Category: សង្គម និងសេដ្ឋកិច្ច

​ក្រោយ​ការ​ចេញផ្សាយ​ ​Galaxy​ ​Note​ ​10​/​Note​ ​10​+​ ​របស់​ក្រុមហ៊ុន​ ​Samsung​ ​ត្រូវ​បាន​គេ​ដឹង​ថា​ ​ទំនងជា​នឹង​មានប្រកាស​ពី​ ​Galaxy​ ​Note​ ​10​ ​Lite​ ​មួយ​ម៉ូដែល​ផ្សេងទៀត​។​ ​​ឈ្មោះ​ម៉ូដែល​នេះ​ទើបតែ​ទទួល​បានការ​អនុម័ត​ចេញពី​គណៈកម្មាធិការ​ ​FCC​ ​ខណៈ​គំរូ​ព្រាង​ ​(​Render​)​ ​ក៏​ត្រូវ​បាន​លាតត្រដាង​ផង​ដែរ​។​

​Note​ ​10​ ​Lite​ ​នឹង​ប្រើប្រាស់​ទម្រង់​កាមេរ៉ា​រាង​ចង្ក្រានហ្គាស​នៅ​ខាងក្រោយ​ ​ដោយ​បំពាក់​ ​Sensor​ ​ចំនួន​ ​3គ្រាប់​ ​និង​គ្រាប់​ ​Flash​ ​LED​ ​1គ្រាប់​។​ ​នៅ​ផ្នែក​អេក្រង់​ខាងមុខ​ ​មានការ​ផ្លាស់​ប្តូរ​ ​លែង​មាន​ភាព​កោង​ដូច​ជំនាន់​មុន​ទៀតហើយ​ ​ដែល​ជំនួស​ដោយ​ផ្ទៃរាប​ស្មើ​វិញ​ម្ដង​។​ ​

​តាម​តម្រុយ​ ​កាមេរ៉ា​នេះ​សោត​ក៏​ទើបតែ​លេច​ចេញ​ថ្មី​ៗ​នៅ​លើ​ ​Galaxy​ ​A71​ ​ហើយ​ចចាមអារ៉ាម​ដែល​ថា​ ​នឹង​មាននៅ​លើ​ ​Galaxy​ ​S11​ ​ដែរ​នោះ​ ​រឹតតែ​ញ៉ាំង​ឱ្យ​មានការ​ជឿជាក់​ថា​ ​ស្មា​ត​ហ្វូ​ន​ជំ​នាន់​ក្រោយ​ៗ​របស់​ ​Samsung​ ​ប្រហែលជា​ប្រើ​ទម្រង់​កាមេរ៉ា​បែបនេះ​ទាំងស្រុង​ហើយ​។​

​ចំពោះ​បច្ចេកវិទ្យា​ពិសេស​ក្នុង​ប៊ិច​វេទមន្ត​ ​S​ ​Pen​ ​ដែល​ថា​ ​អាច​ដំណើរការ​បាន​ល្អ​ប្រសើរ​ ​ដូច​មាន​លើ​ ​Note​ ​10​ ​ឬ​អត់​នោះ​?​ ​មិនទាន់​មានការ​បង្ហើប​ប្រាប់​នៅឡើយ​។​ ​ចំពោះ​កម្លាំង​ម៉ាស៊ីន​ ​Note​ ​10​ ​Lite​ ​ប្រើ​ឈីប​ ​Snapdragon​ ​855​ ​ស្រប​ពេល​ដែល​កាមេរ៉ា​ក្រោយ​មាន​លេន​ស៍​មេ​ទំហំ​ ​48MP​ ​និង​ខាងមុខ​ចោះ​ទម្លុះ​អេក្រង់​ ​1គ្រាប់​ទំហំ​ ​32MP​៕​

​
​

យន្តហោះ​ ​J​-​15​ ​ជា​យន្តហោះ​ចម្បាំង​ទី1​ ​ដែល​បាន​ហោះ​ចេញពី​នាវាផ្ទុកយន្តហោះ​ផលិត​ក្នុង​ស្រុក​របស់​ចិន​ឈ្មោះ​ ​«​The​ ​Shandong​»​។​ ​នេះ​បើ​តាម​ការ​ផ្សព្វផ្សាយ​របស់​ទូរទស្សន៍​ចិន​ ​CCTV7​។​

