ផលិតករ និងជាអ្នកនិពន្ធល្បីឈ្មោះ ចាន់ណា រ៉ូណាន បានបង្ហាញសកម្មភាពឈ្លក់វង្វេងនឹងសម្រស់ដើមទ្រូងតារាសម្ដែងភេទទី៣ យ៉េយ៉េ ដល់ថ្នាក់បើកភ្នែកមិនរួចក្នុងពិធីសម្ពោធរឿង “កុំងាកក្រោយ” របស់ផលិតកម្ម កាឡាក់ស៊ីកាលពីពេលថ្មីៗកន្លងទៅនេះ។
សកម្មភាពសម្លឹងមើលដើមទ្រូងតារាសម្ដែងភេទទី៣ មិនដាក់ភ្នែកជាមួយអារម្មណ៍ពុះកញ្រ្ជោលស្ទើរទ្រាំ មិនចង់បាននេះដែរបានធ្វើឲ្យអ្នកចូលរួមកម្មវិធីនាំគ្នាលើកឡើងថា ខ្វះអីនារីស្អាតៗមានដើមទ្រូងទ្រលុកទ្រលន់ធំជាង យ៉េយ៉េ ហេតុអ្វីមិនទៅចាប់អារម្មណ៍ ឬ មកពីតារាកំប្លែងមាឌយក្សរូបនេះមានអ្វីពិសេស។ ភ្លាមៗនោះ ចាន់ណា រ៉ូណាន បានឆ្លើយថា អ្វីដែលលោក ថតជាមួយ យ៉េយ៉េ គ្រាន់ជាការលេងសើចឲ្យសប្បាយពេលជួបជុំគ្នាម្ដងៗក្នុងនាមជាអ្នកសិល្បៈដូចគ្នា គ្មានអ្វីលើសពីហ្នឹងឡើយ។ ដូច្នអលោក សុំចិត្តពុកម៉ែបងប្អូនកុំមានការយល់ច្រលំចំពោះរូបភាពទាំងអស់ហ្នឹងតទៅទៀត។
មួយវិញទៀតអំឡុងពេលនេះលោក និង យ៉េយ៉េ ស្រឡាញ់រាប់អានគ្នាដូចបងប្អូនជួយទុក្ខធុរៈគ្នាម្ដងម្កាលពេលអ្នកណាជួបរឿងមិនអ្វីមួយ៕
Category: សង្គម និងសេដ្ឋកិច្ច
ឈាមច្រមុះ!! ចាន់ណា រ៉ូណាន ក្នាញ់ដើមទ្រូង យ៉េយ៉េ ដល់ម្លឹង
គំនិតគួរពិចារណា!! តារាសិល្បៈគួរប្រយ័ត្នមុនចាប់កាន់ផលិតផលផ្សព្វផ្សាយគ្មានច្បាប់អនុញ្ញាតិ
ព័ត៌មានរសើបករណីការចុះឆែកឆេ ផលិតផលគ្រឿងសំអាង ម៉ាក NK ដែលមានតារាកំប្លែង អ្នកនាងខ្ញុង ជាអ្នកឡាយលក់តាមប្រព័ន្ធហ្វេសប៊ុក បានធ្វើឱ្យផ្អើលអស់មិត្តអ្នកសិល្បករ និងមហាជនជាច្រើននាក់ចាប់អារម្មណ៍និងមានទំនុកចិត្តចំពោះផលិតផល។ ក៏ប៉ុន្តែអ្វីដែលគួរឱ្យចាប់អារម្មណ៍យ៉ាងខ្លាំងនោះគឺថា ផលិតផល ដែលខាងសមត្ថកិច្ចកំពុងតែពិនិត្យ និងបានបង្ហើបថា មានច្រើនប្រភេទ ដែលមិនមានច្បាប់ត្រឹមត្រូវ និងឆ្លងកាត់ការត្រួតពិនិត្យរបស់ក្រសួងសុខាភិបាល ដូច្នេះហើយ ទាំងនេះជាការព្រួយបារម្ភមួយដែលគ្រប់គ្នា បានដឹងថា ក្នុងចំណោមផលិតផលជាច្រើនប្រភេទ មិនថា តែរបស់ក្រុមហ៊ុន NK តែមួយមុខនោះទេ គឺមានក្រុមហ៊ុនច្រើនទៀតដែលកំពុងតែចរាចរផលិតផលក្នុងស្រុក យ៉ាងគឃ្លើនដោយមិនខ្វាយខ្វល់ពីសុខភាពនិងផលប៉ះពាល់របស់ប្រជាពលរដ្ឋ។
