Category: សង្គម និងសេដ្ឋកិច្ច

ការប្រកួតវគ្គជម្រុះ ជុំចុងក្រោយពានរង្វាន់ AFC Champion League រវាងក្រុមបាល់ទាត់ Shanghai SIPG និង Buriram United បានប្រាព្ធធ្វើឡើងនៅកីឡដ្ឋានទីក្រុងស៊ាងហៃ តែមិនមានអ្នកគាំទ្រចូលរួមទស្សនាឡើយ។

មូលហេតុដែល សហព័ន្ធកីឡាបាល់ទាត់ទ្វីបអាស៊ី AFC សម្រេចមិនអនុញ្ញាតិឱ្យអ្នកគាំទ្រចូលទស្សនា គឺដោយសារតែមានការរាតត្បាតរបស់មេរោគវីរុសប្រភេទថ្មី Corona នៅក្នុងទីក្រុងស៊ាងហៃនេះដែរ។

ជាលទ្ធផល ក្រុមម្ចាស់ផ្ទះ បានយកឈ្នះក្រុម Buriram United ដោយលទ្ធផល 3 ទល់នឹង0 ទទួលបានកៅអីចូលរួមពូល H នៃពានរង្វាន់ក្រុមធំជាងគេបង្អស់ប្រចាំទ្វីបអាស៊ី AFC Champion League ជាមួយនឹងក្រុម Sydney FC (អូស្រ្តាលី), Yokohama FC (ជប៉ុន), Jeonbuk Hyundai Motors (កូរ៉េខាងត្បូង)៕

កាលពីយប់ថ្ងៃច័ន្ទ ទី27 ខែមករា ឆ្នាំ2020 កន្លងទៅ កីឡាករ Neymar របស់ក្លិប Paris Saint Germaint បានស៊ុតបញ្ចូលទីចំនួន 2គ្រាប់ឱ្យក្រុមរបស់ខ្លួន។

1គ្រាប់ដំបូង កីឡាករសញ្ជាតិប្រេស៊ីលខាងលើបានធ្វើកាយវិការ ជាលេខ24ដែលជាលេខអាវរបស់អតីតកីឡាករបាល់បោះដែលជោគជ័យបំផុតរបស់អាមេរិក Kobe Bryant ដែលទើបតែស្លាប់ជាមួយកូនស្រី ក្នុងការឧប្បត្តិហេតុធ្លាក់ឧទ្ធម្ភាគចក្រកាលពីប៉ុន្មានថ្ងៃមុន។

គួរបញ្ជាក់ផងដែរថា Neymar បាន​ស៊ុត​បញ្ចូល​ទីដល់ទៅ​ 2គ្រាប់​ឱ្យ Paris St-Germain យក​ឈ្នះ Lille 2ទល់​នឹង​0 ក្នុងការប្រកួតដណ្ដើមជើងឯកលីកកំពូល​បារាំង​ French League 1៕

អតីតតារាកំប្លែងស្រីល្បីឈ្មោះ សំ ប៉ូលីដា ត្រូវបានគេដឹងថាធ្លាក់ខ្លួនមានជំងឺប្រចាំកាយ អាការដុនដាបធ្លាក់ក្នុងសភាពរយីរយាកត្អូញអត់ត្អូនលំបាកដាច់លុយ១ខែរួចមកហើយ ព្រោះជម្ងឺប៉ុន្មានមុខ មកផ្តាច់យកទៅសម្រាកព្យាបាល ប្រើប្រាស់ខ្ទង់ចំណាយច្រើនពេក។

អ្នកនាងសំ ប៉ូលីដា បានប្រាប់អ្នកសារព័ត៌មានថា បើទោះបីជាកន្លងមកមានអ្នករិះគន់អ្នកនាងច្រើន ក៏អ្នកនាងមិនខឹងអ្នកយល់ឃើញថានាងលាក់ពត់ ធ្វើជាឈឺនោះទេ។ ប៉ុន្តែសភាពពិតអំឡុងពេលនេះសេដ្ឋកិច្ចរស់នៅប្រចាំថ្ងៃរបស់អ្នកនាង ចង់រលត់ដូចចង្កៀងជិតអស់ប្រេងបាត់ទៅហើយ។រាល់ថ្ងៃនាងបានការអាណិត អាសូរពីថៅកែហៀហ្គាដិនជ្រោយចង្វាមួយ បានអាសូរ ផ្តល់ទីកន្លែងឱ្យច្រៀង ចិញ្ចឹមកូន រូបនាងនិងម្តាយចាស់ ប្រមាណមួយឆ្នាំហើយ។

