Category: សង្គម និងសេដ្ឋកិច្ច

​ក្នុង​ការប្រកួត​ពានរង្វាន់​ក្រៅផ្លូវការ​មួយ​ ​ក្រុម​ ​U18​ ​របស់​កម្ពុជា​ ​បាន​ប្រកួត​ចាញ់​ក្រុម​ ​U20​ ​វៀតណាម​ ​ក្នុង​លទ្ធផល​ ​3ទល់នឹង0​ ​ក្នុង​ពានរង្វាន់​ ​BTV​ ​Cup​ ​2019​ ​កាលពី​ល្ងាច​ថ្ងៃម្សិលមិញ​នេះ​នៅ​ ​Binh​ ​Duong​ ​ប្រទេស​វៀតណាម​។​
​
​ក្នុង​ការប្រកួត​នោះ​ ​ក្រុម​យុវជន​អាយុ​ក្រោម​ ​20ឆ្នាំ​វៀតណាម​ ​បាន​រកបាន​ ​1គ្រាប់​នាំមុខ​មុន​នៅ​នាទី​ទី45​ ​ហៀបនឹង​បញ្ចប់​វគ្គទី1​។​ ​លុះ​ចូល​មកដល់​វគ្គទី2​ ​វៀតណាម​កាន់តែ​ដាក់​សម្ពាធ​ខ្លាំង​ ​និង​រកបាន2គ្រាប់​បន្ថែម​ទៀត​នៅដើម​តង់​ទី2​។​ ​ទោះជា​មានការ​ដាក់​សម្ពាធ​ពេញ​ ​90នាទី​ ​ហើយ​អាជ្ញា​កណ្តាល​ហាក់​ផ្តល់​ការ​មានប្រៀប​ទៅ​ខាង​ក្រុម​វៀតណាម​ក៏ដោយ​ ​តែ​ក្រុម​យុវជន​អាយុ​ក្រោម​ ​18ឆ្នាំ​របស់​កម្ពុជា​ ​ក៏​ព្យាយាម​ទប់​ ​រហូតដល់​ចប់​ការប្រកួត​ជាមួយនឹង​លទ្ធផល​ ​3ទល់នឹង0​។​
​
​ចំពោះ​ការប្រកួត​ពានរង្វាន់​ ​BTV​ ​Cup​ ​2019​ ​នេះ​ ​ក្រុម​ដែល​ឈ្នះ​នឹង​ឡើង​ទៅ​ប្រកួត​វគ្គ​ផ្ដាច់ព្រ័ត្រ​ ​1ប្រកួត​ ​ខណៈ​ក្រុម​ចាញ់​ក៏​ត្រូវ​ជួប​ដណ្ដើម​ចំណាត់ថ្នាក់​លេខ3​ ​ចំនួន​ ​1ប្រកួត​ទៀត​ដែរ​ ​ដោយ​កម្ពុជា​នឹង​ត្រូវ​ជួប​ក្រុម​យុវជន​អាយុ​ក្រោម​ ​20ឆ្នាំ​របស់​មីយ៉ាន់ម៉ា​ ​ដើម្បី​ដណ្តើម​យក​លេខ3​៕​

​

​ក្លិប​បាល់ទាត់​ ​វិសាខា​ ​បាន​ធ្វើការ​ប្រកាស​ចុះ​អនុស្សរណៈ​យោគយល់​គ្នា​(​MoU​)​ ​ជាមួយ​ក្លិប​ ​Yokohama​ ​FC​ ​ដែល​ជា​ក្លិប​សមាជិក​ ​J1​-​League​ ​2020​ ​ដើម្បី​ពង្រឹង​ចំណងមិត្តភាព​កម្ពុជា​-​ជប៉ុន​ ​និង​ពង្រីក​កិច្ច​សហប្រតិបត្តិ​ការ​ការងារ​រវាង​ក្លិប​ទាំង2​ ​ពិសេស​ការផ្លាស់ប្ដូរ​កីឡាករ​យុវជន​ថ្នាល​ ​ក៏ដូចជា​គ្រូបង្វឹក​ ​សំដៅ​ជំរុញ​ការ​អភិវឌ្ឍ​ក្លិប​ទាំង2​ ​ឆ្ពោះទៅ​រក​ភាព​រីកចម្រើន​បន្ថែម​ទៀត​

​
​ពិធី​ចុះ​ ​MoU​ ​នេះ​ ​បាន​ធ្វើឡើង​កាលពី​ថ្ងៃទី15​ ​ខែធ្នូ​ ​ឆ្នាំ2019​ ​ម្សិលមិញ​ ​ក្រោម​វត្តមាន​ឯកឧត្តម​ ​ស​ ​សុខា​ ​ស្ថាបនិក​ក្លិប​កីឡាបាល់ទាត់​វិសាខា​ ​លោកជំទាវ​ ​កែ​ ​សួន​សុភី​ ​ប្រធាន​ក្លិប​កីឡាបាល់ទាត់​វិសាខា​ ​និង​លោក​ ​Onodera​ ​Hiroshi​ ​ប្រធាន​ក្លិប​ ​Yokohama​ ​FC​ ​របស់​ជប៉ុន​ ​ព្រមទាំង​ក្រុមការងារ​ក្លិប​ទាំង2​ ​ផង​ដែរ​។​
​
​គួរ​បញ្ជាក់​ថា​ ​ក្លិប​បាល់ទាត់​វិសាខា​ ​បាន​បញ្ចប់​រដូវ​ការប្រកួត​លី​ក​ក្នុង​ចំណាត់ថ្នាក់​លេខ3​ ​នៃ​តារាង​លី​ក​កំពូល​កម្ពុជា​ ​ក្នុងចំណោម​ក្រុម​ទាំង14​ ​ប្រចាំ​រដូវ​កាល2019​៕​
​