តាមការសង្កេតគឺ ក្រុមអ្នកសិល្បៈ មួយចំនួន ដែលមិនមែនជាអ្នកលក់អនឡាញ ប៉ុន្តែជាការជួយគ្នា ដែលគេនិយមបំផុតគឺការផុស្ត តៗគ្នា និងកាន់ម៉ាកផលិតផល ដែលទាំងខ្លួនអ្នកកាន់ផ្ទាល់មិនបានដឹងថា ផលិតផលដែលខ្លួនកំពុងតែកាន់ថតផ្សព្វផ្សាយទាំងនោះ មានចុះបញ្ជី ឆ្លងកាត់ការត្រួតពិនិត្យត្រឹមត្រូវឬអត់។
និយាយរួម ក្នុងនាមយើងជាអ្នកសិល្បៈ ប្រសិនបើខ្លួនជាអ្នកតំណាងផលិតផលណាមួយនោះ ខ្លួនច្បាស់ជាចង់ដឹង និងបានប្រើប្រាស់សាកល្បងផលិតផល ដើម្បីអោយដឹងពីគុណភាពពិតប្រាកដរបស់ផលិតផលដែលខ្លួនកំពុងតែចុះកុងត្រាធ្វើការជាមួយ។ ប៉ុន្តែប្រសិន បើអ្នកខ្លួនមិនមែនជាអ្នកតំណាងផលិតផល គួរណាស់ផ្លាស់ប្តូរទម្លាប់ចាស់ ការថតរូបផ្សព្វផ្សាយផលិតផល ដែលគ្មានគុណភាព អាចធ្វើអោយប៉ះពាល់សុខភាពប្រជាជនទូទៅ ព្រោះថា ក្នុងនាមជាអ្នកសិល្បៈ ច្បាស់ណាស់ យើងជាមនុស្សរបស់មហាជន ដែលចាំបាច់ត្រូវទាមទារ នូវលក្ខខ័ណ្ឌមួយចំនួន ព្រោះថា មនុស្សរបស់មហាជន គប្បីផ្សព្វផ្សាយអ្វីដែលល្អ លក្ខណៈអប់រំ និង មានប្រយោជន៍ ជាសាធារណៈ នោះទើបគេអោយតំលៃ យ៉ាងពេញលេញទៅលើបុគ្គលសាធារណៈ៕
ភាពយន្ដ «គ្រូប៊ីអាយជី» អ្នកគាំទ្រលានមាត់ថា មិនស្ដាយលុយ ហើយបានបរិច្ចាគជូនគន្ធបុប្ផា
តាមការបង្ហាញរបស់ផលិតកម្ម2 Brother ស្នាដៃដំបូងរឿង«គ្រូ ប៊ី អាយ ជី» បានដាក់បញ្ចាំងជាផ្លូវការហើយ កាលពីថ្ងៃទី៩ មករា ឆ្នាំ២០២០ នៅតាមរោងកុននានា ក្នុងរាជធានីភ្នំពេញ។ ជាក់ស្តែង នារសៀលថ្ងៃទី១០ ខែមករា យុវវ័យមួយចំនួន បានមកទស្សនា ការបញ្ចាំងរឿង«គ្រូ ប៊ី អាយ ជី» មានបរិយាកាសអ៊ូរអរ ហើយម្នាក់ៗបង្ហាញអារម្មណ៍នៃសាច់រឿងតែម្តង។
