Category: សង្គម និងសេដ្ឋកិច្ច

ក្រុមមហាសេដ្ឋបច្ចេកវិទ្យា អានសៀវភៅអ្វីខ្លះដើម្បីជោគជ័យ?
សៀវភៅអាចត្រូវបានគេចាត់ទុកថាជាអាវុធ ឬជាមធ្យោបាយដែលមិនអាចខ្វះបាននៅក្នុងជីវិត លើវិថីដែលឆ្ពោះទៅកាន់ភាពជោគជ័យរបស់ក្រុមកំពូលមហាសេដ្ឋីក្នុងវិស័យបច្ចេកវិទ្យានៃពិភពលោក។ ខាងក្រោមគឺជាសៀវភៅទាំងឡាយដែលក្រុមមហាសេដ្ឋីចូលចិត្តអាន។
លោក Bill Gates
អតីតប្រធានក្រុមហ៊ុន Microsoft គឺជាមហាសេដ្ឋីម្នាក់ដែលមានបណ្ណាល័យផ្ទាល់ខ្លួន និងបានអានសៀវភៅរាប់សិបក្បាលក្នុងមួយឆ្នាំៗ ព្រមទាំងមាន blog ផ្ទាល់ខ្លួនមួយផងដែរដើម្បីឧទ្ទេសនាមសៀវភៅដែលគួរអាន។ សៀវភៅដែលលោក Bill Gates អាន ភាគច្រើនគឺជាប្រភេទដែលនិយាយអំពីវិទ្យាសាស្ត្របច្ចេកវិទ្យាជាក់ស្ដែង សេដ្ឋកិច្ច អប់រំ អភិវឌ្ឍអន្តរជាតិ សង្គមសាស្ត្រ ប្រវត្តិសាស្ត្រ ប្រវត្តិផ្ទាល់ខ្លួនរបស់បុគ្គល និងកំណត់ហេតុ។
សៀវភៅមួយក្បាលក្នុងចំណោមសៀវភៅដែលលោក Bill Gates និង Warren Buffett ចាប់អារម្មណ៍ នោះគឺ Business Adventures (អាថ៌កំបាំងបង្កើតអាជីវកម្ម) និង The Ride of a Lifetime (បកស្រែបណ្ដោះអាសន្នថា៖ ដំណើរជីវិត)។
CEO របស់ Amazon លោក Jeff Bezos
Jeff Bezos បានបង្កើត Amazon និងចាប់ផ្ដើមរកស៊ីដំបូងជាមួយនឹងការលក់សៀវភៅ ដូច្នេះ លោកប្រាកដជាបានអានសៀវភៅអស់រាប់រយក្បាលមកហើយក៏ថាបាន។ លោកក៏មានសៀវភៅជាច្រើនក្បាលដែលអាចយកមកណែនាំជូនមិត្តអ្នកអាន ក្នុងនោះ លេចធ្លោជាងគេនោះគឺសៀវភៅ Built to Last (បកប្រែក្រៅផ្លូវការថា៖ កសាងដើម្បីអនាគតយូរអង្វែង) និង The Remains of the Day (បកប្រែក្រៅផ្លូវការថា៖ សំណល់នៃថ្ងៃនោះ)។ ក្រៅពីនេះ សៀវភៅ The Black Swan (ក្ងានខ្មៅ) ក៏ត្រូវបានលោក ណែនាំឱ្យអានផងដែរ។
CEO របស់ Apple លោក Tim Cook
សៀវភៅដែល Tim Cook ធ្លាប់ចូលចិត្តអាន និងណែនាំឱ្យអាន នោះគឺ Competing Against Time (បកប្រែក្រៅផ្លូវការថា៖ រត់ប្រណាំងនឹងពេលវេលា) ឬ Mahatma Gandhi (មហាត្មះ គន្ធី) និង Bobby Kennedy ជាដើម។
CEO របស់ SpaceX និង Tesla លោក Elon Musk
កំពូលមហាសេដ្ឋី Elon Musk នៅតែមានពេលសម្រាប់អានសៀវភៅ បើទោះជាលោកគ្រប់គ្រងក្រុមហ៊ុនល្បីៗដល់ទៅពីរ និងចំណាយពេលវេលាសម្រាប់សំដែងមតិនៅលើ Twitter។ សៀវភៅដែលលោកចូលចិត្តអាន នោះគឺ Foundation ដែលនិយាយអំពីវិទ្យាសាស្ត្របែបស្រមៃ ឬប្រឌិត។
សៀវភៅ Benjamin Franklin: An American Life និង Einstein: His Life and Universe ដែលជាស្នាដៃនិពន្ធរបស់ Walter Isaacson ក៏លោក Musk ចូលចិត្តអានផងដែរ។
CEO របស់ Facebook លោក Mark Zuckerberg
