មិនត្រឹមតែម៉ូដក្រចកនោះទេ ម៉ូដសក់ក៏ត្រូវតែរៀបចំយ៉ាងស្រស់ស្អាតជាទីពេញចិត្តបែបសាមញ្ញ និងងាយៗ តែស្អាតគួរឱ្យស្រឡាញ់។ សូមពិនិត្យមើលម៉ូដសក់ដែលមាននៅក្នុងទំព័រនេះ ហើយសូមជ្រើសរើសម៉ូដសក់ដែលអ្នកពេញចិត្ត រួចតុបតែងម៉ូដសក់របស់អ្នកឱ្យស្រស់ស្អាតជារៀងរាល់ថ្ងៃ ឱ្យស័ក្តិសមជានារីសម័យថ្មី និងដើម្បីអបអរសាទរពិធីបុណ្យសិទ្ធិនារី៕
Category: សង្គម និងសេដ្ឋកិច្ច
ម៉ូដសក់បែបងាយៗ សម្រាប់នារីសម័យថ្មី
សារធាតុអាហារ ដែលចាំបាច់បំផុតសម្រាប់ស្ត្រីក្នុងអំឡុងពេលមានគភ៌
ស្ត្រីមានគភ៌ត្រូវការកម្លាំងថាមពលបន្ថែមឡើងពី150 – 350កាឡូរីក្នុង 1ថ្ងៃ ដើម្បីការចម្រើនធំធាត់របស់ទារកក្នុងផ្ទៃ និងមេតាបូលីហ្ស៊ឹមដែលកើនឡើងរបស់មាតា។ ជាទូទៅគ្រូពេទ្យតែងណែនាំឱ្យទទួលទានប្រូតេអ៊ីនបន្ថែមឡើងយ៉ាងតិច 30ក្រាមក្នុង1ថ្ងៃ។ ដូច្នេះខាងក្រោមនេះ គឺជាសារធាតុអាហារសំខាន់ៗដែលស្ត្រីមានគភ៌ចាំបាច់ត្រូវតែបានទទួល។
ហ្វូលេត : ស្ត្រីមានគភ៌មួយចំនួនមានភាពប្រថុយប្រថានចំពោះការខ្វះសារធាតុហ្វូលេតខ្លាំងណាស់ ដូចជា ការមានគភ៌កូនភ្លោះ ការទទួលទានថ្នាំការពារប្រកាច់ជាដើម ដូច្នេះហើយទើបស្ត្រីមានគភ៌ គួរបានទទួលសារធាតុហ្វូលេតបន្ថែមយ៉ាងតិច 200 – 400មីក្រូក្រាម ហើយហ្វូលេតថែមទាំងជួយកាត់បន្ថយភាពប្រថុយចំពោះភាពពិការរបស់បំពង់ប្រសាទទារកដែលមិនបិទ( Neural Tube Defect) ទៀតផង។
សារធាតុដែក : ស្ត្រីមានគភ៌ត្រូវការសារធាតុដែកច្រើនឡើងដើម្បីផលិតគ្រាប់ឈាម។ ឡារ៉ែនសូមណែនាំឱ្យទទួលយកសារធាតុដែកពីអាហារឱ្យបាន 30 – 60មីល្លីក្រាមក្នុង 1ថ្ងៃ តែបើទទួលទានសារធាតុដែកបន្ថែមក្នុងរូបបែប FeSO4 វិញនោះ ត្រូវឱ្យបានពី 300 – 600មីល្លីក្រាមក្នុង 1ថ្ងៃ។
មានឯកសារមួយបានឱ្យដឹងថា បើកម្រិតសារធាតុដែកខ្ពស់ជ្រុលពេក នឹងនាំឆ្ពោះទៅរកសភាវទឹកនោមផ្អែមខណៈមានគភ៌ ដូច្នេះហើយទើបក្រុមវេជ្ជបណ្ឌិតក្នុងប្រទេសអង់គ្លេស និងកាណាដា តែងពិចារណាក្នុងការផ្តល់សារធាតុដែកបន្ថែមចំពោះតែស្ត្រីណាដែលរកឃើញថា មានជំងឺឈាមស្លេក ដែលបណ្តាលមកពីការខ្វះសារធាតុដែកតែប៉ុណ្ណោះ។ សម្រាប់ប្រទេសដែលកំពុងអភិវឌ្ឍន៍ ភាគច្រើនគ្រូពេទ្យនឹងឱ្យសារធាតុដែកបន្ថែមជាប្រចាំ ដោយសារតែតែងមានការខ្វះសារធាតុដែកច្រើន ទើបកន្លែងខ្លះមានកម្មវិធីបន្ថែមសារធាតុដែក និងហ្វូលេតដល់ស្ត្រីវ័យជំទង់ ដើម្បីកាត់បន្ថយការកើនឡើងនៃរោគឈាមស្លេកតាំងពីពេលមុនតាំងគភ៌។
វីតាមីនB12 : បើមានវីតាមីនក្នុងកម្រិតទាប រួមជាមួយកម្រិតហ្វូលេតដែលខ្ពស់នៅលើស្ត្រីមានគភ៌នោះ នឹងក្លាយជាបច្ច័យប្រថុយប្រថាន ដែលអាចនឹងធ្វើឱ្យទារកមានសភាវឌឺនឹងសារធាតុអ៊ីនស៊ូលីននាពេលអនាគតបាន។
