Category: សង្គម និងសេដ្ឋកិច្ច

ដូចប្រិយមិត្តបានជ្រាបមកហើយថា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ កំពូលតារាចម្រៀងលោក ខេមរៈ សេរីមន្ត ​​​​​​​​​​​​​​​​​​​​​​​​​​​​​​​​​​​​​​​​ដែលមានឈ្មោះបោះសំឡេង ល្បីល្បាញខ្លាំងក្នុងប្រទេស ​​​​​​​​​​​​​​​​​​​​​​​​​​​​​​​​​​​​​​​​តាំងដើមរហូតមកដល់បច្ចុប្បន្ន​​​​​​​​​​​​​​​​​​​​​​​​​​​​​​​​​​​។ មួយវិញទៀត កំ​​​​​​​​​​​​​​​​​​​​​​​​​​​​​​​ពូលតារាទើស លោកម៉ៃ សុគន្ធ ដែលល្បីល្បាញខ្លាំង ខាងទើសជាងច្រៀង ដោយនាពេលកន្លងទៅ ​​​​​​​​​​​​​​​​​​​​​​​​​​​​​​​​​​​​​​​​​លោកចូលចិត្តទើសនិយាយត្រង់ៗ និយាយមិនប្រណីមាត់ឡើយ ​​​​​​​​​​​​​​​​​​​​​​​​​​​​​​​​​​​​​​​​​​ទៅបុគ្គលមួយចំនួន ក៏ដូចជាអ្នកសិល្បៈដូចគ្នាផងដែរ​​​​​​​​​​​​​​​​​​​​​​​​​​​​​​​​​​​​​​​​​​​​​។

ដោយឡែកនាពលេថ្មីៗនេះ​​​​​​​​​​​​​​​​​​​​​​​​​​​​​​ តារាកំពូលទើសរូបនេះ ​​​​​​​​​​​​​​​​​​​​​​​​​​បានធ្វើឱ្យទស្សនិកជនមានការភ្ញាក់ផ្អើលជាខ្លាំង បន្ទាប់ពីរូបគេ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​បាននិយាយយ៉ាងពេញៗមាត់ថា ក្នុងចំណោមអ្នកសិល្បៈមួយស្រុកខ្មែរ ខ្លួនមិនចូលចិត្តកំពូលតារាចម្រៀង​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ខេមរៈ សិរីមន្ត ជាងគេ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។ លោកបន្ថែមថា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ គ្រាន់តែឮចម្រៀងរបស់តារាប្រុសរូបនេះ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​គឺបិទចោលតែម្ដង។ ការនិយាយឆ្លើយត្រង់ៗបែបនេះ ​​​​​​​​​​​​​​​​​​​​​​​​​​​​​​​​​​​​​​​​​​​​​​​គឺនៅក្នុងកម្មវិធី «ពេញចិត្ត ឬអត់?» របស់ស្ថានីយទូរទស្សន៏ MYTV ​​​​​​​​​​​​​​​​​​​​​​​​​​​​​​​​​​​​​​។ ក្នុងនោះដែរលោក ម៉ៃ សុគន្ធ បង្ហើបថា ​​​​​​​​​​​​​​​​​​​​​​​​​​​​​​​​​​​​​​​​តារាដែលលោកចូលចិត្ត គឺកំពូលតារាចម្រៀង ​​​​​​​​​​​​​​​​​​​​​​​​​​​​​​​​ព្រាប សុវត្ថិ ​​​​​​​​​​​​​​​​​​​​​​​​​​​​​​​​​​​​​​​​​​​​​​​៕

សូមទស្សនាវីដេអូខាងក្រោម ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​៖

តារាបង្ហាញម៉ូត អ្នកនាង នៅ សូនីតា បានបង្ហាញភាពផ្អែមល្ហែមនិង រៀបរាប់ពីជីវិតគូ ដែលនាងបានចាប់ដៃគ្នាជាមួយស្វាមី លោក ទិត្យ ថាវរឹទ្ធ បើគិតមកដល់ពេលនេះ នាងបានបង្កើតកូនប្រុសដ៏ស្រស់ស្អាតម្នាក់ មានវ័យជិតមួយខួបហើយ។ កន្លងមកនាងបានរៀបរាប់ថា ជីវិតពិតជាមិនងាយស្រួលនោះទេ ដែលបាន ប្រែក្លាយពីក្មេងស្រីម្នាក់ មកធ្វើជាម្តាយនិងភរិយា។ ការរៀបរាប់ជាមួយនិងទឹកភ្នែករលីង រលោង សូនីតា ប្រាប់ថា នាងមានអនុស្សាវរីយ៍ជាច្រើន ជាមួយស្វាមី គ្រាដែលនាង ទើបតែចាប់ផ្តើមសេពគប់គ្នាជាប្តីប្រពន្ធ មិនទាន់បានមួយឆ្នាំស្រួលបួលផង ប្តីរបស់ នាង ក៏ធ្លាក់ខ្លួនឈឺ។