​ឆ្លៀត​ក្នុង​ឱកាស​វិលត្រឡប់​មកកាន់​មាតុប្រទេស​វិញ​របស់​ក្រុមជម្រើសជាតិ​ ​U22​ ​របស់​កម្ពុជា​ ​ក្រោយ​បញ្ចប់​ភារកិច្ច​នៅ​ស៊ី​ហ្គេម​នោះ​ ​ប្រធាន​សហព័ន្ធ​កីឡាបាល់ទាត់​កម្ពុជា​ ​ឯកឧត្តម​ ​សៅ​ ​សុខា​ ​បាន​ប្រកាស​អំពី​គម្រោង​ចុងឆ្នាំ2019​ ​នេះ​ ​ទៅកាន់​កីឡាករ​ទាំងអស់​ថា​ ​លោក​បាន​រៀបចំ​រង្វាន់​ជាទី​គាប់ចិត្ត​រួចរាល់​ហើយ​សម្រាប់​ជូន​ដល់​ក្រុមកីឡា​ករ​ ​និង​ក្រុមការងារ​ក្នុង​ឈុត​ ​U19​ ​និង​ ​U22​ ​ដែល​ខំប្រឹង​ ​និង​ខិតខំ​រហូត​ទទួល​បាន​លទ្ធផល​ដ៏​ល្អ​ជូន​កម្ពុជា​ក្នុង​ឆ្នាំនេះ​។​
​
​ឯកឧត្តម​បាន​ប្រកាស​បន្ថែម​ថា​ ​នឹង​រៀបចំ​កម្មវិធី​ជួបជុំ​មួយ​នា​ថ្ងៃទី29​ ​ខែធ្នូ​ខាងមុខ​ ​ហើយ​ក្នុង​ឱកាស​នោះ​ ​ឯកឧត្តម​នឹង​មានកម្ម​វិធី​មួយ​ ​ដើម្បី​លើកទឹកចិត្ត​ក្រុម​ទាំង2​ ​តែ​ឯកឧត្តម​សូម​លាក់​សិន​ ​ព្រោះ​មិន​ចង់ឱ្យ​កីឡាករ​ម្នា​ក់ៗ​សប្បាយចិត្ត​ពេក​៕​
​
​គួរ​រំឭក​ដែរ​ថា​ ​ក្នុង​ឆ្នាំ2019​ ​នេះ​វិស័យ​បាល់ទាត់​កម្ពុជា​ ​ហាក់​មានការ​រីកចម្រើន​ខ្លាំង​គួរ​ឱ្យ​កត់សម្គាល់​ ​ដោយ​កម្ពុជា​ធ្វើ​បាន​យ៉ាង​ល្អ​ ​ព្រោះ​អាច​ឡើង​ទៅដល់​វគ្គ​ពាក់​ក​ណ្តាល​ផ្តាច់​ព័្រ​ត្រ​ស៊ី​ហ្គេម​ជាលើកដំបូង​ក្នុង​ប្រវត្តិសាស្ត្រ​។​ ​មួយវិញទៀត​កម្ពុជា​ ​បាន​ជាប់​ជា​ក្រុម​ខ្លាំង​ទាំង16​ ​ប្រចាំ​ទ្វីបអាស៊ី​ ​ដោយ​បាន​ឡើង​ទៅលេង​ពាន​ធំ​បំផុត​របស់​ទ្វីបអាស៊ី​ ​AFC​ ​U19​ ​ក្រោយ​ឆ្លងកាត់​វគ្គ​ជម្រុះ​ ​ដោយ​បាន​ជាប់​ជា​ក្រុម​លេខ2​ ​ល្អ​បំផុត​៕​
​

ដោយសារតែសម្ដែងជាតួអង្គកាច់ឆ្នាសឆ្នើមឈ្នានីសក្នុងរឿង “រាជិនីភូមិគ្រឹះ” សមពេកទើបធ្វើឱ្យតារាចម្រៀងហង្សមាសកញ្ញា កែវ សុបញ្ញា ត្រូវបានពុកម៉ែបងប្អូនស្អប់ស្រែកជេរនៅពីមុខឆាក និងរកគប់ស្បែកជើងទៀតផង។

កញ្ញា កែវ សុបញ្ញា បានឱ្យយដឹងថា មិននឹកស្មានថា ពុកម៉ែបងប្អូនចាំឈ្មោះនិងរូបរាងខ្លួនសម្ដែងក្នុងរឿង “រាជិនីភូមិគ្រឹះ” ថាជាតួនាង លំអង នោះទេ។ គ្រាន់តែឡើងលើឆាកភ្លាមស្រាប់តែពុកម៉ែបងប្អូនស្រែកថា៖” ស្គាល់ហើយ មីលំអង តួកាចឆ្នាស់ក្នុងរឿង “រាជិនីភូមិគ្រឹះ” ថ្ងៃនេះបានជួបរូបពិតហើយ មិនកាចដូចក្នុងរឿងសោះ”។

