Category: សង្គម និងសេដ្ឋកិច្ច

អំឡុងពេលកូវីដជាង ២ខែមកនេះ គេសង្កេតឃើញនភលើបណ្ដាញសង្គមហ្វេសប៊ុករបស់អ្នកនាង យុគ ចិន្ដា បានបង្ហាញសកម្មភាពថតវីដេអូធ្វើម្ហូប និងធ្វើការ Live លក់ម្ហូប ជាកូនស្រីយ៉ាងមានសេចក្តីសុខ សុភមង្គល ជាអនេក។ អ្នកនាង បានអះអាងថា ខ្លួនមិនអត់ប្រយោជន៍ទេ ដោយបានទាំងបានសម្រេចនូវផែនការមួយចំនួន ដែលអ្នកនាងគិតនឹងអាចធ្វើនោះផង។ ផែនការទាំងនោះ បាននឹងក្លាយជាបទពិសោធន៏ដ៏ល្អ ក្នុងនាមជាម្ដាយ និង ចែករំលែកដល់ ស្ត្រីជាម្តាយ សម្រាប់គន្លឹះអប់រំកូនចៅតែម្ដង។

អ្នកនាង យុគ ចិន្តា តែងតែនិយាយប្រាប់ទស្សនិកជននៅក្នុងពេល Live ថា ទាន់យើងសម្រាកទប់ស្កាត់ កូវីដ យើងគួរចែកបទពិសោធន៏ល្អៗ ដល់កូនៗយើង។ ជាយុវវ័យរលកក្រោយ យើងគួរចែករំលែកភាពល្អៗដល់គាត់។ ទាំងនេះ ជាការរួមចំណែក ជួយគ្នា ចេញពីឪពុកម្តាយ ឬអាណាព្យាបាលមុនគេ។ សង្ឃឹមថាជាកិច្ចការមួយជួយដល់បងប្អូនយើង ទាំងអស់គ្នាដែរ។

អ្នកនាងបានបង្ហាញនូវ រូបភាពជាច្រើន ជាមួយកូនស្រីអម ក្នុងការផ្ទេរនូវ បទពិសោធន៏ខ្លួនជូនកូនបានយល់ដឹង។ អ្នកនាង ប្រើរូបមន្ត បង្រៀនកូន ឱ្យចេះការងារ ជាច្រើនលក្ខណៈស្ត្រីខ្មែរ ។ ការងារទាំងនោះ ដូចជាបង្រៀន ឱ្យចេះធ្វើម្ហូប ថ្មីចាស់ការរៀបចំផ្ទះសម្បែង ឱ្យមានរបៀប ការនិយាយស្តីសុភាពទន់ភ្លន់ ការបណ្តុះគំនិតឱ្យស្រឡាញ់ ដើមឈើ ធម្មជាតិ ចេះដាំកូនឈើ បង្កើតបរិស្ថានធម្មជាតិ។ ជាមួយទឹកមុខញញឹម ញញែម យុគ ចិន្តា ហាក់រីករាយ ណាស់នៅពេល យុគ ដាពេជ្រហៅ ថៅកែអម ចេះគោរពដំបូន្មាន ហើយ ចេះទាំងធ្វើមុខម្ហូប ឡាយលក់ នៅលើអនឡាញ រៀនរកចំណូលដោយសមត្ថភាពពិត។

កាលពីពេលថ្មីៗនេះ អ្នកប្រើប្រាស់ Facebook ទូទាំង​ពិភពលោក អាច​ផ្ទេរ​រូបថត និង​វីដេអូ​របស់​ពួកគេ​ទៅ Google Drive បាន​យ៉ាង​ងាយស្រួល។

ការដាក់​ឱ្យប្រើ​មុខងារ​មួយ​នេះ គឺជា​ផ្នែក​មួយ​នៃ​កិច្ចសន្យា Data Transfer Project រវាង​ក្រុមហ៊ុន Facebook, Google, Microsoft និង Twitter ដើម្បីឱ្យ​អ្នកប្រើប្រាស់​ងាយស្រួល​ក្នុងការ​ផ្ទេរ​ទិន្នន័យ​ពី​ក្រុមហ៊ុន​មួយ​ទៅ​ក្រុមហ៊ុន​មួយទៀត ដោយ​មិនចាំបាច់​ត្រូវតែ​នៅ​ប្រើ​ក្រុមហ៊ុន​តែមួយ​រហូត។ មុខងារ​នេះ ក៏​អាចជួយ​អ្នកប្រើប្រាស់​រក្សាទុក​ទិន្នន័យ​កុំឱ្យ​បាត់បង់​នៅពេលដែល​គណនី​ណា មួយ​នោះ​ត្រូវបាន​គេ​លួច​ចូល ហើយ​បំផ្លាញ​ទិន្នន័យ​ទាំងអស់នោះ​ចោល។

