Category: សង្គម និងសេដ្ឋកិច្ច

ស្រាយចម្ងល់រឿង « អន្ទាក់ស្នេហ៍កម្ម » ជាភាពយន្ដខ្មែរមិនចម្លងបរទេស
ក្រោយមានមតិមួយចំនួនលើកឡើងថាភាពយន្ដ « អន្ទាក់ស្នេហ៍កម្ម » ស្រដៀងភាពយន្ដបរទេសមួយដែលធ្លាប់ធ្វើឱ្យអ្នកមើលស្លុងអារម្មណ៍។
យ៉ាងណាមិញ ប្រិយមិត្តកាន់តែដឹងច្បាស់អំពីសាច់រឿង អន្ទាក់ស្នេហ៍កម្ម ជាសាច់រឿងបែបស្នេហាស្រុកស្រែរបស់ខ្មែរ ដែលបានផលិតឡើងក្នុងន័យថែរក្សាវប្បធម៌ ផ្សព្វផ្សាយពីតំបន់ទេសចរណ៍ក្នុងស្រុក ថែមទាំងចំនេះក្នុងការរស់នៅរបស់អ្នកជនបទ ស្នេហាអ្នកជនបទ ដ៏ស្មោះស និងការលះបង់របស់កូនស្រីខ្មែរ តាមរយៈខ្សែរឿងថ្មីមួយនេះ។
សាស្រ្តចារ្យ ចាន់ សារិន
ចម្រៀង និស្ស័យស្នេហ៍កម្ម និពន្ធដោយលោក សាស្រ្តចារ្យ ចាន់ សារិន ផ្នែកនិពន្ធ និងដឹកនាំល្ខោនយីកេ នៃសាលាភូមិន្ទមធ្យសិល្បៈរាជធានីភ្នំពេញ និងនិពន្ធទំនុកភ្លេងដោយសាស្រ្តចារ្យ សយ តុលា បទចម្រៀងដ៏មានអត្ថន័យនេះ ច្រៀងដោយ តារាចម្រៀងសម្លេងក្រអួនក្រអៅ លោក សៅ ឧត្តម រៀបរាប់ពីនិស្ស័យស្នេហ៍កម្ម របស់យុវវ័យស្រុកស្រែមួយគូ។
រណាំងវណ្ណៈ និងភាពកំណាចឃោឃៅរនៃអន្ទាក់តណ្ហារបស់មនុស្សចាស់ចិត្តព្រាន អាំងយកមាសប្រាក់មកបំបែកសេចក្តីស្នេហា របស់កម្លោះក្រមុំជនបទមួយគូនេះបែកបាក់យ៉ាងសង្វែក។ ជីវិតគូរក្នុងលោកនេះម្ដេចត្រូវរងទុក្ខបែបនេះ? តើហេតុអ្វីមាសប្រាក់មានឥទ្ធិពលម្លេះ មកកាត់ផ្ដាច់សេចក្តីស្នេហារបស់ ចៅពេជ្រ និង រក្សាងាយបែបនេះ?
គ្មានអ្នកណាជឿទេ ថាមនុស្សល្អដូចរក្សាអាចក្បត់ចិត្តចៅពេជ្រនោះឡើយ។ តើចៅពេជ្រអាចថែរក្សា សង្សាររបស់ខ្លួនដូចពាក្យសម្បតដែរឬទេ? ចម្លើយទាំងអស់នៃសំនួរជាច្រើនរបស់ប្រិយមិត្តនឹងត្រូវបានឆ្លើយតបយ៉ាងស័ក្តសមនៅគ្រប់រោងភាពយន្ត ចាប់ពីថ្ងៃទី ២០ ខែ កុម្ភៈ ឆ្នាំ ២០២០ នេះហើយ៕
ទស្សនាវីដេអូចម្រៀងពេញ ខាងក្រោម៖

February 3, 2020
តេាះស្ដាប់អាយដល ខាត់ សុឃីម ច្រៀងភ្លេងការតាំងពីវ័យក្មេងៗតូចៗម្ដងមេីល៍…
ពិតជាកក្រើកពេញបណ្ដាញសង្គមហ្វេសប៊ុក ខណៈគេប្រទះឃើញវីដេអូរបស់តារាពហុជំនាញ ខាត់ សុឃីម ច្រៀងភ្លេងការតាំងពីវ័យកុមារីមកម្លេះ ដែលវីដេអូនេះត្រូវបានបង្ហោះចេញពីក្រសួងព័ត៌មាន។
អ្នកនាង ខាត់ សុឃឹម ត្រូវគេស្គាល់ថាជាម្ចាស់វង់ភ្លេងប្រពៃណីត្រកូលខាត់ ដែលមានសមាជិកជាក្រុមគ្រួសាររបស់អ្នកនាងតែម្ដង។ គួររំឭកពីពេលថ្មីៗនេះ ក្នុងគោលបំណងជំរុញឱ្យទឹកចិត្តដល់អ្នកស្រឡាញ់វង់ភ្លេងបុរាណខ្មែរ អ្នកនាង ខាត់ សុឃីម បានចំណាយពេលវេលាដ៏មានតម្លៃ មកបើកបង្រៀនឧបករណ៍ភ្លេងបុរាណដោយឥតគិត គឺដើម្បីបណ្ដុះស្មារតីយុវជនជំនាន់ក្រោយ ឱ្យស្គាល់និងស្រលាញ់ អ្វីដែលជារបស់ជាតិខ្មែរ កេរ្តិ៍មរតកដែលដូតាបានបន្សល់ទុក ជាពិសេសគឺចង់ឱ្យក្មេងជំនាន់ក្រោយ ចូលរួមថែរក្សា ក៏ដូចជាអភិរក្ស សិល្បៈបុរាណខ្មែរ និងឲ្យយុវជនខ្មែរស្គាល់ច្បាស់នូវឧបករណ៍បុរាណខ្មែរ ចូលរួមលើកស្ទួយ កុំឱ្យមរតកវប្បធម៌ខ្មែរ បាត់បង់ត្រឹមសម័យកាលនេះ ពោលគឺ គឺបន្តថែរក្សាទៅមុខតទៀត។
