Category: សង្គម និងសេដ្ឋកិច្ច

​ក្នុង​រដូវ​កាល2020​ ​ខាងមុខនេះ​ ​កីឡាករ​ខ្សែបម្រើ​ការពារ​ជម្រើសជាតិ​កម្ពុជា​ ​ធារី​ ​ចន្ថា​ប៊ី​ន​ ​នឹង​ចូលលេង​នៅ​ក្លិប​បាល់ទាត់​មួយ​នៅ​លី​ក​កំពូល​របស់​ថៃ​ ​គឺ​ក្លិប​ ​ស៊ុ​ខូ​ថៃ​ ​(​Sokhothai​ ​FC​)​ ​ក្រោយពេល​ដែល​កីឡាករ​រូប​នេះ​ត្រូវ​បាន​ក្លិប​ប្រកាស​អំពី​កុងត្រា​របស់​គេ​ជាមួយនឹង​ក្លិប​មួយ​នេះ​កាលពី​ពេល​កន្លងទៅ​។​
​
​ក្រុមបាល់ទាត់​ ​Sokhothai​ ​FC​ ​ជា​ក្រុម​មួយ​នៅ​លី​ក​កំពូល​ថៃ​ ​ដែល​កំពុង​ឈរ​នៅ​លេខរៀង​ទី12​ ​ក្នុងចំណោម​ក្រុម​ទាំង16​ ​នៃ​លី​ក​កំពូល​ថៃ​ ​ដែល​មាន​ ​34ពិន្ទុ​ ​ក្នុង​នោះ​ឈ្នះ​ ​6​ ​ស្មើ16​ ​និង​ចាញ់​ ​8ប្រកួត​។​
​
​គួរ​បញ្ជាក់​ថា​ ​ក្របខ័ណ្ឌ​លី​ក​កំពូល​របស់​ថៃ​ ​បាន​អនុញ្ញាត​ឱ្យ​ក្រុម​នី​មួយ​ៗ​ដា​ក់បញ្ជូ​លកី​ឡាក​របរ​ទេស​បាន​ចំនួន​ ​4នាក់​ទៅ​ក្នុង​ក្រុម​ ​ក្នុង​នោះ​ក្លិប​អាច​បន្ថែម​កីឡាករ​ដែល​មាន​សញ្ជាតិ​អាស៊ាន​ដល់ទៅ​ ​3រូប​បន្ថែម​ទៀត​នៅក្នុង​ក្រុម​របស់​ខ្លួន​៕​

​

​កាលពី​ម្សិលមិញ​នេះ​ ​កម្ពុជា​បាន​យកឈ្នះ​ម៉ាឡេស៊ី​ ​ក្នុង​លទ្ធផល​ ​3ទល់នឹង1​។​ ​ខណៈ​ដែល​ហ្វីលីពីន​បាន​យក​ឈ្នះ​ទី​ម័រ​ដោយ​លទ្ធផល​ ​6ទល់នឹង1​ ​ដែល​ធ្វើ​ឱ្យ​កម្ពុជា​ទទួល​បាន​ឱកាស​ឡើង​ទៅកាន់​វគ្គ​ពាក់កណ្តាល​ផ្តាច់ព្រ័ត្រ​ជាលើកដំបូង​ក្នុងរយៈពេល​ជាង​ ​60ឆ្នាំ​កន្លងមក​។​
​
​លទ្ធផល​នេះ​បាន​ធ្វើ​ឱ្យ​កម្ពុជា​បាន​ឡើង​ទៅកាន់​វគ្គ​បន្ត​ក្នុងនាម​ជា​ក្រុម​លេខ2​ ​ប្រចាំ​ពូល​ ​A​ ​ដោយមាន​ ​7ពិន្ទុ​ក្នុង​ដៃ​ ​ក្រោយ​ប្រកួត​បាន​ ​4លើក​ ​ឈ្នះ2​ ​ស្មើ1​ ​និង​ចាញ់1​ ​ស៊ុត​ចូល​គេ​បាន​ ​10គ្រាប់​ ​គេ​ស៊ុត​ចូល​វិញ​ ​4គ្រាប់​ ​មាន​គ្រាប់​បាល់​ចំណេញ​ដល់ទៅ​ ​6គ្រាប់​។​
​
​តែ​យ៉ាងណាមិញ​ ​កម្ពុជា​នៅ​មិនទាន់​ច្បាស់​ថា​ ​នឹង​ត្រូវ​ប៉ះ​ក្រុម​ណា​នៅឡើយ​ទេ​ ​ដោយ​ត្រូវ​រង់ចាំ​អ៊ុត​មើល​លទ្ធផល​ចប់​ការប្រកួត​ក្នុង​ពូល​ ​B​ ​នា​ល្ងាច​ថ្ងៃនេះ​សិន​ ​ខណៈ​ដែល​ក្រុម​មានលទ្ធភាព​ប៉ះ​កម្ពុជា​ ​អាច​ជា​ ​ថៃ​ ​វៀតណាម​ ​ឫ​ឥណ្ឌូ​នេ​ស៊ី​៕​

​

ថ្មី​ៗ​នេះ​ក្រុមហ៊ុន​ ​Samsung​ ​បាន​បង្ហាញ​ឱ្យ​ដឹងពី​ចង្វាក់​ផលិតកម្ម​ស្មា​ត​ហ្វូ​ន​តម្លៃ​មធ្យម​កម្រិត​ ​(​mid​-​range​)​របស់​ខ្លួន​ ​ដល់ទៅ​ ​8ម៉ូដែល​ ​ក្នុង​ប្រភេទ​ ​Galaxy​ ​A​ ​Series​(​2020​)​ ​មាន​ដូចជា​៖​ ​Galaxy​ ​A51​,​ ​Galaxy​ ​A21​,​ ​Galaxy​ ​A31​,​ ​Galaxy​ ​A41​,​ ​Galaxy​ ​A61​,​ ​Galaxy​ ​A71​,​ ​Galaxy​ ​A81​,​ ​និង​ ​Galaxy​ ​A91​។​

​ស្មា​ត​ហ្វូ​នក​ម្រិ​ត​កណ្ដាល​ទាំងនោះ​ ​កាលពី​ឆ្នាំ2019​ ​កន្លងទៅ​បាន​ជួយ​ឱ្យ​ ​Samsung​ ​និង​ជាផ្នែក​ជា​ចំណូល​ធំ​ក្នុង​សហគ្រាស​ស្មា​ត​ហ្វូ​ន​ ​ក៏​វ៉ា​ដាច់​គូប្រជែង​ផង​ដែរ​នោះ​ ​បាន​ឡើង​មក​ឈរ​ជាកំពូល​ផ្នែក​ស្មា​ត​ហ្វូ​ន​មធ្យម​លក់ដាច់​ខ្លាំង​បំផុត​។​
​ម៉ូដែល​ ​A​ ​នឹង​ចេញ​ដំបូង​មុនគេ​នៅ​ឆ្នាំ2020​ ​គឺ​ ​Galaxy​ ​A51​ ​មាន​រចនាប័ទ្ម​បែប​ ​Infinity​-​O​ ​អេក្រង់​ ​6.5អ៊ិ​ញ​ ​SuperAMOLED​ ​(​ចោះ​ប្រឡោះ​មុខ​ដាក់​កាមេរ៉ា​ ​Selfie​ ​1​ ​គ្រាប់​ទំហំ​ ​32MP​)​ ​និង​មាន​កាមេរ៉ា​ ​4គ្រាប់​នៅ​ផ្នែក​ខាងក្រោយ​(​48​+​16​+​12​+​ ​5MP​)​ ​ដោយមាន​ភ្ជាប់​មក​ជាមួយ​នូវ​មុខ​ងា​រថ្មីៗ​ជាច្រើន​។​ ​ជាពិសេស​វា​អាច​នឹង​មានមុខ​ងារ​សាក​ថ្ម​លឿន​ ​ទំហំ​ថាមពល​ថ្ម​ ​4000mAh​ ​ដា​ក់​ឈីប​ ​Exynos​ ​9611​ ​SoC​ ​មាន​ ​RAM​ ​4GB​/​6GB​ ​ដំណើរការ​ដោយ​ ​Android​ ​10​។​ ​សម្រាប់​តម្លៃ​ ​Samsung​ ​នឹង​ឱ្យ​ដឹង​នៅ​ថ្ងៃទី12​ ​ខែធ្នូ​ឆ្នាំ​ ​2019​ ​ខាងមុខនេះ​ឯង​៕​ ​
​
​ទស្សនា​វីដេអូ​ខាងក្រោម​៖​