កាល់ស្យូម : កាល់ស្យូម មានភាពសំខាន់សម្រាប់ការអភិវឌ្ឍឆ្អឹងរបស់ទារក នៅពេលតាំងគភ៌ ស្ត្រីនឹងមានតម្រូវការកាល់ស្យូមកើនឡើង 122 – 167ភាគរយ ឬគួរបានទទួលជាតិកាល់ស្យូមយ៉ាងតិចបំផុត 1ក្រាមក្នុង 1ថ្ងៃ។ តាមរយៈការសិក្សាស្រាវជ្រាវមួយ បានឱ្យដឹងថា កាល់ស្យូមនឹងជួយកាត់បន្ថយសម្ពាធឈាមឡើងខ្ពស់នៅលើស្ត្រីមានគភ៌ កាត់បន្ថយភាពប្រថុយប្រថានចំពោះសភាវគភ៌មានជាតិពុលបានទៀតផង។
វីតាមីន A : មានសម្ពន្ធភាពជាមួយកម្រិតសារធាតុដែក បើទទួលបានមិនគ្រប់គ្រាន់ក្នុងខណៈមានគភ៌ នឹងក្លាយជាមូលហេតុបណ្តាលឱ្យកើតរោគលោហិតស្លេកបាន។ បរិមាណដែលលោកគ្រូពេទ្យណែនាំឱ្យទទួលទាននោះគឺ 1ថ្ងៃ 5,000IU បើទទួលបានច្រើនជាង 10,000 IU ទារកនៅក្នុងផ្ទៃនឹងប្រថុយប្រថានក្នុងការកើតសភាវពិការ ជាពិសេសនៅលើប្រព័ន្ធបញ្ចេញទឹកមូត្រ។
ដូច្នេះហើយទើបការជ្រើសរើសប្រើអាហារបំប៉នក្នុងអំឡុងពេលមានគភ៌គួរ ស្ថិតនៅក្រោមការមើលថែរបស់គ្រូពេទ្យ ដើម្បីទទួលបានពាក្យណែនាំដែលត្រឹមត្រូវ និងការប្រើថ្នាំដែលស័ក្តិសម និងដើម្បីឱ្យទាំងម្តាយ និងទារកក្នុងផ្ទៃមានសុវត្ថិភាព រឹងប៉ឹង និងមានវិវឌ្ឍនាការដ៏ល្អប្រសើរ៕
សេដ្ឋកិច្ចឌីជីថល ជាវិស័យមួយដ៏ចម្បងសម្រាប់កម្ពុជា និងអាស៊ានទាំងមូល
រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានលើកឡើងថា សេដ្ឋកិច្ចឌីជីថល គឺជាវិស័យមួយដ៏ចម្បងសម្រាប់កម្ពុជា និងអាស៊ានទាំងមូល ហើយតាមរយៈការស្រាវជ្រាវថ្មីៗនេះ បានបង្ហាញឱ្យឃើញថា ទំហំសេដ្ឋកិច្ចឌីជីថលក្នុងតំបន់អាស៊ាន ត្រូវបានរំពឹងថា កើនឡើងដល់ 200 ប៊ីលានដុល្លារ ក្នុងរង្វង់ពេល 10ឆ្នាំខាងមុខនេះ។
ឯកឧត្តម សុខ ពុទ្ធិវុធ រដ្ឋលេខាធិការ នៃក្រសួងប្រៃសណីយ៍ និងទូរគមនាគមន៍ បានលើកឡើងបែបនេះក្នុងឱកាសដែលឯកឧត្តម ធ្វើជាអធិបតីក្នុងពិធីបើកសិក្ខាសាលាស្តីពីដំណោះស្រាយ នៃភាពស្មុគស្មាញ នៃសន្តិសុខបច្ចេកវិទ្យាទូរគមនាគមន៍ និងព័ត៌មាន នៅក្នុងយុគសម័យនៃការតភ្ជាប់ (Tame the Complexity of Cybersecurity in the Connected Age) កាលពីថ្ងៃទី18 ខែកុម្ភៈ ឆ្នាំ2020 នេះ នៅទីស្ដីការក្រសួងប្រៃសណីយ៍ និងទូរគមនាគមន៍។
ឯកឧត្តម សុខ ពុទ្ធិវុធ បានថ្លែងថា រាជរដ្ឋាភិបាលកម្ពុជា ទទួលស្គាល់នូវការរីកចម្រើនលូតលាស់យ៉ាងឆាប់រហ័សនៃបច្ចេកវិទ្យា ក៏ដូចជាការទីផ្សារ និងសេដ្ឋកិច្ច នៅក្នុងវិស័យបច្ចេកវិទ្យាទូរគមនាគមន៍ និងព័ត៌មាន។