CEO របស់ Facebook គឺជាមហាសេដ្ឋីវ័យក្មេង ដូច្នេះ សៀវភៅដែលលោកចូលចិត្តគឺជាប្រភេទដែលងាយស្រួលអាន បើធៀបនឹងសៀវភៅនានាដែលមហាសេដ្ឋីវ័យចំណាស់ៗចូលចិត្ត។ Mark Zuckerberg ចូលចិត្តអានសៀវភៅ Sapiens (ប្រវត្តិមនុស្សលោក) និង Creativity Inc. (បកប្រែក្រៅផ្លូវការថា៖ ពិភពច្នៃប្រឌិត) និងពិសេសគឺសៀវភៅ Ender’s Game៕
February 8, 2021
មីយ៉ាន់ម៉ា កំពុងជ្រួលច្របល់ ធ្វើឱ្យរោងចក្រផលិតរថយន្តជប៉ុនធំៗបិទទ្វារ
រោងចក្រផលិតរថយន្តជប៉ុនចំនួន2 នៅក្នុងប្រទេសមីយ៉ាន់ម៉ា ដែលទើបនឹងបើកដំណើរការកាលពីពេលថ្មីៗ បានប្រកាសផ្អាកដំណើរផលិតកម្មរថយន្តរបស់ខ្លួនភ្លាមៗ បន្ទាប់ពីរដ្ឋប្រហារយោធា កាលពីពេលដើមខែនេះ។
ក្រុមហ៊ុនធំៗទាំង 2នោះគឺ Suzuki Motor និងក្រុមហ៊ុនផ្គត់ផ្គង់សម្ភារបរិក្ខាររថយន្ត Denso Corp ដែលបានបោះទីតាំង និងវិនិយោគរាប់ពាន់លានដុល្លារ ហើយក៏ជារោងចក្រផលិតរថយន្តធំមួយ ក្នុងចំណោមរោងចក្រដទៃនៅតំបន់អាស៊ានផងដែរ។
នៅប្រទេសមីយ៉ាន់ម៉ា មានក្រុមហ៊ុនជប៉ុនច្រើនជាង400 មកបណ្ដាក់ទុនវិនិយោគ គិតតាំងពីខែឧសភា ឆ្នាំ2019។ មីយ៉ាន់ម៉ា មានចំណែកទីផ្សារជាង 60% នៃទីផ្សារផលិតផល Suzuki ដោយលក់ដាច់អស់ 13,200គ្រឿង កាលពីឆ្នាំ2019 កន្លងទៅ។
សូមជម្រាបជូនផងដែរថា ក្រុមហ៊ុនជប៉ុនល្បីឈ្មោះ 1ទៀត គឺ Toyota Motor Corp ក៏មានគម្រោងមកវិនិយោគ និងបោះទីតាំងសង់រោងចក្រនៅខែកុម្ភៈនេះដែរ តែបានដកថយទៅវិញ ដោយសារតែស្ថានភាពក្នុងប្រទេសមីយ៉ាន់ម៉ា កំពុងជ្រួលច្របល់៕
February 8, 2021
Apple Car! ក្រោយពីមានដំណឹងចចាមអារ៉ាម ទាំង Hyundai ទាំង Kia សុទ្ធតែបដិសេធរឿងសហការជាមួយ Apple
ក្រុមហ៊ុន Apple របស់សហរដ្ឋអាមេរិក កំពុងតែពិភាក្សាជាមួយនឹងក្រុមហ៊ុនផលិតរថយន្តយ៉ាងតិចចំនួន 6 អំពីកិច្ចសហការដើម្បីអភិវឌ្ឍរថយន្ត Apple Car ប៉ុន្តែពេលនេះ ទាំង Hyundai ទាំង Kia សុទ្ធតែបានច្រានចោលដំណឹងចចាមអារ៉ាមដែលថា ខ្លួននឹងសហការជាមួយ Apple។
យោងតាមសារព័ត៌មាន Bloomberg ក្រុមហ៊ុន Hyundai Motor និងក្រុមហ៊ុនបុត្រសម្ព័ន្ធ Kia Motors របស់ Hyundai សុទ្ធតែបានបញ្ជាក់ថា មិនបានពិភាក្សាអ្វីជាមួយនឹងក្រុមហ៊ុន Apple អំពីការសហការផលិតរថយន្តអគ្គិសនីដែលបើកបរដោយស្វ័យប្រវត្តិនោះទេ។ នេះគឺជាការអះអាងមួយដែលត្រូវបានធ្វើឡើងក្រោយមានដំណឹងចចាមអារ៉ាមជាច្រើនដែលត្រូវបានសារព័ត៌មាននានាចុះផ្សាយនាពេលកន្លងមក។
ប្រភពព័ត៌មានឱ្យដឹងថា ក្រុមហ៊ុនផលិតរថយន្តរបស់ប្រទេសកូរ៉េខាងត្បូង កំពុងចរចាជាមួយក្រុមហ៊ុនជាច្រើនអំពីការអភិវឌ្ឍរថយន្តដើរដោយថាមពលអគ្គិសនី ប៉ុន្តែសេចក្ដីសម្រេចចុងក្រោយមិនទាន់ត្រូវបានប្រកាសនៅឡើយ។ Hyundai និយាយថា ទាំងនេះគ្រាន់តែជាការពិភាក្សាដំណាក់កាលដំបូងប៉ុណ្ណោះ។
