Category: សង្គម និងសេដ្ឋកិច្ច

ខាងក្រោមនេះគឺជាបញ្ហាមួយចំនួនសម្រាប់កូនកំលោះ កូនក្រមុំដែលត្រូវតែជួបក្នុងថ្ងៃដ៏សំខាន់នោះ ទាំងរឿងរបស់ខ្លួនឯង និងរឿងផ្សេងៗជាច្រើនដែលសាម៉ីខ្លួនទាំងពីរត្រូវប្រឈម និងកែកុនដោះស្រាយ ដូច្នេះពេលនេះ ឡារ៉ែនសូមលើកយកសំនួរចម្លើយមួយចំនួនដែលពាក់ព័ន្ធនឹងរឿងខាងលើមកជម្រាបមិត្តអ្នកអានដែលស្ថិតក្នុងវ័យប្រុងប្រៀបរៀបអាពាហ៍ពិពាហ៍ដូចតទៅ។

1 – ជាប្រក្រតីខ្ញុំជាមនុស្សដែលដឹងថាខ្លួនឯងគួរតុបតែងខ្លួនបែបណា តែលុះដល់ពេលរៀបការ បែរជាលែងដឹងអីទាំងអស់រឹតតែមើលសៀវភៅដែលមានម៉ូដឈុតរៀបការច្រើនម៉ាកច្រើនម៉ូដផងនោះ រឹតតែរើសលែងត្រូវតែម្តង តើត្រូវធ្វើយ៉ាងណាទៅ?
– មុនគេបង្អស់នោះគឺ អ្នកត្រូវដឹងថា ឈុតអាពាហ័ពិពាហ៍នឹងត្រូវបានជ្រើសរើសយកបែបណានោះ អាស្រ័យលើរូបបែបរបស់ពិធី ដូចជា ពិធីរៀបចំនៅទីណា ទំនើបខ្លាំងតិចប៉ុនណា ជាពិធីនៅពេលយប់ ឬពេលថ្ងៃ។ ការជ្រើសរើសមើលឈុតអាពាហ៍ពិពាហ៍នៅក្នុងទស្សនាវដ្តីនោះគឺជារឿងត្រឹមត្រូវហើយ ព្រោះអ្នកនឹងទទួលបានព័ត៌មានសម្រាប់ត្រៀមទុកជាមុន ថាហាងណាដែលអ្នកចូលចិត្តស្ទីល និងម៉ូដរបស់គេខ្លាំងជាងគេបំផុត។

2 – ជាមនុស្សដែលមានភ្នែកមីញ៉ូបខ្លាំង ចង់ដោះវ៉ែនតាចេញនៅថ្ងៃរៀបការក៏ប្រហែលជាលំបាក តែមិនធ្លាប់ឃើញកូនក្រមុំណាមួយពាក់វ៉ែនតាក្នុងថ្ងៃរៀបការសោះ ឬមួយក៏ពាក់ខន់ថេកស៍លេនស្រួលជាង?
– កុំភ្លេចថា កូនកំលោះរបស់អ្នកនាងមើលឃើញអ្នកនាងថាជានារីដ៏ស្អាតគួរឱ្យស្រឡាញ់របស់គេក៏ព្រោះតែអ្នកនាងពាក់វ៉ែនតានេះមករហូតដែរ កុំគិតថាថ្ងៃអាពាហ៍ពិពាហ៍គឺជាថ្ងៃដែលយើងត្រូវផ្លាស់ប្តូរខ្លួនឯងឱ្យសោះ យើងជាខ្លួនរបស់ខ្លួនយើងក្នុងបែបដែលល្អបំផុតទើបជាការប្រសើរ សាកល្បងគិតទៅមើល បើនៅថ្ងៃអនាគតអ្នកយករូបថតក្នុងថ្ងៃរៀបការដែលអ្នកមិនបានពាក់វ៉ែនតាមកមើល ហើយចំណាំមុខខ្លួនឯងមិនបាននោះ តើអ្នកគិតយ៉ាងណា? ដូច្នេះអ្វីដែលអ្នកត្រូវគិតនៅពេលនេះគឺ តើដងវ៉ែនតាដែលអ្នកពាក់ សមគ្នាជាមួយម៉ូដអាវដែលត្រូវពាក់នៅថ្ងៃនោះដែរឬទេ?។
3 – ស្អប់ការត្រូវក្លាយខ្លួនជាចំណុចលេចធ្លោបំផុត តែកំពុងជិតក្លាយជាកូនក្រមុំ ស្រមៃឃើញខ្លួនឯងរំភើបញាប់ញ័ររហូតខ្យល់គកណ្តាលពិធី តើត្រូវធ្វើយ៉ាងម៉េចទៅ?
– ការធ្វើជាកូនក្រមុំក្នុងពិធីមង្គលការធ្វើឱ្យអ្នកខ្លាំងជាងចំណុចលេចធ្លោទៅទៀត ព្រោះស្មើនឹងម្ចាស់ក្សត្រីយ៍ឯណោះ ចូរចាំទុកថាភ្ញៀវដែលមកចូលរួមពិធីនោះ គេមកដើម្បីចូលរួមអបអរសាទរ និងគ្រប់គ្នាមានសេចក្តីស្រឡាញ់ ក្តីប្រាថ្នាល្អមកឱ្យអ្នកទាំងអស់គ្មាននរណាម្នាក់តាមសម្លឹងចាប់កំហុសអ្នកនោះទេ។ វិធីតាំងស្មារតីកុំឱ្យរំភើបញាប់ញ៍រជ្រុលពេកនោះគឺ ចូរជឿជាក់លើខ្លួនឯង ក្នុងអំឡុងពេលនិយាយថ្លែងអំណរគុណ បើនៅមិនទាន់បាត់ញាប់ញ័រទៀតនោះ ចូរបំភ្លេចអ្នកដទៃមួយរយៈសិន ហើយសម្លឹងចូលទៅក្នុងកែវភ្នែករបស់កូនកំលោះរបស់អ្នក នោះអ្នកនឹងទទួលបានកម្លាំងចិត្ត និងភាពកក់ក្តៅច្រើនឡើងទៀតមិនខាន។

