- បុរស ងាយមានស្នេហាជាងនារី៖ យើងច្រើនតែមានអារម្មណ៍ និងគិតថា នារីៗច្រើនតែប្រញាប់ចង់បានស្នេហាណាស់ តែការពិតវិញ គឺបុរសៗទៅវិញទេ ដែលមានចរិតនិស្ស័យបែបហ្នឹងច្រើនជាងនារី ដោយសារតែ “ខួរក្បាលរបស់បុរស មានបំពាក់ប្រព័ន្ធប្រសាទទាក់ទងនឹងការមើលឃើញច្រើនជាងនារី” ដូច្នេះហើយទើបកំលោះៗ ពេលបានឃើញក្រមុំណាម្នាក់ ដែលធ្វើឱ្យគេមានអារម្មណ៍ជាមួយនោះ នឹងមានកម្លាំងថាមពលម្យ៉ាងទៅជំរុញកន្លែងពិសេសមួយរបស់ខួរក្បាល ដែលមានតែក្នុងមនុស្សភេទប្រុសប៉ុណ្ណោះ។
- (សម្រាប់នារី) មនុស្សប្រុសដែលយើងត្រូវចិត្ត មិនមែនមានតែម្នាក់គត់នោះទេ៖ ដូច្នេះ បើសិននារីណាម្នាក់គិតថា អ្នកបានធ្វើឱ្យគូស្នេហ៍ របូតពីដៃទៅហើយនោះ ចូរកុំទៅសោកស្តាយធ្វើអី ព្រោះពិភពលោកនេះ ពោរពេញទៅដោយមនុស្សប្រុស ដែលអាចធ្វើឱ្យយើងត្រូវចិត្តបាន មានច្រើនណាស់។ ចូរកុំភ្លេចថា “មូលហេតុដែលធ្វើឱ្យនារីយើងកើតទុក្ខព្រោះរឿងស្នេហា ដោយសារតែមកពីពួកនាងគិតថា នៅលើពិភពលោកនេះ មានបុរសតែម្នាក់គត់ ដែលទេវតាសាងឡើងមកដើម្បីរូបនាង” តែការពិត មិនមែនទេ…។
- ស្នេហា ពេលខ្លះនៅឆ្ងាយពីគ្នាម្ដងម្កាល ក៏ល្អដែរ៖ ខណៈពេលដែលអ្នកកំពុងតែឈ្លក់នឹងស្នេហាយ៉ាងងប់ងល់នោះ រឿងដែលអ្នកតែងចង់ធ្វើបំផុតនោះគឺ នៅនែបនិត្យ យកចិត្តយកថ្លើមគេ និងចង់នៅតោងស្អិត ជាប់ជិតនឹងគេ រហូតទាំងយប់ទាំងថ្ងៃ តែការពិតវិញ “ការនៅឆ្ងាយពីគ្នាខ្លះ វានឹងធ្វើឱ្យសារធាតុគីមីនៃស្នេហា ដែលមានដូចជា ដូផាមីន និងណូរេហ្វហ្វ៊ីន នៅក្នុងខួរក្បាលយើង រីកសាយភាយឡើងច្រើន ធ្វើឱ្យយើងកាន់តែស្រឡាញ់គ្នាឡើង។
- ស្នេហាបែប ឃើញភ្លាម ស្រឡាញ់ភ្លែត មានពិតប្រាកដមែន៖ វាជារឿងមួយ ដែលអាចទៅរួចពិតមែន ក្នុងការដែលយើងនឹកចង់ស្រឡាញ់មនុស្សម្នាក់ ដែលយើងទើបតែមើលឃើញមួយភ្លែតដំបូង…។ “ខាងកាយសាស្ត្រ សត្វត្រូវស្វែងរកគូឱ្យបាន មុនពេលរដូវបង្កាត់ពូជត្រូវបញ្ចប់ទៅវិញ ដូច្នេះហើយទើបការត្រូវភ្នែក ត្រូវចិត្តគ្នាដោយក្ដីស្នេហា វាកើតឡើងយ៉ាងឆាប់រហ័សនោះ។ នៅពេលដែលខួរក្បាលយើងបញ្ជូនព័ត៌មានមកបែបហ្នឹង យើងក៏អាចតបស្នងទៅប្រព័ន្ធជំរុញការស្រឡាញ់ ធ្វើឱ្យភាសាកាយ និងភាពត្រូវរ៉ូវគ្នា កើនឡើងយ៉ាងឆាប់រហ័ស។
