សង្គម និងសេដ្ឋកិច្ច - La Reine Media

ផ្សារបឹងកេងកង ស្នើឱ្យអាជីវករគ្រប់តូប ដាក់ស្លាកតម្លៃលើទំនិញគ្រប់មុខ

«អាជីវករក្នុងផ្សារបឹងកេងកង នៅរាជធានីភ្នំពេញ ត្រូវបានស្នើឱ្យដាក់ស្លាកតម្លៃលើមុខទំនិញរបស់ខ្លួន ចៀសវាងជនឆ្លៀតឱកាសកេងយកផលចំណេញ» នេះបើតាមសម្ដីរបស់ប្រធានផ្សារ។

លោក ឯក និមល ប្រធានផ្សារបឹងកេងកង ក្នុងខណ្ឌបឹងកេងកង រាជធានីភ្នំពេញ កាលពីព្រឹកថ្ងៃទី19 ខែមេសា ឆ្នាំ2021នេះ បានឱ្យដឹងថា តម្លៃទំនិញទាំងអស់ តម្រូវឱ្យបងប្អូនអាជីវករគ្រប់តូប និងស្តង់ ដាក់ស្លាកតម្លៃរបស់ខ្លួន ក្នុងបំណងចៀសវាងជនឆ្លៀតឱកាស អាចកេងយកចំណេញលើតម្លៃទំនិញនៅក្នុងផ្សារនេះ។

ជាងនេះ គណៈកម្មការផ្សារខាងលើ ក៏បានដាក់កម្លាំងសន្តិសុខនៅតាមច្រកទ្វារចេញចូលផ្សារ ដើម្បីសាកសួរ ឬត្រួតពិនិត្យលើតម្លៃទំនិញ ដែលអតិថិជនបានមកទិញពីក្នុងផ្សារផងដែរ។

ទាក់ទងនឹងបញ្ហា Covid-19 ក្រុមអ្នកគ្រប់គ្រងផ្សារក៏រឹតបន្តឹងលើកិច្ចការបង្ការវីរុសនេះ ក្នុងនោះមានដូចជា ការកំណត់ឱ្យពាក់ម៉ាសការពារ ការស្គែនកំដៅ ការបាញ់ទឹកអាល់កុល និងការស្គែន QR code នៅតាមច្រកចេញចូលដើម្បីតាមដានដំណើររបស់អតិថិជន។ សម្រាប់ការទិញទំនិញវិញ តូបមួយអាចទទួលអតិថិជនម្ដងបានតែពីរនាក់ប៉ុណ្ណោះ លើសពីនេះគឺត្រូវរក្សាគម្លាតឱ្យឆ្ងាយពីគ្នា។ ចំណែកបរិវេណផ្សារនេះក៏នឹងត្រូវបានបាញ់ថ្នាំសម្លាប់មេរោគជារៀងរាល់ល្ងាច បន្ទាប់ពីអាជីវករបានចាកចេញទៅផ្ទះ៕

ប្រភព៖ វិទ្យាជាតិកម្ពុជា
ដកស្រង់៖ បុត្រា

April 19, 2021

សហព័ន្ធស្រូវអង្ករ កម្ពុជា បន្តបញ្ចុះតម្លៃអង្ករ ដើម្បីចូលរួមប្រយុទ្ធប្រឆាំងនឹងCovid-19

សហព័ន្ធស្រូវ អង្ករ កម្ពុជា ដែលមានឈ្មោះជាភាសាអង់គ្លេសថា Cambodian Rice Federation បានចេញសេចក្តីប្រកាសព័ត៌មានស្តីពីការបញ្ចុះតម្លៃអង្ករ នៅក្នុងអំឡុងពេលនៃការបិទខ្ទប់ដើម្បីទប់ស្កាត់ការឆ្លងវាលដាលនៃវីរុសCovid-19។

សេចក្ដីប្រកាសព័ត៌មានបានឱ្យដឹងថា អង្ករក្នុង1បេដែលមានទម្ងន់ 50គីឡូក្រាម នឹងត្រូវបញ្ចុះតម្លៃចាប់ពី 10,000រៀល រហូតដល់ 20,000រៀល ដោយយោងទៅតាមប្រភេទ និងស្ដង់ដាបទដ្ឋានគុណភាពរបស់អង្ករដែលមាននៅក្នុងស្តុក។