​នាវាផ្ទុកយន្តហោះ​នេះ​ ​ត្រូវ​បាន​ដាក់​ឱ្យ​ប្រើប្រាស់​ជា​ផ្លូវការ​ក្នុង​ជួរ​កងទ័ព​កាលពី​ថ្ងៃទី17​ ​ខែធ្នូ​ ​ឆ្នាំ2019​ ​កន្លងទៅ​ ​បន្ទាប់ពី​ចាប់ផ្តើម​កសាង​ក្នុង​ឆ្នាំ2013​។​ ​នាវា​នេះ​អាច​ផ្ទុក​យន្តហោះ​បាន​ដល់ទៅ​ ​36គ្រឿង​។​ ​The​ ​Shandong​ ​ជានា​វា​ផ្ទុក​យន្តហោះ​ទី2​ ​របស់​ចិន​ ​បន្ទាប់ពី​នាវា​ ​Liaoning​ ​ប៉ុន្តែ​ ​Liaoning​ ​គ្រាន់តែ​ជានា​វា​ដែល​ផលិត​នៅ​ប្រទេស​រុស្ស៊ី​ ​ហើយ​ត្រូវ​បាន​ប្រទេស​ចិន​ទិញ​យក​មក​ជួសជុល​ ​និង​កែច្នៃ​ប្រើជា​ថ្មី​តែប៉ុណ្ណោះ​៕​ ​
​
​សូម​ទស្សនា​វីដេអូ​ខាងក្រោម​៖​

​

​រដ្ឋបាល​រាជធានី​ភ្នំពេញ​ ​បាន​បើក​ការដ្ឋាន​ស្ថាបនា​ស្ពាន​អាកាស​ថ្មើរជើង​ ​ចំនួន​ ​2កន្លែងនៅ​ ​ត្រង់​ទីតាំង​ ​ផ្សារដើមគរ​ ​និង​មុខ​សា​សាប​ឋ​មសិ​ក្សា​សន្ធរ​ម៉ុ​ក​ ​កាលពី​ព្រឹក​ថ្ងៃទី28​ ​ខែធ្នូ​ ​ឆ្នាំ2019​ ​ដោយ​គ្រោង​ស្ថាបនា​ឱ្យ​រួចរាល់​នៅ​ពាក់កណ្តាល​ឆ្នាំ2020ខាងមុខ​ ​ដើម្បី​ជួយ​សម្រួល​ដល់​ប្រជាពលរដ្ឋ​ ​ក្នុង​ការ​ឆ្លងកាត់​ផ្លូវ​ប្រកបដោយ​សុវត្ថិភាព​ ​និង​មិន​មានការ​ប្រឈម​គ្រោះថ្នាក់​ណាមួយ​កើតឡើង​។​ ​

​ឯកឧត្ដម​ ​ឃួង​ ​ស្រេង​ ​អភិបាល​រាជធានី​ភ្នំពេញ​បាន​បញ្ជាក់​ថា​ ​មូលហេតុ​ដែល​នាំ​ឱ្យ​រដ្ឋបាល​សាលា​រាជធានី​សម្រេច​បើក​ការដ្ឋាន​ស្ថាបនា​ស្ពាន​អាកាស​ថ្មើរជើង​ចំនួន​ ​2កន្លែង​នេះ​ ​គឺ​ដើម្បី​ជួយ​សម្រួល​ ​រំដោះ​ចរាចរណ៍​ ​និង​ការ​ធ្វើដំណើរ​ឆ្លងកាត់​ផ្លូវ​របស់​ប្រជាពលរដ្ឋ​ ​ជាពិសេស​សិស្សានុសិស្ស​ខណៈ​តំបន់​ទំាង​ ​2នេះ​ ​មានការ​លំបាក​ក្នុង​ការ​ធ្វើដំណើរ​ថ្មើរជើង​កាត់​ផ្លូវ​ដោយសារតែ​ប្រឈម​នឹង​ចរាចរណ៍​មមាញឹក​។​

​ ​ឯកឧត្ដម​អភិបាលក្រុង​ ​ក៏បាន​ជំរុញ​ឱ្យ​ក្រុមហ៊ុន​ស្ថាបនា​ស្ពាន​អាកាស​ថ្មើរជើង​ ​នៅ​តំបន់​ទំាង​ ​2កន្លែង​នេះ​ ​ត្រូវ​ធ្វើ​ឱ្យ​រួចរាល់​ទាន់​តាម​ផែនការ​ ​ក្នុងរយៈពេល​ ​6ខែ​ទៀត​ ​ក្នុង​អំឡុង​ពាក់កណ្តាល​ឆ្នាំ​ ​2020​ ​ខាងមុខនេះ​ ​។​ ​