ប្រភពព័ត៌មានមួយរបស់ទីភ្នាក់ងារសារព័ត៌មាន Bloomberg និយាយថា Apple បានផ្អាកការចរចាជាមួយនឹង Hyundai និង Kia កាលពីប៉ុន្មានសប្ដាហ៍មុន។ ក៏ប៉ុន្តែ សារព័ត៌មាន Nikkei បានអះអាងថា Apple កំពុងតែចរចាជាមួយនឹងក្រុមហ៊ុនផលិតរថយន្តយ៉ាងតិចចំនួន 6 ទាក់ទងនឹងការអភិវឌ្ឍ និងផលិតរថយន្តអគ្គិសនី Apple Car។
ផែនការរបស់ Apple សម្រាប់ការផលិតរថយន្តអគ្គិសនីកំពុងស្ថិតក្នុងភាពអាថ៌កំបាំង ក៏ប៉ុន្តែពួកគេកំពុងតែយកចិត្តទុកដាក់យ៉ាងខ្លាំង។ មូលហេតុគឺដោយសារ គម្រោង Apple Car មានសក្ដានុពលក្នុងការផ្លាស់ប្ដូរវិស័យឧស្សាហកម្មរថយន្ត ពោលគឺដូចទៅនឹងវិធីដែល iPhone និង iPods បានផ្លាស់ប្ដូរទីផ្សារទូរស័ព្ទយ៉ាងដូច្នោះដែរ៕
ប្រភព៖ Bloomberg
February 8, 2021
WTO ជិតមានអគ្គនាយិកាស្បែកខ្មៅដំបូងក្នុងប្រវត្តិសាស្ត្រ ដោយសារគូប្រជែងបានដកខ្លួន
លោកស្រី Ngozi Okonjo-Iweala មកពីប្រទេសនីហ្សេរី (Nigeria) នឹងក្លាយជាស្ត្រីដំបូងគេ និងជាជនជាតិអាហ្វ្រិកដំបូងគេដែលដឹកនាំអង្គការពាណិជ្ជកម្មពិភពលោក (WTO) ដោយសារគូប្រជែងមកពីកូរ៉េខាងត្បូងបានដកខ្លួន។
លោកស្រី Yoo Myung-hee រដ្ឋមន្ត្រីក្រសួងពាណិជ្ជកម្មកូរ៉េខាងត្បូង កាលពីថ្ងៃទី 5 កុម្ភៈ បានប្រកាសដកខ្លួនចេញពីការប្រកួតដណ្ដើមតំណែងអគ្គនាយកនៃអង្គការពាណិជ្ជកម្មពិភពលោក។ លោកស្រី Yoo Myung-hee និងលោកស្រី Ngozi Okonjo-Iweala គឺជាបេក្ខភាពចុងក្រោយនៅក្នុងការប្រជែងនេះ។
លោកស្រី Ngozi Okonjo-Iweala ដែលជាអ្នកសេដ្ឋកិច្ច និងជាអតីតរដ្ឋមន្ត្រីក្រសួងហិរញ្ញវត្ថុនីហ្សេរីយ៉ា ទទួលបានការគាំទ្រពីសមាជិកសំខាន់ៗរបស់ WTO មានដូចជា ចិន អឺរ៉ុប ជប៉ុន និងអូស្ត្រាលី។ ប៉ុន្តែ សហរដ្ឋអាមេរិកបែរជាគាំទ្របេក្ខភាព Yoo Myung-hee មកពីកូរ៉េខាងត្បូងទៅវិញ បណ្ដាលឱ្យការជ្រើសរើសជួបការលំបាក ដោយសារតែការជ្រើសរើសមេដឹកនាំថ្មី ទាមទារឱ្យមានការយល់ព្រមពីសមាជិកទាំងអស់នៃអង្គការនេះ។ ការជ្រើសរើសលោកស្រី Okonjo-Iweala អាចត្រូវចំណាយពេលច្រើនបន្ថែមទៀត ពោលគឺរហូតដល់អាមេរិកមានតំណាងថ្មី។
លោកស្រី Yoo Myung-hee
ការសម្រេចចិត្តដកខ្លួនរបស់លោកស្រី Yoo Myung-hee ត្រូវបានធ្វើឡើងក្រោយពីបានប្រឹក្សាយោបល់ជាមួយសហរដ្ឋអាមេរិក។ លោកស្រីថា WTO មិនមានមេដឹកនាំអស់ពេលជាយូរមកហើយ ចាប់តាំងពីលោក Roberto Azevedo បានចាកចេញពីតំណែងនេះកាលពីខែសីហា ឆ្នាំ 2020 ឆាប់ជាងមួយឆ្នាំបើធៀបនឹងផែនការ។ ការចាកចេញរបស់លោក Roberto Azevedo ត្រូវបានធ្វើឡើងនៅក្នុងគ្រាដែល WTO កំពុងជាប់គាំងនៅក្នុងភាពតានតឹងផ្នែកពាណិជ្ជកម្មរវាងចិន និងសហរដ្ឋអាមេរិក។
អតីតរដ្ឋាភិបាលរបស់លោក Trump បានរិះយ៉ាងខ្លាំងក្លា និងមិនអើពើដល់តួនាទីរបស់អង្គការនេះ ក្នុងបំណងយកពន្ធលើការនាំចូលពីកាណាដា ម៉ិកស៊ិក ចិន និងអឺរ៉ុប។ ដូច្នេះ លោកស្រី Ngozi Okonjo-Iweala នឹងជួបការលំបាកខ្លាំងក្នុងការដោះស្រាយបញ្ហាទាំងឡាយខាងលើ។
