សង្គម និងសេដ្ឋកិច្ច - La Reine Media

Britney Spears! រឿងរ៉ាវ 13 ឆ្នាំ មុនពេលស្នើតុលាការស៊ើបអង្កេតលើឪពុក

Britney Spears និយាយថា ការរស់នៅរយៈពេល 13 ឆ្នាំកន្លងទៅរបស់នាង ប្រៀបបានទៅនឹង «ទាសករ» ព្រោះតែត្រូវគេដាក់ក្រោមសិទ្ធិអាណាព្យាបាល ដោយមិនដឹងថា ខ្លួនអាចដាក់ពាក្យប្ដឹងសុំសេរីភាព។

កាលពីថ្ងៃទី 14 កក្កដា ឆ្នាំ 2021 តារាចម្រៀងល្បីឈ្មោះ Britney Spears បានឡើងតុលាការជាលើកដំបូង ជាមួយនឹងមេធាវីដែលនាងបានជ្រើសរើស។ នាងបានស្នើតុលាការ បើកការស៊ើបអង្កេតលើឪពុករបស់នាង គឺ លោក Jamie Spears។ ក្នុងឱកាសនោះ សារព័ត៌មាន Billboard បានចុះផ្សាយអំពីដំណើរជីវិតរយៈពេល 13 ឆ្នាំ ដែលតារាចម្រៀងវ័យ 40 ឆ្នាំ រូបនេះ ត្រូវរស់ក្រោមអាណាព្យាបាលដ៏តឹងរ៉ឹងរបស់ឪពុក និងក្រុមការងារ។

ឆ្នាំ 2008

ដើមឆ្នាំ Britney Spears បានបញ្ចប់សំណុំលិខិតលែងលះជាមួយនឹងស្វាមីទីពីរ (Kevin Federline)។ នាងបានចាញ់ក្ដី ក្នុងសវនាការ ចំពោះសិទ្ធិចិញ្ចឹមកូនប្រុសទាំងពីរ។ នាង Britney Spears ក៏បានឃុំខ្លួនឯង និងកូនៗនៅក្នុងបន្ទប់ទឹក ព្រោះមិនអាចទទួលយកការពិតនេះបាន។ ប៉ូលិស Los Angeles ក៏ចូលធ្វើអន្តរាគមន៍។ Britney Spears ត្រូវបានចាប់ខ្លួនយកទៅធ្វើតេស្តសុខភាព។ កាសែតជាច្រើនចុះផ្សាយថា Britney Spears បានក្លាយជាមនុស្សបាត់បង់សតិ។

Britney Spears ត្រូវបានគេយល់ថា បាត់បង់សតិ ក្រោយការលែងលះស្វាមី

ខែមករា គ្រួសារ បានយក Britney Spears ទៅកាន់មន្ទីរពេទ្យ និងត្រូវបានឃុំខ្លួនបន្ទាន់រយៈពេល 72 ម៉ោង ដើម្បីធានាសុវត្ថិភាព។ ក្រោយមក តុលាការក៏បានប្រគល់សិទ្ធិជាអាណាព្យាបាលបណ្ដោះអាសន្នដល់លោក Jamie Spears។ គាត់មានសិទ្ធិសម្រេចគ្រប់យ៉ាងជំនួស Britney Spears។ ចាប់ពីខែតុលា តុលាការក៏ចេញសាលក្រមលើសិទ្ធិជាអាណាព្យាបាលបណ្ដោះអាសន្នខាងលើ ទៅជាអចិន្ត្រៃយ៍។

ចាប់ពីឆ្នាំ 2009 ដល់ 2018

ក្នុងរយៈពេលជាច្រើនឆ្នាំ Britney Spears មិនបានលើកឡើងអំពីការដែលនាងត្រូវស្ថិតក្រោមអាណាព្យាបាលនោះទេ។ នាងបន្តសកម្មភាពសិល្បៈរបស់ខ្លួន។

ឆ្នាំ 2012 ចៅក្រម Reva Goetz តែងតាំង Jason Trawick ដែលជាមិត្តប្រុសរបស់ Britney Spears ឱ្យធ្វើជាអាណាព្យាបាល។ បុរសនេះ មានសិទ្ធិសម្រេចលើបញ្ហាមួយចំនួនទាក់ទងនឹងជីវិតផ្ទាល់ខ្លួន និងហិរញ្ញវត្ថុរបស់ Britney Spears។ ឆ្នាំ 2013 ពួកគេក៏បានចែកផ្លូវគ្នា។

ឆ្នាំ 2016 Britney Spears បានរំលឹកអំពីបញ្ហាដែលខ្លួនត្រូវស្ថិតក្រោមអាណាព្យាបាលអស់ជាច្រើនឆ្នាំ។ NY Times បានផ្សាយថា នាងបានព្យាយាមតវ៉ាជាច្រើនលើកមកហើយ ដើម្បីគេចពីការដែលត្រូវគេគ្រប់គ្រងគ្រប់យ៉ាង។

«បើទោះជារកបានប្រាក់ច្រើនពីសកម្មភាពសិល្បៈ ប៉ុន្តែ Britney ទទួលបានប្រហែលតែ 2,000 ដុល្លារប៉ុណ្ណោះ សម្រាប់ចាយក្នុងមួយសប្ដាហ៍។ នាងត្រូវធ្វើការដើម្បីបើកប្រាក់ខែឱ្យមនុស្សនៅជុំវិញខ្លួន» នេះបើតាម បុគ្គលិកស៊ើបអង្កេតម្នាក់។

