សង្គម និងសេដ្ឋកិច្ច - La Reine Media

អេមីរ៉ាតអារ៉ាប់រួម គឺជាទីផ្សារធំលំដាប់ទី ២៦ សម្រាប់ការនាំចេញទំនិញរបស់ កម្ពុជា

July 6, 2022 by សឿន សំណាង

ប្រទេសអេមីរ៉ាតអារ៉ាប់រួម គឺជាទីផ្សារធំមួយដែលឈរក្នុងលំដាប់ទី ២៦ សម្រាប់ការនាំចេញទំនិញរបស់ កម្ពុជា ក្នុងនោះ កំណើននៃទំហំពាណិជ្ជកម្មទ្វេភាគីនៅក្នុងឆ្នាំ ២០២១ កើន ៥៣% ធៀបនឹងឆ្នាំ ២០២០។ កាលពីរសៀលថ្ងៃទី ៤ កក្កដា ២០២២ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា បានជួបពិភាក្សាតាមប្រព័ន្ធវីដេអូ ជាមួយ ឯកឧត្តម Thani bin Ahmed Al Zeyoudi អនុរដ្ឋមន្ត្រីពាណិជ្ជកម្មអន្តរជាតិ នៃក្រសួងសេដ្ឋកិច្ចអេមីរ៉ាតអារ៉ាប់រួម។ កិច្ចជំនួបពិភាក្សាការងារខាងលើ ត្រូវបានធ្វើឡើងក្នុងគោលបំណងជំរុញ និងពង្រីកបន្ថែមនូវកិច្ចសហប្រតិបត្តិការគ្រប់វិស័យ ដើម្បីជំរុញឱ្យមានលំហូរវិនិយោគ និងបង្កើនទំហំពាណិជ្ជកម្មទ្វេភាគីរវាង កម្ពុជា និងអេមីរ៉ាតអារ៉ាប់រួម។ ក្នុងជំនួបនោះ រដ្ឋមន្ត្រីក្រសួងពាណិជ្ជកម្មកម្ពុជា បានថ្លែងអំណរគុណ និងស្វាគមន៍យ៉ាងកក់ក្តៅជូនចំពោះ រដ្ឋាភិបាលអេមីរ៉ាតអារ៉ាប់រួម ទាក់ទងនឹងការរៀបចំពិព័រណ៍ពិភពលោក ២០២០ ឌូបៃ ដែល កម្ពុជា បានចូលរួម និងទទួលបានពានរង្វាន់ប្រាក់ពិភពលោក លើការរចនាពន្លាជាតិល្អជាងគេ និងអរគុណចំពោះកិច្ចសហប្រតិបត្តិការរវាងប្រទេសទាំងពីរនាពេលកន្លង។ អេមីរ៉ាតអារ៉ាប់រួម គឺជាទីផ្សារធំមួយ ដែលឈរក្នុងលំដាប់ទី ២៦ … Read more

តម្លៃប្រេងពិភពលោក ធ្លាក់ចុះទាបបំផុតក្នុងអំឡុង ២ ខែចុងក្រោយនេះ

July 6, 2022 by សឿន សំណាង

ប្រេងឆៅរបស់ សហរដ្ឋអាម៉េរិក WTI ធ្លាក់ថ្លៃជិត ១០% មកនៅត្រឹមក្រោម ១០០ ដុល្លារ ក្នុង ១ ធុង ជាលើកដំបូង រាប់ចាប់ពីដើមខែឧសភា ២០២២។ បញ្ចប់ការជួញដូរក្នុងថ្ងៃទី ៥ កក្កដា តម្លៃប្រេង WTI ដាំក្បាលចុះ ៨% មកនៅត្រឹម ៩៩.៥ ដុល្លារ/ធុង។ ក្នុងការជួញដូរនាថ្ងៃទី ៥ កក្កដា មានពេលខ្លះប្រេងនេះ បានធ្លាក់ថ្លៃជិត ១០% នៅត្រឹម ៩៧.៤៣ ដុល្លារ/ធុង។ ចំណែកប្រេង Brent វិញ ក៏បាត់បង់តម្លៃជាង ១០% មកនៅត្រឹម ១០១.១ ដុល្លារ/ធុង ប៉ុន្តែ ក្រោយមកក៏បានងើបឡើងវិញ និងបញ្ចប់ការជួញដូរត្រឹម ១០២.៧ ដុល្លារ/ធុង។ នេះគឺជាលើកដំបូងហើយដែលប្រេង WTI ធ្លាក់ថ្លៃមកនៅក្រោម ១០០ ដុល្លារ រាប់ចាប់តាំងពីថ្ងៃទី ១១ ខែឧសភា។ ការព្រួយបារម្ភអំពីវិបត្តិសេដ្ឋកិច្ចគឺជាមូលហេតុសំខាន់ដែលបណ្ដាលឱ្យប្រេងឆៅត្រូវបានគេលក់ចោលកាលពីម្សិលមិញ … Read more