ជាក់ស្តែង១ខែកន្លងទៅនេះ អ្នកនាងឈឺធ្ងន់ដល់ថ្នាក់សម្រាកពេទ្យដោយជំងឺបេះដូង មេរោគក្នុងថ្លើមនិងជំងឺមួយចំនួនទៀត។ រយៈពេល១ខែអាក់ខានឡើង ច្រៀងពេលខ្លះធូរបន្តិចក៏ស្ទុះទៅច្រៀង បានតែ១បទឬ២បទក៏ត្រជាកដៃជើង បេះដូងធ្វើទុក្ខដឹកមកពេទ្យក៏មាន។ អ្នកនាងមិនចង់អត់កន្លែងច្រៀងទេ ព្រោះទីតាំងហាងខាងលើនេះ ហើយដែលអោយតម្លៃអ្នកនាងបានការងារធ្វើ។ ម្ល៉ោះហើយទើបខ្លាចចិត្តថៅកែបើទោះជាគាត់ ឱ្យសម្រាកមើលខ្លួនឱ្យជា និងជួយផ្តល់ថវិកាថ្លៃព្យាបាលក៏អ្នកនាងនៅតែឆ្លៀតមកច្រៀង។

អ្នកនាងថា ការធ្លាក់ខ្លួនក្រជាបទពិសោធន៏មួយដែលស្តាយបំផុតក្នុងឆាកជីវិត ។ ពេលអំឡុងល្បីឈ្មោះលេងកំប្លែងគឺរកលុយបាន គិតតែពីហុឺហារ ដើរចាយវាយលុយកាក់ផឹកសុីភ្លើតភ្លើន មិនចេះទិញដីធ្លីទុក ដល់ពេលធ្លាក់ខ្លួនទើបដឹង។ ទាំងនេះជាបទពិសោធន៏តារាជំនាន់ក្រោយរកបាន កុំដើរខ្ជះខ្ជាយសន្សំលុយទុកដាក់ឱ្យល្អ។ សព្វថ្ងៃនេះលក់ទ្រព្យអស់ពីខ្លួន មើលជំងឺ ហើយស្ថានភាពជំងឺក៏ល្អមកវិញ ។

កុំចិញ្ចឹមកូនតាមអ្នកដទៃ ព្រោះការចិញ្ចឹមកូន មិនអាចធ្វើតាមគ្នាបានទេ មិនថាទ្រឹស្តីណា ឬការចិញ្ចឹមកូនបែបណាដែលគេនាំគ្នានិយាយ ឬចែករំលែកតគ្នាថា វាល្អ វាប្រពៃផុតកំពូលក៏ដោយ តែសម្រាប់ Lifestyle របស់លោកឪពុកអ្នកម្ដាយ បើវាត្រឹមត្រូវ ក៏គឺត្រឹមត្រូវ តែបើវាមិនត្រូវនឹងយើង យ៉ាងណាក៏នៅតែមិនត្រូវនឹងយើងដែរ…។