​បើ​យោង​តាម​ ​មន្រ្ដី​ជំនាញ​បច្ចេកទេស​បានឱ្យ​ដឹង​ថា​ ​គម្រោង​ស្ថាបនា​ស្ពាន​អាកាស​ថ្មើរជើង​ ​នៅ​តំបន់​មុខ​ផ្សារដើមគរ​ ​គឺ​ឆ្លងកាត់​លើ​មហា​វិ​ថី​គីម​ ​អ៊ី​ល​សុង​ ​ខណៈ​គម្រោង​ស្ថាបនា​ស្ពាន​អាកាស​ថ្មើរជើង​សន្ធរ​ម៉ុ​ក​វិញ​ ​គឺ​ស្ថិតនៅ​លើ​ចំណុច​ផ្លូវ​ប្រស​ព្វ​ទំាង​ ​4ទិស​តែម្តង​ ​ដើម្បី​បង្ក​លក្ខណៈ​ងាយស្រួល​ដល់​សិស្សានុសិស្ស​បាន​ឆ្លងកាត់​ផ្លូវ​នេះ​ដោយ​សុវត្ថិភាព​។​ ​

​សូម​បញ្ជាក់​ថា​ ​មកដល់ពេលនេះ​ ​រាជធានី​ភ្នំពេញ​ ​មាន​ស្ពាន​អាកាស​ថ្មើរជើង​ចំនួន​ ​3កន្លែង​ ​ហើយ​ ​គឺ​នៅ​តំបន់​ជម្ពូ​វន្ត​ ​ស្ថិត​ក្នុង​ខណ្ឌ​ពោធិ​សែន​ជ័យ​ ​មាន​ចំនួន​ ​2កន្លែង​ ​និង​នៅ​តំបន់​ភ្លើងស្តុប​ ​នាងគង្ហីង​ ​មាន​ចំនួន​ ​1កន្លែង​។​ ​ទន្ទឹម​នេះ​ ​រដ្ឋបាល​រាជធានី​ភ្នំពេញ​គ្រោង​ពង្រីក​គម្រោង​ស្ថាបនា​ផ្លូវ​ ​ថ្មើរជើង​នេះ​ឱ្យ​បាន​ច្រើន​កន្លែង​បន្ថែម​ទៀត​ ​ដើម្បី​ឆ្លើយតបទៅនឹង​ប្រទេសជាតិ​ដែល​កំពុង​មានការ​អភិវឌ្ឍ​៕​

​

​នេះ​បើ​តាម​ទិន្នន័យ​របស់​ក្រុមហ៊ុន​ស្រាវជ្រាវ​ទីផ្សារ​ ​Counterpoint​ ​Research​ ​បាន​បង្ហាញ​ក្រាហ្វិក​នៃ​ការ​លក់​ទូទាំង​ពិភពលោក​នៅ​ត្រីមាស​ទី3​ ​ឆ្នាំ2019​ ​(​Q3​)​ ​ដូច​ខាងក្រោម​៖​
​
​iPhone​ ​XR​ ​តំណែង​លេខ1​ ​លក់​បាន​ ​26.9លាន​គ្រឿង​ ​វា​មានតម្លៃ​ ​749ដុល្លារ​ ​ប៉ុន្តែ​ជា​ ​iPhone​ ​ថោកជាង​គេ​ក្នុងចំណោម​ ​iPhone​ ​ស៊េរី​ថ្មី​ចេញ​ឆ្នាំ2018​ ​កើន​ ​3​%​។​ ​ចំណែក​ ​iPhone​ ​8​ ​ដែល​ចេញ​ឆ្នាំ2016​ ​ឈរ​នៅ​តំណែង​លេខ4​ ​លក់​បាន​ ​10.3លាន​គ្រឿង​។​ ​ខណៈ​ ​iPhone​ ​XS​ ​Max​ ​ជា​ម៉ូដែល​ ​Flagship​ ​តែមួយគត់​មានមុខ​ក្នុង​បញ្ជី​ស្មា​ត​ហ្វូ​ន​លក់ដាច់​បាន​ច្រើនជាង​គេ​ទាំង10​ ​លើស​កល​លោក​ជាមួយ​ចំនួន​លក់​ ​9.9​ ​លាន​គ្រឿង​។​
​
​
​ក្រៅពីនោះ​ ​Galaxy​ ​A10​ ​និង​ ​Galaxy​ ​A20​ ​និង​ ​A50​ ​ចេញ​ឆ្នាំ2019​ ​ក៏បាន​ជាប់​ក្នុ​បញ្ជី​ ​Top10​ ​ដែរ​ ​។​ ​ចំណែក​ស្មា​ត​ហ្វូ​ន​ផ្សេងទៀត​គឺ​ ​Oppo​ ​A9​,​ ​Oppo​ ​A51s​,​ ​Oppo​ ​A5​,​ ​Xiaomi​ ​Redmi​ ​A20​,​ ​Redmi​ ​7A​ ​និង​ ​Huawei​ ​P30​ ​៕​ ​