*បញ្ជាក់៖ អ្នក​អាច​ផ្ទេរ​បានតែ​រូបថត ឬ​វីដេអូ ប៉ុន្តែ​មិនអាច​ផ្ទេរ​ម្តង​ទាំង​រូបថត និង​វីដេអូ ក្នុងពេល​តែមួយ​បានទេ (មានន័យថា វីដេអូ ទំហំ Mbធំ  ដូច្នេះ​ត្រូវ​ផ្ទេរ​ម្តង១)។

ដើម្បី​ផ្ទេរ​ទិន្នន័យ​ពី​គណនី​ហ្វេ​ស​ប៊ុ​ក​ទៅ Google Drive លោកអ្នក​អាច​ចូលទៅក្នុង Settings របស់ Facebook ដូចខាងក្រោម៖

-នៅ​ផ្នែក​ខាងស្តាំ ចុច​លើស​ញ្ញា “គំនូស3 លើ​គ្នា”

-ចុច​លើ​ពាក្យ Settings

-ចុច​លើ​ពាក្យ Transfer a Copy of Your Photos or Videos

-ចុច​លើ Choose Destination

-រើសយក Google Photos

-ចុច Next ហើយ Login ចូល Google Drive

UEFA Champions League បានឈានចូលមកដល់វគ្គ 4ក្រុមចុងក្រោយហើយ ដោយនៅមានក្រុម Paris Saint Germain (បារាំង), RB Leipzig (អាល្លឺម៉ង់), Atalanta (អ៊ីតាលី), Atléctico Madrid (អេស្ប៉ាញ)។

ក្នុងនោះដែរ កាលពីពេលកន្លងទៅនេះ ប្រធានាធិបតីបារាំងបានប្រកាសមិនឱ្យមានសកម្មភាពកីឡាណាមួយកើតមានឡើយនៅទូទាំងប្រទេស ដើម្បីការពារប្រជាជនពីមេរោគកូវីដ-19 តែអ្វីដែលពិសេសនោះ គឺក្រុម Paris Saint Germaint ដែលមានភារកិច្ចក្នុងពានរង្វាន់ UEFA Champions League នេះ នឹងត្រូវទំនេរគ្មានការប្រកួត ខណៈដែលក្រុមនៃប្រទេសផ្សេងៗមានការប្រកួតឡើងវិញហើយ។

ដូចនេះ PSG បានប្រកាសថា ខ្លួននឹងរកជួលកីឡដ្ឋានណាមួយនៅក្រៅប្រទេសដើម្បីធ្វើការហ្វឹកហាត់ និងប្រកួតមិត្តភាពដើម្បីស្ដារយកភាពខ្លាំងរបស់ក្រុមមកវិញ ដើម្បីត្រៀម UEFA Champions League នាពេលខាងមុខ៕

លីកកំពូលនៃប្រទេសអាល្លឺម៉ង់ ត្រៀមនឹងបើករដូវកាលរបស់ខ្លួនឡើងវិញ នាពាក់កណ្តាលខែឧសភា ឆ្នាំ2020 នេះហើយ ដោយបានអនុញ្ញាតឱ្យក្រុមនីមួយៗធ្វើការប្រមូលផ្តុំគ្នាហ្វឹកហាត់់វិញបានហើយ។

តែអ្វីដែលជាការព្រួយបារម្ភរបស់លីកកំពូលអាល្លឺម៉ង់មួយនេះ គឺដោយសារតែក្នុងអំឡុងពេលហ្វឹកហាត់នេះ លីកកំពូលរបស់ប្រទេសមួយនេះ បានរកឃើញកីឡាករចំនួន 3នាក់ មានផ្ទុកមេរោគកូវីដ-19 ដែលជាកីឡាកររបស់ក្រុម Cologne។

មកទល់នឹងពេលនេះ គណៈកម្មការរៀបចំការប្រកួត Bundesliga បានប្រកាសឱ្យក្រុមមួយនេះរំសាយការហ្វឹកហាត់ហើយ និងយកកីឡាករទាំង 3រូបនោះទៅព្យាបាល និងមិនទាន់ដឹងច្បាស់នៅឡើយថា តើក្រុម Cologne អាចនឹងចូលរួមប្រកួតក្នុងក្របខ័ណ្ឌលីកនេះបាន ឬអត់នោះទេ?៕

ពិភពលោកមានការរីកចម្រើនយ៉ាងខ្លាំងជារៀងរាល់ថ្ងៃ ជាពិសេសលើវិស័យបច្ចេកវិទ្យាតែម្តង។ ជីវិតរស់នៅប្រចាំថ្ងៃរបស់មនុស្សសព្វថ្ងៃនេះ គឺពឹងផ្អែកស្ទើរតែទាំងស្រុងទៅលើការប្រើប្រាស់ឧបករណ៍អេឡិចត្រូនិក ដែលធ្វើឱ្យជីវិតពួកគេមានភាពងាយស្រួលក្នុងការរស់នៅ បំពេញការងារ ប្រកបមុខរបរអាជីវកម្មផ្សេងៗ ជាមួយគ្នានេះដែរ ឧបករណ៍ទាំងអស់នោះក៏ត្រូវការថាមពល ដើម្បីប្រើប្រាស់ផងដែរ។