លោកស្រី Ngozi Okonjo-Iweala បានធ្វើការឱ្យធនាគារពិភពលោក (WB) អស់រយៈពេល 25 ឆ្នាំ ក្នុងតួនាទីជាអ្នកសេដ្ឋកិច្ច និងអភិវឌ្ឍពិភពលោក។ ក្រោយមក បន្តិចម្ដងៗ លោកស្រីក៏បានឈានចូលទៅក្បែរតំណែងជាមេដឹកនាំនៃអង្គការ WTO។ លោកស្រីក៏ជាប្រធាន Gavi ដែលជាអង្គការមួយកំពុងជួយដល់ការចែកចាយវ៉ាក់សាំង Covid-19 នៅទូទាំងពិភពលោក និងទើបតែបានបញ្ចប់អាណត្តិរបស់លោកស្រី កាលពីខែធ្នូ ឆ្នាំ 2020៕
ប្រភព៖ CNN
February 6, 2021
ផ្ទៃបឹងកប់ស្រូវ 4 ហិកតា នឹងត្រូវយកមកសាងសង់ទីស្ដីការថ្មីនៃក្រសួងមុខងារសាធារណៈ
ទីស្ដីការថ្មីរបស់ក្រសួងមុខងារសាធារណៈនឹងត្រូវបានសាងសង់លើតំបន់បឹងកប់ស្រូវ (បឹងតាមោក) បន្ទាប់ពីរដ្ឋាភិបាលកម្ពុជាបានសម្រេចប្រគល់ឱ្យក្រសួងនេះតាមរយៈអនុក្រឹត្យ មួយ ចុះថ្ងៃទី 28 ខែមករាកន្លងទៅ។
នៅក្នុងអនុក្រឹត្យ លេខ 63 សជណ ចុះថ្ងៃទី 28 ខែមករា ឆ្នាំ 2021 ខាងលើ បានឱ្យដឹងថា ទីតាំងផ្ទៃដីបឹងតាមោកទំហំ 4 ហិកតា ដែលត្រូវបានប្រគល់ឱ្យក្រសួងមុខងារសាធារណៈនេះ ស្ថិតនៅក្នុងសង្កាត់គោករកា ខណ្ឌព្រែកភ្នៅ ក្រុងភ្នំពេញ ជាប់នឹងភាគខាងលិចនៃតំបន់ដីរបស់ក្រសួងយុត្តិធម៌។ ទីតាំងនេះមានចម្ងាយពីព្រលានយន្តហោះអន្តរជាតិភ្នំពេញប្រមាណ 12 គីឡូម៉ែត្រទៅទិសខាងជើង និងចម្ងាយពីវត្តភ្នំប្រមាណ 18 គីឡូម៉ែត្រ ទៅទិសខាងជើងឆៀងខាងលិច។
នៅថ្ងៃទី 3 ខែកុម្ភៈ ឆ្នាំ 2016 រដ្ឋាភិបាល បានចេញអនុក្រឹត្យមួយស្តីពីការកំណត់ផ្ទៃបឹង ចំនួន 3,239 ហិកតា ដែលគ្របដណ្តប់លើតំបន់បឹងតាមោក និងដីជុំវិញបឹងនេះ ទុកជាទ្រព្យសម្បត្តិរបស់រដ្ឋ។ ក្នុងឆ្នាំ 2020 រដ្ឋក៏បានសម្រេចកាត់ដីបឹងតាមោកប្រមាណ 682 ហិកតា ឱ្យទៅជាកម្មសិទ្ធិឯកជន និងស្ថាប័នរដ្ឋមួយចំនួន ប៉ុន្តែ ក្នុងនោះក៏មានករណីជាច្រើនត្រូវបានទុកជាមោឃៈផងដែរ។
បឹងកប់ស្រូវ គឺជាបឹងមួយ ដែលត្រូវបានចាប់ផ្ដើមអភិវឌ្ឍក្រោយគេនៅក្នុងចំណោមបឹងធំៗនៅរាជធានីភ្នំពេញ។ នៅជុំវិញបឹងនេះ មានខណ្ឌចំនួន 2 គឺខណ្ឌព្រែកព្នៅ និង ខណ្ឌសែនសុខ។ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារទីស្ដីការក្រសួងសាធារណការនិងដឹកជញ្ជូនថ្មី នាព្រឹកថ្ងៃទី 22 ខែមករា ឆ្នាំ 2021 សម្តេចតេជោ ហ៊ុន សែន បានមានប្រសាសន៍ថា ស្ថាប័នរដ្ឋចំនួន 3 ទៀត នឹងត្រូវរើទៅតំបន់បឹងតាមោក រួមមានអគ្គបញ្ជាការដ្ឋានកងទ័ព និងមន្ទីរពេទ្យរដ្ឋចំនួន 2។
ក្រោយពីមានអនុក្រឹត្យ ចុះថ្ងៃទី 3 ខែកុម្ភៈ ឆ្នាំ 2016 និងគម្រោងខ្លះៗរបស់រដ្ឋាភិបាល រហូតមកដល់បច្ចុប្បន្ន គេឃើញមានគម្រោងអភិវឌ្ឍឯកជនជាច្រើន បានចាប់ផ្ដើមមានឡើងនៅតំបន់នេះ៕
February 5, 2021
ដាច់គេហើយ!! Galaxy Navatra ផ្ទុះខ្លាំងពីមួយបទទៅមួយបទមិនក្រោមលានviews
