លីកកំពូលអ៊ីតាលី នឹងវិលត្រឡប់មកប្រកួតវិញ នា 2សប្តាហ៍ទៀត ក្រោយពេលដែលប្រទេសមួយនេះ រាងធូរស្បើយបន្តិចពីកូវីដ-19។
ក្នុងនោះដែរក្លិប Juventus ក៏បានប្រកាសកោះហៅ Ronaldo ដើម្បីមកអ៊ីតាលីវិញ គោលបំណងធ្វើការហ្វឹកហាត់ជាមួយនឹងក្រុមឡើងវិញដែរ។
អ្វីដែលធ្វើឱ្យ Juventus កោះហៅរូបគេមកមុនដល់ទៅ 2សប្តាហ៍នេះ គឺដោយសារតែច្បាប់ប្រទេសនេះតម្រូវឱ្យនរណាក៏ដោយដែលមកពីបរទេស ត្រូវតែដាក់ឱ្យនៅដាច់ដោយឡែក 2សប្តាហ៍សិន ទើបអាចបំពេញការងារជាធម្មតាវិញបាន៕
ស្របពេលដែលមានការរីករាលដាលយ៉ាងខ្លាំងនៃមេរោគកូវីដ-19 គេសង្កេតឃើញមានកម្មវិធីជាច្រើន ត្រូវបានគេយកមកប្រើប្រាស់ក្នុងការទំនាក់ទំនង និងជួបប្រជុំគ្នាតាមរយៈ Video Conferencing ជំនួសឱ្យការជួបមុខគ្នាដោយផ្ទាល់ ដែលមានដូចជា Facebook Messenger, Skype, Zoom និង Microsoft Teams ជាដើម។
ដោយឡែកក្រុមហ៊ុន ហ្វេសប៊ុក ក៏បានធ្វើបច្ចុប្បន្នភាព(Update)ទៅលើកម្មវិធី WhatsApp ផងដែរ។ ការធ្វើបច្ចុប្បន្នភាពថ្មីនេះ គឺអាចធ្វើឱ្យមានចំនួនអ្នកចូលរួមបានកាន់តែច្រើន ពោលគឺអាចធ្វើការចូលរួមក្នុង Video Conferencing បានដល់ទៅ 8នាក់ ដែលពីមុនបានត្រឹមតែ 4នាក់ប៉ុណ្ណោះ។
ចំពោះសមាជិកដែលចង់ចូលរួមក្នុងក្រុម គឺត្រូវតែធ្វើបច្ចុប្បន្នភាពទៅលើកម្មវិធី WhatsApp ទៅជំនាន់ថ្មីចុងក្រោយបង្អស់ ទើបអាចធ្វើការចូលរួមបាន។
ខាងក្រោមនេះគឺជារបៀបដើម្បីចាប់ផ្ដើម Video Conferencing៖
កម្មវិធីចែករំលែកទម្រង់វីដេអូខ្លីៗ TikTok នៅតែបន្តប្រជាប្រិយភាពខ្លាំង ខណៈពេលដែលវីរុសកូវីដ-19 ផ្ទុះឡើង ដែលបង្ខំមនុស្សទាំងអស់នៅផ្ទះដើម្បីការពារខ្លួនពីមេរោគកំណាចនេះ។ មូលហេតុនេះ ត្រូវបានគេដឹងថា វាបានធ្វើឱ្យចំនួនទាញយកនៃកម្មវិធី TikTok នៅទូទាំងពិភពលោកបានកើនឡើងលើសពី 2ពាន់លានដង(2ប៊ីលានដង)។ នេះបើផ្អែកតាមទិន្នន័យរបស់ Sensor Tower ដែលបានចេញផ្សាយកាលពីថ្ងៃពុធ។
នៅត្រីមាសទី1 ឆ្នាំ2020 ចំនួនអ្នកដោនឡូតកម្មវិធី TikTok គឺមានដល់ទៅ 315 លានដងអាចឱ្យវាក្លាយជាកម្មវិធីដែលមានគេទាញយកច្រើនបំផុតនៅដើមឆ្នាំ2020 នេះ។