នៅពេលថ្មីៗនេះ យោងតាមហ្វេសប៊ុកផ្លូវការ ​​​​​​​​​​​​​​​​​​​​​​​​​​​​​​​​​​​​​​​​​​​​​​របស់តារាសម្ដែង នៅ សូនីតា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​បានសរសេររៀបរាប់ពីការយកស្វាមីចាស់​​​​​​​​​​​​​​​​​​​​​​​​​​​​​​​​​​ ជាងខ្លួនឱ្យដឹងថា៖ ​​​​​​​​​​​​​​​​​​«ហេតុអី ​​​​​​​​​មនុស្សស្រីសុខចិត្តយកប្ដីចាស់​​​​​​​​​​​​​​​​​​​​​​​​​​​​​​​​​​ អាយុច្រើនជាងខ្លួន​​​​​​​​​​​​​​​​​​​​​​​​​​​​​​​​​​​​​​​​​​​!

បុរសម្នាក់នេះ​​​​​​​​​​​​​​​​​​​​​​​​​​​​​​ អាចមិនមែនជាបុរសសង្ហា មិនឡូយឆាយ បណ្ដើរគ្នាទៅណាមកណា​​​​​​​​​​​​​​​​​​​​​​​​​​​​​​​​​​​​​​​​​ ក៏មិនស័ក្តិសមនឹងនាងដែរ តែបើនិយាយថា មកពីគាត់ជាអ្នកមាន មានទ្រព្យ មានមុខមាត់​​​​​​​​​​​​​​​​​​​​​​​​​​​​​​​​​ មានយសសក្តិ ក៏មិនមែនអាចឱ្យនាងជ្រើសរើសគាត់ដែរ ព្រោះថា លុយដែលនាងមាន ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ការងារដែលនាងធ្វើ ក៏អាចចិញ្ចឹមនាង ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និងគ្រួសារនាងឱ្យរស់នៅបានស្រួលហើយ។ ប៉ុន្តែអាចមានចំណុចផ្សេងទៀត ដែលនាងសុខចិត្តជ្រើសយកបុរសវ័យចំណាស់នេះគឺ​​​​​​​​​​​​​​​​​​​​​​​​​​​​​​​​​​​​​​​​ ៖

1. មិនមិនសង្ហា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​បណ្ដើរទៅណាមិនសម តែគាត់មានចរឹតចាស់ទុំ ​​​​​​​​​​​​​​​​​​​​​​​​​​​​​​​​​​បណ្ដើរទៅណាមកណា ធ្វើឱ្យនាងមានសេចក្ដីថ្លៃថ្នូរ អាចចូលចំណោមគេចុះ​​​​​​​​​​​​​​​​​​​​​​​​​​​​​​​​​​។
2. គាត់ធ្វើឱ្យនាងមានអារម្មណ៍ថា​​​​​​​​​​​​​​​​​​​​​​​​​​​​​​​​​​​​​ កក់ក្ដៅ មានសុវត្ថិភាព គ្រប់ពេលដែលនាងមានគាត់នៅក្បែរ​​​​​​​​​​​​​​​​​​​​​​​​​​​​​​​។
3. គាត់ផ្ដល់កម្លាំងចិត្ត ជំរុញនាងគ្រប់កាលៈទេសៈ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និងតែងតែផ្ដល់គំនិតល្អៗ គាំទ្រនាងគ្រប់ពេល​​​​​​​​​​​​​​​​​​​​​​​​​​​​​​​​​​។
4. គាត់ប្រៀបដូចជាឪពុកម្នាក់​​​​​​​​​​​​​​​​​​​​​​​​​​​​​​​​​​​​​​ អត់ឱន អធ្យាស្រ័យ មានចិត្តមេត្តា ចេះការពារ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និងជាពិសេសគឺ មិនដែលធ្វើឱ្យនាង ខ្វល់គិត ពិបាកចិត្ត ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ព្រោះតែគាត់នោះឡើយ​​​​​​​​​​​​​​​​​​​​​​​​​​​​​​​​​​។
5. គាត់អាចធ្វើបានគ្រប់យ៉ាងដើម្បីនាង​​​​​​​​​​​​​​​​​​​​​​​​​​​​​ លះបង់ ស្មោះត្រង់ ថ្នាក់ថ្នម យល់ចិត្ត ជាពិសេសគឺ សម្ដីសម្ដៅគិតគូរ មិនចេះត្អូញត្អែរ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​មិនពូកែដ្រាម៉ា មិនស្រែកគំហក មិនដែលបង្ខំនាងនោះទេ អ្វីៗគឺ ផ្ដល់សិទ្ធក្នុងការ គិត ពិភាក្សា ​​​​​​​​​​​​​​​​​​​​និងដោះស្រាយគ្នាជានិច្ច​​​​​​​​​​​​​​​​​​​​​​​​​​​​​​​​​​​​​។

