Category: សង្គម និងសេដ្ឋកិច្ច

មិននឹកស្មានថា អាចរកបានប្រាក់ខ្ទង់សែនដុល្លារ/ខែ ក្រោយពីបាត់បង់ការងារជាជាងកាត់សត់ ដោយសារ Covid-19! តើមានអ្វីជាពិសេស និងអាថ៌កំបាំងនៃជោគជ័យនេះ?
វិបត្តិសុខភាពដែលបង្កឡើងដោយវីរុស Covid-19 បាន និងកំពុងធ្វើឱ្យមនុស្សជាច្រើនធ្លាក់ខ្លួនក្រដោយសារគ្មានការងារធ្វើ ប៉ុន្តែក៏មានអ្នកខ្លះបានក្លាយជាអ្នកមានដោយសារវីរុសនេះដែរ។
កំលោះ Ben Gulliver អាយុ 20 ឆ្នាំ ដើមឡើយគឺជាបុគ្គលិកនៅហាងកាត់សត់ Advanced Hair Studio នៅភាគខាងកើតនៃទីក្រុងឡុង ប្រទេសអង់គ្លេស។ ខែមីនា ឆ្នាំ 2020 កំលោះ Ben បានក្លាយជាមនុស្សគ្មានការងារធ្វើ ដោយសារតែរដ្ឋាភិបាលដាក់បម្រាមគោចរដើម្បីទប់ស្កាត់ Covid-19។
ក្នុងពេលនៅផ្ទះ Ben មានគំនិតរកស៊ីដោយខ្លួនឯង។ ភ្លាមនោះ គាត់ក៏ចូលទៅកាន់ទំព័រ Youtube ដើម្បីស្រាវជ្រាវឱ្យដឹងថា ខ្លួនគួរតែលក់អ្វីខ្លះ។ Ben និយាយថា៖ «ខ្ញុំបានគិតដល់ផលិតផលដែលល្អ ផលិតផលដែលមនុស្សគ្រប់គ្នាត្រូវការ»។
ក្នុងបន្ទប់គេងដ៏តូចរបស់ខ្លួន Ben ចាប់ផ្ដើមស្វែងរកប្រភពទំនិញដែលទាក់ទងនឹងការសម្អាតមាត់ធ្មេញ ដែលមានប្រភពពីចិន ហើយក្រោយមកគឺម៉ាស៊ីនធ្វើលំហាត់ប្រាណ និងប៉ាន់តែ។ល។ ដូចអ្វីដែលខ្លួនបានគិត ផលិតផលទាំងនេះសុទ្ធតែទទួលបានការជាវយ៉ាងច្រើន ដែលនេះបាននាំឱ្យ Ben រកបានប្រាក់ចំណេញយ៉ាងច្រើនសន្ធឹក។
ខែខ្លះ Ben លក់បានប្រាក់ជាង 2 សែនផោន (ប្រហែល 273,828 ដុល្លារអាមេរិក) ហើយមានខែខ្លះក៏រកបានជាង 1 សែនផោន (136,914 ដុល្លារ) ក្នុងរយៈពេលតែ 10 ថ្ងៃ។
Ben បង្ហើបឱ្យដឹងថា៖ «យើងចែកចាយផលិតផលតាមរយៈផ្សារអនឡាញ Amazon ហើយយើងលក់ទំនិញទូទាំងពិភពលោក ចាប់ពីអាមេរិក អាហ្វ្រិក រហូតដល់អាស៊ី។ មកដល់បច្ចុប្បន្ន ខ្ញុំរកបានជាង 1 លានដុល្លារអាមេរិក នេះគឺជាប្រាក់ចំណូល មិនមែនប្រាក់ចំណេញនោះទេ ប៉ុន្តែខ្ញុំមានការភ្ញាក់ផ្អើលនឹងជោគជ័យនេះ»។
Ben បន្តថា «ខ្ញុំចង់ជួយដល់យុវវ័យក្នុងការចាប់ផ្ដើមការរកស៊ីផ្ទាល់ខ្លួន និងផ្ដល់យោបល់ដល់ពួកគេ។ អ្វីដែលពួកគេត្រូវការ នោះគឺកម្លាំងចិត្តដើម្បីចាប់ផ្ដើម»។
«ឱ្យតែអ្នកមានកុំព្យូទ័រយួរដៃ ឬទូរស័ព្ទមួយគ្រឿង និងមានភ្ជាប់អ៊ីនធើណិត អ្នកអាចបង្កើតអាជីវកម្មមួយដោយខ្លួនឯង។ ចូរកុំបោះបង់អ្វីមួយដែលជាចំណង់ចំណូលចិត្តរបស់អ្នក»។ ប្រការមួយគត់ដែល Ben ចង់ផ្ដាំដល់គ្រប់គ្នា នោះគឺ «ការប្ដេជ្ញាចិត្ត» ព្រោះថា វាអាចជួយឱ្យពួកគេបង្កើតបាននូវប្រការខុសប្លែកពីមុន។
Ben បានលក់ការងារអាជីវកម្មផ្នែកលក់ម៉ាស៊ីនសម្អាតធ្មេញទៅឱ្យអ្នកវិនិយោគជនជាតិអាមេរិកម្នាក់ក្នុងតម្លៃខ្ទង់លានដុល្លារអាមេរិក ក្រោយពី Ben លក់ទំនិញអស់រាប់ពាន់មុខនៅក្នុងអំឡុងមានបម្រាមគោចរ។
កាលពីនៅក្មេង Ben ធ្លាប់ «ធ្វើជំនួញ» តូចតាច ដោយទិញស្ករគ្រាប់មានដងតម្លៃ 15 កាក់ រួចលក់ឱ្យមិត្តភក្ដិក្នុងតម្លៃ 1 ផោន។ អាយុ 14 ឆ្នាំ Ben ធ្លាប់រកបាន 1,000 ផោន (ជាង 1,000 ដុល្លារអាមេរិក) ពីការលក់ខោអាវ ក្នុងរយៈពេល 1 ខែ។
Ben បានប្រាប់ថា ក្រោយពីបញ្ចប់ការសិក្សាកម្រិតមធ្យមក្នុងវ័យ 16 ឆ្នាំ គាត់ធ្លាប់ទៅកាន់ប្រទេសជប៉ុនដើម្បីស្វែងរកបទពិសោធន៍ថ្មី។ «ពេលនោះ ខ្ញុំនឹកផ្ទះណាស់ ប៉ុន្តែ បទពិសោធន៍នៅទីនេះពិតជាអស្ចារ្យ។ ខ្ញុំរៀនបានប្រការជាច្រើន ហើយប្រការធំធេងដែលខ្ញុំប្រមូលបាន នោះគឺទំនាក់ទំនង»៕