ប្អូនប្រុស សុជាតិ ដែលមកទស្សនារឿងខាងលើ បានបង្ហាញនូវចំណាប់ អារម្មណ៍ថា « ខ្ញុំពេញចិត្តនៅពេល ដឹងថារឿងទី១ របស់ផលិតកម្ម ធូប្រាឌ័រ យក២០ភាគរយរក ជួយជនចាស់ជរា និងមន្ទីរពេទ្យគន្ឋបុប្ឋា។ សាច់រឿង ឃើញថាមិនចាញ់ រឿងខ្មែរមួយចំនួនឡើយ មានពញ្ញាក់ អារម្មណ៍ សើចកំប្លែង ពិសេស ជីវិតជាគ្រូ ដែលសម្តែងដោយ ប៊ី អាយ ជី។ » តាមរយៈស្នាដៃរឿងដំបូង យុវតីព្រំ កេសី បានចូលរួមទស្សនានិងក៏សូមអំពាវនាវដល់សិស្ស និស្សិតយុវវ័យ ទាំងឡាយ ទំនេរពីការសិក្សា អាចមកយកសំណើចពីរឿង«គ្រូប៊ី អាយ ជី» ដើម្បីប្លែកអារម្មណ៏។
ចំណែក កញ្ញា ម៉ីម៉ី មកពីសាកលវិទ្យាល័យ មួយបានថ្លែងដែរថា ពិតជាមានភាពកំប្លុកកំប្លែងច្រើន ពេលបានចូលទស្សនា។ អ្វីដែលសំខាន់ ការទិញសំបុត្រមួយពិតជាបានជួយ ដល់ការងារមនុស្សធម៌។ ប្អូនរំពឹងថា ស្នាដៃថ្មីរបស់ផលិតកម្មខាងលើ ពិតជាសម្រិតសម្រាំងបាននូវរឿងមានគុណភាព បន្តទៀត ដើម្បីបំបែកទីផ្សារអោយកាន់ តែមានគេស្គាល់ច្រើនឡើងៗ។ បើតាមលោក វង្ស ពិសិដ្ឋ អ្នកផលិតនិងដឹកនាំរឿង បានអោយដឹងថា រឿង«គ្រូ ប៊ី អាយ ជី» នឹងបន្តបញ្ចាំងតាមខេត្តក្រុង នានាដើម្បីបំពេញនូវការសំណូមពរពីអ្នកគាំទ្រ៕
ក្រោយលើកពានភាពយន្ដនៅប្រទេសចិន លោក អ៊ិន សុភិន ប្រកាសគម្រោងប្រកួតដណ្ដើមពានរង្វាន់ភាពយន្ដអូស្ការ
នៅថ្ងៃទី ៩ ខែមករា ឆ្នាំ ២០២០ លោក អ៊ិន សុភិន ម្ចាស់ផលិតកម្មមហាហង្ស ដែលទើបលើកពានក្នុងព្រឹត្តិការណ៍មហោស្រពភាពយន្តអន្តរជាតិអាស៊ីប៉ាស៊ីហ្វិក នៅម៉ាកាវ ប្រទេសចិន បានដឹកនាំក្រុមសិល្បករត្រឡប់មកកម្ពុជាវិញ។
ជួបជាមួយអ្នកសារព័ត៌មានលោកបានប្រកាសថា កនឹងយកភាពយន្តដែលខ្លួនសម្រិតសម្រាំងចូលប្រកួតក្នុងមហោភាពយន្តលើឆាកអន្តរជាតិធំទៀត។ លោកគម្រោងយករឿងល្អចូលមហោស្រពអន្តរជាតិធំមួយនៅចុងឆ្នាំនេះ និងគម្រោងផលិតភាពយន្តរឿង«ភ្នំដងរែក» ដែលជាការចាប់ដៃជាមួយផលិតករបរទេស ដើម្បីយកទៅប្រកួតនៅក្នុងមហោស្រពភាពយន្តអូស្ការនោះផង។
