Category: សង្គម និងសេដ្ឋកិច្ច

នៅក្នុង​សតវត្ស​ទី21នេះ ជា​យុគ្គ​សម័យថ្មី​មួយ​នៃ​បច្ចេកវិទ្យា​ដែល​ពិភពលោក​កំពុងមាន​ការផ្លាស់ប្តូរ​យ៉ាងខ្លាំង​លើ​គ្រប់ផ្នែក​ទាំងអស់ ជាពិសេស​ប្រព័ន្ធ​ការងារ និង​ការអប់រំ។

ពាក់ព័ន្ធ​នឹង​បញ្ហា​នេះ ឯកឧត្តម ហង់ ជួនណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា បាន​លើកឡើងថា បច្ចុប្បន្ននេះ បច្ចេកវិទ្យា​បាន​ដើរតួនាទី​កាន់តែ​សំខាន់​នៅក្នុង​ពិភពលោក ហើយ​ក្នុងនោះ បច្ចេកវិទ្យា​មួយចំនួន​ក៏បាន​ចូលមក​ជំនួស​ការងារ​របស់​ម​នុស្ស​ផងដែរ។ បញ្ហា​នេះ​ទាមទារ​ឱ្យ​ការអប់រំ​ក៏ត្រូវ​តែ​អភិវឌ្ឍ​ដើម្បី​ធ្វើយ៉ាងណា​ឱ្យ​ឆ្លើយតប​ជាមួយនឹង​ទីផ្សារការងារ​ថ្មី​ក្នុង​សតវត្ស​ទី21នេះ។ សម្រាប់​កម្ពុជា នៅក្នុង​សន្និបាត​អប់រំ​ឆ្នាំ2020នេះ យើង​បានជ្រើសរើស​យក​ប្រធានបទ«ការអប់រំ​ឌីជីថល» ព្រោះ​វា​ជា​ផ្នែក​សំខាន់​ក្នុងការ​ឆ្លើយតប​នឹង​តម្រូវការ​ការងារ​ក្នុង​ពិភពលោក​នា​សតវត្ស​ថ្មី​នេះ។

ឯកឧត្តម ហង់ ជួនណា​រ៉ុ​ន បាន​មានប្រសាសន៍ថា៖ «តម្រូវការ​ទីផ្សារការងារ​នា​សតវត្ស​ទី21នេះ ចាំបាច់​ត្រូវការ​បំ​ណិ​ន​ខ្ពស់ ដូចជា​បំ​ណិ​ន​វិជ្ជាជីវៈ បំ​ណិ​ន​ផ្នែក​ទន់ ដូចជា​ការដោះស្រាយ​បញ្ហា ការធ្វើការងារ​ជា​ក្រុម គំនិត​ច្នៃប្រឌិត និង​បំ​ណិ​ន​បច្ចេកវិទ្យា​ជាដើម»។

រដ្ឋមន្ត្រីក្រសួង​អប់រំ​បាន​បន្ថែមទៀតថា ចំពោះ​បំ​ណិ​ន​បច្ចេកវិទ្យា គឺ​ចាំបាច់​ត្រូវ​បណ្តុះបណ្តាល​អក្ខរកម្ម​ឌីជីថល ដើម្បីឱ្យ​ប្រជាជន​របស់​យើង​មានចំណេះដឹង​ក្នុងការ​ប្រើប្រាស់​បច្ចេកវិទ្យា ចេះ​សរសេរ​កម្មវិធី ឬ​ចេះ​សរសេរ​កូដ​ជាដើម។ កាលណា​ពួកគេ​មានចំណេះដឹង​ទាំងអស់នេះ ពួកគេ​នឹង​នៅតែ​រក្សាបាន​នូវ​តម្លៃ​ចំពោះ​ការងារ​ក្នុង​រយៈពេល​វែង​ត​ទៅមុខទៀត៕