ក្រៅពីពុកម៉ែបងប្អូនស្រែកជេរហើយនោះពួកគាត់ថែមទាំងមើលសម្លក់សម្លឹង កែវ សុបញ្ញា មិនដាក់ភ្នែកឡើយដោយមានការងឿងឆ្ងល់ក្នុងចិត្តថា នៅរូបពិតនៅក្រៅស្លូតសុភាពតែក្នុងរឿងវិញពិសពុលរកលេខដាក់គ្មាន សុំសរសើរពូកែសម្ដែងណាស់។ កែវ សុបញ្ញា ថា៖”ទោះបីជាពូកគាត់ខឹងស្អប់ខ្ញុំ ជាតួអង្គម្នាក់ក្នុងរឿង “រាជិនីភូមិគ្រឹះ” ក៏ដោយតែខ្ញុំសប្បាយចិត្ត ដោយសារតែគិតថាខ្ញុំសម្ដែងចូលតួកាច​សម​ខ្លាំងទើបធ្វើឲ្យពួកគាត់ស្អប់បែបនេះ។ តែពេលខ្លះភ័យដែរហ្នឹងបងខ្លាចត្រូវពួកគាត់គប់១ស្បែកជើង អ៊ីចឹង​ចាប់ពីថ្ងៃនេះទៅ ពេលទៅណាដឹងតែពាក់ម៉ាស់ហើយទើបបាន”៕

​កីឡាករ​ខ្សែប្រយុទ្ធ​មុត​ស្រួច​ ​វ័យក្មេង​របស់​កម្ពុជា​ ​ដែល​ជួយ​កម្ពុជា​ឱ្យ​ទទួល​បាន​ចំណាត់ថ្នាក់​លេខ4​ ​នៅ​ស៊ី​ហ្គេម​កាលពី​ពេល​ថ្មី​ៗ​នេះ​នៅ​ប្រទេស​ហ្វីលីពីន​ ​បានសម្រេច​ចិត្ត​ចូលលេង​នៅ​ក្លិប​បឹង​កេត​ហើយ​ ​សម្រាប់​រដូវ​កាល2020ខាងមុខនេះ​។​
​
​កីឡាករ​ ​សៀង​ ​ចន្ធា​ ​បច្ចុប្បន្ន​មាន​វ័យ​ ​17ឆ្នាំ​ ​ជា​កីឡាករ​របស់​សាលា​បាល់ទាត់​ជាតិ​បាទី​ ​ដែល​ទទួល​បានការ​ហ្វឹកហាត់​នៅ​ទីនោះ​ចាប់តាំងពី​អាយុ​ ​14ឆ្នាំ​ ​ហើយ​រូបគេ​សព្វថ្ងៃ​ជា​កីឡាករ​ខ្សែប្រយុទ្ធ​លេង​ឱ្យ​ក្រុមជម្រើសជាតិ​កម្ពុជា​ ​ទាំង​ ​U18​ ​U19​ ​U20​ ​U22​ ​និង​ជម្រើសជាតិ​ឈុត​ធំ​ផង​ដែរ​។​
​
​គិត​មកទល់​នឹង​ពេលនេះ​ ​កីឡាករ​រូប​នេះ​ធ្លាប់​លេង​ឱ្យ​ជម្រើសជាតិ​កម្ពុជា​ ​គ្រប់​ឈុត​ទាំងអស់​ចំនួន​ ​57ប្រកួត​មក​ហើយ​ ​ដែល​ក្នុង​នោះ​ស៊ុត​បញ្ចូល​ទី​បាន​ចំនួន​ ​26គ្រាប់​៕​

​

​ការប្រកួត​កីឡា​ក្នុង​វិញ្ញាសា​បាល់ទាត់​បុរស​នៅ​ព្រឹត្តិ​ការណ៍​ស៊ី​ហ្គេម​បាន​បិទ​បញ្ចប់​ជា​ផ្លូវការ​ហើយ​កាលពី​ពេល​កន្លងទៅ​នេះ​ ​ដោយ​ប្រទេស​វៀតណាម​បាន​ក្លាយជា​ម្ចាស់​ជើងឯក​ទទួល​បាន​មេដាយមាស​ ​ខណៈ​ដែល​ឥណ្ឌូ​នេ​ស៊ី​បាន​មេដាយ​ប្រាក់​ ​ហើយ​មីយ៉ាន់ម៉ា​បាន​មេដាយ​សំរិទ្ធ​៕​
​
​សម្រាប់​កម្ពុជា​ក៏​ធ្វើ​បាន​កំណត់ត្រា​ល្អ​ដូចគ្នា​ ​ដោយ​ទទួល​បាន​ចំណាត់ថ្នាក់​លេខ4​ ​ជាលើកដំបូង​ក្នុង​ប្រវត្តិសាស្ត្រ​ ​ស្រប​ពេល​ដែល​ ​សៀង​ ​ចន្ធា​ ​ត្រូវ​បាន​គេ​ចាប់អារម្មណ៍​ខ្លាំង​ចំពោះ​ទម្រង់​លេង​របស់​គេ​ ​ទោះជា​ទើប​មាន​វ័យ​ ​17ឆ្នាំ​ក្ដី​។​ ​ក្នុង​ព្រឹត្តិ​ការណ៍​ស៊ី​ហ្គេម​ឆ្នាំនេះ​ ​ចន្ធា​ស៊ុត​បញ្ចូល​ទី​បាន​ ​3គ្រាប់​ ​ក្នុង​នោះ1គ្រាប់​ ​ជាគ្រាប់​បាល់​ដែល​រកបាន​លឿន​បំផុត​នៅ​កម្មវិធី​ខាងលើ​។​ ​មិន​តែប៉ុណ្ណោះ​កីឡាករ​រូប​នេះ​ ​ថែមទាំង​ជាប់​ជា​កីឡាករ​ខ្សែប្រយុទ្ធ​ល្អ​បំផុត​ទាំង​ ​4រូប​ប្រចាំ​ព្រឹត្តិ​ការណ៍​នេះ​ទៀតផង​៕​
​

