Category: សង្គម និងសេដ្ឋកិច្ច

កីឡាករបាល់ទាត់ ខ្សែប្រយុទ្ធសញ្ជាតិប្រេស៊ីល Neymar JR ត្រូវបានគេដឹងថា ទំនងជានឹងបដិសេធសំណើឱ្យបន្ត រួមរស់នៅជាមួយក្លិប PSG បន្តទៀត ខណៈដែលកុងត្រារបស់គេ នៅសល់តែ 1រដូវកាលទៀតប៉ុណ្ណោះ។

ជាមួយគ្នានេះដែរ តម្លៃដែល Paris Saint Germaint គ្រោងនឹងផ្តល់បន្ថែមជូនកីឡាកររូបនេះ ដោយសុំត្រឹមតែបន្តកុងត្រានៅជាមួយនឹងក្លិបរហូតដល់ឆ្នាំ2025នោះ គឺមានដល់ទៅ 100លានដុល្លារឯណោះ។

ក្នុងនោះដែរ ភ្នាក់ងារនៅអេស្ប៉ាញរបស់ Neymar បានលើកឡើងថា 100លានដុល្លារ សម្រាប់ Neymar វាមិនច្រើនទេ ដោយសារតែចិត្តរបស់គេចង់ចាកចេញ តែលោកក៏បានលើកឡើងដែរថា Bacelona ប្រហែលគ្មានលុយទិញយកកីឡាកររូបនេះទេ ដោយសារតែ​វិបត្តិកូវីដ-19៕

ក្លិបបាល់ទាត់ Hanoi FC ដែលជាជើងឯកលីកកំពូលវៀតណាម 2រដូវកាលជាប់គ្នា2018 និង2019 បានប្រកាសថា ក្លិបបានបើកវគ្គបង្រៀនភាសាអង់គ្លេសដល់កីឡាករបាល់ទាត់របស់ខ្លួនហើយ។

ចំពោះមូលហេតុនៃការបើកវគ្គភាសាអង់គ្លេសដើម្បីបង្រៀនដល់កីឡាកររបស់ខ្លួនបែបនេះ គឺដោយសារតែកីឡាករសញ្ជាតិវៀតណាម ទាំងអស់នៅក្នុងលីកកំពូលវៀតណាមទាំងមូល មានកម្រិតភាសាអង់គ្លេសខ្សោយខ្លាំងមែនទែន ដែលវាធ្វើឱ្យប៉ះពាល់ដល់ទម្រង់លេងរបស់ក្រុមយ៉ាងខ្លាំង ដោយសារតែការមិនយល់គ្នារឿងភាសា រវាងកីឡាករ និងគ្រូបង្វឹក។

ជាក់ស្តែង ដូចជាកីឡាករម្នាក់របស់ក្លិប Hanoi FC មិនមានឱកាសលេងសូម្បីតែ 1ប្រកួត ក្រោយពេលផ្ទេរចេញទៅលេងនៅលីកហូឡង់ ពេញ​​ 1រដូវកាល គឺដោយសារតែមិនអាចទំនាក់ទំនងជាមួយមិត្តរួមក្រុម ក៏ដូចជាគ្រូបង្វឹកបានពេលនៅទីនោះ៕

មិនថាហេតុការណ៍ដែលធ្វើឱ្យអ្នក និងគេ(ឬនាង)ត្រូវដើរបែរខ្នងដាក់គ្នានឹងធ្ងន់ធ្ងរប៉ុនណាក៏ដោយ តែបើសិនជាមានពាក្យ “សុំទោស” បន្លឺចេញមកពីមាត់របស់អ្នកដែលដឹងខ្លួនថាខុសវិញនោះ សម្ព័ន្ធភាពដែលមើលទៅហាក់ដូចជាបម្រុងនឹងដាច់ភឹងទៅហើយនោះ អាចនឹងងាកមកផ្គុំគ្នាជាថ្មីម្តងទៀតឡើងវិញបាន ព្រោះពាក្យ “សុំទោស” ប្រៀបដូចជាអាគមគាថាចងភ្ជាប់ភ្ជិតស្នាមប្រេះបែករបស់គូស្នេហ៍គ្រប់រូបដូច្នោះដែរ។ ចូរសាកល្បងយកពាក្យណែនាំខាងក្រោមនេះទៅប្រើប្រាស់សាកលមើល ដើម្បីក្រែងលោទាស់ចិត្តគ្នាលើកក្រោយ អ្នកនឹងហ៊ានសម្រេចចិត្តធ្វើជាអ្នកចូលទៅសុំទោសបានមិនទើសទាល់។