4 – ប្រាក់មានចំនួនកំណត់សម្រាប់រៀបចំពិធីមង្គលការ កំពុងពិបាកចិត្តណាស់
– ចំនួនលុយមិនមែនជាបញ្ហាដែលធ្ងន់ធ្ងរបំផុតនោះទេ បើអ្នកទាំងពីរឯកភាពគ្នាបាននោះ ពិធីដែលសមល្មម ចាយវាយក្នុងកម្រឹតដែលអ្នកអាចទប់ទល់រួច ទាំងអស់នេះគឺជាវិធីដែលល្អបំផុតរបស់ការរៀបចំពិធីដែលត្រឹមត្រូវ។ សាកល្បងគិតមើលថា ចំនួនភ្ញៀវដែលអ្នកត្រៀមអញ្ជើញមកនោះ ច្រើនជ្រុលពេកឬទេ? ពិធីធំជាមួយការរៀបចំបែបធម្មតាៗ ហើយនិង ពិធីដែលរាងតូចបន្តិច តែមានភាពពិសេសល្អដោយឡែក តើមួយណាល្អជាង?។

5 – នាងខ្ញុំជាកូនក្រមុំ តែជាកូនក្រមុំអាយុ 37 ពេលនេះនឹកមិនឃើញសោះ ថាត្រូវតែងខ្លួនយ៉ាងម៉េចទើបមើលទៅមិនជ្រុលពេក ព្រោះមានអារម្មណ៍ថា ខ្លួនឯងចាស់ចាស់រហូតឡើងអៀន។
– គ្មានអ្វីជ្រុលឡើយសម្រាប់កូនក្រមុំក្នុងថ្ងៃពិសេសរបស់នាងនោះ បើជាអ្វីដែលនាងចូលចិត្ត មិនថាអាយុប៉ុន្មានក៏ដោយអ្វីដែលអ្នកគួរតែនឹកដល់នោះគឺ រឿងរបស់ម៉ូដឈុតដែលចូលគ្នាជាមួយរូបរាងរបស់ខ្លួន និងស៊ីគ្នាជាមួយកូនកំលោះ។ តើអ្នកដឹងទេថាអ្នកជំនាញខាងឈុតអាពាហ៍ពិពាហ៍ជាច្រើននាក់បានប្រាប់ថា នារីៗយើងស្លៀកឈុតពណ៌មាសនឹងស្អាតជាទីបំផុត និងថែមទាំងស័ក្តិសមជាមួយនារីដែលមានអាយុរាងច្រើនបន្តិចទៀតផង តែ អេះ?!… ការពិតទៅ សម័យនេះអាយុ 37 គ្មានអ្នកណាគេថាចាស់ទេ។

តារាស្រី មាន សូនីតា ត្រូវបានប្រកាសថា នាងទើបតែ​កុងត្រា​ខាង​លើ​រយៈ​ពេល​3ឆ្នាំជាមួយក្រុមហ៊ុនផលិតផលថែរក្សាសម្រស់ និងរូបរាងកាយមួយ កាលពីពេលថ្មីៗនេះ ដែលតម្លៃខ្លួនបានខ្ទង់​ជិត 10ម៉ឺន​ដុល្លារ​អាមេរិក​ឯណោះ ស្របពេលដែលម្នាក់ៗភ័យខ្លាចការបាត់បង់ប្រាក់ចំណូលប្រចាំខែមួយចំនួន ដោយសារស្ថានភាពរីករាលដាលនៃជំងឺកូវីដ19។