កាលពីពេលថ្មីៗនេះ NFC Forum បានធ្វើការផ្សព្វផ្សាយទាក់ទងទៅនឹងការអនុម័តឱ្យមានសមត្ថភាពសាកថ្មឥតខ្សែ សម្រាប់ឧបករណ៍អេឡិចត្រូនិកដែលប្រើប្រាស់ថាមពលថ្មតិចតួច មានដូចជា នាឡិកាឆ្លាតវៃ (smart watch) និងប៊ិចសម្រាប់ tablet ជាដើម។ ដើម្បីសាកថ្មឧបករណ៍តាមរយៈ NFC លោកអ្នកអាចប្រើជាមួយទូរស័ព្ទស្មាតហ្វូនដែលមានបច្ចេកវិទ្យា NFC ឬឧបករណ៍ NFC ក៏បាន។

បច្ចេកវិទ្យានេះអាចធ្វើការផ្ទេរថាមពលរហូតដល់ 1វ៉ាត់ និងប្រើហ្វ្រេកង់ជាមូលដ្ឋាន 13.56MHz ជាមួយនឹងអានុភាពនៃតភ្ជាប់របស់ NFC ដើម្បីធ្វើការគ្រប់គ្រងទៅលើការផ្ទេរថាមពល ដែលការដំឡើងនេះធ្វើឱ្យមានភាពល្អប្រសើរដល់អ្នកប្រើប្រាស់ ព្រោះវាមិនទាមទារឱ្យលោកអ្នកដាក់ឧបករណ៍ត្រូវគ្នាយ៉ាងល្អ ដើម្បីសាកថ្មនោះទេ ដែលរឿងនេះ វាផ្ទុយពីបច្ចេកវិទ្យាផ្សេងៗទៀត មានដូចជា Qi ជាដើម។

ទោះបី NFC Forum ទើបតែអនុម័តការប្រើប្រាស់សាកថ្មតាមរយៈ NFC ក៏ដោយ ក៏មានក្រុមហ៊ុនខ្លះ បាននិងកំពុងសាកល្បងប្រើបច្ចេកវិទ្យានេះផងដែរ។ ជាឧទាហរណ៍ ក្រុមហ៊ុន Samsung បានប្រើបច្ចេកវិទ្យានេះជាមួយនាឡិកា Galaxy Fit ព្រោះហេតុនេះហើយ បានជាអ្នកប្រើប្រាស់ពុំអាចសាកថ្ម Galaxy Fit ជាមួយទូរស័ព្ទស្មាតហ្វូន Samsung បាន ដោយសារថា ទូរស័ព្ទទាំងនោះបានប្រើបច្ចេកវិទ្យា Qi ដែលជាប្រព័ន្ធបច្ចេកវិទ្យាផ្សេងមួយទៀត។

NFC Forum គឺជាសមាគមឧស្សាហកម្មមួយដែលបង្កើតឡើងដោយមិនយកប្រាក់កម្រៃ តាំងពីឆ្នាំ2004 មកម្ល៉េះ​ ក្នុងគោលបំណងដើម្បីអភិវឌ្ឍការប្រើប្រាស់ឧបករណ៍អេឡិចត្រូនិក ក្នុងការចែករំលែកគ្នាទៅវិញទៅមក និងធ្វើឱ្យមានភាពប្រាកដប្រជាក្នុងកិច្ចសហការរវាងឧបករណ៍ និងសេវាកម្ម ព្រមទាំងធ្វើការអប់រំអំពីបច្ចេកវិទ្យា NFC ទៅលើទីផ្សារអ្នកប្រើប្រាស់ផងដែរ៕

ក្រុមហ៊ុន វេសឡាញ អេឌ្យូខេសិន គ្រុប បានចុះកិច្ចព្រមព្រៀងជាមួយក្រុមហ៊ុនបច្ចេកវិទ្យាចំនួន 4 គឺក្រុមហ៊ុន​ Edemy ក្រុមហ៊ុន Maxbit ក្រុមហ៊ុន Vconnect និងក្រុមហ៊ុន DTP ដើម្បីពង្រឹងគុណភាពអប់រំតាមបច្ចេកវិទ្យាឱ្យកាន់តែខ្លាំងទាំងក្នុងស្ថានភាពនៃការរីករាលដាលជំងឺ Covid-19 និងទៅថ្ងៃអនាគតខាងមុខទៀត។

