សង្គម និងសេដ្ឋកិច្ច - La Reine Media

កូរ៉ូណា Covid-19 “ស៊ីដាច់” 444ពាន់លានដុល្លារអាមេរិក របស់មហាសេដ្ឋីពិភពលោក

ទឹកប្រាក់ 444ពាន់លានដុល្លារអាមេរិករបស់អ្នកមានបំផុតទាំង500នាក់ នៅលើផ្សារមូលបត្រ បានបាត់បង់គ្មានសល់ក្នុងរយៈពេលត្រឹមតែ1សប្ដាហ៍ប៉ុណ្ណោះ បន្ទាប់ពីអាសន្នរោគកូរ៉ូណា Covid-19 ឆ្លងរាលដាលពាសពេញពិភពលោក។

សន្ទស្សន៍មធ្យមរបស់ឧស្សហកម្ម Dow Jones (Dow Jones Industrial Average Index ) បានថយចុះ12% ដែលជាអត្រាថយចុះទាបបំផុតនៃតម្លៃមូលបត្រនៅលើផ្សារហ៊ុន Dow Jones ចាប់ពីវិបត្តិហិរញ្ញវត្ថុ (ដែលបានកើតឡើងកាលពីឆ្នាំ2008) បណ្ដាលឱ្យតម្លៃមូលបត្រទូទាំងពិភពលោកបាត់បង់6លានលានដុល្លារអាមេរិក។

យោងតាមស្ថិតិរបស់ Bloomberg Billionaires Index (តារាងចំណាត់ថ្នាក់អ្នកមានបំផុតប្រចាំថ្ងៃ) ភាពច្របូកច្របល់នៃទីផ្សារមូលបត្រ បានធ្វើឱ្យបាត់បង់ប្រាក់ចំណេញ78ពាន់លានដុល្លារដែលអ្នកមានបំផុតទាំង500នាក់នៅលើផ្សារមូលបត្រ ដែលបានសន្សំទុកតាំងពីដើមឆ្នាំរហូតដល់សប្ដាហ៍មុននេះ។

មហាសេដ្ឋី3រូប ដែលមានទ្រព្យច្រើនបំផុតក្នុងពិភពលោក គឺលោក Jeff Bezos(ស្ថាបនិករបស់ Amazon) លោក Bill Gates(ស្ថាបនិករបស់ Microsoft) និងលោក Bernard Arnault(អគ្គនាយករបស់ LVMH) ត្រូវរងការខាតបង់ច្រើនបំផុត ដោយបាត់បង់ប្រាក់ប្រមាណជា 30ពាន់លានដុល្លារ។ លោក Elon Musk(ស្ថានិករបស់ SpaceX) ដែលជាអ្នកមានបំផុតលំដាប់ទី25ក្នុងពិភពលោក បានខាតបង់ 9ពាន់លានដុល្លារ ក្នុងរយៈពេលត្រឹមតែ1សប្ដាហ៍ប៉ុណ្ណោះ នៅពេលតម្លៃមូលបត្រ Tesla បានដាំក្បាលចុះខ្លាំង។

មហាសេដ្ឋីប្រមាណជា 80% នៅលើតារាងចំណាត់ថ្នាក់អ្នកមានបំផុត Bloomberg បានខាតបង់មិនតិចនោះដែរ។ អគ្គនាយក Micky Arison របស់ក្រុមហ៊ុន Carnival Corp បានបាត់បង់ 1ពាន់លានដុល្លារក្នុងសប្ដាហ៍នេះ នៅពេលក្រុមហ៊ុនគ្រប់គ្រងនាវាទេសចរណ៍ធំបំផុតក្នុងពិភពលោក រក្សាភ្ញៀវទេសចរនៅលើនាវារបស់ពួកគេនៅឯកំពង់ផែរបស់ជប៉ុន ជាកន្លែងដែលមានអ្នកទេសចរស្លាប់ដោយសារមេរោគកូរ៉ូណាយ៉ាងតិច5នាក់។ ក្រៅពីនេះ នៅមានមហាសេដ្ឋី និងសេដ្ឋីជាច្រើនក្នុងពិភពលោក បានខាតបង់ប្រាក់យ៉ាងច្រើនផងដែរ។