សហព័ន្ធ Cambodian Rice Federation បានបញ្ជាក់ថា ការបញ្ចុះតម្លៃខាងលើនេះនឹងផ្ដើមអនុវត្តចាប់ពីពេលនេះ រហូតដល់ស្ថានការណ៍ Covid-19 បានធូរស្បើយឡើងវិញ។

ប្រភព៖ CRF
ដកស្រង់៖ បុត្រា

April 18, 2021

ការជ្រើសរើសខ្មៅដៃគូសចិញ្ចើម សម្រាប់នារីៗ ដែលចូលចិត្តតុបតែងមុខ

ក្រៅពីកែវភ្នែកជាចំណុចសំខាន់នៅលើផ្ទៃមុខ ដែលនារីៗយើង ផ្តល់នូវការយកចិត្តទុកដាក់ជាពិសេសហើយនោះ ចិញ្ចើមក៏ជាចំណុចមួយ ដែលជួយកែសម្រួលឱ្យផ្ទៃមុខរបស់អ្នក មើលទៅស្រស់ស្អាតច្បាស់ជាងមុនដែរ មិនថាតែការតុបតែងរូបទម្រង់របស់ចិញ្ចើម តាមរយ:ការដក ឬការទុកចិញ្ចើមឱ្យនៅមានរូបរាងកោងស្អាត រួមទាំងការបន្ថែមពណ៌ចិញ្ចើមដោយខ្មៅដៃគូសចិញ្ចើម ឱ្យស្អាតស័ក្តិសមនឹងផ្ទៃមុខផងដែរ។ តែនារីៗមួយចំនួន បែរជាមានបញ្ហានៅត្រង់ថា មិនដឹងជាត្រូវជ្រើសរើសប្រើខ្មៅដៃគូសចិញ្ចើមបែបណា ដើម្បីឱ្យចិញ្ចើមមើលទៅឃើញស្អាតខ្ញង់ និងជាប់បានយូរនោះ…ថ្ងៃនេះ អ្នកជំនាញខាងតុបតែងចិញ្ចើម សុំស្ម័គ្រចិត្ត ធ្វើជាអ្នកបកស្រាយបញ្ហានេះ ជូនមិត្តអ្នកអានដែលជាសុភាពនារីទាំងអស់ ដូចតទៅ។

ជាទូទៅ លក្ខណ:របស់ខ្មៅដៃគូសចិញ្ចើមដែលល្អនោះ គឺខ្មៅដៃសាច់ឃ្រីម ដែលមានសាច់ទន់ម៉ដ្ឋយ៉ាងសមល្មម មិនរឹងពេក ឬក៏ទន់ជ្រុលហួសហេតុពេកដែរ។ អ្វីដែលសំខាន់គឺ គួរជ្រើសរើសយកខ្មៅដៃគូសចិញ្ចើមណាដែលមានពណ៌ស្រដៀងនឹងពណ៌សក់របស់អ្នកខ្លាំងបំផុត។ ក្រៅពីនេះគួរជ្រើសរើសប្រើខ្មៅដៃគូសចិញ្ចើមបែបការពារទឹកបាន និងមានគុណសម្បត្តិ ដិតជាប់បានយូរ មិនឆាប់ហៀរហូររឡេករឡាក់ ប្រតេកប្រតាកឡើយ។

សម្រាប់វិធីជ្រើសរើសខ្មៅដៃគូសចិញ្ចើមវិញ មានវិធីងាយៗបំផុត គឺ យកខ្មៅដៃនោះមកគូសសាកល្បង ជារាងឆ្នូតៗនៅលើខ្នងដៃ ដើម្បីជាការធ្វើតេស្តមើលថា តើសាច់របស់វាមានភាពទន់ និងអាចកំណត់ទិសដៅក្នុងការគូសបានច្រើន ឬតិចប៉ុនណា និងថែមទាំងជាការពិនឹត្យមើលពណ៌ថា តើវាស្រដៀងគ្នា ឬស័ក្តិសមជាមួយពណ៌សក់ និងផ្ទៃមុខរបស់យើង ឬក៏អត់់់់់់់់់់់់់់់់់់់់់ផង?។