ឪពុកម្តាយជាច្រើនចង់នាំកូនតូចជាទីស្រឡាញ់ទៅមើលកុនជាមួយដែរ តែក៏បារម្ភថានឹងកើតហេតុដែលមិននឹកស្មានដល់កណ្តាលរោងភាពយន្ត ក្លាយជាការរុកគួនរំខានផ្លូវចិត្តដល់អ្នកចូលទស្សនាដទៃទៀត។ ការនាំកូនចូលរោងភាពយន្តគឺជារឿងដែលឪពុកម្តាយត្រូវតែគិត និងដឹងឱ្យច្បាស់ គួរតែចាប់ផ្តើមនៅពេលឃើញថាកូនត្រៀមខ្លួនរួចជាស្រេចហើយ ដូច្នេះមុននឹងនាំកូនតូចចូលមើលកុនលើកដំបូងនោះ រឿងដែលឪពុកម្តាយត្រូវធ្វើមានដូចតទៅ ៈ

1 – ធ្វើឱ្យការចូលរោងកុនក្លាយជារឿងគួរឱ្យចង់សាកល្បង

រៀបរាប់ឱ្យកូនស្តាប់ បើកថ្រេលលើរ៍កុនខ្លីៗឱ្យកូនមើល ធ្វើឱ្យការប្រាប់ថា “យើងនឹងនាំគ្នាទៅមើលកុន” ក្លាយជាអ្វីដែលគួរឱ្យត្រេកអរ និងរំភើបញាប់ញ័រ “យេ!!”។

2 – ប្រាប់ពីការពិតយ៉ាងលម្អិត

“នៅក្នុងរោងកុនវាងងឹតត្រង់កន្លែងដែលយើងអង្គុយ និងសំឡេងឮខ្លាំងបន្តិចហើយណាកូន តែវាជាកុនរឿងតុក្កតារូបធំៗឱ្យយើងមើល”។

3 – ម៉ាក់នៅជាមួយកូនជានិច្ច

ប្រាប់កូនថា ម៉ាក់ និងប៉ានឹងអង្គុយនៅជាមួយកូនជានិច្ច មិនទៅណាឡើយ បើខ្លាច ឬមានអារម្មណ៍អ្វីម្យ៉ាងនោះ យើងនឹងកែកែបញ្ហាជាមួយគ្នា។

4 – សួរពីការស្ម័គ្រចិត្ត និងផ្តល់ជម្រើសដល់កូន

មិនបង្ខំកូន សង្កេតមើលថា តើពេលស្តាប់ហើយ កូនអូខេឬទេ? បើចង់ទៅម៉ាក់នឹងនាំទៅ តែបើមិនចង់ទេក៏មិនអីដែរ និង “យើងនឹងចេញពីរោងកុនបាន បើសិនយើងចង់ចេញ”។

5 – បង្រៀនកូនឱ្យគោរពសិទ្ធិអ្នកដទៃ

ចំណុចនេះសំខាន់ណាស់ ត្រូវបង្រៀនកូនយ៉ាងម៉ឺងម៉ាត់ថា គ្រប់គ្នានៅក្នុងរោងភាពយន្តត្រូវការភាពស្ងប់ស្ងាត់ ធ្វើហេតុការណ៍ឧទាហរណ៍ឱ្យកូនមើលថា បើកូនកំពុងមើលកុនស្ងាត់ៗ ស្រាប់តែមានក្មេងនិយាយឮៗឡើងនោះ អ្នកក្បែរៗនោះអាចនឹងមើលកុនលែងល្អមើលមិនខាន។

6 – កំណត់កតិកា

ចំណុចនេះ “សំខាន់បំផុត” ត្រូវកំណត់កតិកាជាមួយកូនថា បើចង់និយាយ គេត្រូវនិយាយឱ្យតិចៗ ហ្វឹកហាត់ការនិយាយបែបខ្សិប និង “បើកូននិយាយឮខ្លាំងៗលើសពីបីដង មានន័យថា យើងអាចនឹងមិនទាន់ត្រៀមខ្លួនរួចរាល់ក្នុងការមើលកុននៅឡើយទេ ហើយយើងនឹងចេញពីរោងកុនសិន ហើយត្រឡប់មកម្តងទៀតនៅពេលណាដែលធំដឹងក្តីល្មមហើយ”។