​ក្រុមហ៊ុន​វិភាគ​ ​App​ ​Annie​ ​បាន​បង្ហាញ​ទិន្នន័យ​អំពី​កម្មវិធី​ ​និង​ហ្គេម​ដែល​មាន​គេ​ទាញ​យក​ច្រើន​បំផុត​ក្នុងរយៈពេល​ ​10ឆ្នាំ​ចុងក្រោយ​ ​(​2010​ ​ដល់​ ​2019​)​ ​គិត​សរុប​ទាំង​នៅ​លើ​ ​App​ ​Store​ ​និង​ ​Play​ ​Store​។​ ​
​
​កម្មវិធី​ដែល​មាន​គេ​ដោន​ឡូ​ត​ច្រើន​គេ​ទាំង​ ​10​ ​មាន​ចំនួន​ ​4​ ​គឺ​កាន់កាប់​ដោយ​ ​Facebook​ ​សុទ្ធសឹងតែ​ឈរ​លើ​តំណែង​កំពូល​ទៀតផង​នោះ​គឺ​ ​Facebook​,​ ​Messenger​,​ ​WhatsApp​ ​និង​ ​Instagram​។​
​
​ចាប់តាំងពី​បណ្ដាញ​ ​Facebook​ ​បាន​លេច​រូបរាង​រហូត​មកទល់​បច្ចុប្បន្ន​ ​ក្រុមហ៊ុន​នេះ​បាន​ទិញ​យក​ក្រុមហ៊ុន​ដទៃ​ជាច្រើន​ដើម្បី​ពង្រីក​ឥទ្ធិពល​របស់​ខ្លួន​។​ ​ក្នុងចំណោម​នោះ​ក៏​មាន​ក្រុមហ៊ុន​បណ្ដាញ​ទំនាក់ទំនង​ចំនួន3​ ​ដែល​ ​Facebook​ ​បាន​ចំណាយ​លុយ​ពី​ខ្ទង់លាន​ដល់​ខ្ទង់ពាន់​លាន​ដុល្លារ​ដើម្បី​ទិញ​យក​។​

​1​)​ ​WhatsApp​ ​ជា​សេវាកម្ម​សម្រាប់​ទំនាក់ទំនង​គ្នា​មួយ​នេះ​បាន​បើក​ដំណើរការ​នៅ​ខែមករា​ ​ឆ្នាំ2010​ ​ក្រោយពី​សង្កេតឃើញ​ឥទ្ធិពល​របស់​សេវាកម្ម​មួយ​នេះ​ ​ក្រុមហ៊ុន​ ​Facebook​ ​ក៏បាន​ទិញ​យក​ក្នុង​ទំហំ​ទឹកប្រាក់​ ​19.3ពាន់​លាន​ដុល្លារ​ ​កាលពី​ឆ្នាំ2014​ ​ខែកុម្ភៈ​។​
​
​2​)​ ​Instagram​ ​ជា​សេវាកម្ម​សម្រាប់​ចែករំលែក​រូបភាព​ ​ឬ​វីដេអូ​លើ​អ៊ី​ន​ធើ​ណិ​ត​តាមរយៈ​ទូរស័ព្ទ​ ​ហើយ​វា​ក៏​ជា​បណ្ដាញ​ទំនាក់ទំនង​សង្គម​ផង​ដែរ​។​ ​កាលពី​ខែមេសា​ ​ឆ្នាំ2012​ ​ក្រុមហ៊ុន​ ​Facebook​ ​បាន​ទិញ​យក​ ​Instagram​ ​ក្នុង​តម្លៃ​ ​1ពាន់​លាន​ដុល្លារ​។​
​
​3​)​ ​FriendFeed​ ​ជា​សេវាកម្ម​បណ្ដាញ​សង្គម​ដ៏​ធំ​មួយ​របស់​សហរដ្ឋអាមេរិក​ដែល​ចាប់​ដំណើរការ​កាលពី​ខែតុលា​ ​ឆ្នាំ2007​ ​ហើយ​ត្រូវ​បាន​ទិញ​យក​ដោយ​ ​Facebook​ ​នៅ​ខែសីហា​ ​ឆ្នាំ2009​ ​ក្នុង​ទំហំ​ទឹកប្រាក់​ ​47.5លាន​ដុល្លារ​៕​

