Category: សង្គម និងសេដ្ឋកិច្ច

ក្រសួង​ប្រៃសណីយ៍ និង​ទូរគមនាគមន៍​កម្ពុជា បានប្រកាស​ជូនដំណឹង​ឱ្យ​ក្រុមហ៊ុន​ទូរគមនាគមន៍​ទាំងអស់​នៅ​កម្ពុជា បង្កើត​លេខ​កូដ​ថ្មី​មួយ​ដើម្បី​ងាយស្រួល​ដល់​អតិថិជន​ក្នុងការ​ផ្ដាច់​សេវាកម្ម​បន្ថែម​ណាមួយ​នៅក្នុង​ស៊ីម​ដែល​ពួកគេ​មិន​ចង់​ប្រើ ក្នុង​បំណង​បញ្ចប់​បញ្ហា​កាត់ទឹក​ប្រាក់​ពី​ក្នុង​ស៊ីម​ដោយ​មិនដឹង​ខ្លួន។

នៅក្នុង​សេចក្ដីជូនដំណឹង​ស្ដីអំពី​ការប្រើ​លេខ​កូដ *1200# ដើម្បី​ផ្ដាច់​សេវាកម្ម​ទូរស័ព្ទ​បន្ថែម ដែល​ត្រូវបាន​ធ្វើឡើង​ក្នុង​ថ្ងៃទី 11ធ្នូ​នេះ ក្រសួង​ប្រៃសណីយ៍ និង​ទូរគមនាគមន៍​កម្ពុជា បាន​ណែនាំ​ឱ្យ​និយ័ត​ករ​ទូរគមនាគមន៍​កម្ពុជា សហការ​ជាមួយនឹង​ប្រតិបត្តិ​ករ​ប្រព័ន្ធ​ទូរស័ព្ទ​ចល័ត​ទាំងអស់ បង្កើត​លេខ​កូដ *1200# សម្រាប់​អតិថិជន​ប្រើប្រាស់​ដើម្បី​ពិនិត្យ និង​ផ្ដាច់​រាល់​សេវាកម្ម​បន្ថែម​ដែល​ខ្លួន​មិនត្រូវ​ការ ចាប់ពី​ថ្ងៃ11ធ្នូ 2020 នេះ​តទៅ។

សេចក្ដីណែនាំ​របស់​ក្រសួង​ប្រៃសណីយ៍ និង​ទូរគមនាគមន៍​កម្ពុជា​នេះ ត្រូវបាន​ធ្វើឡើង​ក្រោយពី​មាន​ករណី​ជាច្រើន​បាន​កើតមានឡើង​អស់​រយៈពេល​ជាច្រើន​ឆ្នាំ រួម​នឹង​ការ​ត្អូញត្អែរ​ជា​បន្ត​បន្ទាប់ពី​សំណាក់​អ្នកប្រើប្រាស់ ទាក់ទិន​នឹង​បញ្ហា​ត្រូវ​ក្រុមហ៊ុន​ប្រព័ន្ធ​ទូរស័ព្ទ កាត់ទឹក​ប្រាក់​ក្នុង​ស៊ីម​ដោយ​មិនដឹង​មូលហេតុ។ ព័ត៌មាន​បន្ថែម សូម​អាន​សេចក្ដីជូនដំណឹង​របស់​ក្រសួង​ប្រៃសណីយ៍ និង​ទូរគមនាគមន៍​កម្ពុជា ដូចខាងក្រោម៖

លេខនេះទស្សនាវដ្តី ឡា រ៉ែន មានវិធីដាំបាយដើម្បីទុកទទួលទានឲ្យបានច្រើនថ្ងៃដោយបាយមិនផ្អូម មកជំរាបជូនបុរសមេផ្ទះ និងស្រ្តីមេផ្ទះទាំងឡាយណាដែលមិនសូវមានពេលវេលាក្នុងការដាំបាយ ឬខ្ជឹលដាំច្រើនដងដូចតទៅ ៖

វិធីគឺសែនងាយបំផុត បន្ទាប់ពីលាងសំអាតអង្ករួចហើយ ចូរដាក់ទឺកសាជូចូលទៅផង ដោយអត្រា អង្ក 3កំប៉ុង ប្រើទឹកសាជូប្រមាណមួយស្លាបព្រាកាហ្វេ រួចហើយដាក់ដាំតាមធម្មតា ។ តែប៉ុណ្ណឹងលោកអ្នកនឹងបានបាយឆ្អឹនដែលដួសពិសា ហើយដួសពិសាទៀត រួចទុកចោលនៅក្នុងឆ្នាំង 4-5ថ្ងៃ ក៏មិនខូច មិនផ្អូម មិនជោរទឹក ទុកពិសាបានច្រើនថ្ងៃមិនខាន ៕