ព្រោះរោងភាពយន្តជាទីសាធារណៈ និងជាទីកន្លែងផ្លែកថ្មីសម្រាប់ក្មេងៗនោះ លោកឪពុកអ្នកម្តាយត្រូវតែត្រៀមខ្លួនរួចជាស្រេចចាំទប់ទល់នឹងស្ថានការណ៍ដែលអាចនឹងគ្រប់គ្រងមិនបាន និងថែមទាំងនៅអាចមានជំងឺឆ្លងរាលដាល ដូចជា ជំងឺផ្តាសាយទៀតផង ដូច្នេះរឿងដែលល្អបំផុត គឺរង់ចាំឱ្យកូនធំដឹងក្តីហើយសិន សឹមនាំទៅមើលកុន៕

មហាជនជាច្រើនបានជ្រាបរួចហើយ ថ្មីៗនេះ គ្រួសាររបស់ តារាចម្រៀង និងកំប្លែង អ្នកនាង ខាត់ សុឃីម ​​បាន​មាន​ទុក្ខ​ជា​ទម្ងន់ ​ដោយ​លោក​ឪពុករបស់អ្នកនាងបានទទួលមរណភាពហើយ។ ក្នុង​នោះ​ដែរ ​តារាស្រីរូបនេះ ​ជាមួយ​នឹង​​​បង​ប្អូន​បង្កើត​ទាំង9​នាក់​របស់​នាង ​ពិតជាមានការសោកសៅជាខ្លាំងដោយមិនបានទាន់ដង្ហើមលោកឪពុក។

ហើយអ្វីដែលកាន់តែ សោកស្ដាយនោះ តារាស្រីជើងចាស់រូបនេះ មិនបានទៅទាន់ដង្ហើមចុងក្រោរបស់លោកឪពុកទៀតផង។ ជាក់ស្ដែង ក្នុងថ្ងៃនោះផ្ទាល់ ខណៈពេលកំពុងរៀបចំបុណ្យសពជូនលោកឪពុកខ្លួន អ្នកនាង ខាត់ សុឃីម ក៏បានច្រៀងចម្រៀងជូន និង លាឪពុកជាលើកចុងក្រោយផងដែរ។ ដោយបទនោះជាប្រភេទបទបុរាណ ព្រមទាំងប្រគំឡើងជាមួយឧបករណ៍ភ្លេងបុរាណទៀតផង ក្នុងនោះដែរ រាល់បទដែលនាង ច្រៀងស្ដាប់ទៅពិតជាពីរោះ ហើយពេលស្ដាប់ហើយពិតជាធួលដើមក ចង់ស្រក់ទឹកភ្នែកទៅហើយ។

សូមជម្រាបថា ឱពុកអ្នកនាង ខាត់ សុឃីម លោកតាខាត់ ជាអ្នកភ្លេងបុរាណត្រកូលខាត់បានទទួលមរណភាពក្នុងវ័យ 67ឆ្នាំ ដោយរោគគាពាធ៕

ដើម្បីជ្រាបកាន់តែច្បាស់សូមទស្សនាវិដេអូខាងក្រោមនេះ៖

បើទោះបីជាតារាចម្រៀងស្រី ឱក សុគន្ធកញ្ញា បានកូនប្រុសមួយហើយក្ដី តែមួយរយៈចុងក្រោយនេះ អ្នកនាងពិតជាធ្វើឱ្យអ្នកគាំទ្រចាប់អារម្មណ៍យ៉ាងខ្លាំងទៅលើវិធីថែរក្សារូបសម្រស់ឱ្យស្រស់ស្អាត ហើយមើលទៅកាន់តែទាក់ទាញជាងមុន។ ជាក់ស្ដែង ថ្មីៗនេះ អ្នកនាងបានបង្ហោះរូបភាពជាច្រើនសន្លឹកនៅលើបណ្ដាញសង្គមហ្វេសប៊ុក និងមានការពោលសរសើរពីសំណាក់ហ្វេនៗ។