​បើ​តាម​ការវិភាគ​របស់​លោក​ ​Samik​ ​Chatterjee​ ​នៅ​ក្រុមហ៊ុន​ ​JP​ ​Morgan​ ​បាន​ទម្លាយ​ថា​ ​Apple​ ​នឹង​ប្រើប្រាស់​យុទ្ធ​សាស្រ្ត​ថ្មី​ជំនួស​វិញ​នៅ​ឆ្នាំ2021​ ​គឺ​ការ​បន្ថែម​ពី​ការ​ចេញផ្សាយ​ស្មា​ត​ហ្វូ​ន​ ​1​ ​ឬ​ ​2ម៉ូដែល​ ​ពោល​គឺ​អាច​ឡើង​ទៅ​ ​4ម៉ូដែល​ ​ក្នុង​ ​1ឆ្នាំ​ ​នេះ​រាប់​តែ​ស្មា​ត​ហ្វូ​ន​ធុន​ខ្ពស់​ប៉ុណ្ណោះ​។​ ​ដំណើរការ​នេះ​ទំនងជា​នឹង​អនុវត្ត​ចាប់ពី​ឆ្នាំ2021តទៅ​ ​ជា​យុទ្ធ​សាស្រ្ត​ដែល​ ​Samsung​ ​កំពុង​ធ្វើ​ ​ដោយមាន​ ​Galaxy​ ​S​ ​នៅដើម​ឆ្នាំក្រោយ​ ​(​អំឡុង​ខែកុម្ភៈ​)​ ​ហើយ​ ​Galaxy​ ​Note​ ​នៅ​ត្រីមាស​ទី​ ​3​ ​ឬទី4​ ​(​អំឡុង​ខែសីហា​)​។​

​តាម​ការ​ព្យាករ​ ​យុទ្ធ​សាស្រ្ត​បែបនេះ​ទំនងជា​បង្កើន​តួលេខ​នៃ​ការ​លក់​បាន​ល្អ​ប្រសើរ​ជាង​មុន​ ​ដោយ​វា​ឆ្លើយតបទៅនឹង​បញ្ហា​នៃ​កំណើន​លក់​នៅ​ពាក់កណ្តាល​ឆ្នាំ​ ​ព្រោះ​ជា​ការពិត​ ​អតិថិជន​នឹង​សម្រុក​ទិញ​ ​iPhone​ ​ជំនាន់​ថ្មី​តែ​នៅ​ចុង​ឆ្នាំ​ម្តង​ៗ​តែប៉ុណ្ណោះ​។​

​ពីមុន​ ​ធ្លាប់​មាន​ពាក្យ​ចចាមអារ៉ាម​ពី​ ​iPhone​ ​SE​ ​2​ ​ដែល​ថា​នឹង​ចេញ​លក់​នៅ​ឆ្នាំ2020​ ​ផង​ដែរ​ ​ដូច្នេះហើយ​ ​បើ​ការ​អភិវឌ្ឍ​លើ​ម៉ូដែល​នេះ​នៅតែ​បន្ត​នោះ​ ​ក្នុង​ពេល​អនាគត​នៅចន្លោះ​ពេល​ ​1ឆ្នាំ​ ​ទំនងជា​មាន​ ​iPhone​ ​លើស​ពី​ ​4ម៉ូដែល​នឹង​បង្ហាញខ្លួន​ក៏អាច​ថា​បាន​ដែរ​។​ ​ដោយឡែក​ជា​រៀងរាល់​ឆ្នាំ​ ​Apple​ ​តែងតែ​ដាក់​បង្ហាញ​ស្មា​ត​ហ្វូ​ន​តួឯក​របស់​ខ្លួន​នៅ​អំឡុង​ខែកញ្ញា​ ​ហើយ​កាលពី​ពេល​កន្លងទៅ​ ​សម្រាប់​ឆ្នាំ2019​ ​គឺ​រួមមាន​ ​iPhone​ ​11​ ​និង​ ​iPhone​ ​11​ ​Pro​/​11​ ​Pro​ ​Max​៕​
​

