Category: សង្គម និងសេដ្ឋកិច្ច

តារាសិល្បៈជាច្រើននាក់ រួមចំណែកទឹកចិត្តជួយរដ្ឋាភិបាលដើម្បីទិញវ៉ាក់សាំងកូវីដ១៩
កាលពេលកន្លងទៅ គ្រាប្រទេសជាតិជួបផលលំបាកដោយវិបត្តការរីករាលដាលវីរ៉ុសកូវីដ១៩ និងរងគ្រោះធម្មជាតិទឹកជំនាន់កាលពេលកន្លងទៅ ក៏គេឃើញមានសកម្មភាពសាមគ្គីភាពរបស់ប្រជាជនខ្មែរក្នុងការជួយគ្នាដូច។ នៅក្នុងនោះតារាសិល្បៈល្បី ក៏មិនឱបដៃមើល ហើយរួមចមណែកដើម្បីចូលរួមទិញវ៉ាក់សាំងកូវីដ១៩ ជាមួយរដ្ឋាភិបាលកម្ពុជាផងដែរ។
ជាក់ស្តែងក្នុងចំណោមបុគ្គលល្បីៗ ក៏មានម្ចាស់ផលិតកម្ម Galaxy Navatra ចូលរួមបរិច្ចាគថវិកា ១លានដុល្លារអាមេរិកផងដែរ។ តារាល្បីៗដែលបានបរិច្ចាគថវិកាហើយនោះរួមមាន៖ លោក ហេង ឡុង និងអ្នកនាង ចន ច័ន្ទលក្ខិណា ឧបត្ថម ១០០០ដុល្លារ តារាចម្រៀងប្រុសលំដាប់ជួរមុខនៅកម្ពុជា លោក ខេមរៈ សិរីមន្ត ឧបត្ថម ៤លានរៀល តារាចម្រៀងស្រី សួស វីហ្សា និងស្វាម៉ី លោក ថមមី ឧបត្ថម ១០០០ដុល្លារ តារាចម្រៀងសម្លេងស្អក ខេម តារាចម្រៀងស្រីវ័យក្មេងកំពុងក្តោបប្រជាប្រិយភាពពីយុវវ័យ និងជាគ្រាប់ពេជ្ររបស់ផលិតកម្ម Galaxy Navatra កញ្ញា តន់ ចន្ទសីម៉ា ទាំងពីរនាក់បរិច្ចាគម្នាក់ ១០លានរៀល។ នេះបើតាមការបង្ហោះជាសាធារណលើទំព័រហ្វេសប៊ុកផ្លូវការរបស់លោក ហេង ឡុង ស្វាម៉ីអ្នកនាង ចន ច័ន្ទលក្ខិណា ប្រធានសមាគមន៍សិល្បករខ្មែរ។
សូមជម្រាបថា គេជឿជាក់ថានឹងនៅតែមានបុគ្គលល្បីៗ រួមទាំងសិល្បករ សិល្បការនីល្បីៗផ្សេងទៀត ដែលនឹងចូលរួមបរិច្ចាគថវិកាតាមសទ្ធាជ្រះថ្លា ដើម្បីទិញវ៉ាក់សាំងវីដ១៩ មកចាក់ជូនប្រជាពលរដ្ឋដោយឥតគិតថ្លៃនៅពេលខាងមុខ៕

December 8, 2020
ផ្លូវជីវិតទាល់ច្រក ងងឹតគ្មានដំណោះស្រាយ អតីតអ្នកកំប្លែងអ្នកនាងខ្មិប បម្រុងលោតទឹកសម្លាប់ខ្លួន
កាលពីវេលាម៉ោង ១២និង៣០នាទី រំលងអធ្រាត្រ ឈានចូលថ្ងៃទី8 ខែធ្នូ ឆ្នាំ2020 អតីតតារាកំប្លែង អ្នកនាងខ្មិប បានដើរដល់ផ្លូវទាល់ច្រក បម្រុងលោតទឹកសម្លាប់ខ្លួន តែបានប្រជាពលរដ្ឋឃាត់ទាន់ បង្កការភ្ញាក់ផ្អើល នៅចំណុចលើស្ពានជ្រោយចង្វារចាស់ ស្ថិតនៅក្នុងសង្កាត់ស្រះចកខណ្ឌដូនពេញ រាជធានីភ្នំពេញ ។