- ស្នេហា មិនមែនជារឿងរបស់អារម្មណ៍ទេ៖ សេចក្តីស្នេហា បានទៅជំរុញខួរក្បាល ផ្នែកដែលមានសម្ព័ន្ធជាមួយនឹងការទន្ទឹងចាំ និងឆ្ពោះទៅរកកម្លាំងបណ្តាលចិត្ត និងកម្លាំងរុញច្រាន ដែលផ្ទុញគ្នាស្រឡះពីខួរក្បាលផ្នែកអារម្មណ៍ ដែលមានដូចជាសេចក្តីសុខ ឬភាពសោកសៅ ជាដើមនោះ ។ ដូច្នេះ ពេលនេះយើងបានដឹងហើយថា ហេតុអ្វីបានយើងចេះតែរសាប់រសល់ក្នុងចិត្តយ៉ាងចម្លែក ជាមួយមនុស្សម្នាក់ ដែលធ្វើឱ្យជីពចររបស់យើងលោតញាប់ ដោយសារតែត្រូវចិត្តគេនោះ។
- ស្នេហា គឺជាគ្រឿងញៀន៖ ពេលយើងមើលរូបថតអតីតគូស្នេហ៍ ផ្នែកមួយរបស់ខួរក្បាល ដែលពាក់ព័ន្ធនឹងការជក់ចិត្តដិតអារម្មណ៍ បានធ្វើការខ្លាំងជាពិសេសតែម្តង…អ័រម៉ូនដូផាមីន ត្រូវបានបញ្ចេញមក ហើយយើងក៏មានអារម្មណ៍រំភើប ដួងចិត្តញាប់ញ័រ អណ្តែតអណ្តូងយ៉ាងខ្លាំង ដូចគ្នានឹងការប្រើប្រាស់ថ្នាំញៀនដែរ នោះហើយ គឺជាមូលហេតុដែលធ្វើឱ្យយើងនឹកស្រមើស្រមៃ ទៅដល់គូស្នេហ៍សំណព្វចិត្តរបស់យើងនោះ៕
Category: សង្គម និងសេដ្ឋកិច្ច
រឿងដ៏អស្ចារ្យ 6បែប ពាក់ព័ន្ធនឹងស្នេហា
វិធីសាងភាពជឿជាក់លើខ្លួនឯង ដើម្បីភាពជោគជ័យ
ពេលដែលយើងមានគោលដៅ ឬប្រាថ្នាចង់ធ្វើរឿងអ្វីមួយក៏ដោយ រឿងសំខាន់មួយ ដែលនឹងជួយឱ្យយើងទទួលបានជោគជ័យនោះ គឺភាពជឿជាក់លើខ្លួនឯង ព្រោះភាពជឿជាក់លើខ្លួនឯង ប្រៀបដូចជាកម្លាំងជំរុញមួយ ធ្វើឱ្យយើងមានទឹកចិត្តក្លៀវក្លា ធ្វើឱ្យមានកម្លាំងថាមពល ធ្វើនូវរឿងទាំងអស់នោះ ឱ្យបានសម្រេចដូចចិត្តប្រាថ្នា។ ក្រៅពីនោះ ថែមជាការបង្កើនគុណតម្លៃរបស់ខ្លួនឯង និងធ្វើឱ្យយើងមានកម្លាំងចិត្ត និងក្លៀវក្លាស្វាហាប់ទៀតផង។
វិធី 5យ៉ាង ក្នុងការបង្កើនភាពជឿជាក់លើខ្លួនឯង មានដូចតទៅ៖
សាងភាពជឿជាក់ដល់ខ្លួនឯង ដោយការសម្លឹងឃើញពីចំណុចលេចធ្លោ ខ្លាំងជាងចំណុចខ្សោយ
ចូរសម្លឹងរកមើលចំណុចល្អ លេចធ្លោរបស់ខ្លួនឯងឱ្យឃើញ ព្រមទាំងហ្វឹកហាត់ ឬធ្វើការងារណា ដែលជួយបង្កើនដល់ចំណុចល្អនោះ ចៀសវាងការប្រៀបធៀបចំណុចអន់របស់ខ្លួនឯងជាមួយអ្នកដទៃ។ គួរនឹកនៅក្នុងចិត្តជានិច្ចថា “មិនចាំបាច់ត្រូវដឹងគ្រប់តែរឿងនោះទេ តែត្រូវដឹងឱ្យច្បាស់ប្រាកដ តែ 1រឿង ក៏អាចទទួលបានជោគជ័យដែរ”
ធ្វើការងារណា ដែលសាងមោទនភាព ដល់ខ្លួនឯង
ដូចជា ការងារជួយសង្គមសាធារណ: ឬធ្វើការងារក្រៅម៉ោងណាដែលខ្លួនចូលចិត្ត ដែលទាំងអស់ហ្នឹង សុទ្ធតែសាងនូវភាពសប្បាយចិត្ត និងធ្វើឱ្យមានអារម្មណ៏ថា ខ្លួនឯងមានតម្លៃ ព្រោះបានបំពេញប្រយោជន៍ដល់អ្នកដទៃ ឬមានឱកាសបានបញ្ចេញសមត្ថភាព ឱ្យគេទទួលស្គាល់ ជាដើម។
ប្រាប់ខ្លួនឯងជានិច្ចថា អាចធ្វើបាន!!