ប្រភពពី Sensor Tower បានបន្ថែមទៀតថា វាជាកម្មវិធីពេញនិយមបំផុតនៅក្នុងប្រទេសចិន។ ប្រទេសឥណ្ឌា និងប្រទេសចិន គឺមានចំនួនទាញយក TikTok ច្រើនជាងគេ រហូតដល់ជាង 2ពាន់លានដង។ នេះមិនទាន់គិតបញ្ចូលចំនួនទាញយកពី App Store ផ្សេង (ក្រៅពី App Store និង Google Play Store)ផង៕
ក្រុមហ៊ុនផលិតស្មាតហ្វូន Realme ទើបនឹងបានប្រកាសចេញនូវ Realme X50m 5G មកលើទីផ្សារជាផ្លូវការនៅប្រទេសចិន ក្នុងថ្ងៃនេះហើយ។
តម្លៃលក់នៅលើវេបសាយជាភាសាចិន Realme China ដែលបានចាប់ផ្តើមដំបូងនោះគឺ គិតទៅតាមទំហំ RAM និងមេម៉ូរី។ សម្រាប់តម្លៃ 1,999យន់ (ប្រមាណជា $282) ជាជម្រើស RAM 6GB /ROM 128GB ឯតម្លៃ 2,999យន់ (ប្រមាណជា 382 ដុល្លារ) ជាជម្រើស RAM 8GB /256GB។
សម្រាប់ស្មាតហ្វូនសិស្សប្អូនមួយនេះ មានរាងរៅស្រដៀងទៅនឹង Realme 6 ដែលចេញមកកាលពីប៉ុន្មានខែមុន។ ម៉ូដែល X50m មានបំពាក់ដោយអេក្រង់ 6.57អ៊ីញលាតពេញមួយតួខ្លួន ឯកាមេរ៉ាក្រោយទំហំ 48MP មានថាមពលថ្ម 4200mAh និងចេញមកជាមួយនឹងបច្ចេកវិទ្យាសាកថ្មលឿន កម្លាំង 30W វ៉ាត់ផងដែរ៕
ក្រុមហ៊ុន Apple បានធ្វើការអាប់ឌែតមុខងារថ្មីលើកម្មវិធី Maps របស់ខ្លួន ដោយបានបន្ថែមនូវដំណឹងអំពីការបង្ហាញទីតាំងតេស្តរកមេរោគកូវីដ-19 នៅទូទាំងអាមេរិកហើយ បើទោះជាវានៅមានល្បឿនយឺតបន្តិច ជាពិសេសនៅបណ្ដាប្រទេសអឺរ៉ុបផ្សេងៗនៅពេលនេះក៏ដោយ។ មុខងារនេះ ដំណើរការជាមួយកម្មវិធី Apple Maps ដែលក្រុមហ៊ុនយក្សមួយនេះបានចុះបញ្ជីជាកម្មសិទ្ធិរបស់ខ្លួន កាលពីពេលថ្មីៗនេះ។
មុខងារដែលកំពុងពេញនិយមនៅ US មួយនេះ បានបង្ហាញពីភាពយកចិត្តទុកដាក់របស់នាយកប្រតិបត្តិក្រុមហ៊ុន Apple ដែលមិនត្រឹមតែលក់ស្មាតហ្វូនយកផលចំណេញមួយមុខប៉ុណ្ណោះទេ តែលោកក៏បានចូលរួមចំណែកក្នុងការសម្រាលបន្ទុកខ្លះៗដែរ៕
ការផ្អាកសកម្មភាពបាល់ទាត់ដោយសារការឆ្លងរាលដាលនៃមេរោគកូវីដ-19 នាពេលបច្ចុប្បន្ន បានធ្វើឱ្យសហព័ន្ធនីមួយៗនៅជុំវិញពិភពលោកកំពុងតែជួបប្រទះនូវបញ្ហាហិរញ្ញវត្ថុយ៉ាងធ្ងន់ធ្ងរមិនធ្លាប់មាន៕
ហេតុផលនេះ បានធ្វើឱ្យសហព័ន្ធកីឡាបាល់ទាត់ពិភពលោក FIFA សម្រេចអនុម័តកញ្ចប់ថរិកាប្រមាណជា 150លានដុល្លារ សម្រាប់ត្រៀមជួយដល់សហព័ន្ធបាល់ទាត់ដែលជាសមាជិកទាំងអស់ ដើម្បីប្រយុទ្ធប្រឆាំងនឹងជំងឺកូវីដ-19