ប្រភព៖ Birminghammail
January 29, 2021
មកស្គាល់មុខមាត់ពិតអ្នកនិពន្ធបទភ្លេង«កាត់ឆុង»របស់លោកព្រាប សុវត្ថិនិងកញ្ញាតន់ចន្ទសីម៉ា កំពុងល្បីខ្លាំង
បងប្អូនពិតជាជ្រាបច្បាស់ហើយបទចម្រៀងរួមគ្នារបស់តន់ចាន់សីម៉ានិងព្រាបសុវត្ថិគឺបទ”កាត់ឆុង”ដែលបច្ចុប្បន្ននេះកំពុងតែល្បីនិងមានការគាំទ្រខ្លាំង។ បទដំបូងក្នុងអាលប៊ុបពិសេសនេះ ត្រូវបាននិពន្ធទំនុកភ្លេង ដោយលោកសាក់ ធារិទ្ធ ។
លោកសាក់ ធារិទ្ធ គឺជាអ្នកពន្ធថ្មីឈ្មោះធ្លាប់មានស្នាដៃជាច្រើនបទកន្លងមកហើយ បច្ចុប្បន្នគាំជា អ្នកនិពន្ធកុងត្រាប្រចាំក្នុងផលិតកម្ម Galaxy Navatra ។ តាមChannel Galaxy Navatraបង្ហាញឲ្យដឹងពី បទ”កាត់ឆុង” ត្រូវបាន និពន្ធបទភ្លេងដោយលោក សាក់ ធារិទ្ធ ។ បទចម្រៀងច្រៀងរួមគ្នារបស់កំពូលតារាចម្រៀង ព្រាប សុវត្ថិនិងតន់ចន្ទសីម៉ា ក្នុងអាល់ប៊ុមដំបូងនេះ ត្រូវបានគេមើលឃើញថា គ្រាន់តែចេញមិនបានប៉ុន្មានថ្ងៃផង មានអ្នកទស្សនាជាច្រើនលានដងទៅហើយ។
ចង់ដឹងថា បទ”កាត់ឆុង” របស់កំពូលតារាចម្រៀងព្រាប សុវត្ថិ និង តន់ ចន្ទសីម៉ា ដែលនិពន្ធបទភ្លេងដោយលោក សាក់ ធារិទ្ធ ពីរោះរណ្ដំ ហើយចង់រាំលេងយ៉ាងណានោះស្ដាប់ទាំងអស់គ្នា៖
January 29, 2021
កំពុងស្វែងរកអាហារូបករណ៍ផ្នែកបច្ចេកវិទ្យា? «Techo Digital Talent Scholarship» តម្លៃជាង 1.7ម៉ឺនដុល្លារ/ម្នាក់ កំពុងរង់ចាំអ្នក
ក្រសួងប្រៃសណីយ៍ និងទូរគមនាគមន៍កម្ពុជា នាព្រឹកថ្ងៃទី 29 មករា បានប្រកាសឱ្យដឹងថា “អាហារូបករណ៍ទេពកោសល្យឌីជីថលតេជោ Techo Digital Talent Scholarship” ដែលផ្ដល់ឱកាសដល់សិស្សចំនួន 100 នាក់ កំពុងទទួលបានចំណាប់អារម្មណ៍ខ្លាំងពីសំណាក់យុវជន យុវនារីនៅកម្ពុជា ក្រោយពីត្រូវបានប្រកាសព័ត៌មាន។
ក្រសួងប្រៃសណីយ៍បានបន្ថែមថា បេក្ខភាពចំនួន 2,207 នាក់ បានដាក់ពាក្យសុំអាហារូបករណ៍ខាងលើនៅបណ្ឌិត្យសភាបច្ចេកវិទ្យាឌីថលកម្ពុជា ក្នុងនោះមាននារីចំនួនជាង 800 នាក់ផងដែរ គិតត្រឹមថ្ងៃទី 22 ខែមករា ឆ្នាំ 2021។
អាហារូបករណ៍ខាងលើនេះនឹងផ្ដល់ជូនបេក្ខភាពជ័យលាភី ម្នាក់ៗ គិតជាទឹកប្រាក់សរុបប្រមាណ 17,000 ដុល្លារ សម្រាប់ការសិក្សារយៈពេល 4 ឆ្នាំ ក្នុងនោះមានប្រាក់ឧបត្ថម្ភ 120 ដុល្លារ/ខែ និងកុំព្យូទ័រយួរដៃមួយគ្រឿងទៀតផង។
បេក្ខភាពជ័យលាភីនៃអាហារូបករណ៍នេះនឹងត្រូវមកសិក្សានៅបណ្ឌិត្យសភាបច្ចេកវិទ្យាឌីថលកម្ពុជា (អតីតវិទ្យាស្ថានជាតិ NIPTICT) ដែលជាគ្រឹះស្ថានអប់រំស្រាវជ្រាវរបស់រដ្ឋឈានមុខគេក្នុងការបណ្តុះបណ្តាល ជំនាញបច្ចេកវិទ្យាឌីជីថល លើមុខជំនាញកម្រិតបរិញ្ញាបត្រ មានដូចជា ទីមួយគឺ «ទូរគមនាគមន៍និងបណ្ដាញ-Telecoms & Networking» ទីពីរគឺ «វិទ្យាសាស្ត្រកុំព្យូទ័រ-Computer Science» និងទីបីគឺ «ពាណិជ្ជកម្មអេឡិចត្រូនិក-e-Commerce»។
បណ្ឌិត្យសភាបច្ចេកវិទ្យាឌីជីថលនៃក្រសួងប្រៃសណីយ៍និងទូរគមនាគមន៍ ជាស្ថាប័នឧត្តមសិក្សាមួយដែលមានកម្មវិធីសិក្សានិងវិធីសាស្ត្របង្រៀនយ៉ាងសម្បូរបែប ដោយមានបញ្ចូលជំនាញបច្ចេកទេស (Technical Skill) ជំនាញទន់ (Soft Skill) សហគ្រិនភាព (Entrepreneurship) និងភាពជាអ្នកដឹកនាំ(Leadership)។
រដ្ឋមន្ត្រីនៃក្រសួងប្រៃសណីយ៍និងទូរគមនាគមន៍ ឯកឧត្តម ជា វ៉ាន់ដេត បានអំពាវនាវដល់សិស្សដែលបានជាប់សញ្ញាបត្រមធ្យមសិក្សាទុតិយភូមិ តែមិនទាន់បានដាក់ពាក្យប្រឡង សូមមកកាន់បណ្ឌិត្យសភាបច្ចេកវិទ្យាឌីជីថល ដើម្បីដាក់ពាក្យចាប់ពីថ្ងៃនេះ រហូតដល់ថ្ងៃទី 14 ខែកុម្ភៈ ឆ្នាំ 2021។
