Category: សង្គម និងសេដ្ឋកិច្ច

ក្រសួងអប់រំ យុវជន និងកីឡា កាលពីម្សិលម៉ិញនេះបានចេញលិខិតថ្មីមួយដើម្បីជូនដំណឹងទៅគណៈអភិបាលរាជធានីខេត្តទាំងអស់ឱ្យផ្អាក​ដំណើរការអាជីវកម្ម​ក្លិបហាត់ប្រាណទូទាំងប្រទេសជាបណ្ណោះអាសន្ន។

នៅក្នុងសេចក្តីជូនដំណឹងនោះបានបញ្ជាក់ថា ក្នុងស្មារតីរួមបង្ការ និងទប់ស្កាត់​ការរីករាលដាល​ covid-19 ក្រសួងអប់រំ យុវជន និងកីឡា សូមស្នើឱ្យ​អាជីវកម្ម​ក្លិបហាត់ប្រាណ​នៅទូទាំងប្រទេសផ្អាកដំណើរការ​ជាបណ្តោះអាសន្ន ចាប់ពីថ្ងៃទី 02 ខែមេសា ឆ្នាំ2020 រហូតស្ថានភាពនៃការរាតត្បាតនេះត្រូវបានបញ្ចប់៕

បន្ទាប់ពីបាត់មុខ4ឆ្នាំ ពេលនេះ Train to Busan វគ្គ2 រំលេចចំណងជើងថ្មី« PENINSULA » និងបានបញ្ចេញ Official Teaser របស់ខ្លួនហើយ។ Train to Busan វគ្គ2 ខ្សែភាពយន្ត Zombie របស់ប្រទេសកូរ៉េខាងត្បូង ពិតជាមិនធ្វើឱ្យខកចិត្តការគាំទ្រខ្លាំងមែនទែនពីទស្សនិកជនដែលកំពុងទន្ទឹងចាំទស្សនា។

រឿងថ្មីសន្លាងពីវគ្គមុននេះ ដំណាលឡើងបន្ទាប់ពីកើតហេតុការណ៍អាក្រក់ក៏ទទួលបានភាពជោគជ័យឡើងវិញ។ ខណៈដែល Train to Busan ចាក់បញ្ចាំងរួចរាល់ ក៏មានការសំណូមពរពីទស្សនិកជន ជាពិសេសអ្នកគាំទ្រតែម្ដង ដោយពួកគេចង់ឱ្យខាងផលិតកម្មផលិតវគ្គ2 ជាបន្ដមកទៀត។ អ្វីដែលគួរឱ្យរំភើបនោះគឺ អ្នកដឹកនាំរឿង ពុំបានធ្វើឱ្យទស្សនិកជនខកចិត្តនោះឡើយ ដោយថ្ងៃនេះផងដែរខាងផលិតកម្មបានបង្ហោះនូវ Teaser នៃរឿង PENINSULA ។ PENINSULA គឺជារឿងដែលរៀបរាប់ពីរយៈពេល4 ឆ្នាំក្រោយព្រឹត្តិការណ៍នៃរឿង Train to Busan នេះឯង ប៉ុន្តែសាច់រឿងនេះមិនមែនបន្តពី Train to Busan ឡើយ ដោយរឿងនេះគ្រាន់តែស្ដិតនៅក្នុងព្រឹត្តិការណ៍ចក្រវាលជាមួយ Train to Busan តែប៉ុណ្ណោះ។