ឯកឧត្តមបានមានប្រសាសន៍ថា “សេដ្ឋកិច្ចឌីជីថល គឺជាវិស័យមួយដ៏ចម្បងសម្រាប់កម្ពុជា និងអាស៊ានទាំងមូល ហើយតាមការស្រាវជ្រាវថ្មីៗនេះ បានបង្ហាញឱ្យឃើញថា ទំហំសេដ្ឋកិច្ចឌីជីថលក្នុងតំបន់អាស៊ាន ត្រូវបានរំពឹងថា កើនឡើងដល់ 200 ប៊ីលានដុល្លារ ក្នុងរង្វង់ពេល 10ឆ្នាំខាងមុខនេះ ដែលនៅក្នុងនោះពាណិជ្ជកម្មតាមប្រព័ន្ធអេឡិកត្រូនិកមានទំហំទឹកប្រាក់ប្រមាណជា 88ប៊ីលានដុល្លារ”។
ឯកឧត្តម រដ្ឋលេខាធិការ បានបន្ថែមទៀតថា ក្នុងខណៈពេលដែលវិស័យបច្ចេកវិទ្យាទូរគមនាគមន៍ និងព័ត៌មាន បាននាំមកនូវឱកាសថ្មីៗជាច្រើន វាក៏បានបើកចំហផងដែរ នូវភាពងាយរងគ្រោះជាច្រើនដល់យើងទាំងអស់គ្នា។ ជាសកល ការគំរាមកំហែងតាមប្រព័ន្ធអ៊ីនធើណិត និងការវាយប្រហារ គឺកាន់តែមានភាពស្មុគស្មាញឡើងៗ ហើយផលប៉ះពាល់ ក៏មានទំហំធំធេងដែរ។
នៅកម្ពុជា ក៏អាចនឹងទទួលរងពីការគំរាមកំហែងនោះដែរ។ លើសពីនេះទៅទៀត បណ្តាញអុីនធើណិតរបស់រដ្ឋាភិបាល ទទួលរងការវាយប្រហារដោយមេរោគ ការជ្រៀតចូលលួចទិន្នន័យ និងការកែប្រែព័ត៌មាន នៅក្នុងវេបសាយជាដើម។ ក្នុងនោះផងដែរ យើងក៏ធ្លាប់ទទួលរងគ្រោះ ដោយការវាយប្រហារក្នុងទម្រង់ DDoS ដែលធ្វើឱ្យប្រព័ន្ធអ៊ីនធើណិតនៅកម្ពុជា មានភាពរអាក់រអួល មិនដំណើរការ។
ជាមួយគ្នានេះដែរ ឯកឧត្តម សុខ ពុទ្ធិវុធ បានបញ្ជាក់ទៀតថា កម្ពុជាត្រូវការឆ្លើយតបទៅនឹងបញ្ហាប្រឈមផ្នែកសន្តិសុខបច្ចេកវិទ្យាទូរគមនាគមន៍ និងព័ត៌មាន ដើម្បីត្រៀមខ្លួនក្នុងការធ្វើដំណើរទៅកាន់សេដ្ឋកិច្ចឌីជីថល នាពេលអនាគតដ៏ខ្លីខាងមុខនេះ។
ឯកឧត្តម សុខ ពុទ្ធិវុធ សង្ឃឹម និងជឿជាក់ថា សិក្ខាសាលានេះ នឹងចូលរួមចំណែកជាមួយនឹងកិច្ចប្រឹងប្រែងរបស់រាជរដ្ឋាភិបាល ក្នុងការសម្រេចឱ្យបាននូវគោលដៅ ដែលមានចែងនៅក្នុងយុទ្ធសាស្ត្រចតុកោណដំណាក់កាលទី4របស់រដ្ឋាភិបាលអាណត្តិទី6 នៃរដ្ឋសភា នៅក្នុងចតុកោណទី2 គឺការធ្វើពិពិធកម្មសេដ្ឋកិច្ច ត្រង់មុំទី3 បានកំណត់ថា “ការរៀបចំខ្លួនសម្រាប់សេដ្ឋកិច្ចឌីជីថល និងឆ្លើយតបនឹងបដិវត្តន៍ឧស្សាហកម្មជំនាន់ទី4”។
ថ្មីៗនេះដែរ ដំណើរការសាកល្បងបច្ចេកវិទ្យាទូរគមនាគមន៍ជំនាន់ទី5 (5G)របស់ក្រុមហ៊ុន Yes Seatel (Yes 018) ត្រូវបានដាក់ឱ្យដំណើរការ ដើម្បីឆ្លើយតបនឹងចក្ខុវិស័យនេះ ក្រសួងកំពុងដំណើរការទៅមុខយ៉ាងល្អក្នុងការចេញអាជ្ញាប័ណ្ណវិសាលគមន៍5G ដល់ប្រតិបត្តិករ ហើយក្រសួងនឹងបន្តផ្តល់ការគាំទ្រដល់ប្រតិបត្តិករទូរគមនាគមន៍នៅកម្ពុជា ដើម្បីឱ្យបណ្តាខេត្ត ក្រុងទាំងអស់បានទទួលប្រព័ន្ធសេវា 5G យ៉ាងឆាប់រហ័សផងដែរ”។
“ចក្ខុវិស័យរបស់ផែនការមេបច្ចេកវិទ្យាទូរគមនាគមន៍ និងព័ត៌មានអាស៊ានឆ្នាំ2020 នឹងជំរុញអាស៊ានឆ្ពោះទៅកាន់ការប្រកាន់យកសេដ្ឋកិច្ចឌីជីថលដែលមានសុវត្ថិភាពខ្ពស់ ចីរភាព និងមានភាពរីកលូតលាស់ ហើយធ្វើឱ្យសហគមន៍អាស៊ាន ក្លាយជាសហគមន៍មួយ មាននវានុវត្តន៍ភាព ពេញលេញ និងរួមបញ្ចូលគ្នាតែមួយ”។ នេះបើតាមការថ្លែងរបស់ឯកឧត្តម រដ្ឋមន្ត្រីក្រសួងប្រៃសណីយ៍។
