សង្គម និងសេដ្ឋកិច្ច - La Reine Media

តារាក្តៅសាច់ម្នាក់ រើសកីឡាករ 11នាក់ ជាសំណព្វចិត្តរបស់នាង

តួសម្តែងរឿងក្តៅសាច់អាមេរិកាំងដ៏ល្បីឈ្មោះមួយរូប គឺនាង Mia Khalifa បានចូលនិវត្តន៍អំពីអាជីពដ៏គួរឱ្យព្រឺព្រួចនេះ តាំងតែពីឆ្នាំ2014 មកម្ល៉េះ ដោយនាងបានងាកមកចាប់អាជីពជាពិធីការិនីបាល់ទាត់វិញម្ដង និងទទួលបានការគាំទ្រយ៉ាងខ្លាំងពីសំណាក់អ្នកទស្សនាបាល់ទាត់ដែលភាគច្រើនជាបុរស។ ថ្មីៗនេះ នាងបានបង្ហាញពីកីឡាករសំណព្វចិត្តដែលលេងនៅ Premier League ចំនួន 11នាក់ដែលនាងស្រឡាញ់ពេញចិត្ត ស្របពេលដែលលីកកំពូលរបស់អង់គ្លេសមួយនេះ នឹងត្រឡប់មកប្រកួតឡើងវិញនៅសប្ដាហ៍នេះ។

គួរឱ្យដឹងដែរថា ក្រោយពីចូលនិវត្តន៍ពីវិស័យភាពយន្តក្ដៅសាច់រួចមក នាងត្រូវបានគេដឹងថា ជាអ្នកគាំទ្របាល់ទាត់ដ៏សកម្មម្នាក់នៅក្នុងក្របខ័ណ្ឌ English Premier League ដែលមានក្រុម2 នៅក្នុងដួងចិត្តនាង គឺ Wolverhampton និង Westhamp United ដោយនាងតែងតែទៅគាំទ្រផ្ទាល់ដល់អង់គ្លេស និងបានចូលរួមការងារមួយចំនួនជាមួយនឹងក្លិបទាំង2 នេះទៀតផង៕

June 20, 2020

បាល់ទាត់មកវិញភ្លាម Juventus របូតពាន 1ភ្លែត

ការប្រកួតពានរង្វាន់ Italy Cup (Copa Italia) បានបញ្ចប់ហើយកាលពីយប់មិញនេះ ដោយក្រុម Napoli បានគ្រងជើងឯកពាននេះ ក្រោយយកឈ្នះ Juventus ដោយការស៊ុតបាល់ចម្ងាយ 11ម៉ែត្រកាត់សេចក្តី ក្នុងលទ្ធផល 4ទល់នឹង2 ក្រោយថែមម៉ោង 30នាទី ដោយលទ្ធផលនៅតែស្មើគ្នា ០ទល់នឹង។

សម្រាប់ការស៊ុតប៉េណាល់ទីនេះដែរ Dybala និង Danilo ធ្វើមិនបានសម្រេចឡើយ ទើបជាហេតុបណ្ដាលឱ្យក្រុម Juventus ទទួលបរាជ័យក្នុងលទ្ធផល 4-2 នេះតែម្ដង ដោយ Ronaldo ដែលត្រូវជាអ្នកស៊ុតចុងក្រោយគេនោះ មិនមានឱកាសបានស៊ុតឡើយ។

គួរបញ្ជាក់ដែរថា នេះគឺជាលើកទី2 របស់ Ronaldo ហើយ ដែលចាញ់នៅវគ្គផ្តាច់ព្រ័ត្រ ចាប់តាំងពីមកលេងនៅក្នុងក្លិប Juventus នេះ តាំងពីចូលរួមជាមួយនឹងក្លិបនេះ កាលពីឆ្នាំ2018 មក៕

June 20, 2020

ម្ចាស់ផ្ទះពាន AFC U19 ចុងឆ្នាំនេះនិយាយថា ពាននឹងនៅតែជារបស់ខ្លួន

ក្រុមជម្រើសជាតិយុវជន អាយុក្រោម 19ឆ្នាំ របស់អ៊ូបេគីស្ថាន បាននឹកសង្ឃឹមយ៉ាងមុតមាំថា ក្នុងនាមជាម្ចាស់ផ្ទះ ខ្លួននឹងដណ្ដើមយកពាននេះក្នុងឆ្នាំ2020 នេះ ដែលជាឆ្នាំទី2 ជាប់ៗគ្នាឱ្យបាន បើទោះជាត្រូវប៉ះក្រុមណាក៏ដោយ ព្រោះនេះជាទឹកដីរបស់ខ្លួន និងជាពានរបស់ខ្លួនស្រាប់ផងនោះ។