​

​យោង​តាម​របាយការណ៍​ពី​ ​The​ ​Information​ ​Media​ ​បាន​ចុះផ្សាយ​ថា​ ​Apple​ ​នឹង​ព្យាយាម​ដោះស្រាយ​បញ្ហា​ដែល​ខ្លួន​កំពុង​ប្រឈម​ ​ពាក់ព័ន្ធ​នឹង​ការ​បែកធ្លាយ​ព័ត៌មាន​ពី​ ​iPhone​ ​ជំនាន់​ក្រោយ​ ​ពោល​គឺ​នឹង​ទប់ស្កាត់​ឱ្យ​បាន​សម្រាប់​ស្មា​ត​ហ្វូ​ន​ស៊េរី​ឆ្នាំ2020​ ​របស់​ខ្លួន​។​ ​
​
​ក្រុមហ៊ុន​ ​Apple​ ​ត្រូវ​បាន​គេ​ដឹង​ថា​ ​មិន​អាច​ទប់ស្កាត់​បញ្ហា​មួយ​នេះ​បាន​ ​តាំងពី​អំឡុង​ចេញ​លក់​ ​iPhone​ ​5c​ ​នៅ​ឆ្នាំ2013​ ​មក​ម្ល៉េះ​។​
​
​មុន​ការប្រកាស​ចេញ​លក់​ ​iPhone​ ​12​ ​ក្រុមហ៊ុន​នឹង​បង្កើត​នូវ​ក្រុម​ត្រួតពិនិត្យ​ពិសេស​មួយ​មានឈ្មោះ​ថា​ ​’​New​ ​Product​ ​Security​ ​Team​’​ ​ឬហៅ​កាត់​ ​NPS​ ​ដែល​ទទួលបន្ទុក​លើ​ការ​តាមដាន​ក្រុមហ៊ុន​ផ្គត់ផ្គង់​ដែល​ជា​ដៃគូ​របស់​ ​Apple​ ​និង​បញ្ចៀស​ការ​បែកធ្លាយ​ព័ត៌មាន​ទៅកាន់​ភាគី​ទី3​។​
​
​នៅ​ឆ្នាំ2014​ ​ការ​បែកធ្លាយ​ព័ត៌មាន​សម្ងាត់​ ​បាន​កើតមាន​ ​387ករណី​ ​និង​ចុះ​មក​ត្រឹម​ ​57ករណី​នៅ​ឆ្នាំ​ ​2015​ ​ហើយ​ ​4ករណី​នៅ​ឆ្នាំ​ ​2016​។​ ​សម្រាប់​ក្រុមហ៊ុន​ដែល​ជា​ដៃគូ​សហការ​របស់​ ​Apple​ ​ក៏​នឹង​ទទួលបន្ទុក​លើ​បញ្ហា​នេះ​ផង​ដែរ​ ​ដោយតាម​ប្រភព​ខាងលើ​បាន​សង្កត់ធ្ងន់​ថា​ ​ប្រសិនណាបើ​ភាគី​ណាមួយ​ធ្វើ​ឱ្យ​ធ្លាយ​ព័ត៌មាន​សម្ងាត់​ចេញទៅ​ក្រៅ​ ​នោះ​នឹង​ត្រូវ​សង​ការខូចខាត​ជា​ទឹកប្រាក់​ប្រមាណ​ ​25​ ​លាន​ដុល្លារ​ ​ជាមួយ​ការ​ចំណាយ​ពាក់ព័ន្ធ​ការស៊ើបអង្កេត​ទាំងអស់​៕​ ​

​

តួលេខ​អ្នក​ចុះឈ្មោះ​បញ្ជាទិញ​បាន​កើន​ដល់កម្រិត​ខ្ពស់​មួយ​គួរ​ឱ្យ​កត់សម្គាល់​ ​ក្រោយ​រយៈពេល​ ​2ថ្ងៃ​ ​បន្ទាប់ពី​ក្រុមហ៊ុន​ ​Oppo​ ​បាន​ប្រកាស​ចេញ​លក់​នូវ​ស្មា​ត​ហ្វូ​ន​ ​Reno3​ ​និង​ ​Reno3​ ​Pro​ ​កាលពី​ប៉ុន្មាន​ថ្ងៃមុន​។​ ​