តាមការអះអាងរបស់អ្នកដឹកនាំរឿង លោក យ៉៉ន សាំងហូ បានផ្ដល់បទសម្ភាសន៍ឱ្យសារព័ត៌មានកូរ៉េថា៖ « យើងតាំងចិត្តសាងពិភពលោកមួយក្រោយជួបគ្រោះមហន្ដរាយ ឱ្យពោរពេញទៅដោយអរិយធម៌ដ៏ស្រស់បំព្រង ក្នុងរូបបែបរបស់យើង គឺ PENINSULA ដែលនិទានរឿងរ៉ាវថ្មីសម្លឹងទៅទីធំល្វឹងល្វើយ ចំណាយទុនផលិតអស់ច្រើនជាងមុន។ ដោយភាគដំបូង យើងអាចកើបប្រាក់ចំណេញខ្ពស់ដល់ 92 លានដុល្លារ អ៊ីចឹងហើយ ភាគបន្ទាប់នេះយើងកាន់តែរំពឹងខ្ពស់ ដោយសារយើងសាងភាពយន្ដថ្មី មិនមែនជាហេតុការណ៍កើតក្នុង Train to Busan តែនិទានពីអ្នកដែលរួចជីវិត និងសាងរូបភាពពិភពថ្មីនៃទីក្រុងរលំរលាយ ជាមួយការបង្ហាញមុខតួអង្គថ្មី ក្នុងការសង្គ្រោះពិភពលោកមួយ»។

សូមជម្រាបបញ្ជាក់ថា រឿង« PENINSULA » ឬTrain to Busan វគ្គ2 នេះ ខាងប្រទេសកូរ៉េខាងត្បូង គ្រោងនឹងដាក់បញ្ចាំងនៅអំឡុងខែ សីហា ឆ្នាំ 2020 នេះហើយ ក៏ប៉ុន្ដែ ខណៈពិភពលោកកំពុងតែរងគ្រោះដោយសារវីរ៉ុសកូរូណា19 នេះ ទើបបណ្ដាលឱ្យខាងផលិតកម្ម នៅមិនទាន់អាចបញ្ជាក់ពីថ្ងៃដាក់បញ្ចាំងជាក់លាក់ ពោលគឺ អាស្រ័យលើស្ថានភាពល្អប្រសើរឡើងវិញសិន៕

https://youtu.be/u0YhoV6aQVc

តាមរយៈសារព័ត៌មានកម្សាន្ដ Teenee នៅព្រឹកថ្ងៃទី 3 ខែមេសា ឆ្នាំ 2020 នេះ បានចេញផ្សាយឱ្យដឹងថា នេះជាហេតុការណ៍ដ៏សែនរន្ធត់កើតឡើងនៅប្រទេសអ៊ីតាលី បុរសជាគិលានុបដ្ឋាកម្នាក់ បានសម្លាប់ទុកទ័រស្រីដែលជាសង្សារបស់ខ្លួន ឱ្យបាត់បង់ជិវិតដោយអះអាងថា ខ្លួនបានឆ្លងជំងឺកូវីដ19 ពីសង្សាររបស់ខ្លួន។

លោក អាន់តូនិអូ ដេ ប៉ាឆេ ជាគិលានុបដ្ឋាក មានវ័យ 28 ឆ្នាំ កំពុងបម្រើការងារនៅក្នុងមន្ទីរពេទ្យមួយកន្លែងនៅក្រុង មេសស៊ីណា ខេវ៉ាន់ស៊ីស៊ីលី ភាគខាងត្បូងនៃប្រទេសអ៊ីតាលី។ លោកបានទូរស័ព្ទទៅប្ដឹងប៉ូលីសឱ្យមកចាប់ខ្លួនលោកបន្ទាប់ពីកើតហេតុការណ៍សម្លាប់សង្សារស្រី មានឈ្មោះ​ នាង ឡរ៉េណា ក្វារ៉ាន់តា ភេទស្រី អាយុ 27 ឆ្នាំ កំពុងបម្រើការងារជាដុកទ័រក្នុងមន្ទីរពេទ្យជាមួយគ្នា។ ខណៈដែលប៉ូលីសបានទៅដល់អាផាតមិនដែលបុរសជាគិលានុបដ្ឋាកនោះស្នាក់នៅ ក៏បានឃើញហេតុការណ៍មួយទៀតកើតឡើងគឺ បុរសខាងលើនេះ ព្យាយាមចងកធ្វើអត្តឃាតខ្លួន ក្រោយបានសម្លាប់សង្សារឱ្យស្លាប់ដាច់ខ្យល់។ តែយ៉ាងណាមិញ ក្រុមគ្រូពេទ្យបានព្យាយាមជួយសង្គ្រោះជីវិតបុរសនេះ ឱ្យរស់រួចជិវិតឡើងវិញ។