គួរបញ្ជាក់ដែរថា ប្រទេសអ៊ូបេគីស្ថាន មិនសូវមានការប៉ះពាល់ខ្លាំងអំពីជំងឺកូវីដ-19 ឡើយ ដូច្នេះហើយទើបធ្វើឱ្យក្រុមយុវជនរបស់ប្រទេសមួយនេះ មានពេលវេលាហ្វឹកហាត់យ៉ាងខ្ជាប់ខ្ជួន មិនមានបញ្ហាអ្វីរាំងស្ទះដល់ការការពារជើងឯករបស់ពួកគេឡើយ។

សូមបញ្ជាក់ថា ការប្រកួតពានរង្វាន់ជើងឯកទ្វីបអាស៊ី អាយុក្រោម 19ឆ្នាំ (AFC U-19 Championship 2020) ឆ្នាំ2020 គឺនឹងធ្វើឡើងនៅចន្លោះថ្ងៃទី14 រហូតដល់ថ្ងៃទី31 ខែតុលា ឆ្នាំ2020 នៅលើទឹកដីនៃប្រទេសអ៊ូបេគីស្ថាន ដោយមានប្រទេសចំនួន 16ចូលរួម (រួមទាំងកម្ពុជា) ហើយការចាប់ពូល នឹងធ្វើឡើងនៅថ្ងៃទី18 ខែមិថុនា ឆ្នាំ2020 ខាងមុខ៕

June 20, 2020

អ្នកមានជាងគេនៅទ្វីបអាស៊ី មានឈ្មោះក្នុងបញ្ជីអ្នកមានបំផុតទាំង10ក្នុងពិភពលោក

មហាសេដ្ឋីឥណ្ឌា Mukesh Ambani គឺជាអ្នកតំណាងឱ្យទ្វីបអាស៊ីតែមួយគត់ដែលបានឡើងដល់ Top 10 នៃមហាសេដ្ឋីពិភពលោកនៅក្នុងបញ្ជីឈ្មោះ Bloomberg Billionaires Index។

ដោយមានទ្រព្យ64.5ពាន់លានដុល្លារ លោក Muskesh Ambini បានយកឈ្នះលើលោក Larry Ellison នៃក្រុមហ៊ុន Oracle និងលោកស្រី Francoise Bettencourt Meyers នៃប្រទេសបារាំង ហើយក្លាយជាអ្នកមានបំផុតលំដាប់ទី9ក្នុងពិភពលោក។ លោក Muskesh Ambbani កាន់កាប់ភាគហ៊ុនចំនួន42%នៅក្នុងក្រុងហ៊ុន Reliance Industries (ឥណ្ឌា)។ មូលបត្ររបស់ក្រុមហ៊ុននេះបានឡើងថ្លៃទ្វេដងរាប់ចាប់ពីខែមីនា2020។

បើទោះជាសេដ្ឋកិច្ចឥណ្ឌាកំពុងតែមានបញ្ហាដោយសារបម្រាមគោចរក្នុងការទប់ស្កាត់COVID-19 ប៉ុន្តែ “ក្រុមហ៊ុនបុត្រសម្ព័ន្ធនានារបស់លោក Muskesh ពិសេសគឺក្រុមហ៊ុនទូរគមនាគមន៍ Jio នៅតែរកចំណូលបានច្រើន ដែលនេះបានជួយឱ្យទ្រព្យរបស់លោកកើនឡើងយ៉ាងលឿន” នេះបើតាមមតិរបស់ Jayati Ghosh ដែលជានាយកមជ្ឈមណ្ឌលផែនការនិងស្រាវជ្រាវសេដ្ឋកិច្ចនៃសាកលវិទ្យាល័យ Jawaharlal Nehru។