​មិនមែន​ជាតា​រា​ចម្រៀង​អាជីព​ទេ​ ​តែ​ទឹកដម​សំឡេង​ទាក់ទាញចិត្ត​អ្នកស្ដាប់​ ​ជាពិសេស​នោះ​គឺ​ ​អ្នកមាន​និយម​ចូលចិត្ត​ស៊ី​អា​រម្ម​ណ៍ដ្រា​ម៉ា​នៅ​លើ​ហ្វេ​សប៊ុ​ក​។​ ​សំនៀង​របស់​ស្រី​ស្អាត​ ​ទ្រី​ ​ដា​ណា​ ​កំពុងតែ​ចាក់ដោត​អារម្មណ៍​អ្នកគាំទ្រ​ដោយ​មិនដឹង​ខ្លួន​ ​បើ​ទោះ​ទាំង​រូប​សម្រស់​ស្អាត​ហើយ​ ​សំ​ឡង​ទៀត​ក៏​ពីរោះ​មិនធម្មតា​។​ ​
​
​នេះ​ពិតជា​អស្ចារ្យ​ខ្លាំង​ណាស់​ ​ស្រប​ពេល​ដែល​ស្រី​ស្អាត​ឈ្មោះ​ ​ទ្រី​ ​ដា​ណា​ ​ដែល​ត្រូវ​បាន​គេ​ស្គាល់​ថា​ ​ជា​នាយិកា​ ​NNP​ ​ដែល​កំពុង​នាំមុខ​គេ​ក្នុង​វិស័យ​លក់​ផលិត​អន​ឡា​ញន៍​ ​ខណៈនេះ​ក៏បាន​បញ្ចេញ​វីដេអូ​បទចម្រៀង​ ​(​MV​)​ ​ថ្មី​មួយទៀត​ ​ដែល​ជា​បទ​ដើម​របស់​លោក​ ​កែវ​ ​វាសនា​ ​ហើយ​ទទួល​បានការ​គាំ​យ៉ាង​ខ្លាំង​ទ្រ​ភ្លូកទឹកភ្លូកដី​ជាថ្មី​ម្តង​ទៀត​ ​។​ ​តាមរយៈ​នៃ​ការ​ ​Cover​ ​បទចម្រៀង​របស់​លោក​ ​កែវ​ ​វាសនា​ ​ដែល​មាន​ចំណងជើង​ថា​ ​«​ចិត្តស្មោះ​ ​កាយវិការ​ក្បត់​»​ ​នោះ​ ​គឺ​នៅក្នុង​វីដេអូ​ចម្រៀង​នេះ​ ​គេ​សង្កេតឃើញ​ថា​ ​អ្នកស្រី​ ​ទ្រី​ ​ដា​ណា​ ​ដែល​ជា​ថៅកែ​ពេជ្រ​ម្នាក់​នោះ​ ​បាន​សម្តែង​កាយ​វិ​កា​យ៉ាង​ល្អ​បំផុត​ ​ដូច​ទៅ​នឹង​តារា​សម្តែង​ ​និង​តារាចម្រៀង​អាជីព​យ៉ាង​ដូច្នោះ​ដែរ​ ​។​
​
​លើស​ពី​ភាព​ទាក់ទាញ​ទៅទៀត​ ​គឺ​ការ​តែង​កាយ​ជាមួយនឹង​ការ​គ្រង​រូប​ពណ៌ស​ ​បូករួម​ទាំង​កាយ​វិ​កា​ដ៏​រស់រវើក​ ​ជាមួយ​សំឡេង​យ៉ាង​ពីរោះ​រណ្តំ​នោះ​ ​បាន​ធ្វើ​ឱ្យ​សម្រស់​ស្រី​ស្អាត​ ​ទ្រី​ ​ដា​ណា​ ​កាន់តែ​ទាក់ទាញ​ថែម​មួយ​កម្រិត​ទៀត​ ​គឺ​ខ្លាំង​ជាង​វីដេអូ​ចម្រៀង​មុន​របស់​អ្នកស្រី​ទៅទៀត​ ​។​ ​អ្វី​ដែលគេ​នឹកស្មាន​មិនដល់​នោះ​គឺ​ ​MV​ ​នេះ​គ្រាន់តែ​បង្ហោះ​នៅ​លើ​ហ្វេ​សប៊ុ​ក​កាលពី​ថ្ងៃទី២០​ ​វិច្ឆិកា​ ​វេលា​ម៉ោង៤​ ​និង១៥នាទី​ ​រហូតមកដល់​ពេលនេះ​ ​មាន​អ្នក​ចូល​មើល​ដល់ទៅ​ក្បែរ​រាប់​លាន​នាក់​ទៅ​ហើយ​។​ ​ចំណុច​ទាក់ទាញ​ខ្លាំង​នៃ​ ​MV​ ​នេះ​ ​គឺ​ការ​សម្តែង​កាយ​វិ​កា​ចូល​តួ​បាន​ល្អ​ ​ជាពិសេស​ការ​លេង​ទឹកមុខ​ ​រូប​សម្ផស្ស​ក៏​ស្រស់​ស្អាត​ ​ហើយ​សំឡេង​ទៀតសោត​ក៏​ពីរោះ​ ​ស៊ី​ជាមួយ​ប្លង់​ទេសភាព​ដ៏​ស្រស់បំព្រង​ ​។​ ​
​
​យ៉ាងណាមិញ​ក៏​នៅ​មាន​បទចម្រៀង​ជាច្រើន​ទៀត​ ​ដែល​ស្រី​ស្អាត​ល្បីឈ្មោះ​នៅ​លើ​បណ្ដាញ​សង្គម​រូប​នេះ​បាន​បង្ហោះ​ឱ្យ​មហាជន​ទស្សនា​ ​និង​កម្សាន្ដ​អារម្មណ៍​។​ ​ជាក់ស្ដែង​ចង់​ដឹង​ថា​ ​មាន​បទចម្រៀង​អ្វីខ្លះ​កំពុងតែ​ស៊ី​អារម្មណ៍​នោះ​ ​សូម​រីករាយ​ទស្សនា​វីដេអូ​ខាងក្រោម​នេះ​ ​៖​

ប៉ុន្មាន​ឆ្នាំ​ជាប់​ៗគ្នា​នេះ​ កម្ពុជា​តែងតែ​ត្រូវ​រង​ការវាយប្រហារ​ដោយសារ​បញ្ហា​ធម្មជាតិ​ ដូចជា​គ្រោះ​រាំងស្ងួត​ ខ្យល់​កន្ត្រាក់​ រន្ទះ​ និង​ជាពិសេស​ គឺ​បញ្ហា​ទឹកជំនន់​។ បញ្ហា​នេះ​ បាន​ធ្វើ​ឱ្យ​ប្រជាពលរដ្ឋ​នៅ​តាម​មូលដ្ឋាន​ ត្រូវ​រង​ផល​ប៉ះពាល់​យ៉ាងច្រើន​ទាំង​បញ្ហា​សុវត្ថិភាព​នៃ​ការរស់នៅ​ បញ្ហា​សុខភាព​ និង​ត្រូវ​ជម្លៀស​ចេញ​ពី​លំនៅឋាន​នៅពេល​ទឹក​លេច​សហគមន៍​របស់​ពួកគាត់​តែម្តង​។ ជាទូទៅ​គេ​សង្កេតឃើញ​ថា​ ក្នុងចំណោម​សហគមន៍​ដែល​រងគ្រោះ​ទាំងអស់​ តំបន់​ដែល​ទទួលរង​ផល​ប៉ះពាល់​ធ្ងន់ជាង​គេ​ គឺ​កន្លែង​ដែល​មិន​ទទួល​បាន​ព័ត៌មាន​មុន​ពេល​ទឹកជំនន់​ ដែល​ធ្វើ​ឱ្យ​ប្រជាជន​ខ្លះ​ភៀសខ្លួន​ចេញពី​លំនៅឋាន​មិនទាន់​ ឬត្រូវ​ទឹកជន់​លិច​ដោយ​មិនដឹង​ខ្លួន​នៅពេល​យប់​ ជាដើម​។

ពាក់ព័ន្ធ​នឹង​បញ្ហា​នេះ​ កាសែត​ ឡា​រ៉ែ​ន ពាណិជ្ជ​ បាន​ជួប​សម្ភាស​ជាមួយ​លោក​ ទេព​ សុខា​ អនុប្រធាន​កម្មវិធី​កាត់បន្ថយ​ហានិភ័យ​នៃ​គ្រោះមហន្តរាយ​នៃ​អង្គការ​ People​ In​ Need​ ពាក់ព័ន្ធ​នឹង​ប្រព័ន្ធ​ប្រកាស​ព័ត៌មាន​គ្រោះមហន្តរាយ​ធម្មជាតិ​ 1294​ (early​ warning​ 1294​) ដែល​ជា​ប្រព័ន្ធ​ផ្តល់​ព័ត៌មាន​ទៅ​គ្រ​បតំ​-បន់​ដែល​រង​ផល​ប៉ះពាល់​ដោយសារ​ហានិភ័យ​នៃ​គ្រោះ​ធម្មជាតិ​ដើម្បី​ឱ្យ​ប្រជាជន​បានដឹង​ និង​ត្រៀមខ្លួន​ដោះស្រាយ​ទាន់ពេល​វេលា​នៅពេល​ជួប​គ្រោះ​ធម្មជាតិ​ជាក់ស្តែង​កើតឡើង​។