គួរនិយាយលើកទឹកចិត្តខ្លួនឯង ឱ្យបានជាប់ជានិច្ចថា “ខ្ញុំធ្វើបាន!” និងហាត់នឹកស្រមៃ ឱ្យឃើញពីភាពជោគជ័យ។
កុំខ្វល់ខ្វាយនឹងសម្ដីរបស់អ្នកដទៃ
ភាពមានកង្វល់ខ្វល់ខ្វាយ ដែលកើតពីពាក្យរិះគន់ទិតៀនរបស់អ្នកដទៃ អាចធ្វើឱ្យយើងកើតក្តីអស់សង្ឃឹម និងបាក់ទឹកចិត្តបាន ដូច្នេះគួរពិចារណាពីគោលបំណងរបស់សម្ដីទាំងអស់នោះផង បើសិនដោយសារការបារម្ភ យើងគួរតែទទួលស្តាប់ និងកែសម្រួលខ្លួនឯង តែបើសិនដោយសារភាពអគតិវិញនោះ ក៏មិនបាច់ទៅយកចិត្តទុកដាក់ស្តាប់ឡើយ។
សុំការលើកទឹកចិត្ត ពីអ្នកដែលនៅក្បែរខ្លួនយើង
ព្រោះកម្លាំងចិត្ត ពីក្រុមគ្រួសារ ពីមិត្តសម្លាញ់ និងពីគូស្នេហ៍ អាចជួយសាងនូវភាពជឿជាក់ដល់ខ្លួនឯងបាន ធ្វើឱ្យយើងហ៊ានសម្រេចចិត្ត និងគិតចាប់ផ្តើមនូវគំនិតថ្មីៗ ដូច្នេះបើសិននៅពេលណា មានអារម្មណ៍អស់សង្ឃឹម ឬមានបញ្ហាអ្វីមួយ ចូរកុំស្ទាក់ស្ទើរ ក្នុងការសុំការប្រឹក្សាយោបល់ និងការគាំទ្រពីពួកគេ។
នៅពេលមានភាពជឿជាក់លើខ្លួនឯងយ៉ាងពេញទំហឹងហើយនោះ ភាពជោគជ័យនឹងនៅក្បែរយើងបង្កើយ…៕
ការស្ថាបនាផ្លូវជាតិលេខ3 ពីភ្នំពេញទៅក្រុងកំពត គ្រោងនឹងបញ្ចប់នៅចុងឆ្នាំនេះ
គម្រោងកែលម្អផ្លូវជាតិលេខ3 ពីភ្នំពេញទៅក្រុងកំពត សម្រេចបានជាង 98% ហើយគ្រោងនឹងរួចរាល់ជាស្ថាពរនៅចុងឆ្នាំ2021។ នេះបើតាម ក្រសួងសាធារណការ និងដឹកជញ្ជូន។
ក្រសួងសាធារណការ បានឱ្យដឹងថា គិតរហូតមកដល់បច្ចុប្បន្ន ក្រសួង បាន និងកំពុងពន្លឿនការងារចុងក្រោយមួយចំនួន ដូចជា ការបំពាក់កាមេរ៉ាចាប់ល្បឿនយានយន្ត កាមេរ៉ាសុវត្ថិភាព ជញ្ជីងថ្លឹងទម្ងន់ក្រោមដី និងជញ្ជីងថ្លឹងទម្ងន់នៅក្នុងស្ថានីយ។ល។ ខណៈដែលស្ពានអាកាសថ្មើរជើងដែលមានទីតាំងនៅត្រាំខ្នារ ក៏នឹងសាងសង់រួចរាល់នៅចុងខែមិថុនាខាងមុខ។
ជារួម គម្រោងធ្វើឱ្យប្រសើរឡើងផ្លូវជាតិលេខ3 ពីភ្នំពេញទៅក្រុងកំពត បច្ចុប្បន្ន សម្រេចបាន 98.04% រួចហើយ។ នេះបើតាម ឯកឧត្តម ស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួង សាធារណការ និងដឹកជញ្ជូន។គម្រោងស្ថាបនាផ្លូវប្រភេទ បេតុងកៅស៊ូ (AC) ប្រវែង 134គីឡូម៉ែត្រនេះ ត្រូវបានចាប់ផ្ដើមសាងសង់ និងស្ដារឡើងវិញ កាលពីខែឧសភា ឆ្នាំ2018។ ការចំណាយទៅលើការស្ថាបនា និងស្ដារផ្លូវនេះ គ្រោងនឹងប្រើប្រាស់ទឹកប្រាក់ជាង 200លានដុល្លារអាមេរិក ដែលនេះគឺជាហិរញ្ញប្បទានសម្បទាន ពីប្រទេសចិន រួមនឹងថវិកាបដិភាគមួយចំនួនរបស់ កម្ពុជា៕
ប្រភព៖ ក្រសួងសាធារណការ
ដកស្រង់៖ បុត្រា
Suarez គិតយ៉ាងណាពេល Barcelona នាំយកកីឡាករវ័យជ្រេចូលក្រុម?
