នៅព្រឹកថ្ងៃទី2 ខែមេសា ឆ្នាំ2020 នេះ ក្រសួងសុខាភិបាលនៃព្រះរាជាណាចក្រកម្ពុជាបានប្រកាសថា មានករណីឆ្លងមេរោគប្រភេទថ្មីកូវីដ19 ចំនួន 1នាក់បន្ថែម ដែលធ្វើឲ្យតួរលេខសរុបទាំងអស់កើនឡើងដល់ 110នាក់ និងអ្នកដែលជាសះស្បើយមានចំនួន 9នាក់បន្ថែម ដែលធ្វើឲ្យអ្នកជាសះស្បើយសរុបឡើងដល់ចំនួន 34នាក់ហើយ។
ដើម្បីចូលរួមបង្ការ និងទប់ស្កាត់ការរាតត្បាតនៃជំងឺកូវីដ19 និងស្របតាមអនុសាសន៍របស់ប្រមុខរាជរដ្ឋាភិបាលកម្ពុជាក្រសួងអប់រំ យុវជន និងកីឡាសូមផ្អាកការរៀបចំការប្រឡងជ្រើសរើសសិស្សពូកែទូទាំងប្រទេស ឆ្នាំ 2020
ដែលគ្រោងនឹងប្រព្រឹត្តទៅចាប់ពីថ្ងៃទី20 ខែមេសា ឆ្នាំ2020 នៅវិទ្យាល័យនេតយ៉ង់ ខេត្តបាត់ដំបង។
នៅថ្ងៃនេះដែរ សម្ដេចតេជោនាយករដ្ឋមន្ដ្រី ហ៊ុន សែន បានបរិច្ចាគថវិការជាប្រាក់បៀវត្សផ្ទាល់របស់សម្ដេចចំនួន 7ខែ ជូនជូនដល់គណៈកម្មការជាតិប្រយុទ្ធប្រឆាំងនឹងជំងឺកូវីដ19៕
សូមអានសេចក្ដីលំអិតរបស់សម្ដេចនៅខាងក្រោម៖
ភ្នំពេញ ៖ នៅក្នុងស្ថានការណ៍ដ៏គួរឱ្យព្រួយបារម្ភបណ្ដាលមកពីការរាតត្បាតមេរោគ Covid-19 ដែលអាចធ្វើឱ្យសេដ្ឋកិច្ចពិភពលោកធ្លាក់ចុះយ៉ាងគំហុកនៅពេលបច្ចុប្បន្ននេះ ត្រូវបានក្រុមអ្នកជំនាញផ្នែកសេដ្ឋកិច្ចសម្លឹងឃើញថា វាជាឱកាសដ៏ល្អកម្រមានសម្រាប់អ្នកជំនួញនៅក្នុងវិស័យអចលនទ្រព្យ ជាពិសេសផ្នែកដីធ្លីដែលមានតម្លៃទាបជាងទីផ្សារ និងផ្ដល់លទ្ធផលល្អក្នុងការវិនិយោគ។
អគ្គនាយកក្រុមហ៊ុនភ្នាក់ងារអចលនទ្រព្យអន្តរជាតិ KW Sen Sok លោក សំ សុខនឿន បានបង្ហាញពីគំនិតវិជ្ជមានថា នៅឆ្នាំ២០២០ ដែលកំពុងតែស្ថិតនៅក្នុងវិបត្តិ Covid-19 គឺជាឱកាសល្អទាំងសម្រាប់អ្នកមានបំណងចង់ទិញលំនៅដ្ឋានដើម្បីស្នាក់នៅក្នុងតម្លៃទាប ក៏ដូចជាអ្នកវិនិយោគលើវិស័យដីធ្លីផងដែរ ។ លោក បានបញ្ជាក់ថា ឱកាសល្អសម្រាប់អ្នកដែលចង់ទិញលំនៅដ្ឋានបានស្អាត និងមានតម្លៃទាបនៅពេលនេះ គឺមានហេតុផលចំនួន៣ គឺទី១-អ្នកអភិវឌ្ឍបុរីជាទូទៅកំពុងតែផ្តល់លក្ខខណ្ឌបង់ប្រាក់ងាយស្រួល និងមានការបញ្ចុះតំលៃពិសេស។ ទី២- នៅក្នុងឆ្នាំ២០២០នេះ អ្នកទិញនឹងមិនត្រូវបង់ពន្ធប្រថាប់ត្រា៤ភាគរយ សំរាប់ផ្ទះតំលៃ៧ម៉ឺនដុល្លារចុះ ហើយទី៣- អ្នកទិញមានឱកាសចំនេញបានខ្ពស់ ព្រោះមេរោគ COVID-19 នឹងបាត់ទៅវិញក្រោយមានសញ្ញាណវិជ្ជមានមួយចំនួនដែលបង្ហាញថា ពិភពលោកអាចគ្រប់គ្រងស្ថានការនៃការរីករាលដាលនេះបាន។
