Category: សង្គម និងសេដ្ឋកិច្ច

តាមការ​ចុះ​ផ្សាយ​របស់​សារព័ត៌មានល្បីៗ​បាន​ឱ្យ​ដឹង​ថា​ យ៉ាង​ហោច​ណាស់​ក៏មាន​បង្គោល​អង់តែន 5G ចំនួន​៣ ដែរ ត្រូវ​បាន​ភ្លើង​ឆាប​ឆេះ​​ក្នុង​រយៈពេល​ 1​សប្ដាហ៍​កន្លង​ទៅ ដោយ​សារតែជំនឿ​មិន​ពិតនៅ​លើប្រព័ន្ធ​អនឡាញ​ ដែល​បានចោទថា ​បង្គោល​អង់តែន​នេះ​ បានបង្ក​ការ​រាតត្បាត​​ជំងឺ​កូវីដ​-19។​

អ្នក​នាំ​ពាក្យ​ក្រុមហ៊ុន​ផ្ដល់​សេវា​ទូរគមនាគមន៍ Vodafone UK បាន​បញ្ជាក់​ថា ​មាន​បង្គោល​អង់តែន​ចំនួន 4 បាន​ក្លាយ​ជា​មុខ​សញ្ញា​​ក្នុង​រយៈពេល 24ម៉ោង​ទៅ​មុខ​ទៀត។

ពាក្យ​ចចាមអារ៉ាម និង​ការ​យល់​ឃើញ​ទាក់ទង​នឹង​ការ​បញ្ចេញ​សេវា​ 5G និង​ការ​រាតត្បាត​នៃ​ជំងឺ​កូវីដ​-19​ ត្រូវ​បាន​ចែក​រំលែក​យ៉ាង​​ទូលំទូលាយ​លើ​បណ្ដាញ​ទំនាក់ទំនង​សង្គម។
ក្រុម​ជា​ច្រើន​ដែល​មាន​វត្តមាន​លើ Facebook និង Nextdoor មាន​សមាជិក​ក្រុម​ជា​ច្រើន​បាន​បន្ត​ចែក​រំលែក​​ការ​អះអាង​មិន​ពិត​ថា​ 5G គឺ​បង្ក​ផល​ប៉ះពាល់។

មាន​ការ​យល់​ឃើញ​មួយ​បានអះអាង​ថា ​ជំងឺ​កូវីដ​-19 ​មាន​ប្រភព​ចេញ​ពី​ទីក្រុង Wuhan ​ក៏​ព្រោះ​តែ​​ទីក្រុង​នៃ​ប្រទេស​ចិនមួយ​នេះ ​បាន​បញ្ចេញ​សេវា​ 5G កាល​ពី​ថ្មីៗ​កន្លង​ទៅ។ វា​អាច​រាតត្បាត​ដល់​ទីក្រុង​ដទៃ​ទៀត ​ដែល​មាន​ប្រើ​ប្រាស់​សេវា 5G ដូច​គ្នា។

ការ​យល់​ឃើញ​គ្មាន​ភាព​​​ច្បាស់​លាស់​នេះ បាន​រំឭក​ថា​ជំងឺ​​ឆ្លង​​អាច​រាតត្បាត​​កាន់​តែ​ខ្លាំង​​ទៅ​កាន់​ទីក្រុង​​ណា​ដែល​មាន​ប្រជាជន​ច្រើន ​និង​មាន​ប្រើ​សេវា 5G។

មក​ទល់​ពេល​នេះ គ្មាន​​ភ័ស្តុតាង​ខាងវិទ្យាសាស្ត្រ​ណា​មួយ បង្ហាញ​ថា ​ជំងឺ​រាតត្បាត​កូវីដ​-19 មាន​ទាក់ទង​នឹង 5G នោះ​ទេ ហើយ​ក៏​មិន​មាន​ភ័ស្តុតាង​បង្ហាញ​ថា​ 5G មាន​ផល​ប៉ះពាល់​អវិជ្ជមាន​ដល់​សុខភាព​នោះ​ដែរ៕​​​​