Sergio Aguero ខ្សែប្រយុទ្ធ ManCity នឹងផុតកុងត្រាជាមួយក្លិបអង់គ្លេសមួយនេះ នៅដំណាច់ខែមិថុនា ខាងមុខនេះហើយ ដោយភាគីទាំងសងខាង បានព្រមព្រៀងគ្នា មិនបន្តកុងត្រាថ្មីទៀតឡើយ។ ក្រោយពីចាកចេញពី ManCity កីឡាករ Aguero ត្រូវបាន Barcelona កក់ទុករួចជាស្រេចហើយ ដោយត្រៀមនឹងប្រកាសកុងត្រា នៅឯក្លិបដ៏ល្បីល្បាញរបស់អេស្ប៉ាញមួយនេះ នៅពេលឆាប់ៗខាងមុខនេះ។
ក្នុងព្រឹត្តិការណ៍នេះដែរ Luiz Suarez អតីតខ្សែប្រយុទ្ធ Barcelona បានបង្ហាញចំណាប់អារម្មណ៍ពេញចិត្តយ៉ាងខ្លាំងចំពោះអតីតក្លិបរបស់ខ្លួន ដែលបានផ្តល់ឱកាសដល់កីឡាករវ័យជ្រេដូច Sergio Aguero បើទោះបីជាគេ មានវ័យ 32ឆ្នាំហើយក្តី។
គួររំឭកដែរថា គ្រាដែល Luiz Suarez ចាកចេញពី Barcelona កាលពីដើមរដូវកាលនេះ គឺដោយសារលោក Koeman លើកពីហេតុផលថា រូបគេមានវ័យច្រើនហើយ (33ឆ្នាំ) ដែលធ្វើឱ្យប៉ះពាល់ដល់ទម្រង់ការប្រយុទ្ធរបស់ក្រុម តែក្រោយពីទៅដល់ AT Madrid ភ្លាម គេបានធ្វើឱ្យក្រុមថ្មីរបស់គេមួយនេះលើកពាន La Liga ភ្លែតតែម្ដង៕
ក្លិប3 ដែលអាចនឹងក្លាយជាផ្ទះថ្មី របស់ Ronaldo
កីឡាករខ្សែប្រយុទ្ធ Christiano Ronaldo ត្រូវបានគេដឹងថា អាចនឹងចាកចេញពីក្លិប Juventus ក្រោយបញ្ចប់រដូវកាលនេះ ដោយសារតែគេឃើញកីឡាកររូបនេះ បានរើឥវ៉ាន់ចេញពីផ្ទះ។ ក្នុងនោះដែរ ប្រភពជីតស្និទ្ធបានប្រកាសថា កីឡាកររូបនេះ បានប្រាប់មិត្តរួមក្រុម រួចរាល់ហើយថា គេនឹងចាកចេញ នៅចុងឆ្នាំនេះ។
យ៉ាងណាមិញ អ្វីដែលអ្នកតាមដានគ្រប់គ្នា ចង់ដឹងខ្លាំងនោះគឺ ថាតើកីឡាកររូបនេះ នឹងផ្លាស់ទៅលេងនៅទីណាវិញ ក្រោយចាកចេញពី Juventus។ មកទល់នឹងពេលនេះ មានក្លិប 3ធំៗ ដែលអាចនឹងក្លាយទៅជាផ្ទះថ្មីរបស់ Ronaldo គឺ PSG, ManU និង Sporting។
គួរឱ្យដឹងដែរថា កុងត្រារបស់ Ronaldo នៅ Juventus នៅមានសុពលភាពដល់ឆ្នាំ2022 ដូចនេះប្រសិនបើក្លិបណាចង់បាន ប្រហែលជាត្រូវចំណាយលុយខ្លះ នៅក្នុងការទិញផ្តាច់កុងត្រាកីឡាកររូបនេះ ពី Juventus៕
ប្រភព ៖ dailymail
អ្នកវិទ្យាសាស្ត្រ បាញ់អគ្គិសនីចូលពពក ដើម្បីបង្កើតទឹកភ្លៀងសិប្បនិម្មិត
អារ៉ាប់រួម៖ ក្រុមអ្នកវិទ្យាសាស្ត្រ កំពុងត្រៀមសាកល្បងបាញ់អគ្គិសនីចូលទៅកាន់ពពក ដើម្បីធ្វើឱ្យគ្រាប់ទឹកក្នុងពពកមានទំហំធំជាងមុន និងងាយស្រួលធ្លាក់ជាភ្លៀងជាងបច្ចុប្បន្ន។
ដោយសារតែអាកាសធាតុក្ដៅហែង និងកម្រិតទឹកភ្លៀងជាមធ្យមត្រឹមតែ 10សង់ទីម៉ែត្រ ប្រទេសអារ៉ាប់រួម (UAE) ត្រូវការទឹកសាបបន្ថែមទៀត។ ដើម្បីដោះស្រាយបញ្ហានេះ រដ្ឋាភិបាល បានវិនិយោគទៅលើគម្រោងវិទ្យាសាស្ត្រជាច្រើននៅជុំវិញពិភពលោក ទាក់ទងនឹងការបង្កើតទឹកភ្លៀងសិប្បនិម្មិត ក្នុងនោះក៏មានគម្រោងប្រើប្រាស់យន្តហោះគ្មានមនុស្សបើក (drone) ខ្នាតតូច បាញ់អគ្គិសនីទៅក្នុងពពកផងដែរ។
អ្នកវិទ្យាសាស្ត្រមួយក្រុម មកពីសាកលវិទ្យាល័យ Reading នៃចក្រភពអង់គ្លេស ដំបូងឡើយបានស្នើគម្រោងខាងលើ ហើយបច្ចុប្បន្ន យន្តហោះគ្មានមនុស្សបើកទាំងនេះ កំពុងត្រៀមខ្លួនសម្រាប់ធ្វើការសាកល្បងនៅក្បែរទីក្រុង ឌូបៃ នាពេលដ៏ខ្លីខាងមុខ។ គម្រោងរបស់អ្នកវិទ្យាសាស្ត្រនេះគឺ ការបាញ់អគ្គិសនីចូលទៅក្នុងគ្រាប់ទឹកនៅក្នុងពពក បំណងធ្វើឱ្យវាងាយស្រួលធ្លាក់មកលើដីជាងមុន និងបង្កើតបានជាទឹកភ្លៀង។