ប៉ុន្មានសន្លឹកដែលធ្វើឱ្យហ្វេនៗមើលភ្លឹកគ្រប់គ្នានេះ ក៏មើលឃើញថាពិតជាយ៉ាងទាក់ភ្នែកមួយរបស់ កំពូលតារាស្រីកូនមួយរូបនេះ ក្នុងបណ្ដាញសង្គម ​ដែល​បាន​តុប​តែង​ខ្លួន​ស្ទាយ៌​ថ្មី​យ៉ាង​ស្អាត​ប្លែក​ខ្លាំង​។ ​រូបភាពនោះ បានធ្វើឱ្យហ្វេនៗ​ចាប់ចិត្ត​តែ​ម្ដង ​ពិតជាស្អាតខ្លាំងណាស់ ​មើល​យូរៗ​ទៅ​រូប​សម្រស់​កាន់​តែ​ក្មេង​ជាង​វ័យ​​។ ស្របគ្នានោះដែរ គ្រប់រូបភាពទាំងអស់របស់អ្នកនាងបានបង្ហោះនោះ គឺទទួលបានការចាប់អារម្មណ៍ និងសរសើរពីហ្វេនមិនតិចនោះទេ ដោយពីមួយថ្ងៃទៅមួយថ្ងៃកាន់តែស្អាតប្លែកឡើង៕

Adobe Flash Player គឺជា​កម្មវិធី​មួយ​ក្នុងចំណោម​កម្មវិធី​ជាច្រើន​របស់​ក្រុមហ៊ុន Adobe ជា​កម្មវិធី​អាចឱ្យ​វីដេអូ​នៅលើ Internet Browser ដំណើរការបាន និង​មានការ​ពេញនិយម​យ៉ាង​ខ្លាំង​កាលពី​ជាង 1ទសវត្សរ៍​មុន។ ពេលវេលា​ចេះតែ​ដើរទៅ​មុខ ស្របពេល​ជាមួយ​បច្ចេកវិទ្យា​ក៏​ចេះតែ​វិ​វ​ឌ្ឍ​ទៅកាន់​តែ​ល្អ​ប្រសើរឡើង ក្នុងការ​បង្កើត​កម្មវិធីថ្មីៗ ដើម្បី​ធ្វើឱ្យ​អ្នកប្រើប្រាស់​កាន់តែ​មាន​ភា​ព​ងាយស្រួល។

ដូចគ្នានេះដែរ ការដាក់ចេញ​ឱ្យប្រើ​ប្រាស់ HTML5 កាលពី​ឆ្នាំ2008 ដែលមាន​បន្ថែម​មុខងារ​របស់ Adobe Flash ដោយ​មិនចាំបាច់​បញ្ចូល​កម្មវិធី​បន្ថែម​នោះ បានធ្វើឱ្យ​ក្រុមហ៊ុន​មួយចំនួន ជាពិសេស​ក្រុមហ៊ុន Apple ចាប់ផ្ដើម​ឈប់​ប្រើប្រាស់ Adobe Flash ហើយ​ងាក​មក​ប្រើ​មុខងារ​នេះ​ជាមួយ HTML5 វិញ​ម្ដង។