បេក្ខជនដែលមានបំណងសុំអាហារូបករណ៍ទេពកោសល្យឌីជីថលតេជោ សូមចុះឈ្មោះប្រឡងប្រជែងតាមរយៈតំណរភ្ជាប់ https://bit.ly/ApplyNIPTICT ។ សម្រាប់ព័ត៌មានលម្អិតសូមទាក់ទងបណ្ឌិត្យសភាឌីជីថលកម្ពុជា (អតីតវិទ្យាស្ថានជាតិ NIPTICT) តាមទូរស័ព្ទលេខ 010 340 000 ឬអ៊ីម៉ែល [email protected]។
January 29, 2021
ក្រោយបញ្ចប់រឿង! ហ្វេសប៊ុកមួយចេញមុខរិះគន់ សេង រដ្ឋា មិនសំចៃមាត់ ថែមទាំងបញ្ជាក់ហេតុផង
ក្រោយពីបវរកញ្ញាឯក Miss Grand Cambodia ជ្រុះមកុដ គេសង្កេតឃើញថាមានការរិះគន់ចេញមកជាហូរហែរ ពាក់ព័ន្ធនឹងអត្តចរឹតរបស់។ អ្នកលេងហ្វេសប៊ុកម្នាក់ ដែលមានឈ្មោះថា Phlong Sok Raksa បានទាំងសំណេរមួយយ៉ាងគួរអោយចាប់អារម្មណ៍ជាសាធារណៈនោះផង។
លោកបានសរសេរថា “មួយរយៈនេះខ្ញុំឃើញដូចជាល្បីខ្លាំងអំពីរឿង Miss Grand Cambodia ទី១ខ្ញុំសង្កេតឃើញ បវរកញ្ញា សេង រដ្ឋា អត្តចរិតរបស់គាត់មិនសូវល្អសោះ នៅក្នុងប្រព័ន្ធ social media មិនសមជា miss grand cambodia សោះ តើអ្វីជាពាក្យកញ្ញាឯក ? តើគាត់គួរធ្វើអ្វីខ្លះដើម្បីសង្គមខ្មែរ ដើម្បីជួយលើកស្ទួយស្រ្ដីខ្មែរ តែនេះកញ្ញា សេង រដ្ឋា មិនបានបំពេញតួនាទីជាកញ្ញាឯកសោះ មានតែជាន់ពន្លិចស្រ្ដីខ្មែរក្នុងការផុសរបស់គាត់មិនសមជាកញ្ញាឯកសោះ ហើយនាំអោយសង្គមច្របូកច្របល់ដោយសារគាត់ នាំអោយស្ដ្រីខ្មែរមានការមិនសប្បាយចិត្ត ។ តើនេះសមជាបវរកញ្ញា ឬសមជាអ្នកតំណាងអោយស្ដ្រីខ្មែរទូទាំងប្រទេសដែលនាំយកវប្បធម៌ដ៏ស្រស់ឆើតឆាយទៅប្រកួតប្រជែងនៅឆាកអន្តរជាតិដែរឬទេ ? ចំណែកខ្ញុំគិតថានាងមិនសាកសមនឹងទៅប្រកួតលើឆាកអន្តរជាតិសោះ ទង្វើរបស់នាងគឺជាទង្វើមួយដែលស្រ្ដីខ្មែរមិនពេញចិត្ត ហើយការដកតំណាងនេះពិតជាត្រឹមត្រូវណាស់ សូមអស់យោបល់ក្នុងនាមខ្ញុំជាអ្នកគាំទ្រកម្មវិធី និងជាអ្នកចូលចិត្តតាមដានកម្មវិធី Miss Grand Cambodia ឆ្នាំ២០២០”។
ជាមួយនឹងការរិះគន់នេះ ក៏មានការវិភាគផងដែរថា កញ្ញា សេង រដ្ឋា នឹងទទួលបានការចាប់អារម្មណ៍តែមួយឆាវ ក្រោយដំណឹងប្រកាសដកតំណែងប៉ុណ្ណោះ ប៉ុន្តែមិនយូរប៉ុន្មាននាងនឹងស្ងប់ស្ងាត់ទីផ្សារ ដែលមិនខុសគ្នានឹងតារាមួយចំនួនដែលល្បីបញ្ច្រាសខ្យល់ គឺបានតែមួយប្រាវ ក៏ស្ងាត់បាតឈឹង។ ស្របគ្នាដែលនាងត្រូវបានខ្ទរខ្ទារដោយដំណឹង បាត់បង់មកុដ ព្រោះតែមានកំហុសឆ្គងផងនោះទេ ទើបវាច្បាស់ណាស់ថា បណ្ដាផលិតករ និង ក្រុមហ៊ុនធំៗ នឹងខ្លាចរអារក្នុងការទទួលយកនាង ដោយសារតែបានសាងរឿងអាស្រូវជុំរឿងបាត់បង់តំណែង ដែលនេះមិនមែនជាដំណឹងល្អ។
អ្នកវិភាគជាច្រើនយល់ថា បើទោះជាស្ថិតនៅក្នុងហេតុផលណាមួយ តែមូលហេតុនៃការបាត់បង់មកុដរបស់នាង គឺពិតជាពាក់ព័ន្ធនាងរឿងមិនទទួលខុសត្រូវរបស់នាង ដោយសារនាងគឺជាបេក្ខនារីមួយរូបដែលត្រូវបានកម្មវិធីជ្រើសអោយគ្រងមកុដយ៉ាងលំបាក គឺមិនអាចក្រុមហ៊ុនជាអ្នកបង្កើតបញ្ហាអោយនាង ដើម្បីទម្លាក់នាងចោលនោះទេ។ មានការវិភាគថា លុះត្រាតែនាងបានល្មើសនូវអ្វីដែលគោលការណ៍ ដែលក្រុមហ៊ុនមិនអាចទទួលយកបានច្រើនចំណុច ទើបឈានដល់ការប្រកាសដកតំណែង ហើយក្នុងនាមនាងជាបេក្ខនារីតំណាងប្រទេសមួយទាំងមូល មិនអាចគ្រាន់តែឮថាកម្មវិធីព្រមានដកតំណែង ស្រាប់តែបង្ហោះតបវិញ អោយក្រុមហ៊ុនធ្វើតាមការព្រមានចុះ ដោយលើកហេតុផលថា ក្រុមហ៊ុនធ្វើអោយអាម៉ាស់នោះទេ។ នាងគួរបង្ហាញនូវភាពទន់ភ្លន់ក្រោយពេលក្រុមហ៊ុនប្រតិកម្ម ហើយស្វែងរកដំណោះស្រាយមួយ ដើម្បីរក្សាតំណែងរបស់ខ្លួន ហើយបានបន្តឱកាសទៅកាន់ឆាកអន្តរជាតិ ទើបជារឿងដ៏ប្រសើរក្នុងនាមជាបេក្ខនារីវ័យឆ្លាត ក្នុងការរក្សាមុខមាត់របស់ខ្លួន។