ឆ្នាំ 2019

ខែមីនា ឪពុករបស់ Britney ក្លាយជាអ្នកគ្រប់គ្រងតែម្នាក់គត់របស់នាង បន្ទាប់ពី Andrew Wallet សុំឈប់ពីតួនាទីជាសហគ្រប់គ្រងផ្នែកហិរញ្ញវត្ថុរបស់ Britney។ អំឡុងពេលនេះ ក៏មានចលនាទាមទារឱ្យផ្ដល់សេរីភាពដល់ Britney។ ទំនាក់ទំនងរវាងឪពុក និងកូន ប្រែជាអាក្រក់ឡើងៗ បន្ទាប់ពីមានសវនាការមួយចំនួននៅតុលាការ។

ខែកញ្ញា Jamie Spears បានដាក់ពាក្យសុំផ្អាកការងារជាអាណាព្យាបាលលើកូនស្រីរបស់ខ្លួន ព្រោះបញ្ហាសុខភាព។ ចៅក្រមក៏បានតែងតាំងបុគ្គលិកជំនាញផ្នែកគ្រប់គ្រង ឈ្មោះ Jodi Montgomery ចូលមកជំនួស។

ឆ្នាំ 2020

ខែតុលា Britney តវ៉ា មិនចង់ឱ្យឪពុកនាងត្រលប់មកធ្វើជាអាណាព្យាបាលតែឯងដូចមុន។ ក្រោយមក តុលាការក៏បានចេញបទបញ្ជា អនុញ្ញាតឱ្យក្រុមហ៊ុន Bessemer Trust Company ធ្វើជាសហគ្រប់គ្រងលើទ្រព្យរបស់តារាចម្រៀងរូបនេះ ជាមួយនឹងលោក Jamie។

ខែវិច្ឆិកា Britney ស្នើតុលាការ ដកសិទ្ធិជាអាណាព្យាបាល ពីឪពុក និងដកសិទ្ធិគ្រប់គ្រងហិរញ្ញវត្ថុ ពីក្រុមហ៊ុន Bessemer Trust Company។

ឆ្នាំ 2021

ខែមីនា «លោក Jamie Spears និយាយថា ខ្លួនរំពឹងថា កូនស្រីនឹងឆាប់ទទួលបានសេរីភាព ប៉ុន្តែ វាអាស្រ័យលើ Britney» មេធាវី Vivian L. Thoreen តំណាងឱ្យ Jamie បានប្រាប់ CNN ដូច្នេះ។ ប៉ុន្មានសប្ដាហ៍ក្រោយមក Britney បានដាក់ពាក្យស្នើឱ្យអ្នកស្រី Jodi Montgomery បន្តធ្វើជាសហគ្រប់គ្រងជាមួយនឹងឪពុកនាង។

ខែមិថុនា Britney Spears បានឡើងតុលាការ។ ក្នុងសវនាការ នាងនិយាយថា ចង់ដាក់ពន្ធនាគារឪពុករបស់នាង និងក្រុមការងារគ្រប់គ្រងរបស់គាត់។ នាងថា ខ្លួនប្រៀបដូចជាទាសករ មិនមានសិទ្ធិយកប្ដី បង្កើតកូន និងត្រូវគេបង្ខំឱ្យទៅសំដែងដើម្បីរកប្រាក់។ Britney ក៏រិះគន់ចំពោះសមាជិកគ្រួសារ ដែលនៅស្ងៀម ព្រោះតែទទួលបានផលប្រយោជន៍ពីការដែលនាងត្រូវស្ថិតក្រោមសិទ្ធិអាណាព្យាបាល ឬការគ្រប់គ្រងរបស់ឪពុក និងក្រុមការងារ។

ក្រោយសវនាការនេះ បុគ្គលជាច្រើននាក់ និងស្ថាប័នពាក់ព័ន្ធ បានដាក់ពាក្យសុំឈប់ពីការងារជាបន្តបន្ទាប់ ព្រោះខ្លាចទទួលរងការរិះគន់ពីចលនា #FreeBritney៕

ប្រភព៖ Billboard
ប្រែសម្រួល៖ បុត្រា

July 15, 2021

Britney Spears ស្នើតុលាការ ស៊ើបអង្កេតលើឪពុក

សហរដ្ឋអាមេរិក៖ តារាចម្រៀងស្រី នាង Britney Spears ចង់ឱ្យតុលាការបើកការស៊ើបអង្កេតលើឪពុករបស់ខ្លួនគឺ លោក Jamie Spears ដោយចោទថា បានរំលោភសិទ្ធិអាណាព្យាបាលក្នុងរយៈពេល 13 ឆ្នាំកន្លង។

នៅក្នុងសវនាការកាលពីថ្ងៃទី 14 ខែកក្កដា នៅ Los Angeles តារាចម្រៀង Britney Spears បន្តរិះគន់លើលោក Jamie Spears ៖ «ថ្ងៃនេះ ខ្ញុំស្នើឱ្យមានការស៊ើបអង្កេតលើឪពុកខ្ញុំ អំពីបទរំលោភសិទ្ធិអាណាព្យាបាល»។ នាងថែមទាំងបានរៀបរាប់នូវទង្វើអាក្រក់ ដែលលោក Jamie ប្រើប្រាស់ក្នុងការគ្រប់គ្រងនាង។ សូម្បីតែកាហ្វេ ក៏នាងមិនមានសិទ្ធិផឹក។ «បើមិនមែនជាការធ្វើបាប នោះខ្ញុំមិនច្បាស់ថា វាជាអ្វីដែរ» Britney រៀបរាប់តាមទូរស័ព្ទដូច្នេះ។