«មានការគិតជាច្រើនទាក់ទងនឹងអគ្គិសនីមានឥទ្ធិពលលើតំណក់ទឹកក្នុងពពកនៅលើមេឃ ប៉ុន្តែ ហាក់មិនទាន់មានការសិក្សាស្រាវជ្រាវណាមួយត្រូវបានធ្វើឡើងជាក់ស្ដែង និងលម្អិតនៅឡើយ» Keri Nicoll អ្នកវិទ្យាសាស្ត្រសំខាន់មួយរូប នៃគម្រោងខាងលើ បានឱ្យដឹងដូច្នេះ និងបន្ថែមទៀត គោលដៅរបស់ពួកគេគឺ ចង់បញ្ជាក់់ថា បច្ចេកវិទ្យាអាចបង្កើនបរិមាណទឹកភ្លៀងនៅក្នុងតំបន់ខ្វះប្រភពទឹក។
ក្រុមរបស់ Nicoll បានបង្កើតទ្រង់ទ្រាយរបស់ពពក ដើម្បីធ្វើការពិសោធ។ ពួកគេបានឃើញថា នៅពេលតំណក់ទឹកក្នុងពពក ទទួលបានបន្ទុកអគ្គិសនីវិជ្ជមាន ឬអវិជ្ជមាន ពួកវាមានលទ្ធភាពប្រមូលផ្ដុំគ្នា និងបង្កើតជាគ្រាប់ទឹកធំជាងមុន។ ដោយសារតែតំបន់ក្ដៅហែងដូចនៅអារ៉ាប់រួម ពពកតែងតែស្ថិតនៅខ្ពស់ជាងតំបន់ដែលមានអាកាសធាតុមិនក្ដៅពេក ដូច្នេះ គ្រាប់ភ្លៀងក៏តែងហួតទៅវិញ នៅពេលកំពុងធ្លាក់ចុះ។ អ្នកវិទ្យាសាស្ត្រ Nicoll បាននិយាយថា៖ «យើងកំពុងព្យាយាមធ្វើឱ្យគ្រាប់ទឹកនៅក្នុងពពក មានទំហំធំគ្រប់គ្រាន់ ដើម្បីធានាថា នៅពេលធ្លាក់ពីពពក ពួកវានឹងនៅតែរក្សារូបរាងដើមបានល្អ មុនពេលធ្លាក់ដល់ដី»។
គម្រោងខាងលើនេះ ទទួលបានថវិកាគាំទ្រចំនួន 1.5លានដុល្លារអាមេរិក សម្រាប់រយៈពេល 3ឆ្នាំ។ ដើម្បីពិសោធលើគម្រោងនេះ អ្នកស្រី Nicoll និងសហការី បានបង្កើតយន្តហោះដែលមានស្លាបប្រវែង 2ម៉ែត្រ ចំនួន 4គ្រឿង។ យន្តហោះទាំងនេះ ត្រូវបានបាញ់ចេញពីម៉ាស៊ីនបាញ់ថ្ម និងបំពាក់ប្រព័ន្ធបើកបរស្វ័យប្រវត្ត ហើយអាចហោះហើរបានប្រហែល 40នាទី។ គ្រាប់យន្តហោះ ក៏មានអង្គញាណដែលអាចវាស់កំដៅ ទំហំ និងសំណើម ក៏ដូចជាឧបករណ៍បាញ់អគ្គិសនីដែលអភិវឌ្ឍដោយសាកលវិទ្យាល័យ Bath របស់អង់គ្លេស។
បច្ចុប្បន្ន ក្រុមអ្នកជំនាញ ដែលតំណាងឱ្យក្រុមវិទ្យាសាស្ត្ររបស់អ្នកស្រី Nicoll កំពុងរង់ចាំអាកាសធាតុអំណោយផល ដើម្បីបង្ហើយការពិសោធខាងលើនេះ។
នាយកដ្ឋានឧតុនិយមរបស់ អារ៉ាប់រួម បានឱ្យដឹងថា ក្នុងឆ្នាំ2017 ប្រទេសនេះ បានធ្វើការបង្កើតភ្លៀងសិប្បនិម្មិតចំនួន 242លើករួចមកហើយ។ អារ៉ាប់រួម ក៏មានរោងចក្រចម្រាញ់ទឹកប្រៃដ៏ធំមួយក្នុងពិភពលោកផងដែរ ប៉ុន្តែ អនុផលនៃការចម្រញ់ទឹកនេះ មានផលប៉ះពាល់ខ្លាំងដល់ជីវចម្រុះក្នុងសមុទ្រ៕
ប្រភព៖ CNN
ប្រែសម្រួល៖ បុត្រា
អាថ៌កំបាំងនៃសម្ផស្ស 20យ៉ាង ដែលនារីៗមិនចង់ឱ្យបុរសៗដឹង…
កើតជាមនុស្សស្រី ពិតជាសែនលំបាកមែន ព្រោះត្រូវមើលថែទាំខ្លួន ដុសខាត់ ថែមថយរាងកាយ ឱ្យមើលឃើញស្អាត តាំងពីក្បាលដល់ចុងជើង មិនថាតែកោររោមមេជើង ដករោមច្រមុះ លួចថែមអេប៉ុង ឱ្យដើមទ្រូងមើលទៅធំ ស្លៀកឈុតក្នុងបន្ថែមត្រគាក
ជាដើម និងទោះជាធ្វើរឿងទាំងអស់រួចហើយ ស្រស់ស្អាតខ្ញង់ក៏ពិតមែន តែស្លាប់រស់យ៉ាងណា ក៏នារីៗយើង មិនឱ្យមនុស្សប្រុសដឹងជាដាច់ខាត!។
តាមរយ:ការស្ទង់មតិ ពីនារីៗចំនួន 2,000នាក់ ដែលបានបង្ហើបឱ្យដឹងដោយវេបសាយ ឌេលី មេល កាលពីចុងឆ្នាំ2019 កន្លងមក ខាងក្រោមនេះ គឺជាអាថ៌កំបាំងនៃសម្រស់ 20យ៉ាងរបស់ក្រមុំៗជនជាតិអង់គ្លេស ដែលពួកនាងមិនចង់ឱ្យបុរសជាគូស្នេហ៍បានដឹងឡើយ។ តើមានអ្វីខ្លះនោះ យើងមកតាមដានទាំងអស់គ្នា…៖
- កោរ / បក រោមនៅលើមេជើង
- កោរ / បក រោមនៅលើចង្កា និងផ្ទៃមុខ
- ដករោមប្លែកៗចេញពីរាងកាយ ដូចជា រោមរឹងវែងៗ ដែលដុះតែមួយសរសៃនៅលើមុខ ឬរោមដែលដុះលើប្រជ្រុយជាដើម។
- បករោម និងបកពុកមាត់
- កម្ចាត់ស្បែកក្រឹន រឹងៗ ស្ងួតប្រេះនៅលើបាតជើង
- ពាក់អាវពង្រឹបខ្លួនឱ្យចេញរាង ដើម្បីស្លៀកពាក់ខោអាវឱ្យស្អាត មានរាង មានរៅស្វែល
- ដករោមចិញ្ចើម
- បក / កោរ រោមកន្លែងសម្ងាត់ចេញខ្លះ
- ដករោមច្រមុះ(!!)