1. តើ​កម្មវិធី​ប្រកាស​ព័ត៌មាន​ពី​គ្រោះ​ធម្មជាតិ​នេះ​កើតឡើង​នៅ​ឆ្នាំ​ណា​?
ហើយ​មូលហេតុ​អ្វី​ទើប​បង្កើត​កម្មវិធី​នេះ​ឡើង​?
កម្មវិធី​ផ្តល់​ព័ត៌មាន​ជាមុន​ ឬប្រព័ន្ធ​ប្រកា​សព័​ត៌​មាន​គ្រោះ​ធម្មជាតិ​នេះ​ត្រូវ​បាន​អង្គការ​ People​ In​ Need​ បង្កើត​សាកល្បង​នៅក្នុង​ឆ្នាំ2013​ ដោយ​កាល​ណោះ​យើង​អនុវត្ត​នៅក្នុង​ភូមិ​ចំនួន3ក្នុង​ខេត្តពោធិ៍សាត់​។ រហូតមកដល់​បច្ចុប្បន្ន​នេះ​យើង​បាន​គ្រប់​ដណ្តប់​លើ​ 21ខេត្ត​ក្រុង​ហើយ​ លើកលែងតែ​ 4ខេត្ត​ក្រុង​ទៀត​ប៉ុណ្ណោះ​ គឺ​ខេត្តតាកែវ​ ខេត្តកណ្តាល​ ខេត្ត​កំពង់ស្ពឺ​ និង​រាជធានី​ភ្នំពេញ​ ដែល​មិនទាន់​មាន​ដាក់​ឱ្យ​ប្រើប្រាស់​ប្រព័ន្ធ​នេះ​។ ទោះជា​យ៉ាងនេះ​ក្តី​ តាម​គម្រោង​ គឺ​នឹង​ដាក់​ឱ្យ​អនុវត្ត​នៅ​ទូទាំង​ប្រទេស​នៅ​ពាក់កណ្តាល​ឆ្នាំ2020​ ខាងមុខនេះ​ ដោយឡែក​សម្រាប់​ខេត្ត​កំពង់ស្ពឺ​ គឺ​គ្រោង​នឹង​បញ្ចប់​ការដំឡើង​នៅ​ចុងខែ​ធ្នូ​នេះ​។

គោលបំណង​សំខាន់​របស់​យើង​គឺ​ យើង​ចង់​ជួយ​ប្រជាពលរដ្ឋ​ទូទាំង​ប្រទេស​ទាំងអស់​ឱ្យ​ត្រៀមខ្លួន​ឱ្យ​បាន​ល្អ​ ដើម្បី​ទប់ទល់​ជាមួយនឹង​គ្រោះ​ធម្មជាតិ​។ ដូច​យើង​ដឹង​ហើយ​ថា​ គ្រោះ​ធម្មជាតិ​ពេលខ្លះ​វា​កើត​ឡើង​ភ្លាម​ៗ ដែល​ធ្វើ​ឱ្យ​យើង​ជួប​បញ្ហា​ធ្ងន់ធ្ងរ​ ប្រសិន​បើ​យើង​មិនបាន​ដឹងមុន​។ មាន​តំបន់​ខ្លះ​ កន្លងមក​យើង​ឃើញថា​ ជួនកាល​ទឹកជន់​ឡើង​កណ្តាល​អធ្រាត្រ​ ដែល​ធ្វើ​ឱ្យ​អ្នក​រស់នៅ​តំបន់​នោះ​ជម្លៀស​មិនទាន់​ ឬមាន​បញ្ហា​ប្រឈម​ធ្ងន់ធ្ងរ​ ទម្រាំ​អាជ្ញាធរ​ទៅ​ជួយ​បាន​។ ហេតុនេះ​ប្រសិនបើ​គាត់​បានដឹង​មុន​ថា​ 2ថ្ងៃ​ ឬបាន​ដឹង​ថា​ ក្នុងរយៈពេល​ណាមួយ​ខាងមុខនេះ​នឹង​មាន​ទឹក​ជំនន់​កើតឡើង​នោះ​ គាត់​នឹងអាច​ត្រៀមខ្លួន​ដោះស្រាយ​បញ្ហា​បាន​ទាន់ពេល​វេលា​។

2. តើ​កម្មវិធី​នេះ​ដំណើរការ​ដោយ​ប្រើ​បច្ចេកវិទ្យា​ និង​វិធី​ណាខ្លះ​?
កម្មវិធី​នេះ​ដំណើរការ​ដោយ​ការប្រើ​ប្រាស់​បច្ចេកវិទ្យា​ភ្ជាប់​ជាមួយនឹង​ប្រព័ន្ធ​ទូរស័ព្ទ​។ អង្គការ​ People​ In​ Need​ បាន​រៀបចំ​ឱ្យ​មានកម្ម​វិធី​នេះ​ដោយមាន​ការ​គាំទ្រ​ និង​ទំនាក់ទំនង​ល្អជា​មួយ​នឹង​គណៈកម្មការ​ជាតិ​គ្រប់គ្រង​គ្រោះមហន្តរាយ​ថ្នាក់​ជាតិ​ និង​ថ្នាក់ក្រោម​ជាតិ​។ ហេតុនេះ​យើង​មាន​ភាព​ងាយស្រួល​ក្នុង​ការ​ធ្វើ​ការងារ​ ដោយ​យើង​បាន​ដាក់​ឧបករណ៍​ Sensor​ នៅ​តាម​តំបន់​នានា​ដើម្បី​វាស់កម្ពស់​ទឹក​ សម្រាប់​តាមដាន​ពី​បញ្ហា​ទឹកជំនន់​។ Sensor​ ទាំងអស់​នោះ​នឹង​ធ្វើ​បច្ចុប្បន្នភាព​នៃ​កម្ពស់​ទឹក​មក​កន្លែង​គ្រប់គ្រង​ព័ត៌មាន​រៀងរាល់​ 15នាទី​ម្តង​ ដែល​ធ្វើ​ឱ្យ​យើង​ងាយ​ដឹង​ព័ត៌មាន​ទុកជាមុន​។

បន្ទាប់ពី​ទទួល​បាន​ព័ត៌មាន​ហើយ​ យើង​បាន​ផ្តល់​ឧបករណ៍​ទៅ​រដ្ឋបាល​ខេត្ត​ ដោយ​សហការ​ជាមួយនឹង​គណៈកម្មការ​ជាតិ​គ្រប់គ្រង​គ្រោះមហន្តរាយ​ថ្នាក់​ខេត្ត​ ដើម្បី​ឱ្យ​ពួកគាត់​ជួយ​ធ្វើជា​អ្នក​ផ្សាយ​ព័ត៌មាន​។ យើង​បាន​ផ្តល់​ជា​ឧបករណ៍​ដូចជា​កុំព្យូទ័រ​ ឧបករណ៍​ថត​សំឡេង​ និង​ឧប​ករណ៍​ផ្សេង​ៗទៀត​ ដើម្បី​ឱ្យ​គាត់​ផ្សាយ​ចេញទៅ​កាន់​លេខទូរស័ព្ទ​ដែល​បាន​ចុះឈ្មោះ​នៅក្នុង​តំបន់​របស់​គាត់​ ពាក់ព័ន្ធ​នឹង​បញ្ហា​គ្រោះ​ធម្មជាតិ​ដែល​នឹង​កើតឡើង​នៅក្នុង​តំបន់​របស់​គាត់​។

សិទ្ធិ​ក្នុង​ការសម្រេច​ចិត្ត​ផ្សាយ​ ឬផ្ញើ​សារ​ជា​សំឡេង​នេះ​ គឺ​ស្ថិតនៅ​លើ​អភិបាលខេត្ត​នី​មួយ​ៗ មានន័យថា​ នៅពេល​មាន​គ្រោះ​មហន្ត​រា​យម្តងៗ​ អង្គការ​ People​ In​ Need​ អាច​នឹង​ផ្តល់​ព័ត៌មាន​ជូន​ពួកគាត់​ ឬគណៈ​អភិបាលខេត្ត​ អាច​នឹង​ធ្វើការ​ប្រជុំ​ជាមួយនឹង​មន្ទីរ​ធនធាន​ទឹក​ និង​ភាគី​ពាក់​ព័ន្ធ​ផ្សេង​ៗទៀត​ មុននឹង​ផ្សាយ​ចេញ​ទៅ​លេខទូរស័ព្ទ​របស់​ប្រជាពលរដ្ឋ​នៅក្នុង​តំបន់​។