មួយវិញទៀត បើសិស្សមករៀនកាន់តែច្រើន ទីតាំងរៀនចង្អៀត ឬឧបករណ៍មិនគ្រប់គ្រាន់ តែតារាពហុជំនាញរូបនេះ ក៏បានអះអាងថា មិនទំពាវនាវ ឬសុំនរណាឱ្យផ្តល់ជំនួយទេ គឺធ្វើតាមលទ្ធភាពដែលខ្លួនមាន ដោយនាងចង់លើកស្ទួយវប្បធម៌ជាតិដោយស្មោះ មិនចង់បានជំនួយពីសប្បុរសជននោះទេ នាំឱ្យគេគិតថា អ្នកនាងធ្វើទៅគ្រាន់តែចង់បានផលប្រយោជន៍ផ្ទាល់ខ្លួនជាដើម។
ក្នុងការថែរក្សាកេរ្ដិ៍តំណែលដូនតា អ្នកនាង ខាត់ សុឃីម ក៏មានសំណូមពរដល់ យុវជនជំនាន់ក្រោយ បែរមកចាប់អារម្មណ៍វប្បធម៌ជាតិខ្មែរយើងឱ្យបានច្រើន ដើម្បីយល់ច្បាស់ និងដឹងអំពីឧបករណ៍ភ្លេងបុរាណ ក៏ដូចជាវប្បធម៌ខ្មែរ ដែលធ្លាប់បានបង្ហាញនៅលើឆាកអន្តរជាតិ ឱ្យបរទេសបានស្គាល់នូវវប្បធម៌ខ្មែរ ពិសេសជាមរតក ដែលដូនតាខ្មែរ បានបន្សល់ជាយូរមក កុំឱ្យបាត់បង់ទៅតែត្រឹមនឹង យើងត្រូវចូលរួមលើកស្ទួយ និងថែរក្សាទាំងអស់គ្នា។
តោះ កុំឱ្យខាតពេលយូរ សូមអញ្ចើញទស្សនាវីដេអូអាយដល ខាត់ សុឃីម ច្រៀងភ្លេងការតាំងពីវ័យកុមារី ខាងក្រោមនេះ៖
February 3, 2020
វូហាន ទីក្រុងរហោដ្ឋាន ស្ងាត់ជ្រងំ និងឈឺចាប់…(តាមរយៈរូបភាព)
ទីក្រុងវូហាន មជ្ឈមណ្ឌលកណ្ដាលនៃការឆ្លងរាលដាលមេរោគវីរុសកូរ៉ូណាប្រភេទថ្មី ត្រូវបានបិទទាំងស្រុងតាំងពីថ្ងៃទី23 មករា ដើម្បីគ្រប់គ្រងការឆ្លងរាលដាលនៃមេរោគ។ វូហាន ជាទីក្រុងខ្នាតធំមួយដែលអាចហៅបានថា ជាមហាទីក្រុង ជាទីប្រជុំជនដ៏ធំបំផុតមួយដែលមានមនុស្សរស់នៅ និងធ្វើដំណើរឆ្លងកាត់ទៅមកក្នុងតំបន់កណ្ដាលទីក្រុងប្រមាណជា 9លាននាក់ ប៉ុន្តែនៅថ្ងៃដែលត្រូវបិទទីក្រុង មនុស្សម្នារាប់លាននាក់បានបាត់អស់រលីងយ៉ាងគួរឱ្យភ្ញាក់ផ្អើល។
ខាងក្រោមនេះ គឺឃ្លីបវីដេអូដែលបង្ហាញពីទីក្រុងរហោដ្ឋាន ក្រោយពីទីក្រុងនេះត្រូវបានបិទទាំងស្រុងកាលពីថ្ងៃទី23 មករា។ ប្រៀបដូចជាឈុតឆាកនៅក្នុងខ្សែភាពយន្តវិទ្យាសាស្ត្រ…ដ៏មិនគួរឱ្យជឿ។
https://www.youtube.com/watch?v=Dtju9crUNQk&feature=emb_logo
ស្ពានអាកាស យេ ចៀ ជុយ តភ្ជាប់ទៅស្ពានអាកាស ឆាង ចៀងទី2 ឆ្ពោះទៅ ស៊ី តុងកៅចៀ និងឆ្ពោះទៅ តុង ហ៊ូតាមឹន។ បើស្ថិតក្នុងស្ថានភាពប្រក្រតី ក្នុងថ្ងៃដែលអាកាសធាតុល្អ រថយន្តដែលបើកមកដើរលេងកម្សាន្តមណ្ឌល តុងហ៊ូ នឹងត្រូវជាប់ស្ទះបន្តកន្ទុយគ្នាវែងអន្លាយ តែពេលនេះមានរថយន្តបើកបរមួយ-ពីរ…។អ្នកយកព័ត៌មានចិន ស្ថាប័ន ហ្គោលបល ថាមស៍ ក្នុងខ្សែបណ្ដាញសារព័ត៌មានប្រជាជនចិន បានចុះទៅដល់ទីតាំងទាំងនោះដើម្បីផ្ដិតយករូបភាពនៅតាមផ្លូវថ្នល់នានាក្នុងទីក្រុងវូហាននាពេលបច្ចុប្បន្ន ដូចជា ផ្លូវ ចៀងហាន់ មណ្ឌលពាណិជ្ជកម្មនៅលើផ្លូវ ឈូ ហ៊ើ អាន់ រង្វង់មូលអនុស្សាវរីយ៍កណ្ដាលទីក្រុង និងទីកន្លែងផ្សេងៗទៀតដែលកាលពីពេលមុន មានមនុស្សម្នាច្រើនកុះករ អ៊ូអរ ប៉ុន្តែបន្ទាប់ពីបិទទីក្រុងមក ក្នុងទីក្រុងស្ទើរតែមិនឃើញមានស្រមោលមនុស្ស។