ទោះជាតម្លៃប្រេងបានដាំក្បាលចុះដែលនាំឱ្យការលក់ភាគហ៊ុនរបស់ក្រុមហ៊ុន Reliance ក្នុងវិស័យគីមីប្រេងជួបការលំបាកយ៉ាងណាក៏ដោយ នៅក្នុងរយៈពេល2ខែចុងក្រោយនេះ ក្រុមហ៊ុន Jio របស់ Reliance Industries នៅតែទទួលបានខ្ទង់វិនិយោគចំនួន15ពាន់លានដុល្លារពីក្រុមអ្នកជំនួញ។ ខ្ទង់ប្រាក់នេះគឺស្មើនឹងជាងពាក់កណ្ដាលនៃខ្ទង់វិនិយោគទៅលើបណ្ដាក្រុមហ៊ុនទូរគមនាគមន៍នៅទូទាំងសកលលោកសម្រាប់ឆ្នាំនេះ។ ក្រុមហ៊ុន Facebook, General Atlantic, Silver Lake Partners, KKR & Co. រួមនឹងខ្ទង់វិនិយោគជាតិរបស់ប្រទេសអារ៉ាប់ប៊ីសាអូឌីត ក៏សុទ្ធតែបានទម្លាក់ខ្ទង់វិនិយោគទៅក្នុងក្រុមហ៊ុន Jio ដោយសង្ឃឹមថា នឹងទទួលបានផលចំណេញច្រើនពីទីផ្សារពាណិជ្ជកម្មអនឡាញដែលរីកចម្រើនខ្លាំងជាងគេមួយនៅក្នុងពិភពលោកនេះ។

របាយការណ៍ថ្មីមួយរបស់ Sanford C. Bernstein បានព្យាករថា ក្រុមហ៊ុន Jio នឹងកាន់កាប់48%នៃទីផ្សារទូរគមនាគមន៍ឥណ្ឌានៅឆ្នាំ2025។ មហិច្ឆតាក្នុងវិស័យពាណិជ្ជកម្មអេឡិចត្រនិចរបស់មហាសេដ្ឋី Mukesh Ambani ថ្មីៗនេះក៏បានបង្ហាញកាន់តែច្បាស់ នៅពេល Reliance បោះជំហានទៅកាន់តែជិតទៅនឹងការទិញភាគហ៊ុននៅក្នុងក្រុមហ៊ុន Future Group ដែលជាក្រុមហ៊ុនមួយកំពុងសហការជាមួយនឹងក្រុមហ៊ុន Amazon។

មហាសេដ្ឋីឥណ្ឌា Mukesh Ambani និងភរិយា លោកស្រី Nita

លោក Mukesh Ambani បានចូលរួមធ្វើការនៅក្នុងក្រុមហ៊ុនរបស់គ្រួសារគាត់តាំងពីដើមទសវត្សរ៍ទី80នៃសហស្សវត្សរ៍មុន។ Dhirubhai Ambani ដែលជាឪពុករបស់ Mukesh និងជាស្ថាបនិករបស់ក្រុមហ៊ុន Reliance បានហៅលោក Mukesh ឱ្យត្រលប់មកកាន់ប្រទេសឥណ្ឌាវិញដើម្បីជួយគ្រប់គ្រងការងារសាងសង់រោងចក្រផលិត polyester (Polyester គឺជាសរសៃដែលត្រូវបានបង្កើតឡើងពីធ្យូងថ្ម ខ្យល់ ទឹក និងប្រេង) របស់គ្រួសារនេះ។ លោក Mukesh Ambani កាលណោះទើបតែបានបញ្ចប់ការសិក្សានៅសាកលវិទ្យាល័យ Stanford បានមួយឆ្នាំ។ គ្រួសារត្រកូល Ambani បានទិញក្រុមហ៊ុនផ្គត់ផ្គង់ផលិតផល រួមនឹងរោងចក្រគីមីប្រេង និងចម្រាញ់ប្រេងជាច្រើនដើម្បីបង្កើតបានជាក្រុមហ៊ុនខ្នាតធំក្នុងវិស័យថាមពល វាយនភណ្ឌ និងផលិតអំបោះ។

Dhirubhai Ambani បានទទួលមរណភាពកាលពីឆ្នាំ2002 ដោយមិនបានបន្សល់ទុកបណ្ដាំមរតកនោះឡើយ ដែលនេះបានធ្វើឱ្យកូនៗរបស់គាត់ គឺលោក Mukesh Ambani និង Anil Ambani មានជម្លោះដោយសារការដណ្ដើមទ្រព្យ។ ចុងក្រោយ ម្ដាយរបស់ពួកគេក៏បានចេញមកធ្វើអន្តរាគមន៍ ដោយចែកទ្រព្យជាពីរចំណែកស្មើគ្នា។ Mukesh ត្រូវគ្រប់គ្រងផ្នែកចម្រាញ់ប្រេង ផលិតគីមីប្រេង ឧស្ម័នប្រេង និងវាយនភណ្ឌ។ ចំណែក Anil គ្រប់គ្រងផ្នែកទូរគមនាគមន៍ កម្សាន្ត ថាមពលអគ្គិសនី និងក្រុមហ៊ុនគ្រប់គ្រងទ្រព្យ។