​Reno3​ ​Pro​ ​ជា​ស្មា​ត​ហ្វូ​ន​ ​5G​ ​តម្លៃ​ធូរ​ថ្លៃ​របស់​ ​Oppo​ ​ដំបូងបង្អស់​ទទួល​បានការ​បញ្ជាទិញ​ទុកជាមុន​ចំនួន​ ​1.5​ ​លាន​នាក់​រួចហើយ​ ​ដោយ​ក្នុង​នោះ​ ​580,000នាក់​ធ្វើ​ប្រតិបត្តិ​ការ​បញ្ជាទិញ​លើ​គេហទំព័រ​ ​JD.com​។​ ​
​
​Reno3​ ​ជា​ស្មា​ត​ហ្វូ​នប្រើ​ប្រាស់​បន្ទះ​ឈីប​ ​MediaTek​ ​Dimensity​ ​1000L​ ​SoC​ ​តម្លៃ​ចាប់ពី​ ​485ដុល្លារ​ឡើង​ទៅ​ ​ស្រប​ពេល​ដែល​ប្រភេទ​ ​Reno3​ ​Pro​ ​ប្រើ​ឈីប​ ​Snapdragon​ ​765G​ ​SoC​ ​តម្លៃ​ចាប់ពី​ ​570​ ​ដុល្លារ​៕​

​

​
​វិទ្យាស្ថាន​អភិវឌ្ឍ​វិស័យ​អប់រំ​ ​(​EDI​)​ ​សហការ​ជាមួយនឹង​មជ្ឈមណ្ឌល​ភាសាអង់គ្លេស​ ​Leaderland​ ​នៃ​បណ្តាញ​អប់រំ​វេស​ឡាញ​ ​អេ​ឌ្យូ​ខេ​សិន​ ​គ្រុប​ ​ដែល​គាំទ្រ​ដោយ​ ​Franklin​ ​Covey​ ​Cambodia​ ​បាន​រៀបចំ​សិក្ខាសាលា​ស្តី​ពី​ទម្លាប់​ល្អ​ទាំង7​ ​យ៉ាង​សម្រាប់​បុគ្គល​ឆ្នើម​ ​ដើម្បី​ប្រមូល​ថវិកា​ជួយ​មន្ទីរពេទ្យ​កុមារ​អង្គរ​ដែល​កំពុង​ត្រូវការ​ជំនួយ​ដើម្បី​ព្យាបាល​កុមារ​កម្ពុជា​ជាច្រើន​រូប​នៅក្នុង​ខេត្ត​សៀម​រៀប​ ​នៅ​ចុងខែ​ធ្នូ​ ​ឆ្នាំ2019​ ​នេះ​។​ ​​

​លោក​ ​ប៉ិច​ ​បូ​ឡែន​ ​អគ្គនាយក​ក្រុមហ៊ុន​ ​វេស​ឡាញ​ ​អេ​ឌ្យូ​ខេ​សិន​ ​គ្រុប​ ​បាន​លើកឡើង​ថា​កម្មវិធី​សិក្ខាសាលា​ទម្លាប់​ល្អ​ទាំង7​ ​យ៉ាង​សម្រាប់​បុគ្គល​ឆ្នើម​ ​នេះ​មាន​គោលបំណង​សំខាន់​ក្នុង​ការ​ផ្តល់​ឱកាស​សម្រាប់​បុគ្គលិក​ក្រុមហ៊ុន​នានា​ ​និង​សាធារណជន​ឱ្យ​បាន​ចូលរួម​ចំណែក​ទាំងអស់គ្នា​ក្នុង​ការ​ធ្វើសកម្មភាព​មនុស្សធម៌​ផង​ ​និង​ទទួល​បានការ​បណ្តុះបណ្តាល​ដើម្បី​អភិវឌ្ឍ​ជីវិត​ ​និង​ផលិតភាព​ការងារ​សម្រាប់​ឆ្នាំ​ថ្មី​ផង​។​ ​ក្នុងនាម​យើង​ជា​ប្រជាជន​ខ្មែរ​ ​យើង​អាច​មានលទ្ធភាព​ក្នុង​ការ​ជួយគ្នា​ ​ជាពិសេស​ការ​ជួយ​ជីវិត​កុមារ​កម្ពុជា​ ​គ្រាន់តែ​យើង​មិនទាន់​មាន​ពេល​ជួបជុំ​ ​ឬមិន​អាច​ចូលរួម​តែម្នាក់ឯង​បាន​។​ ​ហេតុនេះ​យើង​អាចប​ង្កើត​កម្មវិធី​ជុំគ្នា​ដើម្បី​ប្រមូល​ថវិកា​បរិច្ចាគ​រួមគ្នា​សម្រាប់​ជួយ​កិច្ចការ​សង្គម​។​ ​