ក្នុងអំឡុងពេលនេះ មហាទីក្រុងដែលធ្លាប់តែស្រស់ស្អាតសង្ហា ទាន់សម័យដូចវូហាននេះ ឥឡូវបែរជាក្លាយទៅជាទីក្រុងរហោដ្ឋាន និងឈឺចាប់ ប្រៀបដូចក្នុងខ្សែភាពយន្តវិទ្យាសាស្ត្រ…ក្នុងទីក្រុងដ៏ទទេស្អាតនេះ បង្កប់ទៅដោយក្ដីភ័យខ្លាច ទុក្ខសោក ស៊ូទ្រាំ រង់ចាំ និងក្ដីសង្ឃឹម…គ្រប់គ្នាសុទ្ធតែនឹកសង្ឃឹមថា វិបត្តិដែលប្រៀបដូចជាសុបិនអាក្រក់ក្នុងគ្រានេះ នឹងឆ្លងផុតទៅយ៉ាងឆាប់រហ័ស។
ស្ពានអាកាស ចៀ តៅ ខូ មជ្ឈមណ្ឌលកណ្ដាលនៃប្រព័ន្ធគមនាគមន៍ អ៊ូឆាង ជាតំបន់ធុរកិច្ចដែលពោរពេញទៅដោយអគារខ្ពស់ៗ។
បរិវេណផ្លូវ ឈូ ហ៊ើ អាន់ ជាមួយផ្លូវ ចុងពេយ មកប្រសព្វគ្នា បើក្នុងស្ថានភាពប្រក្រតី មានយានយន្តបើកបរទៅ-មកឆ្លងកាត់យ៉ាងកកកុញ តែនៅថ្ងៃបិទទីក្រុង គ្មានមនុស្សធ្វើដំណើរ គ្មានរថយន្តបើកបរឆ្លងកាត់។
ស្ពានធំ សាហ៊ូ ឬចិនហៅថា សាហ៊ូ តាឆៀវ ជាច្រកផ្លូវសំខាន់ដែលភ្ជាប់ផ្លូវ ហាន់ ក្នុង អ៊ូឆាង ឆ្ពោះទៅកាន់ផ្លូវរូងកាត់ភ្នំ ឆាងចៀង ក្នុងក្រុងវូហាន(ផ្លូវរូងកាត់ភ្នំឆ្លង យែងស៊ីកៀវ តែមួយគត់ក្នុងពិភពលោក) តែតាំងពីបិទផ្លូវរូងកាត់ភ្នំនេះនៅថ្ងៃទី25 មករាមក សឹងតែគ្មានរថយន្តបើកទៅ-មក។
ផ្លូវ ហ៊ើ អាន់ ជាផ្លូវមនុស្សដើរ នៅក្នុងមណ្ឌលពាណិជ្ជកម្មដែលអ៊ូអរបំផុតរបស់តំបន់ អ៊ូឆាង ក្នុងទីក្រុងវូហាន។ ក្នុងស្ថានភាពប្រក្រតី មានមនុស្សម្នាចំនួនដ៏ច្រើនមហាសាលដើរទៅ-មកនៅទីនេះ បើក្នុងអំឡុងថ្ងៃឈប់សម្រាកផង មនុស្សម្នានឹងដើរប្រជ្រៀតគ្នាណែនណាន់តាន់តាប់ សឹងតែគ្មានកន្លែងឈរ…។
ផ្លូវតាមបណ្ដោយដងទន្លេសាប តុង ហ៊ូ ដែលល្បីល្បាញថា ជាផ្លូវតាមមាត់ទន្លេដែលស្អាតជាងគេបំផុត។ ជាធម្មតាមានរថយន្ត និងយានជំនិះផ្សេងៗជាច្រើន ទាំងអ្នកទីក្រុងក្នុងចំនួនដ៏ច្រើននាំគ្នាមកដើរកម្សាន្ត បើករថយន្តមកចតស្រូបយកខ្យល់ទន្លេ…។នៅខាងៗ គឺជាមហាវិទ្យាល័យ វូហាន ជាកន្លែងដែលអ្នកទេសចរជាច្រើននាំគ្នាមកថតរូប តែពេលនេះ ក្លាយជាផ្លូវគ្មានមនុស្សដើរ មានតែស្លឹកឈើជ្រុះនៅលើផ្លូវ…។
ស្ពាន ឆាង ចៀងទី2 ជាខ្សែផ្លូវឆ្លងទន្លេ ឆាង ចៀង ដែលចង្អៀតណែនបំផុតរបស់ទីក្រុងវូហាន ខណៈពេលនេះ ពេលរថយន្តឡើងស្ពាន រថយន្តទាំងអស់ត្រូវតែឈប់ អ្នកដំណើរទាំងអស់ត្រូវតែចុះពីរថយន្ត ដើម្បីវាស់សីតុណ្ហភាពរាងកាយ…៕
ប្រភព៖ សារព័ត៌មានបរទេស
February 2, 2020
ក្រោយមានអំពើហិង្សាកើតឡើងច្រើន ក្រសួងអប់រំចេញប្រកាសពង្រឹងវិន័យក្នុងសាលា