ក្រោយមក ការធ្វើជំនួញរបស់ Anil បានជួបនឹងបញ្ហាច្រើន បណ្ដាលឱ្យក្រុមហ៊ុនបុត្រសម្ព័ន្ធនានាត្រូវធ្លាក់ទៅក្នុងវិបត្តិបំណុល និងក្ស័យធន។ ផ្ទុយទៅវិញ Mukesh កាន់តែទទួលបានជោគជ័យ និងបានលោតចូលប្រលូកក្នុងវិស័យទូរគមនាគមន៍ ពាណិជ្ជកម្មអេឡិចត្រូនិច ហើយក៏បានក្លាយជាមហាសេដ្ឋីលំដាប់ទីមួយនៅអាស៊ី៕

ប្រភព៖ Bloomberg

June 20, 2020

Samsung ត្រៀមរើខ្សែចង្វាក់ផលិតកម្មផ្ទាំងអេក្រង់ ចេញពីចិន មករោងចក្រនៅវៀតណាម ក្នុងឆ្នាំនេះ

ក្រុមហ៊ុន សាំស៊ុង អេឡិចត្រូនិក កំពុងរៀបផែនការរើខ្សែចង្វាក់ផលិតកម្មផ្ទាំងអេក្រង់បង្ហាញទិន្នន័យ មួយផ្នែកធំពីរោងចក្ររបស់ក្រុមហ៊ុននៅក្នុងប្រទេសចិន មករោងចក្រនៅក្នុងប្រទេសវៀតណាមនៅឆ្នាំនេះ។ នេះបើតាមការរាយការណ៍របស់ទីភ្នាក់ងារព័ត៌មានផ្លូវការរបស់វៀតណាម។

សាំស៊ុងជាអ្នកវិនិយោគទុនធំបំផុតនៅក្នុងប្រទេសវៀតណាម មានតម្លៃវិនិយោគសរុបទាំងអស់ 17,000លានដុល្លារ។

វេបសាយសារព័ត៌មានអនឡាញរបស់រដ្ឋបាលវៀតណាមបានរាយការណ៍ថា “សាំស៊ុងសម្លឹងឃើញវៀតណាមជាច្រកទ្វារសំខាន់ ដែលបើកឆ្ពោះទៅកាន់ប្រទេសផ្សេងៗក្នុងភូមិភាគអាស៊ីភាគអាគ្នេយ៍ និងជាផ្នែកតភ្ជាប់នៅក្នុងខ្សែចង្វាក់ផ្គត់ផ្គង់ពិភពលោក។ ការផ្លាស់ប្ដូរនេះ នឹងធ្វើឱ្យវៀតណាមក្លាយជាអ្នកផលិតផ្ទាំងអេក្រង់បង្ហាញទិន្នន័យសាំស៊ុងលំដាប់ជួរមុខគេរបស់ពិភពលោក”

ព័ត៌មាននៃការផ្លាស់ប្ដូរខ្សែចង្វាក់ផលិតកម្មរបស់សាំស៊ុងនេះ កើតឡើងក្នុងខណៈដែលក្រុមហ៊ុនផ្សេងៗ កំពុងសម្លឹងរកមើលខ្សែចង្វាក់ផ្គត់ផ្គង់ដែលច្រើនសម្បូរបែបក្រៅពីប្រទេសចិន ក្រោយពីខ្សែចង្វាក់ផ្គត់ផ្គង់ត្រូវបានជាប់គាំងយ៉ាងទូលំទូលាយទូទាំងពិភពលោក នៅពេលដែលមេរោគវីរុសកូរ៉ូណាប្រភេទថ្មីកើតការឆ្លងរាលដាលលើកដំបូងនៅក្នុងប្រទេសចិនដែលជាមជ្ឈមណ្ឌលរោងចក្រផលិតកម្មរបស់ពិភពលោក។

ក្រុមហ៊ុនផ្នែកតិចណូឡូជីដ៏ធំសម្បើមរបស់កូរ៉េខាងត្បូងមួយនេះ មានខ្សែចង្វាក់ផលិតកម្មផ្ទាំងអេក្រង់បង្ហាញទិន្នន័យ នៅក្នុងប្រទេសវៀតណាមស្រាប់ហើយ ដោយក្រុមហ៊ុននេះមានរោងចក្រចំនួន 6កន្លែងនៅវៀតណាម ព្រមទាំងមជ្ឈមណ្ឌលស្រាវជ្រាវ និងអភិវឌ្ឍន៍ 2កន្លែងទៀត។

សេចក្ដីរាយការណ៍របស់វេបសាយតឿយជែ បានបញ្ជាក់បន្ថែមថា ផ្ទាំងអេក្រង់បង្ហាញទិន្នន័យ នឹងត្រូវផលិតនៅឯ សាំស៊ុង អេឡិចត្រូនិក ខំផ្លេក នៅក្នុងទីក្រុងហូជីមិញ៕