បើនិយាយពីប្រទេសឥណ្ឌា ឈ្មោះរបស់ទីក្រុង Mumbai សម្រាប់មនុស្សមួយចំនួនច្បាស់ជាធ្លាប់ឮខ្លះៗមកហើយមិនខាន។ ជាទីក្រុងដ៏ធំមួយរបស់ប្រទេសដែលពេញណែនទៅដោយប្រជាជនយ៉ាងកុះករ។ ជាទីក្រុងចម្បងនៃមជ្ឈមណ្ឌលពាណិជ្ជកម្ម និងភាពរីកចម្រើននៃរដ្ឋ មហារាស្ត្រៈ ដែលបង្កប់ទៅដោយចំហាយវប្បធម៌លោកខាងលិចយ៉ាងពេញបរិបូរណ៍…តែនៅពីក្រោយភាពរីកចម្រើនខាងផ្នែកសង្គមនេះ Mumbai នៅបង្កប់ដោយភាពរីកចម្រើនខាងផ្នែកស្ថាបត្យកម្ម និងប្រវត្តិសាស្ត្រដ៏យូរលង់ទៀតផង។ ថ្ងៃនេះ យើងនឹងនាំមិត្តអ្នកអានទាំងអស់ទៅធ្វើទស្សនាចរក្នុងទីក្រុងដែលធំ និងសំខាន់បំផុតរបស់ប្រទេសឥណ្ឌាដែលមានឈ្មោះថា Mumbai ។

ប្រើពេលវេលាក្នុងការធ្វើដំណើរតាមក្រុមហ៊ុនអាកាសចរណ៍ដ៏ល្បីឈ្មោះមួយត្រឹមតែ 4ម៉ោងប៉ុណ្ណោះ យើងក៏មកដល់អាកាសយានដ្ឋាន Mumbai Chhatrapati Shivaji (អាកាសយានដ្ឋានអន្តរជាតិ ឆាត្រាប៉ាទី ស៊ីវ៉ាជី)ដោយសុវត្ថិភាព។

ដូចដែលបានជម្រាបជូនពីខាងដើមរួចហើយថា ទីក្រុង មុមបៃ នេះជាទីក្រុងធំមួយដែលមានភាពសម្បូរបែបខាងផ្នែកវប្បធម៌ច្រើនណាស់ ដូច្នេះហើយទើបមណ្ឌលទេសចរណ៍នៅក្នុងទីក្រុងមុមបៃនេះ មានភាពខុសប្លែកពីគេយ៉ាងស្រឡះតែម្ដង៖ មានទាំងទីកន្លែងទេសចរណ៍ខាងប្រវត្តិសាស្ត្រ កន្លែងកម្សាន្តដែលអាចរាប់បានថាជា លែនដ៍ម៉ាក ឬសូម្បីតែការដើរថតរូបតាមដងផ្លូវក្នុងទីក្រុងមុមបៃក៏អាចនិយាយបានថា ជាមន្តស្នេហ៍មួយទៀតដែលហាមខកខានសម្រាប់ការមកលេងទីក្រុងមុមបៃ។ ឥឡូវយើងសាកល្បងនាំគ្នាទៅមើលមើល៍ថា តើមហានគរមួយនេះមានអ្វីគួរឱ្យចាប់អារម្មណ៍ខ្លះ?

1.Gateway of India

ចាប់ផ្ដើមនៅឯអនុស្សាវរីយ៍ខ្លោងទ្វារជ័យនៃឥណ្ឌា តាំងយ៉ាងធំជ្រងោនៅតាមមាត់ទន្លេក្នុងតំបន់ អៈផលឡូ បាន់តឺរ។ ខ្លោងទ្វារជ័យមួយនេះសាងឡើងដើម្បីធ្វើជាអនុស្សាវរីយ៍ក្នុងឱកាសដែលព្រះមហាក្សត្រ ចច ទី5 និងព្រះរាជិនី មែរី ស្ដេចយាងមកប្រទេសឥណ្ឌា។ សាងឡើងអំពីឥដ្ឋពណ៌ទឹកឃ្មុំ ពេលត្រូវពន្លឺព្រះអាទិត្យនាពេលព្រឹកព្រលឹម ខ្លោងទ្វារជ័យនេះនឹងជះពន្លឺភ្លឺត្រចះត្រចង់ស្រស់ស្អាតជាទីបំផុត ជាលែនដ៍ម៉ាករបស់មុមបៃដែលអ្នកណាៗក៏ត្រូវតែមកទស្សនាទីនេះដែរ។

2.Taj Mahal Palace Hotel

នេះគឺ សណ្ឋាគារដែលត្រូវបានគេរំឭកដល់យ៉ាងល្បីល្បាញទូទាំងពិភពលោកក្នុងរឿងភាពស្រស់ស្អាតនៃការរចនាម៉ូដ។ Taj Mahal Palace Hotel ស្ថិតនៅជាប់នឹងអនុស្សាវរីយ៍ខ្លោងទ្វារជ័យ បានទទួលកម្លាំងជំរុញចិត្តក្នុងការកសាងមកពី Taj Mahal និងកាលពីមុន ទីនេះធ្លាប់ជាកន្លែងទទួលបដិសណ្ឋារកិច្ចរបស់ Queen Elizabeth នៃរាជវង្សអង់គ្លេសទៀតផង ហើយទីនេះទៀតសោតថែមទាំងអាចហៅបានថា ជាកន្លែងថតរូបដែលស្អាតបំផុតប្រចាំទីក្រុងមុមបៃ ដែលគេនិយាយថា បើបានមកទស្សនាទីក្រុងនេះហើយ មិនបានថតរូបនៅ Taj Mahal Palace Hotel គឺហាក់ដូចជាមិនបានមកដល់ទីនេះអ៊ីចឹង។