លោក ប៉ិច បូឡែន អគ្គនាយកក្រុមហ៊ុន វេសឡាញ អេឌ្យូខេសិន គ្រុប បានលើកឡើងថា ការសហការគ្នារវាង​វេសឡាញ ជាមួយនឹង​ក្រុមហ៊ុនបច្ចេកវិទ្យាទាំង4 នៅថ្ងៃនេះ គឺជាបោះជំហានថ្មីមួយក្នុងវិស័យអប់រំឯកជនឱ្យគ្រប់គ្នាមើលឃើញពីតម្លៃនៃបច្ចេកវិទ្យាអប់រំ (Edtech) ហើយក៏ស្របគ្នាជាមួយនឹង​ចក្ខុវិស័យរបស់​ក្រសួងអប់រំ យុវជន និងកីឡា ផងដែរ ដែលកំពុង​តែអភិវឌ្ឍប្រសិទ្ធភាពអប់រំតាមរយៈបច្ចេកវិទ្យា។ សម្រាប់រដ្ឋ គឺមានសាលារៀនជំនាន់ថ្មីដែលបានអភិវឌ្ឍយ៉ាងខ្លាំងលើការអប់រំ​ ខណៈវិស័យអប់រំឯកជនក៏គួរតែមានសាលាសតវត្សទី21 ដែលមានការបញ្ចូលនូវការអប់រំកាន់តែមានប្រសិទ្ធភាពខ្ពស់ដោយប្រើប្រាស់បច្ចេកវិទ្យា។ ទាំងអស់នេះជាជំហានប្រកបដោយភាពវិជ្ជមានក្នុងការជំរុញឱ្យការអប់រំកាន់តែមានលក្ខណៈពេញលេញ ស្របតាមចរន្តសកលដែលកំពុងតែមានភាពប្រែប្រួលទៅតាមបដិវដ្តឧស្សាហកម្ម 4.0 ដែលរដ្ឋាភិបាលរបស់យើងកំពុងតែយកចិត្តទុកដាក់។

លោក ប៉ិច បូឡែន បាននិយាយថា៖ «​ការសហការនៅថ្ងៃនេះ មិនមែនគ្រាន់តែជាប្រយោជន៍ដល់ការ​ពង្រឹងគុណភាព​នៃការអប់រំ​របស់សិស្សានុសិស្សរបស់យើង​ក្នុងពេលមាន Covid-19 នោះទេ តែយើងបានបោះជំហានបន្ថែំទៀត​ដើម្បីធ្វើទំនើបកម្ម​គុណភាពអប់រំរបស់យើង។ ដូចខ្ញុំធ្លាប់បានលើកឡើងហើយថា បញ្ហា Covid-19 ជារឿងបណ្តោះអាសន្ន តែ​ការសិក្សាតាមអនឡាញ នៅតែបន្តទៅមុខទៀតជារៀងរហូត»។

ស្ថាបនិកស្ថាប័នអប់រំខាងលើបានលើកឡើងផងដែរថា ចំពោះការសិក្សាតាមអនឡាញនេះ នៅបរទេសគេបានធ្វើជាយូរណាស់មកហើយ តែសម្រាប់កម្ពុជាយើង​ដោយសារតែយើងទើបតែជួបប្រទះ​នូវបញ្ហា Covid-19 ទើបយើងចាប់ផ្តើមអនុត្តខ្លាំង ដែលធ្វើឱ្យអាណាព្យាបាល​មានការភ្ជាក់ផ្អើលបន្តិច។ ទោះជាយ៉ាងនេះក្តីចរន្តនេះនឹងធ្វើឱ្យ​អនាគតកាន់តែមានភាពប្រសើរលើផ្នែកអប់រំ ព្រោះ​ទម្រង់នៃការអប់រំដែលយើងកំពុងចាប់ផ្តើម ហើយនឹងបន្តទៅថ្ងៃអនាគតនេះ គឺជាទម្រង់ប្រកបដោយប្រសិទ្ធភាពដែលអាចឱ្យសិស្សសិក្សាបានគ្រប់ទីកន្លែង និងអាចវិភាគយ៉ាងច្បាស់ពី​កម្រិតនៃការយល់ដឹងរបស់សិស្ស ចំណុចខ្វះខាត និងទិន្នន័យសំខាន់ៗជាច្រើនទៀត។ តាមរយៈទម្រង់នៃបច្ចេកវិទ្យាអប់រំ យើងនឹងអាចវាយតម្លៃបានយ៉ាងងាយស្រួលថា​តើសិស្សចេះប៉ុន្មានភាគរយ ហើយសិស្សដែលមិនទាន់ចេះមានចំណុចប៉ុន្មានភាគរយ។ បន្ថែមពីលើនេះ យើងក៏អាវាយតម្លៃគ្រូបានកាន់តែប្រសើរផងដែរ ដោយសារតែទិន្នន័យទាំងអស់នេះអាចនឹងបង្ហាញពី​ចំណុចគុណភាពនៃការរៀន និងការបង្រៀនយ៉ាងច្បាស់។