Britney អះអាងថា ខ្លួនពិតជាខ្លាចឪពុក និងបានរិះគន់ទៅលើសិទ្ធិអាណាព្យាបាល ដែលបានអនុញ្ញាតឱ្យឪពុកនាង បំផ្លាញជីវិតរបស់នាង។ តារាចម្រៀងល្បីឈ្មោះរូបនេះ បាននិយាយថា នាងត្រូវឪពុកគ្រប់គ្រងទាំងម៉ោងធ្វើការ ដោយបង្ខំឱ្យចំណាយ 70 ម៉ោង/សប្ដាហ៍ សម្រាប់ការងារ។

ក្នុងសវនាការ ចៅក្រមបានយល់ព្រមលើសំណើរបស់ Britney ដោយតែងតាំងមេធាវីថ្មី ឈ្មោះ Mathew Rosengart បន្ទាប់ពីលោក Samuel Ingham III បានលាលែងពីតំណែង។ នេះគឺជាលើកដំបូងហើយ ដែល Britney មានសិទ្ធិជ្រើសរើសអ្នកតំណាងរបស់ខ្លួន នៅចំពោះមុខតុលាការ ក្នុងរយៈពេល 13 ឆ្នាំកន្លង។ មុននេះ តុលាការបានតែងតាំងលោក Ingham ជាមេធាវីរបស់នាង ចាប់ពីឆ្នាំ 2008 ដល់បច្ចុប្បន្ន។ ការផ្លាស់ប្ដូរនេះ កើតឡើងដោយសារលិខិតរបស់ Jodi Montgomery (ដែលជាអ្នកកាន់តួនាទីជាសហអាណាព្យាបាលជាមួយនឹងឪពុករបស់ Britney) ដែលបានស្នើតុលាការ ផ្ដល់សិទ្ធិជ្រើសរើសមេធាវី ដល់ Britney។

https://www.youtube.com/watch?v=OZvzAXae4HM

លោក Jamie Spears មានតួនាទីជាអាណាព្យាបាលរបស់ Britney Spears តាំងពីឆ្នាំ 2008 បន្ទាប់ពីតារាចម្រៀងរូបនេះ មានសតិមិនប្រក្រតី។ លោក Jamie Spears ទទួលបានប្រាក់ប្រហែល 130,000 ដុល្លារ ជារៀងរាល់ឆ្នាំ ពីការងារជាអាណាព្យាបាល។ ច្រើនឆ្នាំកន្លងទៅនេះ Britney បានស្នើជាបន្តបន្ទាប់ ដើម្បីឱ្យតុលាការលុបចោលសិទ្ធិអាណាព្យាបាលពីឪពុក ប៉ុន្តែ មិនបានជោគជ័យ។ នៅក្នុងវ័យ 40 ឆ្នាំ Britney មិនមានសិទ្ធិបោះឆ្នោត ឬជួបកូនៗដោយសេរីនោះឡើយ។ នាងថែមទាំង ត្រូវគេគ្រប់គ្រងហិរញ្ញវត្ថុ និងការសម្ពាស។ល។

ប្រភព៖ People
ប្រែសម្រួល៖ បុត្រា

July 15, 2021

“ជ្រុញ” នឹងបង្កគ្រោះថ្នាក់ដល់សុខភាព បើប្រើប្រាស់ និងទុកដាក់មិនត្រូវវិធី

ខណៈដែលការយកចិត្តទុកដាក់លើរឿងសុខភាពកំពុងតែត្រូវបានចាប់អារម្មណ៍ខ្លាំង ហើយមនុស្សជាច្រើនបានងាកយកចិត្តទុកដាក់លើការធ្វើម្ហូបអាហារញ៉ាំដោយខ្លួនឯងនៅក្នុងចង្ក្រានវិញម្ដងនោះ ក្រៅពីឆ្នាំង ចាន ខ្ទះ វែក និងកាំបិតធ្វើបន្លែសាច់ហើយនោះ នៅមានវត្ថុសំខាន់មួយទៀត និងមិនអាចខ្វះបាននោះគឺ “ជ្រុញ”។ តើនៅក្នុងផ្ទះរបស់អ្នក មានជ្រុញប៉ុន្មានដែរ? បើឆ្លើយថា មានតែ 1 គត់! អ្នកគ្រូ ឆវីប្រហែលជាត្រូវប្រាប់ថា នោះគឺជារឿងគ្រោះថ្នាក់ហើយ។

ព្រោះ “ជ្រុញ” ជាឧបករណ៍ផ្ទះបាយដ៏សំខាន់មួយក្នុងការរៀបចំបន្លែត្រីសាច់ដើម្បីត្រៀមចម្អិន ដែលបានប៉ះពាល់ដោយផ្ទាល់ជាមួយអាហារទាំងនៅឆៅ និងឆ្អិនអាចញ៉ាំបានផង ដូច្នេះបើសិនអ្នកត្រៀមម្ហូបអាហារមិនបានមើលថែទាំ សម្អាតជ្រុញឱ្យបានស្អាតល្អទេនោះ ជ្រុញអាចនឹងកខ្វក់ រហូតបង្កើតជាមេរោគឡើង និងអាចធ្វើឱ្យអ្នកបរិភោគម្ហូបអាហារនោះកើតអាការឈឺថ្កាត់បាន។

“ជ្រុញ” អាចបង្ករោគបានមែនឬ?