កូនរបស់អ្នកណា កូនរបស់អ្នកហ្នឹង
តើអ្នកម្ដាយទាំងឡាយធ្លាប់ទេ ជាពិសេសអ្នកម្ដាយថ្មោងថ្មី ដែលអានអត្ថបទពីគ្រូពេទ្យ ពីគ្រូពេទ្យចិត្តសាស្ត្រ ពីឪពុកម្ដាយដែលសរសេរពីអត្ថបទចិញ្ចឹមកូន ដែលគេថាធ្វើយ៉ាងនេះ វាល្អយ៉ាងនោះ ចិញ្ចឹមបែបនេះ បានកូនឆ្លាត និងទទួលបានជោគជ័យ ឬត្រូវចិញ្ចឹមកូនបែបនេះ ទើបកូនធំឡើងក្លាយជាអ្នកមានជាដើម -ល- និង-ល-។ តែការពិតទៅ ការចិញ្ចឹមកូនបែបនេះ ឬបែបនោះ វាមិនស័ក្តិសមជាមួយក្មេងគ្រប់រូបនោះទេព្រោះក្មេងម្នាក់ៗមានភាពខុសប្លែកពីគ្នា មានភាពជាខ្លួនឯងមិនដូចគ្នា មិនអាចធ្វើតាមគ្នាបានទេ តឱ្យជាកូនភ្លោះនឹងគ្នា ដែលទោះជាយើងធ្លាប់ឃើញពួកគេស្លៀកខោអាវដូចគ្នាក៏ដោយ តែការពិតទៅ កូនរបស់យើងអាចនឹងមិនចង់ដូចអ្នកណា ក៏អាចថាបានដែរ មែនទេអ្នកម្ដាយទាំងឡាយ?
ព្រោះវាគ្មានអ្វីមកធានាបានថា បើយើងបង្ហាត់បង្រៀនកូនរបស់យើង ដោយយកវិធីរបស់អ្នកដទៃមកប្រើ នឹងទទួលបានជោគជ័យដូចគេនោះឡើយ ព្រោះវាមានបច្ច័យជុំវិញខ្លួនផ្សេងៗដែលចូលមកធ្វើជាអ្នកជំរុញ និងប្រាកដណាស់! យ៉ាងហោចណាស់ក៏ចរិតនិស្ស័យរបស់កូនយើង និងកូនគេ មិនបានដូចគ្នាគ្រប់ប្រការដែរ។

កុំចិញ្ចឹមកូនតាមបែបអ្នកដទៃ ត្រូវចិញ្ចឹមកូនយើង ឱ្យក្លាយជាកូនយើង
ក្មេងៗនឹងធំធាត់ឡើង ក្លាយជាមនុស្សដែលជឿជាក់លើខ្លួនឯង បើឪពុកម្ដាយទទួលស្គាល់លើភាពជាខ្លួនឯងរបស់កូន។ ទិដ្ឋភាពពិតរបស់ក្មេងនឹងបង្ហាញច្បាស់ឡើង នឹងរឹងមាំឡើង គឺនៅពេលដែលឪពុកម្ដាយមានចន្លោះឱកាសឱ្យកូនបានបង្ហាញពីភាពជាខ្លួនឯងរបស់កូនបានយ៉ាងពេញទំហឹង ទោះជារឿងទាំងអស់នោះ អាចនឹងមើលទៅថាដូចជាត្រូវប្រើចិត្តវិញ្ញាណខ្ពស់ក៏ដោយ។ ដូច្នេះបើឪពុកម្ដាយ មិនមែនជាគ្រូពេទ្យចិត្តសាស្ត្រ តើអាចធ្វើបានទេ? ចម្លើយគឺ ប្រាកដណាស់ ពិតជាបាន! តែអាចនឹងពិបាកវេទនាខ្លះ ដោយសារតែឪពុកម្ដាយ ក៏ទើបតែក្លាយជាឪពុកម្ដាយ នៅពេលកូនកើតឡើងហ្នឹងឯង… មិនថាអ៊ីចឹងហ្អេ៎?

ការប្រៀបធៀប មិនដែលជារឿងល្អឡើយ
ជាពិសេសបំផុត ការប្រៀបធៀបកូនខ្លួនឯងជាមួយក្មេងឯទៀត ឬការប្រៀបធៀបកូន ជាមួយខ្លួនយើង។ ប្រាកដណាស់ថា ការប្រៀបធៀប វានឹងល្អ ក៏នៅពេលណាដែលយើងប្រៀបធៀបពីតម្លៃនៃរបស់របរមួយៗ តែមិនមែនជាមួយវត្ថុមានជីវិត មានចិត្តគំនិត ដូចជាមនុស្សនោះទេ ជាពិសេសមនុស្សនោះ គឺជាកូនរបស់យើង។ ឪពុកម្ដាយ គឺពិភពលោកទាំងមូលរបស់កូន គឺជាអ្វីៗគ្រប់យ៉ាងរបស់កូន ត្រឹមតែពាក្យសម្ដីដែលឪពុកម្ដាយអាចនឹងគិតមិនទាន់ ក៏អាចនឹងធ្វើឱ្យក្លាយជាចំណុចខ្សោយមួយរបស់កូនរហូតដល់កូនធំ។