ជ្រើសរើសគូជីវិត ​​​​​​​​​​​​​​​​​​​​​​​​​​​​​​មិនបាច់ខ្វល់ទេថា គាត់សមនឹងយើង ឬក៏អត់ អ្នកដទៃគេមើលមិនគិត​​​​​​​​​​​​​​​​​​​​​​​​​​ ឬនិយាយបែបណា អ្វីដែលសំខាន់គឺ យើងអាចទទួលយកគាត់បាន​​​​​​​​​​​​​​​​​​​​​​​​​​​​​​​​​​​​​​​​​​​​​​ គាត់អាចផ្ដល់ឱ្យយើង នូវអ្វីដែលយើងត្រូវការ នោះគឺ សេចក្ដីស្រឡាញ់ ភាពស្មោះត្រង់ ក្នុងជីវិតគូដ៏យូរអង្វែង​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ #មនុស្សចុងក្រោយ»៕

ក្រសួង​សេច​ដ្ឋ​កិច្ច​ហិរញ្ញវត្ថុកម្ពុជា​បាន​ប្រកាស​ឱ្យ​ដឹង​ថា​​ កម្ពុជា​​​ចាប់​ផ្ដើម​ទទួល​ការ​​​ចុះបញ្ជី​អាជីវកម្ម​របស់​ធុរជន​ ជា​កញ្ចប់​​ និង​ធ្វើ​ឡើង​តាម​អន​ឡាញ ដើម្បី​កាត់​បន្ថយ​ចំណុច​អវិជ្ជ​មាន​ទាំង​ឡាយ​ដែល​តែង​តែ​កើត​ឡើង​នៅ​ពេល​ប្រើ​ប្រាស់​យន្ត​ការ​ចុះ​បញ្ជី​តាម​បែប​បុរាណ​នា​ពេល​កន្លង​មក​។

សេវាកម្ម​ចុះ​បញ្ជី​អាជីវកម្ម​តាម​អនឡាញ​ខាង​លើ​នេះ​ ត្រូវ​បាន​​​ផ្ដើម​ធ្វើ​ឡើង​​ចាប់​ពី​ថ្ងៃ​ទី15 ខែ​មិថុនា ឆ្នាំ​2020​​ តទៅ ដោយ​​ក្នុង​ដំណាក់កាល​នេះ​ ធុរជន​​អាច​ចុះ​បញ្ជី​អាជីវកម្ម​របស់​ខ្លួន​តាម​​បច្ចេកវិទ្យា​ព័ត៌មាន​ជាមួយ​ក្រសួង​ពាណិជ្ជកម្ម​ អគ្គនាយកដ្ឋាន​ពន្ធដារ​ ក្រសួង​ការងារ​និង​បណ្ដុះបណ្ដាល​វិជ្ជាជីវៈ​ និង​ក្រុម​ប្រឹក្សា​អភិវឌ្ឍន៍​កម្ពុជា​។ ក្រសួង​ពាក់ព័ន្ធ​ដទៃ​ទៀត​នឹង​ចូល​រួម​ក្នុង​ដំណាក់កាល​បន្ទាប់ពី​នេះ​។

នេះ​ជា​សេវាកម្មដែល​មាន​ច្រកចេញចូលតែមួយដែលជួយសម្រួលដល់ការចុះបញ្ជីអាជីវកម្មរបស់ធុរជន​។ សេវាកម្ម​នេះ​ផ្ដល់​អត្ថប្រយោជន៍​​ជា​ច្រើន​ រួម​មាន​៖