ក្រុមហ៊ុន Adobe គ្រោង​នឹង​ស្នើ​សុំឱ្យ​អ្នកប្រើប្រាស់​លុប​កម្មវិធី Flash Player ចេញពី​កុំព្យូទ័រ​របស់​ពួកគេ​នៅ​ដំណាច់​ឆ្នាំនេះ ស្រប​ពេលដែល​កម្មវិធី​នេះ​ត្រូវបាន​គ្រោង​នឹង​ឈានដល់​ទីបញ្ចប់​នៃ​ជីវិត (End-Of-Life) នៅ​ថ្ងៃទី31 ខែធ្នូ ឆ្នាំ2020 ខាងមុខ​នេះហើយ។ តាមពិតទៅ កម្មវិធី Flash Player ត្រូវបាន​ប្រកាស​ឱ្យ​ឈប់​ប្រើប្រាស់​តាំងពី​អំឡុង​ឆ្នាំ2017 មកម្ល៉េះ រួម​ជាមួយនឹង​ក្រុមហ៊ុន​ផលិត Browser ដូចជា Apple, Google, Microsoft និង Mozilla។ ដោយឡែក មានតែ Facebook មួយ​ប៉ុណ្ណោះ​ដែល​នៅតែ​ត្រូវការ​ពឹងផ្អែក​ទៅលើ Flash Player ដើម្បីឱ្យ​ហ្គេម​មួយចំនួន​អាច​ដំណើរការបាន។

មូលហេតុ​នៃ​គោលបំណង​ធ្វើ​នេះ គឺ​ដោយសារតែ Flash Player តែងតែ​ត្រូវបាន​វាយប្រហារ​ដោយ​ពួក Hacker និង​អ្នកបង្កើត​មេរោគ Malware។

Adobe ក៏បាន​ឱ្យដឹង​ដែរ​ថា នៅពេល Flash ឈានដល់​កាលបរិច្ឆេទ​បញ្ចប់ ក្រុមហ៊ុន​មិន​ត្រឹម​តែមាន​គម្រោង​បញ្ឈប់​ការផ្តល់ជូន​នូវ​ការធ្វើ​បច្ចុប្បន្នភាព (Update) ប៉ុណ្ណោះ​ទេ ហើយ​ពួកគេ​ក៏មាន​គម្រោង​នឹង​ដក​តំណ​ទាញយក (Download Link) Flash Player ចេញពី​គេហទំព័រ​របស់​ពួកគេ​ផងដែរ ដើម្បី​ចៀសវាង​កុំឱ្យ​អ្នកប្រើប្រាស់​បញ្ចូល​កម្មវិធី Flash ដែល​អាច​ប្រឈម​នឹង​ការវាយប្រហារថ្មីៗបន្តទៀត ជាពិសេស​នៅពេលដែល​ក្រុមហ៊ុន​បញ្ចប់​ការធ្វើ​បច្ចុប្បន្នភាព៕

ប្រភព៖ នាយកដ្ឋាន​ប្រឆាំង​បទល្មើស​បច្ចេកវិទ្យា

ក្រុមហ៊ុន Zoom ដែល​បានដាក់​ឱ្យប្រើ​ប្រាស់​មុខងា​រ end-to-end encryption  កាលពីដើមឆ្នាំ​នោះ ឥឡូវ​ក្រុមហ៊ុន​មួយ​នេះ ត្រូវបាន​គេ​រិះគន់​ទាក់ទង​នឹង​ការប្រើប្រាស់​ប្រព័ន្ធ end-to-end encryption ដែល​ពុំមាន​សុវត្ថិភាព។

Zoom ក៏​ធ្លាប់បាន​សន្យា​ដែរ​ថា នឹងធ្វើ​ការកែសម្រួល​ប្រព័ន្ធ encryption របស់ខ្លួន​ឱ្យមាន​ភាពល្អ​ប្រសើរឡើង ដើម្បី​ចៀសវាង​ការបាត់បង់​ប្រជាប្រិយភាព និង​ធ្វើឱ្យ​ត្រូវ​ទៅនឹង​ស្តង់ដា encryption GCM AES 256-bit ដែលជា encryption មាន​ស្តង់ដា​ខ្ពស់​ដែល​ពិបាក​នឹង​បំបែក​បាន។ ប៉ុន្តែ​ក្រោយមក​បន្តិច Zoom បែរជា​ប្រកាសថា​ប្រព័ន្ធ encryption ថ្មី​នេះ គឺ​សម្រាប់តែ​អតិថិជន​ដែល​បាន​បង់លុយ​ប៉ុណ្ណោះ។

