សង្គម និងសេដ្ឋកិច្ច - La Reine Media

(World Cup 2022)- ភរិយារបស់ Messi បញ្ចេញភាពទាក់ទាញនៅ កាតា

Antonela Roccuzzo ភរិយារបស់កំពូលតារាបាល់ទាត់អាហ្សង់ទីន Lionel Messi ចូលចិត្តអាវបញ្ចេញផ្ចិត ឈុតរឹបរាងនៅពេលទៅគាំទ្រស្វាមីនៅ World Cup 2022 និងដើរទេសចរណ៍នៅ ប្រទេសកាតា។

យោងតាមសារព័ត៌មានបរទេស អ្នកស្រី Antonela Roccuzzo បានទាក់ទាញចំណាប់អារម្មណ៍ខ្លាំងនៅពេលមកដល់ រដ្ឋធានីដូហា របស់ កាតា។ អ្នកស្រីតែងតែទទួលបានការស្នើសុំថតរូបជាមួយនៅពេលដើរកំសាន្តក្នុងក្រុង ក៏ដូចជានៅតាមហាង។ ស្ត្រីមានកូន 3 នាក់រួចទៅហើយនេះ ក៏ទទួលបានការសរសើរថា ស្លៀកពាក់ទាន់សម័យ ប្រកបដោយថាមពល។

ភរិយារបស់ Messi និងកូនៗបាននៅក្បែរគ្នាអស់រយៈពេល 15 ឆ្នាំហើយ ក្នុងនោះកូនប្រុសទាំង 3 របស់ពួកគេមានអាយុបន្តបន្ទាប់គឺ 10 ឆ្នាំ, 7 ឆ្នាំ និង 4 ឆ្នាំ។ Antonela គឺជាអ្នកចូលចិត្តវិស័យម៉ូដែល និងត្រូវបានគេស្គាល់ច្រើននៅក្នុងព្រឹត្តិការណ៍បង្ហាញម៉ូដអន្តរជាតិ។ អ្នកស្រីថែមទាំងផ្សាយពាណិជ្ជកម្មឱ្យយីហោសម្លៀកបំពាក់ជាច្រើនទៀតផង។

នៅពេលទៅលើកទឹកចិត្តស្វាមីក្នុងការប្រកួតរវាង អាហ្សង់ទីន និង អូស្ត្រាលី កាលពីវេលាទៀបភ្លឺថ្ងៃទី 04 ធ្នូ ស្រីស្អាតនេះពាក់អាវកីឡា និងខោខូវប៊ូយរហែក បែបយុវវ័យ។ ខោខូវប៊ូយរបស់ Bershka នេះមានតម្លៃ 50 ដុល្លារអាម៉េរិក។

Antonela និងកូនៗទស្សនាការប្រកួតរវាង អាហ្សង់ទីន និង ម៉ិកស៊ិក កាលពីថ្ងៃទី 26 វិច្ឆិកា។ អ្នកស្រីពាក់អាវកីឡាបញ្ចេញផ្ចិត និងខោខូវប៊ូយរបស់ Zara៕

December 5, 2022

(World Cup 2022)- ភរិយា និងកូនៗមកសួរសុខទុក្ខ Ronaldo មុនពេលចូលប្រកួតនៅវគ្គ 1/8

កំពូលតារាបាល់ទាត់ជម្រើសជាតិព័រទុយហ្កាល់ Cristiano Ronaldo បានជួបភរិយា Georgina Rodriguez រួមនឹងកូនៗ នៅមុនពេលប្រកួតជាមួយក្រុមរបស់ ស្វ៊ីស នៅវគ្គ 8 ក្រុមរបស់ World Cup 2022។