បច្ចុប្បន្ន ក្រុមមន្ត្រីសុខាភិបាលនៃប្រទេសនានា កំពុងតែប្រឹងប្រែងប្រយុទ្ធប្រឆាំងនឹងវីរុស Covid-19។ មុននេះ1 ឬ2សប្ដាហ៍ នៅពេលអាសន្នរោគកូរ៉ូណានៅជាបញ្ហារបស់ប្រទេសចិននៅឡើយ សេណារីយ៉ូដែលថា សេដ្ឋកិច្ចនឹងងើបឡើយវិញក្នុងអនាគតឆាប់ៗខាងមុខ គឺជារឿងសមហេតុផល។ ប៉ុន្តែពេលនេះ អ្នកជំនាញរបស់ Bloomberg លោក Mohamed A. El-Erian មិនគិតថា សេដ្ឋកិច្ចពិភពលោកនឹងងើបឡើងវិញក្នុងពេលដ៏ខ្លីខាងមុខនោះទេ៕

ប្រភព៖ សារព័ត៌មានបរទេស

February 29, 2020

ត្រសក់ផ្អែមស្រុកបន្ទាយស្រី ល្បីខ្លាំង លក់មិនដល់ 2ថ្ងៃផង ដាច់អស់គ្មានសល់

កម្មវិធីសម្របសម្រួល និងរៀបចំឱ្យមានការលក់ត្រសក់ផ្អែមទ្រង់ទ្រាយធំមួយសម្រាប់អ្នកដាំត្រសក់ផ្អែមនៅស្រុកបន្ទាយស្រីនៅក្នុងផ្សារហេរីថេកក្នុងខេត្តសៀមរាបកាលពីពេលថ្មីៗនេះ ត្រូវបានលក់ដាច់គ្មានសល់ក្នុងរយៈពេលតែ 2ថ្ងៃប៉ុណ្ណោះ។

លោក ឃឹម ហ្វីណង់ ដែលជាអភិបាលស្រុកបន្ទាយស្រី បានបង្ហោះសារនៅក្នុងផេចហ្វេសប៊ុករបស់លោកថា លោកមិនអាចឱបដៃឈរមើលកសិករសហគមន៍កសិករដាំត្រសក់ផ្អែមស្រុកបន្ទាយស្រីដែលធ្លាប់តែមានកេរ្តិ៍ឈ្មោះល្បីល្បាញ បែរជាប្រឈមនឹងការខាតបង់ទាំងស្រុងលើការប្រមូលផលរបស់ខ្លួនក្នុងឆ្នាំនេះឡើយ។

លោក ឃឹម ហ្វីណង់ បានឱ្យដឹងថា៖“ជាធម្មតាទីផ្សារត្រសក់ផ្អែមនេះ ត្រូវបានលក់ចេញទៅតាមសណ្ឋាគារ ភោជនីយដ្ឋាន ផ្សារទំនើប និងតំបន់ទេសចរណ៍នានានៅក្នុងខេត្តសៀមរាប។ ប៉ុន្តែនៅឆ្នាំនេះតម្រូវការត្រសក់ផ្អែមបានធ្លាក់ចុះយ៉ាងខ្លាំងរហូតដល់ទៅ 90% ដែលមិនអាចឱ្យអ្នកដាំលក់កសិផលរបស់ពួកគេចេញបាន ទោះជាលក់ក្នុងតម្លៃថោកយ៉ាងណាក៏ដោយ”។

ដោយហេតុថា ពេលនេះជាសប្តាហ៍ប្រមូលផល ប្រសិនបើនៅតែបន្តលក់មិនចេញក្នុងរយៈពេល 2សប្តាហ៍ទៀតនោះ ត្រសក់ផ្អែមចំនួនរាប់តោននេះ នឹងត្រូវបោះចោលទាំងស្រុង ពីព្រោះទីផ្សារផ្លែត្រសក់ផ្អែមនៅក្នុងស្រុកបន្ទាយស្រីក្នុងឆ្នាំនេះ កំពុងមានការធ្លាក់ចុះខ្លាំង កសិករនឹងពុំមានទុនគ្រប់គ្រាន់សម្រាប់ទូទាត់ថ្លៃជួលដី បង់ការប្រាក់ធនាគារ ថ្លៃពូជ និងថ្លៃឈ្នួលកម្មករ ហើយក៏នឹងមិនមានទឹកចិត្តដើម្បីបន្តដាំទៀតដែរ។