តាមវីដេអូ Live នៅលើបណ្ដាញសង្គមហ្វេសប៊ុកគេបានឃើញអតីតតារាកំប្លែង អ្នកនាងខ្មិប ដែលមានឈ្មោះដើម រ៉េន សុធារី បានដើរឡើងស្ពាន ទាំងទឹកភ្នែក រួចដល់ពាក់កណ្តាលស្ពាន ក៏តោងបង្កាន់ដៃស្ពាន បម្រុងលោតចុះចូលទឹកទន្លេ ក៏ត្រូវបានអ្នកដំណើរឃាត់សួរនាំ និងពន្យល់កុំឱ្យគិតខ្លីបែបនេះ ។
អ្នកនាងខ្មិប បានរៀបរាប់ទាំងទឹកថា ខ្លួនទើបតែចេញមកពីមណ្ឌលកែប្រែ ហើយមិនមានអ្នកណាម្នាក់ អើពើនឹងជួយសុខទុក្ខនោះទេសូម្បីតែទៅជួលផ្ទះគេ ក៏គេមិនជួលឱ្យមិនដឹងថា ស្នាក់នៅកន្លែងណា នឹងទីពឹងអ្នកណានោះទេ ទើបសម្រេចចិត្ត បញ្ចប់ជីវិតតែម្តងទៅ ។ អ្នកនាងខ្មិប ចង់ឱ្យមានគេហៅទៅសម្តែងវិញ ឬក៏ច្រៀងតាមភោជនីដ្ឋានក៏បាន គ្រាន់ចិញ្ចឹមជីវិត ៕

December 8, 2020
ផ្ទះស្រោបមាសដ៏ស្រស់ស្អាតមួយខ្នង ទទួលបានភ្ញៀវមកទស្សនាខ្ទង់រយនាក់ជារៀងរាល់ថ្ងៃ
ក្រោយពីចំណាយពេល 6 ឆ្នាំ ក្នុងការគិតគូរ និងសាងសង់ គេហដ្ឋានស្រោបមាសមួយខ្នងដែលស្ថិតក្នុងបរិវេណដីទំហំ 1,500ម៉ែត្រការ៉េ របស់លោក Van Trung កំពុងតែធ្វើឱ្យមហាជនមានការចាប់អារម្មណ៍ជាខ្លាំងនៅទីក្រុង Can Tho។
ថ្មីៗនេះ «ផ្ទះស្រោបមាស» មួយខ្នង ដែលស្ថិតនៅក្នុងទីក្រុង Can Tho ភាគខាងត្បូងប្រទេសវៀតណាម បានក្លាយជាឈ្មោះដែលត្រូវបានគេនិយាយតៗគ្នាពីមាត់មួយទៅមាត់មួយ។ សម្ភារភាគច្រើននៅក្នុងផ្ទះនេះ ត្រូវបានស្រោបពណ៌លឿង នាំឱ្យគេឆ្ងល់ថា «តើនេះត្រូវបានគេស្រោបមាស ឬយ៉ាងណា?»។
ម្ចាស់របស់ផ្ទះពិសេសនេះ គឺលោក Nguyen Van Trung ដែលជាអ្នកជំនួញផ្នែកអចលនទ្រព្យម្នាក់នៅភាគខាងត្បូងប្រទេសវៀតណាម។ លោក Trung និយាយថា គំនិតអំពីផ្ទះនេះត្រូវបានលោកគិតតែងតែពីយូរមកហើយ ប៉ុន្តែ ទើបតែបានចាប់ផ្ដើមធ្វើកាលពី 6ឆ្នាំមុន។ ក្នុងនោះ ផ្ទះធ្វើអំពីឥដ្ឋសេរ៉ាមិច គឺជាចំណុចពិសេសនៅក្នុងហាងកាហ្វេរបស់លោក ដែលស្ថិតក្នុងទីក្រុង Can Tho។