អ្នកជំនាញក្នុងស្ថាប័នភោជនាហារក្នុងប្រទេសថៃ បាននិយាយថា បន្ទះជ្រុញមិនបានបង្កឱ្យកើតមេរោគអ្វីដល់រាងកាយទេ តែវិធីការប្រើប្រាស់ជ្រុញ រួមទាំងការថែទាំរក្សាទុកដាក់ជ្រុញមិនបានល្អ អាចបង្កឱ្យកើតរោគាព្យាធិបាន។ វិធីដែលអាចបង្កឱ្យកើតជាជំងឺគឺ ការហាន់សាច់សត្វឆៅៗនៅលើជ្រុញជាមុន រួចតាមដោយបន្លែ ឬផ្លែឈើស្រស់ៗ អាចធ្វើឱ្យមេរោគពីសាច់សត្វឆៅ(ដែលមិនទាន់ឆ្លងកាត់ការស្ងោរឱ្យឆ្អិនសម្លាប់មេរោគ)មកជាប់នៅលើបន្លែ ឬផ្លែឈើស្រស់ទាំងនោះ ហើយបើទទួលទានបន្លែផ្លែឈើទាំងនោះទាំងស្រស់ ដោយមិនបានឆ្លងកាត់កម្ដៅដែលខ្លាំងគ្រប់គ្រាន់នោះ អាចនឹងធ្វើឱ្យយើងបានទទួលមេរោគ ឬអតិសុខុមប្រាណទាំងនោះចូលមកក្នុងរាងកាយដោយងាយ។

ក្រៅពីនេះ ជ្រុញដែលចាស់ និងប្រើមកយូរឆ្នាំហើយ បើសិនលាងសម្អាតមិនបានស្អាតល្អ អាចមានភាពប្រថុយប្រថានក្នុងការជួបមេរោគនៅតាមកន្លុកកន្លៀតសាច់ឈើដែលប្រេះបែក ឬតាមស្នាមមុខកាំបិតដែលមុតនៅលើជ្រុញប្លាស្ទិក បើយើងញ៉ាំអាហារដែលប្រឡាក់ប្រឡូសមេរោគពីជ្រុញចូលទៅក្នុងរាងកាយ អាចធ្វើឱ្យយើងមានអាការរាករូស ដូចជា ៈ

– មេរោគ អ៊ីខូឡៃ ដែលមកពីសាច់សត្វឆៅៗ ធ្វើឱ្យកើតអាការរាករូស។

– មេរោគ សាល់ម៉ូនេលឡា ដែលមកពីសាច់សត្វស្លាបឆៅ ដូចជា សាច់មាន់ ស៊ុត រួមទាំងសាច់គោ និងបន្លែផ្លែឈើដែលមិនបានលាងសម្អាត អាចបណ្ដាលឱ្យចុកពោះ គ្រុនក្ដៅ ក្អួតចង្អោរបាន។

– មេរោគដែលសាងសារធាតុពុល ដូចជា អាហ្វ្លាតុកស៊ីន និងបើកើតមានការប្រមូលសន្សំនៅក្នុងរាងកាយយូរទៅ អាចបង្កឱ្យកើតរោគមហារីកបាន។

– មេរោគ លីស្ទី្រៀ ម៉ូណូសៃតូជីនេស ច្រើនប្រទះឃើញនៅក្នុងអាហារដែលប្រឡាក់ប្រឡូសក្នុងទឹកកខ្វក់ ឬលាមកមនុស្ស និងសត្វ អាចធ្វើឱ្យប្រថុយប្រថានដល់ការកើតរោគ Listeriosis លោហិតមានជាតិពុល និងរលាកសាច់ភ្នាសខួរក្បាល និងបំផ្លាញប្រព័ន្ធប្រឆាំងជំងឺក្នុងរាងកាយ។

ជ្រុញឈើ និងជ្រុញប្លាស្ទិក

អ្នកជំនាញការបានបញ្ជាក់ថា ជ្រុញមានទាំងធ្វើពីប្លាស្ទិក ឈើ និងអាចធ្វើពីវត្ថុផ្សេងទៀតផងដែរ។ ចំណុចល្អរបស់ជ្រុញប្លាស្ទិកគឺ មានតម្លៃថោក ជាប់បានយូរ តែចំណុចមិនល្អរបស់វាគឺ មានភាពប្រថុយក្នុងការសឹកដាច់ និងមានការលាយឡំសាច់ប្លាស្ទិកចូលទៅក្នុងអាហារ។ ចំណែកឯចំណុចល្អរបស់ជ្រុញឈើគឺ ជ្រុញឈើជាវត្ថុពីធម្មជាតិ នៅពេលមានការសឹកដាច់ ហើយលាយឡំចូលទៅក្នុងអាហារ ក៏រាងកាយរបស់យើងមិនមានគ្រោះថ្នាក់អ្វីដែរ តែចំណុចមិនល្អរបស់ជ្រុញឈើគឺ ឆាប់សឹក សាច់ឈើមានប្រហោង ឬរន្ធច្រើន បៀមសំណើមយូរធ្វើឱ្យមានការប្រមូលសន្សំរបស់មេរោគ ឬអតិសុខុមប្រាណច្រើនជាងជ្រុញប្លាស្ទិក។

វិធីលាងសម្អាត និងថែរក្សាទុកដាក់ជ្រុញយ៉ាងត្រឹមត្រូវ

– គួរលាងសម្អាតជ្រុញទាំងមុន និងក្រោយពីប្រើការហើយ។

– ត្រូវកម្ចាត់កំណកខ្លាញ់នៅលើជ្រុញដោយទឹកសាប៊ូលាងចាន ហើយលាងចេញដោយទឹកស្អាត ឬប្រើទឹកខ្មេះ ទឹកក្រូចឆ្មារក្នុងការសម្លាប់មេរោគដែលតោងជាប់នៅលើជ្រុញ តែមិនគួរប្រើដែកដុសឆ្នាំងដុសសម្អាតលើជ្រុញឡើយ ព្រោះអាចនឹងធ្វើឱ្យកើតមាន