មាន សូនីតា បានអះអាងប្រាប់អ្នកសារព័ត៌មានថា នាងបានចុះកុងត្រា 3ឆ្នាំជាមួយក្រុមហ៊ុន TRE ដែលចែកចាយផលិតផលថែរក្សារាងកាយមាន 2 ផលិតផលគឺ​ដំណាប់ និង​សំបុក​ត្រចៀក​កាំ។ នាងថា បើ​និយាយ​ពី​អារម្មណ៍​វិញ គឺ​មាន​ទាំង​ពីរ គឺ​សប្បាយ​ចិត្ត​បង…ភ័យ​ផង…ព្រោះ​ជា​ការងារ​ទី​1​ជាមួយ​ក្រុមហ៊ុន​ផ្នែក​អនឡាញ មិន​ដឹង​ថា អាច​ធ្វើ​ឱ្យ​គេ​បាន​ប៉ុណ្ណា អី​ប៉ុណ្ណី​ទេ ព្រោះ​ជា​ការងារ​ដំបូង…។ នាងថា នាង​ពិត​ជា​រីករាយ​ចំពោះ​កិច្ច​ព្រមព្រៀង​ការងារ​ខាង​លើ​ជាមួយ TRE គ្រា​នេះ ព្រោះខណៈស្ថានភាពវឹកវរនេះ ការងារថ្មីនេះប៉ះប៉ូវ​ខ្លះ​លើ​ការ​ធ្លាក់​ចុះ​ចំណូល​ដោយ​សារ​វិបត្តិ​មេរោគ​សាហាវ​ដែល​បាន និង​កំពុង​គំរាម​កំហែង​ពិភព​លោក។

បើតាមសម្ដីរបស់ សូនីតា ក៏បានបញ្ជាក់ថា តាម​ពិត​ដោយ​ទៅ​ប្រាក់​ចំណូល​របស់​នាង​ក៏​មាន​ការ​ប៉ះពាល់​ខ្លះ​ដែរ តាំង​ពី Covid-19 បាន​ចូល​មក​ដល់​ប្រទេស​កម្ពុជា ព្រោះ​ថា​ការងារ​សិល្បៈ​របស់​នាង​មួយ​ចំនួន​ត្រូវ​បាន​ពន្យារ ឬ​លើក​ពេល ហើយ​មុខ​ជំនួញ​លើ​គម្រោង “ស្រឡាញ់” របស់​នាង​ក៏​ប៉ះពាល់​ដូច​គ្នា គ្រាន់​តែ​ថា ការ​ប៉ះពាល់​នោះ នៅ​កម្រិត​អាច​គ្រប់​គ្រង​បាន។ ម្យ៉ាង​ទន្ទឹម​ការ​ប៉ះ​ពាល់​លើ​អាជីព និង​អាជីវកម្ម​ដែល​ដំណើរ​ការ​រួច​ហើយ​នោះ នាង​ក៏​រំលេច​បាន​សមិទ្ធផល​ថ្មី​ខ្លះ​ៗ​ដែរ ទើប​នាង​មិន​លំបាក​ខ្លាំង។ ជាក់​ស្ដែង​នេះ គឺនាងព្រមព្រៀង​កុង​ត្រា​ការងារជាមួយក្រុមហ៊ុន1​ឆ្នាំ​ម្ដង រហូត​ដល់​គ្រប់ 3ឆ្នាំ​នៃ​ការ​ឯកភាព​រវាង​គ្នា៕