ប្រភព៖ សារព័ត៌មានបរទេស

June 20, 2020

ក្រសួងអប់រំចេញគោលនយោបាយ យុទ្ធសាស្ត្រ និងផែនការយ៉ាងទប់ស្កាត់ជំងឺ Covid-19

ការអប់រំនៅក្នុងពេលមានវិបត្តិជំងឺ Covid-19 នេះត្រូវបានប្រឈមនឹងបញ្ហាជាច្រើន ដោយសារតែសាលារៀនត្រូវបិទទ្វាព្រោះមានការបារម្ភពីការចម្លងជំងឺដ៏កាចសាហាវនេះក្នុងចំណោមសិស្សសាលាក្មេង។

ដើម្បីទប់ស្កាត់ការរីករាលដាលជំងឺ Covid-19 ក្រសួងអប់រំ យុវជន និងកីឡា បានចេញនូវគោលនយោបាយសំខាន់ៗចំនួន3យ៉ាងគឺ៖

ធ្វើការឆ្លើយតបគោលនយោបាយ និងការអប់រំនៃការទប់ស្កាត់ការរីករាលដាលនៃជំងឺ Covid-19
ការអនុវត្តវិធីសាស្ត្រល្អៗដើម្បីគ្រប់គ្រងប្រព័ន្ធអប់រំក្នុងអំឡុងពេលការពារជំងឹ Covid-19
យុទ្ធសាស្ត្រ និងការណែនាំនាយកសាលា ការបើកសាលា និងការរៀនសូត្រនាពេលអនាគតក្រោយវិបត្តិ Covid-19។

ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា រំពឹងថាការឆ្លើយតបនេះនឹងធ្វើឱ្យយើងអាចកាត់បន្ថយផលប៉ះពាល់ និងចាប់យកឱកាសក្នុងការផ្តល់ការអប់រំដើម្បីផ្តល់ឱ្យនូវសមភាព និងប្រព័ន្ធអប់រំដែលមានគុណភាព៕

June 20, 2020

“យុទ្ធសាស្ត្រឱកាសនិយម” បានជួយឱ្យម្ចាស់ហាងស៊ុបត្រីហឹរ ក្លាយជាមហាសេដ្ឋីក្នុងសម័យCOVID-19

តម្លៃមូលបត្ររបស់ក្រុមហ៊ុន Jiumaojiu International Holdings កើនឡើងទ្វេដងដោយសារបណ្ដាញភោជនីយដ្ឋានដែលមានលក់ស៊ុបត្រីហឹរ ដែលនេះបានជួយឱ្យទ្រព្យសម្បត្តិរបស់ប្រធានក្រុមហ៊ុននេះកើនឡើងលើសពី1ពាន់លានដុល្លារអាមេរិក។

Jiumaojiu International Holdings មានបណ្ដាញភោជនីយដ្ឋាន Tai Er ដែលមានឈ្មោះល្បីល្បាញដោយសារមុខម្ហូបស៊ុបត្រីហឹរបែបបុរាណរបស់ចិន។ ក្រុមហ៊ុននេះបានចូលប្រលូកក្នុងផ្សារហ៊ុន (IPO) ចាប់ពីពាក់កណ្ដាលខែមករា2020 នៅមុនគ្រាដែលចិនដាក់បម្រាមគោចរដើម្បីទប់ស្កាត់COVID-19។

ក៏ប៉ុន្តែ បម្រាមគោចរមិនបានប៉ះពាល់ដល់តម្លៃមូលបត្ររបស់ Jiumaojiu International Holdings នោះទេ។ តម្លៃមូលបត្រ Jiumaojiu បានឡើងថ្លៃទ្វេដងរាប់ចាប់ពីដើមខែកុម្ភៈ2020 ដែលនេះគឺជាលទ្ធផលនៃការបើកដំណើរការភោជនីយដ្ឋានមួយចំនួនឡើងវិញនៅពាក់កណ្ដាលខែមីនា។ Bloomberg Billionaires Index បានឱ្យដឹងថា ប្រការខាងលើនេះហើយដែលបានជួយឱ្យភាគហ៊ុនចំនួន44%របស់លោកប្រធាន Guan Yihong មានតម្លៃឡើងដល់1.1ពាន់លានដុល្លារ នាំឱ្យលោកក្លាយជាមហាសេដ្ឋីមួយរូបនៅក្នុងបញ្ជីឈ្មោះរបស់ Bloomberg។