3.Elephant Caves

បន្ទាប់ពីថតរូបទុកជាអនុស្សាវរីយ៍បាន 2កន្លែង ទាំងខ្លោងទ្វារជ័យ និង Taj Mahal Palace Hotel រួចហើយ ក៏ដល់ពេលវេលាធ្វើដំណើរបន្តទៅ Elephant Caves ឬល្អាងរោងដំរី ដែលស្ថិតនៅលើកោះកណ្ដាលសមុទ្រ ដោយត្រូវជិះទូកពីត្រើយម្ខាង ប្រើពេលប្រមាណជា 45នាទី និងនៅពេលទៅដល់ហើយ នៅត្រូវធ្វើដំណើរថ្មើរជើងបន្តទៀតប្រមាណជា 20នាទី ដើម្បីឡើងទៅបរិវេណល្អាងរោងដំរីមួយនេះ។ ល្អាងរោងដំរីនេះអាចនិយាយបានថា ជាបេតិកភណ្ឌពិភពលោកដែលកើតឡើងដោយស្នាដៃរបស់មនុស្សក៏មិនខុសដែរ និងថែមទាំងត្រូវបានរក្សាទុកជាកេរមរតករបស់ពិភពលោកទៀតផង។ គ្រប់បន្ទប់ធំៗនៅក្នុងល្អាងនេះ ត្រូវបានចោះដោយស្នាដៃរបស់មនុស្សទាំងអស់។ ទីនេះត្រូវបានគេសន្និដ្ឋានថា សាងឡើងដើម្បីថ្វាយជូនអង្គព្រះសិវៈតាំងពីពុទ្ធសករាជទី1,000។ នៅខាងក្នុងមានការឆ្លាក់ក្បាច់រចនារបស់អង្គព្រះសិវៈ និងអាទិទេពផ្សេងៗក្នុងសាសនាហិណ្ឌូយ៉ាងល្អវិចិត្រ ជាស្ថាបត្យកម្មដែលអស្ចារ្យ និងមិនអាចកាត់ថ្លៃបានយ៉ាងពិតប្រាកដ។

(នៅមានត)

កាលពី​ប្រមាណ​ជា 2សប្តាហ៍​មុន កីឡាករ​ប្រដាល់​អាជីព Floyd Mayweather បានប្រកាស​វិលត្រឡប់​មកកាន់​សង្វៀន​វិញ ដោយ​នឹងចូលរួម​ក្នុង​កម្មវិធី​ប្រដាល់​មួយ​នៅក្នុង​ប្រទេស​ជប៉ុន នា​ខែកុម្ភៈ ឆ្នាំ2021 ខាងមុខនេះ តែ​មិនទាន់​ច្បាស់​អំពី​គូប្រកួត​នៅឡើយ។

មកទល់នឹង​ពេលនេះ គេ​បានបង្ហាញ​សមាសភាព​គូប្រកួត​ហើយ តែ​ដៃគូ​លើក​នេះ មិនមែនជា​អ្នក​ប្រដាល់​ឡើយ ដោយ​គេ​គឺជា​តារា​យូ​ធូប​ដ៏​ល្បី​មួយរូប​គឺ លោក Logan Paul ដែលមាន​អ្នក Subscriber ច្រើនជាង​ប្រជាជន​កម្ពុជា​ទូទាំងប្រទេស​ទៅទៀត គឺ​ដល់​ទៅជិត 23លាន​នាក់​ឯណោះ។

តាម​គម្រោង​នៃ​ការរៀបចំ​ការប្រកួត រវាង Floyd និង Logan Paul នឹងត្រូវ​វាយ​គ្នា នៅ​ថ្ងៃទី20 ខែកុម្ភៈ ឆ្នាំ2021។ សូម​ជម្រាប​ដែរ​ថា តារា Youtube របស់​អាមេរិក Logan Paul ធ្លាប់​ប្រកួត​បែប​អាជីព​តែម្ដង​គត់។ ដោយ​កាលនោះ វាយ​ជាមួយ​តារា Youtube ដូចគ្នា ឈ្មោះថា KSI ហើយ​លទ្ធផល​បាន​ត្រឹម​ចាញ់​ប៉ុណ្ណោះ៕

កាលពី​ថ្ងៃទី6 ខែធ្នូ ឆ្នាំ2020  Paris Saint Germain បាន​យកឈ្នះ​ក្រុម Montpellier ដោយ​លទ្ធផល 3ទល់នឹង1 ក្នុង​ការប្រកួត​ក្របខ័ណ្ឌ​លី​គ​កំពូល​បារាំង ខណៈដែល Mbappe ក៏​រកបាន 1គ្រាប់​នឹង​គេ​ដែរ នៅពេល​ចុង​ម៉ោង។

1គ្រាប់​នេះ បាន​នាំឱ្យ​កីឡាករ​វ័យ 21ឆ្នាំ​រូបនេះ រកបាន​គ្រប់ 100គ្រាប់​គត់​សម្រាប់​ក្លិប PSG ពី​គ្រប់​កម្មវិធី​ប្រកួត​ទាំងអស់ ខណៈដែល​ខ្លួនគេ ទើបតែ​មក​ចូលរួមបាន 4រដូវ​កាល​ប៉ុណ្ណោះ ដែល​នេះ ជា​កំណត់ត្រា​ស៊ុត​បាល់ប​ញ្ជូ​ល​ទី បាន​ច្រើនជាងគេបង្អស់​នៅក្នុង​ក្លិប ហើយ​កំណត់ត្រា​នេះ ត្រូវបាន​តាម​ពីក្រោយ​ដោយ​កីឡាករ Neymar (៧៦ គ្រាប់),  និង​Cavani ( 70គ្រាប់)។