លោក Trung ប្រាប់ថា នេះគឺជាលទ្ធផលដែលបានកើតឡើងពីការសន្សំនូវគំនិតថ្មី ប្លែកៗ ក្នុងគ្រាដែលលោកបានចេញទៅបរទេស។ បច្ចុប្បន្ន ផ្ទះនេះបានចាប់ផ្ដើមបើកទ្វារទទួលភ្ញៀវដែលមកកាន់ហាងកាហ្វេរបស់លោក និងទុកជាអនុស្សាវរីយ៍សម្រាប់ការទស្សនា និងថតរូប។ នៅទីនេះ គេក៏ឃើញមាន «ស្ថាបត្យកម្ម» តាមបែបបទប្រទេសផ្សេងៗ ចាប់ពីអឺរ៉ុប ដល់អាស៊ី។
ម្ចាស់ផ្ទះខាងលើបានបន្ថែមថា ជារៀងរាល់ថ្ងៃ មានមនុស្សមកទស្សនាផ្ទះរបស់លោក ប្រហែលជា 100 នាក់។ ចំណែកថ្ងៃចុងសប្ដាហ៍វិញ គឺមានភ្ញៀវច្រើនណាស់។
លោក Trung បញ្ជាក់ថា ក្រៅពីស្រោបមាស លោកក៏ជ្រើសរើសរុក្ខជាតិប្រណិតៗសម្រាប់តាំងលម្អផ្ទះនេះទៀតផង៕
ប្រភព៖ Soha
December 8, 2020
Honda ប្រកាសជួយស្រោចស្រង់ Botafugo ចេញពីតំបន់កាត់ចោល
អ្នកចាត់ការក្រុមជម្រើសជាតិកម្ពុជា Keisuke Honda បានបង្ហោះសារនៅក្នុងបណ្តាញ Twitter ថា ខ្លួននឹងមិនចាកចេញពីក្លិបនៅពេលនេះឡើយ ដោយលោកប្តេជ្ញាថា នឹងតស៊ូដើម្បីជម្នះការលំបាករបស់ក្លិប ជាមួយនឹងមិត្តរួមក្រុមរបស់ខ្លួន ហើយនឹងជួយក្រុមឱ្យឆ្លងផុតពីគ្រោះលំបាកនេះ។
នេះ គឺជាការធានា របស់ខ្សែប្រយុទ្ធសញ្ជាតិជប៉ុនខាងលើ បន្ទាប់ពីលោកត្រូវបានគេគិតថា នឹងចាកចេញពីក្លិបនៅពេលឆាប់ៗនេះ ដោយសារតែក្រុមមួយនេះកំពុងតែដុនដាបខ្លាំង ដោយសារតែស្ថិតនៅក្នុងតំបន់កាត់ចោលទៅលេងនៅលីគទី 2 ក្នុងក្របខណ្ឌលីគកំពូលប្រេស៊ីល។
គួរឱ្យដឹងដែរថា Keisuke Honda ទើបតែផ្លាស់ទៅលេងនៅក្លិប Botafugo មិនទាន់បាន 1រដូវកាលផង ក្រោយផ្លាស់ពីក្លិប Vittes កាលពីចុងឆ្នាំ2019 កន្លងទៅ ក្រោយប្រកបអាជីពមិនសូវសមប្រកបនៅក្លិបជាច្រើន៕
December 8, 2020
Albirex Niigata គ្រងជើងឯកលីគកំពូលសិង្ហបុរី ជាលើកទី4
កាលពីរាត្រីថ្ងៃអាទិត្យ ទី6 ខែធ្នូ ឆ្នាំ2020 កន្លងទៅនេះ លីគកំពូលសិង្ហបុរី (Singapore Premier League) បានបិទបញ្ចប់រដូវកាលរបស់ខ្លួនហើយ ដោយក្រុម Albirex Niigata ជាម្ចាស់ជើងឯកក្រោយយកឈ្នះក្រុម Hougang United ដោយលទ្ធផល 1ទល់នឹង0។