- មើលថែស្បែកមុខ ទាំងលាងសម្កាត ជូតដោយថូនើរ៍ បំប៉នដោយឡេ គ្រប់គ្រឿងតែម្តង
- កាត់ក្រចកជើង
- កោសធ្មេញឱ្យស ព្រោះធ្មេញចាស់ វាលឿង
- លាបគ្រីម លុបបំបាត់ស្លាកស្នាម ពន្យឺតអាយុ ចង់តែនៅក្មេងរហូត មិនចង់ឱ្យអ្នកណា ដឹងថាខ្លួនចាស់ឡើយ
- លាបក្បាលមុន ដោយថ្នាំដុសធ្មេញ
- ម៉ាស់ក៍បកមុខ
- បក / កោររោមជើង និងក្លៀក
- ញាត់អេប៉ុងរុញដើមទ្រូងឡើង ឱ្យពើង
- ខាត់ស្បែករាល់ថ្ងៃ
- លាបពណ៌ចិញ្ចើម និងរោមភ្នែក
- ប្រើគ្រីមកម្ចាត់ សេលលូឡៃត៍(ដុំខ្លាញ់ក្រោមស្បែក) មិនចង់ឱ្យអ្នកណាឃើញ ខ្លាចគេដឹងថា ស្បែកគ្រើម ដូចសម្បកក្រូច។
ពេលនេះយើងជឿហើយថា ទម្រាំតែបានស្អាត នារីៗត្រូវប្រើក្តីព្យាយាមខ្លាំងមែនទែន ថែមទាំងចង់ឱ្យមនុស្សប្រុស(គូស្នេហ៍)គិតថា ខ្លួនស្អាតស្រស់ថ្លាយ៉ាងធម្មជាតិ អត់មានទៅកែកុនអីទាំងអស់ អ្វីៗ គឺអ្នកម៉ាក់ឱ្យមកទាំងអស់។
ហ៊ឺ…កើតមកជាមនុស្សស្រី ចំជាលំបាកមែន…៕
ដោយអ្នកគ្រូ ឆវី
កូនកំលោះ មហាសាមញ្ញ ពាក់អាវយឺត-ខោខ្លី-ស្បែកជើងផ្ទាត់ ចូលពិធីមង្គលការ
ងាយៗ មិនចាំបាច់អីច្រើន!! កូនកំលោះ មហាសាមញ្ញ តែងខ្លួនងាយៗ ពាក់អាវយឺតដៃខ្លី ជំនួសអាវធំ ឈុតសកល ថែមទាំងពាក់ស្បែកជើងផ្ទាត់ទៀត ខណៈដែលកូនក្រមុំវិញ តែងខ្លួនគ្រប់គ្រឿង…។
ប្រហែលជាពិធីមង្គលការមួយ ដែលកូនកំលោះធ្វើខ្លួនសែនមហាងាយៗបំផុត ព្រោះបើសិនជាកូនកំលោះដទៃវិញ ប្រហែលជាដើរចូលពិធីមួយនេះ ដោយឈុតសកល បែបគ្រប់គ្រឿង យ៉ាងសង្ហាមិនខាន តែសម្រាប់ “Nfasis” ដែលជាអ្នកចម្រៀង រ៉េបភើរ ជនជាតិដូមីនីកាំង វ័យ 33ឆ្នាំម្នាក់នេះវិញ វាខុសប្លែកពីអ្នកដទៃ ព្រោះនៅថ្ងៃអាពាហ៍ពិពាហ៍របស់គេ គេពាក់តែអាវយឺតដៃខ្លី ពណ៌ស ដែលស្ដើង រហូតមើលឃើញអាវយឺតវៀលក្លៀកខាងក្នុង ស្លៀកខោខូវប៊យពណ៌ស្លេកជើងខ្លី និងពាក់ស្បែកជើងផ្ទាត់ទៀតផង!។
អ្វីដែលចាប់អារម្មណ៍បំផុតនោះគឺ បើសិនទាំងកូនកំលោះ និងកូនក្រមុំតែងខ្លួនរបៀបដូចគ្នានោះ អ្នកបានឃើញទាំងប៉ុន្មានប្រហែលជាមិនសូវអីប៉ុន្មានទេ តែនេះ វាមិនមែនអ៊ីចឹងទេ ព្រោះខណៈដែលកូនកំលោះតែងខ្លួនបែបសប្បាយៗ ងាយៗនោះ កូនក្រមុំ បែរជាតុបតែងខ្លួន បែបគ្រប់គ្រឿង ស្រស់ស្អាត និងល្អឥតខ្ចោះ ហើយកូនស្រីទាំង2 របស់ពួកគេទាំង2 ក៏ដូចគ្នាដែរ ស្លៀកឈុតពណ៌ស គួរឱ្យស្រឡាញ់ ហាក់ដូចជាម្ចាស់ក្សត្រី ត្រៀមជាស្រេច សម្រាប់ការបំពេញតួនាទី ជាអ្នកកំដរកូនក្រមុំ។ ពោលគឺ អ្នកចូលរួមក្នុងពិធីនេះទាំងអស់ សុទ្ធតែតែងខ្លួន បែបគ្រប់គ្រឿងយ៉ាងស្អាតសង្ហាគ្រប់គ្នា លើកលែងតែកូនកំលោះម្នាក់គត់។
