សង្គម និងសេដ្ឋកិច្ច - La Reine Media

នេះជាគ្រាប់បាល់ ដែលធ្វើឱ្យ Ronaldo នឹកស្រណោះ Real Madrid បំផុត

កាលពីថ្ងៃទី19 ឧសភា 2018 គឺជាថ្ងៃដែល Ronaldo ចងចាំ និងមិនអាចបំភ្លេចបាន នៅក្នុងអាជីពបាល់ទាត់របស់គេ។ ថ្ងៃនោះ គឺជាថ្ងៃដែលកីឡាករកំពូលលំដាប់ពិភពលោករូបនេះ រកគ្រាប់បាល់ចុងក្រោយបំផុតឱ្យ Real Madrid។

គ្រាប់បាល់ដែល Ronaldo រកបាន ក្នុងលទ្ធផលស្មើ 2ទល់នឹង2 ជាមួយ Villareal នៅពេលនោះបានធ្វើឱ្យ Real Madrid ឈ្នះ និងឡើងទៅកាន់វគ្គផ្តាច់ព្រ័ត្រ UEFA Champions League ហើយដែលប្រកួតបន្ទាប់ Real Madrid បានលើកពានរង្វាន់នេះ ដោយបានឈ្នះ Liverpool ដោយលទ្ធផល 3ទល់នឹង1។

គួរឱ្យដឹងដែរថា Ronaldo បានបំបែកកំណត់ត្រាជាច្រើននៅក្លិប Real Madrid និង La Liga ដោយគេអាចរកគ្រាប់បាល់បានដល់ទៅ 311គ្រាប់ ពីការប្រកួតត្រឹមតែ 292ប្រកួតប៉ុណ្ណោះ។ ក្រោយមកគេបានផ្ទេរមកកាន់ Juventus ក្នងតម្លៃខ្លួន 90លានដុល្លារ។ នេះជាគ្រាប់បាល់ដែលធ្វើឱ្យ Ronaldo នឹកស្រណោះ Real Madrid ខ្លាំងបំផុត៕

May 21, 2021

រឿងរបស់បបូរមាត់ ដែលនារីៗយើងត្រូវដឹង…

នារីដែលមានបបូរមាត់រៀវតូច ស្អាត ពិតជាទីទាក់ទាញខ្សែភ្នែករបស់មនុស្សទាំងឡាយខ្លាំងណាស់ តែអ្នកដឹងទេថា មាត់ក៏មានសារៈសំខាន់ចំពោះយើងដែរ ដែលយើងគួរតែមើលថែទាំ និងថែបំប៉ន មិនចាញ់កន្លែងផ្សេងទៀតនៅលើរាងកាយឡើយ។

តើស្បែកបរិវេណបបូរមាត់ ខុសប្លែកពីស្បែកកន្លែងផ្សេងទៀត យ៉ាងម៉េចទៅ?

ស្បែកបរិវេណបបូរមាត់ គឺជាកន្លែងដែលឆាប់រហ័សចំពោះអារម្មណ៍ខ្លាំងបំផុតរបស់រាងកាយ ដោយសាតែវាជាចំណុចរួម របស់សរសៃប្រសាទរាប់លានសរសៃ និងថែមទាំងឆាប់ប្រែប្រួល ហើយស្តើង រហូតស្ទើរតែមើលឆ្លុះទៀតផង ក្រៅពីនេះបបូរមាត់ ជាកន្លែងដែលគ្មានក្រពេញជាតិខ្លាញ់ ក្រពេញញើស និងរន្ធរោមឡើយ។

ហេតុអ្វី បានបបូរមាត់រហ័សស្ងួត និងប្រេះរបកម្ល៉េះ?

ដោយសារតែស្បែកម្តុំបរិវេណបបូរមាត់ ស្តើងជាងកន្លែងផ្សេងៗ ទើបរហ័សចំពោះការស្ងួតក្រៀម។ ការប្រើផលិតផលបន្ថែមសំណើមដល់បបូរមាត់ នឹងជួយពន្យឺតការបាត់បង់សំណើម កាត់បន្ថយអាការក្រហាយផ្សា ដែលបណ្តាលមកពីការប្រេះរបក និងជួយទប់ស្កាត់អាការផ្សាក្រហាយផ្សេងៗ ដែលអាចកើតឡើងបានទៀតផង។

តើស្ថានភាពជុំវិញខ្លួន មានផលប៉ះពាល់ដល់បបូរមាត់ ឬក៏អត់?