លោករំពឹងថាផលិតករបរទេស នឹងកាន់តែអោយតម្លៃភាពយន្តខ្មែរ ជាក់ស្ដែងដោយសារតែលោកឧស្សាហ៍នាំយកភាពយន្តរបស់ខ្លួន ទៅបង្ហាញនៅក្នុងមហោស្រពអន្តរជាតិនោះហើយ ទើបធ្វើឱ្យលោកទទួលបានឱកាសចាប់ដៃជាមួយផលិតករបរទេសជាបន្តបន្ទាប់ ដែលតាមគម្រោងគឺលោក និងផលិតរឿងមួយក្រោមចំណងជើងថា”ភ្នំដងរែក”ដើម្បីយកទៅប្រកួតក្នុងមហោស្រពភាពយន្តអន្តរជាតិអូស្ការក្នុងពេលខាងមុខ៕
រីករាយឆ្នាំថ្មី ជាមួយនឹងម៉ូដសម្លៀកបំពាក់ថ្មីៗពណ៌ស្រស់ស្រាយទាក់ភ្នែក
បន្ទាប់ពីរដូវរងាកន្លងផុតទៅ នៅក្នុងខែនេះគឺជាខែថ្មី សម្រាប់ឆ្នាំ2020 ដែលផ្តល់ឱ្យនារីៗទាំងអស់នូវអារម្មណ៍ថ្មីមួយទៀត ដើម្បីត្រៀមលេងស្តាយល៍សម្លៀកបំពាក់ថ្មី ស្វាគមន៍ឆ្នាំថ្មី ;ឆ្នាំ2020នេះម្តង។ តោះសូមនារីៗទាំងអស់ក្រឡេកមើលមួយជុំទៅមើល៎! ម៉ូដសម្លៀកបំពាក់ស្តាយល៍ថ្មី ពណ៌ស្រស់ឆើត ទាក់ភ្នែក ទាក់ចិត្តតែម្តង។ សូមធ្វើការជ្រើសរើសម៉ូដសម្លៀកបំពាក់សម័យថ្មី ដែលអ្នកស្រឡាញ់ពេញចិត្តណា៎!
រឿងសំខាន់ដែលអ្នកគួរដឹងមុនគិតចង់សេពគប់អ្នកណាម្នាក់យ៉ាងពិតប្រាកដ
សម័យនេះ ការទំនាក់ទំនងឆ្លើយឆ្លង ធ្វើឱ្យមនុស្សយើងអាចជជែកនិយាយគ្នាបានកាន់តែងាយស្រួលឡើង។ Application ស្វែងរកគូមានពេញទឹកពេញដី ធ្វើឱ្យកំលោះក្រមុំអាចណាត់ជួបគ្នាកាន់តែងាយឡើងដែរ តែភាពងាយនេះ ក៏មកព្រមជាមួយនឹងសម្ពន្ធភាពដែលមិនស្ថិតស្ថេរយូរអង្វែងដែរ ព្រោះម្នាក់ៗមិនបានពិនិត្យមើលអ្វីៗអំពីគ្នាយ៉ាងស៊ីជម្រៅឡើយ។ ការដែលអ្នកចង់សម្រេចចិត្តសេពគប់ជាមួយនរណាម្នាក់នោះ អំឡុងពេលដែលគេហៅថា “មើលចិត្តមើលថ្លើមគ្នា” សំខាន់ខ្លាំងណាស់ ព្រោះអ្នកនឹងបានឃើញពីភាពជាមនុស្សម្នាក់របស់នាង(ឬគេ) បានដឹងពីប្រវត្តិថា តើមនុស្សដែលអ្នកកំពុងមើលចិត្តមើលថ្លើមនោះ មានបទពិសោធជីវិតបែបណា ក្រុមគ្រួសារ និងបែបបទជីវិតរបស់គេអាចទៅជាមួយអ្នកបានឬទេ?ខាងក្រោមនេះ គឺរឿងដែលអ្នកត្រូវពិនិត្យមើលឱ្យច្បាស់លាស់ មុននឹងសម្រេចចិត្តយល់ព្រមជាមួយនរណាម្នាក់…។
1. តើគេ ឬនាង(ម្នាក់ហ្នឹង)មានគូជីវិតហើយឬនៅ?