ការឈ្នះលើកនេះ គឺជាលើកទី4 របស់ក្លិបហើយ ខណៈដែលក្លិបបានប្រើធនធានកីឡាករជនជាតិជប៉ុន ស្ទើរតែទាំងស្រុង ក្នុងការយកឈ្នះកាលពីឆ្នាំ2016, 2017 និង2018 រួចមកហើយ។ បើនិយាយអំពី កៅអីពានរង្វាន់អន្តរជាតិវិញ ក្លិបនេះនឹងមិនទទួលបានឡើយ ទោះបីជាសិង្ហបុរី មានកៅអី3 នៅពាន AFC Champions League និង AFC CUP ក្តី ពីព្រោះក្រុមនេះ មិនត្រូវបានសិង្ហបុរីចាត់ទុកជាក្រុមតំណាងជាតិរបស់ខ្លួនឡើយ ពោលគឺ ដាក់ឱ្យលេងដើម្បី ឱ្យលីគសិង្ហបុរី មានការប្រកួតប្រជែងខ្ពស់តែប៉ុណ្ណោះ។
គួរបញ្ជាក់ផងថា ទោះជាទទួលបានតំណែងជើងឯកក្តី ប៉ុន្តែចំពោះក្លិប Albirex Niigata FC ពុំទទួលសិទ្ធិលេងក្នុងក្របខណ្ឌកម្រិតទ្វីបនោះឡើយ ដោយសារមូលហេតុជាក្លិបបរទេសនៅសិង្ហបុរី (សម្ព័ន្ធក្លិបធំនៅលីគលំដាប់ទី២ ជប៉ុន)។
ចំពោះក្លិប Timpines Rovers FC ដែលឈរចំណាត់ថ្នាក់ជើងឯក រដូវកាល2020 នឹងទទួលបានសិទ្ធិទៅលេងជម្រុះដណ្ដើមកៅអីក្នុងពូលនៃពានរង្វាន់ AFC Champions League ខណៈក្លិប 2ទៀត រួមមាន Lion City Sailors FC និងក្លិប Geylang International FC ទទួលបានកៅអីវគ្គចែកពូលក្នុងពានកម្រិតទ្វីបលំដាប់ទី២ AFC Cup៕
December 8, 2020
ឆ្នាំនេះ Robert រំពឹងថា ក្រុមខ្លួនអាចឈ្នះពាន Champions League ម្តងទៀត
ក្នុងបទសម្ភាសមួយ បន្ទាប់ពីបញ្ចប់ការប្រកួតទី5 ក្នុងពូលរួច កីឡាករខ្សែប្រយុទ្ធកណ្តាល Robert Lewandowski ដែលពាក់អាវលេខ9 របស់ក្លិប Bayern Munich បាននិយាយថា ខ្លួនបាននឹកស្រមៃ រួចទៅហើយថា នឹងបានលើកពានរង្វាន់មួយនេះ ម្តងទៀតនៅឆ្នាំនេះ។
ក្រុម Bayern Munich ជាក្រុមការពារតំណែងជើងឯកពានរង្វាន់ខាងលើ។ ពួកគេធ្វើបានល្អមែនទែនសម្រាប់រដូវកាលមុន ដោយលេងឈ្នះគ្រប់ប្រកួតតែម្ដង។ ដោយឡែកនៅរដូវកាលនេះវិញ ក៏មិនសូវជាខុសពីរដូវកាលមុនប៉ុន្មានដែរ។ ជាក់ស្ដែងនៅវគ្គសន្សំពិន្ទុ ក្រុមយក្សអាល្លឺម៉ង់មួយនេះ មិនទាន់ស្គាល់បរាជ័យនៅឡើយ៕
December 8, 2020
Spur នៅសល់តែ Son និង Hojbjerg ប៉ុណ្ណោះ ដែលចង់ឈ្នះពាន Europa League