1 – រំលឹកហេតុការណ៍ឡើងវិញក្នុងខណៈពេលដែលអ្នកមានអារម្មណ៍ត្រជាក់ឡើងវិញហើយ បូកជាមួយសេចក្តីស្រឡាញ់ដែលអ្នកនៅមានចំពោះរូបគេផងនោះ នឹងធ្វើឱ្យអ្នកមើលឃើញហេតុការណ៍ពេលឈ្លោះទាស់ទែងគ្នានោះយ៉ាងយុត្តិធម៌ និងច្បាស់​លាស់ឡើង និងមានអារម្មណ៍ពេញចិត្ត និងស្ម័គ្រចិត្តក្នុងការពោលពាក្យ “សុំទោស”។

2 – បើអ្នកមានអារម្មណ៍ថាញាប់ញ័រ ឬភ័យ អ្នកអាចហាត់និយាយមើលសិនក៏បាន ដោយនិយាយឱ្យបានតាមចំណុចដែលបានកត់ត្រាទុក វានឹងធ្វើឱ្យអ្នកអាចគ្រប់គ្រងស្ថានការណ៍នៅពេលនោះបាន។

3 – ការទទួលស្គាល់កំហុសដែលត្រូវចំចំណុច ក្រៅពីជួយផ្គុំភ្ជិតស្នាមប្រេះឆាបានឆាប់ហើយ នៅជាការបង្ហាញនូវភាពប្រកាន់ខ្ជាប់លើគំនិតដែលត្រឹមត្រូវរបស់អ្នកទៀតផង។

4 – កុំគិតនិយាយដោះសារកែខ្លួនឱ្យសោះ ព្រោះបើអ្នកដោះសារកែខ្លួន ឬអាងនេះអាងនោះ អ្នកមិនចាំបាច់ទៅសុំទោសគេ(ឬនាង)ទេ ព្រោះវានឹងធ្វើឱ្យក្លាយជារឿងវែងឆ្ងាយឥតប្រយោជន៍។

5 – ខណៈពេលដែលគេ(ឬនាង)និយាយ អ្នកគួរឈប់ និងស្តាប់យ៉ាងតាំងចិត្ត និងគិតទៅតាមអ្វីដែលគេ(ឬនាង)និយាយវានឹងធ្វើឱ្យអ្នកយល់ពីអារម្មណ៍របស់គេ(ឬនាង) និងអាចកែសម្រួលភាពយល់ដឹងអំពីគ្នាបានកាន់តែងាយឡើង។

6 – មិនថាគេ(ឬនាង)ជះខ្លាំងៗមកយ៉ាងណា ឬមានប្រតិកម្មមិនពេញចិត្តរូបអ្នកយ៉ាងណាក៏ដោយ ក៏អ្នកចាំបាច់ត្រូវតែទទួលយក និងនៅស្ងៀមឱ្យបានខ្លាំងបំផុតតាមដែលអាចធ្វើបាន ព្រោះការនៅស្ងៀមរបស់អ្នកនឹងជួយឱ្យអារម្មណ៍របស់គេ(ឬនាង) ស្ងប់ទៅវិញបានរហូតដល់អ្នកចាប់ផ្តើមមានឱកាសក្នុងការនិយាយនូវអ្វីដែលអ្នកបានត្រៀមមក។