>ចំណាយ​ពេលវេលា​រង់ចាំ​យ៉ាង​យូរ​8​ថ្ងៃ​នៃ​ថ្ងៃ​ធ្វើការ
>លុប​បំបាត់​ការ​បំពេញ​ឯកសារ​ដដែលៗ
>ចំណាយ​ថវិកា​តិច​ជាង​មុន​ច្រើន
>ទូទាត់​ថ្លៃ​សេវា​ទាំងអស់​ក្នុង​ការ​ចុះ​បញ្ជី​អាជីវកម្ម​ក្នុង​ពេល​តែ​មួយ​តាម​អនឡាញ​ និងទទួល​បាន​អាជ្ញាបណ្ណ​ និង​    វិញ្ញាបនបត្រ​​ក្នុង​ទម្រង់​ឌីជីថល​តាមរយៈ​ប្រព័ន្ធ។

សូម​​ចុច​ទី​នេះ​​ដើម្បី​ស្វែង​យល់​លម្អិត​អំពី​ការ​ចុះបញ្ជី​អាជីវកម្ម​​តាម​ប្រព័ន្ធ​អ៊ីនធើណិត​។

ក្រសួងអប់រំ យុវជន និងកីឡា សហការជាមួយនឹង UNICEF បានចេញផ្សាយនូវរឿងនិទានថ្មីមួយ​ដែលមានឈ្មោះថា «តីតី និទានរឿង» ដើម្បីលើកកម្ពស់​អក្ខរកម្ម និងលើកទឹកចិត្ត​កុមារឱ្យអាន។

កម្មវិធីនិទានរឿងថ្មីនេះ នឹងផ្តល់នូវក្តីសង្ឃឹម​ និងក្តីរីករាយដល់កុមារ និងក្រុមគ្រួសារ​ក្នុងដំណាក់កាល​នៃការរីករាលដាលនៃជំងឺ Covid-19 ដែលកុមារត្រូវសិក្សាតាមផ្ទះ។

កម្មវិធីនេះជាខ្សែវីដេអូ​ថត​ទុកជាមុន​មាន​ចំនួន 12វគ្គ ត្រូវបាន​ផលិតឡើង​ដើម្បី​អប់រំ និងផ្តល់​ការកំសាន្តដល់កុមារ និងគ្រួសារ។ នៅវគ្គនីមួយៗ​ក៏មានបញ្ចូលនូវ​កម្មវិធីសំណួរ-ចម្លើយជាមួយ​អ្នករៀបចំកម្មវិធី​របស់ unicef ដែល​ទស្សនិកជនអាចសួរសំណួរទាក់ទង នឹងការការពារខ្លួន​ និងវិធានការបង្ការពីជំងឺ Covid-19។ កម្មវិធីនេះនឹងមានផ្សព្វផ្សាយ​នៅទូរទស្សន៍ ទទក2 ទំព័រ Facebook របស់ក្រសួងអប់រំ យុវជន និងកីឡា គណៈកម្មាធិការ​ជាតិគាំពារ​ និងអភិវឌ្ឍ​ន៍កុមារតូច​ និងយូនីសេហ្វ។

រឿងនិទានត្រូវបានអានដោយតួអង្គកំប្លុកកំប្លែងពីររូប និងដកស្រង់ចេញពីសៀវភៅ​ដែលបោះពុម្ព​ដោយអង្គការស៊ីប៉ា ដែលជាអង្គការជាដៃគូយ៉ាងជិតស្និទ្ធជាមួយ​ក្រសួងអប់រំ យុវជន និងកីឡា និង​UNICEF ដែលបាននិងកំពុងផលិតនូវសៀវភៅអប់រំល្អៗសម្រាប់កុមារកម្ពុជា ដើម្បី​លើកកម្ពស់​សមត្ថភាពអំណាន និងចំណេះដឹងរបស់ពួកគេ៕

ម៉ូដែល​តាក់​ស៊ី​ហោះ​ CityHawk ​របស់​អ៊ីស្រាអែល​ ដំណើរ​ការ​ដោយ​អាគុយ​អ៊ីដ្រូសែន អាច​ដឹក​មនុស្ស​បាន​6​នាក់​ និង​ផ្ដល់​សេវាកម្ម​​​ដល់​មាត់​ទ្វារ​​ផ្ទះ​របស់​អតិថិ​ជន​។