មួយរយៈពេលថ្មីៗនេះ ប្រជាជនកម្ពុជាទូទាំងប្រទេសបានយកចិត្តទុកដាក់ និងលើកឡើងស្រដៀងគ្នាអំពីការព្រួយបារម្ភចំពោះបញ្ហាអំពើហិង្សារវាងសិស្ស និងសិស្សដែលកើតឡើងជាបន្តបន្ទាប់នៅក្នុងប្រទេស ដោយក្នុងនោះមានសិស្សមួយរូបបានឈានទៅដល់បាត់បង់ជីវិតទៀតផង។
ភ្លាមៗក្រោយពេលមានបាតុភាពមិនសូវវិជ្ជមានទាំងអស់នេះ ក្រសួងអប់រំ យុវជន និងកីឡា បានចេញវិធានការដោយការបានបង្កើតគណៈកម្មការស៊ើបអង្កេតមួយ និងរហូតឈានដល់ចេញជាសេចក្តីប្រកាសព័ត៌មានស្តីពីវិធានការពង្រឹង និងលើកកម្ពស់វិន័យបទបញ្ជាផ្ទៃក្នុង និងការអប់រំសីលធម៌នៅតាមគ្រឹះស្ថានសិក្សាទៀតផង។ នៅក្នុងសេចក្តីប្រកាសនោះ ក្រសួងបានបង្ហាញការទទួលស្គាល់នូវកង្វល់ និងការព្រួយបារម្ភនានារបស់សាធារណជន មាតាបិតា អាណាព្យាបាល សិស្ស និស្សិតទាំងអស់ និងក៏បានសម្ដែងការចូលរួមសោកស្តាយផងដែរចំពោះក្រុមគ្រួសារដែលរងផលប៉ះពាល់ដោយសារហេតុការណ៍ទាំងអស់នេះ។
ជាវិធានការទប់ស្កាត់ ក្រសួងអប់រំ យុវជន និងកីឡា បានចេញសេចក្តីណែនាំដល់គ្រប់អាជ្ញាធរអប់រំ រួមទាំងគ្រឹះស្ថានសិក្សា និងភាគីពាក់ព័ន្ធទាំងអស់ឱ្យចូលរួមពង្រឹង និងលើកកម្ពស់វិន័យលើគោលការណ៍សំខាន់ៗចំនួន4 គឺទី1 គណៈគ្រប់គ្រងសាលារៀននាយកសាលារៀន និងគ្រូបន្ទុកថ្នាក់ ត្រូវផ្សព្វផ្សាយ និងពង្រឹងការអនុវត្តឱ្យបានហ្មត់ចត់នូវសេចក្តីណែនាំរបស់ក្រសួងស្តីពីការពង្រឹងការអនុវត្តបទបញ្ជាផ្ទៃក្នុងនៅតាមគ្រឹះស្ថានសាធារណៈ និងឯកជន ជាពិសេសត្រូវពង្រឹងយន្តការរបស់ក្រុមប្រឹក្សាវិន័យនៅតាមគ្រឹះស្ថានសិក្សានីមួយៗ។ ចំណុចសំខាន់ទី2 សម្រាប់ក្រុមប្រឹក្សាយុវជន ក្រុមប្រឹក្សាកុមារ និងរចនាសម្ព័ន្ធអង្គការយុវជនដែលមាននៅតាមបណ្តាគ្រឹះស្ថានសិក្សា រួមទាំងក្រុមកាយរិទ្ធជាតិកម្ពុជា និងក្រុមយុវជនកាកបាទក្រហមជាដើម ត្រូវចូលរួមឱ្យបានផុសផុលបំផុតជាមួយសិស្សានុសិស្សក្នុងការកសាងមិត្តភាព សាមគ្គីភាព ការជួយយកអាសាគ្នាការគោរពវិន័យ និងក្រមសីលធម៌ ការគោរពសេចក្តីថ្លៃថ្នូររបស់បុគ្គល គ្រួសារ សាលារៀន និងសង្គមជាតិ។ ចំណុចទី3 សម្រាប់គ្រឹះស្ថានសិក្សាទាំងអស់ ត្រូវប្រើប្រាស់ពេលវេលាសមស្រប សម្រាប់ការកោះប្រជុំសិស្សានុសិស្សតាមថ្នាក់ តាមក្រុម ឬក្នុងអំឡុងពេលមុន ឬក្រោយកម្មវិធីគោរពទង់ជាតិ ដើម្បីធ្វើការពន្យល់ណែនាំដាស់តឿន ក្រើនរំឭក ដល់សិស្សានុសិស្សទាំងអស់ឱ្យគោរពវិន័យ និងបទបញ្ជាផ្ទៃក្នុងរបស់គ្រឹះស្ថានសិក្សា។
គ្រឹះស្ថានសិក្សាត្រុវជំរុញការសិក្សាស្វែងយល់បន្ថែមអំពីអត្ថន័យ និងការច្រៀងបទចម្រៀងពង្សាវតាខ្មែរ ដើម្បីលើកតម្កើងមោទនភាព ឧត្តមភាពជាតិនិយម និងការជឿជាក់លើព្រះរាជាណាចក្រកម្ពុជាពីគ្រប់ស្រទាប់សិស្សានុសិស្ស។