7 – សាកល្បងសួរគេទៅមើល៍ថា តើមានវិធីណាខ្លះដែលអ្នកល្មមអាចធ្វើបានដើម្បីជាការសងទៅគេ(ឬនាង)វិញបានតាមដែលអ្នកអាចធ្វើទៅបានដើម្បីជាការផ្សារភ្ជិតស្នាមប្រេះឆា និងធ្វើឱ្យសម្ព័ន្ធភាពរវាងរូបអ្នក និងគេ(ឬនាង)វឹលត្រឡប់មកដូចពីដើមវិញយ៉ាងហោចណាស់ក៏ដើម្បីកូនដែរ។

8 – កុំធ្វើខុសក្នុងរឿងដដែលៗ ព្រោះគ្មាននរណាគេអភ័យទោសឱ្យអ្នកក្នុងរឿងដដែលៗបានគ្រប់តែពេលនោះទេ ដែលសំខាន់បំផុតគឺ ការធ្វើខុសក្នុងរឿងដដែលៗ មិនអាចនិយាយបានថាជាកំហុសឆ្គងនោះទេ តែជារឿងដែលអ្នកមានចេតនាចង់ធ្វើតែម្តងទាំងដឹងច្បាស់ហើយថា វាមិនត្រឹមត្រូវ។ បើវាដូច្នោះមែន ធានាថា “ពាក្យសុំទោស” មិនអាចជួយអ្វីអ្នកបានឡើយ មានសង្ឃឹមថាច្បាស់ជាបានលែងលះគ្នានៅថ្ងៃណាមួយមិនខាន៕

បច្ចុប្បន្ននេះ ប្រព័ន្ធអប់រំនៅកម្ពុជាបានប្រើប្រាស់បច្ចេកវិទ្យាកាន់តែច្រើនដើម្បីផ្តល់ការអប់រំដល់សិស្សានុសិស្សគ្រប់ទីកន្លែងក្នុងប្រទេស ព្រោះបញ្ហាវិបត្តិជំងឺ Covid-19 បានបង្ខំឱ្យក្រសួងត្រូវតែបិទសាលាដើម្បីសុវត្តិភាពសិស្សានុសិស្សទាំងអស់គ្នា។

ពាក់ព័ន្ធនឹងបញ្ហានេះ ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួង អប់រំ យុវជន និងកីឡា បានលើកឡើងថា បច្ចេកវិទ្យាមានសារៈសំខាន់ខ្លាំងណាស់សម្រាប់ការរៀន និងការបង្រៀនសម្រាប់យុគ្គសម័យបច្ចុប្បន្ននេះ តែដើម្បីឱ្យសិស្ស និងគ្រូជ្រួតជ្រាបច្បាស់ពីការ​អប់រំតាមរយៈបច្ចេកវិទ្យា ឬចេះប្រើបច្ចេកវិទ្យាទាំងអស់គ្នា គឺត្រូវប្រើរយៈពេល 10ឆ្នាំ។ ទោះជាយ៉ាងនេះក្តី សម័យ Covid នេះ​កម្ពុជាត្រូវបង្ខំទាំងអស់គ្នាឱ្យដើរលឿនជាងអ្វីដែលយើងធ្វើបាន 10ឆ្នាំ។