ចំពោះ​កំណត់ត្រា ដ៏​អស្ចារ្យ​បែបនេះ Mbappe ក៏បាន​និយាយ​ដែរ​ថា តាមពិត​ខ្លួន​ប្រុង​នឹង​រកបាន 100គ្រាប់ តាំងពី​ខែវិច្ឆិកា​កន្លងទៅ​ម្ល៉េះ តែដោយសារ​តែ​គិតពី​វា​ខ្លាំងពេក ទើប​ចេះតែ​មិនអាច​ធ្វើបាន​សោះ ក្នុង​ប៉ុន្មាន​ខែ​កន្លងទៅនេះ និង​ទើបតែ​ការប្រកួត​ពី​ម្សិលមិញ​នេះឯង ទើប​គេ​អាចធ្វើ​បានសម្រេច៕

ស្មា​ត​ហ្វូ​ន Samsung ម៉ូ​ដែល Galaxy S21, S21+ និង Galaxy S21 Ultra ទើបតែ​ទទួលបាន​ការអនុញ្ញាត​ពី​ស្ថាប័ន ANATEL ក្នុងប្រទេស​ប្រេ​ស៊ី​ល ដោយ​ពួកវា​នឹងមាន​លេខ​កូដ​សម្គាល់ SM-G991B/DS, SM-G996B/DS និង SM-G998B/DS ។ នេះ​បើតាម​ការចុះផ្សាយ​របស់​វេ​ប​សាយ​ប្រេ​ស៊ី​ល​មួយ​ឈ្មោះ Tecnoblog ។

ព្រោះថា នៅក្នុង​ឯកសារ ដែល​ចុះបញ្ជី​នៅ​ស្ថាប័ន ANATEL មិនមាន​បង្ហាញ​ព័ត៌មាន​អ្វី​ច្រើន អំពី​ស្មា​ត​ហ្វូ​ន Galaxy ថ្មី​នេះ​ទេ ប៉ុន្តែ​វា​បានបញ្ជាក់​អំពី​ការផ្លាស់ប្ដូរ​ដ៏​ធំ​មួយ។

ប្រភព​ដដែល​បាន​និយាយថា Galaxy S21 ទាំង 3ម៉ូ​ដែល នឹងមិន​មាន​ដុំ​សាក​នៅក្នុង​ប្រអប់​ទេ ហើយ​កាស​ស្ដាប់ ក៏​មិនមាន​បញ្ចូលមក​ជាមួយ​ដែរ។ ព័ត៌មាន​នេះ ហាក់ដូចជា​ត្រូវ​គ្នា នឹង​ពេលកន្លងមក ដែលមាន​ពាក្យ​ចចាមអារ៉ាម​ថា Samsung នឹង​ដក​ដុំ​សាក​ចេញពី​ស្មា​ត​ហ្វូ​ន​ជំនាន់​ថ្មី​របស់ខ្លួន៕

Wuhan Huawei Optical Factory Project (Phase II) ដែល​ត្រូវបាន​គេ​ដឹងថា ជា​រោងចក្រ សម្រាប់​ផលិត​ឈី​ប​ក្នុងស្រុក​ដំបូងបង្អស់​របស់ Huawei នោះ ត្រូវបាន​បញ្ចប់​ការសាងសង់​ជា​ផ្លូវការ​ហើយ។

រោងចក្រ​ផលិត​ឈី​ប​ដំបូង​របស់ Huawei នេះដែរ ត្រូវបាន​គេ​បញ្ជាក់ថា មាន​ទំហំ​ផ្ទៃក្រឡា​ប្រមាណ​ជា 208,900ម៉ែត្រការ៉េ នឹងមាន​ទីតាំង ស្ថិតក្នុង​ទីក្រុង Wuhan ផ្ទាល់​តែម្ដង។

រោងចក្រ​ដំបូង ដែល​ធ្វើឡើង សម្រាប់​បើក​ការផលិត​ឈី​បរ​បស់ Huawei ត្រូវបាន​គេ​បញ្ចប់​ការសាងសង់​ហើយ ដូច្នេះ​ចង្វាក់​ផលិតកម្ម​ឈី​ប អាច​នឹង​ចាប់ផ្តើម​ក្នុងពេលឆាប់ៗខាងមុខនេះ។

មិនមែន​ត្រឹមតែ​ជា​រោងចក្រ​ផលិត​ឈី​ប​ប៉ុណ្ណោះ​ទេ ប៉ុន្តែ Huawei ក៏បាន​ប្រើប្រាស់​វា ធ្វើជា មជ្ឈមណ្ឌល​សិក្សា​ស្រាវជ្រាវ និង​អភិវឌ្ឍន៍​បច្ចេកវិទ្យាផ្សេងៗ R&D Research & Development ឬក៏​អាចជា​រោងចក្រ​ផលិត​គ្រឿង​អេ​ឡិច​ត្រូ​និ​ចផ្សេងៗទៀត  ព្រមទាំង​អាច​នឹងត្រូវ​ក្រុមហ៊ុន​ខាងលើ ប្រើប្រាស់​ជា​កន្លែង​សម្រាប់ធ្វើ​ការអភិវឌ្ឍ Software សម្រាប់​ឧបករណ៍​ចល័ត​នានា​ផងដែរ៕