អគ្គិសនីកម្ពុជា កំពុងខាតដោយសារប្រេងឥន្ធនៈឡើងថ្លៃ! សម្ដេចតេជោ អំពាវនាវដល់ពលរដ្ឋឱ្យ «សន្សំសំចៃអគ្គិសនី»

July 6, 2022 by សឿន សំណាង

ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នៅព្រឹកថ្ងៃទី០៦ ខែកក្កដានេះ បានអំពាវនាវដល់ប្រជាពលរដ្ឋ ឱ្យប្រើប្រាស់អគ្គិសនីប្រកបដោយការសន្សំសំចៃខ្ពស់ នៅពេលដែល អគ្គិសនីកម្ពុជា កំពុងទប់ទល់នឹងការខាតបង់ប្រាក់ព្រោះតែប្រេងឥន្ធនៈឡើងថ្លៃ។ ការអំពាវនាវរបស់ សម្ដេចតេជោខាងលើ ត្រូវបានធ្វើឡើងក្នុងឱកាសជួបសំណេះសំណាលជាមួយប្រតិភូកីឡាអាស៊ានប៉ារ៉ាហ្គេម នៅព្រឹកថ្ងៃទី០៦ ខែកក្កដា។ តាមប្រសាសន៍របស់ប្រមុខរាជរដ្ឋាភិបាល បើសិនមិនមានការទប់ទល់របស់រដ្ឋ ចំពោះ អគ្គិសនីកម្ពុជា នាពេលកន្លង ម្ល៉េះតម្លៃអគ្គិសនីនៅ កម្ពុជា ឡើងថ្លៃគុណនឹង ២ បាត់ទៅហើយ។ «មិនត្រឹមតែ មិនអាចបញ្ចុះថ្លៃអគ្គិសនីបានទេ រដ្ឋត្រូវត្រៀមទុនដើម្បីជួយខាត អគ្គិសនីកម្ពុជា ថែមទៀត» សម្តេចតេជោ បញ្ជាក់ដូច្នេះ។ សម្ដេច ហ៊ុន សែន ក៏បានថ្លែងថា កម្ពុជា មានសំណាងល្អ ពេលមានបញ្ហាវិបត្តិថាមពលសកល កម្ពុជា ទទួលបានទឹកភ្លៀងច្រើនដែលបំពេញអាងស្តុកទឹកបម្រើដល់ដំណើរការនៃរោងចក្រវារីអគ្គិសនី ជួយផលិតអគ្គិសនីបំពេញតម្រូវកង្វះខាតនាបច្ចុប្បន្ន៕