3. តើ​ការ​ផ្ញើ​សារ​នេះ​មានប្រសិទ្ធភាព​ប៉ុនណា​សម្រាប់​ប្រជាពលរដ្ឋ​នៅ​គ្រប់តំបន់​?
ដូច​យើង​បានដឹង​ហើយ​ថា​ ការ​ផ្សព្វផ្សាយ​ជាផ្នែក​មួយ​យ៉ាង​សំខាន់​ ហើយ​គ្រប់​ប្រព័ន្ធ​ផ្សព្វផ្សាយ​ទាំងអស់​សុទ្ធតែ​សំខាន់​ ដូចជា​វិទ្យុ​ ទូរទស្សន៍​ ឬបណ្តាញ​ផ្សេង​ៗទៀត​ តែ​ពេលខ្លះ​នៅ​តំបន់ជនបទ​ មិន​ប្រាកដ​ថា​ គាត់​បាន​ស្តាប់​គ្រប់គ្នា​នោះ​ទេ​។ ហេតុនេះ​យើង​យល់ឃើញ​ថា​ ប្រជាជន​នៅ​គ្រប់តំបន់​សុទ្ធតែ​មាន​ទូរស័ព្ទ​ប្រើប្រាស់​ ទាំង​ទូរស័ព្ទ​ទំនើប​ និង​ទូរស័ព្ទ​ធម្មតា​។ ហេតុនេះ​យើង​ក៏​ប្រើប្រាស់​វិធី​សាស្រ្ត​ផ្ញើ​សារ​ជា​សំឡេង​តាមរយៈ​ប្រព័ន្ធ​ទូរស័ព្ទ​ 1294​ ដើម្បី​ឱ្យ​គាត់​បានដឹង​មុន​។

នៅពេល​ទូរស័ព្ទ​របស់​គាត់​ឃើញ​ការ​ហៅ​ចូល​ (Call​) ពី​លេខ​ 1294​ គាត់​នឹង​ដឹង​ថា​ តំបន់​របស់​គាត់​នឹង​មាន​បញ្ហា​។ ក្រោយពេល​គាត់​ចុច​ទទួល​នឹង​មាន​សារ​ជា​សំឡេង​ដែល​បង្ហាញ​ពី​កម្ពស់​ទឹក​ ឬបញ្ហា​ត្រូវ​ប្រុងប្រយ័ត្ន​នានា​ តែ​ប្រសិនបើ​គាត់​រវល់​ ឬនៅ​ឆ្ងាយ​ពី​ទូរស័ព្ទ​ ប្រព័ន្ធ​នេះ​នឹង​ទាក់ទង​ទៅ​គាត់​រៀងរាល់​ 15​នាទី​ម្តង​ ចំនួន​ 3ដង​ទើប​ឈប់​។

4. តើ​ប្រជាពលរដ្ឋ​ អាច​ចុះឈ្មោះ​ប្រើប្រាស់​ប្រព័ន្ធ​នេះ​ដោយ​វិធី​ណាខ្លះ​?
សម្រាប់​ការ​ចុះឈ្មោះ​ គឺ​មាន​ភាព​ងាយស្រួល​ណាស់​ អ្នក​ទាំងអស់គ្នា​អាច​សាកល្បង​ចុច​ទៅ​លេខ​ 1294​ នឹង​មាន​ឮសំឡេង​ណែនាំ​ឱ្យ​ដឹងពី​វិធី​ចុះឈ្មោះ​។ ក្រោយ​ស្តាប់​ឮសំឡេង​នោះ​ហើយ​ គ្រាន់តែ​ចុច​បន្ត​ នឹងអាច​ចុះឈ្មោះ​បាន​ហើយ​។ ឧទាហរណ៍​ យើង​នៅ​តំបន់​ណា​ ខេត្ត​ណា​ យើង​ត្រូវ​ចុច​តាម​ការណែនាំ​នោះ​ ក្រោយពេល​ចុច​ខេត្ត​ហើយ​ គេ​នឹង​សួរ​យើង​បន្ត​ ឱ្យ​យើង​ជ្រើសរើស​ស្រុក​ និង​ឃុំ​មុននឹង​បញ្ចប់​ការ​ចុះឈ្មោះ​។ គ្រាន់តែ​ចុះឈ្មោះ​តាម​ការណែនាំ​នោះ​ យើង​នឹងអាច​ទទួល​បាន​ព័ត៌មាន​នៅ​តំបន់​ដែល​យើង​កំពុង​រស់នៅ​ ឬតំបន់​ដែល​ឪពុក​ម្តាយ​ ក្រុម​គ្រួសារ​របស់​យើង​រស់នៅ​ក៏បាន​។ រាល់​ការ​ចុះឈ្មោះ​ និង​ទទួល​ព័ត៌មាន​ គឺ​មិន​គិតថ្លៃ​នោះ​ទេ​។

5. តើ​មូលហេតុ​អ្វី​ បាន​ជា​ប្រើប្រាស់​លេខ​ 1294​ នេះ​?
មូលហេតុ​ដែល​យើង​ប្រើប្រាស់​លេខ​ 1294 នេះ​ គឺ​ដោយសារតែ​យើង​បាន​ស្នើសុំ​ទៅ​ខាង​គណៈកម្មការ​ជាតិ​គ្រប់គ្រង​គ្រោះមហន្តរាយ​ បន្ទាប់មក​លោក​ក៏បាន​ទំនាក់ទំនង​ទៅ​ ក្រសួង​ប្រៃសណីយ៍​ និង​ទូរគមនាគមន៍​ ដើម្បី​ទទួល​បាន​លេខ​ខ្លី​មួយ​សម្រាប់​ប្រើប្រាស់​។ ក្រោយ​ទទួល​បានការ​ស្នើសុំ​ ក្រសួង​ប្រៃសណីយ៍​ ក៏​បាន​ផ្តល់​លេខមួយ​ខ្សែ​នេះ​ដល់​យើង​ ដើម្បី​ប្រើប្រាស់​ក្នុង​គោលបំណង​មនុស្សធម៌​។ បច្ចុប្បន្ន​នេះ​ លេខ​ 1294​ ទទួល​បានការ​ជួយ​គាំទ្រ​ និង​ប្រើប្រាស់​ដោយ​ឥតគិតថ្លៃ​ពី​ក្រុមហ៊ុន​ទូរស័ព្ទ​ចំនួន3​ គឺ​ក្រុមហ៊ុន​ Smart​, ក្រុមហ៊ុន​ CamGSM​ ឬប្រព័ន្ធ​ Cellcard​ និង​ក្រុមហ៊ុន​ Viettel​ ឬយើង​ស្គាល់​ថា​ជា​ប្រព័ន្ធ​ Metfone​ ហ្នឹងឯង​។

6. តើ​លោក​មាន​មតិ​ផ្តាំផ្ញើ​ និង​សារ​អ្វីខ្លះ​សម្រាប់​សាធារណជន​?
ជា​សារ​របស់ខ្ញុំ​ គឺ​ខ្ញុំ​លើកទឹកចិត្ត​ឱ្យ​ប្រជាពលរដ្ឋ​ទាំងអស់​ ឬអ្នក​ដែល​បាន​ទទួល​ព័ត៌មាន​ពី​កម្ម​វី​ធី​ផ្តល់​ព័ត៌មាន​ទុកជាមុន​ពី​គ្រោះ​ធម្មជាតិ​នេះ​ ជួយ​ផ្សព្វផ្សាយ​ និង​ណែនាំ​ឱ្យ​ប្រជាពលរដ្ឋ​ ឬក្រុម​គ្រួសារ​របស់​ខ្លួន​បាន​ប្រើប្រាស់​ផង​ ដើម្បី​ជា​ប្រយោជន៍​សម្រាប់​ត្រៀមខ្លួន​ចៀស​ឱ្យ​ផុត​ពី​គ្រោះមហន្តរាយ​។