ដោយឡែក សម្រាប់សម្រាប់អ្នកវិនិយោគអចលនវត្ថុទូទៅ គួរតែវិនិយោគដីធ្លីនៅក្នុងឆ្នាំ២០២០នេះ ដោយសារមានកត្តា៣យ៉ាងផ្តល់អំណោយផល ទី១- អ្នកទិញមានជម្រើសច្រើនក្នុងការទិញ ដោយមានអ្នកចង់លក់ច្រើន ធ្វើឱ្យអ្នកទិញ ទិញបានតម្លៃក្រោមទីផ្សារ និងមានឱកាសចំណេញបានខ្ពស់។ ទី២- ប្រមុខរាជរដ្ឋាភិបាលកំពុងមានយន្តការជំរុញ និងលើកទឹកចិត្តវិនិយោគិនក្រៅប្រទេសឱ្យមកវិនិយោគនៅក្នុងប្រទេសកម្ពុជា។ ទី៣-តម្រូវការក្នុងស្រុកជាក់ស្តែងនៅតែមានការកើនឡើងនៅក្នុងឆ្នាំ២០២០នេះ។
ដោយឡែកសម្រាប់ការធ្វើអាជីវកម្ម ពាណិជ្ជកម្មវិញ ស្ថិតនៅក្នុងស្ថានការណ៍ដែលកំពុងប្រឈមនៅពេលនេះ មានសហគ្រិនមួយចំនួនសួរខ្លួនឯងថា តើគួប្រើវិធានការបែបណាដែលអាចជួយការពារអាជីវកម្មរបស់ខ្លួនបានជាមួយនឹងភាពមិនច្បាស់លាស់ពីកាលកំណត់លុបបំបាត់នូវវិបត្តិនេះបាន? ប៉ុន្តែសម្រាប់សហគ្រិនដែលមានភាពរឹងមាំ នៅតែមានសុទិដ្ឋិនិយមខ្ពស់ ហើយបញ្ជាក់ថា នៅក្នុងបរិបថនៃវុបត្តិជាសាកលមួយនេះ មានឱកាសច្រើនណាស់ដែលបង្កប់ខ្លួននៅក្នុងបញ្ហា ហើយគួរតែប្រើប្រាស់ឱកាសនេះដើម្បីបង្កើនកម្លាំង និងទាញយកប្រយោជន៍។
អ្នកជំនាញផ្នែកសេដ្ឋកិច្ចអន្តរជាតិបានអះអាងថា ការធ្លាក់ចុះសេដ្ឋកិច្ចពិភពលោក ក៏ដូចជានៅក្នុងតំបន់អាចបង្កើតជាឱកាសសម្រាប់ការផ្លាស់ប្តូរទីផ្សារ។ ជាឧទាហរណ៍ ក្រោយពីមានវិបត្តិហិរញ្ញវត្ថុឆ្នាំ២០០៨ មានក្រុមហ៊ុនធំៗចំនួនពីរបានកើតឡើងគឺក្រុមហ៊ុន Airbnb និងក្រុមហ៊ុន Uber។ ក្រុមហ៊ុនទាំងពីរនេះបានរកឃើញគន្លឹះផ្លាស់ប្តូរគំរូពាណិជ្ជកម្មចាស់តាមរយៈការលើកកម្ពស់មនុស្សទូទៅឱ្យរកប្រភពចំណូល ផ្តល់គំនិតច្នៃប្រឌិត និងជម្រើសការងារ។ ចរន្តនៃការងារឯករាជ្យមានមកច្រើនឆ្នាំហើយ ប៉ុន្តែដំណើរធ្លាក់ចុះនៃសេដ្ឋកិច្ចបានរុញច្រានចរន្តនេះឱ្យឡើងកាន់តែខ្ពស់។ ការងារដែលធ្វើដោយខ្លួនឯងបានក្លាយជាដំណោះស្រាយនៃបញ្ហាក្នុងក្រុមហ៊ុនជាប្រពៃណី។
