សង្គម និងសេដ្ឋកិច្ច - La Reine Media

កម្ពុជា ហាមឃាត់អ្នកដំណើរមកពីប្រទេសចំនួន ១០ នៅ ទ្វីបអាហ្វ្រិក

មូលហេតុនៃការហាមឃាត់បណ្ដោះអាសន្ននេះគឺបណ្ដាលមកពីការព្រួយបារម្ភអំពីការឆ្លងរាលដាលនៃវ៉ារ្យ៉ង់ថ្មី អូមីក្រុង (Omicron) របស់ វីរុសកូវីដ-១។

ប្រទេសចំនួន ១០ ដែលរាជរដ្ឋាភិបាលកម្ពុជា បានហាមឃាត់អ្នកដំណើរ រួមមាន៖

ប្រទេសចំនួន ១០ ដែលរាជរដ្ឋាភិបាលកម្ពុជា បានហាមឃាត់អ្នកដំណើរ រួមមាន៖ បុតស្វាណា (Botswana), អេស្វាទីនី (Eswatini), ឡេសូតូ (Lesotho), ម៉ូសំប៊ិក (Mozambiqu), ណាមីប៊ី (Namibia), អាហ្វ្រិកខាងត្បូង (South Africa), ស៊ីមបាវ៉េ (Zimbabwe), ម៉ាឡាវី (Malawi), អង់ហ្គូឡា (Angola) និង សំប៊ី (Zambia)។

ព័ត៌មានលម្អិត សូមអានសេចក្ដីជូនដំណឹងខាងក្រោម៖

November 30, 2021

រថយន្តអគ្គិសនីរបស់ចិន គ្រប់គ្រងទីផ្សារនៅប្រទេសថៃ

ជាមួយនឹងរូបរាងស្រស់ស្អាត អាចបើកបរផ្លូវឆ្ងាយ និងមានតម្លៃទាបសមរម្យ រថយន្តដើរដោយថាមពលអគ្គិសនីរបស់ ចិន កំពុងតែមានប្រៀបជាងគូប្រជែង (ជប៉ុន) នៅ ប្រទេសថៃ។

កាលពីខែមុនក្រុមហ៊ុន Great Wall Motor (ចិន) ទទួលបានការបញ្ជាទិញរថយន្តជាង ៤,២០០ គ្រឿងក្នុងរយៈពេលមិនដល់ ២៤ ម៉ោង សម្រាប់ម៉ូដែល Haomao ឬហៅថា Ora Good Cat។ នោះគឺជាតួលេខច្រើនបំផុតក្នុងទីផ្សាររថយន្តអគ្គិសនីនៅ ប្រទេសថៃ។

«ដោយមិនបែងចែកលំដាប់បច្ចេកវិទ្យា រថយន្ត Ora Good Cat មានរូបរាងស្អាត និងទាក់ទាញអតិថិជនវ័យក្មេង» Nithi Thuamprathom ដែលជាអ្នកសារព័ត៌មានជើងចាស់ មានបទពិសោធន៍ជាង ២០ ឆ្នាំ ក្នុងវិស័យឧស្សាហកម្មរថយន្តនៅ ប្រទេសថៃ បានអធិប្បាយដូច្នេះ។

យោងតាម Nithi ទីផ្សាររថយន្តអគ្គិសនីនៅ ប្រទេសថៃ កំពុងតែមានការប្រែប្រួល។ បុរសធ្លាប់ជាអតិថិជនធំបំផុត ប៉ុន្តែ បច្ចុប្បន្ន មានស្ត្រីជាច្រើនក៏មានបំណងរកទិញរថយន្តប្រភេទនេះ។ Ora Good Cat មានប្រៀបទាំងនៅលើមុខងារ ទាំងនៅលើម៉ូដែល នេះមិនទាន់និយាយដល់តម្លៃដែលប្រកបដោយការប្រកួតប្រជែងខ្ពស់នៅឡើយ។

ម៉ូដែលរថយន្តនេះមានតម្លៃពី ៩៨៩,០០០ បាត ដល់ ១.១ លានបាត (៣០,០០០ ដល់ ៣៥,០០០ ដុល្លារអាម៉េរិក)។ វាអាចធ្វើដំណើរក្នុងរយៈចម្ងាយចាប់ពី ៤០០ ទៅ ៥០០ គីឡូម៉ែត្រ ក្រោយបញ្ចូលថាមពលពេញ។