លោក Jose Mourinho អ្នកចាត់ការក្លិប Tottenham Hotspur បាននិយាយកាលពីពេលថ្មីៗនេះថា កីឡាករមួយចំនួនរបស់លោក លែងមានអារម្មណ៍ចង់លេងក្នុងប្រកួត Europa League ទៀតហើយ បន្ទាប់ពីទាត់ស្មើជាមួយក្លិប PFC Ludogorets 1945 កាលពីការប្រកួតមុន។ លោកបន្ថែមថា ការប្រកួតពាននេះ មានតែខ្សែប្រយុទ្ធ Heung Min Son និងកីឡាករខ្សែការពារ Hojbjerg ប៉ុណ្ណោះ ដែលនៅចង់ឈ្នះពាននេះ។
គួរឱ្យដឹងដែរថា Spur គឺជាក្រុមដែលគេគិតថា ងាយស្រួលក្នុងការឈ្នះពានរង្វាន់នេះខ្លាំងជាងគេ ប៉ុន្តែក្លិបមួយនេះ ហាក់ធ្វើមិនសូវបានល្អទាល់តែសោះ។ នៅថ្ងៃទី11 ខែធ្នូ ឆ្នាំ2020 ខាងមុខនេះ Spur ត្រូវតែធ្វើយ៉ាងណា ឱ្យឈ្នះជាដាច់ខាត ដើម្បីបានអ៊ុតទៅលេងនៅវគ្គបន្ត ដ្បិតអីនៅពេលនេះកំពុងឈរលេខ2 ក្នុងពូល តែមិនទាន់ធានានៅឡើយទេ ដោយសារតែត្រូវជួបនឹងក្រុមកំពូលតារាង៕
December 8, 2020
ស្មាតហ្វូន VIVO X60 ចេញរាងច្បាស់ៗ ដែលក្រុមហ៊ុនដាក់មកជាមួយឆ្នាំងសាកលឿន 33 វ៉ាត់
ស្មាតហ្វូន VIVO X Series មានម៉ូដែល X60 និង X60 pro ដែលក្រុមហ៊ុនទើបនឹងធ្វើកម្មវិធីប្រកាសចេញ កាលពីខែតុលា កន្លងទៅ ត្រូវបានគេប្រទះឃើញ ចេញលើទីផ្សារបាត់ទៅហើយនៅក្នុងហាងដាក់តាំងផលិតផលរបស់ vivo នៅឯប្រទេសចិន។ X60 Series អាចនឹងត្រូវប្រកាសចេញជាផ្លូវការនៅក្នុងអំឡុងខែធ្នូនេះតែម្តង។
តាមរយៈគណនីបណ្តាញសង្គម Weibo ផ្លូវការរបស់ Digital Chat Station បានឱ្យដឹងថា vivo X60 នឹងបំពាក់មកជាមួយអេក្រង់លាតកោង មានគែមអេក្រង់ខ្លី កាមេរ៉ាមុខ ក្រោមអេក្រង់ 1គ្រាប់ មានទំហំតូច គួរឱ្យកត់សម្គាល់ ស្ថិតនៅចំកណ្តាលក្បែរគែមអេក្រង់ផ្នែកខាងលើ។
សម្រាប់ផ្នែកកាមេរ៉ាខាងក្រោយវិញ vivo X60 Pro នឹងភ្ជាប់មកជាមួយប្រព័ន្ធកាមេរ៉ា ដែលមានមុខងារទប់លំនឹងដូច Gimbal (Micro-Cloud) ដូចដែលយើងធ្លាប់ឃើញមាននៅលើ vivo X50 Pro អ៊ីចឹងដែរ។ កាមេរ៉ាក្រោយនេះ មានទម្រង់កាមេរ៉ា ស្រដៀងគ្នានឹង vivo X60 ដែរ ប៉ុន្តែវាមិនបានភ្ជាប់មកជាមួយប្រព័ន្ធកាមេរ៉ា Micro-Cloud ដូចនឹង vivo X60 Pro នោះទេ។
vivo X60 Series អាចនឹងត្រូវចែកចេញជា 3ម៉ូដែល ដោយក្នុងនោះ រួមមានដូចជា vivo X60, X60 Pro និង X60 Pro+។ ជាមួយគ្នានោះដែរ vivo X60 Pro ត្រូវបានគេរំពឹងថា នឹងប្រើប្រាស់បន្ទះឈីប Exynos 1080 របស់ Samsung ខណៈដែល vivo X60 Pro+ អាចនឹងប្រើប្រាស់បន្ទះឈីបរបស់ Qualcomm និងបំពាក់មកជាមួយឆ្នាំងសាកថ្ម ល្បឿនលឿន 33វ៉ាត់ ដោយឡែក តម្លៃនៅមិនទាន់ដឹងនៅឡើយទេ។