ការប្រកាស​បែបនេះ ត្រូវបាន​រង​ការរិះគន់​សាជាថ្មី ពី​អ្នកប្រើប្រាស់ និង​សមាជិកសភា​នៅ​សហរដ្ឋអាមេរិក។ សមាជិកសភា លោក Sherrod Brown នៃ​រដ្ឋ Ohio និង​លោក Richard Blumenthal នៃ​រដ្ឋ Connecticut បានធ្វើការ​ស្ដីបន្ទោស​ដោ​យ​ប្រើពាក្យ​សម្ដីធ្ងន់ៗ នៅពេលដែល Zoom ប្រកាស​មិន​ផ្ដល់ end-to-end encryption ដល់​អ្នកប្រើប្រាស់ ដូចដែល​ក្រុមហ៊ុន​បាន​សន្យា​កាលពីពេល​កន្លងទៅ។

ដោយសារ​មានប្រតិកម្ម​យ៉ាងខ្លាំង​ទាក់ទង​នឹង​សុវត្ថិភាព និង​ឯកជន​ភាព របស់​អ្នកប្រើប្រាស់​នេះ ទើប​ក្រុមហ៊ុន Zoom បានប្រកាស​កាលពី  2ថ្ងៃមុន​ថា នឹងដាក់​ឱ្យប្រើ​ប្រាស់​មុខ​ងារ end-to-end encryption ដល់​អ្នកប្រើប្រាស់​ទាំងអស់​ក្នុងពេលឆាប់ៗនេះ ប៉ុន្តែ​សម្រាប់​អតិថិជន​ដែល​មិន​បង់លុយ ក្រុមហ៊ុន​ទាមទារ​ឱ្យមាន​ការបញ្ចូល​លេខ​ទូរស័ព្ទ ដើម្បី​បញ្ជាក់​អត្តសញ្ញាណ​របស់​អ្នកប្រើប្រាស់។

មុខងារ end-to-end encryption នេះ​គឺមាន​សម្រាប់តែ Video conferencing ប៉ុណ្ណោះ គឺ​មិនមាន​សម្រាប់​ការផ្ញើ​សារ​នោះទេ៕

ការអប់រំ ជា​ផ្នែក​យ៉ាង​មាន​សារៈសំខាន់​សម្រាប់​គ្រប់​ប្រទេស​ទាំងអស់ និង​គ្រប់ពេលវេលា ព្រោះ​ទោះបី​ជាមាន​វិបត្តិ​សេដ្ឋកិច្ច និង​ការរីក​រាលដាល​នៃ​មេរោគ Covid-19 ក៏ដោយ​ក៏​ការអប់រំ​នៅតែ​ជា​ចំណុច​អាទិភាព​ក្នុងប្រទេសនីមួយ។

នៅ​កម្ពុជា​ក្នុងស្ថានភាព​បច្ចុប្បន្ននេះ យើង​បាន​ជំរុញឱ្យមាន​ការបណ្តុះបណ្តាល​តាមរយៈ​បច្ចេកវិទ្យា ក្រោយពី​មានការ​បិទ​សាលា​ដើម្បី​បង្ការ​ឱ្យមាន​ការរីក​រាលដាល​នៃ​មេរោគ Covid-19។

ឯកឧត្តម ហង់ ជួនណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា បាន​លើកឡើងថា ក្នុងចំណោម​សិស្ស3លាន​នាក់​នៅ​ទូទាំងប្រទេស​កម្ពុជា មាន​សិស្ស​ប្រមាណ 30% ដែល​មិនទាន់​ទទួលបាន​សេវា​អប់រំ។ បញ្ហា​ដែល​ពួកគេ​មិនទាន់​ទទួលបាន​សេវា​អប់រំ​គឺ​ដោយសារតែ សិស្ស​ទាំងអស់នោះ​មិនមាន​លទ្ធភាព​ប្រើប្រាស់ Smart Phone និង​កុំព្យូទ័រ។ ម្យ៉ាងវិញទៀត​ពូកគេ​ភាគច្រើន​រស់នៅ​ឆ្ងាយ​ពី​សាលារៀន និង​ស្ថិតក្នុង​ជីវភាព​ក្រីក្រ។