ថ្មីៗ​នេះ​ក្នុង​វីដេអូ​ដែល​បង្ហោះ​លើ​គណនី Twitter របស់​ខ្លួន​ ​លោក Tim Cook បាន​រៀប​រាប់​ថា​ Apple នឹង​ផលិត​ឧបករណ៍​ការពារ​មុខ​ឱ្យ​បាន​ច្រើន​បំផុត 1លាន​​ឧបករណ៍​ក្នុង​ 1សប្ដាហ៍។

Apple បាន​ប្រមូល​ផ្ដុំ​នូវ​អ្នក​ឌីហ្សាញ​ផលិតផល វិស្វករ ក្រុម​ប្រតិបត្តិការ ​និង​វេច​ខ្ចប់ និង​ដៃ​គូ​ផ្គត់ផ្គង់​របស់​ខ្លួន ​ដើម្បី​ឌីហ្សាញ ផលិត​ និង​ដឹក​ជញ្ជូន​​ឧបករណ៍​ការពារ​មុខ​សម្រាប់​បុគ្គលិក​ក្នុងវិស័យ​សុខាភិបាល។

តាម​រយៈ​ចង្វាក់​ផលិតកម្ម​ផ្គត់ផ្គង់​ ក្រុមហ៊ុន​ក៏​បាន​ផ្ដល់​ជូន​ម៉ាស់​ចំនួន 20លានបន្ទះ​សម្រាប់​គ្រូ​ពេទ្យ និង​គិលានុបដ្ឋាយិកា​ ដែល​ម៉ាស់​ទាំង​នេះ​ ​គឺ​ម៉ាស់​គុណភាព​ខ្ពស់ N95 ដែល​អាច​ការពារ​​កម្ទេច​ធូលី​បាន​ដល់ 95%

រំឭក​ផង​ដែរ​ថា ការ​ដឹក​ជញ្ជូន​លើ​កដំបូង​របស់ Apple គឺ​ដឹក​ទៅ​ឱ្យ​មន្ទីរពេទ្យ​ Kaiser នៅ​តំបន់ Santa Clara សហរដ្ឋ​អាមេរិក​ កាល​ពី​សប្ដាហ៍​កន្លង​ទៅ ដែល​ទទួល​បាន​​ការ​​ឆ្លើយ​តប​ជា​វិជ្ជមាន​ពី​ក្រុម​គ្រូ​ពេទ្យ៕

កាលពីពេលថ្មីៗនេះ ក្លិបបាល់ទាត់ Tottenham Hotspur នៃលីកកំពូលអង់គ្លេស Premier League បានអនុញ្ញាតឱ្យកីឡាករ Son Heung-min សញ្ជាតិកូរ៉េខាងត្បូង ត្រឡប់ទៅស្រុកកំណើតសិន អំឡុងពេលលីកសម្រាកបណ្តោះអាសន្ននេះ។
កាលពីដំបូងឡើយមូលហេតុដែលធ្វើឱ្យកីឡាកររូបនេះ ត្រូវត្រឡប់ទៅស្រុកកំណើតវិញ ត្រូវបានក្លិបបញ្ជាក់ថា ជាមូលហេតុផ្ទាល់ខ្លួន ខណៈដែលអ្នកគាំទ្រភាគច្រើនគិតថា ជាការទៅព្យាបាលរបួសដៃ ដែលមិនទាន់ជាសះស្បើយ។