ខ្ញុំ​ក៏​សូម​ថ្លែងអំណរគុណ​ផង​ដែរ​ដល់​គណៈកម្មការ​ជាតិ​គ្រប់គ្រង​គ្រោះមហន្តរាយ​ គណៈ​អភិបាល​ខេត្ត​ និង​ម្ចាស់​ជំនួយ​ទាំងអស់​ដែល​បាន​គាំទ្រ​ដល់​កម្មវិធី​នេះ​ដើម្បី​ជួយ​ប្រជាជន​កម្ពុជា​។ បន្ថែម​ពីលើ​នេះ​ បច្ចុប្បន្ន​នេះ​គណៈកម្មការ​ទន្លេមេគង្គ​ ក៏​កំពុង​សិក្សា​ពី​គំរូ​ដែល​ធ្វើ​នៅ​កម្ពុជា​នេះ​ ដើម្បី​ជួយ​ដល់​បណ្តា​ប្រទេស​ដទៃទៀត​ផង​ដែរ​នៅ​តំបន់​ទន្លេមេគង្គ​ដើម្បី​ចៀស​ ឬត្រៀមខ្លួន​ទុកជាមុន​ដើម្បី​គេច​ចេញពី​គ្រោះមហន្តរាយ​ធម្មជាតិ​៕

វី​តា​មីន​ផ្សេង​ៗសុទ្ធតែ​មាន​ភាព​ចាំបាច់​ចំពោះ​រាងកាយ​ទាំងអស់​ តែបើ​បាន​ទទួល​ច្រើន​ ឬតិច​ជ្រុល​ពេក​ ក៏អាច​ធ្វើ​ឱ្យ​មានផល​អាក្រក់​បាន​ដូចគ្នា​ ជាពិសេស​ វីតាមីន​ A និង​វីតាមីន​ D បើ​បាន​ទទួល​ច្រើនជ្រុល​ពេក​ នឹង​ពិបាក​ក្នុង​ការ​កម្ចាត់​ចេញពី​រាងកាយ​វិញ​ និង​អាច​ធ្វើ​ឱ្យ​មាន​គ្រោះថ្នាក់​ដល់​ស្ត្រី​មានគភ៌​ និង​ទារក​ក្នុង​ផ្ទៃ​បាន​។

វីតាមីន​ A
ក្រៅពី​មានផល​ដល់​ការ​រីកចម្រើន​ធំធាត់​ ការ​កសាង​ឆ្អឹង​ និង​ប្រព័ន្ធ​បន្ត​ពូជ​ហើយ​ នៅ​អាច​ការពារ​ការ​ឆ្លង​មេរោគ​ក្នុង​ប្រព័ន្ធ​រំលាយអាហារ​ ប្រព័ន្ធ​ដកដង្ហើម​ និង​ប្រព័ន្ធ​បន្ទោបង់​ទឹកមូត្រ​ និង​ចាំបាច់​ចំពោះ​រាងកាយ​ក្នុង​ការ​បំបែក​ខ្លួន​របស់​កោសិកា​ទៀតផង​។
តែបើ​ទទួល​បាន​វីតាមីន​ A ច្រើនជ្រុល​ពេក​ក្នុង​ត្រីមាស​ដំបូង​នៃ​ការ​មានគភ៌​ នឹង​ធ្វើ​ឱ្យ​កើត​សភាវ​រលូត​បុត្រ​ ឬទារក​ពិការ​ពី​កំណើត​ ហើយ​ថ្លើម​របស់​ស្ត្រី​មានគភ៌​នឹង​ធ្វើការ​ខុសប្រក្រតី​ ដោយសា​តែ​មានការ​ប្រមូល​សន្សំ​វីតាមីន​ A ច្រើន​នៅក្នុង​ថ្លើម​។ កើត​សភាវ​ឆ្អឹង​ពុក​ មាន​អាការ​ក្អួត​ចង្អោ​ ឈឺក្បាល​ វិលមុខ​ និង​ស្រវាំង​ភ្នែក​ជាដើម​។
ស្ត្រី​មានគភ៌​គួរ​ទទួល​វីតាមីន​ A ក្នុង​បរិមាណ​ 770ម៉ៃ​ក្រូ​ក្រាម​ ឬស្មើនឹង​ការ​ញ៉ាំ​បន្លែ​ផ្លែឈើ​យ៉ាងតិច​បំផុត​ក្នុង1ថ្ងៃ​ 5ចំណែក​ (5ក្តាប់​ ឬប្រមាណ​ 1/2 គីឡូក្រាម​) នឹង​បាន​ទទួល​វីតាមីន​ សារធាតុ​រ៉ែ​គ្រប់គ្រាន់​ចំពោះ​តម្រូវការ​របស់​រាងកាយ​។
អាហារ​ដែល​មាន​វីតាមីន​ A មាន​ដូចជា​ មើម​ការ៉ុត​ ម្ទេស​បុក​ ដំឡូងជ្វា​ ថ្លើម​ ស៊ុត​ ទឹកដោះ​ បន្លែ​ផ្លែឈើ​ដែល​មាន​ពណ៌បៃតង​ចាស់​ ពណ៌ក្រហម​ លឿងទុំ​ និង​លឿង​ ដូចជា​ ផ្លែក្រូច​ ផ្លែ​ខេន​តា​លូប​(ត្រសក់ស្រូវ​បារាំង​) ផ្លែ​ទន្លាប់​ ម៉ាក់​ប្រាង​។ល។ វីតាមីន​ A នៅក្នុង​អាហារ​ និង​បន្លែ​ផ្លែឈើ​នឹង​មិន​ធ្វើ​ឱ្យ​រាងកាយ​បាន​ទទួល​វីតាមីន​លើស​ពី​តម្រូវការ​ដូច​វីតាមីន​កែច្នៃ​នោះ​ទេ​។ វីតាមីន​ A ភាគច្រើន​មាន​ច្រើន​នៅក្នុង​បន្លែ​ផ្លែឈើ​ដែល​នឹង​ស្ថិត​ក្នុង​រូបភាព​ជា​ បេ​តា​ឃែ​រ៉ូ​ធីន​ ដែល​ត្រូវ​បាន​ប្តូរ​ទៅជា​វីតាមីន​ A នៅ​ក្នុង​រាងកាយ​មួយ​សា​ទៀត​។