កូវីដ-19 ដែលបានផ្ទុះឡើងកាលពីខែធ្នូ ឆ្នាំ2019 បានធ្វើឱ្យការប្រកួតបាល់ទាត់ស្ទើរជុំវិញពិភពលោក ទាំងក្នុងស្រុក និងក្រៅស្រុកបានសម្រេចផ្អាក ក៏ដូចជាពន្យារពេលប្រកួតជាបន្តបន្ទាប់ ដើម្បីបង្ការការរីករាលដាលនៃវីរុសនេះ ខណៈកីឡាករស្ទើរជុំវិញពិភពលោកដូចគ្នា បានធ្វើការហ្វឹកហាត់នៅតាមផ្ទះរៀងៗខ្លួន៕
លីកកំពូលបាល់ទាត់ហូល្លង់ Eredivisie បានប្រកាសលុបចោលការប្រកួតទាំងស្រុងនៅពេលនេះ គឺដើម្បីឆ្លើយតបទៅនឺងស្ថានភាពកូវីដ-19 ដែលកំពុងរាតត្បាតខ្លាំងនៅក្នុងប្រទេសមួយនេះ។
នេះគឺជាលើកទី1 និងជាប្រវត្តិសាស្ត្រដ៏អាក្រក់មួយ នៃវិស័យបាល់ទាត់របស់ប្រទេសខ្លាំងមួយនេះ ដែលលីកកំពូលរបស់ហូល្លង់ ត្រូវបានលុបចោល ចាប់តាំងពីសង្គ្រាមលោកលើកទី2 បានបញ្ចប់មក។
ជាមួយគ្នានេះដែរ លីកកំពូលនេះនឹងបញ្ចប់រដូវកាល2020 របស់ខ្លួននេះទៅត្រឹមប៉ុននេះ ដោយមិនមានម្ចាស់ជើងឯកឡើយ តែក្រុមដែលឡើងទៅលេងពានរង្វាន់អន្តរជាតិផ្សេងៗ នឹងត្រូវយកតាមពិន្ទុដែលបានប្រកួតហើយកន្លងទៅ ដោយ Ajax និង AZ នឹងបានជាប់ឈ្មោះក្នុងការលេងវគ្គជម្រុះបឋម UEFA Champions League រដូវកាលក្រោយ ខណៈ Feyenoord, PSV និង Willem II នឹងជាប់ក្នុងវគ្គជម្រុះ UEFA Europa League៕
ក្រុមហ៊ុនថៃ Stark បានជោគជ័យក្នុងការទិញក្រុមហ៊ុនផលិតខ្សែកាបចំនួន2របស់វៀតណាម ជាមួយនឹងទឹកប្រាក់សរុប 240លានដុល្លារអាមេរិក។
ក្រុមហ៊ុនផលិតខ្សែកាបរបស់វៀតណាមដែលត្រូវបានក្រុមហ៊ុនថៃ Stark ទិញនេះ គឺទី1 ក្រុមហ៊ុន Thipha Cable និងទី2គឺក្រុមហ៊ុន Dovina។ ក្រុមហ៊ុនទាំង2នេះត្រូវបានលក់ក្នុងតម្លៃសរុប 240លានដុល្លារ។ ការទិញដូរនេះ ត្រូវបានធ្វើឡើងដោយក្រុមហ៊ុន Phelps Dodge International (Thailand) Co Ltd ដែលជាអ្នកផលិតខ្សែភ្លើង និងខ្សែកាបលំដាប់កំពូលនៅប្រទេសថៃ និងជាក្រុមហ៊ុនបុត្រសម្ព័ន្ធរបស់ Stark Corporation។
ជាមួយនឹងការព្រមព្រៀងនេះ ក្រុមហ៊ុន Stark មានគោលដៅបង្កើនផលិតកម្មរបស់ខ្លួន ក៏ដូចជាពង្រីកទីផ្សារដើម្បីក្លាយជាអ្នកផលិតខ្សែកាប ខ្សែភ្លើងនាំមុខគេក្នុងតំបន់។
Stark Corporation បានឱ្យដឹងថា “វិស័យជំនួញជារួម និងគោលដៅរបស់ក្រុមហ៊ុនទាំង2នេះ គឺដូចគ្នា ហើយវានឹងជួយគ្នាទៅវិញទៅមកទៅលើមុខជំនួញស្នូលរបស់ក្រុមហ៊ុន ក៏ដូចជាជួយបង្កើនគុណសម្បត្តិក្នុងការប្រកួតប្រជែងដល់Phelps Dodge នៅលើទីផ្សារអន្តរជាតិ”។