ឯកឧត្តម ត្រាំ អុីវតឹក បានសម្តែងនូវអំណរសាទរចំពោះក្រុមហ៊ុន ដែលបានវិនិយោគ និងបានកោតសរសើរ ចំពោះការខិតខំប្រឹងប្រែងរៀបចំពិធីសាកល្បងបច្ចេកវិទ្យា 5G នេះបានជោគជ័យ ជាបន្តបន្ទាប់លើផ្នែកហេដ្ឋារចនាសម្ព័ន្ធទូរគមនាគមន៍ នៅក្នុងប្រទេសកម្ពុជា ដែលបានជួយឱ្យប្រជាជនកម្ពុជា ទទួលបាននូវបទពិសោធ និងអត្ថប្រយោជន៍ជាច្រើនពីបច្ចេកវិទ្យាទំនើបៗចុងក្រោយផងដែរ។
តាម GSMA: The GSM Association (Global System for Mobile Communications originally Groupe Spécial Mobile) បច្ចេកវិទ្យា5G នឹងជំរុញកំណើនផលិតផលក្នុងស្រុកសរុប 4.8% សម្រាប់ប្រទេស។ បច្ចេកវិទ្យានេះនឹងផ្លាស់ប្តូរពិភពលោក តាមរយៈបច្ចេក វិទ្យា AI Robotics, Dronas IoT និងបច្ចេកវិទ្យា Smart Cities។ Yes 018 មានបណ្តាញ4G 100% ដែលបានគ្រប់ដណ្តប់ចំនួនប្រជាជនជាង 90% នៅក្នុងប្រទេសកម្ពុជា។
ប្រព័ន្ធសេវា 5G ផ្តល់នូវភាពងាយស្រួល និងផ្តល់ល្បឿនលឿនជាងប្រព័ន្ធសេវា 4G ចំនួន 10ដង និងមានប្រព័ន្ធតភ្ជាប់សេវាអ៊ីនធើណិត ជាទីទុកចិត្តជាមួយទូរស័ព្ទស្មាតហ្វូន និងឧបករណ៍អេឡិចត្រូនិកផ្សេងៗ ជាមួយនឹងល្បឿនលឿនក្នុងការទាញយកទិន្នន័យជាមធ្យម 1GB។
ការពង្រីកបច្ចេកវិទ្យា 5G មុនគេនេះ គឺដើម្បីជាផ្នែកមួយចូលរួមចំណែកក្នុងការរីកចម្រើនរបស់ប្រទេសកម្ពុជា ដោយឯកឧត្តមបានកត់សម្គាល់ថា នឹងមានចំនួនការតភ្ជាប់ការប្រើប្រាស់ប្រព័ន្ធអុីនធើណិតតាមរយៈឧបករណ៍អេឡិចត្រូនិក គ្រប់ប្រភេទកាន់តែច្រើន ដែលនឹងផ្តល់នូវភាពងាយស្រួល និងភាពទំនើបទាន់សម័យ ដល់ការរស់នៅបែបសម័យថ្មី។
គួរបញ្ជាក់ដែរថា សិក្ខាសាលាខាងលើនេះ ត្រូវបានរៀបចំដោយនាយកដ្ឋានសន្តិសុខ បច្ចេកវិទ្យាទូរគមនាគមន៍ និងព័ត៌មាន ក្រោមការគាំទ្រដោយក្រសួងប្រៃសណីយ៍ ដោយមានការចូលរួមពីសិក្ខាកាមដែលជាតំណាងមកពីក្រសួង-ស្ថាប័ន រាជរដ្ឋាភិបាល វិស័យឯកជន គ្រឹះស្ថានធនាគារ និងហិរញ្ញវត្ថុ សហគ្រាសមីក្រូ តូច និងមធ្យម និងគ្រឹះស្ថានឧត្តមសិក្សា សរុប 135នាក់។
សិក្ខាសាលានេះរៀបចំឡើងក្នុងគោលបំណងដើម្បីពង្រឹងសមត្ថភាពទៅដល់មន្ត្រី និងបុគ្គលពាក់ព័ន្ធផ្នែកសន្តិសុខ បច្ចេកវិទ្យាទូរគមនាគមន៍ និងព័ត៌មាន (Cybersecurity) ដើម្បីយល់ដឹងអំពីបច្ចេកទេសថ្មីៗ ក្នុងការឆ្លើយតបទៅនឹងហានិភ័យនានា ដែលអាចកើតមានឡើង ក្នុងប្រព័ន្ធអុីនធើណិត៕
ប្រទេសចំនួន10 ដែលមានមហាសេដ្ឋីច្រើនជាងគេបង្អស់ក្នុងពិភពលោក ៖ អាស៊ីអាគ្នេយ៍ក៏មាន1ប្រទេសដែរ!