ឡូត៍រថយន្តដំបូងត្រូវបាននាំចូលពី ប្រទេសចិន ក៏ប៉ុន្តែ Great Wall Motor (GWM) កំពុងស្វែងរកវិធីផលិតនៅ ប្រទេសថៃ ដោយផ្ទាល់ ចាប់ពីឆ្នាំ ២០២។ រោងចក្ររបស់ GWM នៅ ប្រទេសថៃ នឹងជាទីតាំងនៃមូលដ្ឋានផលិតសម្រេចទីពីររបស់ក្រុមហ៊ុននេះ នៅបរទេស។ បណ្ដារថយន្តដែលនឹងត្រូវបានផលិតនៅ ប្រទេសថៃ នឹងត្រូវបាននាំចេញទៅកាន់ទីផ្សារ អាស៊ីអាគ្នេយ៍ និង អូស្ត្រាលី។

កាលពីខែឧសភា ប្រទេសថៃ បានប្រកាសអំពីទិសដៅ 30@30 EV ដែលនេះបង្ហាញថា រថយន្តអគ្គិសនីនឹងមានរហូតដល់ ៣០% ក្នុងចំណោមមធ្យោបាយធ្វើដំណើរដែលត្រូវបានផលិតក្នុងប្រទេសនេះនៅឆ្នាំ ២០៣។ Krisda Utamote ប្រធានសមាគមរថយន្តអគ្គិសនីរបស់ ប្រទេសថៃ បានឱ្យដឹងថា នេះគឺជាគោលដៅប្រកបដោយមហិច្ឆតា។

បច្ចុប្បន្ន ស្ថានីយបញ្ចូលថាមពលសម្រាប់រថយន្តអគ្គិសនីនៅ ប្រទេសថៃ មានចំនួនជាង ២,០០០ កន្លែង ប៉ុន្តែ រដ្ឋាភិបាលរំពឹងថា ដល់ឆ្នាំ ២០៣០ ចំនួននេះនឹងកើនឡើងដល់ ១២,០០០ កន្លែង។

កិច្ចព្រមព្រៀងពាណិជ្ជកម្មសេរី ចិន-អាស៊ាន អនុវត្តការយកពន្ធ ០% ចំពោះរថយន្តដែលនាំចូលពី ប្រទេសចិន។ ចំណែករថយន្តដែលនាំចូលពីតំបន់ អឺរ៉ុប ត្រូវបង់ពន្ធរហូតដល់ ៨០% ខណៈរថយន្តរបស់ ជប៉ុន ត្រូវបង់ពន្ធ ២០% ដោយអនុវត្តតាមកិច្ចព្រមព្រៀងដៃគូពាណិជ្ជកម្មរវាង ជប៉ុន-ថៃ៕

November 29, 2021

(វីដេអូ)-ផ្លូវល្បឿនលឿនឆ្លងកាត់សមុទ្រខ្សាច់ដំបូងគេនៅ ស៊ីនជាំង ត្រូវបានស្ថាបនារួចរាល់

(ប្រទេសចិន)-ផ្លូវល្បឿនលឿនប្រវែង ៣៤៣ គីឡូម៉ែត្រ ឆ្លងកាត់សមុទ្រខ្សាច់ស៊ីនជាំង (XinJiang) ត្រូវបានស្ថាបនារួចរាល់ និងគ្រោងដាក់ឱ្យដំណើរការពាណិជ្ជកម្មចាប់ពីចុងឆ្នាំនេះ។

ដំណើរការស្ថាបនាគម្រោងផ្លូវហាយវេឆ្លងកាត់សមុទ្រខ្សាច់ដំបូងគេនៅតំបន់ស្វយ័តស៊ីនជាំង ដែលត្រូវបានបង្ហើយចប់សព្វគ្រប់កាលពីថ្ងៃទី ១៩ វិច្ឆិកា អាចត្រូវបានដាក់ឱ្យប្រើប្រាស់ចាប់ពីចុងឆ្នាំ ២០២។

ផ្លូវល្បឿនលឿន S21 Altay-Urumqi មានប្រវែងសរុប ៣៤៣ គីឡូម៉ែត្រ តភ្ជាប់តំបន់ Altay ជាមួយនឹងទីក្រុងរដ្ឋបាល Urumqi ក្នុងនោះមានជាង ១៥០ គីឡូម៉ែត្រ ឆ្លងកាត់សមុទ្រខ្សាច់។