យោងតាម Mergermarket ការទិញដូរខាងលើនេះ គឺជាតំណាងនៃការជួញដូរក្នុងវិស័យឧស្សាហកម្មឯកជនធំបំផុតនៅវៀតណាមក្នុងអំឡុង3ឆ្នាំមកនេះ។ ករណីនេះក៏បង្ហាញអំពីភាពទាក់ទាញនៃទីផ្សារក្នុងស្រុកវៀតណាម និងឥទ្ធិពលក្នុងការប្រកួតប្រជែងដ៏ខ្លាំងក្លារបស់វៀតណាមក្នុងបណ្ដាប្រទេសជាសមាជិកសមាគមន៍អាស៊ានផងដែរ។
ក្រុមហ៊ុន Stark បានឱ្យដឹងថា ពួកគេនឹងបើកកិច្ចប្រជុំអនឡាញមួយដើម្បីបង្ហើយការទិញដូរនេះ ដោយសារតែផលប៉ះពាល់ពីវីរុសCOVID-19។
ក្រុមហ៊ុន ThiPha ត្រូវបានបង្កើតឡើងកាលពីឆ្នាំ1987 នៅទីក្រុងសៃហ្គន(ហូជីមិញ) គឺជាអ្នកផលិតខ្សែកាប និងខ្សែភ្លើងធំជាងគេលំដាប់ទី2នៅប្រទេសវៀតណាម។ ThiPha ក៏ធ្លាប់ផ្គត់ផ្គង់ទំនិញសម្រាប់សាងសង់អាគារវឌ្ឍនៈ និងហុងកុងឡែន នៅភ្នំពេញផងដែរ។
ចំណែកក្រុមហ៊ុន Dovina វិញ ត្រូវបានបង្កើតឡើងដោយភាគហ៊ុនិកនៃក្រុមហ៊ុន Thinh Phat ដើម្បីនាំចូលនិងកែច្នៃស្ពាន់ និងអាលុយមីញ៉ូមសម្រាប់ផលិតខ្សែកាប និងខ្សែភ្លើង។ Dovina លក់ស្ពាន់ និងអាលុយមីញ៉ូមទៅឱ្យ ThiPha និងរោងចក្រជាច្រើនទៀតនៅវៀតណាម និងនៅបរទេស។
ThiPha និង Dovina សុទ្ធតែស្ថិតក្នុងបញ្ជីនៃកំពូលក្រុមហ៊ុនឯកជនទាំង100 ដែលធំជាងគេនៅប្រទេសវៀតណាម។ គិតមកដល់ខែកញ្ញា ឆ្នាំ2019 ទ្រព្យសរុបរបស់ Thipha និង Dovina បានឡើងដល់201លានដុល្លារអាមេរិក៕
ប្រភព៖ សារព័ត៌មានបរទេស
ទីរួមស្រុកតូចមួយនៅប្រទេសអ៊ីតាលី បានបោះពុម្ភក្រដាសប្រាក់ដោយឡែករបស់ខ្លួន ដើម្បីរួមចំណែកជួយដល់ប្រជាជនក្នុងតំបន់នេះ ដែលពួកគេកំពុងជួបការលំបាកដោយសារផលប៉ះពាល់ពីមេរោគCOVID-19។
ការបោះពុម្ភក្រដាសប្រាក់ដោយឡែកបែបនេះ ជួយឱ្យប្រជាជនប្រមាណជា550នាក់នៅទីរួមស្រុក Castellino del Biferno នៅភាគត្បូងប្រទេសអ៊ីតាលី មានភាពងាយស្រួលក្នុងការទិញដូរសម្ភារសំខាន់ៗក្នុងបណ្ដាហាងទំនិញនៅក្នុងមូលដ្ឋាន។
អភិបាលទីរួមស្រុក Castellino del Biferno លោក Enrico Fratangelo ថ្លែងថា “យើងសម្រេចចិត្តបោះពុម្ភក្រដាសប្រាក់នេះគឺដើម្បីធានាឱ្យសេដ្ឋកិច្ចក្នុងមូលដ្ឋាន អាចទប់ទល់ជាមួយនឹងឥទ្ធិពលរបស់ស្ថានភាពនេះ(វិបត្តិសុខភាព COVID-19)។
