដើម្បីកុំឱ្យសារធាតុក្លរីន ឬកម្ទេចដីដែលនៅក្នុងទឹកចូលក្នុងភ្នែកបាន។