បបូរមាត់ ជាអវយវៈដែលទន់ជ្រាយចំពោះការប៉ះពាល់ពីខាងក្រៅ ដូចជា ខ្យល់ កម្ដៅថ្ងៃ និងសារធាតុពុលនៅ

ក្នុងអាកាសជានិច្ច ព្រោះក្រោះការពារខ្លួនឯងរបស់បបូរមាត់ ទន់ខ្សោយណាស់ និងថែមទាំងជាចំណែកមួយ ដែលមានសារធាតុមេឡា

នីនតិចបំផុត ទើបបានទទួលផលប៉ះពាល់ ពីកាំរស្មីអ៊ុលត្រា វិយ៉ូឡេ ខ្លាំងជាងគេ។

តើបបូរមាត់របស់នារី និងបុរសខុសប្លែកពីគ្នាទេ?

ទោះជាស្បែកបរិវេណផ្ទៃមុខ និងរាងកាយរបស់ស្ត្រី និងបុរសខុសគ្នាមែន តែស្បែកបរិវេណបបូរមាត់វិញ ដូចគ្នា

គឺមានភាពស្តើង និងឆាប់ផ្លាស់ប្តូរសភាពណាស់ តែបបូរមាត់របស់នារី អាចទ្រាំទ្រនឹងស្ថានភាពខាងក្រៅបានខ្លាំងជាង ព្រោះ

នារីៗ ច្រើនតែលាបក្រែមមាត់ ដែលអាចជួយការពារបបូរមាត់បាន។

ក្រែម Balm លាបមាត់ អាចការពារបបូរមាត់ បានមែនឬ?

ការប្រើក្រែមលាបមាត់ “បាល៍ម” ជាប់ជានិច្ច នឹងជួយថែរក្សាភាពស្រស់សើមដល់បបូរមាត់ ការពារភាពស្ងួតក្រៀមដោយសារខ្យល់ សារធាតុធ្វើឱ្យក្រហាយ និងកម្ដៅខ្លាំងៗបាន ដោយសាតែនៅក្នុងក្រែមលាបមាត់ “បាល៍ម” នេះ ច្រើនតែមានគ្រឿងផ្សំចម្បង គឺអាស៊ីតខ្លាញ់ និងកូលេស្តេរ៉ូល ដែលជាធាតុផ្សំតាមធម្មជាតិរបស់ក្រោះការពារ ដែលអាចការពារភាពស្រស់សើម និងជួយជួសជុលស្បែកផ្នែកខាងក្រៅបំផុតរបស់បបូរមាត់បាន ក្រៅពីនោះ នៅអាចមានចំណែកផ្សំដទៃទៀត ដែលជួយបង្កើនប្រសិទ្ធភាពក្នុងការបំប៉នរក្សាស្បែកបបូរមាត់ និងប្រឆាំងសារធាតុរ៉ាឌីកាល់សេរី ដែលមានដូចជា វិតាមីនA, C និងE…៕

May 20, 2021

វិធីច្របាច់ផ្លែឈើ ឱ្យទទួលបានទឹកច្រើន

បងៗស្ត្រីមេផ្ទះ ដែលនិយមច្របាច់ទឹកផ្លែឈើ ទទួលទានខ្លួនឯង ឬឱ្យសមាជិកគ្រួសារទទួលទាន ហើយចង់បានទឹកផ្លែឈើច្រើនៗនោះ យើងមានវិធីដ៏ងាយៗមកជម្រាបជូន៖

ផ្លែឈើខ្លះផ្តល់នូវបរិមាណទឹកច្រើន តែផ្លែឈើប្រភេទខ្លះ ផ្តល់បរិមាណទឹកបានតិច ដូច្នេះវិធីច្របាច់ផ្លែឈើ ឱ្យបានទឹកច្រើនៗនោះគឺ ចាប់ផ្តើមដោយការលាងផ្លែឈើនោះឱ្យស្អាត ហើយយកទៅត្រាំក្នុងទឹកក្តៅឧណ្ហៗ ប្រហែលជា 2-3នាទី រួចហើយសឹមយកមកច្របាច់ នោះបងៗ នឹងទទួលបានទឹករបស់ផ្លែឈើនោះកាន់តែច្រើនជាងមុន ហើយរសជាតិ ក៏មិនប្រែប្រួលទៀតផង៕

May 20, 2021

ជួយកូន ឱ្យរៀនយល់ដឹង តាមរយៈការធ្វើកិច្ចការផ្ទះ

ឪពុកម្តាយខ្លះ អាចកើតអាការមិនត្រូវចិត្ត (ខឹង) ភ្លាមតែម្ដង ពេលដែលកូនទាក់ អាក់ ឬគាំង ក្នុងចំណុចដែលខ្លួនគិតថា “ងាយ” ឬជួនកាលកូនធ្វើខុស ដោយសារតែមិនទាន់បានសង្កេតឃើញចំណុចអ្វីម្យ៉ាងនោះ ឪពុកម្ដាយ ក៏ស្រាប់តែបញ្ចេញអាការខឹងដាច់ក្បាលដាច់កន្ទុយ ធ្វើដូចរឿងទាំងនោះ លែងអាចកែកុនអីបានសោះអ៊ីចឹង…ធ្វើឱ្យបរិយាកាសក្នុងការធ្វើកិច្ចការផ្ទះរបស់កូន ក្លាយទៅជាស្រងូតស្រងាត់ ដូចគ្នានឹងបេះដូងរបស់កូន ដែលត្រូវស្វិតទ្រោមក្នុងគ្រានោះដែរ…។