ឃើញទេ? ទោះយើងជានារីៗ ដែលទើបតែហាត់រៀនគូសចិញ្ចើមថ្មីៗក៏ដោយ ក៏យើងអាចជ្រើសរើសប្រើ

ខ្មៅដៃគូសចិញ្ចើមសម្រាប់តុបតែង បន្ថែមភាពស្រស់ស្អាតដល់ចិញ្ចើម បានយ៉ាងងាយស្រួលដែរ។ ដូច្នេះសូមកុំភ្លេចធ្វើតាមវិធីខាងលើ នៅពេលណា ចង់ទិញខ្មៅដៃគូសចិញ្ចើមណា៎…៕

April 18, 2021

វិធីសាស្ត្រស្លៀកពាក់ ឱ្យមើលទៅនៅតែស្រស់ស្អាត ទោះជាថ្ងៃណាមានភ្លៀងធ្លាក់ខ្លាំងក៏ដោយ

ដោយសារតែធាតុអាកាសនាពេលបច្ចុប្បន្ន មិនសូវជាទៀងទាត់ ជួនបើកថ្ងៃក្ដៅខ្លាំង និងជួនមានភ្លៀងធ្លាក់ខ្លាំង ហើយយូរផងនោះ នារីៗយើងជាច្រើន ប្រហែលជាគេចមិនផុតពីការចេញទៅខាងក្រៅផ្ទះ ហើយប៉ះនឹងដំណក់ទឹកភ្លៀងនោះឡើយ ហើយទឹកភ្លៀង នឹងធ្វើឱ្យសម្លៀកបំពាក់ស្អាតៗរបស់យើង សើមទទឹក និងមើលទៅលែងស្រស់ស្អាត ដូច្នេះ ពេលនេះយើងមានវិធីសាស្ត្រល្អៗ ក្នុងការតែងខ្លួនសម្រាប់ថ្ងៃណាដែលមានភ្លៀងធ្លាក់ ឬនៅរដូវភ្លៀង ។

វិធីតុបតែងខ្លួនឱ្យស៊ីគ្នានឹងរដូវភ្លៀង៖

1. ដាក់តាមខ្លួននូវឆត្រ ដែលមានពណ៌ស្អាតៗ ស្រស់ៗ ដែលស៊ីគ្នានឹងពណ៌សម្លៀកបំពាក់។

2. ពាក់អាវធំ ដៃវែង ឬអាវជេកឃែតស្អាតៗ ពីលើសម្លៀកបំពាក់ធម្មតា ដើម្បីការពារលម្អងទឹកភ្លៀង។

3. មិនគួរស្លៀកខោជើងវែងទេ ព្រោះអាចធ្វើឱ្យជើងខោសើមបានដោយងាយ ពេលដើរកាត់ទឹកភ្លៀង និងហាមស្លៀកខោខូវប៊យ ព្រោះពេលសើមហើយ មិនងាយស្ងួត និងធំក្លិនផ្អូមទៀតផង។

4. ស្លៀកសម្លៀកបំពាក់ណាដែលមានពណ៌ស្រស់ៗ ដើម្បីកុំឱ្យវាអាប់អួរ ទៅតាមធាតុអាកាស។ គួរស្លៀកសម្លៀកបំពាក់ណាដែលធ្វើពីក្រណាត់កប្បាស ព្រោះក្រណាត់កប្បាស ជាប្រភេទក្រណាត់ ដែលស្ទាក់សំណើម និងមានកម្ដៅ។

5. ពាក់ស្បែកជើង ដែលធ្វើអំពីជរ័ទន់ៗ ពណ៌ស្អាតៗគួរឱ្យស្រឡាញ់ ព្រោះស្បែកជើងជរ័ ងាយស្រួលលាងសម្អាត និងមិនធ្វើឱ្យជើងរបស់យើងធំក្លិន ឬក៏ពាក់ស្បែកជើងប៊ូតកវែងក៏បាន។