ដូច្នេះលោកអភិបាលស្រុកក៏បានសម្រេចជួយសម្របសម្រួល និងរៀបចំឱ្យមានការលក់ត្រសក់ផ្អែមទ្រង់ទ្រាយធំមួយសម្រាប់សហគមន៍អ្នកដាំត្រសក់ផ្អែមបន្ទាយស្រី នៅក្នុងផ្សារហេរីថេក ក្នុងក្រុងសៀមរាប ក្នុងគម្រោងលក់រយៈពេល 1សប្តាហ៍ពេញ គិតចាប់ពីថ្ងៃទី20 រហូតដល់ថ្ងៃទី26 ខែកុម្ភៈ ដោយដាក់លក់ក្នុងតម្លៃពិសេស 1គីឡូក្រាម ថ្លៃ 4,000រៀល ឬ(1ដុល្លារអាមេរិក) តែបើអតិថិជនទិញច្រើនដល់ចំនួន 10គីឡូក្រាម នោះនឹងត្រូវបានថែមជូន 1គីឡូក្រាម ដោយឥតគិតថ្លៃ។

លោកអភិបាលស្រុក ក៏បានអំពាវនាវដល់បងប្អូនប្រជាពលរដ្ឋទាំងអស់គ្នា ជាពិសេស អ្នកខេត្តសៀមរាប សូមមកចូលរួមកម្មវិធីនេះនៅផ្សារហេរីថេក ឱ្យបានច្រើនកុះករ ដើម្បីជួយទិញផ្លែត្រសក់ផ្អែម របស់ពួកគាត់ក្នុងតម្លៃពិសេស ដើម្បីជួយស្រោចស្រង់ និងលើកទឹកចិត្តដល់សហគមន៍អ្នកដាំត្រសក់ផ្អែមបន្ទាយស្រី មួយនេះ។ ដោយតម្លៃនេះថោកជាងតម្លៃក្នុងទីផ្សារប្រហែលពាក់កណ្តាល និងបានត្រឹមតែអាចឱ្យពួកគាត់ទទួលបានថវិកាមកវិញខ្លះ ដើម្បីយកទៅធ្វើជាទុនដើម្បីដាំដុះបន្តទៀតតែប៉ុណ្ណោះ។

ផ្លែត្រសក់ផ្អែមរបស់សហគមន៍ត្រសក់ផ្អែមបន្ទាយស្រី

លោក ទា គឹមសុទ្ធ ប្រធានមន្ទីរកសិកម្មខេត្តសៀមរាប បានប្រាប់កាសែតឡារ៉ែនពាណិជ្ជថា៖“អតីតសហគមន៍អ្នកដាំត្រសក់ផ្អែមបន្ទាយស្រីនេះ គាត់បានជួបបញ្ហា ដោយសារផលត្រសក់ផ្អែមរបស់គាត់ដែលបានពង្រីកកន្លងមក បានទទួលផលរហូតដល់ទៅប្រមាណពី 8,000-30,000 ផ្លែ នៅពេលដែលប្រមូលផលបានក្នុងចំនួនដ៏ច្រើនបែបនេះ និងចំពេលដែលភ្ញៀវទេសចរបានថយចុះមួយចំនួននៅខេត្តសៀមរាបផងនោះ ធ្វើឱ្យគាត់មានបញ្ហាតែម្ដង”។