ក្រៅពីបណ្ដាប្រទេសមហាអំណាចពិភពលោក គេក៏ឃើញប្រទេស1 នៅតំបន់អាស៊ីអាគ្នេយ៍ មានឈ្មោះនៅក្នុងចំណោម10ប្រទេសដែលមានមហាសេដ្ឋីច្រើនជាងគេបង្អស់នៅលើភពផែនដី។
បណ្ដាប្រទេសអ្នកមានបំផុតក្នុងលោក មិនប្រាកដថា មានមហាសេដ្ឋីច្រើនបំផុតនោះទេ។ នៅក្នុងបញ្ជីឈ្មោះខាងក្រោម នឹងបញ្ជាក់អំពីការអះអាងនេះ។ យោងតាមបញ្ជីឈ្មោះនៃបណ្ដាអ្នកមានបំផុតក្នុងពិភពលោក នាឆ្នាំ 2019 របស់ Hurun (ក្រុមហ៊ុនស្រាវជ្រាវមួយរបស់ចិន) បានដាក់ចំណាត់ថ្នាក់ឱ្យមហាសេដ្ឋីចំនួន 2,470នាក់ មកពីប្រទេសចំនួន67 និងមកពីក្រុមហ៊ុនចំនួន1,931ក្រុមហ៊ុន។ ខាងក្រោមនេះគឺជាប្រទេសចំនួន10 ដែលមានមហាសេដ្ឋីច្រើនជាងគេនៅក្នុងពិភពលោក។
1. ប្រទេសចិន (China)
ចំនួនមហាសេដ្ឋី៖ 658នាក់ទីក្រុងដែលមានមហាសេដ្ឋីច្រើនបង្អស់៖ ប៉េកាំង/Beijing (103)
អ្នកមានបំផុត៖ ម៉ាយ៉ាន ឬ ចែកម៉ា/Ma Yun (Jack Ma) និងគ្រួសារ (39ពាន់លានដុល្លារអាមេរិក)
2. សហរដ្ឋអាមេរិក (USA)
ចំនួនមហាសេដ្ឋី៖ 584នាក់ទីក្រុងដែលមានមហាសេដ្ឋីច្រើនបង្អស់៖ ញូវយ៉ាក/New York (92)
អ្នកមានបំផុត៖ ចែប បេហ្សូស/Jeff Bezos (147ពាន់លានដុល្លារអាមេរិក)
3. ប្រទេសអាល្លឺម៉ង់ (German)
ចំនួនមហាសេដ្ឋី៖ 117នាក់អ្នកមានបំផុត៖ ឌីថារស្វាស/Dieter Schwarz (22ពាន់លានដុល្លារអាមេរិក)
4. ប្រទេសអង់គ្លេស (England)
ចំនួនមហាសេដ្ឋី៖ 109នាក់ទីក្រុងដែលមានមហាសេដ្ឋីច្រើនបង្អស់៖ ទីក្រុងឡុងដ៍ (65នាក់)
អ្នកមានបំផុត៖ ភី.អេស ហ៊ីនឌូចា/S.P Hinduja និងគ្រួសារ (21ពាន់លានដុល្លារអាមេរិក)
5. ប្រទេសឥណ្ឌា (India)
ចំនួនមហាសេដ្ឋី៖ 104នាក់ទីក្រុងដែលមានមហាសេដ្ឋីច្រើនបង្អស់៖ បុមបៃ/Mumbai (42នាក់)
អ្នកមានបំផុត៖ ម៉ុកខេស អាមបានី/Mukesh Ambani (54ពាន់លានដុល្លារអាមេរិក)
6. ប្រទេសស្វីស (Switzerland)
ចំនួនមហាសេដ្ឋី៖ 77នាក់ទីក្រុងដែលមានមហាសេដ្ឋីច្រើនបង្អស់៖ ហ្សឺណែវ/Geneva (17នាក់)
អ្នកមានបំផុត៖ ចច ផៅឡូ ឡេម៉ាន/Jorge Paulo Lemann (23ពាន់លានដុល្លារអាមេរិក)
7. ប្រទេសរុស្ស៊ី (Russia)
ចំនួនមហាសេដ្ឋី៖ 59នាក់ទីក្រុងដែលមានមហាសេដ្ឋីច្រើនបង្អស់៖ មូ៉ស្គូ/Moscow (52នាក់)
អ្នកមានបំផុត៖ ឡែនីត ម៉ិកេលសន់/Leonid Mikhelson (21ពាន់លានដុល្លារអាមេរិក)
8. ប្រទេសប្រេស៊ីល (Brazil)