ភាពឆេវឆាវរបស់នាង ដែលតបតដោយជំហរអោយក្រុមហ៊ុនដកតំណែង និង ឥរិយាបថ ដែលនាងមិនព្រមទទួលយកការចចារជាមួយក្រុមហ៊ុន ក្រោយពេលក្រុមហ៊ុនបន្ទន់ឥរិយាបថ បានធ្វើអោយគេមើលឃើញកាន់តែច្បាស់ថា នាងមិនទាន់មានផ្នត់ចាស់ទុំក្នុងការដោះស្រាយបញ្ហា ហើយក៏អាចធ្វើអោយមានការវាយតម្លៃពីអត្តចរឹតផងដែរ ខណៈពេលនាងមិនទាន់សាងកេរ្តិ៍ឈ្មោះអោយល្បីល្បាញបានយូរនៅឡើយផង
ប្រភពជាច្រើនលើកឡើងថា មុននឹងឈានដល់ក្រុមហ៊ុនបង្ហោះព្រមាន គឺដោយសារតែក្រុមហ៊ុនទាក់ទងនាងច្រើនដងហើយ តែគ្មានលទ្ធផល និង ដោយសារតែនាងគ្មានភាពច្បាស់លាស់អោយមានការជឿជាក់។ ប្រភពនោះថា នាងតែងលើកពេល ដែលក្រុមហ៊ុនបានណាត់គ្រោងទុក ដោយស្នើលើកថ្ងៃនេះលើកថ្ងៃនោះ ធ្វើអោយដំណើរទស្សនកិច្ច ឬ គម្រោងចូលសម្ដែងការគួរសមមួយចំនួនផ្សេងទៀត ជាមួយថ្នាក់ដឹកនាំ ធ្វើអោយក្រុមហ៊ុនមានការខាតបង់យ៉ាងខ្លាំង។ ប្រភពនោះបន្តថា ពេលខ្លះស្នើអោយនាងមកហ្វឹកហាត់ថ្ងៃនេះ នាងសុំថ្ងៃនោះ ហើយធ្វើអោយកម្មវិធីបង្វិលតាមនាង ជាជាងរូបនាងសម្របតាមការចង់បានរបស់ក្រុមហ៊ុន។ មានការវិភាគថា ក្រោយជ្រុះមកុដនេះ នាងនឹងខូចប្រេន ហើយ ក៏មានការប៉ាន់ស្មានថា ទីផ្សារសិល្បៈរបស់នាង នឹងឈានឡើងផងដែរ ដោយសម្អាងលើរូបសម្រស់ និង ទេពកោសល្យ។
January 29, 2021
GDP អាមេរិកក្នុងឆ្នាំ 2020 ដាំក្បាលចុះជ្រៅបំផុតក្នុងអំឡុង 74ឆ្នាំមកនេះ
ខឿនសេដ្ឋកិច្ចធំជាងគេបង្អស់ក្នុងពិភពលោកមួយនេះ បានរួញក្រញង់មកនៅត្រឹម 3.5% ដែលនេះគឺជាឱនភាពធំបំផុតរាប់ចាប់ពីឆ្នាំ 1946 ហើយវាក៏ជាឆ្នាំដំបូងនៃការដាំក្បាលចុះបន្ទាប់ពីវិបត្តិហិរញ្ញវត្ថុចន្លោះឆ្នាំ 2007-2009។
ក្រសួងពាណិជ្ជកម្មអាមេរិក កាលពីថ្ងៃទី 28 មករា បានប្រកាសថា ផលិតផលក្នុងស្រុកសរុប (GDP) ប្រទេសនេះកើន 4% ក្នុងត្រីមាសទី 4 នៃឆ្នាំ 2020។ អត្រាកំណើននេះ បានថយចុះយ៉ាងច្រើនបើធៀបនឹង 33.4% ក្នុងត្រីមាសទី 3។ មូលហេតុគឺដោយសារការយឺតយ៉ាវរបស់រដ្ឋាភិបាលក្នុងការបញ្ចេញកញ្ចប់ថវិកាជំនួយសេដ្ឋកិច្ចថ្មី និងសកម្មភាពរបស់បណ្ដាក្រុមហ៊ុនត្រូវបានផ្អាកដំណើរការព្រោះតែ Covid-19។
ជារួម ក្នុងឆ្នាំ 2020 ខឿនសេដ្ឋកិច្ចធំជាងគេលំដាប់ទីមួយក្នុងពិភពលោកនេះ បានថយចុះមកនៅត្រឹម 3.5% ដែលជាអត្រាទាបជាងគេដោយរាប់ចាប់ពីឆ្នាំ 1946 និងជាឱនភាពនៃឆ្នាំដំបូងរាប់ចាប់តាំងពីមានវិបត្តិហិរញ្ញវត្ថុដែលបានកើតឡើងចាប់ពីឆ្នាំ 2007 ដល់ឆ្នាំ 2009។ ឆ្នាំ 2019 GDP អាមេរិកកើន 2.2%។
វិស័យស្ទើរតែទាំងអស់នៅសហរដ្ឋអាមេរិក បានដាំក្បាលចុះ។ ការចាយវាយលក្ខណបុគ្គល ដែលកាន់កាប់ជាង 2/3 នៃទំហំសេដ្ឋកិច្ចជាតិ ក៏បានថយចុះមកនៅត្រឹម 3.9% កាលពីឆ្នាំមុន ដែលនេះក៏ជាឱនភាពធំបំផុតចាប់តាំងពីឆ្នាំ 1932។ សហរដ្ឋអាមេរិកបានធ្លាក់ចូលក្នុងឱនភាពសេដ្ឋកិច្ចចាប់តាំងពីខែកុម្ភៈ ឆ្នាំ 2020។
ល្បឿននៃកំណើនសេដ្ឋកិច្ចអាមេរិកតាមបណ្ដាឆ្នាំ