បើទោះជាដំណើរធ្លាក់ចុះនៃសេដ្ឋកិច្ចជាសកលបង្កើតសម្ពាធខ្លាំងលើពាណិជ្ជកម្មតូចតាច ប៉ុន្តែវាក៏បានបង្កើតជាឱកាសសម្រាប់ការចាប់ផ្តើមពាណិជ្ជកម្មថ្មីៗជាច្រើនដែលពោរពេញដោយគំនិតច្នៃប្រឌិត។ ភាពខុសគ្នាស្ថិតនៅត្រង់វិធីសាស្ត្រនៃការធ្វើពាណិជ្ជកម្ម។ សម្រាប់សហគ្រិនដែលចេះមើលចរន្តនៃដំណើរឡើងចុះនៃទីផ្សារសកលមិនមែនជាការគំរាមកំហែងទេ ប៉ុន្តែវាជាឱកាសទៅវិញ៕
ភ្នំពេញ ៖ ត្រឹមរយៈពេល ៣ខែដើមឆ្នាំ២០២០កន្លងទៅនេះ ជាលទ្ធផលនៃការនាំចេញផលិតផលកសិកម្មកម្ពុជាទៅកាន់បណ្តាទីផ្សារអន្តរជាតិមានកំណើនរហូតដល់ជិត ៣លានតោន បើទោះជាទីផ្សារបញ្ជាទិញនៅប្រទេសមួយចំនួនត្រូវបានប្រកាសផ្អាកក៏ដោយ។
សម្រាប់ផលិតផលកសិកម្មដែលបាននាំចេញទៅកានើទីផ្សារអន្តរជាតិទាំងអស់ខាងលើនេះរួមមានដូចជា ស្រូវ អង្ករ ដំឡូងមី គ្រាប់ស្វាយចន្ទី ជ័រកៅស៊ូ សណ្តែងសៀង ស្វាយ ផ្លែចេកស្រស់ ពោត ម្រេច រួមជាមួយនឹងផលិតផលកសិផលបន្ទាប់បន្សំមួយចំនួន ដែលក្នុងនោះសម្រាប់តែអង្ករមានចំនួនរហូតដល់ទៅ ២៣០ ៩៤៨ តោន ដោយត្រូវបែងចែកនៅតាមទីផ្សារផ្សេងគ្នា ដូចជាទីផ្សារប្រទេសមានចំនួន ១០១ ៣៤៥តោន ទីផ្សារអឺរ៉ុបចំនួន ៧០ ០៤០តោន ទីផ្សារអាស៊ានចំនួន២៨ ៧៩៩តោន រួមជាមួយបណ្តាទីផ្សារដទៃទៀសសរុបចំនួន ៣០៧៦៤តោន ។
នៅក្នុងខែមីនា ឆ្នាំ២០២០ ការនាំចេញអង្កររបស់ប្រទេសកម្ពុជា មានបរិមាណចំនួន ៩៤ ៤៤៩ តោន គឺមានកំណើនជិត ១០ភាគរយ ធៀបទៅនឹងខែកុម្ភៈ ឆ្នាំ២០២។ ហើយបើប្រៀបធៀបទៅនឹងខែមីនា ដូចគ្នា ក្នុងឆ្នាំ២០១៩ វិញ ឃើញថា មានកំណើននាំចេញរហូតដល់ ៦២ ភាគរយ ស្របពេលដែលខែមីនា ឆ្នាំ២០១៩ បាននាំចេញត្រឹមតែ ៥៨ ៣៣៥ តោនតែប៉ុណ្ណោះ។ សម្រាប់ត្រីមាសទី១ នៃដើមឆ្នាំ២០២០នេះ កម្ពុជាសម្រេចបានការនាំចេញអង្ករជាផ្លូវការរបស់ខ្លួនប្រមាណជា ២៣០ ៩៤៨ តោន ដែលមានកំណើននាំចេញជាង ៣៥ ភាគរយ ក្នុងនោះទិសដៅនាំចេញមានទៅកាន់ ប្រទេសចិន ៤៤ ភាគរយ ស្មើនឹង ១០១ ៣៤៥ តោន សហគមន៍អឺរ៉ុប ជាង ៣០ភាគរយ ស្មើនឹង ៧០ ០៤០ តោន ប្រទេសនៅក្នុងអាស៊ាន ជាង ១២ ភាគរយ ស្មើនឹង ២៨ ៧៩៩ តោន ហើយនិងនៅតាមបណ្តាប្រទេសផ្សេងទៀតបាននាំចេញជិត១៤ភាគរយ ស្មើនឹង ៣០៧៦៤ តោន។