នេះគឺជារឿងសំខាន់ មុននឹងសម្រេចចិត្តយល់ព្រមជាមួយនរណាម្នាក់យ៉ាងពិតប្រាកដ។ នេះគឺជារឿងសំខាន់មុនគេ ដែលអ្នកគួរសួរគេ ឬនាងយ៉ាងត្រង់ៗ ដើម្បីឱ្យបានច្បាស់លាស់ទាំងពីរនាក់ ព្រោះសព្វថ្ងៃនេះ មនុស្សដែលមានគូហើយ តែចូលចិត្តធ្វើខ្លួនដូចនៅលីវ និងដើរតែទំនាក់ទំនងជាមួយអ្នកឯទៀតបែបឱ្យក្ដីសង្ឃឹមទៅគេនោះ មានច្រើនណាស់។ តែប្រការសំខាន់ វាស្ថិតនៅលើអ្នកខ្លួនឯង បើបានទទួលចម្លើយយ៉ាងត្រង់ទៅត្រង់មកហើយថា គេ ឬនាងមានគូហើយនោះ គឺរូបអ្នកខ្លួនឯងហ្នឹងហើយដែលជាអ្នកសម្រេចចិត្តថា តើនឹងបញ្ចប់ ឬបន្តទៅទៀត?2. តើគេ ឬនាងម្នាក់ហ្នឹង នៅលីវយូរប៉ុនណាហើយ?
រឿងសំខាន់ទី2 ដែលអ្នកគួរត្រូវដឹងបន្ទាប់ពីបានដឹងហើយថា រូបគេ ឬនាងម្នាក់នោះពិតជានៅលីវមែននោះគឺ រយៈពេលដែលគេ ឬនាងម្នាក់នោះគ្រងស្ថានភាពនៅលីវនោះយូរប៉ុនណាហើយ? រឹតតែមនុស្សដែលទើបតែលែងលះគ្នាមិនទាន់ដល់ 2ឆ្នាំផងនោះ ចូរកុំអាលសេពគប់ ឬមានទំនាក់ទំនងអីជិតស្និទ្ធពេក ព្រោះសម្ពន្ធភាពរវាងមនុស្ស 2នាក់ដែលមានមកយូរហើយនោះ ធ្វើឱ្យចិត្តគេនៅមិនទាន់ត្រៀមជាស្រេចសម្រាប់រូបអ្នកប៉ុន្មានទេ។ឬអ្នកខ្លះដែលនៅលីវ និងលែងលះជាមួយអ្នកចាស់មកបានរយៈពេលយូរជាង2ឆ្នាំហើយក៏ដោយ ក៏នៅតែគួរឱ្យបារម្ភដែរ ព្រោះទាំងអស់នោះអាចមានន័យពីអារម្មណ៍ខាងក្នុងចិត្តរបស់មនុស្សម្នាក់នោះដែលនៅតែមិនអាចកាត់ដាច់ពីអ្នកចាស់បាន ហើយដោយសម្ពន្ធភាពនោះ នឹងធ្វើឱ្យស្នេហាថ្មីរបស់អ្នក មិនគង់វង្ស។
3. តើគេ ឬនាងម្នាក់ហ្នឹងមានការងារធ្វើឬអត់?
សំណួរ1នេះសម្រាប់សង្គមជនបរទេស ជាពិសេសនៅសហរដ្ឋអាមេរិក គេរាប់ថាជារឿងប្រក្រតីធម្មតាសម្រាប់អ្នកដែលត្រូវចិត្តគ្នាដំបូង ដែលនឹងសួរគ្នាថា តើអ្នកធ្វើការអីដែរ? តែសំណួរដែលសំខាន់បំផុតនោះគឺ “តើអ្នកមានការងារធ្វើ ឬក៏កំពុងទាត់ខ្យល់?”។សំណួរនេះ រាប់ថាសំខាន់ណាស់សម្រាប់ការសម្រេចចិត្តរបស់អ្នកថា តើនឹងសេពគប់បន្តឬយ៉ាងណា? ព្រោះការមានការងារធ្វើ មានន័យពីការអាចចិញ្ចឹមជីវិតបានដោយខ្លួនឯង និងគ្មានបញ្ហារឿងហិរញ្ញវត្ថុ។ បើសេពគប់គ្នាហើយ គូស្នេហ៍របស់អ្នកគ្មានការងារធ្វើ សម្ពន្ធភាពស្នេហ៍នឹងមិនសូវជាគង់វង្សប៉ុន្មានឡើយ ព្រោះគូស្នេហ៍របស់អ្នកនឹងត្រូវនៅចាំតែពឹងពាក់លើរូបអ្នកជាប់រហូតមិនខាន។4. តើគេ ឬនាង(ម្នាក់ហ្នឹង)ចូលចុះជាមួយក្រុមគ្រួសារបានល្អទេ?