តម្លៃអគ្គិសនីនៅ តំបន់អឺរ៉ុប ឡើងខ្ពស់បំផុតក្នុងប្រវត្តិសាស្ត្រ

July 6, 2022 by សឿន សំណាង

ទំព័រសារព័ត៌មានហិរញ្ញវត្ថុ Financial Times បានចេញផ្សាយថា តម្លៃអគ្គិសនីនៅ សហភាពអឺរ៉ុប (EU) បានកើនឡើងខ្ពស់ជាងមុន ៤ ដង ដោយសារការចំណាយខ្ពស់ទៅលើឧស្ម័ន។ Financial Times ឱ្យដឹងថា កាលពីថ្ងៃទី ៥ កក្កដា តម្លៃអគ្គិសនីនៅ អឺរ៉ុប បានកើនឡើងខ្ពស់បំផុតក្នុងប្រវត្តិសាស្ត្រ ដោយសារតែអស្ថិរភាពនៃប្រភពផ្គត់ផ្គង់ពី រុស្ស៊ី ធ្វើឱ្យតម្លៃឧស្ម័នកើនឡើងខ្ពស់។ ប្រភពបន្ទុកអគ្គិសនីមូលដ្ឋានរបស់ អាល្លឺម៉ង់ សម្រាប់ផ្គត់ផ្គង់នៅឆ្នាំក្រោយ ត្រូវបានជួញដូរក្នុងតម្លៃ ៣៣៤ ដុល្លារ/ MWh។ តួលេខនេះបានឡើងខ្ពស់ជាងកំណត់ត្រាមុននោះដែលបង្កើតឡើងកាលពីខែធ្នូ ២០២១។ កាលពីខែកក្កដាឆ្នាំកន្លង តម្លៃអគ្គិសនីត្រូវបានលក់ត្រឹមតែជាង ៨៣ ដុល្លារប៉ុណ្ណោះ នៅក្នុង ១ MWh។ យោងតាម Financial Times តម្លៃអគ្គិសនីនៅ ប្រទេសបារាំង ក៏បានកើនទ្វេដង ឡើងដល់ ៣៧៧ ដុល្លារ/MWh រាប់ចាប់ពីដើមឆ្នាំនេះ។ តម្លៃអគ្គិសនីរងឥទ្ធិពលពីការចំណាយទៅលើឧស្ម័នធម្មជាតិ ដែលប្រើប្រាស់នៅក្នុងការផលិតអគ្គិសនី។ តម្លៃឧស្ម័ននៅ អឺរ៉ុប បានកើនឡើងលើសពី ១,៨០០ … Read more

អ៊ីរ៉ង់ បញ្ចុះតម្លៃប្រេង ដើម្បីទប់ស្កាត់ រុស្ស៊ី ក្ដៅក្ដាប់ទីផ្សារចិន ពេញទំហឹង

July 5, 2022 by សឿន សំណាង

ទីក្រុងប៉េកាំង កំពុងទទួលបានផលចំណេញច្រើននៅពេល ទីក្រុងតេហេរ៉ង់ បញ្ចុះតម្លៃប្រេងឆៅដើម្បីប្រកួតប្រជែងនឹងប្រេងរបស់ រុស្ស៊ី នៅក្នុងទីផ្សារចិន។ Bloomberg ដកស្រង់ប្រភពព័ត៌មានពីក្រុមអ្នកជំនួញបានឱ្យដឹងថា ប្រេងឆៅរបស់ អ៊ីរ៉ង់ កំពុងត្រូវបានកំណត់តម្លៃទាបជាង ១០ ដុល្លារ ធៀបនឹងប្រេង Brent។ ប្រការនេះជួយឱ្យផលិតផលរបស់ អ៊ីរ៉ង់ មានតម្លៃប្រហាក់ប្រហែលនឹងប្រេង Urals របស់ រុស្ស៊ី ដែលគ្រោងនឹងប្រគល់ឱ្យ ប្រទេសចិន នៅក្នុងខែសីហាខាងមុខ។ ធៀបនឹងមុនវិបត្តិនៅ អ៊ុយក្រែន ប្រេងឆៅរបស់ អ៊ីរ៉ង់ បច្ចុប្បន្នត្រូវបានបញ្ចុះតម្លៃបន្ថែមពី ៤-៥ ដុល្លារ/ធុង។ អ៊ីរ៉ង់ ត្រូវបញ្ចុះតម្លៃប្រេង ក្នុងគ្រាដែលប្រេងរបស់ រុស្ស៊ី កំពុងបង្កើនចំណែកទីផ្សាររបស់ខ្លួននៅ ប្រទេសចិន។ ទីផ្សារចិន បានក្លាយជាទិសដៅសំខាន់របស់ ប្រេងរុស្ស៊ី នៅពេល វិមានក្រឹមឡាំង ស្វែងរកវិធីទប់ទល់នឹងទណ្ឌកម្មរបស់ បស្ចិមលោក។