សូមទស្សនាវីដេអូ Live ខាងក្រោម៖
December 8, 2020
TikTok បានជួយឱ្យអ្នកលេងវ័យ 20ឆ្នាំម្នាក់ ក្លាយជាសេដ្ឋី
TikTok គឺជាបណ្ដាញសង្គមមួយក្នុងចំណោមបណ្ដាញសង្គមដែលមានអ្នកប្រើប្រាស់ច្រើនជាងគេបង្អស់នាបច្ចុប្បន្ន ហើយវាកំពុងតែក្លាយជាឱកាសសម្រាប់ការរកប្រាក់របស់យុវវ័យ តាមរយៈចំណង់ចំណូលចិត្តផ្ទាល់ខ្លួន។
យោងតាមស្ថិតិពី TikTok ក្នុងចំណោមជនជាតិអាមេរិកាំង3នាក់ដែលប្រើស្មាតហ្វូន គឺមានម្នាក់ប្រើប្រាស់បណ្ដាញសង្គម TikTok។ ដោយសារមូលហេតុនេះហើយ បើទោះជាមានការព្រមានទាក់ទងនឹងសន្តិសុខជាតិនៅសហរដ្ឋអាមេរិក ក្រុមហ៊ុនផ្សាយពាណិជ្ជកម្មជាច្រើននៅតែចាត់ទុក TikTok ជាកន្លែងដ៏ល្អដើម្បីធ្វើការឃោសនាផលិតផល។
ជាមួយនឹងអ្នកប្រើប្រាស់ប្រចាំខែប្រមាណជា 690លាននាក់នៅទូទាំងពិភពលោក បណ្ដាញសង្គម TokTok ត្រូវបានក្រុមអ្នកផលិតវីដេអូវាយតម្លៃថា មិនមានគូប្រជែងនៅលើទីផ្សារ បើគេពិនិត្យទៅលើលទ្ធភាពនៃការ «សាយភាយ» តួលេខអ្នកតាមដាន និងឱកាសអភិវឌ្ឍអាជីព។ TikTok ក្លាយជាផ្ទះថ្មីដែលបើកផ្លូវឱ្យក្រុមមនុស្សដែលមានឥទ្ធិពលបានរីកចម្រើន ពិសេសគឺក្រុមមនុស្សដែលមានឈ្មោះល្បីនៅលើ Youtube និង Instagram។
Michael Le អាយុ 20ឆ្នាំ ដែលចូលចិត្តបង្ហោះវីដេអូរាំកំសាន្តនៅលើ TikTok ទទួលបានការតាមដានពីអ្នកលេងបណ្ដាញសង្គមនេះចំនួន 42.5លាននាក់ និងមានអ្នកចុចចូលចិត្តជាង 1.2ពាន់លានលើក។ ថ្មីៗនេះ Michael Le បានទិញផ្ទះមួយខ្នងនៅ Los Angeles បន្ទាប់ពីបានរើមកពី Florida។
បច្ចុប្បន្ន Michael Le រស់នៅ និងធ្វើការជាមួយសមាជិក 7នាក់ផ្សេងទៀតនៅក្នុងក្រុមរបស់ខ្លួន រួមមាន ម្ដាយ និងប្អូនៗរបស់គាត់។ Michael Le ប្រាប់ថា៖ «ខ្ញុំមានអារម្មណ៍ថា មានសុវត្ថិភាពផ្នែកហិរញ្ញវត្ថុ។ ខ្ញុំគិតថា ខ្លួនបានជ្រើសរើសផ្លូវដែលឆ្លាតវៃ។ បច្ចុប្បន្ន ប្រាក់របស់ខ្ញុំបានឡើងដល់ 7ខ្ទង់»។