កុំចិញ្ចឹមកូនតាមបែបអ្នកដទៃ កូនមិនមែន
ជាខ្លួនយើង យើងមិនមែនជាខ្លួនកូនតើធ្លាប់ដែរទេ ដែលគិតថា កូនយើងល្ងង់ ស៊ូក្មេងដទៃមិនបាន ឬកូនយើងច្បាស់ជាមានអ្វីខុសប្រក្រតី? រៀនក៏ដូចអ្នកឯទៀត នាំទៅរៀនកួរពិសេស ក៏ច្រើនជាងក្មេងឯទៀត តែកូនយើងនៅតែមានលទ្ធផលការរៀនទាបជាងមិត្តភក្តិក្នុងថ្នាក់។​
ការប្រៀបធៀបកូនជាមួយក្មេងដទៃ ឪពុកម្ដាយខ្លះមិនបានធ្វើទេ តែធ្វើដោយមិនដឹងខ្លួនជាមួយការប្រៀបធៀបខ្លួនឯងជាមួយកូន។ ធ្វើអារឿងដែលឪពុកម្ដាយយើងធ្លាប់ធ្វើជាមួយយើង គិតអ្វីៗជំនួសកូនទាំងអស់ សង្ឃឹមលទ្ធផលខ្ពស់ដូចដែលយើងធ្លាប់ជួបមក។ សួរថា តើកូនយើង ដូចខ្លួនយើង 100ភាគរយឬយ៉ាងណា? បើមិនដូចទេ ហេតុអីបានគិតថាវិធីនោះនឹងទទួលបានលទ្ធផលល្អ?

តើត្រូវចិញ្ចឹមកូនយ៉ាងម៉េច? និងតាមវិធីណាល្អ?
ដែលរៀបរាប់មកទាំងអស់នោះ មិនមែនឱ្យឪពុកម្ដាយឈប់ធ្វើតាមពាក្យណែនាំរបស់អ្នកដទៃនោះទេ តែវា គឺការស្គាល់កូនខ្លួនឯងឱ្យច្បាស់បំផុត… ត្រូវហើយ! ព្រោះលោកអ្នកគឺ ឪពុកម្ដាយរបស់គេ ដូច្នេះចូរសាកល្បងយកពាក្យណែនាំទាំងនោះមកសាកល្បងធ្វើតាម វិធីណាមិនបានលទ្ធផល ក៏ប្ដូរវិធីថ្មី កុំប្រកាន់ខ្ជាប់តែលើវិធីតែមួយ។ វិធីណាបានផលល្អ ក៏អាចនឹងប្រកាន់យកវិធីនោះធ្វើជាគំរូបែប ហើយកែសម្រួលឱ្យស័ក្តិសមជាមួយកូនរបស់យើង។​
ទ្រឹស្ដីនៅលើពិភពលោកនេះមានច្រើនណាស់ តាមអ្នកចិត្តវិទ្យា តាមឪពុកម្ដាយដែលមានកូនរាប់សិបនាក់ តាមគ្រូអ្នកជំនាញ ឬតាមអ្នកជំនាញការ អាចនឹងទៅរួចដូចគ្នាដែលគ្រប់ទ្រឹស្ដីទាំងនោះមិនទទួលបានលទ្ធផលល្អជាមួយកូនយើងសោះឡើយ ដូច្នេះតើវានឹងលំបាកប៉ុនណាទៅ បើសិនកូនជាមនុស្សដំបូងដែលនឹងសាកល្បងទ្រឹស្ដីថ្មីដែលឪពុកម្ដាយគិតឃើញឡើងដោយខ្លួនឯង? វាមិនមានអ្វីខុសឡើយក្នុងការទទួលបានផល ព្រោះកូនយើងមានតែមួយគត់ក្នុងលោកនេះ ដែលមានមុខមាត់អ៊ីចឹង ចរិតនិស្ស័យអុីចឹង រពឹសខ្លាំងបែបហ្នឹង គួរឱ្យស្រឡាញ់បែបហ្នឹង គួរឱ្យចង់ខោកក៏មាន គួរឱ្យរំភើបចិត្តខ្លាំងក៏ច្រើន។ល។