ចំពោះចំណុចទី4 ដែលជាចំណុចសំខាន់នោះ គឺក្រសួងអប់រំ យុវជន និងកីឡា បានណែនាំឱ្យគ្រូបន្ទុកថ្នាក់ និងគ្រូប្រចាំមុខវិជ្ជា ត្រូវបន្តដាស់តឿន ក្រើនរំឭក និងបញ្ជ្រាបការអប់រំលើការរៀបចំផ្នត់គំនិត អត្តចរិត (ចរិយាសម្បទា) បន្ថែមពីលើចំណេះជំនាញដែលត្រូវបង្រៀននៅក្នុងម៉ោងសិក្សា (ចំណេះសម្បទា)ឱ្យអស់ពីលទ្ធភាព។
គួរបញ្ជាក់ផងដែរថា ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ក៏ធ្លាប់បានលើកឡើងផងដែរថា ដើម្បីឱ្យការអប់រំលើបុត្រធីតារបស់ប្រជាជនអាចអនុវត្តបានប្រកបដោយភាពច្បាស់លាស់ និងគ្រប់ជ្រុងជ្រោយនោះ យើងត្រូវការជាចាំបាច់នូវការចូលរួមរបស់អាណាព្យាបាល។ ជាទូទៅសិស្សចម្រើនធំធាត់ឡើងនៅក្នុងគ្រួសារ មុនចូលទៅក្នុងសាលា ហើយក្រៅពីម៉ោងសិក្សានៅក្នុងសាលារៀន ភាគច្រើននៃជីវិតរបស់សិស្ស គឺស្ថិតនៅជាមួយអាណាព្យាបាល ហេតុនេះអាណាព្យាបាលគួរយកចិត្តទុកដាក់បន្ថែម ឬធ្វើជាដៃគូដ៏ល្អរបស់គ្រឹះស្ថានអប់រំក្នុងការតាមដានយកចិត្តទុកដាក់ និងសហការអប់រំបន្ថែមលើចំណេះជំនាញ និងជាពិសេសគឺចរិតលក្ខណៈក្នុងការរស់-នៅឱ្យបានល្អ។ កាលណាសិស្សទទួលបានការ-អប់រំល្អក្នុងប
February 1, 2020
ក្រុមហ៊ុនអាកាសចរណ៍ចំនួន29 ផ្អាកការហោះហើរទៅ-មកប្រទេសចិន ក្នុងនោះមាន…
ទីភ្នាក់ងារសារព័ត៌មាន Reuters បានរាយការណ៍ថា ក្រុមហ៊ុនអាកាសចរណ៍សរុបចំនួន 29ក្រុមហ៊ុន បានផ្អាក លុបចោល ឬពន្យាពេលជើងហោះហើរទៅ-មកប្រទេសចិន ដោយសារបារម្ភអំពីអាសន្នរោគក្នុងប្រទេសនេះ។
ក្រុមហ៊ុនអាកាសចរណ៍ចំនួន29 ដែលបានផ្អាក ឬប្រកាសផ្អាកការហោះហើរទៅ-មកប្រទេសចិន មានដូចជាក្រុមហ៊ុនរបស់អាមេរិក បារាំង ឥណ្ឌា កាណាដា កូរ៉េខាងត្បូង អង់គ្លេស និងវៀតណាម។
អង្គការសុខភាពពិភពលោក (WHO) កាលពីថ្ងៃទី 30មករាកន្លងទៅ បានប្រកាសអាសន្ននៅទូទាំងពិភពលោកចំពោះអាសន្នរោគនេះ ហើយបានអំពាវនាវឱ្យប្រទេសទាំងអស់ បង្កើនការការពារ និងប្រយុទ្ធប្រឆាំងអាសន្នរោគនេះ។
ឆ្លើយតបទៅនឹងការប្រកាសអាសន្នខាងលើ ក្រុមហ៊ុនអាកាសចរណ៍មួយចំនួនដូចជា Cathay Pacific Airways, Singapore Airlines និង Turkish Airlines បានចេញសេចក្ដីប្រកាសលុបចោលជើងហោះហើរទៅ-មកប្រទេសចិន។ Air Tanzania ក៏បានប្រកាសពន្យាពេលជើងហោះហើរដំបូងក្នុងខែកុម្ភៈទៅកាន់ប្រទេសចិន។ ក្រុមហ៊ុនអាកាសចរណ៍ United Airlines បានឱ្យដឹងថា នឹងលុបចោលជើងហោះហើរចំនួន 332 រវាងទីក្រុងមួយចំនួននៅអាមេរិក និងក្រុងប៉េកាំង សៀងហៃ និងហុងកុងផងដែរ។ ចំណែកក្រុមហ៊ុន Vietnam Airlines ក៏ប្រកាសដែរថា នឹងផ្អាកជើងហោះហើរទៅ-មកក្រុងប៉េកាំង សៀងហៃ ខ្វាងចូវ និងក្រុងសិនជិន ចាប់ពីថ្ងៃទី6កុម្ភៈខាងមុខ និងក្រុងចេងឌូ ចាប់ពីថ្ងៃទី5កុម្ភៈ និងក្រុងម៉ាកាវ ចាប់ផ្ដើមផ្អាកការហោះហើរពីថ្ងៃទី6កុម្ភៈ ឆ្នាំ2020។ ក្រុមហ៊ុនអាកាសចរណ៍មួយផ្សេងទៀតរបស់វៀតណាមគឺ Vietjet ក៏នឹងផ្អាកជើងហោះហើរទាំងអស់របស់ខ្លួន ដែលហោះហើរទៅ-មកប្រទេសចិន ចាប់ពីថ្ងៃទី1កុម្ភៈនេះ។