បើមិនចង់ឱ្យអំឡុងពេលនៃការជួយកូនធ្វើកិច្ចការផ្ទះ ក្លាយជាអំឡុងពេលដ៏អាក្រក់ សម្រាប់ទាំងខ្លួនលោកអ្នក និងកូននោះ ឡារ៉ែនមានអត្តបទស្រាវជ្រាវដ៏ល្អមួយ ដែលនឹងណែនាំពីវិធី ធ្វើឱ្យម៉ោងធ្វើកិច្ចការផ្ទះរបស់កូន ក្លាយជាម៉ោងនៃការរៀនយល់ដឹងដ៏ល្អ មកជម្រាបជូន ព្រោះអ្នកវិភាគស្រាវជ្រាវបានរកឃើញថា ការដែលឪពុកម្តាយ “សម្លឹងមើលអ្វីៗជុំវិញខ្លួនក្នុងន័យវិជ្ជមាន ផ្តល់នូវការគាំទ្រ និងផ្តល់នូវតម្លៃចំពោះការរៀនយល់ដឹង “វានឹងក្លាយជាជំនួយដ៏សំខាន់មួយ” ដែលធ្វើឱ្យកុមារ បានរៀនចេះដឹងយ៉ាងពិតៗ ពីទម្រង់ហ្វឹកហាត់ទាំងអស់នោះ។

ផ្ទុយទៅវិញ ការដែលឪពុកម្តាយសម្លឹងឃើញកិច្ចការផ្ទះរបស់កូន គ្រាន់តែជាអ្វីមួយដែលត្រូវធ្វើឱ្យតែរួចៗពីដៃ ឬក៏ត្រូវតែធ្វើចេញមកយ៉ាងល្អស្អាតជ្រុលហួសហេតុពេក ល្អលើសសមត្ថភាពរបស់ក្មេង (ដោយការបញ្ជាឱ្យសរសេរតាម ឬឪពុកម្តាយធ្វើជំនួស) ដើម្បីចង់បានពិន្ទុល្អៗ ពីលោកគ្រូនោះ គឺជាការទាញកូន ឱ្យធ្លាក់ក្នុងរង្វង់នៃការរៀនសូត្រ ដែលមិនត្រឹមត្រូវទៅវិញទេ។

ការវិភាគស្រាវជ្រាវមួយនេះ បានសិក្សាពីទង្វើរបស់កុមារ ថ្នាក់បឋមសិក្សាទី4 ហើយនិងអាណាព្យាបាលចំនួន 134នាក់ ដោយអ្នកស្រាវជ្រាវមកពីមហាវិទ្យាល័យ Bengurion ប្រទេសអ៊ីស្រាអែល ដែលលោកវេជ្ជបណ្ឌិត Idit Kartz ម្ចាស់ការងារវិភាគស្រាវជ្រាវនេះ បានរៀបរាប់ប្រាប់ថា៖

“ឪពុកម្តាយ អាចបង្កើតទំនោរចិត្តដល់កូន ក្នុងការធ្វើកិច្ចការផ្ទះបានដោយការយល់ព្រមឱ្យកូនៗ ធ្វើកិច្ចការផ្ទះដោយខ្លួនឯង មិនចូលទៅលូកលាន់ជ្រុលហួសហេតុពេក រួមទាំងគួរមើលរំលង ការខុសឆ្គងបន្តិចបន្តួចខ្លះផង បើវាជាការធ្វើឱ្យកុមារសប្បាយរីករាយ ក្នុងការធ្វើកិច្ចការផ្ទះរបស់ពួកគេនោះ”

ក្រៅពីនោះ ការរៀបចំបរិយាកាសខាងក្នុងផ្ទះ ឱ្យមានការទាក់ទាញដល់ការចង់ធ្វើកិច្ចការផ្ទះរបស់កុមារផងនោះ គឺជារឿងមួយ ល្អប្រសើរមែនទែន ព្រោះបើបរិយាកាសល្អ មានឧបករណ៍សម្រាប់រៀនគ្រប់គ្រាន់ កុមារនឹងមានអារម្មណ៏ថា មានចិត្តចង់រៀន ចង់ធ្វើ ជាមិនខាន៕

May 20, 2021

Lingard ជួយរកលុយឱ្យ ManU បានយ៉ាងតិចកន្លះលានដុល្លារ ប្រសិនបើ West Ham ឡើង Top 4

Jesse Lingard ធ្វើបានល្អយ៉ាងខ្លាំង ក្រោយផ្ទេរមកចូលរួមនៅ West Ham United ដោយកាលពីពេលកន្លងទៅ គេទើបតែឈ្នះពានកីឡាករល្អបំផុតប្រចាំខែ និងជាអ្នករកបានគ្រាប់បាល់ល្អបំផុតប្រចាំខែផងដែរ។