សងខាងផ្លូវល្បឿនលឿននេះក៏នៅមានគម្រោងគ្រប់គ្រងខ្សាច់ ដោយប្រើប្រាស់ប្រព័ន្ទសំណាញ់ចំបើងផងដែរ រីឯផ្លូវសម្រាប់សត្វព្រៃធ្វើដំណើរក៏ត្រូវបានសាងសង់តាមបណ្ដោយផ្លូវនេះ។

ផ្លូវហាយវេដ៏វែងមួយខ្សែនេះ ប្រើប្រាស់កៅស៊ូពិសេសៗជាច្រើនប្រភេទ ដើម្បីសម្របទៅតាមលក្ខខណ្ឌភូមិសាស្ត្រនៃតំបន់នីមួយៗ។

ជាមួយនឹងការរចនាដែលអាចឱ្យបើកបរក្នុងល្បឿន ១២០ គីឡូម៉ែត្រ/ម៉ោង ផ្លូវល្បឿនលឿននេះនឹងជួយកាត់បន្ថយពេលវេលានៃការធ្វើដំណើររវាង Altay និង Urumqi ចុះមកនៅត្រឹម ៤ ម៉ោងប៉ុណ្ណោះ៕

November 29, 2021

មូលបត្រអាស៊ី-ប៉ាស៊ីហ្វិក បន្តធ្លាក់ចុះ ដោយសារតែកូវីដ-១៩ ប្រភេទ អូមីក្រុន (Omicron)

សន្ទស្សន៍ភាគហ៊ុននៅក្នុងទីផ្សារចិន ជប៉ុន កូរ៉េខាងត្បូង នាព្រឹកនេះ កំពុងតែ «នាំគ្នា» ដាំក្បាលចុះ ព្រោះតែអ្នកវិនិយោគរង់ចាំមើល អូមីក្រុន។

សន្ទស្សន៍ Nikkei 225 (ជប៉ុន) បច្ចុប្បន្នថយចុះ ០.៤% ខណៈសន្ទស្សន៍ Topix បាត់បង់ ០.៨%។ នៅ កូរ៉េខាងត្បូង សន្ទស្សន៍ Kospi ថយចុះ ០.៣៦%។ មូលហេតុដែលនាំឱ្យផ្សារហ៊ុននៅអាស៊ី-ប៉ាស៊ីហ្វិក ដាំក្បាលចុះគឺដោយសារអ្នកវិនិយោគនៅតែមានការព្រួយបាម្ភទាក់ទងនឹងស្ថានភាពនៃវ៉ារ្យ៉ង់ថ្មីរបស់កូវីដ-១។

ផ្សារហ៊ុននៅប្រទេស ចិន ក៏ត្រូវជោកជាំដោយពណ៌ក្រហមតាំងតែពីការជួញដូរដំបូងសម្រាប់ថ្ងៃនេះ។ សន្ទស្សន៍ Shanghai Composite បាត់បង់ ០.៥% ខណៈដែល Hang Seng Index (ហុងកុង) ក៏ថយចុះ ០.៥%។

មូលបត្រនៅផ្សារហ៊ុនដទៃ ចាប់ពី អូស្ត្រាលី នូវែលសេឡង់ ម៉ាឡេស៊ី សិង្ហបុរី ក៏កំពុងតែដាំក្បាលចុះ។ សន្ទស្សន៍ MSCI នៅ អាស៊ី-ប៉ាស៊ីហ្វិក ថយចុះ ០.៤៥%។

«វ៉ារ្យ៉ង់នេះ (អូមីក្រុន) អាចមិនសាហាវដូចដែលអ្នកវិនិយោគកំពុងគិត។ ប៉ុន្តែ វានៅតែប៉ះពាល់ដល់អារម្មណ៍របស់ក្រុមអ្នកវិនិយោគដែលបណ្ដាក់ទុនជាមួយនឹងទ្រព្យហានិភ័យ និងការចំណាយនានា ដោយសារតែគ្រប់គ្នានឹងមានការប្រុងប្រយ័ត្នជាងមុន» នេះបើតាមលោក John Vail អ្នកយុទ្ធសាស្ត្រសកលនៃក្រុមហ៊ុនគ្រប់គ្រងទ្រព្យ Nikko៕