ប្រភពចំណូលចម្បងរបស់ Michael Le គឺបានមកពីទំនាក់ទំនងជាដៃគូនៅលើ TikTok ជាមួយនឹងចំណូលចាប់ពី 20,000 ដល់ 50,000ដុល្លារអាមេរិកសម្រាប់ការបង្ហោះអត្ថបទផ្សាយពាណិជ្ជកម្មមួយនៅលើទំព័រ TikTok។ Michael Le ធ្លាប់បានសហការជាមួយក្រុមហ៊ុនមួយចំនួន ដូចជា Amazon Prime Video, Bliss Skincare, Bang Energy, Postmate, Safeguard Soap និង Tums ផងដែរ។
Michael Le អាយុ 20ឆ្នាំ ដែលចូលចិត្តបង្ហោះវីដេអូរាំកំសាន្តនៅលើ TikTok ទទួលបានការតាមដានពីអ្នកលេងបណ្ដាញសង្គមនេះចំនួន 42.5លាននាក់ និងមានអ្នកចុចចូលចិត្តជាង 1.2ពាន់លានលើក។
Michael Le និយាយថា៖ «នោះពិតជារឿងដ៏ចៃដន់ សម្រាប់ក្រុមហ៊ុនណាដែលសម្រេចចិត្តសហការជាមួយខ្ញុំ។ ខ្ញុំពិតជាមានទឹកចិត្តបើកទូលាយជាមួយនឹងគ្រប់យ៉ាង។ ក្រុមហ៊ុនមួយដែលចង់ផ្សាយពាណិជ្ជកម្ម ខ្ញុំតែងផ្ដល់យោបល់ដល់ពួកគេ។ បើពួកគេនៅតែសម្រេចចិត្តជ្រើសរើសតាមផែនការដំបូង ពេលនោះ ខ្ញុំអាចនឹងយកថ្លៃខ្ពស់ជាងធម្មតា។ ក៏ប៉ុន្តែ បើសិនជាមានប្រការអ្វីមួយដែលមានលក្ខណបង្ខិតបង្ខំខ្លាំងពេកចំពោះខ្ញុំ ពេលនោះខ្ញុំនឹងមិនធ្វើឡើយ»។
ចំនួនអ្នកតាមដានកាន់តែច្រើន ប្រាក់ដែលរកបានពីការផ្សាយពាណិជ្ជកម្មក៏កាន់តែខ្ពស់។ ទំនាក់ទំនងរវាងក្រុមអ្នកផលិតវីដេអូ និងក្រុមហ៊ុនផ្សាយពាណិជ្ជកម្ម នាំមកនូវប្រយោជន៍រួម ពិសេស ចំពោះក្រុមហ៊ុន ឬយីហោចាស់។ ក្នុងករណីនេះ Michael Le បានឧទ្ធេសនាមក្រុមហ៊ុនផលិតភេសជ្ជប៉ូវកម្លាំង Bang Energy នៅលើបណ្ដាញសង្គម TikTok ក្រោយការធ្វើសកម្មភាពជាច្រើនឆ្នាំនៅលើបណ្ដាញសង្គម Youtube។
Evan Horowitz នាយកក្រុមហ៊ុនច្នៃប្រឌិត Movers + Shakers ដែលមានទីស្នាក់ការកណ្ដាលនៅទីក្រុង Los Angeles សហរដ្ឋអាមេរិក ឱ្យដឹងថា៖ «TikTok គឺជាបណ្ដាញសង្គមសម្រាប់មនុស្សជំនាន់ Z ដោយអ្នកលេងភាគច្រើនគឺមានអាយុក្រោម 18ឆ្នាំ។ ដូច្នេះហើយ ឱកាសធ្វើការជាមួយនឹងយីហោមួយជាលើកដំបូង គឺពិតជានឹងគួរឱ្យចងចាំ»។