ក្រោយផ្ទេរមកក្រុមញញួរ កីឡាករអង់គ្លេសរូបនេះ រកបាន 9 គ្រាប់ និង Assist 4លើក នៅការបង្ហាញខ្លួន 13ប្រកួត ពោលគឺសឹងតែរៀងរាល់ការប្រកួត គេតែងមានមុខក្នុងចំណែកការរកគ្រាប់បាល់បានជានិច្ច។

លើសពីជោគជ័យដ៏អស្ចារ្យនេះ Lingard ក៏នឹងក្លាយជាកីឡាករ ដែលអាចរកប្រាក់ចូលក្លិប Man Utd ប្រមាណ 500,000ផោន ឬជាង 700,000ដុល្លារនៅក្រោយការបញ្ចប់រដូវកាល ប្រសិនបើគេអាចជួយ West Ham ឱ្យឈរនៅលេខ4 ឬមានកៅអីលេង UCL នារដូវកាលក្រោយ។ នោះគឺវាកើតឡើងបានស្របទៅតាមកិច្ចព្រមព្រៀង ដែលកំណត់ថា ប្រសិនបើកីឡាករដែល United ដាក់ឱ្យខ្ចីជើង អាចជាចំណែកជួយក្រុមនោះឈរនៅ Top 4 អ៊ីចឹងក្លិបជាអាណាព្យាបាល នឹងទទួលបានប្រាក់បន្ថែម៕

May 20, 2021

បានចម្លើយពិតហើយ ការពិត Dele Alli និងកូនស្រីអ្នកចាត់ការក្រុម ManCity ត្រឹមជាមិត្តនឹងគ្នាប៉ុណ្ណោះ

កាលពីប៉ុន្មានថ្ងៃមុននេះ Dele Alli កីឡាករខ្សែប្រយុទ្ធរបស់ Tootenham Hotspur បានបង្កភាពភ្ញាក់ផ្អើលមួយ នៅក្រៅទីលានបាល់ទាត់ សាជាថ្មីទៀតហើយ នៅពេលដែលរូបគេ ត្រូវបានប្រទះឃើញអង្គុយឱបថើបនារីរូបស្រស់សោភាម្នាក់ នៅក្នុងក្លិបកម្សាន្តមួយ ដែលត្រូវបានគេស្គាល់ថា គឺជាកញ្ញា Maria Guardiola ដែលជាកូនស្រីរបស់អ្នកចាត់ការក្រុម Manchester City លោក Pep Guardiola។

ក្រោយពីបែកធ្លាយព័ត៌មាននេះ កញ្ញា Maria Guardiola ដែលមានវ័យទើបតែ 20ឆ្នាំ បានចេញមុខបកស្រាយអំពីចំណងមិត្តភាពរបស់ពួកគេទាំង2 ថា ពួកគេទាំង2 គឺត្រឹមតែជាមិត្តជិតដិតប៉ុណ្ណោះ មិនមានទំនាក់ទំនងអ្វីលើសពីនេះឡើយ។

គួរឱ្យដឹងដែរថា Dele Alli បានសម្ងំឈឹង មិនបកស្រាយអ្វីទាំងអស់ ក្រោយពីលេចធ្លាយព័ត៌មានអាស្រូវបែបនេះ ខណៈដែលគេទើបតែបែកគ្នាពីសង្សារចាស់ គឺនាង Marie Rae កាលពីខែមីនាមុននេះបន្តិចតែប៉ុណ្ណោះ៕

May 20, 2021

CEO នៃក្រុមហ៊ុនមេ របស់ TikTok លាលែងពីតំណែង ក៏ដោយសារតែ «ខ្វះជំនាញជាអ្នកដឹកនាំល្អ»

យោងតាមសារព័ត៌មាន Reuters លោក Zhang Yiming សហស្ថាបនិករបស់ ByteDance ដែលជាក្រុមហ៊ុនមេ នៃបណ្ដាញសង្គម TikTok ទើបតែបានប្រកាសថា នឹងលាលែងពីតំណែង CEO ហើយកៅអីនេះ នឹងត្រូវប្រគល់ឱ្យសហស្ថាបនិក Rubo Liang។

នេះគឺជាសកម្មភាពកែទម្រង់ថ្នាក់ដឹកនាំថ្មីបំផុតរបស់ ByteDance រាប់ចាប់ពីពេលបង្ហាញខ្លួនកាលពីឆ្នាំ2012។ ក្រុមហ៊ុន ByteDance បានរីកចម្រើនយ៉ាងឆាប់រហ័ស និងក្លាយជាកម្លាំងមួយដែលគ្រប់គ្រងទីផ្សារបណ្ដាញសង្គមចិន ហើយប្រែក្លាយ TikTok ទៅជាកម្មវិធីចែករំលែកវីដេអូខ្លី ដ៏ពេញនិយមនៅលើពិភពលោក។