វីតាមីន​ D
ជួយ​ក្នុង​ការ​បឺត​ជ្រាប​កាល់ស្យូម​ចូល​ទៅ​ក្នុង​រាងកាយ​ ជួយ​ដល់​ការ​ធ្វើការងារ​របស់​បេះដូង​ ប្រព័ន្ធ​ការពារ​រោគ​ និង​រក្សា​កម្រិត​សម្ពាធ​ឈាម​។
តែបើ​ទទួល​បាន​វីតាមីន​ D ច្រើនជ្រុល​ពេក​ នឹង​ធ្វើ​ឱ្យ​កើត​សភាវ​ជាតិពុល​ ដូចជា​ ធុញទ្រាន់​ ឬមិន​នឹកចង់​ញ៉ាំ​អាហារ​ ប្រព័ន្ធ​រំលាយអាហារ​ធ្វើការ​មិនបាន​ល្អ​ មិន​ស្រួល​ក្នុង​ពោះ​ ឈឺក្បាល​ ឈឺសន្លាក់​ឆ្អឹង​ កាល់ស្យូម​នៅក្នុង​ឈាម​ខ្ពស់​ កាល់ស្យូម​តោង​នៅក្នុង​បេះដូង​ ក្រលៀន​ សរសៃឈាម​ និង​ប្រព័ន្ធ​ដកដង្ហើម​ ធ្វើ​ឱ្យ​អវយវៈ​ទាំងនោះ​ធ្វើការងារ​ខុសប្រក្រតី​ ដោយសារតែ​រាងកាយ​បឺត​ជ្រាប​កាល់ស្យូម​ច្រើនជាង​ប្រក្រតី​ និង​បង្ខំ​ការ​រំ​លា​យកាលស្យូម​ចេញពី​ឆ្អឹង​ ធ្វើ​ឱ្យ​មាន​កាល់ស្យូម​ក្នុង​ឈាម​ខ្ពស់​ និង​បាត់បង់​តុល្យភាព​។
គួរ​បាន​ទទួល​វីតាមីន​ D ក្នុង​បរិមាណ​ 600​ IU​ ក្នុង​ 1ថ្ងៃ​ ឬឱ្យ​ស្បែក​ដែល​គ្មាន​ឡេ​ការពារ​ពន្លឺថ្ងៃ​ បាន​ប៉ះ​ពន្លឺថ្ងៃ​ក្នុងអំឡុងពេល​មុន​ម៉ោង​ 10ព្រឹក​ ឬក្រោយ​ម៉ោង​ 3រសៀល​ ប្រមាណ​ជា​ 10​ – 15នាទី​ ក្នុង​ 1អាទិត្យ​ 2ដង​ ដោយសារតែ​វីតាមីន​ D មាននៅ​ក្នុង​ពន្លឺថ្ងៃ​ តែ​បច្ច័យ​ដែល​រារាំង​ការ​សាង​វីតាមីន​ D នៅក្នុង​ស្រទាប់​ស្បែក​នោះ​គឺ​ សម្លៀកបំពាក់​ ឡេ​ការពារ​ពន្លឺថ្ងៃ​ កញ្ចក់​រថយន្ត​ និង​ការ​ធ្វើការ​នៅក្នុង​បន្ទប់​ជាដើម​។
អាហារ​ដែល​មាន​វីតាមីន​ D មាន​ដូចជា​ សាច់​ត្រី​ដែល​មាន​អូ​មេ​ហ្កា3​ ដូចជា​ ត្រី​សា​ឌីន​ សាល់​ម៉ុន​ មែក​ឃើ​រេល​(សា​បាក់​) ធូ​ណា​ ទឹកដោះ​ ខ្លាញ់​ថ្លើម​ត្រី​ និង​ការ​ប៉ះ​ពន្លឺ​ថ្ងៃ​ខ្លះ​ៗ នឹង​ទទួល​បាន​វីតាមីន​ D គ្រប់គ្រាន់​ល្មម​ជាមិនខាន​។

ពេលព្រឹក​ : ស៊ែ​នវិច​ឆ៍​សាច់​ត្រី​ធូ​ណា​-យ៉ា​អួ​ ប្រើ​យ៉ា​អួ​រសជាតិ​ធម្មជាតិ​ជំនួស​ ម៉ា​យ៉ង់​នេស​ ស្ករ​បន្តិច​ និង​ជួយ​រឿង​ប្រព័ន្ធ​បន្ទោបង់​។ សារធាតុ​អាហារ​ចម្បង​ដែល​ស្ត្រី​មានគភ៌​នឹង​បាន​ទទួល​ក្នុង​ពេល​អាហារ​ព្រឹក​នេះ​គឺ​ ប្រូ​តេ​អុីន​ កាល​ស្យូម​ ខ្លាញ់ត្រី​ វីតាមីន​ A – B និង​ D។ពេលថ្ងៃត្រង់​ : ត្រី​ផ្លា​ធូ​ចៀន​ បែប​មិន​ឱ្យ​ស្រួយ​ពេក​ ព្រោះ​បើ​ប្រើ​ពេល​ចៀន​យូរ​ពេក​ ជាតិ​ខ្លាញ់​នៅក្នុង​សាច់​ត្រី​នឹង​រលាយ​ចេញ​មក​អស់​ ធ្វើ​ឱ្យ​មិន​បាន​ទទួល​សារធាតុ​អា​ហា​រល្អៗ​។ពេលល្ងាច​ : ស្ងោ​ជ្រក់​ផ្សិត​ ផ្សិត​ដែល​ដុះឡើង​តាម​ធម្មជាតិ​នឹង​សម្បូរទៅដោយ​វីតាមីន​ D គ្រឿង​ស្ងោរជ្រក់​រសជាតិ​ស្រទន់​បន្តិច​នឹង​ជួយ​បំបាត់​អាការ​ក្អួត​ចង្អោ​ និង​ជួយ​ឱ្យ​ទទួលទាន​អាហារ​បាន​ច្រើនឡើង​ទៀតផង​។យើង​ឃើញ​ហើយ​ថា​ សារធាតុ​រ៉ែ​ និង​សារធាតុ​អាហារ​ដែល​ល្អ​ ច្រើន​តែ​ចេញ​មក​ពី​ប្រភព​អាហារ​តាម​ធម្មជាតិ​ ដូចជា​បន្លែ​ផ្លែឈើ​ សាច់សត្វ​ និង​គ្រាប់​ធញ្ញ​ជា​តិ​ផ្សេង​ៗ ដូច្នេះ​ដើម្បី​សុខភាព​ដ៏​ល្អ​របស់​ខ្លួនឯង​ និង​កូន​តូច​នៅក្នុង​ផ្ទៃ​ ស្ត្រី​មានគភ៌​ត្រូវ​បរិភោគ​ឱ្យ​បាន​គ្រប់គ្រាន់​ និង​សមរម្យ​៕