ស្នាមដាច់ជ្រៅនៅលើសាច់ជ្រុញដែលអាចក្លាយជាប្រភពប្រមូលសន្សំមេរោគបាន។

– ហាមប្រើក្រណាត់កខ្វក់ជូត ព្រោះអាចនឹងក្លាយជាការនាំមេរោគមកប្រឡាក់ជាប់នឹងអាហារបាន។

– កុំភ្លេច! ត្រូវប្រើជ្រុញផ្សេងៗពីគ្នាសម្រាប់ហាន់សាច់សត្វឆៅ សម្រាប់ហាន់បន្លែផ្លែឈើ និងសម្រាប់ហាន់អាហារដែលចម្អិនឆ្អិនហើយ។

– ជ្រុញដែលមិនបានប្រើការ គួរមានគម្របគ្របដើម្បីការពារសត្វរុញមករោម និងទុកដាក់នៅលើកន្លែងដែលខ្ពស់។

– បើជាជ្រុញឈើ ចូរយកទៅដាក់ហាលថ្ងៃឱ្យបានញឹកញាប់ ដើម្បីការពារកុំឱ្យកើតមេរោគផ្សិត និងយកទៅទុកនៅពេលដែលជ្រុញស្ងួតល្អ៕

July 15, 2021

(វីដេអូ)-នារីពីរនាក់ ធ្លាក់ពីភ្នំ ពេលលេងយោលទោង ប្រកបដោយគ្រោះថ្នាក់

រុស្ស៊ី៖ វីដេអូខ្លីមួយ ថតបានសកម្មភាពដ៏សែនរន្ធត់ ស្ដីពីនារី 2 នាក់ កំពុងលេងយោលទោង ក៏ស្រាប់តែធ្លាក់ពីភ្នំដែលមានកម្ពស់ជាង 1,920 ម៉ែត្រ។

ហេតុការណ៍រន្ធត់នេះ បានកើតឡើងនៅឯទីតាំងលេងយោលទោងដ៏គ្រោះថ្នាក់មួយ នៅលើភ្នំ Sulak របស់សាធារណរដ្ឋ Dagestan នៃប្រទេសរុស្ស៊ី។ ក្នុងវីដេអូ គេឃើញនារីវ័យក្មេង 2 នាក់ អង្គុយលើទោងដែលត្រូវគេយោលទៅ-មក លើចង្កេះភ្នំដែលមានកម្ពស់ 1,920 ម៉ែត្រ។ ល្បែងកំសាន្តនេះគឺជាសកម្មភាពដែលក្រុមអ្នកទេសចរណ៍ចូលចិត្តជាខ្លាំង នៅពេលបានមកដល់ទីនេះ។

វីដេអូបានបង្ហាញថា នៅពេលទោងកំពុងត្រូវគេយោលទៅមុខ ក៏ស្រាប់តែខ្សែម្ខាងរបស់វា បានដាច់ បណ្ដាលឱ្យនារីទាំង 2 នាក់ដែលនៅលើទោងនេះ ត្រូវខ្ទាតចេញ និងធ្លាក់ចុះក្រោម។ ប៉ុន្តែ សំណាងល្អ ពួកនាងបានទើរជាប់នឹងផ្ទាំងថ្ម ហើយក៏បានរួចពីការស្លាប់ ដោយគ្រាន់តែរងរបួសតិចតួច។

នាយកដ្ឋានទេសចរណ៍ Dagestan បានឱ្យដឹងថា ទោងជាច្រើននៅលើភ្នំ «មិនមានស្ដង់ដាត្រឹមត្រូវ» ខណៈប៉ូលិស កំពុងបើកការស៊ើបអង្កេតលើកម្រិតនៃសុវត្ថិភាពរបស់ទោងទាំងនេះ៕

ប្រភព៖ Mail
ប្រែសម្រួល៖ បុត្រា

July 15, 2021

Net idol ចិន មុខស្រស់ រាងស្រាវ ស្អាតរហូតត្រូវគេយល់ច្រឡំ គិតថា ជាមនុស្សប្រុសកែភេទ

Net idol ស្ត្រីជនជាតិចិនម្នាក់ ត្រូវបានបណ្ដាហ្វ៊ែនៗ លើកឱ្យក្លាយជាមនុស្សស្រី ដែលស្អាតបំផុតនៅក្នុងបណ្ដាញសង្គម TikTok តែ ក៏នៅតែកើតមានដ្រាម៉ាទាល់តែបាន ក្រោយពីបណ្ដាអ្នកតាមដានអ៊ីនធើណិតទាំងឡាយ នាំគ្នាល្បីថា ជាបុរសក្លែងភេទ…។

“អាថេមីស” ឬដែលជនជាតិចិនស្គាល់ក្នុងឈ្មោះថា “阿尔忒弥斯美伢” ជា Net idol ក្រមុំម្នាក់ ដែលមានទម្រង់ផ្ទៃមុខកំពូលស្រស់ស្អាត ទាំងកែវភ្នែកធំមូលក្លំ ច្រមុះស្រួចខ្ពស់ និងបបូរមាត់ស្ដើងកញ្ចុំស្រស់ ស្អាតរហូតដល់ត្រូវលើកឱ្យក្លាយជា មនុស្សស្រីដែលមានរូបសម្ផស្ស លំដាប់លេខ1 នៅក្នុងបណ្ដាញទិកតុករបស់ប្រទេសចិន តែ ភាពស្រស់ស្អាតនេះ បែរជាបង្ករឿងរ៉ាវរំខានចិត្តឡើង ក្រោយពីលេចឮពាក្យចចាមអារ៉ាមថា ការពិត នាង គឺជាមនុស្សប្រុសដែលបន្លំខ្លួនមក!!។