November 29, 2021

ជប៉ុន ផ្អាកការផ្ដល់ទិដ្ឋាការស្ទើរតែទាំងអស់ចំពោះអ្នកជំនួញ និងនិស្សិតបរទេស ដោយសារ អូមីក្រុន

ថ្ងៃទី ២៩ វិច្ឆិកានេះ រដ្ឋាភិបាលជប៉ុន បានប្រកាសថា សម្រេចផ្អាកការផ្ដល់ទិដ្ឋាការស្ទើរតែទាំងអស់ ចំពោះអ្នកជំនួញ និងនិស្សិតបរទេស ក្នុងបំណងទប់ស្កាត់វីរុសកូវីដ-១៩ ប្រភេទ អូមីក្រុន (Omicron)។

ទូរទស្សន៍ NTV បានរាយការណ៍ថា ការសម្រេចចិត្តខាងលើនេះ មានការលើកលែងចំពោះក្រុមមនុស្សដែលមក ជប៉ុន បំពេញបេសកកម្មផ្នែកកិច្ចការមនុស្សធម៌។ ចំណែកសារព័ត៌មាន Kyodo រាយការណ៍ថា ការផ្អាកនេះនឹងមានសុពលភាពចាប់ពីខែវិច្ឆិកានេះ រហូតដល់មានសេចក្ដីសម្រេចថ្មី។

ការសម្រេចរបស់រដ្ឋាភិបាលជប៉ុន ត្រូវបានធ្វើឡើងបន្ទាប់ពី វិទ្យាស្ថានជាតិគ្រប់គ្រងជំងឺឆ្លងរបស់ ជប៉ុន (NIID) បានបង្កើនកម្រិតប្រកាសអាសន្នខ្ពស់បំផុតចំពោះវីរុសកូវីដ-១៩ ប្រភេទ អូមីក្រុន។

កាលពីថ្ងៃទី 26 វិច្ឆិកា អង្គការសុខភាពពិភពលោក (WHO) បានកោះប្រជុំបន្ទាន់ពិសេស ដើម្បីពិភាក្សាអំពីបញ្ហាវ៉ារ្យ៉ង់ អូមីក្រុន របស់ វីរុសកូវីដ-១។ WHO បានដាក់បញ្ចូល អូមីក្រុន ទៅក្នុងប្រភេទវីរុសដែលគួរឱ្យព្រួយបារម្ភ។ WHO ប្រកាសថា អូមីក្រុន មានការប្រែប្រួលប្រូតេអ៊ីនបន្លាជាច្រើនប្រភេទ ក្នុងនោះមានមួយចំនួនគួរឱ្យបារម្ភ។ ភ័ស្ដុតាងដំបូងបានឱ្យដឹងថា វ៉ារ្យ៉ង់ថ្មីនេះ មានសមត្ថភាពឆ្លងរាលដាល់ខ្លាំងជាងវ៉ារ្យ៉ងផ្សេងៗរបស់ កូវីដ-១៩៕

November 29, 2021

ឯកអគ្គរដ្ឋទូតឆែកសន្យាជំរុញកិច្ចសហប្រតិបត្តិការលើវិស័យពាណិជ្ជកម្ម ទេសចរណ៍ ជាមួយ កម្ពុជា

ឯកអគ្គរដ្ឋទូតថ្មីរបស់ ប្រទេសឆែក បានសន្យាថា នឹងបន្តជំរុញកិច្ចសហប្រតិបត្តិការលើវិស័យពាណិជ្ជកម្ម វិនិយោគ និងទេសចរណ៍ ជាមួយ កម្ពុជា បន្ថែមទៀត ក្រោយវិបត្តជំងឺកូវីដ-១។

ឯកឧត្តម ម៉ាទីន វែវរ៉ា (Martin Vavra) ឯកអគ្គរដ្ឋទូតថ្មី នៃសាធារណរដ្ឋឆែក ប្រចាំកម្ពុជា បានថ្លែងដូចខាងលើនៅក្នុងជំនួបពិភាក្សាជាមួយ សម្ដេច ហេង សំរិន ប្រធានរដ្ឋសភា ដែលត្រូវបានធ្វើឡើងនាព្រឹកថ្ងៃទី ២៩ វិច្ឆិកា ២០២១ នៅឯវិមានរដ្ឋសភាជាតិ។