ជាបញ្ហាប្រឈមសម្រាប់ការបង្រៀន​តាមរយៈអនឡាញនេះ ឯកឧត្តមរដ្ឋមន្ត្រីបានបញ្ជាក់ថា ថវិការបស់យើងនៅមានកម្រិតនៅឡើយក្នុងការជំរុញការអប់រំតាមអនឡាញនេះបើប្រៀបធៀបជាមួយនឹងប្រទេសអភិវឌ្ឍជឿនលឿន ព្រោះទន្ទឹមនឹងយើងត្រូវ​បង្កើន​ការផលិតមេរៀន និងត្រូវការចំណាយថវិកាលើផ្នែកជាច្រើនទៀត យើងក៏ត្រូវតែជួយសន្សំសំចៃដល់រដ្ឋាភិបាលដើម្បីយកថវិកា​ទប់ស្កាត់បញ្ហាផលប៉ះពាល់នៃជំងឺ Covid-19។ តែទោះជាបែបនេះក៏ដោយ ឯកឧត្តមបញ្ជាក់ថា ការអប់រំតាមអនឡាញរបស់យើងនៅមានសមត្ថភាព និងគុណភាពដូចគេដូចឯង ឬអាចល្អជាប្រទេសមួយចំនួនផង។ បន្ថែមពីលើនេះ គឺអ្វីដែលគួរឱ្យកត់សម្គាល់គឺយើងមានទូរទស្សន៍ឌីជីថល ទទក2 ដែលកន្លងមកមិនមានប្រទេសច្រើនទេដែលអាចធ្វើបាន៕

តាមការប្រកាសបញ្ជាក់របស់ផលិតកម្មកងចក្រ បានឱ្យដឹងថា តារាក្បាច់គុនរបស់ប្រទេសឥណ្ឌូនេស៊ី ធ្លាប់បង្ហាញមុខនៅក្នុងភាពយន្ដJohn Wick 3 ត្រៀមមកបង្ហាញខ្លួន សម្ដែងនៅភាពយន្ដខ្នាតធំ Jailbreak 2 ដែលជាខ្សែភាពយន្តដែលបានជាប់ពានរង្វាន់ជាខ្សែភាពយន្តដ៏អស្ចារ្យមួយរបស់មហោស្រពភាពយន្ត Fantasia កាលពីឆ្នាំ2017។

ខ្សែភាពយន្ត Jailbreak បានបញ្ចូលក្បាច់គុនល្បុក្កតោទៅក្នុងសាច់រឿងដែលបានបង្ហាញពីភាពអង់អាច មោះមុត បង្កប់ទៅដោយតិចនិកនៃការវាយលុកសត្រូវពោរពេញទៅដោយស្មារតីក្លាហានគួរឱ្យចាប់អារម្មណ៍។ យ៉ាងណាមិញ រឿង Jailbreak 2 បានត្រឡប់មកវិញដោយមានការចូលរួមសម្តែងពីតួអង្គសំខាន់ដូចជា៖

● តារាភាពយន្តក្បាច់គុនឥណ្ឌូនេស៊ីទាំង2រូបគឺលោក Yayan Ruhian និង លោក Cecep Arif Rahman ដែលបានសម្តែងជាតួអង្គសំខាន់ក្នុងរឿង The Raid និង រឿង John Wick 3 – Parabellum ។
● តារាភាពយន្តក្បាច់គុនល្បុកតោខ្មែរទាំងបីគឺ លោក ហ្សង់ ប៉ូលី (Jean Paul Ly) លោក អ៊ួ​ តារា (Dara Our) និង កញ្ញា សំ ថារ័ត្ន (Sam Tharoth)។

ភាពយន្តខ្នាតធំនេះនឹងដឹកនាំរឿងដោយលោក Jimmy Henderson ដែលសហការជាមួយផលិតករភាពយន្ត គឺលោកតែឡូយដូចគ្នានឹងវគ្គ1 ដដែល។ បើតាមការគ្រោងទុក ភាពយន្តនេះនឹងចាប់ផ្តើមថតនៅឆ្នាំ 2021 ក្រោមកិច្ចសហការផលិតរួមគ្នាដោយ ផលិតកម្មកងចក្រភីកឈ័រ Kongchak Pictures និង ក្រុមហ៊ុនចែកចាយភាពយន្តវេស្ទិចមេឌាលីមីតធីត WML+ ៕