នេះក៏ជារឿងសំខាន់ដែលអ្នកត្រូវដឹងដូចគ្នា ព្រោះថា ក្រុមគ្រួសារគឺការសាងសម្ពន្ធភាពដំបូងរបស់ជីវិតមនុស្ស។ ទង្វើ ឬទស្សនគតិដែលគេ ឬនាងមានចំពោះក្រុមគ្រួសារនេះ សំខាន់ណាស់ ហើយនឹងបង្ហាញឱ្យដឹងថា គេ ឬនាងនឹងប្រតិបត្តិចំពោះរូបអ្នកយ៉ាងណា?ខ្លាំងជាងអ្វីទាំងអស់…បើអ្នកបានជជែកជាមួយគេ(ឬនាង)ពីរឿងក្រុមគ្រួសារ នោះអ្នកនឹងបានដឹងតែម្ដងថា តើគេ(ឬនាង)ម្នាក់នោះនឹងមានចរិតនិស្ស័យបែបណា? បើគេ ឬនាងនិយាយអំពីក្រុមគ្រួសារក្នុងសម្ពន្ធភាពដែលល្អ និងក្រុមគ្រួសារគឺជាមនុស្សសំខាន់ដែលរុញច្រានឱ្យអ្នក និងគេ(ឬនាង)មានថ្ងៃនេះ នោះបង្ហាញឱ្យដឹងថា នាង ឬគេម្នាក់នោះគឺជាមនុស្សដែលមានមូលដ្ឋានអារម្មណ៍ល្អ។ តែបើគេ(ឬនាង)និយាយអំពីក្រុមគ្រួសារក្នុងលក្ខណៈដែលស្ថិតនៅឆ្ងាយពីគ្នា មិនមានអារម្មណ៍ពាក់ព័ន្ធស៊ីជម្រៅជាមួយក្រុមគ្រួសារ…បើជាបែបហ្នឹង ក៏រាងដូចជាពិបាកក្នុងការចូលទៅដល់ចរិតពិតរបស់គេ(ឬនាង)ម្នាក់នោះបានណាស់។5. តើគេ ឬនាងម្នាក់ហ្នឹង មានកូនហើយឬនៅ?
សំណួរនេះ បើបានចម្លើយថា មានហើយ នោះមានន័យថា នាង ឬគេម្នាក់ហ្នឹងមិនអាចឱ្យអ្នកក្លាយជាមនុស្សសំខាន់ទី1 បានទេ ព្រោះកូនរបស់គេ ឬនាង គឺជាមនុស្សសំខាន់ទី1 ហើយបើជាបែបហ្នឹង ការភ្ជាប់សម្ពន្ធភាពរវាងអ្នកជាមួយនាង ឬគេម្នាក់ហ្នឹង អាចនឹងមានបញ្ហាបាននាពេលអនាគត… តែបើអ្នកសម្រេចចិត្តហើយថា នឹងសេពគប់ និងដឹងពីរឿងនេះច្បាស់ហើយ ក៏ត្រូវតែទទួលយកនូវអ្វីដែលនឹងកើតឡើងឱ្យបានផងដែរ៕
រដូវកាល2020 ច្រឹង ពលរដ្ឋ ក៏ផ្លាស់ទៅកាន់វិសាខាដែរ
ទីបំផុតខ្សែបម្រើ ច្រឹង ពលរដ្ឋ បានផ្ទេរចូលក្លិបវិសាខាជាផ្លូវការហើយ បន្ទាប់ពីត្រូវបានក្លិបចាស់ក្រសួងការពារជាតិ(ទ័ព) ប្រកាសអំពីការចាកចេញកាលពីពេលថ្មីៗ។
អតីតកីឡាកររបស់ក្លិបក្រសួងការពារជាតិរូបនេះ នឹងពាក់លេខ24 នៅក្នុងក្រុមវិសាខា សម្រាប់ការប្រកួតលីកកំពូលកម្ពុជា រដូវកាល2020 និងពានរង្វាន់សម្តេច HUN SEN CUP 2020។