ឯកឧត្តម​បាន​បន្ថែមទៀតថា ក្នុងចំណោម​សិស្ស 3លាន​នាក់​នោះ មាន​ពាក់កណ្តាល​ទទួលបាន​សេវា​អប់រំ​ពី​ក្រសួង​អប់រំ និង​ពាក់កណ្តាល​ទៀត​ត្រូវ​ពឹង​ផ្អែកលើ​សៀវភៅ​សិក្សា​គោល៕

ក្រុម U19 កម្ពុជា បាន​បំបាក់​ថៃ និង​បាន​ទម្លាក់​ក្រុម​នេះ ឱ្យ​ធ្លាក់​ចេញពី​ពាន AFC U19 Championship 2020 ជា​លើក​ទី1 ក្នុង​ប្រវត្តិសាស្ត្រ​បាល់ទាត់​ដ៏​អាក្រក់​របស់​ថៃ ក្នុង​វគ្គ​ជម្រុះ កាលពីដើមឆ្នាំ2019 កន្លងទៅ នៅពេលដែល​កម្ពុជា ធ្វើជា​ម្ចាស់ផ្ទះ។

គ្រូបង្វឹក​ក្រុម​ម្ចាស់ផ្ទះ អ៊ូ​បេ​គី​ស្ថាន ដែល​នៅ​រួម​ពូ​ល​ជាមួយ​កម្ពុជា លោក Timur Kapadze បាន​បរិយាយ​ថា ក្រុម​របស់លោក​មិនទាន់​ស្គាល់​ពី​កម្រិត​គុណភាព​លេង របស់​ក្រុម​កម្ពុជា​នៅឡើយ តែ​លោក​មិនអាច​មើលស្រាល​បានឡើយ ព្រោះ​ក្រុម​មួយ​នេះ​មិនអាច​ឡើងមក​លេង​ពាន​នេះ​បានឡើយ ប្រសិនបើ​មិន​ខ្លាំង​ទេនោះ។

គោលបំណង​សំខាន់​របស់​អ៊ូ​បេ​គី​ស្ថាន គឺ​ដើម្បី​បញ្ចប់​វគ្គ​ចែក​ពូ​ល​ក្នុងនាម​ជា​ក្រុម​លេខ១ ក្នុង​ពូ​ល នៅលើ​ទឹកដី​របស់គេ ដោយ​គ្រូបង្វឹក​របស់​ក្រុម​នេះ​បាន​និយាយ​រួចមកហើយ​ថា គេ​នឹង​រៀបចំ​ក្រុម ក៏ដូចជា​លទ្ធភាព​នៃ​ការប្រកួត​ដើម្បី​សម្រេច​គោលដៅ គឺ​ការលើក​ពានរង្វាន់​នេះ​ផ្ទាល់​តែម្ដង៕

កីឡាករ Thanawat ដែល​លេង​ក្នុង​តំណែង​ខ្សែប្រយុទ្ធ ធ្លាប់បាន​ជាប់​ក្រុម​ជម្រើសជាតិ​បារាំង U-16 និង U-17 ដែលជា​ហេតុនាំឱ្យ​ថៃ មាន​ចំណាប់អារម្មណ៍​ក្នុងការ​នាំយក​រូបគេ​មកលេង​ឱ្យ​ក្រុម​ជម្រើសជាតិ​ថៃ​ឈុត​ធំ តែ​គេ​មិនទាន់​ដឹងថា តើ​កីឡាក​រូបនេះ គិត​យ៉ាងណា​នៅឡើយ​ទេ។