បន្ទាប់ពីកើតហេតុការណ៍ដ៏សោកសៅមួយនេះ អាន់តូនិអូ ដេ ប៉ាឆេ បានសារភាពប្រាប់ប៉ូលីសថា ខ្លួនពិតជាសម្លាប់សង្សារ ព្រោះសង្ស័យថាខ្លួនបានឆ្លងជំងឺកូវីដ19ពីសង្សារពិតមែន ។ យ៉ាងណាមិញ គ្រូពេទ្យបានធ្វើការត្រួតពិនិត្យរាងកាយលោក អាន់តូនិអូ ដេ ប៉ាឆេ ក៏បានរកឃើញលទ្ធផលច្បាស់អះអាងថា រូបលោកគ្មានការឆ្លងនៃវីរ៉ុសកូវីដ19 នោះទេ។ ទើបសារព័ត៌មានអ៊ីតាលី បានចាត់ទុកព័ត៌មានសោកសៅនេះជាមេរៀនដល់គ្រូទេព្យថា ៖ « ស្ត្រីបានស្លាប់ជាគ្រូពេទ្យឆ្នើម ដែលធ្វើការយ៉ាងមុតមាំដើម្បីជួយជីវិតអ្នកដទៃ រឿងនេះជារឿងដ៏សែនសោកសៅបំផុតក្នុងដួងចិត្ត»៕

អ្នកម្តាយដែលទើបតែមានគភ៌ថ្មោងថ្មីដែលកើតមានក្តីសង្ស័យ និងមិនប្រាកដក្នុងចិត្តថា តើក្នុងអំឡុងពេលមានគភ៌នោះ ត្រូវមើលថែទាំអ្វីខ្លះទៀត បន្ទាប់ពីជ្រើសរើសមុខម្ហូបត្រូវតាមភោជនាការរបស់ស្ត្រីមានគភ៌ហើយ ហាត់ប្រាណយ៉ាងត្រឹមត្រូវ និងសម្រាកយ៉ាងគ្រប់គ្រាន់ហើយ តើនៅមានរឿងអ្វីដែលគួរធ្វើបន្ថែមទៀតឬទេ? និងតើមានរឿងអ្វីខ្លះដែលគួរចៀសវាង? កិច្ចការងារពីមុនដែលធ្លាប់ធ្វើ តើអាចធ្វើបានទៀតឬទេ? ឬហុចផលអាក្រក់ប៉ុនណា?។ ចំណុចសង្ស័យទាំងនេះសុទ្ធតែជារឿងដែលអ្នកម្តាយមានគភ៌នៅសង្ស័យច្រើនគ្នាណាស់ ដូច្នេះយើងនាំគ្នាមកបកស្រាយចំណុចសង្ស័យទាំងនេះទាំងអស់គ្នា។

1 – ទម្ងន់ខ្លួនដែលស័ក្តិសមសម្រាប់អ្នកម្តាយមានគភ៌បើអ្នកម្តាយមានគភ៌ទទួលទានអាហារតាមការណែនាំហើយ (ប្រូតេអុីន វិតាមីន សារធាតុរ៉ែ អុីយ៉ូដ កាល់ស្យូម ហ្វូលេត សារធាតុដែក) នោះ ទម្ងន់ខ្លួននឹងកើនឡើងប្រមាណជា 12 – 15 គីឡូក្រាម ជាមធ្យមកើនមួយខែ 2 គីឡូក្រាម តែក្នុងត្រីមាសដំបូងទម្ងន់អាចថយចុះបាន ដោយសារតែអាការចាញ់កូនដែលក្អួតចង្អោរញឹកញាប់ ឬមិនអាចញ៉ាំអាហារបានច្រើន។ ក្នុងត្រីមាសទី 2 ជាអំឡុងពេលអស់អាការចាញ់កូនហើយ អ្នកម្តាយអាចហាត់ប្រាណបានយ៉ាងត្រឹមត្រូវ ដើម្បីគ្រប់គ្រងកុំឱ្យទម្ងន់កើនឡើងលឿនជ្រុលពេក ចំណែកត្រីមាសចុងក្រោយ ត្រូវប្រយ័ត្នប្រយែងបន្តិច ព្រោះឱកាសប្រសូតមុនកំណត់មានខ្ពស់ណាស់បើសិនបញ្ចេញកម្លាំងធ្វើអ្វីមួយខ្លាំងជ្រុលពេក ក្នុងត្រីមាសនេះ ទម្ងន់ខ្លួនអ្នកម្តាយនឹងកើនឡើងខ្ពស់បំផុត។