ចំនួនមហាសេដ្ឋី៖ 53នាក់ទីក្រុងដែលមានមហាសេដ្ឋីច្រើនបង្អស់៖ សៅ ផៅឡូ/Sao Paulo (32នាក់)
អ្នកមានបំផុត៖ ចូសែប សាហ្វ្រា/Joseph Safra (19ពាន់លានដុល្លារអាមេរិក)
9. ប្រទេសថៃ (Thailand)
ចំនួនមហាសេដ្ឋី៖ 50នាក់ទីក្រុងដែលមានមហាសេដ្ឋីច្រើនបង្អស់៖ បាងកក/Bangkok) (49នាក់)
អ្នកមានបំផុត៖ ធត់ ជីរវ៉ាត់/Tos Chirathivat និងគ្រួសារ (19ពាន់លានដុល្លារអាមេរិក)
10. ប្រទេសបារាំង (France)
ចំនួនមហាសេដ្ឋី៖ 48នាក់ទីក្រុងដែលមានមហាសេដ្ឋីច្រើនបង្អស់៖ ប៉ារីស/Paris (36នាក់)
អ្នកមានបំផុត៖ Bernard Arnault/បែ៊រណាត អាណូត (86ពាន់លានដុល្លារអាមេរិក)៕
ប្រភព៖ សារព័ត៌មានបរទេស
បេប៊ី ចេញបទថ្មី «ប្រពន្ធកាច» សាច់ភ្លេងកន្ទ្រាក់អារម្មណ៍ចង់ចាក់ក្បាច់រាំ
បទថ្មីពីតារាចម្រៀងស្រី បេប៊ី ទើបតែចេញក្ដៅៗ នៅក្នុងផលិតកម្មថោននោះ មានចំណងជើងថា«ប្រពន្ធកាច» ដោយបទនេះ គឺគ្រាន់តែស្ដាប់សាច់ភ្លេងមានការចាប់អារម្មណ៍តែម្ដង ស្របពេលដែលគេជឿថា ស្រីស្អាតជាម្ចាស់បទនេះ ក៏ពិតជាបំបែកក្បាច់រាំបានទាក់ភ្នែកឱ្យត្រូវនឹងសាច់ភ្លេងល្អ។
បទនេះ ជាស្នាដៃនិពន្ធទំនុកច្រៀង និង Melody ដោយលោក ម៉ានិត វីរ៉ាយុត្ត និងនិពន្ធបទភ្លេងដោយលោក លាង ស៊ាងលីន ដែលធ្លាប់និពន្ធបទភ្លេងឱ្យតារាចម្រៀង កញ្ញា រ៉ាប៊ីផ្ទុះ។ បទថ្មីរបស់កញ្ញា បេប៊ីនេះ នឹងក្លាយជាបទប្រកួតប្រជែងក្នុងអំឡុងបុណ្យចូលឆ្នាំខ្មែរ ដោយសាច់ភ្លេងក្នុងបទចម្រៀងនេះ គ្រាន់តែឮក៏ចង់រាំ មិនខុសពីបទ«មាន់ស្រែ» របស់ថោន ដែលធ្លាប់ផ្ទុះកាលឆ្នាំមុន។
កញ្ញា បេប៊ី ដែលកាន់តែស្រស់សោភាខុសប្លែកពីមុនប្រកាសថា កុំភ្លេចរង់ចាំទស្សនាMV បទនេះ ដោយនាងក៏សន្យានឹងបង្កើតក្បាច់រាំឱ្យរស់រវើកជាមួយក្រុមរាំ និងបង្កើតការសម្ដែងឱ្យប្លែកតម្រូវអ្នកចូលចិត្តរាំបុណ្យចូលឆ្នាំផងដែរ។ អ្នកគាំទ្ររបស់នាងរំពឹងយ៉ាងខ្លាំងថា បេប៊ី នឹងក្លាយជាតារាចម្រៀងលេចធ្លោនៅក្នុងផលិតកម្មថោន ខណៈដែលតារាចម្រៀង មាស សុខសោភា ដែលជាខ្លាញីក៏លេចដំណឹងថារត់ទៅហង្សមាស ដែលច្បាស់ណាស់ថា រ៉ាប៊ី បេប៊ី និង ស៊ូស៊ីរីកា និងក្លាយជាតារាជួរមុខរបស់ផលិតកម្មនេះ។
យ៉ាងណាមិញ បេប៊ី ហាក់មិនមានរំពឹងថាបទ«ប្រពន្ធកាច» របស់ខ្លួន នឹងផ្ទុះកក្រើកជំនួសបទ”មាន់ស្រែ” ដែលធ្លាប់ល្បីលក្រើកកាលចូលឆ្នាំមុននៅឡើយទេ ដោយនាងបានត្រឹមតែអះអាងថានឹងប្រឹងឱ្យអស់ពីលទ្ធភាព។ ក្រៅពីបទប្លែកត្រចៀកមួយនេះ បេប៊ី ក៏មានបទល្អៗជាច្រើនទៀត សម្រាប់ឱកាសចូលឆ្នាំខ្មែរផងដែរ៕