អ្នកស្រី Georgina Rodriguez រួមនឹងកូនៗបានទៅកាន់ កាតា តាំងពីថ្ងៃទី 02 ធ្នូ និងបានចូលរួមតាមដានការប្រកួតចាញ់ កូរ៉េខាងត្បូង 1-2 របស់ ព័រទុយហ្កាល់ នៅវគ្គចែកពូល។ មួយថ្ងៃក្រោយ Ronaldo បានជួបភរិយា និងកូនៗក្នុងថ្ងៃឈប់សម្រាករបស់ក្រុមជម្រើសជាតិព័រទុយហ្កាល់។ Georgina ក៏ចែករំលែករូបថតរួមជាមួយកំពូលតារាបាល់ទាត់វ័យ 37 ឆ្នាំ នៅឯសណ្ឋាគារផងដែរ។

ការជួបជុំប្រពន្ធកូនគឺជាការលើកទឹកចិត្តដ៏ធំសម្រាប់ Ronaldo នៅមុនការប្រកួតសំខាន់នៅវគ្គ 8 ក្រុម ដែលជាវគ្គជម្រុះផ្ទាល់ (knock-out)។ មុននោះ ក្រុមជម្រើសជាតិមួយចំនួន មានដូចជា អង់គ្លេស អាល្លឺម៉ង់ បែលហ្ស៊ិក ហូឡង់ ជាដើម ក៏បានអនុញ្ញាតឱ្យកីឡាកររបស់ពួកគេជួបជុំប្រពន្ធកូននៅពេលចូលរួមប្រកួតនៅ World Cup 2022។

Ronaldo និងក្រុមព័រទុយហ្កាល់ នឹងប្រកួតជាមួយ ក្រុមជម្រើសជាតិស្វ៊ីស ក្នុងវគ្គ 1/8 របស់ World Cup 2022នៅវេលាម៉ោង 2 ថ្ងៃទី 07 ធ្នូ (ម៉ោងនៅ កម្ពុជា)៕

December 5, 2022

គម្រោងស្ថាបនាស្ពានខ្សែកាបឫស្សីកែវឆ្លងកាត់ទន្លេសាប សម្រេចលទ្ឋផលបានជិត 90%

ដំណើរការនៃការស្ថាបនាស្ពានខ្សែកាបឫស្សីកែវឆ្លងកាត់ទន្លេសាបនៅ រាជធានីភ្នំពេញ សម្រេចបាន ៨៩% គិតត្រឹមថ្ងៃទី 05 ខែធ្នូ ឆ្នាំ 2022។

នាថ្ងៃទី 05 ធ្នូ 2022 នេះ មន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា ដំណើរការនៃការស្ថាបនាស្ពានខ្សែកាបឫស្សីកែវឆ្លងកាត់ទន្លេសាបនៅ រាជធានីភ្នំពេញ សម្រេចបាន ៨៩% ហើយ គិតត្រឹមថ្ងៃទី 05 ខែធ្នូ ឆ្នាំ 2022។

ស្ពាននេះមានប្រវែង 922 ម៉ែត្រ និងទទឹង 20.5 ម៉ែត្រ។ សរសរស្ពានសម្រាប់ព្យួរខ្សែកាបធៀបនឹងកម្រាលស្ពានមានកម្ពស់ 34 ម៉ែត្រ ។ ស្ពានដែលសាងសង់ដោយក្រុមហ៊ុន OCIC នេះ មានសសរសម្រាប់ព្យួរខ្សែកាបមានចំនួន 4 ដែលមានកម្ពស់ 40 ម៉ែត្រ និងមាន 4 គន្លងសម្រាប់ធ្វើចរាចរណ៍ គឺ 2 ទៅ និង 2 មក។

គម្រោងស្ពាននេះ នឹងបង្កើតលំហូរចរាចរណ៍ថ្មី ដែលតភ្ជាប់ផ្លូវជាតិលេខ 5 របស់ខណ្ឌឫស្សីកែវ និងផ្លូវជាតិលេខ 6 របស់ ខណ្ឌជ្រោយចង្វារ ព្រមទាំងតភ្ជាប់ចរាចរណ៍របស់ទីក្រុងទៅពហុកីឡដ្ឋានជាតិមរតកតេជោផងដែរ។