យ៉ាងនេះក្ដី GDP អាមេរិកក៏ត្រូវបានព្យាករថានឹងវិលត្រលប់ទៅរកស្ថានភាពមុនវិបត្តិសុខភាពនៅក្នុងត្រីមាសទី 2 ឆ្នាំ 2021។ ធនាគារកណ្ដាលអាមេរិក (FED) កាលពីថ្ងៃទី 27 មករា បានសម្រេចរក្សាអត្រាការប្រាក់ជិត 0%។ ទន្ទឹមនឹងនេះ FED ក៏បានសន្យាថានឹងបន្តបញ្ចេញកញ្ចប់ថវិកាជំនួយទៅក្នុងទីផ្សារសេដ្ឋកិច្ចតាមរយៈការទិញមូលបត្របំណុលផងដែរ។
ក្នុងគ្រាដែល Covid-19 នៅតែបន្តរាតត្បាត ក្រុមសេដ្ឋវិទូបានព្យាករថា កំណើនសេដ្ឋកិច្ចអាមេរិកនឹងបន្តធ្វើដំណើរយឺតៗ ដោយកើន 2% នៅក្នុងត្រីមាសដំបូងនៃឆ្នាំ 2021 នេះ។ បន្ទាប់មក GDP នឹងបង្កើនល្បឿននៅក្នុងរដូវក្ដៅ នៅពេលមានកញ្ចប់ថវិកាជំនួយ និងពេលដែលពលរដ្ឋអាមេរិកកាន់តែច្រើនត្រូវបានចាក់វ៉ាក់សាំង។
«យើងយល់ថា កំណើននៃការចាយវាយនឹងកើនឡើងដល់កម្រិតខ្ពស់បំផុតក្នុងឆ្នាំ 2021 នៅពេលគ្រួសារនានាទទួលបានខ្ទង់ជំនួយផ្នែកហិរញ្ញវត្ថុពីរដ្ឋាភិបាលរបស់លោក Biden ខណៈដែលពលរដ្ឋអាមេរិកប្រមាណជា 2/3 គិតដល់ខែកក្កដា ត្រូវបានចាក់វ៉ាក់សាំង រូករួមនឹងទីផ្សារការងារបានបង្កើនល្បឿននៅក្នុងរដូវផ្ការីក» លោក Gregory Daco ប្រធានផ្នែកសេដ្ឋកិច្ចប្រចាំក្រុមហ៊ុន Oxford Economics អះអាងដូច្នេះ៕
ប្រភព៖ Reuters
January 29, 2021
Bloomberg៖ អាមេរិកប្រឈមនឹងសង្គ្រាមរូបិយវត្ថុក្រោយសម័យកាល Covid-19
នៅចំពោះមុខសម្ពាធនៃការបញ្ចុះតម្លៃប្រាក់ដុល្លាររបស់អាមេរិក ខឿនសេដ្ឋកិច្ចនានាជាច្រើនដូចជា អឺរ៉ុប ថៃ និងឈីលីជាដើម ក៏ត្រូវបង្ខំចិត្តបញ្ចុះតម្លៃរូបិយប័ណ្ណក្នុងស្រុករបស់ពួកគេផងដែរ។
រដ្ឋមន្ត្រីក្រសួងហិរញ្ញវត្ថុអាមេរិក លោកស្រី Janet Yellen កំពុងតែឈឺក្បាលយ៉ាងខ្លាំងដោយសារតែឧបសគ្គដ៏ធំមិនចាញ់ Covid-19 ប៉ុន្មានឡើយ នោះគឺសង្គ្រាមរូបិយវត្ថុ។
រាប់ចាប់តាំងពីបានឡើងដល់កម្រិតកំពូលកាលពីខែមីនា ឆ្នាំ 2020 រូបិយប័ណ្ណដុល្លារអាមេរិកបានធ្លាក់ថ្លៃ 13% ព្រោះតែធនាគារកណ្ដាលអាមេរិក (FED) បាន «ជះ» លុយចូលទៅក្នុងទីផ្សារសេដ្ឋកិច្ចជាបន្តបន្ទាប់ ក៏ដូចជាបានបញ្ចុះអត្រាការប្រាក់ដើម្បីជំរុញសកម្មភាពឥណទាន ក្នុងបំណងទប់ទល់នឹងផលប៉ះពាល់ពី Covid-19។ ប៉ុន្តែ ទន្ទឹមនឹងការជួយសង្គ្រោះសេដ្ឋកិច្ចនៅក្នុងវិបត្តិសុខភាព វិធានការខាងលើក៏កំពុងតែជំរុញឱ្យមានសង្គ្រាមរូបិយវត្ថុថ្មីមួយនៅក្នុងពិភពលោក។
នៅចំពោះមុខសម្ពាធនៃការបញ្ចុះតម្លៃប្រាក់ដុល្លាររបស់អាមេរិក ខឿនសេដ្ឋកិច្ចនានាជាច្រើនដូចជា អឺរ៉ុប ថៃ និងឈីលីជាដើម ក៏បាននាំគ្នាធ្វើតាមសហរដ្ឋអាមេរិក ដោយការបញ្ចុះតម្លៃរូបិយប័ណ្ណក្នុងស្រុករបស់ពួកគេ។
នៅក្នុងសវនាការមួយនៅសភាជាតិកាលពីពេលថ្មីៗនេះ រដ្ឋមន្ត្រីក្រសួងហិរញ្ញវត្ថុអាមេរិក និងជាអតីតប្រធាន FED លោកស្រី Yellen បានបង្ហាញអំពីគំនិតបដិសេធការស្ដារកម្លាំងរូបិយវត្ថុអាមេរិក។ ជំនួសមកវិញ លោកស្រី Yellen ឱ្យដឹងថា នឹងបង្កើតសម្ពាធទៅលើបណ្ដាប្រទេសដែលហ៊ានលូកដៃចូលក្នុងរឿងបញ្ចុះតម្លៃរូបិយប័ណ្ណអាមេរិក។
រដ្ឋមន្ត្រីក្រសួងហិរញ្ញវត្ថុអាមេរិក លោកស្រី Janet Yellen
មុននេះ កាលពីអំឡុងឆ្នាំ 2010-2011 សហរដ្ឋអាមេរិកក៏ធ្លាប់បានបញ្ចុះតម្លៃប្រាក់ដុល្លារ និងបង្កឱ្យមានផលប៉ះពាល់ដល់សេដ្ឋកិច្ចទូទាំងពិភពលោក។ ការចុះថ្លៃនៃប្រាក់ដុល្លារអាមេរិក បានធ្វើឱ្យផលិតផលនានាដែលជួញដូរដោយប្រើរូបិយប័ណ្ណដុល្លារអាមេរិកក្នុងទីផ្សារអន្តរជាតិ ត្រូវធ្លាក់ថ្លៃទៅតាមនោះដែរ។ ប្រការនេះក៏បាននាំឱ្យការមានប្រៀបក្នុងការនាំចេញរបស់អាមេរិកបានកើនឡើង ប៉ុន្តែមុខទំនិញដែលនាំចូលប្រទេសនេះបែរជាដាំក្បាលចុះ បណ្ដាលឱ្យប្រទេសជាច្រើនត្រូវខាតបង់ផ្នែកសេដ្ឋកិច្ច។