ក្រុម​ហ៊ុន​ផលិត​តាក់​ស៊ី​ហោះ​និង​ចុះ​ចត​ត្រង់​ Urban Aeronautics របស់​ប្រទេស​អ៊ីស្រាអែល​បាន​ប្រកាស​ថា​ ខ្លួន​កំពុង​សហ​ការ​ជាមួយ​ក្រុម​ហ៊ុន​ HyPoint ដើម្បី​អភិវឌ្ឍ​​កំណែ​ថ្មី​​ដែល​ហោះ​ហើរ​បាន​ឆ្ងាយ​​និង​ប្រើ​ប្រាស់​អាគុយ​អ៊ីដ្រូសែន​មិន​មែន​ឧស្ម័ន​​របស់​ម៉ូដែល​យន្ត​ហោះ​ CityHawk ដោយ​យោង​ទៅ​តាម​យន្ត​ហោះ​ Cormorant/AirMule របស់​កង​ទ័ព​។

ប្រភេទ​​អាគុយ​​​របស់​ HyPoint ជួយ​បង្កើន​ថាម​ពល​និង​អាយុ​កាល​របស់​អាគុយ​បុរាណ​ បង្កើត​បាន​ជា​ឧបករណ៍​ផ្គត់​ផ្គង់ថាម​ពល​អគ្គិសនី​ដ៏​ស្រាល​​​ដើម្បី​ប្រើប្រាប់​ក្នុង​វិស័យ​អាកាស​ចរណ៍។ អ៊ីដ្រូសែន​កំពុង​ក្លាយ​ជា​បច្ចេក​វិទ្យា​ដ៏​អស្ចារ្យ​មួយ​ក្នុង​ទីផ្សារ​អាកាស​ចរណ៍​ដែល​ដំណើរ​ការ​ដោយ​ថាម​ពល​អគ្គិសនី​ ដោយ​មាន​កម្រិត​ថាមពល​ខ្ពស់​ជាង​ច្រើន​បើ​ធៀប​ជាមួយ​នឹង​ថ្ម ឬ​អាគុយ​​ប្រភេទ​ lithium ព្រម​ទាំង​​បញ្ចូល​ថាម​ពល​បាន​យ៉ាង​ឆាប់​រហ័ស​ទៀត​ផង​។

គ្រោង​របស់​ម៉ូដែល​ CityHawk មិន​ដូច​ទៅ​នឹង​រូប​រាង​នៃឧបករណ៍​ណា​មួយ​នៅ​ក្នុង​ទីផ្សារ​តាក់​ស៊ី​ហោះ​ហើរ​ឡើង​និង​ចុះ​ចត​ត្រង់​ (VTOL) ដែល​ដំណើរ​ការ​ដោយ​អគ្គិសនី​នា​បច្ចុប្បន្ន​។ រថយន្ត​តាក់ស៊ី​ហោះ​ City​Hawk នេះ​ មិន​មាន​ស្លាប​​នោះ​ទេ ហើយ​វា​​មាន​ទំហំ​ប្រហាក់​ប្រហែល​នឹង​រថយន្ត​ SUV ប្រភេទ​ធំ​ និង​ត្រូវ​បាន​បំពាក់​កង្ហារ​ធំៗ​ចំនួន​2។

យោង​តាម​ Urban Aeronautics តាកស៊ី​ហោះ​ City​Hawk នេះ​អាច​ដឹក​មនុស្ស​បាន​6​នាក់​ និងងាយ​ស្រួល​ហោះ​ឡើង​ឬចុះ​ចត​នៅ​លើ​ផ្លូវ​ក្នុង​ក្រុង​ ដែល​អនុញ្ញាត​ឱ្យ​ផ្ដល់​សេវា​កម្ម​ដឹក​មនុស្ស​ដល់​មាត់​ទ្វារ។​។ Urban Aeronautics មិន​ទាន់​បាន​បង្ហើប​ឱ្យដឹង​​អំពី​កាល​បរិច្ឆេទ​នៃ​ការ​ហោះ​ហើរ​សាក​ល្បង​នៅ​ឡើយ​ ប៉ុន្តែ​បើ​សិនជា​ម៉ូដែល​ខាង​លើ​នេះ​ទទួល​បាន​ការ​អនុញ្ញាត​ពី​​​រដ្ឋាភិបាល​ City​Hawk នឹង​ត្រូវ​បាន​ផលិត​យ៉ាង​ឆាប់​រហ័ស​នា​ពេល​ខាង​មុខ​។