ដូចប្រិយមិត្តធ្លាប់បានដឹងហើយថា ផលិតកម្មGalaxy Navatraកំពុងតែសម្រុកផលិតបទចម្រៀងចូលឆ្នាំជាច្រើន ខណៈដែលផលិតកម្មផ្សេងទៀតហាក់មិនទាន់បានបញ្ចេញច្រើននៅឡើយ។ គិតមកដល់ថ្ងៃនេះមានបទចម្រៀងមិនក្រោមជាង១០បទឡើយដែល ផលិតកផលិតកម្មរGalalaxy Navatraបានបញ្ចេញ ហើយការបញ្ចេញនោះ គឺធ្វើឡើងជារៀងរាល់ថ្ងៃតែម្ដង។
ស្ទើរគ្រប់បទចម្រៀងទាំងអស់សុទ្ធតែទទួលបានការគាំទ្រខ្លាំង មិននឹកស្មានដល់ ដោយគ្រាន់តែចេញភ្លាមមានអ្នកviewsរាប់លានគ្រប់បទ។ កំពូលតារាចម្រៀងព្រាប សុវត្ថិ និងកំតារាវ័យក្មេង តន់ ចន្ទសីម៉ា ត្រូវបានគេមើលឃើញថា មានបទចម្រៀងច្រើនជាងគេ ទាំងបទឆ្លើយឆ្លង ទាំងបទច្រៀងទោលម្នាក់ឯង។ ចំពោះបទឆ្លើយឆ្លងអ្នកទាំងពីរមានរហូតដល់ទៅ៦បទមកហើយ ក្នុងនោះដូចជា ទី១បទ”កាត់ឆុង” ,ទី២បទ”ប្រហុក”,ទី៣បទ”រកស៊ីជាមួយយក្ស”ទី៤បទ” អរគុណកាមេរ៉ា”ទី៥ បទ”មាន់កម្សត់” ទី៦បទ”ឡានទំនើប”។ បទចម្រៀងទាំង៦បទដែលកំពូលតារាចម្រៀងទាំងពីរច្រៀងរួមគ្នានេះ ត្រូវបានគេសង្កេតឃើញថា ភាគច្រើនជាបទរាំលេងកម្សាន្តបែបសប្បាយៗ មានគ្រប់ចង្វាក់ដែលងាយស្រួលសម្រាប់បងប្អូនរាំលេង ពេលជួបជុំគ្នា យ៉ាងសប្បាយរីករាយ ហើយគ្រប់បទចម្រៀងនីមួយៗ មានអ្នកviewsរាប់លានដង។
ចំណុចទាំងនេះ បានធ្វើឲ្យមហាជនវាយតម្លៃថា សម្រាប់ឆ្នាំនេះ ប្រហែលពិបាកទប់ទល់ នឹងផលិតកម្មGalaxy Navatraហើយឆ្នាំនេះ ត្បិតអីបទស្ទើរតែទាំងអស់បែបនេះនោះ។ ផ្អែកលើផេក Galaxy Navatra ក៍បានក៍បានក៏បានបង្ហាញពិត ចំនួន អ្នកចូលviews បទចម្រៀងរបស់ខ្លួនផងដែរ គឺពិតជាមានរាប់លានដងគ្រប់បទច្រៀងដែលបានចេញក្នុងអាលប៊ុមចូលឆ្នាំនេះ ដែលចំនួននេះ មានការទទួលលើសការរំពឹងទុក។ ជាមួយគ្នានោះដែរអ្នកគាំទ្រជាច្រើនអ្នក បានចូលComment លើChannel youtube Galaxy Navatra ដោយកោតសរសើរ ព្រមទាំងបង្ហាញការពេញចិត្តជាខ្លាំង។ លោក យឹម តាស្រង់ ក៏បានសរសើរមិនដាច់ពីមាត់ថាកំពូលតារាចម្រៀងលោកព្រាប សុវត្ថិ និង តន់ ចន្ទសីម៉ា គឺពិតជាដៃគូស័ក្ដិសមបំផុតសម្រាប់បទចម្រៀងចូលឆ្នាំនេះ ផលិតកម្មGalaxy Navatra នឹងបន្តផលិតបទចម្រៀងឲ្យអ្នកទាំងពីរជាច្រើនបទបន្ថែមទៀត៕

ទស្សនាវីដេអូខាងក្រោមនេះ៖
February 5, 2021
ករុណា ពេជ្រ អួលដើមក ក្ដុកក្ដួលអារម្មណ៍ ពេលឃើញស្នាមញញឹមតាៗធាក់ស៊ីក្លូបានពិសាអាហារឆ្ងាញ់ៗ
ស្នាមញញឹម របស់តាៗធាក់ស៊ីក្លូ ជាច្រើនរយនាក់ បានអង្រួនដួងចិត្តរបស់តារាចម្រៀងករុណា ពេជ្រ អោយស្រក់ទឹកភ្នែក អួលដើមកទៅវិញ ខណៈដែលតារាចម្រៀងរូបនេះ បានរៀបចំពិធីជួបជុំ និងពិសារអាហារនៅភោជនីយដ្ឋានវីហ្វ្រេនស្ពានបាឡេ កាលពីយប់ថ្ងៃព្រហស្បតិ៍ ទី៤ កុម្ភៈ ២០២១។