2 – ចាក់វ៉ាក់សាំងការពារជំងឺផ្សេងៗក្នុងអំឡុងមានគភ៌ត្រីមាសដំបូងព្រោះតែមិនដឹង តើនឹងមានគ្រោះថ្នាក់ទេ? បើវ៉ាក់សាំងដែលចាក់នោះជាវ៉ាក់សាំងការពារតេតាណូស គ្រុនផ្តាសាយធំ ឬកញ្រ្ជឹល មិនជាគ្រោះថ្នាក់ដល់ទារកក្នុងផ្ទៃទេនិងជាការសាងប្រព័ន្ធការពារជំងឺឱ្យខ្លួនទារកទៀតផង។ ពេញមួយរយៈពេល 9 ខែ អ្នកម្តាយអាចត្រូវចូលទៅទទួលការចាក់វ៉ាក់សាំង
ការពារជំងឺយ៉ាងត្រឹមត្រូវ ដើម្បីទារកចម្រើនធំធាត់រឹងប៉ឹង និងពេញលេញ ប្រាសចាកជំងឺដង្កាត់។

3 – វីតាមីនបន្ថែម ចាំបាច់ដែរឬទេ?សារធាតុអាហារដែលអ្នកម្តាយគួរទទួលទានបន្ថែមនោះគឺ សារធាតុដែក ដែលជួយគាំទ្រការធ្វើការងាររបស់ហ៊ីម៉ូគ្លោប៊ីនក្នុងគ្រាប់ឈាមក្រហមដែលជាអ្នកនាំអុកស៊ីហ្ស៊ែនឆ្ពោះទៅទារកដែលនៅក្នុងផ្ទៃ បើអ្នកម្តាយបានទទួលសារធាតុដែកមិនគ្រប់គ្រាន់ នឹងធ្វើឱ្យកើត សភាវលោហិតស្លេក ហុចផលឱ្យអ្នកម្តាយកើតអាការនឿយល្វើយ ហត់ និងដកដង្ហើមមិនស្រួល។ ទាំងអស់នេះ ការទទួលទានសារធាតុដែកគួរស្ថិតក្នុងបរិមាណដែលសមល្មមតាមដែលរាងកាយត្រូវការ ចំណែកវិតាមីន និងសារធាតុអាហារផ្សេងទៀតបើទទួលទានអាហារគ្រប់ 5 ប្រភេទក្រុមតាមពាក្យណែនាំរបស់គ្រូពេទ្យហើយនោះ មិនចាំបាចទទួលទានវីតាមីនបន្ថែមក៏បានដែរ តែ
គួរញ៉ាំទឹកដោះគោជាប្រចាំដើម្បីបង្កើនភាពរឹងមាំរបស់ឆ្អឹងទារកនៅក្នុងផ្ទៃ មិនគួរទទួលទានថ្នាំសារធាតុដែកលាយគ្នាជាមួយទឹកដោះគោឡើយ ព្រោះវាធ្វើឱ្យមានគុណវិបត្តិច្រើនជាងគុណសម្បត្តិ។