យោងតាមផែនការ គម្រោងស្ថាបនាស្ពានខ្សែកាបឫស្សីកែវឆ្លងកាត់ទន្លេសាប ដែលចំណាយទឹកប្រាក់ក្នុងការសាងសង់ 35 លានដុល្លារអាម៉េរិកនេះ នឹងបញ្ចប់ការសាងសង់ជាស្ថាពរ នៅក្នុងខែមេសាឆ្នាំក្រោយ។

December 5, 2022

ក្រសួងសេដ្ឋកិច្ចចេញសេចក្តីសម្រេចស្ដីពី «កម្មវិធីឧបត្ថម្ភសាច់ប្រាក់ជូនគ្រួសារងាយរងហានិភ័យក្នុងអំឡុងពេលមានសម្ពាធអតិផរណា»

សេចក្តីសម្រេចស្តីពីយន្តការ និងនីតិវិធី នៃការអនុវត្តកម្មវិធីឧបត្ថម្ភសាច់ប្រាក់ជូនគ្រួសារងាយរងហានិភ័យក្នុងអំឡុងពេលមានសម្ពាធអតិផរណា ត្រូវបាន ក្រសួងសេដ្ឋកិច្ច និងហិរញ្ញវត្ថុ ធ្វើនៅថ្ងៃទី 01 ធ្នូ 2022 និងត្រូវបានចុះផ្សាយនៅថ្ងៃទី 05 ធ្នូ ដោយទំព័របណ្ដាញសង្គមផ្លូវការរបស់ ក្រុមប្រឹក្សាជាតិគាំពារសង្គម ដែលមានតួនាទីជាសេនាធិការរបស់រាជរដ្ឋាភិបាលក្នុងការសម្របសម្រួល និងតម្រង់ទិសរួមលើការងាររៀបចំយុទ្ធសាស្រ្ត និងគោលនយោបាយគាំពារសង្គម។

សេចក្ដីសម្រេចនេះមានកំណត់អំពីយន្តការ និងនីតិវិធិនៃការអនុវត្តកម្មវិធីឧបត្ថម្ភសាច់ប្រាក់ជូនគ្រួសារងាយរងហានិភ័យ នៅក្នុងអំឡុងពេលមានសម្ពាធអតិផរណា។ សេចក្ដីសម្រេចនេះមានវិសាលភាពអនុវត្តចំពោះគ្រួសារងាយរងហានិភ័យ ដែលត្រូវបានកំណត់អត្តសញ្ញាណដោយក្រសួងផែនការ។

សេចក្ដីសម្រេចនេះបានឱ្យដឹងថា គ្រួសារងាយរងហានិភ័យ ដែលត្រូវបានកំណត់អត្តសញ្ញាណដោយក្រសួងផែនការ ត្រូវទទួលបានការឧបត្ថម្ភជាសាច់ប្រាក់ចំនួន 3 លើក ហើយក្នុង 1 លើកៗ មានដូចតទៅ ៖

គ្រួសារនៅ ភ្នំពេញ ទទួល 99,900 រៀល/គ្រួ, គ្រួសារនៅទីប្រជុំជន ទទួលបាន 87,300 រៀល/គ្រួ និងគ្រួសារនៅជនបទទទួលបាន 81,300 រៀល/គ្រួ។ ចំណែកសមាជិកគ្រួសារបន្ថែមក្នុងម្នាក់ នឹងទទួលបាន 28,000 រៀលសម្រាប់ ភ្នំពេញ, 24,000 រៀល សម្រាប់ទីប្រជុំជន និង 20,000 រៀល សម្រាប់ជនបទ។

សេចក្ដីសម្រេចរបស់ ក្រសួងសេដ្ឋកិច្ច ក៏បានបញ្ជាក់ថា គ្រួសារងាយរងហានិភ័យដែលទទួលបានការឧបត្ថម្ភពីកម្មវិធីឧបត្ថម្ភសាច់ប្រាក់ជូនគ្រួសារងាយរងហានិភ័យ ដែលរងផលប៉ះពាល់ធ្ងន់ធ្ងរពីគ្រោះទឹកជំនន់ នឹងមិនទទួលបានការឧបត្ថម្ភលើកទីមួយ ពីកម្មវិធីឧបត្ថម្ភសាច់ប្រាក់ជូនគ្រួសារងាយរងហានិភ័យ ក្នុងអំឡុងពេលមានសម្ពាធអតិផរណាបន្ថែមនោះទេ ប៉ុន្តែ នឹងទទួលបាននៅក្នុងលើកទីពីរ និងទីបី។

