មានបញ្ហាជាច្រើន ដែលពាក់ព័ន្ធនឹងប្រឡោះក្លៀក តាំងពីស្បែកឡើងខ្មៅ ធុំក្លិនសា ស្បែកក្លៀកឡើងគ្រើម ដូចស្បែកមាន់ជាដើម ទាំងអស់នេះ គឺសុទ្ធតែជាបញ្ហាក្រោមក្លៀក ដែលធ្វើនារីៗយើងទាំងឡាយ កើតក្តីកង្វល់ជាខ្លាំង ព្រោះមិនថា ចង់ឈោងដៃទៅចាប់យកអ្វីមួយ ឬលើកដៃឡើងលើ ក៏មិនសូវជាជឿជាក់លើខ្លួនឯងប៉ុន្មានសោះ រហូតដល់ត្រូវរកសម្លៀកបំពាក់ណា ដែលបិទជិតៗ មកពាក់បិទបាំងកន្លែងដែលមិនគួរឱ្យចង់មើលទាំងនោះ។ តែថ្ងៃនេះ យើងមានវិធីជាច្រើន ដែលនឹងជួយធ្វើឱ្យប្រឡោះក្លៀកឡើង-សស្អាត ម៉ដ្ឋខៃមកជម្រាបជូន។ តើមានវិធីអ្វីខ្លះនោះ សូមតាមដានដូចតទៅ ៖
-ចៀសវាងការដក និងកោររោមក្លៀក ព្រោះវានឹងរឹតតែធ្វើឱ្យរោមដុះ ទល់ឡើងមកទៀត និងរលាកស្បែក
រហូតក្លាយជាស្បែកគ្រើមៗបាន។ វិធីដែលល្អបំផុត គួរប្រើការ វ៉ែកស៍(Wax) ឬបកកម្ចាត់រោមជំនួសវិញ។
-ខណះពេលងូតទឹក ចូរប្រើហ្វ៉ូមលាងមុខដែលមានចំណែកផ្សំរបស់ AHA និង BHA លាងសម្អាតឱ្យសព្វម្តុំក្លៀករៀងរាល់លើក ហើយប្រើសរសៃផ្លែននោងទុំ ឬអេប៉ុងទន់ៗ ជួយដុសសម្អាតបន្ថែម ដើម្បីជួយកាត់បន្ថយបញ្ហាស្បែកប្រឡោះក្លៀក និងធ្វើឱ្យរាបម៉ដ្ឋខៃឡើងផង។
-ស្ក្រាប់(Scrub) ជម្រុះកោសិកាស្បែកជាប្រចាំ ដោយអំបិលខាត់ស្បែក ឬឱសថបុរាណអម្ពិលទុំ មើមរមៀត ទឹកក្រូចឆ្មារ ដុសខាត់ថ្នមៗ ខណះពេលងូតទឹក ហើយទុកចោលប្រមាណ 3-5នាទី ដើម្បីជួយកម្ចាត់កោសិកាស្បែកចាស់ៗ កម្អែលញើស កម្អែលរ៉ូលអន ដែលនៅសេសសល់ ចេញឱ្យអស់។ ចូរធ្វើឱ្យបានញឹកញាប់ 1សប្តាហ៍ 3ដង នឹងជួយឱ្យប្រឡោះក្លៀកឡើង-សស្អាតជាមិនខាន ។
-លាបឃ្រីមថែបំប៉នរង្វង់ក្លៀក ក្រោយពេលងូតទឹក ឬមុនពេលគេង ចូរប្រើឃ្រីមថែបំប៉នស្បែកមុខ ដែលមានចំណែកផ្សំរបស់ វ៉ៃធេននីង វិតាមីនB និងវិតាមីនE។ លាបប្រឡោះក្លៀក ដើម្បីជួយស្តារសភាពស្បែកក្លៀកឱ្យ-សម៉ដ្ឋត់ខៃឡើង។
-ប្រើ ឡាហ្ស៊ែរ៍ ព្យាបាល ដោយវិធី Yag Laser ដែលអាចកម្ចាត់រោមបានដល់ឫសគល់ កាត់បន្ថយបញ្ហារោម
ឡើងរឹង រោមដុះទល់ស្បែក និងថែមទាំងជួយធ្វើឱ្យស្បែកប្រឡោះក្លៀក-សស្អាតឡើងបាន ក្នុងរយ:ពេលតែប៉ុន្មានសប្តាហ៍ ដែលនេះ ជាវិធីជួយកែបញ្ហាស្បែកក្លៀកមិនស្អាត បានយ៉ាងមានប្រសិទ្ធភាព និងមើលឃើញលទ្ធផលយ៉ាងច្បាស់។
ដោយវិធីផ្សេងៗទាំងអស់នេះ ជឿចុះថា ភាពជឿជាក់ក្នុងចិត្ត រឿងស្បែកប្រឡោះក្លៀក-សស្អាត ម៉ដ្ឋខៃ នឹងកើតឡើងយ៉ាងឆាប់ៗមិនខាន៕