តារាចម្រៀងរូបនេះ បានអោយដឹងថា គ្រាដែលបានជួបផ្ទាល់ជាមួយនឹងលោកតា ពូ អុំ ធាក់ស៊ីក្លូ និងបានអញ្ជើញគាត់មកពិសាហារមួយពេល ដែលមានរស់ជាតិឆ្ងាញ់ គឺម្ហូបទាំងអស់គឺជាមុខម្ហូបតុកា អោយពួកគាត់បានឆ្ងាញ់ម្តង ទាំងនោះហើយគឺជាសេចក្តីសុខផ្លូវចិត្ត ដែលបានកើតឡើង និងរំភើបរហូតស្រក់ទឹកភ្នែក។ និយាយទាំងអួលដើមក ពេលដែល តាតាស៊ីក្លូ ជាងបីរយ នាក់បានដឹងរឿងពិតអំពីលោកឳពុក របស់ ករុណា ពេជ្រ ឈឺដោយមិនដឹងឮអ្វីទាំងអស់ ពោលគឺជាមនុស្សរុក្ខជាតិ តាតា ទាំងនោះបានជូនពរសូមអោយឳពុក របស់ករុណា បានដឹងខ្លួនស្គាល់កូន ឡើងវិញ ពេលនោះហើយដែលតារាចម្រៀង រូបនេះ អួលដើមក និយាយមិនចេញ ក្រៅពីសម្រក់ទឹកភ្នែក។
លោកថា ការរៀបចំនេះ គឺធ្វើឡើងនៅចំថ្ងៃទិវានៃក្តីស្រលាញ់១៤ កុម្ភៈ ប៉ុន្តែដោយជាន់ថ្ងៃជាមួយនឹងថ្ងៃបុណ្យចូលឆ្នាំថ្មីប្រពៃណីជនជាតិចិន ដូច្នេះលោកនិងក្រុមការងារបានសម្រេចផ្លាស់ប្តូរមកថ្ងៃ៤កុម្ភៈវិញម្តង។ លោកក៏បានអរគុណ សប្បុរសជន ទាំងក្នុងនិងក្រៅប្រទេស ដែលបានរួមចំណែក ចូលជាថវិកា និង សម្ភារៈមួយចំនួន។

February 5, 2021
មហាសេដ្ឋី Jeff Bezos បង្ហើបឱ្យដឹងអំពីការកំណត់គោលដៅអនាគត ដែលមនុស្សភាគច្រើនជួបបរាជ័យ
ជាធម្មតា នៅពេលនិយាយអំពីផែនការយូរអង្វែង គ្រប់គ្នាតែងតែកំណត់គោលដៅក្នុងរយៈពេលមធ្យមដែលប្រកបដោយភាពជាក់លាក់ណាមួយ រួចភ្ជាប់គំនិតនានាជាមួយគ្នា។ ប៉ុន្តែ បញ្ហានៅទីនេះ នោះគឺ ផែនការនេះមានលក្ខណរឹង និងតឹងតែងនៅចំពោះមុខការប្រែប្រួលរបស់អនាគត ក៏ដូចជា មានលក្ខណជាក់លាក់ពេក ធ្វើឱ្យគ្រប់គ្នាងាយនឹងបាត់បង់ភាពអត់ធ្មត់នៅពេលអ្វីៗត្រូវ «ដួលរំលំ»។
បើទោះជាការកំណត់គោលដៅក្នុងរយៈពេល 10-20 ឬ 30 ឆ្នាំ មានលក្ខណមិនសូវជាច្បាស់លាស់បើធៀបនឹងរយៈពេល 5 ឆ្នាំ ប៉ុន្តែ វាជួយឱ្យគ្រប់គ្នាអាចបង្កើតយុទ្ធសាស្ត្រប្រកបដោយភាពបត់បែនក្នុងអនាគត ទន្ទឹមនឹងនេះក៏ជួយឱ្យគ្រប់គ្នាអាចរក្សាបាននូវការអត់ធ្មត់ ភាពមាំមួន នៅពេលគម្រោងខ្លះត្រូវបរាជ័យ។
នេះគឺជាអ្វីដែលបានកើតឡើងចំពោះកំពូលមហាសេដ្ឋីលំដាប់លេខពីរក្នុងលោក និងជាស្ថាបនិករបស់ Amazon គឺលោក Jeff Bezos នៅក្នុងដំណាក់កាលដំបូងៗនៃការដឹកនាំក្រុមហ៊ុននេះ។ គ្រប់គ្នាចូលចិត្តផ្ដោតទៅលើលទ្ធផលទៅតាមត្រីមាស ដោយមិនអាចមើលឃើញបាននូវប្រព័ន្ធទាំងមូលដែលត្រូវការការកសាងសម្រាប់អនាគតរយៈពេលវែងរាប់សិបឆ្នាំ។
ការកំណត់ទិសដៅក្នុងរយៈពេល 5 ឆ្នាំ គឺពិតជាជាក់លាក់ និងងាយស្រួលបញ្ចុះបញ្ចូលជាងសម្រាប់មនុស្សភាគច្រើន ក៏ប៉ុន្តែ ជោគជ័យអាចជារឿងហេងស៊យ។ ចំពោះក្រុមមនុស្សដែលកំណត់គោលដៅ ក៏ដូចជាចំណាយកម្លាំងកាយចិត្ត និងពេលវេលាដើម្បីរៀបចំគោលដៅសម្រាប់រយៈពេលវែង ត្រឹម 20-30 ឆ្នាំ នឹងមិនងាយបរាជ័យនោះទេ។ សូម្បីតែនៅពេលមិនអាចសម្រេចបានតាមផែនការ ក៏កម្លាំងកាយចិត្ត បទពិសោធន៍ និងចំណេះដឹងនៅក្នុងអំឡុង 30 ឆ្នាំកន្លងមករបស់គ្រប់គ្នា ក៏នឹងត្រូវបានទទួលស្គាល់ខ្លះផងដែរ។