Walter Woo ដែលជាអ្នកវិភាគម្នាក់មកពីក្រុមហ៊ុន CMB International បានថ្លែងថា៖ “ការរកស៊ីរបស់ក្រុមហ៊ុននេះមានភាពល្អប្រសើរជាងធម្យមភាគនៃទីផ្សារ និងបានងើបក្បាលឡើងយ៉ាងលឿនក្រោយពីបើកដំណើរការឡើងវិញ”។ Woo បកស្រាយថា ភោជនីយដ្ឋាននេះល្បីឈ្មោះក៏ដោយសារតម្លៃអាហារសមរម្យ និងមានអនាម័យខ្ពស់។

Guan Yihong ឆ្នាំនេះមានអាយុ50ឆ្នាំ។ លោកបានបើកហាងលក់មីដំបូងមួយកន្លែងនៅខេត្ត Hainan កាលពីឆ្នាំ1995 ដែលកាលណោះមានបុគ្គលិកតែ6នាក់ និងដាក់តុតែ6ប៉ុណ្ណោះ។ លោក Guan បានពង្រីកហាងទៅកាន់ខេត្ត Guangzhou នាឆ្នាំ2003 ហើយក្រោយមកក៏បានដាក់ការិយាល័យកណ្ដាលនៅទីនេះ។ ក្រុមហ៊ុន Jiumaojiu បច្ចុប្បន្នមានភោជនីយដ្ឋានសរុបជាង300កន្លែង ដោយមានពាណិជ្ជសញ្ញាចំនួន5 និងបម្រើសេវាកម្មអាហារជាច្រើនផ្សេងៗគ្នា ចាប់ពីអាហារពិសេសបែបអ្នកស្រុកSichuan រហូតដល់Shaanxi រួមទាំងអាហារបែបចិញ្ចើមផ្លូវផងដែរ។ Jiumaojiu ក៏បានផ្ដល់សិទ្ធិឱ្យក្រុមហ៊ុនផ្សេងៗប្រើប្រាស់យីយោនេះទៀតផង។

ឆ្នាំ2015 លោក Guan បានបង្កើតក្រុមហ៊ុន Tai Er ហើយមិនយូរប៉ុន្មានក៏ទទួលបានជោគជ័យ។ អតិថិជននាំគ្នាចូលមកញ៉ាំអាហារស៊ុបត្រីហឹរបុរាណរបស់ចិន។ នៅក្នុងរបាយការណ៍ចក្ខុវិស័យ Jiumaojiu បានឱ្យដឹងថា ពួកគេគឺជាបណ្ដាញភោជនីយដ្ឋានដែលលក់អាហារប្រភេទនេះដាច់ជាងគេបំផុតនៅប្រទេសចិន។

ប្រាក់ចំណូលរបស់Jiumaojiu បានកើន42% ដែលស្មើនឹង2.7ពាន់លានយន់ (381ដុល្លារអាមេរិក) កាលពីឆ្នាំ2019។ ប្រាក់ចំណូលចំនួន98%គឺបានមកពី Tai Er និង Jiu Mao Jiu។ ដោយឡែក ប្រាក់ចំណូលរបស់ Tai Er បានកើន136%។ បណ្ដាញភោជនីយដ្ឋាននេះបានព្យាករថា ទីផ្សារសម្រាប់ហាងលក់ស៊ុបត្រីហឹរនៅប្រទេសចិននឹងកើនឡើងក្នុងល្បឿន25%ជារៀងរាល់ឆ្នាំសម្រាប់ដំណាក់កាលឆ្នាំ2018-2024។

នៅពេលCOVID-19បានមកដល់ បម្រាមគោចរក៏ត្រូវបានដាក់ចេញ អាហារដ្ឋាននានាក៏បានផ្អាកដំណើរការ ហើយមនុស្សក៏លែងចេញទៅទទួលទានអាហារនៅខាងក្រៅ ប៉ុន្តែ Jiumaojiu ក៏បានបន្ថយសកម្មភាព ហើយងាកមកផ្ដល់សេវាកម្មតាមអនឡាញរហូតដល់បើកទ្វារហាងឡើងវិញដូចធម្មតា ប៉ុន្តែគម្រោងពង្រីកអាជីវកម្មរបស់ Tai Er នៅតែមិនប្ដូរផ្លាស់។ Guan ឱ្យដឹងថា Jiumaojiu មានគម្រោងបើកភោជនីយដ្ឋាន Tai Er ថ្មីឱ្យបាន80នៅក្នុងឆ្នាំនេះ និង100កន្លែងផ្សេងទៀតនៅឆ្នាំក្រោយ។