គណៈកម្មាធិការជាតិរៀបចំបុណ្យជាតិ និងអន្តរជាតិ បានណែនាំឱ្យប្រជាពលរដ្ឋរៀបចំរណ្តាប់ទទួលទេវតា​ឆ្នាំថ្មីទៅតាមទំនៀមទម្លាប់ដែលតែងតែប្រារព្ធឡើងជារៀងរាល់ឆ្នាំ ដើម្បីជំរុញការថែរក្សាប្រពៃណីវប្បធម៌ជាតិ។
ឯកឧត្តម ញៀន ភឿន រដ្ឋលេខាធិការនៃក្រសួងធម្មការ និងសាសនា និងជាសមាជិកនៃគណៈកម្មាធិកាជាតិ រៀបចំបុណ្យជាតិ និងអន្តរជាតិបានមានប្រសាសន៍ប្រាប់វិទ្យុជាតិកម្ពុជាឱ្យដឹងថា មហាសង្ក្រាន្តឆ្នាំជូត ទោស័ក ព្រះពុទ្ធសករាជ២៥៦៤ នឹងចូលមកដល់នៅវេលាម៉ោង 20:48នាទីយប់ ថ្ងៃចន្ទ 6រោច ខែចេត្រ ត្រូវនឹងថ្ងៃទី13 ខែមេសា គ្រិស្តសករាជ2020។
ឯកឧត្តមបានបញ្ជាក់ថា ដោយពិធីបុណ្យចូលឆ្នាំថ្មីត្រូវនឹងថ្ងៃចន្ទ គឺត្រូវវេនរបស់ទេពធីតាមួយព្រះអង្គ ជាមគ្គនាយិកាព្រះនាម គោរាគទេវី ជាបុត្រីទី2 នៃកបិលមហាព្រហ្ម គង់នៅចាតុម្មហារាជិកា ទ្រង់អម្ពរពណ៌លឿង លម្អនូវព្រះកាណ៌ដោយសៀតផ្កាអង្គាបុស្ប អាភរណៈទ្រង់ពាក់កែវមុក្តា ភក្សាហារទ្រង់សោយតេលំ ( ប្រេងដូង ប្រេងល្ង ប្រេងឈូករាត់ -ល- ) ទ្រង់អាវុធព្រះហស្តស្តាំ ទ្រង់ព្រះខ័ន ព្រះហស្តឆ្វេងទ្រង់យដ្ឋិ(ដំបង) គង់ផ្ទំបើកព្រះនេត្រលើខ្នងព្យគ្ឃ(ខ្លាធំ) ជាពាហនៈ។ ឯកឧត្តមបានបញ្ជាក់ថា គ្រឿងរណ្តាប់ ទទួលទេវតាឆ្នាំថ្មីនេះមានដូចជា បាយសី 1គូ, ស្លាធម៌ 1គូ, ធូប 5សរសៃ, ទៀន 5ដើម, ទឹកអប់ 1គូ, ផ្កាភ្ញី, លាជ, ទឹក 1ផ្តិល និងភេសជ្ជៈ, នំនែក, ផ្លែឈើគ្រប់មុខ។
ឯកឧត្តមបន្តថា ក្នុងឱកាសឆ្នាំនេះប្រជាពលរដ្ឋទូទៅ អាចនាំគ្នារៀបចំបាយ ម្ហូប សម្លៀកបំពាក់ និងថវិកាផ្ទាល់ខ្លួនជូនឪពុកម្តាយ និងសាច់ញាតិបងប្អូន ឬរៀបចំចង្ហាន់ផ្សេងៗប្រគេនព្រះសង្ឃ ដោយពុំចាំបាច់មានមនុស្សចូលរួមអ៊ូអរច្រើនឡើយ ក្នុងន័យកាត់បន្ថយការរីករាលដាលនៃជំងឺកូវីដ-19 និងរំឭកនឹកគុណដល់អ្នកដែលមានគុណ និងគ្រូបាធ្យាយជាដើម។
ចូលដល់ឆ្នាំថ្មី យើងត្រូវជម្រះនូវឧបទ្រពចង្រៃគ្រប់បែបយ៉ាង ដូចជាមានចិត្តជាអកុសលសព្វគ្រប់បែបយ៉ាង​​ដែលមានកន្លងមកយើងត្រូវជម្រះចេញ។ ឆ្នាំថ្មីយើងត្រូវធ្វើឱ្យបានល្អ លក្ខណៈល្អប្រពៃនៃព្រះពុទ្ធសាសនារបស់យើងសំខាន់ជាងគេ ដែលក្នុងនោះទី1ទក្ខិណានុប្បទាន ឧទ្ទិសកុសលដល់បុព្វការីជន មានមាតាបិតាជីដូនជីតាទាំង 7សន្តានដែលលោករំលាយក្ខន្ធទៅកាន់លោកខាងមុខហើយ ហើយកូនចៅត្រូវមានការដឹងគុណចំពោះបុព្វការីជនមាតាបិតាគ្រូឧប្ឈាយាចារ្យជាដើមនេះ។

យោង​តាម​សេណារីយ៉ោ​ចំនួន​2​របស់​ ADB (ធនាគារ​អភិវឌ្ឍន៍​អាស៊ី/Asian Development Bank) វីរុស​COVID-19 នឹង​ធ្វើ​ឱ្យ​សេដ្ឋកិច្ច​ពិភពលោក​ខាត​បង់​2លាន​លាន​​(2,000,000,000,000​​)ដុល្លារ​អាមេរិក​ បើ​សិន​មនុស្ស​អាច​គ្រប់​គ្រង​វីរុស​នេះ​បាន​ដោយ​ប្រើ​ពេល​ខ្លី ប៉ុន្តែ​នឹង​ខាត​បង់​ជិត​4.1​លាន​លាន(4,100​ 000,000,000)ដុល្លារ​អាមេរិក បើ​សិន​ជា​អូសបន្លាយ​ពេល​យូរ​។