Zhang Yiming បានសរសេរនៅក្នុងសេចក្ដីប្រកាសរបស់ខ្លួនថា Rubo Liang ដែលបច្ចុប្បន្នកំពុងកាន់កាប់តំណែងប្រធានផ្នែកធនធានមនុស្ស គឺជា «ដៃគូដែលមិនអាចកាត់ថ្លៃបាន និងជាមនុស្សដែលបានជួយកែលម្អដំណើរការជ្រើសរើស និងគ្រប់គ្រងបុគ្គលិកនៅក្រុមហ៊ុន ByteDance។ លោក Zhang Yiming បន្ថែមថា នឹងធ្វើការជិតស្និទ្ធជាមួយនឹងលោក Rubo Liang នា 6ខែទៀត ដើម្បីធានាថា ដំណើរការនៃការផ្ទេរតំណែង ប្រព្រឹត្តិទៅបានរលូត។

ការសម្រេចចិត្តនេះ ត្រូវបានធ្វើឡើងបន្ទាប់ពី Zhang Yiming បានពិចារណាអស់ជាច្រើនខែ អំពីបញ្ហាថា តើអាចមានឥទ្ធិពលធំជាងណាមួយកើតឡើងចំពោះគំនិតច្នៃប្រឌិតសម្រាប់រយៈពេលយូររបស់ ByteDance ដែរ ឬអត់ បើសិនលោកផ្ទេរតំណែង CEO ទៅឱ្យអ្នកផ្សេង។

«ជាការពិតគឺថា ខ្ញុំខ្វះជំនាញមួយចំនួនដើម្បីក្លាយជាអ្នកដឹកនាំល្អ។ ខ្ញុំចូលចិត្តផ្ដោតលើការវិភាគ និងគោលការណ៍នៃទីផ្សារ ហើយការប្រើប្រាស់សម្មតិកម្មនោះអាចកាត់បន្ថយពេលវេលាធ្វើកិច្ចការគ្រប់គ្រង ជំនួសឱ្យការគ្រប់គ្រងពិតប្រាកដ»។

លោក Zhang Yiming វ័យ 38ឆ្នាំ គឺជាមហាសេដ្ឋីដែលមានទ្រព្យច្រើនជាងគេមួយរូបនៅក្នុងពិភពលោក។ កើតនៅក្នុងទីក្រុង Longyan នៃខេត្ត Fujian ប្រទេសចិន លោក Zhang គឺជាកូនប្រុសតែមួយគត់នៅក្នុងគ្រួសារ។ លោកបានសិក្សាផ្នែកសរសេរកូដកុំព្យូទ័រ នៅសាកលវិទ្យាល័យ Nankai។

ក្រោយពីបានបញ្ចប់ការសិក្សាភ្លាម លោក Zhang ក៏បានចូលធ្វើការឱ្យក្រុមហ៊ុន Microsoft ប៉ុន្តែ ក្រោយមក ដោយសារមានអារម្មណ៍ធុញនឹងការងារ លោកក៏បានគិតដល់ការរកស៊ីដោយខ្លួនឯង។

របត់ដ៏សំខាន់របស់ Zhang បានមកដល់ នៅក្នុងឆ្នាំ2012 នៅពេលដែលលោកទាក់ទាញបានចំណាប់អារម្មណ៍ដ៏ខ្លាំងក្លាលើកដំបូង ជាមួយនឹង ByteDance ដែលជាកម្មវិធីចែករំលែករឿងរ៉ាវកំប្លែង បើទោះជាក្រោយមក ត្រូវបានអាជ្ញាធរស្នើឱ្យលុបចោល។

បន្ទាប់ពីការប្រឹងប្រែងជាមួយនឹងកម្មវិធី (App) នៅក្នុងវិស័យព័ត៌មាន ទើប Zhang បង្កើតបាន TikTok ដែលបច្ចុប្បន្នមានអ្នកលេងនៅជុំវិញពិភពលោក ជាង 1ពាន់លាននាក់ បូករួមទាំង Douyin ដែលជាកំណែ TikTok នៅប្រទេសចិន។ ក្រុមហ៊ុននេះ ទាក់ទាញបានអ្នកវិនិយោគធំៗ រួមមាន ក្រុមហ៊ុន Softbank, Sequoia Capital ។ល។

លោក Zhang Yiming វ័យ 38ឆ្នាំ គឺជាមហាសេដ្ឋីដែលមានទ្រព្យច្រើនជាងគេមួយរូបនៅក្នុងពិភពលោក។