6. គួរប្រើកាបូបស្ពាយ ដែលធ្វើអំពីស្បែក ដើម្បីកុំឱ្យទទឹកពេលត្រូវទឹកភ្លៀង។

7. អ្នកណា ដែលមិនចង់តុបតែងខ្លួនដូចស្ទីលខាងលើ អាចរកសម្លៀកបំពាក់ឈុតការពារទឹកភ្លៀងណាដែលស្អាតៗ ស្រួលពាក់ និងស្រួលដោះចេញ ដោយមិនចាំបាច់កាន់ឆត្រ និងអាចស្លៀកពាក់ខោអាវដែលយើងស្រឡាញ់ពីខាងក្នុងបានទៀតផង៕

April 17, 2021

អាថ៌កំបាំង 8យ៉ាង ធ្វើឱ្យម្រាមដៃស្រឡូនស្អាត

ស្បែកម្រាមដៃ ក៏អាចបង្ហាញឱ្យឃើញពីភាពស្រស់ស្អាត និងភាពរុះរោយ(ចាស់តាមអាយុ)បានច្បាស់ មិនចាញ់ស្បែកផ្ទៃមុខប៉ុន្មានដែរ ដូច្នេះ ចូរកុំសង្កត់ធ្ងន់តែលើការថែរក្សាផ្ទៃមុខតែម្យ៉ាងពេក ហើយខាងក្រោមនេះ គឺជាវិធីសាស្ត្រងាយៗ ដែលអាចជួយឱ្យនារីៗយើង មានម្រាមដៃស្រឡូន ស្អាត សម៉ដ្ឋខៃ ទន់ល្មើយគួរឱ្យចង់ប៉ះ៖

1.កុំលាងដៃញឹកញាប់ពេក…ពិតប្រាកដណាស់ថា អ្នកត្រូវតែលាងដៃឱ្យបានញឹកញាប់ ដើម្បីការពារជម្ងឺផ្តាសាយធំ និងជាពិសេសជំងឺកូវីដ-19 តែកុំឱ្យញឹកញាប់ ហួសពីភាពចាំបាច់ពេកអី ព្រោះទឹកនឹងធ្វើឱ្យបាតដៃរបស់អ្នកឡើងស្ងួត។

2.កាត់បន្ថយការប្រើសាប៊ូ…ព្រោះសាប៊ូ វានឹងធ្វើឱ្យស្បែកឡើងស្ងួត កើតអាការផ្សាក្រហាយ និងធ្វើឱ្យស្បែកដៃ ឆាប់ចាស់មុនវ័យ។ ចូរជ្រើសរើសប្រើផលិតផលលាងដៃ ប្រភេទដែលផ្តល់នូវភាពស្រស់បស់ដល់ស្បែក ទើបជាការប្រសើរ។

3.លាបឡេឡូស្សឹន…រៀងរាល់លើក ក្រោយពេលលាងដៃរួច ដោយលាបខណៈដែលស្បែកនៅសើមៗ ដើម្បីប្រមូលភាពស្រស់បស់ ឱ្យជាប់មាននៅលើស្បែកម្រាមដៃជានិច្ច។

4.ការពារស្បែកម្រាមដៃ ពីពន្លឺថ្ងៃ…នារីៗយើង គួរលាបឃ្រីមការពារកម្តៅថ្ងៃជាប្រចាំ ពេលដែលត្រូវចេញទៅក្រៅផ្ទះ ហើយបើចង់ឱ្យល្អជាងនេះទៀតនោះ យើងគួរតែពាក់ស្រោមដៃធ្វើពីអំបោះ រៀងរាល់ពេលដែលអ្នកត្រូវបើកឡានចេញទៅខាងក្រៅ។

5.មើលថែទាំក្រចក…អ្នកគួរលាបប្រេង នៅលើស្បែកហ៊ុមក្រចករៀងរាល់យប់ រួចហើយលាងចេញ បន្ទាប់ពីងូតទឹកពេលព្រឹករួច។ វិធីនេះនឹងជួយឱ្យអ្នក មិនបាច់កាត់ស្បែកហ៊ុមក្រចកចេញ ព្រោះវាជារឿងដែលនារីៗយើងមិនគួរធ្វើឡើយ។