យោងតាមមហាសេដ្ឋី Jeff Bezos គ្រប់គ្នាកំពុងតែរស់នៅក្នុងពិភពលោកមួយដែលពោរពេញដោយការប្ដូរផ្លាស់ជាបន្តបន្ទាប់ ហើយដើម្បីធ្វើការសម្រេចចិត្តប្រកបដោយប្រសិទ្ធភាព នោះគ្រប់គ្នាគួរតែចៀសវាងឱ្យបាននូវលក្ខណ «ត្រង់ រឹង និងច្រំដែល» ប៉ុន្តែ ជំនួសមកវិញ ត្រូវតែប្រកបដោយភាពបត់បែន និងធ្វើពិពិធកម្មដើម្បីឱ្យមានជម្រើសច្រើន។
ថ្វីបើអនាគតយូរអង្វែង ពិតជាធ្វើឱ្យគ្រប់គ្នាពិបាកក្នុងការព្យាករ ឬដឹងជាមុនបាន ប៉ុន្តែ ប្រការនេះមិនមែនមានន័យថា គ្រប់គ្នាមិនអាចកំណត់បាននូវរូបរាងនៃផ្លូវដែលត្រូវដើរទៅកាន់គោលដៅរបស់ខ្លួននោះដែរ៕
ប្រភព៖ Tipsmake
February 5, 2021
ជូនមន្ទីរពេទ្យកុមារអង្គរ៥០ ម៉ឺនដុល្លារហើយ សាយ ត្រៀមផ្ដើមគ្រោងទី២ដើម្បីផលិតភាពយន្ដជួយសង្គម
កន្លងទៅនេះ តារាចម្រៀង សាយ ដែលមានឈ្មោះដើម អ៊ួន បឋម បានទទួពានរង្វាន់វីរយុវជន ឆ្នាំ ២០២០ ហើយ ពីសមាគមអន្តរជាតិយុវជន និង សិស្សនិស្សិតដើម្បីសន្តិភាព ដែលហៅកាត់ថា IAYSP ។ ក្នុងនោះ សាយ ត្រូវបានទទួលរង្វាន់វីរយុវជននេះបាន ក៏ព្រោះតែបន្ទាប់ពីឃើញសកម្មភាពមនុស្សធម៌នៃការរៃអង្គាសថវិកាជូនមន្ទីរពេទ្យកុមារអង្គរចំនួន៥០ ម៉ឺនដុល្លារ តាមរយៈកម្មវិធ «រត់ដើម្បីសប្បុរសធម៌ជាមួយសាយ» គណៈកម្មការនៃសមាគម IAYSP ក៏បានវាយតម្លៃ និង ជ្រើសរើសសាយ ជាបុគ្គលដែលមានលក្ខណៈសម្បត្តិគ្រប់គ្រាន់ក្នុងការទទួលបាននូវពានរង្វាន់មួយនេះ ។
យ៉ាងណាមិញ តារាចម្រៀង Original song រូបនេះបានបង្ហើបដែរថា លោកគ្រោងរៀបចំកម្មវិធីមួយទៀតដែលមានឈ្មោះថា «តោះចាប់ផ្តើមធ្វើជាមួយ សាយ (Let’s Do It with Sai)» ជាកម្មវិធីបំផុសគំនិតជួយសង្គមតាមរយៈក្រុមតូចៗដែលបានដាក់ពាក្យចូលរួមក្នុងកម្មវិធី។ កម្មវិធីនឹងផ្តល់ជាប្រឹក្សាយោបល់ និង ពិភាក្សាក្នុងការរៀបចំសកម្មភាព ឬយុទ្ធនាការកិច្ចសង្គមណាមួយ ហើយកម្មវិធីអាចនឹងធ្វើការគាំទ្រជាកញ្ចប់មូលនិធិមួយចំនួនផងដែរ ។ លើសពីនោះ យុវជនដែលលោកជ្រើសរើសបាននោះ ក៏ត្រូវចូលរួមក្នុងការផលិតភាពយន្តនៅចំនុចខាងលើនោះដែរ។ ជាមួយនឹងបទពិសោធន៍នេះហើយ ដែលលោកប្រកាសថា នឹងស្វែងរកដៃគូផលិតជាភាពយន្តមួយ ដែលនិយាយពីការរត់សប្បុរសធម៌រយៈពេល៩៩ថ្ងៃរបស់ ដើម្បីអោយភាពយន្តនេះ បានរួមចំណែកកាន់តែច្រើន ជួយដល់មន្ទីរពេទ្យកុមារអង្គរ។ ភាពយន្តដែលគ្រោងផលិតនោះ គឺនិយាយពីការតស៊ូ បង្ហាញពីរឿងរ៉ាវដ៏លំបាកជាច្រើន នៅពីក្រោយការរត់ និង បង្ហាញពីទឹកចិត្តដ៏ច្រើនឥតគណនារបស់បងប្អូនខ្មែរ ដែលបានជួយយកអាសារលោក នៅក្នុងសកម្មភាពរត់។