ជាចំនុចបន្តបន្ទាប់ ដើម្បីជំរុញឱ្យការអប់រំតាមអនឡាញនេះកាន់តែមានប្រសិទ្ធភាពខ្ពស់ យើងនឹងជំរុញឱ្យផ្នែកផ្សេងៗទៀត​បានប្រើប្រាស់នូវកម្មវិធីអប់រំទាំងអស់នេះដើម្បីអភិវឌ្ឍគុណភាពអប់រំ ព្រោះ​ការអប់រំជាការទទួលខុសត្រូវរបស់យើងទាំងអស់គ្នា។ សាលាដទៃអាចនឹងសហការជាមួយវេសឡាញ ឬ​សហការជាមួយក្រុមហ៊ុនបច្ចេកវិទ្យាទាំង4 ដែលបានសហការគ្នានៅថ្ងៃនេះ ដើម្បីធ្វើយ៉ាងណា​ទៅឱ្យកាន់តែឆ្ងាយជាមួយនឹង​វិធីសាស្រ្តបង្រៀនថ្មីៗ និងប្រកបដោយប្រសិទ្ធភាពកាន់តែខ្លាំង។

គួរបញ្ជាក់ផងដែរថា ​ក្រុមហ៊ុនសំខាន់ៗទាំង4 ដែលបានសហការជាមួយនឹងវេសឡាញ អេឌ្យូខេសិន គ្រុបនៅពេលនេះ ទី1 គឺក្រុមហ៊ុន អេតឌឺមី (Edemy) ដែលមានបច្ចេកទេសក្នុងការបង្កើតថ្នាក់រៀនតាមប្រព័ន្ធឌីជីថល និងការរៀនតាមអ៊ីនធឺណេត។ តាមរយៈកម្មវិធីនេះ សិស្សានុសិស្សអាចទស្សនាមេរៀនជាលក្ខណៈវីដេអូ អាចអានអត្ថបទមេរៀន ធ្វើការវាយតម្លៃលើលំហាត់ ឬកិច្ចការសាលាដោយខ្លួនឯងបាន តាមដានដំណើរការរៀនសូត្ររបស់ខ្លួនឯងបាន បង្កើនទំនាក់ទំនងរវាងលោកគ្រូ/អ្នកគ្រូ ហើយនិងសិស្សានុសិស្សឱ្យមានប្រសិទ្ធិភាព។ ក្រុមហ៊ុនទី2 គឺក្រុមហ៊ុន ម៉ាក្សបីត (Maxbit) ដែលអាចជួយដល់ការរៀនតាមប្រព័ន្ធអ៊ីនធឺណេត និងពិគ្រោះយោបល់អំពីអាជីវកម្មអនឡាញន៍ទៅកាន់អ្នកអាណាព្យាបាល ដើម្បីជួយកែលម្អអាជីវកម្មរបស់អ្នកអាណាព្យាបាល និងជំរុញសាលារៀនឱ្យសម្របខ្លួនតាមឧបករណ៍បង្រៀនទំនើបៗឱ្យមានប្រសិទ្ធិភាពជាងមុន។ ក្រុមហ៊ុនទី3 គឺក្រុមហ៊ុន វីខូនិក (VConnect) ដែលនឹងជួយអភិវឌ្ឍប្រព័ន្ធគ្រប់គ្រងសាលារៀនវ័យឆ្លាត ជួយអ្នកអាណាព្យាបាល និងសាលារៀនទៅលើការទំនាក់ទំនងឱ្យមានប្រសិទ្ធិភាពខ្ពស់ រួមទាំងការគ្រប់គ្រងការសិក្សារបស់សិស្សានុសិស្ស។ ក្រុមហ៊ុនទី 4 គឺក្រុមហ៊ុន ឌី ធី ភី (DTP) ដែលជាអ្នកអភិវឌ្ឍបណ្ណាល័យអេឡិចត្រូនិច និង កម្មវិធីរៀនតាមប្រព័ន្ធឌីជីថល។ អ្នកអាណាព្យាបាល និង សិស្សានុសិស្សអាចប្រើប្រាស់កម្មវិធីរៀននៅផ្ទះដើម្បីបង្កើនសមត្ថភាពទៅការប្រើប្រាស់ភាសាអង់គ្លេសរបស់ពួកគាត់៕

លោក Emmanuel Macron ប្រធានាធិបតីបារាំង និងត្រូវជាប្រធានផ្លាស់វេនរបស់សហភាពអឺរ៉ុបឆ្នាំនេះ បានថ្លែងដោយសង្កត់ធ្ងន់ថា ប្រទេសជាសមាជិកអឺរ៉ុបទាំងឡាយ គួរតែរៀនតាមបារាំង ពោលគឺបិទសកម្មភាពកីឡាទាំងអស់ក្នុងឆ្នាំនេះចោលទៅ។