តារាសម្ដែង លោក ឃីម រតនៈ ដែលត្រូវគេស្គាល់ថាជាតួបងធំ និងជាតួចិត្តអាក្រក់ក្នុង MV និង ក្នុងរឿង មានជម្ងឺមហារីកពោះវៀនធំ និង គ្រួសក្នុងប្រម៉ាត់ធ្ងន់ធ្ងរ រយៈពេលជាង៣ឆ្នាំមកហើយ ដោយលោកទើបតែបានឆ្លងកាត់ការវះកាត់ កាលពីពេលថ្មីៗ។ អ្វីដែលសរសើរ គឺលោកនៅតែរឹងមាំ និងមិនដែលឮចេញមុខអំពាវនាវ សជំនួយពីសប្បុរសជនទាល់តែសោះ។

ប្រាប់អ្នកសារព័ត៌មាន លោក ឃីម រតនៈ និយាយថា លោកកើតជម្ងឺទាំង២ប្រភេទ រយៈពេលជាង៣ឆ្នាំមកហើយ ដោយមុនពេលមានលទ្ធភាពវះកាត់ លោកមានសភាពចុកខ្លាំង និងក្ដៅដល់ថ្នាក់សន្លប់ ពិបាកដូចស្លាប់ទាំងរស់។ លោកបានធូរសព្វថ្ងៃ បន្ទាប់ពីទទួលបានការព្យាបាលជាច្រើនលើកនៅប្រទេសថៃ។ យ៉ាងណាមិញ លោកថាជីវិតរបស់លោកពេទ្យថា នឹងមានភាពល្អប្រសើរបែបនេះបានតែរង្វង់៤ទៅ៥ឆ្នាំប៉ុណ្ណោះ បន្ទាប់ពីការវះកាត់។ តែលោកមិនតក់ស្លុតទេ គឺនៅតែក្លាហានក្នុងប្រឈមមុខ ដោយលោកគិតថា ថ្ងៃណាថ្ងៃនឹងទៅ។

លោកថាសភាពធ្វើទុក្ខ នៅតែកើតឡើងម្ដងម្កាល បើទោះជាបានវះកាត់យកដុំសាច់កាចចេញ ក្នុងដំណាក់កាលទី១។ អ៊ីចឹងហើយទើបលោក មិនសូវគិតច្រើន ហើយតែចូលរួមក្នុងសកម្មភាពសិល្បៈ ដើម្បីកុំអារម្មណ៍គិតច្រើន។ លោកសប្បាយចិត្ត ដែលទទួលបានការយកចិត្តទុកដាក់ច្រើនពីបងប្អូនមិត្តភ័ក្ត្រ និង អ្នកសិល្បៈ ក្រោយពីដឹងថាលោកមានជម្ងឺទាំងពីរ។ លោកកាន់តែមានកម្លាំងចិត្ត នៅពេលបងធម៌ម្នាក់របស់លោក ជាអ្នកផ្ដល់ការរ៉ាប់រង ក្នុងការព្យាបាលអោយលោកទៅដល់ប្រទេសកន្លងមក។ ចំណែកឳពុកម្ដាយរបស់លោក ក៏ជួយគិតគូរផងដែរ ដោយគ្រាន់តែលោកមិនសូវហ៊ានរំខាន ដោយសារតែពួកគាត់ក៏ចាស់ៗអស់ដែរ។

ប្រទេស​ចិន​នៅក្នុង​យុគសម័យ​បច្ចុប្បន្ន​នេះ​ គឺជា​ប្រទេស​ដែល​បាន​កសាង​ស្ថាបត្យកម្ម​ដ៏​ស្រស់​ស្អាត​ជាងគេ​នៅ​លើ​ពិភពលោក​ និង​រមណីដ្ឋាន​ច្នៃប្រឌិត​ដ៏​អច្ឆ​រយៈ​ប្លែកភ្នែក​មិនឈប់ឈរ​ដូចជា​ តំបន់​ទេសចរណ៍​ទឹកធ្លាក់​ពី​ស្ថាន​សួ​គិ៍​ ទឹកធ្លាក់​ពីលើ​អគារ​ខ្ពស់​ជាងគេ​ជាដើម​។ ក៏ប៉ុន្ដែ​នៅពេល​នេះ​ប្រទេស​ចិន​ បាន​កសាង​ស្ថាបត្យកម្ម​ថ្មី​មួយទៀត​ហើយ​ ដែល​នោះ​គឺជា​សណ្ឋាគារ​ដ៏កំពូល​ប្រណីត​នៅ​ចំកណ្ដាល​ទីក្រុង​ និង​ប្រើ​ពេលវេលា​កសាង​អស់​រយៈពេល​ជាង10ឆ្នាំ​។