ក្នុងរបាយការណ៍សេដ្ឋកិច្ចពិសេស ដែល​ត្រូវ​បាន​ហៅថា “ទស្សនវិស័យអភិវឌ្ឍន៍អាស៊ី” (Asian Development Outlook-ADO) សម្រាប់​ឆ្នាំ​2020​ ដែល​ទើប​បាន​ចេញ​ផ្សាយថ្មី​ៗ​នេះ ធនារគារ​អភិវឌ្ឍន៍​អាស៊ី ADB បាន​ប៉ាន់ប្រមាណ​ថា​នឹង​មាន​ការ​ខាត​បង់​ច្រើន​នៅ​ទូទាំង​ពិភពលោក​។ ទំហំ​ទឹក​ប្រាក់​ដែល​ត្រូវ​ខាត​បង់ អាច​ឡើង​ដល់​4.1​លាន​លាន​ដុល្លារ​អាមរិក​ គឺ​ប្រហាក់​ប្រហែល​នឹង​5%​នៃ​ផលិត​ផល​សរុប​ទូទាំង​ពិភពលោក​(Global GDP) ដោយ​អាស្រ័យ​ទៅ​លើ​ការ​ប្រែប្រួលនៃ​ស្ថាន​ភាព​​របស់​រោគ​រាត​ត្បាត​នៅ​អឺរ៉ុប សហរដ្ឋ​អាមេរិក និង​តំបន់​សេដ្ឋ​កិច្ច​សំខាន់​ៗ​ផ្សេង​ទៀត​។

បើ​សិន​ជា​រោគ​រាត​ត្បាត​ COVID-19 ត្រូវ​បាន​ទប់ស្កាត់​ និង​គ្រប់​គ្រង​បាន​ឆាប់​ នោះ​​ពិភពលោក​នឹង​​មាន​ការ​​ខាត​បង់​ផ្នែក​សេដ្ឋ​កិច្ច​ត្រឹម​ប្រមាណ​ជា​2លាន​លាន​ដុល្លារ​អាមេរិក​ ប្រហែល​នឹង​2.3​%នៃ​GDP ទូទាំង​ពិភព​លោក​។ បណ្ដា​ប្រទេស​កំពុង​អភិវឌ្ឍន៍​នៅ​អាស៊ី រួម​នឹង​ប្រទេស​ចិន​ផង ត្រូវ​ទទួល​រង​ការ​ខាត​បង់​ច្រើន​ជាង​គេ ពោល​គឺ​ចន្លោះ​ពី​22% ទៅ​36​%​។

“មិន​មាន​អ្នកណា​ម្នាក់​អាច​ប្រាកដ​​ថា​ មេរោគ​រាតត្បាត​នេះ​នឹង​រីករាលដាល​ដល់​កម្រិត​ណា​នោះ​ទេ ហើយ​ការ​ទប់​ស្កាត់​ប្រហែល​ជា​ត្រូវ​ចំណាយ​ពេល​​ច្រើន​ជាង​ការ​រំពឹង​ទុក​” លោក​ Yasuyuki Sawada ប្រធាន​សេដ្ឋ​វិទូ​របស់​ ADB មាន​ប្រសាសន៍​នៅ​ក្នុង​របាយ​ការណ៍​ខាង​លើ​។ លោក​បន្ត​ថា “ហានិភ័យ​នៃ​​ការ​ប្រែប្រួល និង​វិបត្តិ​ហិរញ្ញវត្ថុ​គឺជា​បញ្ហា​ដែល​មិន​អាច​មើល​រំលង​បាន​ឡើយ​”​។ នេះ​បើ​តាម​សារ​ព័ត៌មាន​ Bloomberg​។

កាល​ពី​ថ្ងៃ​ទី​6មីនា ADB ធ្លាប់​បាន​ព្យាករ​ថា កា​រ​ឆ្លង​រាល​ដាល​​របស់​វីរុស​COVID-19 អាច​បង្ក​ការ​ខាត​បង់​​347​ពាន់​លាន​ដុល្លារ​អាមេរិក​សម្រាប់​សេដ្ឋ​កិច្ច​ទូទាំង​ពិភពលោក​ ហើយ​បានទម្លាក់​​0,4​%ក្នុងរបាយ​ការណ៍​​ព្យាករកំណើន​សេដ្ឋ​កិច្ច​​សម្រាប់​ឆ្នាំ​នេះ​ផងដែរ។ ចាប់តាំង​ពី​ពេល​នោះ​មក សម្បុក​មេរោគ​ធំ​បាន​ប្ដូរ​ទីតាំង​ពី​ប្រទេស​ចិន ទៅកាន់​អឺរ៉ុប​ និង​សហរដ្ឋ​អាមេរិក​ ដោយ​មាន​ករណី​ឆ្លង​លើស​ពី​1​លាន​នាក់​នៅ​ទូទាំង​ពិភពលោក​។

នៅ​ក្នុង​ការ​ព្យាករ​ថ្មី​ ADB បាន​ទម្លាក់​អត្រា​កំណើន​សេដ្ឋ​កិច្ច​ឆ្នាំ​2020​ សម្រាប់​អាស៊ី ពី​5.5​%ក្នុង​ការ​ព្យាករ​កំណើន​សេដ្ឋ​កិច្ច​កាល​ពី​ខែ​កញ្ញា​ឆ្នាំ​2019​ មក​នៅ​ត្រឹម​2.2%។ កំណើន​សេដ្ឋ​កិច្ច​នេះ​នៅ​ប្រទេស​ចិន ក៏​នៅ​សល់​ត្រឹម​តែ​2.3%​ក្នុង​ឆ្នាំ​នេះ​ ដែល​នេះ​ជា​កំណើន​ដ៏​ទាប​បើ​ប្រៀប​ធៀប​នឹង​6.1​%​ក្នុង​ឆ្នាំ​2019​។ ប្រទេស​កំពុង​អភិវឌ្ឍ​ទាំង​អស់​នៅ​អាស៊ី ត្រូវ​បាន​ព្យាករ​ថា នឹង​មាន​កំណើន​សេដ្ឋ​កិច្ច​ទាប​​ក្នុង​ឆ្នាំ​2020​នេះ​។