6.លាប ម៉យស៏ជើរ៉ាយស៊ើ ប្រភេទខាប់ នៅពេលយប់ ដើម្បីបង្កើនភាពស្អាតស្រស់ថ្លាជាពិសេស ដល់ម្រាមដៃ។

7.ខាត់ស្បែកដៃ…ប្រើស្ក្រាប់ ខាត់ស្បែកដៃជាប្រចាំ រៀងរាល់សប្តាហ៍ ដើម្បីកម្ចាត់កោសិកាស្បែក ដែលងាប់ហើយ ឱ្យវារបូតចេញអស់។

8.លាងក្រចក…លាងថ្នាំក្រចកចេញ បន្ទាប់ពីលាបរួចមកហើយ 7ថ្ងៃ រួចហើយទុកចោល ឱ្យក្រចកទំនេរ 2-3ថ្ងៃ ដើម្បីទុកជាការសម្រាក មុននឹងលាបថ្នាំឡើងវិញ

ម្តងទៀត៕

ដោយ អ្នកគ្រូ ឆវី

April 17, 2021

ទ្រព្យសម្បត្តិរបស់សហស្ថាបនិកពីររូបនៃក្រុមហ៊ុន Google កើនឡើងលើស 100ពាន់លានដុល្លារ

«មូលបត្របច្ចេកវិទ្យាបានឡើងថ្លៃ ជួយឱ្យ Larry Page និង Sergey Brin មានឈ្មោះនៅក្នុងក្រុមមហាសេដ្ឋីដែលមានទ្រព្យលើសពី 100ពាន់លានដុល្លារអាមេរិក» នេះបើតាម Bloomberg Billionaires Index។

Larry Page បច្ចុប្បន្នមានទ្រព្យចំនួន 104ពាន់លានដុល្លារ ខណៈដែល Sergey Brin មាន 100ពាន់លានដុល្លារ។ ចាប់ពីដើមឆ្នាំមកនេះ ពួកគេម្នាក់ៗរកបានជាង 20ពាន់លានដុល្លារឯណោះ។

មូលបត្រអាមេរិក នៅក្នុងការជួញដូរកាលពីថ្ងៃសុក្រសប្ដាហ៍មុន បានបង្កើតកំណត់ត្រាថ្មី ដោយសារតែក្រុមអ្នកវិនិយោគជឿជាក់លើល្បឿននៃការងើបឡើងរបស់សេដ្ឋកិច្ច។ សន្ទស្សន៍ Nasdaq 100 បានកើនជាង 7% ក្នុងឆ្នាំនេះ។ មូលបត្រ Alphabet ដែលជាក្រុមហ៊ុនមេរបស់ Google ក៏បានកើនឡើងពេញពីរសប្ដាហ៍កន្លងទៅ បន្ទាប់ពីដណ្ដើមបានជ័យជំនះក្នុងរឿងក្ដីនៅតុលាការ ទាក់ទងនឹងបញ្ហាកម្មសិទ្ធិបញ្ហា។

សមាជិកនៃក្លឹបមហាសេដ្ឋីដែលមានទ្រព្យសែនលានដុល្លារអាមេរិករបស់ពិភពលោក បច្ចុប្បន្នមានចំនួន 8រូប ដែលស្ទើរតែទាំងអស់សុទ្ធតែជាមហាសេដ្ឋីបច្ចេកវិទ្យាអាមេរិក។ ក្រុមនេះកាន់កាប់ទ្រព្យជាង 1លានលាន (1,000,000,000,000) ដុល្លារអាមេរិក និងរកបាន 110ពាន់លានដុល្លារបន្ថែមទៀតនៅក្នុងឆ្នាំនេះ។