Bytedance បច្ចុប្បន្នជាក្រុមហ៊ុនដែលមានតម្លៃជាងគេក្នុងពិភពលោក ដោយមានមូលបត្រដែលត្រូវបានជួញដូរជាមួយនឹងការកំណត់តម្លៃក្រុមហ៊ុនឡើងដល់ជាង 250ពាន់លានដុល្លារអាមេរិក នៅលើទីផ្សារបន្ទាប់ (Secondary market)។

ឆ្នាំ2019 ByteDance រកបានប្រាក់ចំណេញសុទ្ធ ជាង 3ពាន់លានដុល្លារអាមេរិក ដោយប្រាក់ចំណូលកើនទ្វេដង ឡើងដល់ 17ពាន់លានដុល្លារ ធៀបនឹង 7.4ពាន់លានដុល្លារកាលពីឆ្នាំ2018។ ប្រភពព័ត៌មានមួយចំនួន ឱ្យដឹងថា បច្ចុប្បន្ន ក្រុមហ៊ុននេះកាន់កាប់សាច់ប្រាក់សុទ្ធជាង 6ពាន់លានដុល្លារឯណោះ។

ក្រៅពី TikTok និងកំណែ TikTok សម្រាប់ជនជាតិ ដែលហៅថា Douyin ក្រុមហ៊ុន ByteDance ក៏នៅមាន App ជាច្រើនផ្សេងទៀត រួមមានដូចជា Toutiao និង App សម្រាប់ទំនាក់ទំនងក្នុងក្រុមហ៊ុន ដែលមានឈ្មោះថា Feishu ។ល។ ជាសរុប ByteDance ទាក់ទាញអ្នកប្រើប្រាស់ប្រចាំខែ បានប្រមាណ 1.5ពាន់លាននាក់។

គិតត្រឹមខែវិច្ឆិកា ឆ្នាំ2019 ក្រុមហ៊ុននេះ មានបុគ្គលិកជាង 60,000នាក់ និងធ្វើសកម្មភាពក្នុងទីផ្សារជាង 150ប្រទេស និងតំបន់។ ពួកគេមានការិយាល័យនៅក្នុងទីក្រុងចំនួន 126 ក្នុងពិភពលោក រួមមានទាំងទីក្រុងសៀងហៃ, នីវយ៉ក, ក្រុងឡុងដ៍, បារីស, ម៉ុមបៃ, សិង្ហបុរី, ហ្សាការតា, សេអ៊ូល និងតូខ្យូ។ល។

ប្រភព៖ Reuters
ប្រែសម្រួល៖ បុត្រា

May 20, 2021

ទីផ្សាររូបិយវត្ថុអេឡិចត្រូនិក បាត់បង់ 1,000,000,000,000 ដុល្លារអាមេរិក ចាប់តាំងពីតម្លៃឡើងដល់កំពូល កាលពីខែមេសា

ការធ្លាក់ថ្លៃដ៏ខ្លាំងនៃរូបិយវត្ថិអេឡិចត្រូនិក Bitcoin កាលពីម្សិលមិញ (19 ឧសភា) បាននាំឱ្យទីផ្សាររូបិយវត្ថិអេឡិចត្រូនិក (cryptocurrency) ទាំងមូល បាត់បង់ជិត 1ម៉ឺនកោដិដុល្លារអាមេរិក (1,000,000,000,000 ដុល្លារអាមេរិក/ជាង 4,073,000,000,000,000 រៀល) បើធៀបនឹងតម្លៃដែលឡើងដល់កំពូល កាលពីខែមេសា ឆ្នាំ2021។

នៅក្នុងអំឡុងពេលធ្លាក់ថ្លៃចុះទាបបំផុត តម្លៃរបស់ Bitcoin បានថយចុះ 12,000ដុល្លារ ប្រហាក់ប្រហែលនឹង 30% ហើយត្រូវជួញដូរក្នុងតម្លៃត្រឹមតែជាង 30,000ដុល្លារអាមេរិក/bitcoin។ ចំណែក Ether ដែលជារូបិយវត្ថុអេឡិចត្រូនិកធំជាងគេលំដាប់ទីពីរក្នុងពិភពលោក បន្ទាប់ពី Bitcoin ក៏បានធ្លាក់ថ្លៃប្រមាណ 40% ខណៈរូបិយវត្ថុអេឡិចត្រូនិក Dogecoin ដាំក្បាលចុះរហូតដល់ 50%។

ទូរទស្សន៍ RT របស់រុស្ស៊ីវិញ បានរាយការណ៍ថា គិតមកដល់ម៉ោង 13និង58នាទី នៃថ្ងៃទី19 ខែឧសភា (ម៉ោង 20និង58នាទី នៅកម្ពុជា) Bitcoin បានធ្លាក់ថ្លៃរហូតដល់ 50% ធៀបនឹងតម្លៃខ្ពស់បំផុត (ជិត 65,000 ដុល្លារ/bitcoin) កាលពីខែមេសា។