ព័ត៌មានលម្អិត សូមអានសេចក្ដីសម្រេចរបស់ ក្រសួងសេដ្ឋកិច្ច និងហិរញ្ញវត្ថុ ដែលមានដូចខាងក្រោម ៖

December 5, 2022

ប្រទេសនៅអឺរ៉ុប សម្ពោធមជ្ឈមណ្ឌលផ្ទុកអគ្គិសនីធំជាងគេបង្អស់នៅលើពិភពលោក

(បែលហ្ស៊ិក)- រោងចក្រមួយអាចផ្ទុកអគ្គិសនីបាន 100 MWh ដែលគ្រប់គ្រងដោយក្រុមហ៊ុន Corsica Sole ត្រូវបានសម្ពោធដាក់ឱ្យដំណើរការនៅ Wallonia ចាប់ពីខែនេះ។

ទន្ទឹមនឹងការកើនឡើងសម្ពាធនៃការកាត់បន្ថយឧស្ម័នរបស់ រុស្ស៊ី ដោយសារតែសង្គ្រាមនៅ អ៊ុយក្រែន ក្រុមមេដឹកនេះនៅ អឺរ៉ុប កំពុងប្រឹងប្រែងដើម្បីធ្វើឱ្យមានតុល្យភាពចំពោះតម្រូវការប្រើប្រាស់ថាមពលជាមួយនឹងការខ្នះខ្នែងក្នុងការទប់ទល់នឹងបម្រែបម្រួលអាកាសធាតុ។ មជ្ឈមណ្ឌលផ្ទុកថាមពលថ្មីនៅ Wallonia ប្រទេសបែលហ្ស៊ិក អាចជាគន្លឹះសម្រាប់ដោះស្រាយវិបត្តិថាមពលបច្ចុប្បន្ន នេះបើតាម Michael Coudyser នាយកប្រតិបត្តិរបស់ក្រុមហ៊ុនថាមពលព្រះអាទិត្យ Corsica Sole។

រោងចក្ររបស់ Corsica Sole ត្រូវបានបំពាក់ថ្មប្រភេទលីចូមអ៊ីយ៉ុង (lithium-ion battery) ខ្នាតយក្សចំនួន 40 ដែលមានសមត្ថភាពផ្ទុកអគ្គិសនីបាន 100 MWh អនុញ្ញាតឱ្យផ្គត់ផ្គង់ថាមពលប្រកបដោយស្ថិរភាពនៅក្នុងបណ្ដាញអគ្គិសនីសាធារណៈ សូម្បីតែនៅពេលការផលិតអគ្គិសនីពីថាមពលខ្យល់ ឬព្រះអាទិត្យមានការប្រែប្រួល។ ថ្មមួយគ្រាប់ៗរបស់មជ្ឈមណ្ឌលខាងលើ មានតម្លៃរហូតដល់ 845,000 ដុល្លារអាម៉េរិក និងមានអាយុកាលប្រហែល 10 ឆ្នាំ ហើយបន្ទាប់មកអាចយកទៅកែច្នៃឡើងវិញផងដែរ។

មជ្ឈមណ្ឌលផ្ទុកថាមពលអគ្គិសនីរបស់ Corsica Sole នៅ ប្រទេសបែលហ្ស៊ិក

Raphael Lance ប្រធានមូលនិធិផ្លាស់ប្ដូរថាមពលនៅ Mirova និងជាដៃគូហិរញ្ញវត្ថុមួយរបស់គម្រោងខាងលើ សង្កត់ធ្ងន់ថា រដ្ឋាភិបាលនានាចង់វិនិយោគខ្លាំងណាស់ទៅលើមូលដ្ឋានផ្ទុកអគ្គិសនីទ្រង់ទ្រាយធំ ព្រោះថាវាទាក់ទងផ្ទាល់ទៅនឹងការរីកចម្រើនរបស់វិស័យថាមពលកកើតឡើងវិញ។