សម្រាប់ការនាំចេញផលិតផលកសិផលនៅក្នុងត្រីមាសទី២ ត្រូវបានគេព្យាករណ៍ថា អាចនឹងមានថមថយ ដោយរដ្ឋាភិបាលសម្រេចផ្អាកនាំចេញអង្ករសទៅកាន់ទីផ្សារអន្តរជាតិក្នុងរយៈពេលខ្លី ក្នុងពេលដែលមានការរាតត្បាតជំងឺឆ្លងវិបត្តិនៃជំងឺ Covid-19 ដែលពិភពលោកកំពុងប្រឈម៕
មិនមានអ្នកណាម្នាក់ហ៊ាននិយាយថា ខ្លួនមិនត្រូវការសិចនោះទេ ដែលសូម្បីតែឈានចូលដល់វ័យអាយុ70ឆ្នាំក៏នៅតែប្រាថ្នាចង់មានសមត្ថភាពសិចខ្លាំងដដែរ ចុះសម្រាប់គូស្នេហ៍ដែលនៅមានកម្លាំងពេញនៅឡើយនោះ រឿងអីមិនចង់បានភាពស្រណុកសុខស្រួលស្កប់ស្កល់? ប៉ុន្តែទោះជាយ៉ាងណា បញ្ហានៅតែកើតមាន ដែលវាអាចកើតចេញមកពីចន្លោះប្រហោងនានា ក្រោមសកម្មភាពប្រចាំថ្ងៃ រហូតបណ្ដាលឱ្យមានអារម្មណ៍តានតឹងដូចជា សម្ពាធការងារ កម្លាំងថាមពលថមថយ និងបរិយាកាសជុំវិញជាដើម។ ដូច្នេះដើម្បីជំរុញឱ្យការប្រព្រឹត្តសកម្មភាពសិចប្រសើរឡើង សូមស្វែងយល់ជាមួយចំណុចសំខាន់ចំនួន3 ដែលមានប្រសិទ្ធភាពបង្កើនភាពល្អប្រសើរដល់ជីវិតសិចរបស់អ្នកដូចខាងក្រោម ៖
1. ការទទួលទានអាហារប្រចាំថ្ងៃ
មនុស្សជាច្រើនតែងតែមើលរំលង ឬមិនបានខ្វាយខ្វល់ចំពោះបញ្ហានៃរបបអាហារ ដែលអាចជះឥទ្ធិពលដល់ជីវិតសិចនោះទេ។ កង្វះជីវជាតិ ឬបរិភោគអាហារមិនត្រឹមត្រូវអាចនាំទៅរកភាពកង្វះថាមពលដែលឈានទៅរកការបញ្ចេញសមត្ថភាពនៅលើគ្រែជាមួយដៃគូមិនបានពេញលេញ។ ដូច្នេះដើម្បីកែខៃនូវចំណុចអវិជ្ជមាននេះអ្នកត្រូវគិតដល់ការទទួលទានអាហារឱ្យបានសមស្របជារៀងរាល់ថ្ងៃ។ ពាក្យថាសមស្របនេះគឺសំដៅដល់បរិមាណអាហារល្មម និងមានតុល្យភាព ដែលអ្នកត្រូវទទួលទានច្រើនដងក្នុងមួយថ្ងៃ ដើម្បីបង្ការការនឿយហត់អស់កម្លាំង។ អាហារដែលសម្បូរដោយវីតាមីន កាបូនអុីត្រាត ផ្លែឈើស្រស់ៗ និងបន្លែពណ៌បៃតងគឺជាប្រភពនៃថាមពល។ បន្ថែមពីនេះ ធញ្ញជាតិ ខ្លាញ់ត្រី ប្រេងអូលីវ ប្រេងដូង និងផ្លែប៊័រ ក៏ជាប្រភពដ៏ល្អក្នុងការផ្ដល់កម្លាំងថាមពលសិចដល់រាងកាយយ៉ាងប្រសើរផងដែរ។
2. ចៀសវាងភាពធុញថប់ (ស្ត្រេស)