ឆ្នាំ2017 Jeff Bezos ដែលជាស្ថាបនិករបស់ Amazon គឺជាបុគ្គលដំបូងគេដែលមានទ្រព្យចំនួន 100ពាន់លានដុល្លារ រាប់ចាប់ពីពេលដែលទ្រព្យរបស់ Bill Gates បានឡើងដល់ចំណុចកំពូលនេះកាលពីឆ្នាំ1999។ ទ្រព្យសម្បត្តិរបស់ហសស្ថាបនិកនៃក្រុមហ៊ុន Microsoft នេះ បានធ្លាក់ចុះបន្ទាប់ពីយុគសម័យ dotcom ប៉ុន្តែក៏បានងើបឡើងដល់ចំណុច 100ពាន់លានដុល្លារកាលពីឆ្នាំ2019។ លោក Elon Musk ដែលជា CEO របស់ Tesla និងលោក Mark Zuckerberg ជាសហស្ថាបនិករបស់ Facebook បានក្លាយជាសមាជិកនៃក្លឹបមហាសេដ្ឋីសែនលានដុល្លារនេះជាបន្តបន្ទាប់កាលពីឆ្នាំ2020 នៅពេលវិស័យបច្ចេកវិទ្យារីកចម្រើនខ្លាំងក្នុងសម័យCovid-19។

កំពូលអ្នកវិនិយោគ Warren Buffett បច្ចុប្បន្នក៏មានទ្រព្យចំនួន 101ពាន់លានដុល្លារអាមេរិក។ អ្នកជំនួញក្នុងវិស័យសម្លៀកបំពាក់ លោក Bernard Arnault ដែលជានាយកប្រតិបត្តិរបស់ក្រុមហ៊ុន LVMH ក៏មានឈ្មោះនៅក្នុងក្លឹបខាងលើ ដោយមានទ្រព្យសរុប 132ពាន់លានដុល្លារអាមេរិក៕

ប្រភព៖ Bloomberg
ប្រែសម្រួល៖ បុត្រា

April 13, 2021

Zlatan និង AC Milan កំពុងចរចាគ្នា លើរឿងកុងត្រាថ្មី

Zlatan បានបង្ហាញទម្រង់លេងយ៉ាងល្អ ក្រោយពីការវិលត្រឡប់មកកាន់ក្លិបចាស់របស់ខ្លួន AC Milan វិញ ជាលើកទី2 ទោះជាអាយុឈានចូលដល់វ័យ 39ឆ្នាំទៅហើយក្តី។

ទម្រង់លេងដែលល្អប្រសើរ មិនមានកីឡាករក្មេងៗណាធ្វើបាន បូករួមនឹងបទពិសោធនៅលើទីលាន 30ឆ្នាំជាង បានធ្វើឱ្យក្លិប AC Milan ពេញចិត្តនឹងរូបគេយ៉ាងខ្លាំង។ ដោយក្លិបច្បាស់ 100% ហើយថា នឹងបន្តកុងត្រាថ្មីដល់កីឡាកររូបនេះ ទោះបីជាវ័យ លើស 40ក៏ដោយ។

មកទល់នឹងពេលនេះ ក្លិបមិនទាន់ហ៊ានប្រកាសជាផ្លូវការនៅឡើយទេ ពីព្រោះត្រូវរង់ចាំការសម្រេចចិត្តក្នុងកុងត្រាថ្មីពីសំណាក់សាមីកីឡាករជាមុនសិន៕

April 12, 2021

ManCity តកុងត្រារយៈពេលវែង ឱ្យខ្សែបម្រើឆ្នើមរបស់ខ្លួន

Kevin De Bruyne កីឡាករខ្សែបម្រើប្រយុទ្ធវ័យ 29ឆ្នាំ របស់ក្លិប Manchester City ត្រូវបានក្លិបរបស់ខ្លួន បន្តកុងត្រាថ្មីរយៈពេលវែងឱ្យរួចរាល់ហើយ។

តាមពិតទៅ បើតាមកុងត្រាចាស់ De Bruyne នឹងត្រូវបានចប់កុងត្រាជាមួយក្លិបនៅក្នុងថ្ងៃទី7 ខែមេសា ឆ្នាំ2021 តែដោយសារតែខាង Man City បានមើលឃើញពីសមត្ថភាព និងមិនចង់ឱ្យកីឡាករនេះ ទៅលេងនៅក្លិបណាផ្សេង ក្លិបនេះបានសម្រេចបន្តកុងត្រាថ្មី រយៈពេលវែងបែបនេះតែម្ដង។