លោកប្រធានមន្ទីរកសិកម្មក៏បានបញ្ជាក់ថា៖“បញ្ហាដែលទាក់ទងនឹងភ្ញៀវទេសចរនេះ គឺដោយសារផលត្រសក់ផ្អែមរបស់គាត់ បានបោះដុំលក់នៅផ្សារទំនើបខេត្តសៀមរាប នៅតាមបណ្តាសណ្ឋាគារធំៗ និងនៅតំបន់ទេសចរណ៍មួយចំនួន ដោយក្នុង1ថ្ងៃគាត់បោះឱ្យកន្លែងទាំងនោះជាមធ្យមប្រមាណជា 1-2តោន តែនៅពេលដែលបច្ចុប្បន្ន ខ្សត់ភ្ញៀវទេសចរ គាត់លក់បានត្រឹមតែចំនួន 200គីឡូក្រាមប៉ុណ្ណោះក្នុង 1ថ្ងៃ”។

លោក ទា គឹមសុទ្ធ ក៏បានបញ្ជាក់ទៀតដែរថា៖“ដោយឡែកបញ្ហាដែលកើតឡើង រយៈពេល2-3ថ្ងៃកន្លងមកនេះ គឺផលត្រសក់ផ្អែមដែលពួកគាត់លក់មិនចេញមានរហូតដល់ទៅជាង 10តោន។ ខាងខ្ញុំបានទៅជួបពួកគាត់ ដើម្បីស្វែងរកដំណោះស្រាយ ស្របពេលដែលលោកអភិបាលស្រុកគាត់ចុះទៅតំបន់នោះផង គាត់ក៏បានជួយដោះស្រាយបញ្ហានោះតែម្តងទៅ ហើយក៏បានដោះស្រាយបញ្ហានេះរួចរាល់ហើយទៀតផង”។

សូមបញ្ជាក់ថា កាលពីថ្ងៃទី16 ខែកុម្ភៈ លោកអភិបាលស្រុកវ័យក្មេង បានប្រកាសលក់ត្រសក់ផ្អែមធម្មជាតិរបស់អ្នកស្រុកបន្ទាយស្រី នៅលើទំព័រហ្វេសប៊ុកផ្ទាល់ខ្លួនរបស់លោក ហើយមកដល់ថ្ងៃទី18 ខែកុម្ភៈ ត្រសក់ផ្អែមរបស់សហគមន៍កសិករស្រុកបន្ទាយស្រី បានលក់អស់ពីចម្ការតែម្ដង ព្រោះមានបងប្អូនប្រជាពលរដ្ឋនាំគ្នាមកទិញ និងកុម្ម៉ង់ទិញយ៉ាងភ្លូកទឹកភ្លូកដី៕

February 29, 2020

ចិនប្រើប្រាស់មួកសុវត្ថិភាពឆ្លាតវៃ (AI helmets) ដើម្បីទប់ស្កាត់អាសន្នរោគ Covid-19

ប្រទេសចិន៖ ក្រុមអ្នកវិទ្យាសាស្ត្រ បានស្រាវជ្រាវ និងបង្កើតមួយសុវត្ថិភាពឆ្លាតវៃដែលអាចជួយសមត្ថកិច្ចទប់ទល់នឹងការឆ្លងរាលដាលនៃវីរុសកូរ៉ូណា Covid-19។ នេះបើតាម Tech Times។

ក្រុមហ៊ុនបច្ចេកវិទ្យា Kuang-Chi នៅក្នុងតំបន់ Shenzhen បានឧទ្ទេសនាមមួកសុវត្ថិភាពឆ្លាតវៃមួយប្រភេទ ដែលអនុញ្ញាតឱ្យស្កេនរហ័សដើម្បីស្វែងរកអ្នកដែលមានកម្ដៅខ្លួនខ្ពស់នៅក្នុងហ្វូងមនុស្ស ដែលនេះជួយឱ្យសមត្ថកិច្ចមានភាពងាយស្រួលក្នុងការទប់ស្កាត់ការឆ្លងរាលដាលរបស់មេរោគកូរ៉ូណា។ ក្រៅពីនេះ មួកសុវត្ថិភាពឆ្លាតវៃ AI helmets
នេះក៏អាចស្កេន QR កូដ និងស្គាល់ ឬចំណាំផ្ទៃមុខមនុស្សក្នុងរយៈចម្ងាយ5ម៉ែត្រផងដែរ។ មួកនេះក៏មានបំពាក់បច្ចេកវិទ្យា 5G Wi-Fi និង Bluethooth ព្រមទាំងមានភ្ជាប់វ៉ែនតា VR(virtual reality) ទៀតផង។