ស្ដ្រេសជារបាំងធំបំផុតក្នុងបញ្ហាលើគ្រែ។ កាលណាអ្នកមានអារម្មណ៍តានតឹងខ្លាំងពីការងារនោះ អ្នកប្រាកដជាមិននឹកនាដល់រឿងសិចឡើយ។ ដូច្នេះការកាត់បន្ថយស្ត្រេស និងធ្វើឱ្យចិត្តស្ងប់ជាការល្អក្នុងការកែខៃជីវិតសិចរបស់អ្នក។ តើគួរធ្វើបែបណា? ដំណោះស្រាយដ៏ល្អគឺ បែងចែកពេលវេលាឱ្យបានច្បាស់លាស់។ ចាត់ទុកការងារជារឿងមួយ ហើយសុភមង្គលគ្រួសារជារឿងផ្សេងពីគ្នា។ ដូច្នេះមិនថា អ្នកមានបញ្ហាពីកន្លែងការងារក៏ដោយ នៅពេលប្រតិបត្តិការជាមួយដៃគូត្រូវគិតពីភាពសុខស្រួលរបស់ដៃគូជាង ដោយបំភ្លេចចោលរឿងការងារមួយឡែកសិន។
3. ហាត់ប្រាណ
ការហាត់ប្រាណតាមរយៈសកម្មភាពផ្សេងៗជាមួយដៃគូ ដូចជា ការរត់ ការជិះកង់ ឬការហាត់កាយសម្ពន្ធរួមគ្នា វាអាចនឹងជួយជំរុញឱ្យរាងកាយមាំមួន និងពង្រឹងចំណង់ផ្លូវភេទបាន។ តាមរយៈការហាត់ប្រាណទាំងនេះអ្នកនឹងកើតមានចំណង់ផ្លូវភេទទ្វេដង ហើយអាចឱ្យអ្នកបញ្ចេញសមត្ថភាពបានប្រសើរនៅក្នុងសមរភូមិក្ដៅជាមួយដៃគូ ដោយសារការហាត់ប្រាណជួយបញ្ចេញសារជាតិគីមី និងអ័រម៉ូនមិនល្អចេញពីក្នុងរាងកាយមកខាងក្រៅ។
សូមចាប់ផ្តើមអនុវត្តពីពេលនេះទៅ នោះអ្នកនឹងបានដឹងពីប្រសិទ្ធភាពនៃគន្លឹះទាំង3ខាងលើនេះជាក់ជាមិនខាន៕
Samsung Display ក្រុមហ៊ុនផលិតបន្ទះអេក្រង់របស់កូរ៉េខាងត្បូងដែលជាផ្នែកមួយរបស់ Samsung Electronics បានសម្រេចចិត្តថា នឹងបញ្ឈប់ការផលិតបន្ទះអេក្រង់ LCD នៅក្នុងប្រទេសកូរ៉េ និងចិន នៅត្រឹមដំណាច់ឆ្នាំ2020នេះ។
ក្រុមហ៊ុនដដែលខាងលើ បានប្រកាសថា ការផ្អាកចង្វាក់ផលិតកម្ម អេក្រង់ LCD នៅក្នុងទឹកដីប្រទេសកូរ៉េខាងត្បូងរបស់ខ្លួន គឺដោយសារតម្រូវការអេក្រង់ LCD នៅលើទីផ្សារ មានការថយចុះ តាំងពីខែតុលា ឆ្នាំកន្លងទៅម្ល៉េះ។
ក្នុងសេចក្ដីថ្លែងការណ៍ Samsung Display បានបន្ថែមថា៖ “នៅមុនដំណាច់ឆ្នាំនេះ យើងនឹងបន្តផ្គត់ផ្គង់ការកុម្ម៉ង់អេក្រង់ LCD ជូនដល់អតិថិជន ដោយគ្មានបញ្ហាអ្វីឡើយ”
Samsung Display បានផលិតអេក្រង់ LCD សម្រាប់ផលិតផលដូចជា iPhone, iPad និង Mac ផងដែរ ប៉ុន្តែតម្រូវការ មានការធ្លាក់ចុះ ដោយសារ Apple និងក្រុមហ៊ុនផលិតស្មាតហ្វូនដទៃងាកទៅប្រើអេក្រង់ OLED វិញ។
អេក្រង់ OLED នេះក៏ Samsung Display ជាអ្នកផ្គត់ផ្គង់ដែរ ដោយអាចទទួលបានចំនួនកុម្ម៉ង់ទិញដ៏ធំពី Apple សម្រាប់ iPhone តម្លៃថ្លៃ និង Apple Watch ហើយ LG ក៏ទទួលបានមួយចំណែកដែរពី Apple។