ក្រៅពីការតែងខ្លួនរបស់កូនកំលោះ Nfasis ដែលធ្វើឱ្យជំពប់ភ្នែកអ្នកដែលបានឃើញហើយនោះ ការបង្ហាញទឹកមុខដ៏សែនរាបស្មើធម្មតារបស់គេ វាធ្វើឱ្យអ្នកដែលបានឃើញទាំងប៉ុន្មាននោះ អត់មិនគិតមិនបានឡើយថា តើគេពេញចិត្ត ឬមានសេចក្ដីសុខចំពោះពិធីមង្គលការក្នុងគ្រា ដែរឬទេហ្ន៎?…
ចំណែកបណ្ដាអ្នកគាំទ្ររបស់កូនកំលោះ Nfasis វិញ មិនបានមានអារម្មណ៍ ចម្លែកចិត្តចំពោះរឿងនេះប៉ុន្មានឡើយ ព្រោះបើសិន បានតាមដានអ៊ីនស្តាក្រាម ឬបណ្ដាញសង្គមផ្សេងៗទៀតរបស់ Nfasis ហើយនោះ នឹងបានដឹងថា ស្ទីលការតុបតែងខ្លួនរបស់គេ វាតែងតែបែបហ្នឹងស្រាប់ទៅហើយ ទាំងក្នុងជីវិតប្រចាំថ្ងៃ និងក្នុង MV របស់គេ។
យ៉ាងណាក្ដី អ្នកលេងអ៊ីនធើណិតជាច្រើន នៅតែរិះគន់ពីការតុបតែងខ្លួនរបស់កូនកំលោះ Nfasis ដែរ ដោយភាគច្រើនយល់ឃើញថា ថ្ងៃមង្គលការ គឺជាថ្ងៃដ៏សំខាន់មួយ របស់ទាំងកូនកំលោះ និងកូនក្រមុំ ដូច្នេះ គេគួរតែតែងខ្លួន ផ្ដល់កិត្តិយសដល់អ្នកឯទៀតខ្លាំងជាងនេះ…តែអ្នកខ្លះ យល់ថា ចង់តែងខ្លួនរបៀបណា ក៏តែងទៅ រឿងសំខាន់បំផុត គឺសេចក្ដីស្រឡាញ់ ដែលទាំង 2នាក់ មានឱ្យគ្នាទៅវិញទៅមក មិនមែនវត្ថុខាងក្រៅ ឬគ្រឿងតុបតែងកាយ ដែលពួកគេស្លៀកនោះទេ។
ការពិតទៅ ពិធីមង្គលការរបស់គេទាំង2 ត្រូវបានរៀបចំឡើង កាលពីអំឡុងចុងឆ្នាំកន្លងទៅ តែទើបនឹងមកល្បីល្បាញ ឱ្យអ្នកលេងអ៊ីនធើណិតទាំងឡាយរិះគន់ ដោយសារតែកំលោះ Nfasis យើង បានផូស្តរូបថតទាំងនោះនៅក្នុងផេចហ្វេសប៊ុក កាលពីថ្ងៃសៅរ៍កន្លងទៅ ទើបធ្វើឱ្យអ្នកបានឃើញទាំងឡាយ នាំគ្នាស៊ែរ ចែករំលែកតគ្នាយ៉ាងច្រើន ដែលពេលនេះ ជីវិតអាពាហ៍ពិពាហ៍របស់ Nfasis និងភរិយា កំពុងតែផ្អែមល្ហែមជាទីបំផុត និងកំពុងមានទារកតូចមួយទៀត ជាខ្សែចំណងមាស ចងបេះដូងអ្នកទាំង២ ទៀតផង។
ប្រភព៖ Facebook
ប្រែសម្រួលដោយ ទិទីតំតាតូ
រៀបចំបន្ទប់គេង ឱ្យមានសេចក្តីសុខដោយក្លិនក្រអូបៗ
បន្ទប់គេងមានសារៈសំខាន់ក្នុងជីវិតបំផុត ព្រោះថា ក្នុង 1ថ្ងៃ ដែលមានរយៈពេល 24ម៉ោង យើងបានស្នាក់នៅក្នុងបន្ទប់គេង ប្រមាណជា 1ភាគ3 ឬ 2ភាគ3 នៃរយៈពេលទាំងអស់នោះទៅហើយ គឺដើម្បីគេងសម្រាកយកកម្លាំង ក្រោយពេលបំពេញការងារ អស់ពេញ 1ថ្ងៃរួចមក។
ដូច្នេះបរិយាកាសនៅក្នុងបន្ទប់គេង យើងគួរតែរៀបចំ ឱ្យមានភាពទាក់ទាញ ដើម្បីឱ្យគេងបានលង់លក់ស្រួល រៀងរាល់រាត្រី ឬពេលណាដែលយើងចូលសម្រាក។
អ្នកអាចរៀបចំបរិយាកាសក្នុងបន្ទប់គេង ឱ្យមានទាំងសោភណភាព និងផាសុកភាព តាមពាក្យណែនាំរបស់អ្នកជំនាញដូចខាងក្រោម៖