ក្នុងនោះលោកក៏បានលើកឡើងចំៗ ពីឈ្មោះប្រទេសដូចជា អាល្លឺម៉ង់ អង់គ្លេស អ៊ីតាលី និងអេស្ប៉ាញ ដែលជាប្រទេសលំដាប់កំពូលទាំង10 ដែលមានអ្នកឆ្លងមេរោគកូវីដ-19 ច្រើនជាងគេបំផុតនៅលើពិភពលោក ឱ្យប្រញាប់ប្រញាល់បិទបញ្ឈប់ការប្រកួតក្នុងលីកកំពូលទាំងអស់របស់ខ្លួនចោលទៅ ដើម្បីចូលរួមទប់ស្កាត់មេរោគកូវីដ-19 នៅក្នុងប្រទេសរបស់ខ្លួន ក្នុងសហគមន៍អឺរ៉ុប ក៏ដូចជាក្នុងពិភពលោកផងដែរ។

គួររំឭកផងដែរថា នៅអឺរ៉ុបមានប្រទេស 3ហើយ ដែលបានប្រកាសរំសាយក្របខ័ណ្ឌលីកកំពូលរបស់ខ្លួន មានដូចជា បែលហ្ស៊ិក ហូល្លង់ និងបារាំង ដែលជាអ្នកចាប់ផ្តើមដំបូងគេបង្អស់៕

កីឡាករជម្រើសជាតិថៃ Chanathip songkrasin ត្រូវបានក្លិប Hokkaido Consadole Sapporo នៃលីកកំពូលជប៉ុន ប្រកាសលក់ចេញក្នុងតម្លៃលើសពី 2លាន 6សែនដុល្លារ ព្រោះតែវិបត្តិហិរញ្ញវត្ថុរបស់ក្លិបក្នុងអំឡុងពេលវិបត្តិកូវីដ-19។

Chanathip songkrasin គឺជាកីឡាករថៃដែលមានតម្លៃខ្លួនថ្លៃជាងគេបំផុត ដែលប្រកបអាជីពនៅប្រទេសជប៉ុន និងមានតម្លៃខ្លួនថ្លៃជាងគេបំផុតប្រចាំក្លិបនៅជប៉ុននេះផងដែរ ដូចនេះការលក់រូបគេចេញម្នាក់ គឺគ្រប់គ្រាន់សម្រាប់ឱ្យក្លិបបន្តរស់បាន រហូតដល់រដូវកាលក្រោយ។

ជាកីឡាករដែលមានតម្លៃខ្លួនថ្លៃជាងគេលំដាប់ទី9 នៅក្នុងប្រទេសជប៉ុនផងដែរ កីឡាកររូបនេះ ត្រូវបានគេដឹងថា Hokkaido បានទិញពីក្លិប SCG Moeungthong United ក្នុងតម្លៃត្រឹមតែ 7សែនដុល្លារតែប៉ុណ្ណោះ៕

សម្រាប់ពាក្យថា “ជីវិតគូ” មិនមែនគ្រប់គ្នាសុទ្ធតែអាចជួយប្រគងដៃគ្នា ដើរទៅជាមួយគ្នា រហូតដល់ថ្ងៃដែលម្នាក់ៗចាស់ជរាបាននោះឡើយ តែសម្រាប់ភរិយាដ៏ល្អប្រពៃ អ្នកនៅពីក្រោយខ្នងស្វាមី ដូចជាអ្នកស្រី “ចាង យីង” ភរិយាដ៏ស្រស់ស្អាតរបស់លោក ជែក ម៉ា ម្ចាស់វេបសាយ E-Commerce ដ៏ធំ និងមានជាងគេបំផុតនៅក្នុងប្រទេសចិន គឺអាលីបាបា វិញនោះ អ្នកស្រីបានផ្ដល់នូវគំនិតត្រិះរិះល្អៗដល់ស្ត្រីទាំងឡាយដែលមានឈ្មោះថា ជាប្រពន្ធល្អ ត្រូវប្រតិបត្តិដូចខាងក្រោមនេះ…៖