ផលិតផលរបស់ Kuang-Chi បានបង្ហាញខ្លួនកាលពីខែវិច្ឆិកា ឆ្នាំ2019 ប៉ុន្តែ វាទើបតែត្រូវបានប្រើប្រាស់ច្រើននៅក្នុងតំបន់សៀងហៃ និងបណ្ដាទីក្រុងមួយចំនួនទៀតរបស់ចិន។ នេះគឺជាផលិតផលមួយក្នុងចំណោមផលិតផលដែលទទួលបានជំនួយពីរដ្ឋាភិបាលចិន។

ក្រុមហ៊ុនមួយចំនួនផ្សេងទៀតរបស់ចិន ក៏កំពុងតែស្រាវជ្រាវ និងអភិវឌ្ឍផលិតផលដែលអាចស្កេនកម្ដៅខ្លួនដោយប្រើពេលខ្លីបំផុត។ ប្រព័ន្ធស្វែងរកអ្នកដែលមានកម្ដៅខ្លួនខ្ពស់ ដែលត្រូវបានបង្កើតឡើងដោយ Baidu និង Megvii នេះ កំពុងត្រូវបានដាក់ឱ្យប្រើប្រាស់នៅតាមស្ថានីយរថភ្លើងក្រោមដីក្នុងទីក្រុងប៉េកាំង ប្រទេសចិន៕

ប្រភព៖ សារព័ត៌មានបរទេស

February 29, 2020

ប្រដាល់គុនខ្មែរតាមស្ថានីយទូរទស្សន៍ចុងសប្ដាហ៍ (ថ្ងៃអាទិត្យ ទី01 ខែមីនា ឆ្នាំ2020)

February 29, 2020

រាជិនីសំឡេងស្រទន់ មាស សុខសោភា គ្រងតំណែងទូតសុឆន្ទៈឆ្នើម Synovy

យោងតាមការបង្ហោះរបស់កំពូលតារាចម្រៀងស្រីប្រចាំផលិតកម្មថោនបានឱ្យឃើញ អ្នកនាង មាស សុខសោភា គ្រងតំណែងជា «ទូតសុឆន្ទៈឆ្នើម Synovy » ។ ទោះបីជាអ្នកនាងបានគ្រងតំណែងទូតសុឆន្ទៈកាលពីឆ្នា ២០១៩ តែបេសកកម្មរបស់អ្នកនាងត្រូវបានមហាជនជាច្រើនគាំទ្រ និងទទួលអត្ថប្រយោជន៍យ៉ាងពីការថែរក្សាសម្រស់រូបឱ្យស្អាតដូចអ្នកនាង។

អ្នកនាង មាស សុខសោភា រៀបរាប់អារម្មណ៍អារម្មណ៍រំភើបដែលនាងត្រូវបានក្រុមហ៊ុនបន្តតំណែងឱ្យជាដៃគូសហការ និង ជាទូតសុឆន្ទៈថា «រយៈពេលនៃការប្រើប្រាស់ Fiber Synovy មិនត្រឹមតែធ្វើនាងខ្ញុំមានសាច់ភ្លឺ ស្អាត និង មានសុខភាពល្អ ដោយសារតែជាតិពុលត្រូវបានកម្ចាត់ជាប្រចាំប៉ុណ្ណោះទេ ផលិតផលក៏ធ្វើឱ្យនាងមានអារម្មណ៍ល្អ និងស្រស់ស្រាយជាប្រចាំផងដែរ»។ អ្នកនាងប្រកាសណែនាំឱ្យប្រើប្រាស់ដើម្បីសុខភាព និង ជួយផ្នែកសម្រស់ ដោយកញ្ញាក៏ប្រកាសថានេះគឺជាផលិតផលគុណភាពល្អគ្មាន២ ក្នុងចំណោម Fiber ដែលកញ្ញាធ្លាប់ប្រើប្រាស់។