សណ្ឋាគារ​អច្ឆ​រិយៈ​នេះ​គឺ​ពិតជា​ប្លែកភ្នែក​ខ្លាំង​ណាស់​ សណ្ឋាគារ​មួយ​នេះ​មានឈ្មោះ​ថា​ InterContinental​ Shanghai​ Wonderland​ hotel​ ជា​សណ្ឋាគារ​ខ្នាត​យក្ស​តាំងនៅ​ក្នុង​ជ្រលង​ជ្រោះ​។ បើ​គិត​ពី​ចម្ងាយ​វិញ​ គឺ​យើង​ត្រូវ​ប្រើ​រយៈ​ពេល20នាទី​ ពីទី​ក្រុង​ សៀងហៃ​ ប្រទេស​ចិន​ ទើប​មកដល់​សណ្ឋាគារ​ដ៏​អស្ចារ្យ​មួយ​នេះ​។ វា​មាន​កម្ពស់​ទាំងអស់18ជាន់​ ហើយ​មាន16ជាន់​គឺ​ស្ថិត​នៅ​ក្រោម​ដី​ និង2ជាន់​ផ្នែក​ខាងលើ​ គឺ​នៅ​ចំ​ពីលើ​ទឹកធ្លាក់​តែម្ដង​។ សណ្ឋាគារ​ទេសចរណ៍​មួយ​នេះ​ មាន​ទាំងអស់336បន្ទប់​ ដែល​បាន​រចនា​ឡើង​ដោយ​ភាព​ប្រណីត​តាម​បែប​ធម្មជាតិ​ ដាក់​តាំង​នូវ​រូប​ចម្លាក់​ធំៗ​ និង​មាន​ស្ពាន​កញ្ចក់​ដើរ​ព័ទ្ធ​ជុំវិញ​សណ្ឋាគារ​ថែមទៀត​ផង​។ ភ្ញៀវ​ទេសចរ​អាច​ប្រហោងពោះ​ ឬញ័រ​ជើង​ ខណៈ​ដែល​ដើរ​ចូល​ទៅកាន់​សណ្ឋាគារ​ តែ​កុំ​ព្រួយបារម្ភ​ឡើយ​ ព្រោះ​មាន​ឧបករណ៍​ជំនួយ​ និង​មាន​សុវត្ថិភាព​បំផុត​។ ចំពោះ​តម្លៃ​វិញ​ មួយ​បន្ទប់​សម្រាប់​ការ​ស្នាក់នៅ​មួយ​យប់​គឺ​ 600ដុល្លារ​។

អ្នកគ្រប់គ្រង​សណ្ឋាគារ​បាន​ប្រាប់​ឱ្យ​ដឹង​ថា​ សណ្ឋាគារ​នេះ​ត្រូវ​បាន​កសាង​ឡើង​ ដើម្បី​ប្រកួត​ប្រជែង​ជាមួយ​គំនិត​ច្នៃប្រឌិត​នៃ​សា​បត្យ​កម្ម​ពិភពលោក​ ដែល​កំពុង​សម្រុក​សាងសង់​អគារ​ខ្ពស់​ៗឡើង​ដល់​មេឃ​ ដើម្បី​ឱ្យ​ងាក​មក​ចាប់​អារម្មណ៍​លើ​សណ្ឋាគារ​ដែល​នៅ​ក្រោម​ដី​ និង​កណ្ដាល​ជ្រលង​ជ្រោះ​វិញ​ម្តង​ ដោយមាន​រយៈ​កម្ពស់​ពី​ដី288ហ្វុ​តតែប៉ុណ្ណោះ​។ សណ្ឋាគារ​អច្ឆ​រិយៈ​ដ៏​ប្លែកភ្នែក​នៅ​ទីក្រុង​សៀងហៃ​ មួយ​នេះ​ បាន​បើក​ដំណើរការ​តាំងពី​ឆ្នាំ2018មក​ម៉្លេះ​ ដែល​មាន​ក្រុមហ៊ុន​ស្ថាបត្យកម្ម​ Atkins​ និង​ JADE​+QA​ ជា​អ្នកសាង​សង់​។ នេះ​ក៏​ជាស្ថា​បត្យ​កម្ម​មួយ​ ដែល​បង្ហាញ​អំពី​ប្រាជ្ញា​របស់​ជនជាតិ​ចិន​ដល់​ពិភពលោក​បាន​ស្គាល់​ គឺ​ពិតជា​មានការ​ច្នៃប្រឌិត​ខ្ពស់​ខ្លាំង​ណាស់​ ហើយក៏​ស្រស់​ស្អាត​ខ្លាំង​ផង​ដែរ​។ ដូច្នេះ​ប្រិយមិត្ត​អ្នកអាន​ទាំងអស់​ កុំ​ភ្លេច​ទៅ​ទស្សនា​សណ្ឋាគារ​ដ៏​ស្រស់​ស្អាត​ ប្លែក​ខុសពី​សណ្ឋាគារ​ផ្សេង​ៗនៅ​ទីក្រុង​សៀងហៃ​ ប្រទេស​ចិន​ ទាំងអស់គ្នា​ណា៎​៕