-​ ចិញ្ចឹមកូនឱ្យក្លាយជាក្មេងដែលជះពន្លឺចេញពីខាងក្នុងមកខាងក្រៅ
– ចិញ្ចឹមកូនដោយគោរពក្នុងភាពជាកូនរបស់យើង
– ចិញ្ចឹមកូនដោយវិធីដែលស័ក្តិសមបំផុតជាមួយរូបគេ
– កុំទៅខ្វល់សំឡេងអ្នកដទៃ ដរាបណាដែលយើងមិនបានសាងភាពមួម៉ៅក្ដៅក្រហាយចំពោះអ្នកណា
– ចូរចិញ្ចឹមកូនតាមបែបកូនជាកូនរបស់យើងឱ្យបានខ្លាំងបំផុត៕

ការប្រកួតជម្រុះពានរង្វាន់ AFC CUP ឆ្នាំ 2020 ជើងទី2 រវាងក្រុម Master7 FC របស់ឡាវ ជាមួយនឹងក្រុមព្រះខ័នរាជស្វាយរៀង នឹងធ្វើឡើងនៅវេលាម៉ោង 5:០០ល្ងាច ថ្ងៃទី29 ខែមករា ឆ្នាំ2020(ស្អែកនេះ) នៅឯពហុកីឡដ្ឋានជាតិឡាវ។

មុនការប្រកួតនេះមកដល់ ក្រុមព្រះខ័នរាជស្វាយរៀងបានធ្វើដំណើរចេញទៅកាន់ប្រទេសឡាវ កាលពីថ្ងៃទី27 ខែមករា ឆ្នាំ2020​ ម្សិលមិញនេះ ពោលគឺមុនការប្រកួតចំនួន 2ថ្ងៃដើម្បីត្រៀមខ្លួនជាមុន។ 

គួរបញ្ជាក់ដែរថា កាលពីជើងទី1 ក្រុមព្រះខ័នរាជស្វាយរៀង បានយកឈ្នះក្រុម Master7 FC របស់ឡាវ ជាមួយនឹងលទ្ធផល 4ទល់នឹង1 នៅឯពហុកីឡដ្ឋានជាតិអូឡាំពិករបស់កម្ពុជា កាលពីសប្តាហ៍មុននេះ៕

ការប្រកួតបាល់ទាត់នារី វគ្គជម្រុះជុំចុងក្រោយ ដើម្បីដណ្តើមកៅអីទៅលេងនៅកីឡាអូឡាំពិកចុងឆ្នាំ2020 ត្រូវបានផ្ទេរពីទីក្រុងវូហាន ប្រទេសចិន ទៅកាន់ទីក្រុងស៊ីដនី ប្រទេសអូស្ត្រាលីវិញ និងមិនទាន់បានកំណត់កាលបរិច្ឆេទឡើងវិញនៅឡើយទេ។

ចំពោះមូលហេតុនៃការលើកពេលវេលា និងទីកន្លែងនេះ គឺដោយសារតែការឆ្លងរាតត្បាតយ៉ាងសាហាវអំពីវីរុសប្រភេទថ្មី Corona ដែលជាការព្រួយបារម្ភថ្មីមួយទៀតរបស់ពិភពលោកនាពេលបច្ចុប្បន្ននេះ។

គួរបញ្ជាក់ដែរថា ក្រុមដែលត្រូវប្រកួតវគ្គជម្រុះជុំចុងក្រោយនៅប្រទេសចិននេះ មាន 4ប្រទេសគឺ ម្ចាស់ផ្ទះចិន អូស្ត្រាលី ថៃ និងតៃវ៉ាន់ ដែលសុទ្ធសឹងតែជាប្រទេសដែលមានភាគរយនៃការឆ្លងវីរុសនេះខ្លាំងជាងគេទាំង10៕