គួរបញ្ជាក់ផងដែរថា តារាចម្រៀង មាស សុខភាព នឹងនៅតែបន្តតំណែងជា Brand Ambassador ឬ ជាទូតសុឆន្ទៈរបស់ផលិតផលប្រចាំក្រុមហ៊ុនFood import & Export ដោយមិនកំណត់នោះទេ បើទោះជាផលិតផលនេះបានក្លាយជាផលិតដែលមានទីផ្សារឈរជើងទៅហើយ៕

February 29, 2020

ចោម ក្វាន់ ៖ « ធ្វើជាមនុស្សកុំបោះបង់ការព្យាយាម »

យោងតាមហ្វេសប៊ុករបស់តារាហ្វេសប៊ុកអ្នកនាង ចោម ក្វាន់ គេស្គាល់ថាជាបងប្អូនស្រីរបស់អ្នកនាង ដេន នីក្វាន់ បានបង្ហោះសារលើកទឹកចិត្តដល់មហាជន និងកូនក្រុមរបស់អ្នកនាង ជាកម្លាំងបណ្ដាលចិត្តឱ្យខិតខំប្រឹងប្រែងក្នុងការរកស៊ីពង្រឹងមុខជំនួញ។ អ្នកនាង ចោម ក្វាន់ បានបង្ហើបពីប្រវត្តិកូនក្រុមឈ្មោះអ្នកនាង ឌី ដែលមានប្រវត្តិកម្សត់ ស្ដាប់ហើយចង់ស្រក់ទឹកភ្នែក។

តាមការបញ្ជាក់ អ្នកនាង ឌី ថា កាលពីមួយឆ្នាំមុនខ្លួនទទួលបានកាដូរថយន្តម៉ាក Visto ១គ្រឿងយ៉ាងស្រស់ស្អាតពីអ្នកនាង ចោម ក្វាន់ ។ ប៉ុន្តែមកដល់ឆ្នាំ២០២០ នេះអ្វីដែលអ្នកនាង នឹកស្មានមិនដល់នោះគឺខ្លួនបានទទួលកាដូរថយន្ត Prius មួយគ្រឿងទៀតពីអ្នកនាង ចោម ក្វាន់ ដែលជាមេដ៏ល្អម្នាក់តែងតែចែករំលែកបទពិសោធន៍ល្អៗដល់កូនក្រុម។ ជាមួយគ្នានេះដែរអ្នកនាង ឌី ក៏បានរៀបរាប់បន្ថែមថា៖” ជាដំបូងខ្ញុំសូមអរគុណដល់មេរបស់នាងខ្ញុំ គឺបងស្រី ចោម ក្វាន់ ដែលតែងតែចែករំលែកបទពិសោធន៍ល្អៗគំនិតរកស៊ីសព្វគ្រប់បែបយ៉ាងដល់រូបខ្ញុំ និយាយឡើងចង់តែយំទេ នេះគឺជាអារម្មណ៍ពិតរបស់ខ្ញុំអគុណដល់គ្រួសារ DNK”។ អ្នកនាង បញ្ជាក់ថា មុនជួបអ្នកនាង ចោម ក្វាន់ មុនដំបូងឡើយខ្លួនបានរកស៊ីជាមួយក្រុមហ៊ុនថែរក្សាសម្រស់មួយ តែគ្មានថវិកានោះទេពេលនោះមានតែ៨០០ដុល្លារតែប៉ុណ្ណោះ ហើយចងការគេទៀត តែមិនទទួលបានជោគជ័យអ្វីឡើយ។ ប៉ុន្តែក្រោយបានជួបអ្នកនាង ចោម ក្វាន់ ដែលជាមេល្អ និងគំរូសម្រាប់កូនចៅនោះឃើញថា ការរកស៊ីរបស់អ្នកនាង ពីមួយថ្ងៃទៅមួយថ្ងៃ ពីមួយខែទៅមួយខែមានតែភាពជោគជ័យគ្រប់ពេល។