គួរឱ្យដឹងថា ច្រឹង ពលរដ្ឋ បានចាប់ផ្ដើមអាជីពបាល់ទាត់ តាំងពីឆ្នាំ2008 ប៉ុន្ដែខ្សែបម្រើរូបនេះ បានសាងកេរ្ដិ៍ឈ្មោះក្នុងអាជីពលើវាលស្មៅនេះខ្លាំង គឺក្នុងឆ្នាំ2016 និងឆ្នាំ2017 បន្ទាប់ពីបានបង្ហាញទម្រង់លេងយ៉ាងល្អជាមួយក្លិបរបស់នៅពេលនោះ និងក្នុងក្រុមជម្រើសជាតិ។
តែគួរឱ្យស្ដាយ ឆ្នាំ2018 គេបានរងរបួសដាច់សរសៃជង្គង់ជើងស្ដាំ ដែលធ្វើឱ្យគេខកខានបង្ហាញខ្លួនលើទីលានជាង 1រដូវកាល ពោលគឺទើបអាចចូលលេងបានវិញ នៅចុងរដូវកាលឆ្នាំ2019 មុននឹងផ្ទេរមកក្លិបវិសាខានេះ៕
ល្ងាចនេះ ភ្នំពេញក្រោនត្រូវតតាំងជាមួយនឹងអង្គរថាយហ្គើរ ក្នុងពានរង្វាន់ Pre-Season Cup
ក្លិបបាល់ទាត់ភ្នំពេញក្រោន បានបង្កើតនូវពានរង្វាន់ Smart RSN Cup 2020 ដើម្បីរឹតចំណងមិត្តភាព (ជាមួយក្លិបអង្គរថាយហ្គឺរ ) និងក្លិបលីកកំពូលម៉ាឡេស៊ី (ជាមួយ Kedah FA ) និងក៏ដូចជាដើម្បីត្រៀមខ្លួនសម្រាប់រដូវកាលថ្មីនៃលីកកំពូលកម្ពុជាដែរ។
ក្រុមចូលរួមចំនួន3 មានដូចជា៖ ភ្នំពេញក្រោន(ម្ចាស់ផ្ទះ) និងក្លិបអង្គរថាយហ្គឺររបស់លីកកំពូលកម្ពុជា និងក្រុមដែលកំពុងមកកម្ពុជាក្នុងដំណើរប្រកួតអន្តរជាតិក្រៅប្រទេស(Pre Season) គឺក្លិប Kedah FA របស់លីកកំពូលប្រទេសម៉ាឡេស៊ី។
សម្រាប់ពានរង្វាន់នេះ នឹងមាន 3ប្រកួត និងធ្វើឡើងនៅកីឡដ្ឋាន Smart RSN ពីថ្ងៃទី10 ដល់ថ្ងៃទី14 ខែមករា ឆ្នាំ2020។ សំបុត្រចូលរួមទស្សនាមានតម្លៃ 2ពាន់រៀល ខណៈដែលចំណូលដែលបានពីការលក់សំបុត្រ ក្លិបបាល់ទាត់ភ្នំពេញក្រោននឹងធ្វើការបរិច្ចាគទៅកាន់ការងារមនុស្សធម៌៕
មកស្គាល់អ្នកកីឡា 3រូប ដែលរកលុយបានច្រើនជាងគេបង្អស់ប្រចាំឆ្នាំ
ទស្សនាវដ្តីបារាំងមួយ “La Francaise” ទើបតែបញ្ចេញបញ្ជីឈ្មោះអត្តពលិកទាំង 10រូបដែលរកចំណូលបានច្រើនជាងគេប្រចាំឆ្នាំ២០២០នេះ។