អតិផរណ​ក៏ត្រូវ​បាន​ព្យាករ​ថា​អាច​នឹង​បង្កើន​ល្បឿន​ ដោយ​សារ​ការ​ចំណាយ​ទៅ​លើ​ស្បៀង​អាហារ​កើន​ឡើង​ខ្ពស់​ ថ្វី​បើ​​សកម្ម​ភាព​សេដ្ឋ​កិច្ច​ត្រូវ​អន់​ថយ​។ ឆ្នាំ​2021​ សម្ពាធ​នៃ​អតិផរណា​នឹង​ថយ​ចុះ​៕

ប្រភព៖ សារ​ព័ត៌មាន​បរទេស​

ធនាគារពិភពលោក ឬ World Bank(WB)បានទម្លាក់ថវិកាចំនួន 20លានដុល្លារអាមេរិក សម្រាប់ជួយកម្ពុជា ដើម្បីចូលរួមបង្ការ និងទប់ស្កាត់ការរីករាលដាលជំងឺកូវីដ-19នៅកម្ពុជា។ នេះបើតាមសេចក្តីប្រកាសព័ត៌មានរបស់ធនាគារពិភពលោក កាលពីថ្ងៃទី2 ខែមេសា ឆ្នាំ2020។

បើតាមសេចក្ដីប្រកាសព័ត៌មានបានឱ្យដឹងថា នាយកប្រតិបត្តិនៃធនាគារពិភពលោក បានអនុ ម័តលើឥណទានទឹកប្រាក់ 20លានដុល្លារអាមេរិក របស់សមាគមអភិវឌ្ឍន៍អន្តរជាតិ (IDA) សម្រាប់ គម្រោងឆ្លើយតបជាបន្ទាន់ទៅនឹងជំងឺកូវីដ-19 នៅក្នុងប្រទេសកម្ពុជា ដែលឥណទាននេះ គឺជាលើក ដំបូងហើយនៅក្នុងកញ្ចប់ថវិកាប្រតិបត្តិការ សម្រាប់ជួយក្នុងសភាពការណ៍បន្ទាន់តាមរយៈយន្តការ សេវារហ័សក្នុងពេលមានការរាលដាលកូវីដ-19។

លោកស្រី អ៊ីងហ្គូណា ដូប្រាចា នាយិកាគ្រប់គ្រងធនាគារពិភពលោកប្រចាំកម្ពុជា មានប្រសា សន៍ថា៖«ហិរញ្ញប្បទានតាមរយៈយន្តការសេវារហ័សនេះនឹងជួយដល់ប្រទេសកម្ពុជាក្នុងការឆ្លើយតបទៅនឹងស្ថានការណ៍បន្ទាន់ផ្នែកសុខាភិបាលទូទាំងសកលលោកដែលមិនធ្លាប់មានពីមុនមក ហើយហិរញ្ញប្បទាននេះ គឺសម្រាប់កម្ពុជាយកទៅប្រើដើម្បីជាការផ្គត់ផ្គង់គ្រឿងបរិក្ខារ និងឧបករណ៍សម្ភារពេទ្យចាំបាច់នានា ដើម្បីយកមកធ្វើតេស្តរករោគសញ្ញា និងព្យាបាលជំងឺកូវីដ-19 កាត់បន្ថយការរាលដាលឆ្លងរបស់មេរោគ ពង្រឹងសមត្ថភាពឆ្លើយតបទៅនឹងការរាលដាលមេរោគ និងជួយធ្វើយ៉ាងណាឱ្យអ្នកជំងឺឆាប់ជាសះស្បើយនិងសេដ្ឋកិច្ចឆាប់បានងើបឡើងវិញ»។
លោកស្រីបានបន្ដថា គម្រោងនេះនឹងជួយកម្ពុជាឱ្យសម្រេចបានតាមគោលដៅដែលបានដាក់ចេញនៅក្នុងផែនការមេកូវីដ-19របស់ខ្លួន ក្នុងនោះរួមមានការពង្រឹងសកម្មភាពទប់ស្កាត់ជំងឺ ការរកឃើញជំងឺឱ្យបានរហ័ស ការត្រៀមលក្ខណៈ និងការឆ្លើយតបទៅនឹងជំងឺ។ ជាមួយគ្នានេះ គម្រោង ក៏នឹងផ្តល់ហិរញ្ញវត្ថុ សម្រាប់ការសាងសង់មណ្ឌលដាក់អ្នកជំងឺឱ្យនៅដាច់ដោយឡែក និងព្យាបាលអ្នកជំងឺ ហើយវានឹងជួយបង្កើនសមត្ថភាពក្នុងការវិភាគរោគសញ្ញា នៅតាមមន្ទីរពិសោធរបស់មន្ទីរពេទ្យបង្អែកនៅទូទាំង 25ខេត្ត-ក្រុង។