យ៉ាងណាមិញ អ្នកនាង ចោម ក្វាន់ បានផ្ដាំសារទៅកាន់មហាជនទូទៅថា « ធ្វើជាមនុស្សកុំបោះបង់ការព្យាយាម » បន្ទាប់ពីអ្នកនាងជួយជ្រោមជ្រែងកូនក្រុមខាងលើឱ្យក្លាយជាស្ត្រីរឹងមាំ៕

February 29, 2020

ពេលនេះកីឡាករអាជីពអ៊ីតាលីម្នាក់មានផ្ទុកវីរុសកូរ៉ូណាហើយ

Udoh អាយុ 22ឆ្នាំ សញ្ជាតិអ៊ីតាលី-នីហ្សេរីយ៉ា មានអាការមិនសូវស្រួលខ្លួន នាការប្រកួតចុងសប្តាហ៍កន្លងមកជាមួយក្លិប U23 Juventus។ ក្រោយមកត្រូវបានបញ្ជូនទៅមន្ទីរពេទ្យ Sienne មុននឹងពិនិត្យឃើញវិជ្ជមានកូរ៉ូណាវីរុស។

កីឡាករ King Udoh គឺជាកីឡាករខ្សែប្រយុទ្ធពាក់អាវលេខ9 របស់ក្លិប Pianese ក្នុងក្របខ័ណ្ឌ Serie C អ៊ីតាលី ហើយកីឡាកររូបនេះក៏ជាអតីតកីឡាករយុវជន ក្លិប Juventus ផងដែរ។

មកទល់នឹងពេលនេះ កីឡាករទាំងអស់នៃក្លិប Pianese ត្រូវបានគេពិនិត្យហើយ ដោយមិនមានសញ្ញាវិជ្ជមាននៃវីរុសនេះហើយ តែគ្រប់គ្នាក្នុងក្រុមនេះ ត្រូវបានគេដាក់ឱ្យនៅដាច់ដោយឡែកពីគ្នាមួយរយៈសិន៕

February 29, 2020

គ្រូបង្វឹក U-19 ថៃ ត្រូវ AFC ពិន័យពីបទមិនចូលរួមសន្និសីទកាសែតក្រោយទាត់ចាញ់កម្ពុជា

ក្រុមបាល់ទាត់យុវជនអាយុក្រោម 19ឆ្នាំ កម្ពុជា បានយកឈ្នះក្រុមបាល់ទាត់យុវជនអាយុក្រោម 19ឆ្នាំមីយ៉ាន់ម៉ា ក្នុងលទ្ធផល 3ទល់នឹង0 ក្នុងការប្រកួតពានរង្វាន់ JENESYS Japan-ASEAN U19 Men’s Football Tournament ប្រទេសជប៉ុន។

ឆ្លងកាត់ 3ប្រកួតក្នុងពូលមកនេះ ក្នុងពានរង្វាន់មួយនេះ កម្ពុជាឈ្នះ 1ប្រកួត និងចាញ់ 2ប្រកួត ដោយបានចាញ់លើកទី1 ក្នុងលទ្ធផល 3ទល់នឹង7 និងលើកទី2 ចាញ់ Kagoshima FC 1ទល់នឹង0 និងលើកចុងក្រោយ ឈ្នះមីយ៉ាន់ម៉ា 3ទល់នឹង0។
ជ័យជម្នះ 1ប្រកួតចុងក្រោយនេះ បានធ្វើឱ្យកម្ពុជាហក់ឡើងមកលេខលើ 3វិញ ប្រចាំពូល B នេះ ដោយការប្រកួតបន្ទាប់នៅថ្ងៃស្អែកនេះ ក្រុមកម្ពុជានឹងត្រូវជួបជាមួយនឹងក្រុមលេខ3 ប្រចាំពូលA ដើម្បីដណ្តើមចំណាត់ថ្នាក់លេខ5 ក្នុងចំណោមប្រទេសចូលរូមទាំង8៕