ដើម្បីដោះស្រាយបញ្ហា ប្រទេសជាច្រើនក៏បានបង្ខំចិត្តបញ្ចុះតម្លៃរូបិយប័ណ្ណក្នុងស្រុកដើម្បីរក្សាលំនឹងផ្នែកសេដ្ឋកិច្ច។ កាលណោះ រដ្ឋមន្ត្រីហិរញ្ញវត្ថុប្រេស៊ីល ក៏បានរិះគន់ដោយចំហចំពោះចំណាត់ការរបស់អាមេរិកថា នេះគឺជាសង្គ្រាមរូបិយវត្ថុ។
បច្ចុប្បន្ន ស្ថានភាពកំពុងតែអាក្រក់ជាងមុន នៅពេលដែលរដ្ឋមន្ត្រីហិរញ្ញវត្ថុអាមេរិក មិនមានគម្រោងណាមួយដើម្បីរក្សាលំនឹងចំពោះតម្លៃរូបិយវត្ថុដុល្លារ ក៏ដូចជាដើម្បីគេចពីសង្គ្រាមរូបិយប័ណ្ណ។ បើទោះជាត្រូវបានចោទថា កំពុងតែធ្វើអន្តរាគមន៍លើចំណាត់ការរបស់រដ្ឋមន្ត្រីហិរញ្ញវត្ថុអាមេរិក ប្រទេសស្វីស និងឥណ្ឌា នៅតែបន្តបញ្ចុះតម្លៃរូបិយវត្ថុរបស់ពួកគេដដែល។
ក្នុងសម័យប្រធានាធិបតីអាមេរិក Donald Trump មុនពេលវិបត្តិ Covid-19 មកដល់ ប្រាក់ដុល្លារអាមេរិកត្រូវបានក្រុមអ្នកវិនិយោគយកចិត្តទុកដាក់ និងផ្ដល់តម្លៃជាខ្លាំង ដោយសារតែកំណើនសេដ្ឋកិច្ចសហរដ្ឋអាមេរិកកើនឡើងខ្ពស់ និងមានលំនឹងល្អ។ ក៏ប៉ុន្តែ Covid-19 បានធ្វើឱ្យប្រែប្រួលគ្រប់យ៉ាង ហើយសង្គ្រាមរូបិយវត្ថុថ្មីមួយនឹងអាចកើតឡើងទ្រង់ទ្រាយធំ នៅពេលដែលប្រទេសនានានាំគ្នាបញ្ចុះតម្លៃរូបិយប័ណ្ណក្នុងស្រុករបស់ពួកគេរៀងៗខ្លួន៕
ប្រភព៖ Bloomberg
January 29, 2021
អុិន សុភិន បញ្ចប់រឿងជាមួយ សេង រដ្ឋា ថែមទាំងបង្ហោះយ៉ាងក្បោះក្បាយ
នៅទីបំផុតវិវាទដ៏ចម្រូងចម្រាស់រវាង កញ្ញា សេង រដ្ឋា Miss Grand Cambodia 2020 និង គណកម្មការរៀបចំត្រូវបានបញ្ចប់ហើយ។ នេះប់យោងតាមការបង្ហោះជាផ្លូវការមុននេះ។
នៅលើផេក Miss Grand Cambodia បានសរសេរបង្ហោះកាលពីរសៀលថ្ងៃទី២៨ មករា ឆ្នាំ២០២១ថា”បន្ទាប់ពីបានជួបពិភាក្សាគ្នារវាងមេធាវីភាគីខាងក្រុមហ៊ុន និងមេធាវីភាគីខាងកញ្ញា សេង រដ្ឋា ដូចនេះគូភាគីទាំងពីរក៏បានសម្រេចធ្វើទៅតាមកិច្ចព្រមព្រៀងបញ្ចប់វិវាទតាមផ្លូវច្បាប់ដែលបានកំណត់ដូចខាងក្រោម សូមបណ្តាអ្នកគាំទ្រទាំងអស់មេត្តាពិនិត្យមើលកិច្ចព្រមព្រៀងចុងក្រោយ និងកុងត្រាដែលភាគីខាងក្រុមហ៊ុនបានធ្វើរួមគ្នាជាមួយ ភាគីខាងកញ្ញា សេង រដ្ឋា”។
ការបញ្ជាក់ក្នុងការបង្ហោះនេះ គឺស្ថិតនៅក្នុងកិច្ចព្រមព្រៀងទាំងស្រុងនៅក្នុងឯកសារ។ ដោយឡែកនៅលើហ្វេសប៊ុក របស់ លោក អ៊ិន សុភិន អគ្គនាយក Miss Grand Cambodia 2020 ក៏បានបង្ហោះថា “ពេលវេលាបានមកដល់ទីបញ្ចប់រវាង ក្រុមហ៊ុន Mohahang និង Miss Grand Cambodia 2020 មានតែផ្លូវច្បាប់ទេីបអាចដោះស្រាយ។ សូមអរគុណនូវការយកចិត្តតាមដានទាំងអស់គ្នា ពេលនេះការពិតបានលាតត្រដាងហេីយ ខ្ញុំសូមអស់យោបល់ហេីយសង្ឃឹម ថាអ្វីៗនឹងបានល្អប្រសេីរ យេីងជាខ្មែរដូចគ្នាត្រូវចេះដោះស្រាយដោយសន្តិវិធី ខ្ញុំបាទសូមសុំទោសជាសាធារណៈនូវពាក្យពេជ្រខុសឆ្គងកន្លងមកហេីយសូមសន្យាថាកម្មវិធី Miss Grand Cambodia 2021 នឹងរៀបចំអោយបានល្អជាងឆ្នាំ2020 អរគុណគ្រប់យ៉ាងដល់ក្រុមការងារនឹងអ្នកគាំទ្រ ដែលបានជួយលេីកទឹកចិត្តខ្ញុំកន្លងមក ស្រលាញ់អ្នកទាំងអស់គ្នាពេញបេះដូង។

January 28, 2021
Elon Musk ជិតទទួលបានរង្វាន់ទី5 តម្លៃ 7ពាន់លានដុល្លារអាមេរិក