កីឡាករ​វ័យ 20ឆ្នាំ​រូបនេះ គឺជា​កីឡាករ​របស់​ក្លិប Nancy របស់​ប្រទេស​បារាំង កំពុងតែ​ស្ថិតនៅក្នុង​ការចរចា​ទៅ​ចូលរួម​ជាមួយ​ក្លិប​លី​ក​កំពូល​អង់គ្លេស Leicester City ក្រោយ​ពេលដែល​ជិត​ផុត​កុងត្រា ដែល​នឹង​បញ្ចប់​នៅ​ចុងឆ្នាំ​នេះ។

មូល​ហេតុដែល​ធ្វើឱ្យ​កីឡាករ​រូបនេះ ត្រូវបាន​ចាប់អារម្មណ៍​ពី​បណ្ដា​ក្លិបធំៗនេះ គឺ​ដោយសារតែ​យុវជន​រូបនេះ បាន​ជាប់​ជម្រើសជាតិ​បារាំង​អាយុ​ក្រោម16 និង 17ឆ្នាំ និង​បានបង្ហាញ​ទម្រង់​លេង​យ៉ាង​ល្អ៕

ពានរង្វាន់ AFC U19 Championship 2020 កម្ពុជា ស្ថិតនៅក្នុង​ពូ​ល A ជាមួយនឹង​ម្ចាស់ផ្ទះ អ៊ូ​បេ​គី​ស្ថាន អ៊ឺ​រ៉ង់ និង​ឥណ្ឌូនេស៊ី ក្នុងនោះដែរ លោក Indra Sjafri គ្រូ​ជំនួយ​ក្រុមបាល់ទាត់​ឥណ្ឌូនេស៊ី បាន​ថ្លែងថា ក្រុម​លោក គឺជា​ក្រុម​ដែល​ខ្លាំងជាងគេ​នៅក្នុង​ពូ​ល A នេះ។

ចំពោះ​មូលហេតុ​គឺ ដោយសារតែ​ក្រុម​ទាំងអស់​ក្នុង​ពូ​ល​នេះ រួមមាន​កម្ពុជា  និង​ម្ចាស់ផ្ទះ​ផង​នោះ សុទ្ធតែ​ធ្លាប់មាន​ប្រវត្តិ​ចាញ់​ក្រុម​ឥណ្ឌូនេស៊ី​ទាំងអស់ ណាមួយ​ក្រុម​យើង(ឥណ្ឌូនេស៊ី) មិនបាច់​ភ័យ​ឡើយ​ក្នុង​ការប្រកួត​នេះ ព្រោះ​ទោះជា​ជាប់ ឬ​ធ្លាក់​ក៏ដោយ ក៏​ឥណ្ឌូនេស៊ី មាន​សិទ្ធិ​ទៅលេង​នៅ World Cup U20 ដោយ​ស្វ័យប្រវត្តិ​ដែរ ព្រោះ​ខ្លួន​ជា​ម្ចាស់ផ្ទះ។

គួររំឭកថា U-19 កម្ពុជា នឹងត្រូវ​ប្រកួត​បើកឆាក​ប៉ះ​ជាមួយ U-19 ឥណ្ឌូនេស៊ី នេះ​ផ្ទាល់​តែម្ដង បើតាម​គម្រោង​គឺ​ចាប់ផ្ដើម​នៅ​ថ្ងៃទី14 ខែតុលា ឆ្នាំ2020 គ្រា​ដែល​ក្រុម 2ទៀត ដែល​កម្ពុជា​ត្រៀម​ជួប​បន្តបន្ទាប់​នោះ​គឺ ម្ចាស់ផ្ទះ​អ៊ូ​បេ​គី​ស្ថាន ថ្ងៃទី17 និង​ប្រកួត​ចុងក្រោយ​ប៉ះ​អ៊ីរ៉ង់ នៅ​ថ្ងៃទី20 ខែតុលា ឆ្នាំ2020៕