ការដាំក្បាលចុះនេះ បានកើតឡើង បន្ទាប់ពីធនាគារប្រជាជនចិន ប្រកាសថា មិនទទួលយករូបិយវត្ថុអេឡិចត្រូនិក សម្រាប់ការទូទាត់។ ស្ថាប័នគ្រប់គ្រងហិរញ្ញវត្ថុនេះ បានឱ្យដឹងថា រូបិយវត្ថុអេឡិចត្រូនិក មិនមានពិតប្រាកដ ហើយប្រកាសថា មិនអាចប្រើប្រាស់វាដើម្បីជួញដូរក្នុងទីផ្សារ។

រូបិយវត្ថុអេឡិចត្រូនិក នៅលើទីផ្សារ «នាំគ្នា» ឡើងពណ៌ក្រហម គួរឱ្យព្រួយបារម្ភ

ទាក់ទិននឹងការប្រកាសរបស់ចិន លោក Paul Haswell អ្នកជំនាញមកពីក្រុមហ៊ុនច្បាប់ Pinsent Masons នៅទីក្រុងហុងកុង បានប្រាប់សារព័ត៌មាន Financial Times ថា៖ «មូលហេតុគឺដោយសារពួកគេមានប្រាក់យ៉ន់អេឡិចត្រូនិកផ្ទាល់ខ្លួន និងមួយផ្នែកទៀតគឺដោយសារកង្វះការគ្រប់គ្រងលើលំហូរប្រាក់។ ក្រៅពីនេះ ពួក (អាជ្ញាធរចិន) ព្យាយាមធានាឱ្យបានប្រាកដថា គ្រប់គ្នាមិនចាញ់បោកគេ»។

ការប្រកាសខាងលើរបស់ធនាគារកណ្ដាលចិន បានធ្វើឱ្យរលកនៃការលក់ចេញ Bitcoin របស់ក្រុមអ្នកវិនិយោគ កាន់តែកើនឡើងច្រើនជាងមុន ក្នុងគ្រាដែលមួយសប្ដាហ៍កន្លងទៅ ក្រុមហ៊ុន Tesla បានប្រកាសផ្អាកគម្រោងទទួលយកការទូទាត់ដោយប្រើ Bitcoin របស់អតិថិជនដែលទិញរថយន្តរបស់ក្រុមហ៊ុននេះ។

មុននេះ Tesla ក៏បានធ្វើឱ្យ Bitcoin ធ្លាក់ថ្លៃ 10% បន្ទាប់ពីមានដំណឹងចចាមអារ៉ាមថា Tesla ទំនងជាបានលក់ ឬកំពុងមានគម្រោងលក់ Bitcoin ដែលពួកគេបានទិញក្នុងតម្លៃ 1.5ពាន់លានដុល្លារ កាលពីដើមខែកុម្ភៈ។ ក្រោយមក តម្លៃរបស់ Bitcoin បានងើបឡើងបន្តិច បន្ទាប់ពីមហាសេដ្ឋី Elon Musk ច្រានចោលព័ត៌មានចចាមអារ៉ាមនេះ។

«ជាការពិត នេះមិនមែនជាលើកដំបូងនោះទេ ដែល Elon Musk បានប្រកាសមិនប្រកបដោយឯកភាពនៅលើ Twitter ហើយពេលខ្លះក៏ខុសទាំងស្រុងទៀតផង» លោក Ulrik Lykke នាយកប្រតិបត្តិរបស់មូលនិធិវិនិយោគរូបិយវត្ថុ ARK36 មានយោបល់ដូច្នេះ។ លោកពន្យល់ថា ទីផ្សាររូបិយវត្ថុអេឡិចត្រូនិក ត្រូវបានរុញច្រានទៅតាមអារម្មណ៍ ខណៈដែលអ្នកចូលរួមជួញដូរប្រាក់នេះ មាននិន្នាការប្រតិកម្មជ្រុលទៅនឹងព្រឹត្តិការណ៍ដែលពួកគេយល់ថា អវិជ្ជមាន៕

ប្រភព៖ Financial Times, CoinDesk
ប្រែសម្រួល៖ បុត្រា

May 20, 2021

ហុងស៊ុយ៖ រៀបចំផ្ទះ ឱ្យរស់នៅសប្បាយ តាមទិសថ្ងៃ និងទិសខ្យល់

ក្រៅពីការតុបតែងផ្ទះឱ្យមើលទៅ ឃើញស្អាតបាត តាមស្ទីលដែលអ្នកស្នាក់អាស្រ័យស្រឡាញ់ពេញចិត្តហើយនោះ រឿងទិសថ្ងៃ និងទិសខ្យល់ ក៏សំខាន់ដូចគ្នាដែរ។ បើលោកអ្នកកំពុងសាងសង់ផ្ទះថ្មី ឬមានឱកាសបានជ្រើសរើសផ្ទះសម្រាប់ការរស់នៅថ្មីនោះ គួរតែពិចារណារឿងទិសរបស់ខ្យល់ សម្រាប់បន្ទប់ផ្សេងៗក្នុងផ្ទះរបស់លោកអ្នក ដូចខាងក្រោមនេះផង…