ទាក់​ទង​នឹង​វិស័យ​តាក់ស៊ី​ហោះ​នេះ​ដែរ កាល​ពី​ពេល​ថ្មី​ៗ​នេះ ក្រុម​ហ៊ុន​ចិន​ EHang បាន​ប្រកាស​ឱ្យ​ដឹង​ថា ពួកគេ​បាន​ហោះ​ហើរ​សាក​ល្បង​ drone តាក់​ស៊ី​ខ្នាត​ធំ​​​អាច​ដឹក​អ្នក​ដំណើរ​ដោយ​ស្វ័យ​ប្រវត្ត​ ដែល​ដំណើរ​ការ​ដោយ​អគ្គិសនី​ដំបូង​គេ​បង្អស់​ក្នុង​ពិភពលោក​។ ម៉ូដែល​តាក់ស៊ី​ហោះ​គ្មាន​មនុស្ស​បើក​ EHang 216 របស់​ក្រុម​ហ៊ុន​បច្ចេក​វិទ្យា​ EHang នៅក្នុងខេត្ត​ក្វាងចូវ​​ ប្រទេស​ចិន​ បំពាក់​ម៉ាស៊ីន​រុញ​ច្រាន​ចំនួន​16​ ​អាច​ដឹក​ទំនិញ​ទម្ងន់​150​គីឡូក្រាម​​នៅក្នុង​ជើង​ហោះ​ហើរ​នីមួយ​ៗ​ ហើយ​អាច​ហោះ​ហើរ​ទៅ​ដល់​តំបន់​ដាច់​ស្រយាល​ និង​តំបន់​ភ្នំ​ទៀត​ផង​៕

អត្ថបទ​ទាក់​ទង>Drone តាក់​ស៊ី​ហោះ​​របស់​ចិន​​ចាប់ផ្ដើម​ដំណើរ​ការ​ដឹក​ទំនិញ​ហើយ

ប្រភព៖ New Atlas

សហព័ន្ធ​កីឡាបាល់ទាត់​កម្ពុជា បានធ្វើ​មហាសន្និបាត​ប្រចាំឆ្នាំ2020 របស់ខ្លួន កាលពី​ព្រឹក​ថ្ងៃ​ច័ន្ទ​ទី8 ខែមិថុនា ឆ្នាំ2020 កន្លងទៅនេះ ដើម្បី​បូកសរុប​ការងារ​ក្នុង​ឆ្នាំ2020 និង​ផ្សព្វផ្សាយ​គម្រោង​ការងារ​របស់​សហព័ន្ធ​ក្នុង​ឆ្នាំ2021 ខាងមុខ ដោយមាន​វត្តមាន​រប​ស់​ឯកឧត្តម សៅ សុខា ប្រធាន​សហព័ន្ធ​កីឡាបាល់ទាត់​កម្ពុជា ក្រុមការងារ​របស់​ស​ហ​ព័ន្ធ តំណាង​បណ្តា​ក្លិប​បាល់ទាត់​អាជីព​ទាំងអស់ និង​អ្នកសារព័ត៌មាន​មកពី​គ្រប់​ស្ថាប័ន។

នៅក្នុង​អង្គសន្និបាត ឯកឧត្ដម​ប្រធាន​សហព័ន្ធ​កីឡាបាល់ទាត់​កម្ពុជា បាន​បញ្ជាក់ថា បញ្ហា​គុណភាព​កីឡាករ គឺជា​បញ្ហា​ចម្បង ដែល​ឯកឧត្ដម​បានចាត់ទុក​ថា ជា​ឧបសគ្គ​ក្នុង​ការធ្វើជា​ម្ចាស់ផ្ទះ​ស៊ី​ហ្គេម​ឆ្នាំ2023។ ដោយសារ​មូលហេតុ​នេះ ឯកឧត្ដម​បាន​បង្ហើប​ឱ្យ​អង្គសន្និបាត​បានដឹង អំពី​គម្រោង​ថ្មី​មួយ គឺ​ការបង្កើត​ក្រុមបាល់ទាត់​ថ្មី​មួយ ដែលជា​របស់​សហព័ន្ធ​តែម្តង ហើយ​ប្រមូលយក​កីឡាករ​វ័យក្មេង​ដែលមាន​សមត្ថភាព​ខ្លាំង ពី​បណ្តា​ក្លិប​ទាំងអស់ មក​ប្រមូលផ្តុំ​ហ្វឹកហាត់ និង​ស្នាក់នៅ​រួមគ្នា ហើយ​បញ្ចូល​ក្រុម​មួយ​នេះ​ឱ្យ​លេង​ប្រជែង​នៅក្នុង​ក្របខ័ណ្ឌ​លី​ក​កំពូល​កម្ពុជា ចាប់ពី​រដូវ​កាល​ក្រោយ​តទៅ។