ប្រទេសឆែក បានផ្តល់ជំនួយទ្វេភាគីមក កម្ពុជា ជាច្រើន ទាក់ទងនឹងវិស័យសុខាភិបាល និងវិស័យអប់រំ។ សាធារណរដ្ឋឆែក ក៏នៅតែផ្តល់ជំនួយមនុស្សធម៌មក កម្ពុជា បន្តបន្ទាប់ទៀត ពិសេសគឺការផ្ដល់អាហារូបករណ៍ដល់សិស្ស និស្សិត និងមន្ត្រីរាជការរបស់ កម្ពុជា ឱ្យបានទៅសិក្សានៅប្រទេសនេះ។ ឆែក បានរួមចំណែកអភិវឌ្ឍន៍នៅ កម្ពុជា យ៉ាងច្រើន តាំងពីអតីតឆេកូស្លូវ៉ាគី រហូតដល់បច្ចុប្បន្ន។ នេះបើតាម សម្ដេច ប្រធានសភាជាតិ កម្ពុជា។

November 29, 2021

(វីដេអូ)-គម្រោងសាង់សង់រោងចក្រផលិតអគ្គិសនីប្រើថាមពលព្រះអាទិត្យធំបំផុតនៅ សហរដ្ឋអាម៉េរិក

ក្រុមហ៊ុន Doral Renewable កំពុងសាងសង់រោងចក្រផលិតអគ្គិសនីដែលប្រើថាមពលព្រះអាទិត្យខ្នាតយក្សមួយនៅក្នុងរដ្ឋ Indiana នៅលើផ្ទៃដីទំហំ ៥,២៦១ ហិកតា។

រដ្ឋ Indiana នឹងក្លាយជាទីដែលមានរោងចក្រផលិតអគ្គិសនីដែលប្រើប្រាស់ថាមពលព្រះអាទិត្យធំជាងគេបង្អស់នៅ សហរដ្ឋអាម៉េរិក នេះបើតាមសារព័ត៌មាន AFP។

រោងចក្រដែលមានឈ្មោះថា Mammoth Solar នេះ មានទំហំ ៥,២៦១ ហិកតា ដែលប្រហាក់ប្រហែលនឹងទីលានបាល់ឱប (American Football) ចំនួន ៩,៨៥០ ឯណោះ។

ដំណើរការសាងសង់ត្រូវបានចាប់ផ្ដើមនៅក្នុងតំបន់ជនបទ ស្ថិតនៅចន្លោះខណ្ឌ Starke និង Pulaski ដែលមានចម្ងាយពីទីក្រុង South Bend ប្រហែល ៨០ គីឡូម៉ែត្រ ទៅទិសនិរតី។

តាមគម្រោង រោងចក្រ Mammoth Solar នឹងត្រូវបានសាងសង់រួចរាល់នៅក្នុងឆ្នាំ 2024 ដោយមានបំពាក់ផ្ទាំងស្រូបកម្ដៅព្រះអាទិត្យ (ផ្ទាំងសូឡារ) ចំនួន ២.៨៥ លានផ្ទាំង។ នៅក្នុងអំឡុងពេលនោះ វានឹងផលិតអគ្គិសនីសរុបបាន ១.៦៥ ជីហ្គាវ៉ាត់ (gigawatt) គ្រប់គ្រាន់សម្រាប់ផ្គត់ផ្គង់ដល់ផ្ទះចំនួន ២៥០,០០០ ខ្នង។

អគ្គិសនីស្ទើរតែទាំងអស់ដែលផលិតបាន នឹងត្រូវបានផ្គត់ផ្គង់ដល់បណ្ដាគ្រួសារ និងក្រុមហ៊ុនទាំងឡាយដែលនៅជុំវិញគម្រោងរោងចក្រនេះ។ ថាមពលអគ្គិសនីដែលនៅសល់នឹងត្រូវបានបញ្ជូនទៅកាន់តំបន់ផ្សេងៗដែលត្រូវការ៕

November 29, 2021

មូលបត្រមួយនៅផ្សារហ៊ុនក្នុងតំបន់អាស៊ីអាគ្នេយ៍ ឡើងថ្លៃ ១០,០០០% ចាប់ពីបានឡើងផ្សារហ៊ុន ក្លាយជាករណី IPO ជោគជ័យបំផុតក្នុងលោក នាឆ្នាំ ២០២១