គួររំឭកដែរថា កីឡាកររូបនេះ ត្រូវបានប្រទេសកំណើតរបស់គេ(កូរ៉េខាងត្បូង) លើកលែងកាតព្វកិច្ចយោធា ក្រោយពីបានជួយឱ្យក្រុមជម្រើសជាតិកូរ៉េ ឈ្នះមេដាយមាសអូឡាំពិក ដូចដែលបានសន្យាជាមួយរដ្ឋកូរ៉េខាងត្បូង តែក្រោមច្បាប់របស់ប្រទេសកូរ៉េខាងត្បូងដែលបានចែងថា មុនពេលអាយុ 28ឆ្នាំ អ្នកត្រូវបំពេញកាតព្វកិច្ចកងទ័ពរយៈពេល 21ខែ ប៉ុន្តែអ្នកអាចរួចខ្លួន ប្រសិនបើមានការលើកលែងណាមួយ តែក៏នៅតែទាមទារឱ្យចូលបម្រើបញ្ចប់ ក្នុងរយៈពេលខ្លី 4សប្ដាហ៍ដែរ។

ក្លិបបាល់ទាត់ Valencia នៃលីកកំពូលអេស្ប៉ាញ La Liga គ្រោងនឹងធ្វើការហ្វឹកហាត់ឡើងវិញនៅ 2សប្តាហ៍ទៀត ទោះបីជាប្រទេសអេស្ប៉ាញមិនទាន់មានការស្រាកស្រាន្តពីជំងឺកូវីដ-19 នេះក៏ដោយ ខណៈដែលកីឡាកររបស់ខ្លួនបានជាសះស្បើយពីជំងឺរាតត្បាតមួយនេះទាំងអស់ហើយ។
កីឡាករ​ 5​នាក់​របស់ក្លិប Valencia ដែល​ធ្វើតេស្ដឃើញ​វិជ្ជមាន ក្នុង​នោះ​សុទ្ធតែជា​កីឡាករ​ក្នុង​ក្រុម​ធំទាំងអស់ ដែលរួមមាន​ Ezequiel Garay, Jose Gaya និង Eliaquim Mangala ផង​ដែរ។
គួរបញ្ជាក់ដែរថា គិតមកទល់នឹងពេលនេះប្រទេសអេស្ប៉ាញក្លាយជាប្រទេសចំណាត់ថ្នាក់លេខ3 ដែលមានអ្នកឆ្លងវីរុសនេះច្រើនជាងគេបង្អស់ បន្ទាប់ពីសហរដ្ឋអាមេរិក និងអ៊ីតាលី និងស្ថិតនៅលើប្រទេសចិនទៀតផង៕

ក្រុមប្រឹក្សានៃក្របខ័ណ្ឌលីកកំពូលអង់គ្លេស English Premier League បានបង្ហើបអំពីគម្រោងការមួយដែលអាចជួយស្រោចស្រង់លីកកំពូលអង់គ្លេសពីការខាតបង់យ៉ាងច្រើនសន្ធឹកសន្ធាប់ដោយសារកូវីដ-19។
គម្រោងនោះ គឺជាការដឹកនាំក្រុមបាល់ទាត់ និងក្រុមបច្ចេកទេសទាំងអស់របស់ Premier League ទៅធ្វើការបោះជំរំប្រកួតនៅឯប្រទេសចិន ព្រោះទីនោះមានសុវត្ថិភាពខ្លាំងពីកូវីដ-19 ហើយពួកគេអាចធ្វើការផ្សាយបន្តផ្ទាល់ការប្រកួតបានដូចធម្មតា។
គួរបញ្ជាក់ថា ក្របខ័ណ្ឌខាងលើនេះ នឹងត្រូវសងប្រាក់ទៅខាងទូរទស្សន៍ដែលបានទិញសិទ្ធិផ្សាយផ្ទាល់ជិត 1ពាន់លានដុល្លារ បូកជាមួយនឹងការខាតបង់រាប់ពាន់លានដុល្លារផ្សេងទៀត ប្រសិនបើក្របខ័ណ្ឌនេះបញ្ចប់ត្រឹមប៉ុនហ្នឹង៕