គួរ​រំឭក​ដែរ​ថា កម្ពុជា​គ្រោង​ធ្វើជា​ម្ចាស់ផ្ទះ​ស៊ី​ហ្គេម​ឆ្នាំ2023 ហើយ​បានដាក់​គោលដៅ ត្រូវតែ​ដណ្តើម​មេដាយ​ក្នុង​វិញ្ញាសា​បាល់ទាត់​បុរស​ឱ្យបាន ក្នុងនាម​ជា​ក្រុម​ម្ចាស់ផ្ទះ៕

Conor McGregor អ្នកប្រដាល់ដ៏ល្បីល្បាញ ប្រចាំសង្វៀនរបស់ស្ថាប័ន UFC បានប្រកាសចូលនិវត្តន៍ សាជាថ្មីទៀតហើយ ខណៈដែលការប្រកាសនេះ ត្រូវបានធ្វើឡើងតាមបណ្តាញ twitter របស់ខ្លួនគេ ព្រោះរូបគេចាប់ផ្ដើមធុញទ្រាន់នឹងការប្រកួត និងការប្រជែងគ្នានៅលើសង្វៀន UFC ដែលបច្ចុប្បន្នលែងធ្វើឱ្យគេភ្ញាក់ផ្អើលទៀតហើយ។

គួរបញ្ជាក់ថា នេះមិនមែនជាលើកទី1 ទេ ដែលកីឡាករ Conor McGregor ប្រកាសចូលនិវត្តន៍ពីសង្វៀនប្រដាល់ ខណៈដែលអ្នកស្នេហាវិស័យប្រដាល់ជាច្រើន ហាក់មិនសូវជឿជាក់ប៉ុន្មានទេ ដោយសារតែកាលពីឆ្នាំ2019 កីឡាកររូបនេះ ក៏ធ្លាប់បានប្រកាសដូចនេះម្ដងរួចមកហើយដែរ៕

ភាព​ចន្លោះប្រហោង​របស់​កម្មវិធី Messenger សម្រាប់ Windows អាចឱ្យ​ជនអនាមិក​វាយប្រហារ​កុំព្យូទ័រ​ជាមួយ​មេរោគ malware កម្មវិធី Messenger ដែលជា​កម្មវិធី​ផ្ញើ​សារ ដែលមាន​ប្រជាប្រិយភាព​យ៉ាងខ្លាំង និង​មាន​អ្នកប្រើប្រាស់​ប្រមាណ ១.៣ពាន់​លាន​នាក់​ជុំវិញ​ពិភពលោក​នោះ ត្រូវបាន​ក្រុម​អ្នកស្រាវជ្រាវ​រកឃើញ​នូវ ភាព​ចន្លោះប្រហោងខ្លះៗរបស់​កម្មវិធី​នេះ​សម្រាប់​ប្រព័ន្ធ​ប្រតិបត្តិការ Windows ដែល​អាចឱ្យ​ជនអនាមិក​ងាយស្រួល​ក្នុងការ​វាយប្រហារ​ជាមួយ​មេរោគ malware។ នេះ​បើតាម​ការផ្សព្វផ្សាយ​រប​ស់ Reason Labs។

កំហុសឆ្គង​នេះ ត្រូវបាន​គេ​រកឃើញ​នៅក្នុង​កម្មវិធី Messenger ជំនាន់ 460.16 ដែល​កើតឡើង​នៅពេល​កម្មវិធី​នេះ​ធ្វើការ​ទាក់ទង​ជាមួយ Windows Powershell ទៅក្នុង Python directory។ ដូច្នេះ​ប្រសិនបើ​លោកអ្នក​ពុំដែល​បញ្ចូល​កម្មវិធី Python កុំព្យូទ័រ​លោកអ្នក​នឹង​ពុំមាន directory នេះ​ទេ។

អ្វីដែល​គួរឱ្យ​ព្រួយបារម្ភ​ជាមួយ​ការវាយប្រហារ​នេះ​គឺ ជនអនាមិក​អាច​បន្ត​ការវាយលុក​បានយូរ ដោយសារ​ការ​ជ្រៀតចូល​នេះ​ទាក់ទង​នឹង directory មិនសូវ​សំខាន់​ដែល​មិន​ទាមទារ​ឱ្យ​បញ្ចូល​លេខ​សម្ងាត់​របស់​អ្នកគ្រប់គ្រង​កុំព្យូទ័រ​នោះទេ។