លោក Guan ថ្លែងថា ការកែសម្រួលរូបមន្តអាជិវកម្មឱ្យស្របទៅតាមទិន្នាការទីផ្សារបានជួយឱ្យ Jiumaojiu ទទួលបានជោគជ័យ។ ម្ចាស់ក្រុមហ៊ុនខាងលើឱ្យដឹងថា “ដំបូងឡើយ យើងគ្រាន់តែជាហាងមួយនៅតាមចិញ្ចើមផ្លូវតែប៉ុណ្ណោះ ប៉ុន្តែក្រោយមកក៏បានក្ដាប់យកឱកាសនៅពេលដែលមជ្ឈមណ្ឌលពាណិជ្ជកម្មបានរីកដុះដាលនៅប្រទេសចិន។ យើងបានពង្រីកបណ្ដាញភោជនីយដ្ឋានយ៉ាងលឿន និងស្ដង់ដា”។

បច្ចុប្បន្ន Jiumaojiu កំពុងប្រឈមមុខនឹងតម្រូវការថយចុះដោយសារតែវិបត្តិសុខភាពចាប់ផ្ដើមងើបឡើងវិញ។ ប៉ុន្តែ Jiumaojiu នៅតែស្វែងរកវិធីដើម្បីទប់ទល់ និងសម្របខ្លួនតាមស្ថានការណ៍។

កាលពីពេលថ្មីៗនេះ Jiumaojiu បានឱ្យដឹងថា ពួកគេនឹងផ្អាកដំណើរការភោជនីយដ្ឋានដែលមានអតិថិជនតិច រួមនឹងបណ្ដាភោជនីយដ្ឋាន Jiu Mao Jiu នៅរដ្ឋធានីប៉េកាំង និងទីក្រុងTianjin រួមនឹងទីក្រុងWuhan។ សកម្មភាពនេះនឹងជួយកាត់បន្ថយការចំណាយ និងបង្កើនចំណេញ។ តម្លៃមូលបត្រ Jiumaojiu កាលពីម្សិលមិញ (19មិថុនា) បានបន្តកើន5%បន្ថែមទៀតនៅលើផ្សារហ៊ុនហុងកុង៕

ប្រភព៖ Bloomberg

June 20, 2020

ទេសចរណ៍ កសិកម្ម និងSME ជាច្រកសំខាន់3 ដើម្បីដោះស្រាយវិបត្តិសេដ្ឋកិច្ចកម្ពុជាឡើងវិញ

ស្ថិតក្នុងស្ថានភាពវិបត្តិនៃការរីករាលដាលជំងឺ Covid-19 នេះ គ្រប់បណ្តាប្រទេសទាំងអស់ ជាពិសេសប្រទេសដែលជាដៃគូពាណិជ្ជកម្មរបស់កម្ពុជា បានរងនូវបញ្ហាសេដ្ឋកិច្ចយ៉ាងធ្ងន់ធ្ងរ។ បញ្ហានេះបានជះឥទ្ធិពលយ៉ាងធ្ងន់ធ្ងរដល់សេដ្ឋកិច្ចកម្ពុជា រហូតដល់កំណើនសេដ្ឋកិច្ចនៅឆ្នាំ2020 នេះត្រូវស្ថិតក្នុងអត្រាអវិជ្ជមានដែលមិនធ្លាប់មានពីមុនមក។

ពាក់ព័ន្ធនឹងបញ្ហានេះបណ្ឌិត គី សេរីវឌ្ឍន៍ ប្រធានមជ្ឈមណ្ឌលសិក្សាចិននៃរាជបណ្ឌិតសភាកម្ពុជា បានលើកឡើងថា ចំនុចសំខាន់ៗចំនួន3យ៉ាងដែលអាចជួយស្តារសេដ្ឋកិច្ចកម្ពុជាឡើងវិញក្រោយវិបត្តិសេដ្ឋកិច្ចនេះគឺ ទី1វិស័យទេសចរណ៍ក្នុងស្រុក ទី2វិស័យកសិកម្ម និងទី3 វិស័យសហគ្រាសធនតូច និងមធ្យម (SME)។

អ្នកជំនាញសេដ្ឋកិច្ចខាងលើបានបញ្ជាក់ថា កម្ពុជាត្រូវស្តារទេសចរណ៍ក្នុងស្រុក និងត្រូវកែច្នៃកសិកម្មរបស់យើងឱ្យទៅជាកសិកម្ម គាំទ្រដល់វិស័យទេសចរណ៍ និងជាផលិតផលសិរីរាង្គ។ បន្ថែមពីលើនេះ យើងគួរកាត់បន្ថយថ្លៃដើមលើការដឹកជញ្ជូន និងយកចិត្តទុកដាក់ ទៅលើឧស្សាហកម្មខ្នាតតូច ដែលជាឧស្សាហកម្មដ៏សំខាន់ ធ្វើយ៉ាងណាឱ្យអាចមានការរួមគ្នានាំចេញទៅក្រៅប្រទេសបាន៕