មហាជនជាច្រើនបានស្គាល់យ៉ាងជាក់ច្បាស់ហើយ តារាជើងចាស់អ្នកស្រី អ៊ឹម ផល្លា ឬមានឈ្មោះក្នុងពិភពសិល្បៈហៅថា «ម៉ែផល្លា » មានវ័យ 57 ឆ្នាំ ជាអតីតអ្នករបាំបុរាណម្នាក់ហើយបានផ្លាស់ប្តូរមកសម្តែងក្នុងតួជាម្តាយអ្នកបម្រើមេដោះ ជាដើម អស់រយៈពេលជិត20ឆ្នាំមកហើយ។ ទស្សនិកជនដែលនិយមតាមដានរឿងភាគខ្មែរ តែងតែឃើញគាត់ដើរ តួម្តាយពាក់មាសគ្រឿងអលង្ការស្រោចខ្លួន តែក្នុងរឿងប៉ុណ្ណោះ ចំណែកឯជីវភាពខាងក្រៅសាច់រឿងវិញ ក្ររហូតដល់ថ្នាក់ ចង់សម្លាប់ខ្លួនជាច្រើនលើក ដោយសារតូចចិត្តក្រគ្មានលុយឱ្យថ្លៃបន្ទាប់ជួល ហើយម្ចាស់ផ្ទះចាក់សោរលែងឱ្យគាត់រស់នៅ។

ថ្មីៗឡារ៉ែន ទទួលដំណឹងមកថា ម៉ែផល្លា កំពុងធ្លាក់ខ្លួនឈឺធ្ងន់ និងត្រូវការប្រាក់វះកាត់ជំងឺឆ្អឹងខ្នងជាបន្ទាន់ ដែលក្នុងមួយលើកត្រូវចំណាយយ៉ាងហោចណាស់ 500 ដុល្លារ។ នេះបើតាមការបង្ហោះរបស់តារាសម្ដែង ស្រេន វុធថា នៅលើបណ្ដាញសង្គមហ្វេសប៊ុកប៉ុន្មានម៉ោងមុននេះ បានឱ្យដឹងបន្ថែមថា « តារាសម្តែងជើងចាស់ ម៉ែ​ ផល្លា គាត់សព្វថ្ងៃនេះមានជំងឺឆ្អឹងខ្នង តម្រូវវះកាត់ ហើយពុំមានថវិការក្នុងការវះកាត់​ ដែរត្រូវចំណាយអស់​ 500 ដុល្លារ ពេលឈឺម្ដងៗធ្វេីទុក្ខឈឺចាប់ពេញរាងកាយ​ ហេីយពេលនេះសិល្បៈមិនសូវរកចំណូលបាន គាត់សូមឱ្យបងប្អូនជួយដល់គាត់ផង​ សូមបងប្អូនជួយដល់គាត់ផង។ ជាពិសេសបងប្អូនអ្នកសិល្បៈសូមកុំមើលរំលងគាត់អី ជួយដល់គាត់ផង លេខម៉ែផល្លា 0967772990 »។

កន្លងកមក លោកស្រីធ្លាប់ថ្លែងទាំងទឹកភ្នែកហូររហាម ប្រាប់អ្នកសារព័ត៌មានថា ដោយសារជំងឺប្រចាំកាយនិងមិនមានការសម្តែងច្រើនដូចមុន ទើបអ្នកស្រីមិនមានចំណូលសម្រាប់បង់ថ្លៃផ្ទះជួល។ មិនមានទីពឹង ខណៈកូនប្រុសត្រូវជាប់ឃុំនៅឡើយ ទើបអ្នកស្រីអស់សង្ឃឹមហើយចង់បញ្ចប់ជីវិតដោយការលោតទឹក ប៉ុន្តែដោយសារអ្នកជិតដិតជាអ្នកសិល្បៈដូចគ្នាជួយលួងលោមលើកទឹកចិត្ត និងរៃគ្នាតិចតួចដើម្បីជួយ ទើបអ្នកស្រីបានប្តូរចិត្ត ។ ដូច្នោះហើយ ប្រសិនបើសប្បុរសជន និងមិត្តសិល្បៈ មានបំណងចិត្តចង់ជួយដល់ការព្យាបាល ម៉ែផល្លា អាចទំនាក់ទំនងផ្ទាល់តាមរយៈទូរស័ព្ទខាងលើនេះ៕