កាលពីពេលថ្មីៗនេះ YouTube បានប្រកាស​អាប់​ឌែ​ត​បន្ថែម នូវ​មុខងារថ្មីៗ នាពេលឆាប់ៗខាងមុខនេះ ដោយ​អនុញ្ញាតឱ្យ​លោកអ្នក អាច Live Stream ជា​វីដេអូ​ប្រភេទ HDR (High Dynamic Range) សម្រាប់​អ្នកប្រើប្រាស់​ទាំងអស់ ស្រប​ពេលដែល​កន្លងមក ប្រសិនបើ​ចង់​ផ្សាយ​ផ្ទាល់ មិនអាច​ឈានដល់​កម្រិត​ច្បាស់​បែបនេះ​ទេ ពោលគឺ​ត្រឹមតែ 1080HD ប៉ុណ្ណោះ។

ការ​អាប់​ឌែ​ត​បែបនេះ បានធ្វើឱ្យ YouTube ក្លាយ​ពី​ជា​វេ​ប​សាយ​ដំបូង​មួយ ក្នុងចំណោម​វេ​ប​សាយធំៗដទៃទៀត ដែលមាន​សមត្ថភាព​គាំទ្រ​វីដេអូ HDR នៅពេល​ផ្សាយ​បន្ដ​ផ្ទាល់​បាន។

វេ​ប​សាយ​វីដេអូ​ដ៏​ល្បីល្បាញ YouTube នេះ​ផងដែរ កាលពី​អំឡុង​ឆ្នាំ2016 បាន​បន្ថែម​សមត្ថភាព​បង្ហោះ និង​មើល​វីដេអូ ជា​ប្រភេទ HDR បាន​នៅ​ចុងឆ្នាំ2020 ។ ពួកគេ​ក៏បាន​បន្ថែម​ឱ្យ​ផ្សាយ​បន្ដ​ផ្ទាល់​បាន​ទៀត ដើម្បី​អាចឱ្យ​អ្នកប្រើប្រាស់​ទាំងឡាយណា ដែលមាន​ឧបករណ៍​គាំទ្រ​អេក្រង់ HDR ទទួលបាន​បទពិសោធ​ល្អប្រសើរ​ជាង​មុន។

តើ HDR មាន​មុខងារ​សំខាន់​អ្វីខ្លះ? ការ​ទស្សនា​វីដេអូ​ជា​ប្រភេទ HDR នឹង​ផ្ដល់ជូន​ផ្នែក​មាន​ពណ៌​ខ្មៅ កាន់តែ​ងងឹត​ជាង​ធម្មតា ហើយ​កន្លែង​មាន​ពណ៌​ស កាន់តែ​ភ្លឺ​ខ្លាំង​ថែមទៀត ព្រមទាំង​បង្ហាញឱ្យឃើញ​កាន់តែ​លម្អិត​ជាង​មុន នៅត្រង់​កន្លែង​មាន​ស្រមោល ជាមួយ​សាច់​ពណ៌ ដែល​កាន់តែ​ដិត​ស្រស់​មែនទែន។

បច្ចុប្បន្ននេះ YouTube បានផ្ដល់​ជូន​នូវ​ការគាំទ្រ​លើ​ខ្នាត HDR10 និង HLG ស្ដង់ដា ហើយ​ក្រុមការងារ Google សង្ឃឹមថា នឹង​អាច​ពង្រីក​ខ្នាត​វីដេអូ ឱ្យបាន​ល្អប្រសើរ​ជាង​នេះ នៅពេល​ខាងមុខ៕

នៅថ្ងៃនេះ នៅលើ​វេ​ប​សាយ Apple បានបង្ហាញ​ចេញ​ជា​ផ្លូវការ នូវ​កាស​ស្ដាប់​ក្ដោប​ត្រចៀក ឥត​ប្រើ​ខ្សែ ម៉ូ​ដែល​ថ្មី មួយទៀត​ឈ្មោះ  AirPods Max ដែលមាន​តម្លៃ 349ដុល្លារ ដោយឡែក​នៅលើ​ទីផ្សារ​បរទេស អាចមាន​តម្លៃ 549ដុល្លារ ។ AirPods Max នឹង​ចេញលក់​ចាប់ពី​ថ្ងៃទី15 ខែធ្នូ មាន​ពណ៌​ប្រផេះ ពណ៌​ប្រាក់ ពណ៌​ខៀវ ពណ៌​បៃតង និង​ពណ៌​ផ្កាឈូក។

កាស​នេះ មាន​រន្ធ​ដោត​ចំនួន​មួយ សម្រាប់​ការ​សាក​ថ្ម ដែល​សាក​ថ្ម​ម្ដង អាច​ស្ដាប់​បាន រហូតដល់ 20ម៉ោង ទោះបី​ដំណើរការ​មុខងារ ANC ក្ដី។ កាស​AirPods Max នេះ បំពាក់​មុខងារ​ពិសេស ដូចជា Active Noise Cancellation (ANC) ជា​មុខងារ​ទប់​សំឡេង​រំខាន​ពី​មជ្ឈដ្ឋាន​ខាងក្រៅ, មុខងារ Adaptive EQ និង​មុខងារ Spatial Audio ហើយ​វា​ក៏មាន​ប៊ូ​តុង​ចុច​មួយចំនួន និង Sensor ទំនើបៗទៀតផង។