ក្រុមហ៊ុន BOE អាចនឹងក្លាយជាអ្នកផ្គត់ផ្គង់អេក្រង់ OLED ឱ្យទៅ Apple មួយថ្មីផងដែរ។ នេះបើតាមការចុះផ្សាយកន្លងមកសម្រាប់ឆ្នាំ2020 ឬ 2021៕
Google’s 3D Animals ដែលជាបច្ចេកវិទ្យាប្រើ AI ឆ្លាតវៃ ផលិតដោយបុគ្គលិកក្រុមហ៊ុនបច្ចេកវិទ្យាយក្សអាមេរិក កំពុងត្រូវបានអ្នកប្រើប្រាស់យកមកសាកល្បង និងថែមទាំងពេញនិយមទៀតផង សម្រាប់អ្នកនៅតែក្នុងផ្ទះ ក្នុងអំឡុងពេលដែលមេរោគវីរុស COVID-19 រាតត្បាត ជាពិសេសគឺ ក្មេងៗដែលចូលចិត្តលេងទូរស័ព្ទ។
រំឭកផងដែរថា បច្ចេកវិទ្យាថ្មីនេះត្រូវបានប្រកាសចេញអំឡុងព្រឹត្តិការណ៍ធំប្រចាំឆ្នាំ2019 គឺ At I/O 2019 របស់ Google។ ដោយឡែកឆ្នាំនេះ ត្រូវបានផ្អាក៕
សូមទស្សនាវីដេអូដំណើរការលេង 3D Animals ខាងក្រោម៖
ក្រុមហ៊ុនបច្ចេកវិទ្យា Planet Computers បានផូស្តបង្ហាញរូបរាងគំរូស្មាតហ្វូន Astro Slide 5G ដែលមានសណ្ឋានស្រដៀងនឹង Nokia E7 ត្រង់ហូតចំហៀង និងមានប៊ូតុងចុច ប៉ុន្តែគ្រប់យ៉ាងនៅខាងក្នុង គឺជា ស្មាតហ្វូន។
Astro Slide អាចនឹងចេញជារូបរាងពិត ដោយមានបំពាក់អេក្រង់ខ្នាត 6.3អ៊ិញ ទំហំប៉ុនស្មាតហ្វូនធម្មតា (Touch Screen) និងអាចយកប្រើធ្វើជា mini-labtop បាន។ វានឹងដំណើការដោយ Android 10 មានបំពាក់បន្ទះឈីប 5G MedieTek ថែមទាំងមាន eSIM + ជើងស៊ីមប្រភេទ nano (តូច) មកទៀតផង។ មានជម្រើស RAM 6GB និង 8GB មេម៉ូរី 128GB និង 256GB។
ឯកាមេរ៉ាមុខ-ក្រោយ ក៏មិនអន់ដែរគឺ ខាងមុខ 48MP ឯខាងក្រោយគឺ 48 MP ដូចគ្នា ល្មមអាចថតរូបបានច្បាស់ត្រជាក់ភ្នែក។ ទាំងនេះ គ្រាន់តែជាគំនិត ដែលគ្រោងនឹងផលិត តែដោយឡែក សម្រាប់ថ្ងៃចេញលក់ និងតម្លៃនៅមិនទាន់ដឹងនៅឡើយទេ៕
នៅក្នុងថ្ងៃនេះ (ទី1មេសា) ឆ្នាំ2020 ក្រសួងពាណជិ្ជកម្មបានចេញសេចក្ដីប្រកាសមួយស្ដីអំពីតម្លៃប្រេងសាំងនៅតាមបណ្ដាស្ថានីយលក់ប្រេងក្នុងប្រទេសកម្ពុជា។
សេចក្ដីប្រកាសនេះ គឺយោងទៅតាមប្រកាសរបស់អន្តរក្រសួង រួមនឹងយោងទៅលើការព្រមព្រៀងលើរូបមន្តកំណត់តម្លៃប្រេងជាមួយបណ្ដាក្រុមហ៊ុនប្រេងឥន្ទនៈនៅកម្ពុជា និងយោងទៅការប្រែប្រួលនៃតម្លៃប្រេងលើទីផ្សារក្នុងតំបន់ និងអន្តរជាតិ។
ដើម្បីបានជ្រាបច្បាស់ សូមអានសេចក្ដីជូនដំណឹងរបស់ក្រសួងពាណិជ្ជកម្ម ដូចខាងក្រោម៖