ដោយអ្នកលេងអ៊ីនធើណិតទាំងឡាយ បាននាំគ្នាវិភាគដូចតទៅនេះ ទី1 នាងមានផ្ទៃមុខស្អាតមុតជ្រុលពេក បើសម្លឹងមើលពីជ្រុងខ្លះ អាចស្រដៀងនឹងផ្ទៃមុខរបស់មនុស្សប្រុស និងពេលសង្កេតមើលពីរូបរាងវិញ ឃើញថា នាងមានគ្រោងរាងកាយ ហាក់ដូចជាធំដំបង។

ទី2 រូបបែបនៃការឡៃហ្វ៍ផ្ទាល់រូបភាពវីដេអូ ក៏ហាក់ដូចជាចម្លែកដែរ ព្រោះនាងមិនសូវមាត់ក ឬបញ្ចេញសំឡេងប៉ុន្មានឡើយ អាស្រ័យលើការបើកសំឡេងភ្លេង ឬបទចម្រៀងឮៗ និងបង្ហាញរូបឆោមតាមរយៈកាមេរ៉ាតែប៉ុណ្ណោះ។ អ្នកលេងអ៊ីនធើណិតទាំងនោះ នាំគ្នាជឿថា មូលហេតុនៃការឡៃហ្វ៍ផ្ទាល់បែបនេះ ព្រោះនាងជាមនុស្សប្រុស ដែលពិបាកក្នុងការពត់សំឡេង ឱ្យដូចមនុស្សស្រី ទើបជ្រើសរើសក្នុងការស្ងាត់ស្ងៀម ពេលឡៃហ្វផ្ទាល់។

តមក នាងបានចេញមកឡៃហ្វ៍ផ្ទាល់ ឆ្លើយតបជាមួយបណ្ដាហ្វ៊ែនៗអ្នកលេងអ៊ីនធើណិតដ៏ច្រើន ដែលគិតតែពីផ្ញើសំណេរមកក្នុងទំនងតវ៉ាថា “សម្រេចថា តើនាងជាមនុស្សប្រុស ឬមនុស្សស្រីពិតប្រាកដ?” នាងក៏ឆ្លើយតបទៅវិញយ៉ាងចិត្តត្រជាក់ៗថា “នាងជាមនុស្សស្រី…។

តែ វានៅតែមានសំណួរប្រភេទនេះ ផ្ញើចូលមកជារឿយៗ ទើបធ្វើឱ្យនាង ត្រូវពន្លះទៅវិញបែបស្លូតៗថា “វាពិបាកខ្លាំងណាស់ទៅឬ? ក្នុងការប្រាប់ថា ខ្ញុំជាមនុស្សប្រុស ឬស្រីនោះ? តើអ្នកបានឮសំឡេង ឬឃើញមុខរបស់ខ្ញុំ មិនទាន់ច្បាស់ឬ? ហេតុអីបានចូលចិត្តសួរជាប់រហូតថា តើខ្ញុំជាប្រុស ឬស្រីអ៊ីចឹង?”៕

ប្រភព៖ www.news.seehua.com
ប្រែសម្រួលដោយអ្នកគ្រូ ឆវី

July 15, 2021

Barcelona កាន់តែធ្ងន់ករ រឿងបំណុល

ក្លិបបាល់ទាត់ Barcelona កំពុងតែមានបំណុលនៅក្នុងដៃប្រមានជាជាង ១៥០០ លានដុល្លារ ដែលធ្វើឱ្យក្លិបបាល់ទាត់យក្សអេស្ប៉ាញមួយនេះ ប្រឈមមុខនឹងបញ្ហាហិរញ្ញវត្ថុសម្រាប់រដូវកាលថ្មីខាងមុខឆាប់ៗនេះ ។

បញ្ហាធំចំបងរបស់ក្លិបក្នុងពេលនេះ គឺរឿងប្រាក់ខែកីឡាករ ដោយក្លិបមួយនេះ នឹងត្រូវកាត់ប្រាក់ខែកីឡាករដល់ទៅ ៦០% ដើម្បីទ្រទ្រង់ដង្ហើមក្លិបក្នុងរដូវកាលថ្មី ។ ម្យ៉ាងវិញទៀត កីឡាករថ្មីៗ ២ រូបដែលក្លិបបានចុះកុងត្រាថ្មី គឺ Sergio Ramos និង Memphis Depay ដែលមានថ្លៃឈ្នួលក្នុងកុងត្រាខ្ពស់នោះ ប្រហែលជាមិនព្រមឡើយក្រោយពេលដែលទើបតែចុះកុងត្រាក្តៅៗមិនទាន់បានប៉ុន្មានថ្ងៃផងនោះ ។

គួរឱ្យដឹងដែរថា បញ្ហាហិរញ្ញវត្ថុនេះហើយ ដែលធ្វើឱ្យក្លិបមួយនេះ នៅមិនទាន់ហ៊ានប្រកាសអំពីកុងត្រាថ្មីជាមួយនឹង Lionel Messi ព្រោះត្រូវយ៉ាងលុយមិនតិចលានដុល្លារទៀតឡើយ ៕

July 15, 2021

Salah មិនអាចជួយក្រុមជម្រើសជាតិបានឡើយ ក្នុងព្រឹត្តិការណ៍អូឡាំពិក

ព្រឹត្តិការណ៍អូឡាំពិក ឆ្នាំ ២០២០ ដែលត្រូវបានលើកមកធ្វើនៅឆ្នាំ ២០២១ ចាប់ពីថ្ងៃទី ២៣ ខែកក្កដា រហូតដល់ថ្ងៃទី ០៨ សីហា ឆ្នាំ ២០២១ នេះ ។ ក្នុងនោះដែរ ការប្រកួតបាល់ទាត់ ត្រូវបានគេរំពឹងថាគឺជាការប្រកួតដែលនឹងមានអ្នកតាមដានច្រើនជាងគេបំផុត ដោយតម្រូវឱ្យក្រុមបាល់ទាត់ខ្លាំងៗ ចំនួន ១៦ ចូលរួមប្រកួត ។