ក្រុមហ៊ុនឥណ្ឌូនេស៊ី មួយ ដែលមានឯកទេសខាងផ្គត់ផ្គង់ទិន្នន័យ Cloud Computing ទើបតែក្លាយជាម្ចាស់ IPO ដែលមានការវិវឌ្ឍល្អបំផុតក្នុងពិភពលោក នាឆ្នាំ ២០២។ រាប់ចាប់ពីពេលបានឡើងផ្សារហ៊ុនកាលពីខែមករា ២០២១ មូលបត្រនេះបានកើនឡើងជាង ១០០ ដង។

កាលពីថ្ងៃទី ៦ មករា ក្រុមហ៊ុន DCI Indonesia (PT DCI Indonesia Tbk) បានចូលផ្សារហ៊ុនជាផ្លូវការ បន្ទាប់ពី IPO បានសម្រេចជោគជ័យ និងប្រមូលទុនបាន ១៥០ ពាន់លាន រូពៀ (ប្រហែល ១០.៥ លានដុល្លារអាម៉េរិក)។ ចាប់ពីពេលនោះមក មូលបត្រ DCI បានកើន ១០,៨៥២% ក្លាយជាមូលបត្រដែលមានកំណើនលឿនបំផុតនៅលើផ្សារហ៊ុនឥណ្ឌូនេស៊ី ឈរលំដាប់ទីពីរ ដោយរួមចំណែកក្នុងកំណើន ១២% នៃសន្ទស្សន៍ Jakarta Composite Index ចាប់ពីដើមឆ្នាំមកទល់នឹងពេលនេះ។

ទីស្នាក់ការក្រុមហ៊ុន PT DCI Indonesia Tbk (DCI)

DCI មានភាគហ៊ុនចំនួន ១១% ដែលជាកម្មសិទ្ធិរបស់ Anthoni Salim មហាសេដ្ឋីដែលរកស៊ីក្នុងវិស័យជាច្រើន ចាប់ពីអាហារ រហូតដល់ទូរគមនាគមន៍ និងអចលនទ្រព្យ។

មិនត្រឹមតែ DCI នោះទេ ក្រុមមូលបត្របច្ចេកវិទ្យានៅលើផ្សារហ៊ុនឥណ្ឌូនេស៊ី ក៏បានឡើងថ្លៃខ្ពស់ជាងមុន ៤ ដងផងដែរ៕

November 26, 2021

ផ្សារមូលបត្រកម្ពុជានិង ផ្សារមូលបត្រសៀងហៃ ចុះហត្ថលេខាពីចម្ងាយ លើអនុស្សរណៈនៃការយោគយល់គ្នា

ផ្សារមូលបត្រកម្ពុជា នាថ្ងៃទី ២៦ វិច្ឆិកា នេះ បានឱ្យដឹងថា ផ្សារមូលបត្រកម្ពុជា (ផមក) និងផ្សារមូលបត្រសៀងហៃ បានចុះហត្ថលេខាលើអនុស្សរណៈនៃការយោគយល់គ្នា នៅក្នុងថ្ងៃដដែលនេះ។

ឯកឧត្តម ហុង សុហួរ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ផមក និងលោក ឆៃ ជានឈុន (CAI Jianchun) ប្រធាននាយកនៃផ្សារមូលបត្រសៀងហៃ ដែលជាតំណាងរបស់ផ្សារមូលបត្រទាំងពីរ បានចុះហត្ថលេខាលើអនុស្សរណៈនៃការយោគយល់គ្នានេះពីចំងាយ តាមរយៈប្រព័ន្ធវីដេអូ។

ឯកឧត្តម ហុង សុហួរ ក្នុងសិក្ខាសាលាផ្សព្វផ្សាយពីនីតិវិធីច្បាប់សម្រាប់ការចុះបញ្ជីក្រុមហ៊ុន នៅថ្ងៃទី៣០មេសាឆ្នាំ ២០១៤

ភាគីទាំងពីរ បានព្រមព្រៀងគ្នាលើកិច្ចសហប្រតិបត្តិការសំខាន់ៗមួយចំនួនរួមមាន៖

-ការចែករំលែកព័ត៌មានទៅវិញទៅមក
-ការសិក្សាស្រាវជ្រាវរួមគ្នា
-ការផ្លាស់ប្តូរបុគ្គលិក និង
-ការអភិវឌ្ឍផលិតផលហិរញ្ញវត្ថុថ្មីៗ ជាដើម។