​លោក​ ​ប៉ិច​ ​បូ​ឡែន​ ​បាន​និយាយ​ថា​៖​ ​«​នៅ​ថ្ងៃនេះ​ ​យើង​បាន​រួមគ្នា​បរិច្ចាគ​ថវិកា​ដល់​មន្ទីរពេទ្យ​កុមារ​អង្គរ​។​ ​ថ្វីត្បិតតែ​ថវិកា​ប៉ុន្មាន​ពាន់​ដុល្លារ​នេះ​មិន​ច្រើន​ ​តែ​យើង​សង្ឃឹមថា​អាច​ចូលរួម​ចំណែក​ក្នុង​ការ​ជួយ​ដល់​ជីវិត​កុមារ​កម្ពុជា​មួយចំនួន​តាមរយៈ​សកម្មភាព​ដ៏​ល្អ​របស់​មន្ទីរពេទ្យ​»​។​ ​

​ស្ថាបនិក​ស្ថាប័ន​អប់រំ​ខាងលើ​បាន​លើកឡើង​ថា​ ​ថវិកា​ដែល​យើង​បាន​ចូលរួម​ចំណែក​បរិច្ចាគ​នៅ​ថ្ងៃនេះ​ ​បាន​មក​ពី​ការ​បង់ថ្លៃ​របស់​អ្នកចូលរួម​ក្នុង​សិក្ខាសាលា​ ​និង​អ្នកឧបត្ថម្ភ​មួយចំនួន​ផ្សេងទៀត​។​ ​កន្លងមក​យើង​ក៏បាន​រៀបចំ​កម្មវិធី​សប្បុរសធម៌​មួយចំនួន​ផង​ដែរ​ដើម្បី​ជំរុញ​ឱ្យ​មាន​សកម្មភាព​មនុស្សធម៌​ក្នុង​ផ្នែក​នានា​ដែល​កំពុង​ត្រូវការ​ជំនួយ​ឧបត្ថម្ភ​។​

​លោក​ ​នឹម​ ​ឈុ​ន្នី​ ​ស្ថាបនិក​ក្រុមហ៊ុន​ ​Vipassa​ ​និង​ជា​អ្នក​រៀបចំ​កម្មវិធី​រត់​ពី​ភ្នំពេញ​ទៅ​ខេត្តសៀមរាប​ដើម្បី​ប្រមូល​ថវិកា​ជួយ​មន្ទីរពេទ្យ​កុមារ​អង្គរបាន​លើកឡើង​ថា​ ​មន្ទីរពេទ្យ​កុមារ​អង្គរ​ជា​មន្ទីរពេទ្យ​ចិត្តធម៌​ ​និង​មាន​សេវាកម្ម​ល្អ​ដែល​ជួយ​ដល់​កុមារ​កម្ពុជា​ជាច្រើន​រូប​ដោយ​ឥតគិតថ្លៃ​។​ ​ហេតុនេះ​ហើយ​ទើប​លោក​ខិតខំ​ប្រឹងប្រែង​ប្រមូល​ថវិកា​ដើម្បី​ចូលរួម​ចំណែក​ជួយ​ដល់​ជីវិត​កុមារ​កម្ពុជា​តាមរយៈ​ការ​ព្យាបាល​របស់​មន្ទីរពេទ្យ​។​ ​លោក​ថាស​កម្ម​ភាព​នៃ​ការរៀបចំ​សិក្ខាសាលា​ ​និង​ការ​ជួយ​របស់​វេស​ឡាញ​ ​នៅ​ថ្ងៃនេះ​ជាសកម្ម​ភាព​ប្រកបដោយ​ភាព​សប្បុរស​ដ៏​ធំធេង​មួយ​ដែល​អាច​ជំរុញ​ឱ្យ​លោក​កាន់តែ​ខិតខំ​ ​និង​ធ្វើ​ឱ្យ​មន្ទីរពេទ្យ​ទទួល​បាន​ថវិកា​សម្រាប់​ដោះស្រាយ​បញ្ហា​ថវិកា​ប្រចាំឆ្នាំ​៕​
​