ក្នុងនោះអ្នកប្រដាល់ហ្វីលីពីន Many Pacquiao បានស្ថិតនៅលេខ2 នៃបញ្ជីឈ្មោះខាងលើនេះ។ ស្របពេលដែលកីឡាករបាល់ទាត់ Neymar ស្ថិតនៅលើចំណាត់ថ្នាក់លេខ1 ខណៈដែលអ្នកប្រណាំងឡាន Lewis Hamilton នៅលេខ3។
3-Lewis Hamilton កីឡាករប្រណាំងរថយន្ត Formula One ចំណូល៖ 293លានផោន
2-Manny Pacquiao កីឡាករប្រដាល់ ចំណូល៖ 298លានផោន
1-Neymar កីឡាករបាល់ទាត់ ចំណូល៖ 306លានផោន
ឆ្នាំថ្មី!! ខួបកំណើតកូនស្រី លី ច័ន្ទសីហា កាដូរផ្ទះមួយល្វែងជាង ១០ ម៉ឺនដុល្លារ
នៅយប់ថ្ងៃទី 9 ខែមករា ឆ្នាំ 2020 នេះ តារាសម្ដែងទឹកភ្នែកស្រី លី ច័ន្ទសីហា បានធ្វើពិធីខួបកំណើតគម្រប់២ឆ្នាំ ឱ្យកូនស្រីដែលមានមុខមាត់ឃ្យូត ។ បើទោះជាកម្មវិធីពុំសូវជាធំដុំក៏ពិតមែន ប៉ុន្តែសង្កេតឃើញមានការចូលរួមពីសំណាក់តារាសិល្បៈ និង ផលិតករផលិតកម្មវិធីល្បីៗមកចូលរួមជាកិត្តិយសផងដែរ។
បើទោះជាកម្មវិធីធ្វើឡើងដោយគ្មានការគ្រោងទុកក៏ពិតមែនក្ដី ប៉ុន្តែអ្នកម្ដាយវ័យ្មេង លី ច័ន្ទសីហា បានអញ្ជើញតារាសិល្បៈប្រុសស្រី ផលិតករល្បីៗស្ទើរតែជាង១០តុ បូករួមទាំងសមាជិកគ្រួសារផងដែរ។ នេះជាលើកទីពីរហើយដែលតារារូបនេះបានជប់លៀងធ្វើពិធីខួបកំណើតឱ្យកូនស្រីឈ្មោះ គម្រប់អាយុ២ឆ្នាំ។
ពេលវេលាមើលទៅប្រថុចញ៉ុចពេក នៅក្នុងរៀបចំធ្វើពិធីនាងក៏ពុំទាន់បានប្រគល់កាដូរអ្វីជាអនុស្សាវរីយ៍ដល់កូនស្រីភ្លាមៗនោះទេ។ ប៉ុន្តែអ្វីដែលគួរឱ្យភ្ញាក់ផ្អើលនោះនាងបាន បង្ហើបពីការដូរផ្គាប់ចិត្តដល់កូនស្រីដែលមានវ័យក្មេងខ្ចីនៅឡើយនោះគឺ ផ្ទះមួយល្វែង ដែលមានតម្លៃដល់ទៅ ១៨ម៉ឺនដុល្លា ដែលកំពុងតែធ្វើការសាងសាងសង់នឹងរួចរាល់រួចរាល់ជាស្ថាបពរនៅឆ្នាំក្រោយ ក្នុងបុរីប៉េងហ៊ួត ហើយនាងក៏ត្រៀមនឹងធ្វើពិធីធំដុំសារជាថ្មីផងដែរ។ យ៉ាងណាមិញ នៅក្នុងថ្ងៃពិសេសរបស់កូនស្រី នាងក៏បានបង្ហោះសារផ្ដាំផ្ញើរ និង ជូនពរជាច្រើនដល់កូនស្រី សូមឱ្យមានសុខភាពល្អ ក្លាយជាមនុស្សជាទីស្រឡាញ់ឱ្យ មានសំណាង ជួបតែរឿងល្អក្នុងជីវិត ពិសេសមានមានអនាគតមួយដ៏ល្អប្រសើរ៕