Reason Labs បាន​ជូនដំណឹង​ទៅ​ក្រុមហ៊ុន​ហ្វេ​ស​ប៊ុ​ក​ទាក់ទង​នឹង​កំហុសឆ្គង​នេះ​កាលពី​ខែមេសា​កន្លងទៅ ហើយ​ក្រុមហ៊ុន​ក៏បាន​ធ្វើការ​កែសម្រួល​រួចហើយ​ដែរ។ ជាងនេះទៅទៀត Reason Labs ក៏បាន​ធ្វើការ​សាកល្បង​ជាថ្មី​ជាមួយ Messenger ជំនាន់ 480.5 ហើយ​បាន​បញ្ជាក់ថា ពុំ​ឃើញ​មាន​កំហុសឆ្គង​នេះ​ទៀត​ទេ។

ដូច្នេះ ប្រសិនបើ​បងប្អូន​ប្រើ​កម្មវិធី Messenger ជាមួយ​កុំព្យូទ័រ Windows ហើយ​ពុំ​បានធ្វើ​បច្ចុប្បន្នភាព ក្នុង​រយៈពេល​ប្រមាណ 2ខែ​ចុង​ក្រោយនេះ លោកអ្នក​គួរ​ធ្វើ​បច្ចុប្បន្នភាព​កម្មវិធី​តា​មរយៈ Microsoft store ដើម្បី​ចៀសវាង​ពី​ការវាយប្រហារ​នេះ៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department

ក្រុម​កម្មករ​ចិន​បានលើក​វិហារ​ប្រវត្តិសាស្ត្រ​ដ៏​ធំ​មួយ​ខ្នង​​ដែល​មាន​ទម្ងន់​ 2,360​តោន​ យក​ទៅ​ដាក់​នៅ​ទីតាំង​ថ្មី​​ដែល​មាន​ចម្ងាយ​76​ម៉ែត្រពី​ទីតាំង​ចាស់​។

វិហារ​សាសនា​វ័យ​ចំណាស់​មួយ​ខ្នង​ធំ​ដែល​មាន​អាយុ​កាល​127​ឆ្នាំ​ នៅក្នុង​ទីក្រុង​ Jinan ប្រទេស​ចិន​ ត្រូវ​បាន​​ផ្លាស់​ទី​ទៅ​កាន់​កន្លែង​​ថ្មី​កាល​ពី​ថ្ងៃទី​10​មិថុនា​កន្លង​ទៅ។

វិហារ​​ដែល​​មាន​ទម្ងន់​2,360​តោន​​នេះ​ ត្រូវ​បាន​លើក​ខ្ពស់​ពី​ដី​1.65​ម៉ែត្រ រួច​ហើយ​ដាក់​ទៅ​លើ​រឺម៉ក​រថយន្ត​ធំៗ​ចំនួន​10​គ្រឿង​។ ក្រុម​កម្មករ​នាំ​គ្នា​ផ្លាស់​ទីតាំង​​របស់​វិហារ​នេះ​ទៅ​កន្លែង​ថ្មី​ដែល​មាន​ចម្ងាយ​ពី​ទី​តាំង​ចាស់​​76​ម៉ែត្រ​ ដោយ​ឆ្លង​កាត់​កំណាត់​ផ្លូវ​កែងធំ​មួយ​។

វិហារ​នេះ​ត្រូវ​បាន​សាង​សង់​ឡើង​កាល​ពី​ឆ្នាំ​1893 ដែល​ជា​ស្ថាបត្យកម្ម​ប្រវត្តិសាស្ត្រ​ដ៏​សំខាន់​ និង​លេច​ធ្លោ​របស់​ទីក្រុង​ Jinan នៃ​ប្រទេស​ចិន។

វិហារ​នេះ​មាន​កម្ពស់​3​ជាន់​ បណ្ដោយ​36​ម៉ែត្រ​ និង​ទទឹង​15​ម៉ែត្រ មាន​ជញ្ជាំង​ធ្វើ​អំពី​ឥដ្ឋ ហើយ​ជាន់​នីមួយ​ៗ​ត្រូវ​បាន​ក្រាល​ដោយ​បន្ទះ​ឈើ​។

ការ​​ផ្លាស់​ទី​តាំង​របស់​វិហារ​ខាងលើ​ ត្រូវ​ចំណាយ​ពេល​ត្រឹម​តែ​​ 82​នាទី​ប៉ុណ្ណោះ​។

ប្រភព​៖ SCMP