ការពារមេរោគបែបថ្មីមានទាំង Fashion ផងដែរ
ខណៈពេលដែលពិភពលោកកំពុងតែជួបវិបត្ដិដោយសារកូរ៉ូណាវីរុសប្រភេទថ្មី ឬ COVID-19យ៉ាងធ្ងន់ធ្ងរ វិធីការពារខ្លួនដើម្បីរួចផុតពីការឆ្លងមេរោគដ៏កំណាចនេះ ក៏មានច្រើនយ៉ាងនិងច្រើនវិធីដែរ ខាងក្រោមនេះជាផលិតផលការពារការឆ្លងមេរោគប្លែកថ្មីមួយទៀត ដែលរួមបញ្ចូលទាំង Fashion និងសុវត្ថិភាពផងដែរ។
ប្រុសៗ សូមស្តាប់ខាងនេះ! ប្រព័ន្ធ WiFi ធ្វើឱ្យទឹកមេជីវិតចុះខ្សោយ
ប្រព័ន្ធ WiFi ហុចផលប៉ះពាល់ដល់សក្តានុពលរបស់ទឹកមេជីវិតរបស់បុរសៗណា ដែលច្រើនតែដាក់ កុំព្យូទ័រ Labtop លេងនៅលើភ្លៅ ព្រោះអាចនឹងធ្វើឱ្យពិបាកក្នុងការមានកូន។
កាលពីចុងខែកន្លងទៅនេះ ទីភ្នាក់ងារព័ត៌មានរ៉យទ័របានរាយការណ៍ថា អ្នកវិទ្យាសាស្ត្រជនជាតិអាមេរិក និងអាហ្សង់ទីន បានបង្ហើបឱ្យដឹងថា មនុស្សប្រុសដែលចូលចិត្តដាក់កុំព្យូទ័រ Labtop នៅលើភ្លៅ ខណៈពេលភ្ជាប់ប្រព័ន្ធ WiFi នោះ អាចប្រថុយប្រថាននឹងសភាវពិបាកមានកូន ក្រោយពីស្រាវជ្រាវរកឃើញថា ប្រព័ន្ធ WiFi ហុចផលប៉ះពាល់ដល់សក្តានុពលរបស់ទឹកមេជីវិតរបស់មនុស្សប្រុស។
ដោយអ្នកវិទ្យាសាស្ត្រមកពីស្ថាប័នវេជ្ជសាស្ត្រការបន្តពូជ នេសសេនធីស ក្នុងប្រទេសអាហ្សង់ទីន រួមជាមួយស្ថាប័នវេជ្ជសាស្ត្រ វើជីនៀ សហរដ្ឋអាមេរិក បានរួមគ្នាធ្វើការស្រាវជ្រាវពាក់ព័ន្ធនឹងផលប៉ះពាល់របស់ WiFi ចំពោះសភាវការបន្តពូជរបស់មនុស្សប្រុស ដោយនាំយកទឹកមេជីវិតពីមនុស្សប្រុសដែលមានសុខភាពល្អក្នុងអំឡុងអាយុពី 26 – 45ឆ្នាំ ចំនួន 29នាក់ មកដាក់ជិត និងឆ្ងាយពីកុំព្យូទ័រ Labtop ដែលបានភ្ជាប់ប្រព័ន្ធ WiFi រយៈពេល 4ម៉ោង។
លទ្ធផលនៃការសាកល្បងបានបង្ហាញថា បន្ទាប់ពី 4ម៉ោងកន្លងផុតទៅ ទឹកមេជីវិតដែលដាក់នៅជិតកុំព្យូទ័រ Labtopនោះ បញ្ឈប់ការធ្វើចលនា ដល់ទៅ 25ភាគរយ ចំណែក 9ភាគរយទៀត រកឃើញថា DNA ត្រូវបានបំផ្លាញចំណែកទឹកមេជីវិតដែលដាក់នៅឆ្ងាយពីកុំព្យូទ័រ Labtop វិញ បញ្ឈប់ការធ្វើចលនាត្រឹមតែ 14ភាគរយ និងមានត្រឹមតែ 3ភាគរយប៉ុណ្ណោះ ដែលDNA ត្រូវបានបំផ្លាញ។តាមរយៈការស្រាវជ្រាវនេះ បានបង្ហាញឱ្យឃើញថា បើសិនមនុស្សប្រុសប្រើការកុំព្យូទ័រ Labtop និងតភ្ជាប់ប្រព័ន្ធ WiFi អ៊ីនធើណេតហើយដាក់នៅលើភ្លៅនោះ នឹងហុចផលធ្វើឱ្យពិបាកក្នុងការមានកូន តែក៏គួរសង្កេតដែរថា ការងារស្រាវជ្រាវមួយនេះ មិនបាននិយាយពីកម្តៅដែលចេញពីកុំព្យូទ័រ Labtop នោះឡើយ ទាំងដែលកម្តៅ ក៏ជាបច្ច័យមួយដែលបំផ្លាញសក្តានុពលរបស់ទឹកមេជីវិតដែរនោះ។