ដោយសារតែក្រុមហ៊ុនផលិតរថយន្តអគ្គិសនី Tesla បានរីកចម្រើនយ៉ាងឆាប់រហ័ស CEO Elon Musk ក៏ជិតទទួលបានប្រាក់រង្វាន់ដែលមានតម្លៃជិត 7 ពាន់លានដុល្លារអាមេរិក។ នៅក្នុងរដូវផ្ដល់រង្វាន់លើកមុន (ខែតុលា 2020) មហាសេដ្ឋីអាមេរិកដើមកំណើតអាហ្វ្រិករូបនេះ ទទួលបាន 2.9 ពាន់លានដុល្លារ។
នៅពេលដែលរបាយការណ៍សម្រាប់ត្រីមាសទី 4 ឆ្នាំ 2021 របស់ក្រុមហ៊ុន Tesla ត្រូវបានប្រកាស វានឹងអាចបើកផ្លូវឱ្យមានការផ្ដល់រង្វាន់ទី 5 តម្លៃ 7 ពាន់លានដុល្លារទៅឱ្យអគ្គនាយកប្រតិបត្តិ Elon Musk។ ប្រការនេះគឺយោងទៅតាមការព្យាករអំពីប្រាក់ចំណេញមុនបង់ពន្ធ និងការប្រាក់ដែលត្រូវសង (EBITDA) របស់ Tesla ដែលថា នឹងរកបានចំនួន 2.3 ពាន់លានដុល្លារ កើន 92% ធៀបនឹងដំណាក់កាលដូចគ្នាកាលពីឆ្នាំមុន។
តួលេខ EBITDA បែបនេះគឺគ្រប់គ្រាន់ដើម្បីអាចផ្ដល់រង្វាន់ទី 5 ក្នុងចំណោមរង្វាន់ទាំង 12 កម្រិតរបស់ក្រុមហ៊ុន Tesla សម្រាប់ CEO លោក Elon Musk ដោយយោងទៅលើកិច្ចព្រមព្រៀងកាលពីឆ្នាំ 2018 រវាងមហាសេដ្ឋីរូបនេះ ជាមួយនឹងភាគហ៊ុនិករបស់ Tesla។ គោលដៅនីមួយៗដែល Tesla សម្រេចបាន នឹងអនុញ្ញាតឱ្យ Elon Musk ទិញមូលបត្របន្ថែមចំនួន 8.4 លានហ៊ុន ក្នុងតម្លៃត្រឹមតែ 70 ដុល្លារអាមេរិក/ហ៊ុន។
Tesla មានរង្វាន់ចំនួន 12 កម្រិតសម្រាប់ CEO ដោយអាស្រ័យទៅលើតម្លៃមូលធនទីផ្សារគិតក្នុងអំឡុង 6 ខែម្ដង និងគោលដៅប្រាក់ចំណូល រួមនឹងប្រាក់ចំណេញមួយចំនួនទៀត។ ដោយសារតែមូលបត្រ Tesla កើនឡើងយ៉ាងឆាប់រហ័ស គោលដៅនៃតម្លៃមូលធនទីផ្សារក៏ងាយនឹងសម្រេចបាន ហើយ Elon Musk គ្រាន់តែរង់ចាំបញ្ចប់គោលដៅអមមួយចំនួនទៀតតែប៉ុណ្ណោះ មុននឹងទទួលបានរង្វាន់។
តម្លៃមូលបត្របច្ចុប្បន្នរបស់ Tesla គឺប្រមាណ 880 ដុល្លារ/ហ៊ុន ដូច្នេះ Elon Musk អាចទិញមូលបត្រនេះដោយមានការបញ្ចុះតម្លៃដល់ទៅ 90%។ គិតជាសរុប CEO របស់ Tesla អាចរកបានជិត 7 ពាន់លានដុល្លារពីរង្វាន់លើកនេះ។ រង្វាន់លើកមុន Elon Musk ទទួលបាន 2.9 ពាន់លានដុល្លារ នៅក្នុងខែតុលា ឆ្នាំ 2020៕
ប្រភព៖ Reuters
January 27, 2021
សិង្ហបុរី អំពាវនាវឱ្យពលរដ្ឋជូន «អាំងប៉ាវអេឡិចត្រូនិក» ក្នុងរដូវបុណ្យចូលឆ្នាំចិន
ដើម្បីជៀសវាងការជួបជុំគ្នាដែលមានមនុស្សច្រើន និងដើម្បីការពារបរិស្ថាន រដ្ឋាភិបាលប្រទេសសិង្ហបុរី បានចេញសេចក្ដីអំពាវនាវឱ្យពលរដ្ឋរបស់ខ្លួន ជូនអំណោយជាប្រាក់នាំសំណាង (អាំងប៉ាវ) ដោយប្រើប្រាស់រូបភាពឌីជីថល នៅក្នុងឱកាសបុណ្យចូលឆ្នាំប្រពៃណីចិននាពេលខាងមុខ។
នាយកដ្ឋានគ្រប់គ្រងហិរញ្ញវត្ថុរបស់ប្រទេសសិង្ហបុរី (MAS) បានអំពាវនាវឱ្យពលរដ្ឋចាត់ទុកអាំងប៉ាវអេឡិចត្រូនិកជា «បែបផែនធម្មតាថ្មីមួយ» នៅក្នុងវិបត្តិសុខភាពដែលបង្កឡើងដោយ Covid-19។ MAS សង្ឃឹមថា ប្រការនេះនឹងអាចកាត់បន្ថយការឆ្លងរាលដាលរបស់វីរុស ដោយសារមនុស្សមិនបានជួបជុំគ្នាច្រើន និងមិនបានកាន់អាំងប៉ាវដោយផ្ទាល់ដៃ ក៏ដូចជាជួយឱ្យបរិស្ថានមានភាពល្អប្រសើរ ព្រោះមិនត្រូវបោះពុម្ភក្រដាសប្រាក់ថ្មី។
ប្រជាជននៃប្រទេសសិង្ហបុរី ភាគច្រើនគឺជាពលរដ្ឋដើមកំណើតចិន។ រៀងរាល់រដូវបុណ្យចូលឆ្នាំចិន ពួកគេតែងតែជូនពរ និងជូនអំណោយដល់គ្នាដោយក្រដាសប្រាក់ដែលដាក់នៅក្នុងសំបុត្រពណ៌ក្រហម ដែលគេហៅថា អាំងប៉ាវ។ នៅប្រទេសចិនឯណោះវិញ ប្រព័ន្ធអាំងប៉ាវអេឡិចត្រូនិកបានក្លាយជាឧបករណ៍ពេញនិយម អនុញ្ញាតឱ្យគ្រប់គ្នាផ្ទេរប្រាក់តាមរយៈកាបូបអេឡិចត្រូនិកនៅក្នុងទូរស័ព្ទឆ្លាតវៃ មានដូចជាកម្មវិធី Wechat Pay ។ល។ សម្រាប់កម្ពុជា គេក៏ឃើញមានកាបូបអេឡិចត្រូនិកមួយចំនួន មានកម្មវិធី «អាំងប៉ាវ» ផងដែរ ដូចជា Wing ជាដើម។