November 26, 2021

ដីនិម្មិតមួយដុំ នៅក្នុង Decentraland (ស្រដៀង Mateverse) ត្រូវបានលក់ក្នុងតម្លៃ ២.៤ លានដុល្លារអាម៉េរិក

ថ្នាល Decentraland ឱ្យដឹងថា ខ្លួនទើបតែបានលក់ដីនិម្មិតមួយដុំ ទំហំ ៥៦៥ ម៉ែត្រការ៉េ ក្នុងតម្លៃ ២.៤៣ លានដុល្លារអាម៉េរិក។

ម្ចាស់ថ្មីនៃដីនិម្មិតនេះនឹងជា Metaverse Group របស់ Tokens.com ជាក្រុមហ៊ុនរបស់ កាណាដា ដែលមានជំនាញខាងការវិនិយោគក្នុងវិស័យវិមជ្ឈការហិរញ្ញវត្ថុ (decentralized finance)។ Tokens.com និយាយថា នឹងប្រើប្រាស់ដីនិម្មិតមួយដុំនេះដើម្បីពង្រីកខ្លួនទៅក្នុងវិស័យម៉ូដែលសម្លៀកបំពាក់ឌីជីថល និងលក់ខោអាវនិម្មិតដល់អ្នកចូលរួមលេង metaverse។

ដីមួយដុំនេះរួមមាន ១១៦ ឡូត៍ ទំហំ ៦,០៩០ ហ្វ៊ីតក្រឡា (៥៦៥ ម៉ែត្រក្រឡា) ស្ថិតក្នុងតំបន់ «ក្រុងម៉ូដែល» នៅលើផែនទីរបស់ Decentraland។

Decentraland បានកំណត់តម្លៃដីនេះ ៦១៨,០០០ Mana ស្មើនឹង ២.៤៣ លានដុល្លារអាម៉េរិក។ សារព័ត៌មាន Reuters ក៏បានឱ្យដឹងថា ការជួញដូរនេះក៏ត្រូវបានកត់ត្រានៅក្នុងទីផ្សារ OpenSea ផងដែរ។

យោងតាម Insider នេះគឺជាដីនិម្មិតដែលមានតម្លៃថ្លៃជាងគេនាបច្ចុប្បន្ន ពោលគឺថ្លៃជាងបីដងធៀបនឹងដីឡូត៍និម្មិតតម្លៃ ៩០០,០០០ ដុល្លារដែលត្រូវបានលក់កាលពីខែមិថុនា។

ជាមធ្យម ដីទំហំ ១ ហ្វ៊ូតក្រឡា (៣០.៤៨ សង់ទីម៉ែត្រក្រឡា) នៅក្នុង Decentraland មានតម្លៃ ៤០០ ដុល្លារ ខណៈដីពិតនៅ San Francisco សហរដ្ឋអាម៉េរិក មានតម្លៃ ១,២០០ ដុល្លារ/ហ្វ៊ូតក្រឡា។

Decentraland ត្រូវបានបង្កើតឡើងដូចទៅនឹងលំហអវកាសនិម្មិត (mateverse)។ ដីធ្លី និងទំនិញនៅទីនេះត្រូវបានលក់ក្រោមរូបភាព token មិនអាចជំនួស (NFT)។ អ្នកចូលរួមនឹងប្រើប្រាស់ប្រាក់ឌីជីថល Mana ដើម្បីទិញទំនិញនិម្មិត និងដីនិម្មិតនៅទីនេះ ដែលដូចទៅនឹងការវិនិយោគ។

Decentraland មានលក្ខណៈស្រដៀងនឹងហ្គេម Minecraft។ ក្នុងនោះ ដីធ្លីនិម្មិតត្រូវបានបែងជាឡូត៍ទំហំ ១៦x១៦ ហើយត្រូវបានភ្ជាប់ជាមួយនឹង NFT មួយ។ យោងតាម Coinbase ប្រាក់ Mana ក្នុង Decentraland បានកើន ៤០០% រាប់ចាប់ពីពេល Facebook បានប្ដូរឈ្មោះទៅជា Meta។ ក្នុងថ្ងៃទី 25 វិច្ឆិកា តម្លៃរបស់ប្រាក់ឌីជីថល Mana ក៏បានឡើងដល់កម្រិតខ្ពស់ថ្មីគឺ ៥.៧៨ ដុល្លារ/Mana៕

November 26, 2021

Category: សង្គម និងសេដ្ឋកិច្ច