ក្រដាសប្រាក់ Ducati ត្រូវបានប្រើប្រាស់ដើម្បីទិញដូរស្បៀងអាហារ និងរបស់របរប្រើប្រាស់ចាំបាច់ផ្សេងទៀតនៅក្នុងហាងទំនិញដែលស្ថិតក្នុងទីរួមស្រុក។ តម្លៃនៃក្រដាសប្រាក់ Ducati នេះ គឺស្មើនឹងតម្លៃក្រដាសប្រាក់ EUR ក្នុងនោះក្រដាសប្រាក់ដែលមានតម្លៃទាបបំផុតគឺ 5Ducati ដែលស្មើនឹង5 EUR។
ក្រដាសប្រាក់ Ducati ត្រូវបានបោះពុម្ភនៅក្នុងហាងថតចម្លង(photocopy) ក្នុងទីរួមស្រុក បន្ទាប់មកត្រូវបានក្រុមប្រឹក្សាទីរួមស្រុកបោះត្រាពីលើដើម្បីធានាអំពីតម្លៃរបស់វា។ ការបោះពុម្ភក្រដាសប្រាក់នេះ ពិតជាមានភាពស្របច្បាប់ ព្រោះវាគោរពទៅតាមការកំណត់ដែលត្រូវបានរដ្ឋាភិបាលអ៊ីតាលីអនុម័តយល់ព្រមកាលពីឆ្នាំ2018។
គិតមកដល់បច្ចុប្បន្ន ក្រដាសប្រាក់ Ducati រាប់ពាន់សន្លឹកត្រូវបានបោះពុម្ភ និងចែកចាយដល់ប្រជាជន និងអាជីវករនៅក្នុងទីរួមស្រុក។ រៀងរាល់2សប្ដាហ៍ម្ដង ក្រុមអ្នករកស៊ី និងប្រជាជននឹងយកក្រដាសប្រាក់ Ducati ដែលពួកគេរកបានតាមរយៈការជួញ មកប្រគល់ជូនក្រុមប្រឹក្សាទីរួមស្រុក ហើយពួកគេនឹងទទួលបានក្រដាសប្រាក់ EUR ដែលមានតម្លៃដូចគ្នាត្រឡប់ទៅវិញ។
ទីរួមស្រុក Castellino del Biferno ទទួលបានជំនួយជាថវិកា5,500 EUR ពីរដ្ឋាភិបាលដើម្បីចែកប័ណ្ណទទួលអាហារដល់គ្រួសារក្រីក្រ និងគ្រួសារដែលរងគ្រោះដោយសារ COVID-19។ ទីរួមស្រុកនេះត្រូវប្រើប្រាស់ខ្ទង់ប្រាក់សន្សំ និងបោះពុម្ភក្រដាសប្រាក់ Ducati សម្រាប់ជួយដល់គ្រួសារជាង200 នៅក្នុងទីរួមស្រុក Castellino del Biferno នេះ។
អភិបាលទីរួមស្រុកCastellino del Biferno យល់ថា ក្រៅពីការជួយដល់ពលរដ្ឋក្នុងការទិញដូររបស់របរប្រើប្រាស់ប្រចាំថ្ងៃ ក្រដាសប្រាក់ Ducati នេះ ក៏អាចជួយឱ្យប្រជាជនក្នុងតំបន់មានអារម្មណ៍ល្អ និងស្និទ្ធស្នាលជាមួយនឹងទីកន្លែងដែលពួកគេកំពុងរស់នៅ ដោយអាជ្ញាធរទីរួមស្រុកនេះ បានបោះពុម្ភរូបភាពនានាដែលជានិមិត្តរូបរបស់ទីរួមស្រុក នៅលើក្រដាសប្រាក់ Ducati៕
ប្រភព៖ សារព័ត៌មានបរទេស
Kim Tae Hee ដែលជាកំពូលតារាសម្ដែងរបស់កូរ៉េខាងត្បូង រៀបរាប់ថា បន្ទាប់ពីបានរៀបការជាមួយកំពូលតារាចម្រៀង Rain នាងទទួលបានបទពិសោធន៍ជីវិតយ៉ាងច្រើន ជីវភាពមានការលំបាកខ្លះ ប៉ុន្តែមានសុភមង្គល។