ក្រៅពីគម្រោងផ្ទុកអគ្គិសនីធំបំផុតប្រចាំ ទ្វីបអឺរ៉ុប នៅ បែលហ្ស៊ីក នេះ សហភាពអឺរ៉ុប បច្ចុប្បន្នថែមទាំងមានកម្មវិធីថ្មីមួយទៀតដែលមានឈ្មោះថា RepowerEU ដែលជួយដល់ប្រទេសជាសមាជិកបង្កើនភាពម្ចាស់ការលើថាមពល។ នេះគឺជាផែនការសន្សំសំច័យថាមពល ផលិតថាមពលស្អាត និងការធ្វើពិពិធកម្មប្រភពផ្គត់ផ្គង់ថាមពលរបស់ អឺរ៉ុប៕

December 5, 2022

តម្លៃប្រេងឆៅរបស់ពិភពលោកចាប់ផ្ដើមងើបឡើងវិញ ដោយសារ OPEC+ សហភាពអឺរ៉ុប និងចិន

តម្លៃប្រេងឆៅ WTI និង Brent នាព្រឹកនេះបានងើបឡើងវិញ 2.3% ដោយសារតែ OPEC+ រក្សាការផលិតដូចដើម ខណៈ សហភាពអឺរ៉ុប ហាមនាំចូលប្រេងរបស់ រុស្ស៊ី គ្រាដែល ចិន បន្ធូរបន្ថយវិធានការទប់ស្កាត់ជំងឺឆ្លង។

បច្ចុប្បន្ន ប្រេងឆៅ WTI មួយធុងមានតម្លៃ 81.3 ដុល្លារអាម៉េរិក។ កាលពីសប្ដាហ៍កន្លង ប្រេងឆៅនេះឡើងថ្លៃជិត 5% នៅពេល ទីក្រុងប៉េកាំង បន្ធូរបន្ថយគោលនយោបាយ Zero Covid ដែលនាំឱ្យមានការរំពឹងថា ប្រទេសនេះនឹងប្រើប្រាស់ប្រេងច្រើនជាងបច្ចុប្បន្ន។ ចំណែកប្រេង Brent ត្រូវបានជួញដូរក្នុងរង្វង់ 87 ដុល្លារអាម៉េរិក/ធុង។

កាលពីថ្ងៃទី 04 ធ្នូ អង្គការប្រទេសនាំចេញប្រេង និងដៃគូសហការ (OPEC+) បានសម្រេចចិត្តរក្សាការផលិតដូចសព្វថ្ងៃ ដើម្បីមានពេលសម្រាប់ការវាយតម្លៃទីផ្សារក្នុងកាលៈទេសៈដែលមានការប្រែប្រួលខ្លាំង។ ថ្ងៃនេះ បទបញ្ជាហាមនាំចូលប្រេងរបស់ រុស្ស៊ី តាមផ្លូវសមុទ្ររបស់ សហភាពអឺរ៉ុប ក៏ចាប់ផ្ដើមមានសុពលភាព។

មុននោះ សហភាពអឺរ៉ុប និងក្រុមប្រទេស G7 បានឯកភាពគ្នាកំណត់តម្លៃពិតាន 60 ដុល្លារអាម៉េរិក/ធុង ចំពោះប្រេងរបស់ រុស្ស៊ី ក្នុងបំណងដាក់ទណ្ឌផ្នែកកម្មហិរញ្ញវត្ថុលើ ទីក្រុងមូស្គូ ប៉ុន្តែ នៅតែរក្សាលំហូរប្រេងនៅលើពិភពលោក។