យ៉ាងណាក៏ដោយ ខាងលោកវេជ្ជបណ្ឌិត រ៉ូប៊ើត អូអាតេស ដែលជាអ្នកឯកទេសខាងប្រព័ន្ធបន្តពូជ និងប្រព័ន្ធបញ្ចេញទឹកមូត្រ បានផ្តល់ទស្សនៈថា លទ្ធផលនៃការស្រាវជ្រាវនេះ គ្រាន់តែជាចំណាប់អារម្មណ៍មួយក្នុងន័យវិទ្យាសាស្ត្រប៉ុណ្ណោះ តែសម្រាប់រូបលោកវិញ វាគ្មានភាពពាក់ព័ន្ធអីខាងជីវវិទ្យារបស់មនុស្សឡើយ៕
លោក ព្រាប សុវត្ថិ សម្រួលសម្រួលជាមួយគ្រួសារអ្នកជិតខាងដោយសន្ដិវិធីដោះស្រាយបញ្ហាផ្លូវចេញចូល
ក្រោយផ្ទុះរឿងពលរដ្ឋជាង៧០ គ្រួសារធ្វើការតវ៉ានិងប្ដឹងទាមទារ ៤ចំណុចទៅខណ្ឌសែនសុខ កាលពីម្សិលមិញទៅលើក្រុមគ្រួសាររបស់កំពូលតារាចម្រៀងលោក ព្រាប សុវត្ថិ រួចមកឥឡូវនេះសាមីខ្លួនបានចេញមុខបកស្រាយហើយ។
លោកព្រាប សុវត្ថិ អះអាងថា កន្លងទៅមានពលរដ្ឋតែ១គ្រួសារ រស់នៅទល់មុខផ្ទះគ្នាប៉ុណ្ណោះដែលអន់ចិត្តចំពោះការចតឡាន និងសំឡេងរំខានខ្លះពីរោងជាងឈើ តែមិនពាក់ព័ន្ធដល់ពលរដ្ឋក្នុងភូមិរហូតដល់៧០គ្រួសារនោះទេ។ លោកថា ការរស់នៅប្រចាំថ្ងៃតែងតែមានការខុសឆ្គងខ្លះ តែក៏គ្មានរឿងអ្វីដែលមិនអាចនិយាយគ្នាបានដែរ ហើយលោកក៏ជាមនុស្សអាចនិយាយគ្នាបានគ្រប់ពេល មិនគួរមានរឿងទេ។ លោក ព្រាប សុវត្ថិ៖«បងកំពុងធ្វើដំណើរតាមផ្លូវចេញពីខេត្ត…បងក៏មិនទាន់ដឹងច្បាស់ពីមូលហេតុដែលនាំឱ្យមានការតវ៉ានោះដែរ តែទៅវិញបងនឹងសិក្សាឱ្យបានជ្រៅជាងនេះ ហើយបងរីករាយនឹងដោះស្រាយជាមួយពលរដ្ឋគ្រប់ពេល។ បើបងខុសបងកែប្រែ»។
គួរបញ្ជាក់ថាពលរដ្ឋប៉ុន្មានគ្រួសារខាងលើបានតវ៉ាឱ្យ អាជ្ញាធរសង្កាត់ គោកឃ្លាំង ខណ្ឌសែនសុខ ជួយដោះស្រាយជូនពួកគាត់នូវ៤ ចំណុចដែលពាក់ព័ន្ធជាមួយកំពូលតារាចម្រៀងលោក ព្រាប សុវត្ថិ រួមមាន៖
១. ឈប់ ឱ្យគាត់ធ្វើរបងបំពានលើផ្លូវសាធារណៈ
២.ឈប់ ធ្វើរោងឈើបិទផ្លូវ
៣.ឈប់ចតរថយន្ត បិទផ្លូវ គ្មានសណ្តាប់ធ្នាប់
៤.ឈប់ រោទិ៍សំឡេងរថយន្តលាន់ខ្លាំងដេកពួនមិនបាន។
សូមជម្រាបថា នៅព្រឹកថ្ងៃទី៦ ខែមីនានេះ កំពូលតារាចម្រៀង ព្រាប សុវត្ថិ បានសម្របសម្រួលជាមួយអ្នកក្បែរខាងដោយសន្ដិវិធី និងធ្វើការអធ្យាស្រ័យចំពោះការលើសលួសទៅអ្នកជិតខាងដោយអចេតនា៕