4 – ស្វាមីទ្រាំមិនបាន សុំមានភេទសម្ព័ន្ធក្នុងអំឡុងពេលមានគភ៌ការមានភេទសម្ព័ន្ធមិនមែនជារឿងគ្រោះថ្នាក់ដល់ទារកក្នុងផ្ទៃទេ លើកលែងតែខាងប្រុសមានជំងឺកាមរោគ។ ក្នុងអំឡុងត្រីមាសទី 3 សូមឱ្យលោកឪពុកអត់ទ្រាំបន្តិច ព្រោះជាដំណាក់កាលសំខាន់ណាស់ គភ៌របស់អ្នកម្តាយមិនគួរទទួលរងកម្លាំងញ័ររញ្ជួយអ្វីទាំងអស់ ដើម្បីការពារការប្រសូតមុនកំណត់ និងអាចធ្វើឱ្យទារកមិនរឹងប៉ឹងបាន។ បើត្រីមាសទី 1 និង 2 អ្នកម្តាយគួរសង្កេតមើលផងថា តើមានអាការខុសប្រក្រតីឬទេ ដូចជា ឈឺពោះមុនពេលកំណត់ និងមានឈាមធ្លាក់ចេញពីមាត់ស្បូន ជាដើម បើមានអាការទាំង
នេះ គួរបញ្ឈប់ការមានភេទសម្ព័ន្ធ និងទៅជួបគ្រូពេទ្យភ្លាម។

5 – ទឹកដោះដែលគួរញ៉ាំក្នុងអំឡុងពេលមានគភ៌អ្នកម្តាយអាចញ៉ាំទឹកដោះបានគ្រប់ប្រភេទ ទាំងទឹកដោះគោ ទឹកដោះពពែ ឬទឹកសណ្តែកលឿង (មិនចាំបាច់តែទឹកដោះសម្រាប់ស្រ្តីមានគភ៌ក៏បានដែរ) និងគួរញ៉ាំឱ្យបានទ្វេរដង ព្រោះរាងកាយរបស់អ្នកម្តាយត្រូវការកាល់ស្យូម និងកូនតូចក៏ត្រូវការកាល់ស្យូមដែរ ព្រោះកាល់ស្យូមនេះនៅបានជួយការពារសភាវលើសឈាមបានទៀតផង។

6 – មុនប្រើថ្នាំក្នុងអំឡុងពេលមានគភ៌ប្រឹក្សាជាមួយគ្រូពេទ្យសម្ភពគឺជាវិធីដែលល្អបំផុត ព្រោះថ្នាំប្រភេទខ្លះមានគ្រោះថ្នាក់ដល់ទារក ដូចជាអ្មកម្តាយមានគភ៌ដែលរក្សាសម្ផស្សត្រូវការញ៉ាំថ្នាំព្យាបាលមុន ដែលថ្នាំព្យាបាលមុនខ្លះជាប្រភេទលាប និងខ្លះទៀតជាប្រភេទលេបដែលអាចចាត់ទុកថាជាប្រភេទថ្នាំគ្រោះថ្នាក់ដែលមានផលទៅដល់ទារកនៅក្នុងគភ៌ អាចធ្វើឱ្យកើតភាពពិការបាន ដូច្នេះមុននឹងប្រើថ្នាំគួរប្រឹក្សាជាមួយគ្រូពេទ្យ និងត្រូវប្រាប់គ្រប់ពេលថាខ្លួនឯងមានគភ៌ ដើម្បីបានទទួលការផ្តល់ថ្នាំដែលត្រឹមត្រូវ។

7 – មានដុំសាច់ដុះក្នុងអំឡុងពេលមានគភ៌ភាពគ្រោះថ្នាក់អាស្រ័យលើទីតាំង និងលក្ខណៈរបស់សាច់ដុះនោះ នៅពេលអ្នកម្តាយស្ទាបប៉ះ គួរទៅប្រឹក្សាជាមួយគ្រូពេទ្យជំនាញដើម្បីប៉ាន់ប្រមាណពីដុំសាច់ដុះនោះ និងធ្វើការព្យាបាលជាបន្ត។ យ៉ាងណាក៏ដោយ ការត្រៀមខ្លួនជាស្រេចមុនពេលមានគភ៌គឺជារឿងចាំបាច់ ដូចជា ពិនិត្យរកមើលសាច់ដុះ និងធ្វើការព្យាបាលឱ្យជាសះស្បើយមុនការមានគភ៌ ដែលវាជួយកាត់បន្ថយសភាវគភ៌ប្រថុយប្រថានបាន។