ប៊ូ​តុង Digital Crown ដែល​យក​លំនាំ​តាម​ប៊ូ​តុង លើ Apple Watch អាច​ផ្ដល់​ការបញ្ជា​លើ​កម្រិត​សំឡេង, អាច​ផ្អាក ឬ​ចាក់​ចម្រៀង, ប្ដូរ​បទ​ចម្រៀង, ទទួល​ការហៅ​ចូល ឬ​ផ្ដាច់​ការសន្ទនា និង​អាច​ប្រើ​ដើម្បី​ដំណើរការ Siri។ ការបញ្ជា​ទាំងនេះ​អាចធ្វើ​ឡើង​ដោយ​ការ​ចុច 1ដង, 2ដង, 3ដង ឬ​ចុច​ឱ្យ​ជាប់ ក៏បាន។ បន្ថែម​ពីនេះ នៅមាន​ប៊ូ​តុង​មួយ សម្រាប់​បញ្ជា​លើ​សំឡេង​រំខាន ដែល​អាច​ផ្លាស់ប្ដូរ​រវាង​មុខងារ ANC និង​មុខងារ Transparency បាន​ទៀតផង៕

ជាមួយនឹង​ការកំណត់​តម្លៃ​ជាង 30ពាន់​លាន​ដុល្លារ​អាមេរិក​របស់ DoorDash បន្ទាប់ពី IPO មូល​ប​ត្រ​របស់ CEO Tony Xu មានតម្លៃ​ប្រមាណ 1.6ពាន់​លាន​ដុល្លារ​អាមេរិក។

ក្រោយពី​ការបោះ​ផ្សាយ​មូល​ប​ត្រ​ជា​សាធារណៈ (IPO) ដែល​ត្រូវបាន​ធ្វើឡើង​កាលពី​ថ្ងៃទី 9ធ្នូ​កន្លងទៅ សេវាកម្ម​ដឹកជញ្ជូន​អាហារ DoorDash កំពុងតែ​ឆ្ពោះទៅកាន់​គោលដៅ​កំណត់​តម្លៃ​ឡើងដល់ 32ពាន់​លាន​ដុល្លារ​អាមេរិក។ សម្រាប់​នាយក​ប្រតិបត្តិ និង​ជា​សហ​ស្ថាបនិក លោក Tony Xu វិញ នេះ​គឺជា​ឱកាសល្អ​ដែល​ជួយ​ឱ្យ​លោក​ក្លាយជា​មហាសេដ្ឋី​ក្នុង​វ័យ 36ឆ្នាំ។

យោងតាម​ឯកសារ​របស់​ក្រុមហ៊ុន បច្ចុប្បន្ន លោក Xu កាន់កាប់​ភាគហ៊ុន​ចំនួន 5% របស់​ក្រុមហ៊ុន​ដែល​លោក​រួម​នឹង​មិត្តភក្ដិ​មួយចំនួន​នៅ​សាកលវិទ្យាល័យ Stanford ជា​អ្នក​បង្កើតឡើង​កាលពី​ឆ្នាំ 2013។ ជាមួយនឹង​ការកំណត់​តម្លៃ​ជាង 30ពាន់​លាន​ដុល្លារ​អាមេរិក​របស់ DoorDash បន្ទាប់ពី IPO មូល​ប​ត្រ​របស់ Tony Xu នឹងមាន​តម្លៃ​ប្រមាណ 1.6ពាន់​លាន​ដុល្លារ​អាមេរិក។

ការ​ក្លាយជា​មហាសេដ្ឋី គឺជា​ជំហាន​ដ៏​អស្ចារ្យ​មួយ​នៅក្នុង​ការរកស៊ី​របស់​លោក Xu។ ឪពុកម្ដាយ​របស់លោក​គឺជា​ជនជាតិ​ចិន ដែល​បាន​ទៅ​រស់នៅ​សហរដ្ឋអាមេរិក​តាំងតែ​ពី​ឆ្នាំ 1989 ដែល​ពេលនោះ Xu មាន​អាយុ​ទើបតែ 5ឆ្នាំ។

គ្រួសារ​របស់ Xu រស់នៅក្នុង​តំបន់ ChamPaign ដែលជា​ទីក្រុង​តូច​មួយ​នៅក្នុង​រដ្ឋ Illinois។ ពេលទៅដល់​ទឹកដី​អាមេរិក ពួកគេ​មាន​ប្រាក់​ក្នុង​ហោប៉ៅ​ត្រឹមតែ​ប៉ុន្មាន​រយ​ដុល្លារ​អាមេរិក​ប៉ុណ្ណោះ។ ពុក​ម្ដាយ​របស់ Xu ធ្វើការ​នៅក្នុង​អាហា​រដ្ឋា​ន​មួយ បើ​ទោះ​កាល​នៅ​ប្រទេស​ចិន ម្ដាយ Xu ជា​វេជ្ជបណ្ឌិត​ក៏ដោយ (អាមេរិក​មិន​ទទួលស្គាល់​សញ្ញាបត្រ​រប​ស់​អ្នកស្រី) ចំណែក​ឪពុក​វិញ ធ្លាប់​បានបញ្ចប់​ការសិក្សា​ផ្នែក​បច្ចេកទេស​អាកាសចរ​ណ៍ និង​គណិតវិទ្យា​អនុវត្ត​ពី​សាកលវិទ្យាល័យ Illinois។ ដើម្បី​មាន​ភាពស្និទ្ធស្នាល​ជាមួយនឹង​សិស្ស​ដទៃ​នៅ​សហរដ្ឋអាមេរិក Xu ត្រូវ​ប្ដូរ​ឈ្មោះ​ពី Xu Xun ទៅជា Tony Xu។