June 20, 2020

កីឡដ្ឋានដែលផ្ទុក អ្នកទស្សនាលើសជាង 1ម៉ឹននាក់នៅវៀតណាម ត្រូវរងពិន័យជិត 700ដុល្លារ

បាល់ទាត់វៀតណាមបានចាប់ផ្តើមសកម្មភាពឡើងវិញ បាន 2សប្តាហ៍មកហើយ ដោយមានអ្នកចូលរួមទស្សនាពេញៗកីឡដ្ឋាន ស្ទើរតែគ្រប់ការប្រកួត បើទោះបីជាមានបម្រាម ឱ្យមានអ្នកទស្សនាតែពាក់កណ្តាលក៏ដោយ។

អ្វីដែលគួរឱ្យកត់សម្គាល់ខ្លាំងនោះគឺ ការប្រកួតមួយរវាងក្រុមនៅតំបន់កម្ពុជាក្រោម នៃខេត្តហាទៀង រវាងក្រុម Hồng Lĩnh Hà Tĩnh និងក្រុមមកពីហាណូយ Hà Nội គឺមានអ្នកទស្សនាដល់ទៅជាង ៣ម៉ឺននាក់ ដែលខុសទៅនឹងគោលការណ៍អនុញ្ញាតរបស់ប្រទេស ដែលអនុញ្ញាតឱ្យមានអ្នកគាំទ្រ តែ 50% នៃកៅអីដែលមាននៅក្នុងកីឡដ្ឋានតែប៉ុណ្ណោះ។

គួរបញ្ជាក់ដែរថា ក្រោយពីបញ្ចប់ការប្រកួត សហព័ន្ធកីឡាបាល់ទាត់វៀតណាម បានសម្រេចពិន័យក្រុមម្ចាស់ផ្ទះ Hồng Lĩnh Hà Tĩnh ប្រមាណជា 650ដុល្លារ ពីបទមិនអាចគ្រប់គ្រងស្ថានការណ៍បាននៅក្នុងការប្រកួតខាងលើ៕

June 19, 2020

ចិនប្តេជ្ញាជួយជម្រើសជាតិកម្ពុជា ឱ្យបានមេដាយនៅស៊ីហ្គេម2023

សម្រាប់ការប្រកួតបាល់ទាត់នារី ក្នុងពានរង្វាន់នានាប្រចាំតំបន់អាស៊ាន ក៏ដូចជាអាស៊ីដែរនោះ កម្ពុជាមិនសូវជាបានចូលរួមជាប់លាប់ប៉ុន្មានឡើយ ដោយសារកម្ពុជាមិនមានការប្រកួតក្រុមបាល់ទាត់នារីជាលក្ខណៈលីកអាជីពនៅឡើយ។

ក្នុងនោះដែរសហព័ន្ធកីឡាបាល់ទាត់កម្ពុជា បានបង្ហាញផែនការថា ក្រុមបាល់ទាត់ជម្រើសជាតិនារីកម្ពុជា នឹងចេញទៅហ្វឹកហាត់នៅប្រទេសចិន ដើម្បីត្រៀមខ្លួនសម្រាប់ការប្រកួតក្នុងព្រឹត្តិការណ៍កីឡាអាស៊ីអាគ្នេយ៍ ឆ្នាំ2023 ដែលកម្ពុជានឹងធ្វើជាម្ចាស់ផ្ទះ។

ក្នុងការទៅហ្វឹកហាត់នៅលើទឹកដីចិននេះ ជាការពិត គឺសហព័ន្ធមានគម្រោងបញ្ជូនទៅចុងឆ្នាំនេះ តែដោយសារតែមានបញ្ហាកូវីដ-19 ទើបសហព័ន្ធពិចារណារហូតដល់ដើមឆ្នាំក្រោយ ហើយការហ្វឹកហាត់នេះ គឺភាគីមិត្តចិន នឹងរ៉ាប់រងទាំងអស់ទៅលើការហ្វឹកហាត់ឱ្យខ្លាំង សម្រាប់ស៊ីហ្គេមឆ្នាំ2023 ដែលកម្ពុជានឹងធ្វើជាម្ចាស់ផ្ទះនៅពេលនោះ៕

June 19, 2020

Category: សង្គម និងសេដ្ឋកិច្ច