ការមើលថែទាំគភ៌យ៉ាងត្រឹមត្រូវតាមគោលភោជនាហារ និងពាក្យណែនាំរបស់ពេទ្យ ទារកនឹងធំធាត់ឡើងយ៉ាងឥតខ្ចោះ និងរឹងប៉ឹង នៅពេលគេធំឡើងលោកឪពុកអ្នកម្តាយនឹងមានមោទនភាពដែលបានមើលថែទាំគភ៌យ៉ាងល្អ។ បើអ្នកម្តាយមានចំណុចសង្ស័យអ្វីផ្សេងក្រៅពីនេះ ការប្រឹក្សាជាមួយពេទ្យសម្ភព នឹងទទួលបានការណែនាំយ៉ាងត្រឹមត្រូវ ព្រោះរាងកាយអ្នកម្តាយម្នាក់ៗមិនដូចគ្នាទេ ដូច្នេះហើយការទៅប្រឹក្សាជាមួយគ្រូពេទ្យជំនាញពេញមួយរយៈពេល 9 ខែនោះនឹងយល់បានច្បាស់ល្អជាង៕

ទោះបីជាគ្រប់ក្លិបទាំងអស់ រួមទាំងក្លិបខ្លួនផង ដែលទទួលរងឥទ្ធិពលនៃវិបត្តិកូវីដ-19ក៏ដោយ ក៏ក្លិប Real Madrid នៅតែប្រកាន់ជំហរបើកប្រាក់ខែឱ្យគ្រប់បុគ្គលិកក្លិបរបស់ខ្លួន ទៀងទាត់ពេញលេញដដែល។
ដោយសារ​តែ​ក្លិប​នេះទទួល​បាន​ប្រាក់​ចំណេញ​ច្រើន​នាប៉ុន្មាន​ឆ្នាំ​ចុង​ក្រោយនេះ។ ​លោក​ Perez ​ទទួល​បាន​ប្រាក់​ចំណេញ​ទៅ​លើ​ទីផ្សារ​ដោះដូរ​កីឡាករ ​រហូត​ដល់​ 320​លាន​អឺរ៉ូ​ឯ​ណោះ ក្នុង​រយៈ​ពេល​ 11​ឆ្នាំ​មក​នេះ ដែល​ចំនួនទឹក​ប្រាក់​នេះ ​គ្រប់គ្រាន់ល្មម​សម្រាប់ក្លិប​ចំណាយ។
ខាងក្លិបក៏បានបន្ថែមទៀតដែរថា ក្រៅពីប្រាក់ខែកីឡាករហើយ ក្លិបនៅមានថរិកាបម្រុងទុកជាច្រើនរយលានដុល្លារទៀត សម្រាប់បម្រុងទុកទិញកីឡាករក្នុងរដូវកាលក្រោយទៀតផង៕

កាលពីព្រឹកមិញនេះ ក្រុមការងារជម្រើសជាតិ កីឡាករ និងគ្រូបង្វឹកក្រុមជម្រើសជាតិបាល់ទាត់ថៃ លោក Akira Nishino បានយល់ព្រមឱ្យសហព័ន្ធបាល់ទាត់ថៃ កាត់ប្រាក់ខែរបស់ខ្លួនពាក់កណ្តាល ដើម្បីទ្រទ្រង់សហព័ន្ធក្នុងអំឡុងពេលវិបត្តិកូវីដ-19។