បណ្ដាក្រុមហ៊ុនអាកាសចរណ៍ដែលផ្អាកការហោះហើរទៅកាន់ប្រទេសចិន រួមមាន ៖
ក្រុមហ៊ុនអាកាសចរណ៍ Air Canada, Air France, Air India, Air Seoul, American Airlines, Austrian Airlines, British Airways, Delta Air Lines, Egyptair, El Al Israel Airlines, Etihad Airways, Finnair, Kenya Airways, Lion Air, LOT, Lufthansa, NordStar, Royal Air Maroc, RwandAir, S7 Airlines, SAS, Scoot, Shanghai Airlines, Swiss, Ural Airlines, Vietjet, Vietnam Airlines, Virgin Atlantic និងក្រុមហ៊ុន Yakutia Airlines។
សូមរំឭកថា អ្នកជំនាញខាងរោគឆ្លងបានឱ្យដឹងថា ហានិភ័យនៃការឆ្លងមេរោគ Corona គឺមានខ្ពស់ណាស់ នៅពេលមនុស្សម្នាក់នៅក្បែរអ្នកជំងឺក្នុងរង្វង់ក្រោម 2ម៉ែត្រ។ កត្តានេះក៏ជាមូលហេតុដែលនាំឱ្យការឆ្លងរាលដាលនៃមេរោគនេះ កើនឡើងដល់ 11,791នាក់ និងអ្នកស្លាប់កើនដល់ 259នាក់ គិតមកត្រឹមព្រឹកនេះ៕
ប្រភព៖ សារព័ត៌មានបរទេស
February 1, 2020
វិធី 6យ៉ាងក្នុងការចាប់យកធម្មជាតិមកតុបតែងផ្ទះយ៉ាងងាយៗ
បើយើងបានរស់នៅក្នុងផ្ទះដែលផ្តល់នូវអារម្មណ៍ដូចរស់នៅជាមួយនឹងធម្មជាតិគ្រប់ពេលវេលា មានផ្ទៃមេឃ មានដើមឈើ ឬផ្ទៃទឹកហ៊ុមព័ទ្ធជុំវិញនោះ ប្រហែលជាល្អមិនស្ទើរទេមើលទៅ… ព្រោះវានឹងធ្វើឱ្យយើងអារម្មណ៍ស្រស់ថ្លា ត្រជាក់ត្រជុំតែ… តើយើងនឹងលើកយកធម្មជាតិមកដាក់ចូលក្នុងផ្ទះយ៉ាងម៉េចបានទៅ? ដូច្នេះសូមសាកល្បងមើលពីវិធីល្អៗ6យ៉ាង ដែលនឹងធ្វើឱ្យលោកអ្នកមានអារម្មណ៍ថា មានធម្មជាតិបង្កប់ខ្លួននៅគ្រប់ចំណុចនៅក្នុងផ្ទះ ដូចខាងក្រោមនេះ…។

1. តុបតែងដោយវត្ថុពីធម្មជាតិ
ដូចជាគ្រឿងសង្ហារិម តុ ទូ កៅអីដែលធ្វើពីផ្តៅ និងរបស់របរដែលធ្វើពីដើមឬស្សីនិងឈើ-ល- សូមសាកល្បងជ្រើសយកឧបករណ៍ប្រើប្រាស់ដែលធ្វើពីវត្ថុធាតុដើមទាំងអស់នេះមកតុបតែងផ្ទះម្តងមើល៍ ព្រោះវាអាចនឹងធ្វើឱ្យលោកអ្នកមានអារម្មណ៍ធូរស្រាល ពេលបានឃើញរបស់របរពីធម្មជាតិទាំងនោះយ៉ាងមិនគួរឱ្យជឿ។2. ប្រើពណ៌ដែលជាធម្មជាតិ
ពណ៌បៃតងធ្វើឱ្យនឹកឃើញដើមឈើ វាលស្មៅ។ ពណ៌ពងក្រសា គឺផ្ទៃមេឃ និងទឹកសមុទ្រ។ ពណ៌លឿង ផ្តល់នូវអារម្មណ៍ស្រស់ថ្លាដូចព្រះអាទិត្យដែលកំពុងបញ្ចេញពន្លឺនិងបុប្ផាដែលរីកស្រស់ស្រាយ ដូច្នេះចូរសាកល្បងប្រើពណ៌ទាំងអស់នោះតុបតែងនៅលើជញ្ជាំង វាំងនន មាត់បង្អួច និងគ្រែរបស់លោកអ្នក… វាអាចនឹងធ្វើឱ្យអ្នកស្នាក់នៅមានអារម្មណ៍ដូចបាននៅជាមួយធម្មជាតិគ្រប់ពេលវេលា។3. កម្រាលក្តារឈើធម្មជាតិ