បច្ចុប្បន្ន Michael Le មិនមែនជាម្ចាស់គណនី TikTok ដែលមានអ្នកតាមដានច្រើនជាងគេនៅក្នុងបណ្ដាញសង្គមរបស់ចិននេះទេ។ នារីចំទង់ វ័យ 16ឆ្នាំ ឈ្មោះ Charli D’Amelio ដែលមានទីលំនៅនៅ Los Angeles ទើបជាម្ចាស់គណនី TikTok ដែលមានអ្នកតាមដានច្រើនជាងគេបង្អស់៕
ប្រភព៖ Yahoo Finance
December 8, 2020
Apple មិនឆ្លើយតបសោះ រឿង iOS14.2 ស៊ីថ្ម ខ្លាំងឡើងៗ
ថ្មីៗនេះក្រុមអ្នកប្រើប្រាស់ បានរាយការណ៍បន្តបន្ទាប់គ្នា អំពីបញ្ហាថ្ម ស្រកចុះលឿនរហ័ស នៅលើឧបករណ៍ ដែលពួកគេបានដំឡើងដល់ជំនាន់ iOS 14.2។
រោគសញ្ញានៃបញ្ហា មានដូចជា ថ្មស្រកចុះលឿនខុសប្រក្រតី និងសាកថ្មយូរជាងធម្មតា។ អ្នកប្រើប្រាស់មួយចំនួនបានរាយការណ៍ថា ឧបករណ៍របស់ពួកគេ បានស្រកថ្មអស់ជាង 50% ក្នុងពេលមិនដល់ 30នាទីផង ហើយការប្រើប្រាស់ធម្មតា រយៈពេលតែប៉ុន្មាននាទីប៉ុណ្ណោះ ស្រកថ្មអស់ប្រមាណ 5%។
បញ្ហានេះ ទំនងជាទាក់ទងនឹង Software ដោយសារអ្នកប្រើប្រាស់មួយចំនួន សង្កេតឃើញថា ថ្មរបស់ពួកគេនៅកម្រិតខ្ពស់ រយៈពេលយូរទើបស្រុកចុះ ហើយពេលបិទ/បើកទូរស័ព្ទឡើងវិញ ឃើញថ្មឡើងខុសពីធម្មតា។ បញ្ហានេះហាក់ដូចជាកើតមានឡើងលើ iPhone ស៊េរីចាស់ៗ ច្រើនជាងគេ មានដូចជា iPhone XS, iPhone 7, iPhone 6s និង iPhone SE ជំនាន់ទី1។ iPad Pro ស៊េរី 2018 ដែលដំណើរការ iPadOS 14.2 ក៏ដូចជាមានបញ្ហានេះដែរ។
នៅលើ iOS 14.2 និង iPad 14.2 ជាប្រព័ន្ធប្រតិបត្តិការថ្មីចុងក្រោយបង្អស់ ដែលបាននាំមកនូវចំណុចថ្មីៗ ដូចជាការបន្ថែម Emoji ថ្មី, មុខងារ AirPods Optimized Battery Charging, មុខងារ People Detection និងផ្ទាំងរូបភាពថ្មី ជាដើម។
Apple មិនទាន់បានឆ្លើយតប ឬស្វែងរកដំណោះស្រាយបណ្ដោះអាសន្ន សម្រាប់អ្នកប្រើប្រាស់សោះនៅឡើយ ខណៈពេលដែល ការបង្ហោះលើបណ្ដាញសង្គម ដើម្បីរាយការណ៍អំពីបញ្ហាមួយនេះ កំពុងតែកើនឡើងច្រើនៗទៅ។ មិនខុសពីសព្វដង ចំពោះអ្នកដែលកំពុងជួបប្រទះនូវ បញ្ហាថាមពលថ្មដ៏ធ្ងន់ធ្ងរមួយនេះ នឹងត្រូវរង់ចាំដំណោះស្រាយពី Apple ទើបអាចត្រឡប់មកដូចដើមវិញបាន ឬត្រូវចាំដល់ជំនាន់ក្រោយ iOS 14.3 beta ជាដើម៕
December 8, 2020