គណៈកម្មាធិការជាតិសុវត្ថិភាពចរាចរណ៍ផ្លូវគោកបានអំពាវនាវដល់សាធារណជនដែលប្រើប្រាស់ផ្លូវទាំងអស់បន្ថែមពីលើការអនុវត្តគ្រប់វិធានការការការពារ ការឆ្លងជំងឺកូវីដ-19 ដោយខិតខំយកចិត្តទុកដាក់បន្ថែមទៀត ដើម្បីបង្ការ និងទប់ស្កាត់គ្រោះថ្នាក់ចរាចរណ៍ផ្លូវគោកតាមវិធានការសំខាន់ៗចំនួន11ចំនុច នាឱកាសបុណ្យចូលឆ្នាំប្រពៃណីជាតិខាងមុខនេះ។

គ្រប់គ្នាពិតជាបានស្គាល់តារាជប៉ុនល្បីលើបណ្ដាញសង្គមជាមួយចម្រៀង PPAP គឺលោក Pikotaro បានវិលត្រឡប់ជាមួយបទចម្រៀងលាងដៃ ក្នុងអត្ថន័យការពារខ្លួនពីជំងឺកូវីដ19 ។

តាមលំនាំបទថ្មីតែអត្ថន័យថ្មីសន្លាង ។ វីដេអូនេះស្ថិតក្នុងចំណោមចំណាត់ថ្នាក់កំពូលទាំង 5 នៅក្នុងតារាងចម្រៀងនៅលើ Twitter នៅក្នុងប្រទេសជប៉ុន នៅថ្ងៃច័ន្ទ ទី6 ខែមេសា ឆ្នាំ2020នេះ។

សូមជម្រាបថា វីដេអូលាងដៃរបស់លោកមានរយៈពេល 2 នាទី ហើយកាលឆ្នាំ 2016 លោកក៏បានបំបែកកំណត់ត្រាហ្គីណេសពិភព ដោយលោកបានចុះបញ្ជី បទចម្រៀងខ្លីបំផុតនេះចូលក្នុងតារាង Billboard Hot 100 ហើយទទួលបានអ្នកគាំទ្រកើនចំនួនទស្សនាដល់ទៅ 14 លានដង។ រីឯនៅលើយូធូបក៏ទទួលបានរាប់លាងដងនៃការទស្សនាដូចគ្នា។

តោះស្ដាប់បទ Pen-Pineapple-Apple-Pen (PPAP) to Pray-for-People-and-Peace ខាងក្រោមនេះ៖