ចំពោះក្រុមប្រកួតគឺគេយកឈុតយុវជនអាយុក្រោម ២១ ឆ្នាំ តែកីឡាករលើសអាយុចំនួន ៣ រូប ត្រូវបានអនុញ្ញាតិឱ្យបញ្ចូលក្នុងឈុតនេះដើម្បីជួយក្រុម ។ កីឡាករ Mohamed Salah ត្រូវបានអេហ្ស៊ីបកោះហៅចូលក្នុងក្រុម ក្នុងនាមជាកីឡាករលើសអាយុដើម្បីជួយក្រុម ។

តែក្តីសង្ឃឹមរបស់អេហ្ស៊ីបត្រូវបានរលាយដូចផ្សែង ក្រោយពេលដែលក្លិប Liverpool ប្រកាសដាច់ខាតមិនអនុញ្ញាតិឱ្យខ្សែប្រយុទ្ធដ៏មានតម្លៃរូបនេះ ចូលរួមឡើយ ក្រោមហេតុផលខ្លាចកូវីដ ១៩ និង ក្លិបកំពុងតែមមាញឹកប្រកួតផងនោះ ៕

ប្រភព ៖ skysport

July 15, 2021

ស្រីស្អាតនៅពីក្រោយឆានែល Review រថយន្តទំនើប រកបាន 17 លានដុល្លារក្នុងរយៈពេលតែ 3 ឆ្នាំ

សេដ្ឋិនី Alexandra Mary “Alex” Hirschi (Alex Hirschi) គឺជា vlogger ផ្នែករថយន្ត ដែលមានអ្នកតាមដានជាង 50 លាននាក់នៅលើបណ្ដាញសង្គម និងរកបានប្រាក់រាប់លានដុល្លារក្នុងមួយឆ្នាំ។

Alex Hirschi វ័យ 35 ឆ្នាំ ត្រូវបានគេស្គាល់ជាទូទៅថា “Supercar Blondie”។ នាងបានតស៊ូជាមួយនឹងបណ្ដាញផ្សព្វផ្សាយសង្គមអស់រយៈពេលជាង 1 ទសវត្សរ៍មកហើយ តាមរយៈការងារជាអ្នកផ្សាយសំឡេង ហើយបច្ចុប្បន្ន នាងគឺជាអ្នកជំនាញផ្នែក អធិប្បាយ (review) ប្រភេទរថយន្តទំនើប។ ច្រើនឆ្នាំមកនេះ Alex Hirschi បានក្លាយជាបុគ្គលល្បីឈ្មោះលំដាប់អន្តរជាតិមួយរូប ដោយសារការ review រថយន្តរបស់នាង។

ខាងក្រោមនេះគឺជារឿងរ៉ាវជោគជ័យខ្លះ របស់ Alex Hirschi ៖

Alex Hirschi ចាប់កំណើត និងធំឡើងនៅក្នុងរដ្ឋ Queensland ប្រទេសអូស្ត្រាលី។ នាងបានទៅរស់នៅក្នុងទីក្រុង ឌូបៃ នៃប្រទេសអារ៉ាប់រួម (United Arab Emirates) ចាប់ពីឆ្នាំ 2008 ជាកន្លែងដែលនាងធ្វើការជាអ្នកអានព័ត៌មាន និងពិធីការិនី នៅស្ថានីយវិទ្យុ Dubai Eye 103.8។

ពេលនោះ នាងមានឈ្មោះល្បីថាជា “Radio Blondie” និងធ្លាប់បានសម្ភាសតារាល្បីៗ អំពីការចូលចិត្តរថយន្តផ្ទាល់ខ្លួនរបស់ពួកគេ ក្នុងនោះមានទាំងតារាសម្ដែងប្រុស Jake Gyllenhaal និង John Travolta ផងដែរ។

នាង Alex បានរៀបការជាមួយ Nik Hirschi ដែលជាអ្នកគ្រប់គ្រង និងជាជំនួយការរបស់នាង។ Nik ទទួលខុសត្រូវលើការថតវីដេអូ។ បុរសនេះធ្លាប់ជាបុគ្គលិកធនាគារ ប៉ុន្តែ គាត់បានបោះបង់ការងារនេះ ដើម្បីងាកមកផ្ដោតលើកិច្ចការងាររបស់ភរិយា ចាប់ពីឆ្នាំ 2018។ អាចនិយាយបានថា Alex គឺជាបុគ្គលសំខាន់មួយរូបដែលរួមចំណែកជួយឱ្យ Alex បានទទួលជោគជ័យក្នុងការងារ។

ដោយសារបង្កើតបានខ្លឹមសារដែលខ្លួនចូលចិត្តផង និងប្រកបដោយភាពទាក់ទាញ Alex រកបានប្រាក់ជិត 20 លានដុល្លារអាមេរិក។ នៅឆ្នាំ 2018 នាងបានចាកចេញពីវិទ្យុ ដើម្បីថតវីដេអូ review រថយន្ត។ ការស្រាវជ្រាវកាលពីឆ្នាំ 2020 របស់ GoCompare (គេហទំព័រ ប្រៀបធៀបសេវាហិរញ្ញវត្ថុរបស់ អង់គ្លេស) បានផ្សាយថា Alex រកបានប្រហែល 1.4 លានដុល្លារអាមេរិក ជារៀងរាល់ឆ្នាំ ពីការបង្ហោះអត្ថបទដែលមានម្ចាស់ឧបត្ថម្ភ នៅលើបណ្ដាញសង្គម។