នៅលើទូរទស្សន៍ SBS (Seoul Broadcasting System) កាលពីម្សិលមិញ(29មេសា) ស្រីស្អាតកូរ៉េខាងត្បូង Kim Tae Hee ជាលើកដំបូងបាននិយាយរៀបរាប់អំពីជីវិតអាពាហ៍ពិពាហ៍របស់ខ្លួនជាសាធារណៈ។ Kim Tae Hee ថ្លែងថា “ការរៀបការធ្វើឱ្យយើងយល់ដឹងច្រើនពីជីវិត ការរស់នៅបានល្អជាងមុន ព្រមទាំងធ្វើឱ្យមានអារម្មណ៍ច្រើនប្រភេទ និងពោរពេញដោយបទពិសោធន៍ជីវិត។ល។”។ Kim Tae Hee ប្រាប់ថា ពេលខ្លះត្រូវចួបការលំបាក ប៉ុន្តែដោយមានជំនួយពីក្រុមគ្រួសារ ធ្វើឱ្យនាងមានកម្លាំងចិត្តបន្ថែម និងមិនមានអារម្មណ៍ឯកា។
តារាសម្ដែងស្រីរូបនេះមានបំណងក្លាយជាមិត្តជិតស្និទ្ធរបស់កូនស្រីជាទីស្រឡាញ់ទាំង2រូបរបស់នាង ដើម្បីឱ្យពួកគេមានអារម្មណ៍ស្រួលចិត្ត នៅពេលម្ដាយនិងកូននៅក្បែរគ្នា។ Kim Tae Hee បន្តថា ថ្វីបើរយៈពេល3ឆ្នាំកន្លងទៅហើយដែលនាងមានកូនដំបូង ប៉ុន្តែនាងនៅតែមានអារម្មណ៍ថា ហាក់ដូចជានៅថ្មីៗ ហើយពេលខ្លះក៏មានអារម្មណ៍ថាបានធ្វើរឿងឆ្គាំឆ្គង និងមិនសូវរលូន។
ចាប់តាំងពីខែមីនា Kim Tae Hee បានពឹងញាតិរបស់ខ្លួនឱ្យជួយមើលថែកូនៗ ដើម្បីនាងមានពេលគ្រប់គ្រាន់សម្រាប់ថតខ្សែភាពយន្តថ្មី រឿង Hi Bye Mama។ ខ្សែភាពយន្ត Hi Bye Mamaនេះ បានថតចប់ជាស្ថាពរកាលពីពាក់កណ្ដាលខែមេសា ហើយនាងក៏បានត្រឡប់មកកាន់គ្រួសារវិញហើយដែរ។ ស្រីស្អាត Kim Tae Hee កំពុងត្រៀមខ្លួនដើម្បីថតរឿងថ្មី ដែលនាងគិតថា នាងនឹងបានថតរឿងល្អៗនាពេលខាងមុខ។
ស្រីស្អាត Kim Tae Hee និងកំពូលតារា Jung Ji-hoon(Rain) បានរៀបការយ៉ាងសាមញ្ញកាលពីឆ្នាំ2017 ហើយពួកគេក៏បានទទួលស្វាគមន៍កូនស្រីច្បងរបស់ខ្លួននៅក្នុងឆ្នាំដដែលនេះដែរ។ កំពូលតារាសម្ដែងស្រី Kim Tae Hee បានបង្កើតកូនស្រីទី2 កាលពីខែកញ្ញា ឆ្នាំ2019។ Kim Tae Hee ទទួលបានការសរសើរ និងការគាំទ្រយ៉ាងខ្លាំង ចំពោះខ្សែភាពយន្តមនោសញ្ចេតនាដែលនាងបានសម្ដែង។ ជាងនេះ ឈុតផ្សាយពាណិជ្ជកម្មរបស់នាង ទាក់ទិននឹងគ្រឿងសម្អាង គ្រឿងអលង្ការ សម្ភារគេហដ្ឋានជាដើម ក៏ទទួលបានការសរសើរថា នាងធ្វើបានល្អ នាងនៅតែស្អាត បើទោះបានឈានចូលវ័យ40ឆ្នាំ៕
ប្រភព៖ សារព័ត៌មានបរទេស