ប្រិយមិត្តខ្លះប្រហែលជាស្គាល់តារាចម្រៀងប្រចាំផលិតកម្មកាឡាក់ស៊ីណាវ៉ាត្រា កញ្ញា តន់​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ច័ន្ទសីម៉ា ជាតារាសម្រៀងមួយរូបកំពុងទទួលបានប្រជាប្រិយភាពខ្លាំង​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ក្នុងពេលបច្ចុប្បន្ន។ រាល់បទចម្រៀងដែលតារាស្រីរូបនេះចេញមកម្ដងៗ​​​​​​​​​​​​​​​​​​​​​​​​​​​​​​​​​​​​​​​​​ មានការគាំទ្រច្រើន ​​​​​​​​​​​​​​​​​​​​​​​​​​​​​​ជាពិសេស ​​​​​​​​​​​​​​​​​មានអ្នកចូលមើលមិនចេះតិច​​​​​​​​​​​​​​​​​​​​​​​​​​​​​​​​​​​​​​​​​​​។

យ៉ាងណាមិញកាលពីពេល​​​​​​​​​​​​​​​​​​​​​​​​​​​​​​​​​​​​ ថ្មីៗនេះ កញ្ញា តន់ ច័ន្ទសីម៉ា ​​​​​​​​​​​​​​​​​​​​​​​​​បានបង្ហោះវីដេអូមួយពីសកម្មភាពថត MV បទថ្មី ​​​​​​​​​​​​​​​​​​​​​តែអ្វីដែលធ្វើឱ្យនាង និង​ក្រុមការងារភ័យស្លន់ស្លោខ្លាំងនោះ ​​​​​​​​​​​​​​​​​​​​​​​​​​គឺពេលកំពុងថតសុខៗស្រាប់តែមានរន្ទះ ​​​​​​​​​​​​​​​​​​​នៅកន្លែងនាងដែលកំពុងថតតែម្ដង ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ហើយនាងក៏បាននិយាយថា៖ «មើល​​​​​​​​​​​​​​​​​​ឱ្យដល់ចប់បងប្អូនសកម្មភាពកំពុងថតលើកទី1ក្នុង

ជីវិតដែលជួបរឿងបែបនេះ​​​​​​​​​​​​​​​​​​​​​​​​​​​​​​​​​​​​​​​​​​ ភ័យរត់លែងចង់ទៅមុខ តែយ៉ាងណាក៏ខំប្រឹងប្រែងដើម្បីបងប្អូន ​​​​​​​​​​​​​​​​​​​​អរគុណដែលតែងតែគាំទ្រ»​​​​​​​​​​​​​​​​​​​​​​​​​​​​​​​​​​​​៕

ដើម្បីជ្រាបកាន់តែច្បាស់សូមទស្សនាវីដេអូខាងក្រោម៖

ខ្សែការពារមានបទពិសោធជោគជាំក្នុងអាជីពរបស់ខ្លួន គឺកីឡាករ ទូច បញ្ចរ៉ុង បានប្រកាសចូលនិវត្តន៍ពីអាជីពបាល់ទាត់ក្នុងវ័យ 33ឆ្នាំ និងក្លាយខ្លួនជាក្រុមការងារគ្រូបង្វឹករបស់យុវជនអាយុក្រោម 18ឆ្នាំ នៃក្លិបបឹងកេត។

កីឡាកររូបនេះបានបញ្ជាក់ថា ខ្លួនសម្រេចចិត្តចូលនិវត្តន៍នេះ គឺដោយសារតែចង់ភ្លក្សរសជាតិនៃអាជីពថ្មី ហើយណាមួយវ័យក៏កាន់តែជ្រេដែរហើយ និងចង់ដកឃ្លាពីអាជីពជាកីឡាករនេះផង។

បញ្ចរ៉ុង បាន​ចាប់ផ្ដើមលេងឱ្យបឹងកេតតាំង​ពីរដូវកាល2012 និងបាន​ជួយឱ្យក្លិបមួយនេះ ឈ្នះពានលីកកំពូលកម្ពុជា 3សម័យកាល ( 2012, 2016 និង 2017 ) និងឈ្នះពានរង្វាន់សម្តេច ហ៊ុន សែន លើកដំបូងក្នុងប្រវត្តិសាស្ត្រក្លិបនៅឆ្នាំ2019៕