ប្រាក់ខែចំនួន 4ម៉ឺន 2ពាន់ដុល្លារ នឹងត្រូវកាត់ចេញពីប្រាក់ខែរបស់លោក (ប្រាក់ខែពេញ 8ម៉ឺន 4ពាន់ដុល្លារក្នុង 1ខែ) ដោយសារតែវិបត្តិហិរញ្ញវត្ថុរបស់សហព័ន្ធកីឡាបាល់ទាត់ថៃ ក្នុងអំឡុងពេលដែលក្រុមជម្រើសជាតិទាំងមូលគ្មានសកម្មភាព ដោយសារវីរុសកូវីដ-19។

គួរបញ្ជាក់ថា ការយល់ព្រមនេះ គឺជាតបតាមសំណើរបស់សមាគមបាល់ទាត់ថៃ (FAT) ដែលបានស្នើសុំលោកក្នុងលទ្ធភាពកាត់ប្រាក់ខែចំនួន 50% ដើម្បីចូលរួមជួយរដ្ឋាភិបាលថៃក្នុងការទប់ស្កាត់ការរាលដាលនៃជំងឺ COVID-19 កាលពីប៉ុន្មានថ្ងៃមុនកន្លងទៅ៕

ក្នុងកាលៈទេសៈដែលសេដ្ឋកិច្ច និងអាជីវកម្មតូច ធំនៅក្នុងស្រុក ទទួលរងផលប៉ះពាល់ពីជំងឺកូវីដ-19 នេះ រាជរដ្ឋាភិបាលកំពុងពិនិត្យលទ្ធភាពបញ្ចេញទុនបម្រុងរបស់ខ្លួនប្រមាណ 500 ឬ 600លានដុល្លារអាមេរិកដើម្បីផ្តល់ជូនធនាគារឯកទេសខ្ចី សម្រាប់ផ្តល់ជាកម្ចីទៅឱ្យអតិថិជនក្នុងអត្រាការប្រាក់ទាប ពោលក្នុងន័យឱ្យម្ចាស់អាជីវកម្មមានឱកាស ឬមានដើមទុន ស្តារអាជីវកម្មរបស់ខ្លួនឡើងវិញ តាមភាពជាក់ស្តែងនៅចំពោះមុខ។
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍នៅក្នុងសន្និសីទសារព័ត៌មាន នៅវិមានរដ្ឋសភា កាលពីថ្ងៃទី30 ខែមីនាថា៖«យើងកំពុងពិនិត្យលទ្ធភាពបញ្ចេញទុនរបស់រដ្ឋាភិបាលប្រមាណ 500 ឬ 600លានដុល្លារអាមេរិក ដើម្បីឱ្យធនាគារឯកទេសខ្ចីក្នុងអត្រាការប្រាក់ទាប ហើយធនាគារឯកទេស ទាំងនោះនឹងយកទៅឱ្យអ្នកធ្វើអាជីវកម្មមានអត្រាការប្រាក់ទាបដែរ» ។

សម្តេចបញ្ជាក់ថា៖ «យើងកំពុងពិនិត្យលើបញ្ហានេះតែមិនឈានដល់ទេ តែយើងនឹងឈានដល់នូវជុំទី2 ឬជុំទី3 អំពីលទ្ធភាពនៃការបញ្ចេញទុនបម្រុងរបស់រដ្ឋ (ប្រាក់សន្សំរបស់រដ្ឋ) ប្រមាណ 500 ឬ 600លានដុល្លារអាមេរិក ទៅឱ្យធនាគារឯកជន សហគ្រាស ឯកជន ព្រោះរដ្ឋមិនអាចឱ្យវិស័យឯកជនមកខ្ចីផ្ទាល់ទេ រដ្ឋមានសិទ្ធិត្រឹមតែឱ្យធនាគារ ឯកជនមកខ្ចីដោយអត្រាការប្រាក់ទាប រួចហើយប្រើកម្ចីនេះទៅឱ្យអ្នកខ្ចីដែលមានអត្រាការប្រាក់ទាប តគ្នា» ។
សម្តេចមានប្រសាសន៍ទៀតថា ទាំងនេះគ្រាន់តែជាការអំពាវនាវដើម្បីជាការបន្ធូរបន្ថយវិស័យឯកជន និងថ្លៃឈ្នួលនានា ព្រោះឥឡូវរកតែលុយបង់ថ្លៃបុគ្គលិកមិនបានផង។ ភោជនីយដ្ឋានមួយធ្លាប់មានមនុស្សចូលហូប តែក្នុងពេលដែលគ្នារកចំណូលបានមិនគ្រប់ បូកនឹងថ្លៃទឹក ភ្លើង ដូច្នេះគ្នាជួបការលំបាក សូមឱ្យមានការយោគយល់គ្នាក្នុងកាលៈទេសៈដ៏លំបាកនេះ។