ថ្មរក្សាថាមពលធ្វើអំពីខ្សាច់ដំបូងគេក្នុងពិភពលោក ជួយផ្គត់ផ្គង់កម្ដៅនៅ ហ្វាំងឡង់

July 5, 2022 by សឿន សំណាង

ក្រុមហ៊ុនមួយរបស់ ប្រទេសហ្វាំងឡង់ បានដំឡើងប្រព័ន្ធថ្មដែលមានធាតុផ្សំពីខ្សាច់ប្រហែល ១០០ តោន ជួយរក្សាថាមពលបៃតងក្នុងទម្រង់កម្ដៅក្នុងរយៈពេលជាច្រើនខែ និងអាចប្រើប្រាស់ជំនួសអគ្គិសនីបានច្រើនករណី។ ក្រុមវិស្វករវ័យក្មេងរបស់ក្រុមហ៊ុន Polar Night Energy បានដំឡើងរួចរាល់នូវ «ថ្មខ្សាច់» ដែលដំណើរការមុខងារពេញលេញដំបូងក្នុងពិភពលោក នៅទីរួមស្រុក Kankaanpaa នៃ ប្រទេសហ្វាំងឡង់ នេះបើតាម BBC ចុះផ្សាយកាលពីម្សិលមិញ។ ឧបករណ៍ថ្មីនេះត្រូវបានដាក់នៅក្នុងរោងចក្រអគ្គិសនី Vatajankoski។ តម្រូវការថាមពលក្នុងពិភពលោក បូករួមនឹងបញ្ហាប្រេងឡើងថ្លៃ បាននាំឱ្យក្រុមហ៊ុនជាច្រើនវិនិយោគទៅលើវិស័យថាមពលកកើតឡើងវិញ។ ក៏ប៉ុន្តែ ថ្មរក្សាថាមពលអគ្គិសនីទំនើប ផ្ទាំងសូឡា ឧបករណ៍ប្រើប្រាស់ថាមពលខ្យល់ជាដើមនៅមានតម្លៃខ្ពស់នៅពេលប្រើប្រាស់ទ្រង់ទ្រាយធំ។ ចំណែកថ្មដែលធ្វើអំពីខ្សាច់វិញ អាចរក្សាទុកថាមពលបៃតងក្នុងរយៈពេលច្រើនខែ។ វត្ថុធាតុសំខាន់របស់ឧបករណ៍នេះគឺខ្សាច់ប្រហែល ១០០ តោន ដែលផ្ទុកនៅក្នុងជង្រុកធំ និងខ្ពស់។ ដំណើរការនៃថ្មខ្សាច់នេះមានដូចតទៅ៖ អគ្គិសនីសល់ដែលមានតម្លៃទាប ត្រូវបានគេយកមកកម្ដៅខ្សាច់ឱ្យឡើងដល់ ៥០០ អង្សាសេ តាមរយៈឧបករណ៍ជំនួយកម្ដៅរបស់ Polar Night Energy។ ដំណើរការនេះធ្វើឱ្យបរិយាកាសក្នុងខ្សាច់ឡើងក្ដៅខ្លាំង។ ខ្សាច់គឺជាវត្ថុធាតុដែលរក្សាកម្ដៅបានយ៉ាងមានប្រសិទ្ធភាព និងមិនសូវបាត់បង់កម្ដៅទៅតាមពេលវេលា។ ក្រុមអ្នកអភិវឌ្ឍបានឱ្យដឹងថា ឧបករណ៍របស់ពួកគេអាចរក្សាខ្សាច់ឱ្យនៅក្ដៅត្រឹម ៥០០ អង្សាសេ ក្នុងរយៈពេលច្រើនខែ។ នៅពេលត្រូវការប្រើប្រាស់ … Read more