លោកស្រីបានបញ្ជាក់ថា គម្រោងក៏នឹងជួយទៅលើការចំណាយក្នុងការជាវការផ្គត់ផ្គង់សម្ភារ បរិក្ខារពេទ្យ ដែលចាំបាច់សម្រាប់យកមកព្យាបាលអ្នកជំងឺ និងទប់ស្កាត់ការរាលដាលនៃការឆ្លងមេរោគ។ លើសពីនេះទៀត គម្រោងនេះក៏នឹងជួយផងដែរដល់វិធានការដាក់ពង្រាយឱ្យបានរហ័សនូវក្រុមការងារឆ្លើយតបបន្ទាន់របស់ក្រសួងសុខាភិបាលនៅទូទាំងប្រទេស តាមរយៈការជួល និងការហ្វឹកហ្វឺនបណ្តុះបណ្តាលបុគ្គលិកបន្ថែមពង្រឹងសមត្ថភាពរបស់មណ្ឌលប្រតិបត្តិការបន្ទាន់នៃសេវាសុខាភិបាលសាធារណៈ ដែលសម្របសម្រួលការងារជាមួយកិច្ចខិតខំត្រៀមលក្ខណៈ និងឆ្លើយតបជំងឺកូវីដ-19 ទូទាំងប្រទេស និងបង្កើតមណ្ឌលប្រតិបត្តិការបន្ទាន់នៅកម្រិតខេត្តទៀត។
លោកស្រីបានបន្ថែមទៀតថា គម្រោងឆ្លើយតបបន្ទាន់ទៅនឹងជំងឺកូវីដ-19នេះ បំពេញបន្ថែមដល់ការងារអភិវឌ្ឍន៍វែងឆ្ងាយមួយ ដែលធនាគារពិភពលោកកំពុងជួយជ្រោមជ្រែងនៅក្នុងវិស័យសុខាភិបាល ក្នុងនោះមានគម្រោងលើកកម្ពស់សមធម៌ និងគុណភាពសុខាភិបាល (H-EQIP) ដែលសំដៅបង្កើនលទ្ធភាពរបស់ពលរដ្ឋក្រីក្រជាងគេនៅកម្ពុជាឱ្យទទួលបានសេវាសុខាភិបាលមានគុណភាព។

សូមរំឭកផងដែរថា កាលពីសប្តាហ៍កន្លងទៅ ថវិកា 14លានដុល្លារអាមេរិក របស់គម្រោង H-EQIP នេះ ត្រូវបានផ្តល់តាមរយៈសមាសភាគបម្រុង សម្រាប់ការឆ្លើយតបបន្ទាន់ (CERC) នៅក្នុងគម្រោង សម្រាប់យកទៅប្រើក្នុងការទិញរថយន្តសង្គ្រោះ និងគ្រឿងបរិក្ខារពេទ្យ និងដើម្បីរៀបចំមន្ទីរពិសោធន៍ជាតិឱ្យមានសមត្ថភាពឆ្លើយតបបានរហ័សទៅនឹងការរាលដាលនៃជំងឺកូវីដ-19។ ទន្ទឹមនេះ សមាសភាគ CERC នៅក្នុងគម្រោងអនុញ្ញាតឱ្យបង្វែរមូលនិធិពីផ្នែកនានានៃគម្រោង H-EQIP នេះ ដើម្បីយកទៅបំពេញភាពចាំបាច់សម្រាប់ធ្វើការឆ្លើយតបជាបន្ទាន់ ដែលអាចកើតមានឡើង។