1-បន្ទប់ទទួលភ្ញៀវ គួរតែជាបន្ទប់ដែលមានខ្យល់អាកាសបែបសប្បាយៗ មិនមែនក្តៅ តាំងពីព្រឹក រហូតដល់ល្ងាចនោះឡើយ។

2-បន្ទប់ចង្ក្រានបាយ បន្ទប់នេះគួរតែមានខ្យល់បក់ វិលចេញចូលល្អ។

3-បន្ទប់គេង គួរតែស្ថិតនៅក្នុងទិសខាងកើត ដើម្បីទទួលបានពន្លឺថ្ងៃស្រទន់ៗនាពេលព្រឹក និងពេលរសៀល ពន្លឺថ្ងៃមិនចាំងចូលក្នុងបន្ទប់ ដែលនឹងធ្វើឱ្យពេលព្រលប់ ក្នុងបន្ទប់គេងមិនក្តៅហប់។

4-ចំណែកឯបន្ទប់ទឹកវិញ អាចស្ថិតនៅក្នុងទិសខាងលិចបាន ព្រោះអាចទទួលបានពន្លឺថ្ងៃក្តៅខ្លាំងៗបាន ដោយមិនប៉ះពាល់ដល់អ្នកស្នាក់អាស្រ័យឡើយ ហើយថែមទាំអាចបំបាត់ភាពសើមអាប់ ចេញពីក្នុងបន្ទប់ទឹកបានទៀតផង។

សម្រាប់ទិសខ្យល់ គួររៀបចំប្លង់ផ្ទះឱ្យផ្នែកខាងបណ្តោយវែង បែរទៅខាងទិសខាងជើង-ត្បូង ព្រោះខ្យល់នឹងបក់មកពីទិសខាងត្បូង ក្នុងអំឡុងខែកុម្ភៈ ដល់កញ្ញា ហើយបក់មកពីទិសខាងជើង ក្នុងអំឡុងខែតុលា ដល់មករា បន្ទាប់ពីនោះ ក៏រៀបចំឱ្យមានទ្វារបង្អួច បើកចាំទទួលផ្លូវខ្យល់ចូល-ចេញផង។

បានដឹងពីដំណាក់កាលដំបូង ដែលពាក់ព័ន្ធនឹងទិសថ្ងៃ ទិសខ្យល់បន្តិចបន្តួច ដើម្បីគួបផ្សំនឹងការសម្រេចចិត្តក្នុងការជ្រើសរើសលំនៅឋានហើយ ចំណែកឯព័ត៌មានលម្អិតផ្សេងៗទៀត រឿងទិសថ្ងៃ ទិសខ្យល់នេះ គួរប្រឹក្សាជាមួយស្ថាបនិកជាបន្ត៕

May 20, 2021

ខ្សែប្រយុទ្ធជប៉ុន ស្រោចស្រង់ Gatafe ឱ្យរួចផុតពីតំបន់កាត់ចោលនៅ La Liga

ការប្រកួតសប្តាហ៍ទី37 នៃលីគកំពូលអេស្ប៉ាញ រដូវកាល2021 កន្លងទៅ ក្លិប Gatafe បានរក្សាខ្លួននៅលើកន្លែងសុវត្ថិភាពបានហើយ បន្ទាប់ពីរកបាន 37ពិន្ទុ ស្ថិតនៅលេខរៀងទី16 ក្នុងចំណោមក្រុមទាំង20 នៅ La Liga ។

ក្នុងការប្រកួតកៀកនឹងលើកចុងក្រោយនេះ គ្រូបង្វឹកបានសម្រេចចិត្តដាក់ខ្សែប្រយុទ្ធជប៉ុន ឱ្យចូលលេងក្នុងប្រកួតនេះ ក្រោយពីបានផ្ទេរមកពី Villareal កាលពីពាក់កណ្តាលរដូវកាលកន្លងទៅ។ ការដែលដាក់ឱ្យចូលលេងនេះ ពិតជាមិនខកបំណងមែន ដោយខ្សែប្រយុទ្ធរូបនេះ បានស៊ុត 1គ្រាប់នៅនាទីទី82 ដោយបានជួយឱ្យក្រុមយកឈ្នះ Lavante ។

គួរឱ្យដឹងដែរថា ប្រកួតចុងក្រោយនាចុងសប្តាហ៍នេះ ទោះបីជា Gatafe ចាញ់ក្តី ក៏មិនជាបញ្ហាឡើយ ព្រោះក្រុមនេះមានពិន្ទុលើសក្រុមនៅតំបន់កាត់ចោល 4ពិន្ទុរួចទៅហើយ៕

May 20, 2021

Category: សង្គម និងសេដ្ឋកិច្ច