កំណើននៃអតិផរណានៅ ប្រទេសតួកគី កើនឡើងជិតដល់ ៨០%

July 5, 2022 by សឿន សំណាង

អតិផរណាក្នុងរយៈពេល ៦ ខែកន្លង នៅ ប្រទេសតួកគឺ បានហក់ឡើងខ្ពស់បំផុតក្នុងអំឡុងពេល ២០ ឆ្នាំមកនេះ ចំណែកតម្លៃអាហារក៏កើនឡើងទ្វេដងក្នុង ១ ឆ្នាំកន្លងទៅ។ យោងតាមទិន្នន័យពី វិទ្យាស្ថានស្ថិតិតួកគី អត្រាតម្លៃទំនិញ (CPI) របស់ប្រទេសតួកគី កើនឡើងដល់ ៧៨.៦% ក្នុងរយៈពេល ៦ ខែដើមឆ្នាំនេះ បើធៀបនឹងដំណាក់កាលដូចគ្នាកាលពីឆ្នាំកន្លង ក្នុងនោះ ភាគច្រើនកើតឡើងដោយសារតម្លៃអាហារ ភេសជ្ជៈ និងការដឹកជញ្ជូន។ តម្លៃអាហារបានកើនឡើងជិត ២ ដង ក្នុង ១ ឆ្នាំមកនេះ។ ការចំណាយទៅលើការដឹកជញ្ជូនក៏បានកើនឡើង ១២៣%។ ប្រទេសតួកគី បានធ្លាក់ទៅក្នុងវិបត្តិអតិផរណាអស់រយៈពេលជាច្រើនខែមកហើយ។ រូបិយប័ណ្ណ លីរ៉ាតួកគី បានបាត់បង់តម្លៃអស់ជាង ២០% ធៀបនឹងប្រាក់ដុល្លារអាម៉េរិក នៅក្នុងឆ្នាំនេះ។ សេដ្ឋកិច្ចរបស់ តួកគី ក៏បានរងផលប៉ះពាល់ពីបញ្ហាអតិផរណាដូចបណ្ដាប្រទេសក្នុងពិភពលោក។ ប៉ុន្តែ គោលនយោបាយរបស់មេដឹកនាំ Tayyip Erdogan បានធ្វើឱ្យវិបត្តិកាន់តែមានសភាពធ្ងន់ធ្ងន់។ ប្រាក់ លីរ៉ា ដែលបានធ្លាក់ថ្លៃ កាន់តែធ្វើឱ្យទំនិញនាំចូលមានតម្លៃកាន់តែខ្ពស់។ កាលពីខែកញ្ញា … Read more

អាជ្ញាធរចិន ប្រកាសផ្អាកសកម្មភាពនាំចេញ-នាំចូលតាមច្រកព្រំដែនគោកជាប់ជាមួយ វៀតណាម

July 5, 2022 by សឿន សំណាង

ភាគីខាងប្រទេសចិន ប្រកាសផ្អាកសកម្មភាពនាំចេញ-នាំចូលទំនិញដែលឆ្លងកាត់ច្រកទ្វារព្រំដែនអន្តរជាតិផ្លូវគោកចិន-វៀតណាម Beishan-Kim Thanh ដោយសារតែរកឃើញបញ្ហាមិនប្រក្រតីនៅលើទំនិញ។ បញ្ហាមិនប្រក្រតីនៅទីនេះគឺទាក់ទងនឹងវីរុស SARS-CoV-2 (កូវីដ-១៩) ដែលត្រូវបានរកឃើញនៅលើទំនិញដែលនាំចូលពី វៀតណាម ទៅកាន់ ប្រទេសចិន។ មុននោះ កាលពីថ្ងៃទី ២៥ មិថុនា ក្រោយពីបានផ្អាកជាង ៤ ខែ ភាគីខាងប្រទេសចិន ក៏បានយល់ព្រមបើកច្រកទ្វារព្រំដែន Beishan-Kim Thanh ដោយអនុញ្ញាតឱ្យសាកល្បងនាំចូលទំនិញជាផ្លែឈើមួយចំនួនពី ប្រទេសវៀតណាម។ ច្រកទ្វារព្រំដែន Beishan-Kim Thanh ស្ថិតក្នុងស្រុក Hekou, ខេត្ត Yunnan, ប្រទេសចិន និងក្នុងក្រុង Lao Cai, ខេត្ត Lao Cai, ប្រទេសវៀតណាម។ ការប្រកាសបិទច្រកព្រំដែនបណ្ដោះអាសន្នជាឯកតោភាគីរបស់ អាជ្ញាធរចិន មិនបានកំណត់ពេលវេលាដែលនឹងបើកដំណើរការឡើងវិញនោះទេ៕