ស្ថានភាព​ហិរញ្ញវត្ថុ​របស់​គ្រួសារ Xu មានការ​លំបាក​ដល់​ថ្នាក់​ត្រូវ​ទទួល​ជំនួយ​ពី​កម្មវិធី​នានា​របស់​រដ្ឋាភិបាល​អាមេរិក។ ការចូលទៅ​ហូប​អាហារ​នៅក្នុង​ហាង McDonald’s ក៏​ជា​ប្រការ​កម្រ​សម្រាប់​គ្រួសារ​នេះ។ ប៉ុន្តែ ពួកគេ​មិនបាន​ចុះចាញ់​ឡើយ ម្ដាយ​របស់ Xu បានធ្វើការ3កន្លែង​ក្នុង1ថ្ងៃ ដើម្បី​មាន​ប្រាក់​គ្រប់គ្រាន់​សម្រាប់​ការសិក្សា និង​ទទួល​សញ្ញាបត្រ​ផ្នែក​វេជ្ជសាស្ត្រ​របស់​អាមេរិក និង​បើក​បន្ទប់​ពិនិត្យ​សុខភាព។ បន្ទាប់ពី​ការប្រឹងប្រែង​រយៈពេល 12ឆ្នាំ ចុងក្រោយ អ្នកស្រី​ក៏បាន​ទៅដល់​គោលដៅ និង​បាន​ដំណើរការ​បន្ទប់​ពិនិត្យ​សុខភាព​អស់​រយៈពេល 20ឆ្នាំ។

ដើម្បី​ជួយ​ដល់​គ្រួសារ Xu បាន​ចូលធ្វើការ​ជា​អ្នក​លាងចាន​នៅក្នុង​ហាង​ដែល​ម្ដាយ​របស់ Xu កំពុងធ្វើការ។ អាយុ 9ឆ្នាំ Xu បាន​បង្កើត​សេវាកម្ម​កាត់​ស្មៅ​ទៅតាម​ការណែនាំ​របស់​មិត្តភក្ដិ​ម្នាក់។

«យើង​កាត់​ស្មៅ និង​គិត​ប្រាក់​បន្ថែម សម្រាប់​គ្រួសារ​ណា​ដែល​ចង់​កាត់​ទៅតាម​ម៉ូ​ដែល ឧទាហរណ៍​ដូចជា ស្មៅ​មាន​រាង​ជា​ផ្ទៃក្រឡា​ជាដើម។ ខ្ញុំ​យល់ឃើញថា អ្នកណា​ក៏​អាច​ធ្វើបាន​ច្រើនជាង​អ្វីដែល​ពួកគេ​គិតថា​ខ្លួន​អាចធ្វើ​បាន។ ពេលនោះ ដៃ​របស់ខ្ញុំ​លូក​ស្ទើរ​មិន​ដល់ដៃ​ម៉ាស៊ីន​កាត់​ស្មៅ​ទៀតផង» លោក Xu រៀបរាប់​ដូច្នេះ។

នៅក្នុង​កិច្ច​សម្ភាស​មួយ​ជាមួយ CNBC លោក Xu និយាយថា៖ «DoorDash ប្រៀបដូចជា​ការលើកទឹកចិត្ត​សម្រាប់​មនុស្ស​ដែល​ប្រឹងប្រែង​ប្រែក្លាយ​សុបិន​ឱ្យទៅជា​ការពិត​នៅក្នុង​រយៈពេល​ជាច្រើន​ឆ្នាំ ដូច​ម្ដាយ​របស់ខ្ញុំ។ ការធ្វើ IPO កន្លងទៅ ពិតជា​ថ្ងៃ​ដ៏​អស្ចារ្យ​ចំពោះ​ពួកយើង និង​ក្រុមហ៊ុន​ទាំងឡាយ​ដែល​ពួកយើង​សហការ»។

កន្លងមក ថ្វីបើ​មានការ​លំបាក​ខ្លាំង ប៉ុន្តែ ម្ដាយ​របស់ Xu តែង​ផ្ដល់​អាទិភាព​ដល់​ការសិក្សា​របស់ Xu។ គ្រួសារ​ពួកគេ​សន្សំ​ប្រាក់​ដើម្បី​ទុកឱ្យ Xu បាន​សិក្សា និង​ទទួលបាន​សញ្ញាបត្រ​វិស្វករ​ឧស្សាហកម្ម​របស់​សាកលវិទ្យាល័យ California, Berkeley, និង MBA របស់ Stanford។