អ្នកអាចប្រើក្លិនក្រអូបៗ ដើម្បីជួយឱ្យអារម្មណ៍បានធូរស្រាល ក្នុងនោះមានក្លិនក្រអូបបែបធម្មជាតិ ចេញពីផ្កាស្រស់ (តែគួរចាំទុកថា ត្រូវយកវាចេញភ្លាមៗ ក្រោយពេលដែលវាស្វិតស្រពោន)។ ក្រៅពីនេះ គេអាចប្រើទៀនក្រអូប ប្រេងក្រអូប ឬប្រភេទផ្កាក្រៀមក៏បានដែរ។
ការប្រើក្លិនក្រអូប វាមានប្រសិទ្ធភាពជួយព្យាបាលផ្លូវចិត្ត អាចធ្វើឱ្យផ្លូវចិត្តស្ងប់ស្ងាត់បាន កាត់បន្ថយអារម្មណ៍ធុញថប់តប់ប្រមល់ និងធ្វើឱ្យប្រព័ន្ធឈាមរត់ ដំណើរការបានស្រួលទៀតផង ជាពិសេស ក្លិនផ្កាឡាវេនដឺ ជួយធ្វើឱ្យអ្នកមានអារម្មណ៍ថា ស្រឡះល្អ និងស្រណុកនៅក្នុងអារម្មណ៍បំផុត។ ចំណែកឯប្រភេទប្រេងក្រអូបវិញ ក៏មានប្រយោជន៍មិនចាញ់គ្នាប៉ុន្មានដែរ ព្រោះក្លិនរបស់វា ក្រៅពីជួយសម្រួលអារម្មណ៍ហើយនោះ នៅជួយទាំង Spa នៅក្នុងរាងកាយមនុស្សយើង បានទៀតផង។
ដូច្នេះអាចនិយាយបានថា សុខភាពរបស់លោកអ្នកនឹងរឹងប៉ឹងមាំមួនឡើង ព្រោះតែទទួលទានដំណេកបានលក់ស្កប់ស្កល់ ដោយសារបរិយាកាសនៅក្នុងបន្ទប់គេង ដែលរៀបចំបានល្អ មានក្លិនក្រអូប ធូរស្រាលអារម្មណ៍ គួបផ្សំនឹងឧបករណ៍ដំណេកដ៏មានគុណភាព និងមានអនាម័យល្អទៀតផងនោះ។
តែប៉ុណ្ណឹង លោកអ្នកនឹងលែងមានក្តីព្រួយបារម្ភថា គេងមិនសូវលក់តទៅទៀតហើយ…៕
Agüero ចាកចេញមែន តែគេជាកីឡាកររកគ្រាប់បាល់ បានច្រើនបំផុត ឱ្យ ManCity
កីឡាករខ្សែប្រយុទ្ធ Sergio Agüero របស់ក្លិប Manchester City នឹងត្រូវដើរចេញពីក្លិប នៅពេលបញ្ចប់រដូវកាល 2021នេះហើយ ក្រោយផុតកុងត្រា ហើយភាគីទាំងសងខាង រវាងក្លិប និងកីឡាករ ក៏សម្រេចចិត្តមិនបន្តនៅជាមួយគ្នាទៀតដែរ។
តែអ្វី ដែលធ្វើឱ្យអ្នកគាំទ្រក្លិបមេឃខៀវមួយនេះ សោកស្តាយបំផុតនោះ គឺ Agüero ជាកីឡាករប្រយុទ្ធដ៏ល្អមួយរបស់ក្លិប ទោះជាមានវ័យ 32ឆ្នាំក៏ដោយ ហើយរូបគេ បានជាប់ជាកីឡាករ តែម្នាក់គត់របស់ក្លិប ManCity ដែលរកបានគ្រាប់បាល់ច្រើនបំផុត ក្នុងប្រវត្តិសាស្ត្រក្លិបទៀតផង។ គ្រាប់បាល់ទាំង 260គ្រាប់ ដែលកីឡាករជម្រើសជាតិអាហ្សង់ទីនរូបនេះរកបាន នឹងក្លាយជាការចងចាំរបស់ក្លិបមួយនេះជារៀងរហូត។
គួរឱ្យដឹងដែរថា Sergio Agüero បានជួយឱ្យក្លិប Manchester City ឡើងដល់វគ្គផ្តាច់ព្រ័ត្រពានចំនួន3 នារដូវកាលនេះ ហើយឈ្នះបានពាន2 គឺ FA Cup និង Premier Legue ខណៈដែលពានធំបំផុតរបស់អឺរ៉ុប UEFA Champions League គេគ្រោងនឹងយកឱ្យបាននៅចុងខែឧសភា ខាងមុខនេះ៕