កីឡាកររូបនេះ ត្រូវបានគេដឹងថា បានចូលរួមជាមួយនឹងក្លិបដែលមានមូលដ្ឋាននៅទីក្រុង Manchester នេះចាប់តាំងពីឆ្នាំ2015 មក ដោយបង្ហាញខ្លួនបាន 177ប្រកួត និងរកបានចំនួន 42គ្រាប់ដោយជួយឱ្យ Manchester City លើកពាន Premier League 2លើក និងពានជាច្រើនផ្សេងទៀត ៕

April 12, 2021

ManU ដាច់ចិត្តលក់ Lingard ឱ្យ West Ham ហើយ

Lingard បានមកលេងឱ្យ West Ham តាំងពីថ្ងៃទី29 ខែមករា ឆ្នាំ2021 មកម្ល៉េះ ដោយចូលរួមលេងបាន 8ប្រកួត រកគ្រាប់បាល់បាន 6គ្រាប់ និងចប់កុងត្រាទៅវិញនៅថ្ងៃទី30 ខែមិថុនា ឆ្នាំ2021។

ដោយសារតែខាង West Ham ចង់បានកីឡាករខ្ចីជើង Lingard នេះខ្លាំងពេក និងក្រោយពីខ្សែបម្រើរូបនេះ ឡើងទម្រង់លេងយ៉ាងខ្លាំង ពេលមកលេងឱ្យក្លិបមួយនេះ មកទល់ពេលនេះ ManU បានសម្រេចចិត្តលក់កីឡាករវ័យ 28ឆ្នាំនេះចេញហើយ ដោយគ្រោងនឹងដាក់លក់ឱ្យ West Ham ក្នុងតម្លៃ ជាង 40លានដុល្លារ ។

Jesse Lingard កីឡាករខ្សែប្រយុទ្ធសញ្ជាតិអង់គ្លេស ត្រូវបានគ្រូបង្វឹកធ្វើការកោះហៅ ចូលក្នុងក្រុមជម្រើសជាតិអង់គ្លេស សាជាថ្មី ក្រោយពីខកខានអស់រយៈពេល ជាង 3ឆ្នាំ បន្ទាប់ពីគេបង្ហាញទម្រង់លេងគួរដ៏ឱ្យចាប់អារម្មណ៍ខ្លាំងក្នុងរយៈពេលចុងក្រោយនេះ៕

April 12, 2021

Real Madrid ៖ បើគ្មាន Messi នៅ Barcelona ប្រហែលជាល្អខ្លាំង

Sergio Ramos កីឡាករខ្សែការពារកណ្តាល ដ៏រឿងមាំរបស់ក្លិប Real Madrid បានចូលរួមជាមួយនឹងក្លិបមួយនេះ អស់រយៈពេល 16ឆ្នាំហើយ ដោយមកទល់នឹងពេលនេះ រូបគេបានបង្ហាញខ្លួនជិត 500ប្រកួតហើយ និងរកបានជាង 100គ្រាប់។

ជាមួយនឹងប្រវត្តិសាស្ត្រ ដែលគេបានសាងនៅក្លិបមួយនេះ រូបគេបានជួយឱ្យក្លិបលើកពាន La Liga ចំនួន 5លើក និង UEFA Champions League ចំនួន 4លើក រួមជាមួយនឹងពានរង្វាន់ធំៗជាច្រើនទៀតសរុបជិត 30ពាន នៅទីនេះ។

ខ្សែការពារឆ្នើម Sergio Ramos បានគិតថា Real Madrid អាចនឹងឈ្នះបានច្រើនជាងបច្ចុប្បន្ន ប្រសិនបើ Lionel Messi មិនមែនជាកីឡាកររបស់ Barcelona៕

April 12, 2021

Category: សង្គម និងសេដ្ឋកិច្ច