ភាយន្តនេះ លោកប្រកាសលក់សំបុត្រ ហើយលុយដែលបានពីការឧបត្ថម្ភ និង បានពីការដាក់បញ្ចាំងតាមរោង គឺប្រគល់ជូនមន្ទីរពេទ្យកុមារអង្គរទាំងអស់ ដែលការប្រកាសរបស់លោកបានធ្វើអោយមានការសរសើរយ៉ាងខ្លាំង នៅក្នុងពិធីបិទបញ្ចប់ពីសកម្មភាពរត់នោះ។ គណអធិបតី ដែលបានចូលរួមក៏បង្ហាញនូវការស្ងើចសរសើរ ចំពោះទឹកចិត្តលះបង់របស់លោកផងដែរ ដោយការប្រកាសបង្កើតភាពយននតដើម្បីបន្តស្វែងរកថវិកាជួយដល់មន្ទីរពេទ្យកុមារអង្គររនេះ នឹងក្លាយជាសញ្ញាណថ្មីមួយ ដើម្បីបំផុសអោយសប្បុរសជនដែលមានបំណងចង់ជួយ នឹងមានឱកាសជួយដល់មន្ទីរពេទ្យកុមារអង្គរកាន់តែច្រើន តាមរយៈការប្រកាសផលិតនូវស្នាដៃមួយនេះ។ លោក សាយ បន្តថា លោកនឹងប្រើអាជីព និង ជីវិតរបស់លោកដើម្បីជាប្រយោជន៍ចំពោះកុមារអោយបានកាន់តែច្រើនបម្ថែមទៀត ហើយក្រៅពីគម្រោងបង្កើតភាពយន្តនេះ លោកក៏នឹងបង្កើតគម្រោង «តោះចាប់ផ្តើមធ្វើជាមួយ សាយ (Let’s Do It with Sai)» ដើម្បីរៃលុយអោយច្រើនបន្ថែមទៀត។

February 5, 2021
មាស សុខសោភា បើកមុខផលិតកម្មថ្មី ១៩កុម្ភៈនេះ យកគុណភាព តែមិនយកបរិមាណ
បន្ទាប់ពីចាកចេញពីផលិតកម្មថោន ធ្វើឱ្យហ្វេនជាច្រើនភ្ញាក់ផ្អើលកាលពីពាក់កណ្តាលឆ្នាំ២០២០ នៅពេលនេះកំពូលតារាចម្រៀងសំឡេងផ្អែម មាស សុខសោភាព បានសម្រេចចិត្តទៅជ្រកក្រោមទ្រនំថ្មីជាផ្លូវការហើយ ពោលផលិតកម្មថ្មីនោះ គឺមានឈ្មោះថា «រាម»។
ដំណឹងចូលជ្រកក្រោមទ្រនំថ្មីនេះ ត្រូវបានមាស សុខសោភា បង្ហោះឱ្យដឹងនាពេលថ្មីៗនេះថា បច្ចុប្បន្ននាងបានសម្រេចចិត្តចុះកុងត្រៀម ចូលធ្វើជាតារាចម្រៀងពេញសិទ្ធ ក្នុងផលិតកម្មថ្មីមួយហើយ គឺផលិតកកម្ម រាម ខណៈព្រឹត្តិការណ៍សម្ពោធផលិតកម្មរាម និងការស្វាគមន៍វត្តមានរបស់ មាស សុខសោភា មកកាន់ផលិតកម្មរាម គឺនឹងត្រូវធ្វើឡើងនៅថ្ងៃទី ១៩ ខែកុម្ភៈ ក្នុងពេលជាមួយគ្នាតែម្តង។
កំពូលតារាចម្រៀងស្រីរូបនេះ មាស សុខសោភា បានបញ្ជាក់ថា ខណៈដែលបទចម្រៀងមួយចំនួនបានត្រៀមរួចជាស្រេច ជាមួយនឹងការសម្រិតសម្រាំងផលិត ដោយបច្ចេកទេស ពិសេសកាំមេរ៉ាដែលផលិតកម្មនេះប្រើគឺមានតម្លៃថ្លៃកប់ពពកមិនធ្លាប់មានប្រើនៅកម្ពុជា ហើយក៏ជាបច្ចេកវិទ្យាកាំមេរ៉ាទំនើបចុងក្រោយដែលក្រុមហ៊ុនលំដាប់ហូលីវូដប្រើប្រាស់ផងដែរ។ យ៉ាងណាមិញ នៅថ្ងៃទី១៩ កុម្ភៈខាងមុខនេះ គឺជាថ្ងៃបើកមុខទំព័រផលិតកម្មថ្មីហើយ បទចម្រៀងនីមួយៗសុទ្ធសឹងតែសម្រិតសម្រាំងគុណភាពជាចំបង ដោយមិនផលិតតែបរិមាណបទ។ មានការលើកឡើងផងដែរថាក្រៅពីតារាចម្រៀង មាស សុខសោភា ផលិតកម្មនេះក៏នឹងទាញយកតារាចម្រៀង តារាកំប្លែងមួយចំនួនចូលច្រៀងផងដែរ ដែលមានការបង្ហើបថា តារាកំប្លែង នាយគ្រឿន និងនាងខ្ញុងក៏នឹងចូលច្រៀងក្នុងផលិតកម្មថ្មីមួយនេះផងដែរ។
សូមជម្រាបដែរថា គេក៏នៅមិនទាន់អាចសន្និដ្ឋានបាននៅឡើយទេថាតើសន្ទុះទីផ្សារបទចម្រៀងក្នុងផលិតកម្មថ្មីរបស់នាងនឹងអាចហក់ឡើងបានកម្រិតណា ហើយការចុះកិច្ចសន្យារយៈពេល១ឆ្នាំរបស់នាងក៏ត្រូវបានគេដឹងថាដើម្បីបន្តស្ទាបស្ទង់ទីផ្សារមួយដើម្បីងាយបន្តឬបញ្ចប់កិច្ចសន្យាក្នុងរយៈពេលខ្លី៕
February 5, 2021