“នាងខ្ញុំជាមួយ ជែក ម៉ា ជាមិត្តរួមថ្នាក់ កាលសម័យរៀននៅមហាវិទ្យាល័យ។ ក្រោយបញ្ចប់ការសិក្សា យើងក៏រៀបការជាមួយគ្នា។ ជែក ម៉ា មិនជាមនុស្សប្រុសរូបសង្ហាទេ តែថែមទាំងរាងអាក្រក់តិចៗទៀតផង តែអ្វីដែលខ្ញុំពេញចិត្តចំពោះខ្លួនគាត់ គឺគាត់អាចធ្វើអ្វីបានច្រើនយ៉ាង ខណៈដែលបុរសរូបសង្ហាទាំងឡាយមិនខ្វល់នឹងធ្វើរឿងទាំងអស់នោះ…នាងខ្ញុំមិនបានសម្រេចចិត្តខុសឡើយ ធុរកិច្ចអាលីបាបារបស់គាត់ បានក្លាយជារឿងដ៏អស្ចារ្យមួយក្នុងធុរកិច្ចអនឡាញ អ្នកណាៗក៏ហៅគាត់ថា “ស្ដេចនៃការបង្កើតធុរកិច្ច” វាបានសាងនូវក្ដីមោទនភាពដល់នាងខ្ញុំយ៉ាងខ្លាំង…10ចំណុចខាងក្រោមនេះ នាងខ្ញុំចង់នាំយកមកផ្ញើស្ត្រីដែលជាឧត្ដមភរិយាទាំងឡាយ សូមសាកល្បងពិចារណាមើលទាំងអស់គ្នា ដើម្បីឱ្យកើតជាប្រយោជន៍បានខ្លះ”

1.ក្រោយពេលរៀបការ ស្ត្រីនឹងផ្លាស់ប្ដូឋានៈជាឧត្ដមភរិយា និងជាអ្នកម្ដាយរបស់កូនៗ

កុំគិតតែពីចិត្តខ្លួនឯង ដូចកាលពីសម័យមុនរៀបការ តែត្រូវមើលថែទាំស្វាមី មើលថែទាំកូន ជួយជាកម្លាំងគាំទ្រដល់ស្វាមី។

2.បើស្រឡាញ់ស្វាមី យើងត្រូវស្រឡាញ់ឪពុកម្ដាយគាត់មុនសិន

គ្មានឪពុកម្ដាយគាត់ ក៏គ្មានរូបគាត់ឱ្យយើងបានស្រឡាញ់ដែរ។ កុំនាំយកទស្សនៈគតិ ឬទង្វើរបស់ឪពុកម្ដាយស្វាមី ដែលមានចំពោះយើង មកប្រៀបធៀបជាមួយអ្វីដែលយើងបានទទួលពីឪពុកម្ដាយបង្កើតរបស់យើងឱ្យសោះ។

3.រួមកាយ រួមចិត្ត

កុំសួរដេញដោលគ្រប់រឿងគ្រប់រ៉ាវ ព្រោះរឿងខ្លះ ជាគោលការណ៍ ឬវិធីការផ្ទាល់ខ្លួនក្នុងធ្វើការងាររបស់គាត់ មិនចាំបាច់ត្រូវឱ្យគាត់អធិប្បាយឱ្យដឹងគ្រប់តែរឿងនោះទេ គ្រាន់តែនៅចាំផ្ដល់កម្លាំងចិត្ត និងផ្ដល់ការជួយយកអាសាក៏គ្រប់គ្រាន់ហើយ។ នៅចាំយកចិត្តទុកដាក់ តែមិនមែននៅចាំជ្រៀតជ្រែករឿងរបស់គាត់ទេ។

4.ស្វាមីដែលត្រូវភរិយាត្រួតត្រា ចុះចាញ់ភរិយាតែមាត់ទេ តែស្វាមីដែលត្រូវភរិយាស្រឡាញ់ ចុះចាញ់ភរិយាដោយបេះដូងដ៏ស្មោះ

ចូរស្រឡាញ់គាត់ឱ្យខ្លាំងទៅ…កុំគិតតែចង់ត្រួតត្រាគាត់ឱ្យបានដាច់ខាតអី…រឹតតែនៅចំពោះមុខក្រុមមិត្តភក្តិស្រីៗដូចគ្នាផង ភរិយាដែលល្អ នឹងមិននិយាយដើមស្វាមីរបស់ខ្លួនឱ្យអ្នកដទៃស្ដាប់ជាដាច់ខាត។

5.កុំគិតចង់ផ្លាស់ប្ដូរចរិត ឬនិស្ស័យរបស់គាត់ តែអាចសាងកម្លាំងជំរុញចិត្តល្អៗដល់គាត់

ចរិត និងបុគ្គលិកលក្ខណៈទូទៅរបស់បុរស ច្រើនតែចេញមកក្នុងរូបភាពខ្ជិលច្រអូស និងមិនសូវស្រឡាញ់ភាពស្អាតបាតប៉ុន្មានទេ ដូច្នេះការងារបន្តិចបន្តួចនៅក្នុងផ្ទះ មិនចាំបាច់ត្រូវចាប់បង្ខំឱ្យគាត់ធ្វើទេ បណ្ដោយឱ្យគាត់យកសមត្ថភាពទៅប្រើក្នុងរឿងកិច្ចការរកស៊ីឱ្យបានពេញទំហឹងវិញប្រសើរជាង។