នៅរាត្រីថ្ងៃទី ១៤ ខែធ្នូ ឆ្នាំ ២០១៩ នេះ ស្ថានីយទូរទស្សន៍ប៉ុស្ដិ៍លេខ៥ បានរៀបចំកម្មវិធីជួបជុំពិសារអាហាររួមគ្នារវាងសិល្បករ ក្រុមការងារថតនិងអ្នកដឹកនាំរឿងក្នុងពិធីបិទបញ្ចប់ការថតរឿងភាគទូរទស្សន៍ដល់ទៅ២រឿងព្រមគ្នា គឺរឿង « បុប្ផាស្រុកស្រែ » និងរឿង « អន្ទាក់ស្នេហ៍ » ។ ក្នុងរាត្រីដដែរនេះ គេឃើញមានតារាសិល្បៈជាច្រើនចូលរួមដូចជា កញ្ញា ដួង ម៉ានិច្ច លោក សេង មង្គល កញ្ញា ឈូករ័ត្ន លោក ជា លាងឆេ លោក ផាន់ ណាម៉ុច និងតារាល្បីៗថ្មីចាស់ជាច្រើនរូបទៀត។

កម្មវិធីសប្បាយនេះបានធ្វើឡើងនៅក្នុងបរិវេណហាងសមុទ្រព្រិល ដើម្បីជប់លៀងបិទបញ្ចប់ការថតភាពយន្តទាំងពីរនេះ ។ យ៉ាងណាមិញ លោក ហួង តារាមុនី ប្រធានផលិតកម្មវិធីរបស់ទូរទស្សន៍ប៉ុស្ត៍លេខ៥បានអះអាងថា ខណៈនេះរឿង « បុប្ផាស្រុកស្រែ » កំពុងដាក់បញ្ចាំងឱ្យមហាជនបានទស្សនាកម្សាន្ដហើយ ហើយប៉ុស្ដិ៍លេខ៥ ក៏គ្រោងត្រៀមដាក់បញ្ចាំងរឿង« អន្ទាក់ស្នេហ៍ » បន្ដបន្ទាប់ទៀត ដែលរឿងទាំងពីរនេះមានទាំងអស់ ៣៨ ភាគ។ លោកថា នេះជាភាពយន្តដែលក្រុមអ្នកផលិត និងតួសម្ដែងប្រឹងប្រែងធ្វើឡើងយ៉ាងអស់ពីសមត្ថភាព ដោយលោកបានទាំងហៅភាពយន្តនេះថា ជាស្នាដៃដែលនឹងក្លាយជារសជាតិល្អមួយ នៅពេលដាក់បញ្ចាំងលើកញ្ចក់ទូរទស្សន៍នោះផង។ លោកថាមួយរឿងនេះទាំងផលិតករ និងតួសម្ដែងសុទ្ធតែពិបាក ប៉ុន្តែអ្វីដែលលោកសប្បាយចិត្តគឺបានភាពយន្តមួយ ដែលមានស្តង់ដារគ្រប់គ្រាន។ លោកថារឿងនេះ ត្រូវបានថតបានចប់តាមការគ្រោងទុក បើទោះជាបានថតចប់ ក៏នៅត្រូវការកែព័ណ៌ និងកាត់តបន្តទៀត ដើម្បីឱ្យមានគុណភាពផងដែរ។

សូមជម្រាបផងដែរថា ជាទូទៅស្ថានីយ៍ទូរទស្សន៍ប៉ុស្តិ៍លេខ៥ តែងតែរំលេចកម្មវិធីល្អៗ ដូចជាសិល្បៈភាពយន្ត វិស័យកីឡា និងសុខភាព ព្រមទាំងកម្មវិធីផ្សេងៗទៀត ជាដើម។ ប៉ុស្តិ៍លេខ៥ បានគិតគូដល់ការលើកកម្ពស់វិស័យភាពយន្តខ្មែរ ហើយតែងគិតបង្កើតថ្មីៗ ដើម្បីឱ្យតារាទាំងអស់ បង្ហាញសមត្ថភាពមានការគាំទ្រពីមហាជន ព្រមទាំងបង្កើតកម្រិតជីវភាពរស់នៅឱ្យកាន់តែប្រសើរជាបន្តទៀត តាមរយៈការមានឱកាសសម្តែង។ ចុងបញ្ចប់នៃកម្មវិធីបិទសកម្មភាពនេះ តារាដែលចូលរួមសុទ្ធតែសប្បាយរីករាយ និងថ្លែងអំណរគុណថ្នាក់ដឹកនាំ ដែលបានបង្កើតបរិយាកាសស្និតស្នាលជួយដល់តារាសម្តែងទាំងអស់ ឱ្យមានការងារធ្វើ៕

ឯកឧត្តម​ វេង​ សា​ខុន​ រដ្ឋមន្ត្រី​ក្រសួង​កសិកម្ម​ រុក្ខាប្រមាញ់​ និង​នេសាទ​ ក្នុង​កិច្ចពិភាក្សា​ការងារ​ជាមួយ​ឯកឧត្តម​ Kim​ Hyeon​-Soo​ រដ្ឋមន្ត្រី​ក្រសួង​កសិកម្ម​ ស្បៀងអាហារ​ និង​អភិវឌ្ឍន៍​ជនបទ​នៃ​សាធារណរដ្ឋ​កូរ៉េ​ បាន​ចុះហត្ថលេខា​លើ​អនុស្សរណៈ​នៃ​ការយោគយល់​គ្នា​ស្តី​ពី​កិច្ច​សហប្រតិបត្តិ​ការ​ក្នុង​វិស័យ​កសិកម្ម​។