កម្មវិធីទូរស័ព្ទដៃ CamDigiKey ជំនាន់ចុងក្រោយ ២.០ មានមុខងារពិសេសចំនួន ៤

July 5, 2022 by សឿន សំណាង

ក្រសួងសេដ្ឋកិច្ច និងហិរញ្ញវត្ថុ និង ធនាគារជាតិកម្ពុជា (NBC) បានដាក់ឱ្យដំណើរការ KHQR ដើម្បីធ្វើឱ្យមានស្ដង់ដា ចំពោះ QR codes ធនាគារក្នុងប្រទេស និងកម្មវិធីទូរស័ព្ទ CamDigiKey ជំនាន់ទីពីរ កាលពីថ្ងៃទី ៤ កក្កដា។ តាមរយៈទំព័រ Facebook ក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា កម្មវិធីទូរស័ព្ទដៃ CamDigiKey ជំនាន់ទីពីរ (២.០) នេះ មានមុខងារពិសេសចំនួន ៤ រួមមានដូចខាងក្រោម៖ ១-មុខងារស្គែនមុខយ៉ាងរស់រវើក, ២-ការស្គែតកូដដែលអាចអានបានដោយម៉ាស៊ីន (MRZ) លើអត្តសញ្ញាណប័ណ្ណខ្មែរ និងលិខិតឆ្លងដែនបរទេស, ៣-សន្ធានកម្មកម្មវិធីទូរស័ព្ទដៃ និងកម្មវិធីទូរស័ព្ទដៃ (App-to-app Integration), ៤-សន្ធានកម្មគេហទំព័រ និងគេហទំព័រ (Web-to-web integration)។ CamDigiKey គឺជាកម្មវិធីទូរស័ព្ទដៃដែលមានសុវត្ថិភាព និងងាយស្រួល ដែលត្រូវបានប្រើប្រាស់សម្រាប់ផ្ទៀងផ្ទាត់ អត្តសញ្ញាណរបស់លោកអ្នកតាមមធ្យោបាយឌីជីថល។ តាមរយៈការចុះឈ្មោះលើ CamDigiKey អ្នកនឹងទទួលបានអត្តសញ្ញាណឌីជីថលមួយដែលមានសុពលភាព ហើយអាចប្រើប្រាស់សម្រាប់ login ចូលទៅកាន់ … Read more

កម្ពុជា សម្ពោធដាក់ឱ្យដំណើរការជាផ្លូវការ កម្មវិធី CamDigiKey ជំនាន់ ២.០

July 4, 2022 by សឿន សំណាង

លោកអ្នកអាចទទួលបានអត្តសញ្ញាណឌីជីថលដែលផ្សារភ្ជាប់លោកអ្នកទៅកាន់សេវាកម្មរដ្ឋាភិបាលឌីជីថលរបស់ កម្ពុជា ដែលដំណើរការលើប្រព័ន្ធ CamDX តាមរយៈ CamDigiKey។

CamDigiKey គឺជាកម្មវិធីទូរស័ព្ទដៃដែលមានសុវត្ថិភាព និងភាពងាយស្រួល និងដែលត្រូវបានប្រើប្រាស់សម្រាប់ផ្ទៀងផ្ទាត់អត្តសញ្ញាណរបស់លោកអ្នកតាមមធ្យោបាយឌីជីថល។ តាមរយៈការចុះឈ្មោះលើ CamDigiKey លោកអ្នកនឹងទទួលបានអត្តសញ្ញាណឌីជីថលមួយដែលមានសុពលភាព ហើយអាចប្រើប្រាស់សម្រាប់ login ចូលទៅកាន់ portal រដ្ឋាភិបាលកម្ពុជាណាមួយក៏បាន។ ដើម្បីធ្វើការ login លោកអ្នកគ្រាន់តែធ្វើការស្កេនកូដ QR ដែលមាននៅលើ portal នោះជាមួយកម្មវិធីទូរស័ព្ទ CamDigiKey ជាការស្រេច។

ឥលូវនេះកម្មវិធី CamDigiKey ជំនាន់ ២.០ ត្រូវបានសម្ពោធដាក់ឱ្យដំណើរការហើយកាលពីព្រឹកមិញ (៤ កក្កដា) នៅសណ្ឋាគារ រ៉ូសវូដ (Rosewood) រាជធានីភ្នំពេញ។

ដើម្បីជ្រាបច្បាស់ សូមទស្សនាវីដេអូខាងក្រោម៖

តម្លៃប្រេងនៅ អាស៊ី ធ្លាក់ចុះកាលពីព្រឹកថ្ងៃទី ៤ កក្កដា ដោយសារការបារម្ភអំពីវិបត្តិសេដ្ឋកិច្ច