មិនថាតែក្តារឈើស្រល់ ឬបន្ទះឫស្សីឡើយ ទាំងអស់នេះគេនិយមយកមកក្រាលផ្ទះ ព្រោះធ្វើឱ្យមានអារម្មណ៍ថា កក់ក្តៅ និងមានអារម្មណ៍ដូចដើរនៅលើធម្មជាតិយ៉ាងពិត។4. ប្តូរបរិយាកាសក្នុងផ្ទះឱ្យទៅជាមជ្ឈមណ្ឌលស្ប៉ាយ៉ាងល្អ
ក្លិនឈើក្រអូប និងក្លិនផ្កា គឺជាក្លិនដ៏ក្លាសស៊ិក 2យ៉ាងដែលជួយឱ្យមានអារម្មណ៍ធូរស្រាល ស្រួលខ្លួនឡើងបាន។ សំឡេងខ្យល់ ភ្លៀង និងរលកសមុទ្រ ក៏ជាស្ប៉ាពីធម្មជាតិដ៏ល្អបំផុតដែលនឹងធ្វើឱ្យរាងកាយ អារម្មណ៍ និងផ្លូវចិត្តរបស់យើងបានធូរស្រាលឡើងដែរ។ បច្ចុប្បន្ន យើងអាចលើកយកអ្វីទាំងអស់នោះ មកដាក់នៅក្នុងផ្ទះបានហើយ គ្រាន់តែរកពពួកធូបឬទៀនក្រអូបមកអុជបញ្ចេញក្លិនក្រអូប ឬបើកសំឡេងទឹករលកសមុទ្រ សំឡេងភ្លៀងធ្លាក់ចេញពីប្រព័ន្ធ Youtube ក៏ធ្វើឱ្យយើងមានអារម្មណ៍ដូចនៅជាមួយធម្មជាតិបានបាត់ទៅហើយ។5. បើកបង្អួចទទួលយកខ្យល់អាកាសបរិសុទ្ធ
ខ្យល់អាកាសជាបច្ច័យសំខាន់បំផុតរបស់ជីវិតមនុស្ស ហើយខ្យល់អាកាសបរិសុទ្ធពីធម្មជាតិ ក៏ជាអ្វីដែលល្អបំផុតដូចគ្នាដែរ។ សាកល្បងកាត់បន្ថយការប្រើម៉ាស៊ីនត្រជាក់ ហើយបើកបង្អួចដើម្បីឱ្យខ្យល់អាកាសបរិសុទ្ធពីធម្មជាតិ ចូលមកក្នុងបន្ទប់ម្តង នោះអ្នកនឹងមានអារម្មណ៍ស្រស់ថ្លា និងថែមទាំងមានផលល្អចំពោះសុខភាពទៀតផង។6. បន្លែ ផ្លែឈើល្អៗពីធម្មជាតិ
ការតុបតែងផ្ទះមួយវិធីទៀតដែលគួរឱ្យចាប់អារម្មណ៍ដែរនោះគឺ ការតុបតែងដោយរបស់ហូបចុក បើអ្នកប្រើប្រាស់ផ្លែឈើដែលមានពណ៌ស្រស់ៗ ដូចជា ក្រូចថ្លុង ចេកណាំវ៉ា ផ្លែប៉ោម ល្ហុងទុំ-ល- ដែលស្ថិតនៅក្នុងកញ្ច្រែងយ៉ាងស្អាត ដាក់នៅលើតុលម្អ បូកជាមួយក្លិនក្រអូបៗរបស់ផ្លែឈើទាំងនោះផង វានឹងធ្វើឱ្យលោកអ្នកមានអារម្មណ៍ភ្លឺថ្លា រាងកាយស្រស់ស្រាយជាក់ជាមិនខាន៕
February 1, 2020
ស្ដាប់ហើយស្រក់ទឹកភ្នែក បទចម្រៀង “វូហាន” លើកទឹកចិត្តអ្នកក្រុងវូហាន ឱ្យតស៊ូឆ្លងកាត់វិបត្តិទៅជាមួយគ្នាឱ្យបាន…
ខាងក្រោមនេះគឺជាបទចម្រៀងដែលមានទំនងទំនុកភ្លេងបែបយឺតៗ កម្សត់សោកសៅ ត្រូវនឹងបរិយាកាសដ៏សែនស្រងេះស្រងោចរបស់ទីក្រុងវូហានដែលត្រូវបានបិទជិតទាំងស្រុង។
ចំណែកសំឡេងច្រៀង គឺជាការច្រៀងជាពួក និងច្រៀងឆ្លាស់គ្នាប្រុស-ស្រី និងមាន សំឡេង ព្យ៉ាណូបន្ទរតាមរហូត ព្រមទាំងមានសំឡេងរបស់កុមារប្រុស-ស្រីច្រៀងប្រកបជាមួយទៀតផង។
បទចម្រៀងនេះ ជារួម ទាំងទំនុកច្រៀង តន្ត្រី និងរូបភាពដែលបង្ហាញឡើង មើលទៅសែនកម្សត់ស្រងេះស្រងោច នឹកអាណិតទីក្រុងដែលធ្លាប់តែរីកចម្រើនអ៊ូអរ និងប្រជាជនដែលធ្លាប់តែសប្បាយរីករាយ នាំឱ្យទប់ទឹកភ្នែកស្ទើរតែមិនបាន..។
តទៅនេះ គឺទំនុកច្រៀង 1ផ្នែកតូច ដែលក្រុមការងាររបស់គេហទំព័រឡារ៉ែន បានបកប្រែ និងកែសម្រួលយកមកជូនមិត្តអ្នកអានបានដឹងខ្លះៗ។ សង្ឃឹមថា វិបត្តិដែលមនុស្សជាតិ ជាពិសេសអ្នកក្រុងវូហានកំពុងជួបប្រទះនាពេលនេះ នឹងបានធូរស្រាលនាពេលឆាប់ៗនេះ។
វូហាន តស៊ូឡើង!!