រុស្ស៊ី បានប្រកាសប្រឆាំងនឹងគោលនយោបាយខាងលើរបស់ សហភាពអឺរ៉ុប ហើយថានឹងកាត់បន្ថយការផលិតប្រេងបើសិនជាចាំបាច់៕

December 5, 2022

គម្រោងបង្កើតរោងចក្ររបស់ក្រុមហ៊ុន TEXTSTAR GARMENT នឹងបង្កើតការងារជាង 700 កន្លែងនៅ ភ្នំពេញ

គណៈកម្មាធិការវិនិយោគនៃក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី 02 ធ្នូ 2022 ប្រកាសថា បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុន TEXTSTAR GARMENT ដែលគ្រោងនឹងបង្កើតការងារជាង 780 កន្លងនៅ ភ្នំពេញ។

គ្រោងនឹងបង្កើតរោងចក្រកាត់ដេរសម្លៀកបំពាក់មួយដែលមានទីតាំងនៅផ្លូវចោមចៅ ភូមិដំណាក់ធំ 2 សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

ក្រុមហ៊ុន TEXTSTAR GARMENT គ្រោងនឹងបណ្ដាក់ទុនវិនិយោគ 5.1 លានដុល្លារអាម៉េរិក និងបង្កើតការងារបានចំនួន 787 កន្លែងនៅក្នុងរោងចក្រថ្មីនេះ។

December 5, 2022

កីឡាករអង់គ្លេស Sterling ចាកចេញពី World Cup ដោយសារតែចោរចូលផ្ទះ

(អង់គ្លេស)- ចោរប្រដាប់អាវុធលួចចូលផ្ទះ និងយកបានទ្រព្យសម្បត្តិមួយចំនួន នៅពេលភរិយា និងកូនរបស់ Raheem Sterling សុទ្ធតែនៅផ្ទះ។

ករណីចោរចូលផ្ទះរបស់ Sterling បានកើតឡើងកាលពីយប់ថ្ងៃទី 30 ធ្នូ នៅឯផ្ទះដែលមានចម្ងាយផ្លូវប្រហែល 15 នាទីពីក្លិប Chelsea។ បច្ចុប្បន្ន មិនទាន់ច្បាស់ថា អ្នកស្រី Paige Milian និងកូនៗរបស់ Sterling បានត្រូវប្រឈមមុខនឹងចោរប្រដាប់អាវុធនោះ ឬយ៉ាងណានៅឡើយ។ ទ្រព្យសម្បត្តិរបស់ Sterling ដែលត្រូវចោរលួចគឺ នាឡិកាដែលមានតម្លៃ 370,000 ដុល្លារអាម៉េរិក។

បន្ទាប់ពីបានទទួលដំណឹងខាងលើ Sterling ក៏ចាកចេញពី កាតា ជាទីដែលគាត់កំពុងចូលរួម World Cup 2022 ដើម្បីត្រលប់ទៅកាន់ អង់គ្លេស។ សម្ព័ន្ធបាល់ទាត់អង់គ្លេស ប្រកាសអំពីករណីនេះប្រហែល 90 នាទី មុនការប្រកួតជាមួយ សេណេហ្កាល់។

ក្រុមគ្រួសាររបស់កីឡាករជម្រើសជាតិអង់គ្លេស លោក Raheem Sterling

បច្ចុប្បន្ន មិនទាន់ដឹងនៅឡើយទេថា Sterling នឹងត្រលប់មកប្រកួតនៅ World Cup បន្តទៀត ឬអត់។ សារព័ត៌មាន Sun ឱ្យដឹងថា ខ្សែបម្រើរបស់ក្លិប Chelsea អាចនឹងវិលមកលេងនៅក្នុងវគ្គ 1/8 ពេលត្រូវប្រកួតជាមួយក្រុមជម្រើសជាតិបារាំង នៅថ្ងៃទី 10 ធ្នូខាងមុខ។

ផ្ទះរបស់កីឡាករអង់គ្លេស Raheem Sterling នៅក្នុងភូមិ Goostrey ក្នុងស្រុក Cheshire ភាគពាយព្យរបស់ប្រទេសអង់គ្លេស