July 4, 2022 by សឿន សំណាង

ការបារម្ភអំពីវិបត្តិសេដ្ឋកិច្ចសកលបានដាក់សម្ពាធទៅលើផ្លូវចិត្តរបស់អ្នកជំនួញក្នុងទីផ្សារ ធ្វើឱ្យប្រេងធ្លាក់ថ្លៃនៅ អាស៊ី កាលពីព្រឹកថ្ងៃទី ៤ កក្កដា បើទោះជាប្រភពផ្គត់ផ្គង់នៅតែតូចចង្អៀតក្នុងគ្រាដែលទណ្ឌកម្មកំពុងធ្លាក់ទៅលើ វិស័យថាមពលរបស់ រុស្ស៊ី។ តម្លៃប្រេង Brent ប្រគល់ក្នុងខែកញ្ញា ២០២២ ធ្លាក់ចុះ ៣៦ សេនដុល្លារ (ប្រហែល ០.៣%) មកនៅត្រឹម ១១១.២៧ ដុល្លារ/ធុង កាលពីម៉ោង ១០ ព្រឹក ថ្ងៃទី ៤ កក្កដា (ម៉ោងនៅ ភ្នំពេញ)។ ប្រេង WTI ប្រគល់ក្នុងខែសីហា ២០២២ ធ្លាក់ថ្លៃ ៣៤ សេនដុល្លារ (០.៣%) មកនៅត្រឹម ១០៨.០៩ ដុល្លារ/ធុង។ អ្នកវិភាគ Tina Teng មកពីក្រុមហ៊ុន CMC Markets ឱ្យដឹងថា ការបារម្ភអំពីវិបត្តិសេដ្ឋកិច្ចគឺជាកត្តាសំខាន់ដែលរារាំងការលោតឡើងនៃតម្លៃរបស់ប្រេង។ អត្រាប្ដូរប្រាក់កើនឡើង និងការធ្លាក់ចុះនៃទំនុកចិត្តរបស់អ្នកប្រើប្រាស់នៅ សហរដ្ឋអាម៉េរិក បានកាត់បន្ថយក្ដីសង្ឃឹមលើតម្រូវការប្រើប្រាស់ប្រេងឥន្ធនៈ ខណៈដែលរបាយការណ៍បានបង្ហាញថា ផលិតភាពរបស់រោងចក្រចម្រាញ់ប្រេងនៅ សហរដ្ឋអាម៉េរិក … Read more

រោងចក្រស្រូបយកកាបូនឌីអុកស៊ីត (CO2) ដោយផ្ទាល់ធំជាងគេក្នុងពិភពលោក

July 1, 2022 by សឿន សំណាង

ក្រុមហ៊ុន Climeworks ដែលមានទីស្នាក់ការកណ្ដាលនៅ ប្រទេសស្វ៊ីស កាលពីថ្ងៃទី ២៩ មិថុនា ២០២២ បានបើកការដ្ឋានសាងសង់រោងចក្រប្រមូលកាបូនឌីអុកស៊ីតដោយផ្ទាល់ (DAC) ទីពីររបស់ខ្លួន នៅ ប្រទេស អ៊ីស្លង់។ រោងចក្រឧស្សាហកម្មប្រមូល CO2 ដោយផ្ទាល់ទីពីររបស់ Climeworks នេះមានឈ្មោះថា Mammoth។ វាក៏មានហេដ្ឋារចនាសម្ព័នដូចទៅនឹងរោងចក្រដំបូង Orca របស់ពួកគេ ប៉ុន្តែមានកម្លាំងស្រូបយក CO2 បានចំនួន៣៦,០០០ តោនជារៀងរាល់ឆ្នាំ។ តាមគម្រោង ការសាងសង់រោងចក្រនេះនឹងត្រូវចំណាយពេលពី ១៨ ដល់ ២៤ ខែ។ ដូចទៅនឹង Orca ថាមពលកកើតឡើងវិញនឹងត្រូវបានប្រើប្រាស់ដើម្បីដំណើរការប្រព័ន្ធស្រូបយក និងរក្សាទុក CO2។ Climeworks គ្រប់គ្រងបច្ចេកវិទ្យាស្រូបយក CO2 ដោយផ្ទាល់ពីបរិយាកាសដ៏ទំនើប និងបានដំណើរការរោងចក្រអគ្គិសនីមិនបំភាយឧស្ម័នពុលដំបូងគេបង្អស់ក្នុងពិភពលោកកាលពីឆ្នាំ ២០១៧ ដោយមានកិច្ចសហការជាមួយក្រុមហ៊ុនរក្សាទុក CO2 ឈ្មោះ CarbFix។ កាលពីឆ្នាំ ២០១៦ CarbFix បានអភិវឌ្ឍបច្ចេកវិទ្យាបំប្លែង CO2 ទៅជារ៉ែ ដោយប្រើពេលមិនដល់ … Read more