គិតមកដល់បច្ចុប្បន្ន តាមការគណនា Alex មានទ្រព្យដែលមានតម្លៃជាង 17 លានដុល្លារអាមេរិក។ តួលេខនេះ ទំនងជាមិនអាក្រក់នោះទេ សម្រាប់អ្នកដែលទើបតែចូលប្រលូកក្នុងមុខរបរជាអ្នក review រថយន្ត បាន 3 ឆ្នាំ។ Alex ក៏ជាស្ត្រីមួយរូប នៅក្នុងចំណោមស្ត្រីដែលមានអ្នកតាមដានច្រើនជាងគេក្នុងពិភពលោក។

Alex ចាប់ផ្ដើមបង្ហោះខ្លឹមសារស្ដីពីរថយន្ត នៅលើទំព័រ Instagram ដែលមានអ្នកតាមដានចំនួន 300 នាក់ កាលពីឆ្នាំ 2015។ បច្ចុប្បន្ន នាងមានអ្នកតាមដានជាង 9 លាននាក់ នៅលើបណ្ដាញសង្គមនេះ។ នៅលើ Youtube វិញ នាងមានតាមដានជាង 6.5 លាននាក់ និង នៅលើ Facebook មានជាង 40 លាននាក់។

ដោយសារមានប្រាក់ និងមានចំណូលចិត្តចំពោះរថយន្តទំនើប ដូច្នេះ Alex ក៏មានរថយន្តទំនើបៗជាច្រើនគ្រឿង។ ឆ្នាំ 2020 នាងបានលក់ Lamborghini Huracan មួយគ្រឿងដែលនាងចូលចិត្ត នៅមុនការមកដល់របស់ COVID-19។

នាង Alex បាននិយាយថា៖ «ខ្ញុំទើបតែទទួលបានរថយន្ត Rolls-Royce ថ្មីមួយគ្រឿង និង McLaren ថ្មីមួយគ្រឿង។ ក្រៅពីនេះ ខ្ញុំបានបញ្ជាទិញរថយន្ត Tesla Cybertruck មួយគ្រឿងផងដែរ»៕

ប្រភព៖ SCMP
ប្រែសម្រួល៖ បុត្រា

July 14, 2021

ម្ចាស់ពានអ្នកគាំទ្របាល់ទាត់កម្ពុជាខ្លាំងជាងគេ ប្រាប់ពីបំណងប្រាថ្នាមួយ នៅឆ្នាំ2023

ព្រឹទ្ធាចារ្យកីឡាបាល់ទាត់ លោកតា អ៊ុំ សួន ជាអ្នកគាំទ្រដ៏ស្មោះស្ម័គ្ររបស់ក្រុមបាល់ទាត់កម្ពុជា និងធ្លាប់ឈ្នះពានរង្វាន់អ្នកគាំទ្របាល់ទាត់កម្ពុជាច្រើនជាងគេទៀតផង។

តែយ៉ាងណាក្ដី នៅពេលនេះ ព្រឹទ្ធាចារ្យកីឡា អ៊ុំ សួន ដែលកំពុងតែវិជ្ជមានកូវីដ-19 និងបច្ចុប្បន្នកំពុងតែសម្រាកព្យាបាលនៅពហុកីឡដ្ឋានជាតិអូឡាំពិក បានឱ្យដឹងថា លោកតា មិនទាន់ចង់ទៅណាទេ ដោយលោកតាបានមានប្រសាសន៍ថា «ចង់ទស្សនាការប្រកួតរបស់ក្រុមជម្រើសជាតិកម្ពុជានៅ Sea Games ឆ្នាំ2023 រួចសិន ទើបខ្ញុំអស់ចិត្ត»។

លោកតា ថែមទាំងធ្លាប់បាននិយាយទៀតផងថា បាល់ទាត់កម្ពុជាកំពុងរីកចម្រើន ហើយមិនយូរទេ កម្ពុជានឹងមានកម្រិតលេងដូចប្រទេសជិតខាងដែរមិនខាន៕

July 14, 2021

Mcgregor របួសធ្ងន់ធ្ងរ ក្នុងការប្រកួត UFC

Conor Mcgregor បានរងរបួសបាក់កជើង ក្នុងការប្រកួត UFC 264 នៅក្នុងទីក្រុង Las Vegas នៃសហរដ្ឋអាមេរិក ទល់នឹងកីឡាករ Dustin Poirier កាលពីថ្ងៃអាទិត្យ ទី11 ខែកក្កដា ឆ្នាំ កន្លងទៅ។

ការរងរបួស បាក់កជើងនេះ មិនមែនដោយសារតែការវាយពីសំណាក់គូប្រកួតឡើយ គឺដោយសារតែការទាត់ទៅលើគូប្រកួត ខុសបច្ចេកទេស ទើបបណ្ដាលឱ្យភ្លាត់បាក់បែបនេះ។ ជាលទ្ធផល អាជ្ញាកណ្តាល បានផ្តល់ជ័យជម្នះទៅឱ្យ Dustin Poirier ដែលបានឈ្នះ ទាំងមិនទាន់បានវាយបែកញើសផង នៅក្នុងទឹកទី1។

គួរឱ្យដឹងដែរថា ប្រកួតនេះ គឺជាប្រកួតដំបូងរបស់ Conor Mcgregor ក្រោយទើបតែវិលត្រឡប់មកកាន់សង្វៀនវិញ តាំងតែពីឆ្នាំ2016 តែបែរជាមកជួបរឿងអកុសលបែបនេះទៅវិញ៕

July 14, 2021

Category: សង្គម និងសេដ្ឋកិច្ច