​បន្ទាប់​ទម្លាយ​ភាព​ជោគជ័យ​នៅ​លើ​វិថី​សិល្បៈ​និង​អចលនទ្រព្យ​ហើយ​ ​តារា​សម្ដែង​វ័យក្មេង​រូប​សង្ហា​ ​ស្រេង​ ​ឈាង​ឡេង​ ​បាន​ប្រកាសប្រាប់​អ្នកសារព័ត៌មាន​ថា​ ​លោក​ត្រៀម​ជួយ​យុវ​វ​ជន​ខ្មែរ​មួយ​រូប​ដែល​មាន​ជំនាញ​ផលិត​ប្រេងកុឡា​ខ្មែរ​គ្មាន​សារធាតុគីមី​ ​ដែល​គ្រោង​ចំណាយ​អស់​ជាង១លាន​ដុល្លារ​។​
​
​ការផលិត​នេះ​ ​ក៏​ត្រូវ​បាន​បញ្ជាក់​ថា​ ​ដើម្បី​ប្រកួតប្រជែង​ជាមួយ​ទីផ្សារ​របស់​បរទេស​ដែល​ចរាចរណ៍​ក្នុង​ស្រុក​ ​ដោយ​មិនមែន​គ្រាន់តែ​ផលិត​ឱ្យ​ចេញ​រូបរាង​ហើយ​ទុកចោល​ទេ​។​ ​លោក​ ​ស្រេង​ ​ឈាង​ឡេង​ ​អ្នកឯកទេស​មួយ​រូប​ ​ក្នុងចំណោម​អ្នកស្រាវជ្រាវ៣រូប​ ​ដែល​ត្រូវ​គេ​ស្គាល់​ថា​ ​ជាតា​រា​សម្ដែង​ផង​ ​និយាយ​ថា​ ​មុន​ពេល​ប្រឡូក​ជាតា​រា​សម្ដែង​ ​លោក​គឺជា​អតីត​និស្សិត​ផ្នែក​ឱសថសាស្ត្រ​ ​និង​ជំនាញ​កុមារ​ ​ទើប​លោក​ ​និង​មិត្តរួមជំនាន់​សម្រេច​ស្រាវជ្រាវ​បង្កើត​ជា​ឱសថ​ ​ហើយ​ស្រាវជ្រាវ​ឃើញ​រូបមន្ត​ក្នុង​ការបង្កើត​ផលិតផល​ក្នុង​ស្រុក​ជាច្រើន​មុខ​។​ ​
​
​យ៉ាងណាមិញ​ក្រុម​របស់​លោក​ ​បានសម្រេច​ជ្រើស​យក​ការ​ផ​លុត​ជា​ប្រេង​កុឡា​មុនគេ​ ​ដោយសារតែ​ផលិតផល​នេះ​ធៀប​នឹង​ការផលិត​ឱស​ថ​ផ្សេង​ៗ​ចំណាយ​ដើមទុន​តិច​ជាងគេ​ ​ហើយ​សង្ឃឹមថា​ ​បើ​ជោគជ័យ​ ​ងាយ​រក​ទីផ្សារ​។​ ​លោក​ថា​ក្រុម​ទាំងមូល​តស៊ូ​លើ​ជំនាញ​មួយ​នេះ​ពិបាក​ច្រើន​ដំណាក់កាល​ ​ជាពិសេស​បញ្ហា​កង្វះ​ដើមទុន​ ​ដោយ​រយៈពេល៣ឆ្នាំ​កន្លងមក​នេះ​ ​ក្រុម​ទាំងមូល​ចំណាយ​រួមគ្នា​មិន​ក្រោម១០ម៉ឺន​ដុល្លារ​ទេ​។​ ​លោក​ថា​ក្រុម​ទាំងមូល​នៅតែ​បន្ត​ឆ្ពោះទៅ​មុខ​ជាមួយនឹង​ផលវិបាក​រាប់មិនអស់​ ​ហើយ​ទីបំផុត​ផលិតផល​ប្រេង​កុឡា​ ​ដែល​ក្រុម​លោក​ធានា​គឺ​មានគុណ​ភាព​ចង់​ល្អ​ជាង​ផលិតផល​នាំចូល​មួយចំនួន​ ​ក៏​សម្រេច​បាន​។​ ​ក្នុង​នោះ​ក៏​មានការ​បែងចែក​ជា​សាច់​ប្រេងកុឡា​សម្រាប់​តម្រូវ​ស្បែក​មនុស្សចាស់​ ​និង​កូនក្មេង​ ​ដោយឡែក​ពីគ្នា​ផង​ដែរ​។​
​
​លោក​ ​ស្រេង​ ​ឈាង​ឡេង​ ​បន្ត​ថា​ ​ក្រុម​របស់​លោក​បាន​ត្រៀម​សុំច្បាប់​រត់ការ​ដើម្បី​ចរាចរណ៍​ផលិតផល​មួយ​នេះ​ ​នៅ​លើ​ទីផ្សារ​រួចហើយ​ ​ដោយ​ក្រោយ​ក្រសួង​អនុញ្ញាតិ​ច្បាប់​ ​ប្រសិនបើ​មានការ​គាំទ្រ​ខ្លាំង​ ​គឺ​ស្វែងរក​ដៃគូ​បង្កើត​ជា​រោងចក្រ​ ​ដែលតា​មកា​រប៉ាន់​ស្មាន​ ​គឺ​ប្រើ​ដើមទុន​ជាង១លាន​ដុល្លារ​ ​គឺ​គ្រប់គ្រាន់​។​ ​
​
​លោក​ ​ស្រេង​ ​ឈាង​ឡេង​ ​បន្ត​ថា​ ​ក្នុង​ពេល​ខាងមុខ​ ​លោក​រំពឹង​ថា​ ​នឹង​មានកូន​ខ្មែរ​ច្រើនឡើង​ ​ងាក​មក​ផលិត​ឱសថ​ ​ដើម្បី​កាត់បន្ថយ​ការប្រើ​ប្រាស់​ផលិតផល​នាំចូល​ ​ក៏ដូចជា​ដើម្បីអោយ​ក្នុង​ប្រទេស​កម្ពុជា​ទាំងមូល​ ​មាន​ផលិតផល​ប្រេងកុឡា​ ​ដែល​មាន​ស្ដ​ង់​ដា​ជា​របស់​ខ្លួន​។​

​ក្រសួង​អប់រំ​ ​យុវជន​ ​និងកីឡា​ ​ដោយមាន​កិច្ចសហការ​ជាមួយ​អង្គការ​ ​The​ ​Asia​ ​development​ ​Foundation​ ​ឬ​ ​ADF​ ​បាន​ប្រកាស​ជ្រើសរើស​និស្សិត​កម្រិត​ថ្នា​ក់​បរិញ្ញ​បត្រ​ដើម្បី​ផ្តល់​អាហារូបករណ៍​ជា​ទឹកប្រាក់​សុទ្ធ​រយៈពេល​ ​4ឆ្នាំ​។​
​
​អាហារូបករណ៍​របស់​អង្គការ​ ​The​ ​Asia​ ​Development​ ​Foundation​ ​នេះ​នឹង​ត្រូវ​ប្រគល់​ជូន​និស្សិត​ចំនួន​ ​30រូប​ ​ដែល​កំពុង​សិក្សា​នៅ​ថ្នាក់​បរិញ្ញាបត្រ​នៃ​គ្រះ​ស្ថាន​ឧត្តម​សិក្សា​រដ្ឋ​ ​និង​ឯកជន​។​ ​និស្សិត​ដែល​អាច​ដាក់ពាក្យ​បាន​ ​គឺជា​និស្សិត​ដែល​ទើបតែ​ចាប់ផ្តើម​ចូលរៀន​នៅ​ថ្នាក់​ឆ្នាំ​សិក្សា​មូលដ្ឋាន​ ​ឬ​ឆ្នាំទី1​។​ ​ចំនួន​ទឹកប្រាក់​ដែល​ស្ថាប័ន​ខាងលើ​ផ្តល់​ជូន​គឺ​ចំនួន​ ​500ដុល្លារ​ក្នុង​ ​1ឆ្នាំ​ ​រយៈពេល​ ​5ឆ្នាំ​។​ ​

​ចំពោះ​លក្ខខណ្ឌ​ដែល​អាច​ទទួល​បាន​អាហារូបករណ៍​នេះ​ ​គឺ​យោង​ទៅលើ​លទ្ធផល​នៃ​ការ​ប្រឡង​មធ្យមសិក្សា​ទុតិយភូមិ​ ​ផែនការ​សិក្សា​ ​និង​ផែនការ​នៃ​ការចូលរួម​សកម្មភាព​សង្គម​។​ ​បេក្ខជន​ត្រូវ​ដាក់ពាក្យ​ទៅ​ក្រសួង​អប់រំ​ ​ឱ្យ​បាន​មុន​ថ្ងៃទី20​ ​ខែធ្នូ​ ​ឆ្នាំ2019​ ​នេះ​៕​ ​

​