​យោង​តាម​ប្រភព​ពី​ប្រទេស​ឥណ្ឌូ​នេ​ស៊ី​ ​ក្លិប​លី​ក​កម្រិត2​ ​នៃ​ប្រទេស​មួយ​នេះ​ ​បាន​អញ្ជើញ​ក្លិប​នៅក្នុង​លី​ក​កំ​ពូល​ៗ​តាម​បណ្តា​ប្រទេស​នានា​ជាច្រើន​ក្នុង​តំបន់​អាស៊ាន​ ​រួមមាន​ ​ម៉ាឡេស៊ី​,​ ​កម្ពុជា​ ​និង​សិង្ហបុរី​ ​ដើម្បី​ចូលរួម​ប្រកួត​ក្នុង​ពានរង្វាន់​អន្តរជាតិ​មួយ​ដែល​មានឈ្មោះ​ថា​ ​2020​ ​PIALA​ ​GUBERNUR​ ​SUMIT​។​
​
​ក្រុមក្នុង​ក្របខ័ណ្ឌ​លី​ក​កម្រិត2​ ​របស់​ប្រទេស​ឥណ្ឌូ​នេ​ស៊ី​ ​ដែល​នឹង​ធ្វើជា​ម្ចាស់ផ្ទះ​គឺ​ ​PSMS​ ​MEDAN​ ​នឹង​ត្រូវ​ប្រកួត​ក្នុង​ពាន​អន្តរជាតិ​ខាងលើ​ជាមួយ​ក្រុម​មក​ពី​លី​ក​កំពូល​ម៉ាឡេស៊ី​ ​(​FELDA​ ​UNITED​)​ ​ក្រុម​មក​ពី​លី​ក​កំពូល​កម្ពុជា​ ​(​បឹង​កេត​)​ ​និង​ក្រុម​មក​ពី​លី​ក​កំពូល​សិង្ហបុរី​ ​(​GEYLANG​ ​UNITED​)​សរុប​ទាំងអស់​ ​4ក្រុម​។​
​
​ការប្រកួត​ដណ្ដើម​ពាន​មួយ​នេះ​នឹង​ប្រើ​រូបមន្ត​ ​ចាញ់​ធ្លាក់​ ​ដោយក្រុម​ដែល​ចាញ់​ត្រូវ​ប្រកួត​ដណ្តើម​លេខ3​ ​ក្រុម​ដែល​ឈ្នះ​ត្រូវ​ប្រកួត​ដណ្តើម​ពាន​ ​ខណៈ​ការប្រកួត​នឹង​ចាប់ផ្តើម​ពី​ថ្ងៃទី17​ ​ដល់19​ ​ខែមករា​ ​ឆ្នាំ2020​ ​ខាងមុខនេះ​ ​នៅ​ឯ​ប្រទេស​ឥណ្ឌូ​នេ​ស៊ី​៕​

​

​ក្រុមបាល់ទាត់​ជម្រើសជាតិ​កម្ពុជា​ ​ដែល​ត្រូវ​បាន​សហព័ន្ធ​កីឡាបាល់ទាត់​បង់​ក្លា​ដែស​ ​អញ្ជើញ​ចូលរួម​ការប្រកួត​ពានរង្វាន់​មិត្តភាព​អន្តរជាតិ​ ​(​ ​Bangabandhu​ ​Cup​ ​2020​ ​)​ ​នៅដើម​ឆ្នាំ2020​ ​ខាងមុខ​នោះ​ ​ពេលនេះ​មានការ​សម្រេច​ជា​ផ្លូវការ​ហើយ​ ​ដោយ​កម្ពុជា​នឹង​មិន​ចូលរួម​ឡើយ​។​ ​នេះ​បើ​តាម​ការ​បង្ហើប​ឲ្យដឹង​ដោយ​លោក​ ​Felix​ ​G.Dalmas​ ​គ្រូបង្វឹក​នៃ​ក្រុមជម្រើសជាតិ​កម្ពុជា​។​
​
​គួរ​រំឭក​ដែរ​ថា​ ​សហព័ន្ធ​កីឡាបាល់ទាត់​បង់​ក្លា​ដែស​ ​បាន​បង្កើត​ពាន​ ​Bangabandhu​ ​Cup​ ​ដែល​ជា​ពានរង្វាន់​អន្តរជាតិ​ក្រៅផ្លូវការ​មួយ​សម្រាប់​រំឭក​ដល់​ឯករាជ្យ​របស់​ប្រទេស​មួយ​នេះ​ ​ដោយមាន​គម្រោង​ធ្វើការ​ប្រកួត​រួម​ជាមួយនឹង​ប្រទេស​ចំនួន5​ ​ផ្សេងទៀត​ ​ដូចជា​ ​កៀស៊ី​ស្ថាន​ ​ម៉ុងហ្គោលី​ ​កម្ពុជា​ ​ឡាវ​ ​និង​ស្រីលង្កា​ ​ជាដើម​៕​

​
​