ចង់មានគូស្នេហ៍ មានប៉ុន្មាននាក់នៅលើលោកនេះក៏បានដែរ តែនឹងបានជួបមនុស្សដែលស្រឡាញ់អ្នក និងមើលថែទាំអ្នកទៅរហូតដល់ថ្ងៃស្លាប់នោះមិនមែនរកបានងាយៗនោះទេ តែបើបានជួប ហើយមានលក្ខណៈបែប 8 ចំណុចដែលថានេះ កុំបាច់ទៅរកអ្នកណាផ្សេងទៀត ព្រោះនេះហើយ បុរសដែលស្រឡាញ់អ្នកពិតប្រាកដរហូតដល់ថ្ងៃចុងក្រោយរបស់ជីវិតនោះ។
1 – គេពិតប្រាកដជាមួយអ្នកខ្លាំងណាស់ និងរៀបផែនការអនាគតជាមួយអ្នក
ការឆ្លងផុតពេលវេលាល្អៗជាមួយគ្នាគឺជារឿងងាយ តែការឆ្លងផុតរឿងលំបាកៗជាមួយគ្នានោះ មិនមែនគ្រប់គូអាចធ្វើបាននោះទេ គូខ្លះក៏ដួលរលំព្រោះតែបញ្ហាផ្សេងៗ តែបុរសដែលស្រឡាញ់អ្នកពិតប្រាកដនឹងមិនគេចពីបញ្ហានោះទេ តឱ្យជារឿងដែលងងឹតសូន្យសុងរកច្រកចេញមិនឃើញក៏ដោយ និងមិនប្រើអារម្មណ៍សម្រេចសេចក្តីឡើយ។2 – គេមិនរត់គេចពីបញ្ហា
ដូចដែលនិយាយអ៊ីចឹង មនុស្សពិតគេមិនគេចពីបញ្ហាទេ គេនឹងហ៊ាននិយាយពីអ្វីដែលគេគិតថា វាជាបញ្ហា ហើយនឹងរិះរកវិធីដោះស្រាយដើម្បីបន្តសម្ព័ន្ធភាពនេះតទៅទៀត ដោយមិនឱ្យបញ្ហាក្លាយជាអ្នកបំផ្លាញសេចក្តីស្រឡាញ់របស់គេដែលមានចំពោះអ្នកឡើយ។
3 – គេយកចិត្តទុកដាក់លើរឿងតូចៗបំផុត
បើគេនៅតែម្នាក់ឯង ប្រហែលជាគេមិនទៅខ្វល់នឹងរឿងតូចតាចនោះទេ មិនលាងចាន មិនយកសម្រាមទៅបោះចោល ជាដើម តែនៅពេលមានរូបអ្នកចូលមកក្នុងជីវិត គេដឹងថារឿងទាំងនេះសំខាន់ជាមួយអ្នក គេនឹងទទួលរ៉ាប់រងរឿងទាំងអស់នេះជំនួសអ្នក។ អាចនិយាយបានថា បើមិនស្រឡាញ់ ប្រហែលជាមិនធ្វើជំនួសទេ។
4 – គេឆ្លាត មានភាពវាងវៃ
គេសម្លឹងអ្វីគ្រប់យ៉ាងក្នុងជ្រុងដែលទូលាយ និងអាចផ្តល់ពាក្យណែនាំ ឬចំណុចរិះគិតល្អៗដល់អ្នកបាន ដោយដោះយកចិត្តគេមកដាក់ចិត្តខ្លួនឯង ហើយប្រាកដណាស់ថា អ្នកមិនចាំបាច់បារម្ភពីរឿងអនាគតក្រុមគ្រួសារនោះទេ គេអាចទប់ទល់បាន។
5 – គេត្រូវការឱ្យអ្នកមានអារម្មណ៍ល្អជាមួយអ្វីដែលជាខ្លួនអ្នក
គេនឹងប្រាប់ជានិច្ចថា អ្នកស្អាត តឱ្យអ្នកមានអារម្មណ៍ថាខ្លួនឯងអាក្រក់បំផុតនៅលើពិភពលោកក៏ដោយ គេធ្វើឱ្យអ្នកមានអារម្មណ៍ដឹងជានិច្ចថា អ្នកគឺជាមនុស្សពិសេសរបស់គេ ដោយមិនខ្វល់ពីអ្នកផ្សេងគេមើលថាអ្នកយ៉ាងណានោះទេ។
6 – គេជួយអ្នកដោះស្រាយបញ្ហា
បើមានរឿងអ្វីមួយមករំខានអ្នក គេនឹងដឹង និងព្យាយាមចូលមកជួយ យ៉ាងហោចណាស់ក៏គេមិនដែលបណ្តោយឱ្យអ្នកត្រូវប្រឈមនឹងបញ្ហាតែម្នាក់ឯងដែរ ៕