នៅកម្ពុជា គេក៏ឃើញមានកាបូបអេឡិចត្រូនិកមួយចំនួន មានកម្មវិធី «អាំងប៉ាវ» ផងដែរ ក្នុងនោះមាន Wing ជាដើម
យោងតាមសមាគមធនាគារសិង្ហបុរី ធនាគារចំនួន 6 របស់ប្រទេសនេះ កំពុងផ្គត់ផ្គង់ប្រាក់អេឡិចត្រូនិកសម្រាប់ជូនអាំងប៉ាវតាមរយៈ Paynow ជាសេវាដែលអ្នកប្រើប្រាស់អាចផ្ទេរប្រាក់ពីធនាគារមួយ ទៅធនាគារមួយទៀតដោយប្រើលេខទូរស័ព្ទ។
ក្រៅពីកម្មវិធីអាំងប៉ាវ MAS ក៏កំពុងតែធ្វើការជាមួយសមាគមធនាគារសិង្ហបុរីដើម្បីលើកទឹកចិត្តឱ្យ fintech (Financial technology) អភិវឌ្ឍ និងបង្កើតកម្មវិធីអាំងប៉ាវអេឡិចត្រូនិកប្រភេទផ្សេងផងដែរ។ MAS ជឿជាក់ថា ការធ្វើឌីជីថលឧបណីយកម្មលើសាច់ប្រាក់ គឺជាគន្លឹះសម្រាប់ការអភិវឌ្ឍរយៈពេលមធ្យម និងវែងរបស់សិង្ហបុរី។
ប្រទេសជិតខាងរបស់សិង្ហបុរី គឺម៉ាឡេស៊ី ជាប្រទេសដែលមានពលរដ្ឋដើមកំណើតចិនប្រមាណជា 20% ក៏អាចនឹងមានកម្មវិធីឌីជីថលសម្រាប់ប្រើប្រាស់ក្នុងការជូនអំណោយក្នុងរដូវបុណ្យចូលឆ្នាំចិនឆ្នាំនេះដែរ។ ម៉ាឡេស៊ី កំពុងតែទទួលរងរលកនៃការឆ្លងរាលដាល Covid-19 ថ្មី និងដាក់ប្រទេសក្នុងភាពអាសន្នចាប់ពីថ្ងៃទី 12 ខែមករា។ មូលហេតុនេះនឹងជួយឱ្យការប្រើប្រាស់អាំងប៉ាវឌីជីថល កើនឡើងថែមមួយកម្រិតទៀត៕
ប្រភព៖ Nikkei
January 27, 2021
Forbes៖ មហាសេដ្ឋីដុល្លារនៅទ្វីបអាហ្វ្រិក ថយចុះចំនួន 2រូប បើធៀបនឹងដើមឆ្នាំ 2020
ទស្សនាវដ្ដីពាណិជ្ជកម្ម Forbes បានបញ្ចេញបញ្ជីឈ្មោះស្ដីអំពីអ្នកមានជាងគេបង្អស់ប្រចាំទ្វីបអាហ្វ្រិកសម្រាប់ឆ្នាំ 2021 ដែលបង្ហាញថា ទ្វីបនេះមានមហាសេដ្ឋីត្រឹមតែ 18 នាក់ ហើយពួកគេមានទ្រព្យសរុបចំនួន 73.8 ពាន់លានដុល្លារអាមេរិក។
នៅក្នុងគ្រាដែល Covid-19 កំពុងតែធ្វើឱ្យប៉ះពាល់ដល់សកម្មភាពជំនួញ និងកំណើននៃទ្រព្យសម្បត្តិរបស់មហាសេដ្ឋីនានា មហាសេដ្ឋីមួយចំនួនទៀតបែរជាកាន់តែមានឡើងៗ ដោយសារតែមូលបត្រឡើងថ្លៃ។
ចំនួនមហាសេដ្ឋីដុល្លារនៅអាហ្វ្រិកបានថយចុះពី 20 នាក់កាលពីដើមឆ្នាំ 2020 មកនៅត្រឹម 18 នាក់នាដើមឆ្នាំ 2021 ប៉ុន្តែជាក់ស្ដែង ទ្រព្យសម្បត្តិរបស់ពួកគេនៅតែបន្តកើនឡើង បើទោះជាកើនមិនច្រើន។
មកដល់ដំណាក់កាលដើមឆ្នាំ 2021 នេះ ទ្រព្យសម្បត្តិសរុបរបស់មហាសេដ្ឋីអាហ្វ្រិកទាំង 18 នាក់ខាងលើ មានចំនួន 73.8 ពាន់លានដុល្លារអាមេរិក ច្រើនជាងបន្តិចបើធៀបនឹង 73.4 ពាន់លានដុល្លាររបស់មហាសេដ្ឋីទាំង 20 រូប កាលពីឆ្នាំ 2020។
ប្រការដែលគួរកត់សម្គាល់នោះគឺថា បញ្ជីឈ្មោះមហាសេដ្ឋីអាហ្វ្រិករបស់ទស្សនាវដ្ដី Forbes នេះ គឺគិតតែមហាសេដ្ឋីដែលកំពុងរស់នៅក្នុងទ្វីបអាហ្វ្រិក ជាកន្លែងដែលក្រុមហ៊ុន និងមូលបត្រត្រូវបានដាក់នៅក្នុងទ្វីបនេះ លើកលែងតែមហាសេដ្ឋី Mo Ibrahim សញ្ជាតិអង់គ្លេស ដើមកំណើតស៊ូដង់ និងមហាសេដ្ឋី Mohamed Al-Fayed ជនជាតិអង់គ្លេស ដើមកំណើតអេហ្ស៊ីប។
បើគិតទៅលើប្រទេស គេឃើញថា អាហ្វ្រិកខាងត្បូង និងអេហ្ស៊ីប គឺជាប្រទេសដែលមានមហាសេដ្ឋីច្រើនជាងគេ ដោយប្រទេសនីមួយៗមានមហាសេដ្ឋី 5 នាក់ ស្មើគ្នា បន្ទាប់មកគឺប្រទេសនីហ្សេរីយ៉ាមាន 3 នាក់ និងម៉ារ៉ុក (Morocco) មាន 2 នាក់៕
ប្រភព៖ Forbes
January 27, 2021