លោកស្រីនាយកប្រតិបត្តិនៃWB បានអះអាងថា ការឆ្លើយតបកូវីដ-19 នៃក្រុមធនាគារពិភពលោកដើម្បីឆ្លើយតបទៅនឹងសភាពការណ៍នេះ ហើយធនាគារពិភពលោកកំពុងតែអនុវត្តកម្មវិធីកញ្ចប់ហិរញ្ញវត្ថុចំនួន 14ប៊ីលានដុល្លារអាមេរិក តាមយន្តការបញ្ចេញរហ័សសម្រាប់ពង្រឹងការឆ្លើយតបទៅនឹងការរាតត្បាតរបស់កូវីដ-19 នៅតាមប្រទេសកំពុងអភិវឌ្ឍន៍ និងជួយធ្វើយ៉ាងណាឱ្យសេដ្ឋកិច្ចឆាប់ស្តារងើបឡើងវិញ។ វិធានការឆ្លើយតបភ្លាមៗ រួមមាន ជំនួយហិរញ្ញវត្ថុ ការផ្តល់ប្រឹក្សាគោលនយោបាយ និងជំនួយបច្ចេកទេស ដល់បណ្តាប្រទេសឱ្យមានលទ្ធភាពលៃលកជាមួយផលប៉ះទង្គិចរបស់ការរាត្បាតនេះទៅលើសេដ្ឋកិច្ច និងសុខាភិបាល។
ក្រៅពីនេះ សាជីវកម្មហិរញ្ញវត្ថុអន្តរជាតិ (IFC) កំពុងផ្តល់ហិរញ្ញប្បទានចំនួន 8ប៊ីលានដុល្លារអាមេរិក សម្រាប់ជួយដល់បណ្តាក្រុមហ៊ុនដែលរងការប៉ះទង្គិចពីវីរុសនេះ និងដើម្បីឱ្យគេអាចរក្សាការងារបានផង។ ធនាគារអន្តរជាតិសម្រាប់ការកសាងឡើងវិញ និងការអភិវឌ្ឍ (IBRD) និង សមាគមអភិវឌ្ឍន៍អន្តរជាតិ (IDA) កំពុងតែដាក់ចេញកញ្ចប់ថវិកា 6ប៊ីលានដុល្លារអាមេរិក សម្រាប់វិធានការឆ្លើយតបផ្នែកសុខាភិបាល។

លោកស្រីបានបញ្ជាក់បន្ថែមថា៖«ដោយសារតម្រូវការជំនួយនៅតាមប្រទេសមានវិសាលភាពទូលំទូលាយ ក្រុមធនាគារពិភពលោកត្រៀមខ្លួននឹងដាក់ចេញកញ្ចប់ហិរញ្ញវត្ថុរហូតដល់ទៅ 160 ប៊ីលានដុល្លារអាមេរិក សម្រាប់រយៈពេល 15ខែ ដើម្បីការពារជនក្រីក្រ និងជនងាយរងគ្រោះ ជួយជ្រោមជ្រែងដល់ធុរកិច្ច និងជួយជំរុញសេដ្ឋកិច្ចឱ្យឆាប់ងើបឡើងវិញ នាពេលខាងមុខ»៕

កាលពីម្សិលមិញនេះ ក្លិបបាល់ទាត់បឹងកេត បានប្រកាសអំពីយន្តការថ្មី ដើម្បីបន្តដង្ហើមក្លិបឱ្យនៅដំណើរការបានស្របពេលដែលស្ថានការណ៍ទូទៅកំពុងប្រឈមនឹងកូវីដ-19។
គោលការណ៍នេះ គឺជាការកាត់់បន្ថយប្រាក់បៀវត្សរ៍របស់កីឡាករ និងបុគ្គលិកទាំងអស់នៃក្លិប មកនៅត្រឹមពាក់កណ្តាលជាបណ្តោះអាសន្នសិន រង់ចាំការវិលត្រឡប់ទៅរកស្ថានការណ៍ដើមវិញ។

គួរបញ្ជាក់ដែរថា ការហ្វឹកហាត់ប្រចាំថ្ងៃត្រូវផ្អាកសកម្មភាពទាំងស្រុងចាប់ពីពេលនេះ ដោយត្រូវហ្វឹកហាត់តាមរយៈកម្មវិធីហ្វឹកហាត់ថ្មី ដាច់ដោយឡែកពីគ្នាពីគេហដ្ឋានតាមកម្មវិធី ដែលក្រុមគ្រូបង្វឹកបច្ចេកទេសបានដាក់ចេញ រហូតដល់ស្ថានការណ៍វិវឌ្ឍមករកភាពល្អប្រសើរឡើងវិញ៕

កីឡាករចាំទីនៃក្រុមជម្រើសជាតិសិង្ហបុរី Hassan Sunny ត្រូវបានគេរកឃើញថា មានផ្ទុកវីរុស កូវីដ-19 កាលពីព្រឹកមិញនេះ ដែលធ្វើឱ្យគេក្លាយទៅជាកីឡាករដំបូងបង្អស់របស់ប្រទេសសិង្ហបុរី និងតំបន់អាស៊ានទាំងមូល ដែលបានឆ្លងវីរុសដ៏កាចសាហាវមួយនេះ។
តាមសេចក្តីរាយការណ៍ចុងក្រោយ កីឡាករចាំទីរបស់ក្លិប Lion City Sailors FC សមាជិកនៃក្លិបបាល់ទាត់ក្របខ័ណ្ឌលីកកំពូលសិង្ហបុរីគឺ Hassan Sunny ត្រូវបានគេធ្វើតេស្តរកឃើញផ្ទុកមេរោគ COVID-19 ។
អ្នកចាំទីវ័យ 35ឆ្នាំ រូបនេះគឺជាសមាជិកនៃក្រុមជម្រើសជាតិសិង្ហបុរី ខណៈដែលបច្ចុប្បន្នកំពុងបន្តអាជីពជាមួយក្លិប Lion City Sailors FC (អតីតក្លិប Home United FC)៕