សូម​បញ្ជាក់​ថា​ ពិធី​ចុះហត្ថលេខា​លើ​អនុស្សរណៈ​នៃ​ការយោគយល់​គ្នា​ (Mou​) នេះ​បាន​ធ្វើឡើង​នៅ​សណ្ឋាគារ​ Grand​ Haeundea​ នៅ​ទី​ក្រុង​ប៊ូ​សាន​ កាលពី​ចុងខែ​វិច្ឆិកា​ ឆ្នាំ2019​ ក្នុង​គោលបំណង​ពង្រឹង​កិច្ច​សហប្រតិបត្តិ​ការ​ និង​ការ​អភិវឌ្ឍ​ទំនាក់ទំនង​ទ្វេភាគី​របស់​ភាគី​ទាំង2​ នៅក្នុង​វិស័យ​កសិកម្ម​។

ក្នុង​ឱកាស​នេះ​ផង​ដែរ​ ឯកឧត្តម​ Kim​ Hyeon​-Soo​ បាន​បញ្ជាក់​ថា​ ភាគី​កូរ៉េ​បាន​អនុម័ត​រួចហើយ​នូវ​ការអនុញ្ញាត​ឱ្យ​នាំចូល​ស្វាយ​ពី​កម្ពុជា​មក​កូរ៉េ​កាលពី​ខែតុលា​ ឆ្នាំ2019កន្លងទៅ​ ដូច្នេះ​ក្នុង​ខែធ្នូ​ ឆ្នាំ2019​ខាងមុខនេះ​ កម្ពុជា​នឹងអាច​នាំចូល​ស្វាយ​មក​កូរ៉េ​បាន​ហើយ​។ ឯកឧត្តម​ក៏បាន​ស្វាគមន៍​នូវ​សំណើ​របស់​កម្ពុជា​ ដោយ​បាន​សន្យា​នឹង​ជួយ​ដល់​ការ​អភិវឌ្ឍ​លើ​ការ​ដាំដំណាំ​ក្នុង​ផ្ទះ​កញ្ចក់​ (Green​ House​) ដែល​អាច​ធានា​ដល់​ការផលិត​បន្លែ​បាន​គ្រប់​រដូវ​ ការពារ​សត្វល្អិត​ និង​មានគុណ​ភាព​ខ្ពស់​ ឆ្លើយតប​តាម​ស្តង់​ដា​ និង​ទីផ្សារ​ ដើម្បី​ជំរុញ​ផលិតកម្ម​លើ​ដំណាំ​បន្លែ​ក្នុង​ស្រុក​។

ឯកឧត្តម​ វេង​ សា​ខុន​ បាន​ថ្លែងអំណរគុណ​ដល់​ភាគី​កូរ៉េ​អំពី​ដំណឹងល្អ​សម្រាប់​ការអនុញ្ញាត​ឱ្យ​នាំ​ចូល​ស្វាយ​នេះ​ ហើយ​ឯកឧត្តម​ក៏បាន​ស្នើសុំ​កិច្ច​សហប្រតិបត្តិ​ការ​ជាមួយ​ភាគី​កូរ៉េ​បន្ថែម​ទៀត​ លើ​ការ​ធ្វើ​ទំនើបកម្ម​កសិកម្ម​នៅ​កម្ពុជា​ ដើម្បី​ផ្លាស់​ប្តូរ​ពិសោធ​ដែល​កសិកម្ម​កូរ៉េ​បាន​ឆ្លងកាត់​។

ចំពោះ​ការ​ផ្តល់​កិច្ច​សហប្រតិបត្តិ​ការ​លើ​ដំណាំ​ក្នុង​ Green​ House​ នេះ​ ព្រោះ​វា​ឆ្លើយតប​ចំ​គោលដៅ​ដែល​ក្រសួង​បាន​និង​កំពុង​ធ្វើ​ និង​ឆ្លើយតប​ទៅ​លើ​តម្រូវការ​ដែល​ក្រសួង​កសិកម្ម​កម្ពុជា​កំពុងតែ​យកចិត្ត​ទុកដាក់​ ដើម្បី​ជួយ​លើកកម្ពស់​កម្រិតជីវភាព​របស់​កសិ​កឱ្យ​ឆ្លើយតប​តាម​គោលនយោបាយ​ជំរុញ​សេដ្ឋកិច្ច​កម្ពុជា​។

ម្យ៉ាងវិញទៀត​ ដោយ​មើលឃើញ​ពី​តម្រូវការ​ចាំបាច់​សម្រាប់​ការប្រើ​ប្រាស់​ធនធាន​ធម្មជាតិ​ប្រកប​ដោយ​ប្រសិទ្ធភាព​ និង​ការ​អភិវឌ្ឍ​ធនធានមនុស្ស​ និង​ដោយមាន​បំណង​ចង់​ពង្រឹង​កិច្ច​សហប្រតិបត្តិ​ការ​រវាង​វិស័យ​សាធារណៈ​ និង​ឯកជន​នៃ​ប្រទេស​ទាំង2​ លើ​វិស័យ​កសិកម្ម​។ ភាគី​ទាំង2​ បាន​ព្រមព្រៀង​គ្នា​លើ​កិច្ចសហការ​គ្នា​ក្នុង​វិស័យ​ដូច​ខាងក្រោម​៖
1-ផ្លាស់​ប្តូរ​ព័ត៌មាន​ និង​កិច្ច​សហប្រតិបត្តិ​ការ​ក្នុង​គោលនយោបាយ​កសិកម្ម​ក្នុង​តំបន់​ និង​អភិវឌ្ឍន៍​ជនបទ​។