-ទីក្រុងខ្ញុំ ពេលនេះឈឺហើយ តែខ្ញុំនៅតែស្រឡាញ់អ្នកជានិច្ច វូហាន…
ខ្យល់បក់ផាយផាត់លើតំបន់ ចៀ តៅ ឆូ ធ្វើឱ្យសត្វកូនអណ្ដើកមាសទទះស្លាប
លើគ្រែឫស្សីនៅមានក្មេងៗគេងសុបិន
-ទីនេះគឺផ្ទះខ្ញុំ ខ្ញុំធំឡើងនៅទីនេះ
ខ្ញុំធ្លាប់ដើរឆ្លងទន្លេ យ៉ង់ហ្ស៊ីកៀងម៉ា
បើកឡានលេងពេលរាត្រី
អ្វីៗជុំវិញខ្លួនខ្ញុំ សប្បាយខ្ញៀវខ្ញា
ពេលយប់ តែងនាំគ្នាចេញទៅរកអីញ៉ាំ តែពេលនេះលែងមានហើយ…
(ពោល ៖ ខ្ញុំ គឺអ្នកស្រុកវូហាន…វូហាន ខ្ញុំស្រឡាញ់អ្នក)
ប្រភព៖ សារព័ត៌មានបរទេស
កំណត់ហេតុអ្នកបកប្រែ៖ ខុសឆ្គងយ៉ាងណា សូមមេត្តាអត់ទោសផង
January 31, 2020
វិធីការពារសុខភាព និងសុវត្ថិភាព ពេលទៅលេងតំបន់ឆ្ងាយៗ ឬទៅទេសចរណ៍ក្រៅប្រទេស
នៅក្នុងស្ថានភាពដែលមេរោគបង្កជំងឺរលាកសួតថ្មី Corona កំពុងរាតត្បាតពិភពលោកនេះ សូមមានការប្រុងប្រយ័ត្ន ឱ្យបានខ្ពស់ ចំពោះ មេរោគឆ្លងផ្សេងៗ មិនថាតែមេរោគ Corona នោះទេ។
Health Direct ដែលជាអង្គការសុខភាពមួយរបស់ប្រទេសអូស្ត្រាលី បានលើកឡើងនូវប្រការមួយចំនួនដែលលោកអ្នកត្រូវតែយកចិត្តទុកដាក់ មុននឹងគិតធ្វើដំណើរទៅលេងតំបន់ឆ្ងាយៗ ឬទៅក្រៅប្រទេស។
អង្គការសុខភាពមួយនេះ បានលើកឡើងថា ការស្វែងយល់អំពីគុណភាពនៃប្រភពទឹកនៅក្នុងតំបន់ដែលអ្នកនឹងទៅលេងនោះ គឺជាការចាំបាច់ ដើម្បីធានាសុវត្ថិភាព និងសុខភាពល្អ។

ប្រភព៖ សារព័ត៌មានបរទេស
January 31, 2020
ក្រៅពីក្រុមហ៊ុនបច្ចេកវិទ្យាធំៗហើយ នៅមានសេដ្ឋីចិនល្បីៗចំណាយផ្ទាល់ខ្លួន ជួយអ្នកជំងឺឆ្លងវីរុសកូរ៉ូណានៅចិន
Jack Ma ដែលជាស្ថាបនិកនៃក្រុមហ៊ុន Alibaba បានបរិច្ចាគប្រាក់យ៉ាងច្រើនសន្ធឹកសន្ធាប់។ បុរសសម្បូរទ្រព្យបំផុតនៅក្នុងប្រទេសចិន លោក Jack Ma បានបរិច្ចាគប្រាក់ចំនួន 100លានយន់ (ជាង 14លានដុល្លារ) ដល់ក្រុមអ្នកវិទ្យាសាស្រ្ត ដើម្បីបង្កើតវ៉ាក់សាំងប្រឆាំងនឹងវីរុសកូរ៉ូណា។
ប្រាក់បរិច្ចាគចំនួន 40% នឹងត្រូវបែងចែក រវាងវិទ្យាស្ថានស្រាវជ្រាវ Chinese Academy of Sciences និង Chinese Academy of Engineering ខណៈប្រាក់ដែលនៅសល់ ត្រូវចែកទៅឱ្យបុគ្គលិកស្រាវជ្រាវ នៅទូទាំងប្រទេសចិន និងពិភពលោក ក្នុងកិច្ចប្រឹងប្រែងដើម្បីគ្រប់គ្រង និងទប់ស្កាត់វីរុសកូរ៉ូណានេះ។
បើយោងតាមអ្នកជំនាញមកពី គណៈកម្មការសុខភាពជាតិរបស់ប្រទេសចិន បានឱ្យដឹងថា ពួកគេជិតបង្កើតវ៉ាក់សាំងប្រឆាំងនឹងវីរុសកូរ៉ូណាបានសម្រេចហើយ។
គួរតែបញ្ជាក់ផងដែរថា ចំនួនអ្នកឆ្លងមេរោគវីរុសកូរ៉ូណា ទូទាំងពិភពលោកបានកើនឡើងដល់ជិត 1ម៉ឺននាក់ និងជាង 200នាក់ទៀតបានស្លាប់ (គិតត្រឹមថ្ងៃទី31 មករា 2020) ក្រោយវីរុសនេះបែកធ្លាយចេញពីទីក្រុង Wuhan ប្រទេសចិនកាលពីខែធ្នូ ឆ្នាំទៅ៕

January 31, 2020
Ronaldo ក្លាយជាបុគ្គលល្បីជាងគេបំផុតនៅលើ Instagram
កំពូលកីឡាករបាល់ទាត់ដែលមានភាពល្បីល្បាញជាងគេនៅលើបណ្តាញសង្គម Instragram ត្រូវបានគេស្គាល់ថា ជាកីឡាកររបស់ក្លិប Juventus។
ការចាត់លំដាប់ថ្នាក់នេះ គឺគិតតាមចំនួន Follower នៅក្នុងបណ្តាញសង្គមខាងលើ ដែលមានចំនួនដល់ទៅ 200លានគណនី ដែលនេះជាចំនួនច្រើនជាងគេបង្អស់ក្នុងចំណោមគណនីផ្សេងៗទៀតទាំងអស់នៅលើបណ្តាញសង្គម Instagram។
តាមតួលេខចុងក្រោយ កីឡាករសញ្ជាតិព័រទុយហ្គាល់ម្នាក់នេះ មានអ្នកតាមដានដល់ទៅ 200លានលើ Instagram។ ចំនួនអ្នកតាមដានដ៏ច្រើននេះ បានធ្វើឱ្យ Ronaldo ឈរនៅលើកីឡាករ និងតារាល្បីៗលើពិភពលោកមួយចំនួន ដូចជា Ariana Grande, Dwayne Johnson, Selena Gómez ,Beyoncé, Leo Messi និងNeymar ជាដើម៕

January 31, 2020