6.ពេលស្វាមីត្រឡប់មកដល់ផ្ទះ ភរិយាគួរតែនៅផ្ទះ

ស្វាមីត្រឡប់មកផ្ទះ ប្រហែលជាចង់ឃើញមុខភរិយា ចង់ឮសំឡេងភរិយា ដូច្នេះ ចូរនិយាយគ្នាដោយភាពយល់ចិត្តយល់ថ្លើមគ្នា តែមិនមែនបានឮតែសំឡេងរអ៊ូរទាំរបស់ភរិយានោះទេ។

7.កុំយកភាពសង្ស័យរបស់ខ្លួនឯង មកធ្វើជាចំណុចសម្រេចចិត្ត

កុំគិតតែខ្លួនឯង ហើយអ៊ឺអើតែខ្លួនឯង កុំយកក្ដីសង្ស័យ មកគិតឱ្យក្លាយជារឿងពិត ព្រោះទង្វើហ្នឹង គឺជាកម្លាំងប៉ះពាល់ដ៏មិនល្អសោះឡើយចំពោះស្វាមី ហើយរូបអ្នក គឺជាភរិយាដែលគ្មានភាពជឿជាក់លើខ្លួនឯងសោះតែម្ដង។

8.កុំធ្វើខ្លួនឯងជាសត្វកាំប្រមា

បើធ្វើខ្លួនឯងដូចជាសត្វកាំប្រមា ចាំតែចាក់ដោតស្វាមី។ គ្មានស្វាមីណា គេចង់នៅជិតអ្នកទេ ប្រៀបដូចអណ្ដាតភ្លើង និងចំបើងនៅជាមួយគ្នាមិនបានដូច្នោះដែរ។

9.កុំគិតតែពីរអ៊ូតវ៉ាស្វាមីខ្លួនឯង និងហាមជេរបញ្ចោរស្វាមីជាដាច់ខាត

រឹតតែរអ៊ូតវ៉ាស្វាមីខ្លាំងប៉ុនណា នឹងរឹតតែសាងនូវភាពមិនសប្បាយចិត្តដល់ខ្លួនឯងច្រើនឡើងប៉ុននោះដែរ ហើយការជេរបញ្ចោរស្វាមី មិនថាខុស ឬត្រូវនោះ នឹងមានកម្លាំងជះបញ្ច្រាស់ត្រឡប់មករកខ្លួនឯងវិញមិនខាន។

10.សេចក្ដីស្រឡាញ់ ប្រៀបដូចជាគ្រាប់ខ្សាច់ ចាប់កាន់ប៉ះបាន តែចងភ្ជាប់គ្នាមិនបាន

កុំគិតតែចង់ចងស្វាមីឱ្យជាប់ ព្រោះអាចចងជាប់បានតែខ្លួនគាត់ប៉ុណ្ណោះ តែស៊ូចងចិត្តគាត់ឱ្យបាន ទើបវាប្រសើរជាង។ កូនៗ អាចបង្រៀននៅមុខអ្នកដទៃបាន តែពេលលែងមានមនុស្សហើយ សឹមផ្ដល់យោបល់ឱ្យស្វាមី…ហាមបំបាក់មុខគាត់នៅចំពោះមុខអ្នកដទៃជាដាច់ខាត។ មនុស្សប្រុសដែលធ្វើការរកស៊ីនៅក្នុងសង្គម រឿងដែលសំខាន់បំផុត គឺមុខមាត់ និងកិត្តិយសរបស់គាត់ ហើយបុរសជាច្រើនតែងហួងហែងរឿងទាំងនេះខ្លាំងណាស់។

ភរិយាដែលចេះរៀបចំខ្លួនយ៉ាងល្អ ជីវិតនឹងមានសេចក្ដីសុខ តែភរិយាដែលមានតែក្ដីមិនសប្បាយចិត្ត ពិបាកនឹងរកភាពស្ងប់សុខក្នុងជីវិតបានណាស់…។

ទោះជាមានបុរសជាច្រើនមានទ្រព្យសម្បត្តិច្រើនយ៉ាងណាក៏ដោយ តែការពិតវិញ ស្ត្រីដែលជា “ភរិយា” ហ្នឹងឯង គឺជាអ្នកដែលនៅចាំគាំទ្រក្នុងគ្រប់ៗរឿងរបស់ស្វាមី ឱ្យស្វាមីមានកម្លាំងចិត្ត ឱ្យស្វាមីមានកម្លាំងកាយក្នុងការធ្វើការ ដូច្នេះភាពជោគជ័យរបស់មនុស្សប្រុសដែលថាធំសម្បើមនោះ ក៏អាចនឹងមានចំណែកឧបត្ថម្ភគាំទ្រពីមនុស្សស្រី ស្ថិតនៅក្នុងនោះដូចគ្នាដែរ៕

ប្រភព៖ សារព័ត៌មានបរទេស
ប្រែសម្រួលដោយ អ្នកគ្រូ ឆវី