2-ផ្លាស់​ប្តូរ​ព័ត៌មាន​ និង​កិច្ច​សហប្រតិបត្តិ​ការ​ក្នុង​គោលនយោបាយ​កសិកម្ម​ក្រៅប្រទេស​។

3-ផ្លាស់​ប្តូរ​អ្នកជំនាញ​ក្នុង​វិស័យ​ដែល​ពាក់ព័ន្ធ​និង​កិច្ច​សហប្រតិបត្តិ​ការ​លើ​បច្ចេកទេស​ និង​ព័ត៌មាន​ដែល​ពាក់ព័ន្ធ​នឹង​កសិកម្ម​ និង​ការស្រាវជ្រាវ​រួមគ្នា​ ក៏​ដូចជា​ការជំរុញ​កិច្ច​សហប្រតិបត្តិ​ការ​បច្ចេកទេស​កសិកម្ម​រវាង​វិទ្យាស្ថាន​ស្រាវជ្រាវ​កសិកម្ម​នៃ​ប្រទេស​ទាំង2​។

4-កិច្ច​សហប្រតិបត្តិ​ការ​ក្នុង​ការ​អភិវឌ្ឍ​កសិកម្ម​សំដៅ​ធានា​ឱ្យ​បាន​នូវ​សន្តិសុខ​ស្បៀង​ក្នុង​ប្រទេស​ទាំង2​។

5-ជំរុញ​ការ​ផ្លាស់​ប្តូរ​បទ​ពិសោធ​រវាង​សហគ្រាស​និង​ទីភ្នាក់ងារ​ពាក់ព័ន្ធ​ក្នុង​វិស័យ​សាធារណៈ​ និង​ឯកជន​។

6-ការគ្រប់គ្រង​ធនធាន​ធម្មជាតិ​ប្រកបដោយ​ប្រសិទ្ធភាព​ រួមមាន​ដី​ ទឹក​ និង​ធន​ធាន​សេនេ​ទិ​ក។

7-កិច្ច​សហប្រតិបត្តិ​ការ​ក្នុង​ការ​បង្កើន​ផលិតភាព​កសិកម្ម​ គ្រឿងយន្ត​កសិកម្ម​ និង​យុទ្ធសាស្ត្រ​មុន​ និង​ក្រោយពេល​ប្រមូល​ផល​។

8-កិច្ច​សហប្រតិបត្តិ​ការ​ដើម្បី​សម្របសម្រួល​ដល់​ការ​វិនិយោគឯកជន​ក្នុង​វិស័យ​កសិកម្ម​។

9-ការ​ផ្លាស់​ប្តូរ​ និង​ធ្វើ​កិច្ច​សហប្រតិបត្តិ​ការ​លើ​ចំណុច​ដែល​ចាប់អារម្មណ៍​ផ្សេងទៀត​ ដែល​អាច​កើតឡើង​ពី​ការសម្រេច​ចិត្ត​របស់​ភាគី​ទាំង2​។

ដើម្បី​ធ្វើ​ទំនាក់ទំនង​ និង​សម្របសម្រួល​កិច្ច​សហប្រតិបត្តិ​ការ​ក្រោម​អនុស្សរណៈ​នៃ​ការយោគយល់​គ្នា​នេះ​ឱ្យ​ទទួល​បាន​ប្រសិទ្ធភាព​ខ្ពស់​ ភាគី​ទាំង2​ បាន​ឯកភាព​គ្នា​ បង្កើត​ក្រុមការងារ​ដែល​មាន​ប្រធាន​ 1រូប​ មានឋានៈជា​ប្រធាន​នាយកដ្ឋាន​ធ្វើជា​សហប្រធាន​ដែល​ត្រូវ​បាន​តែងតាំង​ដោយ​រដ្ឋាភិបាល​នៃ​ប្រទេស​ទាំង2​។

ភាគី​នី​មួយ​ៗនឹង​ចាត់តាំង​លេខាធិការ​ទំនាក់ទំនង​ម្នាក់​ឱ្យ​ទទួលខុសត្រូវ​ការងារ​ទាក់ទង​នឹង​កិច្ចប្រជុំ​ក្រុមការងារ​។ កិច្ចប្រជុំ​ក្រុមការងារ​នឹង​ត្រូវ​ធ្វើ​ឡើងជា​ប្រចាំ​នៅ​សាធារណរដ្ឋ​កូរ៉េ​ និង​នៅ​ព្រះរាជាណាចក្រ​កម្ពុជា​រៀងរាល់​ 2ឆ្នាំ​ម្តង​ ឬលើស​ពីនេះ​បើ​ចាំបាច់​ដោយ​ភាគី​ទាំង2​។ កាលបរិច្ឆេទ​ ទីតាំង​ និង​របៀបវារៈ​នៃ​ការប្រជុំ​នី​មួយ​ៗនឹង​ត្រូវ​សម្រេច​រួមគ្នា​ជាមុន​៕