កីឡាករ Sterling ធ្លាប់លេងបាន 81 ប្រកួត និងរកបាន 20 ជូនក្រុមជម្រើសជាតិអង់គ្លេស។ នៅក្នុងការប្រកួតលំដាប់ក្លិបជាមួយនឹងក្លិប កីឡាករវ័យ 27 ឆ្នាំរូបនេះ ទាត់ចូលទីបាន 159 គ្រាប់ នៅក្នុង 487 ប្រកួត៕

December 5, 2022

ក្លិបអ្នកកាសែតកម្ពុជា សម្រេចជ្រើសតាំងលោក ពុយ គា ជាប្រធានក្លិប

ក្លិបអ្នកកាសែតកម្ពុជា សម្រេចជ្រើសតាំងលោក ពុយ គា ជាប្រធានក្លិប នេះបើតាមប្រកាសរបស់ ក្លិបអ្នកកាសែតកម្ពុជា ធ្វើនៅថ្ងៃទី 05 ធ្នូ 2022។

ការសម្រេចខាងលើរបស់ ក្លិបអ្នកកាសែតកម្ពុជា ត្រូវបានធ្វើឡើងបន្ទាប់ពី លោក ប៉ែន បូណា ត្រូវបានរាជរដ្ឋាភិបាលតែងតាំងជា រដ្ឋលេខាធិការក្រសួងព័ត៌មាន និងបានសុំលាលែងពីប្រធានក្លិប។

ក្លិបអ្នកកាសែតកម្ពុជា បានបញ្ជាក់ថា នឹងរៀបចំសមាជដើម្បីបោះឆ្នោតជ្រើសរើសប្រធាន និងអគ្គលេខាធិការឱ្យបានសមស្របទៅតាមលក្ខន្តិកៈនាពេលខាងមុខ។

December 5, 2022

កីឡាករ Olivier Giroud បំបែកឯតទគ្គកម្មទាត់បញ្ចូលទីជូនប្រទេសបារាំង

(កាតា)- Olivier Giroud គឺជាកីឡាករដែលរកបានគ្រាប់បាល់ច្រើនជាងគេក្នុងប្រវត្តិសាស្ត្ររបស់ក្រុមជម្រើសជាតិបារាំង ក្រោយការស៊ុតបញ្ចូលទីរបស់ ប៉ូឡូញ រកបាន 1 គ្រាប់ដំបូងនៅវគ្គ 1/8 នៃ World Cup 2022។

ជាមួយនឹងការរកបាន 1 គ្រាប់នៅនាទីទី 44 កីឡាករ Giroud បានបំបែកឯតទគ្គកម្ម 51 គ្រាប់របស់ Thierry Henry ជូនប្រទេសបារាំង។ ក្នុង 52 គ្រាប់ដែលរកបានក្នុង 117 ប្រកួតរបស់ Giroud មាន 28 គ្រាប់រកបាននៅក្នុងការប្រកួតមិត្តភាព និង 24 គ្រាប់នៅការប្រកួតដណ្ដើមពានរង្វាន់ផ្លូវការ។

នៅក្នុងវ័យ 36 ឆ្នាំ 2 ខែ និង 4 ថ្ងៃ Giroud ក៏ជាកីឡាករវ័យចំណាស់ជាងគេដែលរកបាន 3 គ្រាប់ឡើងទៅនៅក្នុងមួយរដូវកាល World Cup។

Giroud បង្ហាញសញ្ញា (52) ដែលប្រាប់ថា ជាគ្រាប់បាល់ទី 52 របស់ខ្លួន

មុនការប្រកួតជាមួយក្រុមជម្រើសជាតិរបស់ ប៉ូឡូញ កីឡាករ Olivier Giroud របស់ បារាំង រកបាន 2 គ្រាប់នៅវគ្គចែកពូល ពេលប៉ះនឹងក្រុមរបស់ អូស្ត្រាលី៕

December 5, 2022

Category: សង្គម និងសេដ្ឋកិច្ច