ក្នុងពេល​កំពុង​រៀន​នៅឯ​សាកលវិទ្យាល័យ Stanford យុវ​សិស្ស Xu និង​មិត្តភក្ដិ 3នាក់​ទៀត គឺ Stanley Tang, Andy Fang និង Evan Moore បាន​រួមដៃគ្នា​បង្កើត​ក្រុមហ៊ុន​ថ្មី​មួយ។ ពួកគេ​សុទ្ធតែ​ធ្លាប់បាន​ធ្វើការ​នៅ​ជ្រលង Silicon (Silicon Valley) នៃ​រដ្ឋ California ក្នុងនោះ Xu ធ្លាប់​ហាត់​ការ​នៅក្នុង​ក្រុមហ៊ុន Square និង​ធ្វើការ​ក្នុង​វិស័យ​អភិវឌ្ឍ​អាជីវកម្ម​នៅក្នុង​ក្រុមហ៊ុន RedLaser ដែល​បច្ចុប្បន្ន​ស្ថិតក្រោម​ការគ្រប់គ្រងរ​បស់ eBay។

កាលពី​ឆ្នាំ 2012 អ្នក​ទាំង4ខាងលើ​បាន​ជួបគ្នា​តាមរយៈ​គម្រោង​មួយ​របស់​ថ្នាក់រៀន។ បន្ទាប់មក ពួកគេ​ក៏បាន​សម្រេចចិត្ត​សហការគ្នា​ដើម្បី​បង្កើត​កម្មវិធី (App) មួយ​សម្រាប់​បណ្ដា​ក្រុមហ៊ុន​ខ្នាតតូច។ ឆ្នាំ​ដដែល​នោះ ពួកគេ​បាន​ដំណើរការ​កម្មវិធី​អន​ឡាញ​មួយ​ដែលមាន​ឈ្មោះថា PaloAltoDelivery.com។ ដំណើរ​ដើមទង​បានចាប់ផ្ដើម​នៅពេល​ម្ចាស់​ហាង​ជាច្រើន​នៅក្បែរ Stanford រអ៊ូ​ប្រាប់​ពួកគេ​អំពី​លទ្ធភាព​នៃ​ការឆ្លើយតប​នឹង​ការបញ្ជាទិញ​ពី​អតិថិជន។

ឆ្នាំ 2013 ក្រុមហ៊ុន​របស់​ពួកគេ​បាន​ចូលរួម​កម្មវិធី​បង្កើន​ល្បឿន​ចាប់ផ្ដើម​អាជីវកម្ម​របស់ Y Combinator ហើយក៏​ទទួលបាន​ប្រាក់​វិនិយោគ​ចំនួន 120,000ដុល្លារ​អាមេរិក។ ឆ្នាំ​នោះ Xu និង​សហ​ស្ថាបនិក បាន​ប្ដូរ​ឈ្មោះ​ក្រុមហ៊ុន​ទៅជា DoorDash និង​ចាប់ផ្ដើម​ជ្រើសរើស​បុគ្គលិក​បន្ថែម ក៏ដូចជា​អ្នក​ប្រគល់​ទំនិញ។

ឆ្នាំ 2014 DoorDash ទទួលបាន​ទុនវិនិយោគ​ចំនួន​ជិត 20លាន​ដុល្លារ​អាមេរិក​បន្ថែមទៀត។ ក្រុមហ៊ុន​នេះ​គឺជា​អ្នក​ប្រគល់​ទំនិញ​ជា​អាហារ​របស់​ភោជនីយដ្ឋាន​ជាង 1,000កន្លែង​នៅ​តំបន់ Bay Area និង Los Angeles មុនពេល​ពង្រីក​ខ្លួន​ពេញ​ទឹកដី​អាមេរិក។ គិត​មកដល់​បច្ចុប្បន្ន ក្រុមហ៊ុន​នេះ​ប្រមូល​ទុន​បាន​ជាង 2.5ពាន់​លាន​ដុល្លារ​ពី​ក្រុម​អ្នកវិនិយោគធំៗ ដូចជា SoftBank, Sequoia Capital និង​មូលនិធិ​វិនិយោគ​របស់​សិង្ហ​បុរី​ជាដើម។

ក្នុងនាម​ជានា​យក​ប្រតិបត្តិ លោក Xu គឺជា​អ្នកគ្រប់គ្រង​កម្មវិធី (App) ប្រគល់​ទំនិញ​ជា​អាហារ​ដែលមាន​គេ​ស្គាល់​ច្រើន​បំផុត​នៅ​សហរដ្ឋអាមេរិក។ DoorDash បច្ចុប្បន្ន​មាន​បុគ្គលិក​ប្រគល់​ទំនិញ​ជាង 1លាន​នាក់ និង​មាន​អតិថិជន​ចំនួន 18លាន​ស្ថាប័ន។ គិត​មកដល់​ចុងខែ​កញ្ញា ឆ្នាំ 2020 របាយការណ៍​របស់​ក្រុមហ៊ុន​នេះ បង្ហាញថា ក្រុមហ៊ុន​រកចំណូលបាន 1.9ពាន់​លាន​ដុល្លារ​អាមេរិក រួម​នឹង​ខ្ទង់​ខាតបង់​ចំនួន 149លាន​ដុល្លារ ដោយសារ​មិនទាន់មាន​ចំណេញ។ យោងតាម​ឯកសារ ប្រាក់បៀវត្ស​គោល​របស់ Xu នៅក្នុង​ឆ្នាំ 2019 គឺ 300.000ដុល្លារ​អាមេរិក៕

ប្រភព៖ Bloomberg