February 29, 2020

គ្រូបង្វឹក U-19 ថៃ ត្រូវ AFC ពិន័យពីបទមិនចូលរួមសន្និសីទកាសែតក្រោយទាត់ចាញ់កម្ពុជា

សហព័ន្ធកីឡាបាល់ទាត់ទ្វីបអាស៊ី( AFC) បានចេញសេចក្តីប្រកាសពិន័យជាទឹកប្រាក់ចំនួន 2,500ដុល្លារ ទៅលើគ្រូបង្វឹកក្រុមបាល់ទាត់យុវជនអាយុក្រោម 19ឆ្នាំថៃ លោក Ithsara Sritharo ពីបទមិនចូលរួមធ្វើសន្និសីទព័ត៌មានក្រោយការប្រកួត។ កាលនោះក្រុម U19 ថៃបានទាត់ចាញ់ U19 កម្ពុជា ក្នុងលទ្ធផល 2ទល់1 នាការប្រកួតពានរង្វាន់វគ្គជម្រុះក្នុងពូលពាន AFC U-19 Championship 2020 កាលពីថ្ងៃទី8 វិច្ឆិកា ឆ្នាំ2019។

JAKARTA, INDONESIA – OCTOBER 28: Thailand coach Ithsara Sritharo is seen during the AFC U-19 Championship Indonesia quarter final match between Qatar and Thailand at the GBK Main Stadium on October 28, 2018 in Jakarta, Indonesia. (Photo by Robertus Pudyanto/Getty Images)

ក្រៅពីពិន័យគ្រូបង្វឹករូបនេះហើយ AFCក៏បានពិន័យសហព័ន្ធកីឡាបាល់ទាត់ថៃ (FAT) ជាទឹកប្រាក់ចំនួន 5,000ដុល្លារដោយសារមិនធ្វើឯកសាររាយការណ៍ទៅAFC លើករណីគ្រូបង្វឹករូបនេះមិនចូលរួមធ្វើសន្និសីទកាសែតក្រោយការប្រកួតនោះទៀតផង។

គ្រូបង្វឹករូបនេះមានពេល 30ថ្ងៃដើម្បីប្ដឹងឧទ្ធរណ៍ ហើយសមាគមបាល់ទាត់ថៃត្រូវតែរាយការណ៍អំពីភាពអសកម្មរបស់មន្ត្រីគ្រូបង្វឹកដែលស្ថិតក្នុងការគ្រប់គ្រងរបស់ខ្លួននាការប្រកួតពានរង្វាន់ដែលរៀបចំដោយ AFC ហើយបើលើកក្រោយគ្រូបង្វឹករូបនេះ រំលោភបំពានលើចំណុចដដែលនេះទៀត នឹងត្រូវពិន័យបន្ថែមពីលើទៀត៕

February 29, 2020

សុទ្ធតែជាកីឡាករដែលមានសមត្ថភាព តែមិនគួរណារៀបចំលទ្ធផលបែបនេះសោះ!

សហព័ន្ធកីឡាបាល់ទាត់អាស៊ី The Asian Football Confederation (AFC) បានពិន័យកីឡាករជម្រើសជាតិឡាវ 2រូប ឈ្មោះ Khampheng Sayavutthi និង Lembo Saysana ដោយមិនឱ្យពាក់ព័ន្ធទៅនឹងគ្រប់សកម្មភាពជាមួយវិស័យបាល់ទាត់អស់មួយជីវិត ដោយសារចូលរួមកំណត់លទ្ធផលទុកមុនក្នុងការប្រកួតមួយនាពេលកន្លងមក។

កីឡាករខ្សែប្រយុទ្ធឡាវទាំង 2រូបនេះ ត្រូវបានចោទប្រកាន់ពីបទឃុបឃិតរៀបចំលទ្ធផលទុកជាមុន ក្នុងអំឡុងការប្រកួតមិត្តភាពរវាងក្រុមជម្រើសក្រុងហុងកុង និងក្រុមជម្រើសជាតិឡាវ កាលពីថ្ងៃទី5 ខែតុលា ឆ្នាំ2017 កន្លងទៅ ខណៈដែលលទ្ធផលនៃការប្រកួតនោះ ក្រុមជម្រើសក្រុងហុងកុង បានយកឈ្នះលើក្រុមជម្រើសជាតិឡាវដោយពិន្ទុ 4-០៕

February 29, 2020

Category: សង្គម និងសេដ្ឋកិច្ច