ទន្ទឹមនឹងប្រមុខរាជរដ្ឋាភិបាលត្រៀមបញ្ចេញទុនបម្រុងទៅដល់ធនាគារឯកទេសនាពេលខាងមុខនេះ សម្តេចតេជោ ហ៊ុន សែន នាយករដ្ឋមន្ត្រី ក៏បានអំពាវនាវដល់គ្រឹះស្ថានធនាគារ និងហិរញ្ញវត្ថុឱ្យមានការយោគយល់ចំពោះការពន្យារពេលសងត្រឡប់របស់ប្រជាពលរដ្ឋ ឬអតិថិជននៅក្នុងគ្រាលំបាកនេះ បន្ទាប់ពីធនាគារជាតិនៃកម្ពុជាទម្លាក់ទុនបម្រុងកាតព្វកិច្ចពី 12% មកនៅត្រឹម 7%។

សម្តេចបន្តថា «ការពន្យារ ឬបន្ថយការប្រាក់ ព្រោះតែរដ្ឋ តាមរយៈធនាគារជាតិមានវិធានការ ច្រើនហើយចំពោះធនាគារ និងមីក្រូហិរញ្ញវត្ថុ ដូចជាទុនបម្រុងកាតព្វកិច្ច ដោយមុននេះ ទុននេះទាំងប្រាក់រៀល និងប្រាក់ដុល្លារអាមេរិក ទុនកាតព្វកិច្ចមានជាង 12% ឥឡូវនេះទុនបម្រុងកាតព្វកិច្ចធ្លាក់មកនៅត្រឹម 7% ដែលអនុញ្ញាតឱ្យធនាគារ និងមីក្រូហិរញ្ញវត្ថុទាំងអស់មានទុនប្រមាណជាង 100លានដុល្លារអាមេរិក ដើម្បីដោះស្រាយជាមួយនឹងកូនបំណុល បន្ធូរបន្ថយជាមួយនឹងកូនបំណុល» ។

សម្តេចអគ្គមហាសេនាបតីតេជោ ហ៊ុន សែន មានប្រសាសន៍ថា រដ្ឋអំពាវនាវដល់វិស័យឯកជនឱ្យផ្តល់នៅការយោគយល់គ្នា រាប់ទាំងវិស័យធនាគារយោគយល់ចំពោះការពន្យារពេលសងឱ្យគ្នាឱ្យដល់ដំណាក់កាលសងបញ្ចប់។ គ្នាមានការលំបាក ដូច្នេះមិនគួរប្រើប្រាស់ពេលវេលានេះទៅរឹបអូសយកផ្ទះគ្នាទេ។
ថ្មីៗនេះ ធនាគារជាតិនៃកម្ពុជា ក៏បានដាក់ចេញនូវវិធានការគាំទ្រចំនួន5 ដើម្បីផ្តល់សន្ទនីយភាពបន្ថែមដល់គ្រឹះស្ថានធនាគារ និងហិរញ្ញវត្ថុ សំដៅរួមចំណែកកាត់បន្ថយផលប៉ះពាល់ពីជំងឺកូវីដ-19 មកលើសេដ្ឋកិច្ចស្របតាមគោលនយោបាយរបស់រាជរដ្ឋាភិបាល៕